ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦆꦚ꧀ꦗꦶꦭ꧀

꧋ꦭꦪꦁ​ꦠꦸꦫꦸꦤ꧀ꦤꦤ꧀꧈​

꧇​꧑꧇​ ¹꧋ꦲꦶꦏꦶ​ꦭꦪꦁ​ꦠꦸꦫꦸꦤ꧀ꦤꦤ꧀ꦤꦺ​ꦩ꧀ꦧꦃꦩ꧀ꦧꦲꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦑꦿꦶꦱ꧀ꦠꦸꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦑꦿꦶꦱ꧀ꦠꦸꦱ꧀ꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ꦭꦤ꧀ꦫꦠꦸ​ꦣꦮ꦳ꦼꦢ꧀ꦠꦸꦫꦸꦤ꧀ꦤꦤ꧀ꦤꦺ​ꦧꦥ​ꦄꦨꦿꦲꦩ꧀꧈​ ²꧋ꦧꦥ​ꦄꦨꦿꦲꦩ꧀ꦏꦸꦮꦶ​ꦧꦥꦏ꧀ꦏꦺꦆꦱꦏ꧀ ꦆꦱꦏ꧀ꦧꦥꦏ꧀ꦏꦺꦪꦏꦸꦧ꧀ ꦪꦏꦸꦧ꧀ꦧꦥꦏ꧀ꦏꦺꦪꦸꦢꦃꦱꦏ꧀ꦱꦼꦢꦸꦭꦸꦂꦫꦺ​꧉​ ³ꦪꦸꦢꦃꦧꦥꦏ꧀ꦏꦺꦥꦺꦫꦺꦱ꧀ꦭꦤ꧀ꦯꦺꦫꦏ꧀ ꦠꦩꦂ​ꦲꦶꦧꦸꦤꦺ​꧉​ꦥꦺꦫꦺꦱ꧀ꦧꦥꦏ꧀ꦏꦺꦑꦺꦱꦿꦺꦴꦩ꧀ꦭꦤ꧀ꦑꦺꦱꦿꦺꦴꦩ꧀ꦧꦥꦏ꧀ꦏꦺꦄꦫꦩ꧀꧈​ ⁴ꦄꦫꦩ꧀ꦧꦥꦏ꧀ꦏꦺꦄꦩꦶꦤꦢꦧ꧀ ꦄꦩꦶꦤꦢꦧ꧀ꦧꦥꦏ꧀ꦏꦺꦟꦏ꧀ꦱꦺꦴꦤ꧀ꦭꦤ꧀ꦟꦏ꧀ꦱꦺꦴꦤ꧀ꦧꦥꦏ꧀ꦏꦺꦱꦭ꧀ꦩꦺꦴꦤ꧀꧈​ ^5-6ꦱꦭ꧀ꦩꦺꦴꦤ꧀ꦧꦥꦏ꧀ꦏꦺꦧꦺꦴꦮꦱ꧀ ꦫꦲꦧ꧀ꦲꦶꦧꦸꦤꦺ​꧉​ꦧꦺꦴꦮꦱ꧀ꦧꦥꦏ꧀ꦏꦺꦎꦧꦺꦢ꧀ ꦫꦸꦠ꧀ꦲꦶꦧꦸꦤꦺ​꧉​ꦎꦧꦺꦢ꧀ꦧꦥꦏ꧀ꦏꦺꦆꦱꦲꦶ​ꦭꦤ꧀ꦆꦱꦲꦶ​ꦧꦥꦏ꧀ꦏꦺꦫꦠꦸ​ꦣꦮ꦳ꦼꦢ꧀꧈​ꦣꦮ꦳ꦼꦢ꧀ꦧꦥꦏ꧀ꦏꦺꦯꦺꦴꦭꦺꦩꦤ꧀ ꦲꦶꦧꦸꦤꦺ​ꦠꦶꦭꦱꦤ꧀ꦤꦺꦈꦫꦶꦪꦃ꧉​ ⁷ꦯꦺꦴꦭꦺꦩꦤ꧀ꦧꦥꦏ꧀ꦏꦺꦬꦼꦏꦺꦴꦧꦺꦪꦩ꧀ ꦬꦼꦏꦺꦴꦧꦺꦪꦩ꧀ꦧꦥꦏ꧀ꦏꦺꦄꦧꦶꦪ​꧈​ꦄꦧꦶꦪ​ꦧꦥꦏ꧀ꦏꦺꦄꦱ​꧉​ ⁸ꦄꦱ​ꦧꦥꦏ꧀ꦏꦺꦪꦺꦴꦱꦥ꦳ꦠ꧀ ꦪꦺꦴꦱꦥ꦳ꦠ꧀ꦧꦥꦏ꧀ꦏꦺꦪꦺꦴꦫꦩ꧀ ꦪꦺꦴꦫꦩ꧀ꦧꦥꦏ꧀ꦏꦺꦈꦱꦶꦪ꧉​ ⁹ꦈꦱꦶꦪꦧꦥꦏ꧀ꦏꦺꦪꦺꦴꦠꦩ꧀ ꦪꦺꦴꦠꦩ꧀ꦧꦥꦏ꧀ꦏꦺꦲꦏꦱ꧀​ꦭꦤ꧀ꦲꦏꦱ꧀​ꦧꦥꦏ꧀ꦏꦺꦲ꦳ꦶꦱ꧀ꦏꦶꦪ꧉​ ¹⁰ꦲ꦳ꦶꦱ꧀ꦏꦶꦪꦧꦥꦏ꧀ꦏꦺꦩꦤꦱꦺ꧈​ꦩꦤꦱꦺꦧꦥꦏ꧀ꦏꦺꦄꦩꦺꦴꦤ꧀ ꦄꦩꦺꦴꦤ꧀ꦧꦥꦏ꧀ꦏꦺꦪꦺꦴꦱꦶꦪ​꧉​ ¹¹ꦪꦺꦴꦱꦶꦪ​ꦧꦥꦏ꧀ꦏꦺꦪꦼꦏꦺꦴꦚꦱꦏ꧀ꦱꦼꦢꦸꦭꦸꦂꦫꦺ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦧꦁꦱ​ꦆꦱꦿꦌꦭ꧀ꦢꦶꦧꦺꦴꦪꦺꦴꦁ​ꦤꦁꦠꦤꦃ​ꦨꦧꦶꦭꦺꦴꦤ꧀꧈​ ¹²꧋ꦤꦁꦠꦤꦃ​ꦨꦧꦶꦭꦺꦴꦤ꧀ꦏꦺꦴꦤꦺꦴ​ꦭꦪꦁ​ꦠꦸꦫꦸꦤ꧀ꦤꦤ꧀ꦏꦸꦮꦶ​ꦠꦼꦫꦸꦱ꧀ꦱꦤ꧀ꦤꦺ​ꦔꦺꦤꦺ​:ꦪꦼꦏꦺꦴꦚꦧꦥꦏ꧀ꦏꦺꦱꦺꦪꦭ꧀ꦠꦶꦪꦺꦭ꧀ ꦱꦺꦪꦭ꧀ꦠꦶꦪꦺꦭ꧀ꦧꦥꦏ꧀ꦏꦺꦯꦺꦫꦸꦧꦧꦶꦭ꧀꧈​ ¹³ꦯꦺꦫꦸꦧꦧꦶꦭ꧀ꦧꦥꦏ꧀ꦏꦺꦄꦧꦶꦲꦸꦢ꧀ꦭꦤ꧀ꦄꦧꦶꦲꦸꦢ꧀ꦧꦥꦏ꧀ꦏꦺꦌꦭꦶꦄꦏꦶꦩ꧀꧈​ꦌꦭꦶꦄꦏꦶꦩ꧀ꦧꦥꦏ꧀ꦏꦺꦄꦱꦸꦂ꧉​ ¹⁴ꦄꦱꦸꦂꦧꦥꦏ꧀ꦏꦺꦯꦢꦺꦴꦏ꧀ ꦯꦢꦺꦴꦏ꧀ꦧꦥꦏ꧀ꦏꦺꦲꦏꦶꦩ꧀​ꦭꦤ꧀ꦲꦏꦶꦩ꧀​ꦧꦥꦏ꧀ꦏꦺꦌꦭꦶꦪꦸꦢ꧀꧈​ ¹⁵ꦌꦭꦶꦪꦸꦢ꧀ꦧꦥꦏ꧀ꦏꦺꦌꦭꦶꦄꦱꦂ꧈​ꦌꦭꦶꦄꦱꦂꦧꦥꦏ꧀ꦏꦺꦩꦠꦤ꧀ ꦩꦠꦤ꧀ꦧꦥꦏ꧀ꦏꦺꦪꦏꦸꦧ꧀꧈​ ¹⁶ꦪꦏꦸꦧ꧀ꦧꦥꦏ꧀ꦏꦺꦪꦺꦴꦱꦺꦥ꦳꧀ꦭꦤ꧀ꦪꦺꦴꦱꦺꦥ꦳꧀ꦏꦸꦮꦶ​ꦧꦺꦴꦗꦺꦴꦤꦺ​ꦩꦫꦶꦪ꧉​ꦩꦫꦶꦪꦏꦸꦮꦶ​ꦱꦶꦁ​ꦔ꧀ꦭꦲꦶꦂꦫꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦱꦶꦁ​ꦢꦶꦲꦫꦤ꧀ꦤꦶ​ꦑꦿꦶꦱ꧀ꦠꦸꦱ꧀꧈​ ¹⁷꧋ꦢꦢꦶ​ꦲꦺꦤꦺꦁꦠꦸꦫꦸꦤ꧀ꦤꦤ꧀ꦥꦠ꧀ꦧꦼꦭꦱ꧀ꦥꦶꦁ​ꦠꦼꦭꦸ​꧈​ꦪꦏꦸꦮꦶ​:ꦥꦠ꧀ꦧꦼꦭꦱ꧀ꦮꦶꦮꦶꦠ꧀ꦄꦨꦿꦲꦩ꧀ꦠꦼꦏꦤꦺ​ꦣꦮ꦳ꦼꦢ꧀ ꦥꦠ꧀ꦧꦼꦭꦱ꧀ꦮꦶꦮꦶꦠ꧀ꦣꦮ꦳ꦼꦢ꧀ꦠꦼꦏꦤꦺ​ꦧꦼꦧꦺꦴꦪꦺꦴꦁꦔꦤ꧀ꦤꦁꦠꦤꦃ​ꦨꦧꦶꦭꦺꦴꦤ꧀ꦭꦤ꧀ꦥꦠ꧀ꦧꦼꦭꦱ꧀ꦮꦶꦮꦶꦠ꧀ꦧꦼꦧꦺꦴꦪꦺꦴꦁꦔꦤ꧀ꦤꦁꦠꦤꦃ​ꦨꦧꦶꦭꦺꦴꦤ꧀ꦠꦼꦏꦤꦺ​ꦑꦿꦶꦱ꧀ꦠꦸꦱ꧀꧈​

꧋ꦭꦲꦶꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

¹⁸꧋ꦭꦲꦶꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦑꦿꦶꦱ꧀ꦠꦸꦱ꧀ꦏꦸꦮꦶ​ꦭꦏꦸꦤꦺꦔꦺꦤꦺ​:ꦩꦫꦶꦪ꧈​ꦲꦶꦧꦸꦤꦺ​꧈​ꦮꦶꦱ꧀ꦥꦕꦁꦔꦤ꧀ꦏꦫꦺꦴ​ꦪꦺꦴꦱꦺꦥ꦳꧀꧈​ꦤꦁꦔꦶꦁ​ꦱꦏ꧀ꦢꦸꦫꦸꦁꦔꦺꦏꦮꦶꦤ꧀ꦩꦫꦶꦪꦮꦶꦱ꧀ꦩꦼꦠꦼꦁ​ꦱꦁꦏꦫꦺꦴꦃ​ꦱꦸꦕꦶ​꧉​ ¹⁹ꦭꦃ​ꦗꦭꦂꦫꦤ꧀ꦪꦺꦴꦱꦺꦥ꦳꧀ꦏꦸꦮꦶ​ꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦸꦭꦤꦺ​ꦢꦺꦏ꧀ꦤꦺꦪ​ꦲꦺꦴꦫ​ꦒꦼꦊꦩ꧀​ꦔ꧀ꦒꦮꦺ​ꦮꦶꦫꦁꦔꦺ​ꦩꦫꦶꦪꦤꦁꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃ꧉​ꦪꦺꦴꦱꦺꦥ꦳꧀ꦗꦮꦤꦺꦲꦉꦥ꧀ꦩꦼꦤꦼꦁꦩꦼꦤꦼꦁꦔꦤ꧀ꦮꦲꦺ​ꦩꦼꦢꦺꦴꦠ꧀ꦥꦼꦥꦕꦁ​ꦔꦤ꧀ꦤꦺ​ꦏꦫꦺꦴ​ꦩꦫꦶꦪ꧉​ ²⁰ꦤꦁꦔꦶꦁ​ꦱꦏ꧀ꦧꦉꦁꦔꦺꦔ꧀ꦒꦒꦱ꧀​ꦔ꧀ꦒꦒꦱ꧀ꦧꦧ꧀ꦏꦸꦮꦶ​꧈​ꦢꦺꦏ꧀ꦤꦺꦲꦺꦤ꧀ꦠꦸꦏ꧀ꦲꦶꦩ꧀ꦥꦺꦤ꧀꧈​ꦲꦶꦁ​ꦱꦏ꧀ꦗꦼꦫꦺꦴꦤꦺꦲꦶꦩ꧀ꦥꦺꦤ꧀ꦏꦸꦮꦶ​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦔꦺꦠꦺꦴꦏ꧀ꦩꦫꦁ​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦪꦺꦴꦱꦺꦥ꦳꧀ ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦏꦺꦴꦮꦺ​ꦲꦗ​ꦮꦼꦢꦶ​ꦔꦼꦥꦺꦏ꧀ꦩꦫꦶꦪꦢꦢꦶ​ꦧꦺꦴꦗꦺꦴꦩꦸ​꧈​ꦲꦮꦶꦠ꧀ꦧꦪꦶ​ꦱꦶꦁ​ꦢꦶꦒꦺꦩ꧀ꦧꦺꦴꦭ꧀ꦏꦸꦮꦶ​ꦠꦼꦏꦤꦺ​ꦱꦁꦏꦫꦺꦴꦃ​ꦱꦸꦕꦶ​꧉​ ²¹ꦩꦫꦶꦪꦧꦏꦭ꧀​ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦗꦼꦤꦼꦁꦔꦏꦺꦪꦺꦯꦸꦱ꧀ ꦲꦮꦶꦠ꧀ꦢꦺꦏ꧀ꦤꦺꦧꦏꦭ꧀​ꦚ꧀ꦭꦩꦼꦠ꧀ꦠꦏꦺꦧꦁꦱꦤꦺ​ꦱꦁꦏꦢꦺꦴꦱꦤꦺ​꧉​” ^22-23꧋ꦏꦸꦮꦶ​ꦩꦲꦸ​ꦏꦧꦺꦃ​ꦩꦫꦏ꧀ꦏꦏꦺꦏ꧀ꦭꦏꦺꦴꦤ꧀ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦢꦺꦏ꧀​ꦩ꧀ꦧꦶꦪꦺꦤ꧀ꦭꦶꦮꦠ꧀ꦤꦧꦶ​ꦪꦺꦱꦪ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦲꦺꦤꦺꦁꦥꦿꦮꦤ꧀ꦧꦏꦭ꧀ꦩꦼꦠꦼꦁ​ꦭꦤ꧀​ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ​꧈​ꦱꦶꦁ​ꦧꦏꦭ꧀ꦢꦶꦗꦼꦤꦼꦁꦔꦏꦺꦆꦩꦤꦸꦌꦭ꧀ ꦠꦼꦒꦼꦱ꧀ꦱꦺ​:ꦒꦸꦱ꧀ꦠꦶ​ꦄꦭ꧀ꦭꦃ​ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ꧉​” ²⁴ꦏꦢꦸꦁ​ꦠꦔꦶ​꧈​ꦪꦺꦴꦱꦺꦥ꦳꧀ꦠꦼꦫꦸꦱ꧀ꦤꦸꦫꦸꦠ꧀ꦠꦶ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦩꦲꦸ​꧉​ꦢꦺꦏ꧀ꦤꦺꦠꦼꦫꦸꦱ꧀ꦏꦮꦶꦤ꧀ꦏꦫꦺꦴ​ꦩꦫꦶꦪ꧉​ ²⁵ꦤꦁꦔꦶꦁ​ꦪꦺꦴꦱꦺꦥ꦳꧀ꦲꦺꦴꦫ​ꦠꦸꦫꦸ​ꦕꦩ꧀ꦥꦸꦂ​ꦏꦫꦺꦴ​ꦩꦫꦶꦪꦔꦤ꧀ꦠꦶ​ꦭꦲꦶꦂꦫꦺ​ꦲꦤꦏ꧀ꦏꦺ​ꦭꦤꦁ​꧉​ꦏꦢꦸꦁ​ꦮꦶꦱ꧀ꦭꦲꦶꦂ​ꦧꦺꦴꦕꦃꦲꦺ​ꦢꦶꦗꦼꦤꦼꦁꦔꦏꦺꦪꦺꦯꦸꦱ꧀ꦏꦫꦺꦴ​ꦪꦺꦴꦱꦺꦥ꦳꧀꧈​

꧋ꦭꦶꦤ꧀ꦠꦁ​ꦱꦁꦏꦮꦺꦠꦤ꧀꧈​

꧇​꧒꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦲꦶꦂꦫꦺ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲ꦳ꦺꦫꦺꦴꦢꦺꦱ꧀ꦱꦶꦁ​ꦢꦢꦶ​ꦫꦠꦸꦤꦺ​ꦏꦺꦴꦤꦺꦴ​꧉​ꦲꦺꦴꦫ​ꦊꦠ꧀ꦱꦸꦮꦶꦲꦺꦤꦺꦁꦮꦺꦴꦁ​ꦥꦶꦤ꧀ꦠꦼꦂ​ꦱꦶꦗꦶꦭꦺꦴꦫꦺꦴꦱꦁꦏꦧꦮꦃꦮꦺꦠꦤ꧀ꦤꦤ꧀ꦠꦼꦏ​ꦤꦁꦏꦸꦠꦪꦺꦫꦸꦱꦭꦺꦩ꧀꧈​ ²ꦮꦺꦴꦁꦮꦺꦴꦁ​ꦲꦶꦏꦸ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀:“ꦤꦁꦲꦼꦤ꧀ꦢꦶ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦤꦼꦩꦸ​ꦫꦠꦸꦤꦺ​ꦧꦁꦱ​ꦙꦸꦱꦶꦁ​ꦲꦼꦤ꧀ꦠꦱ꧀ꦭꦲꦶꦂ​?ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦭꦶꦤ꧀ꦠꦁꦔꦺ​ꦤꦁꦮꦺꦠꦤ꧀ꦭꦤ꧀ꦲꦮꦏ꧀ꦏꦺ​ꦢꦺꦮꦺꦠꦼꦏ​ꦩ꧀ꦧꦿꦺꦤꦺꦲꦉꦥ꧀ꦚꦼꦩ꧀ꦧꦃ​ꦩꦫꦁ​ꦢꦺꦏ꧀ꦤꦺ꧉​” ³꧋ꦏꦢꦸꦁ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦏꦿꦸꦔꦸ​ꦧꦧ꧀ꦲꦶꦏꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦏꦒꦺꦠ꧀ꦧꦔꦼꦠ꧀ ꦱꦼꦩꦺꦴꦤꦺꦴ​ꦲꦸꦒ​ꦮꦺꦴꦁ​ꦱꦏ꧀ꦏꦸꦠꦪꦺꦫꦸꦱꦭꦺꦩ꧀꧈​ ⁴ꦫꦠꦸ​ꦲ꦳ꦺꦫꦺꦴꦢꦺꦱ꧀ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦚꦼꦭꦸꦏ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦏꦧꦺꦃ​ꦠꦼꦫꦸꦱ꧀ꦢꦶꦠꦏꦺꦴꦤ꧀ꦤꦶ​꧈​ꦤꦁꦲꦼꦤ꧀ꦢꦶ​ꦧꦏꦭ꧀ꦭꦺ​ꦭꦲꦶꦂꦫꦺ​ꦑꦿꦶꦱ꧀ꦠꦸꦱ꧀꧈​ ^5-6꧋ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦱꦼꦩꦲꦸꦂ​:“ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧈​ꦲꦮꦶꦠ꧀ꦮꦶꦱ꧀ꦢꦶꦠꦸꦭꦶꦱ꧀ꦏꦫꦺꦴ​ꦤꦧꦶ​ꦩꦶꦏꦔꦺꦤꦺ​:

‘ꦏꦺꦴꦮꦺ​ꦧꦺꦠ꧀ꦭꦺꦲꦺꦩ꧀ꦤꦁꦠꦤꦃ​ꦪꦸꦢꦃ꧈​
ꦏꦺꦴꦮꦺ​ꦲꦺꦴꦫ​ꦥꦶꦱꦤ꧀ꦥꦶꦱꦤ꧀ꦏꦸꦠꦱꦶꦁ​
ꦕꦶꦭꦶꦏ꧀ꦢꦺꦮꦺꦤꦁꦠꦤꦃ​ꦪꦸꦢꦃ꧈​
ꦲꦮꦶꦠ꧀ꦱꦁꦏꦏꦺꦴꦮꦺ​ꦧꦏꦭ꧀ꦩꦼꦠꦸ​
ꦥꦔꦺꦴꦤ꧀ꦱꦶꦁ​ꦧꦏꦭ꧀ꦤꦸꦤ꧀ꦠꦸꦤ꧀ꦲꦸꦩꦠ꧀ꦏꦸ​ꦆꦱꦿꦌꦭ꧀꧈​’”

⁷꧋ꦱꦏ꧀ꦮꦶꦱ꧀ꦱꦺ​ꦲꦺꦤ꧀ꦠꦸꦏ꧀ꦏꦠꦼꦫꦁꦔꦤ꧀ꦏꦸꦮꦶ​꧈​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦚꦼꦭꦸꦏ꧀ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦱꦁꦏꦮꦺꦠꦤ꧀ꦤꦤ꧀ꦩꦲꦸ​꧈​ꦤꦁꦔꦶꦁ​ꦠꦤ꧀ꦥ​ꦮꦺꦴꦁ​ꦲꦺꦴꦏꦺꦃꦔꦼꦂꦠꦶ​꧉​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦏꦸꦮꦶ​ꦠꦼꦫꦸꦱ꧀ꦢꦶꦠꦏꦺꦴꦤ꧀ꦤꦶ​ꦲꦺꦴꦏꦺꦃꦲꦺꦴꦏꦺꦃ꧈​ꦏꦥꦤ꧀ꦭꦶꦤ꧀ꦠꦁꦔꦺ​ꦩꦺꦴꦭꦃꦲꦶꦏꦺꦠꦺꦴꦏ꧀꧈​ ⁸ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦩꦲꦸ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦤꦁꦏꦸꦠꦧꦺꦠ꧀ꦭꦺꦲꦺꦩ꧀꧈​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦏꦤ​ꦥꦢ​ꦧꦸꦢꦭ꧀ꦭꦤ꧀ꦥꦢ​ꦔ꧀ꦒꦺꦴꦭꦺꦏ꧀ꦱꦏ꧀ꦲꦺꦤꦺꦁꦔꦺꦏꦧꦂ​ꦧꦧ꧀ꦧꦪꦶ​ꦏꦸꦮꦶ​꧉​ꦤꦺꦏ꧀ꦮꦶꦱ꧀ꦏꦼꦠꦼꦩꦸ​꧈​ꦲꦏꦸ​ꦢꦶꦲꦺꦴꦩꦺꦴꦁꦔꦶ꧈​ꦱꦸꦥꦪ​ꦲꦏꦸ​ꦲꦸꦒ​ꦧꦶꦱ​ꦚꦼꦩ꧀ꦧꦃ​ꦩꦫꦁ​ꦢꦺꦏ꧀ꦤꦺ꧉​” ⁹꧋ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦩꦲꦸ​ꦠꦼꦫꦸꦱ꧀ꦥꦢ​ꦧꦸꦢꦭ꧀ ꦱꦏ꧀ꦮꦶꦱ꧀ꦱꦺ​ꦤꦩ꧀ꦥ​ꦠꦼꦩ꧀ꦧꦸꦁꦔꦺ​ꦫꦠꦸꦤꦺ​꧉​ꦱꦏ꧀ꦧꦉꦁꦔꦺꦥꦢ​ꦩ꧀ꦭꦏꦸ​꧈​ꦭꦶꦤ꧀ꦠꦁ​ꦱꦶꦁ​ꦏꦺꦠꦺꦴꦏ꧀ꦤꦁꦮꦺꦠꦤ꧀ꦔꦺꦠꦺꦴꦏ꧀ꦤꦁꦔꦉꦥ꧀ꦥꦺ​ꦭꦤ꧀​ꦩ꧀ꦭꦏꦸ​ꦠꦼꦏꦤ꧀​ꦤ꧀ꦢꦸꦮꦸꦂꦫꦺꦥꦁꦒꦺꦴꦤ꧀ꦤꦤ꧀ꦤꦺ​ꦧꦺꦴꦕꦃ​ꦧꦪꦶꦤꦺ​꧉​ꦠꦼꦏꦤ꧀ꦏꦺꦴꦤꦺꦴ​ꦭꦶꦤ꧀ꦠꦁꦔꦺ​ꦠꦼꦫꦸꦱ꧀ꦩꦤ꧀ꦢꦼꦏ꧀꧈​ ¹⁰ꦮꦼꦫꦸꦃ​ꦭꦶꦤ꧀ꦠꦁꦔꦺ​ꦩꦲꦸ​꧈​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦏꦸꦮꦶ​ꦠꦼꦫꦸꦱ꧀ꦥꦢ​ꦧꦸꦔꦃ​ꦧꦔꦼꦠ꧀꧈​ ¹¹ꦠꦼꦫꦸꦱ꧀ꦥꦢ​ꦩ꧀ꦊꦧꦸ​ꦲꦺꦴꦩꦃꦲꦺ​ꦭꦤ꧀ꦮꦼꦫꦸꦃ​ꦧꦪꦶꦤꦺ​ꦭꦤ꧀ꦩꦫꦶꦪ꧈​ꦲꦶꦧꦸꦤꦺ​꧉​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦩꦲꦸ​ꦠꦼꦫꦸꦱ꧀ꦥꦢ​ꦱꦸꦗꦸꦠ꧀ꦭꦤ꧀ꦚꦼꦩ꧀ꦧꦃ​ꦩꦫꦁ​ꦧꦪꦶꦤꦺ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦥꦢ​ꦲꦩ꧀ꦧꦸꦏꦏ꧀ꦥꦭꦶꦱ꧀ꦱꦺꦮꦢꦃꦏꦱꦸꦒꦶꦃꦲꦤ꧀ꦤꦺ​ꦠꦼꦫꦸꦱ꧀ꦔꦼꦏꦺꦏ꧀ꦏꦶꦏꦢꦺꦴꦩꦫꦁ​ꦧꦪꦶꦤꦺ​꧈​ꦪꦏꦸꦮꦶ​ꦲꦼꦩꦱ꧀ ꦩꦼꦚꦤ꧀ꦭꦤ꧀ꦲꦼꦩꦸꦂ꧉​ ¹²꧋ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦩꦲꦸ​ꦩꦸꦭꦶꦃꦲꦺ​ꦲꦺꦴꦫ​ꦩ꧀ꦭꦏꦸ​ꦢꦭꦤ꧀ꦱꦶꦁ​ꦢꦶꦭꦶꦮꦠ꧀ꦠꦶ​ꦩꦲꦸꦤꦺ​꧉​ꦲꦮꦶꦠ꧀ꦲꦶꦁ​ꦲꦶꦩ꧀ꦥꦺꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦏꦸꦮꦶ​꧈​ꦢꦶꦥꦼꦔꦶꦁ​ꦧꦭꦶꦏ꧀ꦤꦁꦔ꧀ꦒꦺꦴꦤ꧀ꦤꦺꦫꦠꦸ​ꦲ꦳ꦺꦫꦺꦴꦢꦺꦱ꧀꧈​

꧋ꦭꦸꦔ​ꦤꦁꦤꦼꦒꦫ​ꦌꦒꦶꦥ꧀ꦠꦼ꧉​

¹³꧋ꦱꦏ꧀ꦮꦶꦱ꧀ꦱꦺ​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦩꦲꦸ​ꦥꦢ​ꦩꦸꦭꦶꦃ​꧈​ꦠꦼꦫꦸꦱ꧀ꦲꦺꦤꦺꦁꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦠꦺꦴꦏ꧀ꦩꦫꦁ​ꦪꦺꦴꦱꦺꦥ꦳꧀ꦲꦶꦁ​ꦱꦏ꧀ꦗꦼꦫꦺꦴꦤꦺꦲꦶꦩ꧀ꦥꦺꦤ꧀꧈​ꦩꦸꦭꦺꦏꦠ꧀ꦠꦺꦩꦲꦸ​ꦔꦺꦴꦩꦺꦴꦁꦔꦺꦤꦺ​:“ꦪꦺꦴꦱꦺꦥ꦳꧀ ꦠꦔꦶ​!ꦧꦪꦶꦤꦺ​ꦭꦤ꧀ꦲꦶꦧꦸꦤꦺ​ꦒꦮꦤꦼꦤ꧀ꦭꦸꦔ​ꦤꦁꦤꦼꦒꦫ​ꦌꦒꦶꦥ꧀ꦠꦼ꧉​ꦥꦢ​ꦩꦁꦒꦺꦴꦤ​ꦤꦁꦏꦤ​ꦠꦼꦏꦤꦺ​ꦲꦏꦸ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦩꦼꦤꦺꦃ​꧉​ꦲꦮꦶꦠ꧀ꦫꦠꦸ​ꦲ꦳ꦺꦫꦺꦴꦢꦺꦱ꧀ꦧꦏꦭ꧀​ꦔ꧀ꦒꦺꦴꦭꦺꦏ꧀ꦏꦶ​ꦧꦪꦶꦤꦺ​ꦲꦉꦥ꧀ꦢꦶꦥꦠꦺꦤ꧀ꦤꦶ​꧉​” ¹⁴꧋ꦲꦶꦁ​ꦠꦼꦔꦃ​ꦮꦼꦔꦶ​ꦪꦺꦴꦱꦺꦥ꦳꧀ꦠꦔꦶ​꧈​ꦠꦼꦫꦸꦱ꧀ꦧꦪꦶꦤꦺ​ꦭꦤ꧀ꦲꦶꦧꦸꦤꦺ​ꦢꦶꦒꦮ​ꦭꦸꦔ​ꦤꦁꦤꦼꦒꦫ​ꦌꦒꦶꦥ꧀ꦠꦼ꧉​ ¹⁵ꦪꦺꦴꦱꦺꦥ꦳꧀ꦠꦼꦫꦸꦱ꧀ꦩꦁꦒꦺꦴꦤ꧀ꦤꦁꦏꦺꦴꦤꦺꦴ​ꦠꦼꦏꦤ꧀ꦥꦠꦶꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ꦢꦢꦶꦤꦺ​ꦏ꧀ꦭꦏꦺꦴꦤ꧀ꦠꦼꦤꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦏ꧀​ꦩ꧀ꦧꦶꦪꦺꦤ꧀ꦭꦶꦮꦠ꧀ꦤꦧꦶ​ꦲ꦳ꦺꦴꦱꦺꦪ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦲꦏꦸ​ꦚꦼꦭꦸꦏ꧀ꦲꦤꦏ꧀ꦏꦸ​ꦱꦁꦏꦌꦒꦶꦥ꧀ꦠꦼ꧉​”

꧋ꦧꦺꦴꦕꦃꦧꦺꦴꦕꦃ​ꦢꦶꦥꦠꦺꦤ꧀ꦤꦶ​꧉​

¹⁶꧋ꦫꦠꦸ​ꦲ꦳ꦺꦫꦺꦴꦢꦺꦱ꧀ꦔꦼꦂꦠꦶ​ꦤꦺꦏ꧀ꦢꦶꦲꦥꦸꦱ꧀ꦱꦶ​ꦏꦫꦺꦴ​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​ꦱꦁꦏꦮꦺꦠꦤ꧀ꦤꦤ꧀ ꦩꦸꦭꦤꦺ​ꦠꦼꦫꦸꦱ꧀ꦤꦼꦱꦸ​ꦧꦔꦼꦠ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦩꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦩꦠꦺꦤ꧀ꦤꦶ​ꦧꦺꦴꦕꦃ​ꦏꦧꦺꦃ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦭꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​꧈​ꦱꦶꦁ​ꦲꦸꦩꦸꦂꦫꦺ​ꦫꦺꦴꦁ​ꦠꦲꦸꦤ꧀ꦩꦼꦢꦸꦤ꧀꧈​ꦲꦸꦩꦸꦂ​ꦏꦸꦮꦶ​ꦕꦺꦴꦕꦺꦴꦏ꧀​ꦏꦫꦺꦴ​ꦮꦏ꧀ꦠꦸꦩꦸꦢꦺꦴꦁꦔꦺ ꦫꦠꦸ​ꦲ꦳ꦺꦫꦺꦴꦢꦺꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​ꦥꦶꦤ꧀ꦠꦼꦂ​꧉​ ¹⁷꧋ꦢꦢꦶꦤꦺ​ꦏ꧀ꦭꦏꦺꦴꦤ꧀ꦠꦼꦤꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦶꦮꦠ꧀ꦤꦧꦶ​ꦪꦺꦉꦩꦶꦪ꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

¹⁸“ꦮꦺꦴꦁꦮꦺꦴꦁ​ꦥꦢ​ꦏꦿꦸꦔꦸ​
ꦱ꧀ꦮꦫ​ꦱꦼꦱꦩ꧀ꦧꦠ꧀
ꦭꦤ꧀ꦠꦔꦶꦱ꧀ꦱꦤ꧀ꦱꦼꦫꦸ​
ꦤꦁꦏꦸꦠꦬꦩꦃ;ꦲꦮꦶꦠ꧀ꦬꦏꦺꦭ꧀ꦤꦔꦶꦱ꧀ꦱꦶ​ꦲꦤꦏ꧀ꦲꦤꦏ꧀ꦏꦺ​;ꦲꦺꦴꦫ​ꦒꦼꦊꦩ꧀ꦢꦶꦭꦶꦥꦸꦂ​꧈​
ꦲꦮꦶꦠ꧀ꦲꦤꦏ꧀ꦲꦤꦏ꧀ꦏꦺ​ꦮꦶꦱ꧀ꦥꦢ​ꦩꦠꦶ​꧉​”

꧋ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦩꦁꦒꦺꦴꦤ꧀ꦤꦁꦏꦸꦠꦟꦱꦫꦺꦠ꧀꧈​

¹⁹꧋ꦱꦏ꧀ꦮꦶꦱ꧀ꦱꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦩꦠꦶ​꧈​ꦪꦺꦴꦱꦺꦥ꦳꧀ ꦱꦶꦁ​ꦲꦶꦗꦶꦏ꧀ꦩꦁꦒꦺꦴꦤ꧀ꦤꦁꦤꦼꦒꦫ​ꦌꦒꦶꦥ꧀ꦠꦼ꧈​ꦠꦼꦫꦸꦱ꧀ꦲꦺꦤ꧀ꦠꦸꦏ꧀ꦲꦶꦩ꧀ꦥꦺꦤ꧀ꦩꦼꦤꦺꦃ​꧉​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦔꦺꦠꦺꦴꦏ꧀ꦲꦶꦁ​ꦲꦶꦩ꧀ꦥꦺꦤ꧀ꦏꦸꦮꦶ​꧈​ꦔꦺꦴꦩꦺꦴꦁꦔꦺꦤꦺ​: ²⁰“ꦪꦺꦴꦱꦺꦥ꦳꧀ ꦏꦤ​ꦏꦺꦴꦮꦺ​ꦧꦭꦶꦏ꧀ꦩꦼꦤꦺꦃ​ꦤꦁꦆꦱꦿꦌꦭ꧀ꦏꦫꦺꦴ​ꦧꦪꦶꦤꦺ​ꦭꦤ꧀ꦲꦶꦧꦸꦤꦺ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦱꦶꦁ​ꦲꦉꦥ꧀ꦩꦠꦺꦤ꧀ꦤꦶ​ꦧꦪꦶꦤꦺ​ꦮꦶꦱ꧀ꦥꦢ​ꦩꦠꦶ​꧉​” ²¹ꦪꦺꦴꦱꦺꦥ꦳꧀ꦠꦼꦫꦸꦱ꧀ꦠꦔꦶ​꧈​ꦠꦼꦫꦸꦱ꧀ꦧꦪꦶꦤꦺ​ꦭꦤ꧀ꦲꦶꦧꦸꦤꦺ​ꦢꦶꦒꦮ​ꦧꦭꦶꦏ꧀ꦩꦼꦤꦺꦃ​ꦤꦁꦤꦼꦒꦫ​ꦆꦱꦿꦌꦭ꧀꧈​ ²²꧋ꦤꦁꦔꦶꦁ​ꦏꦢꦸꦁ​ꦪꦺꦴꦱꦺꦥ꦳꧀ꦏꦿꦸꦔꦸ​ꦤꦺꦏ꧀ꦄꦂꦏꦺꦭꦲꦸꦱ꧀ꦱꦶꦁ​ꦔ꧀ꦒꦤ꧀ꦠꦶ​ꦲ꦳ꦺꦫꦺꦴꦢꦺꦱ꧀ ꦧꦥꦏ꧀ꦏꦺ꧈​ꦢꦢꦶ​ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧈​ꦢꦺꦏ꧀ꦤꦺꦠꦼꦫꦸꦱ꧀ꦲꦺꦴꦫ​ꦒꦼꦊꦩ꧀ꦩꦁꦒꦺꦴꦤ꧀ꦤꦁꦏꦤ​꧉​ꦲꦶꦁ​ꦲꦶꦩ꧀ꦥꦺꦤ꧀ꦭꦶꦪꦤꦺ​ꦪꦺꦴꦱꦺꦥ꦳꧀ꦤꦩ꧀ꦥ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​꧈​ꦏꦺꦴꦁꦏꦺꦴꦤ꧀ꦭꦸꦔ​ꦤꦁꦧꦮꦃꦓꦭꦶꦭꦺꦪ​꧉​ ²³ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦫꦤꦭꦤ꧀ꦩꦁꦒꦺꦴꦤ꧀ꦤꦁꦱꦏ꧀ꦮꦶꦗꦶꦤꦺꦏꦸꦠꦱꦶꦁ​ꦗꦼꦤꦼꦁꦔꦺ​ꦟꦱꦫꦺꦠ꧀꧈​ꦢꦢꦶꦤꦺ​ꦏ꧀ꦭꦏꦺꦴꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦶꦮꦠ꧀ꦥꦫ​ꦤꦧꦶ​꧈​ꦱꦶꦁ​ꦔꦺꦴꦩꦺꦴꦁꦔꦏꦺꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦧꦏꦭ꧀ꦢꦶꦲꦫꦤ꧀ꦤꦶ​“ꦮꦺꦴꦁ​ꦟꦱꦫꦺꦠ꧀꧈​”

꧋ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

꧇​꧓꧇​ ¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦩꦺꦴꦭꦃꦲꦶꦔ꧀ꦒꦼꦭꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦮꦸꦱ꧀ꦠꦺꦤ꧀ꦤꦁꦧꦮꦃꦪꦸꦢꦺꦪ​꧉​ ²ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦥꦢ​ꦤꦶꦁꦒꦭ꧀ꦭ​ꦲꦸꦫꦶꦥ꧀ꦱꦶꦁ​ꦢꦺꦴꦱ​꧈​ꦲꦮꦶꦠ꧀ꦲꦺꦴꦫ​ꦱꦸꦮꦶꦩꦼꦤꦺꦃ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦢꦼꦏ꧀ꦏꦏꦺꦏꦿꦠꦺꦴꦤꦺ​꧉​” ³ꦪ​ꦧꦧ꧀ꦪꦺꦴꦲꦤꦼꦱ꧀ꦲꦶꦏꦶ​ꦤꦧꦶ​ꦪꦺꦱꦪ​ꦢꦺꦏ꧀​ꦩ꧀ꦧꦶꦪꦺꦤ꧀ꦔꦺꦴꦩꦺꦴꦁꦔꦺꦤꦺ​:

“ꦤꦁꦮꦸꦱ꧀ꦠꦺꦤ꧀ꦲꦺꦤꦺꦁꦮꦺꦴꦁ​
ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:
‘ꦒꦸꦱ꧀ꦠꦶ​ꦥꦢ​ꦢꦶꦒꦮꦺꦏ꧀ꦏꦏꦺꦢꦭꦤ꧀
ꦥꦢ​ꦢꦶꦊꦩ꧀ꦥꦼꦁꦔꦏꦺꦢꦭꦤ꧀
ꦱꦶꦁ​ꦲꦉꦥ꧀ꦢꦶꦲꦩ꧀ꦧꦃꦲꦶ꧉​’”

⁴꧋ꦪꦺꦴꦲꦤꦼꦱ꧀ꦔꦁꦒꦺꦴ​ꦱꦭꦶꦤ꧀ꦒꦮꦺꦪꦤ꧀ꦮꦸꦭꦸ​ꦲꦸꦤ꧀ꦠ​ꦭꦤ꧀ꦱꦧꦸꦏ꧀ꦏꦺ​ꦭꦸꦭꦁ​꧉​ꦥꦔꦤ꧀ꦏꦸ​ꦮꦭꦁ​ꦭꦤ꧀ꦩꦢꦸꦤꦺ​ꦠꦮꦺꦴꦤ꧀ꦲꦭꦱ꧀ꦱꦤ꧀꧈​ ⁵ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦪꦺꦫꦸꦱꦭꦺꦩ꧀ ꦱꦁꦏꦧꦮꦃꦪꦸꦢꦺꦪ​ꦭꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦭꦫꦪꦺꦴꦂꦢꦤ꧀ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀꧈​ ⁶ꦮꦺꦴꦁꦮꦺꦴꦁ​ꦥꦢ​ꦔꦏꦺꦴꦤ꧀ꦤꦶ​ꦢꦺꦴꦱꦢꦺꦴꦱꦤꦺ​ꦭꦤ꧀ꦥꦢ​ꦢꦶꦧꦥ꧀ꦠꦶꦱ꧀ꦤꦁꦭꦫꦪꦺꦴꦂꦢꦤ꧀꧈​ ⁷꧋ꦲꦸꦒ​ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​ꦲꦺꦴꦏꦺꦃꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀꧈​ꦪꦺꦴꦲꦤꦼꦱ꧀ꦮꦼꦫꦸꦃ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦤꦏ꧀ꦏꦤ꧀ꦲꦸꦭ​!ꦱꦥ​ꦠ​ꦱꦶꦁ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦤꦺꦏ꧀ꦧꦶꦱ​ꦚꦶꦩ꧀ꦥꦁꦔꦶꦱꦼꦠꦿꦥꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦧꦏꦭ꧀ꦠꦼꦏ​? ⁸ꦏꦺꦠꦺꦴꦏ꧀ꦤ​ꦔꦁꦒꦺꦴ​ꦠꦶꦤ꧀ꦢꦏ꧀ꦩꦸ​ꦤꦺꦏ꧀ꦠꦼꦤꦤ꧀ꦏꦺꦴꦮꦺ​ꦮꦶꦱ꧀ꦤꦶꦁꦒꦭ꧀​ꦏ꧀ꦭꦏꦸꦮꦤ꧀ꦩꦸꦱꦶꦁ​ꦢꦺꦴꦱ​ꦏꦸꦮꦶ​! ⁹ꦲꦗ​ꦩꦶꦏꦶꦂ​ꦢꦸꦩꦺꦃꦏꦺꦴꦮꦺ​ꦲꦤꦏ꧀ꦠꦸꦫꦸꦤ꧀ꦤꦤ꧀ꦤꦺ​ꦧꦥ​ꦄꦨꦿꦲꦩ꧀ꦮꦲꦺ​꧈​ꦏꦸꦮꦶ​ꦮꦶꦱ꧀ꦕꦸꦏꦸꦥ꧀꧈​ꦔꦤ꧀ꦢꦼꦭ꧀ꦭ​ꦲꦺꦴꦩꦺꦴꦁꦏꦸꦲꦶꦏꦶ​:ꦒꦸꦱ꧀ꦠꦶ​ꦄꦭ꧀ꦭꦃ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦼꦏꦺꦏ꧀ꦏꦶꦲꦤꦏ꧀ꦠꦸꦫꦸꦤ꧀ꦤꦤ꧀ꦩꦫꦁ​ꦧꦥ​ꦄꦨꦿꦲꦩ꧀ꦱꦁꦏꦮꦠꦸꦮꦠꦸ​ꦲꦶꦏꦶ​꧉​ ¹⁰ꦢꦼꦭꦺꦴꦏ꧀ꦏꦼꦤ꧀ ꦏꦩ꧀ꦥꦏ꧀ꦏꦺꦮꦶꦱ꧀ꦢꦶꦕꦼꦥꦏ꧀ꦏꦏꦺ​ꦏꦁꦒꦺꦴ​ꦤꦼꦒꦺꦴꦂ​ꦮꦶꦠ꧀ꦠꦺ​ꦤꦁꦥꦺꦴꦏ꧀ꦏꦺꦲꦺꦴꦪꦺꦴꦠ꧀ꦠꦺ꧉​ꦱꦧꦼꦤ꧀ꦮꦶꦠ꧀ꦱꦶꦁ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀ꦧꦏꦭ꧀ꦢꦶꦠꦼꦒꦺꦴꦂ​ꦭꦤ꧀ꦢꦶꦧꦸꦮꦁ​ꦤꦁꦒꦼꦤꦶ​꧉​ ¹¹ꦲꦏꦸ​ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦏꦫꦺꦴ​ꦧꦚꦸ​ꦏꦁꦒꦺꦴ​ꦠꦤ꧀ꦢꦤꦺꦏ꧀ꦏꦺꦴꦮꦺ​ꦮꦶꦱ꧀ꦤꦶꦁꦒꦭ꧀ꦲꦸꦫꦶꦥ꧀ꦢꦺꦴꦱ​꧈​ꦤꦁꦔꦶꦁ​ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦧꦏꦭ꧀ꦠꦼꦏ​꧉​ꦢꦺꦏ꧀ꦤꦺꦏ꧀ꦮꦱꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦲꦏꦸ​꧉​ꦏꦁꦒꦺꦴ​ꦔꦸꦕꦸꦭ꧀ꦭꦶ​ꦱꦼꦥꦠꦸꦤꦺꦮꦲꦺ​ꦲꦏꦸ​ꦢꦸꦫꦸꦁ​ꦥꦤ꧀ꦠꦼꦱ꧀꧈​ꦢꦺꦏ꧀ꦤꦺꦱꦶꦁ​ꦧꦏꦭ꧀ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦏꦫꦺꦴ​ꦫꦺꦴꦃ​ꦱꦸꦕꦶ​ꦭꦤ꧀ꦒꦼꦤꦶ​꧉​ ¹²ꦢꦺꦏ꧀ꦤꦺꦧꦏꦭ꧀ꦤꦥꦺꦤ꧀ꦤꦶ​ꦥꦫꦶꦤꦺ​ꦱꦶꦁ​ꦮꦶꦱ꧀ꦢꦶꦲꦶꦊꦱ꧀꧈​ꦒꦧꦃꦲꦺ​ꦧꦏꦭ꧀ꦢꦶꦊꦧꦺꦴꦏ꧀ꦏꦏꦺꦤꦁꦭꦸꦩ꧀ꦧꦸꦁ​꧈​ꦤꦁꦔꦶꦁ​ꦏꦥꦃꦲꦺꦧꦏꦭ꧀ꦢꦶꦲꦺꦴꦧꦺꦴꦁ​ꦤꦁꦒꦼꦤꦶ​ꦱꦶꦁ​ꦲꦺꦴꦫ​ꦧꦶꦱ​ꦩꦠꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦧꦥ꧀ꦠꦶꦱ꧀꧈​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦧꦮꦃꦓꦭꦶꦭꦺꦪ​꧈​ꦧꦸꦢꦭ꧀ꦤꦁꦭꦫꦪꦺꦴꦂꦢꦤ꧀ ꦱꦸꦥꦪ​ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​ ¹⁴ꦤꦁꦔꦶꦁ​ꦪꦺꦴꦲꦤꦼꦱ꧀ꦲꦉꦥ꧀ꦩꦼꦁꦒꦏ꧀ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦏꦸ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦧꦥ꧀ꦠꦶꦱ꧀ ꦭꦃ​ꦏꦺꦴꦏ꧀ꦩꦭꦃ​ꦏꦺꦴꦮꦺ​ꦱꦶꦁ​ꦚ꧀ꦗꦭꦸꦏ꧀ꦠꦏ꧀ꦧꦥ꧀ꦠꦶꦱ꧀?” ¹⁵꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦶꦱ꧀ꦧꦺꦤ꧀ꦠ​꧈​ꦲꦮꦶꦠ꧀ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ ꦲꦥ​ꦮꦲꦺ​ꦱꦶꦁ​ꦢꦶꦏꦉꦥ꧀ꦥꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉”ꦪꦺꦴꦲꦤꦼꦱ꧀ꦠꦼꦫꦸꦱ꧀ꦤꦸꦫꦸꦠ꧀ꦠꦶ​ꦲꦥ​ꦏꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁶꧋ꦱꦏ꧀ꦮꦶꦱ꧀ꦱꦺ​ꦢꦶꦧꦥ꧀ꦠꦶꦱ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦤ꧀ꦠꦱ꧀ꦱꦁꦏꦧꦚꦸ​꧉​ꦭꦔꦶꦠ꧀ꦠꦺ​ꦠꦼꦫꦸꦱ꧀ꦩꦼꦔ​ꦭꦤ꧀ꦢꦺꦏ꧀ꦤꦺꦮꦼꦫꦸꦃ​ꦫꦺꦴꦃ​ꦱꦸꦕꦶ​ꦩꦼꦢꦸꦤ꧀ꦏꦪ​ꦩꦤꦸꦏ꧀ꦢꦫ​꧈​ꦩꦺꦚ꧀​ꦕ꧀ꦭꦺꦴꦏ꧀ꦏꦶ​ꦢꦺꦏ꧀ꦤꦺ꧉​ ¹⁷ꦱꦁꦏꦭꦔꦶꦠ꧀ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦔꦺꦴꦩꦺꦴꦁ:“ꦲꦶꦏꦶ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶꦭꦤ꧀ꦱꦶꦁ​ꦤ꧀ꦢꦢꦺꦏ꧀ꦏꦏꦺꦊꦒꦤꦺꦲꦠꦶꦏꦸ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀​꧉​

꧇​꧔꧇​ ¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦏꦫꦺꦴ​ꦫꦺꦴꦃ​ꦱꦸꦕꦶ​ꦤꦁꦮꦸꦱ꧀ꦠꦺꦤ꧀ ꦱꦸꦥꦪ​ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀​꧉​ ²ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦥꦱ​ꦥꦠꦁ​ꦥꦸꦭꦸꦃ​ꦢꦶꦤ​ꦥꦠꦁ​ꦥꦸꦭꦸꦃ​ꦮꦼꦔꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦏꦿꦱ​ꦔꦼꦭꦶꦃ​꧉​ ³ꦱꦺꦠꦤ꧀​ꦠꦼꦫꦸꦱ꧀ꦩꦫꦤꦶ​ꦢꦺꦏ꧀ꦤꦺꦔꦺꦴꦩꦺꦴꦁ:“ꦗꦫꦺꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​?ꦗꦗꦭ꧀ꦮꦠꦸ​ꦲꦶꦏꦶ​ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦢꦢꦶ​ꦫꦺꦴꦠꦶ​!” ⁴꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀​ꦏꦼꦠꦸꦭꦶꦱ꧀ꦔꦺꦤꦺ​:'ꦩꦤꦸꦁꦱ​ꦲꦸꦫꦶꦥ꧀ꦥꦺꦲꦺꦴꦫ​ꦤꦩꦸꦁ​ꦱꦁꦏꦫꦺꦴꦠꦶ​ꦮꦲꦺ​꧈​ꦤꦁꦔꦶꦁ​ꦲꦸꦒ​ꦱꦁꦏꦱꦏ꧀ꦲꦺꦤꦺꦁꦔꦺꦠꦼꦩ꧀ꦧꦸꦁ​ꦱꦶꦁ​ꦩꦼꦠꦸ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​’” ⁵꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦺꦠꦤ꧀​ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦏꦸꦠꦱꦸꦕꦶ​ꦪꦺꦫꦸꦱꦭꦺꦩ꧀ ꦢꦶꦲꦼꦗꦺꦏ꧀ꦔꦢꦼꦏ꧀ꦤꦁꦥꦸꦕꦸꦏ꧀ꦏꦺ​ꦥꦪꦺꦴꦤ꧀ꦤꦺ​ꦒꦿꦺꦗ​ꦒꦼꦢꦺ​꧉​ ⁶ꦱꦺꦠꦤ꧀​ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦤ​ꦲꦚ꧀​ꦗ꧀ꦭꦺꦴꦏ꧀ꦩꦼꦢꦸꦤ꧀!ꦤꦁꦏꦶꦠꦧ꧀​ꦭꦲꦸꦠ꧀ꦏꦼꦠꦸꦭꦶꦱ꧀ꦠ​:

‘ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦁꦏꦺꦴꦤ꧀
ꦥꦫ​ꦩꦸꦭꦺꦏꦠ꧀ꦠꦺꦩꦒꦼꦂꦫꦶ​ꦏꦺꦴꦮꦺ​꧉​
ꦏꦺꦴꦮꦺ​ꦧꦏꦭ꧀ꦢꦶꦠꦩ꧀ꦥꦤꦶ​ꦔꦁꦒꦺꦴ​ꦠꦔꦤ꧀ꦤꦺ​꧈​
ꦱꦸꦥꦪ​ꦱꦶꦏꦶꦭ꧀ꦩꦸ​ꦲꦺꦴꦫ​ꦏꦼꦤꦺꦁꦮꦠꦸ​!’”

⁷꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀​ꦲꦸꦒ​ꦏꦼꦠꦸꦭꦶꦱ꧀ꦔꦺꦤꦺ​:'ꦏꦺꦴꦮꦺ​ꦲꦗ​ꦚꦺꦴꦧ​ꦒꦸꦱ꧀ꦠꦶ​ꦄꦭ꧀ꦭꦃꦩꦸ꧉​’” ⁸꧋ꦱꦺꦠꦤ꧀​ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦤꦁꦒꦸꦤꦸꦁ​ꦱꦶꦁ​ꦢꦸꦮꦸꦂꦧꦔꦼꦠ꧀꧈​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦏꦺꦴꦁꦏꦺꦴꦤ꧀​ꦤ꧀ꦢꦼꦭꦺꦴꦏ꧀ꦱꦏ꧀ꦏꦺꦃꦲꦺꦏꦿꦠꦺꦴꦤ꧀ꦲꦶꦁ​ꦢꦺꦴꦚ​ꦱꦏ꧀ꦲꦥꦶꦏ꧀ꦲꦥꦶꦏꦤ꧀ꦤꦺꦏꦧꦺꦃ​꧉​ ⁹ꦱꦺꦠꦤ꧀​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦧꦺꦃ​ꦏꦸꦮꦶ​ꦧꦏꦭ꧀ꦠꦏ꧀ꦏꦺꦏ꧀ꦏꦏꦺꦏꦺꦴꦮꦺ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦱꦸꦗꦸꦠ꧀ꦚꦼꦩ꧀ꦧꦃ​ꦩꦫꦁ​ꦲꦏꦸ​꧉​” ¹⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦤ​ꦭꦸꦔ​ꦱꦺꦠꦤ꧀​!ꦤꦁꦏꦶꦠꦧ꧀​ꦏꦼꦠꦸꦭꦶꦱ꧀:'ꦚꦼꦩ꧀ꦧꦃꦲ​ꦩꦫꦁ​ꦒꦸꦱ꧀ꦠꦶ​꧈​ꦢꦺꦏ꧀ꦤꦺꦄꦭ꧀ꦭꦃꦩꦸ꧉​ꦤꦩꦸꦁ​ꦢꦺꦏ꧀ꦤꦺꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦭꦢꦺꦤ꧀ꦤꦶ꧉​’” ¹¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦺꦠꦤ꧀​ꦠꦼꦫꦸꦱ꧀ꦭꦸꦔ​꧉​ꦥꦫ​ꦩꦸꦭꦺꦏꦠ꧀ꦠꦼꦫꦸꦱ꧀ꦠꦼꦏ​ꦭꦤ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦥꦼꦁꦒꦮꦺꦪꦤ꧀ꦏꦸꦤꦁꦓꦭꦶꦭꦺꦪ​꧉​

¹²꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦤꦺꦏ꧀ꦪꦺꦴꦲꦤꦼꦱ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ ꦢꦺꦏ꧀ꦤꦺꦠꦼꦫꦸꦱ꧀ꦭꦸꦔ​ꦤꦁꦧꦮꦃꦓꦭꦶꦭꦺꦪ​꧉​ ¹³ꦱꦁꦏꦟꦱꦫꦺꦠ꧀ꦢꦺꦏ꧀ꦤꦺꦩꦁꦒꦺꦴꦤ꧀ꦤꦁꦑꦥꦺꦂꦤꦏꦸꦩ꧀ ꦱꦏ꧀ꦮꦶꦗꦶꦤꦺꦏꦸꦠꦤꦁꦥꦶꦁꦒꦶꦂꦫꦺ​ꦩꦺꦂꦓꦭꦶꦭꦺꦪ​꧈​ꦤꦁꦧꦮꦃꦯꦺꦧꦸꦭꦺꦴꦤ꧀ꦭꦤ꧀ꦤꦥ꦳꧀ꦠꦭꦶ​꧉​ ¹⁴ꦢꦢꦶꦤꦺ​ꦏ꧀ꦭꦏꦺꦴꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦶꦮꦠ꧀ꦤꦧꦶ​ꦪꦺꦱꦪ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

¹⁵“ꦠꦤꦃ​ꦯꦺꦧꦸꦭꦺꦴꦤ꧀ꦭꦤ꧀ꦠꦤꦃ​ꦤꦥ꦳꧀ꦠꦭꦶ​꧈​
ꦠꦤꦃ​ꦱꦶꦁ​ꦤꦁꦱꦏ꧀ꦲꦸꦫꦸꦠ꧀ꦠꦺꦢꦭꦤ꧀ꦤꦁꦩꦺꦂ꧈​
ꦤꦁꦱꦧꦿꦁꦔꦺ​ꦭꦫꦪꦺꦴꦂꦢꦤ꧀
ꦠꦤꦃ​ꦓꦭꦶꦭꦺꦪ​ꦥꦁꦒꦺꦴꦤ꧀ꦤꦤ꧀ꦤꦺ​
ꦧꦁꦱꦧꦁꦱ​ꦭꦶꦪ​꧉​
¹⁶꧋ꦧꦁꦱ​ꦱꦶꦁ​ꦩꦁꦒꦺꦴꦤ꧀
ꦲꦶꦁ​ꦥꦼꦥꦼꦠꦼꦁ​ꦮꦶꦱ꧀ꦮꦼꦫꦸꦃ​ꦥꦼꦥꦢꦁꦒꦼꦢꦺ​꧉​
ꦱꦽꦔꦺꦔꦺ​ꦮꦶꦱ꧀​ꦚ꧀ꦗꦼꦢꦸꦭ꧀
ꦏꦁꦒꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦩꦁꦒꦺꦴꦤ꧀
ꦤꦁꦠꦤꦃ​ꦱꦶꦁ​ꦢꦶꦏ꧀ꦮꦱꦤꦶ​ꦥꦠꦶ​꧉​”

¹⁷꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦴꦭꦃꦲꦶꦩꦸꦭꦁ​꧈​ꦠꦼꦩ꧀ꦧꦸꦁꦔꦺ​:“ꦥꦢ​ꦤꦶꦁꦒꦭ꧀ꦭ​ꦲꦸꦫꦶꦥ꧀ꦢꦺꦴꦱ​꧈​ꦲꦮꦶꦠ꧀ꦲꦺꦴꦫ​ꦱꦸꦮꦶꦩꦼꦤꦺꦃ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦢꦶꦮꦶꦮꦶꦠ꧀ꦠꦶ​꧉​”

꧋ꦩꦸꦫꦶꦢ꧀ꦩꦸꦫꦶꦢ꧀ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺ꧉​

¹⁸꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦥꦶꦁꦒꦶꦂꦫꦺ​ꦩꦺꦂꦓꦭꦶꦭꦺꦪ​ꦏꦺꦴꦤꦺꦴ​꧈​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦭꦺꦴꦫꦺꦴ​ꦏꦏꦁꦔꦢꦶ꧈​ꦪꦏꦸꦮꦶ​ꦱꦶꦩꦺꦴꦤ꧀ꦱꦶꦁ​ꦲꦸꦒ​ꦢꦶꦕꦼꦭꦸꦏ꧀​ꦦꦺꦠꦿꦸꦱ꧀ꦭꦤ꧀ꦄꦤ꧀ꦢꦿꦺꦪꦱ꧀꧈​ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦲꦶꦗꦶꦏ꧀ꦔꦸꦚ꧀ꦕꦭ꧀ꦭꦏꦺ​ꦗꦭꦤꦺ​꧈​ꦲꦮꦶꦠ꧀ꦏꦼꦂꦗꦤꦤ꧀ꦤꦺꦔ꧀ꦒꦺꦴꦭꦺꦏ꧀ꦲꦶꦮꦏ꧀꧈​ ¹⁹ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦭꦸꦏ꧀:“ꦲ꦳ꦪꦸꦏ꧀ꦥꦢ​ꦩꦺꦭꦸ​ꦲꦏꦸ​꧉​ꦏꦺꦴꦮꦺ​ꦧꦏꦭ꧀ꦠꦏ꧀​ꦧ꧀ꦭꦗꦂꦫꦶꦢꦢꦶ​ꦠꦸꦏꦁ​ꦔ꧀ꦒꦺꦴꦭꦺꦏ꧀ꦮꦺꦴꦁ​꧉​” ²⁰ꦱꦶꦩꦺꦴꦤ꧀ꦭꦤ꧀ꦄꦤ꧀ꦢꦿꦺꦪꦱ꧀ꦠꦼꦫꦸꦱ꧀ꦤꦶꦁꦒꦭ꧀ꦗꦭꦤꦺ​ꦭꦤ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²¹꧋ꦏꦢꦸꦁ​ꦩ꧀ꦭꦏꦸ​ꦱꦼꦢꦶꦭꦸꦠ꧀ꦩꦼꦤꦺꦃ​ꦠꦼꦫꦸꦱ꧀ꦤꦼꦩꦸ​ꦮꦺꦴꦁ​ꦭꦺꦴꦫꦺꦴ​ꦩꦼꦤꦺꦃ​꧈​ꦪꦏꦸꦮꦶ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦧꦺꦃ​ꦭꦺꦴꦫꦺꦴ​ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀꧈​ ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦏꦫꦺꦴ​ꦧꦥꦏ꧀ꦏꦺꦲꦶꦗꦶꦏ꧀ꦥꦢ​ꦤ꧀ꦢꦤ꧀ꦢꦤ꧀ꦤꦶ​ꦗꦭꦤꦺ​ꦤꦁꦥꦿꦲꦸꦤꦺ​꧈​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²²ꦱꦏ꧀ꦮꦠ꧀ꦠꦼꦫꦸꦱ꧀ꦥꦢ​ꦩꦼꦢꦸꦤ꧀ꦱꦁꦏꦥꦿꦲꦸꦤꦺ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦶꦁꦒꦭ꧀ꦧꦥꦏ꧀ꦏꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦩꦸꦭꦁ​ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧉​

²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀​ꦢ꧀ꦭꦗꦃꦲꦶ​ꦧꦮꦃꦓꦭꦶꦭꦺꦪ​꧉​ꦢꦺꦏ꧀ꦤꦺꦩꦼꦩꦸꦭꦁ​ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦭꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦶꦁ​ꦭꦫ​ꦥꦢ​ꦢꦶꦠꦩ꧀ꦧꦤꦶ​ꦱꦁꦏꦥꦼꦂꦚꦏꦶꦠ꧀ꦠꦺꦭꦤ꧀ꦩꦼꦩꦭꦤ꧀ꦤꦺ꧉​ ²⁴ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦸꦩꦼꦧꦂ​ꦤꦁꦱꦼꦭꦸꦫꦸꦧꦮꦃꦯꦶꦫꦶꦪ​꧉​ꦮꦺꦴꦁꦮꦺꦴꦁ​ꦱꦶꦁ​ꦭꦫ​ꦭꦤ꧀ꦱꦶꦁ​ꦤ꧀ꦢꦸꦮꦺꦮꦼꦂꦤꦮꦼꦂꦤ​ꦥꦼꦂꦚꦏꦶꦠ꧀ ꦱꦶꦁ​ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀ ꦱꦶꦁ​ꦭꦫ​ꦲꦪꦤ꧀ꦤꦼꦤ꧀ꦭꦤ꧀ꦱꦶꦁ​ꦭꦸꦩ꧀ꦥꦸꦃ​ꦥꦢ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦏꦧꦺꦃ​ꦢꦶꦠꦩ꧀ꦧꦤꦶ​꧉​ ²⁵ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦲꦺꦤꦺꦁꦱꦶꦁ​ꦱꦁꦏꦓꦭꦶꦭꦺꦪ​꧈​ꦱꦁꦏꦢꦺꦏꦥꦺꦴꦭꦶꦱ꧀ ꦱꦁꦏꦪꦺꦫꦸꦱꦭꦺꦩ꧀ ꦪꦸꦢꦺꦪ​ꦭꦤ꧀ꦱꦧꦿꦁꦔꦺ​ꦭꦫꦪꦺꦴꦂꦢꦤ꧀꧈​

꧋ꦥꦶꦮꦸꦭꦁ​ꦤꦁꦒꦸꦤꦸꦁ​꧉​

꧇​꧕꧇​ ¹꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦸꦮꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦁꦒꦃ​ꦤꦁꦒꦸꦤꦸꦁ​꧉​ꦱꦏ꧀ꦮꦶꦱ꧀ꦱꦺ​ꦢꦺꦏ꧀ꦤꦺꦚ꧀ꦗꦒꦺꦴꦁ꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀​ꦚ꧀ꦗꦒꦺꦴꦁꦔꦸꦧꦼꦁꦔꦶ​ꦢꦺꦏ꧀ꦤꦺ꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦴꦭꦃꦲꦶꦩꦸꦭꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦤꦺ​:

³“ꦧꦼꦗꦮꦺꦴꦁ​ꦩ꧀ꦭꦫꦠ꧀ꦱꦶꦁ​ꦥꦢ​ꦚ꧀ꦗꦒꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​
ꦲꦮꦶꦠ꧀ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦱꦶꦁ​ꦤ꧀ꦢꦸꦮꦺꦤ꧀ꦤꦶ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​
⁴ꦧꦼꦗꦮꦺꦴꦁ​ꦱꦶꦁ​ꦱꦼꦢꦶ꧈​
ꦲꦮꦶꦠ꧀ꦧꦏꦭ꧀ꦢꦶꦭꦶꦥꦸꦂ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
⁵ꦧꦼꦗꦮꦺꦴꦁ​ꦱꦶꦁ​ꦲꦤ꧀ꦢꦥ꧀ꦥꦱꦺꦴꦂ꧈​
ꦲꦮꦶꦠ꧀ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​
ꦱꦶꦁ​ꦧꦏꦭ꧀ꦤꦩ꧀ꦥ​ꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
⁶ꦧꦼꦗꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦧꦔꦼꦠ꧀
ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​
ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦔ꧀ꦒꦮꦺ​ꦩꦉꦩ꧀ꦩꦺ​ꦲꦠꦶꦤꦺ​꧉​
⁷ꦧꦼꦗꦮꦺꦴꦁ​ꦱꦶꦁ​ꦱꦼꦤꦼꦁ​ꦩꦼꦭꦱ꧀ꦱꦶ​ꦮꦺꦴꦁ​ꦭꦶꦪ​꧈​
ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦸꦒ​ꦧꦏꦭ꧀ꦩꦼꦭꦱ꧀ꦱꦶ​ꦮꦺꦴꦁ​ꦏꦸꦮꦶ​꧉​
⁸ꦧꦼꦗꦮꦺꦴꦁ​ꦱꦶꦁ​ꦉꦱꦶꦏ꧀ꦲꦠꦶꦤꦺ​꧈​
ꦲꦮꦶꦠ꧀ꦧꦏꦭ꧀ꦮꦼꦫꦸꦃ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
⁹ꦧꦼꦗꦮꦺꦴꦁ​ꦱꦶꦁ​ꦱꦼꦤꦼꦁ​ꦔꦿꦸꦏꦸꦤ꧀ꦤꦏꦺ꧈​
ꦲꦮꦶꦠ꧀ꦧꦏꦭ꧀ꦢꦶꦲꦫꦤ꧀ꦤꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
¹⁰ꦧꦼꦗꦮꦺꦴꦁ​ꦱꦶꦁ​ꦢꦶꦱꦶꦪꦱꦶꦪ​ꦗꦭꦂꦫꦤ꧀​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​
ꦲꦮꦶꦠ꧀ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦱꦶꦁ​ꦤ꧀ꦢꦸꦮꦺꦤ꧀ꦤꦶ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​

¹¹꧋“ꦧꦼꦗꦏꦺꦴꦮꦺ​꧈​ꦤꦺꦏ꧀ꦏꦺꦴꦮꦺ​ꦢꦶꦲꦺꦴꦭꦺꦴꦏ꧀ꦲꦺꦴꦭꦺꦴꦏ꧀ ꦢꦶꦱꦶꦪꦱꦶꦪ​ꦭꦤ꧀ꦢꦶꦱꦭꦃꦱꦭꦃꦲꦏꦺꦱꦶꦁ​ꦲꦺꦴꦫꦲꦺꦴꦫ​꧈​ꦗꦭꦂꦫꦤ꧀ꦏꦺꦴꦮꦺ​ꦢꦢꦶ​ꦩꦸꦫꦶꦢ꧀ꦏꦸ​꧉​ ¹²ꦏꦺꦴꦮꦺ​ꦏꦸꦢꦸ​ꦧꦸꦔꦃ​ꦭꦤ꧀ꦱꦸꦏꦏ꧀ꦱꦸꦏꦏ꧀ ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦒꦼꦢꦺ​ꦤꦁꦱ꧀ꦮꦂꦒ​꧉​ꦥꦫ​ꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦲꦸꦒ​ꦥꦢ​ꦢꦶꦱꦶꦪꦱꦶꦪ​ꦏꦪ​ꦏꦺꦴꦮꦺ​꧉​”

꧋ꦲꦸꦪꦃꦲꦺ​ꦭꦤ꧀ꦥꦼꦥꦢꦁꦔꦺꦗꦒꦠ꧀꧈​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦲꦸꦪꦃꦲꦺ​ꦗꦒꦠ꧀꧈​ꦤꦺꦏ꧀ꦲꦸꦪꦃ​ꦲꦶꦭꦁ​ꦲꦱꦶꦤ꧀ꦤꦺ​꧈​ꦮꦶꦱ꧀ꦲꦺꦴꦫ​ꦲꦺꦤꦺꦁꦲꦥꦲꦥ​ꦩꦼꦤꦺꦃ​ꦱꦶꦁ​ꦏꦼꦤꦺꦁꦏꦁꦒꦺꦴ​ꦔꦱꦶꦤ꧀ꦤꦏꦺ꧉​ꦲꦸꦪꦃ​ꦏꦸꦮꦶ​ꦲꦺꦴꦫ​ꦏꦁꦒꦺꦴ​ꦒꦮꦺ​ꦲꦥꦲꦥ​ꦩꦼꦤꦺꦃ​꧈​ꦏꦼꦗꦧ​ꦤꦩꦸꦁ​ꦢꦶꦧꦸꦮꦁ​ꦤꦁꦢꦭꦤ꧀ꦭꦤ꧀ꦢꦶꦲꦶꦢꦼꦏ꧀ꦲꦶꦢꦼꦏ꧀ꦮꦺꦴꦁ​꧉​ ¹⁴꧋“ꦏꦺꦴꦮꦺ​ꦏꦸꦮꦶ​ꦥꦼꦥꦢꦁꦔꦺꦗꦒꦠ꧀꧈​ꦏꦸꦠꦱꦶꦁ​ꦤꦁꦤ꧀ꦢꦸꦮꦸꦂꦒꦸꦤꦸꦁ​ꦲꦺꦴꦫ​ꦧꦶꦱ​ꦢꦶꦲꦭꦶꦁꦔꦭꦶꦁꦔꦶ꧉​ ¹⁵ꦏꦺꦴꦮꦺ​ꦩꦼꦱ꧀ꦠꦶꦲꦺꦴꦫ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦠꦸꦠꦸꦥ꧀ꦥꦶ​ꦠꦺꦁꦒꦺꦴꦏ꧀ꦠ​?ꦲꦺꦴꦫ​꧈​ꦩꦼꦱ꧀ꦠꦶꦢꦶꦪꦤ꧀ꦤꦺꦠꦼꦫꦸꦱ꧀ꦢꦶꦢꦺꦏꦺꦏ꧀ꦱꦶꦁ​ꦢꦸꦮꦸꦂ꧈​ꦱꦸꦥꦪ​ꦧꦶꦱ​ꦩꦢꦁꦔꦶꦏꦧꦺꦃ​ꦮꦺꦴꦁ​ꦱꦶꦁ​ꦤꦁꦲꦺꦴꦩꦃ​ꦏꦺꦴꦤꦺꦴ​꧉​ ¹⁶ꦩꦸꦭꦤꦺ​꧈​ꦏꦺꦴꦮꦺ​ꦲꦸꦒ​ꦏꦸꦢꦸ​ꦚ꧀ꦭꦺꦴꦫꦺꦴꦠ꧀ꦠꦏꦺꦥꦢꦁꦩꦸꦩꦫꦁ​ꦮꦺꦴꦁꦮꦺꦴꦁ​꧈​ꦱꦸꦥꦪ​ꦥꦢ​ꦮꦼꦫꦸꦃ​ꦥꦼꦁꦒꦮꦺꦩꦸ​ꦱꦶꦁ​ꦧꦼꦕꦶꦏ꧀꧈​ꦢꦢꦶꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦔ꧀ꦭꦸꦲꦸꦂꦫꦏꦺꦧꦥꦏ꧀ꦩꦸ​ꦱꦶꦁ​ꦤꦁꦱ꧀ꦮꦂꦒ​꧉​”

꧋ꦥꦶꦮꦸꦭꦁ​ꦧꦧ꧀ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀꧈​

¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦺꦴꦮꦺ​ꦲꦗ​ꦥꦢ​ꦩꦶꦏꦶꦂ​ꦤꦺꦏ꧀ꦲꦏꦸ​ꦲꦶꦏꦶ​ꦠꦼꦏ​ꦲꦉꦥ꧀ꦔꦿꦺꦴꦩ꧀ꦧꦏ꧀ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀꧈​ꦠꦼꦏꦏꦸ​ꦲꦶꦏꦶ​ꦲꦺꦴꦫ​ꦲꦉꦥ꧀ꦔꦿꦺꦴꦩ꧀ꦧꦏ꧀ ꦲꦺꦴꦫ​꧈​ꦤꦁꦔꦶꦁ​ꦲꦏꦸ​ꦩꦭꦃ​ꦤꦼꦠꦼꦥ꧀ꦥꦏꦺ꧉​ ¹⁸ꦩꦸꦭꦤꦺ​꧈​ꦥꦢ​ꦔꦼꦂꦠꦶꦪ​꧈​ꦱꦸꦮꦺꦤꦺ​ꦭꦔꦶꦠ꧀ꦭꦤ꧀ꦧꦸꦩꦶ​ꦲꦶꦗꦶꦏ꧀ꦲꦺꦤꦺꦁ꧈​ꦲꦺꦴꦫ​ꦧꦏꦭ꧀ꦲꦺꦤꦺꦁꦲꦏ꧀ꦱꦫ​ꦱꦁꦏꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦢꦶꦕꦺꦴꦫꦺꦏ꧀​꧈​ꦱꦶꦗꦶ​ꦮꦲꦺ​ꦲꦺꦴꦫ​꧈​ꦔꦤ꧀ꦠꦶ​ꦠꦼꦏꦤ꧀ꦫꦩ꧀ꦥꦸꦁꦔꦺ​꧉​ ¹⁹ꦩꦸꦭꦤꦺ​꧈​ꦱꦥ​ꦱꦶꦁ​ꦤꦼꦫꦏ꧀ꦱꦭꦃꦱꦏ꧀ꦮꦶꦗꦶꦤꦺꦮꦺꦠ꧀ꦩꦲꦸ​꧈​ꦱꦼꦤꦗꦤ꧀ꦱꦶꦁ​ꦕꦶꦭꦶꦏ꧀ꦢꦺꦮꦺꦭꦤ꧀ꦩꦸꦭꦁꦔꦶ ꦮꦺꦴꦁ​ꦭꦶꦪ​ꦔ꧀ꦭꦏꦺꦴꦤ꧀ꦤꦶ​ꦱꦶꦁ​ꦏꦪ​ꦔꦺꦴꦤꦺꦴ​꧈​ꦮꦺꦴꦁ​ꦲꦶꦏꦸ​ꦧꦏꦭ꧀ꦲꦺꦤ꧀ꦠꦸꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦼꦤ꧀ꦢꦺꦏ꧀ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ꦤꦁꦔꦶꦁ​ꦱꦥ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦱꦏ꧀ꦏꦧꦺꦃꦲꦺꦭꦤ꧀ꦩꦸꦭꦁꦔꦶꦭꦶꦪꦤꦺ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦶ​ꦏꦧꦺꦃ​꧈​ꦮꦺꦴꦁ​ꦲꦶꦏꦸ​ꦱꦶꦁ​ꦧꦏꦭ꧀ꦲꦺꦤ꧀ꦠꦸꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦢꦸꦮꦸꦂꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ ²⁰ꦩꦸꦭꦤꦺ​ꦫꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦏꦸ​ꦲꦶꦏꦶ​:'ꦤꦺꦏ꧀ꦲꦼꦁꦒꦺꦴꦤ꧀ꦩꦸ​ꦔ꧀ꦭꦏꦺꦴꦤ꧀ꦤꦶ​ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦲꦺꦴꦫ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​꧈​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦧꦶꦱ​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​’”

꧋ꦧꦧ꧀ꦤꦼꦱꦸ​ꦏꦫꦺꦴ​ꦭꦶꦪꦤꦺ​꧉​

²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺꦢꦶꦮꦸꦭꦁꦔꦶꦔꦺꦤꦺ​:'ꦲꦗ​ꦩꦠꦺꦤ꧀ꦤꦶ​ꦮꦺꦴꦁ​;ꦱꦥ​ꦱꦶꦁ​ꦩꦠꦺꦤ꧀ꦤꦶ​ꦮꦺꦴꦁ​ꦏꦸꦢꦸ​ꦢꦶꦏꦿꦸꦠꦸ꧉'​ ²²ꦤꦁꦔꦶꦁ​ꦲꦏꦸ​ꦩꦸꦭꦁꦔꦶꦏꦺꦴꦮꦺ​:ꦱꦥ​ꦱꦶꦁ​ꦤꦼꦱꦺꦴꦤ꧀ꦤꦶ​ꦭꦶꦪꦤꦺ​ꦏꦸꦢꦸ​ꦢꦶꦏꦿꦸꦠꦸ꧉​ꦭꦤ꧀ꦱꦥ​ꦱꦶꦁ​ꦔꦼꦭꦺꦴꦏ꧀ꦏꦏꦺꦭꦶꦪꦤꦺ​ꦏꦸꦢꦸ​ꦢꦶꦏꦿꦸꦠꦸꦏꦫꦺꦴ​ꦏꦿꦸꦠꦺꦴꦤ꧀ꦤꦺꦲꦒꦩ​꧉​ꦱꦥ​ꦱꦶꦁ​ꦔꦼꦭꦺꦴꦏ꧀ꦏꦏꦺꦭꦶꦪꦤꦺ​ꦔꦺꦴꦩꦺꦴꦁ'ꦒꦼꦩ꧀​ꦧ꧀ꦭꦸꦁ​꧈'​ꦮꦺꦴꦁ​ꦏꦸꦮꦶ​ꦏꦸꦢꦸ​ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦒꦼꦤꦶꦤꦺ​ꦤꦼꦫꦏ꧉​ ^23-24ꦩꦸꦭꦤꦺ​꧈​ꦤꦺꦏ꧀ꦏꦺꦴꦮꦺ​ꦲꦉꦥ꧀​ꦔ꧀ꦒꦮ​ꦥꦮꦺꦃꦩꦸꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦏꦺꦴꦮꦺ​ꦏꦺꦭꦶꦁꦔꦤ꧀ꦤꦺꦏ꧀ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦤ꧀ꦢꦸꦮꦺꦤ꧀ꦤꦶ​ꦥꦽꦏꦫ​ꦏꦫꦺꦴ​ꦏꦺꦴꦮꦺ​꧈​ꦥꦮꦺꦃꦩꦸꦢꦶꦱꦺꦭꦺꦃꦲꦏꦺꦤꦁꦔꦉꦥ꧀ꦥꦺ​ꦲꦭ꧀ꦠꦂꦤ꧀ꦢꦶꦱꦶꦏ꧀ ꦠꦼꦫꦸꦱ꧀ꦮꦺꦴꦁꦔꦺ​ꦢꦶꦥꦫꦤ꧀ꦤꦶ​꧉​ꦔ꧀ꦒꦮꦺꦪ​ꦫꦸꦏꦸꦤ꧀ꦏꦫꦺꦴ​ꦮꦺꦴꦁꦔꦺ​ꦤ꧀ꦢꦶꦱꦶꦏ꧀ ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦩꦱꦿꦃꦲꦏꦺꦥꦮꦺꦃꦩꦸꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁵꧋“ꦤꦺꦏ꧀ꦲꦺꦤꦺꦁꦮꦺꦴꦁ​ꦔ꧀ꦒꦮ​ꦏꦺꦴꦮꦺ​ꦤꦁꦏꦿꦸꦠꦺꦴꦤ꧀ ꦱꦏ꧀ꦗꦼꦫꦺꦴꦤꦺꦩ꧀ꦭꦏꦸ​ꦫꦤ꧈​ꦏꦺꦴꦮꦺ​ꦏꦸꦢꦸ​ꦔ꧀ꦭꦸꦩꦸꦃꦲꦶ꧈​ꦱꦸꦥꦪ​ꦧꦶꦱ​ꦲꦥꦶꦏ꧀ꦏꦫꦺꦴ​ꦮꦺꦴꦁꦔꦺ​꧉​ꦤꦺꦏ꧀ꦲꦺꦴꦫ​ꦢꦶꦲꦥꦶꦏ꧀ꦏꦶꦤ꧀ꦢꦶꦱꦶꦏ꧀ ꦩꦼꦁꦏꦺꦴ​ꦏꦺꦴꦮꦺ​ꦧꦏꦭ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦫꦺꦏ꧀ꦠꦼꦫꦺ꧉​ꦫꦺꦏ꧀ꦠꦼꦫꦺꦠꦼꦫꦸꦱ꧀ꦩꦱꦿꦃꦲꦏꦺꦏꦺꦴꦮꦺ​ꦩꦫꦁ​ꦱꦼꦏꦲꦸꦠ꧀ ꦠꦼꦫꦸꦱ꧀ꦏꦺꦴꦮꦺ​ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀꧈​ ²⁶ꦭꦤ꧀ꦔꦼꦂꦠꦶꦪ​꧈​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦧꦶꦱ​ꦩꦼꦠꦸ​ꦱꦁꦏꦱꦼꦠꦿꦥꦤ꧀ꦏꦸꦮꦶ​꧈​ꦤꦺꦏ꧀ꦲꦸꦠꦁꦩꦸ​ꦢꦸꦫꦸꦁ​ꦲꦩ꧀ꦧꦺꦴꦏ꧀ꦧꦪꦂ​ꦱꦏ꧀ꦏꦧꦺꦃꦲꦺ꧉​”

꧋ꦧꦧ꧀ꦭꦏꦸ​ꦧꦺꦢꦁ꧉​

²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦏꦺꦴꦮꦺ​ꦮꦶꦱ꧀ꦥꦢ​ꦔꦼꦂꦠꦶ​ꦥꦶꦮꦸꦭꦁ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦏꦺꦴꦮꦺ​ꦲꦗ​ꦭꦏꦸ​ꦧꦺꦢꦁ!’ ²⁸ꦤꦁꦔꦶꦁ​ꦲꦏꦸ​ꦔꦺꦴꦩꦺꦴꦁꦲꦶꦏꦶ​ꦩꦫꦁ​ꦏꦺꦴꦮꦺ​:ꦱꦥ​ꦱꦶꦁ​ꦚꦮꦁ​ꦮꦺꦴꦁ​ꦮꦺꦢꦺꦴꦏ꧀ꦏꦫꦺꦴ​ꦫꦱ​ꦱꦼꦤꦼꦁ​ꦲꦶꦁ​ꦲꦠꦶꦤꦺ​꧈​ꦮꦺꦴꦁ​ꦏꦸꦮꦶ​ꦮꦶꦱ꧀ꦭꦏꦸ​ꦧꦺꦢꦁꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦲꦶꦁ​ꦲꦠꦶꦤꦺ​꧉​ ²⁹ꦤꦺꦏ꧀ꦩꦿꦶꦥꦠ꧀ꦩꦸ​ꦠꦼꦔꦼꦤ꧀ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦒꦮꦺ​ꦢꦺꦴꦱ​꧈​ꦢꦶꦕꦸꦏꦶꦭ꧀ꦮꦲꦺ​ꦭꦤ꧀ꦢꦶꦧꦸꦮꦁ​꧉​ꦭꦸꦮꦸꦁꦏꦺꦴꦮꦺ​ꦏꦺꦭꦁꦔꦤ꧀ꦩꦿꦶꦥꦠ꧀ꦱꦶꦗꦶ​꧈​ꦠꦼꦤꦶꦩ꧀ꦧꦁꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦤꦼꦫꦏ꧉​ ³⁰ꦤꦺꦏ꧀ꦠꦔꦤ꧀ꦩꦸ​ꦠꦼꦔꦼꦤ꧀ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦒꦮꦺ​ꦢꦺꦴꦱ​꧈​ꦢꦶꦏꦼꦠꦺꦴꦏ꧀ꦮꦲꦺ​ꦠꦼꦫꦸꦱ꧀ꦢꦶꦧꦸꦮꦁ​꧉​ꦭꦸꦮꦸꦁꦏꦺꦴꦮꦺ​ꦏꦺꦭꦁꦔꦤ꧀ꦠꦔꦤ꧀ꦩꦸ​ꦱꦼꦧꦼꦭꦃ꧈​ꦠꦼꦤꦶꦩ꧀ꦧꦁꦏꦫꦺꦴ​ꦲꦮꦏ꧀ꦱꦏ꧀ꦏꦸꦗꦸꦂꦩ꧀ꦊꦧꦸ​ꦤꦁꦤꦼꦫꦏ꧉​”

꧋ꦧꦧ꧀ꦥꦼꦒꦠ꧀ꦠꦤ꧀꧈​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦲꦸꦒ​ꦲꦺꦤꦺꦁꦥꦶꦮꦸꦭꦁ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦱꦥ​ꦱꦶꦁ​ꦩꦼꦒꦠ꧀ꦧꦺꦴꦗꦺꦴꦤꦺ​ꦏꦸꦢꦸ​ꦔꦼꦏꦺꦏ꧀ꦏꦶꦭꦪꦁ​ꦥꦼꦒꦠ꧀꧉'​ ³²ꦤꦁꦔꦶꦁ​ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ:ꦱꦥ​ꦱꦶꦁ​ꦩꦼꦒꦠ꧀ꦧꦺꦴꦗꦺꦴꦤꦺ​꧈​ꦤꦁꦔꦶꦁ​ꦧꦺꦴꦗꦺꦴ​ꦏꦸꦮꦶ​ꦲꦺꦴꦫ​ꦭꦏꦸ​ꦧꦺꦢꦁ꧈​ꦭꦃ​ꦮꦺꦴꦁ​ꦏꦸꦮꦶ​ꦩꦫꦏ꧀ꦏꦏꦺꦧꦺꦴꦗꦺꦴꦤꦺ​ꦩꦲꦸ​ꦠꦼꦫꦸꦱ꧀ꦭꦏꦸ​ꦧꦺꦢꦁ꧈​ꦤꦺꦏ꧀ꦱꦶꦁ​ꦢꦶꦥꦼꦒꦠ꧀ꦩꦲꦸ​ꦠꦼꦫꦸꦱ꧀ꦏꦮꦶꦤ꧀ꦩꦼꦤꦺꦃ​꧉​ꦭꦃ​ꦮꦺꦴꦁ​ꦭꦤꦁ​ꦱꦶꦁ​ꦏꦮꦶꦤ꧀ꦏꦫꦺꦴ​ꦮꦺꦴꦁ​ꦱꦶꦁ​ꦢꦶꦥꦼꦒꦠ꧀ꦩꦲꦸ​ꦪ​ꦏꦠꦸꦠ꧀ꦩꦺꦭꦸ​ꦭꦏꦸ​ꦧꦺꦢꦁ꧉​”

꧋ꦧꦧ꧀ꦱꦸꦩ꧀ꦥꦃ​꧉​

³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺꦢꦶꦮꦸꦭꦁꦔꦶꦔꦺꦤꦺ​:'ꦏꦺꦴꦮꦺ​ꦲꦗ​ꦲꦩ꧀​ꦧ꧀ꦭꦺꦚ꧀ꦗꦤꦶ​ꦗꦚ꧀ꦗꦶ​꧉​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦗꦚ꧀ꦗꦶ​ꦏꦫꦺꦴ​ꦮꦺꦴꦁ​ꦔꦁꦒꦺꦴ​ꦱꦸꦩ꧀ꦥꦃ​ꦏꦫꦺꦴ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦗꦚ꧀ꦗꦶ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦼꦠꦼꦥ꧀ꦥꦶ​꧉'​ ³⁴ꦤꦁꦔꦶꦁ​ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ:ꦏꦺꦴꦮꦺ​ꦲꦗ​ꦥꦶꦱꦤ꧀ꦥꦶꦱꦤ꧀ꦱꦸꦩ꧀ꦥꦃ​꧉​ꦲꦗ​ꦱꦸꦩ꧀ꦥꦃ​ꦚꦼꦭꦸꦏ꧀ꦭꦔꦶꦠ꧀ ꦲꦮꦶꦠ꧀ꦭꦔꦶꦠ꧀ꦏꦸꦮꦶ​ꦗꦒꦺꦴꦔꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ ³⁵ꦭꦤ꧀ꦲꦗ​ꦱꦸꦩ꧀ꦥꦃ​ꦚꦼꦭꦸꦏ꧀ꦧꦸꦩꦶ​꧈​ꦲꦮꦶꦠ꧀ꦧꦸꦩꦶ​ꦏꦸꦮꦶ​ꦲꦚ꧀ꦕꦶꦏ꧀ꦲꦚ꧀ꦕꦶꦏ꧀ꦏꦺ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦤ꧀ꦲꦗ​ꦱꦸꦩ꧀ꦥꦃ​ꦚꦼꦭꦸꦏ꧀ꦗꦼꦤꦼꦁꦔꦺ​ꦪꦺꦫꦸꦱꦭꦺꦩ꧀ ꦲꦮꦶꦠ꧀ꦏꦸꦮꦶ​ꦏꦸꦠꦥꦁꦒꦺꦴꦤ꧀ꦤꦤ꧀ꦤꦺ​ꦫꦠꦸꦤꦺ​꧉​ ³⁶ꦲꦸꦒ​ꦲꦗ​ꦱꦸꦩ꧀ꦥꦃ​ꦚꦼꦭꦸꦏ꧀ꦱꦶꦫꦃꦩꦸ​꧈​ꦲꦮꦶꦠ꧀ꦏꦺꦴꦮꦺ​ꦢꦺꦮꦺꦲꦺꦴꦫ​ꦧꦶꦱ​ꦔ꧀ꦒꦮꦺ​ꦲꦸꦮꦤ꧀ ꦱꦏꦼꦊꦂꦮꦲꦺ​ꦲꦺꦴꦫ​ꦧꦶꦱ​꧉​ ³⁷ꦤꦺꦏ꧀ꦪ​꧈​ꦔꦺꦴꦩꦺꦴꦁꦔꦪ​꧈​ꦤꦺꦏ꧀ꦲꦺꦴꦫ​꧈​ꦪ​ꦔꦺꦴꦩꦺꦴꦁꦲꦺꦴꦫ​꧉​ꦏ꧀ꦭꦶꦮꦠ꧀ꦱꦁꦏꦏꦸꦮꦶ​ꦩꦼꦠꦸꦤꦺ​ꦱꦁꦏꦱꦺꦠꦤ꧀​꧉​”

꧋ꦧꦧ꧀​ꦩ꧀ꦧꦊꦱ꧀꧈​

³⁸꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦔꦺꦴꦩꦺꦴꦁ ꦔꦺꦤꦺ​:'ꦱꦥ​ꦱꦶꦁ​ꦔꦿꦸꦱꦏ꧀ꦩꦿꦶꦥꦠ꧀ꦏꦸꦢꦸ​ꦒꦼꦤ꧀ꦠꦺꦤ꧀ꦢꦶꦫꦸꦱꦏ꧀ꦩꦿꦶꦥꦠ꧀ꦠꦺ​ꦭꦤ꧀ꦱꦥ​ꦱꦶꦁ​ꦔꦿꦸꦱꦏ꧀ꦲꦸꦤ꧀ꦠꦸ​ꦏꦸꦢꦸ​ꦒꦼꦤ꧀ꦠꦺꦤ꧀ꦢꦶꦫꦸꦱꦏ꧀ꦲꦸꦤ꧀ꦠꦸꦤꦺ​꧉'​ ³⁹ꦤꦁꦔꦶꦁ​ꦱꦲꦶꦏꦶ​ꦲꦏꦸ​ꦔꦺꦴꦩꦺꦴꦁꦔꦶꦏꦺꦴꦮꦺ​:ꦲꦗ​ꦩ꧀ꦧꦊꦱ꧀ꦩꦫꦁ​ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦲꦭ​ꦩꦫꦁ​ꦏꦺꦴꦮꦺ​꧉​ꦩꦭꦃ​ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦼꦥ꧀ꦭꦏ꧀ꦥꦶꦥꦶꦩꦸ​ꦠꦼꦔꦼꦤ꧀ ꦧꦺꦤ꧀ꦔꦼꦥ꧀ꦭꦏ꧀ꦥꦶꦥꦶꦩꦸ​ꦱꦶꦁ​ꦏꦶꦮ​ꦥꦶꦱꦤ꧀꧈​ ⁴⁰ꦭꦃ​ꦤꦺꦏ꧀ꦲꦺꦤꦺꦁꦮꦺꦴꦁ​ꦲꦉꦥ꧀​ꦔ꧀ꦒꦮ​ꦏꦺꦴꦮꦺ​ꦤꦁꦏꦿꦸꦠꦺꦴꦤ꧀ꦲꦮꦶꦠ꧀ꦲꦉꦥ꧀​ꦚ꧀ꦗꦭꦸꦏ꧀​ꦏ꧀ꦭꦩ꧀ꦧꦶꦩꦸ​꧈​ꦩꦭꦃ​ꦗꦱ꧀ꦩꦸ​ꦢꦶꦏꦺꦏ꧀ꦏꦏꦺꦥꦶꦱꦤ꧀꧈​ ⁴¹ꦭꦃ​ꦤꦺꦏ꧀ꦏꦺꦴꦮꦺ​ꦢꦶꦥꦼꦏ꧀ꦱ​ꦮꦺꦴꦁ​ꦏꦺꦴꦁꦏꦺꦴꦤ꧀​ꦔ꧀ꦒꦮꦏ꧀ꦏꦏꦺꦧꦫꦁꦔꦺ​ꦱꦏ꧀ꦏꦶꦭꦺꦴꦩꦺꦠꦼꦂ​꧈​ꦢꦶꦒꦮ​ꦫꦺꦴꦁ​ꦏꦶꦭꦺꦴꦩꦺꦠꦼꦂ​ꦥꦶꦱꦤ꧀꧈​ ⁴²ꦤꦺꦏ꧀ꦲꦺꦤꦺꦁꦮꦺꦴꦁ​ꦚ꧀ꦗꦭꦸꦏ꧀ꦲꦥꦲꦥ​ꦩꦫꦁ​ꦏꦺꦴꦮꦺ​꧈​ꦢꦶꦏꦺꦏ꧀ꦏꦶꦭꦤ꧀ꦱꦶꦁ​ꦲꦉꦥ꧀ꦲꦸꦠꦁ​ꦩꦫꦁ​ꦏꦺꦴꦮꦺ​ꦪ​ꦢꦶꦲꦸꦠꦁꦔꦶ꧉​”

꧋ꦧꦧ꧀ꦠꦿꦺꦱ꧀ꦤꦩꦫꦁ​ꦩꦸꦁꦱꦸꦃ​꧉​

⁴³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦺꦴꦮꦺ​ꦥꦢ​ꦔꦼꦂꦠꦶ​ꦥꦶꦮꦸꦭꦁ​ꦲꦶꦏꦶ​:'ꦏꦺꦴꦮꦺ​ꦥꦢ​ꦠꦿꦺꦱ꧀ꦤꦲꦩꦫꦁ​ꦏꦚ꧀ꦕꦏꦚ꧀ꦕꦩꦸ​ꦭꦤ꧀ꦥꦢ​ꦱꦼꦔꦶꦠ꧀ꦠ​ꦩꦫꦁ​ꦩꦸꦁꦱꦸꦃꦩꦸ​꧉'​ ⁴⁴ꦤꦁꦔꦶꦁ​ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ:ꦥꦢ​ꦠꦿꦺꦱ꧀ꦤꦲꦩꦫꦁ​ꦩꦸꦁꦱꦸꦃꦩꦸ​ꦭꦤ꧀ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦲꦭ​ꦩꦫꦁ​ꦏꦺꦴꦮꦺ​ꦢꦶꦢꦺꦴꦔꦏ꧀ꦏꦏꦺ꧉​ ⁴⁵ꦢꦢꦶꦤꦺ​ꦏꦼꦠꦫ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦱꦶꦁ​ꦤꦁꦱ꧀ꦮꦂꦒ​꧉​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦚ꧀ꦭꦺꦴꦫꦺꦴꦠ꧀ꦠꦏꦺꦥꦢꦁꦔꦺꦱꦽꦔꦺꦔꦺ​ꦩꦫꦁ​ꦮꦺꦴꦁ​ꦱꦶꦁ​ꦧꦼꦕꦶꦏ꧀ꦭꦤ꧀ꦱꦶꦁ​ꦲꦭ​꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦲꦸꦒ​ꦔꦼꦏꦺꦏ꧀ꦏꦶꦲꦸꦢꦤ꧀ꦩꦫꦁ​ꦮꦺꦴꦁ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦧꦼꦕꦶꦏ꧀ꦭꦤ꧀ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧉​ ⁴⁶ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦤꦿꦺꦱ꧀ꦤꦤ꧀ꦤꦶꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦏꦺꦴꦮꦺ​꧈​ꦲꦗ​ꦚ꧀ꦗꦒꦏ꧀ꦏꦏꦺꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦸꦥꦃꦲꦶꦏꦺꦴꦮꦺ​꧈​ꦲꦮꦶꦠ꧀ꦮꦺꦴꦁ​ꦱꦶꦁ​ꦩꦠꦢꦸꦮꦶꦠ꧀ꦠꦼꦤ꧀ꦮꦲꦺ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦶ​꧉​ ⁴⁷ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦩ꧀ꦧꦒꦺꦏ꧀ꦏꦏꦺꦏꦚ꧀ꦕꦏꦚ꧀ꦕꦩꦸ​꧈​ꦭꦃ​ꦏꦺꦴꦮꦺ​ꦲꦥ​ꦲꦺꦤꦺꦁꦧꦺꦢꦤꦺ​ꦏꦫꦺꦴ​ꦭꦶꦪꦤꦺ​?ꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦥꦢ​ꦮꦲꦺ​ꦏꦪ​ꦔꦺꦴꦤꦺꦴ​꧉​ ⁴⁸ꦩꦸꦭꦤꦺ​꧈​ꦏꦺꦴꦮꦺ​ꦏꦸꦢꦸ​ꦱꦩ꧀ꦥꦸꦂꦤ​꧈​ꦏꦪ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦪ​ꦱꦩ꧀ꦥꦸꦂꦤ​꧉​”

ꦧꦧ꧀ꦠꦼꦠꦸꦭꦸꦁ​'

꧇​꧖꧇​ ¹꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦼꦁꦒꦺꦴꦤ꧀ꦩꦸ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦥꦚꦼꦩ꧀ꦧꦃ​ꦏꦸꦮꦶ​ꦲꦗ​ꦏꦁꦒꦺꦴ​ꦥꦩꦺꦂꦫꦤ꧀ꦮꦺꦴꦁ​꧉​ꦩꦼꦁꦏꦺꦴ​ꦤ꧀ꦢꦏ꧀ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦲꦺꦴꦫ​ꦲꦩ꧀ꦧꦼꦂꦏꦃꦲꦶ​ꦏꦺꦴꦮꦺ​꧉​ ²꧋“ꦤꦺꦏ꧀ꦏꦺꦴꦮꦺ​ꦥꦮꦺꦃꦢꦸꦮꦶꦠ꧀ ꦲꦗ​ꦢꦶꦲꦺꦴꦩꦺꦴꦁꦔꦺꦴꦩꦺꦴꦁꦔꦏꦺ꧈​ꦏꦪ​ꦮꦺꦴꦁ​ꦭꦩꦶꦱ꧀ꦏꦲꦺ​꧉​ꦮꦺꦴꦁ​ꦭꦩꦶꦱ꧀ꦏꦸꦮꦶ​ꦭꦸꦩꦿꦃꦲꦺ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦧꦼꦕꦶꦏ꧀ꦏꦺ​꧈​ꦢꦶꦏꦧꦂꦏꦧꦂꦫꦏꦺꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦭꦤ꧀ꦤꦁꦢꦭꦤ꧀ꦢꦭꦤ꧀ ꦱꦸꦥꦪ​ꦢꦶꦲꦼꦊꦩ꧀ꦮꦺꦴꦁ​꧉​ꦔꦼꦂꦠꦶꦪ​꧈​ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦮꦶꦱ꧀ꦤꦩ꧀ꦥ​ꦥꦼꦩ꧀ꦧꦊꦱꦤ꧀ꦤꦺꦥꦼꦁꦒꦮꦺꦪꦤ꧀ꦏꦸ꧉​ ³ꦤꦁꦔꦶꦁ​ꦏꦁꦒꦺꦴ​ꦏꦺꦴꦮꦺ​꧈​ꦤꦺꦏ꧀ꦏꦺꦴꦮꦺ​ꦥꦮꦺꦃ꧈​ꦲꦗ​ꦱꦩ꧀ꦥꦺꦏ꧀ꦮꦺꦴꦁ​ꦭꦶꦪ​ꦔꦼꦂꦠꦶ​꧉​ ⁴ꦢꦢꦶꦤꦺ​ꦥꦮꦺꦃꦩꦸꦲꦺꦴꦫ​ꦏꦺꦠꦺꦴꦏ꧀ꦮꦺꦴꦁ​꧈​ꦤꦁꦔꦶꦁ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦔꦼꦂꦠꦶ​ꦧꦫꦁ​ꦱꦶꦁ​ꦲꦺꦴꦫ​ꦏꦺꦠꦺꦴꦏ꧀ ꦢꦺꦏ꧀ꦤꦺꦱꦶꦁ​ꦧꦏꦭ꧀ꦔꦸꦥꦃꦲꦶꦏꦺꦴꦮꦺ​꧉​”

꧋ꦧꦧ꧀​ꦤ꧀ꦢꦼꦢꦺꦴꦔ​꧉​

⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦤ꧀ꦢꦼꦢꦺꦴꦔ​꧈​ꦲꦗ​ꦏꦪ​ꦮꦺꦴꦁ​ꦭꦩꦶꦱ꧀꧈​ꦮꦺꦴꦁ​ꦭꦩꦶꦱ꧀ꦏꦸꦮꦶ​ꦭꦸꦩꦿꦃꦲꦺ​ꦥꦢ​ꦤ꧀ꦢꦼꦢꦺꦴꦔ​ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦲꦥ​ꦤꦁꦢꦭꦤ꧀ꦢꦭꦤ꧀ ꦱꦸꦥꦪ​ꦏꦺꦠꦺꦴꦏ꧀ꦮꦺꦴꦁ​꧉​ꦔꦼꦂꦠꦶꦪ​꧈​ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦮꦶꦱ꧀ꦤꦩ꧀ꦥ​ꦲꦸꦥꦃꦲꦺ꧉​ ⁶ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦤ꧀ꦢꦼꦢꦺꦴꦔ​꧈​ꦩ꧀ꦊꦧꦸꦮ​ꦤꦁꦏꦩꦂ​ꦭꦤ꧀ꦭꦮꦁꦔꦺ​ꦢꦶꦏꦚ꧀ꦕꦶꦁ​꧈​ꦠꦼꦫꦸꦱ꧀​ꦤ꧀ꦢꦼꦢꦺꦴꦔꦲ​ꦩꦫꦁ​ꦧꦥꦏ꧀ꦩꦸ​ꦱꦶꦁ​ꦲꦺꦴꦫ​ꦏꦺꦠꦺꦴꦏ꧀꧈​ꦢꦺꦏ꧀ꦤꦺꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺ꧈​ꦱꦼꦤꦗꦤ꧀ꦮꦺꦴꦁ​ꦭꦶꦪ​ꦲꦺꦴꦫ​ꦮꦼꦫꦸꦃ​꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦧꦏꦭ꧀ꦔꦸꦥꦃꦲꦶꦏꦺꦴꦮꦺ​ꦏꦫꦺꦴ​ꦧꦼꦂꦏꦃ​꧉​ ⁷꧋“ꦤꦺꦏ꧀ꦏꦺꦴꦮꦺ​ꦤ꧀ꦢꦼꦢꦺꦴꦔ​꧈​ꦲꦗ​ꦢꦮꦢꦮ​꧈​ꦏꦪ​ꦭꦸꦩꦿꦃꦲꦺ​ꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦩꦶꦏꦶꦫꦺꦒꦸꦱ꧀ꦠꦶ​ꦄꦭ꧀ꦭꦃ​ꦔꦿꦸꦔꦺꦴꦏ꧀ꦏꦏꦺꦥꦤ꧀ꦢꦺꦴꦔꦤꦺ​꧈​ꦗꦭꦂꦫꦤ꧀ꦢꦮ​꧉​ ⁸ꦲꦗ​ꦥꦢ​ꦤꦶꦫꦸ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦧꦸꦠꦸꦃꦲꦏꦺ꧈​ꦱꦏ꧀ꦢꦸꦫꦸꦁꦔꦺꦲꦩ꧀ꦧꦺꦴꦏ꧀ꦠꦼꦩ꧀ꦧꦸꦁ​ꦲꦶꦁ​ꦥꦤ꧀ꦢꦺꦴꦔ​꧉​ ⁹ꦩꦸꦭꦤꦺ​ꦤ꧀ꦢꦼꦢꦺꦴꦔꦲ​ꦔꦺꦤꦺ​:

‘ꦢꦸꦃ​ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺꦤꦁꦱ꧀ꦮꦂꦒ​
ꦩꦸꦒ​ꦗꦼꦤꦼꦁꦩꦸ​ꦏꦱꦸꦕꦺꦏ꧀ꦤ​꧉​
¹⁰ꦩꦸꦒ​ꦏꦿꦠꦺꦴꦤ꧀ꦩꦸ​ꦠꦸꦩꦼꦏꦲ​
ꦭꦤ꧀ꦏꦼꦏꦉꦥ꧀ꦥꦤ꧀ꦩꦸ​ꦏ꧀ꦭꦏꦺꦴꦤꦤ
ꦲꦶꦁ​ꦢꦺꦴꦚ​ꦏꦪꦢꦺꦤꦺꦤꦁꦱ꧀ꦮꦂꦒ​꧉​
¹¹ꦚꦸꦮꦸꦤ꧀ꦱꦤ꧀ꦢꦁꦥꦔꦤ꧀ꦱꦧꦼꦤ꧀ꦢꦶꦤ​
¹²ꦭꦤ꧀ꦥꦔꦥꦸꦫ​ꦱꦁꦏꦲꦶꦁ​ꦢꦺꦴꦱ​
꧋ꦲꦮꦶꦠ꧀ꦲꦮꦏ꧀ꦏꦺ​ꦢꦺꦮꦺꦪ​ꦔꦥꦸꦫ​ꦢꦺꦴꦱꦤꦺ​ꦮꦺꦴꦁ​ꦭꦶꦪ​꧉​
¹³ꦚꦸꦮꦸꦤ꧀ꦲꦗ​ꦱꦩ꧀ꦥꦺꦏ꧀ꦏꦼꦤꦺꦁꦒꦺꦴꦢ
ꦤꦁꦔꦶꦁ​ꦭꦸꦮꦂꦫꦤ​ꦱꦁꦏꦲꦭ​꧉​’

¹⁴꧋“ꦤꦺꦏ꧀ꦏꦺꦴꦮꦺ​ꦔꦥꦸꦫ​ꦩꦫꦁ​ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦱꦭꦃ​ꦩꦫꦁ​ꦏꦺꦴꦮꦺ​꧈​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦪ​ꦧꦏꦭ꧀ꦔꦥꦸꦫ​ꦱꦭꦃꦩꦸ​꧉​ ¹⁵ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦔꦥꦸꦫ​ꦱꦭꦃꦲꦺ​ꦭꦶꦪꦤꦺ​꧈​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦪ​ꦲꦺꦴꦫ​ꦧꦏꦭ꧀ꦔꦥꦸꦫ​ꦱꦭꦃꦩꦸ​꧉​”

꧋ꦧꦧ꧀ꦥꦱ​꧉​

¹⁶꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦤꦺꦏ꧀ꦏꦺꦴꦮꦺ​ꦥꦱ​꧈​ꦲꦗ​ꦏꦺꦠꦺꦴꦏ꧀ꦱꦼꦢꦶꦏꦪ​ꦭꦸꦩꦿꦃꦲꦺ​ꦮꦺꦴꦁ​ꦭꦩꦶꦱ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦫꦸꦥꦤꦺ​ꦢꦶꦒꦮꦺꦒꦮꦺ​꧈​ꦱꦸꦥꦪ​ꦏꦺꦠꦺꦴꦏ꧀ꦱꦼꦢꦶ꧈​ꦢꦢꦶꦤꦺ​ꦮꦺꦴꦁ​ꦏꦧꦺꦃ​ꦔꦼꦂꦠꦶ​ꦤꦺꦏ꧀ꦲꦶꦗꦶꦏ꧀ꦥꦱ​꧉​ꦔꦼꦂꦠꦶꦪ​꧈​ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦮꦶꦱ꧀ꦤꦩ꧀ꦥ​ꦲꦸꦥꦃꦲꦺꦏꦪ​ꦱꦏ꧀ꦩꦼꦱ꧀ꦠꦶꦤꦺ꧉​ ¹⁷ꦤꦁꦔꦶꦁ​ꦏꦺꦴꦮꦺ​꧈​ꦤꦺꦏ꧀ꦏꦺꦴꦮꦺ​ꦥꦱ​꧈​ꦏꦺꦴꦮꦺ​ꦫꦲꦸꦥ꧀ꦥ​ꦭꦤ꧀ꦫꦩ꧀ꦧꦸꦠ꧀ꦩꦸ​ꦢꦶꦗꦸꦁꦏꦠ꧀ꦠꦶ꧉​ ¹⁸ꦢꦢꦶꦤꦺ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦥꦱ​꧉​ꦤꦩꦸꦁ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦱꦶꦁ​ꦲꦺꦴꦫ​ꦏꦺꦠꦺꦴꦏ꧀ꦱꦶꦁ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​꧉​ꦢꦺꦏ꧀ꦤꦺꦱꦶꦁ​ꦧꦏꦭ꧀ꦔꦸꦥꦃꦲꦶꦏꦺꦴꦮꦺ​꧉​”

꧋ꦧꦤ꧀ꦢꦤꦁꦱ꧀ꦮꦂꦒ​꧉​

¹⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦲꦗ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦧꦤ꧀ꦢꦲꦶꦁ​ꦢꦺꦴꦚ​꧈​ꦲꦮꦶꦠ꧀ꦧꦶꦱ​ꦫꦸꦱꦏ꧀ꦢꦶꦥꦔꦤ꧀ꦫꦪꦥ꧀ꦭꦤ꧀ꦉꦔꦼꦠ꧀ꦭꦤ꧀ꦧꦶꦱ​ꦢꦶꦕꦺꦴꦭꦺꦴꦁ​ꦩꦭꦶꦁ​꧉​ ²⁰ꦭꦸꦮꦸꦁꦔ꧀ꦭꦸꦩ꧀ꦥꦸꦏ꧀ꦏꦏꦺꦧꦤ꧀ꦢꦤꦁꦱ꧀ꦮꦂꦒ​ꦮꦲꦺ​꧈​ꦲꦮꦶꦠ꧀ꦤꦁꦱ꧀ꦮꦂꦒ​ꦲꦺꦴꦫ​ꦲꦺꦤꦺꦁꦫꦪꦥ꧀ꦭꦤ꧀ꦉꦔꦼꦠ꧀ꦱꦶꦁ​ꦧꦶꦱ​ꦔꦿꦸꦱꦏ꧀ꦭꦤ꧀ꦩꦭꦶꦁ​ꦪ​ꦲꦺꦴꦫ​ꦧꦶꦱ​ꦚꦺꦴꦭꦺꦴꦁ​꧉​ ²¹ꦲꦮꦶꦠ꧀ꦤꦁꦲꦼꦤ꧀ꦢꦶ​ꦧꦤ꧀ꦢꦩꦸ꧈​ꦪ​ꦤꦁꦏꦺꦴꦤꦺꦴ​ꦲꦸꦒ​ꦲꦠꦶꦩꦸ​꧉​”

꧋ꦩꦿꦶꦥꦠ꧀ꦏꦸꦮꦶ​ꦢꦶꦪꦤ꧀ꦤꦺꦲꦮꦏ꧀꧈​

²²꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦿꦶꦥꦠ꧀ꦏꦸꦮꦶ​ꦢꦶꦪꦤ꧀ꦤꦺꦲꦮꦏ꧀꧈​ꦤꦺꦏ꧀ꦩꦿꦶꦥꦠ꧀ꦠꦺ​ꦥꦢꦁ꧈​ꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦪ​ꦥꦢꦁ꧉​ ²³ꦤꦁꦔꦶꦁ​ꦤꦺꦏ꧀ꦩꦿꦶꦥꦠ꧀ꦩꦸ​ꦥꦼꦠꦼꦁ​꧈​ꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦪ​ꦥꦼꦠꦼꦁ​ꦲꦸꦒ​꧉​ꦢꦢꦶꦤꦺ​꧈​ꦤꦺꦏ꧀ꦢꦶꦪꦤ꧀ꦱꦶꦁ​ꦤꦁꦲꦮꦏ꧀ꦩꦸ​ꦏꦸꦮꦶ​ꦩꦭꦶꦃ​ꦥꦼꦠꦼꦁ​꧈​ꦭꦃ​ꦏꦪ​ꦔꦥ​ꦥꦼꦠꦼꦁꦔꦺ​!”

꧋ꦧꦧ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦭꦺꦴꦫꦺꦴ​꧉​

²⁴꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦧꦶꦱ​ꦔꦿꦁꦏꦼꦥ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦭꦺꦴꦫꦺꦴ​꧉​ꦲꦮꦶꦠ꧀ꦮꦺꦴꦁꦔꦺ​ꦧꦏꦭ꧀ꦱꦼꦔꦶꦠ꧀ꦏꦫꦺꦴ​ꦱꦶꦁ​ꦱꦶꦗꦶ​ꦭꦤ꧀ꦤꦿꦺꦱ꧀ꦤꦤ꧀ꦤꦶꦭꦶꦪꦤꦺ​꧈​ꦲꦥ​ꦔꦼꦊꦩ꧀ꦱꦶꦁ​ꦱꦶꦗꦶ​ꦭꦤ꧀ꦚꦼꦥꦺꦭꦺꦏ꧀ꦏꦏꦺꦱꦶꦁ​ꦭꦶꦪꦤꦺ​꧉​ꦱꦼꦩꦺꦴꦤꦺꦴ​ꦲꦸꦒ​ꦏꦺꦴꦮꦺ​꧈​ꦏꦺꦴꦮꦺ​ꦲꦺꦴꦫ​ꦧꦶꦱ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦸꦒ​ꦔ꧀ꦭꦢꦺꦤ꧀ꦤꦶ​ꦢꦸꦮꦶꦠ꧀꧈​”

꧋ꦲꦗ​ꦱꦸꦩꦼꦭꦁ​꧉​

²⁵꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦸꦭꦤꦺ​ꦲꦏꦸ​ꦔꦺꦴꦩꦺꦴꦁ:ꦲꦗ​ꦥꦢ​ꦱꦸꦩꦼꦭꦁ​ꦧꦧ꧀ꦲꦸꦫꦶꦥ꧀ꦩꦸ​꧈​ꦧꦧ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦥꦔꦤ꧀ꦭꦤ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩ꧀ꦧꦺ​ꦭꦤ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦼꦁꦒꦺꦴ​꧉​ꦲꦥ​ꦲꦸꦫꦶꦥ꧀ꦏꦸꦮꦶ​ꦲꦗꦶꦤꦺ​ꦲꦺꦴꦫ​ꦔꦸꦁꦏꦸꦭ꧀ꦭꦶ​ꦥꦔꦤ꧀ꦭꦤ꧀ꦲꦮꦏ꧀ꦏꦸꦮꦶ​ꦲꦗꦶꦤꦺ​ꦲꦥ​ꦲꦺꦴꦫ​ꦔꦸꦁꦏꦸꦭ꧀ꦭꦶ​ꦱꦤ꧀ꦢꦁꦔꦤ꧀? ²⁶ꦲꦩ꧀ꦧꦺꦴꦏ꧀ꦢꦶꦱꦮꦁ​ꦩꦤꦸꦏ꧀ꦩꦤꦸꦏ꧀ꦱꦶꦁ​ꦩꦧꦸꦂ​ꦤꦁꦭꦔꦶꦠ꧀ꦏꦲꦺ​꧉​ꦭꦲꦸꦠ꧀ꦪ​ꦲꦺꦴꦫ​ꦥꦢ​ꦚꦼꦧꦂ​ꦭꦤ꧀ꦪ​ꦲꦺꦴꦫ​ꦥꦢ​ꦔꦸꦤ꧀ꦢꦸꦃꦭꦤ꧀ꦪ​ꦲꦺꦴꦫ​ꦥꦢ​ꦚꦶꦩ꧀ꦥꦼꦤ꧀ꦥꦤꦺꦤ꧀ꦤꦤ꧀ꦤꦺ​ꦤꦁꦭꦸꦩ꧀ꦧꦸꦁ​꧉​ꦤꦁꦔꦶꦁ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦔꦺꦴꦥꦺꦤ꧀ꦤꦶ​ꦩꦤꦸꦏ꧀ꦩꦤꦸꦏ꧀ꦏꦸꦮꦶ​꧉​ꦲꦥ​ꦲꦗꦶꦤꦺ​ꦲꦸꦫꦶꦥ꧀ꦩꦸ​ꦲꦺꦴꦫ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦤꦸꦏ꧀ꦩꦤꦸꦏ꧀ꦏꦸꦮꦶ​? ²⁷ꦲꦥ​ꦤꦁꦠꦼꦔꦃꦩꦸ​ꦲꦺꦤꦺꦁꦱꦶꦁ​ꦧꦶꦱ​ꦚꦩ꧀ꦧꦸꦁ​ꦲꦸꦫꦶꦥ꧀ꦥꦺꦔꦁꦒꦺꦴ​ꦱꦸꦩꦼꦭꦁ​? ²⁸꧋“ꦭꦃ​ꦏꦼꦤꦺꦁꦲꦥ​ꦏꦺꦴꦏ꧀ꦥꦢ​ꦱꦸꦩꦼꦭꦁ​ꦧꦧ꧀ꦱꦤ꧀ꦢꦁꦔꦤ꧀?ꦲꦩ꧀ꦧꦺꦴꦏ꧀ꦢꦶꦱꦮꦁ​ꦏꦼꦩ꧀ꦧꦁꦏꦼꦩ꧀ꦧꦁ​ꦱꦶꦁ​ꦠꦸꦏꦸꦭ꧀ꦤꦁꦏꦼꦧꦺꦴꦤ꧀ꦏꦲꦺ​꧉​ꦏꦼꦩ꧀ꦧꦁꦏꦼꦩ꧀ꦧꦁ​ꦏꦸꦮꦶ​ꦭꦲꦸꦠ꧀ꦪ​ꦲꦺꦴꦫ​ꦥꦢ​ꦚꦩ꧀ꦧꦸꦠ꧀ꦠꦲꦥ​ꦔ꧀ꦒꦮꦺ​ꦱꦭꦶꦤ꧀ꦠ​? ²⁹ꦤꦁꦔꦶꦁ​ꦱꦮꦁꦔꦼꦤ꧀ꦢꦺꦮꦺ꧈​ꦒꦺꦏ꧀ꦫꦠꦸ​ꦯꦺꦴꦭꦺꦩꦤ꧀ꦮꦲꦺ​ꦱꦶꦁ​ꦱꦸꦒꦶꦃꦲꦺ​ꦏꦪ​ꦔꦺꦴꦤꦺꦴ​ꦲꦺꦴꦫ​ꦤ꧀ꦢꦸꦮꦺꦱꦭꦶꦤ꧀ꦱꦶꦁ​ꦲꦥꦶꦏ꧀ꦏꦺ​ꦏꦪ​ꦏꦼꦩ꧀ꦧꦁꦏꦼꦩ꧀ꦧꦁ​ꦏꦸꦮꦶ​꧉​ ³⁰ꦱꦼꦩꦺꦴꦤꦺꦴ​ꦲꦸꦒ​ꦱꦸꦏꦼꦠ꧀ꦱꦸꦏꦼꦠ꧀ꦤꦁꦏꦼꦧꦺꦴꦤ꧀ ꦱꦶꦁ​ꦢꦶꦤ​ꦲꦶꦏꦶ​ꦠꦸꦏꦸꦭ꧀ꦭꦤ꧀ꦱꦺꦱꦸꦏ꧀ꦢꦶꦲꦺꦴꦧꦺꦴꦁ​꧉​ꦏꦸꦮꦶ​ꦮꦲꦺ​ꦢꦶꦲꦥꦶꦏ꧀ꦲꦥꦶꦏ꧀ꦠꦼꦤꦤ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦃ​ꦏꦺꦴꦮꦺ​ꦩꦼꦤꦺꦃ​!ꦒꦸꦱ꧀ꦠꦶ​ꦄꦭ꧀ꦭꦃ​ꦩꦼꦱ꧀ꦠꦶꦧꦏꦭ꧀ꦚꦤ꧀ꦢꦏ꧀ꦏꦺꦴꦮꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦱꦸꦏꦼꦠ꧀ꦱꦸꦏꦼꦠ꧀ꦏꦸꦮꦶ​꧉​ꦤꦁꦔꦶꦁ​ꦏꦺꦴꦮꦺ​ꦥꦢ​ꦕꦶꦭꦶꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ ³¹꧋“ꦩꦸꦭꦤꦺ​꧈​ꦲꦗ​ꦥꦢ​ꦱꦸꦩꦼꦭꦁ​ꦭꦤ꧀ꦲꦗ​ꦥꦢ​ꦧꦶꦔꦸꦁ​ꦧꦧ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦥꦔꦤ꧀ꦭꦤ꧀ꦲꦩ꧀ꦧꦺꦴꦏ꧀ꦲꦺꦴꦩ꧀ꦧꦺ​ꦭꦤ꧀ꦲꦩ꧀ꦧꦺꦴꦏ꧀ꦲꦼꦁꦒꦺꦴ​꧉​ ³²ꦲꦮꦶꦠ꧀ꦏꦸꦮꦶ​ꦥꦽꦏꦫꦥꦽꦏꦫ​ꦱꦶꦁ​ꦢꦶꦥꦶꦏꦶꦂ​ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​꧉​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦭꦲꦸꦠ꧀ꦮꦶꦱ꧀ꦔꦼꦂꦠꦶ​ꦤꦺꦏ꧀ꦧꦫꦁꦧꦫꦁ​ꦏꦸꦮꦶ​ꦏꦧꦺꦃ​ꦲꦩ꧀ꦧꦺꦴꦏ꧀ꦧꦸꦠꦸꦃꦲꦏꦺ꧉​ ³³ꦩꦸꦭꦤꦺ​꧈​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦥꦶꦏꦶꦂ​ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺꦏꦸꦢꦸꦤꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦩꦸ​ꦧꦶꦱ​ ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​꧉​ꦩꦼꦁꦏꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦏꦺꦏ꧀ꦏꦶꦏꦺꦴꦮꦺ​ꦧꦫꦁꦧꦫꦁ​ꦭꦶꦪꦤꦺ​ꦱꦶꦁ​ꦲꦩ꧀ꦧꦺꦴꦏ꧀ꦧꦸꦠꦸꦃꦲꦏꦺ꧉​ ³⁴ꦩꦸꦭꦤꦺ​꧈​ꦲꦗ​ꦥꦢ​ꦱꦸꦩꦼꦭꦁ​ꦧꦧ꧀ꦢꦶꦤ​ꦱꦺꦱꦸꦏ꧀ ꦲꦮꦶꦠ꧀ꦢꦶꦤꦤꦺ​ꦱꦺꦱꦸꦏ꧀ꦲꦺꦤꦺꦁꦏꦫꦺꦥꦺꦴꦠ꧀ꦠꦤ꧀ꦤꦺ​ꦢꦺꦮꦺ꧉​ꦔꦿꦱꦏ꧀ꦏꦏꦺ​ꦏꦫꦺꦥꦺꦴꦠ꧀ꦠꦤ꧀ꦤꦺ​ꦢꦶꦤ​ꦲꦶꦏꦶ​ꦮꦲꦺ​ꦮꦶꦱ꧀ꦲꦧꦺꦴꦠ꧀ ꦲꦗ​ꦢꦶꦠꦩ꧀ꦧꦃꦲꦶ​ꦏꦫꦺꦴ​ꦏꦫꦺꦥꦺꦴꦠ꧀ꦠꦤ꧀ꦤꦺ​ꦢꦶꦤ​ꦱꦺꦱꦸꦏ꧀꧈​”

꧋ꦧꦧ꧀ꦩꦲꦶꦢꦺꦴ​꧉​

꧇​꧗꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦲꦗ​ꦥꦢ​ꦩꦲꦶꦢꦺꦴ​ꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦩꦲꦶꦢꦺꦴ​ꦏꦺꦴꦮꦺ​꧉​ ²ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦩꦲꦶꦢꦺꦴ​ꦏꦺꦴꦮꦺ​ꦩꦤꦸꦠ꧀ꦕꦫꦤꦺ​ꦲꦼꦁꦒꦺꦴꦤ꧀ꦩꦸ​ꦩꦲꦶꦢꦺꦴ​ꦭꦶꦪꦤꦺ​꧉​ꦭꦤ꧀ꦢꦺꦏ꧀ꦤꦺꦧꦏꦭ꧀ꦔꦸꦏꦸꦂ​ꦏꦺꦴꦮꦺ​ꦔꦁꦒꦺꦴ​ꦲꦸꦏꦸꦂꦫꦤ꧀ꦱꦶꦁ​ꦲꦩ꧀ꦧꦺꦴꦏ꧀ꦏꦁꦒꦺꦴꦏ꧀ꦏꦏꦺꦏꦁꦒꦺꦴ​ꦔꦸꦏꦸꦂ​ꦭꦶꦪꦤꦺ​꧉​ ³ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀​ꦤ꧀ꦢꦼꦭꦺꦴꦏ꧀ꦏꦏꦺꦏ꧀ꦭꦶꦭꦶꦥ꧀ꦤꦁꦩꦿꦶꦥꦠ꧀ꦠꦺ​ꦭꦶꦪꦤꦺ​꧈​ꦤꦁꦔꦶꦁ​ꦧꦭꦺꦴꦏ꧀ꦤꦁꦩꦿꦶꦥꦠ꧀ꦩꦸ​ꦢꦺꦮꦺꦏꦺꦴꦮꦺ​ꦲꦺꦴꦫ​ꦮꦼꦫꦸꦃ​꧉​ ⁴ꦭꦃ​ꦏꦼꦥꦿꦶꦪꦺ​ꦏꦺꦴꦮꦺ​ꦏꦺꦴꦏ꧀ꦮꦤꦶ​ꦔꦺꦴꦩꦺꦴꦁꦏꦫꦺꦴ​ꦭꦶꦪꦤꦺ​:'ꦏꦺꦤꦺ​ꦏ꧀ꦭꦶꦭꦶꦥ꧀ꦱꦶꦁ​ꦤꦁꦩꦿꦶꦥꦠ꧀ꦩꦸ​ꦠꦏ꧀ꦧꦸꦮꦁꦔꦺ꧈'​ꦤꦁꦔꦶꦁ​ꦩꦿꦶꦥꦠ꧀ꦩꦸ​ꦢꦺꦮꦺꦲꦺꦤꦺꦁꦧꦭꦺꦴꦏ꧀ꦏꦺ​꧉​ ⁵ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦧꦭꦺꦴꦏ꧀ꦱꦶꦁ​ꦤꦁꦩꦿꦶꦥꦠ꧀ꦩꦸ​ꦏꦸꦮꦶ​ꦢꦶꦧꦸꦮꦁ​ꦤ꧀ꦢꦶꦱꦶꦏ꧀ ꦢꦢꦶꦤꦺ​ꦏꦺꦴꦮꦺ​ꦧꦶꦱ​ꦮꦼꦫꦸꦃ​ꦩꦠ꧀ꦭꦤ꧀ꦧꦶꦱ​ꦲꦩ꧀ꦧꦸꦮꦁ​ꦏ꧀ꦭꦶꦭꦶꦥ꧀ꦱꦶꦁ​ꦤꦁꦩꦿꦶꦥꦠ꧀ꦠꦺ​ꦭꦶꦪꦤꦺ​꧉​ ⁶꧋“ꦧꦫꦁ​ꦱꦶꦁ​ꦱꦸꦕꦶ​ꦲꦗ​ꦢꦶꦏꦺꦏ꧀ꦏꦏꦺꦲꦱꦸ​꧈​ꦩꦼꦁꦏꦺꦴ​ꦤ꧀ꦢꦏ꧀ꦲꦱꦸꦤꦺꦧꦭꦶꦏ꧀ꦚꦠꦼꦠ꧀ꦠꦏꦺꦏꦺꦴꦮꦺ​꧉​ꦭꦤ꧀ꦥꦉꦭ꧀ꦲꦗ​ꦢꦶꦏꦺꦏ꧀ꦏꦏꦺꦧꦧꦶ​꧈​ꦩꦼꦁꦏꦺꦴ​ꦤ꧀ꦢꦏ꧀ꦢꦶꦲꦶꦢꦼꦏ꧀ꦲꦶꦢꦼꦏ꧀ꦔꦁꦒꦸꦂ​꧉​”

꧋ꦥꦤ꧀ꦢꦺꦴꦔ​ꦩꦼꦱ꧀ꦠꦶꦏꦼꦠꦩ꧀ꦥ꧉​

⁷꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦤꦺꦏ꧀ꦏꦺꦴꦮꦺ​ꦚ꧀ꦗꦭꦸꦏ꧀ ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦢꦶꦏꦺꦏ꧀ꦏꦶ;ꦤꦺꦏ꧀ꦏꦺꦴꦮꦺ​ꦔ꧀ꦒꦺꦴꦭꦺꦏ꧀ ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦤꦼꦩꦸ​;ꦤꦺꦏ꧀ꦏꦺꦴꦮꦺ​ꦠꦺꦴꦠꦺꦴꦏ꧀ꦠꦺꦴꦠꦺꦴꦏ꧀ꦭꦮꦁ​꧈​ꦩꦼꦱ꧀ꦠꦶꦏꦺꦴꦮꦺ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ ⁸ꦲꦮꦶꦠ꧀ꦱꦥ​ꦱꦶꦁ​ꦚ꧀ꦗꦭꦸꦏ꧀ꦧꦏꦭ꧀ꦤꦩ꧀ꦥ​ꦭꦤ꧀ꦱꦥ​ꦱꦶꦁ​ꦔ꧀ꦒꦺꦴꦭꦺꦏ꧀ꦧꦏꦭ꧀ꦤꦼꦩꦸ​ꦭꦤ꧀ꦱꦥ​ꦱꦶꦁ​ꦠꦺꦴꦠꦺꦴꦏ꧀ꦭꦮꦁ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ ⁹ꦥꦫ​ꦧꦥꦏ꧀ꦱꦶꦁ​ꦤꦁꦏꦺꦤꦺ​ꦲꦶꦏꦶ​꧈​ꦩꦺꦴꦱꦺꦴꦏ꧀ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦫꦺꦴꦠꦶ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦮꦠꦸ​?ꦩꦼꦱ꧀ꦠꦶꦲꦺꦴꦫ​ꦠ​! ¹⁰ꦲꦥ​ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦲꦶꦮꦏ꧀ꦠꦼꦫꦸꦱ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦸꦭ​?ꦩꦼꦱ꧀ꦠꦶꦲꦺꦴꦫ​ꦠ​! ¹¹ꦭꦃ​ꦤꦺꦏ꧀ꦏꦺꦴꦮꦺ​ꦮꦲꦺ​꧈​ꦮꦺꦴꦁ​ꦱꦶꦁ​ꦲꦭ​꧈​ꦧꦶꦱ​ꦔꦼꦏꦺꦏ꧀ꦏꦶꦧꦫꦁ​ꦱꦶꦁ​ꦲꦥꦶꦏ꧀ꦩꦫꦁ​ꦲꦤꦏ꧀ꦲꦤꦏ꧀ꦩꦸ​꧈​ꦭꦃ​ꦧꦥꦏ꧀ꦩꦸ​ꦱꦶꦁ​ꦤꦁꦱ꧀ꦮꦂꦒ​ꦩꦼꦤꦺꦃ​?ꦩꦺꦴꦱꦺꦴꦏ꧀ꦢꦺꦏ꧀ꦤꦺꦲꦺꦴꦫ​ꦧꦏꦭ꧀ꦔꦼꦏꦺꦏ꧀ꦏꦶꦧꦫꦁ​ꦱꦶꦁ​ꦲꦥꦶꦏ꧀ꦩꦫꦁ​ꦱꦥ​ꦮꦲꦺ​ꦱꦶꦁ​ꦥꦢ​ꦚ꧀ꦗꦭꦸꦏ꧀ꦩꦫꦁ​ꦢꦺꦏ꧀ꦤꦺ꧉​ ¹²꧋“ꦩꦸꦭꦤꦺ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦏꦉꦥ꧀ꦥꦏꦺꦱꦸꦥꦪ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦭꦶꦪ​ꦩꦫꦁ​ꦏꦺꦴꦮꦺ​꧈​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦭꦶꦪꦤꦺ​꧉​ꦲꦮꦶꦠ꧀ꦏꦸꦮꦶ​ꦲꦶꦱꦶꦤꦺ​ꦲꦁꦒꦼꦂꦫꦁꦒꦼꦂ​ꦱꦶꦁ​ꦢꦶꦮꦸꦭꦁꦔꦏꦺꦏꦫꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦭꦶꦪꦭꦶꦪꦤꦺ​꧉​”

꧋ꦧꦧ꧀ꦭꦮꦁ​ꦱꦶꦁ​ꦲꦩ꧀ꦧ​ꦭꦤ꧀ꦭꦮꦁ​ꦱꦶꦁ​ꦕꦶꦪꦸꦠ꧀꧈​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦔꦺꦤꦺ​:“ꦥꦢ​ꦩ꧀ꦊꦧꦸꦮ​ꦭꦶꦮꦠ꧀ꦭꦮꦁ​ꦱꦶꦁ​ꦕꦶꦪꦸꦠ꧀ ꦲꦮꦶꦠ꧀ꦭꦮꦁ​ꦱꦶꦁ​ꦲꦩ꧀ꦧ​ꦭꦤ꧀ꦢꦭꦤ꧀ꦱꦶꦁ​ꦗꦼꦩ꧀ꦧꦂ​ꦏꦸꦮꦶ​ꦔ꧀ꦒꦮ​ꦏꦺꦴꦮꦺ​ꦤꦁꦏꦫꦸꦱꦏ꧀ꦏꦤ꧀ꦭꦤ꧀ꦮꦺꦴꦁ​ꦲꦺꦴꦏꦺꦃꦱꦶꦁ​ꦥꦢ​ꦩꦶꦭꦶꦃ​ꦢꦭꦤ꧀ꦲꦶꦏꦸ​꧉​ ¹⁴ꦤꦁꦔꦶꦁ​ꦭꦮꦁ​ꦱꦶꦁ​ꦕꦶꦪꦸꦠ꧀ꦭꦤ꧀ꦢꦭꦤ꧀ꦱꦶꦁ​ꦕꦶꦪꦸꦠ꧀ꦏꦸꦮꦶ​ꦔ꧀ꦒꦮ​ꦏꦺꦴꦮꦺ​ꦤꦁꦏꦲꦸꦫꦶꦥ꧀ꦥꦤ꧀ꦭꦤ꧀ꦤꦩꦸꦁ​ꦮꦺꦴꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦥꦢ​ꦩꦶꦭꦶꦃ​ꦢꦭꦤ꧀ꦏꦸꦮꦶ​꧉​”

꧋ꦧꦧ꧀ꦤꦧꦶ​ꦱꦶꦁ​ꦥꦭ꧀ꦱꦸ​꧉​

¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦥꦢ​ꦱꦶꦁ​ꦲꦠꦶꦲꦠꦶꦏꦫꦺꦴ​ꦤꦧꦶꦤꦧꦶ​ꦱꦶꦁ​ꦥꦭ꧀ꦱꦸ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦏꦤꦺ​ꦤꦁꦔ꧀ꦒꦺꦴꦤ꧀ꦩꦸ​ꦏꦪ​ꦮꦼꦢꦸꦱ꧀ꦩꦤꦸꦠ꧀ ꦤꦁꦔꦶꦁ​ꦮꦸꦗꦸꦠ꧀ꦠꦺꦧꦼꦧꦸꦫꦺꦴꦤ꧀ꦱꦶꦁ​ꦒꦭꦏ꧀꧈​ ¹⁶ꦮꦺꦴꦁꦮꦺꦴꦁ​ꦏꦸꦮꦶ​ꦏꦼꦠꦫꦤꦺꦱꦁꦏꦥꦼꦁꦒꦮꦺꦤꦺ​꧉​ꦩꦺꦴꦱꦺꦴꦏ꧀ꦠꦸꦏꦸꦭ꧀ꦭꦤ꧀ꦲꦼꦫꦶ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦢꦽꦲꦶꦥ꦳꧀ꦭꦤ꧀ꦉꦫꦸꦁꦏꦸꦠ꧀ꦠꦤ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦗꦩ꧀ꦧꦸ​?ꦩꦼꦱ꧀ꦠꦶꦲꦺꦴꦫ​ꦠ​! ¹⁷ꦮꦶꦠ꧀ꦱꦶꦁ​ꦲꦥꦶꦏ꧀ꦩꦼꦱ꧀ꦠꦶꦪ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀ꦭꦤ꧀ꦮꦶꦠ꧀ꦱꦶꦁ​ꦲꦺꦭꦺꦏ꧀ꦩꦼꦱ꧀ꦠꦶꦪ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦺꦭꦺꦏ꧀꧈​ ¹⁸ꦮꦶꦠ꧀ꦱꦶꦁ​ꦲꦥꦶꦏ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦺꦭꦺꦏ꧀ꦭꦤ꧀ꦮꦶꦠ꧀ꦱꦶꦁ​ꦲꦺꦭꦺꦏ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀꧈​ ¹⁹ꦱꦧꦼꦤ꧀ꦮꦶꦠ꧀ꦱꦶꦁ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀ꦧꦏꦭ꧀ꦢꦶꦠꦼꦒꦺꦴꦂ​ꦭꦤ꧀ꦢꦶꦲꦺꦴꦧꦺꦴꦁ​꧉​ ²⁰ꦩꦼꦁꦏꦺꦴꦤꦺꦴ​ꦏꦸꦮꦶ​ꦏꦺꦴꦮꦺ​ꦧꦶꦱ​ꦤꦶꦠꦺꦤ꧀ꦤꦶ​ꦤꦧꦶ​ꦱꦶꦁ​ꦥꦭ꧀ꦱꦸ​꧈​ꦱꦁꦏꦥꦼꦁꦒꦮꦺꦤꦺ​꧉​”

꧋ꦮꦺꦴꦁ​ꦱꦶꦁ​ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦒꦸꦱ꧀ꦠꦶ​”꧉​

²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦶꦁ​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦲꦺꦴꦫ​ꦮꦺꦴꦁ​ꦱꦶꦁ​ꦔꦺꦴꦩꦺꦴꦁ'ꦒꦸꦱ꧀ꦠꦶ​꧈​ꦒꦸꦱ꧀ꦠꦶ​'​ꦩꦫꦁ​ꦲꦏꦸ​꧈​ꦲꦺꦴꦫ​꧈​ꦤꦁꦔꦶꦁ​ꦱꦧꦼꦤ꧀ꦮꦺꦴꦁ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦧꦥꦏ꧀ꦏꦸ​ꦤꦁꦱ꧀ꦮꦂꦒ​꧉​ ²²ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦲꦺꦴꦏꦺꦃꦮꦺꦴꦁ​ꦧꦏꦭ꧀ꦔꦺꦴꦩꦺꦴꦁꦩꦫꦁ​ꦲꦏꦸ​:'ꦒꦸꦱ꧀ꦠꦶ​꧈​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺ ꦭꦲꦸꦠ꧀ꦔꦧꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦗꦼꦤꦼꦁꦩꦸ​ꦠ​?ꦭꦤ꧀ꦲꦮꦏ꧀ꦏꦺ​ꦢꦺꦮꦺꦭꦲꦸꦠ꧀ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦲꦶꦁ​ꦗꦼꦤꦼꦁꦩꦸ​ꦠ​ꦭꦤ꧀ꦲꦮꦏ꧀ꦏꦺ​ꦢꦺꦮꦺꦪ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦲꦶꦁ​ꦗꦼꦤꦼꦁꦩꦸ​ꦲꦸꦒ​?’ ²³ꦤꦁꦔꦶꦁ​ꦲꦏꦸ​ꦧꦏꦭ꧀ꦱꦼꦩꦲꦸꦂ​:'ꦲꦏꦸ​ꦧ꧀ꦭꦱ꧀ꦲꦺꦴꦫ​ꦏꦼꦤꦭ꧀ꦩꦫꦁ​ꦏꦺꦴꦮꦺ​꧉​ꦥꦢ​ꦭꦸꦔꦲ​ꦱꦁꦏꦔꦉꦥ꧀ꦏꦸ​꧈​ꦏꦺꦴꦮꦺ​ꦮꦺꦴꦁ​ꦱꦶꦁ​ꦱꦼꦤꦼꦁ​ꦔ꧀ꦒꦮꦺ​ꦲꦭ​!’”

꧋ꦧꦧ꧀ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​꧉​

²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦥꦶꦮꦸꦭꦁꦏꦸ​ꦏꦸꦮꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦥꦶꦤ꧀ꦠꦼꦂ​ꦱꦶꦁ​ꦔꦼꦢꦼꦏ꧀ꦏꦏꦺꦲꦺꦴꦩꦃꦲꦺ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦠꦺꦴꦱ꧀꧈​ ²⁵ꦏꦢꦸꦁ​ꦲꦸꦢꦤ꧀ꦤꦺ​ꦢꦼꦉꦱ꧀ꦭꦤ꧀ꦧꦚꦸꦤꦺ​ꦭꦫꦩꦸꦁꦒꦃ​ꦔꦼꦊꦥ꧀ꦥꦏꦺꦥꦁꦒꦺꦴꦤ꧀ꦤꦤ꧀ꦤꦺ​ꦏꦧꦺꦃ​ꦭꦤ꧀ꦲꦔꦶꦤ꧀ꦒꦼꦢꦺ​ꦔꦤ꧀ꦠꦼꦩ꧀ꦩꦶ​ꦲꦺꦴꦩꦃꦲꦺ​꧈​ꦲꦺꦴꦩꦃꦲꦺ​ꦲꦺꦴꦫ​ꦫꦸꦧꦸꦃ​꧈​ꦲꦮꦶꦠ꧀ꦔꦢꦼꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦠꦺꦴꦱ꧀꧈​ ²⁶꧋“ꦭꦃ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦏꦸ​꧈​ꦤꦁꦔꦶꦁ​ꦲꦺꦴꦫ​ꦢꦶꦭꦏꦺꦴꦤ꧀ꦤꦶ​꧈​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦧꦺꦴꦢꦺꦴꦱꦶꦁ​ꦔꦼꦢꦼꦏ꧀ꦏꦏꦺꦲꦺꦴꦩꦃꦲꦺ​ꦤꦁꦊꦩꦃ​ꦱꦤ꧀ꦠꦶ꧉​ ²⁷ꦏꦢꦸꦁ​ꦲꦺꦤꦺꦁꦲꦸꦢꦤ꧀ꦢꦼꦉꦱ꧀ꦭꦤ꧀ꦧꦚꦸꦤꦺ​ꦭꦫꦩꦸꦁꦒꦃ​ꦔꦼꦊꦥ꧀ꦥꦏꦺꦥꦁꦒꦺꦴꦤ꧀ꦤꦤ꧀ꦤꦺ​ꦭꦤ꧀ꦲꦔꦶꦤ꧀ꦒꦼꦢꦺ​ꦔꦤ꧀ꦠꦼꦩ꧀ꦩꦶ​ꦲꦺꦴꦩꦃꦲꦺ​꧈​ꦲꦺꦴꦩꦃꦲꦺ​ꦠꦼꦫꦸꦱ꧀ꦲꦩ꧀ꦧꦿꦸꦏ꧀ ꦫꦸꦱꦏ꧀ꦱꦏ꧀ꦏꦧꦺꦃꦲꦺ꧉​” ²⁸ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦫꦩ꧀ꦥꦸꦁ​ꦱꦶꦁ​ꦩꦼꦩꦸꦭꦁ​꧈​ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀ꦩꦫꦁ​ꦥꦶꦮꦸꦭꦁꦔꦺ​꧉​ ²⁹ꦲꦮꦶꦠ꧀ꦢꦺꦏ꧀ꦤꦺꦱꦶꦁ​ꦩꦸꦭꦁ​ꦔꦁꦒꦺꦴ​ꦥꦔ꧀ꦮꦱ​꧈​ꦱꦺꦗꦺ​ꦏꦫꦺꦴ​ꦒꦸꦫꦸ​ꦏꦶꦠꦧ꧀​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦭꦺꦥꦿ​꧉​

꧇​꧘꧇​ ¹꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦢꦸꦤ꧀ꦱꦁꦏꦒꦸꦤꦸꦁ​꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦼꦠꦸꦠ꧀ꦠꦏꦺꦢꦺꦏ꧀ꦤꦺ꧉​ ²ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦫ​ꦭꦺꦥꦿ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦱꦸꦗꦸꦠ꧀ꦤꦁꦔꦉꦥ꧀ꦥꦺ​꧉​ꦮꦺꦴꦁꦔꦺ​ꦔꦺꦴꦩꦺꦴꦁ:“ꦢꦸꦃ​ꦒꦸꦱ꧀ꦠꦶ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ ꦩꦼꦱ꧀ꦠꦶꦏꦺꦴꦮꦺ​ꦧꦶꦱ​ꦤꦩ꧀ꦧꦤꦶ​ꦲꦏꦸ​꧉​” ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦭꦸꦁꦔꦏꦺꦠꦔꦤ꧀ꦤꦺ​ꦭꦤ꧀​ꦤ꧀ꦢꦼꦩꦺꦏ꧀ꦮꦺꦴꦁꦔꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦏꦸ​ꦒꦼꦊꦩ꧀ ꦢꦢꦶꦪ​ꦮꦫꦱ꧀!”ꦱꦏ꧀ꦮꦠ꧀ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​ꦠꦼꦤꦤ꧀꧈​ ⁴ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦥꦼꦔꦶꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦺꦴꦫ​ꦲꦺꦤ꧀ꦠꦸꦏ꧀ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦩꦫꦁ​ꦮꦺꦴꦁ​ꦭꦶꦪꦤꦺ​꧈​ꦤꦁꦔꦶꦁ​ꦢꦶꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​꧈​ꦱꦸꦥꦪ​ꦮꦼꦫꦸꦃ​ꦤꦺꦏ꧀ꦢꦺꦏ꧀ꦤꦺꦮꦶꦱ꧀ꦩꦫꦶ​ꦠꦼꦤꦤ꧀꧈​ꦮꦺꦴꦁꦔꦺ​ꦲꦸꦒ​ꦢꦶꦏꦺꦴꦁꦏꦺꦴꦤ꧀ꦔꦼꦏꦺꦏ꧀ꦏꦶꦏꦸꦂꦧꦤ꧀ꦤꦺ​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦤꦧꦶ​ꦩꦺꦴꦱꦼꦱ꧀ꦏꦁꦒꦺꦴ​ꦠꦤ꧀ꦢꦤꦺꦏ꧀ꦮꦺꦴꦁꦔꦺ​ꦮꦶꦱ꧀ꦩꦫꦶ​ꦠꦼꦤꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦥꦼꦭꦢꦺꦤ꧀ꦤꦺ​ꦲꦺꦴꦥ꦳ꦶꦱꦶꦂꦬꦸꦩ꧀꧈​

⁵꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦏꦸꦠꦑꦥꦺꦂꦤꦏꦸꦩ꧀ꦲꦺꦤꦺꦁꦲꦺꦴꦥ꦳ꦶꦱꦶꦂꦬꦸꦩ꧀ꦩꦫꦤꦶ​ꦢꦺꦏ꧀ꦤꦺ꧈​ꦚ꧀ꦗꦭꦸꦏ꧀ꦠꦸꦭꦸꦁ​ꦔꦺꦴꦩꦺꦴꦁ: ⁶“ꦒꦸꦱ꧀ꦠꦶ​꧈​ꦥꦼꦭꦢꦺꦤ꧀ꦏꦸꦭꦫ​ꦤꦁꦲꦺꦴꦩꦃ​꧉​ꦢꦺꦏ꧀ꦤꦺꦮꦶꦱ꧀ꦲꦺꦴꦫ​ꦧꦶꦱ​ꦲꦥꦲꦥ​꧈​ꦤꦩꦸꦁ​ꦔꦿꦱꦏ꧀ꦏꦏꦺ​ꦭꦫ​ꦠꦼꦤꦤ꧀꧈​” ⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦪ​꧈​ꦲꦏꦸ​ꦲꦉꦥ꧀ꦠꦼꦏ​ꦤꦩ꧀ꦧꦤꦶ​ꦢꦺꦏ꧀ꦤꦺ꧉​” ⁸꧋ꦤꦁꦔꦶꦁ​ꦲꦺꦴꦥ꦳ꦶꦱꦶꦫꦺꦱꦼꦩꦲꦸꦂ​:“ꦢꦸꦃ​ꦒꦸꦱ꧀ꦠꦶ​꧈​ꦲꦏꦸ​ꦲꦶꦏꦶ​ꦲꦺꦴꦫ​ꦥꦤ꧀ꦠꦼꦱ꧀ꦢꦶꦢꦪꦺꦴꦃꦲꦶꦒꦸꦱ꧀ꦠꦶ​ꦤꦁꦲꦺꦴꦩꦃꦏꦸ​꧉​ꦲꦩ꧀ꦧꦺꦴꦏ꧀ꦒꦸꦱ꧀ꦠꦶ​ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦏ꧀ꦏꦼꦕꦥ꧀​ꦮꦲꦺ​꧈​ꦩꦼꦁꦏꦺꦴ​ꦥꦼꦭꦢꦺꦤ꧀ꦏꦸꦩꦼꦱ꧀ꦠꦶꦧꦏꦭ꧀ꦩꦫꦶ​꧉​ ⁹ꦲꦮꦶꦠ꧀ꦲꦏꦸ​ꦢꦺꦮꦺꦪ​ꦲꦶꦁ​ꦱꦏ꧀ꦔꦶꦱꦺꦴꦂꦫꦺ​ꦥꦼꦁꦒꦼꦢꦺꦏꦸ꧈​ꦤꦁꦔꦶꦁ​ꦲꦏꦸ​ꦢꦺꦮꦺꦪ​ꦤ꧀ꦢꦸꦮꦺꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦲꦶꦁ​ꦱꦏ꧀ꦔꦶꦱꦺꦴꦂꦏꦸ​꧈​ꦱꦶꦁ​ꦏꦸꦢꦸ​ꦩꦤꦸꦠ꧀ꦩꦫꦁ​ꦲꦏꦸ​꧉​ꦤꦺꦏ꧀ꦲꦏꦸ​ꦩꦿꦺꦤ꧀ꦠꦃ​ꦱꦶꦁ​ꦱꦶꦗꦶ​ꦔꦺꦴꦩꦺꦴꦁ:'ꦏꦤ​ꦭꦸꦔ​꧈'​ꦮꦺꦴꦁꦔꦺ​ꦪ​ꦭꦸꦔ​ꦭꦤ꧀ꦤꦺꦏ꧀ꦭꦶꦪꦤꦺ​ꦠꦏ꧀ꦕꦼꦭꦸꦏ꧀​:'ꦫꦺꦤꦺ​꧈'​ꦮꦺꦴꦁꦔꦺ​ꦩꦼꦱ꧀ꦠꦶꦪ​ꦠꦼꦏ​꧉​ꦤꦺꦏ꧀ꦲꦏꦸ​ꦔꦺꦴꦩꦺꦴꦁꦏꦫꦺꦴ​ꦥꦼꦭꦢꦺꦤ꧀ꦏꦸ:'ꦲꦶꦏꦶ​ꦢꦶꦠꦤ꧀ꦢꦁꦔꦶ​꧈'​ꦩꦼꦱ꧀ꦠꦶꦪ​ꦢꦶꦠꦤ꧀ꦢꦁꦔꦶ​꧉​” ¹⁰꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦲꦺꦴꦥ꦳ꦶꦱꦶꦂꦏꦸꦮꦶ​꧉​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦩꦺꦭꦸ​:“ꦠꦼꦤꦤ꧀ ꦲꦏꦸ​ꦢꦸꦫꦸꦁ​ꦠꦲꦸ​ꦠꦸꦩꦺꦴꦤ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀ꦱꦼꦩꦺꦴꦤꦺꦴ​ꦒꦼꦢꦺꦤꦺꦤꦁꦠꦼꦔꦃꦲꦺ​ꦮꦺꦴꦁ​ꦆꦱꦿꦌꦭ꧀꧈​ ¹¹ꦠꦶꦠꦺꦤ꧀ꦤꦤ꧀ꦤ​ꦠ​꧈​ꦮꦺꦴꦁ​ꦥꦶꦫꦁꦥꦶꦫꦁ​ꦧꦏꦭ꧀ꦠꦼꦏ​ꦱꦁꦏꦮꦺꦠꦤ꧀ꦭꦤ꧀ꦏꦸꦭꦺꦴꦤ꧀ꦭꦤ꧀ꦥꦢ​ꦥꦺꦱ꧀ꦠ​ꦧꦼꦧꦉꦁꦔꦤ꧀ꦏꦫꦺꦴ​ꦧꦥ​ꦄꦨꦿꦲꦩ꧀ ꦆꦱꦏ꧀ꦭꦤ꧀ꦪꦏꦸꦧ꧀ꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ ¹²ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦶꦁ​ꦱꦏ꧀ꦩꦼꦱ꧀ꦠꦶꦤꦺꦏꦸꦢꦸ​ꦩꦁꦒꦺꦴꦤ꧀ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦭꦃ​ꦧꦏꦭ꧀ꦢꦶꦲꦸꦱꦶꦂ​ꦩꦼꦠꦸ​꧈​ꦢꦶꦊꦧꦺꦴꦏ꧀ꦏꦏꦺꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦥꦼꦠꦼꦁꦤ꧀ꦢꦼꦢꦼꦠ꧀꧈​ꦤꦁꦏꦺꦴꦤꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦤꦔꦶꦱ꧀ꦭꦤ꧀ꦏꦼꦫꦺꦴꦠ꧀ꦲꦸꦤ꧀ꦠꦸ​꧉​” ¹³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦲꦺꦴꦥ꦳ꦶꦱꦶꦫꦺ:“ꦏꦤ​ꦩꦸꦭꦶꦃ​꧈​ꦧꦏꦭ꧀​ꦏ꧀ꦭꦏꦺꦴꦤ꧀ꦩꦤꦸꦠ꧀ꦥꦼꦔꦤ꧀ꦢꦼꦭ꧀ꦩꦸ​꧉​” ꧋ꦭꦤ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦸꦒ​ꦥꦼꦭꦢꦺꦤ꧀ꦤꦺ​ꦩꦫꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦶꦪꦭꦶꦪꦤꦺ​꧉​

¹⁴꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏ​ꦤꦁꦲꦺꦴꦩꦃꦲꦺ​ꦦꦺꦠꦿꦸꦱ꧀ ꦢꦺꦏ꧀ꦤꦺꦮꦼꦫꦸꦃ​ꦤꦺꦏ꧀ꦲꦶꦧꦸꦩꦫꦠꦸꦮꦤꦺꦦꦺꦠꦿꦸꦱ꧀ꦭꦫ​ꦥꦤꦱ꧀ꦤꦁꦲꦩ꧀ꦧꦺꦤ꧀꧈​ ¹⁵ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦠꦔꦤ꧀ꦤꦺ​ꦮꦺꦴꦁꦔꦺ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦠꦔꦶ​ꦭꦤ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​꧉​ ¹⁶꧋ꦏꦢꦸꦁ​ꦮꦶꦱ꧀ꦱꦸꦫꦸꦥ꧀ꦮꦺꦴꦁꦮꦺꦴꦁ​ꦱꦶꦁ​ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀ꦠꦼꦫꦸꦱ꧀ꦥꦢ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦢꦼꦩꦶꦠ꧀​ꦢꦼꦩꦶꦠ꧀ꦠꦺ​ꦥꦢ​ꦢꦶꦠꦸꦤ꧀ꦢꦸꦁꦔꦶꦏꦫꦺꦴ​ꦠꦼꦩ꧀ꦧꦸꦁ​ꦱꦏ꧀ꦏꦼꦕꦥ꧀​ꦭꦤ꧀ꦱꦶꦁ​ꦭꦫ​ꦥꦢ​ꦢꦶꦮꦫꦱ꧀ꦱꦏꦺꦏꦧꦺꦃ​꧉​ ¹⁷ꦒꦸꦱ꧀ꦠꦶ​ꦪꦺꦯꦸꦱ꧀ꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦩꦲꦸ​ꦏꦧꦺꦃ​꧈​ꦱꦸꦥꦪ​ꦏ꧀ꦭꦏꦺꦴꦤ꧀ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦤꦧꦶ​ꦪꦺꦱꦪ​ꦢꦺꦏ꧀​ꦩ꧀ꦧꦶꦪꦺꦤ꧀ ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦢꦺꦏ꧀ꦤꦺꦮꦶꦱ꧀ꦚꦁꦒ​ꦏꦱꦁꦱꦫꦤꦺ​ꦲꦮꦏ꧀ꦏꦺ​ꦢꦺꦮꦺꦭꦤ꧀ꦊꦭꦫꦤꦺ​ꦲꦮꦏ꧀ꦏꦺ​ꦢꦺꦮꦺꦢꦺꦏ꧀ꦤꦺꦮꦶꦱ꧀ꦤꦩ꧀ꦧꦤꦶ​꧉​”

꧋ꦲꦥ​ꦠꦼꦒꦼꦱ꧀ꦱꦺ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦤꦺꦏ꧀ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦿꦸꦧꦸꦁ​ꦢꦺꦏ꧀ꦤꦺ꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦧꦿꦃꦩꦺꦂ꧉​ ¹⁹ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦺꦤꦺꦁꦱꦏ꧀ꦮꦶꦗꦶꦤꦺꦒꦸꦫꦸ​ꦏꦶꦠꦧ꧀​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦫꦸ​꧈​ꦲꦏꦸ​ꦲꦉꦥ꧀ꦩꦺꦭꦸ​ꦏꦺꦴꦮꦺ​꧈​ꦤꦁꦲꦼꦤ꧀ꦢꦶ​ꦮꦲꦺ​ꦲꦏꦸ​ꦲꦉꦥ꧀ꦩꦺꦭꦸ​꧉​” ²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​ꦮꦺꦴꦁꦔꦺ​ꦔꦺꦤꦺ​:“ꦲꦱꦸ​ꦲꦭꦱ꧀ꦱꦤ꧀​ꦤ꧀ꦢꦸꦮꦺꦫꦺꦴꦁ​ꦭꦤ꧀ꦩꦤꦸꦏ꧀​ꦤ꧀ꦢꦸꦮꦺꦱꦸꦱꦸꦏ꧀ ꦤꦁꦔꦶꦁ​ꦲꦤꦏ꧀ꦏꦺ​ꦩꦤꦸꦁꦱ​ꦲꦺꦴꦫ​ꦤ꧀ꦢꦸꦮꦺꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦔ꧀ꦒꦺꦠꦏ꧀ꦭꦤ꧀ꦭꦺꦫꦺꦤ꧀꧈​” ²¹꧋ꦠꦼꦫꦸꦱ꧀ꦲꦺꦤꦺꦁꦩꦸꦫꦶꦢ꧀ꦭꦶꦪꦤꦺ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦏꦸ​ꦢꦶꦭꦶꦭꦤꦶ​ꦔꦸꦧꦸꦂ​ꦧꦥꦏ꧀ꦏꦸ​ꦤ꧀ꦢꦶꦱꦶꦏ꧀꧈​” ²²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​ꦔꦺꦤꦺ​:“ꦏꦺꦴꦮꦺ​ꦩꦺꦭꦸꦮ​ꦲꦏꦸ​꧈​ꦱꦶꦁ​ꦩꦠꦶ​ꦧꦺꦤ꧀ꦔꦸꦧꦸꦂ​ꦠꦸꦁꦒꦭ꧀ꦭꦺ​ꦱꦶꦁ​ꦥꦢ​ꦩꦠꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦤ꧀ꦢꦼꦏ꧀ꦲꦺꦴꦩ꧀ꦧꦏ꧀ꦒꦼꦢꦺ​꧉​

²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦥꦿꦲꦸ​ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦩꦺꦭꦸ​꧉​ ²⁴ꦲꦺꦴꦫ​ꦊꦠ꧀ꦱꦸꦮꦶꦠꦼꦫꦸꦱ꧀ꦲꦺꦤꦺꦁꦲꦺꦴꦩ꧀ꦧꦏ꧀ꦒꦼꦢꦺ​ꦤꦁꦩꦺꦂꦏꦺꦴꦤꦺꦴ​ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦔꦺꦴꦤ꧀ꦠꦁꦔꦤ꧀ꦠꦶꦁꦔꦏꦺꦥꦿꦲꦸꦤꦺ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦠꦸꦫꦸ​꧉​ ²⁵ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦩꦫꦤꦶ​ꦭꦤ꧀​ꦔ꧀ꦒꦸꦒꦃ​ꦢꦺꦏ꧀ꦤꦺ​:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦢꦶꦠꦸꦭꦸꦁꦔꦶ​꧉​ꦥꦿꦲꦸꦤꦺ​ꦏꦼꦊꦥ꧀꧈​” ²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦮꦼꦢꦶ​?ꦏꦺꦴꦏ꧀ꦕꦶꦭꦶꦏ꧀ꦥꦼꦔꦤ꧀ꦢꦼꦭ꧀ꦭꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦔꦶ​ꦭꦤ꧀ꦩꦿꦺꦤ꧀ꦠꦃ​ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺꦴꦁꦏꦺꦴꦤ꧀ꦩꦤ꧀ꦢꦼꦏ꧀꧈​ꦲꦔꦶꦤ꧀ꦤꦺ​ꦭꦤ꧀ꦧꦚꦸꦤꦺ​ꦠꦼꦫꦸꦱ꧀ꦲꦤ꧀ꦠꦼꦁ​꧉​ ²⁷ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦔ꧀ꦒꦸꦩꦸꦤ꧀ꦭꦤ꧀ꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦱꦥ​ꦠ​?ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺꦴꦏ꧀ꦥꦢ​ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀꧈​

²⁸꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦠꦼꦏꦤ꧀ꦲꦧꦿꦃꦲꦤ꧀ ꦤꦁꦧꦮꦃꦓꦢꦫꦃ꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦩꦼꦠꦸꦮꦢꦺꦏ꧀ꦤꦺ꧉​ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀ꦭꦤ꧀ꦠꦼꦏꦤꦺ​ꦱꦁꦏꦒꦸꦮꦒꦸꦮ​ꦏꦸꦧꦸꦂꦫꦤ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦩꦼꦢꦺꦤ꧀ꦤꦶ​ꦠꦼꦤꦤ꧀ ꦩꦸꦭꦤꦺ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦮꦤꦶ​ꦭꦶꦮꦠ꧀ꦢꦭꦤ꧀ꦏꦺꦴꦤꦺꦴ​꧉​ ²⁹ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦔꦺꦴꦩꦺꦴꦁ:“ꦢꦸꦃ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦥ​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦱꦼꦠꦿꦥ꧀?ꦱꦲꦶꦏꦶ​ꦭꦲꦸꦠ꧀ꦢꦸꦫꦸꦁ​ꦮꦏ꧀ꦠꦸꦩꦸꦠ​?” ³⁰꧋ꦲꦺꦴꦫ​ꦲꦢꦺꦴꦃ​ꦱꦁꦏꦏꦺꦴꦤꦺꦴ​ꦲꦺꦤꦺꦁꦧꦧꦶ​ꦥꦶꦫꦁꦥꦶꦫꦁ​ꦲꦶꦗꦶꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦥꦔꦤ꧀꧈​ꦢꦼꦩꦶꦠ꧀​ꦢꦼꦩꦶꦠ꧀ꦠꦺ​ꦩꦲꦸ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦔꦺꦴꦩꦺꦴꦁ: ³¹“ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦤꦶꦪꦠ꧀ꦲꦉꦥ꧀ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦩꦼꦠꦸ​꧈​ꦲꦮꦏ꧀ꦏꦺ​ꦢꦺꦮꦺꦢꦶꦭꦶꦭꦤꦶ​ꦩ꧀ꦊꦧꦸ​ꦤꦁꦧꦧꦶꦧꦧꦶ​ꦏꦲꦺ​!” ³²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦤ​ꦥꦢ​ꦩꦼꦠꦸꦮ​!”ꦢꦼꦩꦶꦠ꧀ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦥꦢ​ꦩꦼꦠꦸ​ꦱꦁꦏꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦩ꧀ꦊꦧꦸ​ꦤꦁꦧꦧꦶꦧꦧꦶꦤꦺ꧉​ꦧꦧꦶꦧꦧꦶ​ꦩꦲꦸ​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦱꦁꦏꦥꦶꦁꦒꦶꦂ​ꦒꦸꦤꦸꦁ​ꦏꦺꦴꦤꦺꦴ​꧈​ꦚ꧀ꦗꦼꦒꦸꦂ​ꦤꦁꦩꦺꦂꦠꦼꦫꦸꦱ꧀ꦥꦢ​ꦩꦠꦶ​ꦏꦼꦊꦥ꧀ꦏꦧꦺꦃ​꧉​ ³³꧋ꦮꦺꦴꦁꦮꦺꦴꦁ​ꦱꦶꦁ​ꦲꦔꦺꦴꦤ꧀ꦧꦧꦶꦧꦧꦶ​ꦩꦲꦸ​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦤꦁꦏꦸꦠ꧈​ꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦭꦤ꧀ꦲꦸꦒ​ꦧꦧ꧀ꦮꦺꦴꦁ​ꦭꦺꦴꦫꦺꦴ​ꦱꦶꦁ​ꦩꦲꦸꦤꦺ​ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀꧈​ ³⁴ꦮꦺꦴꦁ​ꦱꦏ꧀ꦏꦸꦠꦏꦧꦺꦃ​ꦠꦼꦫꦸꦱ꧀ꦥꦢ​ꦠꦼꦏ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦢꦸꦁ​ꦏꦼꦠꦼꦩꦸ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦠꦼꦤꦤ꧀ꦤꦤ꧀ꦩꦫꦁ​ꦢꦺꦏ꧀ꦤꦺ꧈​ꦱꦸꦥꦪ​ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦸꦩ꧀ꦥꦸꦃ​꧉​

꧇​꧙꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦤꦁꦥꦿꦲꦸ​ꦭꦤ꧀ꦔꦧꦿꦃꦧꦭꦶꦏ꧀ꦩꦼꦤꦺꦃ​ꦤꦁꦏꦸꦠꦥꦁꦒꦺꦴꦤ꧀ꦤꦤ꧀ꦤꦺ​꧈​ꦪꦏꦸꦮꦶ​ꦑꦥꦺꦂꦤꦏꦸꦩ꧀꧈​ ²ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦥꦢ​ ꦠꦼꦏ​ꦔ꧀ꦒꦺꦴꦠꦺꦴꦁ​ꦮꦺꦴꦁ​ꦭꦸꦩ꧀ꦥꦸꦃ​ꦔꦁꦒꦺꦴ​ꦥꦼꦠꦸꦫꦺꦴꦤꦺ​꧉​ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦒꦼꦢꦺꦤꦺꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​ꦱꦶꦁ​ꦭꦸꦩ꧀ꦥꦸꦃ​:“ꦲꦗ​ꦮꦼꦢꦶ​꧈​ꦢꦺꦴꦱꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ꧉​” ³꧋ꦤꦁꦏꦺꦴꦤꦺꦴ​ꦲꦺꦤꦺꦁꦒꦸꦫꦸꦒꦸꦫꦸ​ꦏꦶꦠꦧ꧀​ꦱꦶꦁ​ꦥꦢ​ꦲꦩ꧀ꦧꦠꦶꦤ꧀:“ꦮꦺꦴꦁ​ꦲꦶꦏꦶ​ꦚꦼꦥꦺꦭꦺꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​” ⁴꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦧꦠꦶꦤꦤ꧀ꦤꦺꦥꦫ​ꦒꦸꦫꦸ​ꦏꦶꦠꦧ꧀​ꦏꦸꦮꦶ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦤ꧀ꦢꦸꦮꦺꦤ꧀ꦤꦶ​ꦒꦒꦱ꧀ꦱꦤ꧀ꦱꦶꦁ​ꦲꦭ​? ⁵ꦒꦩ꧀ꦥꦁ​ꦱꦶꦁ​ꦲꦼꦤ꧀ꦢꦶ​꧈​ꦔꦺꦴꦩꦺꦴꦁ:'ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ꧈'​ꦲꦥ​:'ꦔꦢꦼꦏ꧀ꦭꦤ꧀​ꦩ꧀ꦭꦏꦸꦮ​?’ ^6-7ꦤꦁꦔꦶꦁ​ꦲꦏꦸ​ꦲꦉꦥ꧀​ꦤ꧀ꦢꦸꦢꦸꦃꦲꦏꦺꦩꦫꦁ​ꦏꦺꦴꦮꦺ​꧈​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦥꦸꦫ​ꦢꦺꦴꦱ​ꦤꦁꦗꦒꦠ꧀ꦏꦺꦤꦺ​꧉”ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​:“ꦔꦢꦼꦏ꧀ꦏ!ꦥꦼꦠꦸꦫꦺꦴꦤ꧀ꦩꦸ​ꦢꦶꦲꦁꦏꦠ꧀ꦭꦤ꧀ꦏꦤ​ꦩꦸꦭꦶꦃ​꧉”ꦮꦺꦴꦁꦔꦺ​ꦠꦼꦫꦸꦱ꧀ꦔꦢꦼꦏ꧀ꦭꦤ꧀​ꦩ꧀ꦭꦏꦸ​ꦩꦸꦭꦶꦃ​꧉​ ⁸ꦮꦺꦴꦁꦮꦺꦴꦁ​ꦱꦶꦁ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​ꦭꦤ꧀ꦥꦢ​ꦩꦼꦩꦸꦗꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦊꦩ꧀ꦔꦼꦏꦺꦏ꧀ꦏꦶꦥꦔ꧀ꦮꦱ​ꦱꦼꦩꦺꦴꦤꦺꦴ​ꦒꦼꦢꦺꦤꦺꦩꦫꦁ​ꦩꦤꦸꦁꦱ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦒꦶꦭ꧀ꦩꦠꦺꦪꦸꦱ꧀꧈​

⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦧꦼꦭꦱ꧀ꦠꦶꦁꦲꦶꦗꦶꦏ꧀​ꦚ꧀ꦗꦒꦺꦴꦁꦤꦁꦏꦤ꧀ꦠꦺꦴꦂꦫꦺ​꧉​ꦮꦺꦴꦁ​ꦧꦼꦭꦱ꧀ꦠꦶꦁꦲꦶꦏꦶ​ꦗꦼꦤꦼꦁꦔꦺ​ꦩꦠꦺꦪꦸꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦠꦺꦪꦸꦱ꧀:“ꦲ꦳ꦪꦸꦏ꧀ꦩꦺꦭꦸ​ꦲꦏꦸ​!” ꧋ꦩꦠꦺꦪꦸꦱ꧀ꦠꦼꦫꦸꦱ꧀ꦔꦢꦼꦏ꧀ ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁰ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦩꦁꦔꦤ꧀ꦤꦁꦲꦺꦴꦩꦃꦲꦺ​ꦩꦠꦺꦪꦸꦱ꧀ ꦮꦺꦴꦁ​ꦧꦼꦭꦱ꧀ꦠꦶꦁꦥꦶꦫꦁꦥꦶꦫꦁ​ꦭꦤ꧀ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦢꦶꦲꦁꦒꦼꦥ꧀ꦮꦺꦴꦁ​ꦲꦭ​꧈​ꦲꦸꦒ​ꦥꦢ​ꦠꦼꦏ​ꦭꦤ꧀ꦩꦁꦔꦤ꧀ꦧꦼꦧꦉꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ¹¹ꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦱꦶꦁ​ꦮꦼꦫꦸꦃ​ꦏꦸꦮꦶ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦼꦤꦺꦁꦲꦥ​ꦒꦸꦫꦸꦩꦸ​ꦏꦺꦴꦏ꧀ꦩꦁꦔꦤ꧀ꦧꦼꦧꦉꦁꦔꦤ꧀ꦏꦫꦺꦴ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦲꦭ​?” ¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦏꦸꦮꦶ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦮꦺꦴꦁ​ꦱꦶꦁ​ꦮꦫꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​꧈​ꦤꦁꦔꦶꦁ​ꦱꦶꦁ​ꦭꦫ​꧉​ ¹³ꦢꦶꦥꦶꦏꦶꦂ​ꦲꦥ​ꦠꦼꦒꦼꦱ꧀ꦱꦺ​ꦲꦪꦠ꧀ꦤꦁꦏꦶꦠꦧ꧀​ꦱꦶꦁ​ꦲꦸꦤꦶꦤꦺ​:'ꦱꦶꦁ​ꦠꦏ꧀ꦏꦉꦥ꧀ꦥꦏꦺꦲꦺꦴꦫ​ꦏꦸꦂꦧꦤ꧀ ꦤꦁꦔꦶꦁ​ꦠꦸꦩꦶꦤ꧀ꦢꦏ꧀ꦏꦠꦿꦺꦱ꧀ꦤꦤ꧀!’ꦲꦮꦶꦠ꧀ꦠꦼꦏꦏꦸ​ꦲꦶꦏꦶ​ꦲꦺꦴꦫ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦔꦏꦸꦤꦺ​ꦮꦶꦱ꧀ꦲꦥꦶꦏ꧀ꦲꦸꦫꦶꦥ꧀ꦥꦺ꧈​ꦲꦺꦴꦫ​꧈​ꦤꦁꦔꦶꦁ​ꦲꦏꦸ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦲꦭ​꧉​”

꧋ꦧꦧ꧀ꦥꦱ​꧉​

¹⁴꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦥꦢ​ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦠꦏꦺꦴꦤ꧀:“ꦲꦮꦏ꧀ꦏꦺ​ꦢꦺꦮꦺꦭꦤ꧀ꦥꦫ​ꦥ꦳ꦫꦶꦱꦶ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦥꦱ​꧈​ꦤꦁꦔꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦲꦺꦴꦫ​?” ¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦢꦶꦥꦶꦏꦶꦂ​!ꦩꦺꦴꦱꦺꦴꦏ꧀ꦢꦪꦺꦴꦃꦤꦁꦏꦮꦶꦤ꧀ꦤꦤ꧀ꦏꦲꦺ​ꦥꦢ​ꦱꦼꦢꦶꦤꦺꦏ꧀ꦩꦤ꧀ꦠꦺꦤ꧀ꦤꦺ​ꦭꦤꦁ​ꦲꦶꦗꦶꦏ꧀ꦤꦁꦏꦺꦴꦤꦺꦴ​?ꦩꦼꦱ꧀ꦠꦶꦲꦺꦴꦫ​ꦠ​?ꦤꦁꦔꦶꦁ​ꦲꦺꦤꦺꦁꦮꦏ꧀ꦠꦸꦩꦸꦩꦤ꧀ꦠꦺꦤ꧀ꦤꦺ​ꦭꦤꦁ​ꦢꦶꦒꦮ​ꦭꦸꦔ​ꦱꦁꦏꦏꦺꦴꦤꦺꦴ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦢꦪꦺꦴꦃꦲꦺꦧꦏꦭ꧀ꦥꦢ​ꦥꦱ​꧉​ ¹⁶꧋“ꦲꦺꦴꦫ​ꦲꦺꦤꦺꦁꦮꦺꦴꦁ​ꦤꦩ꧀ꦧꦭ꧀ꦱꦭꦶꦤ꧀ꦭꦮꦱ꧀ꦔꦁꦒꦺꦴ​ꦧꦏꦭ꧀ꦱꦶꦁ​ꦲꦚꦂ​꧉​ꦲꦮꦶꦠ꧀ꦠꦩ꧀ꦧꦭꦤ꧀ꦤꦺꦏꦸꦮꦶ​ꦧꦏꦭ꧀ꦩꦼꦁꦏꦼꦉꦠ꧀ꦭꦤ꧀ꦚꦸꦮꦺꦏ꧀ꦏꦏꦺꦱꦭꦶꦤ꧀ꦤꦺꦭꦸꦮꦶꦃ​ꦲꦩ꧀ꦧ​꧉​ ¹⁷ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦚꦶꦩ꧀ꦥꦼꦤ꧀ꦲꦁꦒꦸꦂ​ꦱꦶꦁ​ꦲꦚꦂ​ꦤꦁꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦱꦶꦁ​ꦭꦮꦱ꧀ ꦲꦮꦶꦠ꧀ꦩꦼꦁꦏꦺꦴ​ꦏꦤ꧀ꦠꦺꦴꦔꦤ꧀ꦤꦺꦩꦼꦱ꧀ꦠꦶꦧꦏꦭ꧀ꦧꦼꦢꦃ꧉​ꦲꦁꦒꦸꦂꦫꦺ​ꦧꦏꦭ꧀ꦮꦸꦠꦃ​ꦭꦤ꧀ꦏꦤ꧀ꦠꦺꦴꦔꦤ꧀ꦤꦺꦧꦏꦭ꧀ꦲꦺꦴꦫ​ꦏꦁꦒꦺꦴ​ꦒꦮꦺ​ꦩꦼꦤꦺꦃ​꧉​ꦲꦥꦶꦏ꧀ꦏꦺ​꧈​ꦲꦁꦒꦸꦂ​ꦱꦶꦁ​ꦲꦚꦂ​ꦪ​ꦏꦸꦢꦸ​ꦢꦶꦱꦶꦩ꧀ꦥꦼꦤ꧀ꦤꦁꦏꦤ꧀ꦠꦺꦴꦁꦔꦤ꧀ꦱꦶꦁ​ꦲꦚꦂ​꧈​ꦱꦸꦥꦪ​ꦲꦁꦒꦸꦂꦫꦺ​ꦭꦤ꧀ꦏꦤ꧀ꦠꦺꦴꦔꦤ꧀ꦤꦺꦧꦶꦱ​ꦠꦼꦠꦼꦥ꧀ꦲꦥꦶꦏ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦁꦔꦏꦺꦭꦫ​ꦭꦤ꧀ꦥꦠꦶ​꧉​

¹⁸꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦩꦲꦸ​꧈​ꦠꦼꦫꦸꦱ꧀ꦲꦺꦤꦺꦁꦥꦼꦁꦒꦼꦢꦺꦤꦺꦱꦶꦤꦒꦸꦏ꧀ꦠꦼꦏ​ꦭꦤ꧀ꦤꦶꦧ​ꦤꦁꦔꦉꦥ꧀ꦥꦺ​꧈​ꦚꦸꦮꦸꦤ꧀:“ꦢꦸꦃ​ꦒꦸꦱ꧀ꦠꦶ​꧈​ꦲꦤꦏ꧀ꦏꦸ​ꦮꦺꦢꦺꦴꦏ꧀ꦲꦼꦤ꧀ꦠꦱ꧀ꦮꦲꦺ​ꦤꦶꦁꦒꦭ꧀ ꦤꦁꦔꦶꦁ​ꦤꦺꦏ꧀ꦒꦸꦱ꧀ꦠꦶ​ꦒꦼꦊꦩ꧀ꦠꦼꦏ​ꦭꦤ꧀​ꦤ꧀ꦢꦼꦩꦺꦏ꧀ꦢꦺꦏ꧀ꦤꦺ꧈​ꦩꦼꦱ꧀ꦠꦶꦢꦺꦏ꧀ꦤꦺꦧꦶꦱ​ꦲꦸꦫꦶꦥ꧀ꦩꦼꦤꦺꦃ​꧉​” ¹⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦩꦺꦭꦸ​ꦮꦺꦴꦁꦔꦺ​꧈​ꦧꦉꦁ​ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦸꦒ​꧉​ ²⁰꧋ꦤꦁꦔꦶꦁ​ꦤꦁꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦭꦫ​ꦔꦼꦠꦺꦴꦏ꧀ꦏꦏꦺꦒꦼꦠꦶꦃ​꧈​ꦮꦶꦱ꧀ꦫꦺꦴꦭꦱ꧀ꦠꦲꦸꦤ꧀ꦱꦸꦮꦺꦤꦺ​꧉​ꦮꦺꦴꦁꦔꦺ​ꦚꦼꦢꦼꦏ꧀ꦏꦶꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦲꦩ꧀ꦧꦸꦫꦶ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦒꦺꦴꦩ꧀ꦧꦾꦺꦴꦏ꧀ꦏꦺꦱꦭꦶꦤ꧀ꦤꦺ꧉​ ²¹ꦲꦮꦶꦠ꧀ꦮꦺꦴꦁꦔꦺ​ꦩꦶꦏꦶꦂ​: “ꦤꦺꦏ꧀ꦲꦏꦸ​ꦧꦶꦱ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦮꦲꦺ​꧈​ꦩꦼꦱ꧀ꦠꦶꦲꦏꦸ​ꦧꦶꦱ​ꦩꦫꦶ​꧉”ꦩꦸꦭꦤꦺ​ꦮꦺꦴꦁꦔꦺ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ²²꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦔꦼꦂ​꧉​ꦏꦢꦸꦁ​ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦏꦺ꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦮꦼꦢꦶ​꧈​ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦤꦩ꧀ꦧꦤꦶ​ꦏꦺꦴꦮꦺ​꧉”ꦱꦏ꧀ꦮꦠ꧀ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​꧉​ ²³꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦠꦼꦏꦤ꧀ꦲꦺꦴꦩꦃꦲꦺ​ꦥꦼꦁꦒꦼꦢꦺꦤꦺꦱꦶꦤꦒꦸꦏ꧀ ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁꦮꦺꦴꦁ​ꦱꦶꦁ​ꦔꦸꦤꦺꦏ꧀ꦏꦏꦺꦱꦸꦭꦶꦁ​ꦭꦤ꧀ꦮꦺꦴꦁ​ꦲꦺꦴꦏꦺꦃꦭꦶꦪꦤꦺ​ꦱꦶꦁ​ꦥꦢ​ꦠꦔꦶꦱ꧀ꦱꦤ꧀꧈​ ²⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦤ​ꦥꦢ​ꦩꦼꦠꦸ​!ꦧꦺꦴꦕꦃꦲꦺ​ꦲꦺꦴꦫ​ꦩꦠꦶ​꧈​ꦤꦩꦸꦁ​ꦠꦸꦫꦸ​꧉”ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦪꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁵ꦏꦢꦸꦁ​ꦮꦺꦴꦁꦮꦺꦴꦁ​ꦮꦶꦱ꧀ꦥꦢ​ꦩꦼꦠꦸ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦏꦩꦂꦫꦺ​ꦧꦺꦴꦕꦃꦲꦺ​꧉​ꦠꦔꦤ꧀ꦤꦺ​ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦕꦼꦏꦼꦭ꧀ ꦧꦺꦴꦕꦃꦲꦺ​ꦠꦼꦫꦸꦱ꧀ꦱꦏ꧀ꦮꦠ꧀ꦠꦔꦶ​꧉​ ²⁶ꦏꦧꦂ​ꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦠꦼꦫꦸꦱ꧀ꦱꦸꦩꦼꦧꦂ​ꦤꦁꦱꦏ꧀ꦧꦮꦃꦏꦺꦴꦤꦺꦴ​ꦏꦧꦺꦃ​꧉​

꧋ꦮꦺꦴꦁ​ꦭꦺꦴꦫꦺꦴ​ꦱꦶꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​

²⁷꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦩꦸꦂ​ꦭꦺꦴꦫꦺꦴ​ꦤꦸꦠꦸꦠ꧀ꦠꦶ​ꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦏꦸꦮꦶ​ꦧꦼꦔꦺꦴꦏ꧀ꦧꦼꦔꦺꦴꦏ꧀:“ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦩꦼꦭꦱ꧀ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ!” ²⁸ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦠꦼꦏꦤ꧀ꦲꦺꦴꦩꦃꦲꦺ​ꦢꦺꦮꦺ꧈​ꦮꦺꦴꦁ​ꦭꦩꦸꦂ​ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦢꦺꦏ꧀ꦤꦺ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​:“ꦲꦥ​ꦏꦺꦴꦮꦺ​ꦥꦽꦕꦪ​ꦤꦺꦏ꧀ꦲꦏꦸ​ꦧꦶꦱ​ꦤꦩ꧀ꦧꦤꦶ​ꦩꦿꦶꦥꦠ꧀ꦩꦸ​?” ꧋ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦱꦼꦩꦲꦸꦂ​:“ꦪ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦥꦽꦕꦪ​!” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦩꦿꦶꦥꦠ꧀ꦠꦺ​ꦮꦺꦴꦁꦔꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦥ​ꦥꦼꦔꦤ꧀ꦢꦼꦭ꧀ꦩꦸ​ꦧꦏꦭ꧀​ꦏ꧀ꦭꦏꦺꦴꦤ꧀!” ³⁰ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​ꦥꦢ​ꦢꦶꦥꦼꦔꦶꦁ​ꦠꦼꦤꦤ꧀ꦤꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦺꦴꦫ​ꦲꦺꦤ꧀ꦠꦸꦏ꧀ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦏꦸꦮꦶ​ꦩꦫꦁ​ꦱꦥꦱꦥ​꧉​ ³¹꧋ꦤꦁꦔꦶꦁ​ꦏꦢꦸꦁ​ꦮꦶꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧈​ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦩꦼꦏ꧀ꦱ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦱꦧꦼꦤ꧀ꦮꦺꦴꦁ​ꦤꦁꦧꦮꦃꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦧꦶꦱꦸ​꧉​

³²꧋ꦏꦢꦸꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦮꦶꦱ꧀ꦭꦸꦔ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦧꦶꦱꦸ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦔꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ ³³ꦏꦢꦸꦁ​ꦢꦼꦩꦶꦠ꧀ꦠꦺꦮꦶꦱ꧀ꦢꦶꦲꦼꦠꦺꦴꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦮꦺꦴꦁꦔꦺ​ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁꦩꦼꦤꦺꦃ​꧉​ꦮꦺꦴꦁꦮꦺꦴꦁ​ꦱꦶꦁ​ꦮꦼꦫꦸꦃ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​ꦭꦤ꧀ꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦢꦸꦫꦸꦁ​ꦠꦲꦸ​ꦮꦼꦫꦸꦃ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦤꦁꦤꦼꦒꦫ​ꦆꦱꦿꦌꦭ꧀ꦏꦺꦤꦺ​꧉​” ³⁴꧋ꦤꦁꦔꦶꦁ​ꦥꦫ​ꦥ꦳ꦫꦶꦱꦶ​ꦔꦺꦴꦩꦺꦴꦁ:“ꦮꦺꦴꦁꦔꦺ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦏꦸꦮꦶ​ꦗꦭꦂꦫꦤ꧀ꦲꦺꦤ꧀ꦠꦸꦏ꧀ꦥꦔ꧀ꦮꦱ​ꦱꦁꦏꦥꦼꦁꦒꦼꦢꦺꦤꦺꦢꦼꦩꦶꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦮꦺꦤ꧀ꦤꦶ​ꦏꦮꦼꦭꦱ꧀ꦱꦤ꧀ꦒꦼꦢꦺ​ꦩꦫꦁ​ꦩꦤꦸꦁꦱ​꧉​

³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦤ꧀​ꦢ꧀ꦭꦗꦃꦲꦶ​ꦏꦸꦠꦏꦸꦠꦭꦤ꧀ꦢꦺꦱꦢꦺꦱ​꧉​ꦢꦺꦏ꧀ꦤꦺꦩꦼꦩꦸꦭꦁ​ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦭꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦤꦩ꧀ꦧꦤꦶ​ꦮꦺꦴꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦮꦼꦂꦤꦮꦼꦂꦤ​ꦭꦫ​ꦭꦤ꧀ꦩꦼꦩꦭ​꧉​ ³⁶ꦱꦧꦼꦤ꧀ꦱꦧꦼꦤ꧀ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦸꦮꦶ​꧈​ꦢꦺꦏ꧀ꦤꦺꦱꦼꦢꦶꦲꦠꦶꦤꦺ​꧈​ꦗꦭꦂꦫꦤ꧀ꦩꦼꦭꦱ꧀ꦧꦔꦼꦠ꧀꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦏꦺꦠꦺꦴꦏ꧀ꦏꦺ​ꦏꦼꦱꦼꦭ꧀ꦭꦤ꧀ꦲꦺꦴꦫ​ꦏꦺꦴꦥꦺꦤ꧀ ꦏꦪ​ꦮꦼꦢꦸꦱ꧀ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦥꦔꦺꦴꦤ꧀꧈​ ³⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦶꦁ​ꦏꦸꦢꦸ​ꦢꦶꦲꦼꦤꦺꦤ꧀ꦤꦶ​ꦲꦺꦴꦏꦺꦃ꧈​ꦤꦁꦔꦶꦁ​ꦧꦲꦸꦤꦺ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​ ³⁸ꦩꦸꦭꦤꦺ​ꦥꦢ​ꦚꦸꦮꦸꦤ​ꦩꦫꦁ​ꦱꦶꦁ​ꦤ꧀ꦢꦸꦮꦺꦥꦤꦺꦤ꧀ꦤꦤ꧀ꦤꦺ​꧈​ꦱꦸꦥꦪ​ꦤꦩ꧀ꦧꦃꦲꦶ​ꦮꦺꦴꦁꦔꦺ​ꦱꦶꦁ​ꦥꦤꦺꦤ꧀꧈​”

꧋ꦫꦱꦸꦭ꧀ꦫꦺꦴꦭꦱ꧀꧈​

꧇​꧑꧐꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦩꦸꦫꦶꦢ꧀ꦢꦺ​ꦫꦺꦴꦭꦱ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦲꦶꦏꦶ​ꦥꦢ​ꦢꦶꦏꦺꦏ꧀ꦏꦶꦥꦔ꧀ꦮꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦭꦤ꧀ꦤꦩ꧀ꦧꦤꦶ​ꦱꦏ꧀ꦮꦼꦂꦤꦤꦺ​ꦭꦫ​ꦭꦤ꧀ꦩꦼꦩꦭ​꧉​ ²ꦗꦼꦤꦼꦁꦔꦺ​ꦫꦱꦸꦭ꧀ꦫꦺꦴꦭꦱ꧀ꦲꦶꦏꦶ​:ꦱꦶꦩꦺꦴꦤ꧀ ꦱꦶꦁ​ꦲꦸꦒ​ꦢꦶꦕꦼꦭꦸꦏ꧀​ꦦꦺꦠꦿꦸꦱ꧀ ꦄꦤ꧀ꦢꦿꦺꦪꦱ꧀ ꦱꦼꦢꦸꦭꦸꦂꦫꦺ​;ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦧꦺꦃ​ꦭꦺꦴꦫꦺꦴ​ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀꧈​ ³ꦲꦸꦒ​ꦥ꦳ꦶꦭꦶꦥꦸꦱ꧀ꦭꦤ꧀ꦧꦂꦠꦺꦴꦭꦺꦴꦩꦺꦪꦸꦱ꧀ ꦠꦺꦴꦩꦱ꧀ꦭꦤ꧀ꦩꦠꦺꦪꦸꦱ꧀ ꦮꦺꦴꦁ​ꦧꦼꦭꦱ꧀ꦠꦶꦁ;ꦪꦏꦺꦴꦧꦸꦱ꧀ꦲꦤꦏ꧀ꦏꦺ​ꦄꦭ꧀ꦥ꦳ꦺꦪꦸꦱ꧀ ꦲꦸꦒ​ꦠꦢꦺꦪꦸꦱ꧀꧈​ ⁴ꦲꦸꦒ​ꦱꦶꦩꦺꦴꦤ꧀ ꦱꦶꦁ​ꦢꦶꦥꦫꦥ꧀ꦥꦶꦥꦠꦿꦶꦪꦺꦴꦠ꧀ꦭꦤ꧀ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀꧈​ꦪꦸꦢꦱ꧀ꦲꦶꦏꦶ​ꦱꦶꦁ​ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​

꧋ꦫꦱꦸꦭ꧀ꦫꦺꦴꦭꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀꧈​

⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦫꦱꦸꦭ꧀ꦫꦺꦴꦭꦱ꧀ꦧꦸꦢꦭ꧀ꦔꦁꦒꦺꦴ​ꦠꦼꦩ꧀ꦧꦸꦁ​ ꦔꦺꦤꦺ​:“ꦲꦗ​ꦥꦢ​ꦤꦼꦏꦤꦶ​ꦥꦁꦒꦺꦴꦤ꧀ꦤꦤ꧀ꦤꦺ​ꦧꦁꦱ​ꦱꦶꦁ​ꦢꦸꦢꦸ​ꦙꦸꦭꦤ꧀ꦲꦗ​ꦩ꧀ꦊꦧꦸ​ꦏꦸꦠꦤꦺꦧꦁꦱ​ꦱꦩꦫꦶꦪ​꧉​ ⁶ꦱꦶꦁ​ꦲꦩ꧀ꦧꦺꦴꦏ꧀ꦥꦫꦤ꧀ꦤꦶꦤ꧀ꦢꦶꦱꦶꦏ꧀ꦏꦸꦢꦸꦤꦺ​ꦮꦺꦴꦁ​ꦆꦱꦿꦌꦭ꧀ꦱꦶꦁ​ꦏꦼꦠꦿꦶꦮꦭ꧀꧈​ ⁷ꦥꦢ​ꦢꦶꦏꦧꦂꦫꦶ​ꦤꦺꦏ꧀ꦱꦲꦶꦏꦶ​ꦏꦿꦠꦺꦴꦤꦺ​ꦱ꧀ꦮꦂꦒ​ꦮꦶꦱ꧀ꦢꦶꦮꦶꦮꦶꦠ꧀ꦠꦶ​꧉​ ⁸ꦮꦺꦴꦁ​ꦭꦫ​ꦥꦢ​ꦢꦶꦮꦫꦱ꧀ꦤꦭꦤ꧀ꦮꦺꦴꦁ​ꦩꦠꦶ​ꦥꦢ​ꦢꦶꦠꦔꦺꦏ꧀ꦤ꧉​ꦮꦺꦴꦁ​ꦭꦫ​ꦭꦺꦥꦿ​ꦥꦢ​ꦢꦶꦩꦫꦺꦏ꧀ꦤꦭꦤ꧀ꦢꦼꦩꦶꦠ꧀ꦢꦼꦩꦶꦠ꧀ꦥꦢ​ꦠꦸꦤ꧀ꦢꦸꦁꦔꦤ꧉​ꦏꦺꦴꦮꦺ​ꦥꦢ​ꦤꦩ꧀ꦥ​ꦥꦔ꧀ꦮꦱ​ꦠꦤ꧀ꦥ​ꦲꦩ꧀ꦧꦪꦂ​ꦲꦥꦲꦥ​꧈​ꦩꦸꦭꦤꦺ​ꦥꦔ꧀ꦮꦱ​ꦏꦸꦮꦶ​ꦢꦶꦏꦁꦒꦺꦴꦏ꧀ꦤꦠꦤ꧀ꦥ​ꦚ꧀ꦗꦭꦸꦏ꧀ꦧꦪꦂꦫꦤ꧀꧈​ ⁹ꦲꦗ​ꦥꦢ​ꦱꦔꦸꦢꦸꦮꦶꦠ꧀ ꦲꦺꦴꦫ​ꦢꦸꦮꦶꦠ꧀ꦲꦼꦩꦱ꧀ ꦲꦺꦴꦫ​ꦢꦸꦮꦶꦠ꧀ꦱꦼꦭꦏ​ꦲꦥ​ꦢꦸꦮꦶꦠ꧀ꦏꦺꦴꦥꦿꦺꦴ꧉​ ¹⁰ꦲꦗ​ꦔ꧀ꦒꦮ​ꦏꦤ꧀ꦠꦺꦴꦁꦔꦤ꧀ꦲꦥ​ꦱꦺꦉꦥ꧀ꦱꦭꦶꦤ꧀ꦭꦤ꧀ꦱꦼꦥꦠꦸ​ꦭꦤ꧀ꦲꦗ​ꦔ꧀ꦒꦮ​ꦠꦼꦏꦼꦤ꧀꧈​ꦲꦮꦶꦠ꧀ꦮꦺꦴꦁ​ꦚꦩ꧀ꦧꦸꦠ꧀ꦠꦏꦸꦮꦶ​ꦮꦶꦱ꧀ꦱꦏ꧀ꦩꦼꦱ꧀ꦠꦶꦤꦺꦢꦶꦕꦸꦏꦸꦥ꧀ꦥꦶ​ꦧꦸꦠꦸꦃꦲꦺ​꧉​ ¹¹꧋“ꦤꦺꦏ꧀ꦏꦺꦴꦮꦺ​ꦠꦼꦏ​ꦤꦁꦱꦏ꧀ꦮꦶꦗꦶꦤꦺꦏꦸꦠꦲꦥ​ꦢꦺꦱ​꧈​ꦔ꧀ꦒꦺꦴꦭꦺꦏ꧀ꦏ​ꦮꦺꦴꦁ​ꦱꦶꦁ​ꦒꦼꦊꦩ꧀ꦲꦩ꧀ꦧꦺꦴꦏ꧀ꦲꦶꦤꦼꦥ꧀ꦥꦶꦭꦤ꧀ꦔꦶꦤꦼꦥ꧀ꦥꦤꦁꦲꦺꦴꦩꦃ​ꦏꦸꦮꦶ​ꦔꦤ꧀ꦠꦶ​ꦭꦸꦔꦩꦸ​ꦱꦁꦏꦏꦺꦴꦤꦺꦴ​꧉​ ¹²ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦲꦺꦴꦩꦃꦲꦺ​ꦮꦺꦴꦁ​꧈​ꦮꦺꦴꦁꦔꦺ​ꦢꦶꦧꦒꦺꦏ꧀ꦏꦏꦺꦔꦺꦤꦺ​:'ꦩꦸꦒ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦩ꧀ꦧꦼꦂꦏꦃꦲꦶ​ꦏꦺꦴꦮꦺ​ꦏꦧꦺꦃ​!’ ¹³ꦤꦺꦏ꧀ꦮꦺꦴꦁꦔꦺ​ꦒꦼꦊꦩ꧀ꦤꦩ꧀ꦥꦤꦶ​ꦏꦺꦴꦮꦺ​꧈​ꦥꦩꦸꦗꦶꦩꦸꦧꦼꦂꦏꦃ​ꦏꦸꦮꦶ​ꦧꦏꦭ꧀ꦤꦼꦏꦤꦶ​ꦧꦿꦪꦠ꧀ꦏꦸꦮꦶ​꧉​ꦤꦁꦔꦶꦁ​ꦤꦺꦏ꧀ꦮꦺꦴꦁꦔꦺ​ꦲꦺꦴꦫ​ꦒꦼꦊꦩ꧀ꦤꦩ꧀ꦥꦤꦶ​ꦏꦺꦴꦮꦺ​꧈​ꦥꦩꦸꦗꦶꦩꦸꦧꦼꦂꦏꦃ​ꦧꦏꦭ꧀ꦧꦭꦶꦏ꧀ꦩꦼꦤꦺꦃ​ꦩꦫꦁ​ꦏꦺꦴꦮꦺ​꧉​ ¹⁴ꦤꦺꦏ꧀ꦲꦺꦤꦺꦁꦲꦺꦴꦩꦃ​ꦲꦥ​ꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦤꦩ꧀ꦥꦤꦶ​ꦏꦺꦴꦮꦺ​ꦲꦥ​ꦲꦺꦴꦫ​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦩꦸ​꧈​ꦭꦸꦔꦲ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦭꦤ꧀ꦊꦩꦃꦲꦺ​ꦢꦶꦏꦼꦠꦺꦴꦏ꧀ꦏꦼꦠꦺꦴꦏ꧀ꦏꦏꦺꦱꦁꦏꦱꦶꦏꦶꦭ꧀ꦩꦸ​꧉​ ¹⁵ꦥꦽꦕꦪꦲ​꧈​ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦱꦼꦠꦿꦥꦤ꧀ꦤꦺꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦏꦸꦠꦏꦸꦮꦶ​ꦲꦧꦺꦴꦠ꧀ꦠꦺ​ꦧꦏꦭ꧀ꦭꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦱꦼꦠꦿꦥꦤ꧀ꦤꦺꦏꦸꦠꦱꦺꦴꦢꦺꦴꦩ꧀ꦭꦤ꧀ꦓꦺꦴꦩꦺꦴꦫꦃ!”

꧋ꦧꦧ꧀ꦏꦔꦺꦭ꧀ꦭꦤ꧀ꦭꦤ꧀ꦏꦱꦁꦱꦫꦤ꧀꧈​

¹⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦩꦫꦁ​ꦫꦱꦸꦭ꧀ꦫꦺꦴꦭꦱ꧀ꦩꦲꦸ​:“ꦢꦶꦫꦸꦔꦺꦴꦏ꧀ꦏꦏꦺ​ꦱꦶꦁ​ꦲꦥꦶꦏ꧀!ꦏꦺꦴꦮꦺ​ꦠꦏ꧀ꦏꦺꦴꦁꦏꦺꦴꦤ꧀ꦧꦸꦢꦭ꧀ꦏꦪ​ꦮꦼꦢꦸꦱ꧀ꦱꦶꦁ​ꦢꦶ​ꦲꦺꦕꦸꦭ꧀ꦭꦏꦺ​ꦤꦁꦠꦼꦔꦃꦲꦺ​ꦲꦱꦸ​ꦲꦭꦱ꧀ꦱꦤ꧀꧈​ꦩꦸꦭꦤꦺ​ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶꦏꦪ​ꦲꦸꦭ​ꦭꦤ꧀ꦲꦠꦶꦩꦸ​ꦱꦶꦁ​ꦉꦱꦶꦏ꧀ꦏꦪ​ꦩꦤꦸꦏ꧀ꦢꦫ​꧉​ ¹⁷ꦱꦶꦁ​ꦲꦠꦶꦲꦠꦶꦲꦶꦁ​ꦲꦥ​ꦮꦲꦺ​꧈​ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦏꦿꦸꦠꦺꦴꦤ꧀ꦲꦒꦩ​꧉​ꦏꦺꦴꦮꦺ​ꦧꦏꦭ꧀ꦢꦶꦥꦼꦕꦸꦠ꧀ꦠꦶ​ꦤꦁꦱꦶꦤꦒꦸꦏ꧀ꦏꦺꦮꦺꦴꦁꦮꦺꦴꦁ​ꦏꦸꦮꦶ​꧉​ ¹⁸ꦏꦺꦴꦮꦺ​ꦧꦏꦭ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦥꦫ​ꦥꦔ꧀ꦮꦱ​ꦭꦤ꧀ꦥꦫ​ꦫꦠꦸ​꧈​ꦗꦭꦂꦫꦤ꧀ꦏꦺꦴꦮꦺ​ꦔ꧀ꦭꦧꦸꦃꦲꦶ​ꦲꦏꦸ​꧉​ꦏꦸꦮꦶ​ꦏꦼꦭꦸꦁꦒꦫꦤ꧀ꦩꦸꦏꦁꦒꦺꦴ​ꦔꦼꦏꦺꦏ꧀ꦏꦶꦥꦱꦼꦏ꧀ꦱꦶ​ꦧꦧ꧀ꦲꦏꦸ​ꦩꦫꦁ​ꦥꦫ​ꦥꦼꦁꦒꦼꦢꦺꦭꦤ꧀ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁹ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦢꦶꦏꦺꦴꦁꦏꦺꦴꦤ꧀ꦩꦗꦸ​ꦤꦁꦔꦉꦥ꧀ꦥꦏꦺꦏꦿꦸꦠꦺꦴꦤ꧀ ꦲꦗ​ꦥꦢ​ꦮꦼꦢꦶ​ꦧꦧ꧀ꦏꦼꦥꦿꦶꦪꦺ​ꦱꦶꦁ​ꦔꦺꦴꦩꦺꦴꦁꦭꦤ꧀ꦲꦥ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​꧉​ꦲꦮꦶꦠ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦏꦺꦏ꧀ꦏꦶꦠꦼꦩ꧀ꦧꦸꦁꦔꦺ​ꦩꦫꦁ​ꦏꦺꦴꦮꦺ​꧉​ ²⁰ꦲꦮꦶꦠ꧀ꦢꦸꦢꦸ​ꦏꦺꦴꦮꦺ​ꦱꦶꦁ​ꦧꦏꦭ꧀ꦔꦺꦴꦩꦺꦴꦁ꧈​ꦤꦁꦔꦶꦁ​ꦫꦺꦴꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦱꦶꦁ​ꦧꦏꦭ꧀ꦔꦺꦴꦩꦺꦴꦁꦭꦤ꧀ꦠꦂꦫꦤ꧀ꦏꦺꦴꦮꦺ​꧉​ ²¹꧋“ꦧꦏꦭ꧀​ꦏ꧀ꦭꦏꦺꦴꦤ꧀ꦲꦺꦤꦺꦁꦮꦺꦴꦁ​ꦩꦱꦿꦃꦲꦏꦺꦱꦼꦢꦸꦭꦸꦂꦫꦺ​ꦢꦺꦮꦺꦱꦸꦥꦪ​ꦢꦶꦥꦠꦺꦤ꧀ꦤꦶ​꧉​ꦱꦼꦩꦺꦴꦤꦺꦴ​ꦲꦸꦒ​ꦧꦥꦏ꧀ꦧꦏꦭ꧀ꦩꦱꦿꦃꦲꦏꦺꦲꦤꦏ꧀ꦏꦺ​ꦱꦸꦥꦪ​ꦢꦶꦥꦠꦺꦤ꧀ꦤꦶ​꧉​ꦲꦤꦏ꧀ꦲꦤꦏ꧀ꦧꦏꦭ꧀​ꦔ꧀ꦭꦮꦤ꧀ꦩꦫꦁ​ꦧꦥ​ꦭꦤ꧀ꦲꦶꦧꦸꦤꦺ​ꦭꦤ꧀ꦧꦏꦭ꧀ꦩꦱꦿꦃꦲꦏꦺꦮꦺꦴꦁ​ꦠꦸꦮꦤꦺ​ꦱꦸꦥꦪ​ꦢꦶꦥꦠꦺꦤ꧀ꦤꦶ​꧉​ ²²ꦮꦺꦴꦁ​ꦏꦧꦺꦃ​ꦧꦏꦭ꧀ꦱꦼꦔꦶꦠ꧀ꦩꦫꦁ​ꦏꦺꦴꦮꦺ​꧈​ꦗꦭꦂꦫꦤ꧀ꦏꦺꦴꦮꦺ​ꦩꦺꦭꦸ​ꦲꦏꦸ​꧉​ꦤꦁꦔꦶꦁ​ꦱꦥ​ꦱꦶꦁ​ꦩꦤ꧀ꦠꦼꦥ꧀ꦠꦼꦏꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧈​ꦏꦸꦮꦶ​ꦱꦶꦁ​ꦧꦏꦭ꧀ꦱ꧀ꦭꦩꦼꦠ꧀꧈​ ²³ꦤꦺꦏ꧀ꦏꦺꦴꦮꦺ​ꦢꦶꦏꦸꦪꦏꦸꦪ​ꦤꦁꦱꦏ꧀ꦮꦶꦗꦶꦤꦺꦏꦸꦠ꧈​ꦥꦢ​ꦭꦸꦔꦲ​ꦤꦁꦏꦸꦠꦭꦶꦪꦤꦺ​꧉​ꦥꦽꦕꦪꦲ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦠꦼꦏ​꧈​ꦱꦏ꧀ꦢꦸꦫꦸꦁꦔꦺꦏꦺꦴꦮꦺ​ꦏꦼꦩ꧀ꦥꦸꦠ꧀ꦲꦼꦁꦒꦺꦴꦤ꧀ꦩꦸ​ꦔ꧀ꦭꦏꦺꦴꦤ꧀ꦤꦶ​ꦏꦺꦴꦁꦏꦺꦴꦤ꧀ꦤꦤ꧀ꦩꦸ​ꦤꦁꦏꦸꦠꦏꦸꦠꦱꦏ꧀ꦆꦱꦿꦌꦭ꧀ꦏꦧꦺꦃ​꧉​ ²⁴꧋“ꦩꦸꦫꦶꦢ꧀ꦩꦼꦱ꧀ꦠꦶꦲꦺꦴꦫ​ꦔꦸꦁꦏꦸꦭ꧀ꦭꦶ​ꦒꦸꦫꦸꦤꦺ​ꦭꦤ꧀ꦱ꧀ꦭꦥ꦳꧀ꦩꦼꦱ꧀ꦠꦶꦲꦺꦴꦫ​ꦔꦸꦁꦏꦸꦭ꧀ꦭꦶ​ꦱꦶꦁ​ꦤ꧀ꦢꦸꦮꦺ꧉​ ²⁵ꦏꦁꦒꦺꦴ​ꦩꦸꦫꦶꦢ꧀ꦩꦼꦱ꧀ꦠꦶꦪ​ꦮꦶꦱ꧀ꦕꦸꦏꦸꦥ꧀ꦤꦺꦏ꧀ꦧꦶꦱ​ꦏꦪ​ꦒꦸꦫꦸꦤꦺ​꧈​ꦱꦼꦩꦺꦴꦤꦺꦴ​ꦲꦸꦒ​ꦱ꧀ꦭꦥ꦳꧀ ꦪ​ꦮꦶꦱ꧀ꦕꦸꦏꦸꦥ꧀ꦤꦺꦏ꧀ꦧꦶꦱ​ꦏꦪ​ꦱꦶꦁ​ꦤ꧀ꦢꦸꦮꦺ꧉​ꦭꦃ​ꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦮꦲꦺ​ꦢꦶꦲꦫꦤ꧀ꦤꦶ​ꦨꦺꦭ꧀ꦱꦼꦧꦸꦭ꧀ ꦭꦃ​ꦧꦿꦪꦠ꧀ꦠꦺ​ꦱꦏ꧀ꦲꦺꦴꦩꦃ​ꦩꦼꦤꦺꦃ​ꦲꦺꦴꦫ​ꦢꦶꦲꦫꦤ꧀ꦤꦶ​ꦏꦼꦥꦿꦶꦪꦺ​!”

꧋ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦸꦢꦸ​ꦢꦶꦮꦼꦢꦺꦤ꧀ꦤꦶ​꧉​

²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦲꦗ​ꦥꦢ​ꦮꦼꦢꦶ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​꧉​ꦲꦥ​ꦱꦶꦁ​ꦢꦶꦠꦸꦠꦸꦥ꧀ꦥꦶ​ꦧꦏꦭ꧀ꦏꦺꦠꦺꦴꦏ꧀ꦭꦤ꧀ꦲꦥ​ꦱꦶꦁ​ꦢꦶꦢꦼꦭꦶꦏ꧀ꦏꦏꦺꦧꦏꦭ꧀ꦏꦼꦧꦸꦏꦏ꧀꧈​ ²⁷ꦲꦥ​ꦱꦶꦁ​ꦠꦏ꧀ꦲꦺꦴꦩꦺꦴꦁꦔꦏꦺꦩꦫꦁ​ꦏꦺꦴꦮꦺ​ꦲꦶꦁ​ꦥꦼꦠꦼꦁꦔꦤ꧀ꦏꦸꦢꦸ​ꦲꦩ꧀ꦧꦺꦴꦏ꧀ꦏꦧꦂꦫꦏꦺꦲꦶꦁ​ꦥꦢꦁꦔꦤ꧀꧈​ꦲꦥ​ꦱꦶꦁ​ ꦢꦶꦧꦶꦱꦶꦏ꧀ꦧꦶꦱꦶꦏ꧀ꦏꦏꦺꦤꦁꦏꦸꦥꦶꦁꦩꦸ​꧈​ꦏꦸꦮꦶ​ꦢꦶꦲꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦤꦁꦲꦼꦤ꧀ꦢꦶꦲꦼꦤ꧀ꦢꦶ​꧉​ ²⁸ꦲꦗ​ꦥꦢ​ꦮꦼꦢꦶ​ꦩꦫꦁ​ꦩꦤꦸꦁꦱ​꧈​ꦲꦮꦶꦠ꧀ꦩꦤꦸꦁꦱ​ꦤꦩꦸꦁ​ꦧꦶꦱ​ꦩꦠꦺꦤ꧀ꦤꦶ​ꦧꦢꦤ꧀ꦤꦺ​꧉​ꦥꦢ​ꦮꦼꦢꦶꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦧꦶꦱ​ꦩꦠꦺꦤ꧀ꦤꦶ​ꦧꦢꦤ꧀ꦭꦤ꧀ꦚꦮꦩꦸ​ꦥꦶꦱꦤ꧀ꦤꦁꦤꦼꦫꦏ꧉​ ²⁹ꦩꦤꦸꦏ꧀ꦕꦶꦭꦶꦏ꧀ꦭꦺꦴꦫꦺꦴ​ꦭꦲꦸꦠ꧀ꦲꦺꦴꦫ​ꦲꦺꦤꦺꦁꦲꦗꦶꦤꦺ​ꦠ​ꦉꦒꦤꦺ​?ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦱꦶꦗꦶꦪꦠꦶꦧ​ꦤꦁꦊꦩꦃ​ꦠꦤ꧀ꦥ​ꦧꦥꦏ꧀ꦩꦸ​ꦔ꧀ꦭꦶꦭꦤꦶ​꧉​ ³⁰ꦭꦃ​ꦏꦺꦴꦮꦺ​ꦩꦼꦤꦺꦃ​꧈​ꦒꦺꦏ꧀ꦫꦩ꧀ꦧꦸꦠ꧀ꦤꦁꦱꦶꦫꦃꦩꦸ​ꦮꦲꦺ​ꦮꦶꦱ꧀ꦢꦶꦲꦶꦠꦸꦁꦏꦧꦺꦃ​꧉​ ³¹ꦩꦸꦭꦤꦺ​ꦲꦗ​ꦥꦢ​ꦮꦼꦢꦶ​꧉​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦺꦴꦮꦺ​ꦏꦸꦮꦶ​ꦲꦗꦶꦤꦺ​ꦔꦸꦁꦏꦸꦭ꧀ꦭꦶ​ꦱꦏ꧀ꦲꦺꦤꦺꦁꦔꦺꦩꦤꦸꦏ꧀ꦕꦶꦭꦶꦏ꧀ꦏꦧꦺꦃ​꧉​”

꧋ꦔꦏꦺꦴꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦮꦺꦴꦁ​꧉​

³²꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦱꦥ​ꦱꦶꦁ​ꦔꦏꦺꦴꦤ꧀ꦤꦶ​ꦤꦺꦏ꧀ꦢꦢꦶ​ꦩꦸꦫꦶꦢ꧀ꦏꦸ​ꦤꦁꦔꦉꦥ꧀ꦥꦺ​ꦮꦺꦴꦁ​꧈​ꦲꦏꦸ​ꦪ​ꦧꦏꦭ꧀ꦔꦏꦺꦴꦤ꧀ꦤꦶ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦸ​꧈​ꦤꦺꦏ꧀ꦮꦺꦴꦁ​ꦏꦸꦮꦶ​ꦥꦚ꧀ꦕꦺꦤ꧀ꦩꦸꦫꦶꦢ꧀ꦏꦸ​꧉​ ³³ꦤꦁꦔꦶꦁ​ꦱꦥ​ꦱꦶꦁ​ꦮꦼꦢꦶ​ꦔꦏꦺꦴꦤ꧀ꦤꦶ​ꦤꦺꦏ꧀ꦢꦢꦶ​ꦩꦸꦫꦶꦢ꧀ꦏꦸ​ꦤꦁꦔꦉꦥ꧀ꦥꦺ​ꦮꦺꦴꦁ​꧈​ꦲꦏꦸ​ꦪ​ꦧꦏꦭ꧀ꦚꦺꦭꦏ꧀ꦏꦶ​ꦢꦺꦏ꧀ꦤꦺꦤꦁꦔꦉꦥ꧀ꦥꦺ​ꦧꦥꦏ꧀ꦏꦸ​ꦤꦁꦱ꧀ꦮꦂꦒ​꧉​”

꧋ꦲꦺꦴꦫ​ꦫꦸꦏꦸꦤ꧀ ꦩꦭꦃ​ꦥꦶꦱꦃ​꧉​

³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦗ​ꦩꦶꦏꦶꦂ​ꦤꦺꦏ꧀ꦠꦼꦏꦏꦸ​ꦔ꧀ꦒꦮ​ꦫꦸꦏꦸꦤ꧀ꦤꦁꦗꦒꦠ꧀꧈​ꦲꦺꦴꦫ​꧈​ꦠꦼꦏꦏꦸ​ꦲꦺꦴꦫ​ꦔ꧀ꦒꦮ​ꦫꦸꦏꦸꦤ꧀ ꦤꦁꦔꦶꦁ​ꦩꦭꦃ​ꦩꦶꦱꦃ​꧉​ ³⁵ꦠꦼꦏꦏꦸ​ꦩꦭꦃ​ꦩꦶꦱꦃ​ꦲꦤꦏ꧀ꦭꦤꦁ​ꦱꦁꦏꦧꦥꦏ꧀ꦏꦺꦭꦤ꧀ꦲꦤꦏ꧀ꦮꦺꦢꦺꦴꦏ꧀ꦱꦁꦏꦲꦶꦧꦸꦤꦺ​꧈​ꦲꦸꦒ​ꦲꦤꦏ꧀ꦮꦺꦢꦺꦴꦏ꧀ꦩꦤ꧀ꦠꦸ​ꦱꦁꦏꦲꦶꦧꦸ​ꦩꦫꦠꦸꦮꦤꦺ​꧉​ ³⁶ꦩꦭꦃ​ꦮꦺꦴꦁ​ꦱꦏ꧀ꦲꦺꦴꦩꦃ​ꦧꦏꦭ꧀ꦢꦢꦶ​ꦩꦸꦁꦱꦸꦃ​ꦩꦫꦁ​ꦱꦏ꧀ꦥꦢꦥꦢ꧉​”

꧋ꦱꦥ​ꦱꦶꦁ​ꦧꦶꦱ​ꦢꦢꦶ​ꦩꦸꦫꦶꦢ꧀꧈​

³⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦱꦥ​ꦱꦶꦁ​ꦤꦿꦺꦱ꧀ꦤꦤ꧀ꦤꦶꦧꦥ​ꦲꦥ​ꦧꦶꦪꦸꦁꦔꦺ​ꦔꦸꦁꦏꦸꦭ꧀ꦭꦶ​ꦲꦼꦁꦒꦺꦴꦤꦺ​ꦤꦿꦺꦱ꧀ꦤꦤ꧀ꦤꦶꦲꦏꦸ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦥꦤ꧀ꦠꦼꦱ꧀ꦢꦢꦶ​ꦩꦸꦫꦶꦢ꧀ꦏꦸ​꧉​ꦲꦸꦒ​ꦮꦺꦴꦁ​ꦱꦶꦁ​ꦤꦿꦺꦱ꧀ꦤꦤ꧀ꦤꦶꦲꦤꦏ꧀ꦏꦺ​ꦭꦤꦁ​ꦲꦥ​ꦲꦤꦏ꧀ꦏꦺ​ꦮꦺꦢꦺꦴꦏ꧀ꦔꦸꦁꦏꦸꦭ꧀ꦭꦶ​ꦲꦼꦁꦒꦺꦴꦤꦺ​ꦤꦿꦺꦱ꧀ꦤꦤ꧀ꦤꦶꦲꦏꦸ​꧈​ꦮꦺꦴꦁ​ꦏꦸꦮꦶ​ꦲꦸꦒ​ꦲꦺꦴꦫ​ꦥꦤ꧀ꦠꦼꦱ꧀ꦢꦢꦶ​ꦩꦸꦫꦶꦢ꧀ꦏꦸ​꧉​ ³⁸ꦱꦥ​ꦱꦶꦁ​ꦲꦺꦴꦫ​ꦒꦼꦊꦩ꧀ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦭꦤ꧀ꦤꦸꦫꦸꦠ꧀ꦲꦏꦸ​꧈​ꦏꦸꦮꦶ​ꦲꦺꦴꦫ​ꦥꦤ꧀ꦠꦼꦱ꧀ꦢꦢꦶ​ꦩꦸꦫꦶꦢ꧀ꦏꦸ​꧉​ ³⁹ꦱꦥ​ꦱꦶꦁ​ꦔꦺꦩꦤ꧀ꦲꦸꦫꦶꦥ꧀ꦥꦺ꧈​ꦏꦸꦮꦶ​ꦩꦭꦃ​ꦧꦏꦭ꧀ꦏꦺꦭꦁꦔꦤ꧀ꦲꦸꦫꦶꦥ꧀ꦥꦺ꧉​ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦮꦼꦢꦶ​ꦏꦺꦭꦁꦔꦤ꧀ꦲꦸꦫꦶꦥ꧀ꦥꦺꦏꦁꦒꦺꦴ​ꦲꦏꦸ​꧈​ꦲꦶꦏꦸ​ꦱꦶꦁ​ꦧꦏꦭ꧀ꦤꦼꦩꦸ​ꦲꦸꦫꦶꦥ꧀ꦥꦺ꧉​”

꧋ꦲꦸꦥꦃꦲꦺꦮꦺꦴꦁ​ꦱꦶꦁ​ꦔ꧀ꦒꦮꦺ​ꦧꦼꦕꦶꦏ꧀꧈​

⁴⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦿꦩ꧀ꦥꦸꦁꦔꦏꦺꦥꦶꦮꦸꦭꦁꦔꦺ​ꦩꦫꦁ​ꦫꦱꦸꦭ꧀ꦫꦺꦴꦭꦱ꧀ꦔꦺꦤꦺ​:“ꦱꦥ​ꦱꦶꦁ​ꦤꦩ꧀ꦥꦤꦶ​ꦏꦺꦴꦮꦺ​꧈​ꦏꦸꦮꦶ​ꦲꦸꦒ​ꦤꦩ꧀ꦥꦤꦶ​ꦲꦏꦸ​꧉​ꦭꦤ꧀ꦱꦥ​ꦱꦶꦁ​ꦤꦩ꧀ꦥꦤꦶ​ꦲꦏꦸ​꧈​ꦏꦸꦮꦶ​ꦪ​ꦤꦩ꧀ꦥꦤꦶ​ꦧꦥꦏ꧀ꦏꦸ​ꦤꦁꦱ꧀ꦮꦂꦒ​꧉​ ⁴¹ꦱꦥ​ꦱꦶꦁ​ꦤꦩ꧀ꦥꦤꦶ​ꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦗꦭꦂꦫꦤ꧀ꦮꦺꦴꦁꦔꦺ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦮꦺꦴꦁ​ꦏꦸꦮꦶ​ꦧꦏꦭ꧀ꦤꦩ꧀ꦥ​ꦲꦸꦥꦃꦱꦶꦁ​ꦧꦏꦭ꧀ꦢꦶꦏꦺꦏ꧀ꦏꦏꦺꦩꦫꦁ​ꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦲꦸ​꧉​ꦱꦥ​ꦱꦶꦁ​ꦤꦩ꧀ꦥꦤꦶ​ꦮꦺꦴꦁ​ꦧꦼꦕꦶꦏ꧀ ꦗꦭꦂꦫꦤ꧀ꦮꦺꦴꦁ​ꦧꦼꦕꦶꦏ꧀ ꦮꦺꦴꦁ​ꦏꦸꦮꦶ​ꦪ​ꦧꦏꦭ꧀ꦤꦩ꧀ꦥ​ꦲꦸꦥꦃꦲꦺꦮꦺꦴꦁ​ꦧꦼꦕꦶꦏ꧀ꦏꦸꦮꦶ​꧉​ ⁴²ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦔꦺꦴꦩ꧀ꦧꦺ​ꦩꦫꦁ​ꦱꦭꦃꦱꦏ꧀ꦮꦶꦗꦶꦤꦺꦩꦸꦫꦶꦢ꧀ꦏꦸ​ꦱꦶꦁ​ꦕꦶꦭꦶꦏ꧀ꦲꦶꦏꦶ​꧈​ꦗꦭꦂꦫꦤ꧀ꦩꦸꦫꦶꦢ꧀ꦏꦸ​꧈​ꦱꦼꦤꦗꦤ꧀ꦤꦩꦸꦁ​ꦧꦚꦸ​ꦲꦚꦼꦱ꧀ꦱꦏ꧀ꦒꦼꦭꦱ꧀ ꦥꦽꦕꦪꦲ​꧈​ꦮꦺꦴꦁ​ꦏꦸꦮꦶ​ꦧꦏꦭ꧀ꦤꦩ꧀ꦥ​ꦲꦸꦥꦃ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

꧇​꧑꧑꧇​ ¹꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦔꦼꦏꦺꦏ꧀ꦏꦶꦥꦶꦠꦸꦠꦸꦂ​ꦩꦫꦁ​ꦩꦸꦫꦶꦢ꧀ꦢꦺ​ꦫꦺꦴꦭꦱ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧈​ꦲꦉꦥ꧀ꦩꦼꦩꦸꦭꦁ​ꦭꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦁꦏꦸꦠꦏꦸꦠꦤꦺꦧꦁꦱ​ꦙꦸꦏꦺꦴꦤꦺꦴ​꧉​ ²꧋ꦪꦺꦴꦲꦤꦼꦱ꧀ ꦱꦶꦁ​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦶꦗꦶꦏ꧀ꦤꦁꦱꦼꦠꦿꦥꦤ꧀ ꦏꦿꦸꦔꦸ​ꦏꦧꦂ​ꦧꦧ꧀ꦥꦼꦁꦒꦮꦺꦤꦺ​ꦑꦿꦶꦱ꧀ꦠꦸꦱ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦱꦶꦗꦶꦭꦺꦴꦫꦺꦴꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦏꦺꦴꦁꦏꦺꦴꦤ꧀ꦠꦏꦺꦴꦤ꧀ꦔꦺꦤꦺ​: ³“ꦲꦥ​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦱꦶꦁ​ꦏꦸꦢꦸ​ꦠꦼꦏ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦉꦥ꧀ꦲꦉꦥ꧀ꦮꦺꦴꦁ​ꦭꦶꦪꦤꦺ​?” ⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦏꦤ​ꦥꦢ​ꦧꦭꦶꦏ꧀ꦏꦭꦤ꧀ꦪꦺꦴꦲꦤꦼꦱ꧀ꦢꦶꦲꦺꦴꦩꦺꦴꦁꦔꦶꦧꦧ꧀ꦲꦥ​ꦱꦶꦁ​ꦏꦺꦴꦮꦺ​ꦏꦿꦸꦔꦸ​ꦭꦤ꧀ꦲꦥ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​꧉​ ⁵ꦏꦺꦴꦮꦺ​ꦥꦢ​ꦮꦼꦫꦸꦃ​ꦤꦺꦏ꧀ꦮꦺꦴꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧈​ꦮꦺꦴꦁ​ꦭꦸꦩ꧀ꦥꦸꦃ​ꦧꦶꦱ​ꦩ꧀ꦭꦏꦸ​ꦩꦼꦤꦺꦃ​꧈​ꦱꦶꦁ​ꦭꦫ​ꦭꦺꦥꦿ​ꦲꦮꦏ꧀ꦏꦺ​ꦧꦶꦱ​ꦉꦱꦶꦏ꧀ꦩꦼꦤꦺꦃ​꧈​ ꦱꦶꦁ​ꦧꦸꦢꦼꦏ꧀ꦧꦶꦱ​ꦏꦿꦸꦔꦸ​꧈​ꦮꦺꦴꦁ​ꦩꦠꦶ​ꦥꦢ​ꦢꦶꦲꦸꦫꦶꦥ꧀ꦥꦏꦺꦩꦼꦤꦺꦃ​ꦭꦤ꧀ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦶꦒꦼꦭꦂꦫꦏꦺꦩꦫꦁ​ꦮꦺꦴꦁ​ꦩ꧀ꦭꦫꦠ꧀꧈​ ⁶ꦧꦼꦗꦮꦺꦴꦁ​ꦱꦶꦁ​ꦲꦺꦴꦫ​ꦩꦔꦸꦩꦔꦸ​ꦧꦧ꧀ꦲꦏꦸ​꧉​”

꧋ꦥꦱꦼꦏ꧀ꦱꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁷꧋ꦱꦏ꧀ꦮꦶꦱ꧀ꦱꦺ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦥꦢ​ꦧꦭꦶꦏ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦧꦧ꧀ꦪꦺꦴꦲꦤꦼꦱ꧀ꦩꦫꦁ​ꦮꦺꦴꦁꦮꦺꦴꦁ​:“ꦢꦺꦴꦁꦔꦺꦏꦺꦴꦮꦺ​ꦥꦢ​ꦩꦫꦤꦶ​ꦪꦺꦴꦲꦤꦼꦱ꧀ꦤꦁꦮꦸꦱ꧀ꦠꦺꦤ꧀ꦏꦲꦺ​꧈​ꦱꦏ꧀ꦗꦤꦺꦏꦺꦴꦮꦺ​ꦩꦶꦏꦶꦂ​ꦧꦏꦭ꧀ꦮꦼꦫꦸꦃ​ꦲꦥ​?ꦲꦥ​ꦤ꧀ꦢꦫꦤ꧀ꦤꦶꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦢꦩꦺꦤ꧀ꦱꦶꦁ​ꦏꦼꦠꦼꦫꦏ꧀ꦲꦔꦶꦤ꧀ꦫꦤꦫꦺꦤꦺ​?ꦭꦲꦸꦠ꧀ꦪ​ꦲꦺꦴꦫ​ꦠ​? ⁸ꦭꦃ​ꦮꦼꦫꦸꦃ​ꦲꦥ​?ꦲꦥ​ꦮꦺꦴꦁ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦱꦶꦁ​ꦭꦫꦁ​?ꦮꦺꦴꦁ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦲꦥꦶꦏ꧀ꦲꦥꦶꦏ꧀ꦏꦸꦮꦶ​ꦩꦁꦒꦺꦴꦤꦺ​ꦤꦁꦥꦭꦺꦱ꧀꧈​ ⁹ꦭꦃ​ꦏꦺꦴꦮꦺ​ꦥꦢ​ꦤꦁꦮꦸꦱ꧀ꦠꦺꦤ꧀ꦏꦸꦮꦶ​ꦏꦼꦥꦺꦔꦶꦤ꧀ꦮꦼꦫꦸꦃ​ꦲꦥ​?ꦲꦥ​ꦏꦼꦥꦺꦔꦶꦤ꧀ꦮꦼꦫꦸꦃ​ꦤꦧꦶ​?ꦪ​ꦧꦼꦤꦼꦂ​꧈​ꦏꦺꦴꦮꦺ​ꦩꦭꦃ​ꦮꦼꦫꦸꦃ​ꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦤꦧꦶ​꧉​ ¹⁰ꦲꦮꦶꦠ꧀ꦪ​ꦧꦧ꧀ꦪꦺꦴꦲꦤꦼꦱ꧀ꦲꦶꦏꦶ​ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀​ꦔꦺꦤꦺ​:'ꦲꦶꦏꦶ​ꦏꦺꦴꦁꦏꦺꦴꦤꦤ꧀ꦏꦸ꧈​ꦱꦶꦁ​ꦠꦏ꧀ꦏꦺꦴꦁꦏꦺꦴꦤ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀​ꦔ꧀ꦒꦮꦺꦏ꧀ꦏꦏꦺꦢꦭꦤ꧀ꦏꦺꦴꦮꦺ​!’ ¹¹ꦥꦢ​ꦢꦶꦠꦶꦠꦺꦤ꧀ꦤꦶ​ꦠ​!ꦤꦁꦱꦏ꧀ꦗꦒꦠ꧀ꦲꦶꦏꦶ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​ꦤꦁꦔꦶꦁ​ꦱꦼꦤꦗꦤ꧀ꦔꦺꦴꦤꦺꦴ​꧈​ꦮꦺꦴꦁ​ꦱꦶꦁ​ꦕꦶꦭꦶꦏ꧀ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦗꦶꦏ꧀ꦔꦸꦁꦏꦸꦭ꧀ꦭꦶ​ꦢꦺꦏ꧀ꦤꦺꦒꦼꦢꦺꦤꦺ꧉​ ¹²ꦮꦶꦮꦶꦠ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦩꦼꦩꦸꦭꦁ​ꦠꦼꦏꦤ꧀ꦱꦼꦥꦿꦺꦤꦺ​꧈​ꦏꦿꦠꦺꦴꦤꦺ​ꦱ꧀ꦮꦂꦒ​ꦢꦶꦭꦮꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦏꦉꦥ꧀ꦔ꧀ꦮꦱꦤꦶ​ꦔꦁꦒꦺꦴ​ꦥꦼꦏ꧀ꦱ​꧉​ ¹³ꦥꦶꦮꦸꦭꦁꦔꦺ​ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦭꦤ꧀ꦥꦫ​ꦤꦧꦶ​ꦭꦶꦪꦤꦺ​ꦔꦤ꧀ꦠꦶ​ꦱꦏ꧀ꦠꦼꦏꦤꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦏꦧꦺꦃ​ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁴ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦥꦽꦕꦪ​ꦩꦫꦁ​ꦥꦶꦮꦸꦭꦁ​ꦩꦲꦸ​꧈​ꦔꦼꦂꦠꦶꦪ​꧈​ꦤꦺꦏ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦏꦸꦮꦶ​ꦤꦧꦶ​ꦌꦭꦶꦪ​꧈​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦔꦏꦺꦤꦺꦏ꧀ꦧꦏꦭ꧀ꦠꦼꦏ​꧉​ ¹⁵ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦥꦢ​ꦫꦸꦔꦺꦴꦏ꧀ꦏꦏꦺ꧉​ ¹⁶꧋“ꦮꦺꦴꦁꦮꦺꦴꦁ​ꦗꦩꦤ꧀ꦱꦲꦶꦏꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​ꦪ​?ꦲꦺꦭꦶꦁ​​ꦲꦺꦭꦶꦁ​​ꦏꦪ​ꦧꦺꦴꦕꦃꦧꦺꦴꦕꦃ​ꦱꦶꦁ​ꦥꦢ​ꦢꦺꦴꦭꦤ꧀ꦤꦤ꧀ꦤꦁꦭꦠꦂꦫꦺ​ꦥꦱꦂ​ꦏꦲꦺ​;ꦱꦶꦁ​ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦕꦼꦭꦸꦏ꧀ꦕꦼꦭꦸꦏ꧀ꦩꦫꦁ​ꦏꦿꦺꦴꦩ꧀ꦥꦺꦴꦭ꧀ꦭꦤ꧀ꦭꦶꦪꦤꦺ​ꦔꦺꦴꦩꦺꦴꦁꦔꦺꦤꦺ​: ¹⁷‘ꦲꦮꦏ꧀ꦏꦺ​ꦢꦺꦮꦺꦩꦲꦶꦤ꧀ꦭꦒꦸ​ꦧꦸꦔꦃꦧꦸꦔꦃ​꧈​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦒꦼꦊꦩ꧀​ꦚ꧀ꦗꦺꦴꦒꦺꦠ꧀꧈​ꦲꦮꦏ꧀ꦏꦺ​ꦢꦺꦮꦺꦱꦶꦔꦶꦭꦒꦸ​ꦱꦸꦱꦃ​꧈​ꦏꦺꦴꦮꦺ​ꦲꦺꦴꦫ​ꦤꦔꦶꦱ꧀꧉'​ ¹⁸ꦢꦺꦴꦁꦔꦺꦪꦺꦴꦲꦤꦼꦱ꧀ꦠꦼꦏ​꧈​ꦢꦺꦏ꧀ꦤꦺꦲꦺꦴꦫ​ꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​꧈​ꦏꦧꦺꦃ​ꦮꦺꦴꦁ​ꦔꦺꦴꦩꦺꦴꦁꦤꦺꦏ꧀ꦢꦺꦏ꧀ꦤꦺꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ ¹⁹ꦭꦃ​ꦢꦺꦴꦁꦔꦺꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​꧈​ꦢꦺꦏ꧀ꦤꦺꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​꧈​ꦏꦧꦺꦃ​ꦮꦺꦴꦁ​ꦔꦺꦴꦩꦺꦴꦁ:'ꦢꦼꦭꦺꦴꦏ꧀ꦏꦼꦤ꧀ꦏꦲꦺ​꧈​ꦮꦺꦴꦁ​ꦩꦸꦂꦏꦭꦤ꧀ꦠꦸꦏꦁ​ꦔꦺꦴꦩ꧀ꦧꦺ​꧈​ꦏꦚ꧀ꦕꦤꦺ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦲꦭ​꧉'​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦢꦺ​ꦏꦮꦼꦫꦸꦃꦲꦺꦭꦤ꧀ꦏꦮꦼꦫꦸꦃꦲꦺꦢꦶꦮꦸꦗꦸꦠ꧀ꦠꦏꦺꦔꦁꦒꦺꦴ​ꦥꦼꦁꦒꦮꦺꦤꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦤ꧀ꦠꦶꦩꦤ꧀ꦠꦶ​ꦏꦸꦠꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​꧉​

²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦲꦶꦢꦺꦴ​ꦏꦸꦠꦏꦸꦠꦱꦶꦁ​ꦲꦺꦴꦫ​ꦥꦢ​ꦒꦼꦊꦩ꧀ꦤꦶꦁꦒꦭ꧀ꦢꦺꦴꦱꦤꦺ​ꦭꦤ꧀ꦔꦚꦂꦫꦏꦺꦲꦸꦫꦶꦥ꧀ꦥꦺ꧈​ꦱꦼꦤꦗꦤ꧀ꦢꦺꦏ꧀ꦤꦺꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦱꦶꦁ​ꦲꦺꦴꦏꦺꦃꦢꦺꦮꦺꦤꦁꦏꦸꦠꦏꦸꦠꦏꦸꦮꦶ​꧉​ ²¹ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦕꦶꦭꦏ​ꦏꦺꦴꦮꦺ​꧈​ꦑꦺꦴꦫꦱꦶꦩ꧀!ꦕꦶꦭꦏ​ꦏꦺꦴꦮꦺ​ꦲꦸꦒ​꧈​ꦧꦺꦠ꧀ꦱꦲꦶꦢ​!ꦲꦮꦶꦠ꧀ꦱꦼꦩꦸꦁꦒꦺꦴꦤ꧀ꦤꦺꦤꦁꦏꦸꦠꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀ꦲꦺꦤꦺꦁꦩꦸꦗꦶꦗꦠ꧀ꦏꦪ​ꦱꦶꦁ​ꦲꦺꦤꦺꦁꦤꦁꦠꦼꦔꦃꦩꦸ​꧈​ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦩꦼꦱ꧀ꦠꦶꦮꦶꦱ꧀​ꦩ꧀ꦧꦶꦪꦺꦤ꧀​ꦩ꧀ꦧꦶꦪꦺꦤ꧀ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦭꦤ꧀ꦥꦢ​ꦔꦁꦒꦺꦴ​ꦱꦭꦶꦤ꧀ꦱꦏꦃꦭꦤ꧀ꦲꦸꦱꦥ꧀ꦥꦤ꧀ꦲꦮꦸ​ꦱꦶꦫꦃꦲꦺ​ꦏꦁꦒꦺꦴ​ꦔꦼꦠꦺꦴꦏ꧀ꦏꦏꦺꦏꦱꦸꦱꦃꦲꦤ꧀ꦤꦺ​꧉​ ²²ꦥꦢ​ꦠꦶꦠꦺꦤ꧀ꦤꦤ꧀ꦤ​!ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦏꦸꦠꦠꦶꦫꦸꦱ꧀ꦭꦤ꧀ꦱꦶꦢꦺꦴꦤ꧀ꦱꦼꦠꦿꦥꦤ꧀ꦤꦺꦧꦏꦭ꧀ꦭꦺ​ꦭꦸꦮꦶꦃ​ꦲꦺꦤ꧀ꦠꦺꦁꦤꦺꦏ꧀ꦢꦶꦥꦢꦏ꧀ꦏꦏꦺꦏꦫꦺꦴ​ꦱꦼꦠꦿꦥꦤ꧀ꦩꦸ꧉​ ²³ꦲꦸꦒ​ꦏꦺꦴꦮꦺ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦑꦥꦺꦂꦤꦏꦸꦩ꧀꧈​ꦲꦥ​ꦏꦺꦴꦮꦺ​ꦧꦏꦭ꧀ꦢꦶꦗꦸꦚ꧀ꦗꦸꦁ​ꦩꦸꦁꦒꦃ​ꦱ꧀ꦮꦂꦒ​?ꦲꦺꦴꦫ​ꦧꦏꦭ꧀!ꦏꦺꦴꦮꦺ​ꦩꦭꦃ​ꦧꦏꦭ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦤꦼꦫꦏ꧉​ꦲꦮꦶꦠ꧀ꦱꦼꦩꦸꦁꦒꦺꦴꦤ꧀ꦤꦺꦤꦁꦏꦸꦠꦱꦺꦴꦢꦺꦴꦩ꧀ꦲꦺꦤꦺꦁꦩꦸꦗꦶꦗꦠ꧀ꦩꦸꦗꦶꦗꦠ꧀ꦏꦪ​ꦱꦶꦁ​ꦲꦺꦤꦺꦁꦤꦁꦠꦼꦔꦃꦩꦸ​꧈​ꦏꦸꦠꦱꦺꦴꦢꦺꦴꦩ꧀ꦩꦼꦱ꧀ꦠꦶꦱꦲꦶꦏꦶ​ꦲꦶꦗꦶꦏ꧀ꦲꦺꦤꦺꦁ꧉​ ²⁴ꦤꦁꦔꦶꦁ​ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​꧈​ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦮꦺꦴꦁꦮꦺꦴꦁ​ꦤꦁꦏꦸꦠꦱꦺꦴꦢꦺꦴꦩ꧀ꦩꦭꦃ​ꦧꦏꦭ꧀ꦤꦩ꧀ꦥ​ꦏꦮꦼꦭꦱ꧀ꦱꦤ꧀ꦱꦶꦁ​ꦭꦸꦮꦶꦃ​ꦒꦼꦢꦺ​ꦠꦼꦤꦶꦩ꧀ꦧꦁꦏꦺꦴꦮꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦭꦸꦏ꧀ꦱꦶꦁ​ꦥꦢ​ꦏꦔꦺꦭ꧀ꦭꦤ꧀꧈​

²⁵꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦩ꧀ꦧꦸꦁꦔꦺ​:“ꦢꦸꦃ​ꦄꦭ꧀ꦭꦃ​ꦧꦥꦏ꧀ꦏꦸ​꧈​ꦒꦸꦱ꧀ꦠꦶꦤꦺ​ꦭꦔꦶꦠ꧀ꦭꦤ꧀ꦧꦸꦩꦶ​꧈​ꦲꦏꦸ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦚꦶꦩ꧀ꦥꦼꦤ꧀ꦥꦽꦏꦫꦥꦽꦏꦫ​ꦲꦶꦏꦶ​ꦏꦁꦒꦺꦴ​ꦮꦺꦴꦁ​ꦱꦶꦁ​ ꦥꦶꦤ꧀ꦠꦼꦂ​ꦭꦤ꧀ꦱꦶꦁ​ꦤ꧀ꦢꦸꦮꦺꦏꦮꦼꦫꦸꦃ꧈​ꦤꦁꦔꦶꦁ​ꦲꦩ꧀ꦧꦺꦴꦏ꧀ꦈꦢꦂꦫꦏꦺꦏꦁꦒꦺꦴ​ꦮꦺꦴꦁ​ꦱꦶꦁ​ꦕꦶꦭꦶꦏ꧀꧈​ ²⁶ꦥꦚ꧀ꦕꦺꦤ꧀ꦪ​ꦔꦺꦴꦤꦺꦴ​ꦧꦥꦏ꧀ꦏꦸ​꧈​ꦲꦶꦏꦶ​ꦥꦚ꧀ꦕꦺꦤ꧀ꦮꦶꦱ꧀ꦢꦢꦶ​ꦏꦉꦥ꧀ꦭꦤ꧀ꦱꦼꦤꦼꦁꦩꦸ​꧉​” ²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦧꦥꦏ꧀ꦏꦸ​ꦮꦶꦱ꧀ꦩꦱꦿꦃꦲꦏꦺꦱꦼꦩ꧀ꦧꦫꦁ​ꦩꦫꦁ​ꦲꦏꦸ​꧉​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦔꦼꦂꦠꦶ​ꦲꦤꦏ꧀ꦏꦺ​꧈​ꦏꦼꦗꦧ​ꦧꦥꦏ꧀ꦏꦺꦭꦤ꧀ꦲꦺꦴꦫ​ꦲꦺꦤꦺꦁꦱꦶꦁ​ꦔꦼꦂꦠꦶ​ꦧꦥꦏ꧀ꦏꦺ꧈​ꦏꦼꦗꦧ​ꦲꦤꦏ꧀ꦏꦺ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦼꦤꦭ꧀ꦭꦏꦺꦏꦫꦺꦴ​ꦲꦤꦏ꧀ꦏꦺ​ꦩꦫꦁ​ꦧꦥꦏ꧀ꦏꦺ꧉​ ²⁸꧋“ꦏꦧꦺꦃ​ꦮꦺꦴꦁ​ꦱꦶꦁ​ꦏꦔꦺꦭ꧀ꦭꦤ꧀ꦭꦤ꧀ꦏꦧꦺꦴꦠ꧀ꦠꦤ꧀ ꦥꦢ​ꦩ꧀ꦧꦿꦺꦤꦺꦪꦤꦁꦔ꧀ꦒꦺꦴꦤ꧀ꦏꦸ​꧉​ꦲꦏꦸ​ꦧꦏꦭ꧀ꦔꦼꦏꦺꦏ꧀ꦏꦶꦲꦪꦼꦩ꧀ꦭꦤ꧀ꦠꦼꦤ꧀ꦠꦽꦩ꧀ꦩꦫꦁ​ꦏꦺꦴꦮꦺ​꧉​ ²⁹ꦥꦶꦮꦸꦭꦁꦏꦸ​ꦢꦶꦭꦏꦺꦴꦤ꧀ꦤꦶ​ꦭꦤ꧀ꦥꦶꦠꦸꦠꦸꦂꦏꦸ​ꦢꦶꦒꦠꦺꦏ꧀ꦏꦏꦺ꧉​ꦲꦠꦶꦩꦸ​ꦩꦼꦱ꧀ꦠꦶꦧꦏꦭ꧀ꦲꦪꦼꦩ꧀ ꦲꦮꦶꦠ꧀ꦲꦏꦸ​ꦲꦶꦏꦶ​ꦲꦭꦸꦱ꧀ꦭꦤ꧀ꦲꦤ꧀ꦢꦥ꧀ꦥꦱꦺꦴꦂ꧉​ ³⁰ꦥꦶꦮꦸꦭꦁꦏꦸ​ꦲꦺꦴꦫ​ꦲꦔꦺꦭ꧀ꦭꦤ꧀ꦩꦺꦴꦩꦺꦴꦠꦤ꧀ꦏꦸꦏꦸꦮꦶ​ꦲꦺꦤ꧀ꦠꦺꦁ꧉​”

꧋ꦠꦸꦗꦸꦮꦤ꧀ꦤꦺ​ꦢꦶꦤ​ꦱꦧꦠ꧀꧈​

꧇​꧑꧒꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦭꦶꦮꦠ꧀ꦏꦼꦧꦺꦴꦤ꧀ꦒꦤ꧀ꦢꦸꦩ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦏꦿꦱ​ꦔꦼꦭꦶꦃ​꧈​ꦩꦸꦭꦤꦺ​ꦥꦢ​ꦔꦼꦥꦺꦏ꧀ꦏꦶꦮꦺꦴꦃꦲꦺ​ꦒꦤ꧀ꦢꦸꦩ꧀ꦠꦼꦫꦸꦱ꧀ꦢꦶꦥꦔꦤ꧀꧈​ ²ꦏꦢꦸꦁ​ꦮꦺꦴꦁ​ꦥ꦳ꦫꦶꦱꦶ​ꦮꦼꦫꦸꦃ​ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦢꦼꦭꦺꦴꦏ꧀ꦏꦼꦤ꧀ꦏꦸꦮꦶ​꧈​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦥꦢ​ꦤꦼꦫꦏ꧀ꦲꦁꦒꦼꦂꦫꦁꦒꦼꦂ​꧈​ꦲꦮꦶꦠ꧀ꦥꦢ​ꦔ꧀ꦭꦏꦺꦴꦤ꧀ꦤꦶ​ꦥꦽꦏꦫ​ꦱꦶꦁ​ꦢꦶꦭꦫꦁꦲꦶꦁ​ꦢꦶꦤ​ꦱꦧꦠ꧀꧈​” ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦲꦥ​ꦏꦺꦴꦮꦺ​ꦲꦺꦴꦫ​ꦥꦢ​ꦩꦕ​ꦤꦁꦏꦶꦠꦧ꧀​ꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦣꦮ꦳ꦼꦢ꧀ ꦢꦺꦴꦁꦔꦺꦢꦺꦏ꧀ꦤꦺꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦔꦼꦭꦶꦃ​? ⁴ꦢꦺꦏ꧀ꦤꦺꦩ꧀ꦊꦧꦸ​ꦤꦁꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦫꦸꦱ꧀ꦩꦁꦔꦤ꧀ꦫꦺꦴꦠꦶ​ꦱꦶꦁ​ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦸꦒ​ꦏꦚ꧀ꦕꦏꦚ꧀ꦕꦤꦺ​ꦱꦶꦁ​ꦩꦺꦭꦸ​ꦢꦺꦏ꧀ꦤꦺ꧉​ꦩꦁꦏ​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦲꦒꦩ​ꦙꦸꦤꦩꦸꦁ​ꦥꦫ​ꦲꦶꦩꦩ꧀ꦱꦶꦁ​ꦏꦼꦭꦶꦭ꧀ꦭꦤ꧀ꦩꦁꦔꦤ꧀ꦫꦺꦴꦠꦶ​ꦏꦸꦮꦶ​꧉​ ⁵ꦲꦥ​ꦏꦺꦴꦮꦺ​ꦲꦺꦴꦫ​ꦩꦕ​ꦤꦁꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦤꦺꦏ꧀ꦥꦫ​ꦲꦶꦩꦩ꧀ꦱꦶꦁ​ꦱꦧꦼꦤ꧀ꦢꦶꦤ​ꦱꦧꦠ꧀ꦭꦢꦺꦤ꧀ꦤꦁꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦏ꧀ꦗꦤꦺꦥꦢ​ꦤꦼꦫꦏ꧀ꦥꦼꦂꦤꦠꦤ꧀ꦤꦺꦢꦶꦤ​ꦱꦧꦠ꧀ ꦤꦁꦔꦶꦁ​ꦲꦺꦴꦫ​ꦥꦢ​ꦢꦶꦲꦁꦒꦼꦥ꧀ꦱꦭꦃ​꧉​ ⁶ꦏꦺꦴꦮꦺ​ꦥꦢ​ꦠꦏ꧀ꦲꦺꦴꦩꦺꦴꦁꦔꦶ:ꦤꦁꦏꦺꦤꦺ​ꦲꦶꦏꦶ​ꦲꦺꦤꦺꦁꦱꦶꦁ​ꦔꦸꦁꦏꦸꦭ꧀ꦭꦶ​ꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏ꧀ꦮꦱꦤꦺ​꧉​ ⁷ꦤꦁꦏꦶꦠꦧ꧀​ꦭꦲꦸꦠ꧀ꦲꦺꦤꦺꦁꦠꦸꦭꦶꦱ꧀ꦱꦤ꧀ꦔꦺꦤꦺ​ꦠ​:'ꦱꦶꦁ​ꦠꦏ꧀ꦏꦉꦥ꧀ꦥꦏꦺꦏꦸꦮꦶ​ꦏꦮꦼꦭꦱ꧀ꦱꦤ꧀ ꦲꦺꦴꦫ​ꦏꦸꦂꦧꦤ꧀꧉'​ꦤꦺꦏ꧀ꦏꦺꦴꦮꦺ​ꦢꦸꦤꦸꦁꦠꦼꦒꦼꦱ꧀ꦱꦺ​ꦠꦸꦭꦶꦱ꧀ꦱꦤ꧀ꦏꦸꦮꦶ​꧈​ꦏꦺꦴꦮꦺ​ꦩꦼꦱ꧀ꦠꦶꦲꦺꦴꦫ​ꦧꦏꦭ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦱꦶꦁ​ꦧꦼꦤꦼꦂ​꧉​ ⁸ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦱꦶꦁ​ꦏ꧀ꦮꦱ​ꦔꦫꦤ꧀ꦤꦶ​ꦲꦥ​ꦱꦶꦁ​ꦏꦼꦭꦶꦭ꧀ꦭꦤ꧀ꦭꦤ꧀ꦱꦶꦁ​ꦲꦺꦴꦫ​ꦏꦼꦭꦶꦭ꧀ꦭꦤ꧀ꦲꦶꦁ​ꦢꦶꦤ​ꦱꦧꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀꧈​

⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​ꦲꦉꦥ꧀ꦤꦁꦱꦶꦤꦒꦸꦏ꧀ꦏꦺꦮꦺꦴꦁꦮꦺꦴꦁ​ꦏꦸꦮꦶ​꧉​ ¹⁰ꦤꦁꦱꦶꦤꦒꦸꦏ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦠꦔꦤ꧀ꦤꦺ​ꦭꦸꦩ꧀ꦥꦸꦃ​꧉​ꦲꦺꦤꦺꦁꦮꦺꦴꦁ​ꦱꦶꦗꦶꦭꦺꦴꦫꦺꦴꦱꦶꦁ​ꦥꦚ꧀ꦕꦺꦤ꧀ꦤꦸꦗꦸ​ꦲꦉꦥ꧀​ꦔ꧀ꦒꦺꦴꦭꦺꦏ꧀ꦏꦶ​ꦱꦭꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦠꦏꦺꦴꦤ꧀ꦩꦫꦁ​ꦢꦺꦏ꧀ꦤꦺ:“ꦲꦥ​ꦲꦺꦤ꧀ꦠꦸꦏ꧀ꦤꦩ꧀ꦧꦤꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀?” ¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦱꦼꦩꦸꦁꦒꦺꦴꦤ꧀ꦤꦺꦤꦁꦠꦼꦔꦃꦩꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦮꦼꦢꦸꦱ꧀ꦱꦶꦗꦶ​꧈​ꦠꦼꦫꦸꦱ꧀ꦮꦼꦢꦸꦱ꧀ꦏꦸꦮꦶ​ꦏꦼꦕꦼꦩ꧀ꦥ꧀ꦭꦸꦁ​ꦤꦁꦭꦸꦮꦁꦔꦤ꧀ꦲꦶꦁ​ꦢꦶꦤ​ꦱꦧꦠ꧀꧈​ꦩꦺꦴꦱꦺꦴꦏ꧀ꦮꦺꦴꦁꦔꦺ​ꦲꦺꦴꦫ​ꦤ꧀ꦢꦁꦚꦩ꧀ꦥꦺꦤ꧀ꦤꦶꦮꦼꦢꦸꦱ꧀ꦱꦺꦢꦶꦠꦫꦶꦏ꧀ꦱꦁꦏꦭꦸꦮꦔꦤ꧀ꦤꦺ? ¹²ꦭꦃ​ꦩꦤꦸꦁꦱ​ꦲꦗꦶꦤꦺ​ꦲꦥ​ꦲꦺꦴꦫ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦮꦼꦢꦸꦱ꧀?ꦩꦸꦭꦤꦺ​ꦪ​ꦲꦺꦤ꧀ꦠꦸꦏ꧀ꦤꦸꦭꦸꦁꦔꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀꧈​” ¹³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦫ​ꦠꦔꦤ꧀ꦤꦺ​:“ꦠꦔꦤ꧀ꦩꦸ​ꦢꦶꦲꦼꦠꦸꦁꦔꦏꦺ!” ꧋ꦮꦺꦴꦁꦔꦺ​ꦠꦼꦫꦸꦱ꧀ꦔꦼꦠꦸꦁꦔꦏꦺꦠꦔꦤ꧀ꦤꦺ​ꦭꦤ꧀ꦱꦲꦶꦏꦶ​ꦠꦔꦤ꧀ꦏꦸꦮꦶ​ꦮꦶꦱ꧀ꦮꦫꦱ꧀ꦏꦪ​ꦠꦔꦤ꧀ꦱꦶꦁ​ꦭꦶꦪꦤꦺ​꧉​ ¹⁴ꦤꦁꦔꦶꦁ​ꦥꦫ​ꦥ꦳ꦫꦶꦱꦶ​ꦠꦼꦫꦸꦱ꧀ꦥꦢ​ꦩꦼꦠꦸ​ꦭꦤ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦥꦼꦭꦢꦺꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦤꦸꦁꦱ​꧉​

¹⁵꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦧꦧ꧀ꦏꦼꦏꦉꦥ꧀ꦥꦤ꧀ꦤꦺ​ꦥꦫ​ꦥ꦳ꦫꦶꦱꦶ​ꦩꦲꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧉​ꦮꦺꦴꦁ​ꦲꦺꦴꦏꦺꦃꦥꦢ​ꦩꦺꦭꦸ​ꦢꦺꦏ꧀ꦤꦺ꧉​ꦏꦧꦺꦃ​ꦮꦺꦴꦁ​ꦱꦶꦁ​ꦭꦫ​ꦥꦢ​ꦢꦶꦮꦫꦱ꧀ꦱꦏꦺ꧉​ ¹⁶ꦤꦁꦔꦶꦁ​ꦏꦧꦺꦃ​ꦥꦢ​ꦢꦶꦮꦤ꧀ꦠꦶꦮꦤ꧀ꦠꦶ​꧈​ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦢꦺꦏ꧀ꦤꦺ꧉​ ¹⁷ꦏꦸꦮꦶ​ꦩꦫꦏ꧀ꦏꦏꦺꦏ꧀ꦭꦏꦺꦴꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦏ꧀​ꦩ꧀ꦧꦶꦪꦺꦤ꧀ꦭꦶꦮꦠ꧀ꦤꦧꦶ​ꦪꦺꦱꦪ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

¹⁸“ꦲꦶꦏꦶ​ꦥꦼꦭꦢꦺꦤ꧀ꦏꦸ꧈​
ꦢꦺꦏ꧀ꦤꦺꦱꦶꦁ​ꦠꦏ꧀ꦥꦶꦭꦶꦃ​꧉​
ꦢꦺꦏ꧀ꦤꦺꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​
ꦱꦶꦁ​ꦤ꧀ꦢꦢꦺꦏ꧀ꦏꦏꦺꦱꦼꦤꦼꦁꦔꦺ​ꦲꦠꦶꦏꦸ​꧉​
ꦢꦺꦏ꧀ꦤꦺꦧꦏꦭ꧀ꦠꦏ꧀ꦏꦺꦏ꧀ꦏꦶꦫꦺꦴꦃꦏꦸ​꧉​
ꦢꦺꦏ꧀ꦤꦺꦧꦏꦭ꧀ꦔꦧꦂꦫꦏꦺ
ꦩꦫꦁ​ꦏꦧꦺꦃ​ꦧꦁꦱ​ꦧꦧ꧀ꦏꦧꦼꦤꦼꦫꦤ꧀ꦏꦸ꧉​
¹⁹ꦥꦼꦭꦢꦺꦤ꧀ꦏꦸꦲꦺꦴꦫ​ꦧꦏꦭ꧀ꦠꦸꦏꦂꦥꦢꦸ​
ꦲꦥ​ꦒꦼꦩ꧀ꦧꦂꦒꦼꦩ꧀ꦧꦺꦴꦂ​꧉​
ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦧꦏꦭ꧀
ꦏꦿꦸꦔꦸ​ꦱ꧀ꦮꦫꦤꦺ​ꦤꦁꦢꦭꦤ꧀ꦢꦭꦤ꧀꧈​
²⁰ꦢꦩꦺꦤ꧀ꦱꦶꦁ​ꦥꦼꦥꦼꦱ꧀
ꦲꦺꦴꦫ​ꦧꦏꦭ꧀ꦢꦶꦕꦺꦴꦏ꧀ꦭꦺꦏ꧀
ꦭꦤ꧀ꦱꦼꦤ꧀ꦠꦶꦂꦱꦶꦁ​ꦩꦸꦫꦸꦥ꧀ꦥꦺꦏꦼꦠꦶꦥ꧀ꦏꦼꦠꦶꦥ꧀
ꦲꦺꦴꦫ​ꦧꦏꦭ꧀ꦢꦶꦥꦠꦺꦤ꧀ꦤꦶ​꧉​
ꦥꦼꦭꦢꦺꦤ꧀ꦏꦸꦧꦏꦭ꧀ꦠꦼꦩꦼꦤ꧀
ꦠꦼꦫꦸꦱ꧀ꦔꦸꦢꦶ​ꦔꦤ꧀ꦠꦶ​ꦏꦧꦼꦤꦼꦂꦫꦤ꧀​ꦤ꧀ꦢꦸꦮꦺꦤ꧀ꦤꦶ​ꦏꦩꦼꦤꦁꦔꦤ꧀꧈​
²¹ꦪ​ꦥꦼꦭꦢꦺꦤ꧀ꦏꦸꦲꦶꦏꦶ​
ꦱꦶꦁ​ꦧꦏꦭ꧀ꦢꦢꦶ​ꦥꦼꦔꦉꦥ꧀ꦲꦉꦥ꧀ꦥꦺ​ꦏꦧꦺꦃ​ꦧꦁꦱ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦨꦺꦭ꧀ꦱꦼꦧꦸꦭ꧀꧈​

²²꧋ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦔ꧀ꦒꦮ​ꦮꦺꦴꦁ​ꦭꦩꦸꦂ​ꦱꦶꦁ​ꦲꦸꦒ​ꦧꦶꦱꦸ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦔꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁꦔꦺ​ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁꦭꦤ꧀ꦮꦼꦫꦸꦃ​ꦩꦼꦤꦺꦃ​꧉​ ²³ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦠꦼꦤꦤ꧀ꦭꦤ꧀ꦥꦢ​ꦔꦺꦴꦩꦺꦴꦁ:“ꦲꦥ​ꦲꦶꦏꦶ​ꦢꦸꦢꦸ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ꦪ​꧈​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦔꦏꦺꦤꦺꦏ꧀ꦧꦏꦭ꧀ꦠꦼꦏ​?” ²⁴꧋ꦏꦢꦸꦁ​ꦥꦫ​ꦥ꦳ꦫꦶꦱꦶ​ꦏꦿꦸꦔꦸ​ꦮꦺꦴꦁꦮꦺꦴꦁ​ꦔꦺꦴꦩꦺꦴꦁꦔꦺꦴꦤꦺꦴ​꧈​ꦠꦼꦫꦸꦱ꧀ꦥꦢ​ꦱꦼꦩꦲꦸꦂ​:“ꦮꦺꦴꦁ​ꦏꦸꦮꦶ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ ꦲꦮꦶꦠ꧀ꦢꦶꦏꦺꦏ꧀ꦏꦶꦥꦔ꧀ꦮꦱ​ꦏꦫꦺꦴ​ꦨꦺꦭ꧀ꦱꦼꦧꦸꦭ꧀ ꦫꦠꦸꦤꦺ​ꦢꦼꦩꦶꦠ꧀ꦢꦼꦩꦶꦠ꧀꧈​” ²⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦥꦫ​ꦥ꦳ꦫꦶꦱꦶ​ꦩꦲꦸ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦼꦒꦫ​ꦱꦶꦁ​ꦫꦪꦠ꧀ꦠꦺꦥꦢ​ꦕꦺꦴꦁ​ꦏꦿꦺꦃ​ꦩꦼꦱ꧀ꦠꦶꦧꦏꦭ꧀ꦲꦩ꧀ꦧꦿꦸꦏ꧀꧈​ꦱꦼꦩꦺꦴꦤꦺꦴ​ꦲꦸꦒ​ꦏꦸꦠꦲꦥ​ꦧꦿꦪꦠ꧀ ꦤꦺꦏ꧀ꦥꦢ​ꦩꦼꦩꦸꦁꦱꦸꦃꦲꦤ꧀ꦩꦫꦁ​ꦱꦏ꧀ꦥꦢꦥꦢ꧈​ꦩꦼꦱ꧀ꦠꦶꦧꦏꦭ꧀ꦧꦸꦧꦿꦃ​꧉​ ²⁶ꦭꦃ​ꦤꦺꦏ꧀ꦢꦼꦩꦶꦠ꧀ꦤꦸꦤ꧀ꦢꦸꦁꦢꦼꦩꦶꦠ꧀ ꦠꦶꦧꦏꦺ​ꦏꦿꦠꦺꦴꦤꦺ​ꦱꦺꦠꦤ꧀​ꦪ​ꦕꦺꦴꦁ​ꦏꦿꦺꦃ​ꦭꦤ꧀ꦪ​ꦲꦺꦴꦫ​ꦧꦶꦱ​ꦔꦢꦼꦏ꧀? ²⁷ꦏꦺꦴꦮꦺ​ꦔꦺꦴꦩꦺꦴꦁꦤꦺꦏ꧀ꦲꦏꦸ​ꦤꦸꦤ꧀ꦢꦸꦁꦢꦼꦩꦶꦠ꧀ ꦲꦮꦶꦠ꧀ꦨꦺꦭ꧀ꦱꦼꦧꦸꦭ꧀ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​꧉​ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦸꦮꦶ​ꦱꦶꦁ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦲꦺꦤ꧀ꦠꦸꦏ꧀ꦥꦔ꧀ꦮꦱ​ꦱꦁꦏꦲꦼꦤ꧀ꦢꦶ​?ꦩꦸꦫꦶꦢ꧀ꦩꦸꦫꦶꦢ꧀ꦩꦸꦢꦺꦮꦺꦠꦤ꧀ꦢꦤꦺꦤꦺꦏ꧀ꦥꦶꦏꦶꦂꦫꦤ꧀ꦩꦸ​ꦏꦸꦮꦶ​ꦏ꧀ꦭꦺꦫꦸ​꧉​ ²⁸ꦲꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦏꦸꦮꦶ​ꦱꦁꦏꦫꦺꦴꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​꧉​ꦏꦸꦮꦶ​ꦠꦤ꧀ꦢꦤꦺꦤꦺꦏ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦼꦏꦤꦶ​ꦏꦺꦴꦮꦺ​꧉​ ²⁹꧋“ꦲꦥ​ꦲꦺꦤꦺꦁꦮꦺꦴꦁ​ꦧꦶꦱ​ꦔ꧀ꦊꦧꦺꦴꦤ꧀ꦤꦶꦲꦺꦴꦩꦃꦲꦺ​ꦮꦺꦴꦁ​ꦱꦶꦁ​ꦫꦺꦴꦱ​ꦲꦮꦏ꧀ꦏꦺ​ꦠꦼꦫꦸꦱ꧀ꦚꦺꦴꦭꦺꦴꦁ​ꦱꦼꦩ꧀ꦧꦫꦁꦔꦺ?ꦩꦼꦱ꧀ꦠꦶꦲꦺꦴꦫ​ꦧꦶꦱ​!ꦩꦭꦶꦁ​ꦔꦺ​ꦏꦸꦢꦸ​ꦧꦶꦱ​ꦲꦩ꧀ꦧꦤ꧀ꦢ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦤ꧀ꦢꦶꦱꦶꦏ꧀ ꦱꦏ꧀ꦢꦸꦫꦸꦁꦔꦺꦔꦸꦱꦸꦁꦔꦶ​ꦱꦼꦩ꧀ꦧꦫꦁꦔꦺ꧉​ ³⁰꧋“ꦮꦺꦴꦁ​ꦱꦶꦁ​ꦲꦺꦴꦫ​ꦔꦿꦸꦗꦸꦏ꧀ꦏꦶ​ꦲꦏꦸ​꧈​ꦏꦸꦮꦶ​ꦠꦼꦒꦼꦱ꧀ꦱꦺ​ꦔ꧀ꦭꦮꦤ꧀ꦲꦏꦸ​꧉​ꦭꦤ꧀ꦱꦥ​ꦱꦶꦁ​ꦲꦺꦴꦫ​ꦩꦺꦭꦸ​ꦲꦏꦸ​ꦔꦸꦩ꧀ꦥꦸꦭ꧀ꦭꦏꦺꦮꦺꦴꦁꦮꦺꦴꦁ​꧈​ꦏꦸꦮꦶ​ꦠꦼꦒꦼꦱ꧀ꦱꦺ​ꦩꦭꦃ​ꦩ꧀ꦧꦸꦪꦂꦫꦏꦺ꧉​ ³¹ꦩꦸꦭꦤꦺ​ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ:ꦱꦏ꧀ꦏꦺꦃꦲꦺꦢꦺꦴꦱ​ꦭꦤ꧀ꦥꦼꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦢꦶꦔꦥꦸꦫ꧉​ꦤꦁꦔꦶꦁ​ꦱꦥ​ꦱꦶꦁ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦩꦫꦁ​ꦫꦺꦴꦃ​ꦱꦸꦕꦶ​ꦲꦺꦴꦫ​ꦧꦏꦭ꧀ꦢꦶꦔꦥꦸꦫ꧉​ ³²ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦲꦤꦏ꧀ꦏꦺ​ꦩꦤꦸꦁꦱ​꧈​ꦮꦺꦴꦁ​ꦏꦸꦮꦶ​ꦧꦏꦭ꧀ꦢꦶꦔꦥꦸꦫ꧉​ꦤꦁꦔꦶꦁ​ꦮꦺꦴꦁ​ꦱꦶꦁ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦩꦫꦁ​ꦫꦺꦴꦃ​ꦱꦸꦕꦶ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦥꦶꦱꦤ꧀ꦥꦶꦱꦤ꧀ꦧꦏꦭ꧀ꦢꦶꦔꦥꦸꦫ꧈​ꦲꦺꦴꦫ​ꦧꦏꦭ꧀ꦢꦶꦔꦥꦸꦫꦲꦶꦁ​ꦗꦩꦤ꧀ꦱꦲꦶꦏꦶ​ꦭꦤ꧀ꦲꦸꦒ​ꦲꦺꦴꦫ​ꦢꦶꦔꦥꦸꦫꦲꦶꦁ​ꦗꦩꦤ꧀ꦱꦶꦁ​ꦧꦏꦭ꧀ꦠꦼꦏ​꧉​”

꧋ꦧꦧ꧀ꦮꦶꦠ꧀ꦭꦤ꧀ꦮꦺꦴꦃꦲꦺ​꧉​

³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦮꦶꦠ꧀ꦱꦶꦁ​ꦲꦥꦶꦏ꧀ꦩꦼꦱ꧀ꦠꦶꦪ​ꦔꦼꦠꦺꦴꦏ꧀ꦏꦏꦺꦮꦺꦴꦁ​ꦱꦶꦁ​ꦲꦥꦶꦏ꧀꧈​ꦤꦺꦏ꧀ꦮꦶꦠ꧀ꦠꦺ​ꦲꦭ​꧈​ꦮꦺꦴꦃꦲꦺ​ꦪ​ꦲꦭ​꧉​ꦲꦮꦶꦠ꧀ꦮꦺꦴꦃꦲꦺ​ꦏꦸꦮꦶ​ꦔꦼꦠꦺꦴꦏ꧀ꦏꦏꦺꦲꦥꦶꦏ꧀ꦲꦺꦭꦺꦏ꧀ꦏꦺꦮꦶꦠ꧀ꦠꦺ​꧉​ ³⁴ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦤ꧀ꦲꦸꦭ​!ꦏꦼꦥꦿꦶꦪꦺ​ꦏꦺꦴꦮꦺ​ꦧꦶꦱꦤꦺ​ꦔꦺꦴꦩꦺꦴꦁꦔꦏꦺꦱꦶꦁ​ꦧꦼꦕꦶꦏ꧀ ꦤꦺꦏ꧀ꦲꦠꦶꦩꦸ​ꦢꦺꦮꦺꦲꦭ​?ꦲꦮꦶꦠ꧀ꦲꦥ​ꦱꦶꦁ​ꦩꦼꦠꦸ​ꦱꦁꦏꦭꦩ꧀ꦧꦺ​꧈​ꦏꦸꦮꦶ​ꦩꦼꦠꦸꦤꦺ​ꦱꦁꦏꦲꦠꦶ​꧉​ ³⁵ꦮꦺꦴꦁ​ꦧꦼꦕꦶꦏ꧀ꦏꦸꦮꦶ​ꦲꦠꦶꦤꦺ​ꦪ​ꦩꦼꦱ꧀ꦠꦶꦧꦼꦕꦶꦏ꧀ꦭꦤ꧀ꦧꦏꦭ꧀ꦧꦶꦱ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦧꦼꦕꦶꦏ꧀ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ꦤꦁꦔꦶꦁ​ꦮꦺꦴꦁ​ꦲꦭ​꧈​ꦲꦠꦶꦤꦺ​ꦪ​ꦲꦭ​ꦭꦤ꧀ꦪ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦲꦭ​ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ ³⁶“ꦩꦸꦭꦤꦺ​ꦥꦢ​ꦔꦼꦂꦠꦶꦪ​:ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦏꦧꦺꦃ​ꦮꦺꦴꦁ​ꦧꦏꦭ꧀ꦏꦸꦢꦸ​ꦲꦱꦺꦴꦏ꧀ꦥꦼꦚ꧀ꦗꦮꦧ꧀ꦧꦧ꧀ꦱꦧꦼꦤ꧀ꦠꦼꦩ꧀ꦧꦸꦁ​ꦱꦶꦁ​ꦔꦮꦸꦂ​ꦮꦲꦺ​꧉​ ³⁷ꦲꦮꦶꦠ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦩꦸ​ꦢꦺꦮꦺꦱꦶꦁ​ꦧꦏꦭ꧀ꦔꦫꦤ꧀ꦤꦶ​ꦏꦺꦴꦮꦺ​ꦧꦼꦤꦼꦂ​ꦲꦥ​ꦱꦭꦃ​꧉​”

꧋ꦧꦧ꧀​ꦚ꧀ꦗꦭꦸꦏ꧀ꦠꦤ꧀ꦢ꧉​

³⁸꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦺꦤꦺꦁꦒꦸꦫꦸ​ꦏꦶꦠꦧ꧀​ꦭꦤ꧀ꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦱꦶꦁ​ꦔꦺꦴꦩꦺꦴꦁ ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦮꦼꦫꦸꦃ​ꦠꦤ꧀ꦢꦤꦺꦱꦁꦏꦏꦺꦴꦮꦺ​꧉​” ³⁹꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ꦲꦭ​ꦠꦼꦤꦤ꧀ꦭꦤ꧀ꦒꦼꦢꦺ​ꦠꦼꦤꦤ꧀ꦢꦺꦴꦱꦤꦺ​ꦮꦺꦴꦁ​ꦗꦩꦤ꧀ꦱꦲꦶꦏꦶ​꧉​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢꦥꦔ꧀ꦮꦱ​꧈​ꦤꦁꦔꦶꦁ​ꦲꦺꦴꦫ​ꦧꦏꦭ꧀ꦤꦩ꧀ꦥ​ꦠꦤ꧀ꦢ꧈​ꦏꦼꦗꦧ​ꦠꦤ꧀ꦢꦤꦺꦤꦧꦶ​ꦪꦺꦴꦤꦃ꧉​ ⁴⁰ꦏꦪ​ꦲꦼꦁꦒꦺꦴꦤꦺ​ꦤꦧꦶ​ꦪꦺꦴꦤꦃꦤꦁꦮꦼꦠꦼꦁꦔꦺ​ꦲꦶꦮꦏ꧀ꦠꦼꦭꦸꦁ​ꦢꦶꦤ​ꦠꦼꦭꦸꦁ​ꦮꦼꦔꦶ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦤꦁꦏꦸꦧꦸꦂ​ꦠꦼꦭꦸꦁ​ꦢꦶꦤ​ꦠꦼꦭꦸꦁ​ꦮꦼꦔꦶ​꧉​ ⁴¹ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦮꦺꦴꦁꦮꦺꦴꦁ​ꦏꦸꦠꦤꦶꦤꦺꦮꦺ​ꦧꦏꦭ꧀ꦥꦢ​ꦢꦶꦠꦔꦺꦏ꧀ꦏꦏꦺꦧꦉꦁ​ꦏꦫꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​ꦭꦤ꧀ꦧꦏꦭ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦢꦺꦴꦁꦔꦺꦮꦺꦴꦁ​ꦤꦶꦤꦺꦮꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦢꦶꦒꦼꦭꦂꦫꦏꦺꦏꦫꦺꦴ​ꦤꦧꦶ​ꦪꦺꦴꦤꦃ꧈​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦚ꧀ꦗꦭꦸꦏ꧀ꦔꦥꦸꦫ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦶꦁꦒꦭ꧀ꦭꦏꦸ​ꦱꦶꦁ​ꦲꦭ​꧉​ꦭꦃ​ꦩꦁꦏ​ꦱꦶꦁ​ꦔꦢꦼꦏ꧀ꦤꦁꦏꦺꦤꦺ​ꦲꦶꦏꦶ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦤꦧꦶ​ꦪꦺꦴꦤꦃ꧉​ ⁴²ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦫꦠꦸ​ꦮꦺꦢꦺꦴꦏ꧀ꦱꦁꦏꦧꦮꦃꦏꦶꦢꦸꦭ꧀ꦧꦏꦭ꧀ꦩꦗꦸ​ꦭꦤ꧀ꦧꦏꦭ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦫꦠꦸ​ꦏꦸꦮꦶ​ꦠꦼꦏ​ꦱꦁꦏꦥꦺꦴꦗꦺꦴꦏ꧀ꦏꦺ​ꦧꦸꦩꦶ​꧈​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦏꦮꦼꦫꦸꦃꦲꦺꦫꦠꦸ​ꦯꦺꦴꦭꦺꦩꦤ꧀꧈​ꦭꦃ​ꦩꦁꦏ​ꦱꦶꦁ​ꦔꦢꦼꦏ꧀ꦤꦁꦏꦺꦤꦺ​ꦲꦶꦏꦶ​ꦔꦸꦁꦏꦸꦭ꧀ꦭꦶ​ꦫꦠꦸ​ꦯꦺꦴꦭꦺꦩꦤ꧀꧈​”

꧋ꦧꦭꦶꦏ꧀ꦏꦺ​ꦢꦼꦩꦶꦠ꧀꧈​

⁴³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦤꦺꦏ꧀ꦲꦺꦤꦺꦁꦢꦼꦩꦶꦠ꧀ꦩꦼꦠꦸ​ꦱꦁꦏꦱꦏ꧀ꦮꦶꦗꦶꦤꦺꦮꦺꦴꦁ​꧈​ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀​ꦩ꧀ꦭꦏꦸꦩ꧀ꦭꦏꦸ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦫ​ꦏꦁꦒꦺꦴꦤ꧀ꦤꦤ꧀ꦮꦺꦴꦁ​꧈​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦭꦺꦫꦺꦤ꧀ ꦤꦁꦔꦶꦁ​ꦲꦺꦴꦫ​ꦤꦼꦩꦸ​꧉​ ⁴⁴ꦢꦼꦩꦶꦠ꧀ꦠꦺꦠꦼꦫꦸꦱ꧀ꦩꦶꦏꦶꦂ​:'ꦌꦤꦏ꧀ꦏꦺꦠꦏ꧀ꦧꦭꦶꦏ꧀ꦮꦲꦺ​ꦤꦁꦲꦺꦴꦩꦃ​ꦱꦶꦁ​ꦮꦶꦱ꧀ꦠꦏ꧀ꦠꦶꦁꦒꦭ꧀꧉'​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦧꦭꦶꦏ꧀ꦤꦁꦲꦺꦴꦩꦃꦲꦺ​ꦭꦤ꧀ꦮꦼꦫꦸꦃ​ꦤꦺꦏ꧀ꦱꦲꦶꦏꦶ​ꦮꦶꦱ꧀ꦉꦱꦶꦏ꧀ꦭꦤ꧀ꦢꦶꦠꦠ​ꦲꦥꦶꦏ꧀꧈​ ⁴⁵ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦭꦸꦔ​ꦔ꧀ꦒꦺꦴꦭꦺꦏ꧀ꦏꦶ​ꦏꦚ꧀ꦕꦤꦺ​꧈​ꦠꦼꦫꦸꦱ꧀ꦧꦭꦶꦏ꧀​ꦔ꧀ꦒꦮ​ꦢꦼꦩꦶꦠ꧀ꦥꦶꦠꦸ​꧈​ꦱꦶꦁ​ꦲꦭꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦢꦺꦏ꧀ꦤꦺꦢꦺꦮꦺ꧉​ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦠꦼꦫꦸꦱ꧀ꦩꦁꦒꦺꦴꦤ꧀ꦲꦶꦁ​ꦮꦺꦴꦁ​ꦩꦲꦸ​꧉​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦮꦺꦴꦁ​ꦏꦸꦮꦶ​ꦏꦱꦸꦱꦃꦲꦤ꧀ꦤꦺ​ꦩꦭꦃ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦲꦸꦤꦺ​꧈​ꦢꦺꦴꦁꦔꦺꦤꦩꦸꦁ​ꦏꦁꦒꦺꦴꦤ꧀ꦤꦤ꧀ꦢꦼꦩꦶꦠ꧀ꦱꦶꦗꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧉​

⁴⁶꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦲꦶꦧꦸꦤꦺ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦥꦢ​ꦔꦼꦤ꧀ꦠꦺꦤ꧀ꦤꦶ​ꦤꦁꦚ꧀ꦗꦧ​꧈​ꦏꦼꦥꦺꦔꦶꦤ꧀ꦏꦼꦠꦼꦩꦸ​ꦏꦫꦺꦴ​ꦢꦺꦏ꧀ꦤꦺ꧉​ ⁴⁷ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦱꦶꦁ​ꦔꦺꦴꦩꦺꦴꦁꦔꦶꦢꦺꦏ꧀ꦤꦺ:“ꦒꦸꦫꦸ​꧈​ꦲꦶꦧꦸꦩꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦥꦢ​ꦤꦁꦚ꧀ꦗꦧ​꧈​ꦏꦼꦥꦺꦔꦶꦤ꧀ꦩꦼꦠꦸꦮꦏꦺꦴꦮꦺ​꧉​” ⁴⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦶꦧꦸꦏꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​ꦏꦸꦮꦶ​ꦱꦥ​ꦠ​?” ⁴⁹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦸꦢꦶꦁꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦶꦏꦸ​ꦲꦶꦧꦸꦏꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​! ⁵⁰ꦲꦮꦶꦠ꧀ꦱꦥ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦧꦥꦏ꧀ꦏꦸ​ꦱꦶꦁ​ꦤꦁꦱ꧀ꦮꦂꦒ​꧈​ꦪ​ꦲꦶꦏꦸ​ꦱꦼꦢꦸꦭꦸꦂꦏꦸ​ꦭꦤꦁ​ꦭꦤ꧀ꦱꦼꦢꦸꦭꦸꦂꦏꦸ​ꦮꦺꦢꦺꦴꦏ꧀ꦭꦤ꧀ꦲꦶꦧꦸꦏꦸ​꧉​”

꧋ꦥꦶꦮꦸꦭꦁ​ꦧꦧ꧀ꦮꦺꦴꦁ​ꦚꦼꦧꦂ​꧉​

꧇​꧑꧓꧇​ ¹꧋ꦲꦶꦁ​ꦢꦶꦤ​ꦏꦸꦮꦶ​ꦲꦸꦒ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦲꦺꦴꦩꦃꦲꦺ​꧈​ꦧꦸꦢꦭ꧀ꦤꦁꦥꦶꦁꦒꦶꦂ​ꦩꦺꦂꦠꦼꦫꦸꦱ꧀​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ ²ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦠꦼꦏ​ꦔꦿꦸꦧꦸꦁ​ꦢꦺꦏ꧀ꦤꦺ꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦁꦒꦃ​ꦤꦁꦥꦿꦲꦸ​ꦭꦤ꧀​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ꦮꦺꦴꦁ​ꦲꦺꦴꦏꦺꦃꦩꦲꦸ​ꦥꦢ​ꦔꦢꦼꦏ꧀ꦤꦁꦥꦶꦁꦒꦶꦂ​ꦩꦺꦂ꧉​ ³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦮꦼꦂꦤꦮꦼꦂꦤ​ꦥꦽꦏꦫ​ꦔꦁꦒꦺꦴ​ꦒꦩ꧀ꦧꦂ​꧉​ ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦺꦤꦺꦁꦮꦺꦴꦁ​ꦧꦸꦢꦭ꧀ꦤꦁꦏꦼꦧꦺꦴꦤꦺ​ꦲꦉꦥ꧀ꦚꦼꦧꦂ​꧉​ ⁴ꦢꦺꦴꦁꦔꦺꦚꦼꦧꦂ​ꦮꦶꦗꦶꦤꦺ​ꦲꦺꦤꦺꦁꦱꦶꦁ​ꦠꦶꦧ​ꦤꦁꦥꦶꦁꦒꦶꦂ​ꦢꦭꦤ꧀꧈​ꦩꦤꦸꦏ꧀ꦏꦺ​ꦥꦢ​ꦠꦼꦏ​ꦠꦼꦫꦸꦱ꧀ꦩꦔꦤ꧀ꦤꦶ​ꦮꦶꦗꦶꦮꦶꦗꦶ​ꦩꦲꦸ​꧉​ ⁵ꦮꦶꦗꦶꦤꦺ​ꦲꦸꦒ​ꦲꦺꦤꦺꦁꦱꦶꦁ​ꦠꦶꦧ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦠꦺꦴꦱ꧀ ꦱꦶꦁ​ꦊꦩꦃꦲꦺ​ꦠꦶꦥꦶꦱ꧀꧈​ꦮꦶꦗꦶꦤꦺ​ꦪ​ꦒꦼꦭꦶꦱ꧀ꦠꦸꦏꦸꦭ꧀ꦭꦺ꧈​ꦲꦮꦶꦠ꧀ꦊꦩꦃꦲꦺ​ꦲꦺꦴꦫ​ꦗꦼꦫꦸ꧉​ ⁶ꦤꦁꦔꦶꦁ​ꦏꦢꦸꦁ​ꦥꦤꦱ꧀ꦱꦺ​ꦧꦤ꧀ꦠꦼꦂ​꧈​ꦮꦶꦤꦶꦩꦲꦸ​ꦲꦭꦸꦩ꧀ꦠꦼꦫꦸꦱ꧀ꦒꦫꦶꦁ​꧈​ꦲꦮꦶꦠ꧀ꦢꦸꦫꦸꦁ​ꦧꦶꦱ​ꦔꦺꦴꦪꦺꦴꦠ꧀꧈​ ⁷ꦲꦺꦤꦺꦁꦮꦶꦗꦶ​ꦭꦶꦪꦤꦺ​ꦠꦶꦧ​ꦤꦁꦠꦼꦔꦃꦲꦺ​ꦠꦸꦏꦸꦭ꧀ꦭꦤ꧀ꦲꦼꦫꦶ​꧉​ꦏꦢꦸꦁ​ꦠꦸꦏꦸꦭ꧀ꦭꦤ꧀ꦲꦼꦫꦶ​ꦩꦲꦸ​ꦩꦸꦤ꧀ꦢꦏ꧀ꦒꦼꦢꦺ​꧈​ꦮꦶꦤꦶꦃꦲꦺ​ꦠꦼꦫꦸꦱ꧀ꦏꦭꦃ​ꦏꦫꦺꦴ​ꦠꦸꦏꦸꦭꦤ꧀ꦤꦺꦲꦼꦫꦶ​꧈​ꦠꦼꦫꦸꦱ꧀ꦩꦠꦶ​꧉​ ⁸ꦤꦁꦔꦶꦁ​ꦲꦸꦒ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦱꦶꦁ​ꦱꦸꦧꦸꦂ​꧈​ꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦲꦺꦴꦏꦺꦃ꧉​ꦲꦺꦤꦺꦁꦱꦶꦁ​ꦮꦶꦗꦶ​ꦱꦶꦗꦶ​ꦢꦢꦶ​ꦱꦠꦸꦱ꧀ ꦲꦺꦤꦺꦁꦱꦶꦁ​ꦢꦢꦶ​ꦱ꧀ꦮꦶꦢꦏ꧀ꦭꦤ꧀ꦲꦺꦤꦺꦁꦱꦶꦁ​ꦢꦢꦶ​ꦠꦼꦭꦸꦁ​ꦥꦸꦭꦸꦃ​꧉​” ⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦥꦶꦮꦸꦭꦁꦔꦺ​ꦔꦺꦴꦩꦺꦴꦁꦔꦺꦤꦺ​:“ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦠꦼꦩ꧀ꦧꦸꦁꦏꦸ​ꦏꦸꦮꦶ​꧉​”

꧋ꦠꦸꦗꦸꦮꦤ꧀ꦤꦺ​ꦥꦶꦮꦸꦭꦁ​ꦔꦁꦒꦺꦴ​ꦒꦩ꧀ꦧꦂ​꧉​

¹⁰꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦢꦺꦏ꧀ꦤꦺ​꧈​ꦠꦏꦺꦴꦤ꧀:“ꦲꦥ​ꦗꦭꦂꦫꦤ꧀ꦤꦺ​ꦤꦺꦏ꧀ꦒꦸꦱ꧀ꦠꦶ​ꦩꦸꦭꦁꦔꦶꦮꦺꦴꦁꦮꦺꦴꦁ​ꦏꦺꦴꦏ꧀ꦔꦁꦒꦺꦴ​ꦒꦩ꧀ꦧꦂ​?” ¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦉꦥ꧀ꦥꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦸꦥꦪ​ꦤꦩꦸꦁ​ꦏꦺꦴꦮꦺ​ꦱꦶꦁ​ꦧꦶꦱ​ꦢꦸꦤꦸꦁꦮꦼꦮꦢꦶꦤꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦺꦴꦫ​ꦮꦺꦴꦁ​ꦏꦧꦺꦃ​꧉​ ¹²ꦲꦮꦶꦠ꧀ꦮꦺꦴꦁ​ꦱꦶꦁ​ꦮꦶꦱ꧀​ꦤ꧀ꦢꦸꦮꦺꦏꦸꦮꦶ​ꦧꦏꦭ꧀ꦢꦶꦏꦺꦏ꧀ꦏꦶꦔꦤ꧀ꦠꦶ​ꦭꦸꦧꦺꦂ​꧉​ꦤꦁꦔꦶꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦲꦥ​ꦤ꧀ꦢꦸꦮꦺꦪꦩꦭꦃ​ꦧꦏꦭ꧀ꦏꦉꦧꦸꦠ꧀꧈​ ¹³ꦏꦸꦮꦶ​ꦗꦭꦂꦫꦤ꧀ꦤꦺ​ꦲꦏꦸ​ꦤꦺꦏ꧀ꦩꦸꦭꦁ​ꦮꦺꦴꦁ​ꦲꦺꦴꦏꦺꦃꦔꦁꦒꦺꦴ​ꦒꦩ꧀ꦧꦂ​꧉​ꦲꦮꦶꦠ꧀ꦱꦼꦤꦗꦤ꧀ꦩꦿꦶꦥꦠ꧀ꦠꦺ​ꦥꦢ​ꦤ꧀ꦢꦼꦊꦁ​꧈​ꦤꦁꦔꦶꦁ​ꦲꦺꦴꦫ​ꦮꦼꦫꦸꦃ​ꦭꦤ꧀ꦱꦼꦤꦗꦤ꧀ꦤ​ꦏꦸꦥꦶꦁꦔꦺ​ꦏꦿꦸꦔꦸ​꧈​ꦤꦁꦔꦶꦁ​ꦥꦢ​ꦲꦺꦴꦫ​ꦢꦸꦤꦸꦁ꧉​ ¹⁴ꦢꦢꦶꦤꦺ​ꦧꦶꦱ​ꦏ꧀ꦭꦏꦺꦴꦤ꧀ꦲꦥ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦤꦧꦶ​ꦪꦺꦱꦪ​ꦢꦺꦏ꧀​ꦩ꧀ꦧꦶꦪꦺꦤ꧀ ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

‘ꦏꦺꦴꦮꦺ​ꦧꦏꦭ꧀ꦧꦺꦴꦭꦏ꧀ꦧꦭꦶꦏ꧀ꦏꦿꦸꦔꦸ​꧈​
ꦤꦁꦔꦶꦁ​ꦲꦺꦴꦫ​ꦢꦸꦤꦸꦁ꧉​
ꦏꦺꦴꦮꦺ​ꦧꦏꦭ꧀ꦧꦺꦴꦭꦏ꧀ꦧꦭꦶꦏ꧀​ꦤ꧀ꦢꦼꦊꦁ​꧈​
ꦤꦁꦔꦶꦁ​ꦲꦺꦴꦫ​ꦮꦼꦫꦸꦃ​꧉​
¹⁵ꦲꦮꦶꦠ꧀ꦧꦁꦱ​ꦲꦶꦏꦶ​ꦤ꧀ꦢꦧ꧀ꦊꦏ꧀
ꦏꦸꦥꦶꦁꦔꦺ​ꦧꦸꦢꦼꦏ꧀ꦭꦤ꧀ꦩꦿꦶꦥꦠ꧀ꦠꦺ​ꦩꦼꦉꦩ꧀ꦫꦥꦼꦠ꧀꧈​
ꦲꦮꦶꦠ꧀ꦱꦼꦩꦸꦁꦒꦺꦴꦤ꧀ꦤꦺꦲꦺꦴꦫ​ꦔꦺꦴꦤꦺꦴ​꧈​
ꦩꦼꦱ꧀ꦠꦶꦩꦿꦶꦥꦠ꧀ꦠꦺ​ꦮꦼꦫꦸꦃ​ꦭꦤ꧀ꦏꦸꦥꦶꦁꦔꦺ​ꦏꦿꦸꦔꦸ​꧈​
ꦥꦶꦏꦶꦂꦫꦤ꧀ꦤꦺ​ꦧꦶꦱ​ꦢꦸꦤꦸꦁꦠꦼꦫꦸꦱ꧀ꦥꦢ​ꦠꦼꦏ​ꦩꦫꦤꦶ​ꦲꦏꦸ​
ꦭꦤ꧀ꦤꦶꦁꦒꦭ꧀ꦲꦸꦫꦶꦥ꧀ꦥꦺꦱꦶꦁ​ꦢꦺꦴꦱ​꧈​
ꦩꦼꦱ꧀ꦠꦶꦠꦼꦫꦸꦱ꧀ꦠꦏ꧀ꦮꦫꦱ꧀꧈​
ꦏꦸꦮꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​’

¹⁶꧋“ꦤꦁꦔꦶꦁ​ꦧꦼꦗꦏꦺꦴꦮꦺ​꧈​ꦲꦮꦶꦠ꧀ꦩꦿꦶꦥꦠ꧀ꦩꦸ​ꦮꦼꦫꦸꦃ​ꦭꦤ꧀ꦏꦸꦥꦶꦁꦩꦸ​ꦏꦿꦸꦔꦸ​꧉​ ¹⁷ꦔꦼꦂꦠꦶꦪ​꧈​ꦲꦺꦴꦏꦺꦃꦤꦧꦶ​ꦭꦤ꧀ꦮꦺꦴꦁ​ꦧꦼꦕꦶꦏ꧀ꦱꦶꦁ​ꦥꦢ​ꦏꦼꦥꦺꦔꦶꦤ꧀​ꦤ꧀ꦢꦼꦊꦁ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦢꦼꦊꦁ​꧈​ꦤꦁꦔꦶꦁ​ꦲꦺꦴꦫ​ꦏ꧀ꦭꦏꦺꦴꦤ꧀​ꦤ꧀ꦢꦼꦊꦁ​꧉​ꦲꦸꦒ​ꦥꦢ​ꦏꦼꦥꦺꦔꦶꦤ꧀ꦏꦿꦸꦔꦸ​ꦲꦥ​ꦱꦶꦁ​ꦏꦺꦴꦮꦺ​ꦏꦿꦸꦔꦸ​꧈​ꦤꦁꦔꦶꦁ​ꦲꦺꦴꦫ​ꦏ꧀ꦭꦏꦺꦴꦤ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦒꦩ꧀ꦧꦂ​ꦧꦧ꧀ꦮꦺꦴꦁ​ꦚꦼꦧꦂ​꧉​

¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦸꦤꦸꦁꦔꦏꦺꦔꦺꦤꦺ​:“ꦥꦢ​ꦢꦶꦫꦸꦔꦺꦴꦏ꧀ꦏꦏꦺ​ꦠꦼꦒꦼꦱ꧀ꦱꦺ​ꦒꦩ꧀ꦧꦂ​ꦮꦺꦴꦁ​ꦚꦼꦧꦂ​ꦮꦶꦗꦶ​ꦩꦲꦸ​꧉​ ¹⁹ꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦮꦸꦭꦁ​ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦲꦺꦴꦫ​ꦢꦸꦤꦸꦁ꧈​ꦏꦸꦮꦶ​ꦏꦪ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦥꦶꦁꦒꦶꦂ​ꦢꦭꦤ꧀꧈​ꦱꦺꦠꦤ꧀​ꦠꦼꦏ​ꦠꦼꦫꦸꦱ꧀ꦔꦽꦧꦸꦠ꧀ꦥꦶꦮꦸꦭꦁ​ꦱꦶꦁ​ꦢꦶꦱꦼꦧꦂ​ꦲꦶꦁ​ꦲꦠꦶꦤꦺ​꧉​ ²⁰ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦠꦺꦴꦱ꧀ ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦠꦼꦫꦸꦱ꧀ꦥꦽꦕꦪ​ꦏꦫꦺꦴ​ꦧꦸꦔꦃ​꧉​ ²¹ꦤꦁꦔꦶꦁ​ꦥꦶꦮꦸꦭꦁ​ꦩꦲꦸ​ꦢꦸꦫꦸꦁ​ꦩꦿꦱꦸꦏ꧀ꦗꦼꦫꦸꦲꦶꦁ​ꦲꦠꦶꦤꦺ​꧉​ꦏꦢꦸꦁ​ꦏꦠꦼꦏꦤ꧀ꦏꦱꦸꦱꦃꦲꦤ꧀ꦭꦤ꧀ꦏꦔꦺꦭ꧀ꦭꦤ꧀ꦗꦭꦂꦫꦤ꧀ꦱꦁꦏꦲꦼꦁꦒꦺꦴꦤꦺ​ꦥꦽꦕꦪ​꧈​ꦮꦺꦴꦁꦔꦺ​ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ ²²ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦠꦼꦔꦃꦲꦺ​ꦠꦸꦏꦸꦭ꧀ꦭꦤ꧀ꦲꦼꦫꦶ​꧈​ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦠꦼꦫꦸꦱ꧀ꦥꦽꦕꦪ​꧈​ꦤꦁꦔꦶꦁ​ꦠꦼꦫꦸꦱ꧀ꦱꦸꦩꦼꦭꦁ​ꦧꦔꦼꦠ꧀꧈​ꦥꦶꦮꦸꦭꦁ​ꦩꦲꦸ​ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦮꦺꦴꦃ​꧈​ꦗꦭꦂꦫꦤ꧀ꦏꦭꦃ​ꦏꦫꦺꦴ​ꦥꦶꦏꦶꦂꦫꦤ꧀ꦧꦧ꧀ꦏꦧꦸꦠꦸꦃꦲꦤ꧀ꦤꦺ​ꦲꦸꦫꦶꦥ꧀ꦭꦤ꧀ꦧꦤ꧀ꦢꦢꦺꦴꦚ​꧉​ ²³ꦤꦁꦔꦶꦁ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦱꦶꦁ​ꦱꦸꦧꦸꦂ​꧈​ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦠꦼꦫꦸꦱ꧀ꦩꦤ꧀ꦠꦼꦥ꧀ꦥꦼꦔꦤ꧀ꦢꦼꦭ꧀ꦭꦺ​꧉​ꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦲꦺꦴꦏꦺꦃ꧈​ꦥꦶꦁ​ꦱꦠꦸꦱ꧀ ꦥꦶꦁ​ꦱ꧀ꦮꦶꦢꦏ꧀ꦭꦤ꧀ꦥꦶꦁ​ꦠꦼꦭꦸꦁ​ꦥꦸꦭꦸꦃ​꧉​”

꧋ꦥꦶꦮꦸꦭꦁ​ꦧꦧ꧀ꦱꦸꦏꦼꦠ꧀ꦤꦁꦠꦼꦔꦃꦲꦺ​ꦠꦤ꧀ꦢꦸꦂꦫꦤ꧀ꦒꦤ꧀ꦢꦸꦩ꧀꧈​

²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦭꦶꦪꦤꦺ​ꦏꦁꦒꦺꦴ​ꦩꦸꦭꦁꦔꦶꦮꦺꦴꦁꦮꦺꦴꦁ​꧉​ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦠꦸꦏꦁ​ꦠꦤ꧀ꦢꦸꦂ꧉​ꦮꦺꦴꦁꦔꦺ​ꦚꦼꦧꦂ​ꦮꦶꦗꦶ​ꦱꦶꦁ​ꦲꦥꦶꦏ꧀ꦤꦁꦏꦼꦧꦺꦴꦤꦺ​꧉​ ²⁵ꦤꦁꦔꦶꦁ​ꦲꦶꦁ​ꦮꦪꦃ​ꦮꦼꦔꦶ​꧈​ꦤꦺꦏ꧀ꦮꦺꦴꦁꦮꦺꦴꦁ​ꦥꦢ​ꦠꦸꦫꦸ​꧈​ꦩꦸꦁꦱꦸꦃꦲꦺ​ꦮꦺꦴꦁ​ꦠꦤ꧀ꦢꦸꦂꦩꦲꦸ​ꦠꦼꦏ​ꦠꦼꦫꦸꦱ꧀ꦚꦼꦧꦂ​ꦮꦶꦗꦶ​ꦱꦸꦏꦼꦠ꧀ꦤꦁꦠꦼꦔꦃꦲꦺ​ꦠꦤ꧀ꦢꦸꦂꦫꦤ꧀ꦒꦤ꧀ꦢꦸꦩ꧀ꦩꦲꦸ​꧈​ꦠꦼꦫꦸꦱ꧀ꦭꦸꦔ​꧉​ ²⁶ꦏꦢꦸꦁ​ꦮꦶꦗꦶ​ꦒꦤ꧀ꦢꦸꦩ꧀ꦩꦺ​ꦠꦸꦏꦸꦭ꧀ꦭꦤ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​꧈​ꦱꦸꦏꦼꦠ꧀ꦠꦺ​ꦠꦼꦫꦸꦱ꧀ꦏꦺꦠꦺꦴꦏ꧀꧈​ ²⁷ꦮꦺꦴꦁꦮꦺꦴꦁ​ꦱꦶꦁ​ꦏꦼꦂꦗ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦱꦶꦁ​ꦠꦸꦏꦁ​ꦠꦤ꧀ꦢꦸꦂꦠꦼꦫꦸꦱ꧀ꦔꦺꦴꦩꦺꦴꦁ:'ꦭꦃ​ꦧꦥꦏ꧀ꦤꦤ꧀ꦢꦸꦂ​ꦮꦶꦗꦶ​ꦱꦶꦁ​ꦲꦥꦶꦏ꧀ꦤꦁꦏꦼꦧꦺꦴꦤꦺ​꧈​ꦭꦃ​ꦠꦸꦏꦸꦭ꧀ꦭꦤ꧀ꦱꦸꦏꦼꦠ꧀ꦏꦸꦮꦶ​ꦱꦁꦏꦲꦼꦤ꧀ꦢꦶ​?’ ²⁸ꦱꦶꦁ​ꦠꦸꦏꦁ​ꦠꦤ꧀ꦢꦸꦂꦠꦼꦫꦸꦱ꧀ꦱꦼꦩꦲꦸꦂ​:'ꦏꦸꦮꦶ​ꦥꦼꦁꦒꦮꦺꦤꦺ​ꦩꦸꦁꦱꦸꦃ​꧉'​ꦱꦶꦁ​ꦏꦼꦂꦗ​ꦩꦲꦸ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁ:'ꦲꦥ​ꦏꦉꦥ꧀ꦥꦺ​ꦧꦥꦏ꧀ꦱꦸꦏꦼꦠ꧀ꦠꦺ​ꦢꦶꦗꦧꦸꦠ꧀ꦠꦶꦮꦲꦺ​?’ ²⁹ꦤꦁꦔꦶꦁ​ꦮꦺꦴꦁꦔꦺ​ꦱꦼꦩꦲꦸꦂ​:'ꦲꦗ​꧈​ꦲꦮꦶꦠ꧀ꦤꦺꦏ꧀ꦱꦸꦏꦼꦠ꧀ꦠꦺ​ꦲꦩ꧀ꦧꦺꦴꦏ꧀ꦗꦧꦸꦠ꧀ꦠꦶ​꧈​ꦩꦼꦁꦏꦺꦴ​ꦠꦤ꧀ꦢꦸꦂꦫꦤ꧀ꦤꦺ​ꦒꦤ꧀ꦢꦸꦩ꧀ꦲꦸꦒ​ꦏꦠꦸꦠ꧀ꦏꦼꦗꦧꦸꦠ꧀꧉'​ ³⁰ꦧꦺꦤ꧀​ꦱꦸꦏꦼꦠ꧀ꦠꦺ​ꦠꦸꦏꦸꦭ꧀ꦧꦉꦁ​ꦏꦫꦺꦴ​ꦒꦤ꧀ꦢꦸꦩ꧀ꦩꦺ​ꦠꦼꦏꦤ꧀ꦮꦪꦃꦲꦺ​ꦥꦤꦺꦤ꧀꧈​ꦩꦼꦁꦏꦺꦴ​ꦤꦺꦏ꧀ꦮꦪꦃꦲꦺ​ꦥꦤꦺꦤ꧀ꦲꦏꦸ​ꦧꦏꦭ꧀ꦔꦺꦴꦩꦺꦴꦁꦔꦶꦱꦶꦁ​ꦏꦼꦂꦗ​꧈​ꦱꦸꦥꦪ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦱꦸꦏꦼꦠ꧀ꦠꦺ​ꦤ꧀ꦢꦶꦱꦶꦏ꧀ꦠꦼꦫꦸꦱ꧀ꦢꦶꦠꦭꦺꦤ꧀ꦤꦶ​ꦭꦤ꧀ꦢꦶꦲꦺꦴꦧꦺꦴꦁ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦒꦤ꧀ꦢꦸꦩ꧀ꦩꦺ​ꦱꦶꦁ​ꦢꦶꦲꦼꦤꦺꦤ꧀ꦤꦶ​ꦭꦤ꧀ꦢꦶꦱꦶꦩ꧀ꦥꦼꦤ꧀ꦤꦁꦭꦸꦩ꧀ꦧꦸꦁꦏꦸ​꧉​”

꧋ꦥꦶꦮꦸꦭꦁ​ꦧꦧ꧀ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀꧈​

^31-32꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦩꦼꦤꦺꦃ​ꦔꦁꦒꦺꦴ​ꦒꦩ꧀ꦧꦂ​ꦭꦶꦪꦤꦺ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀ ꦱꦶꦁ​ꦢꦶꦠꦤ꧀ꦢꦸꦂ​ꦏꦫꦺꦴ​ꦮꦺꦴꦁ​ꦤꦁꦏꦼꦧꦺꦴꦤꦺ​꧉​ꦮꦶꦗꦶ​ꦏꦸꦮꦶ​ꦕꦶꦭꦶꦏ꧀ꦧꦔꦼꦠ꧀ ꦤꦁꦔꦶꦁ​ꦤꦺꦏ꧀ꦮꦶꦱ꧀ꦠꦸꦏꦸꦭ꧀ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦠꦤ꧀ꦢꦸꦂꦫꦤ꧀ꦭꦶꦪꦭꦶꦪꦤꦺ​꧉​ꦩꦭꦃ​ꦢꦢꦶ​ꦮꦶꦠ꧀ꦭꦤ꧀ꦩꦤꦸꦏ꧀ꦩꦤꦸꦏ꧀ꦠꦼꦫꦸꦱ꧀ꦥꦢ​ꦔ꧀ꦒꦮꦺ​ꦱꦸꦱꦸꦏ꧀ꦤꦁꦥꦁꦔꦺ​꧉​”

꧋ꦥꦶꦮꦸꦭꦁ​ꦧꦧ꧀ꦫꦒꦶ​꧉​

³³꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦭꦶꦪꦤꦺ​꧈​ꦲꦸꦤꦶꦤꦺ​ꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦫꦒꦶ​꧉​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀​ꦚ꧀ꦗꦶꦏꦸꦏ꧀ꦫꦒꦶ​ꦩꦲꦸ​ꦠꦼꦫꦸꦱ꧀ꦢꦶꦕꦩ꧀ꦥꦸꦂꦫꦏꦺ​ꦒ꧀ꦊꦥꦸꦁ​ꦠꦼꦭꦸꦁ​ꦠꦏꦼꦂꦫꦤ꧀ ꦱꦩ꧀ꦥꦺꦏ꧀ꦫꦒꦶꦤꦺ​ꦩꦿꦱꦸꦏ꧀ꦤꦁꦒ꧀ꦊꦥꦸꦁꦔꦺ​ꦏꦧꦺꦃ​꧉​”

꧋ꦠꦸꦗꦸꦮꦤ꧀ꦤꦺ​ꦥꦶꦮꦸꦭꦁ​ꦔꦁꦒꦺꦴ​ꦒꦩ꧀ꦧꦂ​꧉​

³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦏꦸꦮꦶ​ꦩꦲꦸ​ꦏꦧꦺꦃ​ꦔꦁꦒꦺꦴ​ꦒꦩ꧀ꦧꦂ​꧉​ꦢꦺꦏ꧀ꦤꦺꦤꦺꦏ꧀ꦩꦸꦭꦁꦔꦶꦩꦼꦱ꧀ꦠꦶꦔꦁꦒꦺꦴꦏ꧀ꦏꦏꦺꦒꦩ꧀ꦧꦂ​ꦏꦁꦒꦺꦴ​ꦤ꧀ꦢꦸꦤꦸꦁꦔꦏꦺ꧉​ ³⁵ꦢꦢꦶꦤꦺ​ꦏꦼꦠꦸꦫꦸꦠ꧀ꦠꦤ꧀ꦠꦼꦩ꧀ꦧꦸꦁꦔꦺ​ꦱꦏ꧀ꦮꦶꦗꦶꦤꦺꦤꦧꦶ​ꦢꦺꦏ꧀​ꦩ꧀ꦧꦶꦪꦺꦤ꧀ꦱꦶꦁ​ꦔꦺꦴꦩꦺꦴꦁ:

“ꦤꦺꦏ꧀ꦲꦏꦸ​ꦩꦸꦭꦁ​꧈​ꦲꦏꦸ​ꦔꦁꦒꦺꦴꦏ꧀ꦏꦏꦺꦒꦩ꧀ꦧꦂ​꧉​
ꦲꦏꦸ​ꦧꦏꦭ꧀​ꦤ꧀ꦢꦸꦤꦸꦁꦔꦏꦺꦥꦽꦏꦫꦥꦽꦏꦫ​
ꦱꦶꦁ​ꦏꦱꦶꦩ꧀ꦥꦼꦤ꧀ꦮꦶꦮꦶꦠ꧀ꦗꦒꦠ꧀ꦢꦶꦒꦮꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦒꦩ꧀ꦧꦂ​ꦠꦸꦏꦸꦭ꧀ꦭꦤ꧀ꦱꦸꦏꦼꦠ꧀꧈​

³⁶꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁꦮꦺꦴꦁ​ꦭꦸꦔ​꧈​ꦢꦺꦏ꧀ꦤꦺ​ꦠꦼꦫꦸꦱ꧀ꦩꦸꦭꦶꦃ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦥꦢ​ꦩꦫ​ꦭꦤ꧀ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦢꦸꦤꦸꦁꦔꦏꦺꦠꦼꦒꦼꦱ꧀ꦱꦺ​ꦒꦩ꧀ꦧꦂ​ꦠꦸꦏꦸꦭ꧀ꦭꦤ꧀ꦱꦸꦏꦼꦠ꧀꧈​” ³⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦮꦺꦴꦁ​ꦱꦶꦁ​ꦚꦼꦧꦂ​ꦮꦶꦗꦶ​ꦱꦶꦁ​ꦲꦥꦶꦏ꧀ꦏꦸꦮꦶ​ꦲꦤꦏ꧀ꦏꦺ​ꦩꦤꦸꦁꦱ​꧉​ ³⁸ꦏꦼꦧꦺꦴꦤꦺ​ꦏꦸꦮꦶ​ꦪ​ꦗꦒꦠ꧀ꦲꦶꦏꦶ​꧉​ꦮꦶꦗꦶ​ꦱꦶꦁ​ꦲꦥꦶꦏ꧀ꦏꦸꦮꦶ​ꦮꦺꦴꦁꦮꦺꦴꦁ​ꦲꦸꦩꦠ꧀ꦠꦺ​ꦏꦿꦠꦺꦴꦤꦺ​ꦄꦭ꧀ꦭꦃ​꧉​ꦭꦃ​ꦠꦸꦏꦸꦭ꧀ꦭꦤ꧀ꦱꦸꦏꦼꦠ꧀ꦏꦸꦮꦶ​ꦮꦺꦴꦁꦮꦺꦴꦁ​ꦧꦭꦤꦺ​ꦱꦺꦠꦤ꧀​꧉​ ³⁹ꦩꦸꦁꦱꦸꦃ​ꦱꦶꦁ​ꦚꦼꦧꦂ​ꦮꦶꦗꦶ​ꦱꦸꦏꦼꦠ꧀ꦏꦸꦮꦶ​ꦱꦺꦠꦤ꧀​ꦢꦺꦮꦺ꧉​ꦮꦪꦃ​ꦥꦤꦺꦤ꧀ꦏꦸꦮꦶ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀ꦭꦤ꧀ꦱꦶꦁ​ꦏꦼꦂꦗ​ꦥꦤꦺꦤ꧀ꦏꦸꦮꦶ​ꦥꦫ​ꦩꦸꦭꦺꦏꦠ꧀꧈​ ⁴⁰ꦭꦃ​ꦏꦪ​ꦲꦼꦁꦒꦺꦴꦤꦺ​ꦠꦸꦏꦸꦭ꧀ꦭꦤ꧀ꦱꦸꦏꦼꦠ꧀ꦏꦸꦮꦶ​ꦢꦶꦭꦸꦩ꧀ꦥꦸꦏ꧀ꦏꦏꦺꦠꦼꦫꦸꦱ꧀ꦢꦶꦲꦺꦴꦧꦺꦴꦁ​ꦤꦁꦒꦼꦤꦶ​꧈​ꦪ​ꦔꦺꦴꦤꦺꦴ​ꦏꦸꦮꦶ​ꦲꦩ꧀ꦧꦺꦱꦸꦏ꧀ꦲꦶꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀꧈​ ⁴¹ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦩꦸꦭꦺꦏꦠ꧀ꦠꦺꦔ꧀ꦭꦸꦩ꧀ꦥꦸꦏ꧀ꦏꦏꦺꦱꦼꦩ꧀ꦧꦫꦁ​ꦱꦶꦁ​ꦩꦫꦏ꧀ꦏꦏꦺꦔ꧀ꦒꦮꦺ​ꦲꦭ​ꦭꦤ꧀ꦏꦧꦺꦃ​ꦮꦺꦴꦁ​ꦱꦶꦁ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦢꦺꦴꦱ​꧈​ꦢꦶꦥꦶꦱꦃ​ꦱꦁꦏꦏꦿꦠꦺꦴꦤꦺ​ꦄꦭ꧀ꦭꦃ​꧉​ ⁴²ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦥꦮꦺꦴꦤ꧀ꦱꦶꦁ​ꦩꦸꦫꦸꦥ꧀꧈​ꦤꦁꦏꦺꦴꦤꦺꦴ​ꦧꦏꦭ꧀ꦥꦢ​ꦠꦔꦶꦱ꧀ꦱꦤ꧀ꦭꦤ꧀ꦏꦼꦫꦺꦴꦠ꧀ꦲꦸꦤ꧀ꦠꦸ​꧉​ ⁴³ꦤꦁꦔꦶꦁ​ꦮꦺꦴꦁ​ꦱꦶꦁ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦱꦼꦩ꧀ꦭꦺꦴꦫꦺꦴꦠ꧀ꦏꦪ​ꦱꦽꦔꦺꦔꦺ​ꦲꦶꦁ​ꦏꦿꦠꦺꦴꦤꦺ​ꦧꦥꦏ꧀ꦏꦺ꧉​ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦥꦢ​ꦢꦶꦫꦸꦔꦺꦴꦏ꧀ꦏꦏꦺ​!”

꧋ꦥꦶꦮꦸꦭꦁ​ꦧꦧ꧀ꦏꦱꦸꦒꦶꦃꦲꦤ꧀ꦱꦶꦁ​ꦏꦥꦼꦤ꧀ꦢꦼꦩ꧀​꧉​

⁴⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦏꦱꦸꦒꦶꦃꦲꦤ꧀ꦱꦶꦁ​ꦢꦶꦥꦼꦤ꧀ꦢꦼꦩ꧀ꦤꦁꦊꦩꦃ​꧉​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦱꦶꦁ​ꦤꦼꦩꦸ​꧈​ꦤꦁꦔꦶꦁ​ꦠꦼꦫꦸꦱ꧀ꦢꦶꦲꦸꦫꦸꦏ꧀ꦏꦶꦩꦼꦤꦺꦃ​꧉​ꦱꦁꦏꦶꦁꦧꦸꦔꦃꦲꦺ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦔꦼꦢꦺꦴꦭ꧀ꦏꦧꦺꦃ​ꦲꦥ​ꦤ꧀ꦢꦸꦮꦺꦪ꧈​ꦠꦼꦫꦸꦱ꧀ꦧꦭꦶꦏ꧀ꦤꦸꦏꦸ​ꦏꦼꦧꦺꦴꦤꦺ​꧉​”

꧋ꦥꦶꦮꦸꦭꦁ​ꦧꦧ꧀ꦥꦉꦭ꧀꧈​

⁴⁵꧋ꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦭꦶꦪꦤꦺ​ꦲꦸꦤꦶꦤꦺ​ꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦱꦏ꧀ꦮꦶꦗꦶꦤꦺꦠꦸꦏꦁ​ꦢꦒꦁ​ꦱꦶꦁ​ꦔ꧀ꦒꦺꦴꦭꦺꦏ꧀ꦥꦉꦭ꧀ꦱꦶꦁ​ꦭꦫꦁ​ꦉꦒꦤꦺ​꧉​ ⁴⁶ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦢꦺꦏ꧀ꦤꦺꦮꦼꦫꦸꦃ​ꦥꦉꦭ꧀ꦏꦸꦮꦶ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦔꦼꦢꦺꦴꦭ꧀ꦱꦼꦩ꧀ꦧꦫꦁ​ꦤ꧀ꦢꦸꦮꦺꦪꦏꦁꦒꦺꦴ​ꦤꦸꦏꦸ​ꦥꦉꦭ꧀ꦱꦶꦁ​ꦭꦫꦁ​ꦉꦒꦤꦺ​ꦏꦸꦮꦶ​꧉​”

꧋ꦥꦶꦮꦸꦭꦁ​ꦧꦧ꧀ꦗꦭ​꧉​

⁴⁷꧋ꦒꦸꦱ꧀ꦠꦶꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺꦔꦺꦤꦺ:“ꦏꦿꦠꦺꦴꦤ꧀ꦤꦺꦱ꧀ꦮꦂꦒꦏꦸꦮꦶꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴꦗꦭꦱꦶꦁꦢꦶ​ꦲꦸꦚ꧀ꦕꦭ꧀ꦭꦏꦺꦤꦁꦩꦺꦂꦭꦤ꧀ꦲꦺꦤ꧀ꦠꦸꦏ꧀ꦲꦶꦮꦏ꧀ꦮꦼꦂꦤꦮꦼꦂꦤ꧉​ ⁴⁸ꦤꦺꦏ꧀ꦗꦭꦤꦺ​ꦮꦶꦱ꧀ꦏꦼꦧꦼꦏ꧀ꦠꦼꦫꦸꦱ꧀ꦢꦶꦠꦫꦶꦏ꧀ꦤꦁꦢꦫꦠ꧀ꦠꦤ꧀ꦏꦫꦺꦴ​ꦱꦶꦁ​ꦔ꧀ꦒꦺꦴꦭꦺꦏ꧀ꦲꦶꦮꦏ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀​ꦚ꧀ꦗꦒꦺꦴꦁꦩꦶꦭꦶꦃꦲꦶ​ꦲꦶꦮꦏ꧀ꦲꦶꦮꦏ꧀ꦏꦺ꧉​ꦱꦶꦁ​ꦲꦥꦶꦏ꧀ꦢꦶꦮꦢꦃꦲꦶ꧈​ꦭꦃ​ꦱꦶꦁ​ꦲꦺꦭꦺꦏ꧀ꦢꦶꦧꦸꦮꦁ​꧉​ ⁴⁹ꦪ​ꦔꦺꦴꦤꦺꦴ​ꦏꦸꦮꦶ​ ꦧꦏꦭ꧀ꦭꦺ​ꦲꦶꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀꧈​ꦩꦸꦭꦺꦏꦠ꧀​ꦩꦸꦭꦺꦏꦠ꧀​ꦧꦏꦭ꧀ꦧꦸꦢꦭ꧀ꦭꦤ꧀ꦩꦶꦱꦃꦲꦏꦺꦮꦺꦴꦁ​ꦲꦭ​ꦱꦁꦏꦠꦼꦔꦃꦲꦺ​ꦮꦺꦴꦁ​ꦧꦼꦕꦶꦏ꧀꧈​ ⁵⁰ꦮꦺꦴꦁꦮꦺꦴꦁ​ꦱꦶꦁ​ꦲꦭ​ꦩꦲꦸ​ꦠꦼꦫꦸꦱ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦥꦮꦺꦴꦤ꧀ꦱꦶꦁ​ꦩꦸꦫꦸꦥ꧀꧈​ꦤꦁꦏꦺꦴꦤꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦠꦔꦶꦱ꧀ꦱꦤ꧀ꦭꦤ꧀ꦏꦼꦫꦺꦴꦠ꧀ꦲꦸꦤ꧀ꦠꦸ​꧉​”

꧋ꦧꦫꦁ​ꦲꦚꦂ​ꦭꦤ꧀ꦧꦫꦁ​ꦭꦮꦱ꧀꧈​

⁵¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦥ​ꦏꦺꦴꦮꦺ​ꦥꦢ​ꦢꦸꦤꦸꦁꦏꦸꦮꦶ​ꦩꦲꦸ​ꦏꦧꦺꦃ​?” ꧋ꦱꦼꦩꦲꦸꦂꦫꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦪ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦢꦸꦤꦸꦁ꧉​” ⁵²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦩꦸꦭꦤꦺ​ꦱꦧꦼꦤ꧀ꦒꦸꦫꦸ​ꦏꦶꦠꦧ꧀​ꦱꦶꦁ​ꦢꦢꦶ​ꦲꦸꦩꦠ꧀ꦠꦺ​ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦥꦼꦩꦶꦩ꧀ꦥꦶꦤꦺ​ꦲꦺꦴꦩꦃ​ꦱꦶꦁ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦲꦚꦂ​ꦭꦤ꧀ꦱꦶꦁ​ꦭꦮꦱ꧀ꦱꦁꦏꦒꦺꦴꦢꦁꦔꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦢꦶꦲꦗꦺꦤ꧀ꦤꦶ​ꦤꦁꦏꦸꦠꦟꦱꦫꦺꦠ꧀꧈​

⁵³꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂꦒꦩ꧀ꦧꦂꦩꦲꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ ⁵⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦼꦏ​ꦤꦁꦏꦸꦠꦟꦱꦫꦺꦠ꧀ ꦥꦁꦒꦺꦴꦤ꧀ꦤꦤ꧀ꦤꦺ​ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧉​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦩꦸꦭꦁꦔꦶꦮꦺꦴꦁꦮꦺꦴꦁ​ꦤꦁꦱꦶꦤꦒꦸꦏ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀ꦭꦤ꧀ꦫꦱꦤ꧀ꦫꦱꦤ꧀ꦩꦫꦁ​ꦱꦏ꧀ꦥꦢꦥꦢ:“ꦮꦺꦴꦁ​ꦲꦶꦏꦶ​ꦲꦺꦤ꧀ꦠꦸꦏ꧀ꦏꦮꦼꦫꦸꦃꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦱꦁꦏꦔꦼꦤ꧀ꦢꦶ​ꦪ​?ꦭꦤ꧀ꦱꦁꦏꦔꦼꦤ꧀ꦢꦶ​ꦢꦺꦏ꧀ꦤꦺꦲꦺꦤ꧀ꦠꦸꦏ꧀ꦥꦔ꧀ꦮꦱ​ꦏꦁꦒꦺꦴ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦏꦸꦮꦶ​? ⁵⁵ꦲꦥ​ꦢꦺꦏ꧀ꦤꦺꦢꦸꦢꦸ​ꦲꦤꦏ꧀ꦏꦺ​ꦱꦶꦁ​ꦠꦸꦏꦁ​ꦔ꧀ꦒꦮꦺ​ꦏꦿꦺꦴꦱꦶꦩꦺꦗꦏꦲꦺ​?ꦲꦥ​ꦢꦸꦢꦸ​ꦲꦤꦏ꧀ꦏꦺ​ꦩꦫꦶꦪ꧈​ꦠꦸꦁꦒꦭ꧀ꦭꦺ​ꦪꦏꦺꦴꦧꦸꦱ꧀ ꦪꦺꦴꦱꦺꦥ꦳꧀ ꦱꦶꦩꦺꦴꦤ꧀ꦭꦤ꧀ꦪꦸꦢꦱ꧀? ⁵⁶ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦮꦺꦢꦺꦴꦏ꧀ꦭꦲꦸꦠ꧀ꦏꦧꦺꦃ​ꦩꦁꦒꦺꦴꦤ꧀ꦤꦁꦏꦸꦠꦏꦺꦤꦺ​ꦠ​?ꦭꦃ​ꦱꦁꦏꦔꦼꦤ꧀ꦢꦶ​ꦏꦥꦶꦤ꧀ꦠꦼꦂꦫꦤ꧀ꦤꦺ​ꦏꦸꦮꦶ​ꦏꦧꦺꦃ​?” ⁵⁷ꦮꦺꦴꦁꦮꦺꦴꦁ​ꦥꦢ​ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦥꦚ꧀ꦕꦺꦤ꧀ ꦤꦧꦶ​ꦏꦸꦮꦶ​ꦤꦁꦲꦼꦤ꧀ꦢꦶ​ꦮꦲꦺ​ꦢꦶꦲꦗꦺꦤ꧀ꦤꦶ​꧈​ꦏꦼꦗꦧ​ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦭꦤ꧀ꦲꦺꦴꦩꦃꦲꦺ​ꦢꦺꦮꦺ꧉​” ⁵⁸ꦩꦸꦭꦤꦺ​ꦤꦁꦏꦸꦠꦟꦱꦫꦺꦠ꧀ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦲꦺꦴꦏꦺꦃ꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦲꦺꦴꦫ​ꦥꦽꦕꦪ​ꦩꦫꦁ​ꦢꦺꦏ꧀ꦤꦺ꧉​

꧋ꦤꦶꦁ​ꦒꦭ꧀ꦭꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

꧇​꧑꧔꧇​ ¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲ꦳ꦺꦫꦺꦴꦢꦺꦱ꧀ꦢꦢꦶ​ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ꦢꦺꦏ꧀ꦤꦺꦲꦸꦒ​ꦏꦿꦸꦔꦸ​ꦏꦧꦂꦏꦧꦂꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²ꦲ꦳ꦺꦫꦺꦴꦢꦺꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦥꦼꦭꦢꦺꦤ꧀ꦤꦺ​:“ꦪꦺꦯꦸꦱ꧀ꦏꦸꦮꦶ​ꦲꦺꦴꦫ​ꦭꦶꦪ​꧈​ꦩꦼꦱ꧀ꦠꦶꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦱꦶꦁ​ꦲꦸꦫꦶꦥ꧀ꦩꦼꦤꦺꦃ​꧉​ꦩꦸꦭꦤꦺ​ꦢꦺꦏ꧀ꦤꦺꦧꦶꦱ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦏꦸꦮꦶ​꧉​” ^3-4꧋ꦪ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦲꦶꦏꦶ​ꦱꦶꦁ​ꦩ꧀ꦧꦶꦪꦺꦤ꧀ꦔꦺꦴꦁꦏꦺꦴꦤ꧀ꦚꦼꦏꦼꦭ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦠꦼꦫꦸꦱ꧀ꦢꦶꦏꦼꦕꦺꦏ꧀​ꦭꦤ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀꧈​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦤꦸꦫꦸꦠ꧀ꦠꦶ​ꦏꦉꦥ꧀ꦥꦺ​ꦲ꦳ꦺꦫꦺꦴꦢꦶꦪꦱ꧀꧈​ꦲꦮꦶꦠ꧀ꦪꦺꦴꦲꦤꦼꦱ꧀ꦏꦼꦉꦥ꧀ꦔꦺꦴꦩꦺꦴꦁꦩꦫꦁ​ꦫꦠꦸ​ꦲ꦳ꦺꦫꦺꦴꦢꦺꦱ꧀ ꦤꦺꦏ꧀ꦢꦺꦏ꧀ꦤꦺꦲꦺꦴꦫ​ꦏꦼꦤꦺꦁꦔꦼꦥꦺꦏ꧀ꦲ꦳ꦺꦫꦺꦴꦢꦶꦪꦱ꧀ꦢꦢꦶ​ꦧꦺꦴꦗꦺꦴꦤꦺ​꧈​ꦲꦮꦶꦠ꧀ꦲ꦳ꦺꦫꦺꦴꦢꦶꦪꦱ꧀ꦏꦸꦮꦶ​ꦧꦺꦴꦗꦺꦴꦤꦺ​ꦥ꦳ꦶꦭꦶꦥꦸꦱ꧀ ꦱꦼꦢꦸꦭꦸꦂꦫꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦢꦺꦮꦺ꧉​ ⁵ꦩꦸꦭꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦏꦼꦥꦺꦔꦶꦤ꧀ꦩꦠꦺꦤ꧀ꦤꦶ​ꦪꦺꦴꦲꦤꦼꦱ꧀ ꦤꦁꦔꦶꦁ​ꦢꦺꦏ꧀ꦤꦺꦮꦼꦢꦶ​ꦏꦫꦺꦴ​ꦮꦺꦴꦁꦮꦺꦴꦁ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦔꦁꦒꦼꦥ꧀ꦪꦺꦴꦲꦤꦼꦱ꧀ꦏꦸꦮꦶ​ꦤꦧꦶ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁶꧋ꦤꦁꦔꦶꦁ​ꦢꦺꦴꦁꦔꦺꦲ꦳ꦺꦫꦺꦴꦢꦺꦱ꧀ꦔꦸꦂꦩꦠ꧀ꦠꦸꦠꦸꦥ꧀ꦠꦲꦸꦤ꧀ꦤꦺ​꧈​ꦲꦤꦏ꧀ꦏꦺ​ꦲ꦳ꦺꦫꦺꦴꦢꦶꦪꦱ꧀​ꦚ꧀ꦗꦺꦴꦒꦺꦠ꧀ꦏꦁꦒꦺꦴ​ꦥꦫ​ꦢꦪꦺꦴꦃꦲꦺ꧉​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦱꦼꦤꦼꦁ​ꦧꦔꦼꦠ꧀ꦏꦫꦺꦴ​ꦗꦺꦴꦒꦺꦠꦤ꧀ꦤꦺꦧꦺꦴꦕꦃ​ꦮꦺꦢꦺꦴꦏ꧀ꦩꦲꦸ​꧉​ ⁷ꦢꦺꦏ꧀ꦤꦺꦱꦩ꧀ꦥꦺꦏ꧀ꦔꦼꦠꦺꦴꦏ꧀ꦏꦏꦺꦗꦚ꧀ꦗꦶ​ꦔꦺꦤꦺ​ꦩꦫꦁ​ꦧꦺꦴꦕꦃꦲꦺ​:“ꦲꦥ​ꦮꦲꦺ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ꦧꦏꦭ꧀ꦠꦏ꧀ꦠꦸꦫꦸꦠ꧀ꦠꦶ​꧉​” ⁸꧋ꦗꦭꦂꦫꦤ꧀ꦲꦶꦧꦸꦤꦺ​ꦧꦺꦴꦕꦃ​ꦮꦺꦢꦺꦴꦏ꧀ꦩꦲꦸ​ꦱꦶꦁ​ꦔꦗꦤ꧀ꦤꦶ​꧈​ꦧꦺꦴꦕꦃꦲꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦚ꧀ꦗꦭꦸꦏ꧀ꦲꦼꦤ꧀ꦢꦱ꧀ꦱꦺꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦤꦁꦥꦶꦫꦶꦁ​꧉​” ⁹꧋ꦲ꦳ꦺꦫꦺꦴꦢꦺꦱ꧀ꦱꦼꦢꦶꦧꦔꦼꦠ꧀ꦏꦿꦸꦔꦸ​ꦥꦼꦚ꧀ꦗꦭꦸꦏ꧀ꦏꦺ​ꦧꦺꦴꦕꦃꦲꦺ​꧈​ꦤꦁꦔꦶꦁ​ꦗꦭꦂꦫꦤ꧀ꦢꦺꦏ꧀ꦤꦺꦮꦶꦱ꧀ꦏꦢꦸꦁ​ꦗꦚ꧀ꦗꦶ​ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃ꧈​ꦩꦸꦭꦤꦺ​ꦢꦺꦏ꧀ꦤꦺꦪ​ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦤꦸꦫꦸꦠ꧀ꦠꦶ​ꦲꦥ​ꦥꦼꦚ꧀ꦗꦭꦸꦏ꧀ꦏꦺ​ꦧꦺꦴꦕꦃ​ꦮꦺꦢꦺꦴꦏ꧀ꦩꦲꦸ​꧉​ ¹⁰ꦪꦺꦴꦲꦤꦼꦱ꧀ꦠꦼꦫꦸꦱ꧀ꦢꦶꦏꦼꦠꦺꦴꦏ꧀ꦒꦸꦭꦸꦤꦺ​ꦤꦁꦱꦼꦠꦿꦥꦤ꧀ꦏꦺꦴꦤꦺꦴ​꧉​ ¹¹ꦲꦼꦤ꧀ꦢꦱ꧀ꦱꦺꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦧꦺꦴꦕꦃꦲꦺ​ꦤꦁꦥꦶꦫꦶꦁ​꧈​ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦲꦶꦧꦸꦤꦺ​ꦏꦫꦺꦴ​ꦧꦺꦴꦕꦃꦲꦺ​꧉​ ¹²ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦪꦺꦴꦲꦤꦼꦱ꧀ꦠꦼꦫꦸꦱ꧀ꦠꦼꦏ​ꦤꦁꦱꦼꦠꦿꦥꦤ꧀​ꦚ꧀ꦗꦶꦏꦸꦏ꧀ꦭꦪꦺꦴꦤꦺ​ꦲꦉꦥ꧀ꦢꦶꦏꦸꦧꦸꦂ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦥꦢ​ꦔꦧꦂꦫꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦩꦫꦁ​ꦮꦺꦴꦁ​ꦥꦶꦫꦁꦥꦶꦫꦁ​ꦲꦺꦮꦸ​꧉​

¹³꧋ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦏꦧꦂ​ꦧꦧ꧀ꦤꦶꦁ​ꦒꦭ꧀ꦭꦺ​ꦪꦺꦴꦲꦤꦼꦱ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ ꦢꦺꦮꦺꦏ꧀ꦏꦤ꧀ꦱꦁꦏꦏꦺꦴꦤꦺꦴ​꧈​ꦤꦸꦩ꧀ꦥꦏ꧀ꦥꦿꦲꦸ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦔꦼꦂꦠꦶ​ꦥꦫꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦩ꧀ꦭꦏꦸ​ꦤꦸꦱꦸꦭ꧀ꦢꦺꦏ꧀ꦤꦺ꧉​ ¹⁴ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦢꦸꦤ꧀ꦱꦁꦏꦥꦿꦲꦸꦤꦺ​꧈​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦲꦺꦴꦏꦺꦃꦩꦲꦸ​꧈​ꦠꦼꦫꦸꦱ꧀ꦏꦿꦱ​ꦩꦼꦭꦱ꧀ꦧꦔꦼꦠ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦭꦫ​ꦠꦼꦫꦸꦱ꧀ꦥꦢ​ꦢꦶꦮꦫꦱ꧀ꦱꦏꦺ꧉​ ¹⁵꧋ꦏꦢꦸꦁ​ꦮꦶꦱ꧀ꦱꦺꦴꦫꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦲꦶꦏꦶ​ꦮꦶꦱ꧀ꦱꦺꦴꦫꦺ​ꦭꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦏꦺꦤꦺ​ꦲꦺꦴꦫ​ꦲꦺꦤꦺꦁꦲꦥꦲꦥ​꧉​ꦲꦩ꧀ꦧꦺꦴꦏ꧀ꦮꦺꦴꦁꦮꦺꦴꦁ​ꦥꦢ​ꦢꦶꦏꦺꦴꦁꦏꦺꦴꦤ꧀ꦭꦸꦔ​꧈​ꦧꦺꦤ꧀​ꦔ꧀ꦒꦺꦴꦭꦺꦏ꧀ꦩꦁꦔꦤ꧀ꦢꦺꦮꦺꦤꦁꦢꦺꦱꦢꦺꦱ​꧉​” ¹⁶꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁꦮꦺꦴꦁ​ꦲꦺꦴꦫ​ꦲꦸꦱꦃꦭꦸꦔ​꧈​ꦏꦺꦴꦮꦺ​ꦱꦶꦁ​ꦏꦸꦢꦸ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁꦮꦺꦴꦁ​!” ¹⁷꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦤꦩꦸꦁ​ꦤ꧀ꦢꦸꦮꦺꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​!” ¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦒꦮꦤꦼꦤ꧀​ꦩ꧀ꦧꦿꦺꦤꦺ!” ¹⁹ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁꦤꦁꦱꦸꦏꦼꦠ꧀ꦠꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦢꦺꦏ꧀ꦤꦺ​ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​ꦩꦲꦸ​꧈​ꦠꦼꦫꦸꦱ꧀ꦚꦮꦁ​ꦤ꧀ꦢꦸꦮꦸꦂꦭꦤ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦺꦴꦠꦶꦤꦺ​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦔꦼꦢꦸꦩ꧀ꦫꦺꦴꦠꦶꦤꦺ​ꦩꦫꦁ​ꦮꦺꦴꦁꦮꦺꦴꦁ​꧉​ ²⁰ꦮꦺꦴꦁ​ꦏꦧꦺꦃ​ꦥꦢ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ꦱꦏ꧀ꦮꦶꦱ꧀ꦱꦺ​ꦩꦁꦔꦤ꧀ ꦠꦸꦫꦃꦲꦤ꧀ꦤꦺ​ꦫꦺꦴꦠꦶ​ꦭꦤ꧀ꦲꦶꦮꦏ꧀ꦩꦲꦸ​ꦢꦶꦭꦸꦩ꧀ꦥꦸꦏ꧀ꦏꦏꦺꦏꦫꦺꦴ​ꦥꦫ​ꦩꦸꦫꦶꦢ꧀ ꦲꦺꦤꦺꦁꦫꦺꦴꦭꦱ꧀ꦠꦺꦁꦒꦺꦴꦏ꧀ꦏꦼꦧꦼꦏ꧀꧈​ ²¹ꦱꦶꦁ​ꦩꦁꦔꦤ꧀ꦲꦺꦤꦺꦁꦮꦺꦴꦁ​ꦭꦶꦩꦁ​ꦲꦺꦮꦸ​꧈​ꦤꦩꦸꦁ​ꦮꦺꦴꦁ​ꦭꦩꦸꦂ꧈​ꦮꦺꦴꦁ​ꦮꦺꦢꦺꦴꦏ꧀ꦭꦤ꧀ꦧꦺꦴꦕꦃꦧꦺꦴꦕꦃ​ꦢꦸꦫꦸꦁ​ꦢꦶꦲꦶꦠꦸꦁ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦩꦺꦂ꧉​

²²꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦧꦸꦢꦭ꧀​ꦤ꧀ꦢꦶꦱꦶꦏ꧀ꦏꦫꦺꦴ​ꦥꦿꦲꦸꦤꦺ​ꦤꦁꦲꦧꦿꦃꦲꦤ꧀꧈​ꦮꦺꦴꦁ​ꦲꦺꦴꦏꦺꦃꦩꦲꦸ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦩꦸꦭꦶꦃ​꧉​ ²³ꦏꦢꦸꦁ​ꦮꦺꦴꦁꦮꦺꦴꦁ​ꦮꦶꦱ꧀ꦭꦸꦔ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦒꦸꦤꦸꦁ​ꦲꦉꦥ꧀​ꦤ꧀ꦢꦺꦴꦁꦔ꧈​ꦢꦺꦮꦺꦏ꧀ꦏꦤ꧀꧈​ꦩ꧀ꦧꦼꦔꦶꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦏꦺꦴꦤꦺꦴ​ꦢꦺꦮꦺ꧉​ ²⁴ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦤꦁꦠꦼꦔꦃꦠꦼꦔꦃ​ꦩꦺꦂ꧉​ꦥꦿꦲꦸꦤꦺ​ꦢꦶꦲꦺꦴꦤ꧀ꦠꦁꦔꦤ꧀ꦠꦶꦁꦔꦏꦺꦏꦫꦺꦴ​ꦲꦺꦴꦩ꧀ꦧꦏ꧀ ꦲꦮꦶꦠ꧀ꦲꦔꦶꦤ꧀ꦤꦺ​ꦤꦩ꧀ꦥꦼꦏ꧀꧈​ ²⁵꧋ꦏꦶꦫꦏꦶꦫ​ꦗꦩ꧀ꦠꦼꦭꦸ​ꦩ꧀ꦧꦼꦔꦶꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦱꦸꦭ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦢꦺꦏ꧀ꦤꦺꦩ꧀ꦭꦏꦸ​ꦤꦁꦧꦚꦸ​꧉​ ²⁶ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦧꦚꦸ​꧈​ꦠꦼꦫꦸꦱ꧀ꦥꦢ​ꦮꦼꦢꦶ​ꦧꦔꦼꦠ꧀꧈​ꦱꦁꦏꦶꦁꦮꦼꦢꦶꦤꦺ​ꦠꦼꦫꦸꦱ꧀ꦥꦢ​ꦚ꧀ꦗꦼꦫꦶꦠ꧀:“ꦲꦺꦤꦺꦁꦩꦺꦴꦏ꧀ꦩꦼꦢꦶ!” ²⁷꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦥꦢ​ꦏꦒꦺꦠ꧀꧈​ꦲꦶꦏꦶ​ꦲꦏꦸ​꧉​ꦮꦶꦱ꧀ꦲꦗ​ꦥꦢ​ꦮꦼꦢꦶ​!” ²⁸꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦤꦺꦏ꧀ꦥꦚ꧀ꦕꦺꦤ꧀ꦏꦺꦴꦮꦺ​ꦠꦼꦤꦤ꧀ ꦲꦩ꧀ꦧꦺꦴꦏ꧀ꦲꦏꦸ​ꦢꦶꦕꦼꦭꦸꦏ꧀​ꦱꦸꦥꦪ​ꦩꦫꦤꦶ​ꦏꦺꦴꦮꦺ​ꦩ꧀ꦭꦏꦸ​ꦤꦁꦧꦚꦸ​!” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦪ​꧈​ꦩ꧀ꦧꦿꦺꦤꦺꦪꦦꦺꦠꦿꦸꦱ꧀!”ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦥꦿꦲꦸꦤꦺ​ꦭꦤ꧀​ꦩ꧀ꦭꦏꦸ​ꦤꦁꦧꦚꦸ​꧈​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ³⁰ꦤꦁꦔꦶꦁ​ꦏꦢꦸꦁ​ꦫꦱꦸꦭ꧀ꦦꦺꦠꦿꦸꦱ꧀ꦮꦼꦫꦸꦃ​ꦧꦤ꧀ꦠꦼꦂꦫꦺ​ꦲꦔꦶꦤ꧀ꦤꦺ​ꦤꦁꦩꦺꦂꦏꦺꦴꦤꦺꦴ​꧈​ꦢꦺꦏ꧀ꦤꦺꦠꦼꦫꦸꦱ꧀ꦮꦼꦢꦶ​ꦭꦤ꧀ꦩꦺꦴꦭꦃꦲꦶꦩꦼꦤ꧀ꦢꦼꦊꦥ꧀ꦏꦫꦺꦴ​ꦧꦼꦔꦺꦴꦏ꧀ꦧꦼꦔꦺꦴꦏ꧀:“ꦒꦸꦱ꧀ꦠꦶ​꧈​ꦲꦏꦸ​ꦢꦶꦠꦸꦭꦸꦁꦔꦶ​!” ³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦔꦼꦭꦸꦁꦔꦏꦺꦠꦔꦤ꧀ꦤꦺ​ꦭꦤ꧀ꦚꦼꦏꦼꦭ꧀ꦫꦱꦸꦭ꧀ꦦꦺꦠꦿꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦏ꧀ꦕꦶꦭꦶꦏ꧀ꦠꦼꦩꦼꦤ꧀ꦥꦼꦔꦤ꧀ꦢꦼꦭ꧀ꦩꦸ​?ꦏꦼꦤꦺꦁꦲꦥ​ꦏꦺꦴꦏ꧀ꦠꦼꦫꦸꦱ꧀ꦩꦔꦸꦩꦔꦸ​?” ³²꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦫꦱꦸꦭ꧀ꦦꦺꦠꦿꦸꦱ꧀ꦮꦶꦱ꧀ꦤꦁꦥꦿꦲꦸꦤꦺ​꧈​ꦲꦔꦶꦤ꧀ꦤꦺ​ꦠꦼꦫꦸꦱ꧀ꦩꦤ꧀ꦢꦼꦏ꧀꧈​ ³³ꦩꦸꦫꦶꦢ꧀ꦩꦸꦫꦶꦢ꧀ꦱꦶꦁ​ꦤꦁꦥꦿꦲꦸ​ꦩꦲꦸ​ꦠꦼꦫꦸꦱ꧀ꦥꦢ​ꦱꦸꦗꦸꦠ꧀ꦭꦤ꧀ꦚꦼꦩ꧀ꦧꦃ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦩ꧀ꦧꦸꦁꦔꦺ​:“ꦒꦸꦱ꧀ꦠꦶ​꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦤ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁꦮꦺꦴꦁ​ꦭꦫ​ꦤꦁꦧꦮꦃꦓꦼꦤꦺꦱꦫꦺꦠ꧀꧈​

³⁴꧋ꦏꦢꦸꦁ​ꦮꦶꦱ꧀ꦥꦢ​ꦔꦧꦿꦃ꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦠꦼꦏꦤ꧀ꦧꦮꦃꦓꦼꦤꦺꦱꦫꦺꦠ꧀꧈​ ³⁵ꦮꦺꦴꦁꦮꦺꦴꦁ​ꦏꦺꦴꦤꦺꦴ​ꦥꦢ​ꦤꦶꦠꦺꦤ꧀ꦤꦶ​ꦤꦺꦏ꧀ꦱꦶꦁ​ꦠꦼꦏ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦔꦧꦂꦫꦶ​ꦮꦺꦴꦁꦮꦺꦴꦁ​ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦏꦧꦺꦃ​꧉​ꦮꦺꦴꦁꦮꦺꦴꦁ​ꦱꦶꦁ​ꦭꦫ​ꦠꦼꦫꦸꦱ꧀ꦥꦢ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ³⁶ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦚꦸꦮꦸꦤ꧀ ꦱꦸꦥꦪ​ꦥꦢ​ꦏꦼꦭꦶꦭ꧀ꦭꦤ꧀​ꦤ꧀ꦢꦼꦩꦺꦏ꧀ꦒꦺꦴꦩ꧀ꦧꦾꦺꦴꦏ꧀ꦏꦺꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦧꦺꦃ​ꦱꦶꦁ​ꦤ꧀ꦢꦼꦩꦺꦏ꧀ꦩꦭꦶꦃ​ꦮꦫꦱ꧀꧈​

꧋ꦲꦢꦠ꧀ꦥꦼꦂꦤꦠꦤ꧀​ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​

꧇​꧑꧕꧇​ ^1-2ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸ​ꦏꦶꦠꦧ꧀​ ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦔꦺꦤꦺ​:“ꦏꦼꦤꦺꦁꦲꦥ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦤꦼꦫꦏ꧀ꦥꦼꦂꦤꦠꦤ꧀ꦤꦺꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ?ꦤꦺꦏ꧀ꦩꦁꦔꦤ꧀ꦏꦺꦴꦏ꧀ꦲꦺꦴꦫ​ꦥꦢ​ꦮꦶꦱꦸꦃ​ꦠꦔꦤ꧀​ꦤ꧀ꦢꦶꦱꦶꦏ꧀?” ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦭꦃ​ꦏꦺꦴꦮꦺ​ꦏꦺꦴꦏ꧀ꦥꦢ​ꦤꦼꦫꦏ꧀ꦲꦁꦒꦼꦂꦫꦁꦒꦼꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦤꦩꦸꦁ​ꦏꦼꦥꦺꦔꦶꦤ꧀ꦤꦼꦠꦼꦥ꧀ꦥꦶ​ꦲꦢꦠ꧀ꦥꦼꦂꦤꦠꦤ꧀ꦤꦺꦩ꧀ꦧꦃꦩ꧀ꦧꦲꦤ꧀ꦩꦸ? ⁴ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:'ꦔꦗꦺꦤ꧀ꦤꦤ​ꦩꦫꦁ​ꦧꦥ​ꦭꦤ꧀ꦧꦶꦪꦸꦁꦩꦸ​꧈'​ꦭꦤ꧀'ꦱꦥ​ꦱꦶꦁ​ꦩꦸꦗꦺꦏ꧀ꦏꦏꦺꦲꦭ​ꦩꦫꦁ​ꦧꦥ​ꦭꦤ꧀ꦧꦶꦪꦸꦁꦔꦺ​ꦏꦸꦢꦸ​ꦢꦶꦥꦠꦺꦤ꧀ꦤꦶ​꧉'​ ⁵ꦤꦁꦔꦶꦁ​ꦏꦺꦴꦮꦺ​ꦩꦸꦭꦁꦔꦶ:'ꦲꦸꦫꦸꦤ꧀ꦤꦤ꧀ꦏꦁꦒꦺꦴ​ꦔꦺꦴꦥꦺꦤ꧀ꦤꦶ​ꦮꦺꦴꦁ​ꦠꦸꦮꦩꦸ​ꦏꦼꦤꦺꦁꦲꦩ꧀ꦧꦺꦴꦏ꧀ꦏꦺꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦢꦶꦤꦺ​ꦏꦺꦴꦮꦺ​ꦮꦶꦱ꧀ꦲꦺꦴꦫ​ꦲꦸꦱꦃꦔꦼꦏꦺꦏ꧀ꦏꦶꦲꦸꦫꦸꦤ꧀ꦤꦤ꧀ꦩꦫꦁ​ꦮꦺꦴꦁ​ꦠꦸꦮꦩꦸ​ꦩꦼꦤꦺꦃ​꧉'​ ⁶ꦠꦼꦒꦼꦱ꧀ꦱꦺ​꧈​ꦲꦁꦒꦼꦂꦫꦁꦒꦼꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦩ꧀ꦧꦺꦴꦏ꧀ꦲꦸꦤ꧀ꦢꦸꦂꦫꦏꦺꦏꦁꦒꦺꦴ​ꦔꦼꦗꦺꦴꦏ꧀ꦏꦏꦺꦥꦼꦂꦤꦠꦤ꧀ꦥꦼꦂꦤꦠꦤ꧀ꦩꦸꦢꦺꦮꦺ꧉​ ⁷ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦕꦺꦴꦕꦺꦴꦏ꧀​ꦠꦼꦤꦤ꧀ꦠꦼꦩ꧀ꦧꦸꦁꦔꦺ​ꦤꦧꦶ​ꦪꦺꦱꦪ​ꦧꦧ꧀ꦏꦺꦴꦮꦺ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

⁸‘ꦧꦁꦱ​ꦲꦶꦏꦶ​ꦲꦼꦁꦒꦺꦴꦤꦺ​ꦔꦼꦊꦩ꧀ꦲꦏꦸ​ꦤꦩꦸꦁ​ꦏꦫꦺꦴ​ꦭꦩ꧀ꦧꦺꦤꦺ​꧈​
ꦤꦁꦔꦶꦁ​ꦲꦠꦶꦤꦺ​ꦲꦢꦺꦴꦃ​ꦱꦁꦏꦲꦏꦸ​꧉​
⁹ꦠꦤ꧀ꦥ​ꦒꦸꦤ​ꦲꦼꦁꦒꦺꦴꦤꦺ​ꦥꦢ​ꦔꦧꦼꦏ꧀ꦠꦶ​ꦩꦫꦁ​ꦲꦏꦸ​꧈​
ꦲꦮꦶꦠ꧀ꦥꦼꦂꦤꦠꦤ꧀ꦥꦼꦂꦤꦠ꧀ꦠꦤ꧀ꦱꦶꦁ​ꦢꦶꦮꦸꦭꦁꦔꦏꦺ
ꦏꦸꦮꦶ​ꦤꦩꦸꦁ​ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​’”

꧋ꦱꦶꦁ​ꦩꦫꦏ꧀ꦏꦏꦺꦲꦠꦶꦤꦺ​ꦮꦺꦴꦁ​ꦲꦭ​꧉​

¹⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦥꦢ​ꦩꦗꦸ​꧈​ꦠꦼꦫꦸꦱ꧀ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦲꦶꦏꦶ​ꦥꦢ​ꦢꦶꦫꦸꦔꦺꦴꦏ꧀ꦏꦏꦺ​ꦭꦤ꧀ꦢꦶꦊꦧꦺꦴꦏ꧀ꦏꦏꦺꦲꦶꦁ​ꦲꦠꦶꦩꦸ​! ¹¹ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦲꦭ​ꦏꦸꦮꦶ​ꦲꦺꦴꦫ​ꦧꦫꦁ​ꦱꦶꦁ​ꦩ꧀ꦊꦧꦸ​ꦕꦁꦏꦼꦩ꧀ ꦲꦺꦴꦫ​꧈​ꦤꦁꦔꦶꦁ​ꦲꦥ​ꦱꦶꦁ​ꦩꦼꦠꦸ​ꦕꦁꦏꦼꦩ꧀꧈​” ¹²꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦥ​ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦥꦫ​ꦥ꦳ꦫꦶꦱꦶ​ꦥꦢ​ꦥꦤꦱ꧀ꦲꦠꦶꦤꦺ​ꦢꦺꦴꦁꦔꦺꦏꦿꦸꦔꦸ​ꦠꦼꦩ꧀ꦧꦸꦁꦩꦸ​?” ¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦱꦧꦼꦤ꧀ꦠꦤ꧀ꦢꦸꦂꦫꦤ꧀ꦱꦶꦁ​ꦲꦺꦴꦫ​ꦢꦶꦠꦤ꧀ꦢꦸꦂ​ꦏꦫꦺꦴ​ꦧꦥꦏ꧀ꦏꦸ​ꦤꦁꦱ꧀ꦮꦂꦒ​ꦧꦏꦭ꧀ꦢꦶꦧꦼꦢꦺꦴꦭ꧀꧈​ ¹⁴ꦮꦺꦴꦁ​ꦥ꦳ꦫꦶꦱꦶ​ꦏꦸꦮꦶ​ꦲꦺꦴꦫ​ꦲꦸꦱꦃꦢꦶꦫꦺꦮꦺꦱ꧀꧈​ꦏꦸꦮꦶ​ꦥꦼꦤꦸꦤ꧀ꦠꦸꦤ꧀ꦱꦶꦁ​ꦭꦩꦸꦂ​꧉​ꦭꦃ​ꦤꦺꦏ꧀ꦮꦺꦴꦁ​ꦭꦩꦸꦂ​ꦤꦸꦤ꧀ꦠꦸꦤ꧀ꦮꦺꦴꦁ​ꦭꦩꦸꦂ​ꦭꦶꦪꦤꦺ​꧈​ꦏꦧꦺꦃ​ꦭꦺꦴꦫꦺꦴ​ꦧꦏꦭ꧀ꦏꦼꦕꦼꦩ꧀ꦥ꧀ꦭꦸꦁ​ꦤꦁꦭꦸꦮꦁꦔꦤ꧀꧈​” ¹⁵꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦢꦸꦤꦸꦁꦔꦏꦺꦠꦼꦩ꧀ꦧꦸꦁꦩꦸ​ꦏꦸꦮꦶ​ꦒꦸꦱ꧀ꦠꦶ​!” ¹⁶꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​:“ꦩꦺꦴꦱꦺꦴꦏ꧀ꦏꦺꦴꦮꦺ​ꦲꦸꦒ​ꦢꦸꦫꦸꦁ​ꦢꦸꦤꦸꦁ? ¹⁷ꦩꦺꦴꦱꦺꦴꦏ꧀ꦏꦺꦴꦮꦺ​ꦲꦺꦴꦫ​ꦢꦸꦤꦸꦁꦤꦺꦏ꧀ꦱꦼꦩ꧀ꦧꦫꦁ​ꦱꦶꦁ​ꦩ꧀ꦊꦧꦸ​ꦕꦁꦏꦼꦩ꧀ꦏꦸꦮꦶ​ꦥꦫꦤ꧀ꦤꦺ​ꦪ​ꦤꦁꦮꦼꦠꦼꦁ​ꦠꦼꦫꦸꦱ꧀ꦢꦶꦲꦼꦠꦺꦴꦏ꧀ꦏꦏꦺꦩꦼꦤꦺꦃ​ꦱꦁꦏꦲꦮꦏ꧀? ¹⁸ꦤꦁꦔꦶꦁ​ꦲꦥ​ꦱꦶꦁ​ꦩꦼꦠꦸ​ꦱꦁꦏꦕꦁꦏꦼꦩ꧀ꦩꦺ​ꦮꦺꦴꦁ​ꦏꦸꦮꦶ​ꦩꦼꦠꦸꦤꦺ​ꦱꦁꦏꦲꦠꦶꦤꦺ​꧈​ꦏꦸꦮꦶ​ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦲꦭ​꧉​ ¹⁹ꦲꦮꦶꦠ꧀ꦱꦁꦏꦲꦶꦁ​ꦲꦠꦶ​ꦏꦸꦮꦶ​ꦠꦼꦏꦤꦺ​ꦥꦶꦏꦶꦫꦤ꧀ꦥꦶꦏꦶꦫꦤ꧀ꦱꦶꦁ​ꦲꦭ​꧈​ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦩꦠꦺꦤ꧀ꦤꦶ​꧈​ꦭꦏꦸ​ꦧꦺꦢꦁ꧈​ꦩꦼꦩꦺꦢꦺꦴꦏ꧀ ꦚꦼꦚꦺꦴꦭꦺꦴꦁ​꧈​ꦔꦥꦸꦱ꧀ꦱꦶ​ꦭꦤ꧀ꦚꦼꦚꦠꦸꦂ꧉​ ²⁰ꦥꦽꦏꦫꦥꦽꦏꦫ​ꦏꦸꦮꦶ​ꦱꦶꦁ​ꦩꦫꦏ꧀ꦏꦏꦺꦩꦤꦸꦁꦱ​ꦲꦭ​꧉​ꦤꦁꦔꦶꦁ​ꦩꦁꦔꦤ꧀ꦠꦤ꧀ꦥ​ꦮꦶꦱꦸꦃ​ꦤ꧀ꦢꦶꦱꦶꦏ꧀ ꦏꦸꦮꦶ​ꦲꦺꦴꦫ​ꦩꦫꦏ꧀ꦏꦏꦺꦮꦺꦴꦁ​ꦲꦭ​꧉​”

꧋ꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁ​ꦮꦺꦢꦺꦴꦏ꧀ꦧꦁꦱ​ꦑꦤꦄꦤ꧀꧈​

²¹꧋ꦱꦁꦏꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦤꦁꦧꦮꦃꦲꦺꦏꦸꦠꦱꦶꦢꦺꦴꦤ꧀ꦭꦤ꧀ꦏꦸꦠꦠꦶꦫꦸꦱ꧀꧈​ ²²ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦧꦁꦱ​ꦑꦤꦄꦤ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦕꦼꦭꦸꦏ꧀ꦕꦼꦭꦸꦏ꧀:“ꦒꦸꦱ꧀ꦠꦶ​꧈​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦲꦏꦸ​ꦢꦶꦩꦼꦭꦱ꧀ꦱꦶ!ꦲꦤꦏ꧀ꦏꦸ​ꦮꦺꦢꦺꦴꦏ꧀ꦏꦼꦱꦸꦫꦸꦥ꧀ꦥꦤ꧀ꦢꦼꦩꦶꦠ꧀ꦭꦤ꧀ꦩꦼꦭꦱ꧀ꦱꦏꦺꦠꦼꦤꦤ꧀!” ²³꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦱꦼꦩꦲꦸꦂ​ꦧ꧀ꦭꦱ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦮꦺꦴꦁ​ꦏꦸꦮꦶ​ꦩ꧀ꦧꦺꦴꦏ꧀ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦮꦲꦺ​꧈​ꦲꦮꦶꦠ꧀ꦮꦺꦴꦁꦔꦺ​ꦠꦼꦫꦸꦱ꧀ꦧꦼꦔꦏ꧀ꦧꦼꦔꦺꦴꦏ꧀ꦔꦼꦠꦸꦠ꧀ꦠꦏꦺꦲꦮꦏ꧀ꦏꦺ​ꦢꦺꦮꦺ꧉​” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦶꦏꦶ​ꦢꦶꦏꦺꦴꦁꦏꦺꦴꦤ꧀ꦩꦫꦤꦶ​ꦧꦁꦱ​ꦆꦱꦿꦌꦭ꧀ꦱꦶꦁ​ꦏꦼꦠꦿꦶꦮꦭ꧀꧈​” ²⁵꧋ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦩꦭꦃ​ꦱꦸꦗꦸꦠ꧀ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦚꦸꦮꦸꦤ꧀:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦏꦸ​ꦢꦶꦠꦸꦭꦸꦁꦔꦶ​ꦠ​!” ²⁶꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦺꦴꦫ​ꦲꦥꦶꦏ꧀ꦤꦺꦏ꧀ꦮꦺꦴꦁ​ꦚ꧀ꦗꦶꦏꦸꦏ꧀ꦥꦔꦤ꧀ꦏꦸ​ꦲꦤꦏ꧀ꦏꦺ​ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦲꦱꦸ​꧉​” ²⁷꧋ꦮꦺꦴꦁ​ꦮꦺꦢꦺꦴꦏ꧀ꦏꦺꦱꦼꦩꦲꦸꦂ​:“ꦥꦚ꧀ꦕꦺꦤ꧀ꦧꦼꦤꦼꦂ​꧈​ꦒꦸꦱ꧀ꦠꦶ​꧈​ꦤꦁꦔꦶꦁ​ꦲꦱꦸꦤꦺꦭꦲꦸꦠ꧀ꦪ​ ꦩꦁꦔꦤ꧀ꦠꦸꦫꦃꦲꦤ꧀ꦤꦺ​ꦥꦔꦤ꧀ꦏꦸ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠ​!” ²⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​:“ꦲꦶꦧꦸ​꧈​ꦥꦚ꧀ꦕꦺꦤ꧀ꦒꦼꦢꦺ​ꦠꦼꦤꦤ꧀ꦥꦼꦔꦤ꧀ꦢꦼꦭ꧀ꦩꦸ​꧉​ꦏꦼꦏꦉꦥ꧀ꦥꦤ꧀ꦩꦸ​ꦧꦏꦭ꧀ꦏꦼꦠꦸꦫꦸꦠ꧀ꦠꦤ꧀꧉”ꦭꦤ꧀ꦮꦶꦮꦶꦠ꧀ꦮꦏ꧀ꦠꦸ​ꦏꦸꦮꦶ​ꦲꦤꦏ꧀ꦏꦺ​ꦮꦺꦴꦁꦔꦺ​ꦩꦭꦶꦃ​ꦮꦫꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦲꦺꦴꦏꦺꦃ꧉​

²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦭꦶꦮꦠ꧀ꦥꦶꦁꦒꦶꦂꦫꦺ​ꦩꦺꦂꦓꦭꦶꦭꦺꦪ​꧈​ꦠꦼꦫꦸꦱ꧀ꦩꦸꦁꦒꦃ​ꦒꦸꦤꦸꦁ​꧉​ꦒꦸꦱ꧀ꦠꦶ​ꦪꦺꦯꦸꦱ꧀​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ ³⁰ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦠꦼꦏ​ꦔ꧀ꦒꦮ​ꦮꦺꦴꦁ​ꦭꦸꦩ꧀ꦥꦸꦃ​꧈​ꦮꦺꦴꦁ​ꦥꦶꦚ꧀ꦕꦁ​꧈​ꦮꦺꦴꦁ​ꦭꦩꦸꦂ​꧈​ꦮꦺꦴꦁ​ꦧꦶꦱꦸ​ꦭꦤ꧀ꦮꦺꦴꦁ​ꦭꦫ​ꦭꦶꦪꦭꦶꦪꦤꦺ​꧈​ꦢꦶꦲꦼꦠꦼꦂꦫꦏꦺꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ³¹ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦮꦼꦫꦸꦃ​ꦱꦶꦁ​ꦧꦶꦱꦸ​ꦧꦶꦱ​ꦔꦺꦴꦩꦺꦴꦁ꧈​ꦱꦶꦁ​ꦥꦶꦚ꧀ꦕꦁ​ꦧꦶꦱ​ꦩꦫꦶ​ꦱꦶꦏꦶꦭ꧀ꦭꦺ​꧈​ꦱꦶꦁ​ꦭꦸꦩ꧀ꦥꦸꦃ​ꦧꦶꦱ​ꦩ꧀ꦭꦏꦸ​ꦭꦤ꧀ꦱꦶꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦆꦱꦿꦌꦭ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦩꦫꦁ​ꦮꦺꦴꦁ​ꦥꦶꦫꦁꦥꦶꦫꦁ​ꦲꦺꦮꦸ​꧉​

³²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦲꦏꦸ​ꦩꦼꦭꦱ꧀ꦱꦏꦺꦩꦫꦁ​ꦮꦺꦴꦁꦮꦺꦴꦁ​꧉​ꦮꦶꦱ꧀ꦠꦼꦭꦸꦁ​ꦢꦶꦤ​ꦲꦼꦁꦒꦺꦴꦤꦺ​ꦔꦼꦠꦸꦠ꧀ꦠꦏꦺꦲꦏꦸ​ꦭꦤ꧀ꦱꦲꦶꦏꦶ​ꦮꦶꦱ꧀ꦲꦺꦴꦫ​ꦲꦺꦤꦺꦁꦱꦶꦁ​ꦢꦶꦥꦔꦤ꧀꧈​ꦲꦏꦸ​ꦲꦺꦴꦫ​ꦧꦶꦱ​ꦔꦺꦴꦁꦏꦺꦴꦤ꧀ꦮꦺꦴꦁꦮꦺꦴꦁ​ꦏꦸꦮꦶ​ꦩꦸꦭꦶꦃ​ꦏꦫꦺꦴ​ꦮꦼꦠꦼꦁ​ꦔꦼꦭꦶꦃ​꧈​ꦩꦼꦁꦏꦺꦴ​ꦤ꧀ꦢꦏ꧀ꦲꦩ꧀ꦧꦿꦸꦏ꧀ꦤꦁꦢꦭꦤ꧀꧈​” ³³꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃꦤꦁꦥꦁꦒꦺꦴꦤ꧀ꦤꦤ꧀ꦱꦶꦁꦱꦼꦥꦶꦲꦶꦏꦶꦲꦮꦏ꧀ꦏꦺꦢꦺꦮꦺꦏꦺꦴꦁꦏꦺꦴꦤ꧀​ꦔ꧀ꦒꦺꦴꦭꦺꦏ꧀ꦫꦺꦴꦠꦶꦤꦁꦲꦼꦤ꧀ꦢꦶꦏꦁꦒꦺꦴꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁꦱꦼꦩꦺꦴꦤꦺꦴꦲꦺꦴꦏꦺꦃꦲꦺ?” ³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦏꦺꦴꦮꦺ​ꦤ꧀ꦢꦸꦮꦺꦫꦺꦴꦠꦶ​ꦥꦶꦫ​?”ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦱꦼꦩꦲꦸꦂ​:“ꦲꦺꦤꦺꦁꦫꦺꦴꦠꦶ​ꦥꦶꦠꦸ​ꦭꦤ꧀ꦲꦶꦮꦏ꧀ꦕꦶꦭꦶꦏ꧀ꦕꦶꦭꦶꦏ꧀ꦱꦶꦗꦶꦭꦺꦴꦫꦺꦴ꧉​” ³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁꦮꦺꦴꦁ​ꦱꦸꦥꦪ​ꦥꦢ​ꦚ꧀ꦗꦒꦺꦴꦁꦤꦁꦊꦩꦃ​꧉​ ³⁶ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦢꦺꦏ꧀ꦤꦺ​ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦥꦶꦠꦸ​ꦏꦫꦺꦴ​ꦲꦶꦮꦏ꧀ꦏꦺ​ꦩꦲꦸ​ꦠꦼꦫꦸꦱ꧀​ꦤ꧀ꦢꦺꦴꦁꦔꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦺꦴꦠꦶꦤꦺ​ꦭꦤ꧀ꦲꦶꦮꦏ꧀ꦏꦺ​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦔꦼꦢꦸꦩ꧀ꦫꦺꦴꦠꦶ​ꦭꦤ꧀ꦲꦶꦮꦏ꧀ꦏꦺ​ꦩꦫꦁ​ꦮꦺꦴꦁꦮꦺꦴꦁ​꧉​ ³⁷ꦮꦺꦴꦁ​ꦏꦧꦺꦃ​ꦥꦢ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦠꦸꦫꦃꦲꦤ꧀ꦤꦺ​꧈​ꦲꦺꦤ꧀ꦠꦸꦏ꧀ꦥꦶꦠꦸꦁ​ꦠꦺꦁꦒꦺꦴꦏ꧀ꦏꦼꦧꦼꦏ꧀꧈​ ³⁸ꦮꦺꦴꦁꦔꦺ​ꦭꦤꦁ​ꦱꦶꦁ​ꦩꦺꦭꦸ​ꦩꦁꦔꦤ꧀ꦲꦺꦤꦺꦁꦥꦠꦁ​ꦲꦺꦮꦸ​ꦲꦺꦴꦏꦺꦃꦲꦺ꧈​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦭꦤ꧀ꦧꦺꦴꦕꦃꦧꦺꦴꦕꦃ​ꦢꦸꦫꦸꦁ​ꦢꦶꦲꦶꦠꦸꦁ꧉​ ³⁹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁꦮꦺꦴꦁ​ꦩꦸꦭꦶꦃ​꧉​ꦢꦺꦏ꧀ꦤꦺꦠꦼꦫꦸꦱ꧀ꦤꦸꦩ꧀ꦥꦏ꧀ꦥꦿꦲꦸ​ꦲꦉꦥ꧀ꦤꦁꦧꦮꦃꦩꦏꦢꦤ꧀꧈​

꧋ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​ꦚ꧀ꦗꦭꦸꦏ꧀ꦠꦤ꧀ꦢ꧉​

꧇​꧑꧖꧇​ ¹꧋ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦸꦗꦸꦮꦤ꧀ꦤꦺ​ꦲꦉꦥ꧀ꦔꦼꦤꦺꦁꦢꦺꦏ꧀ꦤꦺ꧉​ꦩꦸꦭꦤꦺ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦠꦤ꧀ꦢꦤꦺꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:(“ꦤꦺꦏ꧀ꦱꦺꦴꦫꦺ​ꦭꦔꦶꦠ꧀ꦠꦺ​ꦏꦺꦠꦺꦴꦏ꧀ꦲꦧꦁ​ꦩꦸꦫꦸꦥ꧀ ꦏꦺꦴꦮꦺ​ꦔꦺꦴꦩꦺꦴꦁꦤꦺꦏ꧀ꦲꦉꦥ꧀ꦠꦼꦫꦁ​꧉​ ³ꦤꦺꦏ꧀ꦲꦺꦱꦸꦏ꧀ꦭꦔꦶꦠ꧀ꦠꦺ​ꦏꦺꦠꦺꦴꦏ꧀ꦲꦧꦁ​ꦥꦼꦠꦼꦁ​꧈​ꦏꦺꦴꦮꦺ​ꦔꦺꦴꦩꦺꦴꦁꦤꦺꦏ꧀ꦲꦉꦥ꧀ꦲꦸꦢꦤ꧀꧈​ꦏꦺꦴꦮꦺ​ꦥꦢ​ꦧꦶꦱ​ꦤꦶꦠꦺꦤ꧀ꦤꦶ​ꦠꦤ꧀ꦢꦠꦤ꧀ꦢꦤꦺꦤꦺꦏ꧀ꦲꦉꦥ꧀ꦠꦼꦫꦁ​ꦲꦥ​ꦲꦸꦢꦤ꧀ ꦤꦁꦔꦶꦁ​ꦠꦤ꧀ꦢꦠꦤ꧀ꦢꦤꦺꦗꦩꦤ꧀ꦏꦺꦴꦮꦺ​ꦲꦺꦴꦫ​ꦢꦸꦤꦸꦁ꧉​) ⁴ꦏꦺꦴꦮꦺ​ꦮꦺꦴꦁ​ꦲꦭ​ꦭꦤ꧀ꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦺꦁꦢꦶꦥꦽꦕꦪ​꧈​ꦏꦺꦴꦮꦺ​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢ꧉​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦲꦺꦤ꧀ꦠꦸꦏ꧀ꦠꦤ꧀ꦢꦏꦸꦮꦶ​꧈​ꦏꦼꦗꦧ​ꦤꦩꦸꦁ​ꦠꦤ꧀ꦢꦤꦺꦤꦧꦶ​ꦪꦺꦴꦤꦃ꧉​” ꧋ꦱꦏ꧀ꦮꦶꦱ꧀ꦱꦺ​ꦔꦺꦴꦩꦺꦴꦁꦔꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧈​ꦤꦶꦁꦒꦭ꧀ꦮꦺꦴꦁꦮꦺꦴꦁ​ꦏꦸꦮꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦤꦺꦤ꧀ꦤꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​

⁵꧋ꦢꦺꦴꦁꦔꦺꦥꦢ​ꦔꦧꦿꦃꦩꦺꦂ꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦭꦭꦶ​ꦔ꧀ꦒꦮ​ꦫꦺꦴꦠꦶ​꧉​ ⁶ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​:“ꦏꦺꦴꦮꦺ​ꦥꦢ​ꦱꦶꦁ​ꦲꦠꦶꦲꦠꦶꦠꦼꦤꦤ꧀ꦏꦫꦺꦴ​ꦫꦒꦶꦤꦺ​ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​꧉​” ⁷꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦫꦱꦤ꧀ꦫꦱꦤ꧀:“ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​ꦗꦭꦂꦫꦤ꧀ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦔ꧀ꦒꦮ​ꦫꦺꦴꦠꦶ​꧉​” ⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦲꦥ​ꦱꦶꦁ​ꦢꦶꦉꦩ꧀ꦧꦸꦏ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ ꦔꦺꦴꦩꦺꦴꦁꦔꦏꦺꦧꦧ꧀ꦲꦺꦴꦫ​ꦔ꧀ꦒꦮ​ꦫꦺꦴꦠꦶ​?ꦏꦺꦴꦮꦺ​ꦏꦺꦴꦏ꧀ꦕꦶꦭꦶꦏ꧀ꦠꦼꦤꦤ꧀ꦥꦼꦔꦤ꧀ꦢꦼꦭ꧀ꦭꦺ​? ⁹ꦩꦺꦴꦱꦺꦴꦏ꧀ꦏꦺꦴꦮꦺ​ꦢꦸꦫꦸꦁ​ꦤꦶꦠꦺꦤ꧀ꦤꦶ​ꦭꦤ꧀ꦢꦸꦫꦸꦁ​ꦢꦸꦤꦸꦁ?ꦲꦥ​ꦏꦺꦴꦮꦺ​ꦮꦶꦱ꧀ꦥꦢ​ꦭꦭꦶ​ꦫꦺꦴꦠꦶ​ꦭꦶꦩ​ꦱꦶꦁ​ꦏꦁꦒꦺꦴ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦭꦶꦩꦁ​ꦲꦺꦮꦸ​ꦏꦲꦺ​꧉​ꦥꦶꦫꦁ​ꦠꦺꦁꦒꦺꦴꦏ꧀ꦠꦸꦫꦃꦲꦤ꧀ꦤꦺ​ꦱꦶꦁ​ꦲꦩ꧀ꦧꦺꦴꦏ꧀ꦭꦸꦩ꧀ꦥꦸꦏ꧀ꦏꦏꦺ? ¹⁰ꦭꦤ꧀ꦫꦺꦴꦠꦶ​ꦥꦶꦠꦸ​ꦱꦶꦁ​ꦏꦁꦒꦺꦴ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦥꦠꦁ​ꦲꦺꦮꦸ​ꦏꦲꦺ​?ꦲꦥ​ꦮꦶꦱ꧀ꦥꦢ​ꦭꦭꦶ​?ꦥꦶꦫꦁ​ꦠꦺꦁꦒꦺꦴꦏ꧀ꦠꦸꦫꦃꦲꦤ꧀ꦤꦺ​ꦱꦶꦁ​ꦲꦩ꧀ꦧꦺꦴꦏ꧀ꦭꦸꦩ꧀ꦥꦸꦏ꧀ꦏꦏꦺ? ¹¹ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦥꦢ​ꦔꦼꦂꦠꦶ​ꦤꦺꦏ꧀ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦏꦸꦮꦶ​ꦲꦺꦴꦫ​ꦧꦧ꧀ꦫꦺꦴꦠꦶ​?ꦲꦏꦸ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦱꦸꦥꦪ​ꦥꦢ​ꦲꦠꦶꦲꦠꦶꦠꦼꦤꦤ꧀ꦏꦫꦺꦴ​ꦫꦒꦶꦤꦺ​ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​꧉​” ¹²꧋ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦩꦸꦫꦶꦢ꧀ꦩꦸꦫꦶꦢ꧀ꦥꦢ​ꦢꦸꦤꦸꦁꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦢꦺꦏ꧀ꦤꦺꦲꦺꦴꦫ​ꦔꦺꦴꦩꦺꦴꦁꦔꦏꦺꦧꦧ꧀ꦫꦒꦶ​ꦱꦶꦁ​ꦢꦶꦲꦼꦁꦒꦺꦴ​ꦔ꧀ꦒꦮꦺ​ꦫꦺꦴꦠꦶ​꧈​ꦤꦁꦔꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦏꦸꦢꦸ​ꦱꦶꦁ​ꦲꦠꦶꦲꦠꦶꦏꦫꦺꦴ​ꦥꦶꦮꦸꦭꦁꦔꦺ​ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦱꦢꦸꦏꦶ​꧉​

꧋ꦫꦱꦸꦭ꧀ꦦꦺꦠꦿꦸꦱ꧀ꦔꦏꦺꦴꦤ꧀ꦤꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦑꦿꦶꦱ꧀ꦠꦸꦱ꧀꧈​

¹³꧋ꦏꦢꦸꦁ​ꦮꦶꦱ꧀ꦠꦼꦏꦤ꧀ꦱꦏ꧀ꦕꦼꦢꦼꦏ꧀ꦏꦺ​ꦏꦸꦠꦯꦺꦱꦫꦺꦪꦥ꦳ꦶꦭꦶꦥꦶ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦩꦶꦠꦸꦫꦸꦠ꧀ꦲꦺꦴꦩꦺꦴꦁꦔꦤ꧀ꦤꦺ​ꦮꦺꦴꦁꦮꦺꦴꦁ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦮꦶ​ꦱꦥ​?” ¹⁴꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦱꦼꦩꦲꦸꦂ​:“ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦏꦺꦴꦮꦺ​ꦏꦸꦮꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦭꦶꦪꦤꦺ​ꦔꦺꦴꦩꦺꦴꦁꦗꦫꦺꦤꦺꦏꦺꦴꦮꦺ​ꦤꦧꦶ​ꦌꦭꦶꦪ​ꦭꦤ꧀ꦭꦶꦪꦤꦺ​ꦩꦼꦤꦺꦃ​ꦔꦫꦤ꧀ꦤꦶ​ꦏꦺꦴꦮꦺ​ꦤꦧꦶ​ꦪꦺꦉꦩꦶꦪꦲꦥ​ꦤꦧꦶ​ꦭꦶꦪꦤꦺ​꧉​” ¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦤꦺꦏ꧀ꦩꦶꦠꦸꦫꦸꦠ꧀ꦏꦺꦴꦮꦺ​ꦢꦺꦮꦺ꧈​ꦲꦏꦸ​ꦲꦶꦏꦶ​ꦱꦥ​?” ¹⁶꧋ꦫꦱꦸꦭ꧀ꦱꦶꦩꦺꦴꦤ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦑꦿꦶꦱ꧀ꦠꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦸꦫꦶꦥ꧀!” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦗꦠꦼꦤꦤ꧀ꦏꦺꦴꦮꦺ​ꦱꦶꦩꦺꦴꦤ꧀ ꦲꦤꦏ꧀ꦏꦺ​ꦪꦺꦴꦤꦃ꧈​ꦲꦮꦶꦠ꧀ꦢꦸꦢꦸ​ꦩꦤꦸꦁꦱ​ꦱꦶꦁ​ꦤ꧀ꦢꦸꦤꦸꦁꦔꦏꦺꦏꦸꦮꦶ​ꦩꦫꦁ​ꦏꦺꦴꦮꦺ​꧈​ꦤꦁꦔꦶꦁ​ꦧꦥꦏ꧀ꦏꦸ​ꦤꦁꦱ꧀ꦮꦂꦒ​꧉​ ¹⁸ꦭꦤ꧀ꦲꦏꦸ​ꦔꦺꦴꦩꦺꦴꦁꦲꦶꦏꦶ​ꦩꦫꦁ​ꦏꦺꦴꦮꦺ​:ꦏꦺꦴꦮꦺ​ꦏꦸꦮꦶ​ꦦꦺꦠꦿꦸꦱ꧀ ꦮꦠꦸ​ꦭꦤ꧀ꦲꦶꦁ​ꦮꦠꦸ​ꦏꦸꦮꦶ​ꦲꦏꦸ​ꦧꦏꦭ꧀ꦔꦼꦢꦼꦏ꧀ꦏꦏꦺꦥꦱꦩꦸꦮꦤ꧀ꦏꦸꦭꦤ꧀ꦥꦔ꧀ꦮꦱꦤꦺ​ꦥꦠꦶ​ꦲꦺꦴꦫ​ꦧꦏꦭ꧀ꦧꦶꦱ​ꦔꦭꦃꦲꦏꦺ꧉​ ¹⁹ꦏꦺꦴꦮꦺ​ꦧꦏꦭ꧀ꦠꦏ꧀ꦥꦱꦿꦃꦲꦶ​ꦏꦸꦚ꧀ꦕꦶꦤꦺ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦠꦭꦺꦤ꧀ꦤꦶꦤꦁꦧꦸꦩꦶ​ꦏꦺꦤꦺ​꧈​ꦧꦏꦭ꧀ꦢꦶꦠꦭꦺꦤ꧀ꦤꦶ​ꦲꦸꦒ​ꦤꦁꦱ꧀ꦮꦂꦒ​꧉​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦸꦕꦸꦭ꧀ꦭꦶ​ꦤꦁꦧꦸꦩꦶ​ꦏꦺꦤꦺ​꧈​ꦏꦸꦮꦶ​ꦲꦸꦒ​ꦧꦏꦭ꧀ꦢꦶꦲꦸꦕꦸꦭ꧀ꦭꦶ​ꦤꦁꦱ꧀ꦮꦂꦒ​꧉​” ²⁰꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦏꦺꦩꦫꦁ​ꦱꦥꦱꦥ​ꦤꦺꦏ꧀ꦢꦺꦏ꧀ꦤꦺꦏꦸꦮꦶ​ꦑꦿꦶꦱ꧀ꦠꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦱꦁꦱꦫ​ꦭꦤ꧀ꦥꦠꦶꦤꦺ​ꦭꦤ꧀ꦠꦔꦶꦤꦺ​ꦱꦁꦏꦥꦠꦶ​꧉​

²¹꧋ꦮꦶꦮꦶꦠ꧀ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦺꦏ꧀ꦢꦺꦏ꧀ꦤꦺꦏꦸꦢꦸ​ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀꧈​ꦤꦁꦏꦤ​ꦢꦺꦏ꧀ꦤꦺꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​꧈​ꦗꦭꦂꦫꦤ꧀ꦱꦁꦏꦥꦫ​ꦥꦼꦤꦸꦤ꧀ꦠꦸꦤꦺ​ꦫꦪꦠ꧀ ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​꧉​ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦧꦏꦭ꧀ꦠꦔꦶ​ꦱꦁꦏꦏꦸꦧꦸꦂꦫꦤ꧀꧈​ ²²꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦤꦫꦶꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦫꦢ​ꦲꦢꦺꦴꦃ​ꦱꦁꦏꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦩꦸꦒꦩꦸꦒ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦭꦁꦔꦭꦁꦔꦶ꧈​ꦱꦸꦥꦪ​ꦥꦽꦏꦫꦥꦽꦏꦫ​ꦏꦸꦮꦶ​ꦏꦧꦺꦃ​ꦲꦺꦴꦫ​ꦔꦤ꧀ꦠꦶ​ꦏ꧀ꦭꦏꦺꦴꦤ꧀꧈​” ²³꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦔꦼꦂ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀:“ꦭꦸꦔꦲ​ꦱꦁꦏꦔꦉꦥ꧀ꦏꦸ​꧈​ꦱꦺꦠꦤ꧀​!ꦏꦺꦴꦮꦺ​ꦔꦭꦁꦔꦭꦁꦔꦶꦲꦏꦸ​꧈​ꦲꦮꦶꦠ꧀ꦏꦺꦴꦮꦺ​ꦩꦤꦸꦠ꧀ꦏꦉꦥ꧀ꦥꦺ​ꦩꦤꦸꦁꦱ​꧈​ꦲꦺꦴꦫ​ꦩꦤꦸꦠ꧀ꦏꦉꦥ꧀ꦥꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦩꦺꦭꦸ​ꦲꦏꦸ​ꦏꦸꦢꦸ​ꦔ꧀ꦭꦭꦺꦏ꧀ꦏꦏꦺꦲꦸꦫꦶꦥ꧀ꦥꦺꦢꦺꦮꦺ꧈​ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦭꦤ꧀ꦔꦼꦠꦸꦠ꧀ꦠꦏꦺꦲꦏꦸ​꧉​ ²⁵ꦲꦮꦶꦠ꧀ꦱꦥ​ꦱꦶꦁ​ꦔꦸꦢꦶ​ꦚ꧀ꦭꦩꦼꦠ꧀ꦠꦏꦺꦲꦸꦫꦶꦥ꧀ꦥꦺ꧈​ꦩꦭꦃ​ꦧꦏꦭ꧀ꦏꦺꦭꦁꦔꦤ꧀꧈​ꦤꦁꦔꦶꦁ​ꦱꦥ​ꦱꦶꦁ​ꦏꦺꦭꦁꦔꦤ꧀ꦲꦸꦫꦶꦥ꧀ꦥꦺꦗꦭꦂꦫꦤ꧀​ꦔ꧀ꦭꦧꦸꦃꦲꦶ​ꦲꦏꦸ​꧈​ꦏꦸꦮꦶ​ꦱꦶꦁ​ꦧꦏꦭ꧀ꦤꦼꦩꦸ​ꦲꦸꦫꦶꦥ꧀ꦥꦺ꧉​ ²⁶ꦲꦮꦶꦠ꧀ꦲꦥ​ꦒꦸꦤꦤꦺ​ꦩꦤꦸꦁꦱ​ꦤ꧀ꦢꦸꦮꦺꦤ꧀ꦤꦶ​ꦢꦺꦴꦚ​ꦲꦶꦏꦶ​ꦱꦏ꧀ꦏꦧꦺꦃꦲꦺ꧈​ꦤꦁꦔꦶꦁ​ꦏꦺꦭꦁꦔꦤ꧀ꦚꦮꦤꦺ​?ꦲꦥ​ꦲꦸꦫꦶꦥ꧀ꦏꦸꦮꦶ​ꦲꦺꦤꦺꦁꦲꦶꦗꦺꦴꦭ꧀ꦭꦺ​? ²⁷ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦠꦼꦏ​ꦧꦉꦁ​ꦏꦫꦺꦴ​ꦩꦸꦭꦺꦏꦠ꧀ꦩꦸꦭꦺꦏꦠ꧀ꦠꦺꦔꦁꦒꦺꦴ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦭꦤ꧀ꦢꦺꦏ꧀ꦤꦺꦧꦏꦭ꧀ꦔꦸꦥꦃꦲꦶꦏꦧꦺꦃ​ꦩꦤꦸꦠ꧀ꦥꦼꦁꦒꦮꦺꦤꦺ​ꦢꦺꦮꦺꦢꦺꦮꦺ꧉​ ²⁸ꦢꦶꦠꦶꦠꦺꦤ꧀ꦤꦶ​ꦲꦺꦴꦩꦺꦴꦁꦏꦸꦲꦶꦏꦶ​:ꦤꦁꦠꦼꦔꦃꦲꦺ​ꦮꦺꦴꦁ​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦧꦏꦭ꧀ꦲꦺꦤꦺꦁꦱꦶꦁ​ꦲꦺꦴꦫ​ꦧꦏꦭ꧀ꦩꦠꦶ​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦲꦶꦁ​ꦏꦿꦠꦺꦴꦤꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦸꦤꦸꦁ​ꦏꦫꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​

꧇​꧑꧗꧇​ ¹꧋ꦤꦼꦩ꧀ꦢꦶꦤ​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦗꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ ꦱꦼꦢꦸꦭꦸꦂꦫꦺ​ꦪꦺꦴꦲꦤꦼꦱ꧀ ꦩꦸꦁꦒꦃ​ꦤꦁꦒꦸꦤꦸꦁ​ꦱꦶꦁ​ꦢꦸꦮꦸꦂ꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦭꦶꦃ​ꦫꦸꦥ​ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦱꦶꦁ​ꦩꦺꦭꦸ​ꦥꦢ​ꦮꦼꦫꦸꦃ​ꦏꦧꦺꦃ​꧉​ꦫꦲꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩ꧀ꦭꦺꦴꦫꦺꦴꦠ꧀ꦏꦪ​ꦱꦽꦔꦺꦔꦺ​ꦭꦤ꧀ꦱꦭꦶꦤ꧀ꦤꦺꦩꦭꦶꦃ​ꦥꦸꦠꦶꦃ​ꦏꦪ​ꦥꦼꦥꦢꦁ꧉​ ³ꦩꦸꦫꦶꦢ꧀ꦠꦼꦭꦸ​ꦩꦲꦸ​ꦠꦼꦫꦸꦱ꧀ꦮꦼꦫꦸꦃ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦏꦺꦴꦏ꧀​ꦤ꧀ꦢꦶꦭꦭꦃꦠꦼꦩꦼꦤ꧀ꦲꦮꦏ꧀ꦏꦺ​ꦢꦺꦮꦺꦤꦁꦏꦺꦤꦺ​꧉​ꦤꦺꦏ꧀ꦒꦸꦱ꧀ꦠꦶ​ꦒꦼꦊꦩ꧀ ꦲꦏꦸ​ꦔꦼꦢꦼꦏ꧀ꦏꦏꦺꦒꦸꦧꦸꦏ꧀ꦠꦼꦭꦸ​꧈​ꦱꦶꦗꦶ​ꦏꦁꦒꦺꦴ​ꦒꦸꦱ꧀ꦠꦶ​꧈​ꦱꦶꦗꦶ​ꦏꦁꦒꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦱꦶꦗꦶ​ꦩꦼꦤꦺꦃ​ꦏꦁꦒꦺꦴ​ꦤꦧꦶ​ꦌꦭꦶꦪ​꧉​” ⁵꧋ꦢꦺꦴꦁꦔꦺꦫꦱꦸꦭ꧀ꦦꦺꦠꦿꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦔꦺꦴꦤꦺꦴ​꧈​ꦠꦼꦫꦸꦱ꧀ꦲꦺꦤꦺꦁꦩꦺꦒ​ꦥꦢꦁꦔꦼꦩꦸꦭ꧀ꦭꦶ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​꧈​ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦱꦁꦏꦩꦺꦒ​ꦩꦲꦸ​ꦔꦺꦴꦩꦺꦴꦁ:“ꦲꦶꦏꦶ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ;ꦥꦢ​ꦔ꧀ꦒꦸꦒꦸꦮꦠꦼꦩ꧀ꦧꦸꦁꦔꦺ​!” ⁶꧋ꦏꦢꦸꦁ​ꦏꦿꦸꦔꦸ​ꦱ꧀ꦮꦫ​ꦏꦸꦮꦶ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦥꦢ​ꦏꦒꦺꦠ꧀ꦭꦤ꧀ꦮꦼꦢꦶ​꧈​ꦱꦩ꧀ꦥꦺꦏ꧀ꦥꦢ​ꦤꦶꦧ​ꦤꦁꦊꦩꦃ​꧉​ ⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦢꦼꦏ꧀ꦏꦶꦭꦤ꧀​ꦤ꧀ꦢꦼꦩꦺꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦫꦺꦴ​ꦔꦺꦴꦩꦺꦴꦁ:“ꦥꦢ​ꦔꦢꦼꦏ꧀ꦏ!ꦲꦗ​ꦥꦢ​ꦮꦼꦢꦶ​!” ⁸ꦏꦢꦸꦁ​ꦮꦶꦱ꧀ꦔꦢꦼꦏ꧀ꦠꦼꦫꦸꦱ꧀ꦤꦩꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺ꧈​ꦲꦺꦴꦫ​ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​꧉​ ⁹꧋ꦢꦺꦴꦁꦔꦺꦩꦼꦢꦸꦤ꧀ꦱꦁꦏꦒꦸꦤꦸꦁ​ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦗ​ꦔꦺꦴꦩꦺꦴꦁꦏꦫꦺꦴ​ꦱꦥꦱꦥ​ꦧꦧ꧀ꦲꦥ​ꦱꦶꦁ​ꦏꦺꦴꦮꦺ​ꦥꦢ​ꦮꦼꦫꦸꦃ​ꦩꦲꦸ​꧈​ꦱꦏ꧀ꦢꦸꦫꦸꦁꦔꦺꦲꦤꦏ꧀ꦏꦺ​ꦩꦤꦸꦁꦱ​ꦠꦔꦶ​ꦱꦁꦏꦥꦠꦶ​꧉​” ¹⁰꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦏꦼꦤꦺꦁꦲꦥ​ꦥꦫ​ꦒꦸꦫꦸ​ꦏꦶꦠꦧ꧀​ꦏꦺꦴꦏ꧀ꦔꦺꦴꦩꦺꦴꦁꦤꦺꦏ꧀ꦤꦧꦶ​ꦌꦭꦶꦪ​ꦏꦸꦢꦸ​ꦠꦼꦏ​ꦤ꧀ꦢꦶꦱꦶꦏ꧀?” ¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ ꦤꦧꦶ​ꦌꦭꦶꦪ​ꦠꦼꦏ​ꦤ꧀ꦢꦶꦱꦶꦏ꧀ꦭꦤ꧀ꦢꦺꦏ꧀ꦤꦺꦧꦏꦭ꧀ꦚꦮꦶꦱ꧀ꦱꦏꦺꦱꦼꦩ꧀ꦧꦫꦁ​ꦏꦧꦺꦃ​꧉​ ¹²ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ:ꦤꦧꦶ​ꦌꦭꦶꦪ​ꦮꦶꦱ꧀ꦠꦼꦏ​꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦲꦺꦴꦫ​ꦥꦢ​ꦤꦶꦠꦺꦤ꧀ꦤꦶ​ꦢꦺꦏ꧀ꦤꦺ꧉​ꦢꦺꦏ꧀ꦤꦺꦩꦭꦃ​ꦢꦶꦒꦮꦺ​ꦱꦏ꧀ꦏꦉꦥ꧀ꦥꦺ​꧉​ꦩꦼꦁꦏꦺꦴꦤꦺꦴ​ꦲꦸꦒ​ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦤꦶꦤ꧀ꦢꦏ꧀ꦏꦏꦺꦱꦏ꧀ꦏꦉꦥ꧀ꦥꦺ​ꦩꦫꦁ​ꦲꦤꦏ꧀ꦏꦺ​ꦩꦤꦸꦁꦱ​꧉​” ¹³꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦩꦲꦸ​ꦠꦼꦫꦸꦱ꧀ꦥꦢ​ꦢꦸꦤꦸꦁꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦔꦺꦴꦩꦺꦴꦁꦔꦏꦺꦧꦧ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦧꦺꦴꦕꦃ​ꦭꦫ​ꦲꦪꦤ꧀ꦤꦼꦤ꧀꧈​

¹⁴꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦩꦼꦤꦺꦃ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦩꦫ​ꦭꦤ꧀ꦤꦶꦧ​ꦤꦁꦔꦉꦥ꧀ꦥꦺ​ꦏꦫꦺꦴ​ꦚꦸꦮꦸꦤ꧀: ¹⁵“ꦢꦸꦃ​ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦩꦼꦭꦱ꧀ꦩꦫꦁ​ꦲꦤꦏ꧀ꦏꦸ​ꦭꦤꦁ​꧉​ꦢꦺꦏ꧀ꦤꦺꦭꦫ​ꦲꦪꦤ꧀ꦤꦼꦤ꧀ꦭꦤ꧀ꦪ​ꦮꦶꦱ꧀ꦤꦼꦩꦼꦤ꧀꧈​ꦧꦺꦴꦕꦃꦲꦺ​ꦲꦗꦼꦏ꧀ꦠꦶꦧ​ꦤꦁꦒꦼꦤꦶ​ꦭꦤ꧀ꦤꦁꦧꦚꦸ​꧉​ ¹⁶ꦲꦏꦸ​ꦮꦶꦱ꧀​ꦔ꧀ꦒꦮ​ꦧꦺꦴꦕꦃꦲꦺ​ꦤꦁꦔ꧀ꦒꦺꦴꦤ꧀ꦤꦺꦩꦸꦫꦶꦢ꧀ꦩꦸꦫꦶꦢ꧀ꦩꦸ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦤꦸꦭꦸꦁꦔꦶ​꧉​” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦏ꧀ꦏꦼꦧꦕꦸꦠ꧀ꦠꦼꦤꦤ꧀ꦲꦼꦁꦒꦺꦴꦤ꧀ꦩꦸ​ꦲꦺꦴꦫ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦼꦥꦶꦫ​ꦩꦼꦤꦺꦃ​ꦱꦸꦮꦺꦤꦺ​ꦲꦼꦁꦒꦺꦴꦤ꧀ꦏꦸ​ꦏꦸꦢꦸ​ꦕꦩ꧀ꦥꦸꦂ​ꦭꦤ꧀ꦚꦧꦂꦫꦶ​ꦏꦺꦴꦮꦺ​?ꦧꦺꦴꦕꦃꦲꦺ​ꦒꦮꦤꦼꦤ꧀​ꦩ꧀ꦧꦿꦺꦤꦺ!” ¹⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦠꦺꦱꦶꦁ​ꦔ꧀ꦮꦱꦤꦶ​ꦧꦺꦴꦕꦃꦲꦺ​꧉​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦭꦸꦔ​ꦭꦤ꧀ꦧꦺꦴꦕꦃꦲꦺ​ꦱꦏ꧀ꦮꦠ꧀ꦠꦼꦫꦸꦱ꧀ꦩꦫꦶ​꧉​ ¹⁹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦩꦫꦤꦶ​ꦢꦺꦏ꧀ꦤꦺ꧉​ꦏꦢꦸꦁ​ꦢꦺꦮꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦏꦼꦤꦺꦁꦲꦥ​ꦲꦮꦏ꧀ꦏꦺ​ꦢꦺꦮꦺꦏꦺꦴꦏ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦠꦺ?” ²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦮꦶꦠ꧀ꦥꦼꦔꦤ꧀ꦢꦼꦭ꧀ꦩꦸ​ꦕꦶꦭꦶꦏ꧀!ꦔꦼꦂꦠꦶꦪ​꧈​ꦤꦺꦏ꧀ꦏꦺꦴꦮꦺ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀ꦱꦶꦁ​ꦒꦼꦢꦺꦤꦺꦤꦩꦸꦁ​ꦱꦏ꧀ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦢꦺꦮꦺꦮꦲꦺ​꧈​ꦏꦺꦴꦮꦺ​ꦧꦶꦱ​ꦔꦺꦴꦩꦺꦴꦁꦩꦫꦁ​ꦒꦸꦤꦸꦁ​ꦏꦸꦮꦶ​:'ꦔꦭꦶꦃꦲ​ꦩ꧀ꦧꦿꦤ꧈'​ꦩꦼꦱ꧀ꦠꦶꦒꦸꦤꦸꦁꦔꦺ​ꦩꦤꦸꦠ꧀꧈​ꦲꦺꦴꦫ​ꦧꦏꦭ꧀ꦲꦺꦤꦺꦁꦧꦫꦁ​ꦱꦶꦁ​ꦩꦺꦴꦏꦭ꧀ꦏꦁꦒꦺꦴ​ꦏꦺꦴꦮꦺ​꧉​ ²¹(ꦤꦁꦔꦶꦁ​ꦢꦼꦩꦶꦠ꧀ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦭꦸꦔꦤꦺ​ꦤꦩꦸꦁ​ꦔꦁꦒꦺꦴ​ꦥꦤ꧀ꦢꦺꦴꦔ​ꦭꦤ꧀ꦥꦱ​꧉)”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦥꦶꦁ​ꦥꦶꦤ꧀ꦢꦺꦴꦤꦺꦤꦺꦏ꧀ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​ꦭꦤ꧀ꦥꦠꦶ​꧉​

²²꧋ꦢꦺꦴꦁꦔꦺꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦶꦗꦶꦏ꧀ꦥꦢ​ꦔꦸꦩ꧀ꦥꦸꦭ꧀ꦤꦁꦧꦮꦃꦓꦭꦶꦭꦺꦪ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ ꦮꦺꦴꦁꦮꦺꦴꦁ​꧉​ ²³ꦢꦺꦏ꧀ꦤꦺ​ꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺ​ꦧꦏꦭ꧀ꦢꦶꦠꦔꦺꦏ꧀ꦏꦏꦺꦩꦼꦤꦺꦃ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦥꦢ​ꦱꦼꦢꦶꦧꦔꦼꦠ꧀꧈​

꧋ꦧꦧ꧀ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦏꦁꦒꦺꦴ​ꦒꦿꦺꦗ​ꦒꦼꦢꦺ​꧉​

²⁴꧋ꦏꦢꦸꦁ​ꦥꦢ​ꦠꦼꦏ​ꦤꦁꦏꦸꦠꦑꦥꦺꦂꦤꦏꦸꦩ꧀ ꦮꦺꦴꦁꦮꦺꦴꦁ​ꦱꦶꦁ​ꦚ꧀ꦗꦭꦸꦏ꧀ꦏꦶꦧꦼꦭꦱ꧀ꦠꦶꦁꦏꦁꦒꦺꦴ​ꦒꦿꦺꦗ​ꦒꦼꦢꦺ​ꦥꦢ​ꦩꦫꦤꦶ​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦠꦏꦺꦴꦤ꧀:“ꦲꦥ​ꦒꦸꦫꦸꦩꦸ​ꦪ​ꦩꦺꦭꦸ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦔꦺꦒꦿꦺꦗ​ꦒꦼꦢꦺ​?” ²⁵꧋ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦭꦃ​ꦏꦺꦴꦏ꧀ꦲꦺꦴꦫ​?” ꧋ꦏꦢꦸꦁ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦏꦤ꧀ꦲꦺꦴꦩꦃ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦏꦺꦴꦤ꧀ꦤꦶ​ꦢꦺꦏ꧀ꦤꦺ꧈​ꦱꦏ꧀ꦢꦸꦫꦸꦁꦔꦺꦫꦱꦸꦭ꧀ꦦꦺꦠꦿꦸꦱ꧀ꦢꦺꦮꦺꦔꦺꦴꦩꦺꦴꦁꦲꦥꦲꦥ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦱꦶꦩꦺꦴꦤ꧀ ꦏꦼꦥꦿꦶꦪꦺ​ꦥꦶꦤꦼꦩꦸꦩꦸ?ꦱꦥ​ꦱꦶꦁ​ꦏꦸꦢꦸ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦩꦫꦁ​ꦫꦠꦸ​ꦲꦶꦁ​ꦢꦺꦴꦚ​ꦏꦺꦤꦺ​:ꦮꦂꦒꦤꦺ​ꦤꦼꦒꦫ​ꦲꦥ​ꦮꦺꦴꦁ​ꦭꦶꦪ​?” ²⁶꧋ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦪ​ꦮꦺꦴꦁꦮꦺꦴꦁ​ꦭꦶꦪ​!” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦢꦢꦶꦤꦺ​ꦲꦤꦏ꧀ꦲꦤꦏꦤ꧀ꦤꦺꦤꦼꦒꦫ​ꦲꦺꦴꦫ​ꦲꦸꦱꦃꦲꦩ꧀ꦧꦪꦂ​꧉​ ²⁷ꦤꦁꦔꦶꦁꦲꦮꦏ꧀ꦏꦺꦢꦺꦮꦺꦲꦗꦥꦢꦤ꧀ꦢꦢꦺꦏ꧀ꦏꦏꦺꦭꦫꦤꦺꦲꦠꦶꦤꦺꦮꦺꦴꦁꦮꦺꦴꦁꦏꦸꦮꦶ꧉​ꦏꦤꦧꦸꦢꦭ꧀ꦤꦁꦩꦺꦂꦭꦤ꧀ꦢꦶ​ꦲꦸꦚ꧀ꦕꦭ꧀ꦭꦏꦺꦥꦚ꧀ꦕꦶꦁꦩꦸ꧉​ꦲꦶꦮꦏ꧀ꦱꦶꦁꦩ꧀ꦧꦺꦴꦏ꧀ꦥꦚ꧀ꦕꦶꦁꦱꦶꦁꦤ꧀ꦢꦶꦱꦶꦏ꧀ꦢꦺꦮꦺꦏꦸꦮꦶꦢꦶꦕꦼꦏꦼꦭ꧀꧈​ꦤꦁꦚ꧀ꦗꦼꦫꦺꦴꦕꦁꦏꦼꦩ꧀ꦩꦺꦏꦺꦴꦮꦺꦧꦏꦭ꧀ꦤꦼꦩꦸꦢꦸꦮꦶꦠ꧀꧈​ꦢꦶꦗꦶꦏꦸꦏ꧀ꦢꦸꦮꦶꦠ꧀ꦏꦸꦮꦶꦏꦁꦒꦺꦴꦲꦩ꧀ꦧꦪꦂꦧꦼꦭꦱ꧀ꦠꦶꦁꦩꦫꦁꦮꦺꦴꦁꦮꦺꦴꦁꦏꦸꦮꦶ꧈​ꦲꦩ꧀ꦧꦪꦂꦏꦁꦒꦺꦴꦲꦏꦸꦭꦤ꧀ꦏꦺꦴꦮꦺ꧉​”

꧋ꦥꦶꦮꦸꦭꦁꦧꦧ꧀ꦱꦥꦱꦶꦁꦒꦼꦢꦺꦢꦺꦮꦺ꧉​

꧇​꧑꧘꧇​ ¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦫ​ꦩꦸꦫꦶꦢ꧀ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦒꦸꦫꦸ​꧈​ꦱꦥ​ꦠ​ꦱꦶꦁ​ꦒꦼꦢꦺ​ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​?” ²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦧꦺꦴꦕꦃ​ꦕꦶꦭꦶꦏ꧀ꦱꦶꦗꦶ​ꦢꦶꦏꦺꦴꦁꦏꦺꦴꦤ꧀ꦔꦢꦼꦏ꧀ꦤꦁꦠꦼꦔꦃꦲꦺ​ꦥꦫ​ꦩꦸꦫꦶꦢ꧀ꦩꦲꦸ​꧉​ ³ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦢ​ꦔꦼꦂꦠꦶꦪ​!ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦩꦭꦶꦃ​ꦲꦠꦶꦩꦸ​ꦭꦤ꧀ꦢꦢꦶ​ꦏꦪ​ꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​꧈​ꦏꦺꦴꦮꦺ​ꦲꦺꦴꦫ​ꦧꦶꦱ​ꦩ꧀ꦊꦧꦸ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ ⁴ꦱꦶꦁ​ꦒꦼꦢꦺ​ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦮꦺꦴꦁ​ꦱꦶꦁ​ꦔꦱꦺꦴꦂꦫꦏꦺꦲꦮꦏ꧀ꦏꦺ​ꦭꦤ꧀ꦢꦢꦶ​ꦏꦪ​ꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​꧉​ ⁵ꦭꦤ꧀ꦱꦥ​ꦱꦶꦁ​ꦤꦩ꧀ꦥꦤꦶ​ꦧꦺꦴꦕꦃ​ꦕꦶꦭꦶꦏ꧀ꦱꦶꦁ​ꦏꦪ​ꦔꦺꦤꦺ​ꦲꦶꦏꦶ​ꦗꦭꦂꦫꦤ꧀ꦱꦁꦏꦲꦏꦸ​꧈​ꦏꦸꦮꦶ​ꦱꦏ꧀ꦗꦤꦺꦤꦩ꧀ꦥꦤꦶ​ꦲꦏꦸ​꧉​”

꧋ꦱꦶꦁ​ꦩꦫꦏ꧀ꦏꦏꦺꦔ꧀ꦭꦏꦺꦴꦤ꧀ꦤꦶ​ꦢꦺꦴꦱ​꧉​

⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦱꦥ​ꦱꦶꦁ​ꦩꦫꦏ꧀ꦏꦏꦺꦱꦭꦃꦱꦏ꧀ꦮꦶꦗꦶꦤꦺꦧꦺꦴꦕꦃ​ꦕꦶꦭꦶꦏ꧀ꦱꦶꦁ​ꦥꦽꦕꦪ​ꦩꦫꦁ​ꦲꦏꦸ​ꦱꦩ꧀ꦥꦺꦏ꧀ꦤꦶꦁꦒꦭ꧀ꦢꦭꦤ꧀ꦏꦸ​꧈​ꦲꦥꦶꦏ꧀ꦏꦺ​ꦤꦺꦏ꧀ꦮꦺꦴꦁ​ꦏꦸꦮꦶ​ꦒꦸꦭꦸꦤꦺ​ꦢꦶꦧꦤ꧀ꦢꦸꦭ꧀ꦭꦶꦮꦠꦸ​ꦒꦶꦭꦶꦁꦔꦤ꧀ꦠꦼꦫꦸꦱ꧀ꦢꦶꦗꦼꦒꦸꦂꦫꦏꦺꦤꦁꦱꦼꦒꦫ​ꦱꦶꦁ​ꦗꦼꦫꦸ꧉​ ⁷ꦕꦶꦭꦏ​ꦠꦼꦤꦤ꧀ꦗꦒꦠ꧀ꦲꦶꦏꦶ​꧈​ꦤꦺꦏ꧀ꦲꦺꦤꦺꦁꦥꦁꦒꦺꦴꦢꦲꦺꦴꦏꦺꦃꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦔ꧀ꦭꦏꦺꦴꦤ꧀ꦤꦶ​ꦢꦺꦴꦱ​꧉​ꦥꦽꦏꦫꦥꦽꦏꦫ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦥꦚ꧀ꦕꦺꦤ꧀ꦱ꧀ꦭꦮꦱ꧀ꦱꦺꦪ​ꦧꦏꦭ꧀ꦲꦺꦤꦺꦁ꧈​ꦤꦁꦔꦶꦁ​ꦕꦶꦭꦏ​ꦠꦼꦤꦤ꧀ ꦮꦺꦴꦁ​ꦱꦶꦁ​ꦢꦢꦶ​ꦗꦭꦂꦫꦤ꧀ꦤꦺ​꧉​ ⁸꧋“ꦩꦸꦭꦤꦺ​꧈​ꦤꦺꦏ꧀ꦠꦔꦤ꧀ꦩꦸ​ꦲꦥ​ꦱꦶꦏꦶꦭ꧀ꦩꦸ​ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦒꦮꦺ​ꦢꦺꦴꦱ​꧈​ꦢꦶꦏꦼꦠꦺꦴꦏ꧀ꦮꦲꦺ​ꦭꦤ꧀ꦢꦶꦧꦸꦮꦁ​꧉​ꦲꦮꦶꦠ꧀ꦭꦸꦮꦶꦃ​ꦲꦥꦶꦏ꧀ꦏꦁꦒꦺꦴ​ꦏꦺꦴꦮꦺ​ꦲꦸꦫꦶꦥ꧀ꦩꦤꦸꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦤꦩꦸꦁ​ꦏꦫꦺꦴ​ꦠꦔꦤ꧀ꦱꦼꦧꦼꦭꦃꦲꦥ​ꦤꦩꦸꦁ​ꦏꦫꦺꦴ​ꦱꦶꦏꦶꦭ꧀ꦱꦼꦧꦼꦭꦃ꧈​ꦠꦼꦤꦶꦩ꧀ꦧꦁꦏꦫꦺꦴ​ꦠꦔꦤ꧀ꦭꦤ꧀ꦱꦶꦏꦶꦭ꧀ꦒꦼꦤꦼꦥ꧀ꦭꦺꦴꦫꦺꦴ​꧈​ꦤꦁꦔꦶꦁ​ꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦒꦼꦤꦶꦤꦺ​ꦤꦼꦫꦏ꧉​ ⁹ꦤꦺꦏ꧀ꦩꦿꦶꦥꦠ꧀ꦩꦸ​ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦒꦮꦺ​ꦢꦺꦴꦱ​꧈​ꦢꦶꦕꦸꦏꦶꦭ꧀ꦭꦤ꧀ꦢꦶꦧꦸꦮꦁ​꧉​ꦭꦸꦮꦸꦁꦏꦺꦴꦮꦺ​ꦲꦸꦫꦶꦥ꧀ꦢꦢꦶ​ꦱꦶꦗꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦁꦒꦺꦴ​ꦩꦿꦶꦥꦠ꧀ꦱꦶꦗꦶ​꧈​ꦠꦼꦤꦶꦩ꧀ꦧꦁꦩꦿꦶꦥꦠ꧀ꦠꦺ​ꦒꦼꦤꦼꦥ꧀ꦭꦺꦴꦫꦺꦴ​꧈​ꦤꦁꦔꦶꦁ​ꦢꦶꦧꦸꦮꦁ​ꦤꦁꦒꦼꦤꦶꦤꦺ​ꦤꦼꦫꦏ꧉​ ¹⁰꧋“ꦲꦗ​ꦥꦢ​ꦚꦼꦥꦺꦭꦺꦏ꧀ꦏꦏꦺꦧꦺꦴꦕꦃꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​꧉​ꦥꦢ​ꦔꦼꦂꦠꦶꦪ​꧈​ꦧꦺꦴꦕꦃꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​ꦥꦢ​ꦤ꧀ꦢꦸꦮꦺꦩꦸꦭꦺꦏꦠ꧀ꦤꦁꦱ꧀ꦮꦂꦒ​ꦱꦶꦁ​ꦠꦤ꧀ꦱꦃ​ꦚꦼꦢꦼꦏ꧀ꦏꦶꦧꦥꦏ꧀ꦏꦸ​ꦤꦁꦱ꧀ꦮꦂꦒ​꧉​ ¹¹(ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦮꦶ​ꦠꦼꦏꦤꦺ​ꦚ꧀ꦭꦩꦼꦠ꧀ꦠꦏꦺꦮꦺꦴꦁ​ꦱꦶꦁ​ꦏꦼꦱꦱꦂ​꧉)”

꧋ꦥꦶꦮꦸꦭꦁ​ꦧꦧ꧀ꦮꦼꦢꦸꦱ꧀ꦱꦶꦁ​ꦲꦶꦭꦁ​꧉​

¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦏꦼꦥꦿꦶꦪꦺ​ꦥꦶꦤꦼꦩꦸꦩꦸ?ꦱꦼꦩꦸꦁꦒꦺꦴꦤ꧀ꦤꦺꦲꦺꦤꦺꦁꦮꦺꦴꦁ​ꦤ꧀ꦢꦸꦮꦺꦮꦼꦢꦸꦱ꧀ꦱꦠꦸꦱ꧀ꦠꦼꦫꦸꦱ꧀ꦲꦺꦤꦺꦁꦱꦶꦗꦶ​ꦱꦶꦁ​ꦲꦶꦭꦁ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦔꦥ​?ꦲꦥ​ꦮꦺꦴꦁꦔꦺ​ꦲꦺꦴꦫ​ꦠꦼꦫꦸꦱ꧀ꦤꦶꦁꦒꦭ꧀ꦮꦼꦢꦸꦱ꧀ꦱꦺꦱꦶꦁ​ꦱꦔꦁ​ꦥꦸꦭꦸꦃ​ꦱꦔ​ꦤꦁꦥꦔꦺꦴꦤ꧀ꦤꦤ꧀ꦭꦤ꧀ꦧꦸꦢꦭ꧀​ꦔ꧀ꦒꦺꦴꦭꦺꦏ꧀ꦏꦶ​ꦮꦼꦢꦸꦱ꧀ꦱꦶꦗꦶ​ꦱꦶꦁ​ꦲꦶꦭꦁ​ꦩꦲꦸ​? ¹³ꦤꦺꦏ꧀ꦮꦺꦴꦁꦔꦺ​ꦮꦶꦱ꧀ꦤꦼꦩꦸ​ꦮꦼꦢꦸꦱ꧀ꦱꦺꦱꦶꦁ​ꦲꦶꦭꦁ​ꦩꦲꦸ​꧈​ꦩꦼꦱ꧀ꦠꦶꦢꦺꦏ꧀ꦤꦺꦧꦸꦔꦃꦲꦺ​ꦏꦫꦺꦴ​ꦮꦼꦢꦸꦱ꧀ꦱꦶꦁ​ꦱꦶꦗꦶ​ꦏꦸꦮꦶ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶ ꦧꦸꦔꦃꦲꦺ​ꦏꦫꦺꦴ​ꦱꦶꦁ​ꦱꦔꦁ​ꦥꦸꦭꦸꦃ​ꦱꦔ​ꦱꦶꦁ​ꦲꦺꦴꦫ​ꦲꦶꦭꦁ​꧉​ ¹⁴ꦩꦼꦁꦏꦺꦴꦤꦺꦴ​ꦲꦸꦒ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​꧈​ꦢꦺꦏ꧀ꦤꦺꦲꦺꦴꦫ​ꦒꦼꦊꦩ꧀ꦤꦺꦏ꧀ꦧꦺꦴꦕꦃꦧꦺꦴꦕꦃ​ꦕꦶꦭꦶꦏ꧀ꦏꦸꦮꦶ​ꦲꦺꦤꦺꦁꦱꦶꦗꦶ​ꦱꦶꦁ​ꦏꦼꦠꦿꦶꦮꦭ꧀꧈​”

꧋ꦧꦧ꧀ꦔꦺꦭꦶꦁꦔꦏꦺꦱꦼꦢꦸꦭꦸꦂ​ꦱꦶꦁ​ꦏ꧀ꦭꦺꦫꦸ​꧉​

¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦱꦼꦢꦸꦭꦸꦂꦩꦸꦔ꧀ꦭꦏꦺꦴꦤ꧀ꦤꦶ​ꦱꦶꦁ​ꦏ꧀ꦭꦺꦫꦸ​꧈​ꦢꦶꦥꦫꦤ꧀ꦤꦶ​ꦭꦤ꧀ꦢꦶꦢꦸꦢꦸꦃꦲꦏꦺꦏ꧀ꦭꦺꦫꦸꦤꦺ꧈​ꦤꦁꦔꦶꦁ​ꦲꦶꦗꦺꦤ꧀ꦤꦤ꧀ ꦠꦤ꧀ꦥ​ꦮꦺꦴꦁ​ꦭꦶꦪꦤꦺ​ꦔꦼꦂꦠꦶ​꧉​ꦤꦺꦏ꧀ꦱꦼꦢꦸꦭꦸꦂ​ꦏꦸꦮꦶ​ꦔ꧀ꦒꦸꦒꦸ​ꦩꦫꦁ​ꦠꦼꦩ꧀ꦧꦸꦁꦩꦸ​꧈​ꦏꦺꦴꦮꦺ​ꦲꦺꦴꦫ​ꦏꦺꦭꦁꦔꦤ꧀ꦱꦼꦢꦸꦭꦸꦂ​꧉​ ¹⁶ꦭꦃ​ꦤꦁꦔꦶꦁ​ꦤꦺꦏ꧀ꦱꦼꦢꦸꦭꦸꦂ​ꦏꦸꦮꦶ​ꦲꦺꦴꦫ​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦲꦺꦴꦩꦺꦴꦁꦩꦸ꧈​ꦏꦺꦴꦮꦺ​ꦏꦸꦢꦸ​ꦔꦼꦗꦺꦏ꧀ꦱꦼꦢꦸꦭꦸꦂ​ꦭꦶꦪꦤꦺ​ꦱꦶꦗꦶ​ꦲꦥ​ꦭꦺꦴꦫꦺꦴ​꧉​ꦲꦮꦶꦠ꧀ꦤꦁꦏꦶꦠꦧ꧀​ꦏꦼꦠꦸꦭꦶꦱ꧀ꦤꦺꦏ꧀ꦱꦭꦃꦲꦺ​ꦮꦺꦴꦁ​ꦏꦸꦢꦸ​ꦢꦶꦠꦼꦠꦼꦥ꧀ꦥꦏꦺꦏꦫꦺꦴ​ꦱꦼꦏ꧀ꦱꦶ​ꦭꦺꦴꦫꦺꦴ​ꦲꦥ​ꦠꦼꦭꦸ​꧉​ ¹⁷ꦤꦺꦏ꧀ꦱꦼꦢꦸꦭꦸꦂ​ꦱꦶꦁ​ꦏ꧀ꦭꦺꦫꦸ​ꦏꦸꦮꦶ​ꦩꦼꦏ꧀ꦱ​ꦢꦸꦫꦸꦁ​ꦒꦼꦊꦩ꧀ꦩꦤꦸꦠ꧀ꦩꦫꦁ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦭꦶꦪꦤꦺ​ꦏꦸꦮꦶ​꧈​ꦥꦽꦏꦫ​ꦲꦶꦏꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦒꦮ​ꦤꦁꦔꦉꦥ꧀ꦥꦺ​ꦥꦱꦩꦸꦮꦤ꧀꧈​ꦤꦺꦏ꧀ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦔꦺ​ꦩꦼꦏ꧀ꦱ​ꦲꦺꦴꦫ​ꦒꦼꦊꦩ꧀ꦩꦤꦸꦠ꧀ꦩꦫꦁ​ꦥꦶꦠꦸꦠꦸꦂꦫꦺ​ꦥꦱꦩꦸꦮꦤ꧀ ꦮꦺꦴꦁꦔꦺ​ꦏꦸꦢꦸ​ꦢꦶꦲꦁꦒꦼꦥ꧀ꦏꦪ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​ꦭꦤ꧀ꦮꦺꦴꦁ​ꦲꦭ​ꦮꦲꦺ​꧉​”

꧋ꦧꦧ꧀ꦱꦶꦁ​ꦢꦶꦠꦭꦺꦤ꧀ꦤꦶ​ꦭꦤ꧀ꦱꦶꦁ​ꦢꦶꦲꦸꦕꦸꦭ꧀ꦭꦶ​꧉​

¹⁸꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦥꦢ​ꦔꦼꦂꦠꦶꦪ​!ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦠꦭꦺꦤ꧀ꦤꦶꦲꦶꦁ​ꦢꦺꦴꦚ​ꦏꦺꦤꦺ​ꦲꦸꦒ​ꦧꦏꦭ꧀ꦢꦶꦠꦭꦺꦤ꧀ꦤꦶ​ꦤꦁꦱ꧀ꦮꦂꦒ​꧉​ꦭꦤ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦸꦕꦸꦭ꧀ꦭꦶ​ꦲꦶꦁ​ꦢꦺꦴꦚ​ꦏꦺꦤꦺ​ꦲꦸꦒ​ꦧꦏꦭ꧀ꦢꦶꦲꦸꦕꦸꦭ꧀ꦭꦶ​ꦤꦁꦱ꧀ꦮꦂꦒ​꧉​ ¹⁹꧋“ꦥꦢ​ꦔꦼꦂꦠꦶꦪ​ꦲꦸꦒ​!ꦤꦺꦏ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦲꦶꦁ​ꦢꦺꦴꦚ​ꦩꦼꦤꦸꦁꦒꦭ꧀ꦲꦶꦁ​ꦥꦤ꧀ꦢꦺꦴꦔ​ꦚ꧀ꦗꦭꦸꦏ꧀ꦲꦥ​ꦮꦲꦺ​꧈​ꦥꦤ꧀ꦢꦺꦴꦔ​ꦏꦸꦮꦶ​ꦧꦏꦭ꧀ꦢꦶꦧꦊꦱ꧀ꦏꦫꦺꦴ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​꧉​ ²⁰ꦲꦮꦶꦠ꧀ꦤꦺꦏ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦲꦥ​ꦠꦼꦭꦸ​ꦥꦢ​ꦔꦸꦩ꧀ꦥꦸꦭ꧀ꦧꦼꦧꦉꦁꦔꦤ꧀ꦭꦤ꧀ꦥꦢ​ꦚꦼꦧꦸꦠ꧀ꦗꦼꦤꦼꦁꦏꦸ​꧈​ꦲꦏꦸ​ꦲꦸꦒ​ꦤꦁꦏꦺꦴꦤꦺꦴ​꧉​”

꧋ꦥꦶꦮꦸꦭꦁ​ꦧꦧ꧀ꦔꦥꦸꦫ​ꦭꦶꦪꦤꦺ​꧉​

²¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦤꦺꦏ꧀ꦱꦼꦢꦸꦭꦸꦂꦏꦸ​ꦧꦺꦴꦭꦏ꧀ꦧꦭꦶꦏ꧀​ꦔ꧀ꦒꦮꦺ​ꦱꦭꦃ​ꦩꦫꦁ​ꦲꦏꦸ​꧈​ꦱꦩ꧀ꦥꦺꦏ꧀ꦥꦶꦁ​ꦥꦶꦫ​ꦲꦏꦸ​ꦏꦸꦢꦸ​ꦔꦥꦸꦫ​ꦱꦼꦢꦸꦭꦸꦂ​ꦏꦸꦮꦶ​?ꦲꦥ​ꦲꦺꦴꦫ​ꦠꦼꦏꦤ꧀ꦥꦶꦁ​ꦥꦶꦠꦸ​?” ²²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦺꦴꦫ​ꦤꦩꦸꦁ​ꦥꦶꦁ​ꦥꦶꦠꦸ​꧈​ꦤꦁꦔꦶꦁ​ꦥꦶꦠꦸꦁ​ꦥꦸꦭꦸꦃ​ꦥꦶꦁ​ꦥꦶꦠꦸ​꧉​ ²³ꦩꦸꦭꦤꦺ​꧈​ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦱꦏ꧀ꦮꦶꦗꦶꦤꦺꦫꦠꦸ​ꦱꦶꦁ​ꦤꦒꦶꦃ​ꦲꦸꦠꦁ​ꦩꦫꦁ​ꦥꦼꦭꦢꦺꦤ꧀ꦥꦼꦭꦢꦺꦤ꧀ꦤꦺ꧉​ ²⁴ꦏꦢꦸꦁ​ꦫꦠꦸꦤꦺ​ꦩꦺꦴꦭꦃꦲꦶ꧈​ꦠꦼꦫꦸꦱ꧀ꦲꦺꦤꦺꦁꦱꦏ꧀ꦮꦶꦗꦶꦤꦺꦥꦼꦭꦢꦺꦤ꧀ꦢꦶꦒꦮ​ꦩꦗꦸ​꧉​ꦥꦼꦭꦢꦺꦤ꧀ꦲꦶꦏꦶ​ꦲꦸꦠꦁꦔꦺ​ꦥꦶꦫꦁꦥꦶꦫꦁ​ꦩ꧀ꦭꦶꦪꦸꦤ꧀꧈​ ²⁵ꦤꦁꦔꦶꦁ​ꦮꦺꦴꦁꦔꦺ​ꦲꦺꦴꦫ​ꦧꦶꦱ​ꦚꦲꦸꦂ​꧈​ꦩꦸꦭꦤꦺ​ꦫꦠꦸꦤꦺ​ꦩꦲꦸ​ꦩꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦔꦼꦢꦺꦴꦭ꧀ꦥꦼꦭꦢꦺꦤ꧀ꦩꦲꦸ​ꦢꦢꦶ​ꦥꦼꦭꦢꦺꦤ꧀ ꦱꦏ꧀ꦲꦤꦏ꧀ꦧꦺꦴꦗꦺꦴꦤꦺ​ꦭꦤ꧀ꦱꦼꦩ꧀ꦧꦫꦁ​ꦱꦏ꧀​ꦤ꧀ꦢꦸꦮꦺꦪ꧈​ꦏꦁꦒꦺꦴ​ꦲꦩ꧀ꦧꦪꦂ​ꦲꦸꦠꦁꦔꦺ​꧉​ ²⁶ꦥꦼꦭꦢꦺꦤ꧀ꦩꦲꦸ​ꦠꦼꦫꦸꦱ꧀ꦤꦶꦧ​ꦭꦤ꧀ꦱꦸꦗꦸꦠ꧀ꦤꦁꦔꦉꦥ꧀ꦥꦺ​ꦫꦠꦸꦤꦺ​ꦔꦺꦴꦩꦺꦴꦁ:'ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦏꦸ​ꦢꦶꦱꦧꦂꦫꦶꦱꦼꦢꦶꦭꦸꦠ꧀ꦩꦼꦤꦺꦃ​꧉​ꦏꦧꦺꦃ​ꦲꦸꦠꦁꦏꦸꦧꦏꦭ꧀ꦠꦏ꧀ꦧꦪꦂ​꧉'​ ²⁷ꦫꦠꦸꦤꦺ​ꦩꦼꦭꦱ꧀ꦏꦫꦺꦴ​ꦥꦼꦭꦢꦺꦤ꧀ꦩꦲꦸ​ꦭꦤ꧀ꦮꦺꦴꦁꦔꦺ​ꦢꦶꦏꦺꦴꦁꦏꦺꦴꦤ꧀ꦩꦸꦭꦶꦃ​꧈​ꦩꦭꦃ​ꦲꦸꦠꦁꦔꦺ​ꦏꦧꦺꦃ​ꦲꦺꦴꦫ​ꦲꦸꦱꦃꦢꦶꦧꦪꦂ​ꦩꦼꦤꦺꦃ​꧉​ ²⁸꧋“ꦤꦁꦔꦶꦁ​ꦱꦏ꧀ꦭꦸꦔꦤꦺ​ꦱꦁꦏꦏꦺꦴꦤꦺꦴ​꧈​ꦥꦼꦭꦢꦺꦤ꧀ꦩꦲꦸ​ꦏꦼꦥꦼꦠꦸꦏ꧀ꦏꦫꦺꦴ​ꦏꦚ꧀ꦕꦤꦺ​ꦠꦸꦁꦒꦭ꧀ꦥꦼꦭꦢꦺꦤ꧀ ꦱꦶꦁ​ꦤ꧀ꦢꦸꦮꦺꦲꦸꦠꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦩꦫꦁ​ꦢꦺꦏ꧀ꦤꦺ꧉​ꦏꦚ꧀ꦕꦤꦺ​ꦩꦲꦸ​ꦠꦼꦫꦸꦱ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦠꦼꦏꦼꦏ꧀ꦒꦸꦭꦸꦤꦺ​ꦏꦫꦺꦴ​ꦔꦺꦴꦩꦺꦴꦁ:'ꦧꦪꦂꦉꦤ꧀​ꦲꦸꦠꦁꦩꦸ​!’ ²⁹ꦏꦚ꧀ꦕꦤꦺ​ꦩꦲꦸ​ꦠꦼꦫꦸꦱ꧀ꦤꦶꦧ​ꦚ꧀ꦗꦭꦸꦏ꧀ꦏꦮꦼꦭꦱ꧀ꦱꦤ꧀ꦔꦺꦴꦩꦺꦴꦁ:'ꦲꦩ꧀ꦧꦺꦴꦏ꧀ꦱꦧꦂ​ꦠ​!ꦲꦸꦠꦁꦏꦸꦧꦏꦭ꧀ꦠꦏ꧀ꦧꦪꦂ​ꦏꦧꦺꦃ​!’ ³⁰ꦤꦁꦔꦶꦁ​ꦥꦼꦭꦢꦺꦤ꧀ꦩꦲꦸ​ꦲꦺꦴꦫ​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦱꦩ꧀ꦧꦠ꧀ꦠꦺ​ꦏꦚ꧀ꦕꦤꦺ​꧉​ꦩꦭꦃ​ꦏꦚ꧀ꦕꦤꦺ​ꦢꦶꦊꦧꦺꦴꦏ꧀ꦏꦏꦺꦱꦼꦠꦿꦥꦤ꧀ꦔꦤ꧀ꦠꦶ​ꦲꦸꦠꦁꦔꦺ​ꦢꦶꦱꦮꦸꦂ​ꦏꦧꦺꦃ​꧉​ ³¹ꦏꦢꦸꦁ​ꦥꦼꦭꦢꦺꦤ꧀ꦥꦼꦭꦢꦺꦤ꧀ꦭꦶꦪꦤꦺ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​꧈​ꦏꦧꦺꦃ​ꦥꦢ​ꦏꦒꦺꦠ꧀ꦭꦤ꧀ꦱꦼꦢꦶꦧꦔꦼꦠ꧀ ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦔꦶꦫꦠꦸꦤꦺ​ꦧꦧ꧀ꦏꦸꦮꦶ​꧉​ ³²ꦫꦠꦸꦤꦺ​ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦚꦼꦭꦸꦏ꧀ꦥꦼꦭꦢꦺꦤ꧀ꦱꦶꦁ​ꦲꦭ​ꦩꦲꦸ​ꦠꦼꦫꦸꦱ꧀ꦢꦶꦱꦼꦤꦺꦤ꧀ꦤꦶ:'ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦥꦼꦭꦢꦺꦤ꧀ꦱꦶꦁ​ꦲꦭ​ꦠꦼꦤꦤ꧀꧈​ꦲꦸꦠꦁꦩꦸ​ꦱꦼꦩꦺꦴꦤꦺꦴ​ꦲꦺꦴꦏꦺꦃꦲꦺꦏꦺꦴꦮꦺ​ꦮꦶꦱ꧀ꦲꦺꦴꦫ​ꦲꦸꦱꦃꦲꦩ꧀ꦧꦪꦂ​꧈​ꦗꦭꦂꦫꦤ꧀ꦏꦺꦴꦮꦺ​ꦚꦸꦮꦸꦤ꧀ꦠꦼꦤꦤ꧀ꦩꦫꦁ​ꦲꦏꦸ​꧉​ ³³ꦲꦥ​ꦪ​ꦮꦶꦱ꧀ꦲꦺꦴꦫ​ꦱꦏ꧀ꦩꦼꦱ꧀ꦠꦶꦤꦺꦏꦺꦴꦮꦺ​ꦩꦼꦭꦱ꧀ꦱꦶ​ꦏꦚ꧀ꦕꦩꦸ​ꦠꦸꦁꦒꦭ꧀ꦥꦼꦭꦢꦺꦤ꧀ ꦏꦪ​ꦲꦼꦁꦒꦺꦴꦤ꧀ꦏꦸ​ꦮꦶꦱ꧀ꦩꦼꦭꦱ꧀ꦱꦶ​ꦏꦺꦴꦮꦺ​꧉'​ ³⁴ꦫꦠꦸꦤꦺ​ꦠꦼꦫꦸꦱ꧀ꦤꦼꦱꦸ​ꦧꦔꦼꦠ꧀ꦭꦤ꧀ꦥꦼꦭꦢꦺꦤ꧀ꦱꦶꦁ​ꦲꦭ​ꦩꦲꦸ​ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦱꦸꦥꦪ​ꦢꦶꦲꦗꦂ​꧈​ꦔꦤ꧀ꦠꦶ​ꦲꦸꦠꦁꦔꦺ​ꦢꦶꦧꦪꦂ​ꦏꦧꦺꦃ​꧉​ ³⁵꧋“ꦧꦥꦏ꧀ꦏꦸ​ꦤꦁꦱ꧀ꦮꦂꦒ​ꦲꦸꦒ​ꦧꦏꦭ꧀ꦤꦶꦤ꧀ꦢꦏ꧀ꦏꦏꦺꦩꦼꦁꦏꦺꦴꦤꦺꦴ​ꦏꦸꦮꦶ​ꦩꦫꦁ​ꦏꦺꦴꦮꦺ​꧈​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦔꦥꦸꦫ​ꦩꦫꦁ​ꦱꦼꦢꦸꦭꦸꦂꦩꦸꦱꦏ꧀ꦲꦠꦶꦩꦸ​꧉​”

꧋ꦧꦧ꧀ꦥꦼꦒꦠ꧀ꦠꦤ꧀꧈​

꧇​꧑꧙꧇​ ¹꧋ꦱꦏ꧀ꦮꦶꦱ꧀ꦱꦺ​ꦔꦿꦩ꧀ꦥꦸꦁꦔꦏꦺꦥꦶꦮꦸꦭꦁꦔꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦶꦁꦒꦭ꧀ꦧꦮꦃꦓꦭꦶꦭꦺꦪ​ꦧꦸꦢꦭ꧀ꦤꦁꦧꦮꦃꦪꦸꦢꦺꦪ​꧈​ꦔꦧꦿꦃꦭꦫꦪꦺꦴꦂꦢꦤ꧀꧈​ ²ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦼꦠꦸꦠ꧀ꦠꦏꦺꦢꦺꦏ꧀ꦤꦺꦭꦤ꧀ꦏꦧꦺꦃ​ꦥꦢ​ꦢꦶꦠꦩ꧀ꦧꦤꦶ​ꦭꦫꦤꦺ​꧉​ ³꧋ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦥꦢ​ꦠꦼꦏ​꧈​ꦗꦮꦤꦺꦲꦉꦥ꧀ꦔꦼꦤꦺꦁꦢꦺꦏ꧀ꦤꦺꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀꧈​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦮꦺꦴꦁ​ꦭꦤꦁ​ꦲꦺꦤ꧀ꦠꦸꦏ꧀ꦩꦼꦒꦠ꧀ꦧꦺꦴꦗꦺꦴꦤꦺ​ꦩꦤꦸꦠ꧀ꦱꦏ꧀ꦏꦉꦥ꧀ꦥꦺ​ꦢꦺꦮꦺ?” ⁴꧋ꦱꦲꦸꦫꦤ꧀ꦏꦸ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦏꦺꦴꦮꦺ​ꦲꦺꦴꦫ​ꦩꦕ​ꦤꦁꦏꦶꦠꦧ꧀​ꦱꦸꦕꦶ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦼꦁꦒꦺꦴꦤꦺ​ꦔ꧀ꦒꦮꦺ​ꦩꦤꦸꦁꦱ​ꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​ꦫꦸꦥ​ꦮꦺꦴꦁ​ꦭꦤꦁ​ꦭꦤ꧀ꦮꦺꦴꦁ​ꦮꦺꦢꦺꦴꦏ꧀? ⁵ꦒꦸꦱ꧀ꦠꦶ​ꦄꦭ꧀ꦭꦃ​ꦲꦸꦒ​ꦔꦺꦴꦩꦺꦴꦁ:'ꦩꦸꦭꦤꦺ​ꦮꦺꦴꦁ​ꦭꦤꦁ​ꦏꦸꦢꦸ​ꦤꦶꦁꦒꦭ꧀ꦧꦥ​ꦭꦤ꧀ꦧꦶꦪꦸꦁꦔꦺ​ꦭꦤ꧀ꦢꦢꦶ​ꦱꦶꦗꦶ​ꦏꦫꦺꦴ​ꦧꦺꦴꦗꦺꦴꦤꦺ​꧈​ꦢꦢꦶꦤꦺ​ꦮꦺꦴꦁ​ꦭꦺꦴꦫꦺꦴ​ꦢꦢꦶ​ꦢꦒꦶꦁ​ꦱꦶꦗꦶ​꧉'​ ⁶ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦮꦶꦱ꧀ꦲꦺꦴꦫ​ꦭꦺꦴꦫꦺꦴ​ꦩꦼꦤꦺꦃ​꧈​ꦤꦁꦔꦶꦁ​ꦤꦩꦸꦁ​ꦱꦶꦗꦶ​꧉​ꦭꦤ꧀ꦲꦥ​ꦱꦶꦁ​ꦮꦶꦱ꧀ꦢꦶꦢꦢꦺꦏ꧀ꦏꦏꦺꦱꦶꦗꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦤꦸꦁꦱ​ꦲꦺꦴꦫ​ꦏꦼꦤꦺꦁꦩꦶꦱꦃ​꧉​” ⁷꧋ꦥꦫ​ꦥ꦳ꦫꦶꦱꦶ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀:“ꦭꦃ​ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦏꦼꦤꦺꦁꦲꦥ​ꦤꦧꦶ​ꦩꦺꦴꦱꦼꦱ꧀ꦏꦺꦴꦏ꧀ꦔꦺꦴꦩꦺꦴꦁꦤꦺꦏ꧀ꦮꦺꦴꦁ​ꦭꦤꦁ​ꦏꦸꦢꦸ​ꦔꦼꦏꦺꦏ꧀ꦏꦶꦭꦪꦁ​ꦥꦼꦒꦠ꧀ꦩꦫꦁ​ꦧꦺꦴꦗꦺꦴꦤꦺ​ꦤꦺꦏ꧀ꦢꦶꦥꦼꦒꦠ꧀?ꦲꦥ​ꦏꦸꦮꦶ​ꦠꦼꦒꦼꦱ꧀ꦱꦺ​ꦲꦺꦴꦫ​ꦔ꧀ꦭꦶꦭꦤꦶ​ꦥꦼꦒꦠ꧀ꦠꦤ꧀?” ⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦧꦶ​ꦩꦺꦴꦱꦼꦱ꧀ꦲꦼꦁꦒꦺꦴꦤꦺ​ꦔ꧀ꦭꦶꦭꦤꦶ​ꦏꦺꦴꦮꦺ​ꦩꦼꦒꦠ꧀ꦧꦺꦴꦗꦺꦴꦩꦸ​ꦏꦸꦮꦶ​ꦗꦭꦂꦫꦤ꧀ꦏꦺꦴꦮꦺ​ꦲꦺꦴꦫ​ꦏꦼꦤꦺꦁꦢꦶꦏꦤ꧀ꦢꦤ꧀ꦤꦶ꧈​ꦤꦁꦔꦶꦁ​ꦲꦶꦁ​ꦮꦶꦮꦶꦠ꧀ꦠꦤ꧀ꦤꦺ​ꦲꦺꦴꦫ​ꦏꦪ​ꦔꦺꦴꦤꦺꦴ​! ⁹ꦏꦺꦴꦮꦺ​ꦥꦢ​ꦠꦏ꧀ꦏꦤ꧀ꦢꦤ꧀ꦤꦶ:ꦱꦥ​ꦩꦼꦒꦠ꧀ꦧꦺꦴꦗꦺꦴꦤꦺ​ꦠꦼꦫꦸꦱ꧀ꦏꦮꦶꦤ꧀ꦏꦫꦺꦴ​ꦮꦺꦴꦁ​ꦭꦶꦪꦤꦺ​꧈​ꦮꦺꦴꦁ​ꦏꦸꦮꦶ​ꦭꦏꦸ​ꦧꦺꦢꦁ꧈​ꦏꦼꦗꦧ​ꦤꦺꦏ꧀ꦧꦺꦴꦗꦺꦴꦤꦺ​ꦭꦏꦸ​ꦧꦺꦢꦁ꧉​” ¹⁰꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦤꦺꦏ꧀ꦮꦺꦴꦁ​ꦲꦺꦴꦩꦃꦲꦺꦴꦩꦃ​ꦏꦪ​ꦔꦺꦴꦤꦺꦴ​ꦭꦏꦸꦤꦺ꧈​ꦲꦥ​ꦲꦺꦴꦫ​ꦭꦸꦮꦶꦃ​ꦲꦥꦶꦏ꧀ꦤꦺꦏ꧀ꦲꦺꦴꦫ​ꦲꦺꦴꦩꦃꦲꦺꦴꦩꦃ​ꦮꦲꦺ​꧉​” ¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦺꦴꦫ​ꦱꦧꦼꦤ꧀ꦮꦺꦴꦁ​ꦧꦶꦱ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦶ​꧈​ꦤꦩꦸꦁ​ꦮꦺꦴꦁ​ꦱꦶꦁ​ꦢꦶꦥꦶꦗꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹²ꦲꦮꦶꦠ꧀ꦲꦺꦤꦺꦁꦮꦺꦴꦁ​ꦱꦶꦁ​ꦲꦺꦴꦫ​ꦧꦶꦱ​ꦲꦺꦴꦩꦃꦲꦺꦴꦩꦃ​꧈​ꦗꦭꦂꦫꦤ꧀ꦏꦮꦶꦠ꧀ꦭꦲꦶꦂ​ꦮꦶꦱ꧀ꦔꦺꦴꦤꦺꦴ​꧉​ꦲꦺꦤꦺꦁꦲꦸꦒ​ꦱꦶꦁ​ꦲꦺꦴꦫ​ꦧꦶꦱ​ꦲꦺꦴꦩꦃꦲꦺꦴꦩꦃ​꧈​ꦗꦭꦂꦫꦤ꧀ꦢꦶꦢꦢꦺꦏ꧀ꦏꦏꦺꦔꦺꦴꦤꦺꦴ​ꦏꦫꦺꦴ​ꦮꦺꦴꦁ​ꦭꦶꦪꦤꦺ​꧉​ꦭꦤ꧀ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​ꦱꦶꦁ​ꦩꦶꦭꦶꦃ​ꦲꦺꦴꦫ​ꦲꦺꦴꦩꦃꦲꦺꦴꦩꦃ​ꦱꦁꦏꦏꦉꦥ꧀ꦥꦺ​ꦢꦺꦮꦺ꧈​ꦗꦭꦂꦫꦤ꧀ꦤꦩꦸꦁ​ꦏꦼꦥꦺꦔꦶꦤ꧀ꦔꦸꦫꦸꦱ꧀ꦱꦶ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦥ​ꦱꦶꦁ​ꦧꦶꦱ​ꦔ꧀ꦭꦏꦺꦴꦤ꧀ꦤꦶ​꧈​ꦪ​ꦧꦺꦤ꧀​ꦔ꧀ꦭꦏꦺꦴꦤ꧀ꦤꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦼꦂꦏꦃꦲꦶ​ꦧꦺꦴꦕꦃꦧꦺꦴꦕꦃ​꧉​

¹³꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦮ​ꦲꦤꦏ꧀ꦲꦤꦏ꧀ꦏꦺ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦚꦸꦮꦸꦤ꧀ꦱꦸꦥꦪ​ꦥꦢ​ꦢꦶꦢꦺꦴꦔꦏ꧀ꦏꦏꦺꦭꦤ꧀ꦢꦶꦧꦼꦂꦏꦃꦲꦶ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦢꦶꦱꦼꦤꦺꦤ꧀ꦤꦶꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ¹⁴ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦩ꧀ꦧꦺꦴꦏ꧀ꦧꦺꦤ꧀ꦧꦺꦴꦕꦃꦧꦺꦴꦕꦃ​ꦏꦸꦮꦶ​ꦥꦢ​ꦩ꧀ꦧꦿꦺꦤꦺ꧈​ꦲꦗ​ꦢꦶꦲꦭꦁꦔꦭꦁꦔꦶ꧈​ꦲꦮꦶꦠ꧀ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦁꦒꦺꦴ​ꦮꦺꦴꦁ​ꦱꦶꦁ​ꦏꦪ​ꦧꦺꦴꦕꦃꦧꦺꦴꦕꦃ​ꦏꦸꦮꦶ​꧉​” ¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦩ꧀ꦥꦁꦔꦶ​ꦠꦔꦤ꧀ꦩꦫꦁ​ꦧꦺꦴꦕꦃꦧꦺꦴꦕꦃ​꧈​ꦠꦼꦫꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​

꧋ꦮꦺꦴꦁ​ꦲꦼꦤꦺꦴꦩ꧀ꦱꦶꦁ​ꦱꦸꦒꦶꦃ​꧉​

¹⁶꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦤꦺꦁꦮꦺꦴꦁ​ꦲꦼꦤꦺꦴꦩ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦏꦺꦴꦤ꧀ꦔꦺꦤꦺ​:“ꦒꦸꦫꦸ​꧈​ꦱꦸꦥꦪꦤꦺ​ꦧꦶꦱ​ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧈​ꦲꦏꦸ​ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦥꦼꦁꦒꦮꦺ​ꦧꦼꦕꦶꦏ꧀ꦲꦥ​?” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦠꦏꦺꦴꦤ꧀ꦩꦫꦁ​ꦲꦏꦸ​ꦧꦧ꧀ꦲꦥ​ꦱꦶꦁ​ꦧꦼꦕꦶꦏ꧀?ꦤꦩꦸꦁ​ꦱꦶꦗꦶ​ꦱꦶꦁ​ꦧꦼꦕꦶꦏ꧀ ꦪꦏꦸꦮꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧈​ꦏꦺꦴꦮꦺ​ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦁꦒꦼꦂꦫꦁꦒꦼꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦧꦺꦃ​꧉​” ¹⁸꧋ꦠꦼꦩ꧀ꦧꦸꦁꦔꦺ​ꦮꦺꦴꦁ​ꦲꦼꦤꦺꦴꦩ꧀ꦩꦲꦸ​:“ꦲꦁꦒꦼꦂꦫꦁꦒꦼꦂ​ꦱꦶꦁ​ꦲꦼꦤ꧀ꦢꦶ​?” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦲꦗ​ꦩꦼꦩꦠꦺꦤ꧀ꦤꦶ​꧈​ꦲꦗ​ꦭꦏꦸ​ꦧꦺꦢꦁ꧈​ꦲꦗ​ꦚꦺꦴꦭꦺꦴꦁ​꧈​ꦲꦗ​ꦔꦥꦸꦱ꧀ꦱꦶ​꧉​ ¹⁹ꦔꦗꦺꦤ꧀ꦤꦤ​ꦩꦫꦁ​ꦧꦥꦧꦶꦪꦸꦁꦩꦸ​ꦭꦤ꧀ꦠꦿꦺꦱ꧀ꦤꦲꦩꦫꦁ​ꦮꦺꦴꦁ​ꦭꦶꦪ​ꦏꦪ​ꦲꦼꦁꦒꦺꦴꦤ꧀ꦩꦸ​ꦠꦿꦺꦱ꧀ꦤꦩꦫꦁ​ꦲꦮꦏ꧀ꦩꦸ​ꦢꦺꦮꦺ꧉​” ²⁰꧋ꦮꦺꦴꦁꦔꦺ​ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦁꦒꦼꦂꦫꦁꦒꦼꦂ​ꦏꦧꦺꦃ​ꦏꦸꦮꦶ​ꦮꦶꦱ꧀ꦠꦏ꧀ꦭꦏꦺꦴꦤ꧀ꦤꦶ​꧉​ꦭꦃ​ꦲꦶꦗꦶꦏ꧀ꦏꦸꦫꦁ​ꦲꦥ​ꦩꦼꦤꦺꦃ​?” ²¹꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀ꦱꦩ꧀ꦥꦸꦂꦤ​꧈​ꦧꦫꦁꦧꦫꦁ​ꦤ꧀ꦢꦸꦮꦺꦤꦺꦢꦶꦲꦼꦢꦺꦴꦭ꧀ꦏꦧꦺꦃ​꧉​ꦱꦼꦥꦶꦫ​ ꦥꦪꦸꦤꦺꦢꦶꦏꦺꦏ꧀ꦏꦏꦺꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦱꦸꦥꦪ​ꦏꦺꦴꦮꦺ​ꦤ꧀ꦢꦸꦮꦺꦧꦤ꧀ꦢꦤꦁꦱ꧀ꦮꦂꦒ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀​ꦩ꧀ꦧꦿꦺꦤꦺꦪꦩꦺꦭꦸ​ꦲꦏꦸ​꧉​” ²²꧋ꦏꦢꦸꦁ​ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​꧈​ꦮꦺꦴꦁ​ꦲꦼꦤꦺꦴꦩ꧀ꦩꦲꦸ​ꦠꦼꦫꦸꦱ꧀ꦭꦸꦔ​ꦏꦫꦺꦴ​ꦱꦼꦢꦶ꧈​ꦲꦮꦶꦠ꧀ꦢꦺꦏ꧀ꦤꦺꦱꦸꦒꦶꦃ​ꦧꦔꦼꦠ꧀꧈​ ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦏꦺꦴꦮꦺ​ꦥꦢ​ꦠꦏ꧀ꦲꦺꦴꦩꦺꦴꦁꦔꦶ:ꦥꦚ꧀ꦕꦺꦤ꧀ꦲꦔꦺꦭ꧀ꦠꦼꦤꦤ꧀ꦏꦁꦒꦺꦴ​ꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦱ꧀ꦮꦂꦒ​꧉​ ²⁴ꦠꦏ꧀ꦧꦭꦺꦤ꧀ꦤꦶꦩꦼꦤꦺꦃ​ꦠꦼꦩ꧀ꦧꦸꦁꦏꦸ​:ꦩꦭꦃ​ꦭꦸꦮꦶꦃ​ꦒꦩ꧀ꦥꦁ​ꦲꦸꦤ꧀ꦠ​ꦩ꧀ꦊꦧꦸ​ꦧꦺꦴꦭꦺꦴꦁꦔꦤ꧀ꦤꦺ​ꦢꦺꦴꦩ꧀ ꦠꦼꦤꦶꦩ꧀ꦧꦁꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁵꧋ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​ꦩꦲꦸ​ꦥꦫ​ꦩꦸꦫꦶꦢ꧀ꦏꦒꦺꦠ꧀ꦧꦔꦼꦠ꧀ ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦤꦺꦏ꧀ꦔꦺꦴꦤꦺꦴ​꧈​ꦱꦥ​ꦱꦶꦁ​ꦧꦶꦱ​ꦱ꧀ꦭꦩꦼꦠ꧀?” ²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦁꦒꦺꦴ​ꦩꦤꦸꦁꦱ​ꦥꦽꦏꦫ​ꦏꦸꦮꦶ​ꦥꦚ꧀ꦕꦺꦤ꧀ꦩꦺꦴꦏꦭ꧀ ꦤꦁꦔꦶꦁ​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦲꦺꦤꦺꦁꦧꦫꦁ​ꦱꦶꦁ​ꦩꦺꦴꦏꦭ꧀꧈​”

꧋ꦲꦸꦥꦃꦲꦺꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

²⁷꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦤꦶꦁꦒꦭ꧀ꦱꦼꦩ꧀ꦧꦫꦁꦔꦺꦲꦮꦏ꧀ꦏꦺ​ꦢꦺꦮꦺꦭꦤ꧀ꦱꦲꦶꦏꦶ​ꦩꦺꦭꦸ​ꦏꦺꦴꦮꦺ​!ꦲꦮꦏ꧀ꦏꦺ​ꦢꦺꦮꦺꦧꦏꦭ꧀ꦲꦺꦤ꧀ꦠꦸꦏ꧀ꦲꦥ​?” ²⁸꧋ꦱꦲꦸꦫꦤ꧀ꦏꦸ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦺꦴꦮꦺ​ꦥꦢ​ꦠꦏ꧀ꦲꦺꦴꦩꦺꦴꦁꦔꦶ꧈​ꦲꦩ꧀ꦧꦺꦱꦸꦏ꧀ꦲꦶꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀​ꦚ꧀ꦗꦒꦺꦴꦁꦤꦁꦢꦩ꧀ꦥꦂꦥꦔ꧀ꦮꦱ​꧉​ꦲꦶꦁ​ꦮꦏ꧀ꦠꦸ​ꦲꦶꦏꦸ​ꦏꦺꦴꦮꦺ​ꦱꦶꦁ​ꦥꦢ​ꦩꦺꦭꦸ​ꦲꦏꦸ​ꦲꦸꦒ​ꦧꦏꦭ꧀ꦩꦺꦭꦸ​ꦚ꧀ꦗꦒꦺꦴꦁꦤꦁꦢꦩ꧀ꦥꦂꦭꦤ꧀ꦔꦿꦸꦠꦸꦠꦊꦂꦫꦺ​ꦆꦱꦿꦌꦭ꧀ꦫꦺꦴꦭꦱ꧀꧈​ ²⁹ꦭꦤ꧀ꦱꦧꦼꦤ꧀ꦮꦺꦴꦁ​ꦱꦶꦁ​ꦤꦶꦁꦒꦭ꧀ꦲꦺꦴꦩꦃꦲꦺ​꧈​ꦱꦼꦢꦸꦭꦸꦂꦫꦺ​ꦭꦤꦁ​ꦲꦥ​ꦮꦺꦢꦺꦴꦏ꧀ ꦧꦥꦲꦶꦧꦸꦤꦺ꧈​ꦲꦤꦏ꧀ꦲꦤꦏ꧀ꦏꦺ​ꦭꦤ꧀ꦏꦼꦧꦺꦴꦤꦺ​꧈​ꦗꦭꦂꦫꦤ꧀​ꦔ꧀ꦭꦧꦸꦃꦲꦶ​ꦲꦏꦸ​꧈​ꦮꦺꦴꦁ​ꦏꦸꦮꦶ​ꦧꦏꦭ꧀ꦤꦩ꧀ꦥ​ꦲꦶꦗꦺꦴꦭ꧀ꦭꦺ​ꦥꦶꦁ​ꦱꦠꦸꦱ꧀ꦭꦤ꧀ꦲꦸꦒ​ꦧꦏꦭ꧀ꦲꦺꦤ꧀ꦠꦸꦏ꧀ꦲꦸꦫꦶꦥ꧀ꦭꦁꦒꦼꦁ​꧉​ ³⁰ꦤꦁꦔꦶꦁ​ꦲꦺꦴꦏꦺꦃꦮꦺꦴꦁ​ꦱꦶꦁ​ꦠꦼꦏꦤꦺ​ꦤ꧀ꦢꦶꦱꦶꦏ꧀ꦧꦏꦭ꧀ꦢꦢꦶ​ꦏꦺꦫꦶ​ꦢꦺꦮꦺꦭꦤ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦠꦼꦏꦤꦺ​ꦏꦺꦫꦶ​ꦧꦏꦭ꧀ꦢꦢꦶ​ꦤ꧀ꦢꦶꦱꦶꦏ꧀ꦢꦺꦮꦺ꧉​”

꧋ꦥꦶꦮꦸꦭꦁ​ꦧꦧ꧀ꦮꦺꦴꦁꦮꦺꦴꦁ​ꦱꦶꦁ​ꦏꦼꦂꦗ​ꦤꦁꦏꦼꦧꦺꦴꦤ꧀ꦢꦽꦲꦶꦥ꦳꧀꧈​

꧇​꧒꧐꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦢꦽꦲꦶꦥ꦳꧀꧈​ꦲꦺꦱꦸꦏ꧀ꦩꦿꦸꦥꦸꦠ꧀ꦮꦺꦴꦁꦔꦺ​ꦮꦶꦱ꧀ꦧꦸꦢꦭ꧀​ꦔ꧀ꦒꦺꦴꦭꦺꦏ꧀ꦮꦺꦴꦁ​ꦱꦶꦁ​ꦏꦸꦢꦸ​ꦔꦼꦂꦗꦤ꧀ꦤꦶꦏꦼꦧꦺꦴꦤꦺ​꧉​ ²ꦏꦢꦸꦁ​ꦮꦶꦱ꧀ꦥꦢ​ꦱꦼꦠꦸꦗꦸ​ꦧꦧ꧀ꦧꦪꦫꦤ꧀ꦤꦺꦱꦧꦼꦤ꧀ꦮꦺꦴꦁ​ꦱꦼꦢꦶꦤ​꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤꦺ​꧉​ ³ꦏꦶꦫꦏꦶꦫ​ꦗꦩ꧀ꦱꦔ​ꦲꦺꦱꦸꦏ꧀ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦭꦸꦔ​ꦩꦼꦤꦺꦃ​ꦠꦼꦫꦸꦱ꧀ꦮꦼꦫꦸꦃ​ꦮꦺꦴꦁ​ꦱꦶꦗꦶꦭꦺꦴꦫꦺꦴꦔꦁꦒꦸꦂ​ꦤꦁꦭꦠꦂꦫꦺ​ꦥꦱꦂ​꧉​ ⁴ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦔꦁꦒꦸꦂ​ꦏꦸꦮꦶ​:'ꦲ꦳ꦪꦸꦏ꧀ꦥꦢ​ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤ꧀ꦏꦸ​꧈​ꦏꦺꦴꦮꦺ​ꦧꦏꦭ꧀ꦠꦏ꧀ꦧꦪꦂ​ꦱꦏ꧀ꦩꦼꦱ꧀ꦠꦶꦤꦺ!’ ⁵ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦧꦸꦢꦭ꧀꧈​ꦏꦶꦫꦏꦶꦫ​ꦗꦩ꧀ꦫꦺꦴꦭꦱ꧀ꦭꦤ꧀ꦗꦩ꧀ꦠꦼꦭꦸ​ꦲꦮꦤ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦭꦸꦔ​ꦩꦼꦤꦺꦃ​ꦔ꧀ꦒꦺꦴꦭꦺꦏ꧀ꦮꦺꦴꦁ​꧉​ ⁶ꦏꦶꦫꦏꦶꦫ​ꦗꦩ꧀ꦭꦶꦩ​ꦱꦺꦴꦫꦺ​ꦮꦺꦴꦁꦔꦺ​ꦲꦸꦒ​ꦧꦸꦢꦭ꧀ꦩꦼꦤꦺꦃ​꧈​ꦠꦼꦫꦸꦱ꧀ꦮꦼꦫꦸꦃ​ꦮꦺꦴꦁꦮꦺꦴꦁ​ꦥꦢ​ꦔꦁꦒꦸꦂ​꧈​ꦠꦼꦫꦸꦱ꧀ꦢꦶꦠꦏꦺꦴꦤ꧀ꦤꦶ​:'ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔꦁꦒꦸꦂ​ꦤꦁꦏꦺꦤꦺ​ꦱꦼꦢꦶꦤ​ꦩꦸꦥꦸꦠ꧀?’ ⁷ꦮꦺꦴꦁꦮꦺꦴꦁ​ꦱꦼꦩꦲꦸꦂ​:'ꦭꦃ​ꦲꦺꦴꦫ​ꦲꦺꦤꦺꦁꦱꦶꦁ​ꦔꦼꦏꦺꦏ꧀ꦏꦶꦏꦼꦂꦗꦤ꧀ꦤꦤ꧀ꦏꦺꦴꦏ꧀!’ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦩꦺꦴꦁ:'ꦤꦺꦏ꧀ꦔꦺꦴꦤꦺꦴ​꧈​ꦲ꦳ꦪꦸꦏ꧀ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤ꧀ꦏꦸ​ꦮꦲꦺ​꧉​’ ⁸꧋“ꦏꦢꦸꦁ​ꦮꦶꦱ꧀ꦱꦸꦫꦸꦥ꧀ ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦤ꧀ꦢꦺꦴꦂꦫꦺ:'ꦏꦤ​ꦱꦶꦁ​ꦏꦼꦂꦗ​ꦥꦢ​ꦢꦶꦕꦼꦭꦸꦏ꧀​ꦭꦤ꧀ꦢꦶꦏꦺꦏ꧀ꦏꦶꦧꦪꦫꦤ꧀ꦤꦺ꧉​ꦩꦺꦴꦭꦃꦲꦶꦏꦫꦺꦴ​ꦱꦶꦁ​ꦠꦼꦏ​ꦏꦺꦫꦶ​ꦢꦺꦮꦺꦔꦤ꧀ꦠꦶ​ꦠꦼꦏꦤ꧀ꦱꦶꦁ​ꦠꦼꦏ​ꦤ꧀ꦢꦶꦱꦶꦏ꧀ꦢꦺꦮꦺ꧉'​ ⁹ꦮꦺꦴꦁꦮꦺꦴꦁ​ꦱꦶꦁ​ꦚꦩ꧀ꦧꦸꦠ꧀ꦠꦩꦺꦴꦭꦃꦲꦶꦏꦶꦫꦏꦶꦫ​ꦗꦩ꧀ꦭꦶꦩ​ꦠꦼꦫꦸꦱ꧀ꦥꦢ​ꦠꦼꦏ​ꦭꦤ꧀ꦤꦩ꧀ꦥ​ꦧꦪꦫꦤ꧀ꦤꦺꦮꦺꦴꦁ​ꦏꦼꦂꦗ​ꦱꦼꦢꦶꦤ​꧉​ ¹⁰ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦮꦺꦴꦁ​ꦱꦶꦁ​ꦩꦺꦴꦭꦃꦲꦶꦏꦼꦂꦗ​ꦏꦮꦶꦠ꧀ꦲꦺꦱꦸꦏ꧀ꦠꦼꦫꦸꦱ꧀ꦥꦢ​ꦩꦫ​꧈​ꦩꦶꦏꦶꦫꦺꦧꦏꦭ꧀ꦤꦩ꧀ꦥ​ꦧꦪꦂꦫꦤ꧀ꦭꦸꦮꦶꦃ​ꦲꦺꦴꦏꦺꦃ꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦏꦸꦮꦶ​ꦲꦸꦒ​ꦤꦩ꧀ꦥ​ꦧꦪꦫꦤ꧀ꦤꦺꦮꦺꦴꦁ​ꦏꦼꦂꦗ​ꦱꦼꦢꦶꦤ​꧉​ ¹¹ꦮꦺꦴꦁꦮꦺꦴꦁ​ꦤꦩ꧀ꦥꦤꦶ​ꦧꦪꦫꦤ꧀ꦤꦺꦏꦫꦺꦴ​ꦔ꧀ꦒꦼꦱꦃ​ꦩꦫꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀꧈​ ¹²ꦠꦼꦩ꧀ꦧꦸꦁꦔꦺ​:'ꦭꦃ​ꦱꦶꦁ​ꦠꦼꦏ​ꦏꦺꦫꦶ​ꦏꦼꦂꦗꦤꦺꦤꦩꦸꦁ​ꦱꦏ꧀ꦗꦩ꧀ ꦭꦃ​ꦏꦺꦴꦏ꧀ꦢꦶꦧꦪꦂ​ꦠꦸꦁꦒꦭ꧀ꦭꦺ​ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺꦱꦶꦁ​ꦏꦼꦂꦗ​ꦏꦼꦥꦤꦱ꧀ꦱꦼꦤ꧀ꦱꦼꦢꦶꦤ​ꦩꦸꦥꦸꦠ꧀꧈​’ ¹³꧋“ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦱꦼꦩꦲꦸꦂ​:'ꦭꦺꦴ​꧈​ꦲꦏꦸ​ꦲꦺꦴꦫ​ꦔꦥꦸꦱ꧀ꦱꦶ​ꦏꦺꦴꦮꦺ​!ꦏꦺꦴꦮꦺ​ꦭꦲꦸꦠ꧀ꦮꦶꦱ꧀ꦱꦼꦠꦸꦗꦸ​ꦠ​ꦤꦩ꧀ꦥ​ꦧꦪꦫꦤ꧀ꦤꦺꦮꦺꦴꦁ​ꦏꦼꦂꦗ​ꦱꦼꦢꦶꦤ​? ¹⁴ꦢꦶꦠꦩ꧀ꦥ​ꦧꦪꦫꦤ꧀ꦩꦸꦏꦸꦮꦶ​ꦭꦤ꧀ꦏꦤ​ꦭꦸꦔ​!ꦥꦚ꧀ꦕꦺꦤ꧀ꦲꦏꦸ​ꦏꦉꦥ꧀ ꦔꦼꦏꦺꦏ꧀ꦏꦶꦮꦺꦴꦁ​ꦱꦶꦁ​ꦠꦼꦏ​ꦏꦺꦫꦶ​ꦧꦪꦂꦫꦤ꧀ꦱꦶꦁ​ꦠꦸꦁꦒꦭ꧀ꦭꦺ​ꦏꦫꦺꦴ​ꦧꦪꦫꦤ꧀ꦩꦸ꧉​ ¹⁵ꦲꦥ​ꦲꦏꦸ​ꦲꦺꦴꦫ​ꦲꦺꦤ꧀ꦠꦸꦏ꧀ꦔꦁꦒꦺꦴꦏ꧀ꦏꦏꦺꦢꦸꦮꦶꦠ꧀ꦏꦸꦩꦤꦸꦠ꧀ꦏꦉꦥ꧀ꦏꦸ​ꦢꦺꦮꦺ?ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦩꦺꦫꦶ​ꦤꦺꦏ꧀ꦲꦏꦸ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦭꦶꦪꦤꦺ​?’” ¹⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ꦏꦪ​ꦔꦺꦴꦤꦺꦴ​꧈​ꦮꦺꦴꦁꦮꦺꦴꦁ​ꦱꦶꦁ​ꦠꦼꦏ​ꦏꦺꦫꦶ​ꦧꦏꦭ꧀ꦢꦢꦶ​ꦤ꧀ꦢꦶꦱꦶꦏ꧀ꦢꦺꦮꦺꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺꦧꦏꦭ꧀ꦢꦢꦶ​ꦱꦶꦁ​ꦏꦺꦫꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦥꦶꦁ​ꦠꦼꦭꦸꦤꦺ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧉​

¹⁷꧋ꦢꦺꦴꦁꦔꦺꦥꦢ​ꦩ꧀ꦭꦏꦸ​ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦫꦺꦴꦭꦱ꧀ꦢꦶꦢꦺꦮꦺꦏ꧀ꦏꦏꦺ꧈​ꦠꦼꦫꦸꦱ꧀ꦔꦺꦴꦩꦺꦴꦁ: ¹⁸“ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦱꦲꦶꦏꦶ​ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀꧈​ꦤꦁꦏꦤ​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦥꦱꦿꦃꦲꦏꦺꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦒꦸꦫꦸ​ꦏꦶꦠꦧ꧀​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦤꦼꦠꦼꦥ꧀ꦥꦏꦺꦱꦼꦠꦿꦥꦤ꧀ꦥꦠꦶ​ꦩꦫꦁ​ꦢꦺꦏ꧀ꦤꦺ꧉​ ¹⁹ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦮꦺꦴꦁ​ꦧꦏꦭ꧀ꦩꦱꦿꦃꦲꦏꦺꦢꦺꦏ꧀ꦤꦺꦩꦫꦁ​ꦧꦁꦱ​ꦬꦸꦩ꧀ ꦱꦸꦥꦪ​ꦢꦶꦥꦺꦴꦪꦺꦴꦏ꧀ꦏꦶ​꧈​ꦢꦶꦥꦼꦕꦸꦠ꧀ꦠꦶ​ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁ꧉​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦥꦼꦚ꧀ꦗꦭꦸꦏ꧀ꦏꦺ​ꦧꦺꦴꦗꦺꦴꦤꦺ​ꦯꦺꦧꦺꦢꦺꦪꦸꦱ꧀꧈​

²⁰꧋ꦧꦺꦴꦗꦺꦴꦤꦺ​ꦯꦺꦧꦺꦢꦺꦪꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦲꦤꦏ꧀ꦏꦺ​ꦭꦤꦁ​ꦭꦺꦴꦫꦺꦴ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦱꦸꦗꦸꦠ꧀ꦲꦉꦥ꧀​ꦤ꧀ꦢꦸꦮꦺꦤ꧀ꦤꦶ​ꦠꦼꦩ꧀ꦧꦸꦁ​꧉​ ²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦏꦉꦥ꧀ꦥꦏꦺ?” ꧋ꦧꦺꦴꦗꦺꦴꦤꦺ​ꦯꦺꦧꦺꦢꦺꦪꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦗꦚ꧀ꦗꦶ​ꦠ​꧈​ꦤꦺꦏ꧀ꦒꦸꦱ꧀ꦠꦶ​ꦲꦩ꧀ꦧꦺꦱꦸꦏ꧀ꦢꦢꦶ​ꦫꦠꦸ​꧈​ꦲꦤꦏ꧀ꦏꦸ​ꦏꦧꦺꦃ​ꦭꦺꦴꦫꦺꦴ​ꦏꦼꦭꦶꦭ꧀ꦭꦤ꧀​ꦚ꧀ꦗꦒꦺꦴꦁꦤꦁꦱꦼꦧꦼꦭꦃꦲꦺꦒꦸꦱ꧀ꦠꦶ​꧈​ꦱꦶꦁ​ꦱꦶꦗꦶ​ꦠꦼꦔꦼꦤ꧀ꦭꦤ꧀ꦭꦶꦪꦤꦺ​ꦏꦶꦮ​?” ²²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀꧈​ꦲꦥ​ꦏꦺꦴꦮꦺ​ꦮꦤꦶ​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦱꦶꦁ​ꦧꦏꦭ꧀ꦠꦏ꧀ꦭꦏꦺꦴꦤ꧀ꦤꦶ​?” ꧋ꦱꦲꦸꦫꦤ꧀ꦏꦸ​:“ꦪ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦮꦤꦶ​!” ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ ꦏꦱꦁꦱꦫꦤ꧀ꦱꦶꦁ​ꦧꦏꦭ꧀ꦠꦏ꧀ꦭꦏꦺꦴꦤ꧀ꦤꦶ​ꦏꦺꦴꦮꦺ​ꦲꦸꦒ​ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​꧉​ꦤꦁꦔꦶꦁ​ꦧꦧ꧀​ꦚ꧀ꦗꦒꦺꦴꦁꦤꦁꦱꦼꦧꦼꦭꦃꦠꦼꦔꦼꦤ꧀ꦲꦥ​ꦏꦶꦮꦏꦸ꧈​ꦏꦸꦮꦶ​ꦲꦏꦸ​ꦲꦺꦴꦫ​ꦤ꧀ꦢꦸꦮꦺꦏ꧀ꦮꦱ​ꦔꦫꦤ꧀ꦤꦶ​꧉​ꦗꦒꦺꦴꦁꦔꦤ꧀ꦏꦸꦮꦶ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦁꦒꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦧꦥꦏ꧀ꦏꦸ​꧉​” ²⁴꧋ꦏꦢꦸꦁ​ꦩꦸꦫꦶꦢ꧀ꦱꦼꦥꦸꦭꦸꦃ​ꦭꦶꦪꦤꦺ​ꦏꦿꦸꦔꦸ​ꦧꦧ꧀ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦤꦼꦱꦸ​ꦩꦫꦁ​ꦱꦼꦢꦸꦭꦸꦂ​ꦭꦺꦴꦫꦺꦴ​ꦩꦲꦸ​꧉​ ²⁵ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦧꦺꦃ​ꦠꦼꦫꦸꦱ꧀ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦏꦺꦴꦮꦺ​ꦥꦢ​ꦔꦼꦂꦠꦶ​ꦢꦺꦮꦺꦤꦺꦏ꧀ꦥꦫ​ꦥꦼꦤꦸꦤ꧀ꦠꦸꦤ꧀ꦩꦭꦃ​ꦥꦢ​ꦔꦼꦫꦺꦃ​ꦧꦁꦱꦤꦺ​ꦭꦤ꧀ꦱꦼꦩꦺꦴꦤꦺꦴ​ꦲꦸꦒ​ꦥꦫ​ꦥꦼꦁꦒꦼꦢꦺ꧈​ꦏꦸꦮꦶ​ꦩꦭꦃ​ꦥꦢ​ꦤꦶꦤ꧀ꦢꦼꦱ꧀ꦧꦁꦱꦤꦺ​꧉​ ²⁶ꦤꦁꦔꦶꦁ​ꦏꦺꦴꦮꦺ​ꦲꦗ​ꦏꦪ​ꦔꦺꦴꦤꦺꦴ​꧉​ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦥꦼꦔꦉꦥ꧀ ꦏꦸꦮꦶ​ꦏꦸꦢꦸ​ꦔ꧀ꦭꦢꦺꦤ꧀ꦤꦶ​ꦏꦺꦴꦮꦺ​꧉​ ²⁷ꦭꦤ꧀ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦢꦶꦲꦁꦒꦼꦥ꧀ꦒꦼꦢꦺ​ꦢꦺꦮꦺ꧈​ꦏꦸꦮꦶ​ꦱꦶꦁ​ꦏꦸꦢꦸ​ꦢꦢꦶ​ꦥꦼꦭꦢꦺꦤ꧀ꦤꦺ​ꦭꦶꦪꦤꦺ​꧉​ ²⁸ꦢꦶꦢꦼꦭꦺꦴꦏ꧀ꦏꦏꦺ​ꦠ​ꦲꦤꦏ꧀ꦏꦺ​ꦩꦤꦸꦁꦱ​꧈​ꦢꦺꦏ꧀ꦤꦺꦠꦼꦏꦤꦺ​ꦲꦺꦴꦫ​ꦱꦸꦥꦪ​ꦢꦶꦭꦢꦺꦤ꧀ꦤꦶ​꧈​ꦤꦁꦔꦶꦁ​ꦩꦭꦃ​ꦔ꧀ꦭꦢꦺꦤ꧀ꦤꦶ​ꦭꦤ꧀ꦩꦱꦿꦃꦲꦏꦺꦚꦮꦤꦺ​ꦏꦁꦒꦺꦴ​ꦚ꧀ꦭꦩꦼꦠ꧀ꦠꦏꦺꦮꦺꦴꦁ​ꦲꦺꦴꦏꦺꦃ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦩꦸꦂ​ꦭꦺꦴꦫꦺꦴ​꧉​

²⁹꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦤꦶꦁꦒꦭ꧀ꦏꦸꦠꦪꦺꦫꦶꦏꦺꦴ꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦼꦠꦸꦠ꧀ꦠꦏꦺ꧉​ ³⁰ꦤꦁꦥꦶꦁꦒꦶꦂ​ꦢꦭꦤ꧀ꦲꦺꦤꦺꦁꦮꦺꦴꦁ​ꦭꦩꦸꦂ​ꦭꦺꦴꦫꦺꦴ​ꦥꦢ​ꦚ꧀ꦗꦒꦺꦴꦁ꧉​ꦏꦢꦸꦁ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦶꦮꦠ꧀ ꦮꦺꦴꦁ​ꦭꦩꦸꦂ​ꦭꦺꦴꦫꦺꦴ​ꦩꦲꦸ​ꦥꦢ​ꦧꦼꦔꦺꦴꦏ꧀ꦧꦼꦔꦺꦴꦏ꧀:“ꦒꦸꦱ꧀ꦠꦶ​꧈​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦩꦼꦭꦱ꧀ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ!” ³¹꧋ꦮꦺꦴꦁ​ꦲꦺꦴꦏꦺꦃꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦚꦼꦤꦺꦤ꧀ꦤꦶꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦏꦺꦴꦁꦏꦺꦴꦤ꧀ꦩꦼꦤꦼꦁ​꧉​ꦤꦁꦔꦶꦁ​ꦩꦭꦃ​ꦠꦩ꧀ꦧꦃ​ꦧꦤ꧀ꦠꦼꦂ​ꦱꦶꦁ​ꦲꦩ꧀ꦧꦼꦔꦺꦴꦏ꧀:“ꦒꦸꦱ꧀ꦠꦶ​꧈​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦩꦼꦭꦱ꧀ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ!” ³²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦤ꧀ꦢꦼꦏ꧀ ꦠꦼꦫꦸꦱ꧀ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦢꦶꦕꦼꦭꦸꦏ꧀​꧉​ꦢꦺꦏ꧀ꦤꦺꦠꦏꦺꦴꦤ꧀:“ꦏꦺꦴꦮꦺ​ꦚ꧀ꦗꦭꦸꦏ꧀ꦲꦥ​?” ³³꧋ꦱꦼꦩꦲꦸꦂꦫꦺ​:“ꦲꦮꦏ꧀ꦏꦺ​ꦢꦺꦮꦺꦚꦸꦮꦸꦤ꧀ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧈​ꦒꦸꦱ꧀ꦠꦶ​!” ³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦭꦱ꧀ꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​꧈​ꦠꦼꦫꦸꦱ꧀ꦢꦶꦢꦼꦩꦺꦏ꧀ꦩꦿꦶꦥꦠ꧀ꦠꦺ​꧉​ꦱꦏ꧀ꦮꦠ꧀ꦠꦼꦫꦸꦱ꧀ꦥꦢ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦏꦸꦠꦪꦺꦫꦸꦱꦭꦺꦩ꧀ꦢꦶꦲꦫꦏ꧀ꦲꦫꦏ꧀ꦮꦺꦴꦁ​ꦲꦺꦴꦏꦺꦃ꧉​

꧇​꧒꧑꧇​ ¹꧋ꦏꦢꦸꦁ​ꦮꦶꦱ꧀ꦩꦺꦃ​ꦠꦼꦏꦤ꧀ꦏꦸꦠꦪꦺꦫꦸꦱꦭꦺꦩ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦩꦩ꧀ꦥꦶꦂ​ꦤꦁꦢꦺꦱ​ꦨꦺꦠ꧀ꦥ꦳ꦏꦺ꧈​ꦕꦼꦢꦼꦏ꧀​ꦏꦫꦺꦴ​ꦒꦸꦤꦸꦁ​ꦎꦭꦺꦥ꦳꧀꧈​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦭꦺꦴꦫꦺꦴ​ꦏꦺꦴꦁꦏꦺꦴꦤ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀꧈​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦤ​ꦧꦸꦢꦭ꧀ꦤꦁꦢꦺꦱ​ꦤꦁꦔꦉꦥ꧀ꦏꦸꦮꦶ​꧉​ꦤꦁꦏꦺꦴꦤꦺꦴ​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦏꦶꦩꦂꦮꦺꦢꦺꦴꦏ꧀ꦏꦫꦺꦴ​ꦲꦤꦏꦤ꧀ꦤꦺꦢꦶꦏꦼꦚ꧀ꦕꦁ​​꧉​ꦏꦶꦩꦂꦫꦺ​ꦢꦶꦲꦸꦕꦸꦭ꧀ꦭꦶ​ꦠꦼꦫꦸꦱ꧀ꦢꦶꦒꦮ​ꦩ꧀ꦧꦿꦺꦤꦺ꧉​ ³ꦤꦺꦏ꧀ꦲꦺꦤꦺꦁꦮꦺꦴꦁ​ꦠꦏꦺꦴꦤ꧀ꦲꦥꦲꦥ​꧈​ꦔꦺꦴꦩꦺꦴꦁꦔꦺꦤꦺ​ꦮꦲꦺ​:'ꦒꦸꦱ꧀ꦠꦶ​ꦩ꧀ꦧꦸꦠꦸꦃꦲꦏꦺ꧉​ꦤꦺꦏ꧀ꦮꦶꦱ꧀ꦫꦩ꧀ꦥꦸꦁ​꧈​ꦧꦏꦭ꧀ꦢꦶꦧꦭꦺꦏ꧀ꦏꦏꦺ꧉​’” ⁴꧋ꦢꦢꦶꦤꦺ​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦱꦏ꧀ꦮꦶꦗꦶꦤꦺꦤꦧꦶ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

⁵“ꦢꦶꦏꦧꦂꦫꦏꦺ​ꦩꦫꦁ​ꦮꦺꦴꦁꦮꦺꦴꦁ​ꦤꦁꦱꦶꦪꦺꦴꦤ꧀:
ꦫꦠꦸꦩꦸ​ꦤꦼꦏꦤꦶ​ꦏꦺꦴꦮꦺ​꧈​
ꦢꦺꦏ꧀ꦤꦺꦲꦤ꧀ꦢꦥ꧀ꦥꦱꦺꦴꦂ
ꦭꦤ꧀ꦠꦼꦏꦤꦺ​ꦤꦸꦩ꧀ꦥꦏ꧀ꦲꦤꦏ꧀ꦏꦤ꧀ꦏꦶꦩꦂ꧉​”

⁶꧋ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦤꦸꦫꦸꦠ꧀ꦠꦶ​ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁷ꦏꦶꦩꦂꦭꦤ꧀ꦲꦤꦏꦤ꧀ꦤꦺꦠꦼꦫꦸꦱ꧀ꦢꦶꦒꦮ​꧉​ ⁸ꦩꦸꦫꦶꦢ꧀ꦩꦸꦫꦶꦢ꧀ꦥꦶꦫꦁꦥꦶꦫꦁ​ꦱꦶꦁ​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦚ꧀ꦗꦺꦫꦺꦁ​ꦏ꧀ꦭꦩ꧀ꦧꦶꦤꦺ​ꦤꦁꦢꦭꦤ꧀ꦱꦶꦁ​ꦲꦉꦥ꧀ꦢꦶꦭꦶꦮꦠ꧀ꦠꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦭꦶꦪꦤꦺ​ꦥꦢ​ꦔꦼꦥꦺꦏ꧀ꦥꦁꦔꦺ​ꦮꦶꦠ꧀ꦮꦶꦠ꧀ꦠꦤ꧀ꦠꦼꦫꦸꦱ꧀ꦢꦶꦱꦺꦭꦺꦃꦲꦏꦺꦤꦁꦢꦭꦤ꧀꧈​ ⁹ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩ꧀ꦭꦏꦸ​ꦤꦁꦔꦉꦥ꧀ꦥꦺ​ꦭꦤ꧀ꦤꦁꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦱꦸꦫꦏ꧀ꦱꦸꦫꦏ꧀:“ꦲ꦳ꦺꦴꦱꦤ꧈​ꦲ꦳ꦪꦸꦏ꧀ꦢꦶꦥꦸꦗꦶꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀꧈​ꦩꦸꦒ​ꦏꦧꦼꦂꦏꦃꦲꦤ꧀ꦱꦶꦁ​ꦠꦼꦏ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​꧉​ꦲ꦳ꦺꦴꦱꦤ꧈​ꦲ꦳ꦪꦸꦏ꧀ꦢꦶꦥꦸꦗꦶꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦤꦁꦱ꧀ꦮꦂꦒ​!” ¹⁰꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦩ꧀ꦊꦧꦸ​ꦤꦁꦏꦸꦠꦪꦺꦫꦸꦱꦭꦺꦩ꧀ ꦮꦺꦴꦁ​ꦱꦏ꧀ꦏꦸꦠꦥꦢ​ꦒꦺꦒꦺꦂ​ꦭꦤ꧀ꦥꦢ​ꦠꦏꦺꦴꦤ꧀:“ꦱꦶꦁ​ꦠꦼꦏ​ꦏꦸꦮꦶ​ꦱꦥ​ꦠ​?” ¹¹꧋ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦸꦮꦶ​ꦤꦧꦶ​ꦪꦺꦯꦸꦱ꧀ ꦱꦁꦏꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧉​

¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦭꦠꦂꦫꦺ​ꦒꦿꦺꦗ​ꦒꦼꦢꦺ​꧉​ꦮꦺꦴꦁꦮꦺꦴꦁ​ꦱꦶꦁ​ꦢꦺꦴꦢꦺꦴꦭ꧀ꦭꦤ꧀ꦭꦤ꧀ꦠꦼꦠꦸꦏꦸ​ꦤꦁꦭꦠꦂꦫꦺ​ꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​ꦥꦢ​ꦢꦶꦲꦸꦱꦶꦂ​ꦏꦺꦴꦁꦏꦺꦴꦤ꧀ꦭꦸꦔ​ꦏꦧꦺꦃ​꧉​ꦩꦺꦗ​ꦩꦺꦗꦤꦺ​ꦱꦶꦁ​ꦠꦸꦏꦁ​ꦔꦶꦗꦺꦴꦭ꧀ꦭꦶ​ꦢꦸꦮꦶꦠ꧀ꦭꦤ꧀ꦢꦶꦁꦏ꧀ꦭꦶꦏ꧀ꦢꦶꦁꦏ꧀ꦭꦶꦏ꧀ꦏꦺꦱꦶꦁ​ꦢꦺꦴꦢꦺꦴꦭ꧀ꦩꦤꦸꦏ꧀ꦢꦫ​ꦢꦶꦒ꧀ꦭꦺꦩ꧀ꦥꦁꦔꦏꦺꦏꦧꦺꦃ​꧉​ ¹³ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦢꦺꦴꦢꦺꦴꦭ꧀ꦭꦤ꧀:“ꦤꦁꦏꦶꦠꦧ꧀​ꦮꦶꦱ꧀ꦢꦶꦠꦸꦭꦶꦱ꧀ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:'ꦲꦺꦴꦩꦃꦏꦸ​ꦧꦏꦭ꧀ꦢꦶꦲꦫꦤ꧀ꦤꦶ​ꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦥꦩꦸꦗꦶ​꧈'​ꦤꦁꦔꦶꦁ​ꦱꦲꦶꦏꦶ​ꦲꦩ꧀ꦧꦺꦴꦏ꧀ꦢꦢꦺꦏ꧀ꦏꦏꦺꦫꦺꦴꦁꦔꦺ​ꦩꦭꦶꦁ​꧉​” ¹⁴꧋ꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦩꦸꦂ​ꦭꦤ꧀ꦮꦺꦴꦁ​ꦭꦸꦩ꧀ꦥꦸꦃ​ꦥꦢ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦧꦺꦃ​ꦥꦢ​ꦢꦶꦮꦫꦱ꧀ꦱꦏꦺ꧉​ ¹⁵ꦤꦁꦔꦶꦁ​ꦏꦢꦸꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦥꦢ​ꦮꦼꦫꦸꦃ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦭꦤ꧀ꦧꦺꦴꦕꦃꦧꦺꦴꦕꦃ​ꦥꦢ​ꦱꦸꦫꦏ꧀ꦱꦸꦫꦏ꧀:“ꦢꦶꦥꦸꦗꦶꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ”ꦠꦼꦫꦸꦱ꧀ꦥꦢ​ꦤꦼꦱꦸ​꧉​ ¹⁶ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦏꦺꦴꦮꦺ​ꦲꦺꦴꦫ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦧꦺꦴꦕꦃꦧꦺꦴꦕꦃ​ꦏꦸꦮꦶ​?” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦪ​꧈​ꦲꦏꦸ​ꦏꦿꦸꦔꦸ​꧉​ꦤꦁꦔꦶꦁ​ꦲꦥ​ꦏꦺꦴꦮꦺ​ꦢꦸꦫꦸꦁ​ꦠꦲꦸ​ꦩꦕ​ꦤꦁꦏꦶꦠꦧ꧀​ꦱꦸꦕꦶ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦧꦺꦴꦕꦃꦧꦺꦴꦕꦃ​ꦭꦤ꧀ꦧꦪꦶꦧꦪꦶ​ꦮꦶꦱ꧀ꦲꦩ꧀ꦧꦺꦴꦏ꧀​ꦧ꧀ꦭꦗꦂꦫꦶꦩꦼꦩꦸꦗꦶ​ꦗꦼꦤꦼꦁꦩꦸ​꧉​’” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦶꦁꦒꦭ꧀ꦮꦺꦴꦁꦮꦺꦴꦁ​ꦏꦸꦮꦶ​꧈​ꦭꦸꦔ​ꦱꦁꦏꦏꦸꦠꦪꦺꦫꦸꦱꦭꦺꦩ꧀ ꦠꦼꦫꦸꦱ꧀ꦧꦸꦢꦭ꧀ꦤꦁꦢꦺꦱ​ꦨꦺꦠꦤꦶꦭꦤ꧀ꦔꦶꦤꦼꦥ꧀ꦤꦁꦏꦺꦴꦤꦺꦴ​꧉​

꧋ꦮꦶꦠ꧀ꦲꦚ꧀ꦗꦶꦂ​ꦱꦶꦁ​ꦲꦺꦴꦫ​ꦩꦼꦠꦸ​ꦮꦺꦴꦃꦲꦺ​꧉​

¹⁸꧋ꦲꦺꦱꦸꦏ꧀ꦏꦺ​꧈​ꦢꦺꦴꦁꦔꦺꦧꦭꦶꦏ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦱ​ꦔꦼꦭꦶꦃ​ꦤꦁꦢꦭꦤ꧀꧈​ ¹⁹ꦢꦺꦏ꧀ꦤꦺꦮꦼꦫꦸꦃ​ꦮꦶꦠ꧀ꦲꦚ꧀ꦗꦶꦂ​ꦤꦁꦥꦶꦁꦒꦶꦂ​ꦢꦭꦤ꧀ ꦠꦼꦫꦸꦱ꧀ꦢꦶꦥꦫꦤ꧀ꦤꦶ​꧉​ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦮꦺꦴꦃꦲꦺ​ꦱꦶꦗꦶꦱꦶꦗꦶꦪ​꧈​ꦤꦩꦸꦁ​ꦒꦺꦴꦢꦺꦴꦁ꧉​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦶꦠ꧀ꦠꦺ​:“ꦱꦭꦮꦱ꧀ꦭꦮꦱ꧀ꦱꦺ​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦩꦼꦤꦺꦃ​!”ꦱꦏ꧀ꦮꦠ꧀ꦮꦶꦠ꧀ꦠꦺ​ꦠꦼꦫꦸꦱ꧀ꦒꦫꦶꦁ​꧉​ ²⁰꧋ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀ ꦩꦸꦭꦤꦺ​ꦥꦢ​ꦠꦏꦺꦴꦤ꧀:“ꦭꦃ​ꦮꦶꦠ꧀ꦠꦺ​ꦲꦚ꧀ꦗꦶꦂ​ꦏꦺꦴꦏ꧀ꦢꦢꦶ​ꦒꦫꦶꦁ​ꦔꦺꦴꦤꦺꦴ​꧈​ꦒꦸꦱ꧀ꦠꦶ​?” ²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦢ​ꦔꦼꦂꦠꦶꦪ​꧈​ꦤꦺꦏ꧀ꦏꦺꦴꦮꦺ​ꦥꦽꦕꦪ​ꦭꦤ꧀ꦲꦺꦴꦫ​ꦩꦔꦸꦩꦔꦸ​꧈​ꦏꦺꦴꦮꦺ​ꦪ​ꦧꦶꦱ​ꦤꦶꦤ꧀ꦢꦏ꧀ꦏꦏꦺꦱꦶꦁ​ꦠꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦮꦶꦠ꧀ꦲꦚ꧀ꦗꦶꦂ​ꦏꦸꦮꦶ​꧉​ꦩꦭꦃ​ꦲꦺꦴꦫ​ꦤꦩꦸꦁ​ꦏꦸꦮꦶ​ꦮꦲꦺ​꧈​ꦏꦺꦴꦮꦺ​ꦧꦶꦱ​ꦔꦺꦴꦁꦏꦺꦴꦤ꧀ꦒꦸꦤꦸꦁ​ꦏꦲꦺ​ꦔꦺꦴꦩꦺꦴꦁ: 'ꦩꦸꦩ꧀ꦧꦸꦭ꧀ꦭ​꧈​ꦚ꧀ꦗꦼꦒꦸꦂꦫ​ꦤꦁꦱꦼꦒꦫ​꧈'​ꦭꦤ꧀ꦏꦸꦮꦶ​ꦪ​ꦧꦏꦭ꧀​ꦏ꧀ꦭꦏꦺꦴꦤ꧀꧈​ ²²ꦱꦼꦩ꧀ꦧꦫꦁ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ꦲꦶꦁ​ꦥꦤ꧀ꦢꦺꦴꦔ​ꦧꦏꦭ꧀​ꦏ꧀ꦭꦏꦺꦴꦤ꧀ ꦗꦚ꧀ꦗꦶ​ꦏꦺꦴꦮꦺ​ꦥꦽꦕꦪ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦭꦤ꧀ꦩꦸꦭꦁꦔꦶꦤꦁꦏꦺꦴꦤꦺꦴ​꧉​ꦲꦶꦁ​ꦠꦼꦔꦃꦠꦼꦔꦃꦲꦺ​ꦩꦼꦩꦸꦭꦁ​ꦲꦺꦤꦺꦁꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦒꦸꦫꦸ​꧈​ꦲꦼꦁꦒꦺꦴꦤ꧀ꦩꦸ​ꦤꦶꦤ꧀ꦢꦏ꧀ꦏꦏꦺꦥꦽꦏꦫ​ꦏꦸꦮꦶ​ꦏꦧꦺꦃ​ꦲꦺꦤ꧀ꦠꦸꦏ꧀ꦥꦔ꧀ꦮꦱ​ꦱꦁꦏꦔꦼꦤ꧀ꦢꦶ​?ꦱꦥ​ꦠ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦏꦺꦴꦮꦺ​?” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦲꦏꦸ​ꦲꦉꦥ꧀ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​ꦤ꧀ꦢꦶꦱꦶꦏ꧀꧈​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦩꦁꦱꦸꦭ꧀ꦭꦶ​ꦥꦶꦠꦏꦺꦴꦤꦤ꧀ꦏꦸ꧈​ꦲꦏꦸ​ꦪ​ꦧꦏꦭ꧀ꦩꦁꦱꦸꦭ꧀ꦭꦶ​ꦥꦶꦠꦏꦺꦴꦤ꧀ꦤꦤ꧀ꦩꦸ​꧉​ ²⁵ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦤꦧꦶ​ꦪꦺꦴꦲꦤꦼꦱ꧀ꦏꦁꦒꦺꦴ​ꦲꦩ꧀ꦧꦥ꧀ꦠꦶꦱ꧀?ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦩꦤꦸꦁꦱ​?” ꧋ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦠꦼꦫꦸꦱ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦢꦺꦮꦺ:“ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦺꦴꦩꦺꦴꦁ:'ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈'​ꦭꦃ​ꦩꦼꦁꦏꦺꦴ​ꦢꦺꦏ꧀ꦤꦺꦱꦼꦩꦲꦸꦂ​:'ꦭꦃ​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦥꦽꦕꦪ​ꦩꦫꦁ​ꦤꦧꦶ​ꦪꦺꦴꦲꦤꦼꦱ꧀?’ ²⁶ꦭꦃ​ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦱꦼꦩꦲꦸꦂ​:'ꦱꦁꦏꦩꦤꦸꦁꦱ​꧈'​ꦲꦮꦏ꧀ꦏꦺ​ꦢꦺꦮꦺꦮꦼꦢꦶ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃꦲꦶꦏꦶ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​ꦔꦁꦒꦼꦥ꧀ꦪꦺꦴꦲꦤꦼꦱ꧀ꦏꦸꦮꦶ​ꦤꦧꦶ​꧉​” ²⁷ꦢꦢꦶꦤꦺ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦥꦢ​ꦱꦼꦩꦲꦸꦂ​:“ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦔꦼꦂꦠꦶ​!” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦤꦺꦏ꧀ꦔꦺꦴꦤꦺꦴ​꧈​ꦏꦺꦴꦮꦺ​ꦪ​ꦲꦺꦴꦫ​ꦧꦏꦭ꧀ꦠꦏ꧀ꦲꦺꦴꦩꦺꦴꦁꦔꦶꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​ꦏꦁꦒꦺꦴ​ꦤꦶꦤ꧀ꦢꦏ꧀ꦏꦏꦺꦥꦽꦏꦫ​ꦏꦸꦮꦶ​ꦩꦲꦸ​ꦏꦧꦺꦃ​꧉​”

꧋ꦥꦶꦮꦸꦭꦁ​ꦧꦧ꧀ꦲꦤꦏ꧀ꦭꦺꦴꦫꦺꦴ​꧉​

²⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦥꦿꦶꦪꦺ​ꦥꦶꦤꦼꦩꦸꦩꦸꦧꦧ꧀ꦲꦶꦏꦶ​?ꦲꦺꦤꦺꦁꦮꦺꦴꦁ​ꦤ꧀ꦢꦸꦮꦺꦲꦤꦏ꧀ꦭꦺꦴꦫꦺꦴ​꧉​ꦮꦺꦴꦁꦔꦺ​ꦩꦫꦤꦶ​ꦲꦤꦏ꧀ꦏꦺ​ꦲꦩ꧀ꦧꦉꦥ꧀ꦠꦼꦫꦸꦱ꧀ꦔꦺꦴꦩꦺꦴꦁ:'ꦭꦶꦏ꧀​꧈​ꦢꦶꦤ​ꦲꦶꦏꦶ​ꦏꦤ​ꦏꦺꦴꦮꦺ​ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤ꧀ꦢꦽꦲꦶꦥ꦳꧀꧉'​ ²⁹ꦲꦤꦏ꧀ꦏꦺ​ꦱꦼꦩꦲꦸꦂ​:'ꦪ​ꦥꦏ꧀​꧈'​ꦤꦁꦔꦶꦁ​ꦲꦺꦴꦫ​ꦧꦸꦢꦭ꧀꧈​ ³⁰ꦧꦥꦏ꧀ꦏꦺꦠꦼꦫꦸꦱ꧀ꦩꦫꦤꦶ​ꦲꦤꦏ꧀ꦏꦺ​ꦱꦶꦁ​ꦲꦼꦤꦺꦴꦩ꧀ ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤꦺ​꧉​ꦲꦤꦏ꧀ꦏꦺ​ꦲꦼꦤꦺꦴꦩ꧀ꦱꦼꦩꦲꦸꦂ​:'ꦲꦏꦸ​ꦲꦼꦩꦺꦴꦃ​ꦥꦏ꧀​꧈'​ꦤꦁꦔꦶꦁ​ꦠꦼꦫꦸꦱ꧀ꦒꦼꦭ​꧈​ꦩꦸꦭꦤꦺ​ꦠꦼꦫꦸꦱ꧀ꦧꦸꦢꦭ꧀꧈​ ³¹꧋ꦲꦤꦏ꧀ꦭꦺꦴꦫꦺꦴ​ꦩꦲꦸ​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦤꦶꦤ꧀ꦢꦏ꧀ꦏꦏꦺꦏꦉꦥ꧀ꦥꦺ​ꦧꦥꦏ꧀ꦏꦺ?” ꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦱꦼꦩꦲꦸꦂ​:“ꦪ​ꦱꦶꦁ​ꦲꦼꦤꦺꦴꦩ꧀꧈​” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦢ​ꦠꦶꦠꦺꦤ꧀ꦤꦤ꧀ꦤ​꧈​ꦮꦺꦴꦁꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁꦮꦺꦴꦁ​ꦭꦺꦴꦤ꧀ꦠꦺꦩꦭꦃ​ꦧꦏꦭ꧀​ꦩ꧀ꦊꦧꦸ​ꦤ꧀ꦢꦶꦱꦶꦏ꧀ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦶꦩ꧀ꦧꦁꦏꦺꦴꦮꦺ​꧉​ ³²ꦲꦮꦶꦠ꧀ꦤꦧꦶ​ꦪꦺꦴꦲꦤꦼꦱ꧀ꦠꦼꦏ​ꦭꦤ꧀​ꦤ꧀ꦢꦸꦢꦸꦃꦲꦏꦺꦢꦭꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​꧈​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦥꦢ​ꦥꦽꦕꦪ​ꦩꦫꦁ​ꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁꦮꦺꦴꦁ​ꦭꦺꦴꦤ꧀ꦠꦺꦩꦭꦃ​ꦥꦢ​ꦥꦽꦕꦪ​ꦩꦫꦁ​ꦢꦺꦏ꧀ꦤꦺ꧉​ꦏꦺꦴꦮꦺ​ꦥꦢ​ꦮꦼꦫꦸꦃ​ꦏꦸꦮꦶ​꧈​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦠꦼꦫꦸꦱ꧀ꦩꦭꦶꦃ​ꦥꦶꦏꦶꦂꦫꦤ꧀ꦤꦺ​ꦭꦤ꧀ꦥꦽꦕꦪ​ꦩꦫꦁ​ꦢꦺꦏ꧀ꦤꦺ꧉​”

꧋ꦥꦶꦮꦸꦭꦁ​ꦧꦧ꧀ꦮꦺꦴꦁ​ꦚꦺꦮ​ꦏꦼꦧꦺꦴꦤ꧀꧈​

³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦥꦢ​ꦢꦶꦫꦸꦔꦺꦴꦏ꧀ꦏꦏꦺ​ꦥꦶꦮꦸꦭꦁ​ꦲꦶꦏꦶ​꧉​ꦲꦺꦤꦺꦁꦮꦺꦴꦁ​ꦱꦸꦒꦶꦃ​ꦤ꧀ꦢꦸꦮꦺꦏꦼꦧꦺꦴꦤ꧀ꦢꦽꦲꦶꦥ꦳꧀꧈​ꦏꦼꦧꦺꦴꦤꦺ​ꦢꦶꦥꦒꦼꦂꦫꦶ​ꦩꦸꦧꦼꦁ​ꦭꦤ꧀ꦢꦶꦒꦮꦺꦏ꧀ꦏꦏꦺꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦩꦼꦉꦱ꧀ꦢꦽꦲꦶꦥ꦳꧀ꦥ꦳ꦺ꧉​ꦮꦺꦴꦁꦔꦺ​ꦲꦸꦒ​ꦔꦼꦢꦼꦏ꧀ꦏꦏꦺꦒꦸꦧꦸꦏ꧀ꦢꦸꦮꦸꦂꦏꦁꦒꦺꦴ​ꦚ꧀ꦗꦒ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦏꦼꦧꦺꦴꦤꦺ​ꦠꦼꦫꦸꦱ꧀ꦢꦶꦱꦺꦮꦏ꧀ꦏꦏꦺꦩꦫꦁ​ꦮꦺꦴꦁꦮꦺꦴꦁ​ꦭꦶꦪꦤꦺ​꧉​ꦮꦺꦴꦁꦔꦺ​ꦢꦺꦮꦺꦠꦼꦫꦸꦱ꧀ꦭꦸꦔ​ꦤꦁꦭꦶꦪ​ꦤꦼꦒꦫ​꧉​ ³⁴ꦏꦢꦸꦁ​ꦮꦶꦱ꧀ꦮꦪꦃꦲꦺ​ꦥꦤꦺꦤ꧀ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦏ​ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦱꦶꦁ​ꦏꦼꦂꦗ​ꦱꦸꦥꦪ​ꦤꦁꦔ꧀ꦒꦺꦴꦤ꧀ꦤꦺꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤꦺ​꧉​ꦏꦺꦴꦁꦏꦺꦴꦤ꧀​ꦚ꧀ꦗꦭꦸꦏ꧀ꦧꦒꦺꦪꦤ꧀ꦤꦺꦢꦺꦏ꧀ꦤꦺꦱꦁꦏꦥꦩꦼꦠꦸꦤꦺ​ꦏꦼꦧꦺꦴꦤꦺ​꧉​ ³⁵ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦲꦸ​ꦩꦭꦃ​ꦢꦶꦕꦼꦏꦼꦭ꧀ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤ꧀꧈​ꦲꦺꦤꦺꦁꦱꦶꦁ​ꦢꦶꦒꦼꦧꦸꦏ꧀ꦏꦶ꧈​ꦲꦺꦤꦺꦁꦱꦶꦁ​ꦢꦶꦥꦠꦺꦤ꧀ꦤꦶ​ꦭꦤ꧀ꦲꦺꦤꦺꦁꦱꦶꦁ​ꦢꦶꦧꦤ꧀ꦢꦼꦩ꧀ꦩꦶꦮꦠꦸ​꧉​ ³⁶ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁ​ꦭꦶꦪꦤꦺ​ꦩꦼꦤꦺꦃ​꧈​ꦲꦺꦴꦏꦺꦃꦲꦺꦔꦸꦁꦏꦸꦭ꧀ꦭꦶ​ꦱꦶꦁ​ꦤ꧀ꦢꦶꦱꦶꦏ꧀꧈​ꦤꦁꦔꦶꦁ​ꦏꦺꦴꦁꦏꦺꦴꦤ꧀ꦤꦤ꧀ꦱꦶꦁ​ꦲꦶꦏꦶ​ꦏꦧꦺꦃ​ꦥꦢ​ꦮꦲꦺ​ꦔꦭꦩ꧀ꦩꦶ​ꦏꦪ​ꦱꦶꦁ​ꦤ꧀ꦢꦶꦱꦶꦏ꧀꧈​ ³⁷ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦔꦺꦴꦁꦏꦺꦴꦤ꧀ꦲꦤꦏ꧀ꦏꦺ​ꦢꦺꦮꦺ꧈​ꦩꦶꦏꦶꦫꦺꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤ꧀ꦔꦗꦺꦤ꧀ꦤꦶ​ꦩꦫꦁ​ꦲꦤꦏ꧀ꦏꦺ​ꦢꦺꦏ꧀ꦤꦺ꧉​ ³⁸ꦤꦁꦔꦶꦁ​ꦏꦢꦸꦁ​ꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤ꧀ꦮꦼꦫꦸꦃ​ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦏ​꧈​ꦠꦼꦫꦸꦱ꧀ꦥꦢ​ ꦉꦩ꧀ꦧꦸꦏ꧀ꦏꦤ꧀ꦔꦺꦤꦺ​:'ꦭꦃ​ꦲꦶꦏꦶ​ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦏ​꧉​ꦲ꦳ꦪꦸꦏ꧀ꦢꦶꦥꦠꦺꦤ꧀ꦤꦶ​ꦮꦲꦺ​꧈​ꦱꦸꦥꦪ​ꦲꦮꦏ꧀ꦏꦺ​ꦢꦺꦮꦺꦲꦺꦤ꧀ꦠꦸꦏ꧀ꦮꦫꦶꦱ꧀ꦱꦤ꧀ꦤꦺ​꧉'​ ³⁹ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦩꦲꦸ​ꦠꦼꦫꦸꦱ꧀ꦢꦶꦕꦼꦏꦼꦭ꧀ ꦢꦶꦱꦺꦫꦺꦠ꧀ꦩꦼꦠꦸ​ꦱꦁꦏꦏꦼꦧꦺꦴꦤꦺ​ꦠꦼꦫꦸꦱ꧀ꦢꦶꦥꦠꦺꦤ꧀ꦤꦶ​꧉​” ⁴⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦤꦺꦏ꧀ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦏ​꧈​ꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤꦺ​ꦧꦏꦭ꧀ꦢꦶꦏꦥꦏ꧀ꦏꦏꦺ?” ⁴¹꧋ꦮꦺꦴꦁꦮꦺꦴꦁ​ꦱꦶꦁ​ꦢꦶꦠꦏꦺꦴꦤ꧀ꦤꦶ​ꦥꦢ​ꦱꦼꦩꦲꦸꦂ​:“ꦪ​ꦮꦶꦱ꧀ꦱꦏ꧀ꦩꦼꦱ꧀ꦠꦶꦤꦺꦤꦺꦏ꧀ꦮꦺꦴꦁꦮꦺꦴꦁ​ꦲꦭ​ꦏꦸꦮꦶ​ꦧꦏꦭ꧀ꦢꦶꦥꦠꦺꦤ꧀ꦤꦶ​ꦏꦧꦺꦃ​꧉​ꦭꦃ​ꦏꦼꦧꦺꦴꦤꦺ​ꦢꦽꦲꦶꦥ꦳꧀ꦩꦼꦱ꧀ꦠꦶꦧꦏꦭ꧀ꦢꦶꦱꦺꦮꦏ꧀ꦏꦏꦺꦩꦫꦁ​ꦮꦺꦴꦁ​ꦭꦶꦪꦭꦶꦪꦤꦺ​꧈​ꦱꦶꦁ​ꦥꦢ​ꦒꦼꦊꦩ꧀ꦔꦼꦏꦺꦏ꧀ꦏꦏꦺꦧꦒꦺꦪꦤ꧀ꦤꦺꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦥꦼꦤ꧀ꦢꦏ꧀ꦥꦤꦺꦤ꧀꧈​” ⁴²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦏꦺꦴꦮꦺ​ꦥꦢ​ꦢꦸꦫꦸꦁ​ꦠꦲꦸ​ꦩꦕ​ꦠꦸꦭꦶꦱ꧀ꦱꦤ꧀ꦲꦶꦏꦶ​ꦤꦁꦏꦶꦠꦧ꧀​:

‘ꦮꦠꦸ​ꦱꦶꦁ​ꦲꦺꦴꦫ​ꦢꦶꦏꦁꦒꦺꦴꦏ꧀ꦏꦏꦺ
ꦏꦫꦺꦴ​ꦱꦶꦁ​ꦔ꧀ꦒꦮꦺ​ꦲꦺꦴꦩꦃ​꧈​
ꦏꦸꦮꦶ​ꦢꦢꦶ​ꦮꦠꦸ​ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺ꧉​
ꦲꦶꦏꦶ​ꦥꦼꦁꦒꦮꦺꦤꦺ​ꦒꦸꦱ꧀ꦠꦶ​꧈​
ꦩꦸꦭꦤꦺ​ꦪ​ꦔ꧀ꦒꦸꦩꦸꦤ꧀ꦤꦏꦺꦠꦼꦤꦤ꧀꧈​’

⁴³꧋ꦩꦸꦭꦤꦺ​ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦢꦶꦉꦧꦸꦠ꧀ꦱꦁꦏꦏꦺꦴꦮꦺ​ꦭꦤ꧀ꦢꦶꦏꦺꦏ꧀ꦏꦏꦺꦩꦫꦁ​ꦧꦁꦱ​ꦭꦶꦪ​꧈​ꦱꦶꦁ​ꦔ꧀ꦒꦸꦒꦸ​ꦩꦫꦁ​ꦠꦼꦩ꧀ꦧꦸꦁꦔꦺ​꧉​ ⁴⁴(ꦱꦥ​ꦱꦶꦁ​ꦠꦶꦧ​ꦲꦶꦁ​ꦮꦠꦸ​ꦏꦸꦮꦶ​ꦧꦏꦭ꧀ꦲꦗꦸꦂ​ꦭꦤ꧀ꦱꦶꦁ​ꦏꦼꦠꦶꦧꦤ꧀ꦮꦠꦸ​ꦏꦸꦮꦶ​ꦧꦏꦭ꧀ꦉꦩꦸꦏ꧀꧉)” ⁴⁵꧋ꦏꦢꦸꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦥꦢ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦫꦸꦩꦁꦱ​ꦤꦺꦏ꧀ꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦮꦺꦱꦶꦁ​ꦢꦶꦱꦼꦩꦺꦴꦤ꧀ꦤꦶ​꧉​ ⁴⁶ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦏꦼꦥꦺꦔꦶꦤ꧀ꦚꦼꦏꦼꦭ꧀ꦢꦺꦏ꧀ꦤꦺ꧈​ꦤꦁꦔꦶꦁ​ꦥꦢ​ꦮꦼꦢꦶ​ꦏꦫꦺꦴ​ꦫꦪꦠ꧀ꦠꦺ꧈​ꦱꦶꦁ​ꦔꦁꦒꦼꦥ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦤꦧꦶ​꧉​

꧋ꦥꦶꦮꦸꦭꦁ​ꦧꦧ꧀ꦩꦤ꧀ꦠꦺꦤ꧀ꦤꦤ꧀ꦒꦼꦢꦺ​꧉​

꧇​꧒꧒꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦩꦸꦭꦁ​ꦩꦼꦤꦺꦃ​ꦩꦫꦁ​ꦮꦺꦴꦁꦮꦺꦴꦁ​ꦔꦁꦒꦺꦴ​ꦱꦏ꧀ꦮꦶꦗꦶꦤꦺꦒꦩ꧀ꦧꦂ​꧉​ ²ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦏꦿꦠꦺꦴꦤꦺ​ꦱ꧀ꦮꦂꦒ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦱꦏ꧀ꦮꦶꦗꦶꦤꦺꦫꦠꦸ​ꦱꦶꦁ​ꦲꦉꦥ꧀​ꦤ꧀ꦢꦸꦮꦺꦒꦮꦺ​ꦒꦼꦢꦺꦤ꧀ ꦗꦭꦂꦫꦤ꧀ꦲꦉꦥ꧀ꦔꦮꦶꦤ꧀ꦤꦏꦺꦲꦤꦏ꧀ꦏꦺ​ꦭꦤꦁ​꧉​ ³ꦫꦠꦸ​ꦩꦲꦸ​ꦔꦺꦴꦁꦏꦺꦴꦤ꧀ꦥꦫ​ꦥꦼꦭꦢꦺꦤ꧀ꦤꦺ​ꦔꦸꦤ꧀ꦢꦁꦔꦶ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦸꦊꦩ꧀ꦩꦶ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦲꦺꦴꦫ​ꦒꦼꦊꦩ꧀ꦠꦼꦏ​꧉​ ⁴ꦫꦠꦸꦤꦺ​ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦥꦼꦭꦢꦺꦤ꧀ꦥꦼꦭꦢꦺꦤ꧀ꦭꦶꦪꦤꦺ​꧈​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:'ꦏꦤ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦸꦊꦩ꧀ꦩꦶ​ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦥꦺꦱ꧀ꦠꦤꦺ​ꦮꦶꦱ꧀ꦢꦶꦠꦠ​꧉​ꦱꦥꦶ​ꦭꦤꦁ​ꦭꦤ꧀ꦥꦼꦢꦺꦠ꧀ꦥꦼꦢꦺꦠ꧀ꦥꦶꦭꦶꦃꦲꦤ꧀ꦮꦶꦱ꧀ꦢꦶꦧꦼꦭꦺꦃ​꧉​ꦱꦼꦩ꧀ꦧꦫꦁ​ꦮꦶꦱ꧀ꦫꦩ꧀ꦥꦸꦁ​꧉​ꦏꦺꦴꦁꦏꦺꦴꦤ꧀​ꦤ꧀ꦢꦁꦥꦢ​ꦤꦼꦏꦤꦶ​ꦥꦺꦱ꧀ꦠꦤꦺ​!’ ⁵ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦸꦊꦩ꧀ꦩꦶ​ꦲꦺꦴꦫ​ꦠꦼꦏ​꧉​ꦩꦭꦃ​ꦥꦢ​ꦭꦸꦔ​ꦔꦸꦫꦸꦱ꧀ꦱꦶ​ꦥꦼꦁꦒꦮꦺꦪꦤ꧀ꦏꦸꦢꦺꦮꦺꦢꦺꦮꦺ꧉​ꦲꦺꦤꦺꦁꦱꦶꦁ​ꦤꦁꦏꦼꦧꦺꦴꦤ꧀ ꦭꦶꦪꦤꦺ​ꦔꦸꦫꦸꦱ꧀ꦱꦶ​ꦢꦒꦁꦔꦤ꧀ꦤꦺ​꧉​ ⁶ꦩꦭꦃ​ꦲꦺꦤꦺꦁꦱꦶꦁ​ꦥꦢ​ꦚꦼꦏꦼꦭ꧀ꦥꦼꦭꦢꦺꦤ꧀ꦤꦺ​ꦫꦠꦸꦤꦺ​꧈​ꦢꦶꦥꦶꦭꦂꦫ​ꦭꦤ꧀ꦢꦶꦥꦠꦺꦤ꧀ꦤꦶ​꧉​ ⁷ꦩꦸꦭꦤꦺ​ꦫꦠꦸꦤꦺ​ꦠꦼꦫꦸꦱ꧀ꦤꦼꦱꦸ​ꦧꦔꦼꦠ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦠꦺ꧈​ꦏꦺꦴꦁꦏꦺꦴꦤ꧀ꦩꦠꦺꦤ꧀ꦤꦶ​ꦮꦺꦴꦁꦮꦺꦴꦁ​ꦱꦶꦁ​ꦩꦠꦺꦤ꧀ꦤꦶ​ꦥꦼꦭꦢꦺꦤ꧀ꦥꦼꦭꦢꦺꦤ꧀ꦤꦺꦭꦤ꧀ꦏꦺꦴꦁꦏꦺꦴꦤ꧀ꦔꦺꦴꦧꦺꦴꦁ​ꦏꦸꦠꦤꦺ꧉​ ⁸ꦫꦠꦸꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦥꦼꦭꦢꦺꦤ꧀ꦤꦺ​:'ꦥꦺꦱ꧀ꦠꦤꦺ​ꦩꦤ꧀ꦠꦺꦤ꧀ꦤꦤ꧀ꦮꦶꦱ꧀ꦢꦶꦠꦠ​꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦸꦊꦩ꧀ꦩꦶ​ꦥꦢ​ꦲꦺꦴꦫ​ꦥꦤ꧀ꦠꦼꦱ꧀꧈​ ⁹ꦩꦸꦭꦤꦺ​ꦏꦤ​ꦱꦲꦶꦏꦶ​ꦥꦢ​ꦤꦁꦥꦿꦥꦠꦤ꧀ꦥꦿꦥꦠꦤ꧀ꦭꦤ꧀ꦱꦥ​ꦮꦲꦺ​ꦱꦶꦁ​ꦏꦼꦠꦼꦩꦸ​ꦢꦶꦲꦸꦤ꧀ꦢꦁ​ꦏꦺꦴꦁꦏꦺꦴꦤ꧀ꦠꦼꦏ​ꦤꦁꦥꦺꦱ꧀ꦠꦤꦺ​ꦩꦤ꧀ꦠꦺꦤ꧀ꦤꦤ꧀꧉'​ ¹⁰ꦥꦫ​ꦥꦼꦭꦢꦺꦤ꧀ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦤꦁꦥꦿꦥꦠꦤ꧀ꦥꦿꦥꦠꦤ꧀꧈​ꦏꦧꦺꦃ​ꦮꦺꦴꦁ​ꦱꦶꦁ​ꦏꦼꦠꦼꦩꦸ​꧈​ꦱꦶꦁ​ꦲꦭ​ꦭꦤ꧀ꦱꦶꦁ​ꦧꦼꦕꦶꦏ꧀ ꦠꦼꦫꦸꦱ꧀ꦥꦢ​ꦢꦶꦏꦸꦩ꧀ꦥꦸꦭ꧀ꦭꦏꦺ꧉​ꦥꦁꦒꦺꦴꦤ꧀ꦤꦤ꧀ꦥꦺꦱ꧀ꦠ​ꦱꦲꦶꦏꦶ​ꦏꦼꦧꦼꦏ꧀ꦏꦫꦺꦴ​ꦢꦪꦺꦴꦃ꧉​ ¹¹꧋“ꦏꦢꦸꦁ​ꦫꦠꦸꦤꦺ​ꦩ꧀ꦊꦧꦸ​ꦏꦼꦥꦺꦔꦶꦤ꧀ꦮꦼꦫꦸꦃ​ꦢꦪꦺꦴꦃꦢꦪꦺꦴꦃꦲꦺ꧈​ꦢꦺꦏ꧀ꦤꦺꦠꦼꦫꦸꦱ꧀ꦮꦼꦫꦸꦃ​ꦲꦺꦤꦺꦁꦱꦏ꧀ꦮꦶꦗꦶꦤꦺꦢꦪꦺꦴꦃꦲꦺꦴꦫ​ꦔꦁꦒꦺꦴ​ꦱꦭꦶꦤ꧀ꦥꦺꦱ꧀ꦠ​꧉​ ¹²ꦢꦪꦺꦴꦃꦏꦸꦮꦶ​ꦠꦼꦫꦸꦱ꧀ꦢꦶꦠꦏꦺꦴꦤ꧀ꦤꦶ​:'ꦱꦼꦢꦸꦭꦸꦂ​꧈​ꦭꦃ​ꦏꦺꦴꦮꦺ​ꦏꦺꦴꦏ꧀​ꦩ꧀ꦊꦧꦸ​ꦠꦤ꧀ꦥ​ꦔꦁꦒꦺꦴ​ꦱꦭꦶꦤ꧀ꦥꦺꦱ꧀ꦠ​?’ꦤꦁꦔꦶꦁ​ꦢꦪꦺꦴꦃꦲꦺꦲꦺꦴꦫ​ꦧꦶꦱ​ꦱꦼꦩꦲꦸꦂ​ꦲꦥ​? ¹³ꦫꦠꦸꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦥꦼꦭꦢꦺꦤ꧀ꦤꦺ​:'ꦮꦺꦴꦁ​ꦲꦶꦏꦶ​ꦢꦶꦧꦤ꧀ꦢ​ꦭꦤ꧀ꦢꦶꦲꦼꦠꦺꦴꦏ꧀ꦏꦏꦺꦱꦁꦏꦏꦺꦤꦺ​꧈​ꦢꦶꦧꦸꦮꦁ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦥꦼꦠꦼꦁ​꧉​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦧꦏꦭ꧀ꦠꦔꦶꦱ꧀ꦱꦤ꧀ꦭꦤ꧀ꦏꦼꦫꦺꦴꦠ꧀ꦲꦸꦤ꧀ꦠꦸ​꧉​’” ¹⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦥꦶꦮꦸꦭꦁꦔꦺ​ꦔꦺꦤꦺ​:“ꦥꦚ꧀ꦕꦺꦤ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦢꦶꦥꦁꦒꦶꦭ꧀ ꦤꦁꦔꦶꦁ​ꦤꦩꦸꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦱꦶꦁ​ꦥꦤ꧀ꦠꦼꦱ꧀ꦢꦶꦥꦶꦭꦶꦃ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁ꧉​

¹⁵꧋ꦥꦫ​ꦥ꦳ꦫꦶꦱꦶ​ꦠꦼꦫꦸꦱ꧀ꦭꦸꦔ​ꦭꦤ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦏꦼꦥꦿꦶꦪꦺ​ꦧꦶꦱꦤꦺ​ꦔꦼꦤꦺꦁꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀꧈​ ¹⁶ꦠꦼꦫꦸꦱ꧀ꦥꦢ​ꦏꦺꦴꦁꦏꦺꦴꦤ꧀ꦤꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦤꦺꦴ​ꦧꦉꦁ​ꦏꦫꦺꦴ​ꦮꦺꦴꦁꦮꦺꦴꦁ​ꦒꦺꦴꦭꦺꦴꦁꦔꦤ꧀ꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦠꦼꦫꦸꦱ꧀ꦠꦏꦺꦴꦤ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦮꦺꦴꦁ​ꦗꦸꦗꦸꦂ​ꦭꦤ꧀​ꦧ꧀ꦭꦏ​ꦲꦼꦁꦒꦺꦴꦤꦺ​ꦩꦸꦭꦁꦔꦏꦺꦧꦧ꧀ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦩꦤꦸꦁꦱ​꧉​ꦏꦺꦴꦮꦺ​ꦲꦺꦴꦫ​ꦮꦼꦢꦶ​ꦭꦤ꧀ꦲꦺꦴꦫ​ꦥꦼꦂꦢꦸꦭꦶꦏꦫꦺꦴ​ꦱꦥꦱꦥ​꧉​ ¹⁷ꦩꦸꦭꦤꦺ​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​ꦱꦁꦏꦏꦺꦴꦮꦺ​ꦧꦧ꧀ꦲꦶꦏꦶ​:ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦩꦫꦁ​ꦫꦠꦸꦤꦺ​ꦬꦸꦩ꧀ꦏꦸꦮꦶ​ꦲꦺꦤ꧀ꦠꦸꦏ꧀ꦲꦥ​ꦲꦺꦴꦫ​?” ¹⁸꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦤꦺꦏ꧀ꦮꦺꦴꦁꦮꦺꦴꦁ​ꦏꦸꦮꦶ​ꦠꦸꦗꦸꦮꦤ꧀ꦤꦺ​ꦲꦭ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦏꦸꦮꦶ​ꦭꦩꦶꦱ꧀꧈​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦉꦥ꧀ꦔꦼꦤꦺꦁꦲꦏꦸ​? ¹⁹ꦤ꧀ꦢꦼꦭꦺꦴꦏ꧀ꦏꦺꦤꦺ​ꦢꦸꦮꦶꦠ꧀ꦱꦶꦁ​ꦢꦶꦲꦼꦁꦒꦺꦴ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁ꧉​” ꧋ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦔ꧀ꦒꦮ​ꦢꦸꦮꦶꦠ꧀ꦥꦺꦫꦏ꧀ꦱꦶꦗꦶ​꧉​ ²⁰ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦤꦁꦢꦸꦮꦶꦠ꧀ꦲꦶꦏꦶ​ꦲꦺꦤꦺꦁꦒꦩ꧀ꦧꦂꦫꦺ​ꦭꦤ꧀ꦗꦼꦤꦼꦁꦔꦺ​ꦱꦥ​?” ²¹꧋ꦮꦺꦴꦁꦮꦺꦴꦁ​ꦱꦼꦩꦲꦸꦂ​:“ꦒꦩ꧀ꦧꦂꦫꦺ​ꦭꦤ꧀ꦗꦼꦤꦼꦁꦔꦺ​ꦫꦠꦸꦤꦺ​ꦬꦸꦩ꧀!” ꧋ꦒꦸꦱ꧀ꦠꦶ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦔꦺꦴꦤꦺꦴ​꧈​ꦲꦥ​ꦱꦶꦁ​ꦮꦺꦏ꧀ꦏꦺꦫꦠꦸꦤꦺ​ꦪ​ꦢꦶꦏꦺꦏ꧀ꦏꦏꦺꦩꦫꦁ​ꦫꦠꦸꦤꦺ​ꦭꦤ꧀ꦲꦥ​ꦱꦶꦁ​ꦮꦺꦏ꧀ꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦏꦸꦢꦸ​ꦢꦶꦏꦺꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²²꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀ꦏꦿꦸꦔꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦲꦺꦴꦫ​ꦔꦿꦸꦱꦸꦃꦲꦶꦢꦺꦏ꧀ꦤꦺꦩꦼꦤꦺꦃ​꧈​ꦠꦼꦫꦸꦱ꧀ꦥꦢ​ꦭꦸꦔ​꧉​

꧋ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦮꦺꦴꦁ​ꦲꦸꦫꦶꦥ꧀꧈​

²³꧋ꦲꦶꦁ​ꦢꦶꦤ​ꦏꦸꦮꦶ​ꦲꦸꦒ​ꦲꦺꦤꦺꦁꦮꦺꦴꦁ​ꦒꦺꦴꦭꦺꦴꦁꦔꦤ꧀ꦱꦢꦸꦏꦶ​ꦱꦶꦗꦶꦭꦺꦴꦫꦺꦴꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦱꦢꦸꦏꦶ​ꦔꦁꦒꦼꦥ꧀ꦥꦺꦮꦺꦴꦁ​ꦩꦠꦶ​ꦲꦺꦴꦫ​ꦧꦏꦭ꧀ꦠꦔꦶ​ꦩꦼꦤꦺꦃ​꧉​ ²⁴ꦩꦸꦭꦤꦺ​ꦥꦢ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦤꦧꦶ​ꦩꦺꦴꦱꦼꦱ꧀ꦩꦸꦭꦁꦔꦶꦔꦺꦤꦺ​:'ꦤꦺꦏ꧀ꦲꦺꦤꦺꦁꦮꦺꦴꦁ​ꦭꦤꦁ​ꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦠꦸꦫꦸꦤ꧀ꦤꦤ꧀ ꦱꦼꦢꦸꦭꦸꦂꦫꦺ​ꦭꦤꦁ​ꦏꦸꦢꦸ​ꦔꦼꦥꦺꦏ꧀ꦧꦺꦴꦗꦺꦴꦤꦺ​ꦱꦶꦁ​ꦢꦶꦠꦶꦁꦒꦭ꧀ꦩꦠꦶ​ꦏꦸꦮꦶ​꧈​ꦱꦸꦥꦪ​ꦧꦶꦱ​ꦔ꧀ꦒꦮꦺ​ꦠꦸꦫꦸꦤ꧀ꦤꦤ꧀꧉'​ ²⁵ꦭꦃ​ꦱꦲꦶꦏꦶ​ꦲꦺꦤꦺꦁꦱꦼꦢꦸꦭꦸꦂ​ꦥꦶꦠꦸ​꧉​ꦱꦶꦁ​ꦲꦩ꧀ꦧꦉꦥ꧀ꦏꦮꦶꦤ꧀ ꦤꦁꦔꦶꦁ​ꦠꦼꦫꦸꦱ꧀ꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦲꦤꦏ꧀꧈​ꦧꦺꦴꦗꦺꦴꦤꦺ​ꦠꦼꦫꦸꦱ꧀ꦢꦶꦲꦼꦥꦺꦏ꧀ꦏꦫꦺꦴ​ꦲꦢꦶꦏ꧀ꦏꦺꦱꦶꦁ​ꦩꦠꦶ​꧉​ ²⁶ꦲꦸꦒ​ꦲꦢꦶꦏ꧀ꦏꦺꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦲꦤꦏ꧀꧈​ꦩꦼꦁꦏꦺꦴꦤꦺꦴ​ꦊꦭꦏꦺꦴꦤꦺ​ꦏꦫꦺꦴ​ꦱꦼꦢꦸꦭꦸꦂ​ꦱꦶꦁ​ꦤꦺꦴꦩꦼꦂ​ꦠꦼꦭꦸ​ꦠꦸꦩꦼꦏꦤꦺ​ꦱꦼꦢꦸꦭꦸꦂ​ꦱꦶꦁ​ꦤꦺꦴꦩꦼꦂ​ꦥꦶꦠꦸ​꧈​ꦏꦧꦺꦃ​ꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦲꦤꦏ꧀꧈​ ²⁷ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦮꦺꦴꦁ​ꦮꦺꦢꦺꦴꦏ꧀ꦏꦺꦩꦠꦶ​ꦥꦶꦱꦤ꧀꧈​ ²⁸ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦠꦏꦺꦴꦤ꧀:ꦭꦃ​ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦺꦴꦁ​ꦩꦠꦶ​ꦥꦢ​ꦠꦔꦶ​꧈​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦢꦢꦶ​ꦧꦺꦴꦗꦺꦴꦤꦺ​ꦱꦼꦢꦸꦭꦸꦂ​ꦱꦶꦁ​ꦲꦼꦤ꧀ꦢꦶ​?ꦲꦮꦶꦠ꧀ꦱꦼꦢꦸꦭꦸꦂ​ꦥꦶꦠꦸ​ꦏꦸꦮꦶ​ꦏꦧꦺꦃ​ꦮꦶꦱ꧀ꦠꦲꦸ​ꦢꦢꦶ​ꦧꦺꦴꦗꦺꦴꦤꦺ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​?” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦏ꧀ꦭꦺꦫꦸ​ꦏꦧꦺꦃ​꧉​ꦏꦺꦴꦮꦺ​ꦏꦸꦮꦶ​ꦲꦺꦴꦫ​ꦢꦸꦤꦸꦁꦲꦶꦱꦶꦤꦺ​ꦏꦶꦠꦧ꧀​ꦭꦤ꧀ꦏꦺꦴꦮꦺ​ꦧ꧀ꦭꦱ꧀ꦲꦺꦴꦫ​ꦔꦼꦂꦠꦶ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ³⁰ꦲꦮꦶꦠ꧀ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦺꦴꦁꦮꦺꦴꦁ​ꦠꦔꦶ​ꦱꦁꦏꦥꦠꦶ​ꦲꦸꦫꦶꦥ꧀ꦥꦺꦧꦏꦭ꧀ꦭꦺ​ꦏꦪ​ꦩꦸꦭꦺꦏꦠ꧀ꦤꦁꦱ꧀ꦮꦂꦒ​꧈​ꦲꦺꦴꦫ​ꦲꦺꦤꦺꦁꦕꦫꦤꦺ​ꦧꦼꦧꦺꦴꦗꦺꦴꦮꦤ꧀꧈​ ^31-32ꦭꦤ꧀ꦧꦧ꧀ꦠꦔꦶ​ꦩꦼꦤꦺꦃ​ꦱꦁꦏꦥꦠꦶ​꧈​ꦲꦥ​ꦏꦺꦴꦮꦺ​ꦲꦺꦴꦫ​ꦠꦲꦸ​ꦩꦕ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦲꦏꦸ​ꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦄꦨꦿꦲꦩ꧀ ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦆꦱꦏ꧀ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦪꦏꦸꦧ꧀!’ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦢꦸꦢꦸ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦮꦺꦴꦁ​ꦩꦠꦶ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦮꦺꦴꦁ​ꦲꦸꦫꦶꦥ꧀꧈​” ³³꧋ꦱꦏ꧀ꦮꦶꦱ꧀ꦱꦺ​ꦮꦺꦴꦁꦮꦺꦴꦁ​ꦏꦿꦸꦔꦸ​ꦏꦠꦼꦫꦁꦔꦤ꧀ꦱꦶꦁ​ꦔꦺꦴꦤꦺꦴ​ꦏꦸꦮꦶ​꧈​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦏꦫꦺꦴ​ꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦮꦺꦠ꧀ꦱꦶꦁ​ꦒꦼꦢꦺ​ꦢꦺꦮꦺ꧉​

³⁴꧋ꦏꦢꦸꦁ​ꦥꦫ​ꦥ꦳ꦫꦶꦱꦶ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦚ꧀ꦭꦏꦼꦥ꧀ꦥꦏꦺꦮꦺꦴꦁ​ꦱꦢꦸꦏꦶ​꧈​ꦠꦼꦫꦸꦱ꧀ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ ³⁵ꦲꦺꦤꦺꦁꦱꦶꦗꦶ​꧈​ꦱꦏ꧀ꦮꦶꦗꦶꦤꦺꦒꦸꦫꦸ​ꦏꦶꦠꦧ꧀​꧈​ꦲꦉꦥ꧀ꦔꦼꦤꦺꦁꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀ꦔꦺꦤꦺ​: ³⁶“ꦒꦸꦫꦸ​꧈​ꦮꦺꦠ꧀ꦱꦶꦁ​ꦲꦼꦤ꧀ꦢꦶ​ꦤꦁꦏꦶꦠꦧ꧀​ꦱꦶꦁ​ꦒꦼꦢꦺ​ꦢꦺꦮꦺ?” ³⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦠ꧀ꦱꦶꦁ​ꦒꦼꦢꦺ​ꦢꦺꦮꦺꦪ​ꦲꦶꦏꦶ​:ꦏꦺꦴꦮꦺ​ꦏꦸꦢꦸ​ꦠꦿꦺꦱ꧀ꦤꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃꦩꦸꦱꦏ꧀ꦲꦠꦶꦩꦸ​꧈​ꦱꦏ꧀ꦚꦮꦩꦸ​ꦭꦤ꧀ꦔꦁꦒꦺꦴ​ꦱꦏ꧀ꦲꦺꦤꦺꦁꦔꦺꦥꦶꦏꦶꦂꦫꦤ꧀ꦩꦸ​꧉​ ³⁸ꦲꦶꦏꦸ​ꦮꦺꦠ꧀ꦱꦶꦁ​ꦒꦼꦢꦺ​ꦢꦺꦮꦺꦭꦤ꧀ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺ꧉​ ³⁹ꦮꦺꦠ꧀ꦭꦶꦪꦤꦺ​ꦱꦶꦁ​ꦲꦸꦒ​ꦥꦼꦤ꧀ꦠꦶꦁ​ꦏꦪ​ꦱꦶꦁ​ꦤ꧀ꦢꦶꦱꦶꦏ꧀ꦏꦸꦮꦶ​ꦪ​ꦲꦶꦏꦶ​:'ꦠꦿꦺꦱ꧀ꦤꦲꦩꦫꦁ​ꦥꦼꦥꦢꦩꦸꦏꦪ​ꦲꦼꦁꦒꦺꦴꦤ꧀ꦩꦸ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦩꦸ​ꦢꦺꦮꦺ꧉'​ ⁴⁰ꦏꦧꦺꦃ​ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦭꦤ꧀ꦱꦶꦁ​ꦢꦶꦮꦸꦭꦁꦔꦏꦺꦏꦫꦺꦴ​ꦥꦫ​ꦤꦧꦶ​ꦭꦶꦪꦤꦺ​ꦠꦶꦧꦤꦺ​ꦪ​ꦤꦁꦮꦺꦠ꧀ꦭꦺꦴꦫꦺꦴ​ꦏꦸꦮꦶ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦑꦿꦶꦱ꧀ꦠꦸꦱ꧀ꦭꦤ꧀ꦧꦧ꧀ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀꧈​

⁴¹꧋ꦢꦺꦴꦁꦔꦺꦥꦫ​ꦥ꦳ꦫꦶꦱꦶ​ꦲꦶꦗꦶꦏ꧀​ꦔ꧀ꦭꦸꦩ꧀ꦥꦸꦏ꧀ꦤꦁꦏꦺꦴꦤꦺꦴ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦏꦼꦥꦿꦶꦪꦺ​ꦥꦶꦤꦼꦩꦸꦩꦸꦧꦧ꧀ꦑꦿꦶꦱ꧀ꦠꦸꦱ꧀?ꦢꦺꦏ꧀ꦤꦺꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦱꦥ​ꦠ​?” ⁴²ꦮꦺꦴꦁꦮꦺꦴꦁ​ꦱꦼꦩꦲꦸꦂ​:“ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀꧈​” ⁴³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦫꦠꦸ​ꦣꦮ꦳ꦼꦢ꧀ꦏꦺꦴꦏ꧀ꦚꦼꦭꦸꦏ꧀ꦑꦿꦶꦱ꧀ꦠꦸꦱ꧀ꦏꦸꦮꦶ​ꦒꦸꦱ꧀ꦠꦶ​?ꦲꦮꦶꦠ꧀ꦏꦠꦸꦤ꧀ꦠꦸꦤ꧀ꦫꦺꦴꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦫꦠꦸ​ꦣꦮ꦳ꦼꦢ꧀ꦭꦲꦸꦠ꧀ꦔꦺꦴꦩꦺꦴꦁꦔꦺꦤꦺ​ꦠ​: ⁴⁴‘ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶꦏꦸ​:

ꦏꦺꦤꦺ​ꦚ꧀ꦗꦒꦺꦴꦁꦤꦁꦠꦼꦔꦼꦤ꧀ꦏꦸ​꧈​
ꦔꦤ꧀ꦠꦶ​ꦩꦸꦁꦱꦸꦃꦩꦸ​ꦱꦏ꧀ꦏꦧꦺꦃꦲꦺꦮꦶꦱ꧀
ꦠꦏ꧀ꦠꦼꦭꦸꦏ꧀ꦏꦏꦺꦩꦫꦁ​ꦏꦺꦴꦮꦺ​꧉​’

⁴⁵ꦭꦃ​ꦤꦺꦏ꧀ꦫꦠꦸ​ꦣꦮ꦳ꦼꦢ꧀ꦚꦼꦭꦸꦏ꧀ꦑꦿꦶꦱ꧀ꦠꦸꦱ꧀ꦏꦸꦮꦶ​ꦒꦸꦱ꧀ꦠꦶ​꧈​ꦭꦃ​ꦩꦺꦴꦱꦺꦴꦏ꧀ꦑꦿꦶꦱ꧀ꦠꦸꦱ꧀ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀?” ⁴⁶꧋ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦗꦶ​ꦮꦲꦺ​ꦱꦶꦁ​ꦧꦶꦱ​ꦔꦺꦴꦩꦺꦴꦁꦲꦥꦲꦥ​꧉​ꦮꦶꦮꦶꦠ꧀ꦢꦶꦤ​ꦏꦸꦮꦶ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦮꦤꦶ​ꦠꦏꦺꦴꦤ꧀ꦠꦏꦺꦴꦤ꧀ꦩꦼꦤꦺꦃ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦢꦶꦫꦸꦔꦺꦴꦏ꧀ꦏꦏꦺ​ꦥꦶꦮꦸꦭꦁꦔꦺ​꧈​ꦤꦁꦔꦶꦁ​ꦲꦗ​ꦢꦶꦠꦶꦫꦸ​ꦠꦸꦩꦶꦤ꧀ꦢꦏ꧀ꦏꦺ​꧉​

꧇​꧒꧓꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦭꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​: ²“ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​ꦏꦸꦮꦶ​ꦱꦶꦁ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀꧈​ ³ꦩꦸꦭꦤꦺ​ꦏꦸꦢꦸ​ꦢꦶꦭꦏꦺꦴꦤ꧀ꦤꦶ​ꦭꦤ꧀ꦏꦧꦺꦃ​ꦥꦶꦮꦸꦭꦁꦔꦺ​ꦏꦸꦢꦸ​ꦢꦶꦠꦸꦫꦸꦠ꧀ꦠꦶ​ꦱꦶꦁ​ꦱꦏ꧀ꦩꦼꦱ꧀ꦠꦶꦤꦺ꧉​ꦤꦁꦔꦶꦁ​ꦲꦗ​ꦥꦢ​ꦤꦶꦫꦸ​ꦏ꧀ꦭꦏꦸꦮꦤ꧀ꦤꦺ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦮꦺꦲꦺꦴꦫ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦥ​ꦱꦶꦁ​ꦢꦶꦮꦸꦭꦁꦔꦏꦺ꧉​ ⁴ꦥꦢ​ꦔ꧀ꦒꦮꦺ​ꦥꦼꦂꦤꦠꦤ꧀ꦥꦼꦂꦤꦠ꧀ꦠꦤ꧀ꦱꦶꦁ​ꦲꦧꦺꦴꦠ꧀ꦏꦁꦒꦺꦴ​ꦮꦺꦴꦁ​ꦭꦶꦪꦤꦺ​꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦮꦺꦲꦺꦴꦫ​ꦥꦢ​ꦤꦶꦤ꧀ꦢꦏ꧀ꦏꦏꦺ꧉​ ⁵ꦱꦼꦩ꧀ꦧꦫꦁ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦤꦩꦸꦁ​ꦱꦸꦥꦪ​ꦏꦺꦠꦺꦴꦏ꧀ꦮꦺꦴꦁ​꧉​ꦏꦪꦢꦺꦤꦺ:ꦔꦁꦒꦺꦴ​ꦠꦭꦶ​ꦱꦼꦩ꧀ꦧꦪꦁꦲꦩ꧀ꦧ​ꦤꦁꦧꦠꦸꦏ꧀ꦏꦺꦭꦤ꧀ꦊꦔꦼꦤꦺ​꧈​ꦒꦺꦴꦩ꧀ꦧꦾꦺꦴꦏ꧀ꦏꦺꦱꦭꦶꦤ꧀ꦤꦺꦢꦶꦒꦮꦺ​ꦢꦮ​꧉​ ⁶ꦤꦺꦏ꧀ꦤꦁꦏꦸꦩ꧀ꦥꦸꦭ꧀ꦭꦤ꧀ꦥꦺꦱ꧀ꦠ​ꦱꦼꦤꦼꦁ​ꦚ꧀ꦗꦒꦺꦴꦁꦤꦁꦗꦒꦺꦴꦔꦤ꧀ꦤꦺꦮꦺꦴꦁ​ꦒꦼꦢꦺ​ꦭꦤ꧀ꦤꦺꦏ꧀ꦤꦁꦱꦶꦤꦒꦸꦏ꧀​ꦚ꧀ꦗꦭꦸꦏ꧀ꦏꦺꦚ꧀ꦗꦒꦺꦴꦁꦤꦁꦔꦉꦥ꧀ꦢꦺꦮꦺ꧉​ ⁷ꦤꦺꦏ꧀ꦤꦁꦥꦱꦂꦥꦱꦂ​ꦱꦼꦤꦼꦁ​ꦢꦶꦒꦠꦺꦏ꧀ꦏꦏꦺꦭꦤ꧀​ꦚ꧀ꦗꦭꦸꦏ꧀ꦏꦺꦢꦶꦕꦼꦭꦸꦏ꧀​'ꦒꦸꦫꦸ​’꧉​ ⁸ꦤꦁꦔꦶꦁ​ꦏꦺꦴꦮꦺ​ꦲꦗ​ꦱꦼꦤꦼꦁ​ꦢꦶꦕꦼꦭꦸꦏ꧀​'ꦒꦸꦫꦸ​’꧈​ꦲꦮꦶꦠ꧀ꦒꦸꦫꦸꦩꦸ​ꦤꦩꦸꦁ​ꦱꦶꦗꦶ​ꦭꦤ꧀ꦏꦺꦴꦮꦺ​ꦏꦧꦺꦃ​ꦥꦢ​ꦠꦸꦁꦒꦭ꧀ꦱꦼꦢꦸꦭꦸꦂ​꧉​ ⁹ꦏꦺꦴꦮꦺ​ꦲꦸꦒ​ꦲꦗ​ꦚꦼꦭꦸꦏ꧀ꦮꦺꦴꦁ​ꦲꦶꦁ​ꦢꦺꦴꦚ​ꦏꦺꦤꦺ​'ꦧꦥꦏ꧀’꧈​ꦲꦮꦶꦠ꧀ꦧꦥꦏ꧀ꦩꦸ​ꦤꦩꦸꦁ​ꦱꦶꦗꦶ​꧈​ꦪꦏꦸꦮꦶ​ꦱꦶꦁ​ꦤꦁꦱ꧀ꦮꦂꦒ​꧉​ ¹⁰ꦏꦺꦴꦮꦺ​ꦲꦸꦒ​ꦲꦗ​ꦒꦼꦊꦩ꧀ꦢꦶꦕꦼꦭꦸꦏ꧀​'ꦥꦼꦤꦸꦤ꧀ꦠꦸꦤ꧀’꧈​ꦲꦮꦶꦠ꧀ꦥꦼꦤꦸꦤ꧀ꦠꦸꦤ꧀ꦩꦸꦤꦩꦸꦁ​ꦱꦶꦗꦶ​꧈​ꦪꦏꦸꦮꦶ​ꦑꦿꦶꦱ꧀ꦠꦸꦱ꧀꧈​ ¹¹ꦱꦶꦁ​ꦒꦼꦢꦺ​ꦢꦺꦮꦺꦤꦁꦠꦼꦔꦃꦩꦸ​ꦏꦸꦢꦸ​ꦔ꧀ꦭꦢꦺꦤ꧀ꦤꦶ​ꦭꦶꦪꦤꦺ​꧉​ ¹²ꦱꦥ​ꦱꦶꦁ​ꦔ꧀ꦭꦸꦲꦸꦂꦫꦏꦺꦲꦮꦏ꧀ꦏꦺ​ꦢꦺꦮꦺ꧈​ꦲꦶꦏꦸ​ꦧꦏꦭ꧀ꦢꦶꦲꦱꦺꦴꦂꦫꦏꦺ꧈​ꦩꦭꦃ​ꦱꦥ​ꦱꦶꦁ​ꦔꦱꦺꦴꦂꦫꦏꦺꦲꦮꦏ꧀ꦏꦺ​ꦢꦺꦮꦺ꧈​ꦲꦶꦏꦸ​ꦧꦏꦭ꧀ꦢꦶꦭꦸꦲꦸꦂꦫꦏꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦤꦺꦤ꧀ꦤꦶꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​꧉​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​:“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀!ꦏꦺꦴꦮꦺ​ꦥꦢ​ꦔꦭꦁꦔꦭꦁꦔꦶꦮꦺꦴꦁꦮꦺꦴꦁ​ꦱꦶꦁ​ꦲꦉꦥ꧀​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦏꦺꦴꦮꦺ​ꦢꦺꦮꦺꦥꦢ​ꦲꦺꦴꦫ​ꦒꦼꦊꦩ꧀ ꦤꦁꦔꦶꦁ​ꦮꦺꦴꦁ​ꦭꦶꦪ​ꦱꦶꦁ​ꦒꦼꦊꦩ꧀ꦩꦭꦃ​ꦲꦩ꧀ꦧꦺꦴꦏ꧀ꦲꦭꦁꦔꦭꦁꦔꦶ꧉​ ¹⁴(ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​!ꦏꦺꦴꦮꦺ​ꦮꦺꦴꦁ​ꦭꦩꦶꦱ꧀꧈​ꦏꦺꦴꦮꦺ​ꦥꦢ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦮꦼꦂꦤꦮꦼꦂꦤ​ꦏꦁꦒꦺꦴ​ꦩꦼꦉꦱ꧀ꦫꦤ꧀ꦢꦫꦤ꧀ꦢꦭꦤ꧀ꦔꦿꦩ꧀ꦥꦺꦴꦏ꧀ꦲꦺꦴꦩꦃꦲꦺ​꧉​ꦠꦼꦫꦸꦱ꧀ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦤ꧀ꦢꦺꦴꦁꦔꦱꦶꦁ​ꦢꦮ​꧉​ꦩꦸꦭꦤꦺ​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦱꦼꦠꦿꦥꦤ꧀ꦱꦶꦁ​ꦭꦸꦮꦶꦃ​ꦲꦧꦺꦴꦠ꧀꧈​) ¹⁵꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀!ꦏꦺꦴꦮꦺ​ꦥꦢ​ꦭꦸꦔ​ꦲꦢꦺꦴꦃ​꧈​ꦔꦤ꧀ꦠꦶ​ꦚꦧꦿꦁ​ꦱꦼꦒꦫ​ꦭꦤ꧀​ꦤ꧀​ꦢ꧀ꦭꦗꦃꦲꦶ​ꦢꦫꦠ꧀ꦠꦤ꧀ꦏꦼꦥꦺꦔꦶꦤ꧀ꦲꦺꦤ꧀ꦠꦸꦏ꧀ꦮꦺꦴꦁ​ꦱꦶꦗꦶ​ꦱꦶꦁ​ꦩꦺꦭꦸ​ꦲꦒꦩꦩꦸ​꧉​ꦤꦁꦔꦶꦁ​ꦤꦺꦏ꧀ꦮꦺꦴꦁꦔꦺ​ꦮꦶꦱ꧀ꦩꦺꦭꦸ​ꦲꦒꦩꦩꦸ​꧈​ꦮꦺꦴꦁꦔꦺ​ꦲꦩ꧀ꦧꦺꦴꦏ꧀ꦩꦠꦼꦁꦔꦏꦺꦏꦁꦒꦺꦴ​ꦤꦼꦫꦏ꧈​ꦩꦭꦃ​ꦲꦭꦤꦺ​ꦮꦺꦴꦁꦔꦺ​ꦥꦶꦁ​ꦥꦶꦤ꧀ꦢꦺꦴꦤꦺꦏꦺꦴꦮꦺ​ꦢꦺꦮꦺ꧉​ ¹⁶꧋“ꦕꦶꦭꦏ​ꦏꦺꦴꦮꦺ​꧈​ꦥꦼꦤꦸꦤ꧀ꦠꦸꦤ꧀ꦥꦼꦤꦸꦤ꧀ꦠꦸꦤ꧀ꦱꦶꦁ​ꦥꦶꦕꦼꦏ꧀​꧉​ꦏꦺꦴꦮꦺ​ꦔꦺꦴꦩꦺꦴꦁ:'ꦱꦥ​ꦱꦸꦩ꧀ꦥꦃ​ꦚꦼꦧꦸꦠ꧀ꦒꦿꦺꦗ​ꦒꦼꦢꦺ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦏꦼꦕꦼꦚ꧀ꦕꦁ​ꦱꦸꦩ꧀ꦥꦃꦲꦺ​꧉​ꦤꦁꦔꦶꦁ​ꦱꦥ​ꦱꦸꦩ꧀ꦥꦃ​ꦚꦼꦧꦸꦠ꧀ꦲꦼꦩꦱ꧀ꦱꦺ​ꦒꦿꦺꦗ​ꦒꦼꦢꦺ​꧈​ꦱꦸꦩ꧀ꦥꦃ​ꦏꦸꦮꦶ​ꦚꦼꦚ꧀ꦕꦁ​꧉'​ ¹⁷ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦮꦺꦴꦁ​ꦧꦺꦴꦢꦺꦴꦭꦤ꧀ꦥꦶꦕꦼꦏ꧀​꧉​ꦲꦮꦶꦠ꧀ ꦲꦥ​ꦱꦶꦁ​ꦭꦸꦮꦶꦃ​ꦒꦼꦢꦺ​ꦲꦗꦶꦤꦺ​:ꦲꦼꦩꦱ꧀ꦱꦺ​ꦲꦥ​ꦒꦿꦺꦗ​ꦒꦼꦢꦺ​꧈​ꦱꦶꦁ​ꦚꦸꦕꦺꦏ꧀ꦏꦏꦺ​ꦲꦼꦩꦱ꧀ꦱꦺ​? ¹⁸ꦏꦺꦴꦮꦺ​ꦲꦸꦒ​ꦩꦸꦭꦁ​ꦔꦺꦤꦺ​:'ꦱꦥ​ꦱꦸꦩ꧀ꦥꦃ​ꦚꦼꦧꦸꦠ꧀ꦲꦭ꧀ꦠꦂꦫꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦏꦼꦕꦼꦚ꧀ꦕꦁ​ ꦱꦸꦩ꧀ꦥꦃꦲꦺ​꧉​ꦤꦁꦔꦶꦁ​ꦱꦥ​ꦱꦸꦩ꧀ꦥꦃ​ꦚꦼꦧꦸꦠ꧀ꦏꦸꦂꦧꦤ꧀ꦱꦶꦁ​ꦤꦁꦲꦭ꧀ꦠꦂ꧈​ꦮꦺꦴꦁ​ꦏꦸꦮꦶ​ꦏꦼꦕꦼꦚ꧀ꦕꦁ​ꦩꦫꦁ​ꦱꦸꦩ꧀ꦥꦃꦲꦺ​꧉'​ ¹⁹ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦥꦶꦕꦼꦏ꧀​ꦠꦼꦤꦤ꧀!ꦲꦥ​ꦱꦶꦁ​ꦭꦸꦮꦶꦃ​ꦒꦼꦢꦺ​ꦲꦗꦶꦤꦺ​:ꦏꦸꦂꦧꦤ꧀ꦤꦺ​ꦲꦥ​ꦲꦭ꧀ꦠꦂꦫꦺ꧈​ꦱꦶꦁ​ꦚꦸꦕꦺꦏ꧀ꦏꦏꦺ​ꦏꦸꦂꦧꦤ꧀ꦏꦸꦮꦶ​? ²⁰ꦱꦥ​ꦱꦶꦁ​ꦱꦸꦩ꧀ꦥꦃ​ꦚꦼꦧꦸꦠ꧀ꦲꦭ꧀ꦠꦂꦫꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦸꦮꦶ​ꦱꦸꦩ꧀ꦥꦃꦲꦺ​ꦚꦼꦧꦸꦠ꧀ꦲꦭ꧀ꦠꦂꦫꦺꦭꦤ꧀ꦱꦼꦩ꧀ꦧꦫꦁ​ꦱꦶꦁ​ꦠꦼꦩꦸꦩ꧀ꦥꦁ​ꦤꦁꦲꦭ꧀ꦠꦂꦏꦺꦴꦤꦺꦴ​꧉​ ²¹ꦭꦤ꧀ꦱꦥ​ꦱꦶꦁ​ꦱꦸꦩ꧀ꦥꦃ​ꦚꦼꦧꦸꦠ꧀ꦒꦿꦺꦗ​ꦒꦼꦢꦺ​ꦏꦸꦮꦶ​ꦱꦸꦩ꧀ꦥꦃ​ꦚꦼꦧꦸꦠ꧀ꦒꦿꦺꦗ​ꦒꦼꦢꦺ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦩꦁꦒꦺꦴꦤ꧀ꦤꦁꦏꦺꦴꦤꦺꦴ​꧉​ ²²ꦱꦥ​ꦱꦶꦁ​ꦱꦸꦩ꧀ꦥꦃ​ꦚꦼꦧꦸꦠ꧀ꦱ꧀ꦮꦂꦒ​꧈​ꦏꦸꦮꦶ​ꦠꦼꦒꦼꦱ꧀ꦱꦺ​ꦱꦸꦩ꧀ꦥꦃ​ꦚꦼꦧꦸꦠ꧀ꦢꦩ꧀ꦥꦂꦫꦺꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦱꦶꦁ​ꦚ꧀ꦗꦒꦺꦴꦁꦤꦁꦢꦩ꧀ꦥꦂꦏꦸꦮꦶ​꧉​ ²³꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​꧉​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦲꦮꦶꦠ꧀ꦏꦺꦴꦮꦺ​ꦲꦩ꧀ꦧꦪꦂ​ꦥꦿꦱꦼꦥꦸꦭꦸꦃꦲꦤ꧀ꦱꦁꦏꦧꦸꦩ꧀ꦧꦸ​ꦏꦪꦢꦺꦤꦺꦠꦼꦭꦱꦶꦃ​꧈​ꦲꦢꦱ꧀ꦭꦤ꧀ꦗꦶꦤ꧀ꦠꦼꦤ꧀ ꦤꦁꦔꦶꦁ​ꦥꦼꦂꦤꦠꦤ꧀ꦥꦼꦂꦤꦠ꧀ꦠꦤ꧀ꦱꦶꦁ​ꦭꦸꦮꦶꦃ​ꦥꦼꦤ꧀ꦠꦶꦁ​ꦲꦺꦴꦫ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​꧈​ꦏꦪꦢꦺꦤꦺꦏꦧꦼꦤꦼꦂꦫꦤ꧀ ꦏꦮꦼꦭꦱ꧀ꦱꦤ꧀ꦭꦤ꧀ꦏꦠꦼꦩꦼꦤ꧀ꦤꦤ꧀꧈​ꦧꦼꦤꦼꦂ​꧈​ꦱꦶꦁ​ꦱꦶꦗꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺ꧈​ꦤꦁꦔꦶꦁ​ꦭꦶꦪꦤꦺ​ꦲꦗ​ꦢꦶꦭꦶꦂꦮꦏ꧀ꦏꦏꦺ꧉​ ²⁴ꦏꦺꦴꦮꦺ​ꦥꦚ꧀ꦕꦺꦤ꧀ꦥꦼꦤꦸꦤ꧀ꦠꦸꦤ꧀ꦥꦼꦤꦸꦤ꧀ꦠꦸꦤ꧀ꦱꦶꦁ​ꦥꦶꦕꦼꦏ꧀​꧉​ꦊꦩꦸꦠ꧀​ꦲꦩ꧀ꦧꦺꦴꦏ꧀ꦱꦫꦶꦁꦱꦁꦏꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦩꦸ​꧈​ꦤꦁꦔꦶꦁ​ꦲꦸꦤ꧀ꦠ​ꦲꦩ꧀ꦧꦺꦴꦏ꧀ꦲꦺꦭꦺꦏ꧀꧈​ ²⁵꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦲꦮꦶꦠ꧀ꦕꦁꦏꦶꦂ​ꦭꦤ꧀ꦥꦶꦫꦶꦁ​ꦲꦩ꧀ꦧꦺꦴꦏ꧀ꦉꦱꦶꦏ꧀ꦏꦶ​ꦚ꧀ꦗꦧꦤꦺ​꧈​ꦤꦁꦔꦶꦁ​ꦚ꧀ꦗꦼꦫꦺꦴꦤꦺ​ꦏꦼꦧꦼꦏ꧀ꦏꦫꦺꦴ​ꦉꦉꦒꦼꦠ꧀ꦱꦁꦏꦲꦼꦁꦒꦺꦴꦤ꧀ꦩꦸ​ꦔꦿꦩ꧀ꦥꦱ꧀ ꦗꦭꦂꦫꦤ꧀ꦱꦁꦏꦱꦿꦏꦃꦩꦸ​꧉​ ²⁶ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦥ꦳ꦫꦶꦱꦶ​ꦱꦶꦁ​ꦥꦶꦕꦼꦏ꧀​꧉​ꦕꦁꦏꦶꦂ​ꦭꦤ꧀ꦥꦶꦫꦶꦁ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦉꦱꦶꦏ꧀ꦏꦶ​ꦚ꧀ꦗꦼꦫꦺꦴꦤꦺ​ꦤ꧀ꦢꦶꦱꦶꦏ꧀ ꦩꦼꦁꦏꦺꦴ​ꦚ꧀ꦗꦧꦤꦺ​ꦲꦸꦒ​ꦢꦢꦶ​ꦉꦱꦶꦏ꧀꧈​ ²⁷꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦲꦮꦶꦠ꧀ꦏꦺꦴꦮꦺ​ꦏꦸꦮꦶ​ꦏꦪ​ꦏꦸꦧꦸꦂꦫꦤ꧀ꦱꦶꦁ​ꦢꦶꦲꦼꦕꦺꦠ꧀ꦥꦸꦠꦶꦃ​꧉​ꦱꦁꦏꦚ꧀ꦗꦧ​ꦥꦚ꧀ꦕꦺꦤ꧀ꦏꦺꦠꦺꦴꦏ꧀ꦏꦺ​ꦲꦥꦶꦏ꧀ ꦤꦁꦔꦶꦁ​ꦚ꧀ꦗꦼꦫꦺꦴꦤꦺ​ꦏꦼꦧꦼꦏ꧀ꦏꦫꦺꦴ​ꦧꦭꦸꦁꦔꦺ​ꦮꦺꦴꦁ​ꦩꦠꦶ​ꦱꦶꦁ​ꦮꦶꦱ꧀ꦧꦺꦴꦱꦺꦴꦏ꧀ꦏꦧꦺꦃ​꧉​ ²⁸ꦏꦺꦴꦮꦺ​ꦥꦚ꧀ꦕꦺꦤ꧀ꦏꦪ​ꦔꦺꦴꦤꦺꦴ​ꦏꦸꦮꦶ​:ꦱꦁꦏꦚ꧀ꦗꦧ​ꦏꦺꦴꦮꦺ​ꦏꦺꦠꦺꦴꦏ꧀ꦲꦥꦶꦏ꧀ ꦤꦁꦔꦶꦁ​ꦚ꧀ꦗꦼꦫꦺꦴꦤꦺ​ꦧꦠꦶꦤ꧀ꦩꦸ​ꦏꦼꦧꦼꦏ꧀ꦊꦭꦩꦶꦱ꧀ꦭꦤ꧀ꦲꦭ​꧉​ ²⁹꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥ꦳ꦫꦶꦱꦶ​꧉​ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦮꦺꦴꦁ​ꦭꦩꦶꦱ꧀꧈​ꦏꦺꦴꦮꦺ​ꦥꦢ​ꦔ꧀ꦒꦮꦺꦏ꧀ꦏꦏꦺꦏꦸꦧꦸꦂꦫꦤ꧀ꦏꦁꦒꦺꦴ​ꦥꦫ​ꦤꦧꦶ​ꦭꦤ꧀ꦔꦥꦶꦏ꧀ꦏꦥꦶꦏ꧀ꦏꦏꦺꦮꦠꦸ​ꦥꦼꦁꦔꦺꦭꦶꦁꦔꦺꦭꦶꦁꦔꦺ​ꦮꦺꦴꦁꦮꦺꦴꦁ​ꦱꦶꦁ​ꦲꦥꦶꦏ꧀ꦲꦸꦫꦶꦥ꧀ꦥꦺ꧉​ ³⁰ꦏꦺꦴꦮꦺ​ꦥꦢ​ꦔꦺꦴꦩꦺꦴꦁ:'ꦱꦼꦩꦸꦁꦒꦺꦴꦤ꧀ꦤꦺꦲꦏꦸ​ꦲꦸꦫꦶꦥ꧀ꦲꦶꦁ​ꦗꦩꦤ꧀ꦤꦺ​ꦥꦫ​ꦩ꧀ꦧꦃꦩ꧀ꦧꦲꦤ꧀ꦏꦸ꧈​ꦲꦏꦸ​ꦩꦼꦱ꧀ꦠꦶꦲꦺꦴꦫ​ꦩꦠꦺꦤ꧀ꦤꦶ​ꦥꦫ​ꦤꦧꦶ​꧉'​ ³¹ꦢꦢꦶꦤꦺ​ꦏꦺꦴꦮꦺ​ꦢꦺꦮꦺꦥꦢ​ꦔꦏꦺꦴꦤ꧀ꦤꦶ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦩꦠꦺꦤ꧀ꦤꦶ​ꦥꦫ​ꦤꦧꦶ​꧉​ ³²ꦏꦺꦴꦤꦺꦴ​ꦢꦶꦠꦼꦫꦸꦱ꧀ꦱꦏꦺꦭꦤ꧀ꦢꦶꦠꦸꦠꦸꦏ꧀ꦏꦏꦺꦥꦶꦱꦤ꧀ꦢꦺꦴꦱꦢꦺꦴꦱꦤꦺ​ꦩ꧀ꦧꦃꦩ꧀ꦧꦲꦤ꧀ꦩꦸꦏꦸꦮꦶ​! ³³ꦏꦺꦴꦮꦺ​ꦏꦸꦮꦶ​ꦲꦸꦭ​ꦭꦤ꧀ꦲꦤꦏ꧀ꦏꦤ꧀ꦲꦸꦭ​꧉​ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦩꦸ​ꦲꦉꦥ꧀ꦚꦶꦩ꧀ꦥꦁꦔꦶꦱꦼꦠꦿꦥꦤ꧀ꦩꦸꦤꦁꦤꦼꦫꦏ? ³⁴ꦩꦸꦭꦤꦺ​ꦢꦶꦫꦸꦔꦺꦴꦏ꧀ꦏꦏꦺ​ꦱꦶꦁ​ꦲꦥꦶꦏ꧀꧈​ꦲꦏꦸ​ꦧꦏꦭ꧀ꦔꦺꦴꦁꦏꦺꦴꦤ꧀ꦤꦧꦶꦤꦧꦶ​꧈​ꦮꦺꦴꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦮꦼꦫꦸꦃꦭꦤ꧀ꦒꦸꦫꦸꦒꦸꦫꦸ​ꦠꦼꦏ​ꦤꦁꦔ꧀ꦒꦺꦴꦤ꧀ꦩꦸ​꧉​ꦱꦭꦺꦴꦏ꧀ꦏꦺ​ꦧꦏꦭ꧀ꦲꦩ꧀ꦧꦺꦴꦏ꧀ꦥꦠꦺꦤ꧀ꦤꦶ​ꦭꦤ꧀ꦲꦩ꧀ꦧꦺꦴꦏ꧀ꦥꦼꦤ꧀ꦠꦺꦁ꧈​ꦭꦶꦪꦤꦺ​ꦩꦼꦤꦺꦃ​ꦧꦏꦭ꧀ꦲꦩ꧀ꦧꦺꦴꦏ꧀ꦥꦼꦕꦸꦠ꧀ꦠꦶ​ꦤꦁꦱꦶꦤꦒꦸꦏ꧀ꦩꦸꦲꦥ​ꦲꦩ꧀ꦧꦺꦴꦏ꧀ꦲꦺꦴꦪꦏ꧀ꦲꦺꦴꦪꦏ꧀ꦱꦁꦏꦏꦸꦠꦱꦶꦗꦶꦤꦺ​ꦭꦸꦔ​ꦤꦁꦏꦸꦠꦭꦶꦪꦤꦺ​꧉​ ³⁵ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦏꦺꦴꦮꦺ​ꦧꦏꦭ꧀ꦢꦶꦱꦼꦠꦿꦥ꧀ ꦗꦭꦂꦫꦤ꧀ꦏꦺꦴꦮꦺ​ꦥꦢ​ꦩꦠꦺꦤ꧀ꦤꦶ​ꦮꦺꦴꦁꦮꦺꦴꦁ​ꦱꦶꦁ​ꦲꦺꦴꦫ​ꦱꦭꦃ​꧈​ꦮꦶꦮꦶꦠ꧀ꦄꦧꦺꦭ꧀ꦠꦼꦏꦤꦺ​ꦯꦏꦫꦶꦪ꧈​ꦲꦤꦏ꧀ꦏꦺ​ꦧꦺꦫꦺꦏꦶꦪ​꧈​ꦱꦶꦁ​ꦲꦩ꧀ꦧꦺꦴꦏ꧀ꦥꦠꦺꦤ꧀ꦤꦶ​ꦤꦁꦠꦼꦔꦃꦲꦺ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦭꦤ꧀ꦲꦭ꧀ꦠꦂ꧉​ ³⁶ꦥꦢ​ꦔꦼꦂꦠꦶꦪ​:ꦏꦧꦺꦃ​ꦢꦺꦴꦱ​ꦏꦸꦮꦶ​ꦧꦏꦭ꧀ꦢꦶꦠꦶꦧꦏ꧀ꦏꦏꦺꦤꦁꦠꦔꦤ꧀ꦤꦺ​ꦮꦺꦴꦁꦮꦺꦴꦁ​ꦲꦶꦁ​ꦗꦩꦤ꧀ꦱꦲꦶꦏꦶ​꧉​”

꧋ꦏꦸꦠꦪꦺꦫꦸꦱꦭꦺꦩ꧀ꦧꦏꦭ꧀ꦢꦶꦫꦸꦱꦏ꧀꧈​

³⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦧꦧ꧀ꦏꦸꦠꦪꦺꦫꦸꦱꦭꦺꦩ꧀:“ꦪꦺꦫꦸꦱꦭꦺꦩ꧀ ꦪꦺꦫꦸꦱꦭꦺꦩ꧀!ꦏꦺꦴꦮꦺ​ꦮꦶꦱ꧀ꦩꦠꦺꦤ꧀ꦤꦶ​ꦤꦧꦶꦤꦧꦶ​ꦭꦤ꧀​ꦩ꧀ꦧꦤ꧀ꦢꦼꦩ꧀ꦩꦶꦮꦠꦸ​ꦩꦫꦁ​ꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦶꦱ꧀ꦥꦶꦁ​ꦥꦶꦫ​ꦲꦼꦁꦒꦺꦴꦤ꧀ꦏꦸ​ꦏꦼꦥꦺꦔꦶꦤ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦤꦏ꧀ꦲꦤꦏ꧀ꦩꦸ​ꦏꦪ​ꦥꦶꦠꦶꦏ꧀ꦧꦧꦺꦴꦤ꧀ꦱꦶꦁ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦤꦏ꧀ꦲꦤꦏꦤ꧀ꦤꦺꦤꦁꦔꦶꦱꦺꦴꦂꦫꦺ​ꦱ꧀ꦮꦶꦮꦶꦤꦺ​꧉​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦒꦼꦊꦩ꧀꧈​ ³⁸ꦠꦶꦠꦺꦤ꧀ꦤꦤ꧀ꦤ​꧈​ꦲꦺꦴꦩꦃꦩꦸ​ꦧꦏꦭ꧀ꦢꦶꦠꦶꦁꦒꦭ꧀ꦱꦸꦮꦸꦁ​ꦭꦤ꧀ꦢꦢꦶ​ꦱꦼꦥꦶ​꧉​ ³⁹ꦢꦶꦫꦸꦔꦺꦴꦏ꧀ꦏꦏꦺ​ꦲꦺꦴꦩꦺꦴꦁꦏꦸꦲꦶꦏꦶ​:ꦮꦶꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦮꦼꦫꦸꦃ​ꦲꦏꦸ​꧈​ꦔꦤ꧀ꦠꦶ​ꦏꦺꦴꦮꦺ​ꦧꦏꦭ꧀ꦔꦺꦴꦩꦺꦴꦁ:'ꦤꦩ꧀ꦥꦲ​ꦧꦼꦂꦏꦃ​ꦱꦶꦁ​ꦠꦼꦏ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​꧉​’”

꧋ꦒꦿꦺꦗ​ꦒꦼꦢꦺ​ꦧꦏꦭ꧀ꦢꦶꦫꦸꦱꦏ꧀꧈​

꧇​꧒꧔꧇​ ¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦥꦢ​ꦩꦫ​ꦭꦤ꧀​ꦤ꧀ꦢꦸꦢꦸꦃꦲꦏꦺꦒꦼꦢꦺꦴꦁꦒꦼꦢꦺꦴꦁꦔꦺꦒꦿꦺꦗ​ꦒꦼꦢꦺ​ꦩꦫꦁ​ꦢꦺꦏ꧀ꦤꦺ​꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦥꦢ​ꦔꦼꦩꦠ꧀ꦠꦏꦺꦒꦼꦢꦺꦴꦁꦒꦼꦢꦺꦴꦁꦏꦸꦮꦶ​꧈​ꦤꦁꦔꦶꦁ​ꦥꦢ​ꦔꦼꦂꦠꦶꦪ​꧈​ꦲꦩ꧀ꦧꦺꦱꦸꦏ꧀ꦧꦏꦭ꧀ꦲꦺꦴꦫ​ꦲꦺꦤꦺꦁꦮꦠꦸ​ꦱꦶꦗꦶ​ꦮꦲꦺ​ꦠꦼꦩꦸꦩ꧀ꦥꦁ​ꦭꦶꦪꦤꦺ​꧉​ꦏꦧꦺꦃ​ꦲꦩ꧀ꦧꦿꦸꦏ꧀ꦢꦢꦶ​ꦫꦠ​ꦏꦫꦺꦴ​ꦊꦩꦃꦲꦺ​꧉​”

꧋ꦧꦧ꧀ꦏꦫꦸꦱꦏ꧀ꦏꦤ꧀ꦭꦤ꧀ꦏꦱꦁꦱꦫꦤ꧀꧈​

³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦤꦁꦒꦸꦤꦸꦁ​ꦎꦭꦺꦥ꦳꧀ꦭꦤ꧀​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦥꦢ​ꦩꦫ​꧉​ꦏꦼꦗꦧ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦭꦶꦪꦤꦺ​꧉​ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦢꦺꦏ꧀ꦤꦺ​:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​ꦏꦥꦤ꧀ꦏꦸꦮꦶ​ꦧꦏꦭ꧀ꦭꦺ​ꦏ꧀ꦭꦏꦺꦴꦤ꧀꧈​ꦲꦮꦏ꧀ꦏꦺ​ꦢꦺꦮꦺꦲꦸꦒ​ꦏꦼꦥꦺꦔꦶꦤ꧀ꦔꦼꦂꦠꦶ​ꦲꦥ​ꦠꦤ꧀ꦢꦠꦤ꧀ꦢꦤꦺꦠꦼꦏꦤꦺ​ꦒꦸꦱ꧀ꦠꦶ​ꦭꦤ꧀ꦲꦥ​ꦠꦤ꧀ꦢꦠꦤ꧀ꦢꦤꦺꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀?” ⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦥꦢ​ꦱꦶꦁ​ꦲꦠꦶꦲꦠꦶ꧈​ꦲꦗ​ꦱꦩ꧀ꦥꦺꦏ꧀ꦏꦼꦤꦺꦁꦢꦶꦲꦥꦸꦱ꧀ꦱꦶ​ꦮꦺꦴꦁ​꧉​ ⁵ꦲꦮꦶꦠ꧀ꦲꦺꦴꦏꦺꦃꦮꦺꦴꦁ​ꦧꦏꦭ꧀ꦠꦼꦏ​ꦔꦁꦒꦺꦴ​ꦗꦼꦤꦼꦁꦏꦸ​ꦭꦤ꧀ꦔꦺꦴꦩꦺꦴꦁ:'ꦲꦏꦸ​ꦲꦶꦏꦶ​ꦑꦿꦶꦱ꧀ꦠꦸꦱ꧀!’ꦭꦤ꧀ꦩꦼꦁꦏꦺꦴꦤꦺꦴ​ꦏꦸꦮꦶ​ꦮꦺꦴꦁ​ꦥꦶꦫꦁꦥꦶꦫꦁ​ꦧꦏꦭ꧀ꦢꦶꦱꦱꦂꦫꦏꦺ꧉​ ⁶ꦏꦺꦴꦮꦺ​ꦧꦏꦭ꧀ꦏꦿꦸꦔꦸ​ꦏꦧꦂꦏꦧꦂꦧꦧ꧀ꦥꦼꦥꦼꦫꦁꦔꦤ꧀ꦭꦤ꧀ꦧꦧ꧀ꦥꦼꦥꦼꦫꦁꦔꦤ꧀ꦱꦶꦁ​ꦧꦏꦭ꧀ꦠꦼꦏ​꧉​ꦤꦁꦔꦶꦁ​ꦲꦗ​ꦥꦢ​ꦧꦶꦔꦸꦁ​꧈​ꦲꦮꦶꦠ꧀ꦏꦸꦮꦶ​ꦏꦧꦺꦃ​ꦏꦸꦢꦸ​ꦏ꧀ꦭꦏꦺꦴꦤ꧀꧈​ꦤꦁꦔꦶꦁ​ꦏꦸꦮꦶ​ꦢꦸꦫꦸꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧉​ ⁷ꦲꦮꦶꦠ꧀ꦧꦁꦱ​ꦱꦶꦁ​ꦱꦶꦗꦶ​ꦧꦏꦭ꧀ꦥꦼꦫꦁ​ꦔ꧀ꦭꦮꦤ꧀ꦧꦁꦱ​ꦭꦶꦪꦤꦺ​ꦭꦤ꧀ꦤꦼꦒꦫ​ꦱꦶꦗꦶꦤꦺ​ꦧꦏꦭ꧀ꦥꦼꦫꦁ​ꦔ꧀ꦭꦮꦤ꧀ꦤꦼꦒꦫ​ꦭꦶꦪꦤꦺ​꧉​ꦤꦁꦲꦼꦤ꧀ꦢꦶꦲꦼꦤ꧀ꦢꦶ​ꦧꦏꦭ꧀ꦲꦺꦤꦺꦁꦏꦸꦫꦁ​ꦥꦔꦤ꧀ꦭꦤ꧀ꦭꦶꦤ꧀ꦢꦸ꧉​ ⁸ꦤꦁꦔꦶꦁ​ꦏꦸꦮꦶ​ꦩꦲꦸ​ꦏꦧꦺꦃ​ꦤꦩꦸꦁ​ꦮꦶꦮꦶꦠ꧀ꦠꦤ꧀ꦤꦺ​ꦏꦱꦁꦱꦫꦤ꧀ꦱꦏ꧀ꦢꦸꦫꦸꦁꦔꦺꦗꦩꦤ꧀ꦲꦚꦂ​ꦠꦼꦏ​꧈​ꦏꦪ​ꦮꦺꦴꦁ​ꦱꦶꦁ​ꦔ꧀ꦭꦫꦤꦶ​ꦏꦲꦺ​꧈​ꦱꦏ꧀ꦢꦸꦫꦸꦁꦔꦺꦩ꧀ꦧꦪꦶ꧉​ ⁹꧋“ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦏꦺꦴꦮꦺ​ꦧꦏꦭ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦥꦱꦿꦃꦲꦏꦺ꧈​ꦱꦸꦥꦪ​ꦢꦶꦥꦶꦭꦂꦫ​ꦭꦤ꧀ꦢꦶꦥꦠꦺꦤ꧀ꦤꦶ​꧉​ꦱꦏ꧀ꦏꦺꦃꦲꦺꦧꦁꦱ​ꦧꦏꦭ꧀ꦥꦢ​ꦱꦼꦔꦶꦠ꧀ꦏꦫꦺꦴ​ꦏꦺꦴꦮꦺ​꧈​ꦗꦭꦂꦫꦤ꧀ꦏꦺꦴꦮꦺ​ꦩꦸꦫꦶꦢ꧀ꦏꦸ​꧉​ ¹⁰ꦩꦸꦭꦤꦺ​ꦲꦺꦴꦏꦺꦃꦮꦺꦴꦁ​ꦲꦸꦒ​ꦱꦶꦁ​ꦲꦺꦴꦫ​ꦧꦏꦭ꧀ꦠꦼꦩꦼꦤ꧀ꦩꦺꦭꦸ​ꦲꦏꦸ​꧈​ꦤꦁꦔꦶꦁ​ꦥꦢ​ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ꦱꦶꦁ​ꦱꦶꦗꦶ​ꦧꦏꦭ꧀ꦩꦱꦿꦃꦲꦏꦺꦭꦶꦪꦤꦺ​ꦱꦸꦥꦪ​ꦢꦶꦥꦶꦭꦂꦫ​ꦭꦤ꧀ꦱꦶꦁ​ꦱꦶꦗꦶ​ꦧꦏꦭ꧀ꦚꦼꦔꦶꦠ꧀ꦠꦶ​ꦭꦶꦪꦤꦺ​꧉​ ¹¹ꦲꦺꦴꦏꦺꦃꦤꦧꦶ​ꦥꦭ꧀ꦱꦸ​ꦧꦏꦭ꧀​ꦚ꧀ꦗꦼꦢꦸꦭ꧀ꦭꦤ꧀ꦚꦤ꧀ꦢꦶꦁꦮꦺꦴꦁ​ꦲꦺꦴꦏꦺꦃ꧉​ ¹²ꦠꦸꦩꦶꦤ꧀ꦢꦏ꧀ꦲꦭ​ꦧꦏꦭ꧀ꦠꦩ꧀ꦧꦃ​ꦲꦺꦴꦏꦺꦃ꧈​ꦩꦸꦭꦤꦺ​ꦏꦠꦿꦺꦱ꧀ꦤꦤ꧀ꦧꦏꦭ꧀ꦱꦸꦢ​꧉​ ¹³ꦤꦁꦔꦶꦁ​ꦱꦥ​ꦱꦶꦁ​ꦩꦤ꧀ꦠꦼꦥ꧀ꦠꦼꦫꦸꦱ꧀ꦠꦼꦏꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧈​ꦏꦸꦮꦶ​ꦱꦶꦁ​ꦧꦏꦭ꧀ꦱ꧀ꦭꦩꦼꦠ꧀꧈​ ¹⁴ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦢꦶꦒꦼꦭꦂ​ꦤꦁꦱꦏ꧀ꦗꦒꦠ꧀ ꦱꦸꦥꦪ​ꦏꦧꦺꦃ​ꦧꦁꦱ​ꦥꦢ​ꦔꦼꦂꦠꦶ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦏ꧀ꦭꦏꦺꦴꦤ꧀ ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀ꦧꦏꦭ꧀ꦠꦼꦏ​꧉​”

꧋ꦠꦼꦏꦤꦺ​ꦱꦁꦱꦫ​ꦒꦼꦢꦺ​꧉​

¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦔ꧀ꦒꦼꦒꦶꦭ꧀ꦭꦤ꧀ꦤꦺ​ꦏꦫꦸꦱꦏ꧀ꦏꦤ꧀ꦔꦢꦼꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ​꧉​ꦤꦧꦶ​ꦣꦤꦶꦌꦭ꧀ꦮꦶꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦲꦶꦏꦸ​꧉​ꦱꦥ​ꦱꦶꦁ​ꦩꦕ​ꦲꦶꦏꦸ​ꦩꦶꦏꦶꦂꦫ​ꦱꦶꦁ​ꦲꦥꦶꦏ꧀ ꦱꦸꦥꦪ​ꦧꦶꦱ​ꦢꦸꦤꦸꦁꦠꦼꦒꦼꦱ꧀ꦱꦺ​꧉​ ¹⁶ꦤꦺꦏ꧀ꦏꦸꦮꦶ​ꦏ꧀ꦭꦏꦺꦴꦤ꧀ ꦮꦺꦴꦁꦮꦺꦴꦁ​ꦱꦶꦁ​ꦤꦁꦧꦮꦃꦪꦸꦢꦺꦪ​ꦥꦢ​ꦩ꧀​ꦧ꧀ꦭꦪꦸꦤꦺꦤꦁꦒꦸꦤꦸꦁꦒꦸꦤꦸꦁꦔꦤ꧀꧈​ ¹⁷ꦮꦺꦴꦁꦮꦺꦴꦁ​ꦱꦶꦁ​ꦲꦶꦗꦶꦏ꧀ꦤꦁꦤ꧀ꦢꦸꦮꦸꦂꦲꦺꦴꦩꦃ​꧈​ꦲꦗ​ꦥꦢ​ꦩꦼꦢꦸꦤ꧀​ꦚ꧀ꦗꦶꦏꦸꦏ꧀ꦧꦫꦁꦧꦫꦁꦔꦺ​ꦲꦺꦴꦩꦃꦲꦺ​꧉​ ¹⁸ꦮꦺꦴꦁꦮꦺꦴꦁ​ꦱꦶꦁ​ꦲꦶꦗꦶꦏ꧀ꦤꦁꦏꦼꦧꦺꦴꦤ꧀ ꦲꦗ​ꦥꦢ​ꦩꦸꦭꦶꦃ​ꦚ꧀ꦗꦶꦏꦸꦏ꧀ꦱꦭꦶꦤ꧀ꦤꦺ꧉​ ¹⁹ꦩꦼꦭꦱ꧀ꦱꦏꦺꦧꦔꦼꦠ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦢ​ꦩꦼꦠꦼꦁ​ꦭꦤ꧀ꦱꦶꦁ​ꦥꦢ​ꦚꦸꦱꦺꦴꦤ꧀ꦤꦶ​꧉​ ²⁰ꦤ꧀ꦢꦼꦢꦺꦴꦔꦲ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦸꦥꦪ​ꦲꦼꦁꦒꦺꦴꦤ꧀ꦩꦸ​ꦭꦸꦔ​ꦲꦺꦴꦫ​ꦠꦶꦧ​ꦮꦪꦃ​ꦲꦢꦼꦩ꧀ꦲꦥ​ꦢꦶꦤ​ꦱꦧꦠ꧀꧈​ ²¹ꦲꦮꦶꦠ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦧꦏꦭ꧀ꦲꦺꦤꦺꦁꦏꦱꦸꦱꦃꦲꦤ꧀ꦒꦼꦢꦺ​ꦧꦔꦼꦠ꧀ ꦱꦶꦁ​ꦢꦸꦫꦸꦁ​ꦠꦲꦸ​ꦏ꧀ꦭꦏꦺꦴꦤ꧀ꦮꦶꦮꦶꦠ꧀ꦗꦒꦠ꧀ꦢꦶꦒꦮꦺ​ꦠꦼꦏꦤ꧀ꦱꦼꦥꦿꦺꦤꦺ​꧉​ꦭꦤ꧀ꦏꦱꦸꦱꦃꦲꦤ꧀ꦒꦼꦢꦺ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦲꦺꦴꦫ​ꦧꦏꦭ꧀​ꦏ꧀ꦭꦏꦺꦴꦤ꧀ꦩꦼꦤꦺꦃ​꧉​ ²²ꦱꦼꦩꦸꦁꦒꦺꦴꦤ꧀ꦤꦺꦮꦏ꧀ꦠꦸꦩꦸꦏꦱꦸꦱꦃꦲꦤ꧀ꦏꦸꦮꦶ​ꦲꦺꦴꦫ​ꦢꦶꦕꦼꦏꦏ꧀ꦏꦏꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦼꦱ꧀ꦠꦶꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦗꦶ​ꦮꦲꦺ​ꦧꦶꦱ​ꦲꦸꦫꦶꦥ꧀꧈​ꦤꦁꦔꦶꦁ​ꦗꦭꦂꦫꦤ꧀ꦱꦁꦏꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦮꦏ꧀ꦠꦸ​ꦏꦸꦮꦶ​ꦢꦶꦕꦼꦏꦏ꧀ꦏꦏꦺ​꧉​ ²³꧋“ꦲꦶꦁ​ꦮꦏ꧀ꦠꦸ​ꦏꦸꦮꦶ​꧈​ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:'ꦭꦃ​ꦲꦶꦏꦶ​ꦑꦿꦶꦱ꧀ꦠꦸꦱ꧀ꦤꦁꦏꦺꦤꦺ​꧈'​ꦲꦥ​'ꦭꦃ​ꦏꦲꦺ​ꦑꦿꦶꦱ꧀ꦠꦸꦱ꧀ꦤꦁꦏꦤ​꧈'​ꦲꦗ​ꦥꦢ​ꦔꦤ꧀ꦢꦼꦭ꧀꧈​ ²⁴ꦲꦮꦶꦠ꧀ꦏꦿꦶꦱ꧀ꦡꦸꦱ꧀ꦏꦿꦶꦱ꧀ꦡꦸꦱ꧀ꦥꦭ꧀ꦱꦸ​ꦭꦤ꧀ꦤꦧꦶꦤꦧꦶ​ꦥꦭ꧀ꦱꦸ​ꦧꦏꦭ꧀ꦥꦢ​ꦚ꧀ꦗꦼꦢꦸꦭ꧀ꦭꦤ꧀ꦧꦏꦭ꧀ꦥꦢ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦭꦤ꧀ꦠꦤ꧀ꦢꦠꦤ꧀ꦢꦱꦶꦁ​ꦔ꧀ꦒꦸꦩꦸꦤ꧀ꦤꦏꦺꦏꦁꦒꦺꦴ​ꦚꦤ꧀ꦢꦶꦁꦮꦺꦴꦁ​꧉​ꦩꦭꦃ​ꦱꦼꦩꦸꦁꦒꦺꦴꦤ꧀ꦤꦺꦧꦶꦱ​ꦔꦺꦴꦤꦺꦴ​ꦲꦉꦥ꧀ꦚꦤ꧀ꦢꦶꦁꦥꦫ​ꦥꦶꦭꦶꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁵ꦩꦸꦭꦤꦺ​ꦥꦢ​ꦢꦶꦲꦺꦭꦶꦁꦔꦺꦭꦶꦁ​!ꦲꦏꦸ​ꦮꦶꦱ꧀ꦔꦺꦴꦩꦺꦴꦁꦔꦶꦏꦺꦴꦮꦺ​ꦱꦏ꧀ꦢꦸꦫꦸꦁꦔꦺꦏꦸꦮꦶ​ꦩꦲꦸ​ꦏ꧀ꦭꦏꦺꦴꦤ꧀꧈​ ²⁶꧋“ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦔꦶꦏꦺꦴꦮꦺ​:'ꦭꦃ​ꦏꦲꦺ​ꦑꦿꦶꦱ꧀ꦠꦸꦱ꧀ꦤꦁꦮꦸꦱ꧀ꦠꦺꦤ꧀꧈'​ꦏꦺꦴꦮꦺ​ꦲꦗ​ꦩ꧀ꦧꦿꦤ꧉​ꦲꦥ​ꦤꦺꦏ꧀ꦮꦺꦴꦁꦮꦺꦴꦁ​ꦔꦺꦴꦩꦺꦴꦁ:'ꦭꦃ​ꦏꦲꦺ​ꦢꦺꦏ꧀ꦤꦺꦤ꧀ꦢꦼꦭꦶꦏ꧀ꦤꦁꦏꦤ​꧈'​ꦏꦺꦴꦮꦺ​ꦲꦗ​ꦔꦤ꧀ꦢꦼꦭ꧀꧈​ ²⁷ꦲꦮꦶꦠ꧀ꦏꦪ​ꦲꦼꦁꦒꦺꦴꦤꦺ​ꦏ꧀ꦭꦺꦭꦥ꧀ꦥꦺꦧ꧀ꦊꦢꦺꦏ꧀ꦔꦼꦧꦾꦂꦱꦁꦏꦮꦺꦠꦤ꧀ꦭꦤ꧀ꦥꦢꦁꦔꦺꦱꦼꦩ꧀ꦭꦺꦴꦫꦺꦴꦠ꧀ꦠꦼꦏꦤ꧀ꦏꦸꦭꦺꦴꦤ꧀ ꦩꦼꦁꦏꦺꦴꦤꦺꦴ​ꦲꦩ꧀ꦧꦺꦱꦸꦏ꧀ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​ ²⁸꧋“ꦤꦁꦲꦼꦤ꧀ꦢꦶ​ꦱꦶꦁ​ꦲꦺꦤꦺꦁꦧꦠꦁ꧈​ꦩꦼꦱ꧀ꦠꦶꦩꦤꦸꦏ꧀ꦒꦒꦏ꧀ꦥꦢ​ꦔ꧀ꦭꦸꦩ꧀ꦥꦸꦏ꧀꧈​”

꧋ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​

²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦱꦏ꧀ꦮꦶꦱ꧀ꦱꦺ​ꦮꦪꦃ​ꦏꦱꦁꦱꦫꦤ꧀ꦏꦸꦮꦶ​꧈​ꦱꦽꦔꦺꦔꦺ​ꦧꦏꦭ꧀ꦢꦢꦶ​ꦥꦼꦠꦼꦁ​ꦭꦤ꧀​ꦩ꧀ꦧꦸꦭꦤ꧀ꦤꦺꦲꦺꦴꦫ​ꦧꦏꦭ꧀ꦱꦼꦩ꧀ꦭꦺꦴꦫꦺꦴꦠ꧀ꦩꦼꦤꦺꦃ​꧉​ꦭꦶꦤ꧀ꦠꦁꦭꦶꦤ꧀ꦠꦁ​ꦧꦏꦭ꧀ꦥꦢ​ꦠꦶꦧ​ꦱꦁꦏꦭꦔꦶꦠ꧀ꦭꦤ꧀ꦥꦔ꧀ꦮꦱꦥꦔ꧀ꦮꦱ​ꦤꦁꦭꦔꦶꦠ꧀ꦧꦏꦭ꧀ꦲ꦳ꦺꦴꦪꦏ꧀ꦏꦧꦺꦃ​꧉​ ³⁰ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦤ꧀ꦢꦤꦺꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦏꦺꦠꦺꦴꦏ꧀ꦤꦁꦭꦔꦶꦠ꧀꧈​ꦱꦏ꧀ꦏꦺꦃꦲꦺꦧꦁꦱ​ꦤꦁꦧꦸꦩꦶ​ꦧꦏꦭ꧀ꦥꦢ​ꦤꦔꦶꦱ꧀ꦭꦤ꧀ꦱꦩ꧀ꦧꦠ꧀ꦭꦤ꧀ꦧꦏꦭ꧀ꦥꦢ​ꦮꦼꦫꦸꦃ​ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦤꦁꦩꦺꦒꦤꦺ​ꦭꦔꦶꦠ꧀ ꦔꦁꦒꦺꦴ​ꦥꦔ꧀ꦮꦱ​ꦭꦤ꧀ꦏꦩꦸꦭꦾꦤ꧀ꦱꦶꦁ​ꦒꦼꦢꦺ​꧉​ ³¹ꦠꦿꦺꦴꦩ꧀ꦥꦺꦠ꧀ꦱꦶꦁ​ꦱ꧀ꦮꦫꦤꦺ​ꦧꦤ꧀ꦠꦼꦂ​ꦧꦔꦼꦠ꧀ꦧꦏꦭ꧀ꦢꦶꦲꦸꦤꦺꦏ꧀ꦏꦏꦺꦭꦤ꧀ꦥꦫ​ꦩꦸꦭꦺꦏꦠ꧀ꦧꦏꦭ꧀ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦸꦩꦠ꧀ꦥꦶꦭꦶꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦁꦏꦮꦺꦠꦤ꧀ ꦏꦸꦭꦺꦴꦤ꧀ ꦭꦺꦴꦂꦭꦤ꧀ꦏꦶꦢꦸꦭ꧀ ꦱꦁꦏꦥꦺꦴꦗꦺꦴꦏ꧀ꦏꦺ​ꦧꦸꦩꦶ​ꦱꦶꦁ​ꦱꦶꦗꦶꦤꦺ​ꦠꦼꦏꦤ꧀ꦥꦺꦴꦗꦺꦴꦏ꧀ꦱꦶꦁ​ꦭꦶꦪꦤꦺ​꧉​”

꧋ꦥꦶꦮꦸꦭꦁ​ꦱꦁꦏꦮꦶꦠ꧀ꦲꦚ꧀ꦗꦶꦂ​꧉​

³²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦥꦶꦮꦸꦭꦁ​ꦔꦺꦤꦺ​:“ꦲꦩ꧀ꦧꦺꦴꦏ꧀ꦢꦶꦠꦶꦠꦺꦤ꧀ꦤꦶ​ꦮꦶꦠ꧀ꦲꦚ꧀ꦗꦶꦂ​ꦏꦲꦺ​꧉​ꦤꦺꦏ꧀ꦥꦁꦔꦺ​ꦮꦶꦱ꧀ꦲꦶꦗꦺꦴ​ꦭꦤ꧀ꦩꦼꦩꦼꦱ꧀ꦭꦤ꧀ꦩꦺꦴꦭꦃꦲꦶꦩꦼꦠꦸ​ꦒꦺꦴꦢꦺꦴꦁꦔꦺ​꧈​ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦮꦪꦃ​ꦥꦤꦱ꧀ꦮꦶꦱ꧀ꦕꦼꦢꦼꦏ꧀​꧉​ ³³ꦩꦼꦁꦏꦺꦴꦤꦺꦴ​ꦲꦸꦒ​꧈​ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦱꦼꦩ꧀ꦧꦫꦁ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦩꦲꦸ​ꦏ꧀ꦭꦏꦺꦴꦤ꧀ ꦏꦸꦮꦶ​ꦠꦤ꧀ꦢꦤꦺꦤꦺꦏ꧀ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​ꦮꦶꦱ꧀ꦕꦼꦢꦼꦏ꧀​ꦧꦔꦼꦠ꧀꧈​ ³⁴ꦥꦢ​ꦲꦺꦭꦶꦁꦔ​!ꦮꦺꦴꦁꦮꦺꦴꦁ​ꦱꦶꦁ​ꦲꦸꦫꦶꦥ꧀ꦲꦶꦁ​ꦗꦩꦤ꧀ꦲꦶꦏꦶ​ꦧꦏꦭ꧀ꦥꦢ​ꦩꦼꦤꦁꦔꦶ​ꦥꦽꦏꦫꦥꦽꦏꦫ​ꦏꦸꦮꦶ​ꦩꦲꦸ​ꦏꦧꦺꦃ​꧉​ ³⁵ꦭꦔꦶꦠ꧀ꦭꦤ꧀ꦧꦸꦩꦶ​ꦧꦏꦭ꧀ꦲꦶꦭꦁ​꧈​ꦤꦁꦔꦶꦁ​ꦠꦼꦩ꧀ꦧꦸꦁꦏꦸ​ꦧꦏꦭ꧀ꦲꦺꦤꦺꦁꦠꦼꦫꦸꦱ꧀ꦱꦭꦮꦱ꧀ꦭꦮꦱ꧀ꦱꦺ​꧉​”

꧋ꦢꦶꦤꦤꦺ​ꦭꦤ꧀ꦗꦩ꧀ꦩꦺ​ꦲꦺꦴꦫ​ꦲꦺꦤꦺꦁꦱꦶꦁ​ꦔꦼꦂꦠꦶ​꧉​

³⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦧꦧ꧀ꦢꦶꦤꦤꦺ​ꦭꦤ꧀ꦗꦩ꧀ꦩꦺ​ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦗꦶ​ꦮꦲꦺ​ꦱꦶꦁ​ꦔꦼꦂꦠꦶ​꧉​ꦥꦫ​ꦩꦸꦭꦺꦏꦠ꧀ꦤꦁꦱ꧀ꦮꦂꦒ​ꦲꦺꦴꦫ​ꦔꦼꦂꦠꦶ​ꦭꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦲꦺꦴꦫ​ꦔꦼꦂꦠꦶ​꧉​ꦱꦶꦁ​ꦔꦼꦂꦠꦶ​ꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧉​ ³⁷ꦏꦪ​ꦗꦩꦤ꧀ꦤꦺ​ꦤꦧꦶ​ꦟꦺꦴꦮꦃ꧈​ꦩꦼꦁꦏꦺꦴꦤꦺꦴ​ꦲꦸꦒ​ꦲꦩ꧀ꦧꦺꦱꦸꦏ꧀ꦗꦩꦤ꧀ꦤꦺ​ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​ ³⁸ꦲꦮꦶꦠ꧀ꦲꦶꦁ​ꦢꦶꦤꦢꦶꦤ​ꦱꦏ꧀ꦢꦸꦫꦸꦁꦔꦺꦲꦸꦢꦤ꧀ꦒꦼꦢꦺ​ꦠꦼꦏ​꧈​ꦮꦺꦴꦁꦮꦺꦴꦁ​ꦥꦢ​ꦩꦔꦤ꧀ꦔꦺꦴꦩ꧀ꦧꦺꦭꦤ꧀ꦏꦮꦶꦤ꧀ ꦔꦤ꧀ꦠꦶ​ꦢꦶꦤꦤꦺ​ꦲꦼꦁꦒꦺꦴꦤꦺ​ꦤꦧꦶ​ꦟꦺꦴꦮꦃꦩꦸꦁꦒꦃ​ꦤꦁꦏꦥꦭ꧀ꦭꦺ​꧉​ ³⁹ꦮꦺꦴꦁꦮꦺꦴꦁ​ꦲꦺꦴꦫ​ꦥꦢ​ꦢꦸꦤꦸꦁꦲꦥ​ꦱꦶꦁ​ꦏ꧀ꦭꦏꦺꦴꦤ꧀ ꦔꦤ꧀ꦠꦶ​ꦠꦼꦏꦤꦺ​ꦲꦸꦢꦤ꧀ꦒꦼꦢꦺ​꧈​ꦠꦼꦫꦸꦱ꧀ꦥꦢ​ꦔꦼꦂꦠꦶ​꧉​ꦩꦼꦁꦏꦺꦴꦤꦺꦴ​ꦲꦸꦒ​ꦧꦏꦭ꧀ꦭꦺ​ꦊꦭꦏꦺꦴꦤꦺ​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​꧉​ ⁴⁰ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦧꦏꦭ꧀ꦲꦺꦤꦺꦁꦮꦺꦴꦁ​ꦭꦤꦁ​ꦭꦺꦴꦫꦺꦴ​ꦥꦢ​ꦚꦩ꧀ꦧꦸꦠ꧀ꦠꦤꦁꦏꦼꦧꦺꦴꦤ꧀ ꦱꦶꦁ​ꦱꦶꦗꦶ​ꦢꦶꦒꦮ​꧈​ꦱꦶꦁ​ꦭꦶꦪꦤꦺ​ꦢꦶꦠꦶꦁꦒꦭ꧀꧈​ ⁴¹ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦭꦺꦴꦫꦺꦴ​ꦲꦶꦗꦶꦏ꧀​ꦔ꧀ꦒꦶꦭꦶꦁ​ꦒꦤ꧀ꦢꦸꦩ꧀ ꦱꦶꦁ​ꦱꦶꦗꦶ​ꦢꦶꦒꦮ​꧈​ꦱꦶꦁ​ꦭꦶꦪꦤꦺ​ꦢꦶꦠꦶꦁꦒꦭ꧀꧈​ ⁴²꧋“ꦩꦸꦭꦤꦺ​꧈​ꦥꦢ​ꦱꦶꦁ​ꦲꦮꦱ꧀ꦭꦤ꧀ꦲꦠꦶꦲꦠꦶ꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦏꦥꦤ꧀ꦠꦼꦏꦤꦺ​ꦒꦸꦱ꧀ꦠꦶꦩꦸ​꧉​ ⁴³ꦲꦺꦭꦶꦁꦔ​ꦲꦶꦏꦶ​꧈​ꦱꦼꦩꦸꦁꦒꦺꦴꦤ꧀ꦤꦺꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦔꦼꦂꦠꦶ​ꦮꦏ꧀ꦠꦸꦩꦸꦠꦼꦏꦤꦺ​ꦩꦭꦶꦁ​ꦔꦺ​꧈​ꦢꦺꦏ꧀ꦤꦺꦩꦼꦱ꧀ꦠꦶꦲꦺꦴꦫ​ꦧꦏꦭ꧀ꦠꦸꦫꦸ​ꦭꦤ꧀ꦲꦺꦴꦫ​ꦧꦏꦭ꧀​ꦔ꧀ꦭꦶꦭꦤꦶ​ꦲꦺꦴꦩꦃꦲꦺ​ꦢꦶꦧꦺꦴꦧꦺꦴꦭ꧀꧈​ ⁴⁴ꦩꦸꦭꦤꦺ​ꦥꦢ​ꦗꦒꦗꦒ​꧈​ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏꦤꦺ​ꦲꦶꦁ​ꦮꦏ꧀ꦠꦸ​ꦱꦶꦁ​ꦲꦺꦴꦫ​ꦲꦩ꧀ꦧꦺꦴꦏ꧀ꦗꦒꦏ꧀ꦏꦏꦺ꧉​”

꧋ꦥꦶꦮꦸꦭꦁ​ꦧꦧ꧀ꦱ꧀ꦭꦥ꦳꧀ꦱꦶꦁ​ꦠꦼꦩꦼꦤ꧀꧈​

⁴⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱ꧀ꦭꦥ꦳꧀ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦠꦼꦩꦼꦤ꧀ꦭꦤ꧀ꦱꦶꦁ​ꦥꦶꦤ꧀ꦠꦼꦂ​꧈​ꦱꦶꦁ​ꦢꦶꦢꦢꦺꦏ꧀ꦏꦏꦺꦥꦼꦔꦉꦥ꧀ꦥꦺ​ꦱ꧀ꦭꦥ꦳꧀ꦱ꧀ꦭꦥ꦳꧀ꦭꦶꦪꦤꦺ​ꦭꦤ꧀ꦔꦼꦏꦺꦏ꧀ꦏꦶꦥꦔꦤ꧀ꦏꦸ​ꦩꦫꦁ​ꦱ꧀ꦭꦥ꦳꧀ꦱ꧀ꦭꦥ꦳꧀ꦏꦸꦮꦶ​ꦤꦺꦏ꧀ꦮꦶꦱ꧀ꦥꦼꦤꦼꦂꦮꦏ꧀ꦠꦸꦩꦸ? ⁴⁶ꦧꦼꦗꦠꦼꦤꦤ꧀ꦱ꧀ꦭꦥ꦳꧀ꦱꦶꦁ​ꦏꦼꦠꦼꦩꦸ​ꦲꦶꦗꦶꦏ꧀ꦔꦼꦂꦗꦤ꧀ꦤꦶꦥꦼꦁꦒꦮꦺꦪꦤ꧀ꦏꦸꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦏ​꧉​ ⁴⁷ꦔꦤ꧀ꦢꦼꦭ꧀ꦭ​꧈​ꦱ꧀ꦭꦥ꦳꧀ꦏꦸꦮꦶ​ꦧꦏꦭ꧀ꦢꦶꦥꦱꦿꦃꦲꦶ​ꦔꦸꦫꦸꦱ꧀ꦱꦶ​ꦏꦧꦺꦃ​ꦧꦤ꧀ꦢꦤꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​꧉​ ⁴⁸ꦤꦁꦔꦶꦁ​ꦤꦺꦏ꧀ꦱ꧀ꦭꦥ꦳꧀ꦩꦲꦸ​ꦲꦭ​ꦲꦠꦶꦤꦺ​ꦭꦤ꧀​ꦤ꧀ꦢꦸꦮꦺꦒꦒꦱ꧀ꦱꦤ꧀ꦔꦺꦤꦺ​: ⁴⁹‘ꦲꦃ꧈​ꦒꦸꦱ꧀ꦠꦶꦏꦸ​ꦧꦏꦭ꧀ꦭꦺ​ꦲꦺꦴꦫ​ꦤ꧀ꦢꦁꦠꦼꦏ​ꦏꦺꦴꦏ꧀꧈'​ꦠꦼꦫꦸꦱ꧀ꦢꦺꦏ꧀ꦤꦺꦩꦺꦴꦭꦃꦲꦶꦚꦶꦪꦚꦶꦪ​ꦱ꧀ꦭꦥ꦳꧀ꦱ꧀ꦭꦥ꦳꧀ꦭꦶꦪꦤꦺ​ꦭꦤ꧀ꦩꦭꦃ​ꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​ꦧꦼꦧꦉꦁꦔꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦱꦼꦤꦼꦁ​ꦩꦧꦸꦏ꧀꧈​ ⁵⁰ꦭꦃ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦫꦸꦱ꧀ꦠꦼꦏ​ꦲꦶꦁ​ꦢꦶꦤ​ꦱꦶꦁ​ꦲꦺꦴꦫ​ꦢꦶꦗꦒꦏ꧀ꦏꦏꦺꦭꦤ꧀ꦲꦶꦁ​ꦗꦩ꧀ꦱꦶꦁ​ꦲꦺꦴꦫ​ꦢꦶꦔꦼꦂꦠꦺꦤ꧀ꦤꦶ​ꦱꦏ꧀ꦢꦸꦫꦸꦁꦔꦺ꧉​ ⁵¹ꦱ꧀ꦭꦥ꦳꧀ꦏꦸꦮꦶ​ꦧꦏꦭ꧀ꦢꦶꦱꦼꦠꦿꦥ꧀ꦏꦫꦺꦴ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​꧈​ꦠꦸꦁꦒꦭ꧀ꦭꦺ​ꦮꦲꦺ​ꦏꦫꦺꦴ​ꦱꦼꦠꦿꦥꦤ꧀ꦤꦺ ꦮꦺꦴꦁ​ꦭꦩꦶꦱ꧀꧈​ꦤꦁꦏꦺꦴꦤꦺꦴ​ꦱ꧀ꦭꦥ꦳꧀ꦩꦲꦸ​ꦧꦏꦭ꧀ꦠꦔꦶꦱ꧀ꦱꦤ꧀ꦭꦤ꧀ꦔꦼꦫꦺꦴꦠ꧀ꦲꦸꦤ꧀ꦠꦸ​꧉​”

꧋ꦥꦿꦮꦤ꧀ꦱꦶꦁ​ꦥꦶꦤ꧀ꦠꦼꦂ​ꦭꦤ꧀ꦥꦿꦮꦤ꧀ꦱꦶꦁ​ꦒꦺꦴꦧ꧀ꦭꦺꦴꦏ꧀꧈​

꧇​꧒꧕꧇​ ¹꧋ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦔꦺꦤꦺ​:“ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦭꦤ꧀ꦔ꧀ꦮꦱꦤꦶ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦸꦮꦶ​ꦏꦼꦤꦺꦁꦢꦶꦒꦩ꧀ꦧꦂꦫꦏꦺꦏꦫꦺꦴ​ꦥꦿꦮꦤ꧀ꦱꦼꦥꦸꦭꦸꦃ​ꦱꦶꦁ​ꦲꦉꦥ꧀ꦔꦶꦫꦶꦁ​ꦩꦤ꧀ꦠꦺꦤ꧀ꦭꦤ꧀ꦥꦢ​ꦔ꧀ꦒꦮ​ꦲꦺꦴꦚ꧀ꦕꦺꦴꦂ​ꦏꦲꦺ​꧈​ꦩꦼꦠꦸꦏ꧀ꦏꦶꦩꦤ꧀ꦠꦺꦤ꧀ꦭꦤꦁ​꧉​ ²ꦥꦿꦮꦤ꧀ꦱꦼꦥꦸꦭꦸꦃ​ꦏꦸꦮꦶ​ꦱꦶꦁ​ꦭꦶꦩ​ꦒꦺꦴꦧ꧀ꦭꦺꦴꦏ꧀ꦭꦤ꧀ꦱꦶꦁ​ꦭꦶꦩ​ꦥꦶꦤ꧀ꦠꦼꦂ​꧉​ ³ꦥꦿꦮꦤ꧀ꦭꦶꦩ​ꦱꦶꦁ​ꦒꦺꦴꦧ꧀ꦭꦺꦴꦏ꧀ꦥꦢ​ꦔ꧀ꦒꦮ​ꦲꦺꦴꦚ꧀ꦕꦺꦴꦂ​꧈​ꦤꦁꦔꦶꦁ​ꦲꦺꦴꦫ​ꦔ꧀ꦒꦮ​ꦊꦔ​ꦱꦺꦉꦥ꧀꧈​ ⁴ꦭꦃ​ꦥꦿꦮꦤ꧀ꦭꦶꦩ​ꦱꦶꦁ​ꦥꦶꦤ꧀ꦠꦼꦂ​ꦔ꧀ꦒꦮ​ꦲꦺꦴꦚ꧀ꦕꦺꦴꦂ​ꦭꦤ꧀​ꦔ꧀ꦒꦮ​ꦊꦔ​ꦱꦺꦉꦥ꧀꧈​ ⁵ꦏꦢꦸꦁ​ꦩꦤ꧀ꦠꦺꦤ꧀ꦤꦺ​ꦭꦤꦁ​ꦲꦺꦴꦫ​ꦠꦼꦏꦠꦼꦏ​꧈​ꦥꦿꦮꦤ꧀ꦥꦿꦮꦤ꧀ꦩꦲꦸ​ꦥꦢ​ꦔꦤ꧀ꦠꦸꦏ꧀ ꦱꦩ꧀ꦥꦺꦏ꧀ꦏꦼꦠꦸꦫꦺꦴꦤ꧀꧈​ ⁶꧋“ꦤꦁꦠꦼꦔꦃꦲꦺ​ꦮꦼꦔꦶ​ꦲꦺꦤꦺꦁꦮꦺꦴꦁ​ꦕꦼꦭꦸꦏ꧀ꦕꦼꦭꦸꦏ꧀:'ꦩꦤ꧀ꦠꦺꦤ꧀ꦤꦺ​ꦠꦼꦏ​꧈​ꦲ꦳ꦪꦸꦏ꧀ꦥꦢ​ꦩꦼꦠꦸꦏ꧀ꦏꦶ!’ ⁷ꦥꦿꦮꦤ꧀ꦱꦼꦥꦸꦭꦸꦃ​ꦩꦲꦸ​ꦠꦼꦫꦸꦱ꧀ꦥꦢ​ꦠꦔꦶ​ꦭꦤ꧀​ꦚ꧀ꦗꦶꦏꦸꦏ꧀ꦲꦺꦴꦚ꧀ꦕꦺꦴꦂꦫꦺ​ꦢꦺꦮꦺꦢꦺꦮꦺ꧉​ ⁸ꦥꦿꦮꦤ꧀ꦭꦶꦩ​ꦱꦶꦁ​ꦒꦺꦴꦧ꧀ꦭꦺꦴꦏ꧀ꦠꦼꦫꦸꦱ꧀ꦤꦼꦩ꧀ꦧꦸꦁ​ꦩꦫꦁ​ꦥꦿꦮꦤ꧀ꦥꦿꦮꦤ꧀ꦱꦶꦁ​ꦥꦶꦤ꧀ꦠꦼꦂ​:'ꦲꦩ꧀ꦧꦺꦴꦏ꧀ꦲꦏꦸ​ꦢꦶꦏꦺꦏ꧀ꦏꦶꦊꦔꦩꦸ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧈​ꦲꦮꦶꦠ꧀ꦲꦺꦴꦚ꧀ꦕꦺꦴꦂꦏꦸ​ꦲꦉꦥ꧀ꦩꦠꦶ​꧉'​ ⁹ꦥꦿꦮꦤ꧀ꦥꦿꦮꦤ꧀ꦱꦶꦁ​ꦥꦶꦤ꧀ꦠꦼꦂ​ꦱꦼꦩꦲꦸꦂ​:'ꦲꦺꦴꦫ​꧈​ꦩꦼꦁꦏꦺꦴ​ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​ꦤ꧀ꦢꦏ꧀ꦏꦼꦏꦸꦫꦁꦔꦤ꧀ꦊꦔ​꧉​ꦏꦤ​ꦔ꧀ꦒꦺꦴꦭꦺꦏ꧀ꦢꦺꦮꦺꦤꦁꦱꦼꦠꦸꦂꦤꦺꦏ꧀ꦧꦸꦠꦸꦃ​꧉'​ ¹⁰ꦏꦢꦸꦁ​ꦥꦿꦮꦤ꧀ꦥꦿꦮꦤ꧀ꦱꦶꦁ​ꦒꦺꦴꦧ꧀ꦭꦺꦴꦏ꧀ꦩꦲꦸ​ꦥꦢ​ꦧꦸꦢꦭ꧀ꦠꦸꦏꦸ​ꦊꦔ​꧈​ꦩꦤ꧀ꦠꦺꦤ꧀ꦤꦺ​ꦭꦤꦁ​ꦠꦼꦏ​꧉​ꦥꦿꦮꦤ꧀ꦥꦿꦮꦤ꧀ꦱꦶꦁ​ꦮꦶꦱ꧀ꦠꦠꦠꦠ​ꦩꦲꦸ​ꦠꦼꦫꦸꦱ꧀ꦥꦢ​ꦔꦶꦫꦶꦁ​ꦩꦤ꧀ꦠꦺꦤ꧀ꦤꦺ​ꦩ꧀ꦊꦧꦸ​ꦤꦁꦲꦺꦴꦩꦃꦲꦺ​ꦱꦶꦁ​ꦤ꧀ꦢꦸꦮꦺꦒꦮꦺ​꧉​ꦭꦮꦁꦔꦺ​ꦠꦼꦫꦸꦱ꧀ꦢꦶꦏꦚ꧀ꦕꦶꦁ​꧉​ ¹¹꧋“ꦲꦺꦴꦫ​ꦊꦠ꧀ꦱꦸꦮꦶꦥꦿꦮꦤ꧀ꦥꦿꦮꦤ꧀ꦱꦶꦁ​ꦠꦸꦏꦸ​ꦊꦔ​ꦩꦲꦸ​ꦥꦢ​ꦠꦼꦏ​ꦠꦼꦫꦸꦱ꧀ꦕꦼꦭꦸꦏ꧀ꦕꦼꦭꦸꦏ꧀:'ꦧꦥꦏ꧀ ꦧꦥꦏ꧀ ꦲꦩ꧀ꦧꦺꦴꦏ꧀ꦢꦶꦧꦸꦏꦏ꧀ꦭꦮꦁꦔꦺ​!’ ¹²ꦤꦁꦔꦶꦁ​ꦩꦤ꧀ꦠꦺꦤ꧀ꦭꦤꦁ​ꦩꦲꦸ​ꦱꦼꦩꦲꦸꦂ​:'ꦏꦺꦴꦮꦺ​ꦱꦥ​꧈​ꦲꦏꦸ​ꦲꦺꦴꦫ​ꦏꦼꦤꦭ꧀ꦏꦺꦴꦮꦺ​!’” ¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦥꦶꦮꦸꦭꦁꦔꦺ​ꦔꦺꦤꦺ​:“ꦩꦸꦭꦤꦺ​ꦥꦢ​ꦩꦼꦭꦺꦏ꧀ꦏ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦢꦶꦤꦤꦺ​ꦲꦥ​ꦗꦩ꧀ꦩꦺ​ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​”

꧋ꦱ꧀ꦭꦥ꦳꧀ꦠꦼꦭꦸ​ꦱꦶꦁ​ꦢꦶꦥꦺꦴꦏꦺꦴꦏ꧀ꦏꦶ​꧉​

¹⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦭꦶꦪꦤꦺ​:“ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦔ꧀ꦮꦱꦤꦶ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦸꦮꦶ​ꦏꦼꦤꦺꦁꦢꦶꦒꦩ꧀ꦧꦂꦫꦏꦺꦏꦫꦺꦴ​ꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦲꦉꦥ꧀ꦭꦸꦔ​ꦤꦁꦤꦼꦒꦫ​ꦲꦢꦺꦴꦃ​꧉​ꦮꦺꦴꦁꦔꦺ​ꦚꦼꦭꦸꦏ꧀ꦱ꧀ꦭꦥ꦳꧀ꦱ꧀ꦭꦥ꦳꧀ꦥ꦳ꦺ꧈​ꦠꦼꦫꦸꦱ꧀ꦢꦶꦥꦱꦿꦃꦲꦶ​ꦧꦤ꧀ꦢꦤꦺ​꧉​ ¹⁵ꦱꦶꦁ​ꦱꦶꦗꦶ​ꦢꦶꦏꦺꦏ꧀ꦏꦶꦢꦸꦮꦶꦠ꧀ꦲꦼꦩꦱ꧀ꦭꦶꦩꦁ​ꦲꦺꦮꦸ​꧈​ꦱꦶꦁ​ꦭꦶꦪꦤꦺ​ꦫꦺꦴꦁ​ꦲꦺꦮꦸ​ꦭꦤ꧀ꦱꦶꦁ​ꦤꦺꦴꦩꦼꦂ​ꦠꦼꦭꦸ​ꦢꦶꦏꦺꦏ꧀ꦏꦶꦱꦺꦮꦸ​꧉​ꦱꦶꦗꦶ​ꦱꦶꦗꦶꦤꦺ​ꦢꦶꦏꦺꦏ꧀ꦏꦶꦢꦸꦮꦶꦠ꧀ꦩꦤꦸꦠ꧀ꦏꦥꦶꦤ꧀ꦠꦼꦂꦫꦤ꧀ꦤꦺ​ꦢꦺꦮꦺꦢꦺꦮꦺ꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦔꦺ​ꦠꦼꦫꦸꦱ꧀ꦧꦸꦢꦭ꧀꧈​ ¹⁶ꦱ꧀ꦭꦥ꦳꧀ꦱꦶꦁ​ꦤꦩ꧀ꦥ​ꦢꦸꦮꦶꦠ꧀ꦲꦼꦩꦱ꧀ꦭꦶꦩꦁ​ꦲꦺꦮꦸ​ꦠꦼꦫꦸꦱ꧀ꦧꦸꦢꦭ꧀​ꦔ꧀ꦭꦏꦺꦴꦏ꧀ꦏꦏꦺꦢꦸꦮꦶꦠ꧀ꦠꦺꦭꦤ꧀ꦲꦺꦤ꧀ꦠꦸꦏ꧀ꦧꦠꦶꦭꦶꦩꦁ​ꦲꦺꦮꦸ​ꦢꦸꦮꦶꦠ꧀ꦲꦼꦩꦱ꧀꧈​ ¹⁷ꦱꦼꦩꦺꦴꦤꦺꦴ​ꦲꦸꦒ​ꦱ꧀ꦭꦥ꦳꧀ꦱꦶꦁ​ꦤꦺꦴꦩꦼꦂ​ꦭꦺꦴꦫꦺꦴ​꧈​ꦢꦺꦏ꧀ꦤꦺꦲꦺꦤ꧀ꦠꦸꦏ꧀ꦧꦠꦶꦫꦺꦴꦁ​ꦲꦺꦮꦸ​꧉​ ¹⁸ꦤꦁꦔꦶꦁ​ꦱ꧀ꦭꦥ꦳꧀ꦱꦶꦁ​ꦤꦩ꧀ꦥ​ꦢꦸꦮꦶꦠ꧀ꦲꦼꦩꦱ꧀ꦱꦺꦮꦸ​ꦩꦭꦃ​ꦔꦼꦢꦸꦏ꧀ꦭꦸꦮꦁꦔꦤ꧀ꦭꦤ꧀ꦢꦸꦮꦶꦠ꧀ꦠꦺꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦢꦶꦥꦼꦤ꧀ꦢꦼꦩ꧀ꦤꦁꦏꦺꦴꦤꦺꦴ​꧉​ ¹⁹꧋“ꦊꦠ꧀ꦱꦸꦮꦶꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦩꦸꦭꦶꦃ​꧈​ꦠꦼꦫꦸꦱ꧀ꦱ꧀ꦭꦥ꦳꧀ꦥ꦳ꦺꦢꦶꦏꦺꦴꦁꦏꦺꦴꦤ꧀ꦠꦼꦏ​ꦔꦼꦏꦺꦏ꧀ꦏꦶꦭꦥꦺꦴꦂꦫꦤ꧀꧈​ ²⁰ꦱ꧀ꦭꦥ꦳꧀ꦱꦶꦁ​ꦤꦩ꧀ꦥ​ꦢꦸꦮꦶꦠ꧀ꦲꦼꦩꦱ꧀ꦭꦶꦩꦁ​ꦲꦺꦮꦸ​ꦩꦗꦸ​ꦠꦼꦫꦸꦱ꧀ꦩꦱꦿꦃꦲꦏꦺꦧꦠꦶꦤꦺ​ꦭꦶꦩꦁ​ꦲꦺꦮꦸ​ꦏꦫꦺꦴ​ꦔꦺꦴꦩꦺꦴꦁ:'ꦒꦸꦱ꧀ꦠꦶ​꧈​ꦲꦏꦸ​ꦲꦩ꧀ꦧꦺꦴꦏ꧀ꦥꦱꦿꦃꦲꦶ​ꦢꦸꦮꦶꦠ꧀ꦲꦼꦩꦱ꧀ꦭꦶꦩꦁ​ꦲꦺꦮꦸ​꧈​ꦭꦃ​ꦲꦶꦏꦶ​ꦢꦼꦭꦺꦴꦏ꧀ꦏꦼꦤ꧀ ꦲꦏꦸ​ꦲꦺꦤ꧀ꦠꦸꦏ꧀ꦧꦠꦶꦭꦶꦩꦁ​ꦲꦺꦮꦸ​꧉'​ ²¹ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦱꦼꦩꦲꦸꦂ​:'ꦲꦥꦶꦏ꧀ꦧꦔꦼꦠ꧀ ꦏꦺꦴꦮꦺ​ꦱ꧀ꦭꦥ꦳꧀ꦱꦶꦁ​ꦲꦥꦶꦏ꧀ꦭꦤ꧀ꦱꦶꦁ​ꦠꦼꦩꦼꦤ꧀꧈​ꦗꦭꦂꦫꦤ꧀ꦢꦸꦮꦶꦠ꧀ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦲꦩ꧀ꦧꦺꦴꦏ꧀ꦭꦲꦸꦠ꧀ꦭꦲꦸꦠ꧀ꦲꦥꦶꦏ꧀ ꦏꦺꦴꦮꦺ​ꦱꦲꦶꦏꦶ​ꦠꦏ꧀ꦥꦱꦿꦃꦲꦶ​ꦢꦸꦮꦶꦠ꧀ꦱꦶꦁ​ꦲꦺꦴꦏꦺꦃ꧉​ꦫꦺꦤꦺ​ꦩ꧀ꦊꦧꦸꦮ​ꦭꦤ꧀ꦩꦺꦭꦸꦮ​ꦔꦿꦱꦏ꧀ꦏꦏꦺ​ꦏꦧꦸꦔꦃꦲꦤ꧀ꦏꦸ​꧉​’ ²²꧋“ꦲꦸꦒ​ꦱ꧀ꦭꦥ꦳꧀ꦱꦶꦁ​ꦤꦩ꧀ꦥ​ꦢꦸꦮꦶꦠ꧀ꦲꦼꦩꦱ꧀ꦫꦺꦴꦁ​ꦲꦺꦮꦸ​ꦩꦗꦸ​꧉​ꦢꦺꦏ꧀ꦤꦺꦔꦺꦴꦩꦺꦴꦁ:'ꦒꦸꦱ꧀ꦠꦶ​꧈​ꦏꦺꦴꦮꦺ​ꦔꦼꦏꦺꦏ꧀ꦏꦶꦢꦸꦮꦶꦠ꧀ꦲꦼꦩꦱ꧀ꦫꦺꦴꦁ​ꦲꦺꦮꦸ​ꦩꦫꦁ​ꦲꦏꦸ​꧈​ꦭꦃ​ꦲꦶꦏꦶ​ꦢꦼꦭꦺꦴꦏ꧀ꦏꦼꦤ꧀ ꦠꦏ꧀ꦠꦩ꧀ꦧꦃꦲꦶꦫꦺꦴꦁ​ꦲꦺꦮꦸ​ꦧꦠꦶꦤꦺ​꧉'​ ²³ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦱꦼꦩꦲꦸꦂ​:'ꦲꦥꦶꦏ꧀ꦧꦔꦼꦠ꧀꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦱ꧀ꦭꦥ꦳꧀ꦱꦶꦁ​ꦲꦥꦶꦏ꧀ꦭꦤ꧀ꦱꦶꦁ​ꦠꦼꦩꦼꦤ꧀꧈​ꦢꦸꦮꦶꦠ꧀ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦲꦩ꧀ꦧꦺꦴꦏ꧀ꦭꦲꦸꦠ꧀ꦭꦲꦸꦠ꧀ꦲꦥꦶꦏ꧀ ꦩꦸꦭꦤꦺ​ꦏꦺꦴꦮꦺ​ꦱꦲꦶꦏꦶ​ꦠꦏ꧀ꦥꦱꦿꦃꦲꦶ​ꦢꦸꦮꦶꦠ꧀ꦱꦶꦁ​ꦲꦺꦴꦏꦺꦃ꧉​ꦫꦺꦤꦺ​ꦩ꧀ꦊꦧꦸꦮ​ꦭꦤ꧀ꦩꦺꦭꦸꦮ​ꦔꦿꦱꦏ꧀ꦏꦏꦺ​ꦏꦧꦸꦔꦃꦲꦤ꧀ꦏꦸ​꧉​’ ²⁴꧋“ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦱ꧀ꦭꦥ꦳꧀ꦱꦶꦁ​ꦤꦩ꧀ꦥ​ꦢꦸꦮꦶꦠ꧀ꦲꦼꦩꦱ꧀ꦱꦺꦮꦸ​ꦩꦗꦸ​꧉​ꦠꦼꦩ꧀ꦧꦸꦁꦔꦺ​ꦢꦺꦏ꧀ꦤꦺꦔꦺꦤꦺ​:'ꦒꦸꦱ꧀ꦠꦶ​꧈​ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦏꦼꦉꦁ​꧉​ꦲꦮꦶꦠ꧀ꦏꦺꦴꦮꦺ​ꦔꦸꦤ꧀ꦢꦸꦃꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦏꦺꦴꦮꦺ​ꦢꦺꦮꦺꦲꦺꦴꦫ​ꦚꦼꦧꦂ​ꦭꦤ꧀ꦏꦺꦴꦮꦺ​ꦤꦫꦶꦏ꧀ꦠꦤ꧀ꦥ​ꦩꦱꦁ​ꦢꦺꦮꦺ꧉​ ²⁵ꦩꦸꦭꦤꦺ​ꦲꦏꦸ​ꦮꦼꦢꦶ​ꦭꦤ꧀ꦢꦸꦮꦶꦠ꧀ꦩꦸꦠꦏ꧀ꦥꦼꦤ꧀ꦢꦼꦩ꧀ꦤꦁꦊꦩꦃ​꧉​ꦭꦃ​ꦲꦶꦏꦶ​ꦢꦸꦮꦶꦠ꧀ꦩꦸꦠꦩ꧀ꦥꦤꦼꦤ꧀꧉'​ ²⁶“ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦏꦺꦴꦮꦺ​ꦏꦸꦮꦶ​ꦱ꧀ꦭꦥ꦳꧀ꦱꦶꦁ​ꦲꦭ​ꦭꦤ꧀ꦩꦊꦱ꧀꧈​ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦲꦏꦸ​ꦔꦸꦤ꧀ꦢꦸꦃꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦏꦸ​ꦢꦺꦮꦺꦲꦺꦴꦫ​ꦚꦼꦧꦂ​ꦭꦤ꧀ꦲꦏꦸ​ꦤꦫꦶꦏ꧀ꦧꦫꦁ​ꦱꦶꦁ​ꦲꦏꦸ​ꦢꦺꦮꦺꦲꦺꦴꦫ​ꦩꦱꦁ​꧉​ ²⁷ꦄꦗꦸꦂꦫꦺꦢꦸꦮꦶꦠ꧀ꦏꦸꦲꦩ꧀ꦧꦺꦴꦏ꧀ꦢꦺꦏꦺꦏ꧀ꦤꦁꦧꦁ​꧈​ꦢꦢꦶꦤꦺ​ꦲꦏꦸ​ꦧꦶꦱ​ꦲꦺꦤ꧀ꦠꦸꦏ꧀ꦢꦸꦮꦶꦠ꧀ꦏꦸꦏꦫꦺꦴ​ꦫꦺꦤ꧀ꦠꦼꦤ꧀ꦤꦺ꧉​ ²⁸ꦢꦸꦮꦶꦠ꧀ꦲꦼꦩꦱ꧀ꦱꦺꦮꦸ​ꦏꦸꦮꦶ​ꦢꦶꦗꦭꦸꦏ꧀ꦭꦤ꧀ꦢꦶꦏꦺꦏ꧀ꦏꦏꦺꦩꦫꦁ​ꦱ꧀ꦭꦥ꦳꧀ꦱꦶꦁ​ꦮꦶꦱ꧀​ꦤ꧀ꦢꦸꦮꦺꦱꦼꦥꦸꦭꦸꦃ​ꦲꦺꦮꦸ​꧉​ ²⁹ꦲꦮꦶꦠ꧀ꦱꦥ​ꦱꦶꦁ​ꦮꦶꦱ꧀​ꦤ꧀ꦢꦸꦮꦺ꧈​ꦏꦸꦮꦶ​ꦧꦏꦭ꧀ꦢꦶꦏꦺꦏ꧀ꦏꦶꦭꦸꦮꦶꦃ​ꦲꦺꦴꦏꦺꦃꦩꦼꦤꦺꦃ​ꦱꦩ꧀ꦥꦺꦏ꧀ꦭꦸꦧꦺꦂ​꧉​ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦧꦫꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦱꦶꦁ​ꦢꦶꦢꦸꦮꦺꦤ꧀ꦤꦶ​ꦏꦸꦮꦶ​ꦩꦭꦃ​ꦧꦏꦭ꧀ꦢꦶꦗꦭꦸꦏ꧀ꦏꦧꦺꦃ​꧉​ ³⁰ꦱꦲꦶꦏꦶ​꧈​ꦱ꧀ꦭꦥ꦳꧀ꦱꦶꦁ​ꦲꦺꦴꦫ​ꦲꦺꦤꦺꦁꦒꦸꦤꦤꦺ​ꦏꦸꦮꦶ​ꦢꦶꦕꦼꦏꦼꦭ꧀ꦭꦤ꧀ꦢꦶꦲꦼꦠꦺꦴꦏ꧀ꦏꦏꦺꦤꦁꦥꦼꦥꦼꦠꦼꦁ​꧉​ꦤꦁꦏꦺꦴꦤꦺꦴ​ꦧꦏꦭ꧀ꦠꦔꦶꦱ꧀ꦱꦤ꧀ꦭꦤ꧀ꦔꦼꦫꦺꦴꦠ꧀ꦲꦸꦤ꧀ꦠꦸ​꧉​’”

꧋ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦔꦿꦸꦠꦸꦏꦧꦺꦃ​ꦧꦁꦱ​꧉​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦩ꧀ꦧꦺꦱꦸꦏ꧀ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦔꦁꦒꦺꦴ​ꦥꦔ꧀ꦮꦱꦤꦺ​ꦭꦤ꧀ꦢꦶꦲꦫꦏ꧀ꦲꦫꦏ꧀ꦏꦫꦺꦴ​ꦱꦏ꧀ꦏꦺꦃꦲꦺꦩꦸꦭꦺꦏꦠ꧀ꦠꦺ꧈​ꦢꦺꦏ꧀ꦤꦺꦧꦏꦭ꧀​ꦚ꧀ꦗꦒꦺꦴꦁꦤꦁꦢꦩ꧀ꦥꦂꦫꦺꦏꦱ꧀ꦮꦂꦒꦤ꧀꧈​ ³²ꦥꦫ​ꦩꦸꦭꦺꦏꦠ꧀ꦠꦺꦧꦏꦭ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦏꦧꦺꦃ​ꦧꦁꦱ​ꦤꦁꦔꦉꦥ꧀ꦥꦺ​ꦢꦩ꧀ꦥꦂꦫꦺ꧉​ꦢꦺꦏ꧀ꦤꦺꦧꦏꦭ꧀ꦩꦶꦱꦃ​ꦮꦺꦴꦁꦮꦺꦴꦁ​ꦩꦲꦸ​ꦢꦢꦶ​ꦭꦺꦴꦫꦺꦴ​꧈​ꦏꦪ​ꦲꦼꦁꦒꦺꦴꦤꦺ​ꦠꦸꦏꦁ​ꦲꦔꦺꦴꦤ꧀ꦏꦲꦺ​ꦩꦶꦱꦃ​ꦮꦼꦢꦸꦱ꧀ꦱꦺꦒꦺꦩ꧀ꦧꦺꦭ꧀ꦱꦁꦏꦮꦼꦢꦸꦱ꧀ꦧꦤ꧀ꦢꦺꦴꦠ꧀꧈​ ³³ꦮꦼꦢꦸꦱ꧀ꦱꦺꦒꦺꦩ꧀ꦧꦺꦭ꧀ꦢꦶꦱꦶꦁꦏꦶꦂꦫꦏꦺꦤꦁꦠꦼꦔꦼꦤꦺ​ꦭꦤ꧀ꦮꦼꦢꦸꦱ꧀ꦱꦺꦧꦤ꧀ꦢꦺꦴꦠ꧀ꦤꦁꦏꦶꦮꦤꦺ​꧉​ ³⁴ꦫꦠꦸꦤꦺ​ꦠꦼꦫꦸꦱ꧀ꦧꦏꦭ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦠꦼꦔꦼꦤꦺ​:'ꦧꦥꦏ꧀ꦏꦸ​ꦮꦶꦱ꧀ꦲꦩ꧀ꦧꦼꦂꦏꦃꦲꦶ​ꦏꦺꦴꦮꦺ​꧉​ꦥꦢ​ꦩ꧀ꦧꦿꦺꦤꦺꦪ꧉​ꦏꦺꦴꦮꦺ​ꦧꦏꦭ꧀ꦔꦿꦱꦏ꧀ꦏꦏꦺ​ꦧꦼꦂꦏꦃꦲꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦁꦒꦺꦴ​ꦏꦺꦴꦮꦺ​ꦮꦶꦮꦶꦠ꧀ꦭꦲꦶꦂꦫꦺ​ꦗꦒꦠ꧀꧈​ ³⁵ꦲꦮꦶꦠ꧀ꦢꦺꦴꦁꦔꦺꦲꦏꦸ​ꦔꦼꦭꦶꦃ​꧈​ꦲꦏꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦩꦁꦔꦤ꧀꧈​ꦲꦏꦸ​ꦔꦼꦭꦏ꧀ ꦲꦏꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦔꦺꦴꦩ꧀ꦧꦺ​꧉​ꦢꦺꦴꦁꦔꦺꦲꦏꦸ​ꦱꦁꦏꦥꦁꦒꦺꦴꦤ꧀ꦤꦤ꧀ꦲꦢꦺꦴꦃ​꧈​ꦲꦏꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦶꦤꦼꦥ꧀ꦥꦤ꧀꧈​ ³⁶ꦢꦺꦴꦁꦔꦺꦲꦏꦸ​ꦲꦺꦴꦫ​ꦤ꧀ꦢꦸꦮꦺꦱꦭꦶꦤ꧀ ꦲꦏꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦱꦭꦶꦤ꧀꧈​ꦢꦺꦴꦁꦔꦺꦲꦏꦸ​ꦭꦫ​꧈​ꦲꦏꦸ​ꦲꦩ꧀ꦧꦺꦴꦏ꧀ꦫꦸꦩꦠꦶ​꧉​ꦢꦺꦴꦁꦔꦺꦲꦏꦸ​ꦤꦁꦱꦼꦠꦿꦥꦤ꧀ ꦲꦏꦸ​ꦲꦩ꧀ꦧꦺꦴꦏ꧀ꦠꦶꦭꦶꦏ꧀ꦏꦶ꧉​’ ³⁷꧋“ꦤꦁꦏꦺꦴꦤꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦉꦱꦶꦏ꧀ꦲꦠꦶꦤꦺ​ꦧꦏꦭ꧀ꦥꦢ​ꦔꦺꦴꦩꦺꦴꦁ:'ꦒꦸꦱ꧀ꦠꦶ​꧈​ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦏꦺꦴꦮꦺ​ꦔꦼꦭꦶꦃ​ꦠꦼꦫꦸꦱ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦲꦥ​ꦮꦼꦫꦸꦃ​ꦏꦺꦴꦮꦺ​ꦔꦼꦭꦏ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦔꦺꦴꦩ꧀ꦧꦺ​ꦏꦺꦴꦮꦺ​? ³⁸ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦠꦲꦸ​ꦮꦼꦫꦸꦃ​ꦏꦺꦴꦮꦺ​ꦏꦪ​ꦮꦺꦴꦁ​ꦱꦁꦏꦥꦁꦒꦺꦴꦤ꧀ꦤꦤ꧀ꦲꦢꦺꦴꦃ​ꦲꦥ​ꦲꦺꦴꦫ​ꦤ꧀ꦢꦸꦮꦺꦱꦭꦶꦤ꧀꧈​ꦭꦃ​ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦔꦼꦏꦺꦏ꧀ꦏꦶꦲꦶꦤꦼꦥ꧀ꦥꦤ꧀ꦲꦥ​ꦔꦼꦏꦺꦏ꧀ꦏꦶꦱꦭꦶꦤ꧀ꦏꦺꦴꦮꦺ​? ³⁹ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦠꦲꦸ​ꦮꦼꦫꦸꦃ​ꦏꦺꦴꦮꦺ​ꦭꦫ​ꦲꦥ​ꦤꦁꦱꦼꦠꦿꦥꦤ꧀꧈​ꦭꦃ​ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦤꦶꦭꦶꦏ꧀ꦏꦶ​ꦏꦺꦴꦮꦺ​?’ ⁴⁰ꦫꦠꦸꦤꦺ​ꦧꦏꦭ꧀ꦱꦼꦩꦲꦸꦂ​ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦠꦼꦔꦼꦤꦺ​:'ꦥꦢ​ꦲꦺꦭꦶꦁꦔ​꧈​ꦲꦥ​ꦮꦲꦺ​ꦱꦶꦁ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦱꦭꦃꦱꦏ꧀ꦮꦶꦗꦶꦤꦺꦱꦼꦢꦸꦭꦸꦂꦏꦸ​ꦲꦶꦏꦶ​꧈​ꦱꦼꦤꦗꦤ꧀ꦤ​ꦩꦫꦁ​ꦱꦶꦁ​ꦕꦶꦭꦶꦏ꧀ꦢꦺꦮꦺ꧈​ꦏꦸꦮꦶ​ꦥꦢ​ꦮꦲꦺ​ꦏꦫꦺꦴ​ꦤꦺꦏ꧀ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦲꦏꦸ​꧉​’ ⁴¹꧋“ꦫꦠꦸꦤꦺ​ꦲꦸꦒ​ꦧꦏꦭ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦱꦼꦧꦼꦭꦃꦏꦶꦮꦤꦺ​:'ꦥꦢ​ꦭꦸꦔ​ꦱꦁꦏꦔꦉꦥ꧀ꦏꦸ​!ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦩ꧀ꦥꦶꦏ꧀ꦏꦺꦴꦮꦺ​꧉​ꦭꦸꦔꦲ​ꦤꦁꦒꦼꦤꦶ​ꦱꦶꦁ​ꦭꦁꦒꦼꦁ​꧈​ꦱꦶꦁ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦁꦒꦺꦴ​ꦱꦺꦠꦤ꧀​ꦭꦤ꧀ꦥꦫ​ꦩꦸꦭꦺꦏꦠ꧀ꦠꦺ꧉​ ⁴²ꦲꦮꦶꦠ꧀ꦢꦺꦴꦁꦔꦺꦲꦏꦸ​ꦔꦼꦭꦶꦃ​꧈​ꦏꦺꦴꦮꦺ​ꦲꦺꦴꦫ​ꦔꦼꦏꦺꦏ꧀ꦏꦶꦩꦁꦔꦤ꧀ꦲꦏꦸ​꧉​ꦲꦏꦸ​ꦔꦼꦭꦏ꧀ ꦲꦏꦸ​ꦲꦺꦴꦫ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦔꦺꦴꦩ꧀ꦧꦺ​꧉​ ⁴³ꦲꦏꦸ​ꦱꦁꦏꦥꦁꦒꦺꦴꦤ꧀ꦤꦤ꧀ꦲꦢꦺꦴꦃ​꧈​ꦲꦏꦸ​ꦲꦺꦴꦫ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦶꦤꦼꦥ꧀ꦥꦤ꧀꧈​ꦲꦏꦸ​ꦲꦺꦴꦫ​ꦤ꧀ꦢꦸꦮꦺꦱꦭꦶꦤ꧀ ꦲꦏꦸ​ꦲꦺꦴꦫ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦱꦭꦶꦤ꧀꧈​ꦢꦺꦴꦁꦔꦺꦲꦏꦸ​ꦭꦫ​ꦭꦤ꧀ꦢꦺꦴꦁꦔꦺꦲꦏꦸ​ꦤꦁꦱꦼꦠꦿꦥꦤ꧀ ꦏꦺꦴꦮꦺ​ꦲꦺꦴꦫ​ꦤꦶꦭꦶꦏ꧀ꦏꦶ​ꦲꦏꦸ​꧉​’ ⁴⁴꧋“ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦧꦏꦭ꧀ꦠꦏꦺꦴꦤ꧀:'ꦒꦸꦱ꧀ꦠꦶ​꧈​ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦏꦺꦴꦮꦺ​ꦔꦼꦭꦶꦃ​ꦲꦥ​ꦔꦼꦭꦏ꧀?ꦭꦤ꧀ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦏꦺꦴꦮꦺ​ꦏꦪ​ꦮꦺꦴꦁ​ꦱꦶꦁ​ꦱꦁꦏꦥꦁꦒꦺꦴꦤ꧀ꦤꦤ꧀ꦲꦢꦺꦴꦃ​?ꦭꦤ꧀ꦏꦥꦤ꧀ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦏꦺꦴꦮꦺ​ꦭꦫ​ꦲꦥ​ꦤꦁꦱꦼꦠꦿꦥꦤ꧀?ꦲꦺꦴꦫ​ꦠꦲꦸ​!ꦩꦸꦭꦤꦺ​ꦲꦮꦏ꧀ꦏꦺ​ꦢꦺꦮꦺꦪ​ꦲꦺꦴꦫ​ꦤꦸꦭꦸꦁꦔꦶ​!’ ⁴⁵ꦫꦠꦸꦤꦺ​ꦧꦏꦭ꧀ꦱꦼꦩꦲꦸꦂ​:'ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀!ꦲꦥ​ꦮꦲꦺ​ꦱꦶꦁ​ꦲꦺꦴꦫ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦱꦭꦃꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦕꦶꦭꦶꦏ꧀ꦢꦺꦮꦺꦲꦶꦏꦶ​꧈​ꦏꦸꦮꦶ​ꦪ​ꦲꦺꦴꦫ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁ​ꦲꦏꦸ​꧉'​ ⁴⁶ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦤꦩ꧀ꦥ​ꦱꦼꦠꦿꦥꦤ꧀ꦭꦁꦒꦼꦁ​꧈​ꦤꦁꦔꦶꦁ​ꦮꦺꦴꦁ​ꦱꦶꦁ​ꦉꦱꦶꦏ꧀ꦲꦠꦶꦤꦺ​ꦧꦏꦭ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧉​”

꧋ꦏꦺꦴꦩ꧀ꦥ꧀ꦭꦺꦴꦠ꧀ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧒꧖꧇​ ¹꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦩꦸꦭꦁꦔꦏꦺꦧꦧ꧀ꦏꦸꦮꦶ​ꦩꦲꦸ​ꦏꦧꦺꦃ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​: ²“ꦏꦺꦴꦮꦺ​ꦮꦶꦱ꧀ꦥꦢ​ꦔꦼꦂꦠꦶ​ꦤꦺꦏ꧀ꦫꦶꦪꦪꦥꦱ꧀ꦏꦃ​ꦮꦶꦱ꧀ꦏꦸꦫꦁ​ ꦫꦺꦴꦁ​ꦢꦶꦤ​ꦩꦼꦤꦺꦃ​ꦭꦤ꧀ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦥꦼꦤ꧀ꦠꦺꦁ꧉​” ³꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦥꦢ​ꦔ꧀ꦭꦸꦩ꧀ꦥꦸꦏ꧀ꦤꦁꦲꦺꦴꦩꦃꦲꦺ​ꦲꦶꦩꦩ꧀ꦒꦼꦢꦺ​ꦏꦪꦥ꦳ꦱ꧀꧈​ ⁴ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮ​ꦩꦲꦸ​ꦥꦢ​ꦉꦩ꧀ꦧꦸꦏ꧀ꦏꦤ꧀ꦧꦧ꧀ꦏꦼꦥꦿꦶꦪꦺ​ꦲꦏꦭ꧀ꦭꦺ​ꦲꦼꦁꦒꦺꦴꦤꦺ​ꦲꦉꦥ꧀ꦚꦼꦏꦼꦭ꧀ꦭꦤ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵ꦤꦁꦔꦶꦁ​ꦥꦢ​ꦔꦺꦴꦩꦺꦴꦁ:“ꦱꦶꦁ​ꦚꦼꦏꦼꦭ꧀ꦲꦗ​ꦠꦶꦧ​ꦢꦶꦤ​ꦫꦶꦪꦪꦥꦱ꧀ꦏꦃ​ꦭꦺꦴ​꧈​ꦩꦼꦁꦏꦺꦴ​ꦤ꧀ꦢꦏ꧀ꦩꦫꦏ꧀ꦏꦏꦺꦫꦩꦺ​ꦭꦤ꧀ꦒꦺꦒꦺꦂꦫꦤ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦲꦸꦱꦥ꧀ꦥꦶ​ꦊꦔ​ꦮꦔꦶ​꧉​

⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦤꦁꦢꦺꦱ​ꦨꦺꦠꦤꦶ꧉​ꦢꦺꦏ꧀ꦤꦺꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ꦱꦶꦁ​ꦩꦲꦸꦤꦺ​ꦭꦫ​ꦭꦺꦥꦿ​꧉​ ⁷ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦗꦒꦺꦴꦁꦔꦤ꧀ꦩꦁꦔꦤ꧀ ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦠꦼꦏ​꧈​ꦔ꧀ꦒꦮ​ꦧꦺꦴꦠꦺꦴꦭ꧀ꦲꦶꦱꦶꦤꦺ​ꦊꦔ​ꦮꦔꦶ​ꦱꦶꦁ​ꦭꦫꦁ​ꦧꦔꦼꦠ꧀꧈​ꦮꦺꦴꦁꦔꦺ​ꦠꦼꦫꦸꦱ꧀​ꦔ꧀ꦊꦔꦤꦶꦱꦶꦫꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁸ꦥꦫ​ꦩꦸꦫꦶꦢ꧀ꦮꦼꦫꦸꦃ​ꦏꦸꦮꦶ​ꦩꦲꦸ​ꦠꦼꦫꦸꦱ꧀ꦥꦢ​ꦤꦼꦱꦸ​ꦭꦤ꧀ꦥꦢ​ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦲꦥ​ꦏꦸꦮꦶ​ꦲꦺꦴꦫ​ꦔꦼꦕꦺꦃꦲꦼꦕꦺꦃ​ꦢꦸꦮꦶꦠ꧀? ⁹ꦊꦔ​ꦮꦔꦶ​ꦏꦸꦮꦶ​ꦤꦺꦏ꧀ꦢꦶꦲꦼꦢꦺꦴꦭ꧀ꦲꦥ​ꦲꦺꦴꦫ​ꦥꦪꦸ​ꦲꦺꦴꦏꦺꦃꦭꦤ꧀ꦢꦸꦮꦶꦠ꧀ꦠꦺꦲꦥ​ꦲꦺꦴꦫ​ꦏꦼꦤꦺꦁꦢꦶꦏꦺꦏ꧀ꦏꦏꦺꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ?” ¹⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦉꦩ꧀ꦧꦸꦏꦤ꧀ꦤꦺꦥꦫ​ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔꦿꦱꦤꦶ​ꦲꦭ​ꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​꧉​ꦮꦺꦴꦁ​ꦲꦶꦏꦶ​ꦭꦲꦸꦠ꧀​ꦔ꧀ꦭꦏꦺꦴꦤ꧀ꦤꦶ​ꦧꦫꦁ​ꦱꦶꦁ​ꦧꦼꦕꦶꦏ꧀ꦩꦫꦁ​ꦲꦏꦸ​ꦠ​? ¹¹ꦮꦺꦴꦁ​ꦲꦺꦴꦫ​ꦤ꧀ꦢꦸꦮꦺꦏꦸꦮꦶ​ꦱ꧀ꦭꦮꦱ꧀ꦱꦺꦪ​ꦧꦏꦭ꧀ꦲꦺꦤꦺꦁꦠꦼꦫꦸꦱ꧀ꦤꦁꦠꦼꦔꦃꦩꦸ​꧈​ꦤꦁꦔꦶꦁ​ꦲꦏꦸ​ꦲꦺꦴꦫ​ꦱ꧀ꦭꦮꦱ꧀ꦱꦺꦧꦏꦭ꧀ꦕꦩ꧀ꦥꦸꦂ​ꦏꦫꦺꦴ​ꦏꦺꦴꦮꦺ​꧉​ ¹²ꦮꦺꦴꦁ​ꦲꦶꦏꦶ​ꦲꦼꦁꦒꦺꦴꦤꦺ​ꦔꦼꦱꦺꦴꦏ꧀ꦏꦏꦺꦊꦔ​ꦤꦁꦲꦮꦏ꧀ꦏꦸ​ꦲꦶꦏꦶ​ꦏꦁꦒꦺꦴ​ꦕꦼꦕꦮꦶꦱ꧀ꦥꦼꦔꦸꦧꦸꦫꦤ꧀ꦏꦸ꧉​ ¹³ꦥꦢ​ꦠꦶꦠꦺꦤ꧀ꦤꦤ꧀ꦤ​!ꦤꦁꦲꦼꦤ꧀ꦢꦶ​ꦮꦲꦺ​ꦱꦶꦁ​ꦢꦶꦒꦼꦭꦂꦫꦶꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦥ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦪ​ꦧꦏꦭ꧀ꦢꦶꦲꦺꦴꦩꦺꦴꦁꦔꦏꦺ꧈​ꦏꦁꦒꦺꦴ​ꦥꦼꦁꦔꦺꦭꦶꦁꦔꦺꦭꦶꦁ​ꦩꦫꦁ​ꦢꦺꦏ꧀ꦤꦺ꧉​”

꧋ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀ꦱꦒꦸꦃ​ꦩꦱꦿꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​

¹⁴꧋ꦱꦁꦏꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦫꦺꦴꦭꦱ꧀ꦲꦺꦤꦺꦁꦱꦶꦗꦶ​꧈​ꦪꦏꦸꦮꦶ​ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀ ꦱꦶꦁ​ꦭꦸꦔ​ꦤꦁꦔ꧀ꦒꦺꦴꦤ꧀ꦤꦺꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀꧈​ ¹⁵ꦪꦸꦢꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦥꦶꦫ​ꦲꦸꦥꦃꦲꦺꦤꦺꦏ꧀ꦲꦏꦸ​ꦩꦱꦿꦃꦲꦏꦺꦪꦺꦯꦸꦱ꧀ꦩꦫꦁ​ꦏꦺꦴꦮꦺ​?”ꦪꦸꦢꦱ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦶꦢꦸꦮꦶꦠ꧀ꦱꦼꦭꦏ​ꦠꦼꦭꦸꦁ​ꦥꦸꦭꦸꦃ​꧉​ ¹⁶ꦮꦶꦮꦶꦠ꧀ꦮꦏ꧀ꦠꦸ​ꦏꦸꦮꦶ​ꦢꦺꦏ꧀ꦤꦺꦠꦼꦫꦸꦱ꧀​ꦔ꧀ꦒꦺꦴꦭꦺꦏ꧀ꦏꦼꦭꦸꦁꦒꦂꦫꦤ꧀ꦏꦁꦒꦺꦴ​ꦩꦱꦿꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀꧈​

꧋ꦕꦼꦕꦮꦶꦱ꧀ꦥꦺꦱ꧀ꦠ​ꦥꦱ꧀ꦏꦃ​꧉​

¹⁷꧋ꦱꦲꦶꦏꦶ​ꦮꦶꦱ꧀ꦢꦶꦤ​ꦮꦶꦮꦶꦠ꧀ꦠꦤ꧀ꦤꦺ​ꦫꦶꦪꦪꦥꦺꦱ꧀ꦠ​ꦫꦺꦴꦠꦶ​ꦠꦤ꧀ꦥ​ꦫꦒꦶ​꧉​ꦥꦫ​ꦩꦸꦫꦶꦢ꧀ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦏꦺꦴꦮꦺ​ꦚ꧀ꦗꦭꦸꦏ꧀ꦩꦁꦔꦤ꧀ꦥꦺꦱ꧀ꦠ​ꦥꦱ꧀ꦏꦃ​ꦤꦁꦲꦼꦤ꧀ꦢꦶ​?ꦢꦢꦶꦤꦺ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦕꦼꦕꦮꦶꦱ꧀꧈​” ¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦗꦼꦤꦼꦁꦔꦺ​ꦱꦏ꧀ꦮꦶꦗꦶꦤꦺꦮꦺꦴꦁ​ꦤꦁꦏꦸꦠ:“ꦏꦤ​ꦤꦁꦲꦺꦴꦩꦃꦲꦺ​ꦮꦺꦴꦁ​ꦏꦸꦮꦶ​ꦭꦤ꧀ꦔꦺꦴꦩꦺꦴꦁ:'ꦒꦸꦫꦸꦤꦺ​ꦔꦺꦴꦩꦺꦴꦁ:ꦮꦏꦶꦭ꧀ꦏꦸꦮꦶꦱ꧀ꦠꦼꦏ​꧈​ꦲꦏꦸ​ꦏꦼꦥꦺꦔꦶꦤ꧀ꦩꦁꦔꦤ꧀ꦥꦺꦱ꧀ꦠ​ꦥꦱ꧀ꦏꦃ​ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦏꦸ​ꦤꦁꦲꦺꦴꦩꦃꦩꦸ​꧉​’” ¹⁹꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦤꦶꦤ꧀ꦢꦏ꧀ꦏꦏꦺꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦚꦮꦶꦱ꧀ꦱꦏꦺꦥꦺꦱ꧀ꦠ​ꦥꦱ꧀ꦏꦃ​꧉​ ²⁰꧋ꦩ꧀ꦧꦼꦔꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦔꦤ꧀ꦧꦼꦧꦉꦁꦔꦤ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ²¹ꦢꦺꦴꦁꦔꦺꦲꦶꦗꦶꦏ꧀ꦥꦢ​ꦩꦁꦔꦤ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦤꦺꦏ꧀ꦱꦶꦗꦶ​ꦱꦁꦏꦠꦼꦔꦃꦩꦸ​ꦧꦏꦭ꧀ꦔꦼꦭꦸꦁꦔꦏꦺꦲꦏꦸ​ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦲꦉꦥ꧀ꦩꦠꦺꦤ꧀ꦤꦶ​ꦲꦏꦸ​꧉​” ²²꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦱꦼꦢꦶꦧꦔꦼꦠ꧀ꦏꦿꦸꦔꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦒꦼꦤ꧀ꦠꦺꦤ꧀ꦤꦤ꧀ꦠꦏꦺꦴꦤ꧀:“ꦭꦲꦸꦠ꧀ꦢꦸꦢꦸ​ꦲꦏꦸ​ꦠ​ꦒꦸꦱ꧀ꦠꦶ​?” ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁ​ꦱꦶꦁ​ꦔꦼꦕ꧀ꦭꦸꦥ꧀ꦥꦏꦺ​ꦫꦺꦴꦠꦶꦤꦺ​ꦤꦁꦩꦁꦏꦺꦴꦏ꧀ꦧꦉꦁ​ꦏꦫꦺꦴ​ꦲꦏꦸ​꧈​ꦪꦏꦸꦮꦶ​ꦱꦶꦁ​ꦧꦏꦭ꧀ꦔꦼꦭꦸꦁꦔꦏꦺꦲꦏꦸ​꧉​ ²⁴ꦲꦤꦏ꧀ꦏꦺ​ꦩꦤꦸꦁꦱ​ꦥꦚ꧀ꦕꦺꦤ꧀ꦏꦸꦢꦸ​ꦩꦠꦶ​꧈​ꦲꦮꦶꦠ꧀ꦤꦁꦏꦶꦠꦧ꧀​ꦮꦶꦱ꧀ꦏꦼꦠꦸꦭꦶꦱ꧀ꦧꦧ꧀ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦧꦏꦭ꧀ꦩꦠꦶ​꧉​ꦤꦁꦔꦶꦁ​ꦕꦶꦭꦏ​ꦠꦼꦤꦤ꧀ꦮꦺꦴꦁ​ꦱꦶꦁ​ꦔꦼꦭꦸꦁꦔꦏꦺꦲꦤꦏ꧀ꦏꦺ​ꦩꦤꦸꦁꦱ​꧉​ꦭꦸꦮꦶꦃ​ꦲꦥꦶꦏ꧀ꦱꦼꦩꦸꦁꦒꦺꦴꦤ꧀ꦤꦺꦮꦺꦴꦁ​ꦏꦸꦮꦶ​ꦲꦺꦴꦫ​ꦭꦲꦶꦂ​ꦮꦲꦺ​꧉​” ²⁵꧋ꦪꦸꦢꦱ꧀ ꦱꦶꦁ​ꦧꦏꦭ꧀ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦏꦺꦴꦮꦺ​ꦔꦺꦴꦩꦺꦴꦁꦔꦏꦺꦲꦏꦸ​ꦒꦸꦫꦸ​?” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦢꦺꦮꦺꦱꦶꦁ​ꦔꦺꦴꦩꦺꦴꦁ꧉​”

꧋ꦮꦶꦮꦶꦠ꧀ꦠꦤ꧀ꦤꦺ​ꦥꦺꦱ꧀ꦠ​ꦱꦸꦕꦶ​꧉​

²⁶꧋ꦢꦺꦴꦁꦔꦺꦥꦢ​ꦩꦁꦔꦤ꧀ ꦒꦸꦱ꧀ꦠꦶ​ꦪꦺꦯꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦠꦼꦫꦸꦱ꧀​ꦤ꧀ꦢꦺꦴꦁꦔ꧈​ꦩꦠꦸꦂꦏꦼꦱꦸꦮꦸꦤ꧀ ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦺꦴꦠꦶꦤꦺ​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦠꦼꦩ꧀ꦧꦸꦁꦔꦺ​:“ꦥꦢ​ꦢꦶꦠꦩ꧀ꦥꦤꦶ​ꦭꦤ꧀ꦢꦶꦥꦔꦤ꧀ ꦲꦶꦏꦶ​ꦲꦮꦏ꧀ꦏꦸ​꧉​” ²⁷꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦲꦺꦴꦩ꧀ꦧꦺꦤ꧀ꦤꦺ꧉​ꦱꦏ꧀ꦮꦶꦱ꧀ꦱꦺ​ꦢꦶꦢꦺꦴꦔꦏ꧀ꦏꦏꦺꦭꦤ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦼꦭꦸꦁꦔꦏꦺꦲꦺꦴꦩ꧀ꦧꦺꦤ꧀ꦤꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦫꦺꦴ​ꦔꦺꦴꦩꦺꦴꦁ:“ꦥꦢ​ꦔꦺꦴꦩ꧀ꦧꦺꦪ​ꦏꦧꦺꦃ​꧉​ ²⁸ꦲꦮꦶꦠ꧀ꦲꦶꦏꦶ​ꦒꦼꦠꦶꦃꦏꦸ​ꦏꦁꦒꦺꦴ​ꦤꦼꦠꦼꦥ꧀ꦥꦏꦺꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦒꦼꦠꦶꦃꦏꦸ​ꦲꦶꦏꦶ​ꦩꦶꦭꦶ​ꦏꦁꦒꦺꦴ​ꦮꦺꦴꦁ​ꦲꦺꦴꦏꦺꦃ꧈​ꦱꦸꦥꦪ​ꦧꦶꦱ​ꦤꦩ꧀ꦥ​ꦥꦔꦥꦸꦫ​ꦱꦁꦏꦢꦺꦴꦱꦤꦺ​꧉​ ²⁹ꦥꦢ​ꦔꦼꦂꦠꦶꦪ​꧈​ꦲꦏꦸ​ꦧꦏꦭ꧀ꦲꦺꦴꦫ​ꦔꦺꦴꦩ꧀ꦧꦺ​ꦲꦁꦒꦸꦂ​ꦲꦶꦏꦶ​ꦩꦼꦤꦺꦃ​ꦔꦤ꧀ꦠꦶ​ꦮꦏ꧀ꦠꦸꦩꦸꦲꦏꦸ​ꦧꦏꦭ꧀ꦔꦺꦴꦩ꧀ꦧꦺ​ꦲꦁꦒꦸꦂ​ꦲꦚꦂ​ꦏꦫꦺꦴ​ꦏꦺꦴꦮꦺ​ꦏꦧꦺꦃ​ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦸ​꧉​” ³⁰꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦫ​ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦩꦼꦚꦚꦶ​ꦭꦤ꧀ꦩꦼꦩꦸꦗꦶ​꧈​ꦠꦼꦫꦸꦱ꧀ꦧꦸꦢꦭ꧀ꦤꦁꦒꦸꦤꦸꦁ​ꦎꦭꦺꦥ꦳꧀꧈​

꧋ꦫꦱꦸꦭ꧀ꦦꦺꦠꦿꦸꦱ꧀ꦧꦏꦭ꧀ꦚꦺꦭꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦶꦁ​ꦮꦼꦔꦶ​ꦲꦶꦏꦶ​ꦮꦲꦺ​ꦏꦺꦴꦮꦺ​ꦧꦏꦭ꧀ꦥꦢ​ꦩ꧀​ꦧ꧀ꦭꦪꦸꦤꦶꦁꦒꦭ꧀ꦲꦏꦸ​ꦲꦶꦗꦺꦤ꧀꧈​ꦲꦮꦶꦠ꧀ꦤꦁꦏꦶꦠꦧ꧀​ꦪ​ꦮꦶꦱ꧀ꦏꦼꦠꦸꦭꦶꦱ꧀ꦔꦺꦤꦺ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦩꦠꦺꦤ꧀ꦤꦶ​ꦥꦔꦺꦴꦤ꧀ꦤꦺ​ꦭꦤ꧀ꦮꦼꦢꦸꦱ꧀ꦮꦼꦢꦸꦱ꧀ꦱꦺꦧꦏꦭ꧀ꦧꦸꦪꦂ​꧉'​ ³²ꦤꦁꦔꦶꦁ​ꦤꦺꦏ꧀ꦲꦏꦸ​ꦮꦶꦱ꧀ꦠꦔꦶ​ꦱꦁꦏꦥꦠꦶ​꧈​ꦲꦏꦸ​ꦧꦏꦭ꧀ꦧꦸꦢꦭ꧀ꦤꦁꦧꦮꦃꦓꦭꦶꦭꦺꦪ​꧈​ꦤ꧀ꦢꦶꦱꦶꦏ꧀ꦏꦶ​ꦏꦺꦴꦮꦺ​꧉​” ³³꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦱꦼꦤꦗꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦤꦶꦁꦒꦭ꧀ꦏꦺꦴꦮꦺ​꧈​ꦲꦏꦸ​ꦲꦺꦴꦫ​ꦥꦶꦱꦤ꧀ꦥꦶꦱꦤ꧀ꦧꦏꦭ꧀ꦤꦶꦁꦒꦭ꧀ꦏꦺꦴꦮꦺ​!” ³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦫꦸꦔꦺꦴꦏ꧀ꦏꦏꦺꦦꦺꦠꦿꦸꦱ꧀ ꦲꦶꦁ​ꦮꦼꦔꦶ​ꦲꦶꦏꦶ​ꦮꦲꦺ​꧈​ꦱꦏ꧀ꦢꦸꦫꦸꦁꦔꦺꦗꦒꦺꦴ​ꦏ꧀ꦭꦸꦫꦸꦏ꧀ ꦏꦺꦴꦮꦺ​ꦧꦏꦭ꧀ꦚꦺꦭꦏ꧀ꦏꦶ​ꦲꦏꦸ​ꦱꦩ꧀ꦥꦺꦏ꧀ꦥꦶꦁ​ꦠꦼꦭꦸ​꧉​” ³⁵꧋ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦏꦸ​ꦲꦺꦴꦫ​ꦥꦶꦱꦤ꧀ꦥꦶꦱꦤ꧀ꦧꦏꦭ꧀ꦤꦶꦁꦒꦭ꧀ꦏꦺꦴꦮꦺ​꧈​ꦱꦼꦤꦗꦤ꧀ꦲꦏꦸ​ꦏꦸꦢꦸ​ꦩꦠꦶ​ꦧꦉꦁ​ꦏꦫꦺꦴ​ꦏꦺꦴꦮꦺ​꧉​” ꧋ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦲꦸꦒ​ꦏꦧꦺꦃ​ꦥꦢ​ꦔꦺꦴꦩꦺꦴꦁꦔꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦺꦴꦁꦔꦤꦁꦒꦺꦠ꧀ꦱꦺꦩꦤꦺ​꧉​

³⁶꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦺꦠ꧀ꦱꦺꦩꦤꦺ​꧉​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦏꦺꦴꦮꦺ​ꦥꦢ​ꦚ꧀ꦗꦒꦺꦴꦁꦤꦁꦏꦺꦤꦺ​ꦮꦲꦺ​꧉​ꦲꦏꦸ​ꦲꦉꦥ꧀​ꦩ꧀ꦧꦿꦤꦤ꧀ꦢꦺꦴꦁꦔ꧉​” ³⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦗꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀ꦏꦧꦺꦃ​ꦭꦺꦴꦫꦺꦴ​꧉​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦏꦺꦠꦺꦴꦏ꧀ꦱꦼꦢꦶꦭꦤ꧀ꦮꦼꦢꦶ​ꦧꦔꦼꦠ꧀꧈​ ³⁸ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦏꦸꦮꦶ​:“ꦲꦠꦶꦏꦸ​ꦗꦤ꧀ꦱꦼꦢꦶꦧꦔꦼꦠ꧀ ꦫꦱꦤꦺ​ꦏꦪ​ꦮꦺꦴꦁ​ꦲꦉꦥ꧀ꦩꦠꦶ​꧉​ꦥꦢ​ꦔꦼꦤ꧀ꦠꦺꦤ꧀ꦤꦶ​ꦤꦁꦏꦺꦤꦺ​ꦭꦤ꧀ꦲꦏꦸ​ꦢꦶꦫꦺꦮꦁꦔꦶ​ꦩꦼꦭꦺꦏ꧀꧈​” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦭꦏꦸ​ꦫꦢ​ꦲꦢꦺꦴꦃ​꧈​ꦠꦼꦫꦸꦱ꧀ꦤꦶꦧ​ꦭꦤ꧀​ꦤ꧀ꦢꦺꦴꦁꦔ:“ꦢꦸꦃ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦸ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ ꦲꦩ꧀ꦧꦺꦴꦏ꧀ꦏꦱꦁꦱꦫꦤ꧀ꦲꦶꦏꦶ​ꦢꦶꦱꦶꦩ꧀ꦥꦁꦔꦏꦺꦱꦁꦏꦲꦏꦸ​꧉​ꦤꦁꦔꦶꦁ​ꦲꦺꦴꦫ​ꦏꦼꦏꦉꦥꦤ꧀ꦏꦸ꧈​ꦩꦸꦁ​ꦏꦼꦏꦉꦥ꧀ꦥꦤ꧀ꦩꦸ​ꦱꦶꦁ​ꦏꦸꦢꦸ​ꦏ꧀ꦭꦏꦺꦴꦤ꧀꧈​” ⁴⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦭꦤ꧀ꦤꦼꦩꦸ​ꦩꦸꦫꦶꦢ꧀ꦱꦶꦁ​ꦠꦼꦭꦸ​ꦩꦲꦸ​ꦥꦢ​ꦠꦸꦫꦸ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀:“ꦩꦺꦴꦱꦺꦴꦏ꧀ꦏꦺꦴꦮꦺ​ꦏꦧꦺꦃ​ꦠꦼꦭꦸ​ꦲꦺꦴꦫ​ꦲꦺꦤꦺꦁꦱꦶꦁ​ꦧꦶꦱ​ꦔꦿꦺꦮꦁꦔꦶ​ꦲꦏꦸ​ꦩꦼꦭꦺꦏ꧀ꦤꦩꦸꦁ​ꦱꦏ꧀ꦗꦩ꧀ꦮꦲꦺ​? ⁴¹ꦥꦢ​ꦩꦼꦭꦺꦏ꧀ꦏ​ꦭꦤ꧀ꦥꦢ​ꦤ꧀ꦢꦼꦢꦺꦴꦔꦲ​꧈​ꦱꦸꦥꦪ​ꦲꦺꦴꦫ​ꦠꦶꦧ​ꦲꦶꦁ​ꦥꦁꦒꦺꦴꦢ꧉​ꦥꦚ꧀ꦕꦺꦤ꧀ ꦲꦠꦶꦤꦺ​ꦏꦼꦥꦺꦔꦶꦤ꧀​ꦔ꧀ꦭꦏꦺꦴꦤ꧀ꦤꦶ​ꦱꦶꦁ​ꦧꦼꦕꦶꦏ꧀ ꦤꦁꦔꦶꦁ​ꦲꦮꦏ꧀ꦏꦺ​ꦲꦺꦴꦫ​ꦏꦸꦮꦠ꧀꧈​” ⁴²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦩꦼꦤꦺꦃ​ꦥꦶꦁ​ꦥꦶꦤ꧀ꦢꦺꦴꦤꦺꦤ꧀ꦢꦼꦢꦺꦴꦔ​ꦔꦺꦤꦺ​:“ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦸ​꧈​ꦤꦺꦏ꧀ꦏꦱꦁꦱꦫꦤ꧀ꦲꦶꦏꦶ​ꦥꦚ꧀ꦕꦺꦤ꧀ꦲꦺꦴꦫ​ꦏꦼꦤꦺꦁꦢꦶꦱꦶꦩ꧀ꦥꦁꦔꦏꦺ꧈​ꦪ​ꦩꦺꦴꦱꦺꦴꦏ꧀ꦧꦺꦴꦢꦺꦴ꧈​ꦲꦥ​ꦏꦉꦥ꧀ꦩꦸ​ꦏꦸꦢꦸ​ꦏ꧀ꦭꦏꦺꦴꦤ꧀꧈​” ⁴³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​꧈​ꦤꦁꦔꦶꦁ​ꦤꦼꦩꦸ​ꦩꦸꦫꦶꦢ꧀ꦢꦺ​ꦠꦼꦭꦸ​ꦩꦲꦸ​ꦲꦶꦗꦶꦏ꧀ꦥꦢ​ꦠꦸꦫꦸ​ꦩꦼꦤꦺꦃ​꧈​ꦲꦮꦶꦠ꧀ꦩꦿꦶꦥꦠ꧀ꦠꦺ​ꦲꦺꦴꦫ​ꦏꦸꦮꦠ꧀ꦩꦼꦭꦺꦏ꧀꧈​ ⁴⁴꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦸꦮꦶ​ꦠꦼꦫꦸꦱ꧀ꦢꦶꦠꦶꦁꦒꦭ꧀ꦩꦼꦤꦺꦃ​ꦭꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦺꦴꦁꦔꦥꦶꦁ​ꦠꦼꦭꦸꦤꦺ​꧈​ꦪ​ꦏꦪ​ꦱꦶꦁ​ꦤ꧀ꦢꦶꦱꦶꦏ꧀꧈​ ⁴⁵ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦢꦺꦏ꧀ꦤꦺꦠꦼꦫꦸꦱ꧀ꦩꦫꦤꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦶꦗꦶꦏ꧀ꦥꦢ​ꦠꦸꦫꦸ​ꦭꦤ꧀ꦭꦺꦫꦺꦤ꧀?ꦱꦲꦶꦏꦶ​ꦮꦶꦱ꧀ꦮꦏ꧀ꦠꦸꦩꦸ꧈​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦥꦱꦿꦃꦲꦏꦺꦩꦫꦁ​ꦮꦺꦴꦁ​ꦢꦺꦴꦱ​꧉​ ⁴⁶ꦲ꦳ꦪꦸꦏ꧀ꦥꦢ​ꦠꦔꦶ​ꦭꦤ꧀ꦲ꦳ꦪꦸꦏ꧀ꦥꦢ​ꦭꦸꦔ​꧉​ꦢꦼꦭꦺꦴꦏ꧀ꦏꦼꦤ꧀ ꦮꦺꦴꦁ​ꦱꦶꦁ​ꦔꦼꦭꦸꦁꦔꦏꦺꦲꦏꦸ​ꦮꦶꦱ꧀ꦠꦼꦏ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦕꦼꦏꦼꦭ꧀꧈​

⁴⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦸꦫꦸꦁ​ꦱꦩ꧀ꦥꦺꦏ꧀ꦫꦩ꧀ꦥꦸꦁ​ꦱꦶꦁ​ꦔꦺꦴꦩꦺꦴꦁ꧈​ꦏꦺꦴꦏ꧀ꦪꦸꦢꦱ꧀ ꦱꦭꦃꦱꦏ꧀ꦮꦶꦗꦶꦤꦺꦩꦸꦫꦶꦢ꧀ꦱꦶꦁ​ꦫꦺꦴꦭꦱ꧀ ꦠꦼꦏ​꧉​ꦢꦺꦏ꧀ꦤꦺꦠꦼꦏ​ꦧꦉꦁ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃꦱꦶꦁ​ꦔ꧀ꦒꦮ​ꦥꦼꦢꦁꦭꦤ꧀ꦥꦼꦤ꧀ꦠꦸꦁ꧉​ꦮꦺꦴꦁꦮꦺꦴꦁ​ꦏꦸꦮꦶ​ꦢꦶꦏꦺꦴꦁꦏꦺꦴꦤ꧀ꦏꦫꦺꦴ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸ꧉​ ⁴⁸ꦪꦸꦢꦱ꧀ꦮꦶꦱ꧀​ꦔ꧀ꦒꦮꦺ​ꦠꦼꦔꦼꦂꦫꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦔꦺꦤꦺ​:“ꦮꦺꦴꦁ​ꦱꦶꦁ​ꦠꦏ꧀ꦲꦩ꧀ꦧꦸꦁ꧈​ꦪꦏꦸꦮꦶ​ꦮꦺꦴꦁꦔꦺ​꧉​ꦮꦺꦴꦁ​ꦏꦸꦮꦶ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦕꦼꦏꦼꦭ꧀꧈​” ⁴⁹꧋ꦪꦸꦢꦱ꧀ꦠꦼꦫꦸꦱ꧀ꦱꦤ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱ꧀ꦭꦩꦼꦠ꧀ꦒꦸꦫꦸ​꧈​”ꦠꦼꦫꦸꦱ꧀ꦔꦩ꧀ꦧꦸꦁ​ꦢꦺꦏ꧀ꦤꦺ꧉​ ⁵⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦤ꧀ꦢꦁꦢꦶꦠꦶꦤ꧀ꦢꦏ꧀ꦏꦏꦺꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦏꦉꦥ꧀ꦥꦏꦺ!” ꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦩꦗꦸ​ꦚꦼꦏꦼꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵¹ꦱꦭꦃꦱꦏ꧀ꦮꦶꦗꦶꦤꦺꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦫꦶꦏ꧀ꦥꦼꦢꦁꦔꦺꦢꦶꦲꦼꦁꦒꦺꦴ​ꦚꦧꦼꦠ꧀ꦏꦸꦥꦶꦁꦔꦺ​ꦱ꧀ꦭꦥ꦳꧀ꦥ꦳ꦺꦲꦶꦩꦩ꧀ꦒꦼꦢꦺ​꧉​ꦏꦸꦥꦶꦁꦔꦺ​ꦕꦼꦥꦺꦴꦭ꧀​꧉​ ⁵²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦼꦢꦁ​ꦩꦸ​ꦊꦧꦺꦴꦏ꧀ꦏꦏꦺꦩꦼꦤꦺꦃ​!ꦲꦮꦶꦠ꧀ꦱꦥ​ꦮꦲꦺ​ꦱꦶꦁ​ꦔꦁꦒꦺꦴꦏ꧀ꦏꦏꦺꦥꦼꦢꦁꦔꦺ꧈​ꦧꦏꦭ꧀ꦩꦠꦶ​ꦏꦫꦺꦴ​ꦥꦼꦢꦁ꧉​ ⁵³ꦲꦥ​ꦏꦺꦴꦮꦺ​ꦩꦶꦏꦶꦂ​ꦤꦺꦏ꧀ꦲꦏꦸ​ꦲꦺꦴꦫ​ꦧꦶꦱ​ꦚꦸꦮꦸꦤ꧀ꦩꦫꦁ​ꦧꦥꦏ꧀ꦏꦸ​꧉​ꦤꦺꦏ꧀ꦲꦏꦸ​ꦒꦼꦊꦩ꧀ ꦢꦺꦏ꧀ꦤꦺꦧꦶꦱ​ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦩꦸꦭꦺꦏꦠ꧀ꦠꦺꦠꦼꦏ​ꦱꦏ꧀ꦮꦠ꧀ ꦔꦸꦁꦏꦸꦭ꧀ꦭꦶ​ꦫꦺꦴꦭꦱ꧀ꦒꦺꦴꦭꦺꦴꦁꦔꦤ꧀꧈​ ⁵⁴꧋ꦭꦃ​ꦤꦁꦔꦶꦁ​ꦱꦼꦩꦸꦁꦒꦺꦴꦤ꧀ꦤꦺꦔꦺꦴꦤꦺꦴ​꧈​ꦭꦃ​ꦏꦼꦥꦿꦶꦪꦺ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀​ꦧꦶꦱꦤꦺ​ꦏꦼꦠꦸꦫꦸꦠ꧀ꦠꦤ꧀?ꦲꦮꦶꦠ꧀ꦤꦁꦏꦶꦠꦧ꧀​ꦮꦶꦱ꧀ꦏꦼꦠꦸꦭꦶꦱ꧀ꦤꦺꦏ꧀ꦏꦧꦺꦃ​ꦲꦶꦏꦶ​ꦏꦸꦢꦸ​ꦏꦼꦠꦸꦫꦸꦠ꧀ꦠꦤ꧀꧈​” ⁵⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:“ꦲꦥ​ꦫꦸꦩꦁꦱꦩꦸ​ꦲꦏꦸ​ꦲꦶꦏꦶ​ꦮꦺꦴꦁ​ꦠꦸꦏꦁ​ꦔꦿꦩ꧀ꦥꦺꦴꦏ꧀ ꦏꦺꦴꦏ꧀ꦏꦺꦴꦮꦺ​ꦲꦉꦥ꧀ꦚꦼꦏꦼꦭ꧀ꦲꦏꦸ​ꦔꦁꦒꦺꦴ​ꦥꦼꦢꦁꦭꦤ꧀ꦥꦼꦤ꧀ꦠꦸꦁ?ꦱꦧꦼꦤ꧀ꦢꦶꦤ​ꦲꦏꦸ​ꦭꦲꦸꦠ꧀ꦩꦸꦭꦁꦔꦶꦤꦁꦒꦿꦺꦗ​ꦒꦼꦢꦺ​ꦠ​?ꦭꦃ​ꦏꦺꦴꦏ꧀ꦲꦺꦴꦫ​ꦲꦩ꧀ꦧꦺꦴꦏ꧀ꦕꦼꦏꦼꦭ꧀ꦲꦏꦸ​? ⁵⁶ꦤꦁꦔꦶꦁ​ꦏꦧꦺꦃ​ꦲꦶꦏꦶ​ꦏꦸꦢꦸ​ꦏ꧀ꦭꦏꦺꦴꦤ꧀ꦔꦺꦤꦺ​꧈​ꦱꦸꦥꦪ​ꦲꦥ​ꦱꦶꦁ​ꦮꦶꦱ꧀ꦢꦶꦠꦸꦭꦶꦱ꧀ꦏꦫꦺꦴ​ꦥꦫ​ꦤꦧꦶ​ꦤꦁꦏꦶꦠꦧ꧀​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀꧉”ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦥꦫ​ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦶꦁꦒꦭ꧀ꦢꦺꦏ꧀ꦤꦺꦭꦤ꧀ꦥꦢ​ꦩ꧀​ꦧ꧀ꦭꦪꦸꦭꦸꦔ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦏꦿꦸꦠꦺꦴꦤ꧀ꦲꦒꦩ​꧉​

⁵⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦤꦁꦲꦺꦴꦩꦃꦲꦺ​ꦲꦶꦩꦩ꧀ꦒꦼꦢꦺ​ꦏꦪꦥ꦳ꦱ꧀꧈​ꦤꦁꦏꦺꦴꦤꦺꦴ​ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦮꦶꦱ꧀ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ ⁵⁸ꦫꦱꦸꦭ꧀ꦦꦺꦠꦿꦸꦱ꧀ꦔꦼꦠꦸꦠ꧀ꦠꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦢꦺꦴꦃꦲꦤ꧀ ꦱꦩ꧀ꦥꦺꦏ꧀ꦠꦼꦏꦤ꧀ꦭꦠꦂꦫꦺ​ꦲꦺꦴꦩꦃꦲꦺ​ꦲꦶꦩꦩ꧀ꦒꦼꦢꦺ​꧉​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​꧈​ꦠꦼꦫꦸꦱ꧀​ꦚ꧀ꦗꦒꦺꦴꦁꦏꦺꦴꦤꦺꦴ​ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦗꦒ​꧉​ꦢꦺꦏ꧀ꦤꦺꦏꦼꦥꦺꦔꦶꦤ꧀ꦮꦼꦫꦸꦃ​ꦏꦼꦥꦿꦶꦪꦺ​ꦧꦏꦭ꧀ꦭꦺ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧉​ ⁵⁹ꦲꦶꦩꦩ꧀ꦩꦺ​ꦒꦼꦢꦺ​ꦭꦤ꧀ꦥꦫ​ꦮꦂꦒꦤꦺ​ꦏꦿꦸꦠꦺꦴꦤ꧀ꦲꦒꦩ​ꦏꦧꦺꦃ​ꦥꦢ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦉꦥ꧀ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦱꦼꦏ꧀ꦱꦶꦱꦼꦏ꧀ꦱꦶ​ꦥꦭ꧀ꦱꦸ​꧈​ꦱꦸꦥꦪ​ꦢꦺꦏ꧀ꦤꦺꦲꦺꦤ꧀ꦠꦸꦏ꧀ꦱꦼꦠꦿꦥꦤ꧀ꦥꦠꦶ​꧉​ ⁶⁰ꦤꦁꦔꦶꦁ​ꦱꦼꦤꦗꦤ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦥꦢ​ꦩꦗꦸ​ꦭꦤ꧀ꦒꦼꦊꦩ꧀ꦢꦢꦶ​ꦱꦼꦏ꧀ꦱꦶ​꧈​ꦥꦱꦼꦏ꧀ꦱꦶꦤꦺ​ꦲꦺꦴꦫ​ꦲꦺꦤꦺꦁꦧꦸꦏ꧀ꦠꦶꦤꦺ​꧉​ ⁶¹ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦩꦗꦸ​ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦠꦲꦸ​ꦔꦺꦴꦩꦺꦴꦁ:'ꦲꦏꦸ​ꦧꦶꦱ​ꦲꦩ꧀ꦧꦸꦧꦿꦃ​ꦒꦿꦺꦗ​ꦒꦼꦢꦺ​ꦭꦤ꧀ꦧꦶꦱ​ꦔꦼꦢꦼꦏ꧀ꦏꦏꦺꦩꦼꦤꦺꦃ​ꦲꦶꦁ​ꦱꦏ꧀ꦗꦼꦫꦺꦴꦤꦺꦠꦼꦭꦸꦁ​ꦢꦶꦤ​꧉​’” ⁶²꧋ꦲꦶꦩꦩ꧀ꦒꦼꦢꦺ​ꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦠꦏꦺꦴꦤ꧀:“ꦲꦥ​ꦏꦺꦴꦮꦺ​ꦲꦺꦴꦫ​ꦲꦉꦥ꧀ꦱꦼꦩꦲꦸꦂ​ꦲꦥꦲꦥ​ꦲꦼꦁꦒꦺꦴꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦚꦭꦃꦚꦭꦃꦲꦏꦺꦏꦺꦴꦮꦺ​?” ⁶³ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦼꦁ​ꦮꦲꦺ​꧉​ꦲꦶꦩꦩ꧀ꦒꦼꦢꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦸꦫꦶꦥ꧀ ꦲꦥ​ꦏꦺꦴꦮꦺ​ꦔꦏꦸ​ꦤꦺꦏ꧀ꦏꦺꦴꦮꦺ​ꦑꦿꦶꦱ꧀ꦠꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​?” ⁶⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ꦧꦼꦤꦼꦂ​꧉​ꦤꦁꦔꦶꦁ​ꦔꦼꦂꦠꦶꦪ​꧈​ꦮꦶꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦲꦤꦏ꧀ꦏꦺ​ꦩꦤꦸꦁꦱ​ꦚ꧀ꦗꦒꦺꦴꦁꦤꦁꦠꦼꦔꦼꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧉​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦢꦺꦏ꧀ꦤꦺꦠꦼꦏ​ꦤꦁꦩꦺꦒ​ꦤꦁꦭꦔꦶꦠ꧀꧈​” ⁶⁵꧋ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦲꦸ​꧈​ꦲꦶꦩꦩ꧀ꦒꦼꦢꦺ​ꦠꦼꦫꦸꦱ꧀ꦚꦸꦮꦺꦏ꧀ꦚꦸꦮꦺꦏ꧀ꦱꦭꦶꦤ꧀ꦤꦺꦏꦫꦺꦴ​ꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​!ꦮꦶꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦱꦼꦏ꧀ꦱꦶ​ꦩꦼꦤꦺꦃ​!ꦏꦺꦴꦮꦺ​ꦏꦧꦺꦃ​ꦥꦢ​ꦏꦿꦸꦔꦸ​ꦢꦺꦮꦺꦲꦼꦁꦒꦺꦴꦤꦺ​ꦮꦺꦴꦁ​ꦏꦸꦮꦶ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁶⁶ꦱꦲꦶꦏꦶ​ꦏꦼꦥꦿꦶꦪꦺ​ꦥꦶꦤꦼꦩꦸꦩꦸ?” ꧋ꦏꦧꦺꦃ​ꦠꦼꦫꦸꦱ꧀ꦱꦼꦩꦲꦸꦂ​:“ꦮꦺꦴꦁ​ꦏꦸꦮꦶ​ꦱꦭꦃ​꧈​ꦏꦸꦢꦸ​ꦢꦶꦥꦠꦺꦤ꧀ꦤꦶ​!” ⁶⁷꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦔꦶꦢꦺꦴꦤ꧀ꦤꦶ​ꦭꦤ꧀ꦔꦤ꧀ꦠꦼꦩ꧀ꦩꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁶⁸ꦲꦺꦤꦺꦁꦭꦶꦪꦤꦺ​ꦱꦶꦁ​ꦔꦼꦥ꧀ꦭꦏ꧀ꦢꦺꦏ꧀ꦤꦺꦏꦫꦺꦴ​ꦔꦺꦴꦩꦺꦴꦁ:“ꦗꦗꦭ꧀ꦧꦼꦢꦺꦏ꧀ꦏꦼꦤ꧀ ꦑꦿꦶꦱ꧀ꦠꦸꦱ꧀ ꦱꦥ​ꦱꦶꦁ​ꦔꦼꦥ꧀ꦭꦏ꧀ꦏꦺꦴꦮꦺ​?”

꧋ꦫꦱꦸꦭ꧀ꦦꦺꦠꦿꦸꦱ꧀ꦚꦺꦭꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁶⁹꧋ꦫꦱꦸꦭ꧀ꦦꦺꦠꦿꦸꦱ꧀ꦲꦶꦗꦶꦏ꧀​ꦚ꧀ꦗꦒꦺꦴꦁꦤꦁꦚ꧀ꦗꦧ​꧈​ꦤꦁꦭꦠꦂ​꧉​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱ꧀ꦭꦥ꦳꧀ꦥ꦳ꦺꦲꦶꦩꦩ꧀ꦒꦼꦢꦺ​ꦩꦫꦤꦶ​ꦢꦺꦏ꧀ꦤꦺꦏꦫꦺꦴ​ꦔꦺꦴꦩꦺꦴꦁ:“ꦭꦺꦴ​꧈​ꦏꦺꦴꦮꦺ​ꦭꦲꦸꦠ꧀ꦩꦺꦭꦸ​ꦪꦺꦯꦸꦱ꧀ꦠ​꧈​ꦮꦺꦴꦁ​ꦱꦁꦏꦓꦭꦶꦭꦺꦪ​ꦏꦲꦺ​?” ⁷⁰ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦲꦺꦴꦫ​ꦔꦏꦸ​꧉​ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦏꦸ​ꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​꧉​” ⁷¹ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦭꦠꦂꦫꦺ​ꦏꦺꦴꦤꦺꦴ​ꦠꦼꦫꦸꦱ꧀​ꦩ꧀ꦭꦏꦸ​ꦭꦮꦁ​ꦔꦉꦥ꧀꧈​ꦤꦁꦏꦺꦴꦤꦺꦴ​ꦲꦺꦤꦺꦁꦱ꧀ꦭꦥ꦳꧀ꦮꦺꦢꦺꦴꦏ꧀ꦭꦶꦪꦤꦺ​ꦱꦶꦁ​ꦮꦼꦫꦸꦃ​ꦢꦺꦏ꧀ꦤꦺ꧉​ꦮꦺꦴꦁꦔꦺ​ꦔꦺꦴꦩꦺꦴꦁꦏꦫꦺꦴ​ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦤꦁꦏꦺꦴꦤꦺꦴ​:“ꦮꦺꦴꦁ​ꦲꦶꦏꦶ​ꦲꦸꦒ​ꦩꦺꦭꦸ​ꦪꦺꦯꦸꦱ꧀ꦱꦁꦏꦟꦱꦫꦺꦠ꧀ꦏꦲꦺ​!” ⁷²꧋ꦤꦁꦔꦶꦁ​ꦱꦼꦥꦶꦱ꧀ꦱꦤ꧀ꦩꦼꦤꦺꦃ​ꦫꦱꦸꦭ꧀ꦦꦺꦠꦿꦸꦱ꧀ꦲꦺꦴꦫ​ꦔꦏꦸ​꧈​ꦩꦭꦃ​ꦮꦤꦶ​ꦱꦸꦩ꧀ꦥꦃ​ꦔꦺꦴꦩꦺꦴꦁ:“ꦲꦏꦸ​ꦧ꧀ꦭꦱ꧀ꦲꦺꦴꦫ​ꦏꦼꦤꦭ꧀ꦩꦫꦁ​ꦮꦺꦴꦁ​ꦏꦸꦮꦶ​!” ⁷³꧋ꦲꦺꦴꦫ​ꦊꦠ꧀ꦱꦸꦮꦶꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦩꦫꦤꦶ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ ꦏꦺꦴꦮꦺ​ꦲꦸꦒ​ꦩꦺꦭꦸ​ꦪꦺꦯꦸꦱ꧀ ꦲꦮꦶꦠ꧀ꦏꦼꦠꦫ​ꦲꦺꦴꦩꦺꦴꦔꦤ꧀ꦩꦸ!” ⁷⁴꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦸꦩ꧀ꦥꦃ​ꦩꦼꦤꦺꦃ​:“ꦲꦏꦸ​ꦮꦤꦶ​ꦩꦠꦶ​꧈​ꦲꦏꦸ​ꦗꦤ꧀ꦲꦺꦴꦫ​ꦏꦼꦤꦭ꧀ꦠꦼꦤꦤ꧀ꦏꦫꦺꦴ​ꦮꦺꦴꦁ​ꦏꦸꦮꦶ​꧉​” ⁷⁵ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦠꦼꦫꦸꦱ꧀ꦲꦺꦤꦺꦁꦗꦒꦺꦴ​ꦏ꧀ꦭꦸꦫꦸꦏ꧀꧈​ꦫꦱꦸꦭ꧀ꦦꦺꦠꦿꦸꦱ꧀ꦱꦏ꧀ꦮꦠ꧀ꦏꦺꦭꦶꦁꦔꦤ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦴꦁꦔꦺꦢꦺꦏ꧀ꦤꦺꦔꦺꦴꦩꦺꦴꦁ:“ꦱꦏ꧀ꦢꦸꦫꦸꦁꦔꦺꦗꦒꦺꦴ​ꦏ꧀ꦭꦸꦫꦸꦏ꧀ ꦏꦺꦴꦮꦺ​ꦧꦏꦭ꧀ꦱꦺꦭꦏ꧀ꦔꦤ꧀ꦠꦶ​ꦥꦶꦁ​ꦠꦼꦭꦸ​꧈​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦏꦼꦤꦭ꧀ꦲꦏꦸ​꧉”ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦭꦤ꧀ꦤꦔꦶꦱ꧀ꦏꦼꦭꦫꦭꦫ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦒꦿꦩꦁꦥꦶꦭꦠꦸꦱ꧀꧈​

꧇​꧒꧗꧇​ ¹꧋ꦲꦺꦱꦸꦏ꧀ꦏꦺ​ꦏꦧꦺꦃ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦥꦢ​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²ꦢꦺꦏ꧀ꦤꦺꦠꦼꦫꦸꦱ꧀ꦢꦶꦧꦤ꧀ꦢ​ꦭꦤ꧀ꦢꦶꦒꦮ​ꦭꦸꦔ​꧈​ꦲꦉꦥ꧀ꦢꦶꦥꦱꦿꦃꦲꦏꦺꦩꦫꦁ​ꦥꦶꦭꦠꦸꦱ꧀ ꦒꦿꦩꦁꦔꦺꦧꦮꦃꦏꦺꦴꦤꦺꦴ​꧉​

꧋ꦩꦠꦶꦤꦺ​ꦪꦸꦢꦱ꧀꧈​

³꧋ꦏꦢꦸꦁ​ꦪꦸꦢꦱ꧀ꦔꦼꦂꦠꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦒꦼꦭ​ꦠꦼꦤꦤ꧀꧈​ꦪꦸꦢꦱ꧀ꦲꦶꦏꦶ​ꦱꦶꦁ​ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​ꦢꦺꦏ꧀ꦤꦺꦠꦼꦫꦸꦱ꧀​ꦩ꧀ꦧꦭꦺꦏ꧀ꦏꦏꦺꦢꦸꦮꦶꦠ꧀ꦠꦺꦠꦼꦭꦸꦁ​ꦥꦸꦭꦸꦃ​ꦱꦺꦏꦼꦭ꧀ꦱꦼꦭꦏ​ꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸ꧉​ ⁴ꦪꦸꦢꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦏꦸ​ꦔ꧀ꦒꦮꦺ​ꦢꦺꦴꦱ​꧈​ꦲꦮꦶꦠ꧀ꦲꦏꦸ​ꦔꦼꦭꦸꦁꦔꦏꦺꦮꦺꦴꦁ​ꦱꦶꦁ​ꦲꦺꦴꦫ​ꦱꦭꦃ​꧈​ꦩꦫꦏ꧀ꦏꦏꦺꦢꦺꦏ꧀ꦤꦺꦲꦺꦤ꧀ꦠꦸꦏ꧀ꦱꦼꦠꦿꦥꦤ꧀ꦥꦠꦶ​꧉​” ꧋ꦤꦁꦔꦶꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮ​ꦩꦲꦸ​ꦱꦼꦩꦲꦸꦂ​:“ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦔꦼꦂꦠꦶ​ꦗꦮꦤꦺ꧈​ꦲꦶꦏꦸ​ꦲꦸꦫꦸꦱ꧀ꦱꦤ꧀ꦩꦸ​ꦢꦺꦮꦺ꧉​” ⁵꧋ꦪꦸꦢꦱ꧀ꦠꦼꦫꦸꦱ꧀ꦔꦸꦚ꧀ꦕꦭ꧀ꦭꦏꦺ​ꦢꦸꦮꦶꦠ꧀ꦠꦺꦤꦁꦒꦿꦺꦗ​ꦒꦼꦢꦺ​꧈​ꦩ꧀ꦭꦏꦸ​ꦭꦸꦔ​ꦠꦼꦫꦸꦱ꧀​ꦔ꧀ꦒꦤ꧀ꦠꦸꦁ​꧉​ ⁶꧋ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦏꦶꦢꦸꦮꦶꦠ꧀ꦠꦺꦏꦫꦺꦴ​ꦔꦺꦴꦩꦺꦴꦁ:“ꦲꦶꦏꦶ​ꦢꦸꦮꦶꦠ꧀ꦱꦶꦁ​ꦒꦸꦥꦏ꧀ꦒꦼꦠꦶꦃ​꧈​ꦲꦺꦴꦫ​ꦏꦼꦤꦺꦁꦢꦶꦊꦧꦺꦴꦏ꧀ꦏꦏꦺꦤꦁꦮꦢꦃꦢꦸꦮꦶꦠ꧀ꦏꦸꦂꦧꦤ꧀꧈​” ⁷ꦠꦼꦫꦸꦱ꧀ꦥꦢ​ꦱꦼꦠꦸꦗꦸ​ꦤꦺꦏ꧀ꦢꦸꦮꦶꦠ꧀ꦠꦺꦢꦶꦲꦼꦁꦒꦺꦴ​ꦠꦸꦏꦸ​ꦏꦼꦧꦺꦴꦤꦺ​ꦮꦺꦴꦁ​ꦱꦶꦁ​ꦠꦸꦏꦁ​ꦔ꧀ꦒꦮꦺ​ꦏꦼꦤ꧀ꦢꦶ꧉​ꦏꦼꦧꦺꦴꦤ꧀ꦏꦸꦮꦶ​ꦲꦉꦥ꧀ꦢꦶꦲꦼꦁꦒꦺꦴ​ꦏꦸꦧꦸꦂꦫꦤ꧀ꦤꦺ​ꦮꦺꦴꦁ​ꦱꦁꦏꦭꦶꦪ​ꦤꦼꦒꦫ​ꦱꦶꦁ​ꦩꦠꦶ​ꦤꦁꦏꦺꦴꦤꦺꦴ​꧉​ ⁸ꦩꦸꦭꦤꦺ​ꦠꦼꦏꦤ꧀ꦱꦼꦥꦿꦺꦤꦺ​ꦏꦼꦧꦺꦴꦤ꧀ꦏꦸꦮꦶ​ꦢꦶꦗꦼꦤꦼꦁꦔꦏꦺꦄꦏꦺꦭ꧀ꦢꦩ​꧈​ꦠꦼꦒꦼꦱ꧀ꦱꦺ​:ꦏꦼꦧꦺꦴꦤ꧀ꦒꦸꦥꦏ꧀ꦒꦼꦠꦶꦃ​꧉​ ⁹꧋ꦏꦸꦮꦶ​ꦩꦲꦸ​ꦏꦧꦺꦃ​ꦩꦫꦏ꧀ꦏꦏꦺꦏ꧀ꦭꦏꦺꦴꦤ꧀ꦲꦥ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦤꦧꦶ​ꦪꦺꦉꦩꦶꦪꦢꦺꦏ꧀​ꦩ꧀ꦧꦶꦪꦺꦤ꧀ ꦲꦸꦤꦶꦤꦺ​:“ꦥꦢ​ꦤꦩ꧀ꦥ​ꦢꦸꦮꦶꦠ꧀ꦠꦼꦭꦸꦁ​ꦥꦸꦭꦸꦃ​ꦱꦺꦏꦼꦭ꧀ꦱꦼꦭꦏ​꧈​ꦪꦏꦸꦮꦶ​ꦉꦒꦤꦺ​ꦮꦺꦴꦁ​ꦱꦶꦗꦶ​ꦩꦶꦠꦸꦫꦸꦠ꧀ꦠꦶꦩ꧀ꦧꦔꦤ꧀ꦤꦺꦮꦺꦴꦁ​ꦆꦱꦿꦌꦭ꧀꧈​ ¹⁰ꦢꦸꦮꦶꦠ꧀ꦩꦲꦸ​ꦢꦶꦲꦼꦁꦒꦺꦴ​ꦤꦸꦏꦸ​ꦏꦼꦧꦺꦴꦤꦺ​ꦠꦸꦏꦁ​ꦔ꧀ꦒꦮꦺ​ꦏꦼꦤ꧀ꦢꦶ꧉​ꦏꦸꦮꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦩꦫꦁ​ꦲꦏꦸ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔ꧀ꦒꦺꦴꦤ꧀ꦤꦺꦒꦿꦩꦁꦥꦶꦭꦠꦸꦱ꧀꧈​

¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦠꦏꦺꦴꦤ꧀ꦠꦏꦺꦴꦤ꧀ꦤꦶꦏꦫꦺꦴ​ꦒꦿꦩꦁꦥꦶꦭꦠꦸꦱ꧀꧈​ꦥꦶꦠꦏꦺꦴꦤ꧀ꦤꦤ꧀ꦤꦺ​ꦔꦺꦤꦺ​:“ꦲꦥ​ꦏꦺꦴꦮꦺ​ꦫꦠꦸꦤꦺ​ꦮꦺꦴꦁ​ꦙꦸ?” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦪ​꧈​ꦏꦸꦮꦶ​ꦧꦼꦤꦼꦂ​꧉​” ¹²ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦠꦼꦫꦸꦱ꧀ꦥꦢ​ꦚꦲꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦢꦺꦏ꧀ꦤꦺꦩꦼꦤꦼꦁ​ꦮꦲꦺ​꧉​ ¹³꧋ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦏꦺꦴꦮꦺ​ꦲꦺꦴꦫ​ꦏꦿꦸꦔꦸ​ꦲꦼꦁꦒꦺꦴꦤꦺ​ꦮꦺꦴꦁꦮꦺꦴꦁ​ꦥꦢ​ꦚꦭꦃꦚꦭꦃꦲꦏꦺꦏꦺꦴꦮꦺ​ꦧꦧ꧀ꦮꦼꦂꦤꦮꦼꦂꦤ​ꦥꦽꦏꦫ​?” ¹⁴꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦱꦼꦩꦲꦸꦂ​ꦲꦥꦲꦥ​ꦧ꧀ꦭꦱ꧀ ꦩꦫꦏ꧀ꦏꦏꦺꦥꦶꦭꦠꦸꦱ꧀​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦱꦼꦠꦿꦥꦤ꧀ꦥꦠꦶ​꧉​

¹⁵꧋ꦭꦸꦩꦿꦃꦲꦺ​꧈​ꦱꦧꦼꦤ꧀ꦠꦲꦸꦤ꧀ꦤꦺꦏ꧀ꦮꦪꦃ​ꦢꦶꦤ​ꦥꦱ꧀ꦏꦃ​꧈​ꦥꦶꦭꦠꦸꦱ꧀ꦔꦼꦠꦺꦴꦏ꧀ꦏꦏꦺꦱꦼꦠꦿꦥꦤ꧀ꦱꦶꦗꦶ​꧈​ꦱꦶꦁ​ꦢꦶꦥꦶꦭꦶꦃ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃ꧉​ ¹⁶ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦺꦤꦺꦁꦱꦼꦠꦿꦥꦤ꧀ꦱꦶꦁ​ꦗꦼꦤꦼꦁꦔꦺ​ꦨꦫꦧꦱ꧀꧈​ ¹⁷ꦏꦢꦸꦁ​ꦮꦺꦴꦁ​ꦱꦶꦁ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦮꦶꦱ꧀ꦲꦺꦴꦏꦺꦃ꧈​ꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦱꦥ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ꦩꦼꦠꦸ​:ꦨꦫꦧꦱ꧀ꦲꦥ​ꦪꦺꦯꦸꦱ꧀ꦱꦶꦁ​ꦢꦶꦲꦫꦤ꧀ꦤꦶ​ꦑꦿꦶꦱ꧀ꦠꦸꦱ꧀?” ¹⁸ꦥꦶꦭꦠꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦢꦺꦏ꧀ꦤꦺꦔꦼꦂꦠꦶ​ꦤꦺꦏ꧀ꦮꦺꦴꦁ​ꦙꦸꦱꦼꦔꦶꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦩꦸꦭꦤꦺ​ꦢꦺꦏ꧀ꦤꦺꦢꦶꦥꦱꦿꦃꦲꦏꦺꦩꦫꦁ​ꦥꦶꦭꦠꦸꦱ꧀꧈​ ¹⁹꧋ꦢꦺꦴꦁꦔꦺꦥꦶꦭꦠꦸꦱ꧀​ꦚ꧀ꦗꦒꦺꦴꦁꦤꦁꦏꦿꦺꦴꦱꦶꦏꦿꦸꦠꦺꦴꦤ꧀ ꦧꦺꦴꦗꦺꦴꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦔꦺꦴꦩꦺꦴꦁꦔꦶꦢꦺꦏ꧀ꦤꦺꦔꦺꦤꦺ​:“ꦲꦗ​ꦩꦺꦭꦸꦩꦺꦭꦸ​ꦔꦸꦫꦸꦱ꧀ꦱꦶ​ꦥꦽꦏꦫꦤꦺ​ꦮꦺꦴꦁ​ꦱꦶꦁ​ꦲꦺꦴꦫ​ꦱꦭꦃ​ꦏꦸꦮꦶ​꧉​ꦲꦮꦶꦠ꧀ꦩꦲꦸ​ꦩ꧀ꦧꦼꦔꦶꦲꦏꦸ​ꦔꦶꦩ꧀ꦥꦶ​ꦭꦤ꧀ꦏꦿꦱ​ꦱꦼꦢꦶꦠꦼꦤꦤ꧀ꦚꦮꦁ​ꦮꦺꦴꦁ​ꦏꦸꦮꦶ​꧉​” ²⁰꧋ꦤꦁꦔꦶꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦮꦺꦴꦁ​ꦙꦸꦥꦢ​ꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​꧈​ꦥꦢ​ꦚ꧀ꦗꦭꦸꦏ꧀ꦱꦸꦥꦪ​ꦨꦫꦧꦱ꧀ꦢꦶꦲꦼꦠꦺꦴꦏ꧀ꦏꦏꦺꦭꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦠꦺꦤ꧀ꦤꦶ​꧉​ ²¹ꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​:“ꦏꦉꦥ꧀ꦩꦸ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​꧈​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦏꦸꦢꦸ​ꦠꦏ꧀ꦲꦼꦠꦺꦴꦏ꧀ꦏꦏꦺ?” ꧋ꦮꦺꦴꦁꦮꦺꦴꦁ​ꦱꦼꦩꦲꦸꦂ​:“ꦨꦫꦧꦱ꧀!” ²²꧋ꦥꦶꦭꦠꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦤꦺꦏ꧀ꦨꦫꦧꦱ꧀ꦱꦶꦁ​ꦩꦼꦠꦸ​꧈​ꦭꦃ​ꦪꦺꦯꦸꦱ꧀ ꦱꦶꦁ​ꦢꦶꦕꦼꦭꦸꦏ꧀​ꦑꦿꦶꦱ꧀ꦠꦸꦱ꧀ ꦏꦸꦢꦸ​ꦠꦏ꧀ꦏꦥꦏ꧀ꦏꦏꦺ?” ꧋ꦮꦺꦴꦁꦮꦺꦴꦁ​ꦱꦼꦩꦲꦸꦂ​ꦧꦉꦁ​:“ꦢꦶꦥꦼꦤ꧀ꦠꦺꦁꦮꦲꦺ​!” ²³꧋ꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦲꦥ​ꦱꦭꦃꦲꦺ​ꦮꦺꦴꦁ​ꦲꦶꦏꦶ​?” ꧋ꦤꦁꦔꦶꦁ​ꦮꦺꦴꦁꦮꦺꦴꦁ​ꦩꦭꦃ​ꦠꦩ꧀ꦧꦃ​ꦧꦤ꧀ꦠꦼꦂ​ꦱꦶꦁ​ꦲꦩ꧀ꦧꦼꦔꦺꦴꦏ꧀:“ꦮꦺꦴꦁ​ꦏꦸꦮꦶ​ꦢꦶꦥꦼꦤ꧀ꦠꦺꦁꦮꦲꦺ​!” ²⁴꧋ꦥꦶꦭꦠꦸꦱ꧀ꦮꦼꦫꦸꦃ​ꦤꦺꦏ꧀ꦔꦺꦴꦤꦺꦴ​ꦏꦸꦮꦶ​ꦢꦺꦏ꧀ꦤꦺꦲꦺꦴꦫ​ꦧꦶꦱ​ꦤꦼꦤ꧀ꦠꦽꦩꦏꦺꦮꦺꦴꦁꦮꦺꦴꦁ​꧈​ꦩꦭꦃ​ꦠꦩ꧀ꦧꦃ​ꦒꦼꦢꦺ​ꦫꦺꦕꦺꦴꦏ꧀ꦏꦺ​꧉​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦁꦏꦺꦴꦤ꧀​ꦚ꧀ꦗꦶꦏꦸꦏ꧀ꦏꦏꦺꦧꦚꦸ​ꦭꦤ꧀ꦤꦁꦔꦉꦥ꧀ꦥꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦏ꧀ꦤꦺꦩꦶꦱꦸꦃꦲꦶ​ꦠꦔꦤ꧀ꦤꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦏꦸ​ꦲꦺꦴꦫ​ꦤ꧀ꦢꦸꦮꦺꦱꦭꦃ​ꦲꦥꦲꦥ​ꦤꦺꦏ꧀ꦮꦺꦴꦁ​ꦲꦶꦏꦶ​ꦩꦠꦶ​꧉​ꦏꦸꦮꦶ​ꦲꦸꦫꦸꦱ꧀ꦱꦤ꧀ꦩꦸ​ꦢꦺꦮꦺ!” ²⁵꧋ꦮꦺꦴꦁꦮꦺꦴꦁ​ꦱꦼꦩꦲꦸꦂ​ꦧꦉꦁ​:“ꦲꦺꦴꦫ​ꦢꦢꦶ​ꦲꦥ​꧈​ꦲꦮꦏ꧀ꦏꦺ​ꦢꦺꦮꦺꦭꦤ꧀ꦲꦤꦏ꧀ꦲꦤꦏ꧀ꦏꦺ​ꦲꦮꦏ꧀ꦏꦺ​ꦢꦺꦮꦺꦱꦶꦁ​ꦠꦁꦒꦸꦁ​ꦗꦮꦧ꧀ꦥꦠꦶꦤꦺ​ꦮꦺꦴꦁ​ꦏꦸꦮꦶ​!” ²⁶꧋ꦥꦶꦭꦠꦸꦱ꧀ꦠꦼꦫꦸꦱ꧀ꦤꦸꦫꦸꦠ꧀ꦠꦶ​ꦏꦉꦥ꧀ꦥꦺ​ꦮꦺꦴꦁꦮꦺꦴꦁ​꧉​ꦨꦫꦧꦱ꧀ꦢꦶꦲꦼꦠꦺꦴꦏ꧀ꦏꦏꦺ꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦼꦕꦸꦠ꧀ꦠꦶ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦥꦫ​ꦱꦺꦴꦭ꧀ꦢꦠ꧀ꦱꦸꦥꦪ​ꦢꦶꦥꦼꦤ꧀ꦠꦺꦁ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮꦺ​ꦱꦼꦩ꧀ꦧꦿꦤ​꧉​

²⁷꧋ꦥꦫ​ꦱꦺꦴꦭ꧀ꦢꦠ꧀ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦥꦭꦺꦱ꧀ꦱꦺꦥꦶꦭꦠꦸꦱ꧀ ꦠꦼꦫꦸꦱ꧀ꦥꦢ​ꦚꦼꦭꦸꦏ꧀ꦱꦺꦴꦭ꧀ꦢꦠ꧀ꦏꦧꦺꦃ​ꦱꦶꦁ​ꦤꦁꦏꦺꦴꦤꦺꦴ​꧈​ꦏꦺꦴꦁꦏꦺꦴꦤ꧀ꦥꦢ​ꦔ꧀ꦭꦸꦩ꧀ꦥꦸꦏ꧀ꦔꦸꦧꦼꦁꦔꦶ​ꦢꦺꦏ꧀ꦤꦺ꧉​ ²⁸ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦕꦼꦥꦺꦴꦠ꧀​꧈​ꦢꦶꦒꦤ꧀ꦠꦶ​ꦱꦭꦶꦤ꧀ꦲꦧꦁ​ꦲꦩ꧀ꦧꦿꦤꦁ​ꦏꦪ​ꦫꦠꦸ​꧉​ ²⁹ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦩꦲꦸ​ꦠꦼꦫꦸꦱ꧀ꦥꦢ​ꦔ꧀ꦒꦮꦺ​ꦩꦏꦸꦠꦏꦫꦺꦴ​ꦥꦁꦔꦺ​ꦲꦼꦫꦶꦲꦼꦫꦶ꧈​ꦠꦼꦫꦸꦱ꧀ꦢꦶꦥꦱꦁ​ꦤꦁꦱꦶꦫꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦠꦔꦤ꧀ꦤꦺ​ꦠꦼꦔꦼꦤ꧀ꦢꦶꦕꦼꦏꦼꦭ꧀ꦭꦶ​ꦠꦼꦏꦼꦤ꧀꧈​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦥꦢ​ꦱꦸꦗꦸꦠ꧀ꦤꦁꦔꦉꦥ꧀ꦥꦺ​꧈​ꦔꦺꦴꦩꦺꦴꦁ:“ꦢꦶꦥꦸꦗꦶꦫꦠꦸꦤꦺ​ꦮꦺꦴꦁ​ꦙꦸ!” ³⁰ꦥꦫ​ꦱꦺꦴꦭ꧀ꦢꦠ꧀ꦩꦲꦸ​ꦠꦼꦫꦸꦱ꧀ꦔꦶꦢꦺꦴꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦠꦼꦏꦼꦤ꧀ꦤꦺ​ꦠꦼꦫꦸꦱ꧀ꦢꦶꦗꦶꦏꦸꦏ꧀ꦱꦁꦏꦠꦔꦤ꧀ꦤꦺ​ꦠꦼꦫꦸꦱ꧀ꦢꦶꦲꦼꦁꦒꦺꦴ​ꦔꦤ꧀ꦠꦼꦩ꧀ꦩꦶ​ꦱꦶꦫꦃꦲꦺ​꧉​ ³¹꧋ꦱꦏ꧀ꦮꦶꦱ꧀ꦱꦺ​ꦩꦺꦴꦪꦺꦴꦏ꧀ꦏꦶ​ꦏꦸꦮꦶ​꧈​ꦥꦫ​ꦱꦺꦴꦭ꧀ꦢꦠ꧀ꦠꦼꦫꦸꦱ꧀ꦚꦼꦥꦺꦴꦠ꧀ꦱꦭꦶꦤ꧀ꦤꦺꦱꦶꦁ​ꦲꦧꦁ​꧈​ꦠꦼꦫꦸꦱ꧀ꦢꦶꦲꦼꦁꦒꦺꦴꦤ꧀ꦤꦶ​ꦱꦭꦶꦤ꧀ꦤꦺꦢꦺꦮꦺꦩꦼꦤꦺꦃ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦩꦼꦠꦸ​ꦲꦉꦥ꧀ꦢꦶꦥꦼꦤ꧀ꦠꦺꦁ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦼꦤ꧀ꦠꦺꦁ꧉​

³²꧋ꦤꦁꦱꦏ꧀​ꦚ꧀ꦗꦧꦤꦺ​ꦏꦸꦠꦠꦼꦫꦸꦱ꧀ꦥꦢ​ꦩꦼꦠꦸꦮꦱꦏ꧀ꦮꦶꦗꦶꦤꦺꦮꦺꦴꦁ​ꦱꦁꦏꦏꦸꦠꦯꦶꦫꦺꦤꦺ꧉​ꦮꦺꦴꦁꦔꦺ​ꦗꦼꦤꦼꦁꦔꦺ​ꦱꦶꦩꦺꦴꦤ꧀꧈​ꦱꦶꦩꦺꦴꦤ꧀ꦢꦶꦥꦼꦏ꧀ꦱ​ꦏꦺꦴꦁꦏꦺꦴꦤ꧀​ꦔ꧀ꦒꦮ​ꦏꦪꦸꦤꦺ​ꦱꦶꦁ​ꦲꦉꦥ꧀ꦢꦶꦲꦼꦁꦒꦺꦴ​ꦩꦼꦤ꧀ꦠꦺꦁꦒꦸꦱ꧀ꦠꦶ​ꦪꦺꦯꦸꦱ꧀꧈​ ³³ꦱꦶꦁ​ꦩ꧀ꦭꦏꦸ​ꦠꦼꦫꦸꦱ꧀ꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦺꦴꦭ꧀ꦒꦺꦴꦠ​꧉​ꦒꦺꦴꦭ꧀ꦒꦺꦴꦠ​ꦏꦸꦮꦶ​ꦠꦼꦒꦼꦱ꧀ꦱꦺ​:ꦲꦼꦤ꧀ꦢꦱ꧀ꦱꦺꦮꦺꦴꦁ​ꦩꦠꦶ​꧉​ ³⁴ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦺꦏ꧀ꦏꦶꦔꦺꦴꦩ꧀ꦧꦺ​ꦲꦁꦒꦸꦂ​ꦢꦶꦕꦩ꧀ꦥꦸꦂꦫꦶ​ꦫꦱ​ꦥꦲꦶꦠ꧀꧈​ꦏꦢꦸꦁ​ꦔꦶꦕꦶꦥ꧀ꦥꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦲꦺꦴꦫ​ꦒꦼꦊꦩ꧀ꦔꦺꦴꦩ꧀ꦧꦺ​꧉​ ³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁꦭꦤ꧀ꦱꦭꦶꦤ꧀ꦤꦺꦢꦶꦲꦼꦢꦸꦩ꧀ꦔꦁꦒꦺꦴ​ꦭꦺꦴꦠꦿꦺ​꧉​ ³⁶ꦥꦫ​ꦱꦺꦴꦭ꧀ꦢꦠ꧀ꦠꦼꦫꦸꦱ꧀ꦥꦢ​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​ꦏꦫꦺꦴ​ꦚ꧀ꦗꦒ​꧉​ ³⁷ꦤꦁꦤ꧀ꦢꦸꦮꦸꦂꦫꦺꦱꦶꦫꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦱꦁ​ꦠꦸꦭꦶꦱ꧀ꦱꦤ꧀ꦱꦶꦁ​ꦔꦺꦴꦩꦺꦴꦁꦔꦏꦺꦲꦥ​ꦗꦭꦂꦫꦤ꧀ꦤꦺ​ꦢꦺꦏ꧀ꦤꦺꦢꦶꦥꦼꦤ꧀ꦠꦺꦁ꧉​ꦠꦸꦭꦶꦱ꧀ꦱꦤ꧀ꦤꦺ​ꦔꦺꦤꦺ​:“ꦲꦶꦏꦶ​ꦪꦺꦯꦸꦱ꧀ ꦮꦺꦴꦁ​ꦟꦱꦫꦺꦠ꧀ ꦫꦠꦸꦤꦺ​ꦮꦺꦴꦁ​ꦙꦸ꧉​” ³⁸ꦧꦉꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦲꦺꦤꦺꦁꦮꦺꦴꦁ​ꦤꦏꦭ꧀ꦭꦺꦴꦫꦺꦴ​ꦢꦶꦥꦼꦤ꧀ꦠꦺꦁ꧈​ꦱꦶꦗꦶ​ꦤꦁꦱꦼꦧꦼꦭꦃꦠꦼꦔꦼꦤ꧀ ꦭꦶꦪꦤꦺ​ꦤꦁꦱꦼꦧꦼꦭꦃꦏꦶꦮ​꧉​ ³⁹꧋ꦮꦺꦴꦁꦮꦺꦴꦁ​ꦱꦶꦁ​ꦭꦶꦮꦠ꧀ꦏꦺꦴꦤꦺꦴ​ꦥꦢ​ꦒꦺꦢꦺꦏ꧀ꦒꦺꦢꦺꦏ꧀ꦭꦤ꧀ꦩꦺꦴꦪꦺꦴꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴⁰ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦺꦴꦮꦺ​ꦗꦫꦺꦤꦺ​ꦲꦉꦥ꧀ꦲꦩ꧀ꦧꦸꦧꦿꦃ​ꦒꦿꦺꦗ​ꦒꦼꦢꦺ​ꦭꦤ꧀ꦲꦉꦥ꧀ꦔꦼꦢꦼꦏ꧀ꦏꦏꦺꦩꦼꦤꦺꦃ​ꦱꦏ꧀ꦗꦼꦫꦺꦴꦤꦺꦠꦼꦭꦸꦁ​ꦢꦶꦤ​꧉​ꦤꦺꦏ꧀ꦏꦺꦴꦮꦺ​ꦥꦚ꧀ꦕꦺꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦤ꧀ ꦗꦗꦭ꧀ꦲꦸꦕꦸꦭ꧀ꦭꦶ​ꦲꦮꦏ꧀ꦩꦸ​ꦢꦺꦮꦺꦭꦤ꧀ꦩꦼꦢꦸꦤ꧀ꦤꦱꦁꦏꦥꦼꦤ꧀ꦠꦺꦁꦔꦤ꧀!” ⁴¹ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀​ꦭꦤ꧀ꦲꦸꦒ​ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦥꦢ​ꦩꦺꦭꦸ​ꦩꦺꦴꦪꦺꦴꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴²ꦥꦢ​ꦔꦺꦴꦩꦺꦴꦁꦔꦺꦤꦺ​:“ꦮꦺꦴꦁ​ꦭꦶꦪꦤꦺ​ꦢꦶꦠꦸꦭꦸꦁꦔꦶ​꧈​ꦭꦃ​ꦲꦮꦏ꧀ꦏꦺ​ꦢꦺꦏ꧀ꦤꦺꦢꦺꦮꦺꦲꦺꦴꦫ​ꦧꦶꦱ​ꦤꦸꦭꦸꦁꦔꦶ​!ꦤꦺꦏ꧀ꦮꦺꦴꦁ​ꦲꦶꦏꦶ​ꦥꦚ꧀ꦕꦺꦤ꧀ꦫꦠꦸꦤꦺ​ꦆꦱꦿꦌꦭ꧀ꦠꦼꦤꦤ꧀ ꦗꦗꦭ꧀ꦩꦼꦢꦸꦤ꧀ꦱꦁꦏꦥꦼꦤ꧀ꦠꦺꦁꦔꦤ꧀ ꦢꦢꦶꦤꦺ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦥꦽꦕꦪ​꧉​ ⁴³ꦢꦺꦏ꧀ꦤꦺꦚ꧀ꦗꦒꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦔꦏꦸꦤꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦠꦿꦺꦱ꧀ꦤꦩꦫꦁ​ꦢꦺꦏ꧀ꦤꦺ꧈​ꦢꦶꦠꦸꦭꦸꦁꦔꦶ​ꦏꦺꦴꦤꦺꦴ​!” ⁴⁴꧋ꦮꦺꦴꦁ​ꦤꦏꦭ꧀ꦱꦶꦁ​ꦢꦶꦥꦼꦤ꧀ꦠꦺꦁꦧꦉꦁ​꧈​ꦲꦸꦒ​ꦥꦢ​ꦩꦺꦭꦸ​ꦩꦺꦴꦪꦺꦴꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦤꦶꦁ​ꦒꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁴⁵꧋ꦩꦺꦴꦭꦃꦲꦶꦗꦩ꧀ꦫꦺꦴꦭꦱ꧀ꦲꦮꦤ꧀ꦱꦏ꧀ꦤꦼꦒꦫ​ꦩꦭꦶꦃ​ꦥꦼꦠꦼꦁ​꧈​ꦏꦶꦫꦏꦶꦫ​ꦠꦼꦭꦸꦁ​ꦗꦩ꧀ꦱꦸꦮꦺꦤꦺ​꧉​ ⁴⁶ꦏꦶꦫꦏꦶꦫ​ꦗꦩ꧀ꦠꦼꦭꦸ​ꦱꦺꦴꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​:“ꦌꦭꦺꦴꦆ​꧈​ꦌꦭꦺꦴꦆ​꧈​ꦭꦩꦃꦱꦧꦏ꧀ꦠꦤꦶ!”ꦏꦸꦮꦶ​ꦠꦼꦒꦼꦱ꧀ꦱꦺ​:“ꦒꦸꦱ꧀ꦠꦶꦏꦸ​꧈​ꦒꦸꦱ꧀ꦠꦶꦏꦸ​꧈​ꦏꦼꦤꦺꦁꦲꦥ​ꦲꦏꦸ​ꦏꦺꦴꦏ꧀​ꦩ꧀ꦧꦺꦴꦏ꧀ꦠꦶꦁꦒꦭ꧀?” ⁴⁷꧋ꦮꦺꦴꦁꦮꦺꦴꦁ​ꦱꦶꦁ​ꦭꦶꦮꦠ꧀ꦏꦺꦴꦤꦺꦴ​ꦱꦶꦁ​ꦥꦢ​ꦏꦿꦸꦔꦸ​ꦏꦸꦮꦶ​ꦥꦢ​ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦚꦼꦭꦸꦏ꧀ꦤꦧꦶ​ꦌꦭꦶꦪ​꧉​” ⁴⁸ꦠꦼꦫꦸꦱ꧀ꦲꦺꦤꦺꦁꦱꦶꦗꦶ​ꦚ꧀ꦗꦶꦏꦸꦏ꧀ꦱ꧀ꦥꦺꦴꦤ꧀ꦢꦶꦲꦼꦕ꧀ꦭꦸꦥ꧀ꦏꦺꦤꦁꦲꦁꦒꦸꦂ​ꦏꦼꦕꦸꦠ꧀꧈​ꦱ꧀ꦥꦺꦴꦤ꧀ꦱ꧀​ꦱꦺ​ꦠꦼꦫꦸꦱ꧀ꦢꦶꦥꦱꦁ​ꦤꦁꦥꦸꦕꦸꦏ꧀ꦏꦺ​ꦒꦫꦤ꧀ꦏꦪꦸ​ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦚꦼꦱꦼꦥ꧀꧈​ ⁴⁹꧋ꦤꦁꦔꦶꦁ​ꦮꦺꦴꦁꦮꦺꦴꦁ​ꦭꦶꦪꦤꦺ​ꦔꦺꦴꦩꦺꦴꦁ:“ꦩꦼꦁꦏꦺꦴ​ꦤ꧀ꦢꦶꦱꦶꦏ꧀ ꦗꦗꦭ꧀ꦢꦶꦲꦼꦤ꧀ꦠꦺꦤ꧀ꦤꦶ​꧈​ꦤꦧꦶ​ꦌꦭꦶꦪ​ꦲꦉꦥ꧀ꦤꦸꦭꦸꦁꦔꦶ​ꦢꦺꦏ꧀ꦤꦺꦲꦥ​ꦲꦺꦴꦫ​!” ⁵⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​ꦱꦼꦥꦶꦱ꧀ꦱꦤ꧀ꦩꦼꦤꦺꦃ​꧈​ꦠꦼꦫꦸꦱ꧀ꦤꦶꦁꦒꦭ꧀꧈​ ⁵¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦏꦺꦴꦂꦢꦺꦤ꧀ꦤꦺꦒꦿꦺꦗ​ꦒꦼꦢꦺ​ꦱꦸꦮꦺꦏ꧀ꦢꦢꦶ​ꦭꦺꦴꦫꦺꦴ​꧈​ꦱꦁꦏꦤ꧀ꦢꦸꦮꦸꦂꦩꦼꦔꦶꦱꦺꦴꦂ​꧉​ꦠꦼꦫꦸꦱ꧀ꦲꦺꦤꦺꦁꦭꦶꦤ꧀ꦢꦸꦭꦤ꧀ꦒꦸꦤꦸꦁꦒꦸꦤꦸꦁ​ꦥꦢ​ꦩ꧀ꦧꦼꦁꦏꦏ꧀꧈​ ⁵²ꦏꦸꦧꦸꦂꦫꦤ꧀ꦏꦸꦧꦸꦂꦫꦤ꧀​ꦥꦢ​ꦩꦼꦔ​ꦭꦤ꧀ꦲꦺꦴꦏꦺꦃꦮꦺꦴꦁ​ꦩꦠꦶ​ꦱꦶꦁ​ꦩꦲꦸꦤꦺ​ꦠꦼꦩꦼꦤ꧀ꦤꦸꦫꦸꦠ꧀ꦒꦸꦱ꧀ꦠꦶ​꧈​ꦥꦢ​ꦲꦸꦫꦶꦥ꧀ꦩꦼꦤꦺꦃ​꧉​ ⁵³ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦩꦼꦠꦸ​ꦱꦁꦏꦏꦸꦧꦸꦂꦫꦤ꧀ꦤꦺ​ꦭꦤ꧀ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦔꦶ​ꦱꦁꦏꦥꦠꦶ​꧈​ꦮꦺꦴꦁꦮꦺꦴꦁ​ꦲꦶꦏꦶ​ꦩ꧀ꦊꦧꦸ​ꦤꦁꦏꦸꦠꦱꦸꦕꦶ​ꦪꦺꦫꦸꦱꦭꦺꦩ꧀꧈​ꦤꦁꦏꦺꦴꦤꦺꦴ​ꦮꦺꦴꦁ​ꦲꦺꦴꦏꦺꦃꦥꦢ​ꦮꦼꦫꦸꦃ​ꦮꦺꦴꦁꦮꦺꦴꦁ​ꦲꦶꦏꦶ​꧉​ ⁵⁴꧋ꦏꦸꦩꦼꦤ꧀ꦢꦤ꧀ꦏꦸꦩꦼꦤ꧀ꦢꦤ꧀​ꦭꦤ꧀ꦥꦫ​ꦱꦺꦴꦭ꧀ꦢꦠ꧀ꦠꦺꦱꦶꦁ​ꦚ꧀ꦗꦒ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦏꦿꦱ​ꦭꦶꦤ꧀ꦢꦸꦤꦺꦭꦤ꧀ꦲꦸꦒ​ꦥꦢ​ꦮꦼꦫꦸꦃ​ꦱꦼꦩ꧀ꦧꦫꦁ​ꦱꦶꦁ​ꦏ꧀ꦭꦏꦺꦴꦤ꧀ꦩꦲꦸ​꧉​ꦏꦧꦺꦃ​ꦥꦢ​ꦮꦼꦢꦶ​ꦠꦼꦤꦤ꧀ꦭꦤ꧀ꦥꦢ​ꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦥꦚ꧀ꦕꦺꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦤ꧀꧈​” ⁵⁵꧋ꦤꦁꦏꦺꦴꦤꦺꦴ​ꦲꦺꦴꦏꦺꦃꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦚꦮꦁ​ꦱꦁꦏꦏꦢꦺꦴꦃꦲꦤ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦩꦲꦸꦤꦺ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦮꦶꦠ꧀ꦱꦁꦏꦧꦮꦃꦓꦭꦶꦭꦺꦪ​꧈​ꦠꦸꦗꦸꦮꦤ꧀ꦤꦺ​ꦔ꧀ꦭꦢꦺꦤ꧀ꦤꦶ​ꦢꦺꦏ꧀ꦤꦺ꧉​ ⁵⁶ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦏꦶ​ꦏꦪꦢꦺꦤꦺ:ꦩꦫꦶꦪꦩꦏ꧀ꦢꦭꦺꦤ꧈​ꦩꦫꦶꦪꦲꦶꦧꦸꦤꦺ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦱꦺꦥ꦳꧀ꦭꦤ꧀ꦧꦺꦴꦗꦺꦴꦤꦺ​ꦯꦺꦧꦺꦢꦺꦪꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦸꦧꦸꦂ​꧉​

⁵⁷꧋ꦲꦶꦁ​ꦮꦪꦃ​ꦱꦺꦴꦫꦺ​ꦲꦺꦤꦺꦁꦮꦺꦴꦁ​ꦱꦸꦒꦶꦃ​ꦱꦁꦏꦏꦸꦠꦄꦫꦶꦩꦠꦺꦪ​ꦠꦼꦏ​꧉​ꦮꦺꦴꦁꦔꦺ​ꦗꦼꦤꦼꦁꦔꦺ​ꦪꦺꦴꦱꦺꦥ꦳꧀ꦭꦤ꧀ꦢꦺꦏ꧀ꦤꦺꦲꦸꦒ​ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵⁸ꦪꦺꦴꦱꦺꦥ꦳꧀ꦲꦶꦏꦶ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦥꦶꦭꦠꦸꦱ꧀ꦤꦼꦩ꧀ꦧꦸꦁ​ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦥꦶꦭꦠꦸꦱ꧀ꦠꦼꦫꦸꦱ꧀ꦩꦿꦺꦤ꧀ꦠꦃ​ꦱꦸꦥꦪ​ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦪꦺꦴꦱꦺꦥ꦳꧀꧈​ ⁵⁹ꦪꦺꦴꦱꦺꦥ꦳꧀ꦠꦼꦫꦸꦱ꧀ꦔꦼꦢꦸꦤ꧀ꦤꦏꦺꦭꦪꦺꦴꦤꦺ​ꦱꦁꦏꦥꦼꦤ꧀ꦠꦺꦁꦔꦤ꧀ ꦠꦼꦫꦸꦱ꧀ꦢꦶꦧꦸꦤ꧀ꦠꦼꦭ꧀ꦩꦺꦴꦫꦶ​ꦲꦚꦂ​꧉​ ⁶⁰ꦭꦪꦺꦴꦤꦺ​ꦠꦼꦫꦸꦱ꧀ꦢꦶꦱꦺꦭꦺꦃꦲꦏꦺꦤꦁꦏꦸꦧꦸꦂꦫꦤ꧀ꦤꦺ​ꦪꦺꦴꦱꦺꦥ꦳꧀ꦢꦺꦮꦺꦱꦶꦁ​ꦲꦶꦗꦶꦏ꧀ꦲꦚꦂ​꧉​ꦏꦸꦧꦸꦂꦫꦤ꧀ꦲꦶꦏꦶ​ꦱꦏ꧀ꦮꦶꦗꦶꦤꦺꦒꦸꦮ​ꦱꦶꦁ​ꦢꦶꦒꦿꦺꦴꦮꦺꦴꦁ​ꦤꦁꦮꦠꦸ​꧉​ꦱꦏ꧀ꦮꦶꦱ꧀ꦱꦺ​ꦤꦸꦠꦸꦥ꧀ꦭꦮꦁꦔꦺ​ꦏꦸꦧꦸꦂꦫꦤ꧀ꦤꦺ​ꦏꦫꦺꦴ​ꦮꦠꦸ​ꦒꦼꦢꦺ​꧈​ꦪꦺꦴꦱꦺꦥ꦳꧀ꦠꦼꦫꦸꦱ꧀ꦭꦸꦔ​꧉​ ⁶¹꧋ꦩꦫꦶꦪꦩꦏ꧀ꦢꦭꦺꦤꦭꦤ꧀ꦩꦫꦶꦪꦱꦶꦁ​ꦭꦶꦪꦤꦺ​ꦥꦢ​ꦏꦺꦫꦶ​ꦤꦁꦏꦺꦴꦤꦺꦴ​꧈​ꦚ꧀ꦗꦒꦺꦴꦁꦤꦁꦔꦉꦥ꧀ꦥꦺ​ꦏꦸꦧꦸꦂꦫꦤ꧀꧈​

꧋ꦏꦸꦧꦸꦂꦫꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦗꦒ​꧉​

⁶²꧋ꦲꦺꦱꦸꦏ꧀ꦏꦺ​꧈​ꦲꦶꦁ​ꦢꦶꦤ​ꦱꦧꦠ꧀ ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦥꦶꦭꦠꦸꦱ꧀꧈​ ⁶³ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦧꦥꦏ꧀ꦒꦿꦩꦁ꧈​ꦲꦮꦏ꧀ꦏꦺ​ꦢꦺꦮꦺꦏꦺꦭꦶꦁꦔꦤ꧀ꦤꦺꦏ꧀ꦮꦺꦴꦁ​ꦠꦸꦏꦁ​ꦔꦥꦸꦱ꧀ꦱꦶ​ꦏꦸꦮꦶ​ꦠꦲꦸ​ꦔꦺꦴꦩꦺꦴꦁꦔꦺꦤꦺ​ꦢꦺꦴꦁꦔꦺꦲꦶꦗꦶꦏ꧀ꦲꦸꦫꦶꦥ꧀:'ꦱꦏ꧀ꦮꦶꦱ꧀ꦱꦺ​ꦠꦼꦭꦸꦁ​ꦢꦶꦤ​ꦲꦏꦸ​ꦧꦏꦭ꧀ꦲꦸꦫꦶꦥ꧀ꦩꦼꦤꦺꦃ​꧉'​ ⁶⁴ꦩꦸꦭꦤꦺ​ꦲꦥꦶꦏ꧀ꦤꦺꦏ꧀ꦧꦥꦏ꧀ꦒꦿꦩꦁꦩꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀​ꦚ꧀ꦗꦒ​ꦏꦸꦧꦸꦂꦫꦤ꧀ꦤꦺ​ꦠꦼꦏꦤ꧀ꦠꦼꦭꦸꦁ​ꦢꦶꦤꦤꦺ​꧉​ꦲꦮꦶꦠ꧀ꦤꦺꦏ꧀ꦲꦺꦴꦫ​ꦔꦺꦴꦤꦺꦴ​꧈​ꦩꦼꦁꦏꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦧꦶꦱ​ꦚꦺꦴꦭꦺꦴꦁ​ꦭꦪꦺꦴꦤꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:'ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦫꦶꦥ꧀ꦩꦼꦤꦺꦃ​꧉'​ꦭꦃ​ꦲꦥꦸꦱ꧀ꦱꦤ꧀ꦱꦶꦁ​ꦲꦚꦂ​ꦲꦶꦏꦶ​ꦩꦼꦁꦏꦺꦴ​ꦚꦩꦂꦫꦶꦔꦸꦁꦏꦸꦭ꧀ꦭꦶ​ꦲꦥꦸꦱ꧀ꦱꦤ꧀ꦱꦶꦁ​ꦤ꧀ꦢꦶꦱꦶꦏ꧀꧈​” ⁶⁵꧋ꦥꦶꦭꦠꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦤ​ꦔ꧀ꦒꦮ​ꦱꦺꦴꦭ꧀ꦢꦠ꧀ꦭꦤ꧀ꦏꦸꦧꦸꦂꦫꦤ꧀ꦤꦺ​ꦢꦶꦗꦒ​ꦱꦶꦁ​ꦲꦥꦶꦏ꧀꧈​” ⁶⁶ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦤꦁꦏꦸꦧꦸꦂꦫꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦭꦮꦁꦔꦺ​ꦏꦸꦧꦸꦂꦫꦤ꧀ꦤꦺ​ꦠꦼꦫꦸꦱ꧀ꦢꦶꦱꦺꦒꦼꦭ꧀ꦭꦤ꧀ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦠꦺꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒ​ꦤꦁꦏꦺꦴꦤꦺꦴ​꧉​

꧋ꦠꦔꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦥꦠꦶ​꧉​

꧇​꧒꧘꧇​ ¹꧋ꦏꦢꦸꦁ​ꦢꦶꦤ​ꦱꦧꦠ꧀ꦮꦶꦱ꧀​ꦏ꧀ꦭꦶꦮꦠ꧀ ꦲꦶꦁ​ꦢꦶꦤ​ꦩꦶꦁꦒꦸ​ꦲꦺꦱꦸꦏ꧀ꦩꦿꦸꦥꦸꦠ꧀ ꦩꦫꦶꦪꦩꦏ꧀ꦢꦭꦺꦤꦭꦤ꧀ꦩꦫꦶꦪꦭꦶꦪꦤꦺ​ꦥꦢ​ꦭꦸꦔ​ꦤꦶꦭꦶꦏ꧀ꦏꦶ​ꦏꦸꦧꦸꦂꦫꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²ꦢꦢꦏ꧀ꦏꦤ꧀ꦮꦲꦺ​ꦲꦺꦤꦺꦁꦭꦶꦤ꧀ꦢꦸꦱꦶꦁ​ꦒꦼꦢꦺ​ꦧꦔꦼꦠ꧀ ꦲꦮꦶꦠ꧀ꦲꦺꦤꦺꦁꦩꦸꦭꦺꦏꦠ꧀ꦩꦼꦢꦸꦤ꧀ꦱꦁꦏꦱ꧀ꦮꦂꦒ​꧉​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀​ꦔ꧀ꦒꦸꦤ꧀ꦢꦸꦁꦔꦏꦺꦮꦠꦸ​ꦠꦸꦠꦸꦥ꧀ꦥꦺ​ꦏꦸꦧꦸꦂꦫꦤ꧀ ꦠꦼꦫꦸꦱ꧀​ꦚ꧀ꦗꦒꦺꦴꦁꦤꦁꦮꦠꦸ​ꦩꦲꦸ​꧉​ ³ꦩꦸꦭꦺꦏꦠ꧀ꦠꦺꦏꦺꦠꦺꦴꦏ꧀ꦏꦺ​ꦏꦪ​ꦏ꧀ꦭꦺꦭꦥ꧀ꦥꦺꦧ꧀ꦊꦢꦺꦏ꧀ꦭꦤ꧀ꦱꦭꦶꦤ꧀ꦤꦺꦥꦸꦠꦶꦃ​ꦱꦸꦩꦼꦧ꧀ꦭꦏ꧀꧈​ ⁴ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦏꦺꦴꦤꦺꦴ​ꦥꦢ​ꦏꦒꦺꦠ꧀ꦠꦼꦤꦤ꧀ꦭꦤ꧀ꦱꦁꦏꦶꦁꦮꦼꦢꦶꦤꦺ​ꦱꦩ꧀ꦥꦺꦏ꧀ꦥꦢ​ꦏꦪ​ꦮꦺꦴꦁ​ꦩꦠꦶ​꧉​ ⁵꧋ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​:“ꦲꦗ​ꦥꦢ​ꦮꦼꦢꦶ​!ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦪꦺꦯꦸꦱ꧀ꦱꦶꦁ​ꦮꦶꦱ꧀ꦢꦶꦥꦼꦤ꧀ꦠꦺꦁ꧉​ ⁶ꦢꦺꦏ꧀ꦤꦺꦲꦺꦴꦫ​ꦤꦁꦏꦺꦤꦺ​꧈​ꦢꦺꦏ꧀ꦤꦺꦮꦶꦱ꧀ꦠꦔꦶ​꧈​ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦢꦶꦲꦺꦴꦩꦺꦴꦁꦔꦏꦺꦢꦺꦏ꧀​ꦩ꧀ꦧꦶꦪꦺꦤ꧀꧈​ꦲꦩ꧀ꦧꦺꦴꦏ꧀ꦗꦗꦭ꧀ꦢꦶꦢꦼꦭꦺꦴꦏ꧀ꦥꦁꦒꦺꦴꦤ꧀ꦤꦤ꧀ꦠꦶꦭꦱ꧀ꦱꦺ​꧉​ ⁷ꦩꦸꦭꦤꦺ​ꦏꦤ​ꦥꦢ​ꦤ꧀ꦢꦁꦧꦭꦶꦏ꧀ꦏꦔꦺꦴꦩꦺꦴꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦺꦏ꧀ꦢꦺꦏ꧀ꦤꦺꦮꦶꦱ꧀ꦠꦔꦶ​ꦭꦤ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀ꦏꦶ​ꦤꦁꦓꦭꦶꦭꦺꦪ​꧉​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦧꦏꦭ꧀ꦩꦼꦠꦸꦮꦢꦺꦏ꧀ꦤꦺꦤꦁꦏꦤ​꧉​ꦪꦏꦸꦮꦶ​ꦱꦶꦁ​ꦏꦸꦢꦸ​ꦠꦏ꧀ꦲꦺꦴꦩꦺꦴꦁꦔꦏꦺꦩꦫꦁ​ꦏꦺꦴꦮꦺ​꧉​” ⁸꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦭꦸꦔ​ꦱꦁꦏꦏꦸꦧꦸꦂꦫꦤ꧀ꦏꦺꦴꦤꦺꦴ​ꦏꦫꦺꦴ​ꦫꦱ​ꦮꦼꦢꦶ​ꦕꦩ꧀ꦥꦸꦂ​ꦧꦸꦔꦃ​꧉​ꦩ꧀ꦭꦏꦸꦤꦺ​ꦒꦼꦭꦶꦱ꧀ ꦲꦮꦶꦠ꧀​ꦤ꧀ꦢꦁꦏꦼꦥꦺꦔꦶꦤ꧀ꦔꦺꦴꦩꦺꦴꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​꧉​ ⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦠꦸꦮꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​꧈​ꦔꦺꦴꦩꦺꦴꦁ:“ꦥꦢ​ꦱ꧀ꦭꦩꦼꦠ꧀ꦠ​!”ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦥꦢ​ꦚꦼꦢꦼꦏ꧀ꦏꦶꦭꦤ꧀ꦱꦸꦗꦸꦠ꧀ꦤꦁꦔꦉꦥ꧀ꦥꦺ​꧈​ꦠꦼꦫꦸꦱ꧀ꦥꦢ​ꦚꦼꦏꦼꦭ꧀ꦭꦶ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁰ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦗ​ꦥꦢ​ꦮꦼꦢꦶ​!ꦏꦤ​ꦧꦭꦶꦏ꧀ꦏꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​ꦥꦢ​ꦢꦶꦲꦺꦴꦩꦺꦴꦁꦔꦶꦏꦺꦴꦁꦏꦺꦴꦤ꧀ꦥꦢ​ꦧꦸꦢꦭ꧀ꦤꦁꦓꦭꦶꦭꦺꦪ​꧉​ꦤꦁꦏꦤ​ꦩꦼꦁꦏꦺꦴ​ꦧꦏꦭ꧀ꦮꦼꦫꦸꦃ​ꦲꦏꦸ​!”

꧋ꦠꦼꦩ꧀ꦧꦸꦁꦔꦺ​ꦱꦶꦁ​ꦗꦒ​ꦏꦸꦧꦸꦂꦫꦤ꧀꧈​

¹¹꧋ꦢꦺꦴꦁꦔꦺꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦗꦶꦏ꧀ꦥꦢ​ꦩ꧀ꦭꦏꦸ​꧈​ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦏꦸꦧꦸꦂꦫꦤ꧀ꦠꦼꦫꦸꦱ꧀ꦥꦢ​ꦭꦸꦔ​ꦤꦁꦏꦸꦠꦪꦺꦫꦸꦱꦭꦺꦩ꧀ ꦲꦉꦥ꧀ꦔꦺꦴꦩꦺꦴꦁꦔꦶꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦧꦧ꧀ꦲꦥ​ꦱꦶꦁ​ꦏ꧀ꦭꦏꦺꦴꦤ꧀ꦏꦧꦺꦃ​꧉​ ¹²ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦠꦼꦫꦸꦱ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦏꦫꦺꦴ​ꦥꦫ​ꦥꦶꦤꦶꦠꦸꦮꦤꦺ​ꦧꦁꦱ​ꦙꦸ꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦔꦼꦏꦺꦏ꧀ꦏꦶꦢꦸꦮꦶꦠ꧀ꦲꦺꦴꦏꦺꦃꦩꦫꦁ​ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦏꦸꦧꦸꦂꦫꦤ꧀꧈​ ¹³ꦥꦫ​ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦢꦶꦏꦺꦴꦁꦏꦺꦴꦤ꧀ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦤꦺꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏ​ꦲꦶꦁ​ꦮꦪꦃ​ꦮꦼꦔꦶ​ꦠꦼꦫꦸꦱ꧀ꦚꦺꦴꦭꦺꦴꦁ​ꦭꦪꦺꦴꦤꦺ​꧈​ꦢꦺꦴꦁꦔꦺꦱꦶꦁ​ꦗꦒ​ꦲꦶꦗꦶꦏ꧀ꦠꦸꦫꦸ​꧉​ ¹⁴ꦥꦫ​ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦏꦸꦧꦸꦂꦫꦤ꧀ꦢꦶꦥꦼꦔꦶꦁ​ꦮꦼꦢꦶ​꧈​ꦱꦼꦤꦗꦤ꧀ꦒꦿꦩꦁꦔꦺꦏꦿꦸꦔꦸ​꧈​ꦲꦮꦶꦠ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦧꦏꦭ꧀ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦢꦺꦏ꧀ꦤꦺ꧈​ꦱꦸꦥꦪ​ꦱꦶꦁ​ꦗꦒ​ꦏꦸꦧꦸꦂꦫꦤ꧀ꦲꦺꦴꦫ​ꦧꦏꦭ꧀ꦢꦶꦱꦼꦠꦿꦥ꧀꧈​ ¹⁵꧋ꦥꦫ​ꦱꦺꦴꦭ꧀ꦢꦠ꧀ꦩꦲꦸ​ꦠꦼꦫꦸꦱ꧀ꦤꦩ꧀ꦥ​ꦢꦸꦮꦶꦠ꧀ꦠꦺꦭꦤ꧀ꦤꦸꦫꦸꦠ꧀ꦠꦶ​ꦲꦥ​ꦏꦉꦥ꧀ꦥꦺ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦶꦤꦶꦠꦸꦮꦤꦺ​ꦧꦁꦱ​ꦙꦸ꧉​ꦠꦼꦩ꧀ꦧꦸꦁꦔꦺ​ꦥꦫ​ꦱꦺꦴꦭ꧀ꦢꦠ꧀ꦩꦲꦸ​ꦠꦼꦫꦸꦱ꧀ꦏꦼꦱꦼꦧꦂꦤꦁꦠꦼꦔꦃꦲꦺ​ꦧꦁꦱ​ꦙꦸ꧈​ꦠꦼꦏꦤ꧀ꦱꦼꦥꦿꦺꦤꦺ​꧉​

꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​

¹⁶꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦮꦼꦭꦱ꧀ꦥꦢ​ꦧꦸꦢꦭ꧀ꦤꦁꦓꦭꦶꦭꦺꦪ​꧈​ꦤꦁꦒꦸꦤꦸꦁ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁷ꦏꦢꦸꦁ​ꦥꦢ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦱꦸꦗꦸꦠ꧀ꦤꦁꦔꦉꦥ꧀ꦥꦺ​꧉​ꦤꦁꦔꦶꦁ​ꦲꦺꦤꦺꦁꦩꦸꦫꦶꦢ꧀ꦱꦶꦗꦶꦭꦺꦴꦫꦺꦴꦱꦶꦁ​ꦢꦸꦫꦸꦁ​ꦥꦽꦕꦪ​꧉​ ¹⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦢꦼꦏ꧀ꦏꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁ:“ꦱꦏ꧀ꦲꦺꦤꦺꦁꦔꦺꦥꦔ꧀ꦮꦱ​ꦤꦁꦱ꧀ꦮꦂꦒ​ꦭꦤ꧀ꦤꦁꦧꦸꦩꦶ​ꦮꦶꦱ꧀ꦢꦶꦥꦱꦿꦃꦲꦏꦺꦩꦫꦁ​ꦲꦏꦸ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁹ꦩꦸꦭꦤꦺ​꧈​ꦏꦤ​ꦥꦢ​ꦧꦸꦢꦭ꧀ꦭ꧈​ꦧꦁꦱꦧꦁꦱ​ꦤꦁꦱꦏ꧀ꦭꦸꦩꦃꦲꦺꦧꦸꦩꦶ​ꦢꦶꦥꦫꦤ꧀ꦤꦶ​ꦏꦧꦺꦃ​ꦭꦤ꧀ꦢꦶꦢꦢꦺꦏ꧀ꦏꦏꦺꦩꦸꦫꦶꦢ꧀ꦏꦸ​꧉​ꦥꦢ​ꦢꦶꦧꦥ꧀ꦠꦶꦱ꧀ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧈​ꦲꦤꦏ꧀ꦏꦺ​ꦭꦤ꧀ꦫꦺꦴꦃ​ꦱꦸꦕꦶ​꧉​ ²⁰ꦥꦢ​ꦢꦶꦧ꧀ꦭꦗꦂꦫꦶꦤꦸꦫꦸꦠ꧀ꦠꦶ​ꦱꦏ꧀ꦏꦺꦃꦲꦺꦥꦶꦮꦸꦭꦁ​ꦱꦶꦁ​ꦮꦶꦱ꧀ꦠꦏ꧀ꦮꦸꦭꦁꦔꦏꦺꦩꦫꦁ​ꦏꦺꦴꦮꦺ​꧉​ꦭꦤ꧀ꦥꦢ​ꦠꦶꦠꦺꦤ꧀ꦤꦤ꧀ꦤ​꧈​ꦲꦏꦸ​ꦧꦏꦭ꧀ꦔꦚ꧀ꦕꦤꦶ​ꦏꦺꦴꦮꦺ​ꦠꦼꦫꦸꦱ꧀ꦠꦼꦏꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀꧈​”

꧋ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

꧇​꧑꧇​ ¹꧋ꦲꦶꦏꦶ​ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²ꦏꦧꦂ​ꦏꦧꦸꦔꦃꦲꦤ꧀ꦲꦶꦏꦶ​ꦮꦶꦮꦶꦠ꧀ꦠꦤ꧀ꦤꦺ​ꦏꦪ​ꦱꦶꦁ​ꦮꦶꦱ꧀ꦢꦶꦠꦸꦭꦶꦱ꧀ꦏꦫꦺꦴ​ꦤꦧꦶ​ꦪꦺꦱꦪ​ꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀꧈​ꦏꦼꦠꦸꦭꦶꦱ꧀ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦲꦤꦏ꧀ꦏꦺ​:

“ꦪ​ꦮꦺꦴꦁ​ꦲꦶꦏꦶ​ꦱꦶꦁ​ꦠꦏ꧀ꦏꦺꦴꦁꦏꦺꦴꦤ꧀ꦠꦼꦏ​ꦤ꧀ꦢꦶꦱꦶꦏ꧀
ꦏꦺꦴꦁꦏꦺꦴꦤ꧀ꦤꦠ​ꦲꦠꦶꦤꦺ​ꦮꦺꦴꦁꦮꦺꦴꦁ​꧈​
ꦱꦸꦥꦪ​ꦥꦢ​ꦒꦼꦊꦩ꧀​ꦔ꧀ꦒꦸꦒꦸ​ꦩꦫꦁ​ꦏꦺꦴꦮꦺ​!”

³꧋ꦠꦼꦫꦸꦱ꧀ꦲꦺꦤꦺꦁꦠꦸꦭꦶꦱ꧀ꦱꦤ꧀ꦩꦼꦤꦺꦃ​ꦔꦺꦴꦩꦺꦴꦁꦔꦺꦤꦺ​:

“ꦤꦁꦮꦸꦱ꧀ꦠꦺꦤ꧀ꦲꦺꦤꦺꦁꦮꦺꦴꦁ​ꦧꦼꦔꦺꦴꦏ꧀ꦧꦼꦔꦺꦴꦏ꧀
ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦥꦢ​ꦤꦠ​ꦲꦸꦫꦶꦥ꧀ꦥꦺ꧈​
ꦲꦮꦶꦠ꧀ꦒꦸꦱ꧀ꦠꦶ​ꦲꦉꦥ꧀ꦠꦼꦏ​꧉​”

^4-6ꦏꦸꦮꦶ​ꦩꦲꦸ​ꦏꦧꦺꦃ​ꦔꦺꦴꦩꦺꦴꦁꦔꦏꦺꦪꦺꦴꦲꦤꦼꦱ꧀ꦱꦶꦁ​ꦩꦁꦒꦺꦴꦤ꧀ꦤꦁꦮꦸꦱ꧀ꦠꦺꦤ꧀꧈​ꦱꦭꦶꦤ꧀ꦤꦺꦪꦺꦴꦲꦤꦼꦱ꧀ꦮꦸꦭꦸ​ꦲꦸꦤ꧀ꦠ​ꦭꦤ꧀ꦱꦧꦸꦏ꧀ꦏꦺ​ꦭꦸꦭꦁ​꧉​ꦥꦔꦤ꧀ꦤꦺ​ꦤꦩꦸꦁ​ꦮꦭꦁ​ꦭꦤ꧀ꦩꦢꦸꦤꦺ​ꦠꦮꦺꦴꦤ꧀ꦲꦭꦱ꧀ꦱꦤ꧀꧈​ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦥꦢ​ꦤꦶꦁꦒꦭ꧀​ꦏ꧀ꦭꦏꦸꦮꦤ꧀ꦲꦭ​ꦭꦤ꧀ꦥꦢ​ꦢꦶꦧꦥ꧀ꦠꦶꦱ꧀ ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦥꦸꦫ​ꦱꦭꦃꦲꦺ​ꦏꦧꦺꦃ​꧉​ꦱꦁꦏꦧꦮꦃꦪꦸꦢꦺꦪ​ꦭꦤ꧀ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦠꦼꦏ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦪꦺꦴꦲꦤꦼꦱ꧀꧈​ꦏꦧꦺꦃ​ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦥꦢ​ꦢꦶꦧꦥ꧀ꦠꦶꦱ꧀ꦤꦁꦭꦫꦪꦺꦴꦂꦢꦤ꧀꧈​ ⁷꧋ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦔꦺꦤꦺ​:“ꦧꦏꦭ꧀ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦠꦼꦏ​꧉​ꦮꦺꦴꦁ​ꦏꦸꦮꦶ​ꦏ꧀ꦮꦱꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦲꦏꦸ​꧉​ꦲꦏꦸ​ꦗꦤ꧀​ꦧ꧀ꦭꦱ꧀ꦲꦺꦴꦫ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦢꦺꦏ꧀ꦤꦺ! ⁸ꦲꦏꦸ​ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦤꦩꦸꦁ​ꦏꦫꦺꦴ​ꦧꦚꦸ​꧈​ꦤꦁꦔꦶꦁ​ꦢꦺꦏ꧀ꦤꦺꦧꦏꦭ꧀ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦏꦫꦺꦴ​ꦫꦺꦴꦃ​ꦱꦸꦕꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​

⁹꧋ꦲꦶꦁ​ꦮꦪꦃ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦏꦸꦠꦟꦱꦫꦺꦠ꧀ ꦱꦁꦏꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀ꦤꦁꦭꦫꦪꦺꦴꦂꦢꦤ꧀꧈​ ¹⁰ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦼꦤ꧀ꦠꦱ꧀ꦱꦁꦏꦧꦚꦸ​꧈​ꦢꦺꦏ꧀ꦤꦺ​ꦠꦼꦫꦸꦱ꧀ꦮꦼꦫꦸꦃ​ꦭꦔꦶꦠ꧀ꦠꦺ​ꦩꦼꦔ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦫꦺꦴꦃ​ꦱꦸꦕꦶ​ꦩꦼꦢꦸꦤ꧀ꦏꦺꦠꦺꦴꦏ꧀ꦏꦺ​ꦏꦪ​ꦩꦤꦸꦏ꧀ꦢꦫ​꧈​ꦩꦺꦚ꧀​ꦕ꧀ꦭꦺꦴꦏ꧀ꦏꦶ​ꦢꦺꦏ꧀ꦤꦺ​꧉​ ¹¹ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦱꦁꦏꦭꦔꦶꦠ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧉​ꦲꦏꦸ​ꦗꦤ꧀ꦊꦒ​ꦧꦔꦼꦠ꧀ꦏꦫꦺꦴ​ꦏꦺꦴꦮꦺ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦮꦸꦱ꧀ꦠꦺꦤ꧀꧈​

¹²꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦫꦺꦴꦃ​ꦱꦸꦕꦶ​ꦠꦼꦫꦸꦱ꧀ꦤꦸꦤ꧀ꦠꦸꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮ​ꦤꦁꦮꦸꦱ꧀ꦠꦺꦤ꧀꧈​ ¹³ꦤꦁꦮꦸꦱ꧀ꦠꦺꦤ꧀ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦠꦁ​ꦥꦸꦭꦸꦃ​ꦢꦶꦤ​ꦱꦸꦮꦺꦤꦺ​꧉​ꦢꦺꦏ꧀ꦤꦺꦢꦶꦗꦗꦭ꧀ꦏꦫꦺꦴ​ꦱꦺꦠꦤ꧀ ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦲꦺꦴꦫ​꧉​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦏꦸꦮꦶ​ꦲꦺꦴꦏꦺꦃꦏꦺꦮꦤꦺ​ꦒꦭꦏ꧀ ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦗꦒ​ꦭꦤ꧀ꦢꦶꦭꦢꦺꦤ꧀ꦤꦶ​ꦏꦫꦺꦴ​ꦩꦸꦭꦺꦏꦠ꧀ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦔ꧀ꦒꦼꦭꦂ​ꦏꦧꦂ​ꦏꦧꦸꦔꦃꦲꦤ꧀ꦭꦤ꧀​ꦔ꧀ꦒꦺꦴꦭꦺꦏ꧀ꦩꦸꦫꦶꦢ꧀꧈​

¹⁴꧋ꦱꦏ꧀ꦮꦶꦱ꧀ꦱꦺ​ꦪꦺꦴꦲꦤꦼꦱ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦼꦏ​ꦤꦁꦓꦭꦶꦭꦺꦪ​꧉​ꦤꦁꦧꦮꦃꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦼꦭꦂ​ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁵ꦢꦺꦏ꧀ꦤꦺ​ꦔꦺꦴꦩꦺꦴꦁꦔꦺꦤꦺ​:“ꦱꦲꦶꦏꦶ​ꦮꦚ꧀ꦕꦶꦤꦺ​ꦮꦶꦱ꧀ꦠꦼꦏ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦉꦥ꧀ꦔꦼꦢꦼꦏ꧀ꦏꦏꦺꦏꦿꦠꦺꦴꦤꦺ​꧉​ꦩꦸꦭꦤꦺ​ꦥꦢ​ꦥꦽꦕꦪꦲ​ꦩꦫꦁ​ꦏꦧꦂ​ꦏꦧꦸꦔꦃꦲꦤ꧀ꦤꦺ​ ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦥꦢ​ꦤꦶꦁꦒꦭ꧀ꦭ​ꦏ꧀ꦭꦏꦸꦮꦤ꧀ꦲꦭ​!” ¹⁶ꦢꦺꦴꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦥꦶꦁꦒꦶꦂꦫꦺ​ꦩꦺꦂꦓꦭꦶꦭꦺꦪ​ꦏꦺꦴꦤꦺꦴ​꧈​ꦢꦺꦏ꧀ꦤꦺ​ꦮꦼꦫꦸꦃ​ꦱꦶꦩꦺꦴꦤ꧀ꦭꦤ꧀ꦄꦤ꧀ꦢꦿꦺꦪꦱ꧀ꦲꦶꦗꦶꦏ꧀ꦥꦢ​ꦔꦸꦚ꧀ꦕꦭ꧀ꦭꦏꦺ​ꦗꦭꦤꦺ​꧉​ꦮꦺꦴꦁ​ꦭꦺꦴꦫꦺꦴ​ꦏꦏꦁꦔꦢꦶꦲꦶꦏꦶ​ꦏꦼꦂꦗꦤꦤ꧀ꦤꦺꦔ꧀ꦒꦺꦴꦭꦺꦏ꧀ꦲꦶꦮꦏ꧀꧈​ ¹⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦢ​ꦩꦺꦭꦸꦮ​ꦲꦏꦸ​!ꦏꦺꦴꦮꦺ​ꦧꦏꦭ꧀ꦠꦏ꧀​ꦧ꧀ꦭꦗꦂꦫꦶꦢꦢꦶ​ꦠꦸꦏꦁ​ꦔ꧀ꦒꦺꦴꦭꦺꦏ꧀ꦮꦺꦴꦁ​꧉​” ¹⁸ꦱꦶꦩꦺꦴꦤ꧀ꦭꦤ꧀ꦄꦤ꧀ꦢꦿꦺꦪꦱ꧀ꦠꦼꦫꦸꦱ꧀ꦥꦢ​ꦤꦶꦁꦒꦭ꧀ꦗꦭꦤꦺ​ꦭꦤ꧀ꦔꦼꦠꦸꦠ꧀ꦠꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁹꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦫꦢ​ꦲꦢꦺꦴꦃ​ꦩꦼꦤꦺꦃ​ꦠꦼꦫꦸꦱ꧀ꦮꦼꦫꦸꦃ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦧꦺꦃ​ꦭꦺꦴꦫꦺꦴ​ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀꧈​ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦲꦶꦗꦶꦏ꧀ꦥꦢ​ꦤ꧀ꦢꦤ꧀ꦢꦤ꧀ꦤꦶ​ꦗꦭꦤꦺ​ꦤꦁꦥꦿꦲꦸꦤꦺ​꧉​ ²⁰ꦤꦁꦔꦶꦁ​ꦏꦢꦸꦁ​ꦢꦶꦕꦼꦭꦸꦏ꧀​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦩꦺꦭꦸ​ꦢꦺꦏ꧀ꦤꦺ꧉​ꦧꦥꦏ꧀ꦏꦺꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦔꦿꦺꦮꦁꦔꦶ​ꦔ꧀ꦒꦺꦴꦭꦺꦏ꧀ꦲꦶꦮꦏ꧀ꦥꦢ​ꦢꦶꦠꦶꦁꦒꦭ꧀ꦤꦁꦥꦿꦲꦸꦤꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀꧈​

²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦠꦼꦏ​ꦤꦁꦏꦸꦠꦑꦥꦺꦂꦤꦏꦸꦩ꧀꧈​ꦲꦶꦁ​ꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦱꦶꦤꦒꦸꦏ꧀ꦭꦤ꧀ꦩꦸꦭꦁꦔꦶꦮꦺꦴꦁꦮꦺꦴꦁ​꧉​ ²²ꦮꦺꦴꦁꦮꦺꦴꦁ​ꦏꦒꦺꦠ꧀ꦭꦤ꧀​ꦔ꧀ꦒꦸꦩꦸꦤ꧀ꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶ꧈​ꦲꦮꦶꦠ꧀ꦢꦺꦏ꧀ꦤꦺꦩꦸꦭꦁꦔꦶꦔꦁꦒꦺꦴ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦺꦴꦫ​ꦏꦪ​ꦒꦸꦫꦸꦒꦸꦫꦸ​ꦏꦶꦠꦧ꧀꧈​ ²³꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦩꦸꦭꦁꦔꦶ꧈​ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦲꦺꦤꦺꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦧꦼꦔꦺꦴꦏ꧀ꦧꦼꦔꦺꦴꦏ꧀꧈​ꦮꦺꦴꦁ​ꦲꦶꦏꦶ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ ²⁴ꦮꦺꦴꦁꦔꦺ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:“ꦪꦺꦯꦸꦱ꧀ꦮꦺꦴꦁ​ꦟꦱꦫꦺꦠ꧀ ꦲꦏꦸ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦥ​ꦠꦼꦏꦩꦸ​ꦲꦶꦏꦶ​ꦲꦉꦥ꧀ꦩꦠꦺꦤ꧀ꦤꦶ​ꦲꦮꦏ꧀ꦏꦺ​ꦢꦺꦮꦺ?ꦲꦏꦸ​ꦔꦼꦂꦠꦶ​ꦏꦺꦴꦮꦺ​ꦏꦸꦮꦶ​ꦱꦥ​꧉​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦱꦸꦕꦶ​꧈​ꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁵꧋ꦢꦼꦩꦶꦠ꧀ꦠꦺꦩꦲꦸ​ꦠꦼꦫꦸꦱ꧀ꦢꦶꦒꦼꦤ꧀ꦠꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦏ꧀ꦤꦺꦔꦺꦴꦩꦺꦴꦁ:“ꦩꦼꦤꦼꦁ​!ꦩꦼꦠꦸꦮ​ꦱꦁꦏꦮꦺꦴꦁ​ꦏꦸꦮꦶ​!” ²⁶꧋ꦢꦼꦩꦶꦠ꧀ꦠꦺꦠꦼꦫꦸꦱ꧀ꦔꦺꦴꦤ꧀ꦠꦁꦔꦤ꧀ꦠꦶꦁꦔꦏꦺꦮꦺꦴꦁꦔꦺ​꧈​ꦠꦼꦫꦸꦱ꧀ꦩꦼꦠꦸ​ꦏꦫꦺꦴ​ꦚ꧀ꦗꦼꦫꦶꦠ꧀​ꦚ꧀ꦗꦼꦫꦶꦠ꧀꧈​ ²⁷ꦮꦺꦴꦁꦮꦺꦴꦁ​ꦔ꧀ꦒꦸꦩꦸꦤ꧀ꦏꦧꦺꦃ​ꦭꦤ꧀ꦥꦢ​ꦠꦏꦺꦴꦤ꧀ꦩꦫꦁ​ꦱꦏ꧀ꦥꦢꦥꦢ:“ꦲꦥ​ꦲꦶꦏꦸ​ꦪ​?ꦲꦶꦏꦶ​ꦮꦸꦭꦁꦔꦤ꧀ꦲꦚꦂ​ꦔꦁꦒꦺꦴ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦺꦏ꧀ꦤꦺꦮꦤꦶ​ꦩꦿꦺꦤ꧀ꦠꦃ​ꦢꦼꦩꦶꦠ꧀ꦏꦺꦴꦁꦏꦺꦴꦤ꧀ꦩꦼꦠꦸ​ꦭꦤ꧀ꦢꦼꦩꦶꦠ꧀ꦠꦺꦪ​ꦩꦤꦸꦠ꧀ꦠꦼꦤꦤ꧀꧈​” ²⁸꧋ꦱꦏ꧀ꦮꦠ꧀ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦼꦱꦸꦮꦸꦂ​ꦤꦁꦱꦏ꧀ꦧꦮꦃꦓꦭꦶꦭꦺꦪ​ꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦱꦶꦁ​ꦭꦫ​꧉​

²⁹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦠꦸ​꧉​ꦢꦺꦏ꧀ꦤꦺꦠꦼꦫꦸꦱ꧀ꦧꦉꦁ​ꦏꦫꦺꦴ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ꦧꦸꦢꦭ꧀ꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀꧈​ꦄꦤ꧀ꦢꦿꦺꦪꦱ꧀ꦲꦩ꧀ꦧꦫꦁ​ꦪ​ꦩꦁꦒꦺꦴꦤ꧀ꦤꦁꦲꦺꦴꦩꦃ​ꦏꦸꦮꦶ​꧉​ ³⁰ꦲꦶꦧꦸ​ꦩꦫꦠꦸꦮꦤꦺ​ꦱꦶꦩꦺꦴꦤ꧀ꦲꦶꦗꦶꦏ꧀​ꦔ꧀ꦒꦺꦠꦏ꧀ꦤꦁꦲꦩ꧀ꦧꦺꦤ꧀ ꦲꦮꦶꦠ꧀ꦭꦫ​ꦥꦤꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦮꦺꦴꦁꦔꦺ​ꦭꦫ​꧉​ ³¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦶꦭꦶꦏ꧀ꦏꦶ​ꦱꦶꦁ​ꦭꦫ​꧉​ꦮꦺꦴꦁꦔꦺ​ꦢꦶꦕꦼꦏꦼꦭ꧀ꦠꦔꦤ꧀ꦤꦺ​ꦭꦤ꧀ꦢꦶꦠꦔꦺꦏ꧀ꦏꦏꦺ꧉​ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​ꦭꦤ꧀​ꦔ꧀ꦭꦢꦺꦤ꧀ꦤꦶ​ꦢꦪꦺꦴꦃꦲꦺ꧉​ ³²꧋ꦲꦶꦁ​ꦮꦪꦃ​ꦮꦼꦔꦶ​꧈​ꦱꦏ꧀ꦮꦶꦱ꧀ꦱꦺ​ꦱꦽꦔꦺꦔꦺ​ꦮꦶꦱ꧀ꦩꦼꦢꦸꦤ꧀ ꦮꦺꦴꦁ​ꦱꦶꦁ​ꦭꦫ​ꦭꦤ꧀ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦥꦢ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ³³ꦮꦺꦴꦁ​ꦱꦏ꧀ꦏꦸꦠꦠꦼꦫꦸꦱ꧀ꦥꦢ​ꦔ꧀ꦭꦸꦩ꧀ꦥꦸꦏ꧀ꦤꦁꦭꦠꦂ​ꦤꦁꦔꦉꦥ꧀ꦥꦺ​ꦲꦺꦴꦩꦃ​꧉​ ³⁴ꦮꦺꦴꦁ​ꦭꦫ​ꦮꦼꦂꦤꦮꦼꦂꦤ​ꦢꦶꦠꦩ꧀ꦧꦤꦶ​ꦏꦧꦺꦃ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦲꦸꦒ​ꦢꦼꦩꦶꦠ꧀ꦢꦼꦩꦶꦠ꧀ꦱꦶꦁ​ꦔ꧀ꦮꦱꦤꦶ​ꦲꦸꦫꦶꦥ꧀ꦥꦺꦮꦺꦴꦁ​ꦲꦺꦴꦏꦺꦃꦥꦢ​ꦢꦶꦲꦼꦠꦺꦴꦏ꧀ꦏꦏꦺꦏꦧꦺꦃ​꧉​ꦭꦤ꧀ꦢꦼꦩꦶꦠ꧀ꦢꦼꦩꦶꦠ꧀ꦩꦲꦸ​ꦥꦢ​ꦢꦶꦥꦼꦔꦶꦁ​ꦔꦺꦴꦩꦺꦴꦁꦲꦥꦲꦥ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦼꦤꦗꦤ꧀ꦤ​ꦢꦼꦩꦶꦠ꧀ꦠꦺꦥꦢ​ꦔꦼꦂꦠꦶ​ꦢꦺꦏ꧀ꦤꦺꦏꦸꦮꦶ​ꦱꦥ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦼꦭꦂ​ꦏꦧꦂ​ꦏꦧꦸꦔꦃꦲꦤ꧀ꦤꦁꦢꦺꦱꦢꦺꦱ​ꦤꦁꦧꦮꦃꦓꦭꦶꦭꦺꦪ​꧉​

³⁵꧋ꦲꦶꦁ​ꦮꦪꦃ​ꦲꦺꦱꦸꦏ꧀ꦩꦿꦸꦥꦸꦠ꧀ ꦢꦺꦴꦁꦔꦺꦲꦶꦗꦶꦏ꧀ꦥꦼꦠꦼꦁ​ꦤ꧀ꦢꦼꦢꦼꦠ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦔꦶ​ꦠꦼꦫꦸꦱ꧀ꦭꦸꦔ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​꧉​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦤ꧀ꦢꦺꦴꦁꦔ꧉​ ³⁶ꦱꦶꦩꦺꦴꦤ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦠꦼꦫꦸꦱ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ³⁷ꦏꦢꦸꦁ​ꦮꦶꦱ꧀ꦏꦼꦠꦼꦩꦸ​꧈​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦏꦺꦴꦮꦺ​!” ³⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦱꦼꦩꦲꦸꦂ​:“ꦲ꦳ꦪꦸꦏ꧀ꦲꦮꦏ꧀ꦏꦺ​ꦢꦺꦮꦺꦧꦸꦢꦭ꧀ꦤꦁꦢꦺꦱꦢꦺꦱ​ꦭꦶꦪꦤꦺ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦤꦺ​꧉​ꦏꦤ​ꦲꦩ꧀ꦧꦫꦁ​ꦏꦸꦢꦸ​ꦠꦏ꧀ꦒꦮꦤ꧀ꦤꦶꦏꦧꦂ​ꦏꦧꦸꦔꦃꦲꦤ꧀ ꦲꦮꦶꦠ꧀ꦲꦼꦁꦒꦺꦴꦤ꧀ꦏꦸ​ꦠꦼꦏ​ꦩ꧀ꦧꦿꦺꦤꦺꦲꦶꦏꦶ​ꦥꦼꦂꦭꦸꦤꦺꦪ​ꦤꦩꦸꦁ​ꦏꦸꦮꦶ​꧉​” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦭꦏꦸꦩ꧀ꦭꦏꦸ​ꦩꦫꦤꦶ​ꦢꦺꦱꦢꦺꦱ​ꦤꦁꦧꦮꦃꦓꦭꦶꦭꦺꦪ​ꦏꦫꦺꦴ​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀꧈​ꦭꦤ꧀ꦢꦼꦩꦶꦠ꧀ꦢꦼꦩꦶꦠ꧀ꦱꦶꦁ​ꦔ꧀ꦮꦱꦤꦶ​ꦮꦺꦴꦁ​ꦥꦢ​ꦢꦶꦲꦼꦠꦺꦴꦏ꧀ꦏꦏꦺꦏꦧꦺꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦭꦺꦥꦿ​꧉​

⁴⁰꧋ꦲꦺꦤꦺꦁꦮꦺꦴꦁ​ꦭꦫ​ꦭꦺꦥꦿ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦚ꧀ꦗꦭꦸꦏ꧀ꦠꦸꦭꦸꦁ​ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ ꦏꦺꦴꦮꦺ​ꦧꦶꦱ​ꦤꦩ꧀ꦧꦤꦶ​ꦲꦏꦸ​!” ⁴¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦭꦱ꧀ꦧꦔꦼꦠ꧀ ꦩꦸꦭꦤꦺ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦮꦺꦴꦁꦔꦺ​ꦭꦤ꧀ꦔꦺꦴꦩꦺꦴꦁ:“ꦲꦏꦸ​ꦒꦼꦊꦩ꧀!ꦏꦺꦴꦮꦺ​ꦮꦶꦱ꧀ꦩꦫꦶ​ꦱꦲꦶꦏꦶ​!” ⁴²ꦱꦏ꧀ꦮꦠ꧀ꦮꦺꦴꦁꦔꦺ​ꦪ​ꦠꦼꦫꦸꦱ꧀ꦩꦫꦶ​ꦠꦼꦤꦤ꧀꧈​ ^43-44ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁꦔꦺ​ꦭꦸꦔ​꧈​ꦤꦁꦔꦶꦁ​ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦺꦴꦩꦺꦴꦁꦏꦫꦺꦴ​ꦮꦺꦴꦁꦮꦺꦴꦁ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦁꦏꦺꦴꦤ꧀ꦮꦺꦴꦁꦔꦺ​ꦔꦺꦤꦺ​:“ꦏꦤ​ꦏꦺꦴꦮꦺ​ꦩꦫꦲꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​꧈​ꦱꦸꦥꦪ​ꦢꦺꦏ꧀ꦤꦺꦮꦼꦫꦸꦃ​ꦲꦮꦏ꧀ꦩꦸ​ꦭꦤ꧀ꦏꦺꦴꦮꦺ​ꦔꦼꦏꦺꦏ꧀ꦏꦤꦏꦸꦂꦧꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦶꦠꦸꦫꦸꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀꧈​ꦢꦢꦶꦤꦺ​ꦮꦺꦴꦁꦮꦺꦴꦁ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦩꦫꦶ​ꦠꦼꦤꦤ꧀꧈​” ⁴⁵꧋ꦤꦁꦔꦶꦁ​ꦏꦢꦸꦁ​ꦮꦺꦴꦁꦔꦺ​ꦭꦸꦔ​ꦱꦁꦏꦏꦺꦴꦤꦺꦴ​꧈​ꦢꦺꦏ꧀ꦤꦺꦠꦼꦫꦸꦱ꧀ꦩꦺꦴꦭꦃꦲꦶꦔꦺꦴꦩꦺꦴꦁꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦤꦺꦏ꧀ꦢꦺꦏ꧀ꦤꦺꦮꦶꦱ꧀ꦢꦶꦠꦩ꧀ꦧꦤꦶ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦧꦶꦱ​ꦔ꧀ꦊꦧꦺꦴꦤ꧀ꦤꦶꦏꦸꦠꦲꦥ​ꦢꦺꦱ​꧈​ꦠꦤ꧀ꦥ​ꦢꦶꦠꦶꦠꦺꦤ꧀ꦤꦶ​ꦏꦫꦺꦴ​ꦮꦺꦴꦁꦮꦺꦴꦁ​꧉​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦤꦁꦱꦏ꧀​ꦚ꧀ꦗꦧꦤꦺ​ꦏꦸꦠꦮꦲꦺ​꧈​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦫ​ꦲꦺꦤꦺꦁꦮꦺꦴꦁꦔꦺ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦁꦏꦲꦼꦤ꧀ꦢꦶꦲꦼꦤ꧀ꦢꦶ​ꦲꦶꦗꦶꦏ꧀ꦩꦼꦏ꧀ꦱ​ꦠꦼꦏ​ꦩꦫꦤꦶ​ꦢꦺꦏ꧀ꦤꦺ꧉​

꧋ꦮꦺꦴꦁ​ꦭꦸꦩ꧀ꦥꦸꦃ​ꦧꦶꦱ​ꦩ꧀ꦭꦏꦸ​ꦩꦼꦤꦺꦃ​꧉​

꧇​꧒꧇​ ¹꧋ꦊꦠ꧀ꦏꦶꦫꦏꦶꦫ​ꦫꦺꦴꦁ​ꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦑꦥꦺꦂꦤꦏꦸꦩ꧀꧈​ꦮꦺꦴꦁꦮꦺꦴꦁ​ꦏꦿꦸꦔꦸ​ꦤꦺꦏ꧀ꦢꦺꦏ꧀ꦤꦺꦤꦁꦲꦺꦴꦩꦃ​꧉​ ²ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦔꦸꦩ꧀ꦥꦸꦭ꧀ ꦱꦩ꧀ꦥꦺꦏ꧀ꦤꦁꦲꦺꦴꦩꦃꦲꦺ​ꦲꦺꦴꦫ​ꦲꦺꦤꦺꦁꦔ꧀ꦒꦺꦴꦤ꧀ꦤꦺꦩꦼꦤꦺꦃ​꧉​ꦤꦁꦔꦉꦥ꧀ꦭꦮꦁ​ꦲꦩ꧀ꦧꦫꦁ​ꦪ​ꦏꦼꦧꦼꦏ꧀ꦏꦫꦺꦴ​ꦮꦺꦴꦁ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ³ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦠꦼꦏ​ꦲꦉꦥ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦮ​ꦮꦺꦴꦁ​ꦭꦸꦩ꧀ꦥꦸꦃ​꧉​ꦮꦺꦴꦁ​ꦭꦸꦩ꧀ꦥꦸꦃ​ꦲꦶꦏꦶ​ꦢꦶꦒꦺꦴꦠꦺꦴꦁ​ꦮꦺꦴꦁ​ꦥꦥꦠ꧀꧈​ ⁴ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁ​꧈​ꦱꦶꦁ​ꦔ꧀ꦒꦺꦴꦠꦺꦴꦁ​ꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​ꦲꦺꦴꦫ​ꦧꦶꦱ​ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦚ꧀ꦗꦼꦧꦺꦴꦭ꧀ꦥꦪꦺꦴꦤ꧀ꦤꦺ​ꦲꦺꦴꦩꦃꦲꦺ​꧉​ꦏꦢꦸꦁ​ꦮꦶꦱ꧀​ꦔ꧀ꦒꦮꦺ​ꦧꦺꦴꦭꦺꦴꦁꦔꦤ꧀ꦤꦁꦥꦪꦺꦴꦤ꧀ꦤꦺ​꧈​ꦮꦺꦴꦁꦔꦺ​ꦱꦶꦁ​ꦭꦸꦩ꧀ꦥꦸꦃ​ꦠꦼꦫꦸꦱ꧀ꦢꦶꦲꦼꦢꦸꦤ꧀ꦤꦏꦺꦱꦏ꧀​ꦏ꧀ꦭꦱꦤꦺ​꧉​ ⁵ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁꦮꦺꦴꦁ​ꦲꦶꦏꦶ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦶꦁ​ꦭꦸꦩ꧀ꦥꦸꦃ​:“ꦲꦤꦏ꧀ꦏꦸ​꧈​ꦲꦏꦸ​ꦔꦥꦸꦫ​ꦢꦺꦴꦱꦩꦸ​!” ⁶꧋ꦤꦁꦲꦺꦴꦩꦃ​ꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦒꦸꦫꦸꦒꦸꦫꦸ​ꦏꦶꦠꦧ꧀ꦩꦺꦭꦸ​ꦔꦿꦸꦔꦺꦴꦏ꧀ꦏꦏꦺ꧉​ ⁷ꦒꦸꦫꦸꦒꦸꦫꦸ​ꦲꦶꦏꦶ​ꦥꦢ​ꦲꦩ꧀ꦧꦠꦶꦤ꧀:“ꦭꦃ​ꦮꦺꦴꦁ​ꦏꦸꦮꦶ​ꦏꦺꦴꦏ꧀ꦮꦤꦶꦮꦤꦶ​ꦔꦺꦴꦩꦺꦴꦁꦔꦺꦴꦤꦺꦴ​?ꦏꦸꦮꦶ​ꦭꦲꦸꦠ꧀ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦱꦶꦁ​ꦧꦶꦱ​ꦔꦥꦸꦫ​ꦢꦺꦴꦱꦤꦺ​ꦩꦤꦸꦁꦱ​!” ⁸꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦥꦶꦏꦶꦂꦫꦤ꧀ꦤꦺ​ꦒꦸꦫꦸꦒꦸꦫꦸ​ꦩꦲꦸ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦤ꧀ꦢꦸꦮꦺꦥꦶꦏꦶꦂꦫꦤ꧀ꦏꦪ​ꦔꦺꦴꦤꦺꦴ​? ⁹ꦒꦩ꧀ꦥꦁ​ꦱꦶꦁ​ꦲꦼꦤ꧀ꦢꦶ​꧈​ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦸꦩ꧀ꦥꦸꦃ​ꦲꦶꦏꦶ​:'ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ'​ꦲꦥ​ꦔꦺꦴꦩꦺꦴꦁ:'ꦔꦢꦼꦏ꧀ꦏ꧈​ꦏ꧀ꦭꦱꦩꦸ​ꦢꦶꦲꦁꦏꦠ꧀ꦭꦤ꧀​ꦩ꧀ꦭꦏꦸꦮ​!’ ¹⁰ꦲꦏꦸ​ꦤꦩꦸꦁ​ꦏꦼꦥꦺꦔꦶꦤ꧀​ꦤ꧀ꦢꦸꦢꦸꦃꦲꦏꦺꦩꦫꦁ​ꦏꦺꦴꦮꦺ​꧈​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦥꦸꦫ​ꦢꦺꦴꦱ​ꦤꦁꦗꦒꦠ꧀ꦏꦺꦤꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​: ¹¹“ꦲꦏꦸ​ꦔꦺꦴꦁꦏꦺꦴꦤ꧀ꦏꦺꦴꦮꦺ​꧈​ꦔꦢꦼꦏ꧀ꦏ꧈​ꦏ꧀ꦭꦱꦩꦸ​ꦢꦶꦲꦁꦏꦠ꧀ꦭꦤ꧀ꦏꦤ​ꦩꦸꦭꦶꦃ​!” ¹²꧋ꦮꦺꦴꦁꦔꦺ​ꦠꦼꦫꦸꦱ꧀ꦔꦢꦼꦏ꧀ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​꧈​ꦚ꧀ꦗꦶꦏꦸꦏ꧀​ꦏ꧀ꦭꦱꦤꦺ​ꦠꦼꦫꦸꦱ꧀ꦭꦸꦔ​꧉​ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦭꦤ꧀ꦥꦢ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦫꦺꦴ​ꦔꦺꦴꦩꦺꦴꦁ:“ꦧꦫꦁ​ꦏꦪ​ꦔꦺꦤꦺ​ꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦢꦸꦫꦸꦁ​ꦠꦲꦸ​ꦮꦼꦫꦸꦃ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦮꦺꦴꦁ​ꦧꦼꦭꦱ꧀ꦠꦶꦁ꧉​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦩꦼꦤꦺꦃ​ꦱꦁꦏꦑꦥꦺꦂꦤꦏꦸꦩ꧀꧈​ꦱꦲꦶꦏꦶ​ꦢꦺꦏ꧀ꦤꦺꦩ꧀ꦭꦏꦸ​ꦤꦁꦥꦶꦁꦒꦶꦂ​ꦩꦺꦂ꧉​ꦮꦺꦴꦁ​ꦲꦺꦴꦏꦺꦃꦠꦼꦫꦸꦱ꧀ꦥꦢ​ꦠꦼꦏ​ꦩꦫꦤꦶ​ꦢꦺꦏ꧀ꦤꦺ꧉​ꦏꦧꦺꦃ​ꦠꦼꦫꦸꦱ꧀ꦥꦢ​ꦢꦶꦮꦸꦭꦁꦔꦶ꧉​ ¹⁴ꦢꦺꦴꦁꦔꦺꦭꦶꦮꦠ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁ​ꦧꦼꦭꦱ꧀ꦠꦶꦁ꧈​ꦱꦶꦁ​ꦗꦼꦤꦼꦁꦔꦺ​ꦭꦺꦮ꦳ꦶ꧈​ꦲꦶꦗꦶꦏ꧀​ꦚ꧀ꦗꦒꦺꦴꦁꦤꦁꦏꦤ꧀ꦠꦺꦴꦂꦫꦺ​꧉​ꦭꦺꦮ꦳ꦶꦏꦸꦮꦶ​ꦲꦤꦏ꧀ꦏꦺ​ꦄꦭ꧀ꦥ꦳ꦺꦪꦸꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦭꦺꦮ꦳ꦶꦔꦺꦴꦩꦺꦴꦁ:“ꦲ꦳ꦪꦸꦏ꧀ꦩꦺꦭꦸ​ꦲꦏꦸ​!”ꦭꦺꦮ꦳ꦶꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁵꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦗꦒꦺꦴꦁꦔꦤ꧀ꦤꦁꦲꦺꦴꦩꦃꦲꦺ​ꦭꦺꦮ꦳ꦶ꧈​ꦠꦸꦁꦒꦭ꧀ꦱꦏ꧀ꦩꦺꦗ​ꦏꦫꦺꦴ​ꦮꦺꦴꦁꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦢꦶꦲꦁꦒꦼꦥ꧀ꦢꦺꦴꦱ​꧉​ꦮꦺꦴꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦲꦺꦴꦏꦺꦃꦱꦶꦁ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ ꦪꦺꦯꦸꦱ꧀꧈​ ¹⁶ꦲꦺꦤꦺꦁꦒꦸꦫꦸꦒꦸꦫꦸ​ꦏꦶꦠꦧ꧀ꦱꦁꦏꦒꦺꦴꦭꦺꦴꦁꦔꦤ꧀ꦤꦺ​ꦮꦺꦴꦁ​ꦥ꦳ꦫꦶꦱꦶ​ꦥꦢ​ꦮꦼꦫꦸꦃ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦔꦤ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦢꦺꦴꦱ​꧉​ꦩꦸꦭꦤꦺ​ꦒꦸꦫꦸꦒꦸꦫꦸ​ꦏꦶꦠꦧ꧀ꦩꦲꦸ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦪꦺꦯꦸꦱ꧀ꦏꦺꦴꦏ꧀ꦗꦒꦺꦴꦁꦔꦤ꧀ꦭꦤ꧀ꦩꦁꦔꦤ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁ​ꦏꦪ​ꦔꦺꦴꦤꦺꦴ​?” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦥꦶꦠꦏꦺꦴꦤ꧀ꦤꦤ꧀ꦤꦺ​ꦒꦸꦫꦸꦒꦸꦫꦸ​ꦏꦶꦠꦧ꧀ꦩꦲꦸ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦱꦼꦩꦲꦸꦂ​:“ꦱꦶꦁ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​ꦏꦸꦮꦶ​ꦩꦼꦱ꧀ꦠꦶꦪ​ꦱꦶꦁ​ꦭꦫ​ꦠ​꧈​ꦩꦺꦴꦱꦺꦴꦏ꧀ꦱꦶꦁ​ꦮꦫꦱ꧀?ꦩꦸꦭꦤꦺ​꧈​ꦠꦼꦏꦏꦸ​ꦤꦁꦗꦒꦠ꧀ꦏꦺꦤꦺ​ꦲꦺꦴꦫ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦔꦁꦒꦼꦥ꧀ꦤꦺꦏ꧀ꦲꦸꦫꦶꦥ꧀ꦥꦺꦮꦶꦱ꧀ꦧꦼꦤꦼꦂ​꧈​ꦤꦁꦔꦶꦁ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦢꦺꦴꦱ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦱ​꧉​

¹⁸꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦥꦢ​ꦥꦱ​꧉​ꦲꦶꦁ​ꦢꦶꦤ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦏꦼꦤꦺꦁꦲꦥ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦫ​ꦥ꦳ꦫꦶꦱꦶ​ꦥꦢ​ꦥꦱ​꧈​ꦤꦁꦔꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦲꦺꦴꦫ​?” ¹⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦲꦥ​ꦢꦪꦺꦴꦃꦤꦁꦩꦤ꧀ꦠꦺꦤ꧀ꦤꦤ꧀ꦏꦲꦺ​ꦲꦺꦴꦫ​ꦥꦢ​ꦩꦁꦔꦤ꧀ꦲꦺꦤꦏ꧀ꦭꦤ꧀ꦥꦢ​ꦩꦺꦭꦸ​ꦧꦸꦔꦃ​꧉​ꦱꦸꦮꦺꦤꦺ​ꦲꦶꦗꦶꦏ꧀ꦕꦩ꧀ꦥꦸꦂ​ꦏꦫꦺꦴ​ꦩꦤ꧀ꦠꦺꦤ꧀ꦤꦺ​ꦩꦼꦱ꧀ꦠꦶꦪ​ꦲꦺꦴꦫ​ꦲꦺꦤꦺꦁꦱꦶꦁ​ꦱꦼꦢꦶ꧉​ ²⁰ꦤꦁꦔꦶꦁ​ꦧꦏꦭ꧀ꦲꦺꦤꦺꦁꦮꦪꦃꦲꦺ​ꦩꦤ꧀ꦠꦺꦤ꧀ꦤꦺ​ꦭꦤꦁ​ꦏꦸꦮꦶ​ꦧꦏꦭ꧀ꦢꦶꦒꦮ​ꦭꦸꦔ​꧉​ꦲꦶꦁ​ꦮꦪꦃ​ꦏꦸꦮꦶ​ꦏꦚ꧀ꦕꦏꦚ꧀ꦕꦤꦺ​ꦧꦏꦭ꧀ꦥꦢ​ꦱꦼꦢꦶꦭꦤ꧀ꦲꦺꦴꦫ​ꦩꦁꦔꦤ꧀꧈​” ²¹꧋ꦩꦺꦴꦱꦺꦴꦏ꧀ꦱꦭꦶꦤ꧀ꦭꦮꦱ꧀ꦏꦼꦤꦺꦁꦢꦶꦠꦩ꧀ꦧꦭ꧀ꦏꦫꦺꦴ​ꦒꦺꦴꦩ꧀ꦧꦭ꧀ꦲꦚꦂ​ꦱꦶꦁ​ꦢꦸꦫꦸꦁ​ꦠꦲꦸ​ꦢꦶꦲꦸꦩ꧀ꦧꦃ?ꦪ​ꦲꦺꦴꦫ​ꦠ​꧉​ꦲꦮꦶꦠ꧀ꦤꦺꦏ꧀ꦢꦶꦲꦸꦩ꧀ꦧꦃꦠꦩ꧀ꦧꦭꦤ꧀ꦤꦺꦧꦶꦱ​ꦩꦼꦁꦏꦼꦉꦠ꧀ꦠꦼꦫꦸꦱ꧀ꦱꦸꦮꦺꦏ꧀ꦩꦼꦤꦺꦃ​꧈​ꦲꦩ꧀ꦧꦤꦺ​ꦔꦸꦁꦏꦸꦭ꧀ꦭꦶ​ꦩꦲꦸꦤꦺ​꧉​ ²²ꦭꦤ꧀ꦩꦼꦤꦺꦃ​꧈​ꦩꦺꦴꦱꦺꦴꦏ꧀ꦲꦁꦒꦸꦂ​ꦲꦚꦂ​ꦢꦶꦮꦢꦃꦲꦶꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦭꦮꦱ꧀?ꦩꦼꦱ꧀ꦠꦶꦲꦺꦴꦫ​ꦠ​!ꦩꦼꦁꦏꦺꦴ​ꦤ꧀ꦢꦏ꧀ꦏꦤ꧀ꦠꦺꦴꦔꦤ꧀ꦤꦺꦧꦼꦢꦃꦭꦤ꧀ꦲꦁꦒꦸꦂꦫꦺ​ꦮꦸꦠꦃ​ꦔꦁꦒꦸꦂ​꧉​ꦲꦁꦒꦸꦂ​ꦲꦚꦂ​ꦏꦸꦢꦸꦤꦺ​ꦢꦶꦮꦢꦃꦲꦶꦏꦤ꧀ꦠꦺꦴꦁꦔꦤ꧀ꦲꦚꦂ​꧉​

꧋ꦠꦸꦗꦸꦮꦤ꧀ꦤꦺꦢꦶꦤ​ꦱꦧꦠ꧀ꦏꦁꦒꦺꦴ​ꦩꦤꦸꦁꦱ​꧉​

²³꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦸꦫꦸꦠ꧀ꦏꦼꦧꦺꦴꦤ꧀ꦒꦤ꧀ꦢꦸꦩ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦱꦏ꧀ꦧꦉꦁꦔꦺꦩ꧀ꦭꦏꦸ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦔꦼꦥꦺꦏ꧀ꦏꦶꦮꦺꦴꦃꦲꦺ​ꦒꦤ꧀ꦢꦸꦩ꧀ꦢꦶꦥꦔꦤ꧀꧈​ ²⁴ꦮꦺꦴꦁ​ꦥ꦳ꦫꦶꦱꦶ​ꦱꦶꦁ​ꦥꦢ​ꦮꦼꦫꦸꦃ​ꦏꦸꦮꦶ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦏꦼꦥꦿꦶꦪꦺ​ꦏꦸꦮꦶ​?ꦲꦶꦁ​ꦢꦶꦤ​ꦱꦧꦠ꧀ꦭꦲꦸꦠ꧀ꦲꦺꦴꦫ​ꦲꦺꦤ꧀ꦠꦸꦏ꧀ꦚꦩ꧀ꦧꦸꦠ꧀ꦠꦲꦥꦲꦥ​ꦠ​?ꦭꦃ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦔꦼꦥꦺꦏ꧀ꦏꦶꦒꦤ꧀ꦢꦸꦩ꧀?” ²⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦥ​ꦏꦺꦴꦮꦺ​ꦲꦺꦴꦫ​ꦠꦲꦸ​ꦩꦕ​ꦧꦧ꧀ꦫꦠꦸ​ꦣꦮ꦳ꦼꦢ꧀ ꦢꦺꦴꦁꦔꦺꦢꦺꦏ꧀ꦤꦺꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦔꦼꦭꦶꦃ​ꦧꦔꦼꦠ꧀ ꦤꦁꦔꦶꦁ​ꦲꦺꦴꦫ​ꦤ꧀ꦢꦸꦮꦺꦥꦔꦤ꧀ꦤꦤ꧀ꦲꦥꦲꦥ​? ²⁶ꦲꦥ​ꦢꦺꦏ꧀ꦤꦺꦲꦺꦴꦫ​ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦁꦔꦤ꧀ꦫꦺꦴꦠꦶꦤꦺ​꧉​ꦢꦺꦏ꧀ꦤꦺꦭꦲꦸꦠ꧀ꦮꦶꦱ꧀ꦔꦼꦂꦠꦶ​ꦠ​ꦤꦺꦏ꧀ꦤꦩꦸꦁ​ꦥꦫ​ꦲꦶꦩꦩ꧀ꦱꦶꦁ​ꦲꦺꦤ꧀ꦠꦸꦏ꧀ꦩꦁꦔꦤ꧀ꦫꦺꦴꦠꦶ​ꦱꦶꦁ​ꦮꦶꦱ꧀ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦱꦶꦁ​ꦢꦢꦶ​ꦲꦶꦩꦩ꧀ꦒꦼꦢꦺ​ꦄꦧꦶꦪꦠꦂ​꧉​ꦩꦭꦃ​ꦏꦚ꧀ꦕꦤꦺ​ꦲꦩ꧀ꦧꦫꦁ​ꦢꦶꦲꦼꦢꦸꦩ꧀ꦩꦶꦭꦤ꧀ꦥꦢ​ꦩꦺꦭꦸ​ꦩꦁꦔꦤ꧀ꦏꦫꦺꦴ​ꦣꦮ꦳ꦼꦢ꧀꧈​ꦭꦤ꧀ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦔꦺꦴꦩꦺꦴꦁꦤꦺꦏ꧀ꦢꦺꦏ꧀ꦤꦺꦏ꧀ꦭꦺꦫꦸ​꧉​” ²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦒꦸꦱ꧀ꦠꦶ​ꦄꦭ꧀ꦭꦃ​ꦲꦼꦁꦒꦺꦴꦤꦺ​ꦔꦤꦏ꧀ꦏꦏꦺꦢꦶꦤ​ꦱꦧꦠ꧀ꦏꦸꦮꦶ​ꦲꦺꦴꦫ​ꦏꦁꦒꦺꦴ​ꦔꦔꦺꦭ꧀ꦭꦏꦺ꧈​ꦤꦁꦔꦶꦁ​ꦏꦁꦒꦺꦴ​ꦔꦼꦥꦺꦤꦏ꧀ꦏꦏꦺꦲꦸꦫꦶꦥ꧀ꦥꦺꦩꦤꦸꦁꦱ​꧉​ ²⁸ꦩꦸꦭꦤꦺ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦱꦶꦁ​ꦧꦶꦱ​ꦔꦫꦤ꧀ꦤꦶ​ꦧꦧ꧀ꦱꦶꦁ​ꦲꦺꦤ꧀ꦠꦸꦏ꧀ꦭꦤ꧀ꦱꦶꦁ​ꦲꦺꦴꦫ​ꦲꦺꦤ꧀ꦠꦸꦏ꧀ꦢꦶꦠꦤ꧀ꦢꦁꦔꦶ​ꦲꦶꦁ​ꦢꦶꦤ​ꦱꦧꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀꧈​

꧇​꧓꧇​ ¹꧋ꦲꦶꦁ​ꦢꦶꦤ​ꦱꦧꦠ꧀ꦭꦶꦪꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦱꦶꦤꦒꦸꦏ꧀ꦩꦼꦤꦺꦃ​꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦠꦔꦤ꧀ꦤꦺ​ꦭꦸꦩ꧀ꦥꦸꦃ​ꦱꦼꦧꦼꦭꦃ꧉​ ²ꦤꦁꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔ꧀ꦒꦺꦴꦭꦺꦏ꧀ꦗꦭꦂꦫꦤ꧀ꦏꦁꦒꦺꦴ​ꦔꦼꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦤ꧀ꦢꦼꦭꦺꦴꦏ꧀ꦏꦏꦺ꧈​ꦲꦮꦶꦠ꧀ꦏꦼꦥꦺꦔꦶꦤ꧀ꦔꦼꦂꦠꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁꦔꦺ​ꦲꦥ​ꦲꦺꦴꦫ​ꦲꦶꦁ​ꦢꦶꦤ​ꦱꦧꦠ꧀ꦲꦶꦏꦶ​꧉​ ³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦠꦔꦤ꧀ꦤꦺ​ꦏꦺꦴꦁꦏꦺꦴꦤ꧀ꦩꦗꦸ​꧈​ꦱꦸꦥꦪ​ꦮꦺꦴꦁꦮꦺꦴꦁ​ꦧꦶꦱ​ꦮꦼꦫꦸꦃ​ꦢꦺꦏ꧀ꦤꦺ꧉​ ⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​:“ꦲꦏꦸ​ꦏꦼꦥꦺꦔꦶꦤ꧀ꦏꦿꦸꦔꦸ​:ꦲꦶꦁ​ꦢꦶꦤ​ꦱꦧꦠ꧀ꦲꦥꦶꦏ꧀​ꦔ꧀ꦒꦮꦺ​ꦧꦼꦕꦶꦏ꧀ꦲꦥ​ꦲꦥꦶꦏ꧀​ꦔ꧀ꦒꦮꦺ​ꦲꦭ​?ꦲꦥꦶꦏ꧀ꦤꦸꦭꦸꦁꦔꦶ​ꦮꦺꦴꦁ​ꦲꦥ​ꦲꦥꦶꦏ꧀ꦩꦠꦺꦤ꧀ꦤꦶ​?” ꧋ꦮꦺꦴꦁꦮꦺꦴꦁ​ꦲꦩ꧀ꦊꦁꦏꦧꦺꦃ​꧈​ꦲꦺꦴꦫ​ꦲꦺꦤꦺꦁꦱꦶꦁ​ꦮꦤꦶ​ꦱꦼꦩꦲꦸꦂ​ꦲꦥꦲꦥ​꧉​ ⁵ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦮꦺꦴꦁꦮꦺꦴꦁ​ꦏꦫꦺꦴ​ꦪ​ꦗꦺꦁꦏꦺꦭ꧀ꦪ​ ꦱꦼꦢꦶ꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦲꦺꦴꦫ​ꦒꦼꦊꦩ꧀ꦤꦶꦠꦺꦤ꧀ꦤꦶ​ꦧꦫꦁ​ꦱꦶꦁ​ꦧꦼꦤꦼꦂ​꧉​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦠꦔꦤ꧀ꦤꦺ​:“ꦠꦔꦤ꧀ꦩꦸ​ꦢꦶꦲꦼꦠꦸꦁꦔꦏꦺ!”ꦮꦺꦴꦁꦔꦺ​ꦠꦼꦫꦸꦱ꧀ꦔꦼꦠꦸꦁꦔꦏꦺꦠꦔꦤ꧀ꦤꦺ​꧈​ꦲꦮꦶꦠ꧀ꦮꦶꦱ꧀ꦲꦺꦴꦫ​ꦭꦸꦩ꧀ꦥꦸꦃ​ꦩꦼꦤꦺꦃ​꧉​ꦱꦲꦶꦏꦶ​ꦮꦶꦱ꧀ꦩꦫꦶ​ꦏꦪ​ꦩꦲꦸꦤꦺ​꧉​ ⁶ꦮꦺꦴꦁ​ꦥ꦳ꦫꦶꦱꦶ​ꦱꦶꦁ​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦭꦸꦔ​꧉​ꦠꦼꦫꦸꦱ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦒꦺꦴꦭꦺꦴꦁꦔꦤ꧀ꦤꦺ​ꦲ꦳ꦺꦫꦺꦴꦢꦺꦱ꧀꧈​ꦧꦼꦧꦉꦁꦔꦤ꧀ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦔ꧀ꦒꦮꦺ​ꦲꦏꦭ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦱꦁꦏꦥꦿꦲꦸ​꧉​

^7-8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦭꦸꦔ​ꦤꦁꦥꦶꦁꦒꦶꦂ​ꦩꦺꦂꦓꦭꦶꦭꦺꦪ​꧉​ꦮꦺꦴꦁ​ꦲꦺꦴꦏꦺꦃꦧꦔꦼꦠ꧀ꦥꦢ​ꦔꦼꦠꦸꦠ꧀ꦠꦏꦺꦢꦺꦏ꧀ꦤꦺ꧉​ꦲꦺꦤꦺꦁꦱꦶꦁ​ꦱꦁꦏꦧꦮꦃꦓꦭꦶꦭꦺꦪ​ꦭꦤ꧀ꦪꦸꦢꦺꦪ​ꦭꦤ꧀ꦱꦁꦏꦏꦸꦠꦪꦺꦫꦸꦱꦭꦺꦩ꧀꧈​ꦲꦸꦒ​ꦲꦺꦤꦺꦁꦱꦶꦁ​ꦱꦁꦏꦧꦮꦃꦆꦢꦸꦩꦺꦪ꧈​ꦱꦁꦏꦲꦧꦿꦲꦤ꧀ꦤꦺꦭꦫꦪꦺꦴꦂꦢꦤ꧀ꦭꦤ꧀ꦱꦁꦏꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦸꦠꦠꦶꦫꦸꦱ꧀ꦭꦤ꧀ꦱꦶꦢꦺꦴꦤ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦒꦼꦩꦿꦸꦢꦸꦏ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦏꦧꦺꦃ​ꦏꦿꦸꦔꦸ​ꦤꦺꦏ꧀ꦢꦺꦏ꧀ꦤꦺꦤꦶꦤ꧀ꦢꦏ꧀ꦏꦏꦺꦧꦫꦁ​ꦱꦶꦁ​ꦔ꧀ꦒꦸꦩꦸꦤ꧀​ꦔ꧀ꦒꦸꦩꦸꦤ꧀ꦤꦏꦺ꧉​ ⁹ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦁꦏꦺꦴꦤ꧀ꦥꦢ​ꦚꦮꦶꦱ꧀ꦱꦏꦺꦥꦿꦲꦸ​ꦱꦶꦗꦶ​꧉​ꦢꦢꦶꦤꦺ​ꦱꦼꦤꦗꦤ꧀ꦮꦺꦴꦁ​ꦲꦺꦴꦏꦺꦃꦥꦢ​ꦲꦼꦱꦸꦏ꧀ꦲꦼꦱꦸꦏ꧀ꦏꦤ꧀ꦏꦼꦥꦺꦔꦶꦤ꧀ꦩꦗꦸ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦲꦸꦱꦃꦢꦶꦲꦼꦱꦸꦏ꧀ꦲꦼꦱꦸꦏ꧀ꦮꦺꦴꦁ​꧈​ꦲꦮꦶꦠ꧀ꦢꦺꦏ꧀ꦤꦺꦧꦶꦱ​ꦚ꧀ꦗꦒꦺꦴꦁꦤꦁꦥꦿꦲꦸꦤꦺ​꧉​ ¹⁰ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦤꦩ꧀ꦧꦤꦶ​ꦮꦺꦴꦁ​ꦥꦶꦫꦁꦥꦶꦫꦁ​꧈​ꦩꦸꦭꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦭꦫ​ꦥꦢ​ꦔꦼꦱꦸꦏ꧀ꦲꦼꦱꦸꦏ꧀ ꦏꦼꦥꦺꦔꦶꦤ꧀​ꦤ꧀ꦢꦼꦩꦺꦏ꧀ꦢꦺꦏ꧀ꦤꦺꦱꦸꦥꦪ​ꦧꦶꦱ​ꦩꦫꦶ​꧉​ ¹¹ꦮꦺꦴꦁꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦤꦺꦏ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦤꦶꦧ​ꦤꦁꦔꦉꦥ꧀ꦥꦺ​꧉​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦥꦢ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​!” ¹²꧋ꦤꦁꦔꦶꦁ​ꦢꦼꦩꦶꦠ꧀ꦢꦼꦩꦶꦠ꧀ꦩꦲꦸ​ꦢꦶꦱꦼꦤꦺꦤ꧀ꦤꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦢꦺꦏ꧀ꦤꦺꦏꦸꦮꦶ​ꦱꦥ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦭꦶꦃ​ꦫꦱꦸꦭ꧀ꦫꦺꦴꦭꦱ꧀꧈​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦠꦼꦫꦸꦱ꧀ꦩꦸꦁꦒꦃ​ꦤꦁꦒꦸꦤꦸꦁ​꧉​ꦢꦺꦏ꧀ꦤꦺꦩꦶꦭꦶꦃ​ꦮꦺꦴꦁꦮꦺꦴꦁ​ꦱꦶꦁ​ꦏꦺꦴꦁꦏꦺꦴꦤ꧀ꦩꦺꦭꦸ​꧉​ꦮꦺꦴꦁꦮꦺꦴꦁ​ꦪ​ꦠꦼꦫꦸꦱ꧀ꦥꦢ​ꦠꦼꦏ​꧉​ ^14-15ꦱꦁꦏꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦠꦼꦏ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦭꦶꦃ​ꦮꦺꦴꦁ​ꦫꦺꦴꦭꦱ꧀ꦱꦶꦁ​ꦏꦸꦢꦸ​ꦩꦺꦭꦸ​ꦢꦺꦏ꧀ꦤꦺꦤꦁꦲꦼꦤ꧀ꦢꦶ​ꦮꦲꦺ​꧉​ꦲꦮꦶꦠ꧀ꦮꦺꦴꦁ​ꦫꦺꦴꦭꦱ꧀ꦲꦶꦏꦶ​ꦱꦶꦁ​ꦧꦏꦭ꧀​ꦔ꧀ꦒꦼꦭꦂ​ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦧꦏꦭ꧀​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀꧈​ ^16-17꧋ꦱꦶꦁ​ꦢꦶꦥꦶꦭꦶꦃ​ꦪ​ꦮꦺꦴꦁ​ꦫꦺꦴꦭꦱ꧀ꦲꦶꦏꦶ​:ꦱꦶꦩꦺꦴꦤ꧀ꦱꦶꦁ​ꦢꦶꦏꦺꦏ꧀ꦏꦶꦗꦼꦤꦼꦁ​ꦭꦶꦪꦤꦺ​꧈​ꦪꦏꦸꦮꦶ​ꦦꦺꦠꦿꦸꦱ꧀ ꦪꦏꦺꦴꦧꦸꦱ꧀ꦏꦫꦺꦴ​ꦪꦺꦴꦲꦤꦼꦱ꧀ꦱꦶꦁ​ꦏꦏꦁꦔꦢꦶ꧉​ꦏꦧꦺꦃ​ꦭꦺꦴꦫꦺꦴ​ꦲꦶꦏꦶ​ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀ꦭꦤ꧀ꦥꦢ​ꦢꦶꦲꦫꦤ꧀ꦤꦶ​ꦨꦺꦴꦄꦤꦺꦂꦒꦼꦱ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦒꦼꦱ꧀ꦱꦺ​:ꦲꦤꦏ꧀​ꦒ꧀ꦭꦸꦢꦸꦏ꧀꧈​ ^18-19ꦱꦶꦁꦭꦶꦪꦭꦶꦪꦤꦺꦗꦼꦤꦼꦁꦔꦺꦄꦤ꧀ꦢꦿꦺꦪꦱ꧀ ꦥ꦳ꦶꦭꦶꦥꦸꦱ꧀ ꦧꦂꦠꦺꦴꦭꦺꦴꦩꦺꦪꦸꦱ꧀ ꦩꦠꦺꦪꦸꦱ꧀ ꦠꦺꦴꦩꦱ꧀ ꦪꦏꦺꦴꦧꦸꦱ꧀ꦲꦤꦏ꧀ꦏꦺꦄꦭ꧀ꦥ꦳ꦺꦪꦸꦱ꧀ ꦠꦢꦺꦪꦸꦱ꧀ ꦱꦶꦩꦺꦴꦤ꧀ꦱꦶꦁꦢꦶꦲꦫꦤ꧀ꦤꦶꦥꦠꦿꦶꦪꦺꦴꦠ꧀ꦭꦤ꧀ꦪꦸꦢꦱ꧀ꦱꦁꦏꦆꦱ꧀ꦏꦫꦶꦪꦺꦴꦠ꧀ ꦱꦶꦁꦲꦶꦁꦠꦼꦩ꧀ꦧꦺꦧꦏꦭ꧀ꦔꦼꦭꦸꦁꦔꦏꦺꦒꦸꦱ꧀ꦠꦶꦪꦺꦯꦸꦱ꧀ꦩꦫꦁꦩꦸꦁꦱꦸꦃꦲꦺ꧉​

꧋ꦒꦸꦱ꧀ꦠꦶꦪꦺꦯꦸꦱ꧀ꦭꦤ꧀ꦱꦺꦠꦤ꧀꧈​

²⁰꧋ꦒꦸꦱ꧀ꦠꦶꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦤꦁꦲꦺꦴꦩꦃ꧉​ꦤꦁꦔꦶꦁꦮꦺꦴꦁꦲꦺꦴꦏꦺꦃꦧꦔꦼꦠ꧀ꦥꦢꦠꦼꦏꦩꦼꦤꦺꦃꦩꦫꦤꦶꦢꦺꦏ꧀ꦤꦺ꧈​ꦱꦩ꧀ꦥꦺꦏ꧀ꦲꦺꦴꦫꦏꦺꦴꦧꦼꦂꦩꦁꦔꦤ꧀꧈​ ²¹ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦏꦿꦸꦔꦸ​ꦧꦧ꧀ꦏꦸꦮꦶ​꧉​ꦭꦤ꧀ꦩꦼꦤꦺꦃ​ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦢꦺꦏ꧀ꦤꦺꦏꦸꦮꦶ​ꦲꦺꦴꦫ​ꦮꦫꦱ꧀꧈​ꦩꦸꦭꦤꦺ​ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦲꦉꦥ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦲꦼꦗꦺꦏ꧀ꦩꦸꦭꦶꦃ​꧉​ ²²꧋ꦒꦸꦫꦸꦒꦸꦫꦸ​ꦏꦶꦠꦧ꧀ꦱꦶꦁ​ꦠꦼꦏ​ꦱꦁꦏꦪꦺꦫꦸꦱꦭꦺꦩ꧀ꦥꦢ​ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦢꦶꦏ꧀ꦮꦱꦤꦶ​ꦨꦺꦭ꧀ꦱꦼꦧꦸꦭ꧀ ꦥꦼꦁꦒꦼꦢꦺꦤꦺꦢꦼꦩꦶꦠ꧀꧈​ꦩꦸꦭꦤꦺ​ꦢꦺꦏ꧀ꦤꦺꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀꧈​” ²³꧋ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦢꦶꦮꦸꦭꦁꦔꦶꦔꦁꦒꦺꦴ​ꦠꦼꦩ꧀ꦧꦸꦁ​ꦒꦩ꧀ꦧꦂ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦩꦺꦴꦱꦺꦴꦏ꧀ꦱꦺꦠꦤ꧀​ꦲꦉꦥ꧀​ꦔ꧀ꦭꦮꦤ꧀ꦧꦭꦤꦺ​ꦢꦺꦮꦺ?ꦩꦼꦱ꧀ꦠꦶꦲꦺꦴꦫ​ꦠ​! ²⁴ꦱꦼꦩꦸꦁꦒꦺꦴꦤ꧀ꦤꦺꦲꦶꦁ​ꦱꦏ꧀ꦗꦼꦫꦺꦴꦤꦺꦤꦼꦒꦫ​ꦮꦺꦴꦁꦔꦺ​ꦥꦢ​ꦩꦼꦩꦸꦁꦱꦸꦃꦲꦤ꧀ꦩꦫꦁ​ꦱꦏ꧀ꦥꦢꦥꦢ꧈​ꦤꦼꦒꦫ​ꦏꦸꦮꦶ​ꦩꦼꦱ꧀ꦠꦶꦧꦏꦭ꧀ꦫꦸꦱꦏ꧀꧈​ ²⁵ꦲꦸꦒ​ꦲꦶꦁ​ꦱꦏ꧀ꦗꦼꦫꦺꦴꦤꦺꦲꦺꦴꦩꦃꦲꦺꦴꦩꦃ​꧈​ꦤꦺꦏ꧀ꦮꦺꦴꦁꦔꦺ​ꦥꦢ​ꦤꦼꦁꦤꦼꦁꦔꦤ꧀ꦭꦤ꧀ꦩꦼꦩꦸꦁꦱꦸꦃꦲꦤ꧀ ꦧꦿꦪꦠ꧀ꦏꦸꦮꦶ​ꦩꦼꦱ꧀ꦠꦶꦤ꧀ꦢꦁꦧꦸꦧꦿꦃ​꧉​ ²⁶ꦭꦃ​ꦱꦲꦶꦏꦶ​ꦢꦶꦥꦶꦏꦶꦂ​ꦢꦺꦮꦺꦱꦶꦁ​ꦲꦥꦶꦏ꧀:ꦤꦺꦏ꧀ꦱꦺꦠꦤ꧀​ꦔ꧀ꦭꦮꦤ꧀ꦧꦭꦤꦺ​ꦢꦺꦮꦺ꧈​ꦭꦃ​ꦒꦺꦏ꧀ꦏꦼꦥꦿꦶꦪꦺ​?ꦩꦼꦱ꧀ꦠꦶꦱꦺꦠꦤ꧀ꦪ​ꦮꦶꦱ꧀ꦲꦺꦴꦫ​ꦤ꧀ꦢꦸꦮꦺꦧꦭ​ꦩꦼꦤꦺꦃ​꧉​ ²⁷꧋“ꦲꦥ​ꦲꦺꦤꦺꦁꦮꦺꦴꦁ​ꦧꦶꦱ​ꦔ꧀ꦊꦧꦺꦴꦤ꧀ꦤꦶꦲꦺꦴꦩꦃꦲꦺ​ꦮꦺꦴꦁ​ꦱꦶꦁ​ꦒꦼꦢꦺ​ꦭꦤ꧀ꦫꦺꦴꦱ​ꦥꦮꦏ꧀ꦏꦤ꧀ꦤꦺ​꧈​ꦠꦼꦫꦸꦱ꧀ꦚꦺꦴꦭꦺꦴꦁꦔꦶ​ꦱꦼꦩ꧀ꦧꦫꦁ​ ꦱꦏ꧀ꦲꦺꦤꦺꦁꦔꦺ?ꦩꦼꦱ꧀ꦠꦶꦪ​ꦲꦺꦴꦫ​ꦧꦶꦱ​!ꦩꦭꦶꦁ​ꦔꦺ​ꦏꦸꦢꦸ​ꦧꦶꦱ​ꦲꦩ꧀ꦧꦤ꧀ꦢ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦤ꧀ꦢꦶꦱꦶꦏ꧀ ꦱꦏ꧀ꦢꦸꦫꦸꦁꦔꦺꦧꦶꦱ​ꦔꦸꦱꦸꦁꦔꦶ​ꦱꦼꦩ꧀ꦧꦫꦁꦔꦺ꧉​ ²⁸꧋“ꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦊꦩ꧀ꦔꦥꦸꦫ​ꦩꦤꦸꦁꦱ​꧈​ꦱꦼꦤꦗꦤ꧀ꦱꦭꦃꦲꦺ​ꦒꦼꦢꦺꦤꦺꦭꦤ꧀ꦲꦺꦴꦏꦺꦃꦲꦺꦏꦪ​ꦔꦥ​꧈​ꦲꦸꦒ​ꦤꦺꦏ꧀ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦮꦺꦴꦁ​ꦭꦶꦪꦤꦺ​꧉​ ²⁹ꦤꦁꦔꦶꦁ​ꦱꦥ​ꦱꦶꦁ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦫꦺꦴꦃ​ꦱꦸꦕꦶ​ꦲꦺꦴꦫ​ꦧꦏꦭ꧀ꦢꦶꦔꦥꦸꦫꦱ꧀ꦭꦮꦱ꧀ꦭꦮꦱ꧀ꦱꦺ꧈​ꦤꦁꦔꦶꦁ​ꦧꦏꦭ꧀ꦚꦁꦒ​ꦱꦭꦃ​ꦲꦶꦏꦸ​ꦱꦏ꧀ꦠꦼꦫꦸꦱ꧀ꦱꦺ꧉​” ³⁰ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦥꦢ​ꦔꦫꦤ꧀ꦤꦶ​ꦤꦺꦏ꧀ꦢꦺꦏ꧀ꦤꦺꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦱꦼꦢꦸꦭꦸꦂꦫꦺ​꧉​

³¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦲꦶꦧꦸꦤꦺ​ꦭꦤ꧀ꦲꦢꦶꦏ꧀ꦲꦢꦶꦏ꧀ꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦠꦼꦏ​꧉​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦔꦼꦤ꧀ꦠꦺꦤ꧀ꦤꦶ​ꦤꦁꦚ꧀ꦗꦧ​ꦭꦤ꧀ꦏꦺꦴꦁꦏꦺꦴꦤ꧀ꦤꦤ꧀ꦚꦼꦭꦸꦏ꧀ꦏꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ³²ꦮꦺꦴꦁ​ꦲꦺꦴꦏꦺꦃꦥꦢ​ꦗꦒꦺꦴꦁꦔꦤ꧀ꦔꦸꦧꦼꦁꦔꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦶꦧꦸ​ꦭꦤ꧀ꦲꦢꦶꦏ꧀ꦩꦸꦥꦢ​ꦤꦁꦚ꧀ꦗꦧ​ꦤꦺꦏꦺꦴꦏ꧀ꦏꦏꦺꦏꦺꦴꦮꦺ​!” ³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦶꦧꦸꦏꦸ​ꦭꦤ꧀ꦲꦢꦶꦏ꧀ꦏꦸꦏꦸꦮꦶ​ꦱꦏ꧀ꦗꦤꦺꦱꦥ​ꦠ​?” ^34-35ꦢꦺꦏ꧀ꦤꦺꦠꦼꦫꦸꦱ꧀ꦚꦮꦁꦮꦺꦴꦁꦮꦺꦴꦁꦱꦶꦁꦥꦢꦚ꧀ꦗꦒꦺꦴꦁꦔꦸꦧꦼꦁꦔꦶꦢꦺꦏ꧀ꦤꦺꦭꦤ꧀ꦔꦺꦴꦩꦺꦴꦁ:“ꦪꦲꦶꦏꦶꦲꦶꦧꦸꦏꦸꦭꦤ꧀ꦱꦼꦢꦸꦭꦸꦂꦏꦸ꧉​ꦱꦥꦮꦲꦺꦱꦶꦁꦩꦤꦸꦠ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃ꧈​ꦪꦏꦸꦮꦶꦱꦼꦢꦸꦭꦸꦂꦏꦸꦭꦤꦁꦭꦤ꧀ꦱꦼꦢꦸꦭꦸꦂꦏꦸꦮꦺꦢꦺꦴꦏ꧀ꦭꦤ꧀ꦲꦶꦧꦸꦏꦸꦠꦼꦤꦤ꧀꧈​”

꧋ꦠꦼꦩ꧀ꦧꦸꦁꦒꦩ꧀ꦧꦂꦧꦧ꧀ꦮꦺꦴꦁꦚꦼꦧꦂ꧉​

꧇​꧔꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦩꦼꦤꦺꦃ​ꦤꦁꦥꦶꦁꦒꦶꦂꦫꦺ​ꦩꦺꦂꦓꦭꦶꦭꦺꦪ​꧉​ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁꦔꦺ​ꦱꦶꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺ꧈​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦁꦒꦃ​ꦤꦁꦥꦿꦲꦸ​ꦱꦶꦁ​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦩꦸꦭꦁꦔꦶꦱꦁꦏꦏꦺꦴꦤꦺꦴ​꧉​ꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦢ​ꦔꦢꦼꦏ꧀ꦤꦁꦥꦶꦁꦒꦶꦂ​꧉​ ²ꦥꦶꦫꦁꦥꦶꦫꦁ​ꦥꦽꦏꦫ​ꦱꦶꦁ​ꦢꦶꦉꦩ꧀ꦧꦸꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦢꦺꦏ꧀ꦤꦺꦤꦺꦏ꧀ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂ​꧉​ ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀꧈​ꦲꦺꦤꦺꦁꦮꦺꦴꦁ​ꦧꦸꦢꦭ꧀ꦤꦁꦏꦼꦧꦺꦴꦤ꧀ꦲꦉꦥ꧀ꦚꦼꦧꦂ​꧉​ ⁴ꦢꦺꦴꦁꦔꦺꦚꦼꦧꦂ​꧈​ꦮꦶꦗꦶꦤꦺ​ꦲꦺꦤꦺꦁꦱꦶꦁ​ꦠꦶꦧ​ꦤꦁꦥꦶꦁꦒꦶꦂ​ꦢꦭꦤ꧀ꦠꦼꦫꦸꦱ꧀ꦢꦶꦥꦔꦤ꧀ꦩꦤꦸꦏ꧀꧈​ ^5-6ꦱꦭꦺꦴꦏ꧀ꦏꦺꦠꦶꦧ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦠꦺꦴꦱ꧀ ꦱꦶꦁ​ꦠꦶꦥꦶꦱ꧀ꦊꦩꦃꦲꦺ​꧉​ꦪ​ꦒꦼꦭꦶꦱ꧀ꦠꦸꦏꦸꦭ꧀ ꦤꦁꦔꦶꦁ​ꦏꦢꦸꦁ​ꦥꦤꦱ꧀ꦧꦤ꧀ꦠꦼꦂ​ꦠꦼꦫꦸꦱ꧀ꦒꦫꦶꦁ​꧈​ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦲꦺꦴꦪꦺꦴꦠ꧀ꦠꦺ꧉​ ⁷ꦭꦶꦪꦤꦺ​ꦠꦶꦧ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦏꦺꦃꦲꦼꦫꦶꦤꦺ​꧉​ꦮꦶꦗꦶꦤꦺ​ꦠꦸꦏꦸꦭ꧀ ꦤꦁꦔꦶꦁ​ꦏꦭꦃ​ꦏꦫꦺꦴ​ꦲꦼꦫꦶꦲꦼꦫꦶꦤꦺ꧈​ꦩꦸꦭꦤꦺ​ꦪ​ꦲꦺꦴꦫ​ꦧꦶꦱ​ꦩꦼꦠꦸ​ꦮꦺꦴꦃꦲꦺ​꧉​ ⁸ꦤꦁꦔꦶꦁ​ꦲꦸꦒ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦥꦶꦏ꧀꧈​ꦮꦶꦗꦶ​ꦲꦶꦏꦶ​ꦠꦸꦏꦸꦭ꧀ꦱꦩ꧀ꦥꦺꦏ꧀ꦒꦼꦢꦺꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦢꦢꦶ​ꦠꦼꦭꦸꦁ​ꦥꦸꦭꦸꦃ​꧈​ꦭꦶꦪꦤꦺ​ꦩꦭꦶꦃ​ꦱ꧀ꦮꦶꦢꦏ꧀ꦭꦤ꧀ꦲꦺꦤꦺꦁꦭꦶꦪꦤꦺ​ꦱꦶꦁ​ꦢꦢꦶ​ꦱꦠꦸꦱ꧀꧈​” ⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦥꦶꦮꦸꦭꦁꦔꦺ​ꦔꦺꦴꦩꦺꦴꦁ:“ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀!” ¹⁰꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀​ꦚ꧀ꦗꦒꦺꦴꦁꦢꦺꦮꦺ꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦱꦶꦁ​ꦩꦺꦭꦸ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦩꦲꦸ​ꦥꦢ​ꦠꦼꦏ​ꦧꦉꦁ​ꦏꦫꦺꦴ​ꦩꦸꦫꦶꦢ꧀ꦱꦶꦁ​ꦫꦺꦴꦭꦱ꧀꧈​ꦮꦺꦴꦁꦮꦺꦴꦁ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦒꦩ꧀ꦧꦂ​ꦩꦲꦸ​꧉​ ¹¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦧꦧ꧀ꦲꦶꦏꦶ​꧈​ꦤꦁꦔꦶꦁ​ꦱꦲꦶꦏꦶ​ꦏꦺꦴꦮꦺ​ꦮꦶꦱ꧀ꦥꦢ​ꦔꦼꦂꦠꦶ​ꦮꦼꦮꦢꦶꦤꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦏꦁꦒꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​꧈​ꦲꦏꦸ​ꦱꦶꦁ​ꦩꦸꦭꦁꦔꦶꦔꦁꦒꦺꦴ​ꦠꦼꦩ꧀ꦧꦸꦁꦠꦼꦩ꧀ꦧꦸꦁ​ꦒꦩ꧀ꦧꦂ​꧉​ ¹²ꦢꦢꦶꦤꦺ​꧈​

‘ꦱꦼꦤꦗꦤ꧀ꦤ​ꦥꦢ​ꦮꦼꦫꦸꦃ​꧈​
ꦤꦁꦔꦶꦁ​ꦲꦺꦴꦫ​ꦧꦶꦱ​ꦤꦶꦠꦺꦤ꧀ꦤꦶ​
ꦭꦤ꧀ꦱꦼꦤꦗꦤ꧀ꦤ​ꦥꦢ​ꦔꦿꦸꦔꦺꦴꦏ꧀ꦏꦏꦺ
ꦲꦺꦴꦫ​ꦧꦶꦱ​ꦢꦸꦤꦸꦁ꧉​
ꦲꦮꦶꦠ꧀ꦤꦺꦏ꧀ꦥꦢ​ꦤꦶꦠꦺꦤ꧀ꦤꦶ​
ꦭꦤ꧀ꦥꦢ​ꦢꦸꦤꦸꦁ꧈​
ꦮꦺꦴꦁꦮꦺꦴꦁ​ꦏꦸꦮꦶ​ꦩꦼꦱ꧀ꦠꦶ
ꦠꦼꦫꦸꦱ꧀ꦥꦢ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​
ꦭꦤ꧀ꦱꦭꦃꦲꦺ​ꦲꦸꦒ​ꦧꦶꦱ​ꦢꦶꦔꦥꦸꦫ꧉​
ꦤꦁꦔꦶꦁ​ꦲꦺꦴꦫ​ꦥꦢ​ꦒꦼꦊꦩ꧀꧈​’”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦠꦼꦩ꧀ꦧꦸꦁꦔꦺ​꧉​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:“ꦩꦺꦴꦱꦺꦴꦏ꧀ꦏꦺꦴꦮꦺ​ꦲꦺꦴꦫ​ꦥꦢ​ꦢꦸꦤꦸꦁꦥꦶꦮꦸꦭꦁꦔꦺ​ꦱꦁꦏꦠꦼꦩ꧀ꦧꦸꦁ​ꦒꦩ꧀ꦧꦂ​ꦲꦶꦏꦶ​?ꦭꦃ​ꦏꦼꦥꦿꦶꦪꦺ​ꦏꦺꦴꦮꦺ​ꦧꦶꦱꦤꦺ​ꦢꦸꦤꦸꦁꦱꦶꦁ​ꦭꦶꦪꦭꦶꦪꦤꦺ​? ¹⁴ꦮꦺꦴꦁ​ꦱꦶꦁ​ꦚꦼꦧꦂ​ꦏꦸꦮꦶ​ꦮꦺꦴꦁ​ꦱꦶꦁ​ꦔꦧꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁵ꦮꦶꦗꦶꦮꦶꦗꦶ​ꦱꦶꦁ​ꦠꦶꦧ​ꦤꦁꦥꦶꦁꦒꦶꦂ​ꦢꦭꦤ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦠꦼꦫꦸꦱ꧀ꦥꦢ​ꦭꦭꦶ​꧉​ꦱꦺꦠꦤ꧀ ꦲꦩ꧀ꦧꦸꦮꦁ​ꦥꦶꦠꦸꦠꦸꦂ​ꦩꦲꦸ​ꦱꦁꦏꦲꦠꦶꦤꦺ​꧉​ ¹⁶ꦮꦶꦗꦶꦮꦶꦗꦶ​ꦱꦶꦁ​ꦠꦶꦧ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦠꦺꦴꦱ꧀ ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦭꦤ꧀ꦒꦼꦊꦩ꧀ꦤꦩ꧀ꦥ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦺꦴꦁꦮꦺꦴꦁ​ꦲꦶꦏꦶ​ꦠꦼꦫꦸꦱ꧀ꦥꦢ​ꦱꦼꦤꦼꦁ​ꦭꦤ꧀​ꦤ꧀ꦢꦸꦮꦺꦤ꧀ꦤꦶ​ꦏꦧꦸꦔꦃꦲꦤ꧀꧈​ ¹⁷ꦤꦁꦔꦶꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦔꦺꦴꦪꦺꦴꦠ꧀ꦲꦶꦁ​ꦲꦠꦶꦤꦺ​꧉​ꦩꦸꦁ​ꦢꦼꦩꦼꦤ꧀ꦲꦚꦂ​ꦮꦲꦺ​꧉​ꦤꦺꦏ꧀ꦏꦠꦼꦏꦤ꧀ꦏꦔꦺꦭ꧀ꦭꦤ꧀ꦭꦤ꧀ꦢꦶꦱꦼꦔꦶꦠ꧀ꦠꦶ​ꦏꦫꦺꦴ​ꦭꦶꦪꦤꦺ​꧈​ꦗꦭꦂꦫꦤ꧀ꦤꦸꦫꦸꦠ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦮꦺꦴꦁꦮꦺꦴꦁ​ꦲꦶꦏꦶ​ꦠꦼꦫꦸꦱ꧀ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ ¹⁸ꦮꦶꦗꦶꦮꦶꦗꦶ​ꦱꦶꦁ​ꦠꦶꦧ​ꦤꦁꦠꦼꦔꦃꦲꦺ​ꦲꦼꦫꦶꦲꦼꦫꦶꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦭꦤ꧀ꦤꦩ꧀ꦥ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁹ꦤꦁꦔꦶꦁ​ꦠꦼꦫꦸꦱ꧀ꦥꦢ​ꦧꦶꦔꦸꦁ​ꦧꦧ꧀ꦏꦲꦸꦫꦶꦥ꧀ꦥꦤ꧀ꦲꦶꦁ​ꦢꦺꦴꦚ​ꦭꦤ꧀ꦩꦸꦁ​ꦩꦶꦏꦶꦂꦫꦏꦺꦧꦫꦁ​ꦱꦶꦁ​ꦲꦺꦴꦫꦲꦺꦴꦫ​꧈​ꦲꦮꦶꦠ꧀ꦥꦢ​ꦏꦼꦥꦺꦔꦶꦤ꧀ꦱꦸꦒꦶꦃ​꧉​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦭꦭꦶ​ꦩꦫꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁰ꦤꦁꦔꦶꦁ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦱꦶꦁ​ꦲꦥꦶꦏ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦫꦸꦱ꧀ꦥꦢ​ꦥꦽꦕꦪ​ꦱꦏ꧀ꦲꦠꦶꦤꦺ​꧉​ꦢꦢꦶꦤꦺ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦲꦶꦁ​ꦲꦸꦫꦶꦥ꧀ꦥꦺꦮꦺꦴꦁ​ꦏꦸꦮꦶ​꧈​ꦥꦶꦁ​ꦠꦼꦭꦸꦁ​ꦥꦸꦭꦸꦃ​꧈​ꦭꦶꦪꦤꦺ​ꦱ꧀ꦮꦶꦢꦏ꧀ꦭꦤ꧀ꦭꦶꦪꦤꦺ​ꦩꦼꦤꦺꦃ​ꦥꦶꦁ​ꦱꦠꦸꦱ꧀꧈​”

꧋ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦪ​ꦢꦶꦪꦤ꧀꧈​

²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦩꦼꦤꦺꦃ​:“ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦢꦶꦪꦤ꧀꧈​ꦲꦥ​ꦲꦺꦤꦺꦁꦮꦺꦴꦁ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦠꦸꦠꦸꦥ꧀ꦥꦶ​ꦠꦺꦁꦒꦺꦴꦏ꧀ꦲꦥ​ꦢꦶꦢꦺꦏꦺꦏ꧀ꦤꦁꦔꦶꦱꦺꦴꦂ​ꦏꦺꦴꦭꦺꦴꦁ?ꦪ​ꦲꦺꦴꦫ​ꦠ​!ꦢꦶꦪꦤ꧀ꦤꦺꦩꦼꦱ꧀ꦠꦶꦢꦶꦢꦺꦏꦺꦏ꧀ꦤꦁꦩꦺꦗ​ꦲꦥ​ꦢꦶꦕꦤ꧀ꦠꦺꦭ꧀ꦭꦏꦺ​ꦤꦁꦕꦒꦏ꧀ꦏꦺ​꧉​ ²²ꦲꦮꦶꦠ꧀ꦲꦥ​ꦱꦶꦁ​ꦢꦶꦢꦼꦭꦶꦏ꧀ꦏꦏꦺꦏꦸꦮꦶ​ꦩꦼꦱ꧀ꦠꦶꦏꦥꦤ꧀ꦏꦥꦤ꧀ꦧꦏꦭ꧀ꦢꦶꦲꦼꦠꦺꦴꦏ꧀ꦏꦏꦺꦭꦤ꧀ꦲꦥ​ꦮꦲꦺ​ꦱꦶꦁ​ꦢꦶꦱꦶꦩ꧀ꦥꦼꦤ꧀ꦏꦸꦮꦶ​ꦩꦼꦱ꧀ꦠꦶꦪ​ꦱꦸꦥꦪ​ꦏꦥꦤ꧀ꦏꦥꦤ꧀ꦢꦶꦏꦺꦠꦺꦴꦏ꧀ꦏꦏꦺ꧉​ ²³ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀꧈​” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦤꦩꦸꦁ​ꦔꦿꦸꦔꦺꦴꦏ꧀ꦏꦏꦺꦏꦫꦺꦴ​ꦏꦸꦥꦶꦁꦩꦸ​ꦮꦲꦺ​꧈​ꦤꦁꦔꦶꦁ​ꦱꦼꦩ꧀ꦧꦫꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦥꦶꦏꦶꦂ​ꦱꦶꦁ​ꦲꦥꦶꦏ꧀꧈​ꦤꦺꦏ꧀ꦏꦺꦴꦮꦺ​ꦔꦿꦸꦔꦺꦴꦏ꧀ꦏꦏꦺꦱꦶꦁ​ꦠꦼꦤꦤ꧀ꦤꦤ꧀ ꦩꦼꦱ꧀ꦠꦶꦏꦺꦴꦮꦺ​ꦪ​ꦧꦏꦭ꧀ꦢꦸꦤꦸꦁꦲꦺꦴꦏꦺꦃꦭꦤ꧀ꦥꦔꦼꦂꦠꦶꦩꦸ​ꦧꦏꦭ꧀ꦩꦸꦤ꧀ꦢꦏ꧀ꦠꦼꦫꦸꦱ꧀꧈​ ²⁵ꦲꦮꦶꦠ꧀ꦱꦥ​ꦱꦶꦁ​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦥꦶꦠꦸꦠꦸꦂꦏꦸ​ꦧꦏꦭ꧀ꦩꦸꦤ꧀ꦢꦏ꧀ꦲꦺꦴꦏꦺꦃꦏꦮꦼꦫꦸꦃꦲꦺ꧈​ꦤꦁꦔꦶꦁ​ꦱꦶꦁ​ꦲꦺꦴꦫ​ꦒꦼꦊꦩ꧀​ꦔ꧀ꦒꦸꦒꦸ​꧈​ꦱꦼꦤꦗꦤ꧀ꦤ​ꦔꦼꦂꦠꦶ​ꦤꦩꦸꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧈​ꦏꦸꦮꦶ​ꦮꦲꦺ​ꦧꦏꦭ꧀ꦭꦭꦶ​꧉​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦶꦗꦶ​ꦱꦶꦁ​ꦠꦸꦏꦸꦭ꧀꧈​

²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦚꦼꦧꦂ​ꦮꦶꦗꦶ​ꦤꦁꦏꦼꦧꦺꦴꦤꦺ​꧉​ ²⁷ꦱꦏ꧀ꦮꦶꦱ꧀ꦱꦺ​ꦚꦼꦧꦂ​ꦠꦼꦫꦸꦱ꧀ꦢꦶꦠꦶꦁꦒꦭ꧀ ꦩ꧀ꦧꦼꦔꦶꦠꦸꦫꦸ​꧈​ꦲꦺꦱꦸꦏ꧀ꦠꦔꦶ​꧈​ꦱꦸꦮꦶꦱꦸꦮꦶꦮꦶꦗꦶꦤꦺ​ꦠꦸꦏꦸꦭ꧀ꦢꦺꦮꦺꦱꦩ꧀ꦥꦺꦏ꧀ꦒꦼꦢꦺ꧈​ꦮꦺꦴꦁꦔꦺ​ꦢꦺꦮꦺꦲꦺꦴꦫ​ꦔꦼꦂꦠꦶ​ꦏꦼꦥꦿꦶꦪꦺ​ꦠꦸꦏꦸꦭ꧀ꦭꦺ! ²⁸ꦊꦩꦃꦲꦺ​ꦱꦶꦁ​ꦤꦸꦏꦸꦭ꧀ꦭꦏꦺ꧈​ꦱꦩ꧀ꦥꦺꦏ꧀ꦩꦼꦠꦸ​ꦮꦺꦴꦃꦲꦺ​꧈​ꦤ꧀ꦢꦶꦱꦶꦏ꧀ꦏꦺꦒꦒꦁꦔꦺ​꧈​ꦠꦼꦫꦸꦱ꧀ꦔꦼꦩ꧀ꦧꦁꦭꦤ꧀ꦩꦼꦠꦸ​ꦮꦸꦭꦺꦤ꧀ꦤꦺ​꧉​ ²⁹ꦤꦺꦏ꧀ꦥꦫꦶꦤꦺ​ꦮꦶꦱ꧀ꦠꦸꦮ​ꦠꦼꦫꦸꦱ꧀ꦢꦶꦲꦼꦫꦶꦠ꧀ ꦲꦮꦶꦠ꧀ꦮꦶꦱ꧀ꦮꦪꦃꦲꦺ​ꦥꦤꦺꦤ꧀꧈​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦢꦺꦮꦺ꧉​

³⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦲꦥ​ꦩꦼꦤꦺꦃ​? ³¹ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦢꦺꦮꦺ꧉​ ³²ꦤꦁꦔꦶꦁ​ꦤꦺꦏ꧀ꦢꦶꦱꦼꦧꦂ​ꦠꦼꦫꦸꦱ꧀ꦠꦸꦏꦸꦭ꧀ ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦠꦤ꧀ꦢꦸꦂꦫꦤ꧀ꦭꦶꦪꦤꦺ​꧉​ꦥꦁꦔꦺ​ꦒꦼꦢꦺꦒꦼꦢꦺ꧈​ꦩꦸꦭꦤꦺ​ꦩꦤꦸꦏ꧀ꦩꦤꦸꦏ꧀ꦱꦼꦤꦼꦁ​ꦔꦶꦪꦸꦥ꧀ꦭꦤ꧀​ꦔ꧀ꦒꦮꦺ​ꦱꦸꦱꦸꦏ꧀ꦤꦁꦏꦺꦴꦤꦺꦴ​꧉​” ³³ꦒꦸꦱ꧀ꦠꦶ​ꦪꦺꦯꦸꦱ꧀ꦲꦼꦁꦒꦺꦴꦤꦺ​ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦔꦁꦒꦺꦴ​ꦠꦼꦩ꧀ꦧꦸꦁꦠꦼꦩ꧀ꦧꦸꦁ​ꦒꦩ꧀ꦧꦂ​ꦔꦺꦴꦤꦺꦴ​ꦏꦸꦮꦶ​꧈​ꦱꦏ꧀ꦏꦸꦮꦠ꧀ꦠꦺꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺ꧉​ ³⁴ꦢꦺꦏ꧀ꦤꦺꦲꦺꦴꦫ​ꦠꦲꦸ​ꦩꦸꦭꦁꦔꦶꦠꦤ꧀ꦥ​ꦔꦁꦒꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦒꦩ꧀ꦧꦂ​꧉​ꦤꦁꦔꦶꦁ​ꦤꦺꦏ꧀ꦢꦺꦏ꧀ꦤꦺꦢꦺꦮꦺꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦱꦼꦩ꧀ꦧꦫꦁ​ꦢꦶꦢꦸꦤꦸꦁꦢꦸꦤꦸꦁꦔꦏꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦤ꧀ꦢꦼꦏ꧀ꦲꦺꦴꦩ꧀ꦧꦏ꧀ꦒꦼꦢꦺ꧉​

³⁵꧋ꦢꦺꦴꦁꦔꦺꦮꦶꦱ꧀ꦱꦸꦫꦸꦥ꧀ꦲꦶꦁ​ꦢꦶꦤ​ꦏꦸꦮꦶ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦗꦺꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦔꦺꦴꦩꦺꦴꦁ:“ꦲ꦳ꦪꦸꦏ꧀ꦥꦢ​ꦔꦧꦿꦃ!” ³⁶ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦤꦁꦚ꧀ꦗꦼꦫꦺꦴꦤꦺ​ꦥꦿꦲꦸ​꧉​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦧꦸꦢꦭ꧀ꦤꦸꦩ꧀ꦥꦏ꧀ꦥꦿꦲꦸꦤꦺ​꧈​ꦮꦺꦴꦁꦮꦺꦴꦁ​ꦭꦶꦪꦤꦺ​ꦢꦶꦠꦶꦁꦒꦭ꧀ꦤꦁꦢꦫꦠ꧀ꦠꦤ꧀꧈​ꦲꦺꦤꦺꦁꦥꦿꦲꦸꦥꦿꦲꦸ​ꦭꦶꦪꦤꦺ​ꦲꦩ꧀ꦧꦫꦁ​ꦱꦶꦁ​ꦩꦺꦭꦸ​꧉​ ³⁷ꦲꦺꦴꦫ​ꦊꦠ꧀ꦱꦸꦮꦶꦠꦼꦫꦸꦱ꧀ꦲꦺꦤꦺꦁꦲꦔꦶꦤ꧀ꦧꦤ꧀ꦠꦼꦂ​꧉​ꦲꦺꦴꦩ꧀ꦧꦏ꧀ꦏꦺ​ꦔꦤ꧀ꦠꦼꦩ꧀ꦩꦶ​ꦥꦿꦲꦸꦤꦺ​ꦱꦩ꧀ꦥꦺꦏ꧀ꦏꦼꦧꦼꦏ꧀ꦧꦚꦸ​ꦭꦤ꧀ꦩꦺꦃ​ꦏꦼꦊꦥ꧀꧈​ ³⁸ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦲꦶꦗꦶꦏ꧀ꦠꦸꦫꦸ​ꦤꦁꦲꦩ꧀ꦧꦸꦫꦶ​꧈​ꦧꦤ꧀ꦠꦭ꧀ꦭꦤ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦔ꧀ꦒꦸꦒꦃ​ꦢꦺꦏ꧀ꦤꦺꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦲꦼꦗꦂꦫꦏꦺꦧꦺꦤ꧀ꦏꦼꦊꦥ꧀?” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦔꦶ​꧉​ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦢꦶꦥꦿꦺꦤ꧀ꦠꦃ​:“ꦩꦤ꧀ꦢꦼꦏ꧀ꦏ​!”ꦲꦔꦶꦤ꧀ꦤꦺ​ꦱꦏ꧀ꦮꦠ꧀ꦩꦤ꧀ꦢꦼꦏ꧀ꦭꦤ꧀ꦧꦚꦸꦤꦺ​ꦩꦭꦶꦃ​ꦲꦤ꧀ꦠꦼꦁ​꧉​ ⁴⁰ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦤꦺꦤ꧀ꦤꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦮꦼꦢꦶ​?ꦲꦥ​ꦏꦺꦴꦮꦺ​ꦢꦸꦫꦸꦁ​ꦥꦽꦕꦪ​ꦩꦫꦁ​ꦲꦏꦸ​?” ⁴¹꧋ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦥꦢ​ꦮꦼꦢꦶ​ꦧꦔꦼꦠ꧀ꦭꦤ꧀ꦠꦏꦺꦴꦤ꧀ꦩꦫꦁ​ꦱꦏ꧀ꦥꦢꦥꦢ:“ꦮꦺꦴꦁ​ꦲꦶꦏꦶ​ꦱꦥ​ꦠ​?ꦲꦔꦶꦤ꧀ꦭꦤ꧀ꦧꦚꦸ​ꦏꦺꦴꦏ꧀ꦩꦤꦸꦠ꧀ꦩꦫꦁ​ꦢꦺꦏ꧀ꦤꦺ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦼꦥꦼꦠꦸꦏ꧀ꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

꧇​꧕꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦔꦧꦿꦃꦭꦤ꧀ꦱꦲꦶꦏꦶ​ꦥꦢ​ꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦤꦺ​ꦧꦁꦱ​ꦓꦺꦫꦱ꧉​ ²ꦏꦢꦸꦁ​ꦩꦼꦢꦸꦤ꧀ꦱꦁꦏꦥꦿꦲꦸ​ꦢꦺꦏ꧀ꦤꦺꦠꦼꦫꦸꦱ꧀ꦏꦼꦥꦼꦠꦸꦏ꧀ꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ꦮꦺꦴꦁ​ꦲꦶꦏꦶ​ꦠꦼꦏꦤꦺ​ꦱꦁꦏꦒꦸꦮꦒꦸꦮ​ꦏꦸꦧꦸꦂꦫꦤ꧀ꦤꦺ​ꦮꦺꦴꦁ​ꦏꦺꦴꦤꦺꦴ​꧉​ ³ꦥꦚ꧀ꦕꦺꦤ꧀ꦮꦺꦴꦁ​ꦲꦶꦏꦶ​ꦩꦁꦒꦺꦴꦤꦺ​ꦪ​ꦤꦁꦒꦸꦮꦒꦸꦮ​ꦏꦸꦧꦸꦂꦫꦤ꧀ꦏꦺꦴꦤꦺꦴ​꧉​ ⁴ꦮꦶꦱ꧀ꦧꦺꦴꦭꦏ꧀ꦧꦭꦶꦏ꧀ꦢꦺꦏ꧀ꦤꦺꦠꦔꦤ꧀ꦱꦶꦏꦶꦭ꧀ꦭꦺꦢꦶꦫꦤ꧀ꦠꦺ​꧈​ꦤꦁꦔꦶꦁ​ꦲꦗꦼꦏ꧀ꦢꦶꦥꦼꦢꦺꦴꦠ꧀꧈​ꦩꦸꦭꦤꦺ​ꦱꦲꦶꦏꦶ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦮꦤꦶ​ꦲꦩ꧀ꦧꦤ꧀ꦢ​ꦢꦺꦏ꧀ꦤꦺꦩꦼꦤꦺꦃ​꧉​ ⁵ꦄꦮꦤ꧀ꦮꦼꦔꦶꦮꦺꦴꦁ​ꦲꦶꦏꦶ​ꦏ꧀ꦭꦸꦪꦸꦂꦫꦤ꧀ꦤꦁꦏꦸꦧꦸꦂꦫꦤ꧀ꦭꦤ꧀ꦒꦸꦤꦸꦁꦒꦸꦤꦸꦁ​ꦏꦺꦴꦤꦺꦴ​꧈​ꦏꦫꦺꦴ​ꦧꦼꦔꦏ꧀ꦧꦼꦔꦺꦴꦏ꧀ꦭꦤ꧀ꦔꦤ꧀ꦠꦼꦩ꧀ꦩꦶ​ꦲꦮꦏ꧀ꦏꦺ​ꦏꦫꦺꦴ​ꦮꦠꦸ​꧉​ ⁶꧋ꦲꦶꦁ​ꦢꦶꦤ​ꦏꦸꦮꦶ​꧈​ꦢꦺꦴꦁꦔꦺꦮꦺꦴꦁꦔꦺ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦢꦺꦴꦃꦲꦤ꧀ ꦢꦺꦏ꧀ꦤꦺꦠꦼꦫꦸꦱ꧀ꦲꦩ꧀​ꦧ꧀ꦭꦪꦸꦩꦫꦤꦶ​ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​꧉​ ^7-8ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦿꦺꦤ꧀ꦠꦃ​ꦢꦼꦩꦶꦠ꧀ꦠꦺ:“ꦢꦼꦩꦶꦠ꧀ ꦩꦼꦠꦸꦮ​ꦱꦁꦏꦮꦺꦴꦁ​ꦲꦶꦏꦶ​!”ꦢꦼꦩꦶꦠ꧀ꦠꦺꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​ꦔꦺꦴꦩꦺꦴꦁ:“ꦢꦸꦃꦒꦸꦱ꧀ꦠꦶ​ꦪꦺꦯꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧈​ꦏꦺꦴꦮꦺ​ꦏꦺꦴꦏ꧀ꦔꦸꦫꦸꦱ꧀ꦱꦶ​ꦲꦏꦸ​꧉​ꦲꦏꦸ​ꦚꦸꦮꦸꦤ꧀ ꦒꦸꦱ꧀ꦠꦶ​ꦄꦭ꧀ꦭꦃ​ꦢꦢꦶ​ꦱꦼꦏ꧀ꦱꦶ​꧈​ꦲꦏꦸ​ꦲꦩ꧀ꦧꦺꦴꦏ꧀ꦲꦗ​ꦢꦶꦱꦼꦠꦿꦥ꧀꧈​” ⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦱꦥ​ꦗꦼꦤꦼꦁꦩꦸ​?” ꧋ꦢꦼꦩꦶꦠ꧀ꦠꦺ​ꦱꦼꦩꦲꦸꦂ​:“ꦲꦮꦏ꧀ꦏꦺ​ꦢꦺꦮꦺꦗꦼꦤꦼꦁꦔꦺ​ꦭꦺꦒꦶꦪꦸꦤ꧀​꧈​ꦲꦮꦏ꧀ꦏꦺ​ꦢꦺꦮꦺꦤꦁꦏꦺꦤꦺ​ꦲꦺꦴꦏꦺꦃꦧꦔꦼꦠ꧀꧈​” ¹⁰ꦢꦼꦩꦶꦠ꧀ꦠꦺꦠꦼꦫꦸꦱ꧀ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦲꦺꦴꦫ​ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ ¹¹꧋ꦱꦲꦶꦏꦶ​ꦤꦁꦒꦸꦤꦸꦔꦤ꧀ꦤꦺꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦲꦺꦤꦺꦁꦧꦧꦶ​ꦥꦶꦫꦁꦥꦶꦫꦁ​ꦲꦶꦗꦶꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦥꦔꦤ꧀꧈​ ¹²ꦢꦼꦩꦶꦠ꧀ꦢꦼꦩꦶꦠ꧀ꦠꦺ​ꦩꦲꦸ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦭꦶꦭꦤꦶ​ꦩ꧀ꦊꦧꦸ​ꦤꦁꦧꦧꦶꦧꦧꦶ​ꦏꦲꦺ​꧉​” ¹³ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦭꦶꦭꦤꦶ​꧉​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦥꦢ​ꦩꦼꦠꦸ​ꦱꦁꦏꦮꦺꦴꦁꦔꦺ​ꦭꦤ꧀​ꦩ꧀ꦊꦧꦸ​ꦤꦁꦧꦧꦶꦧꦧꦶ​ꦩꦲꦸ​꧉​ꦏꦶꦫꦏꦶꦫ​ꦲꦺꦤꦺꦁꦧꦧꦶ​ꦫꦺꦴꦁ​ꦲꦺꦮꦸ​ꦲꦺꦴꦏꦺꦃꦲꦺ꧈​ꦏꦧꦺꦃ​ꦥꦢ​ꦥꦠꦶꦁ​ꦒꦿꦸꦢꦸꦏ꧀ꦩꦼꦢꦸꦤ꧀ꦱꦁꦏꦒꦸꦤꦸꦁꦔꦤ꧀ꦏꦺꦴꦤꦺꦴ​꧈​ꦠꦼꦫꦸꦱ꧀ꦩ꧀​ꦧ꧀ꦭꦤ꧀ꦢꦁꦤꦁꦩꦺꦂ꧉​ꦏꦧꦺꦃ​ꦏꦼꦊꦥ꧀꧈​ ¹⁴꧋ꦱꦶꦁ​ꦠꦸꦏꦁ​ꦲꦔꦺꦴꦤ꧀ꦧꦧꦶꦤꦺꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦭꦸꦔ​꧈​ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦸꦠꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦠꦼꦏ​꧈​ꦲꦮꦶꦠ꧀ꦏꦼꦥꦺꦔꦶꦤ꧀ꦮꦼꦫꦸꦃ​ꦢꦺꦮꦺ꧉​ ¹⁵ꦏꦢꦸꦁ​ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦮꦺꦴꦁ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ꦮꦺꦴꦁꦔꦺ​ꦱꦲꦶꦏꦶ​ꦔꦁꦒꦺꦴ​ꦱꦭꦶꦤ꧀ꦭꦤ꧀ꦲꦔꦼꦤ꧀ꦤꦔꦼꦤ꧀ꦤꦺꦮꦶꦱ꧀ꦮꦫꦱ꧀꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦲꦶꦗꦶꦏ꧀ꦥꦢ​ꦮꦼꦢꦶ​꧉​ ¹⁶ꦮꦺꦴꦁꦮꦺꦴꦁ​ꦱꦶꦁ​ꦮꦼꦫꦸꦃ​ꦊꦭꦏꦺꦴꦤꦺ​ꦮꦺꦴꦁ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦭꦤ꧀ꦧꦧꦶꦧꦧꦶ​ꦩꦲꦸ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦏꦸꦮꦶ​꧉​ ¹⁷꧋ꦩꦸꦭꦤꦺ​ꦏꦧꦺꦃ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦸꦥꦪ​ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ ¹⁸꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦩꦸꦁꦒꦃ​ꦤꦁꦥꦿꦲꦸꦤꦺ​꧈​ꦮꦺꦴꦁ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦠꦼꦫꦸꦱ꧀ꦩꦫꦤꦶ​ꦢꦺꦏ꧀ꦤꦺ꧈​ꦤꦼꦩ꧀ꦧꦸꦁ​ꦲꦉꦥ꧀ꦩꦺꦭꦸ​꧉​ ^19-20꧋ꦤꦁꦔꦶꦁ​ꦲꦺꦴꦫ​ꦲꦺꦤ꧀ꦠꦸꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦤ​ꦏꦺꦴꦮꦺ​ꦩꦸꦭꦶꦃ​ꦮꦲꦺ​꧉​ꦢꦶꦲꦺꦴꦩꦺꦴꦁꦔꦏꦺꦩꦫꦁ​ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦲꦥ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦱꦼꦥꦶꦫ​ꦒꦼꦢꦺꦤꦺꦏꦧꦼꦕꦶꦏ꧀ꦏꦤ꧀ꦤꦺ​ꦢꦺꦏ꧀ꦤꦺꦩꦫꦁ​ꦏꦺꦴꦮꦺ​꧉”ꦮꦺꦴꦁꦔꦺ​ꦠꦼꦫꦸꦱ꧀ꦭꦸꦔ​ꦭꦤ꧀ꦔꦧꦂꦔꦧꦂꦫꦏꦺꦤꦁꦱꦏ꧀ꦧꦮꦃꦢꦺꦏꦥꦺꦴꦭꦶꦱ꧀ꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦭꦸꦁꦔꦶ​ꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦔꦺꦏ꧀ꦏꦺꦲꦤꦏ꧀ꦏꦺ​ꦙꦆꦫꦸꦱ꧀ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦭꦫ​꧉​

²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦧꦿꦃꦩꦼꦤꦺꦃ​ꦏꦫꦺꦴ​ꦥꦿꦲꦸꦤꦺ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦔ꧀ꦭꦸꦩ꧀ꦥꦸꦏ꧀ꦩꦫꦤꦶ​ꦢꦺꦏ꧀ꦤꦺ꧉​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦤꦁꦥꦶꦁꦒꦶꦂ​ꦩꦺꦂꦏꦺꦴꦤꦺꦴ​ꦮꦲꦺ​꧉​ ²²ꦲꦺꦴꦫ​ꦊꦠ꧀ꦱꦸꦮꦶꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦲꦶꦏꦶ​ꦥꦼꦔꦉꦥ꧀ꦥꦺ​ꦱꦶꦤꦒꦸꦏ꧀ ꦗꦼꦤꦼꦁꦔꦺ​ꦙꦆꦫꦸꦱ꧀꧈​ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺ ꦒꦸꦱ꧀ꦠꦶ​ꦪꦺꦯꦸꦱ꧀ꦙꦆꦫꦸꦱ꧀ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​꧉​ ²³ꦢꦺꦏ꧀ꦤꦺꦚꦸꦮꦸꦤ꧀:“ꦢꦸꦃꦒꦸꦱ꧀ꦠꦶ​꧈​ꦲꦤꦏ꧀ꦏꦸ​ꦮꦺꦢꦺꦴꦏ꧀ꦭꦫ​ꦤꦼꦩꦼꦤ꧀ꦠꦼꦤꦤ꧀꧈​ꦲꦩ꧀ꦧꦺꦴꦏ꧀ꦲ꦳ꦪꦸꦏ꧀ꦤꦁꦔ꧀ꦒꦺꦴꦤ꧀ꦏꦸ​ꦠ​!ꦲꦤꦏ꧀ꦏꦸ​ꦲꦩ꧀ꦧꦺꦴꦏ꧀ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦱꦸꦥꦪ​ꦧꦶꦱ​ꦮꦫꦱ꧀ꦭꦤ꧀ꦲꦸꦫꦶꦥ꧀ꦠꦼꦫꦸꦱ꧀꧈​” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦙꦆꦫꦸꦱ꧀꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩꦺꦭꦸ​꧈​ꦱꦩ꧀ꦥꦺꦏ꧀ꦥꦢ​ꦔꦼꦱꦸꦏ꧀ꦲꦼꦱꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁵꧋ꦤꦁꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦗꦶ​ꦱꦶꦁ​ꦭꦫ​ꦔꦼꦠꦺꦴꦏ꧀ꦏꦏꦺꦒꦼꦠꦶꦃ​꧉​ꦮꦶꦱ꧀ꦫꦺꦴꦭꦱ꧀ꦠꦲꦸꦤ꧀ꦱꦸꦮꦺꦤꦺ​ꦮꦺꦴꦁꦔꦺ​ꦤ꧀ꦢꦸꦮꦺꦭꦫ​ꦏꦸꦮꦶ​꧉​ ²⁶ꦥꦶꦫꦁꦥꦶꦫꦁ​ꦢꦺꦴꦏ꧀ꦠꦼꦂ​ꦮꦶꦱ꧀ꦢꦶꦥꦫꦤ꧀ꦤꦶ​꧈​ꦱꦩ꧀ꦥꦺꦏ꧀ꦢꦸꦮꦶꦠ꧀ꦠꦺꦭꦤ꧀ꦧꦤ꧀ꦢꦤꦺ​ꦲꦼꦤ꧀ꦠꦺꦏ꧀ꦏꦧꦺꦃ​꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦩꦫꦶ​꧈​ꦩꦭꦃ​ꦩꦸꦤ꧀ꦢꦏ꧀ꦤꦼꦩꦼꦤ꧀꧈​ ²⁷ꦱꦲꦶꦏꦶ​ꦮꦺꦴꦁꦔꦺ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦧꦶꦱ​ꦤꦩ꧀ꦧꦤꦶ​ꦮꦺꦴꦁ​ꦭꦫ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦤꦺꦏꦠ꧀ꦩꦺꦭꦸ​ꦤꦿꦺꦴꦩ꧀ꦧꦺꦴꦭ꧀ꦤꦁꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁸ꦮꦺꦴꦁꦔꦺ​ꦥꦽꦕꦪ​ꦔꦺꦤꦺ​:“ꦤꦺꦏ꧀ꦲꦏꦸ​ꦧꦶꦱ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦮꦲꦺ​꧈​ꦲꦏꦸ​ꦩꦼꦱ꧀ꦠꦶꦩꦫꦶ​꧉​” ꧋ꦩꦸꦭꦤꦺ​ꦮꦺꦴꦁꦔꦺ​ꦪ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁹ꦱꦏ꧀ꦮꦠ꧀ꦒꦼꦠꦶꦃꦲꦺ​ꦮꦺꦴꦁꦔꦺ​ꦩꦩ꧀ꦥꦼꦠ꧀ꦭꦤ꧀ꦮꦺꦴꦁꦔꦺ​ꦏꦿꦱ​ꦤꦺꦏ꧀ꦭꦫꦤꦺ​ꦮꦶꦱ꧀ꦲꦶꦭꦁ​ꦏꦧꦺꦃ​꧉​ ³⁰ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦏꦿꦱ​ꦤꦺꦏ꧀ꦲꦺꦤꦺꦁꦏꦼꦏꦸꦮꦠ꧀ꦠꦤ꧀ꦩꦼꦠꦸ​ꦱꦁꦏꦲꦮꦏ꧀ꦏꦺ​꧉​ꦢꦺꦏ꧀ꦤꦺꦠꦼꦫꦸꦱ꧀ꦩꦶꦔꦼꦂ​ꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁꦮꦺꦴꦁ​ꦤꦁꦲꦩ꧀ꦧꦸꦫꦶꦤꦺ​ꦭꦤ꧀ꦠꦏꦺꦴꦤ꧀:“ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦏꦸ?” ³¹꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦭꦃ​ꦱꦥ​ꦱꦶꦁ​ꦔꦼꦂꦠꦶ​!ꦮꦺꦴꦁ​ꦥꦶꦫꦁꦥꦶꦫꦁ​ꦏꦪ​ꦔꦺꦴꦤꦺꦴ​ꦥꦢ​ꦔꦼꦱꦸꦏ꧀ꦲꦼꦱꦸꦏ꧀ꦏꦺꦴꦮꦺ​꧈​ꦭꦃ​ꦏꦺꦴꦏ꧀ꦏꦺꦴꦮꦺ​ꦠꦏꦺꦴꦤ꧀:'ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦏꦸ?’” ³²꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦮꦺꦴꦁꦮꦺꦴꦁ​꧈​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁꦔꦺ​ꦱꦶꦁ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺ꧉​ ³³ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦫꦸꦩꦁꦱ​ꦱꦶꦁ​ꦤ꧀ꦢꦼꦩꦺꦏ꧀ꦭꦤ꧀ꦢꦺꦏ꧀ꦤꦺꦱꦲꦶꦏꦶ​ꦮꦶꦱ꧀ꦏꦿꦱ​ꦮꦫꦱ꧀ꦲꦮꦏ꧀ꦏꦺ​꧈​ꦩꦸꦭꦤꦺ​ꦠꦼꦫꦸꦱ꧀ꦩꦗꦸ​꧉​ꦏꦫꦺꦴ​ꦤ꧀ꦢꦽꦢꦼꦏ꧀ꦱꦁꦏꦶꦁꦮꦼꦢꦶꦤꦺ​꧈​ꦢꦺꦏ꧀ꦤꦺꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦏꦸ​꧉​ ³⁴ꦒꦸꦱ꧀ꦠꦶꦪꦺꦯꦸꦱ꧀ꦔꦺꦴꦩꦺꦴꦁ:“ꦪꦸ꧈​ꦏꦺꦴꦮꦺꦱꦲꦶꦏꦶꦮꦶꦱ꧀ꦩꦫꦶ꧈​ꦲꦮꦶꦠ꧀ꦏꦺꦴꦮꦺꦥꦽꦕꦪ꧉​ꦏꦤꦩꦸꦭꦶꦃ꧉​ꦩ꧀ꦭꦏꦸꦱꦶꦁꦲꦥꦶꦏ꧀ꦲꦥꦶꦏ꧀꧈​ꦏꦺꦴꦮꦺꦮꦶꦱ꧀ꦩꦫꦶꦠꦼꦤꦤ꧀꧈​” ³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦸꦫꦸꦁ​ꦫꦩ꧀ꦥꦸꦁ​ꦱꦶꦁ​ꦔꦺꦴꦩꦺꦴꦁ꧈​ꦏꦺꦴꦏ꧀ꦠꦼꦫꦸꦱ꧀ꦲꦺꦤꦺꦁꦏꦺꦴꦁꦏꦺꦴꦤ꧀ꦤꦤ꧀ꦱꦁꦏꦲꦺꦴꦩꦃꦲꦺ​ꦙꦆꦫꦸꦱ꧀ꦔꦺꦴꦩꦺꦴꦁꦤꦺꦏ꧀ꦲꦤꦏ꧀ꦏꦺ​ꦮꦶꦱ꧀ꦩꦠꦶ​꧉​ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦙꦆꦫꦸꦱ꧀:“ꦲꦤꦏ꧀ꦩꦸ​ꦮꦶꦱ꧀ꦤꦶꦁꦒꦭ꧀꧈​ꦒꦸꦫꦸꦤꦺ​ꦮꦶꦱ꧀ꦲꦗ​ꦢꦶꦫꦸꦱꦸꦃꦲꦶ​!” ³⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​꧈​ꦤꦁꦔꦶꦁ​ꦲꦺꦴꦫ​ꦔꦿꦺꦮꦺꦱ꧀ꦲꦺꦴꦩꦺꦴꦁꦔꦤ꧀ꦤꦺ​ꦮꦺꦴꦁ​ꦏꦸꦮꦶ​ꦩꦲꦸ​꧈​ꦩꦭꦃ​ꦔꦺꦴꦩꦺꦴꦁ:“ꦲꦗ​ꦮꦼꦢꦶ​ꦙꦆꦫꦸꦱ꧀ ꦥꦽꦕꦪ​ꦮꦲꦺ​!” ³⁷ꦮꦺꦴꦁꦮꦺꦴꦁ​ꦢꦶꦥꦼꦔꦶꦁ​ꦩꦺꦭꦸ​ꦤꦁꦲꦺꦴꦩꦃꦲꦺ​ꦙꦆꦫꦸꦱ꧀꧈​ꦱꦶꦁ​ꦢꦶꦲꦼꦗꦺꦏ꧀ꦤꦩꦸꦁ​ꦫꦱꦸꦭ꧀ꦦꦺꦠꦿꦸꦱ꧀ ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀꧈​ ³⁸ꦏꦢꦸꦁ​ꦮꦶꦱ꧀ꦠꦼꦏꦤ꧀ꦲꦺꦴꦩꦃꦲꦺ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦮꦺꦴꦁ​ꦠꦔꦶꦱ꧀ꦱꦤ꧀ꦥꦠꦶꦁ​ꦗ꧀ꦊꦫꦶꦠ꧀꧈​ ³⁹ꦢꦺꦏ꧀ꦤꦺꦩ꧀ꦊꦧꦸ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:“ꦏꦼꦤꦺꦁꦲꦥ​ꦏꦺꦴꦏ꧀ꦥꦢ​ꦤꦔꦶꦱ꧀ꦥꦠꦶꦁ​ꦗ꧀ꦊꦫꦶꦠ꧀?ꦧꦺꦴꦕꦃꦲꦺ​ꦲꦺꦴꦫ​ꦩꦠꦶ​꧈​ꦤꦩꦸꦁ​ꦠꦸꦫꦸ​!” ⁴⁰꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦢꦶꦒꦸꦪꦸ꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦩꦼꦠꦸ​ꦏꦧꦺꦃ​꧉​ꦤꦩꦸꦁ​ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦭꦤ꧀ꦩꦸꦫꦶꦢ꧀ꦠꦼꦭꦸ​ꦩꦲꦸ​ꦢꦶꦲꦼꦗꦺꦏ꧀​ꦩ꧀ꦊꦧꦸ​ꦤꦁꦏꦩꦂꦫꦺ​꧉​ ⁴¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦧꦺꦴꦕꦃꦲꦺ​ꦏꦫꦺꦴ​ꦔꦺꦴꦩꦺꦴꦁ:“ꦠꦭꦶꦠ​ꦏꦸꦩ꧀!”ꦤꦺꦏ꧀ꦕꦫ​ꦗꦮ​:“ꦠꦔꦶ​ꦮꦸꦏ꧀!” ⁴²꧋ꦱꦏ꧀ꦮꦠ꧀ꦧꦺꦴꦕꦃꦲꦺ​ꦠꦔꦶ​ꦠꦼꦫꦸꦱ꧀​ꦩ꧀ꦭꦏꦸ​꧉​꧌ꦧꦺꦴꦕꦃꦲꦺ​ꦲꦸꦩꦸꦂꦫꦺ​ꦫꦺꦴꦭꦱ꧀ꦠꦲꦸꦤ꧀꧈​)ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦩꦲꦸ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ ⁴³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦱꦩ꧀ꦥꦺꦏ꧀ꦮꦺꦴꦁ​ꦭꦶꦪꦭꦶꦪꦤꦺ​ꦏꦿꦸꦔꦸ​ꦧꦧ꧀ꦲꦶꦏꦶ​꧉​” ꧋ꦮꦺꦴꦁ​ꦠꦸꦮꦤꦺ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦧꦺꦴꦕꦃꦲꦺ​꧉​

꧋ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦮꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦢꦶꦲꦗꦺꦤ꧀ꦤꦶ​꧉​

꧇​꧖꧇​ ¹꧋ꦱꦁꦏꦔ꧀ꦒꦺꦴꦤ꧀ꦤꦺꦙꦆꦫꦸꦱ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦶꦃ​ꦤꦁꦏꦸꦠꦥꦁꦒꦺꦴꦤ꧀ꦤꦤ꧀ꦤꦺ​꧉​ꦲꦶꦏꦸ​ꦏꦸꦠꦟꦱꦫꦺꦠ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦩ꧀ꦧꦫꦁ​ꦥꦢ​ꦩꦺꦭꦸ​꧉​ ²ꦲꦶꦁ​ꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦴꦭꦃꦲꦶꦩꦸꦭꦁꦔꦶꦤꦁꦱꦶꦤꦒꦸꦏ꧀ꦏꦺꦴꦤꦺꦴ​꧉​ꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​꧉​ꦥꦢ​ꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦲꦺꦤ꧀ꦠꦸꦏ꧀ꦥꦶꦮꦸꦭꦁꦔꦤ꧀ꦱꦁꦏꦔꦼꦤ꧀ꦢꦶ​ꦪ​?ꦏꦺꦴꦏ꧀ꦥꦶꦤ꧀ꦠꦼꦂ​ꦠꦼꦩꦼꦤ꧀?ꦏꦺꦴꦏ꧀ꦧꦶꦱ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦲꦩ꧀ꦧꦫꦁ​? ³ꦲꦶꦏꦶ​ꦭꦲꦸꦠ꧀ꦱꦶꦁ​ꦠꦸꦏꦁ​ꦔ꧀ꦒꦮꦺ​ꦏꦿꦺꦴꦱꦶꦩꦺꦗꦏꦲꦺ​ꦠ​?ꦲꦤꦏ꧀ꦏꦺ​ꦩꦫꦶꦪ꧈​ꦠꦸꦁꦒꦭ꧀ꦭꦺ​ꦪꦏꦺꦴꦧꦸꦱ꧀ ꦪꦺꦴꦱꦼꦱ꧀ ꦪꦸꦢꦱ꧀ꦭꦤ꧀ꦱꦶꦩꦺꦴꦤ꧀꧈​ꦲꦢꦶꦏ꧀ꦲꦢꦶꦏ꧀ꦏꦺꦱꦶꦁ​ꦮꦺꦢꦺꦴꦏ꧀ꦲꦩ꧀ꦧꦫꦁ​ꦭꦲꦸꦠ꧀ꦩꦁꦒꦺꦴꦤ꧀ꦤꦁꦏꦺꦤꦺ​ꦠ​?”ꦮꦺꦴꦁꦮꦺꦴꦁ​ꦥꦢ​ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴꧋ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:“ꦤꦧꦶ​ꦏꦸꦮꦶ​ꦤꦁꦲꦼꦤ꧀ꦢꦶꦲꦼꦤ꧀ꦢꦶ​ ꦢꦶꦲꦗꦺꦤ꧀ꦤꦶ​꧈​ꦏꦼꦗꦧ​ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦮꦺ꧉​ꦱꦼꦢꦸꦭꦸꦂꦫꦺ​ꦢꦺꦮꦺꦮꦲꦺ​ꦲꦺꦴꦫ​ꦔꦗꦺꦤ꧀ꦤꦶ​꧉​” ⁵ꦩꦸꦭꦤꦺ​ꦢꦺꦏ꧀ꦤꦺꦲꦺꦴꦫ​ꦧꦶꦱ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦩꦸꦗꦶꦗꦠ꧀ꦤꦁꦏꦺꦴꦤꦺꦴ​꧉​ꦤꦩꦸꦁ​ꦮꦺꦴꦁ​ꦭꦫ​ꦱꦶꦗꦶꦭꦺꦴꦫꦺꦴꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦩꦫꦶ​꧉​ ⁶ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺꦪ​ꦔ꧀ꦒꦸꦩꦸꦤ꧀ ꦮꦺꦴꦁꦮꦺꦴꦁ​ꦏꦺꦴꦏ꧀ꦲꦺꦴꦫ​ꦒꦼꦊꦩ꧀ꦥꦽꦕꦪ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦫꦺꦴꦭꦱ꧀ꦧꦸꦢꦭ꧀꧈​

ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦢꦺꦱꦢꦺꦱ​ꦤꦁꦏꦶꦮꦠꦼꦔꦼꦤ꧀ꦤꦺ​ꦏꦸꦠꦟꦱꦫꦺꦠ꧀ꦏꦺꦴꦤꦺꦴ​꧈​ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁷ꦢꦺꦏ꧀ꦤꦺꦲꦸꦒ​ꦩꦁꦒꦶꦭ꧀ꦩꦸꦫꦶꦢ꧀ꦱꦶꦁ​ꦫꦺꦴꦭꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦭꦺꦴꦫꦺꦴꦭꦺꦴꦫꦺꦴ​ꦔ꧀ꦒꦼꦭꦂ​ꦏꦧꦂ​ꦏꦧꦸꦔꦃꦲꦤ꧀ꦭꦤ꧀ꦢꦶꦏꦺꦏ꧀ꦏꦶꦥꦔ꧀ꦮꦱ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀꧈​ ⁸ꦤꦁꦔꦶꦁ​ꦢꦶꦥꦼꦔꦶꦁ​ꦔ꧀ꦒꦮ​ꦲꦥꦲꦥ​꧈​ꦏꦼꦗꦧ​ꦠꦼꦏꦼꦤꦺ​꧉​ꦥꦔꦤ꧀ꦲꦺꦴꦫ​꧈​ꦢꦸꦮꦶꦠ꧀ꦪ​ꦲꦺꦴꦫ​꧉​ ⁹ꦏꦼꦤꦺꦁꦔꦁꦒꦺꦴ​ꦠꦺꦏ꧀ꦭꦺꦏ꧀ ꦤꦁꦔꦶꦁ​ꦲꦺꦴꦫ​ꦲꦺꦤ꧀ꦠꦸꦏ꧀​ꦔ꧀ꦒꦮ​ꦱꦭꦶꦤ꧀ꦢꦺꦴꦧꦼꦭ꧀꧈​ ¹⁰ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦏ꧀ꦮꦶꦗꦶꦤꦺꦮꦺꦴꦁ​꧈​ꦔꦶꦤꦼꦥ꧀ꦥꦤꦁꦏꦺꦴꦤꦺꦴ​ꦮꦲꦺ​ꦔꦤ꧀ꦠꦶ​ꦏꦺꦴꦮꦺ​ꦭꦸꦔ​ꦩꦼꦤꦺꦃ​꧉​ ¹¹ꦤꦺꦏ꧀ꦤꦁꦱꦏ꧀ꦮꦶꦗꦶꦤꦺꦥꦁꦒꦺꦴꦤ꧀ꦤꦤ꧀ꦮꦺꦴꦁꦔꦺ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦭꦤ꧀ꦲꦺꦴꦫ​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦏꦺꦴꦮꦺ​꧈​ꦭꦸꦔꦲ​ꦮꦲꦺ​ꦱꦁꦏꦏꦺꦴꦤꦺꦴ​꧉​ꦤꦁꦔꦶꦁ​ꦊꦩꦃꦲꦺ​ꦢꦶꦏꦼꦠꦺꦴꦏ꧀ꦏꦏꦺ​ꦱꦁꦏꦱꦶꦏꦶꦭ꧀ꦩꦸ​꧈​ꦱꦸꦥꦪ​ꦥꦢ​ꦔꦼꦂꦠꦶ​ꦤꦺꦏ꧀ꦥꦢ​ꦤꦩ꧀ꦥꦶꦏ꧀ꦏꦺꦴꦮꦺ​꧉​” ¹²꧋ꦩꦸꦫꦶꦢ꧀ꦫꦺꦴꦭꦱ꧀ꦩꦲꦸ​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦩꦶꦠꦸꦠꦸꦂꦫꦶ​ꦮꦺꦴꦁꦮꦺꦴꦁ​꧈​ꦏꦺꦴꦁꦏꦺꦴꦤ꧀ꦥꦢ​ꦤꦶꦁꦒꦭ꧀ꦲꦸꦫꦶꦥ꧀ꦲꦭ​ꦭꦤ꧀ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹³ꦢꦼꦩꦶꦠ꧀ꦥꦶꦫꦁꦥꦶꦫꦁ​ꦥꦢ​ꦢꦶꦠꦸꦤ꧀ꦢꦸꦁꦔꦶꦭꦤ꧀ꦲꦺꦴꦏꦺꦃꦮꦺꦴꦁ​ꦭꦫ​ꦥꦢ​ꦢꦶꦠꦩ꧀ꦧꦤꦶ​ꦔꦁꦒꦺꦴ​ꦲꦸꦱꦥ꧀ꦥꦤ꧀ꦊꦔ​꧉​

꧋ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦢꦶꦥꦠꦺꦤ꧀ꦤꦶ​꧉​

¹⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦭꦺꦴꦠ꧀ꦱꦸꦮꦶꦱꦼꦭꦺꦴꦠ꧀ꦏꦼꦱꦸꦮꦸꦂ​ꦭꦤ꧀ꦤꦁꦲꦼꦤ꧀ꦢꦶꦲꦼꦤ꧀ꦢꦶ​ꦮꦺꦴꦁꦮꦺꦴꦁ​ꦥꦢ​ꦏꦿꦸꦔꦸ​ꦧꦧ꧀ꦢꦺꦏ꧀ꦤꦺ꧈​ꦲꦸꦒ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ꦲꦺꦤꦺꦁꦱꦶꦁ​ꦔꦺꦴꦩꦺꦴꦁ:“ꦪꦺꦯꦸꦱ꧀ꦲꦶꦏꦶ​ꦪ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦱꦶꦁ​ꦲꦸꦫꦶꦥ꧀ꦩꦼꦤꦺꦃ​꧈​ꦩꦸꦭꦤꦺ​ꦢꦺꦏ꧀ꦤꦺꦧꦶꦱ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀꧈​” ¹⁵꧋ꦭꦶꦪꦤꦺ​ꦔꦺꦴꦩꦺꦴꦁ:“ꦪꦺꦯꦸꦱ꧀ꦲꦶꦏꦶ​ꦩꦼꦱ꧀ꦠꦶꦤꦧꦶ​ꦌꦭꦶꦪ​ꦱꦶꦁ​ꦲꦸꦫꦶꦥ꧀ꦩꦼꦤꦺꦃ​꧉​” ꧋ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​ꦱꦶꦁ​ꦔꦺꦴꦩꦺꦴꦁ:“ꦪꦺꦯꦸꦱ꧀ꦏꦸꦮꦶ​ꦤꦧꦶ​ꦠꦸꦁꦒꦭ꧀ꦭꦺ​ꦭꦶꦪꦭꦶꦪꦤꦺ​ꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀꧈​” ¹⁶꧋ꦏꦢꦸꦁ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦏꦿꦸꦔꦸ​꧈​ꦢꦺꦏ꧀ꦤꦺꦔꦺꦴꦩꦺꦴꦁ:“ꦪꦺꦯꦸꦱ꧀ꦲꦶꦏꦶ​ꦪꦺꦴꦲꦤꦼꦱ꧀ꦱꦶꦁ​ꦮꦶꦱ꧀ꦠꦏ꧀ꦏꦺꦠꦺꦴꦏ꧀ꦒꦸꦭꦸꦤꦺ​꧈​ꦤꦁꦔꦶꦁ​ꦲꦸꦫꦶꦥ꧀ꦩꦼꦤꦺꦃ​꧉​” ¹⁷ꦲꦮꦶꦠ꧀ꦩꦲꦸꦤꦺ​ꦪꦺꦴꦲꦤꦼꦱ꧀ꦮꦶꦱ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀ ꦤꦸꦫꦸꦠ꧀ꦠꦶ​ꦗꦭꦸꦏ꧀ꦏꦤ꧀ꦤꦺ​ꦲ꦳ꦺꦫꦺꦴꦢꦶꦪꦱ꧀꧈​ꦗꦭꦂꦫꦤ꧀ꦪꦺꦴꦲꦤꦼꦱ꧀ꦲꦗꦼꦏ꧀ꦔꦺꦴꦩꦺꦴꦁꦔꦶꦫꦠꦸꦤꦺ​ꦤꦺꦏ꧀​ꦏ꧀ꦭꦏꦸꦮꦤ꧀ꦤꦺ​ꦏꦼꦧꦕꦸꦠ꧀꧈​ꦲ꦳ꦺꦫꦺꦴꦢꦺꦱ꧀ꦔꦼꦥꦺꦏ꧀ꦲ꦳ꦺꦫꦺꦴꦢꦶꦪꦱ꧀ ꦧꦺꦴꦗꦺꦴꦤꦺ​ꦥ꦳ꦶꦭꦶꦥꦸꦱ꧀ ꦏꦏꦁꦔꦺꦢꦺꦮꦺ꧉​ ¹⁸ꦪꦺꦴꦲꦤꦼꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦺꦴꦫ​ꦏꦼꦤꦺꦁꦔꦼꦥꦺꦏ꧀ꦲꦶꦥꦺꦩꦸ​ꦢꦺꦮꦺꦤꦺꦏ꧀ꦧꦺꦴꦗꦺꦴꦤꦺ​ꦲꦶꦗꦶꦏ꧀ꦲꦸꦫꦶꦥ꧀!” ¹⁹꧋ꦩꦸꦭꦤꦺ​ꦲ꦳ꦺꦫꦺꦴꦢꦶꦪꦱ꧀ꦔꦶꦚ꧀ꦕꦶꦩ꧀ꦲꦶꦚ꧀ꦕꦶꦩ꧀ꦪꦺꦴꦲꦤꦼꦱ꧀ꦲꦉꦥ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦢꦸꦫꦸꦁ​ꦧꦶꦱ​꧈​ꦲꦮꦶꦠ꧀ꦲꦶꦗꦶꦏ꧀ꦢꦶꦲꦭꦁꦔꦭꦁꦔꦶꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ ²⁰ꦲ꦳ꦺꦫꦺꦴꦢꦺꦱ꧀ꦢꦺꦮꦺꦮꦼꦢꦶ​ꦏꦫꦺꦴ​ꦪꦺꦴꦲꦤꦼꦱ꧀ ꦲꦮꦶꦠ꧀ꦔꦼꦂꦠꦶ​ꦤꦺꦏ꧀ꦪꦺꦴꦲꦤꦼꦱ꧀ꦏꦸꦮꦶ​ꦮꦺꦴꦁ​ꦧꦼꦤꦼꦂ​ꦭꦤ꧀ꦮꦺꦴꦁ​ꦱꦸꦕꦶ​꧈​ꦩꦸꦭꦤꦺ​ꦢꦺꦏ꧀ꦤꦺꦪ​ꦢꦶꦗꦒ​꧉​ꦲ꦳ꦺꦫꦺꦴꦢꦺꦱ꧀ꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦪꦺꦴꦲꦤꦼꦱ꧀ ꦱꦼꦤꦗꦤ꧀ꦠꦼꦩ꧀ꦧꦸꦁꦔꦺ​ꦩꦫꦏ꧀ꦏꦏꦺꦢꦺꦏ꧀ꦤꦺꦮꦼꦢꦶ​ꦭꦤ꧀ꦧꦶꦔꦸꦁ​꧉​ ²¹꧋ꦤꦁꦔꦶꦁ​ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲ꦳ꦺꦫꦺꦴꦢꦶꦪꦱ꧀ꦤꦼꦩꦸ​ꦏꦼꦭꦸꦁꦒꦂꦫꦤ꧀ꦏꦁꦒꦺꦴ​ꦩꦠꦺꦤ꧀ꦤꦶ​ꦪꦺꦴꦲꦤꦼꦱ꧀ ꦪꦏꦸꦮꦶ​꧈​ꦢꦺꦴꦁꦔꦺꦫꦠꦸ​ꦲ꦳ꦺꦫꦺꦴꦢꦺꦱ꧀ꦠꦸꦠꦸꦥ꧀ꦠꦲꦸꦤ꧀ꦭꦤ꧀ꦔꦤꦏ꧀ꦏꦏꦺꦥꦺꦱ꧀ꦠ​ꦒꦼꦢꦺ;ꦮꦺꦴꦁ​ꦒꦼꦢꦺꦒꦼꦢꦺ꧈​ꦲꦸꦒ​ꦥꦫ​ꦥꦼꦁꦒꦼꦢꦺꦤꦺꦩꦶꦭꦶꦠꦺꦂ​ꦭꦤ꧀ꦥꦫ​ꦥꦼꦁꦒꦼꦢꦺꦤꦺꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​ꦥꦢ​ꦠꦼꦏ​ꦏꦧꦺꦃ​꧉​ ²²ꦏꦢꦸꦁ​ꦲꦤꦏ꧀ꦏꦺ​ꦲ꦳ꦺꦫꦺꦴꦢꦶꦪꦱ꧀ꦩꦺꦴꦭꦃꦲꦶꦚ꧀ꦗꦺꦴꦒꦺꦠ꧀ ꦫꦠꦸꦤꦺ​ꦭꦤ꧀ꦢꦪꦺꦴꦃꦢꦪꦺꦴꦃꦲꦺꦠꦼꦫꦸꦱ꧀ꦥꦢ​ꦱꦼꦤꦼꦁ​ꦠꦼꦤꦤ꧀ꦏꦫꦺꦴ​ꦧꦺꦴꦕꦃ​ꦮꦺꦢꦺꦴꦏ꧀ꦏꦸꦮꦶ​꧉​ꦩꦸꦭꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦧꦺꦴꦕꦃꦲꦺ​:“ꦏꦺꦴꦮꦺ​ꦏꦼꦥꦺꦔꦶꦤ꧀ꦲꦥ​ꦮꦸꦏ꧀ ꦱꦏ꧀​ꦚ꧀ꦗꦭꦸꦏ꧀ꦩꦸꦠꦏ꧀ꦏꦺꦏ꧀ꦏꦶ꧉​ ²³ꦠꦼꦤꦤ꧀ ꦲꦏꦸ​ꦗꦚ꧀ꦗꦶ​ꦩꦫꦁ​ꦏꦺꦴꦮꦺ​꧈​ꦱꦼꦤꦗꦤ꧀ꦤ​ꦏꦺꦴꦮꦺ​ꦚ꧀ꦗꦭꦸꦏ꧀ꦱꦼꦥꦫꦺꦴꦤꦺ​ꦤꦼꦒꦫꦏꦸ​꧈​ꦧꦏꦭ꧀ꦠꦏ꧀ꦏꦺꦏ꧀ꦏꦏꦺ!” ²⁴꧋ꦧꦺꦴꦕꦃꦲꦺ​ꦠꦼꦫꦸꦱ꧀ꦭꦸꦔ​ꦠꦏꦺꦴꦤ꧀ꦲꦶꦧꦸꦤꦺ​:“ꦧꦸ​꧈​ꦲꦏꦸ​ꦌꦤꦏ꧀ꦏꦺꦚ꧀ꦗꦭꦸꦏ꧀ꦲꦥ​ꦪ​?”ꦲꦶꦧꦸꦤꦺ​ꦱꦼꦩꦲꦸꦂ​:“ꦏꦤ​ꦏꦺꦴꦮꦺ​ꦚ꧀ꦗꦭꦸꦏ꧀ꦲꦼꦤ꧀ꦢꦱ꧀ꦱꦺꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀!” ²⁵꧋ꦧꦺꦴꦕꦃꦲꦺ​ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦔ꧀ꦒꦺꦴꦤ꧀ꦤꦺꦫꦠꦸꦤꦺ​ꦔꦺꦴꦩꦺꦴꦁ:“ꦲꦏꦸ​ꦚ꧀ꦗꦭꦸꦏ꧀ꦲꦼꦤ꧀ꦢꦱ꧀ꦱꦺꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦤꦁꦥꦶꦫꦶꦁ​!” ²⁶꧋ꦫꦠꦸ​ꦲ꦳ꦺꦫꦺꦴꦢꦺꦱ꧀ꦱꦼꦢꦶꦧꦔꦼꦠ꧀ꦏꦿꦸꦔꦸ​ꦥꦼꦚ꧀ꦗꦭꦸꦏ꧀ꦏꦤ꧀ꦏꦸꦮꦶ​꧉​ꦤꦁꦔꦶꦁ​ꦢꦺꦏ꧀ꦤꦺꦲꦺꦴꦫ​ꦧꦶꦱ​ꦲꦥꦲꦥ​꧈​ꦲꦮꦶꦠ꧀ꦮꦶꦱ꧀ꦏꦢꦸꦁ​ꦗꦚ꧀ꦗꦶ​꧉​ꦏꦫꦺꦴꦩꦼꦤꦺꦃ​ꦢꦪꦺꦴꦃꦲꦺꦥꦢ​ꦩꦺꦭꦸ​ꦚꦼꦏ꧀ꦱꦺꦤ꧀ꦤꦶ​ꦗꦚ꧀ꦗꦶꦤꦺ​꧉​ ²⁷ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦱꦶꦁ​ꦠꦸꦏꦁ​ꦗꦒ​ꦏꦺꦴꦤꦺꦴ​ꦔꦺꦠꦺꦴꦏ꧀ꦒꦸꦭꦸꦤꦺ​ꦪꦺꦴꦲꦤꦼꦱ꧀ꦭꦤ꧀ꦏꦺꦴꦁꦏꦺꦴꦤ꧀ ꦔ꧀ꦒꦮꦏ꧀ꦏꦏꦺꦩ꧀ꦧꦿꦺꦴꦤꦺꦴ꧉​ꦮꦺꦴꦁꦔꦺ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦤꦁꦱꦼꦠꦿꦥꦤ꧀ꦏꦺꦴꦤꦺꦴ​ꦢꦺꦏ꧀ꦤꦺꦔꦺꦠꦺꦴꦏ꧀ꦒꦸꦭꦸꦤꦺ​ꦪꦺꦴꦲꦤꦼꦱ꧀꧈​ ²⁸ꦲꦼꦤ꧀ꦢꦱ꧀ꦱꦺꦠꦼꦫꦸꦱ꧀ꦢꦶꦒꦮ​ꦤꦁꦥꦶꦫꦶꦁ​ꦢꦶꦏꦺꦏ꧀ꦏꦏꦺꦧꦺꦴꦕꦃꦲꦺ​꧉​ꦧꦺꦴꦕꦃꦲꦺ​ꦠꦼꦫꦸꦱ꧀ꦩꦱꦿꦃꦲꦏꦺꦲꦼꦤ꧀ꦢꦱ꧀ꦱꦺꦩꦫꦁ​ꦲꦶꦧꦸꦤꦺ​꧉​ ²⁹ꦩꦸꦫꦶꦢ꧀ꦩꦸꦫꦶꦢ꧀ꦠꦺ​ꦪꦺꦴꦲꦤꦼꦱ꧀ꦏꦿꦸꦔꦸ​ꦤꦺꦏ꧀ꦢꦺꦏ꧀ꦤꦺꦮꦶꦱ꧀ꦤꦶꦁꦒꦭ꧀ ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦚ꧀ꦗꦶꦏꦸꦏ꧀ꦭꦪꦺꦴꦤꦺ​ꦢꦶꦏꦸꦧꦸꦂ​꧉​

꧋ꦫꦁ​ꦱꦸꦩ꧀ꦩꦤ꧀ꦥꦔꦤ꧀ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧉​

³⁰꧋ꦥꦫ​ꦫꦱꦸꦭ꧀ꦮꦶꦱ꧀ꦥꦢ​ꦧꦭꦶꦏ꧀ꦩꦼꦤꦺꦃ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦏꦺꦴꦤꦺꦴ​ꦥꦢ​ꦚꦿꦶꦠꦏ꧀ꦏꦏꦺꦧꦧ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦭꦤ꧀ꦢꦶꦮꦸꦭꦁꦔꦏꦺ꧉​ ³¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲ꦳ꦪꦸꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​ꦏꦁꦒꦺꦴ​ꦭꦺꦫꦺꦤ꧀ꦱꦼꦢꦶꦭꦸꦠ꧀꧉”ꦲꦮꦶꦠ꧀ꦮꦺꦴꦁ​ꦲꦺꦴꦏꦺꦃꦥꦢ​ꦠꦼꦏꦭꦸꦔꦱꦩ꧀ꦥꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦺꦴꦫ​ꦏꦺꦴꦧꦼꦂ​ꦩꦁꦔꦤ꧀꧈​ ³²ꦩꦸꦭꦤꦺ​ꦠꦼꦫꦸꦱ꧀ꦤꦶꦁꦒꦭ꧀ꦮꦺꦴꦁꦮꦺꦴꦁ​ꦭꦸꦔ​ꦏꦫꦺꦴ​ꦥꦿꦲꦸꦤꦺ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦼꦥꦶ​꧉​ ³³꧋ꦤꦁꦔꦶꦁ​ꦮꦺꦴꦁ​ꦲꦺꦴꦏꦺꦃꦮꦼꦫꦸꦃ​ꦭꦸꦔꦤꦺ​ꦭꦤ꧀ꦤꦶꦠꦺꦤ꧀ꦤꦶ​ꦥꦫꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦱꦁꦏꦏꦸꦠꦏꦸꦠꦮꦺꦴꦁꦮꦺꦴꦁ​ꦥꦢ​ꦧꦸꦢꦭ꧀​ꦩ꧀ꦭꦏꦸ​ꦤ꧀ꦢꦶꦱꦶꦏ꧀ꦏꦶ​꧉​ ³⁴ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦢꦸꦤ꧀ꦱꦁꦏꦥꦿꦲꦸꦤꦺ​꧈​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦲꦺꦴꦏꦺꦃꦮꦶꦱ꧀ꦤꦁꦏꦺꦴꦤꦺꦴ​꧉​ꦢꦺꦏ꧀ꦤꦺꦠꦼꦫꦸꦱ꧀ꦩꦼꦭꦱ꧀ꦧꦔꦼꦠ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦏꦪ​ꦮꦼꦢꦸꦱ꧀ꦱꦶꦁ​ꦲꦺꦴꦫ​ꦲꦺꦤꦺꦁꦱꦶꦁ​ꦔꦼꦔꦺꦴꦤ꧀꧈​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦧꦧ꧀ꦮꦼꦂꦤꦮꦼꦂꦤ​ꦥꦽꦏꦫ​꧉​ ³⁵ꦢꦺꦴꦁꦔꦺꦮꦶꦱ꧀ꦱꦺꦴꦫꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦱꦲꦶꦏꦶ​ꦮꦶꦱ꧀ꦱꦺꦴꦫꦺ​ꦭꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦏꦺꦤꦺ​ꦲꦺꦴꦫ​ꦲꦺꦤꦺꦁꦲꦥꦲꦥ​꧉​ ³⁶ꦲꦩ꧀ꦧꦺꦴꦏ꧀ꦮꦺꦴꦁꦮꦺꦴꦁ​ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦧꦺꦤ꧀ꦥꦢ​ꦔ꧀ꦒꦺꦴꦭꦺꦏ꧀ꦩꦁꦔꦤ꧀ꦢꦺꦮꦺꦢꦺꦮꦺꦤꦁꦢꦺꦱꦢꦺꦱ​꧉​” ³⁷꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦱꦶꦁ​ꦏꦸꦢꦸ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁꦮꦺꦴꦁ​꧉​” ꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦴꦩꦺꦴꦁ:“ꦭꦃ​ꦏꦸꦮꦶ​ꦥꦶꦫꦁ​ꦢꦸꦮꦶꦠ꧀ꦮꦲꦺ​?” ³⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦏꦤ​ꦢꦶꦢꦼꦭꦺꦴꦏ꧀ꦲꦺꦤꦺꦁꦫꦺꦴꦠꦶ​ꦥꦶꦫ​!” ꧋ꦏꦢꦸꦁ​ꦮꦶꦱ꧀ꦤꦶꦭꦶꦏ꧀ꦏꦶ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦺꦤꦺꦁꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​!” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦠ​ꦮꦺꦴꦁꦮꦺꦴꦁ​꧈​ꦧꦺꦤ꧀ꦥꦢ​ꦚ꧀ꦗꦒꦺꦴꦁꦤꦁꦱꦸꦏꦼꦠ꧀ꦠꦤ꧀ ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦱꦏ꧀ꦏꦿꦺꦴꦩ꧀ꦥꦺꦴꦭ꧀꧈​ ⁴⁰ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦚ꧀ꦗꦒꦺꦴꦁ;ꦲꦺꦤꦺꦁꦏꦿꦺꦴꦩ꧀ꦥꦺꦴꦭ꧀ꦭꦤ꧀ꦱꦶꦁ​ꦮꦺꦴꦁꦔꦺ​ꦱꦠꦸꦱ꧀ ꦲꦺꦤꦺꦁꦱꦶꦁ​ꦱꦺꦏꦼꦠ꧀꧈​ ⁴¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​ꦩꦲꦸ​꧉​ꦢꦺꦏ꧀ꦤꦺꦚꦮꦁ​ꦤ꧀ꦢꦸꦮꦸꦂꦏꦫꦺꦴ​ꦤ꧀ꦢꦺꦴꦁꦔ꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦫꦺꦴꦠꦶꦤꦺ​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦭꦤ꧀ꦢꦶꦏꦺꦏ꧀ꦏꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦩꦫꦁ​ꦮꦺꦴꦁꦮꦺꦴꦁ​꧉​ꦲꦶꦮꦏ꧀ꦭꦺꦴꦫꦺꦴ​ꦩꦲꦸ​ꦲꦸꦒ​ꦢꦶꦕꦸꦮꦶꦭ꧀ꦕꦸꦮꦶꦭ꧀ꦠꦼꦫꦸꦱ꧀ꦢꦶꦲꦼꦢꦸꦩ꧀ꦩꦼꦢꦸꦩ꧀ꦩꦏꦺ꧉​ ⁴²ꦮꦺꦴꦁ​ꦏꦧꦺꦃ​ꦥꦢ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ ⁴³ꦠꦸꦫꦃꦲꦤ꧀ꦤꦺ​ꦫꦺꦴꦠꦶ​ꦭꦤ꧀ꦲꦶꦮꦏ꧀ꦱꦶꦁ​ꦲꦺꦴꦫ​ꦏꦼꦥꦁꦔꦤ꧀ꦢꦶꦭꦸꦩ꧀ꦥꦸꦏ꧀ꦏꦏꦺꦲꦺꦤꦺꦁꦫꦺꦴꦭꦱ꧀ꦠꦺꦁꦒꦺꦴꦏ꧀꧈​ ⁴⁴ꦱꦶꦁ​ꦩꦁꦔꦤ꧀ꦲꦺꦤꦺꦁꦮꦺꦴꦁ​ꦭꦶꦩꦁ​ꦲꦺꦮꦸ​꧈​ꦏꦸꦮꦶ​ꦤꦩꦸꦁ​ꦮꦺꦴꦁ​ꦭꦩꦸꦂ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦩꦺꦂ꧉​

⁴⁵꧋ꦱꦏ꧀ꦮꦶꦱ꧀ꦱꦺ​ꦲꦶꦏꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦸꦩ꧀ꦥꦏ꧀ꦥꦿꦲꦸꦤꦺ​ꦤ꧀ꦢꦶꦱꦶꦏ꧀ꦤꦁꦢꦺꦱ​ꦧꦺꦠ꧀ꦱꦲꦶꦢ​꧈​ꦤꦁꦲꦧꦿꦃꦲꦤ꧀꧈​ꦮꦺꦴꦁꦮꦺꦴꦁ​ꦭꦶꦪꦤꦺ​ꦠꦼꦫꦸꦱ꧀ꦢꦶꦱꦸꦮꦸꦤ꧀ꦏꦺꦴꦁꦏꦺꦴꦤ꧀ꦩꦸꦭꦶꦃ​꧉​ ⁴⁶ꦏꦢꦸꦁ​ꦮꦶꦱ꧀ꦥꦶꦱꦃ​ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦒꦸꦤꦸꦁ​ꦲꦉꦥ꧀​ꦤ꧀ꦢꦺꦴꦁꦔ꧉​ ⁴⁷ꦢꦺꦴꦁꦔꦺꦱꦸꦫꦸꦥ꧀ꦥꦿꦲꦸꦤꦺ​ꦮꦶꦱ꧀ꦤꦁꦠꦼꦔꦃꦠꦼꦔꦃ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦤꦁꦢꦫꦠ꧀ꦠꦤ꧀ꦢꦺꦮꦺ꧉​ ⁴⁸ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦤꦺꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦔꦺꦭ꧀ꦭꦤ꧀ꦠꦼꦤꦤ꧀ꦱꦶꦁ​ꦤ꧀ꦢꦪꦸꦁ꧈​ꦲꦮꦶꦠ꧀ꦠꦠꦥ꧀ꦥꦤ꧀ꦲꦔꦶꦤ꧀꧈​ꦏꦶꦫꦏꦶꦫ​ꦗꦩ꧀ꦠꦼꦭꦸ​ꦠꦼꦏꦤꦺ​ꦗꦩ꧀ꦤꦼꦤꦼꦩ꧀ꦲꦺꦱꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦱꦸꦭ꧀ ꦩ꧀ꦭꦏꦸ​ꦤꦁꦩꦺꦂ꧉​ꦏꦺꦠꦺꦴꦏ꧀ꦏꦺ​ꦢꦺꦏ꧀ꦤꦺꦩ꧀ꦭꦏꦸ​ꦠꦼꦫꦸꦱ꧀ ꦏꦪ​ꦲꦉꦥ꧀​ꦔ꧀ꦭꦶꦮꦠ꧀ꦠꦶ​ꦥꦿꦲꦸꦤꦺ​꧉​ ⁴⁹ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦧꦚꦸ​ꦠꦼꦫꦸꦱ꧀ꦥꦢ​ꦚ꧀ꦗꦼꦫꦶꦠ꧀꧈​ꦤ꧀ꦢꦫꦤ꧀ꦤꦶꦮꦼꦫꦸꦃ​ꦩꦺꦴꦏ꧀ꦩꦼꦢꦶ꧉​ ⁵⁰ꦏꦧꦺꦃ​ꦮꦼꦫꦸꦃ​ꦢꦺꦏ꧀ꦤꦺꦠꦼꦫꦸꦱ꧀ꦥꦢ​ꦮꦼꦢꦶ​꧉​ ꧋ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦗ​ꦥꦢ​ꦏꦒꦺꦠ꧀!ꦲꦶꦏꦶ​ꦲꦏꦸ​!ꦮꦶꦱ꧀ꦲꦗ​ꦥꦢ​ꦮꦼꦢꦶ​ꦩꦼꦤꦺꦃ​!” ⁵¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦤꦸꦩ꧀ꦥꦏ꧀ꦥꦿꦲꦸꦤꦺ​ꦭꦤ꧀ꦲꦔꦶꦤ꧀ꦤꦺ​ꦠꦼꦫꦸꦱ꧀ꦩꦤ꧀ꦢꦼꦏ꧀꧈​ ⁵²ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦸꦫꦸꦁ​ꦥꦢ​ꦤꦶꦠꦺꦤ꧀ꦤꦶ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦼꦤꦗꦤ꧀ꦤ​ꦮꦼꦫꦸꦃ​ꦢꦺꦏ꧀ꦤꦺꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦭꦶꦩꦁ​ꦲꦺꦮꦸ​꧉​

꧋ꦮꦺꦴꦁ​ꦭꦫ​ꦥꦢ​ꦩꦫꦶ​ꦩꦼꦤꦺꦃ​꧉​

⁵³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦔꦧꦿꦃꦩꦺꦂꦠꦼꦏꦤ꧀ꦧꦮꦃꦓꦼꦤꦺꦱꦫꦺꦠ꧀꧈​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦩꦼꦢꦸꦤ꧀ꦱꦁꦏꦥꦿꦲꦸꦤꦺ​꧉​ ⁵⁴ꦮꦺꦴꦁꦮꦺꦴꦁ​ꦥꦢ​ꦤꦶꦠꦺꦤ꧀ꦤꦶ​ꦤꦺꦏ꧀ꦏꦸꦮꦶ​ ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵⁵ꦱꦏ꧀ꦮꦠ꧀ꦭꦶꦪꦭꦶꦪꦤꦺ​ꦱꦏ꧀ꦢꦺꦱ​ꦠꦼꦫꦸꦱ꧀ꦢꦶꦲꦺꦴꦩꦺꦴꦁꦔꦶꦏꦧꦺꦃ​꧉​ꦱꦶꦁ​ꦭꦫ​ꦠꦼꦫꦸꦱ꧀ꦢꦶꦒꦺꦴꦠꦺꦴꦁꦔꦶꦱꦏ꧀ꦭꦺꦩꦺꦏ꧀ꦏꦺ꧉​ ⁵⁶ꦲꦼꦤ꧀ꦢꦶ​ꦮꦲꦺ​ꦱꦶꦁ​ꦢꦶꦠꦼꦏꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦏꦼꦧꦺꦴꦤ꧀ꦤꦤ꧀ ꦢꦺꦱ​ꦲꦥ​ꦏꦸꦠ꧈​ꦮꦺꦴꦁꦮꦺꦴꦁ​ꦩꦼꦱ꧀ꦠꦶꦥꦢ​ꦠꦼꦏ​ꦔ꧀ꦒꦮ​ꦱꦶꦁ​ꦭꦫ​꧈​ꦠꦼꦫꦸꦱ꧀ꦢꦶꦒ꧀ꦭꦺꦠꦏ꧀ꦏꦏꦺꦤꦁꦭꦠꦂꦫꦺ​ꦥꦱꦂ​꧉​ꦮꦺꦴꦁꦮꦺꦴꦁ​ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦭꦶꦭꦤꦶ​ꦱꦶꦁ​ꦭꦫ​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦢꦺꦏ꧀ꦤꦺ꧈​ꦱꦼꦤꦗꦤ꧀ꦤꦩꦸꦁ​ꦒꦺꦴꦩ꧀ꦧꦾꦺꦴꦏ꧀ꦏꦺ꧉​ꦱꦶꦁ​ꦤ꧀ꦢꦼꦩꦺꦏ꧀ꦠꦼꦫꦸꦱ꧀ꦥꦢ​ꦩꦫꦶ​꧉​

꧋ꦧꦧ꧀ꦥꦼꦂꦤꦠ꧀ꦠꦤ꧀ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​

꧇​꧗꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸ​ꦏꦶꦠꦧ꧀ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦱꦁꦏꦪꦺꦫꦸꦱꦭꦺꦩ꧀ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ²ꦮꦺꦴꦁꦮꦺꦴꦁ​ꦲꦶꦏꦶ​ꦮꦼꦫꦸꦃ​ꦤꦺꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦤꦺꦁꦱꦶꦁ​ꦩꦁꦔꦤ꧀ꦠꦤ꧀ꦥ​ꦮꦶꦱꦸꦃ​ꦠꦔꦤ꧀ꦤꦺ​ꦤ꧀ꦢꦶꦱꦶꦏ꧀꧈​ ³ꦥꦫ​ꦥ꦳ꦫꦶꦱꦶ​ꦭꦤ꧀ꦱꦱꦠ꧀ꦠꦺꦮꦺꦴꦁ​ꦙꦸꦏꦧꦺꦃ​ꦭꦸꦩꦿꦃꦲꦺ​ꦮꦶꦱꦸꦃ​ꦤ꧀ꦢꦶꦱꦶꦏ꧀ꦤꦺꦏ꧀ꦲꦉꦥ꧀ꦩꦁꦔꦤ꧀ ꦩꦤꦸꦠ꧀ꦥꦼꦂꦤꦠꦤ꧀ꦤꦺꦩ꧀ꦧꦃꦩ꧀ꦧꦲꦤ꧀ꦤꦺꦩ꧀ꦧꦶꦪꦺꦤ꧀꧈​ ⁴ꦏꦪ​ꦤꦺꦏ꧀ꦠꦼꦏꦤ꧀ꦥꦱꦂ​ꦲꦩ꧀ꦧꦫꦁ​꧈​ꦩꦼꦱ꧀ꦠꦶꦮꦶꦱꦸꦃ​ꦤ꧀ꦢꦶꦱꦶꦏ꧀ꦱꦏ꧀ꦢꦸꦫꦸꦁꦔꦺꦩꦁꦔꦤ꧀ꦲꦥꦲꦥ​꧉​ꦭꦤ꧀ꦲꦶꦗꦶꦏ꧀ꦲꦺꦤꦺꦁꦥꦼꦂꦤꦠ꧀ꦠꦤ꧀ꦥꦶꦫꦁꦥꦶꦫꦁ​ꦩꦼꦤꦺꦃ​ꦱꦶꦁ​ꦏꦸꦢꦸ​ꦢꦶꦭꦏꦺꦴꦤ꧀ꦤꦶ​꧈​ꦏꦪ​ꦔꦸꦩ꧀ꦧꦃ​ꦩꦁꦏꦺꦴꦏ꧀ ꦕꦁꦏꦶꦂ​ꦭꦤ꧀ꦏꦼꦤ꧀ꦢꦶꦭ꧀꧈​ ⁵ꦩꦸꦭꦤꦺ​ꦥꦫ​ꦥ꦳ꦫꦶꦱꦶ​ꦭꦤ꧀ꦒꦸꦫꦸꦒꦸꦫꦸ​ꦏꦶꦠꦧ꧀ꦩꦲꦸ​ꦥꦢ​ꦩꦲꦶꦢꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦏꦼꦤꦺꦁꦲꦥ​ꦏꦺꦴꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦩꦸꦲꦺꦴꦫ​ꦥꦢ​ꦤꦸꦫꦸꦠ꧀ꦥꦼꦂꦤꦠ꧀ꦠꦤ꧀ꦠꦶꦁꦒꦭꦤ꧀ꦤꦺꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ?ꦏꦺꦴꦏ꧀ꦥꦢ​ꦩꦁꦔꦤ꧀ꦠꦤ꧀ꦥ​ꦮꦶꦱꦸꦃ​ꦤ꧀ꦢꦶꦱꦶꦏ꧀?” ⁶ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦤꦩꦸꦁ​ꦏꦺꦠꦺꦴꦏ꧀ꦲꦥꦶꦏ꧀​ꦚ꧀ꦗꦧꦤꦺ​꧉​ꦥꦚ꧀ꦕꦺꦤ꧀ꦕꦺꦴꦕꦺꦴꦏ꧀​ꦧꦔꦼꦠ꧀ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦤꦧꦶ​ꦪꦺꦱꦪ​ꦩ꧀ꦧꦶꦪꦺꦤ꧀ꦧꦧ꧀ꦏꦺꦴꦮꦺ​ꦏꦸꦮꦶ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

‘ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​:
ꦧꦁꦱ​ꦲꦶꦏꦶ​ꦲꦼꦁꦒꦺꦴꦤꦺ​ꦩꦼꦩꦸꦗꦶ​ꦲꦏꦸ​ꦤꦩꦸꦁ​ꦏꦫꦺꦴ​ꦭꦩ꧀ꦧꦺꦤꦺ​꧈​
ꦤꦁꦔꦶꦁ​ꦲꦠꦶꦤꦺ​ꦲꦢꦺꦴꦃ​ꦱꦁꦏꦲꦏꦸ​!’
⁷‘ꦲꦼꦁꦒꦺꦴꦤꦺ​ꦚꦼꦩ꧀ꦧꦃ​ꦩꦫꦁ​ꦲꦏꦸ​ꦲꦺꦴꦫ​ꦲꦺꦤꦺꦁꦒꦸꦤꦤꦺ​꧈​
ꦲꦮꦶꦠ꧀ꦥꦢ​ꦩꦸꦭꦁꦔꦶꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀​ꦔ꧀ꦭꦏꦺꦴꦤ꧀ꦤꦶ​
ꦥꦼꦂꦤꦠꦤ꧀ꦥꦼꦂꦤꦠ꧀ꦠꦤ꧀ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​’

⁸꧋“ꦏꦺꦴꦮꦺ​ꦤꦩꦸꦁ​ꦤꦸꦫꦸꦠ꧀ꦥꦼꦂꦤꦠꦤ꧀ꦤꦺꦩꦤꦸꦁꦱ​꧈​ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦩꦭꦃ​ꦥꦢ​ꦲꦩ꧀ꦧꦺꦴꦏ꧀ꦱꦶꦁꦏꦶꦂꦫꦏꦺ꧉​ ⁹꧋“ꦥꦚ꧀ꦕꦺꦤ꧀ꦥꦶꦤ꧀ꦠꦼꦂ​ꦔ꧀ꦒꦺꦴꦤ꧀ꦩꦸ​ꦥꦢ​ꦚꦶꦁꦏꦶꦂꦫꦶ​ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦸꦥꦪ​ꦧꦶꦱ​ꦤꦼꦫꦸꦱ꧀ꦱꦏꦺꦏꦉꦥ꧀ꦩꦸ​ꦢꦺꦮꦺ꧉​ ¹⁰ꦤꦧꦶ​ꦩꦺꦴꦱꦼꦱ꧀ꦭꦲꦸꦠ꧀ꦮꦶꦱ꧀ꦠꦲꦸ​ꦔꦺꦴꦩꦺꦴꦁꦔꦺꦤꦺ​ꦠ​:'ꦔꦗꦺꦤ꧀ꦤꦤ​ꦩꦫꦁ​ꦮꦺꦴꦁ​ꦠꦸꦮꦩꦸ​꧉​ꦱꦥ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦧꦥꦧꦶꦪꦸꦁꦔꦺ​ꦏꦸꦢꦸ​ꦢꦶꦥꦠꦺꦤ꧀ꦤꦶ​꧉'​ ^11-12ꦤꦁꦔꦶꦁ​ꦏꦺꦴꦮꦺ​ꦩꦭꦃ​ꦥꦢ​ꦩꦸꦭꦁꦔꦶꦔꦺꦤꦺ​:ꦲꦸꦫꦸꦤ꧀ꦤꦤ꧀ꦱꦶꦁ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦏꦺꦩꦫꦁ​ꦮꦺꦴꦁ​ꦠꦸꦮꦩꦸ​ꦏꦼꦤꦺꦁꦢꦶꦏꦺꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦢꦶꦤꦺ​ꦏꦺꦴꦮꦺ​ꦲꦺꦴꦫ​ꦲꦸꦱꦃꦔꦼꦏꦺꦏ꧀ꦏꦶꦩꦫꦁ​ꦮꦺꦴꦁ​ꦠꦸꦮꦩꦸ​ꦩꦼꦤꦺꦃ​꧉​ ¹³ꦢꦢꦶꦤꦺ​ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦲꦩ꧀ꦧꦺꦴꦏ꧀ꦱꦶꦁꦏꦶꦂꦫꦏꦺ꧈​ꦏꦺꦴꦮꦺ​ꦩꦭꦃ​ꦥꦢ​ꦔꦁꦒꦺꦴꦏ꧀ꦏꦏꦺꦥꦼꦂꦤꦠꦤ꧀ꦩꦸꦢꦺꦮꦺ꧉​ꦭꦤ꧀ꦲꦶꦗꦶꦏ꧀ꦲꦺꦤꦺꦁꦭꦶꦪꦭꦶꦪꦤꦺ​ꦩꦼꦤꦺꦃ​ꦧꦧ꧀ꦏꦪ​ꦔꦺꦴꦤꦺꦴ​ꦏꦸꦮꦶ​ꦱꦶꦁ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​!”

꧋ꦧꦫꦁ​ꦱꦶꦁ​ꦩꦫꦏ꧀ꦏꦏꦺꦲꦭ​꧉​

^14-15꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦮꦺꦴꦁꦮꦺꦴꦁ​ꦏꦧꦺꦃ​ꦢꦶꦥꦶꦠꦸꦠꦸꦂꦫꦶ​ꦔꦺꦤꦺ​:“ꦠꦼꦩ꧀ꦧꦸꦁꦏꦸ​ꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺ​꧈​ꦱꦸꦥꦪ​ꦏꦧꦺꦃ​ꦧꦶꦱ​ꦢꦸꦤꦸꦁꦱꦶꦁ​ꦲꦥꦶꦏ꧀꧈​ꦧꦫꦁ​ꦱꦶꦁ​ꦩ꧀ꦊꦧꦸ​ꦤꦁꦮꦼꦠꦼꦁꦔꦺ​ꦩꦤꦸꦁꦱ​ꦏꦸꦮꦶ​ꦲꦺꦴꦫ​ꦧꦶꦱ​ꦩꦫꦏ꧀ꦏꦏꦺꦲꦭ​꧈​ꦤꦁꦔꦶꦁ​ꦧꦫꦁ​ꦱꦶꦁ​ꦩꦼꦠꦸ​ꦱꦁꦏꦥꦶꦏꦶꦂꦫꦤ꧀ꦤꦺ​꧈​ꦲꦶꦏꦸ​ꦱꦶꦁ​ꦩꦫꦏ꧀ꦏꦏꦺꦩꦤꦸꦁꦱ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧉​ ¹⁶(ꦩꦸꦭꦤꦺ​꧈​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ ꦏꦺꦴꦮꦺ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧉”) ¹⁷꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦠꦶꦁꦒꦭ꧀ ꦢꦺꦏ꧀ꦤꦺꦠꦼꦫꦸꦱ꧀​ꦩ꧀ꦊꦧꦸ​ꦲꦺꦴꦩꦃ​꧉​ꦤꦁꦚ꧀ꦗꦼꦫꦺꦴ​ꦲꦺꦴꦩꦃ​ꦏꦺꦴꦤꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦱꦶꦁ​ꦢꦶꦮꦸꦭꦁꦔꦏꦺꦩꦲꦸ​꧈​ꦲꦮꦶꦠ꧀ꦲꦺꦴꦫ​ꦥꦢ​ꦢꦸꦤꦸꦁ꧉​ ^18-19ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦩꦺꦴꦱꦺꦴꦏ꧀ꦏꦺꦴꦮꦺ​ꦲꦩ꧀ꦧꦫꦁ​ꦲꦺꦴꦫ​ꦢꦸꦤꦸꦁ꧉​ꦲꦥ​ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦤꦺꦏ꧀ꦧꦫꦁ​ꦱꦶꦁ​ꦢꦶꦥꦔꦤ꧀ꦏꦸꦮꦶ​ꦲꦺꦴꦫ​ꦩ꧀ꦊꦧꦸ​ꦲꦠꦶꦤꦺ​꧈​ꦤꦁꦔꦶꦁ​ꦩ꧀ꦊꦧꦸ​ꦮꦼꦠꦼꦁꦔꦺ​ꦩꦤꦸꦁꦱ​ꦠꦼꦫꦸꦱ꧀ꦩꦼꦠꦸ​ꦩꦼꦤꦺꦃ​꧉​ꦩꦸꦭꦤꦺ​ꦥꦔꦤ꧀ꦤꦤ꧀ꦏꦸꦮꦶ​ꦲꦺꦴꦫ​ꦧꦶꦱ​ꦩꦫꦏ꧀ꦏꦏꦺꦩꦤꦸꦁꦱ​ꦲꦭ​꧉”꧌ꦤꦁꦏꦺꦤꦺ​ꦢꦺꦏ꧀ꦤꦺꦤ꧀ꦢꦸꦤꦸꦁꦔꦏꦺꦤꦺꦏ꧀ꦥꦔꦤ꧀ꦤꦤ꧀ꦲꦥ​ꦮꦲꦺ​ꦏꦼꦤꦺꦁꦢꦶꦥꦔꦤ꧀꧈​) ²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦱꦶꦁ​ꦩꦫꦏ꧀ꦏꦏꦺꦩꦤꦸꦁꦱ​ꦔ꧀ꦭꦏꦺꦴꦤ꧀ꦤꦶ​ꦲꦭ​ꦏꦸꦮꦶ​ꦧꦫꦁ​ꦱꦶꦁ​ꦩꦼꦠꦸ​ꦱꦁꦏꦲꦠꦶꦤꦺ​꧈​ꦪꦏꦸꦮꦶ​ꦥꦶꦏꦶꦂꦫꦤ꧀ꦤꦺ​꧉​ ^21-22ꦏꦪꦢꦺꦤꦺꦭꦏꦸ​ꦧꦺꦢꦁ꧈​ꦚꦼꦚꦺꦴꦭꦺꦴꦁ​꧈​ꦩꦼꦩꦠꦺꦤ꧀ꦤꦶ​꧈​ꦔꦿꦸꦱꦸꦃꦲꦶꦧꦺꦴꦗꦺꦴꦤꦺ​ꦭꦶꦪꦤꦺ​꧈​ꦩꦸꦂꦏ꧈​ꦱꦿꦏꦃ​꧈​ꦱꦏ꧀ꦮꦼꦂꦤꦤꦺ​ꦥꦼꦁꦒꦮꦺ​ꦲꦭ​꧈​ꦩꦼꦩꦺꦫꦺꦤ꧀ ꦩꦼꦩꦶꦱꦸꦃ​꧈​ꦱꦺꦴꦩ꧀ꦧꦺꦴꦁꦭꦤ꧀ꦱꦼꦩ꧀ꦧꦿꦤ​꧉​” ²³ꦏꦸꦮꦶ​ꦏꦧꦺꦃ​ꦩꦼꦠꦸꦤꦺ​ꦱꦁꦏꦥꦶꦏꦶꦂꦫꦤ꧀ꦤꦺ​ ꦩꦤꦸꦁꦱ​꧉​ꦏꦸꦮꦶ​ꦱꦶꦁ​ꦩꦫꦏ꧀ꦏꦏꦺꦩꦤꦸꦁꦱ​ꦲꦭ​꧉​

꧋ꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁ​ꦮꦺꦢꦺꦴꦏ꧀ꦱꦁꦏꦱꦶꦫꦺꦴ​ꦥ꦳ꦺꦤꦶꦱꦶꦪ​​꧉​

²⁴꧋ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦤꦁꦧꦮꦃꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀꧈​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦠꦼꦫꦸꦱ꧀​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦲꦺꦴꦩꦃ​꧈​ꦱꦸꦥꦪ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦔꦼꦂꦠꦶ​ꦤꦺꦏ꧀ꦢꦺꦏ꧀ꦤꦺꦠꦼꦏ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦩꦼꦏ꧀ꦱ​ꦔꦼꦂꦠꦶ​꧉​ ^25-26ꦲꦺꦴꦫ​ꦊꦠ꧀ꦱꦸꦮꦶꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦠꦼꦏ​꧉​ꦮꦺꦴꦁꦔꦺ​ꦏꦿꦸꦔꦸ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦲꦶꦏꦶ​ꦤ꧀ꦢꦸꦮꦺꦲꦤꦏ꧀ꦮꦺꦢꦺꦴꦏ꧀ꦱꦶꦁ​ꦏꦼꦊꦧꦺꦴꦤ꧀ꦢꦼꦩꦶꦠ꧀꧈​ꦮꦺꦴꦁꦔꦺ​ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦚꦸꦮꦸꦤ꧀ꦱꦸꦥꦪ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦱꦶꦁ​ꦔ꧀ꦮꦱꦤꦶ​ꦲꦤꦏ꧀ꦏꦺ​꧉​ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦢꦸꦢꦸ​ꦮꦺꦴꦁ​ꦙꦸ꧈​ꦢꦺꦏ꧀ꦤꦺꦮꦺꦴꦁ​ꦭꦲꦶꦂꦫꦤ꧀ꦥ꦳ꦺꦤꦶꦱꦶꦪ​ꦤꦁꦤꦼꦒꦫ​ꦯꦶꦫꦺꦴ꧉​ ²⁷ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦃ꧈​ꦲꦩ꧀ꦧꦺꦴꦏ꧀ꦧꦺꦤ꧀ꦲꦤꦏ꧀ꦲꦤꦏ꧀ꦏꦺ​ꦢꦺꦮꦺꦥꦢ​ꦮꦫꦱ꧀ꦩꦸꦤ꧀ꦢꦶꦱꦶꦏ꧀꧈​ꦲꦺꦴꦫ​ꦭꦸꦩꦿꦃ​ꦤꦺꦏ꧀ꦥꦔꦤ꧀ꦤꦺ​ꦲꦤꦏ꧀ꦲꦤꦏ꧀ꦢꦶꦏꦺꦏ꧀ꦏꦏꦺꦲꦱꦸ​!” ²⁸꧋ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦏꦺꦱꦼꦩꦲꦸꦂ​:“ꦧꦼꦤꦼꦂ​ꦒꦸꦱ꧀ꦠꦶ​꧈​ꦤꦁꦔꦶꦁ​ꦲꦱꦸꦤꦺꦭꦲꦸꦠ꧀ꦲꦺꦤ꧀ꦠꦸꦏ꧀ꦫꦺꦧꦺꦭꦤꦺꦲꦤꦏ꧀ꦲꦤꦏ꧀ꦠ​?” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦮꦶꦱ꧀ ꦏꦤ​ꦩꦸꦭꦶꦃ​꧉​ꦲꦤꦏ꧀ꦩꦸ​ꦮꦶꦱ꧀ꦩꦫꦶ​꧉​ꦱꦁꦏꦠꦼꦩ꧀ꦧꦸꦁꦩꦸ​ꦏꦸꦮꦶ​ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦥꦽꦕꦪ​ꦩꦫꦁ​ꦲꦏꦸ​!” ³⁰꧋ꦮꦺꦴꦁꦔꦺ​ꦠꦼꦫꦸꦱ꧀ꦩꦸꦭꦶꦃ​꧉​ꦠꦼꦏꦤ꧀ꦲꦺꦴꦩꦃ​ꦤꦼꦩꦸ​ꦲꦤꦏ꧀ꦏꦺ​ꦔ꧀ꦒꦺꦠꦏ꧀ꦲꦤ꧀ꦠꦼꦁ​ꦤꦁꦲꦩ꧀ꦧꦺꦤ꧀꧈​ꦢꦼꦩꦶꦠ꧀ꦠꦺꦮꦶꦱ꧀ꦭꦸꦔ​꧉​

꧋ꦒꦸꦱ꧀ꦠꦶ​ꦤꦩ꧀ꦧꦤꦶ​ꦮꦺꦴꦁ​ꦧꦸꦢꦼꦏ꧀ꦧꦶꦱꦸ꧉​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦧꦮꦃꦠꦶꦫꦸꦱ꧀ꦧꦸꦢꦭ꧀ꦤꦁꦧꦮꦃꦩꦺꦂꦓꦭꦶꦭꦺꦪ​꧉​ꦤꦁꦔꦶꦁ​ꦩ꧀ꦭꦏꦸꦮꦔ꧀ꦭꦶꦮꦠ꧀ꦠꦶ​ꦏꦸꦠꦱꦶꦢꦺꦴꦤ꧀ꦭꦤ꧀ꦧꦮꦃꦢꦺꦏꦥꦺꦴꦭꦶꦱ꧀꧈​ ³²ꦤꦁꦓꦭꦶꦭꦺꦪ​ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦧꦸꦢꦼꦏ꧀ꦭꦤ꧀ꦧꦶꦱꦸ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦸꦥꦪ​ꦤꦸꦩ꧀ꦥꦁꦔꦶ​ꦠꦔꦤ꧀ꦩꦫꦁ​ꦮꦺꦴꦁ​ꦭꦫ​ꦲꦶꦏꦶ​꧉​ ³³ꦮꦺꦴꦁ​ꦧꦸꦢꦼꦏ꧀ꦧꦶꦱꦸꦲꦶꦏꦶ​ꦠꦼꦫꦸꦱ꧀ꦢꦶꦢꦺꦮꦺꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦢꦺꦴꦃ​ꦏꦫꦺꦴ​ꦮꦺꦴꦁꦮꦺꦴꦁ​ꦭꦶꦪꦤꦺ​꧉​ꦏꦸꦥꦶꦁꦔꦺ​ꦮꦺꦴꦁꦔꦺ​ꦏꦧꦺꦃ​ꦭꦺꦴꦫꦺꦴ​ꦠꦼꦫꦸꦱ꧀ꦢꦶꦢꦸꦊꦏ꧀꧈​ꦱꦏ꧀ꦮꦶꦱ꧀ꦱꦺ​ꦔꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦲꦶꦢꦸ​ꦭꦤ꧀​ꦤ꧀ꦢꦼꦩꦺꦏ꧀ꦲꦶꦭꦠ꧀ꦠꦺ​ꦮꦺꦴꦁꦔꦺ​꧉​ ³⁴ꦢꦺꦏ꧀ꦤꦺ​ꦠꦼꦫꦸꦱ꧀ꦚꦮꦁ​ꦤ꧀ꦢꦸꦮꦸꦂꦏꦫꦺꦴ​ꦔꦼꦕꦸꦭ꧀ꦭꦏꦺ​ꦲꦩ꧀ꦧꦼꦏ꧀ꦏꦤ꧀ ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​:“ꦌꦥ꦳ꦠ​!”ꦠꦼꦒꦼꦱ꧀ꦱꦺ​:“ꦩꦼꦔꦲ​!” ³⁵꧋ꦏꦸꦥꦶꦁꦔꦺ​ꦮꦺꦴꦁꦔꦺ​ꦠꦼꦫꦸꦱ꧀ꦧꦶꦱ​ꦏꦿꦸꦔꦸ​ꦭꦤ꧀ꦲꦶꦭꦠ꧀ꦠꦺ​ꦩꦭꦶꦃ​ꦊꦩꦼꦱ꧀ ꦠꦼꦫꦸꦱ꧀ꦧꦶꦱ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦪ​ꦱꦏ꧀ꦭꦸꦩꦿꦃꦲꦺ​꧉​ ³⁶ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦁꦔꦶꦁ​ꦮꦺꦴꦁꦮꦺꦴꦁ​ꦔꦧꦂꦔꦧꦂꦫꦏꦺꦊꦭꦏꦺꦴꦤ꧀ꦩꦲꦸ​꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦩꦭꦃ​ꦥꦢ​ꦤ꧀ꦢꦢꦶ​ꦱꦶꦁ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦶꦭꦶꦪꦭꦶꦪꦤꦺ​꧉​ ³⁷ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀ꦭꦤ꧀ꦔꦺꦴꦩꦺꦴꦁ:“ꦮꦃ​꧈​ꦗꦤ꧀ꦚꦠ​ꦠꦼꦤꦤ꧀꧈​ꦢꦺꦏ꧀ꦤꦺ​ꦧꦶꦱ​ꦱꦼꦩ꧀ꦧꦫꦁ​꧉​ꦱꦶꦁ​ꦧꦸꦢꦼꦏ꧀ꦧꦶꦱ​ꦏꦿꦸꦔꦸ​ꦭꦤ꧀ꦱꦶꦁ​ꦧꦶꦱꦸ​ꦧꦶꦱ​ꦔꦺꦴꦩꦺꦴꦁ꧉​”

꧋ꦫꦁ​ꦱꦸꦩ꧀ꦩꦤ꧀ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧉​

꧇​꧘꧇​ ¹꧋ꦲꦺꦴꦫ​ꦊꦠ꧀ꦱꦸꦮꦶꦮꦺꦴꦁꦮꦺꦴꦁ​ꦥꦢ​ꦔꦸꦩ꧀ꦥꦸꦭ꧀ꦩꦼꦤꦺꦃ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦔꦶꦁ​ꦤꦁꦏꦺꦴꦤꦺꦴ​ꦲꦺꦴꦫ​ꦲꦺꦤꦺꦁꦥꦔꦤ꧀ꦤꦤ꧀ꦲꦥꦲꦥ​꧉​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦴꦩꦺꦴꦁ: ²“ꦲꦏꦸ​ꦩꦼꦭꦱ꧀ꦩꦫꦁ​ꦮꦺꦴꦁꦮꦺꦴꦁ​!ꦮꦶꦱ꧀ꦠꦼꦭꦸꦁ​ꦢꦶꦤ​ꦱꦸꦮꦺꦤꦺ​ꦮꦺꦴꦁꦮꦺꦴꦁ​ꦥꦢ​ꦩꦺꦭꦸ​ꦲꦏꦸ​ꦭꦤ꧀ꦱꦲꦶꦏꦶ​ꦱꦶꦁ​ꦢꦶꦥꦔꦤ꧀ꦮꦶꦱ꧀ꦲꦼꦤ꧀ꦠꦺꦏ꧀꧈​ ³ꦩꦼꦁꦏꦺꦴ​ꦤꦺꦏ꧀ꦱꦏ꧀ꦢꦸꦫꦸꦁꦔꦺꦩꦁꦔꦤ꧀ꦮꦶꦱ꧀ꦠꦏ꧀ꦏꦺꦴꦁꦏꦺꦴꦤ꧀ꦩꦸꦭꦶꦃ​꧈​ꦩꦼꦤꦮ​ꦧꦶꦱ​ꦲꦩ꧀ꦧꦿꦸꦏ꧀ꦤꦁꦢꦭꦤ꧀꧈​ꦭꦃ​ꦏꦠꦶꦏ꧀ꦲꦺꦤꦺꦁꦱꦶꦁ​ꦲꦺꦴꦩꦃꦲꦺ​ꦲꦢꦺꦴꦃ​ꦥꦶꦱꦤ꧀꧈​” ⁴꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦱꦼꦩꦲꦸꦂ​:“ꦭꦃ​ꦲꦮꦏ꧀ꦏꦺ​ꦢꦺꦮꦺꦱꦶꦁ​ꦲꦉꦥ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦱꦼꦩꦺꦴꦤꦺꦴ​ꦲꦺꦴꦏꦺꦃꦲꦺꦒꦺꦏ꧀ꦏꦼꦥꦿꦶꦪꦺ​?ꦤꦁꦥꦁꦒꦺꦴꦤ꧀ꦤꦤ꧀ꦏꦺꦤꦺ​ꦲꦺꦴꦫ​ꦲꦺꦤꦺꦁꦥꦔꦤ꧀ꦤꦤ꧀ꦲꦥꦲꦥ​!” ⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦏꦺꦴꦮꦺ​ꦤ꧀ꦢꦸꦮꦺꦫꦺꦴꦠꦶ​ꦥꦶꦫ​?” ꧋ꦩꦸꦫꦶꦢ꧀ꦢꦺ​ꦱꦼꦩꦲꦸꦂ​:“ꦲꦺꦤꦺꦁꦥꦶꦠꦸ​!” ⁶꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁꦏꦧꦺꦃ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦥꦶꦠꦸ​ꦩꦲꦸ​꧉​ꦱꦏ꧀ꦮꦶꦱ꧀ꦱꦺ​ꦢꦶꦢꦺꦴꦔꦏ꧀ꦏꦏꦺꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦢꦶꦏꦺꦏ꧀ꦏꦏꦺꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦩꦫꦁ​ꦮꦺꦴꦁꦮꦺꦴꦁ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦢꦶꦲꦼꦢꦸꦩ꧀ꦩꦶ꧉​ ⁷ꦲꦺꦤꦺꦁꦱꦶꦁ​ꦤ꧀ꦢꦸꦮꦺꦲꦶꦮꦏ꧀ꦲꦩ꧀ꦧꦫꦁ​꧉​ꦲꦶꦮꦏ꧀ꦏꦺ​ꦠꦼꦫꦸꦱ꧀ꦢꦶꦢꦺꦴꦔꦏ꧀ꦏꦏꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦲꦸꦒ​꧉​ ⁸ꦮꦺꦴꦁ​ꦏꦧꦺꦃ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ꦠꦸꦫꦃꦲꦤ꧀ꦤꦺ​ꦢꦶꦭꦸꦩ꧀ꦥꦸꦏ꧀ꦏꦏꦺꦲꦺꦤꦺꦁꦥꦶꦠꦸꦁ​ꦠꦺꦁꦒꦺꦴꦏ꧀꧈​ ⁹ꦱꦶꦁ​ꦩꦺꦭꦸ​ꦩꦁꦔꦤ꧀ꦏꦶꦫꦏꦶꦫ​ꦲꦺꦤꦺꦁꦮꦺꦴꦁ​ꦥꦠꦁ​ꦲꦺꦮꦸ​꧉​ ¹⁰ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦤꦸꦩ꧀ꦥꦏ꧀ꦥꦿꦲꦸ​ꦧꦸꦢꦭ꧀ꦤꦁꦧꦮꦃꦣꦭ꧀ꦩꦤꦸꦠꦃ꧉​

꧋ꦮꦺꦴꦁ​ꦥ꦳ꦫꦶꦱꦶ​ꦏꦼꦥꦺꦔꦶꦤ꧀ꦮꦼꦫꦸꦃ​ꦠꦤ꧀ꦢ꧉​

¹¹꧋ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦥꦢ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦤ꧀ꦠꦃꦧꦤ꧀ꦠꦃꦲꦤ꧀ꦏꦫꦺꦴ​ ꦢꦺꦏ꧀ꦤꦺ꧉​ꦮꦺꦴꦁ​ꦥ꦳ꦫꦶꦱꦶ​ꦩꦲꦸ​ꦲꦉꦥ꧀ꦔꦼꦤꦺꦁꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦢ​ꦚ꧀ꦗꦭꦸꦏ꧀ꦠꦤ꧀ꦢꦤꦺꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦢꦺꦏ꧀ꦤꦺ꧉​ ¹²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦩ꧀ꦧꦠ꧀ꦲꦶꦁ​ꦲꦠꦶ​ꦭꦤ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦮꦺꦴꦁꦮꦺꦴꦁ​ꦲꦶꦏꦶ​ꦏꦺꦴꦏ꧀ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦠꦤ꧀ꦢ?ꦲꦺꦴꦫ​꧈​ꦲꦺꦴꦫ​ꦧꦏꦭ꧀ꦠꦏ꧀ꦏꦺꦏ꧀ꦏꦶꦠꦤ꧀ꦢ!” ¹³꧋ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦢꦶꦠꦶꦁꦒꦭ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦧꦿꦃꦏꦫꦺꦴ​ꦥꦿꦲꦸꦤꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦤꦺꦤ꧀ꦤꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​

¹⁴꧋ꦤꦁꦥꦿꦲꦸꦤꦺ​ꦤꦩꦸꦁ​ꦲꦺꦤꦺꦁꦫꦺꦴꦠꦶ​ꦱꦶꦗꦶ​꧈​ꦲꦮꦶꦠ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦭꦭꦶ​ꦔ꧀ꦒꦮ​ꦭꦶꦪꦤꦺ​꧉​ ¹⁵ꦏꦢꦸꦁ​ꦥꦿꦲꦸꦤꦺ​ꦮꦶꦱ꧀​ꦩ꧀ꦭꦏꦸ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦴꦩꦺꦴꦁ:“ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶꦠꦼꦤꦤ꧀ꦏꦫꦺꦴ​ꦫꦒꦶꦤꦺ​ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦫꦒꦶꦤꦺ​ꦲ꦳ꦺꦫꦺꦴꦢꦺꦱ꧀꧉”꧌ꦒꦸꦱ꧀ꦠꦶ​ꦪꦺꦯꦸꦱ꧀ꦱꦏ꧀ꦗꦤꦺꦔꦺꦴꦩꦺꦴꦁ:“ꦱꦶꦁ​ꦲꦠꦶꦲꦠꦶꦏꦫꦺꦴ​ꦥꦶꦮꦸꦭꦁꦔꦺ​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦶꦮꦸꦭꦁꦔꦺ​ꦲ꦳ꦺꦫꦺꦴꦢꦺꦱ꧀꧉”) ¹⁶꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦺꦴꦫ​ꦢꦸꦤꦸꦁꦲꦥ​ꦠꦼꦒꦼꦱ꧀ꦱꦺ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦩꦸꦭꦤꦺ​ꦥꦢ​ꦠꦏꦺꦴꦤ꧀ꦩꦫꦁ​ꦱꦏ꧀ꦥꦢꦥꦢ:“ꦒꦸꦱ꧀ꦠꦶ​ꦏꦸꦮꦶ​ꦱꦏ꧀ꦗꦤꦺꦔꦺꦴꦩꦺꦴꦁꦔꦏꦺꦧꦧ꧀ꦲꦥ​ꦪ​?ꦩꦼꦱ꧀ꦠꦶꦤꦺꦮꦲꦺ​ꦪ​ꦱꦁꦏꦶꦁꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦱꦔꦸꦫꦺꦴꦠꦶ​꧈​ꦩꦸꦭꦤꦺ​ꦒꦸꦱ꧀ꦠꦶ​ꦔꦺꦴꦩꦺꦴꦁꦔꦺꦴꦤꦺꦴ​!” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦱꦶꦁ​ꦢꦶꦉꦩ꧀ꦧꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦏꦺꦴꦏ꧀ꦥꦢ​ꦫꦩꦺ​ꦔꦺꦴꦩꦺꦴꦁꦔꦏꦺꦧꦧ꧀ꦫꦺꦴꦠꦶ​꧉​ꦩꦺꦴꦱꦺꦴꦏ꧀ꦏꦺꦴꦮꦺ​ꦢꦸꦫꦸꦁ​ꦥꦢ​ꦤꦶꦠꦺꦤ꧀ꦤꦶ​ꦭꦤ꧀ꦢꦸꦫꦸꦁ​ꦢꦸꦤꦸꦁ?ꦏꦺꦴꦮꦺ​ꦏꦺꦴꦏ꧀ꦲꦔꦺꦭ꧀ꦧꦔꦼꦠ꧀! ¹⁸ꦩꦺꦴꦱꦺꦴꦏ꧀ꦏꦺꦴꦮꦺ​ꦤ꧀ꦢꦸꦮꦺꦩꦿꦶꦥꦠ꧀ ꦤꦁꦔꦶꦁ​ꦲꦺꦴꦫ​ꦧꦶꦱ​ꦮꦼꦫꦸꦃ​꧉​ꦭꦤ꧀ꦏꦸꦥꦶꦁꦩꦸ​ꦏꦸꦮꦶ​ꦏꦁꦒꦺꦴ​ꦔꦥ​ꦏꦺꦴꦏ꧀ꦲꦺꦴꦫ​ꦥꦢ​ꦏꦿꦸꦔꦸ​?ꦲꦥ​ꦲꦺꦴꦫ​ꦲꦺꦤꦺꦁꦱꦶꦁ​ꦏꦺꦭꦶꦁꦔꦤ꧀? ¹⁹ꦢꦺꦴꦁꦔꦺꦲꦏꦸ​ꦚꦸꦮꦶꦭ꧀ꦚꦸꦮꦶꦭ꧀ꦫꦺꦴꦠꦶ​ꦭꦶꦩ​ꦏꦁꦒꦺꦴ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦭꦶꦩꦁ​ꦲꦺꦮꦸ​ꦏꦲꦺ​꧈​ꦥꦶꦫꦁ​ꦠꦺꦁꦒꦺꦴꦏ꧀ꦱꦶꦁ​ꦠꦸꦫꦃ​?ꦮꦶꦱ꧀ꦭꦭꦶ​?” ꧋ꦩꦸꦫꦶꦢ꧀ꦢꦺ​ꦥꦢ​ꦱꦼꦩꦲꦸꦂ​:“ꦫꦺꦴꦭꦱ꧀ꦠꦺꦁꦒꦺꦴꦏ꧀!” ²⁰꧋“ꦭꦤ꧀ꦭꦶꦪꦤꦺ​ꦢꦶꦤ​ꦩꦼꦤꦺꦃ​꧈​ꦢꦺꦴꦁꦔꦺꦲꦏꦸ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦥꦠꦁ​ꦲꦺꦮꦸ​ꦏꦫꦺꦴ​ꦫꦺꦴꦠꦶ​ꦥꦶꦠꦸ​꧈​ꦥꦶꦫꦁ​ꦠꦺꦁꦒꦺꦴꦏ꧀ꦱꦶꦁ​ꦠꦸꦫꦃ​?” ꧋ꦩꦸꦫꦶꦢ꧀ꦢꦺ​ꦱꦼꦩꦲꦸꦂ​:“ꦥꦶꦠꦸꦁ​ꦠꦺꦁꦒꦺꦴꦏ꧀!” ²¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦏꦺꦴꦮꦺ​ꦏꦺꦴꦏ꧀ꦢꦸꦫꦸꦁ​ꦢꦸꦤꦸꦁꦤꦺꦏ꧀ ꦏꦼꦏꦸꦫꦁꦔꦤ꧀ꦫꦺꦴꦠꦶ​ꦏꦸꦮꦶ​ꦲꦺꦴꦫ​ꦏꦼꦤꦺꦁꦤ꧀ꦢꦢꦺꦏ꧀ꦏꦏꦺꦧꦶꦔꦸꦁ​ꦭꦤ꧀ꦫꦺꦥꦺꦴꦠ꧀꧈​ꦩꦸꦭꦤꦺ​꧈​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦩꦲꦸ​ꦥꦽꦏꦫ​ꦭꦶꦪꦤꦺ​꧉​”

꧋ꦮꦺꦴꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​

²²꧋ꦱꦲꦶꦏꦶ​ꦥꦢ​ꦠꦼꦏꦤ꧀ꦢꦺꦱ​ꦧꦺꦠ꧀ꦱꦲꦶꦢ​꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦩꦸꦂ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦱꦶꦁ​ꦔ꧀ꦒꦮ​ꦥꦢ​ꦚꦸꦮꦸꦤ꧀ꦩꦫꦁ​ꦢꦺꦏ꧀ꦤꦺꦤ꧀ꦢꦼꦩꦺꦏ꧀ꦮꦺꦴꦁ​ꦱꦶꦁ​ꦭꦩꦸꦂ​꧉​ ²³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦮꦺꦴꦁꦔꦺ​ꦱꦶꦁ​ꦭꦩꦸꦂ​ꦠꦼꦫꦸꦱ꧀ꦢꦶꦒꦮ​ꦩꦼꦠꦸ​ꦤꦁꦚ꧀ꦗꦧꦤꦺ​ꦢꦺꦱ​꧉​ꦤꦁꦏꦺꦴꦤꦺꦴ​ꦩꦿꦶꦥꦠ꧀ꦠꦺ​ꦠꦼꦫꦸꦱ꧀ꦢꦶꦲꦶꦢꦺꦴꦤ꧀ꦤꦶ​꧉​ꦮꦺꦴꦁꦔꦺ​ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦭꦤ꧀ꦢꦶꦠꦏꦺꦴꦤ꧀ꦤꦶ​:“ꦏꦺꦴꦮꦺ​ꦮꦼꦫꦸꦃ​ꦲꦥ​?” ²⁴꧋ꦮꦺꦴꦁꦔꦺ​ꦠꦼꦫꦸꦱ꧀​ꦤ꧀ꦢꦼꦔꦺꦴꦔꦺꦴꦏ꧀ꦭꦤ꧀ꦱꦼꦩꦲꦸꦂ​:“ꦲꦏꦸ​ꦮꦼꦫꦸꦃ​ꦮꦺꦴꦁꦮꦺꦴꦁ​꧈​ꦤꦁꦔꦶꦁ​ꦏꦺꦠꦺꦴꦏ꧀ꦏꦺ​ꦏꦪ​ꦮꦶꦠ꧀ꦮꦶꦠ꧀ꦠꦤ꧀​ꦩ꧀ꦭꦏꦸ​꧉​” ²⁵꧋ꦩꦿꦶꦥꦠ꧀ꦠꦺ​ꦠꦼꦫꦸꦱ꧀ꦢꦶꦢꦼꦩꦺꦏ꧀ꦱꦼꦥꦶꦱ꧀ꦱꦤ꧀ꦩꦼꦤꦺꦃ​꧉​ꦱꦲꦶꦏꦶ​ꦠꦼꦫꦸꦱ꧀ꦩꦫꦶ​ꦭꦤ꧀ꦮꦺꦴꦁꦔꦺ​ꦧꦶꦱ​ꦮꦼꦫꦸꦃ​ꦩꦠ꧀꧈​ ²⁶ꦮꦺꦴꦁ​ꦔꦺ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦩꦸꦭꦶꦃ​ꦭꦤ꧀ꦢꦶꦥꦼꦔꦶꦁ​ꦧꦭꦶꦏ꧀ꦩꦼꦤꦺꦃ​ꦤꦁꦢꦺꦱꦤꦺ​꧉​

꧋ꦥꦼꦔꦏꦺꦴꦤ꧀ꦤꦺ​ꦫꦱꦸꦭ꧀ꦦꦺꦠꦿꦸꦱ꧀꧈​

²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦧꦸꦢꦭ꧀ꦤꦁꦢꦺꦱꦢꦺꦱ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦸꦠꦯꦺꦱꦫꦺꦪꦥ꦳ꦶꦭꦶꦥꦶ​꧉​ꦢꦺꦴꦁꦔꦺꦥꦢ​ꦩ꧀ꦭꦏꦸ​ꦢꦺꦏ꧀ꦤꦺꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦮꦺꦴꦁꦮꦺꦴꦁ​ꦔꦫꦤ꧀ꦤꦶ​ꦲꦏꦸ​ꦲꦶꦏꦶ​ꦱꦥ​?” ²⁸ꦩꦸꦫꦶꦢ꧀ꦢꦺ​ꦥꦢ​ꦱꦼꦩꦲꦸꦂ​:“ꦮꦃ​꧈​ꦮꦶꦱ꧀ꦮꦼꦂꦤꦮꦼꦂꦤ​!ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦏꦺꦴꦮꦺ​ꦏꦸꦮꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​ꦭꦶꦪꦤꦺ​ꦔꦫꦤ꧀ꦤꦶ​ꦏꦺꦴꦮꦺ​ꦏꦸꦮꦶ​ꦤꦧꦶ​ꦌꦭꦶꦪ​꧉​ꦲꦺꦤꦺꦁꦩꦼꦤꦺꦃ​ꦱꦶꦁ​ꦔꦺꦴꦩꦺꦴꦁꦤꦺꦏ꧀ꦏꦺꦴꦮꦺ​ꦏꦸꦮꦶ​ꦱꦏ꧀ꦮꦶꦗꦶꦤꦺꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦱꦶꦁ​ꦱꦲꦶꦏꦶ​ꦠꦼꦏ​ꦩꦼꦤꦺꦃ​꧉​” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦏꦺꦴꦮꦺ​ꦏꦼꦥꦿꦶꦪꦺ​?ꦲꦏꦸ​ꦲꦶꦏꦶ​ꦱꦥ​?” ꧋ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀!” ³⁰꧋ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦁꦔꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦧꦂꦔꦧꦂꦫꦏꦺꦤꦺꦏ꧀ꦢꦺꦏ꧀ꦤꦺꦏꦸꦮꦶ​ꦏꦿꦶꦱ꧀ꦡꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦱꦁꦱꦫ​ꦭꦤ꧀ꦥꦠꦶꦤꦺ​꧉​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦴꦭꦃꦲꦶꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦺꦏ꧀ꦢꦺꦏ꧀ꦤꦺꦏꦸꦮꦶ​ꦲꦤꦏ꧀ꦏꦺ​ꦩꦤꦸꦁꦱ​ꦱꦶꦁ​ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​ꦲꦺꦴꦏꦺꦃ꧉​ꦢꦺꦏ꧀ꦤꦺꦧꦏꦭ꧀ꦢꦶꦱꦼꦥꦺꦭꦺꦏ꧀ꦏꦏꦺꦏꦫꦺꦴ​ꦥꦫ​ꦥꦶꦤꦶꦠꦸꦮ​꧈​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦒꦸꦫꦸꦒꦸꦫꦸ​ ꦏꦶꦠꦧ꧀꧈​ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦧꦏꦭ꧀ꦠꦔꦶ​ꦩꦼꦤꦺꦃ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​꧉​ ³²ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦏꦸꦮꦶ​ꦪ​ꦧ꧀ꦭꦏ​ꦮꦲꦺ​꧉​ꦏꦿꦸꦔꦸ​ꦏꦸꦮꦶ​ꦩꦲꦸ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦠꦤ꧀ꦥ​ꦭꦶꦪꦤꦺ​ꦏꦿꦸꦔꦸ​:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦗ​ꦔꦺꦴꦩꦺꦴꦁꦏꦪ​ꦔꦺꦴꦤꦺꦴ​!” ³³ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦩꦶꦔꦼꦂ​ꦤ꧀ꦢꦼꦭꦺꦴꦏ꧀ꦏꦏꦺꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦠꦼꦫꦸꦱ꧀ꦚꦼꦤꦺꦤ꧀ꦤꦶꦫꦱꦸꦭ꧀ꦦꦺꦠꦿꦸꦱ꧀:“ꦭꦸꦔꦲ​ꦱꦁꦏꦔꦉꦥ꧀ꦏꦸ​ꦱꦺꦠꦤ꧀ ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦩꦤꦸꦠ꧀ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦩꦤꦸꦠ꧀ꦥꦶꦏꦶꦂꦫꦤ꧀ꦤꦺ​ꦩꦤꦸꦁꦱ​꧉​”

꧋ꦩꦸꦫꦶꦢ꧀ꦱꦶꦁ​ꦱꦼꦗꦠꦶ​꧉​

³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦩ꧀ꦧꦫꦁ​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦩꦸꦫꦶꦢ꧀ꦏꦸ​ꦏꦸꦢꦸ​ꦱꦒꦸꦃ​ꦤꦶꦁꦒꦭ꧀ꦏꦼꦏꦉꦥ꧀ꦥꦤ꧀ꦤꦺ​ꦢꦺꦮꦺ꧈​ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦭꦤ꧀ꦩꦺꦭꦸ​ꦲꦏꦸ​꧉​ ³⁵ꦲꦮꦶꦠ꧀ꦱꦥ​ꦱꦶꦁ​ꦲꦺꦩꦤ꧀ꦲꦸꦫꦶꦥ꧀ꦥꦺ꧈​ꦪꦏꦸꦮꦶ​ꦱꦶꦁ​ꦧꦏꦭ꧀ꦏꦺꦭꦁꦔꦤ꧀꧈​ꦤꦁꦔꦶꦁ​ꦱꦥ​ꦱꦶꦁ​ꦔ꧀ꦭꦧꦸꦃꦲꦶ​ꦲꦏꦸ​ꦭꦤ꧀ꦏꦧꦂ​ꦏꦧꦸꦔꦃꦲꦤ꧀ꦠꦼꦏꦤ꧀ꦥꦠꦶ​꧈​ꦮꦺꦴꦁ​ꦏꦸꦮꦶ​ꦚꦮꦤꦺ​ꦧꦏꦭ꧀ꦱ꧀ꦭꦩꦼꦠ꧀ꦱ꧀ꦭꦮꦱ꧀ꦭꦮꦱ꧀ꦱꦺ꧉​ ³⁶ꦭꦤ꧀ꦩꦼꦤꦺꦃ​꧈​ꦱꦼꦤꦗꦤ꧀ꦤ​ꦱꦼꦩ꧀ꦧꦫꦁ​ꦱꦶꦁ​ꦲꦩ꧀ꦧꦺꦴꦏ꧀ꦒꦺꦴꦭꦺꦏ꧀ꦏꦶꦭꦤ꧀ꦲꦩ꧀ꦧꦺꦴꦏ꧀ꦱꦼꦤꦼꦁꦔꦶ​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀ꦏꦧꦺꦃ​꧈​ꦲꦥ​ꦒꦸꦤꦤꦺ​꧈​ꦤꦺꦏ꧀ꦏꦺꦴꦮꦺ​ꦏꦺꦭꦁꦔꦤ꧀ꦚꦮꦩꦸ​? ³⁷ꦲꦥ​ꦲꦶꦁ​ꦢꦺꦴꦚ​ꦏꦺꦤꦺ​ꦱꦶꦁ​ꦏꦼꦤꦺꦁꦢꦢꦶ​ꦲꦶꦗꦺꦴꦭ꧀ꦭꦺ​ꦚꦮꦩꦸ​?ꦭꦲꦸꦠ꧀ꦲꦺꦴꦫ​ꦲꦺꦤꦺꦁꦠ​? ³⁸ꦩꦸꦭꦤꦺ​꧈​ꦱꦥ​ꦱꦶꦁ​ꦲꦶꦱꦶꦤ꧀ꦔꦏꦺꦴꦤ꧀ꦤꦶ​ꦲꦏꦸ​ꦭꦤ꧀ꦥꦶꦮꦸꦭꦁꦏꦸ​ꦲꦶꦁ​ꦗꦩꦤ꧀ꦱꦶꦁ​ꦏꦼꦧꦼꦏ꧀ꦲꦭ​ꦲꦶꦏꦶ​꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​꧈​ꦧꦉꦁ​ꦏꦫꦺꦴ​ꦩꦸꦭꦺꦏꦠ꧀ꦩꦸꦭꦺꦏꦠ꧀ꦱꦶꦁ​ꦱꦸꦕꦶ​ꦔꦁꦒꦺꦴ​ꦏꦩꦸꦭꦾꦤꦺ​ꦧꦥꦏ꧀ꦏꦺ꧈​ꦢꦺꦏ꧀ꦤꦺꦪ​ꦲꦺꦴꦫ​ꦧꦏꦭ꧀ꦔꦏꦸ​ꦤꦺꦏ꧀ꦏꦼꦤꦭ꧀ꦮꦺꦴꦁ​ꦏꦸꦮꦶ​꧉​”

 

꧇​꧙꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦲꦩ꧀ꦧꦺꦴꦏ꧀ꦢꦶꦠꦶꦠꦺꦤ꧀ꦤꦶ​ꦠ​!ꦤꦁꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦲꦺꦤꦺꦁꦱꦶꦁ​ꦧꦏꦭ꧀ꦲꦺꦴꦫ​ꦩꦠꦶ​꧈​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦏ​ꦔꦁꦒꦺꦴ​ꦥꦔ꧀ꦮꦱ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​

²꧋ꦤꦼꦩ꧀ꦢꦶꦤ​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦗꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦩꦸꦁꦒꦃ​ꦤꦁꦒꦸꦤꦸꦁ​ꦢꦸꦮꦸꦂ꧉​ꦏꦼꦗꦧ​ꦮꦺꦴꦁ​ꦥꦥꦠ꧀ꦲꦶꦏꦶ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦩꦼꦤꦺꦃ​꧉​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦭꦶꦃ​꧉​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦮꦼꦫꦸꦃ​ꦏꦧꦺꦃ​꧉​ ³ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦶꦃ​ꦥꦸꦠꦶꦃ​ꦱꦸꦩꦼꦧ꧀ꦭꦏ꧀ ꦗꦤ꧀ꦥꦸꦠꦶꦠꦼꦤꦤ꧀꧈​ ⁴ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦠꦼꦫꦸꦱ꧀ꦮꦼꦫꦸꦃ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦏꦺꦴꦏ꧀​ꦤ꧀ꦢꦶꦭꦭꦃꦠꦼꦩꦼꦤ꧀ꦲꦮꦏ꧀ꦏꦺ​ꦢꦺꦮꦺꦤꦁꦏꦺꦤꦺ​꧉​ꦲꦥꦶꦏ꧀ꦏꦺ​ꦲꦮꦏ꧀ꦏꦺ​ꦢꦺꦮꦺꦔ꧀ꦒꦮꦺ​ꦒꦸꦧꦸꦏ꧀ꦠꦼꦭꦸ​ꦮꦲꦺ​꧈​ꦱꦶꦗꦶ​ꦏꦁꦒꦺꦴ​ꦏꦺꦴꦮꦺ​꧈​ꦱꦶꦗꦶ​ꦏꦁꦒꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦱꦶꦗꦶ​ꦩꦼꦤꦺꦃ​ꦏꦁꦒꦺꦴ​ꦤꦧꦶ​ꦌꦭꦶꦪ​꧉​” ⁶ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦲꦺꦴꦫ​ꦔꦼꦂꦠꦶ​ꦏꦸꦢꦸ​ꦔꦺꦴꦩꦺꦴꦁꦲꦥ​꧈​ꦱꦁꦏꦶꦁꦏꦒꦺꦠ꧀ꦠꦺ​꧉​ ⁷꧋ꦠꦼꦫꦸꦱ꧀ꦲꦺꦤꦺꦁꦩꦺꦒ​ꦠꦼꦏ​꧈​ꦲꦪꦁꦔꦪꦁꦔꦺꦤꦸꦠꦸꦥ꧀ꦥꦶ​ꦮꦺꦴꦁꦮꦺꦴꦁ​꧉​ꦱꦁꦏꦩꦺꦒ​ꦩꦲꦸ​ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦔꦺꦴꦩꦺꦴꦁ:“ꦲꦶꦏꦶ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧉​ꦢꦺꦏ꧀ꦤꦺꦏꦸꦢꦸ​ꦲꦩ꧀ꦧꦺꦴꦏ꧀ꦒꦸꦒꦸ꧉​” ⁸ꦏꦢꦸꦁ​ꦥꦫ​ꦫꦱꦸꦭ꧀ꦤꦺꦴꦭꦺꦃ​ꦏꦶꦮꦠꦼꦔꦼꦤ꧀ꦮꦶꦱ꧀ꦲꦺꦴꦫ​ꦮꦼꦫꦸꦃ​ꦱꦥꦱꦥ​ꦩꦼꦤꦺꦃ​꧈​ꦤꦩꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺ꧉​

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦠꦼꦏꦤꦺ​ꦤꦧꦶ​ꦌꦭꦶꦪ​꧉​

⁹꧋ꦢꦺꦴꦁꦔꦺꦥꦢ​ꦩ꧀ꦭꦏꦸ​ꦩꦼꦢꦸꦤ꧀ꦒꦸꦤꦸꦁ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦼꦩ꧀ꦧꦫꦁ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​ꦩꦲꦸ​ꦲꦗ​ꦢꦶꦲꦺꦴꦩꦺꦴꦁꦔꦏꦺꦱꦥꦱꦥ​ꦤ꧀ꦢꦶꦱꦶꦏ꧀꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦮꦶꦱ꧀ꦠꦔꦶ​ꦱꦁꦏꦥꦠꦶ​ꦏꦺꦴꦮꦺ​ꦏꦼꦤꦺꦁꦔꦺꦴꦩꦺꦴꦁꦔꦏꦺ꧉​” ¹⁰꧋ꦥꦚ꧀ꦕꦺꦤ꧀ꦩꦸꦫꦶꦢ꧀ꦠꦼꦭꦸ​ꦏꦸꦮꦶ​ꦪ​ꦲꦺꦴꦫ​ꦔꦺꦴꦩꦺꦴꦁꦏꦫꦺꦴ​ꦱꦥꦱꦥ​꧈​ꦤꦁꦔꦶꦁ​ꦧꦧ꧀“ꦠꦔꦶ​ꦱꦁꦏꦥꦠꦶ​”ꦱꦶꦁ​ꦢꦶꦉꦩ꧀ꦧꦸꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦮꦺꦴꦁ​ꦠꦼꦭꦸ​ꦩꦲꦸ​ꦲꦺꦴꦫ​ꦥꦢ​ꦢꦸꦤꦸꦁ꧉​ꦥꦢ​ꦏꦼꦥꦺꦔꦶꦤ꧀ꦔꦼꦂꦠꦶ​ꦲꦥ​ꦠꦼꦒꦼꦱ꧀ꦱꦺ​꧉​ ¹¹ꦩꦸꦭꦤꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦏꦼꦤꦺꦁꦲꦥ​ꦒꦸꦫꦸꦒꦸꦫꦸ​ꦏꦶꦠꦧ꧀ꦏꦺꦴꦏ꧀ꦔꦺꦴꦩꦺꦴꦁꦤꦺꦏ꧀ꦤꦧꦶ​ꦌꦭꦶꦪ​ꦏꦸꦢꦸ​ꦠꦼꦏ​ꦤ꧀ꦢꦶꦱꦶꦏ꧀?” ¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ ꦒꦸꦫꦸꦒꦸꦫꦸ​ꦏꦶꦠꦧ꧀ꦏꦸꦮꦶ​ꦧꦼꦤꦼꦂ​꧉​ꦤꦧꦶ​ꦌꦭꦶꦪ​ꦏꦸꦢꦸ​ꦠꦼꦏ​ꦔꦺꦭꦶꦁꦔꦏꦺꦮꦺꦴꦁꦮꦺꦴꦁ​ꦩꦼꦤꦺꦃ​ꦧꦧ꧀ꦢꦭꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦧꦧ꧀ꦲꦤꦏ꧀ꦏꦺ​ꦩꦤꦸꦁꦱ​ꦏꦼꦠꦸꦭꦶꦱ꧀ꦤꦺꦏ꧀ꦢꦺꦏ꧀ꦤꦺꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​ꦲꦺꦴꦏꦺꦃꦭꦤ꧀ꦧꦏꦭ꧀ꦢꦶꦱꦼꦥꦺꦭꦺꦏ꧀ꦏꦏꦺ꧉​ ¹³ꦩꦸꦭꦤꦺ​ꦲꦏꦸ​ꦔꦺꦴꦩꦺꦴꦁꦤꦺꦏ꧀ꦲꦺꦤꦺꦁꦤꦧꦶ​ꦏꦪ​ꦤꦧꦶ​ꦌꦭꦶꦪ​ꦮꦶꦱ꧀ꦠꦼꦏ​꧈​ꦏꦪ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀​꧉​ꦤꦁꦔꦶꦁ​ꦢꦺꦏ꧀ꦤꦺꦢꦶꦒꦮꦺ​ꦱꦏ꧀ꦒꦼꦊꦩ꧀ꦩꦺ꧈​ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀​ꦱꦸꦕꦶ​꧉​”

꧋ꦒꦸꦱ꧀ꦠꦶꦪꦺꦯꦸꦱ꧀ꦤꦩ꧀ꦧꦤꦶ​ꦧꦺꦴꦕꦃ​ꦱꦶꦁ​ꦏꦼꦊꦧꦺꦴꦤ꧀ꦢꦼꦩꦶꦠ꧀꧈​

¹⁴꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦩꦸꦫꦶꦢ꧀ꦠꦼꦭꦸ​ꦩꦲꦸ​ꦮꦶꦱ꧀ꦧꦭꦶꦏ꧀ꦩꦼꦤꦺꦃ​꧈​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦲꦶꦗꦶꦏ꧀ꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦏꦫꦺꦴ​ꦒꦸꦫꦸꦒꦸꦫꦸ​ꦏꦶꦠꦧ꧀ ꦱꦩ꧀ꦥꦺꦏ꧀ꦢꦶꦫꦸꦧꦸꦁ​ꦮꦺꦴꦁ​ꦲꦺꦴꦏꦺꦃ꧉​ ¹⁵ꦏꦢꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦏ꧀ꦮꦠ꧀ꦥꦢ​ꦧꦸꦔꦃ​ꦏꦧꦺꦃ​꧈​ꦠꦼꦫꦸꦱ꧀ꦩꦫꦤꦶ​ꦭꦤ꧀​ꦩ꧀ꦧꦒꦺꦏ꧀ꦏꦏꦺꦢꦺꦏ꧀ꦤꦺ꧉​ ¹⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦉꦩ꧀ꦧꦸꦏ꧀ꦏꦫꦺꦴ​ꦒꦸꦫꦸꦒꦸꦫꦸ​ꦏꦸꦮꦶ​?” ¹⁷꧋ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦱꦶꦁ​ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦲꦏꦸ​ꦲꦉꦥ꧀​ꦔ꧀ꦒꦮ​ꦲꦤꦏ꧀ꦏꦸ​ꦤꦁꦔ꧀ꦒꦺꦴꦤ꧀ꦩꦸ​꧉​ꦧꦺꦴꦕꦃ​ꦲꦶꦏꦶ​ꦏꦼꦊꦧꦺꦴꦤ꧀ꦢꦼꦩꦶꦠ꧀ꦩꦭꦶꦃ​ꦧꦶꦱꦸ​꧉​ ¹⁸ꦤꦺꦏ꧀ꦏꦸꦩꦠ꧀ꦧꦺꦴꦕꦃ​ꦲꦶꦏꦶ​ꦤꦶꦧꦤꦶꦧꦤꦁꦊꦩꦃ​꧉​ꦕꦁꦏꦼꦩ꧀ꦩꦺ​ꦩꦼꦠꦸ​ꦲꦸꦩ꧀ꦥ꧀ꦭꦸꦏ꧀ꦏꦺꦭꦤ꧀ꦧꦺꦴꦕꦃꦲꦺ​ꦠꦼꦫꦸꦱ꧀ꦏꦼꦫꦺꦴꦠ꧀ꦏꦼꦫꦺꦴꦠ꧀ꦲꦸꦤ꧀ꦠꦸ​ꦭꦤ꧀ꦲꦮꦏ꧀ꦏꦺ​ꦠꦼꦫꦸꦱ꧀ꦏꦏꦸ​꧉​ꦩꦸꦭꦤꦺ​ꦲꦏꦸ​ꦚ꧀ꦗꦭꦸꦏ꧀ꦠꦸꦭꦸꦁ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦸꦮꦶ​ꦏꦺꦴꦁꦏꦺꦴꦤ꧀ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦠꦺ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​” ¹⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀?ꦱꦼꦥꦶꦫ​ꦩꦼꦤꦺꦃ​ꦱꦸꦮꦺꦤꦺ​ꦲꦏꦸ​ꦲꦶꦗꦶꦏ꧀ꦏꦸꦢꦸ​ꦤꦁꦠꦼꦔꦃꦩꦸ​ꦭꦤ꧀ꦱꦼꦥꦶꦫ​ꦩꦼꦤꦺꦃ​ꦱꦸꦮꦺꦤꦺ​ꦲꦏꦸ​ꦲꦶꦗꦶꦏ꧀ꦏꦺꦴꦁꦏꦺꦴꦤ꧀ꦚꦧꦂꦫꦶ​ꦏꦺꦴꦮꦺ​?ꦢꦶꦒꦮ​ꦩ꧀ꦧꦿꦺꦤꦺꦧꦺꦴꦕꦃꦲꦺ​!” ²⁰ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ꧋ꦏꦢꦸꦁ​ꦢꦼꦩꦶꦠ꧀ꦠꦺꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ ꦧꦺꦴꦕꦃꦲꦺ​ꦠꦼꦫꦸꦱ꧀ꦩꦼꦕꦶꦕꦶꦭ꧀ꦩꦼꦕꦶꦕꦶꦭ꧀​ꦤꦶꦧ​ꦤꦁꦊꦩꦃ​ꦠꦼꦫꦸꦱ꧀​ꦔ꧀ꦒꦸꦭꦸꦁꦔ꧀ꦒꦸꦭꦸꦁꦕꦁꦏꦼꦩ꧀ꦩꦺ​ꦩꦼꦠꦸ​ꦲꦸꦩ꧀ꦥ꧀ꦭꦸꦏ꧀ꦏꦺ꧉​ ²¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦧꦥꦏ꧀ꦏꦺ:“ꦧꦺꦴꦕꦃ​ꦲꦶꦏꦶ​ꦮꦶꦮꦶꦠ꧀ꦏꦥꦤ꧀ꦭꦫ​?” ²²꧋ꦧꦥꦏ꧀ꦏꦺꦱꦼꦩꦲꦸꦂ​:“ꦮꦶꦱ꧀ꦮꦶꦮꦶꦠ꧀ꦕꦶꦭꦶꦏ꧀!ꦭꦤ꧀ꦮꦶꦱ꧀ꦥꦶꦁ​ꦲꦺꦴꦏꦺꦃꦢꦼꦩꦶꦠ꧀ꦠꦺꦚ꧀ꦗꦺꦴꦁꦏꦿꦺꦴꦏ꧀ꦏꦏꦺꦧꦺꦴꦕꦃꦲꦺ​ꦤꦁꦒꦼꦤꦶ​ꦲꦥ​ꦤꦁꦩ꧀ꦧꦚꦸꦧꦺꦤ꧀ꦩꦠꦶ​꧉​ꦩꦸꦭꦤꦺ​ꦲꦏꦸ​ꦚꦸꦮꦸꦤ꧀ ꦤꦺꦏ꧀ꦏꦺꦴꦮꦺ​ꦧꦶꦱ​꧈​ꦲꦩ꧀ꦧꦺꦴꦏ꧀ꦩꦼꦭꦱ꧀ ꦲꦏꦸ​ꦢꦶꦠꦸꦭꦸꦁꦔꦶ​!” ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦲꦏꦸ​ꦧꦶꦱ​?ꦱꦼꦩ꧀ꦧꦫꦁ​ꦧꦶꦱ​ꦤꦺꦏ꧀ꦏꦺꦴꦮꦺ​ꦥꦽꦕꦪ​!” ²⁴꧋ꦧꦥꦏ꧀ꦏꦺꦧꦺꦴꦕꦃꦲꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦥꦽꦕꦪ​꧈​ꦒꦸꦱ꧀ꦠꦶ​!ꦤꦁꦔꦶꦁ​ꦥꦼꦔꦤ꧀ꦢꦼꦭ꧀ꦏꦸ​ꦏꦸꦫꦁ​꧉​ꦲꦏꦸ​ꦲꦩ꧀ꦧꦺꦴꦏ꧀ꦢꦶꦫꦺꦮꦁꦔꦶ​ꦥꦽꦕꦪ​!” ²⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦤꦺꦏ꧀ꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦧꦸꦁ​ꦩꦲꦸ​ꦠꦩ꧀ꦧꦃ​ꦲꦺꦴꦏꦺꦃ꧈​ꦩꦸꦭꦤꦺ​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦢꦶꦠꦸꦤ꧀ꦢꦸꦁ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦢꦼꦩꦶꦠ꧀ꦱꦶꦁ​ꦩꦫꦏ꧀ꦏꦏꦺꦧꦺꦴꦕꦃ​ꦲꦶꦏꦶ​ꦧꦸꦢꦼꦏ꧀ꦭꦤ꧀ꦧꦶꦱꦸ​꧈​ꦩꦼꦠꦸꦮ​ꦭꦤ꧀ꦲꦗ​ꦥꦶꦱꦤ꧀ꦥꦶꦱꦤ꧀ꦧꦭꦶꦏ꧀ꦩꦼꦤꦺꦃ​!” ²⁶꧋ꦢꦼꦩꦶꦠ꧀ꦠꦺꦠꦼꦫꦸꦱ꧀ꦩꦼꦠꦸ​ꦏꦫꦺꦴ​ꦚ꧀ꦗꦼꦫꦶꦠ꧀​ꦚ꧀ꦗꦼꦫꦶꦠ꧀ꦭꦤ꧀ꦧꦺꦴꦕꦃꦲꦺ​ꦔꦼꦕꦼꦕꦼꦁꦔꦼꦕꦼꦕꦼꦁ​ꦠꦼꦫꦸꦱ꧀ꦤꦶꦧ​ꦏꦪ​ꦮꦺꦴꦁ​ꦩꦠꦶ​꧉​ꦮꦺꦴꦁꦮꦺꦴꦁ​ꦩꦶꦏꦶꦫꦺꦧꦺꦴꦕꦃꦲꦺ​ꦩꦠꦶ​ꦠꦼꦤꦤ꧀꧈​ ²⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦧꦺꦴꦕꦃꦲꦺ​ꦢꦶꦠꦔꦺꦏ꧀ꦏꦏꦺ꧉​ꦧꦺꦴꦕꦃꦲꦺ​ꦠꦼꦫꦸꦱ꧀ꦔꦢꦼꦏ꧀꧈​ ²⁸꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦩ꧀ꦊꦧꦸ​ꦤꦁꦲꦺꦴꦩꦃ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦏꦼꦤꦺꦁꦲꦥ​ꦲꦮꦏ꧀ꦏꦺ​ꦢꦺꦮꦺꦏꦺꦴꦏ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦠꦺ?” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦢꦼꦩꦶꦠ꧀ꦏꦪ​ꦔꦺꦴꦤꦺꦴ​ꦏꦸꦮꦶ​ꦭꦸꦔꦤꦺ​ꦤꦩꦸꦁ​ꦏꦫꦺꦴ​ꦥꦤ꧀ꦢꦺꦴꦔ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦏꦥꦶꦁ​ꦥꦶꦤ꧀ꦢꦺꦴꦤꦺꦤꦺꦏ꧀ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧉​

³⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦩ꧀ꦭꦏꦸ​ꦠꦼꦫꦸꦱ꧀​ꦔ꧀ꦭꦶꦮꦠ꧀ꦠꦶ​ꦓꦭꦶꦭꦺꦪ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦒꦼꦊꦩ꧀ꦤꦺꦏ꧀ꦮꦺꦴꦁꦮꦺꦴꦁ​ꦱꦩ꧀ꦥꦺꦏ꧀ꦔꦼꦂꦠꦶ​ꦤꦺꦏ꧀ꦢꦺꦏ꧀ꦤꦺꦭꦶꦮꦠ꧀ꦏꦺꦴꦤꦺꦴ​꧈​ꦲꦮꦶꦠ꧀ꦢꦺꦏ꧀ꦤꦺꦲꦶꦗꦶꦏ꧀ꦩꦸꦭꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ³¹ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦧꦏꦭ꧀ꦩꦠꦺꦤ꧀ꦤꦶ​ꦢꦺꦏ꧀ꦤꦺ꧉​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦠꦔꦶ​ꦩꦼꦤꦺꦃ​ꦱꦁꦏꦥꦠꦶ​꧉​” ³²꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦱꦏ꧀ꦗꦤꦺꦲꦺꦴꦫ​ꦢꦸꦤꦸꦁꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦱꦶꦁ​ꦮꦤꦶ​ꦠꦏꦺꦴꦤ꧀ꦲꦥꦲꦥ​꧉​

꧋ꦥꦶꦮꦸꦭꦁ​ꦧꦧ꧀ꦱꦥ​ꦱꦶꦁ​ꦒꦼꦢꦺꦢꦺꦮꦺ꧉​

³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​ꦤꦁꦏꦸꦠꦑꦥꦺꦂꦤꦏꦸꦩ꧀꧈​ꦏꦢꦸꦁ​ꦮꦶꦱ꧀ꦤꦁꦲꦺꦴꦩꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦤꦁꦢꦭꦤ꧀ꦩꦲꦸ​ꦏꦺꦴꦮꦺ​ꦥꦢ​ꦔꦺꦴꦩꦺꦴꦁꦔꦏꦺꦲꦥ​ꦠ​?” ³⁴ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦺꦴꦫ​ꦲꦺꦤꦺꦁꦱꦶꦁ​ꦮꦤꦶ​ꦱꦼꦩꦲꦸꦂ​ꦲꦥꦲꦥ​꧈​ꦲꦮꦶꦠ꧀ꦤꦁꦢꦭꦤ꧀ꦩꦲꦸ​ꦥꦢ​ꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦔꦺꦴꦩꦺꦴꦁꦔꦏꦺꦧꦧ꧀ꦱꦥ​ꦱꦶꦁ​ꦒꦼꦢꦺꦢꦺꦮꦺ꧉​ ³⁵ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁ꧈​ꦩꦸꦫꦶꦢ꧀ꦫꦺꦴꦭꦱ꧀ꦩꦲꦸ​ꦢꦶꦕꦼꦭꦸꦏ꧀​ꦏꦧꦺꦃ​ꦠꦼꦫꦸꦱ꧀ꦢꦶꦮꦸꦭꦁꦔꦶꦔꦺꦤꦺ​:“ꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦢꦶꦲꦗꦺꦤ꧀ꦤꦶ​ꦭꦤ꧀ꦢꦶꦲꦁꦒꦼꦥ꧀ꦒꦼꦢꦺ​ꦏꦸꦮꦶ​ꦮꦺꦴꦁ​ꦱꦶꦁ​ꦒꦼꦊꦩ꧀ꦔꦭꦃ​ꦭꦤ꧀ꦒꦼꦊꦩ꧀​ꦔ꧀ꦭꦢꦺꦤ꧀ꦤꦶ​ꦭꦶꦪꦤꦺ​!” ³⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦧꦺꦴꦕꦃ​ꦕꦶꦭꦶꦏ꧀ꦢꦶꦢꦺꦏꦺꦏ꧀ꦤꦁ ꦠꦼꦔꦃꦲꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦢꦺꦏ꧀ꦤꦺꦔꦿꦁꦏꦸꦭ꧀ꦧꦺꦴꦕꦃꦲꦺ​ꦏꦫꦺꦴ​ꦔꦺꦴꦩꦺꦴꦁ: ³⁷“ꦮꦺꦴꦁ​ꦱꦶꦁ​ꦤꦩ꧀ꦥꦤꦶ​ꦧꦺꦴꦕꦃ​ꦏꦪ​ꦔꦺꦤꦺ​ꦲꦶꦏꦶ​ꦲꦶꦁ​ꦗꦼꦤꦼꦁꦏꦸ​꧈​ꦮꦺꦴꦁ​ꦏꦸꦮꦶ​ꦤꦩ꧀ꦥꦤꦶ​ꦲꦏꦸ​꧉​ꦭꦤ꧀ꦩꦼꦤꦺꦃ​꧈​ꦮꦺꦴꦁ​ꦱꦶꦁ​ꦤꦩ꧀ꦥꦤꦶ​ꦲꦏꦸ​ꦏꦸꦮꦶ​ꦲꦺꦴꦫ​ꦤꦩꦸꦁ​ꦤꦩ꧀ꦥꦤꦶ​ꦲꦏꦸ​ꦢꦺꦮꦺ꧈​ꦲꦺꦴꦫ​꧈​ꦤꦁꦔꦶꦁ​ꦲꦸꦒ​ꦤꦩ꧀ꦥꦤꦶ​ꦱꦶꦁ​ꦔꦺꦴꦁꦏꦺꦴꦤ꧀ꦲꦏꦸ​꧉​”

꧋ꦧꦧ꧀ꦏꦚ꧀ꦕ​ꦭꦤ꧀ꦩꦸꦁꦱꦸꦃ​꧉​

³⁸꧋ꦫꦱꦸꦭ꧀ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦲꦺꦤꦺꦁꦮꦺꦴꦁ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦔꦁꦒꦺꦴ​ꦗꦼꦤꦼꦁꦩꦸ​꧉​ꦤꦁꦔꦶꦁ​ꦮꦺꦴꦁ​ꦲꦶꦏꦸ​ꦢꦸꦢꦸ​ꦠꦸꦁꦒꦭ꧀ꦭꦺ​ꦲꦮꦏ꧀ꦏꦺ​ꦢꦺꦮꦺ꧈​ꦩꦸꦭꦤꦺ​ꦲꦮꦏ꧀ꦏꦺ​ꦢꦺꦮꦺꦪ​ꦩꦼꦁꦔꦶꦁ​ꦮꦺꦴꦁꦔꦺ​꧉​” ³⁹꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦗ​꧈​ꦮꦺꦴꦁꦔꦺ​ꦲꦗ​ꦲꦩ꧀ꦧꦺꦴꦏ꧀ꦥꦼꦔꦶꦁ​꧉​ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦱꦲꦶꦏꦶ​ꦔꦁꦒꦺꦴꦏ꧀ꦏꦏꦺꦗꦼꦤꦼꦁꦏꦸ​ꦏꦁꦒꦺꦴ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦠꦼꦫꦸꦱ꧀ꦱꦺꦱꦸꦏ꧀ꦏꦺꦮꦺꦴꦁꦔꦺ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦲꦏꦸ​꧉​ ⁴⁰ꦲꦮꦶꦠ꧀ꦱꦥ​ꦱꦶꦁ​ꦲꦺꦴꦫ​ꦔ꧀ꦭꦮꦤ꧀ꦲꦮꦏ꧀ꦏꦺ​ꦢꦺꦮꦺꦩꦼꦱ꧀ꦠꦶꦪ​ꦔꦿꦸꦗꦸꦏ꧀ꦏꦶ​ꦲꦮꦏ꧀ꦏꦺ​ꦢꦺꦮꦺ꧉​ ⁴¹ꦠꦼꦤꦤ꧀ ꦔꦤ꧀ꦢꦼꦭ꧀ꦭ​ꦠ​!ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦔꦺꦴꦩ꧀ꦧꦺ​ꦩꦫꦁ​ꦏꦺꦴꦮꦺ​ꦗꦭꦂꦫꦤ꧀ꦮꦺꦴꦁꦔꦺ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦩꦸꦫꦶꦢ꧀ꦢꦺ​ꦏꦿꦶꦱ꧀ꦡꦸꦱ꧀ ꦮꦺꦴꦁ​ꦏꦸꦮꦶ​ꦩꦼꦱ꧀ꦠꦶꦧꦏꦭ꧀ꦲꦺꦤ꧀ꦠꦸꦏ꧀ꦲꦸꦥꦃꦲꦺꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦧꦧ꧀ꦩꦫꦏ꧀ꦏꦏꦺꦭꦶꦪꦤꦺ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧉​

⁴²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦱꦥ​ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦱꦶꦁ​ꦲꦼꦤꦺꦴꦩ꧀ꦲꦶꦁ​ꦥꦼꦔꦤ꧀ꦢꦼꦭ꧀ꦤꦶꦁꦒꦭ꧀ꦢꦭꦤ꧀ꦏꦸ​꧈​ꦮꦺꦴꦁ​ꦏꦸꦮꦶ​ꦭꦸꦮꦸꦁꦢꦶꦧꦤ꧀ꦢꦸꦭ꧀ꦭꦶꦮꦠꦸ​ꦒꦶꦭꦶꦁꦔꦤ꧀ꦮꦲꦺ​ꦒꦸꦭꦸꦤꦺ​꧈​ꦠꦼꦫꦸꦱ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦱꦼꦒꦫ​꧉​ ⁴³ꦤꦺꦏ꧀ꦠꦔꦤ꧀ꦩꦸ​ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧈​ꦢꦶꦏꦼꦠꦺꦴꦏ꧀ꦮꦲꦺ​꧉​ꦭꦸꦮꦸꦁꦏꦺꦴꦮꦺ​ꦩ꧀ꦊꦧꦸ​ꦲꦸꦫꦶꦥ꧀ꦭꦁꦒꦼꦁ​ꦏꦫꦺꦴ​ꦠꦔꦤ꧀ꦱꦶꦗꦶ​꧈​ꦠꦼꦤꦶꦩ꧀ꦧꦁꦠꦔꦤ꧀ꦩꦸ​ꦒꦼꦤꦼꦥ꧀ꦭꦺꦴꦫꦺꦴ​꧈​ꦤꦁꦔꦶꦁ​ꦏꦺꦴꦮꦺ​ꦩ꧀ꦊꦧꦸ​ꦤꦁꦤꦼꦫꦏ꧈​ꦤꦁꦒꦼꦤꦶ​ꦱꦶꦁ​ꦲꦺꦴꦫ​ꦧꦶꦱ​ꦩꦠꦶ​꧉​ ⁴⁴(ꦤꦁꦤꦼꦫꦏꦲꦸꦊꦫꦺꦲꦺꦴꦫ​ꦩꦠꦶ​ꦭꦤ꧀ꦒꦼꦤꦶꦤꦺ​ꦩꦸꦫꦸꦥ꧀ꦠꦼꦫꦸꦱ꧀꧈​) ⁴⁵ꦤꦺꦏ꧀ꦱꦶꦏꦶꦭ꧀ꦩꦸ​ꦩꦫꦏ꧀ꦏꦏꦺꦏꦺꦴꦮꦺ​ꦩ꧀ꦭꦏꦸ​ꦤꦁꦢꦭꦤ꧀ꦲꦭ​꧈​ꦢꦶꦏꦼꦠꦺꦴꦏ꧀ꦮꦲꦺ​꧉​ꦭꦸꦮꦸꦁꦏꦺꦴꦮꦺ​ꦩ꧀ꦊꦧꦸ​ꦲꦸꦫꦶꦥ꧀ꦭꦁꦒꦼꦁ​ꦏꦫꦺꦴ​ꦱꦶꦏꦶꦭ꧀ꦱꦶꦗꦶ​꧈​ꦠꦼꦤꦶꦩ꧀ꦧꦁꦱꦶꦏꦶꦭ꧀ꦭꦺ​ꦒꦼꦤꦼꦥ꧀ꦭꦺꦴꦫꦺꦴ​꧈​ꦤꦁꦔꦶꦁ​ꦢꦶꦧꦸꦮꦁ​ꦤꦁꦤꦼꦫꦏ꧉​ ⁴⁶(ꦤꦁꦤꦼꦫꦏꦲꦸꦊꦫꦺꦲꦺꦴꦫ​ꦩꦠꦶ​ꦭꦤ꧀ꦒꦼꦤꦶꦤꦺ​ꦩꦸꦫꦸꦥ꧀ꦠꦼꦫꦸꦱ꧀꧈​) ⁴⁷ꦤꦺꦏ꧀ꦩꦿꦶꦥꦠ꧀ꦩꦸ​ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧈​ꦢꦶꦕꦼꦥꦺꦴꦭ꧀​ꦮꦲꦺ​꧉​ꦭꦸꦮꦸꦁꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦫꦺꦴ​ꦩꦿꦶꦥꦠ꧀ꦱꦶꦗꦶ​꧈​ꦠꦼꦤꦶꦩ꧀ꦧꦁꦩꦿꦶꦥꦠ꧀ꦩꦸ​ꦒꦼꦤꦼꦥ꧀ꦭꦺꦴꦫꦺꦴ​꧈​ꦤꦁꦔꦶꦁ​ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦤꦼꦫꦏ꧉​ ⁴⁸ꦤꦁꦤꦼꦫꦏꦏꦸꦮꦶ​ꦏꦺꦴꦮꦺ​ꦧꦏꦭ꧀ꦔꦭꦩ꧀ꦩꦶ​ꦱꦁꦱꦫ​ꦒꦼꦢꦺꦱ꧀ꦭꦮꦱ꧀ꦱꦺ꧉​ ⁴⁹꧋“ꦱꦧꦼꦤ꧀ꦮꦺꦴꦁ​ꦏꦸꦢꦸ​ꦢꦶꦗꦗꦭ꧀ꦥꦼꦔꦤ꧀ꦢꦼꦭ꧀ꦭꦺ​ꦱꦸꦥꦪ​ꦲꦺꦴꦫ​ꦭꦸꦤ꧀ꦠꦸꦂ​꧉​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦤꦺꦏ꧀ꦔꦸꦪꦃꦲꦶ​ꦏꦲꦺ​꧈​ꦱꦸꦥꦪ​ꦲꦮꦺꦠ꧀꧈​ ⁵⁰꧋“ꦲꦸꦪꦃ​ꦏꦸꦮꦶ​ꦏꦁꦒꦺꦴ​ꦒꦮꦺ​ꦠꦼꦤꦤ꧀꧈​ꦤꦁꦔꦶꦁ​ꦤꦺꦏ꧀ꦲꦸꦪꦃꦲꦺ​ꦲꦶꦭꦁ​ꦲꦱꦶꦤ꧀ꦤꦺ​꧈​ꦲꦺꦴꦫ​ꦲꦺꦤꦺꦁꦲꦥꦲꦥ​ꦩꦼꦤꦺꦃ​ꦱꦶꦁ​ꦏꦼꦤꦺꦁꦢꦶꦲꦼꦁꦒꦺꦴ​ꦔꦱꦶꦤ꧀ꦤꦏꦺ? ꧋“ꦩꦸꦭꦤꦺ​꧈​ꦏꦺꦴꦮꦺ​ꦏꦸꦮꦶ​ꦏꦸꦢꦸ​ꦏꦪ​ꦮꦺꦴꦁ​ꦱꦶꦁ​ꦮꦶꦱ꧀ꦢꦶꦲꦸꦪꦃꦲꦶ​꧉​ꦥꦢ​ꦲꦸꦫꦶꦥ꧀ꦧꦼꦧꦉꦁꦔꦤ꧀ꦱꦶꦁ​ꦫꦸꦏꦸꦤ꧀꧈​”

꧋ꦧꦧ꧀ꦥꦼꦒꦠ꧀ꦠꦤ꧀꧈​

꧇​꧑꧐꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦠꦼꦫꦸꦱ꧀ꦧꦸꦢꦭ꧀ꦤꦁꦪꦸꦢꦺꦪ​꧈​ꦠꦼꦫꦸꦱ꧀ꦔꦧꦿꦃꦭꦫꦪꦺꦴꦂꦢꦤ꧀꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦔꦿꦸꦧꦸꦁ​ꦢꦺꦏ꧀ꦤꦺ꧈​ꦩꦸꦭꦤꦺ​ꦏꦪ​ꦭꦸꦩꦿꦃꦲꦺ​꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦮꦸꦭꦁꦔꦶꦧꦧ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²꧋ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦥꦢ​ꦠꦼꦏ​ꦲꦉꦥ꧀ꦔꦼꦤꦺꦁꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀꧈​ꦮꦺꦴꦁ​ꦥ꦳ꦫꦶꦱꦶ​ꦩꦲꦸ​ꦠꦏꦺꦴꦤ꧀ꦔꦺꦤꦺ​:“ꦲꦥ​ꦮꦺꦴꦁ​ꦭꦤꦁ​ꦲꦺꦤ꧀ꦠꦸꦏ꧀ꦩꦼꦒꦠ꧀ꦧꦺꦴꦗꦺꦴꦤꦺ​?” ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦭꦃ​ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦩꦸꦭꦁꦔꦶꦏꦼꦥꦿꦶꦪꦺ​?” ⁴꧋“ꦲꦺꦤ꧀ꦠꦸꦏ꧀ ꦗꦚ꧀ꦗꦶ​ꦮꦺꦴꦁ​ꦭꦩꦸꦂꦒꦼꦊꦩ꧀ꦤꦸꦭꦶꦱ꧀ꦭꦪꦁ​ꦥꦼꦒꦠ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦱꦶꦁ​ꦮꦺꦢꦺꦴꦏ꧀꧈​” ⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦧꦶ​ꦩꦺꦴꦱꦼꦱ꧀​ꦔ꧀ꦒꦮꦺ​ꦥꦼꦂꦤꦠ꧀ꦠꦤ꧀ꦔꦺꦴꦤꦺꦴ​ꦏꦸꦮꦶ​ꦗꦭꦂꦫꦤ꧀ꦱꦁꦏꦮꦁꦏꦭ꧀ꦭꦺꦲꦠꦶꦩꦸ​꧉​ ⁶ꦤꦁꦔꦶꦁ​ꦏꦮꦶꦠ꧀​ꦩ꧀ꦧꦶꦪꦺꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦒꦮꦺ​ꦮꦺꦴꦁ​ꦭꦤꦁ​ꦭꦤ꧀ꦮꦺꦴꦁ​ꦮꦺꦢꦺꦴꦏ꧀꧈​ ⁷ꦩꦸꦭꦤꦺ​ꦮꦺꦴꦁ​ꦭꦤꦁ​ꦏꦸꦮꦶ​ꦧꦏꦭ꧀ꦤꦶꦁꦒꦭ꧀ꦧꦥꦧꦶꦪꦸꦁꦔꦺ​ꦭꦤ꧀ꦢꦢꦶ​ꦱꦶꦗꦶ​ꦏꦫꦺꦴ​ꦧꦺꦴꦗꦺꦴꦤꦺ​꧉​ ⁸ꦲꦺꦴꦫ​ꦮꦺꦴꦁ​ꦭꦺꦴꦫꦺꦴ​ꦩꦼꦤꦺꦃ​꧈​ꦤꦁꦔꦶꦁ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦮꦶꦱ꧀ꦢꦢꦶ​ꦱꦶꦗꦶ​꧉​ ⁹ꦢꦢꦶꦤꦺ​꧈​ꦲꦥ​ꦱꦶꦁ​ꦮꦶꦱ꧀ꦢꦶꦒꦠꦸꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦤꦸꦁꦱ​ꦲꦺꦴꦫ​ꦏꦼꦤꦺꦁꦩꦶꦱꦃ​꧉​” ¹⁰꧋ꦢꦺꦴꦁꦔꦺꦮꦶꦱ꧀ꦤꦁꦲꦺꦴꦩꦃ​ꦩꦼꦤꦺꦃ​꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦥꦼꦒꦠ꧀ꦠꦤ꧀ꦩꦲꦸ​꧉​ ¹¹ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦔꦺꦤꦺ​:“ꦤꦺꦏ꧀ꦮꦺꦴꦁ​ꦭꦤꦁ​ ꦩꦼꦒꦠ꧀ꦱꦶꦁ​ꦮꦺꦢꦺꦴꦏ꧀ꦠꦼꦫꦸꦱ꧀ꦔꦼꦥꦺꦏ꧀ꦮꦺꦴꦁ​ꦮꦺꦢꦺꦴꦏ꧀ꦭꦶꦪꦤꦺ​꧈​ꦮꦺꦴꦁ​ꦭꦤꦁ​ꦏꦸꦮꦶ​ꦭꦏꦸ​ꦧꦺꦢꦁ꧉​ ¹²ꦲꦸꦒ​ꦤꦺꦏ꧀ꦮꦺꦴꦁ​ꦮꦺꦢꦺꦴꦏ꧀ꦩꦼꦒꦠ꧀ꦱꦶꦁ​ꦭꦤꦁ​ꦠꦼꦫꦸꦱ꧀ꦔꦼꦥꦺꦏ꧀ꦮꦺꦴꦁ​ꦭꦤꦁ​ꦭꦶꦪꦤꦺ​꧈​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦪ​ꦥꦢ​ꦮꦲꦺ​ꦭꦏꦸ​ꦧꦺꦢꦁ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦼꦂꦏꦃꦲꦶ​ꦧꦺꦴꦕꦃꦧꦺꦴꦕꦃ​꧉​

¹³꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦮ​ꦲꦤꦏ꧀ꦏꦺ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦱꦸꦥꦪ​ꦢꦶꦢꦺꦴꦔꦏ꧀ꦏꦏꦺꦭꦤ꧀ꦢꦶꦧꦼꦂꦏꦃꦲꦶ​꧉​ꦤꦁꦔꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦚꦼꦤꦺꦤ꧀ꦤꦶꦮꦺꦴꦁꦮꦺꦴꦁ​ꦏꦸꦮꦶ​ꦢꦶꦥꦼꦔꦶꦁ​ꦔꦿꦸꦱꦸꦃꦲꦶꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁴ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​꧈​ꦢꦺꦏ꧀ꦤꦺꦠꦼꦫꦸꦱ꧀ꦗꦺꦁꦏꦺꦭ꧀꧈​ꦩꦸꦭꦤꦺ​ꦢꦺꦏ꧀ꦤꦺꦚꦼꦤꦺꦤ꧀ꦤꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦤꦺ​:“ꦲꦩ꧀ꦧꦺꦴꦏ꧀ꦧꦺꦤ꧀!ꦧꦺꦴꦕꦃꦧꦺꦴꦕꦃ​ꦲꦗ​ꦢꦶꦲꦭꦁꦔꦭꦁꦔꦶ꧉​ꦧꦺꦤ꧀ꦥꦢ​ꦩ꧀ꦧꦿꦺꦤꦺꦤꦁꦔ꧀ꦒꦺꦴꦤ꧀ꦏꦸ​꧉​ꦲꦮꦶꦠ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦩꦸꦁ​ꦏꦁꦒꦺꦴ​ꦮꦺꦴꦁ​ꦱꦶꦁ​ꦲꦠꦶꦤꦺ​ꦏꦪ​ꦧꦺꦴꦕꦃꦧꦺꦴꦕꦃ​ꦲꦶꦏꦶ​꧉​ ¹⁵ꦥꦚ꧀ꦕꦺꦤ꧀ꦠꦼꦤꦤ꧀ ꦱꦥ​ꦱꦶꦁ​ꦲꦺꦴꦫ​ꦤꦩ꧀ꦥ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦪ​ꦧꦺꦴꦕꦃꦧꦺꦴꦕꦃ​ꦲꦶꦏꦶ​ꦲꦺꦴꦫ​ꦧꦏꦭ꧀ꦧꦶꦱ​ꦔ꧀ꦊꦧꦺꦴꦤ꧀ꦤꦶꦏꦿꦠꦺꦴꦤ꧀ꦲꦶꦏꦶ​꧉​” ¹⁶ꦧꦺꦴꦕꦃꦧꦺꦴꦕꦃ​ꦠꦼꦫꦸꦱ꧀ꦢꦶꦫꦁꦏꦸꦭ꧀ꦭꦶ꧈​ꦠꦼꦫꦸꦱ꧀ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦭꦤ꧀ꦢꦶꦧꦼꦂꦏꦃꦲꦶ​ꦱꦶꦗꦶꦱꦶꦗꦶ꧉​

꧋ꦮꦺꦴꦁ​ꦲꦼꦤꦺꦴꦩ꧀ꦱꦶꦁ​ꦱꦸꦒꦶꦃ​꧉​

¹⁷꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦧꦸꦢꦭ꧀ꦩꦼꦤꦺꦃ​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦩ꧀​ꦧ꧀ꦭꦪꦸꦩꦫꦤꦶ​ꦢꦺꦏ꧀ꦤꦺ꧉​ꦮꦺꦴꦁꦔꦺ​ꦱꦸꦗꦸꦠ꧀ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦒꦸꦫꦸ​꧈​ꦥꦚ꧀ꦕꦺꦤ꧀ꦏꦺꦴꦮꦺ​ꦧꦼꦕꦶꦏ꧀ꦠꦼꦤꦤ꧀꧈​ꦧꦶꦱꦤꦺ​ꦲꦺꦤ꧀ꦠꦸꦏ꧀ꦲꦸꦫꦶꦥ꧀ꦭꦁꦒꦼꦁ​ꦲꦏꦸ​ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​?” ¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦺꦴꦏ꧀ꦔꦫꦤ꧀ꦤꦶ​ꦲꦏꦸ​ꦧꦼꦕꦶꦏ꧀?ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦱꦶꦁ​ꦧꦼꦕꦶꦏ꧀ ꦲꦺꦴꦫ​ꦲꦺꦤꦺꦁꦭꦶꦪꦤꦺ​! ¹⁹ꦏꦺꦴꦮꦺ​ꦮꦶꦱ꧀ꦔꦼꦂꦠꦶ​ꦮꦺꦠ꧀ꦮꦺꦠ꧀ꦠꦺꦠ​?ꦲꦗ​ꦩꦠꦺꦤ꧀ꦤꦶ​ꦮꦺꦴꦁ​꧈​ꦲꦗ​ꦔꦿꦸꦱꦸꦃꦲꦶꦧꦺꦴꦗꦺꦴꦤꦺ​ꦭꦶꦪꦤꦺ​꧈​ꦲꦗ​ꦚꦺꦴꦭꦺꦴꦁ​꧈​ꦲꦗ​ꦒꦺꦴꦫꦺꦴꦃ​꧈​ꦲꦗ​ꦔꦥꦸꦱ꧀ꦱꦶ​ꦮꦺꦴꦁ​ꦭꦤ꧀ꦔꦗꦺꦤ꧀ꦤꦤ​ꦩꦫꦁ​ꦧꦥꦧꦶꦪꦸꦁꦩꦸ​꧉​” ²⁰꧋ꦮꦺꦴꦁꦔꦺ​ꦱꦼꦩꦲꦸꦂ​:“ꦒꦸꦫꦸ​꧈​ꦏꦮꦶꦠ꧀ꦕꦶꦭꦶꦏ꧀ꦲꦏꦸ​ꦮꦶꦱ꧀ꦤꦸꦫꦸꦠ꧀ꦮꦺꦠ꧀ꦮꦺꦠ꧀ꦏꦧꦺꦃ​ꦏꦸꦮꦶ​꧉​” ²¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦮꦺꦴꦁꦔꦺ​ꦠꦼꦫꦸꦱ꧀ꦏꦿꦱ​ꦠꦿꦺꦱ꧀ꦤꦩꦫꦁ​ꦢꦺꦏ꧀ꦤꦺ꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦫꦁ​ꦱꦶꦗꦶ​ꦱꦶꦁ​ꦢꦸꦫꦸꦁ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​:ꦏꦤ​ꦩꦸꦭꦶꦃ​꧈​ꦲꦥ​ꦤ꧀ꦢꦸꦮꦺꦤꦺꦢꦶꦲꦼꦢꦺꦴꦭ꧀ꦏꦧꦺꦃ​꧉​ꦱꦼꦥꦶꦫ​ꦥꦪꦸꦤꦺꦢꦶꦏꦺꦏ꧀ꦏꦏꦺꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦱꦸꦥꦪ​ꦏꦺꦴꦮꦺ​ꦧꦶꦱ​ꦤ꧀ꦢꦸꦮꦺꦧꦤ꧀ꦢꦤꦁꦱ꧀ꦮꦂꦒ​꧉​ꦤꦺꦏ꧀ꦏꦸꦮꦶ​ꦮꦶꦱ꧀ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​ꦏꦺꦴꦮꦺ​ꦠꦼꦫꦸꦱ꧀​ꦩ꧀ꦧꦿꦺꦤꦺꦪꦩꦺꦭꦸ​ꦲꦏꦸ​!” ²²ꦮꦺꦴꦁꦔꦺ​ꦏꦿꦸꦔꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​ꦠꦼꦫꦸꦱ꧀ꦲꦩ꧀ꦊꦁ꧉​ꦢꦺꦏ꧀ꦤꦺꦭꦸꦔ​ꦏꦫꦺꦴ​ꦱꦼꦢꦶ꧈​ꦲꦮꦶꦠ꧀ꦢꦺꦏ꧀ꦤꦺꦱꦸꦒꦶꦃ​ꦠꦼꦤꦤ꧀꧈​ ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦮꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ꦲꦔꦺꦭ꧀ꦠꦼꦤꦤ꧀ꦏꦁꦒꦺꦴ​ꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁴꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦒꦺꦠ꧀ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​꧉​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦤꦏ꧀ꦲꦤꦏ꧀ ꦥꦚ꧀ꦕꦺꦤ꧀ꦲꦔꦺꦭ꧀ꦧꦔꦼꦠ꧀​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁵ꦭꦸꦮꦶꦃ​ꦒꦩ꧀ꦥꦁ​ꦲꦸꦤ꧀ꦠ​ꦩ꧀ꦊꦧꦸ​ꦧꦺꦴꦭꦺꦴꦁꦔꦤ꧀ꦢꦺꦴꦩ꧀ ꦠꦼꦤꦶꦩ꧀ꦧꦁꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁶꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦱꦲꦶꦏꦶ​ꦲꦺꦴꦫ​ꦢꦸꦤꦸꦁꦧ꧀ꦭꦱ꧀ ꦩꦸꦭꦤꦺ​ꦠꦏꦺꦴꦤ꧀:“ꦒꦸꦱ꧀ꦠꦶ​꧈​ꦭꦃ​ꦱꦥ​ꦱꦶꦁ​ꦧꦶꦱ​ꦱ꧀ꦭꦩꦼꦠ꧀?” ²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ ꦲꦔꦺꦭ꧀ꦧꦔꦼꦠ꧀ꦏꦁꦒꦺꦴ​ꦩꦤꦸꦁꦱ​꧈​ꦤꦁꦔꦶꦁ​ꦲꦺꦴꦫ​ꦲꦔꦺꦭ꧀ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦼꦩ꧀ꦧꦫꦁ​ꦧꦶꦱ​ꦏ꧀ꦭꦏꦺꦴꦤ꧀꧈​”

꧋ꦲꦸꦥꦃꦲꦺꦮꦺꦴꦁ​ꦱꦶꦁ​ꦤꦸꦫꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

²⁸꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦤꦶꦁꦒꦭ꧀ꦱꦼꦩ꧀ꦧꦫꦁ​ꦠꦼꦫꦸꦱ꧀ꦩꦺꦭꦸ​ꦏꦺꦴꦮꦺ​!” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦲꦺꦴꦩꦺꦴꦁꦏꦸꦲꦶꦏꦶ​꧉​ꦱꦥ​ꦱꦶꦁ​ꦤꦶꦁꦒꦭ꧀ꦲꦺꦴꦩꦃ​ꦭꦤ꧀ꦏꦼꦧꦺꦴꦤꦺ​꧈​ꦤꦶꦁꦒꦭ꧀ꦮꦺꦴꦁ​ꦠꦸꦮ​꧈​ꦱꦼꦢꦸꦭꦸꦂ​ꦭꦤ꧀ꦲꦤꦏ꧀ꦏꦺ​ꦗꦭꦂꦫꦤ꧀​ꦔ꧀ꦭꦧꦸꦃꦲꦶ​ꦲꦏꦸ​ꦭꦤ꧀​ꦔ꧀ꦭꦧꦸꦃꦲꦶ​ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦮꦺꦴꦁ​ꦏꦸꦮꦶ​ꦱꦲꦶꦏꦶ​ꦩꦼꦱ꧀ꦠꦶꦤꦩ꧀ꦥ​ꦱꦼꦩ꧀ꦧꦫꦁ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦲꦸꦤꦺ​꧉​ ³⁰ꦧꦏꦭ꧀ꦤꦩ꧀ꦥ​ꦥꦶꦁ​ꦱꦠꦸꦱ꧀ ꦪ​ꦲꦺꦴꦩꦃ​꧈​ꦱꦼꦢꦸꦭꦸꦂ​꧈​ꦮꦺꦴꦁ​ꦠꦸꦮ​꧈​ꦲꦤꦏ꧀ꦭꦤ꧀ꦏꦼꦧꦺꦴꦤ꧀ ꦱꦼꦤꦗꦤ꧀ꦤ​ꦏꦫꦺꦴ​ꦔꦭꦩ꧀ꦩꦶ​ꦏꦱꦁꦱꦫꦤ꧀꧈​ꦭꦤ꧀ꦲꦶꦁ​ꦠꦼꦩ꧀ꦧꦺ​ꦧꦏꦭ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧉​ ³¹ꦤꦁꦔꦶꦁ​ꦲꦺꦴꦏꦺꦃꦱꦶꦁ​ꦤꦁꦔꦉꦥ꧀ꦧꦏꦭ꧀ꦭꦺ​ꦏꦺꦫꦶ​꧈​ꦩꦭꦃ​ꦱꦶꦁ​ꦠꦼꦏ​ꦏꦺꦫꦶ​ꦧꦏꦭ꧀ꦭꦺ​ꦤꦁꦔꦉꦥ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦩ꧀ꦧꦁꦔꦶꦩꦼꦤꦺꦃ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀ꦱꦁꦱꦫ​꧉​

³²꧋ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦩ꧀ꦭꦏꦸ​ꦧꦸꦢꦭ꧀ꦤꦁꦪꦺꦫꦸꦱꦭꦺꦩ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦤꦁꦔꦉꦥ꧀ꦢꦺꦮꦺ꧉​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦸꦫꦸꦁ​ꦩꦫꦶ​ꦏꦒꦺꦠ꧀ꦠꦺ​ꦭꦤ꧀ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦩꦺꦭꦸ​ꦲꦸꦒ​ ꦥꦢ​ꦮꦼꦢꦶ​꧉​ꦩꦸꦫꦶꦢ꧀ꦫꦺꦴꦭꦱ꧀ꦩꦲꦸ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦢꦶꦢꦺꦮꦺꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦲꦺꦴꦩꦺꦴꦁꦔꦶꦧꦧ꧀ꦱꦶꦁ​ꦧꦏꦭ꧀ꦢꦶꦲꦭꦩ꧀ꦩꦶ​ꦏꦫꦺꦴ​ꦢꦺꦏ꧀ꦤꦺ꧉​ ³³ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦢꦶꦠꦶꦠꦺꦤ꧀ꦤꦶ​ꦢꦺꦮꦺ!ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦤꦁꦪꦺꦫꦸꦱꦭꦺꦩ꧀꧈​ꦤꦁꦏꦺꦴꦤꦺꦴ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦧꦏꦭ꧀ꦚꦼꦏꦼꦭ꧀ꦲꦤꦏ꧀ꦏꦺ​ꦩꦤꦸꦁꦱ​꧉​ꦧꦏꦭ꧀ꦥꦢ​ꦚꦭꦃꦚꦭꦃꦲꦏꦺꦢꦺꦏ꧀ꦤꦺꦭꦤ꧀ꦩꦱꦿꦃꦲꦏꦺꦢꦺꦏ꧀ꦤꦺꦩꦫꦁ​ꦧꦁꦱ​ꦭꦶꦪ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦺꦴꦁꦏꦺꦴꦤ꧀ꦩꦠꦺꦤ꧀ꦤꦶ​꧉​ ³⁴ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀ꦥꦢ​ꦩꦺꦴꦪꦺꦴꦏ꧀ꦏꦶ​꧈​ꦔꦶꦢꦺꦴꦤ꧀ꦤꦶ​ꦭꦤ꧀ꦩꦼꦕꦸꦠ꧀ꦠꦶ​ꦢꦺꦏ꧀ꦤꦺꦭꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦧꦏꦭ꧀ꦥꦢ​ꦩꦠꦺꦤ꧀ꦤꦶ​ꦢꦺꦏ꧀ꦤꦺ꧉​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦠꦔꦶ​ꦱꦁꦏꦥꦠꦶ​꧉​”

꧋ꦧꦧ꧀​ꦔ꧀ꦭꦢꦺꦤ꧀ꦤꦶ​꧉​

³⁵꧋ꦫꦱꦸꦭ꧀ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦧꦺꦃ​ꦭꦺꦴꦫꦺꦴ​ꦲꦤꦏ꧀ꦏꦺ​ꦯꦺꦧꦺꦢꦺꦪꦸꦱ꧀ ꦠꦼꦫꦸꦱ꧀ꦩꦗꦸ​ꦭꦤ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦤ꧀ꦢꦸꦮꦺꦥꦶꦠꦏꦺꦴꦤ꧀ꦤꦤ꧀꧈​” ³⁶“ꦲꦉꦥ꧀ꦠꦏꦺꦴꦤ꧀ꦲꦥ​?”ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​꧉​ ³⁷꧋“ꦒꦸꦱ꧀ꦠꦶ​꧈​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦢꦢꦶ​ꦫꦠꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦩꦺꦭꦸ​ꦚ꧀ꦗꦒꦺꦴꦁꦏꦪ​ꦫꦠꦸ​ꦤꦁꦱꦼꦧꦼꦭꦃꦩꦸ꧈​ꦱꦶꦗꦶ​ꦤꦁꦠꦼꦔꦼꦤ꧀ꦭꦤ꧀ꦱꦶꦗꦶ​ꦤꦁꦏꦶꦮ​꧉​” ³⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀!ꦲꦥ​ꦏꦺꦴꦮꦺ​ꦒꦼꦊꦩ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦱꦶꦁ​ꦧꦏꦭ꧀ꦠꦏ꧀ꦲꦭꦩ꧀ꦩꦶ​?” ³⁹꧋“ꦒꦼꦊꦩ꧀ꦒꦸꦱ꧀ꦠꦶ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ ꦏꦱꦁꦱꦫꦤ꧀ꦱꦶꦁ​ꦧꦏꦭ꧀ꦠꦏ꧀ꦲꦭꦩ꧀ꦩꦶ​ꦏꦺꦴꦮꦺ​ꦲꦸꦒ​ꦧꦏꦭ꧀ꦩꦺꦭꦸ​ꦔꦭꦩ꧀ꦩꦶ​꧉​ ⁴⁰ꦤꦁꦔꦶꦁ​ꦧꦧ꧀​ꦚ꧀ꦗꦒꦺꦴꦁꦤꦁꦠꦼꦔꦼꦤ꧀ꦲꦥ​ꦏꦶꦮꦏꦸꦲꦏꦸ​ꦲꦺꦴꦫ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦫꦤ꧀ꦤꦶ​꧉​ꦲꦶꦏꦸ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦱꦶꦁ​ꦢꦶꦥꦶꦭꦶꦃ​ꦏꦫꦺꦴ​ꦢꦺꦏ꧀ꦤꦺꦢꦺꦮꦺ꧉​” ⁴¹꧋ꦏꦿꦸꦔꦸ​ꦏꦸꦮꦶ​ꦩꦸꦫꦶꦢ꧀ꦱꦶꦁ​ꦱꦼꦥꦸꦭꦸꦃ​ꦠꦼꦫꦸꦱ꧀ꦗꦺꦁꦏꦺꦭ꧀ꦏꦫꦺꦴ​ꦫꦱꦸꦭ꧀ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀꧈​ ⁴²ꦩꦸꦭꦤꦺ​ꦏꦧꦺꦃ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦏꦺꦴꦮꦺ​ꦔꦼꦂꦠꦶ​ꦢꦺꦮꦺꦕꦫꦤꦺ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦥꦫ​ꦥꦼꦁꦒꦼꦢꦺꦱꦶꦁ​ꦏꦸꦢꦸ​ꦤꦠ​ꦧꦁꦱꦤꦺ​ꦩꦭꦃ​ꦥꦢ​ꦔ꧀ꦮꦱꦤꦶ​ꦭꦤ꧀ꦔꦼꦫꦺꦃ​꧉​ ^43-44ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦏꦼꦤꦺꦁꦏꦪ​ꦔꦺꦴꦤꦺꦴ​꧉​ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦥꦼꦔꦉꦥ꧀ꦏꦸꦢꦸ​ꦔ꧀ꦭꦢꦺꦤ꧀ꦤꦶ​ꦭꦶꦪꦤꦺ​ꦭꦤ꧀ꦱꦥ​ꦱꦶꦁ​ꦏꦼꦥꦺꦔꦶꦤ꧀ꦢꦶꦲꦁꦒꦼꦥ꧀ꦒꦼꦢꦺꦢꦺꦮꦺꦏꦸꦢꦸ​ꦢꦢꦶ​ꦥꦼꦭꦢꦺꦤ꧀ꦤꦺ​ꦭꦶꦪꦭꦶꦪꦤꦺ​꧉​ ⁴⁵ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏꦤꦺ​ꦪ​ꦲꦺꦴꦫ​ꦚ꧀ꦗꦭꦸꦏ꧀ꦢꦶꦭꦢꦺꦤ꧀ꦤꦶ​꧈​ꦤꦁꦔꦶꦁ​ꦱꦸꦥꦪ​ꦔ꧀ꦭꦢꦺꦤ꧀ꦤꦶ​ꦭꦤ꧀ꦩꦱꦿꦃꦲꦏꦺꦲꦸꦫꦶꦥ꧀ꦥꦺꦏꦁꦒꦺꦴ​ꦤꦼꦧꦸꦱ꧀ꦲꦸꦫꦶꦥ꧀ꦥꦺꦮꦺꦴꦁ​ꦲꦺꦴꦏꦺꦃ꧉​”

꧋ꦮꦺꦴꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​

⁴⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​ꦤꦁꦏꦸꦠꦪꦺꦫꦶꦏꦺꦴ꧉​ꦏꦢꦸꦁ​ꦧꦉꦁ​ꦏꦫꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦭꦸꦔ​ꦩꦼꦤꦺꦃ​ꦱꦁꦏꦪꦺꦫꦶꦏꦺꦴ꧈​ꦲꦺꦤꦺꦁꦮꦺꦴꦁ​ꦭꦩꦸꦂ​ꦔꦼꦩꦶꦱ꧀ꦤꦁꦥꦶꦁꦒꦶꦂ​ꦢꦭꦤ꧀꧈​ꦮꦺꦴꦁ​ꦲꦶꦏꦶ​ꦗꦼꦤꦼꦁꦔꦺ​ꦧꦂꦠꦶꦩꦺꦪꦸꦱ꧀ ꦲꦤꦏ꧀ꦏꦺ​ꦠꦶꦩꦺꦪꦸꦱ꧀꧈​ ⁴⁷ꦧꦂꦠꦶꦩꦺꦪꦸꦱ꧀ꦏꦿꦸꦔꦸ​ꦤꦺꦏ꧀ꦱꦶꦁ​ꦭꦶꦮꦠ꧀ꦤꦁꦢꦭꦤ꧀ꦏꦺꦴꦤꦺꦴ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦸꦠꦟꦱꦫꦺꦠ꧀ ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦕꦼꦭꦸꦏ꧀ꦕꦼꦭꦸꦏ꧀:“ꦪꦺꦯꦸꦱ꧀ ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦩꦼꦭꦱ꧀ꦩꦫꦁ​ꦲꦏꦸ​꧉​” ⁴⁸꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦚꦼꦤꦺꦤ꧀ꦤꦶꦧꦂꦠꦶꦩꦺꦪꦸꦱ꧀ꦏꦺꦴꦁꦏꦺꦴꦤ꧀ꦩꦼꦤꦼꦁ​꧉​ꦤꦁꦔꦶꦁ​ꦮꦺꦴꦁꦔꦺ​ꦩꦭꦃ​ꦠꦩ꧀ꦧꦃ​ꦱꦼꦫꦸ​ꦱꦶꦁ​ꦕꦼꦭꦸꦏ꧀ꦕꦼꦭꦸꦏ꧀:“ꦠꦸꦫꦸꦤ꧀ꦤꦤ꧀ꦤꦺ​ꦣꦮ꦳ꦼꦢ꧀ ꦲꦩ꧀ꦧꦺꦴꦏ꧀ꦩꦼꦭꦱ꧀ꦩꦫꦁ​ꦲꦏꦸ​!” ⁴⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦤ꧀ꦢꦼꦏ꧀ꦭꦤ꧀ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦢꦶꦏꦺꦴꦁꦏꦺꦴꦤ꧀​ꦩ꧀ꦧꦿꦺꦤꦺ!” ꧋ꦮꦺꦴꦁ​ꦭꦩꦸꦂ​ꦩꦲꦸ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦫꦺꦴ​ꦮꦺꦴꦁꦮꦺꦴꦁ​:“ꦮꦶꦱ꧀ꦲꦗ​ꦮꦼꦢꦶ​꧈​ꦤ꧀ꦢꦁꦔꦢꦼꦏ꧀ꦏ꧉​ꦒꦸꦱ꧀ꦠꦶ​ꦚꦼꦭꦸꦏ꧀ꦏꦺꦴꦮꦺ​꧉​” ⁵⁰꧋ꦧꦂꦠꦶꦩꦺꦪꦸꦱ꧀ꦠꦼꦫꦸꦱ꧀ꦲꦩ꧀ꦧꦸꦮꦁ​ꦱꦭꦶꦤ꧀ꦤꦺꦚ꧀ꦗꦧ​ꦱꦶꦁ​ꦚꦿꦶꦩ꧀ꦥꦼꦠ꧀ꦚꦿꦶꦩ꧀ꦥꦼꦠ꧀ꦠꦶꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦏꦸ​ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦔꦥ​?” ꧋“ꦲꦏꦸ​ꦏꦼꦥꦺꦔꦶꦤ꧀ꦮꦼꦫꦸꦃ​꧈​ꦒꦸꦱ꧀ꦠꦶ​!” ⁵²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦪ​ꦮꦶꦱ꧀ ꦏꦤ​!ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ​꧉​” ꧋ꦱꦏ꧀ꦮꦠ꧀ꦧꦂꦠꦶꦩꦺꦪꦸꦱ꧀ꦧꦶꦱ​ꦮꦼꦫꦸꦃ​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦪꦺꦫꦸꦱꦭꦺꦩ꧀꧈​

꧇​꧑꧑꧇​ ¹꧋ꦮꦺꦴꦁꦮꦺꦴꦁ​ꦱꦲꦶꦏꦶ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦪꦺꦫꦸꦱꦭꦺꦩ꧀ ꦮꦶꦱ꧀ꦠꦼꦏꦤ꧀ꦢꦺꦱ​ꦨꦺꦠ꧀ꦥ꦳ꦏꦺꦭꦤ꧀ꦢꦺꦱ​ꦨꦺꦠꦤꦶ꧈​ꦕꦼꦢꦼꦏ꧀​ꦏꦫꦺꦴ​ꦒꦸꦤꦸꦁ​ꦎꦭꦺꦥ꦳꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦭꦺꦴꦫꦺꦴ​ꦔꦺꦴꦩꦺꦴꦁ: ²“ꦏꦤ​ꦩ꧀ꦊꦧꦸ​ꦤꦁꦢꦺꦱ​ꦱꦶꦁ​ꦤꦁꦔꦉꦥ꧀ꦏꦲꦺ​꧉​ꦤꦁꦏꦺꦴꦤꦺꦴ​ꦏꦺꦴꦮꦺ​ꦩꦼꦁꦏꦺꦴ​ꦧꦏꦭ꧀ꦤꦼꦩꦸ​ꦏꦶꦩꦂꦲꦼꦤꦺꦴꦩ꧀ꦱꦶꦁ​ꦢꦶꦏꦼꦚ꧀ꦕꦁ​​꧉​ꦏꦶꦩꦂꦏꦸꦮꦶ​ꦢꦸꦫꦸꦁ​ꦠꦲꦸ​ꦢꦶꦠꦸꦩ꧀ꦥꦏ꧀ꦏꦶ​ꦮꦺꦴꦁ​꧉​ꦢꦶꦲꦸꦕꦸꦭ꧀ꦭꦶ​ ꦠꦼꦫꦸꦱ꧀ꦢꦶꦒꦮ​ꦩ꧀ꦧꦿꦺꦤꦺ꧉​ ³ꦤꦺꦏ꧀ꦲꦺꦤꦺꦁꦮꦺꦴꦁ​ꦠꦏꦺꦴꦤ꧀ꦲꦥꦲꦥ​꧈​ꦔꦺꦴꦩꦺꦴꦁ:'ꦒꦸꦱ꧀ꦠꦶ​ꦱꦶꦁ​ꦔꦺꦴꦁꦏꦺꦴꦤ꧀ꦭꦤ꧀ꦒꦸꦱ꧀ꦠꦶ​ꦱꦶꦁ​ꦩ꧀ꦧꦸꦠꦸꦃꦲꦏꦺꦭꦤ꧀ꦧꦏꦭ꧀​ꦤ꧀ꦢꦁꦢꦶꦧꦭꦺꦏ꧀ꦏꦏꦺꦩꦼꦤꦺꦃ​꧉​’” ⁴꧋ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦥꦢ​ꦤꦼꦩꦸ​ꦏꦶꦩꦂꦲꦼꦤꦺꦴꦩ꧀ꦱꦶꦁ​ꦢꦶꦏꦼꦚ꧀ꦕꦁ​​ꦤꦁꦭꦮꦁ​ꦤꦁꦥꦶꦁꦒꦶꦂ​ꦢꦭꦤ꧀꧈​ ⁵ꦮꦺꦴꦁꦮꦺꦴꦁ​ꦱꦶꦁ​ꦔꦢꦼꦏ꧀ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦠꦏꦺꦴꦤ꧀:“ꦭꦃ​ꦏꦺꦴꦏ꧀ꦲꦩ꧀ꦧꦺꦴꦏ꧀ꦲꦸꦕꦸꦭ꧀ꦭꦶ​ꦏꦶꦩꦂꦫꦺ꧈​ꦧꦺꦤ꧀ꦔꦥ​?” ⁶꧋ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦱꦶꦁ​ꦩ꧀ꦧꦸꦠꦸꦃꦲꦏꦺꦭꦤ꧀ꦧꦏꦭ꧀ꦢꦶꦧꦭꦺꦏ꧀ꦏꦏꦺꦩꦼꦤꦺꦃ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦲꦺꦴꦫ​ꦔꦺꦴꦩꦺꦴꦁꦲꦥꦲꦥ​꧉​ ⁷ꦏꦶꦩꦂꦫꦺꦠꦼꦫꦸꦱ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦒꦼꦒꦼꦂꦫꦺ​ꦢꦶꦭꦺꦩꦺꦏ꧀ꦏꦶꦏ꧀ꦭꦩ꧀ꦧꦶꦤꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦩ꧀ꦥꦏ꧀ꦏꦶꦩꦂꦫꦺ꧉​ ⁸ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦔ꧀ꦒꦼꦭꦂ​ꦏ꧀ꦭꦩ꧀ꦧꦶꦤꦺ​ꦤꦁꦢꦭꦤ꧀ꦭꦤ꧀ꦭꦶꦪꦤꦺ​ꦥꦢ​ꦔ꧀ꦒꦮ​ꦒꦺꦴꦢꦺꦴꦔꦤ꧀ꦒꦺꦴꦢꦺꦴꦁꦔꦤ꧀ꦱꦁꦏꦏꦼꦧꦺꦴꦤ꧀ꦠꦼꦫꦸꦱ꧀ꦢꦶꦱꦼꦧꦂ​ꦤꦁꦢꦭꦤ꧀꧈​ ⁹ꦮꦺꦴꦁꦮꦺꦴꦁ​ꦱꦶꦁ​ꦩ꧀ꦭꦏꦸ​ꦤꦁꦔꦉꦥ꧀ꦥꦺ​ꦭꦤ꧀ꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦱꦸꦫꦏ꧀ꦱꦸꦫꦏ꧀ꦔꦺꦴꦩꦺꦴꦁ:“ꦲ꦳ꦺꦴꦱꦤ!ꦤꦩ꧀ꦥꦲ​ꦧꦼꦂꦏꦃ​ꦱꦶꦁ​ꦠꦼꦏ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​! ¹⁰ꦭꦁ​ꦒꦼꦁ​ꦔ​ꦏꦿꦠꦺꦴꦤꦺ​ꦫꦠꦸ​ꦣꦮ꦳ꦼꦢ꧀ ꦊꦭꦸꦲꦸꦂꦫꦺ​ꦲꦮꦏ꧀ꦏꦺ​ꦢꦺꦮꦺ꧉​ꦲ꦳ꦺꦴꦱꦤꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦱ꧀ꦮꦂꦒ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦱꦸꦃ​ꦮꦶꦠ꧀ꦲꦚ꧀ꦗꦶꦂ​꧉​

¹¹꧋ꦠꦼꦏꦤ꧀ꦪꦺꦫꦸꦱꦭꦺꦩ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧈​ꦚꦮꦁ​ꦱꦼꦩ꧀ꦧꦫꦁꦩ꧀ꦧꦫꦁꦤꦁꦏꦺꦴꦤꦺꦴ​꧉​ꦢꦺꦏ꧀ꦤꦺꦠꦼꦫꦸꦱ꧀ꦧꦸꦢꦭ꧀ꦏꦫꦺꦴ​ꦩꦸꦫꦶꦢ꧀ꦫꦺꦴꦭꦱ꧀ꦤꦁꦢꦺꦱ​ꦨꦺꦠꦤꦶ꧈​ꦲꦮꦶꦠ꧀ꦮꦶꦱ꧀ꦫꦢ​ꦱꦸꦫꦸꦥ꧀꧈​ ¹²ꦲꦺꦱꦸꦏ꧀ꦏꦺ​꧈​ꦢꦺꦴꦁꦔꦺꦭꦸꦔ​ꦱꦁꦏꦨꦺꦠꦤꦶ꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦱ​ꦔꦼꦭꦶꦃ​꧉​ ¹³ꦱꦁꦏꦏꦢꦺꦴꦃꦲꦤ꧀ꦢꦺꦏ꧀ꦤꦺꦮꦼꦫꦸꦃ​ꦮꦶꦠ꧀ꦲꦚ꧀ꦗꦶꦂ​ꦱꦶꦁ​ꦒꦺꦩ꧀ꦧꦺꦭ꧀ꦒꦺꦴꦢꦺꦴꦁꦔꦺ​ꦠꦼꦫꦸꦱ꧀ꦢꦶꦥꦫꦤ꧀ꦤꦶ​ꦲꦉꦥ꧀ꦢꦶꦠꦶꦭꦶꦏ꧀ꦏꦶꦲꦺꦤꦺꦁꦮꦺꦴꦃꦲꦺ​ꦲꦥ​ꦲꦺꦴꦫ​꧉​ꦏꦢꦸꦁ​ꦠꦼꦏꦤ꧀ꦮꦶꦠ꧀ꦠꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦤꦼꦩꦸ​ꦲꦥꦲꦥ​ꦧ꧀ꦭꦱ꧀꧈​ꦤꦩꦸꦁ​ꦲꦺꦤꦺꦁꦒꦺꦴꦢꦺꦴꦁꦔꦺ​꧈​ꦲꦮꦶꦠ꧀ꦢꦸꦫꦸꦁ​ꦲꦸꦁꦱꦸꦩ꧀ꦩꦺ​ꦮꦺꦴꦃ​꧉​ ¹⁴ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦏꦿꦸꦔꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦶꦠ꧀ꦠꦺ​:“ꦮꦶꦮꦶꦠ꧀ꦱꦲꦶꦏꦶ​ꦠꦼꦏꦤ꧀ꦱ꧀ꦭꦮꦱ꧀ꦱꦺꦲꦺꦴꦫ​ꦧꦏꦭ꧀ꦲꦺꦤꦺꦁꦮꦺꦴꦁ​ꦱꦶꦁ​ꦩꦁꦔꦤ꧀ꦮꦺꦴꦃꦩꦸ​ꦩꦼꦤꦺꦃ​!”

꧋ꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦗ​ꦢꦶꦒꦮꦺ​ꦥꦱꦂ​꧉​

¹⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦠꦼꦏꦤ꧀ꦪꦺꦫꦸꦱꦭꦺꦩ꧀꧈​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦲꦉꦥ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧉​ꦤꦁꦔꦶꦁ​ꦤꦁꦭꦠꦂꦫꦺ​ꦏꦺꦴꦤꦺꦴ​ꦲꦺꦴꦏꦺꦃꦮꦺꦴꦁ​ꦱꦶꦁ​ꦢꦺꦴꦢꦺꦴꦭ꧀ꦭꦤ꧀ꦭꦤ꧀ꦭꦶꦪꦤꦺ​ꦱꦶꦁ​ꦥꦢ​ꦠꦸꦏꦸ​꧉​ꦩꦸꦭꦤꦺ​ꦮꦺꦴꦁꦮꦺꦴꦁ​ꦲꦶꦏꦶ​ꦠꦼꦫꦸꦱ꧀ꦢꦶꦱꦼꦤꦺꦤ꧀ꦤꦶꦭꦤ꧀ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦏꦧꦺꦃ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦩꦺꦗ​ꦩꦺꦗꦤꦺ​ꦱꦶꦁ​ꦠꦸꦏꦁ​ꦔꦶꦗꦺꦴꦭ꧀ꦭꦶ​ꦢꦸꦮꦶꦠ꧀ꦭꦤ꧀ꦢꦶꦁꦏ꧀ꦭꦶꦏ꧀ꦢꦶꦁꦏ꧀ꦭꦶꦏ꧀ꦏꦺꦱꦶꦁ​ꦠꦸꦏꦁ​ꦲꦢꦺꦴꦭ꧀ꦩꦤꦸꦏ꧀ꦢꦫ​ꦢꦶꦒ꧀ꦭꦺꦩ꧀ꦥꦁꦒ꧀ꦭꦺꦩ꧀ꦥꦁꦔꦏꦺꦏꦧꦺꦃ​꧉​ ¹⁶ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦠꦼꦏ​ꦔ꧀ꦒꦮ​ꦢꦒꦁꦔꦤ꧀ꦤꦺ​ꦢꦶꦲꦼꦤ꧀ꦢꦼꦏ꧀ ꦲꦺꦴꦫ​ꦲꦺꦤ꧀ꦠꦸꦏ꧀ꦭꦶꦮꦠ꧀ꦭꦠꦂꦫꦺ​ꦒꦿꦺꦗ​ꦩꦼꦤꦺꦃ​꧉​ ¹⁷ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦤꦁꦏꦶꦠꦧ꧀ꦭꦲꦸꦠ꧀ꦮꦶꦱ꧀ꦏꦼꦠꦸꦭꦶꦱ꧀ꦠ​!ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦔꦺꦴꦩꦺꦴꦁꦔꦺꦤꦺ​:'ꦲꦺꦴꦩꦃꦏꦸ​ꦲꦶꦏꦶ​ꦥꦥꦤ꧀ꦥꦤ꧀ꦢꦺꦴꦔ​ꦏꦁꦒꦺꦴ​ꦏꦧꦺꦃ​ꦧꦁꦱ​꧉'​ꦤꦁꦔꦶꦁ​ꦏꦺꦤꦺ​ꦱꦲꦶꦏꦶ​ꦲꦩ꧀ꦧꦺꦴꦏ꧀ꦢꦢꦺꦏ꧀ꦏꦏꦺꦢꦼꦭꦶꦏꦤ꧀ꦤꦺꦩꦭꦶꦁ​꧉​” ¹⁸꧋ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦒꦸꦫꦸ​ꦏꦶꦠꦧ꧀ꦏꦿꦸꦔꦸ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦮꦼꦢꦶ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦭꦶꦪꦤꦺ​ꦏꦧꦺꦃ​ꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦩꦸꦭꦤꦺ​ꦥꦫ​ꦲꦶꦩꦩ꧀ꦭꦤ꧀ꦒꦸꦫꦸ​ꦏꦶꦠꦧ꧀ꦩꦲꦸ​ꦥꦢ​ꦩꦶꦏꦶꦂ​ꦭꦤ꧀​ꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁹꧋ꦏꦢꦸꦁ​ꦮꦶꦱ꧀ꦱꦸꦫꦸꦥ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦭꦸꦔ​ꦱꦁꦏꦪꦺꦫꦸꦱꦭꦺꦩ꧀꧈​

꧋ꦧꦧ꧀ꦥꦼꦔꦤ꧀ꦢꦼꦭ꧀꧈​

²⁰꧋ꦲꦺꦱꦸꦏ꧀ꦏꦺ​꧈​ꦢꦺꦴꦁꦔꦺꦭꦶꦮꦠ꧀ꦩꦼꦤꦺꦃ​꧈​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦤꦺꦏ꧀ꦮꦶꦠ꧀ꦠꦺ​ꦩꦭꦶꦃ​ꦒꦫꦶꦁ​ꦏꦧꦺꦃ​ꦱꦏ꧀ꦲꦺꦴꦪꦺꦴꦠ꧀ꦠꦺꦴꦪꦺꦴꦠ꧀ꦠꦺ꧉​ ²¹ꦫꦱꦸꦭ꧀ꦦꦺꦠꦿꦸꦱ꧀ꦏꦺꦭꦶꦁꦔꦤ꧀ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦱꦸꦃ​ꦮꦶꦠ꧀ꦠꦺ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦢꦼꦭꦺꦴꦏ꧀ꦏꦼꦤ꧀ꦲꦶꦏꦸ​꧈​ꦮꦶꦠ꧀ꦠꦺ​ꦱꦶꦁ​ꦲꦩ꧀ꦧꦺꦴꦏ꧀ꦥꦶꦱꦸꦃꦮꦶꦔꦶ​ꦩꦭꦶꦃ​ꦒꦫꦶꦁ​꧉​” ²²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦥꦢ​ꦔꦤ꧀ꦢꦼꦭ꧀ꦭ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²³ꦠꦼꦤꦤ꧀ ꦔꦤ꧀ꦢꦼꦭ꧀ꦭ​ꦠ​!ꦤꦺꦏ꧀ꦏꦺꦴꦮꦺ​ꦩꦿꦺꦤ꧀ꦠꦃ​ꦒꦸꦤꦸꦁꦔꦤ꧀ꦲꦶꦏꦶ​ꦔꦺꦴꦩꦺꦴꦁ:'ꦩꦸꦩ꧀ꦧꦸꦭ꧀ꦭ​ꦭꦤ꧀ꦤꦶꦧꦲꦤꦁꦱꦼꦒꦫ​꧈'​ꦩꦼꦱ꧀ꦠꦶꦪ​ꦧꦏꦭ꧀​ꦏ꧀ꦭꦏꦺꦴꦤ꧀ꦠꦼꦤꦤ꧀ ꦲꦁꦒꦼꦂꦫꦺ​ꦏꦺꦴꦮꦺ​ꦧ꧀ꦭꦱ꧀ꦲꦺꦴꦫ​ꦩꦔꦸꦩꦔꦸ​꧈​ꦤꦁꦔꦶꦁ​ꦥꦽꦕꦪ​ꦤꦺꦏ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦧꦏꦭ꧀​ꦏ꧀ꦭꦏꦺꦴꦤ꧀ꦠꦼꦤꦤ꧀꧈​ ²⁴ꦩꦸꦭꦤꦺ​ꦲꦏꦸ​ꦔꦺꦴꦩꦺꦴꦁ:ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ꦲꦶꦁ​ꦥꦤ꧀ꦢꦺꦴꦔ​꧈​ꦔꦤ꧀ꦢꦼꦭ꧀ꦭ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦤꦩ꧀ꦥ​ꦏꦸꦮꦶ​꧈​ꦠꦼꦤꦤ꧀ ꦩꦼꦱ꧀ꦠꦶꦧꦏꦭ꧀ꦏꦼꦠꦸꦫꦸꦠ꧀ꦠꦤ꧀꧈​ ²⁵ꦭꦤ꧀ꦩꦼꦤꦺꦃ​꧈​ꦤꦺꦏ꧀ꦏꦺꦴꦮꦺ​ꦤ꧀ꦢꦺꦴꦁꦔ꧈​ꦱꦥ​ꦮꦲꦺ​ꦱꦶꦁ​ꦤ꧀ꦢꦸꦮꦺꦱꦭꦃ​ꦏꦫꦺꦴ​ꦏꦺꦴꦮꦺ​ꦢꦶꦔꦥꦸꦫ꧉​ꦢꦢꦶꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦱ꧀ꦮꦂꦒ​ꦪ​ꦧꦏꦭ꧀ꦔꦥꦸꦫ​ꦱꦭꦃꦩꦸ​꧉​ ²⁶(ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ ꦲꦺꦴꦫ​ꦒꦼꦊꦩ꧀ꦔꦥꦸꦫ​ꦭꦶꦪꦤꦺ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦱ꧀ꦮꦂꦒ​ꦪ​ꦲꦺꦴꦫ​ꦧꦏꦭ꧀ꦔꦥꦸꦫ​ꦏꦺꦴꦮꦺ​꧉”)

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦠꦼꦏ​ꦤꦁꦪꦺꦫꦸꦱꦭꦺꦩ꧀ꦩꦼꦤꦺꦃ​꧉​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀​ꦩ꧀ꦭꦏꦸꦩ꧀ꦭꦏꦸ​ꦤꦁꦭꦠꦂꦫꦺ​ꦒꦿꦺꦗ​ꦒꦼꦢꦺꦠꦼꦫꦸꦱ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥꦼꦤꦸꦤ꧀ꦠꦸꦤꦺ​ꦮꦺꦴꦁ​ꦙꦸꦩꦫꦤꦶ​ꦢꦺꦏ꧀ꦤꦺ꧉​ ²⁸ꦮꦺꦴꦁꦮꦺꦴꦁ​ꦲꦶꦏꦶ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦏꦺꦴꦮꦺ​ꦏꦺꦴꦏ꧀ꦮꦤꦶ​ꦤꦶꦤ꧀ꦢꦏ꧀ꦏꦏꦺꦏꦪ​ꦔꦺꦴꦤꦺꦴ​?” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦭꦺꦴꦤ꧀​ꦤ꧀ꦢꦶꦱꦶꦏ꧀ ꦱꦏ꧀ꦢꦸꦫꦸꦁꦔꦺꦲꦏꦸ​ꦱꦼꦩꦲꦸꦂ​꧈​ꦲꦏꦸ​ꦤ꧀ꦢꦸꦮꦺꦤ꧀ꦤꦶ​ꦥꦶꦠꦏꦺꦴꦤ꧀ꦤꦤ꧀​ꦤ꧀ꦢꦶꦱꦶꦏ꧀ꦩꦫꦁ​ꦏꦺꦴꦮꦺ​꧉​ꦤꦺꦏ꧀ꦏꦺꦴꦮꦺ​ꦧꦶꦱ​ꦚꦲꦸꦂꦫꦶ​ꦲꦏꦸ​꧈​ꦏꦺꦴꦮꦺ​ꦪ​ꦧꦏꦭ꧀ꦠꦏ꧀ꦲꦺꦴꦩꦺꦴꦁꦔꦶꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​! ³⁰ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦪꦺꦴꦲꦤꦼꦱ꧀ꦏꦁꦒꦺꦴ​ꦲꦩ꧀ꦧꦥ꧀ꦠꦶꦱ꧀?ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦩꦤꦸꦁꦱ​?” ³¹꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦒꦸꦤꦼꦩ꧀ꦩꦤ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦲꦉꦥ꧀ꦱꦼꦩꦲꦸꦂ​꧉​ꦲꦮꦶꦠ꧀ꦤꦺꦏ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​ꦄꦭ꧀ꦭꦃ​꧈​”ꦮꦺꦴꦁꦮꦺꦴꦁ​ꦥꦢ​ꦮꦼꦢꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀:“ꦭꦃ​ꦏꦼꦤꦺꦁꦲꦥ​ꦢꦺꦏ꧀ꦤꦺꦏꦺꦴꦏ꧀ꦲꦺꦴꦫ​ꦲꦩ꧀ꦧꦺꦴꦏ꧀ꦒꦸꦒꦸ?” ³²ꦤꦺꦏ꧀ꦥꦢ​ꦱꦼꦩꦲꦸꦂ​:“ꦩꦤꦸꦁꦱ​꧈​”ꦭꦃ​ꦏꦼꦥꦿꦶꦪꦺ​꧈​ꦩꦼꦁꦏꦺꦴ​ꦮꦺꦴꦁꦮꦺꦴꦁ​ꦥꦢ​ꦤꦼꦱꦸ​꧈​ꦲꦮꦶꦠ꧀ꦏꦧꦺꦃ​ꦥꦽꦕꦪ​ꦤꦺꦏ꧀ꦪꦺꦴꦲꦤꦼꦱ꧀ꦏꦸꦮꦶ​ꦤꦧꦶ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​ ³³ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁ:“ꦲꦼꦩ꧀ꦧꦸꦃ​ꦪ​꧈​ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦔꦼꦂꦠꦶ​!” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦪ​ꦲꦺꦴꦫ​ꦧꦏꦭ꧀ꦠꦏ꧀ꦲꦺꦴꦩꦺꦴꦁꦔꦶꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​!”

꧋ꦥꦶꦮꦸꦭꦁ​ꦧꦧ꧀ꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤ꧀꧈​

꧇​꧑꧒꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦩꦲꦸ​ꦔꦁꦒꦺꦴ​ꦠꦼꦩ꧀ꦧꦸꦁ​ꦒꦩ꧀ꦧꦂ​ꦔꦺꦤꦺ​:“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦢꦶꦠꦤ꧀ꦢꦸꦂꦫꦶ​ꦢꦽꦲꦶꦥ꦳꧀꧈​ꦏꦼꦧꦺꦴꦤꦺ​ꦢꦶꦥꦒꦼꦂꦫꦶ​ꦩꦸꦧꦼꦁ​ꦠꦼꦫꦸꦱ꧀ꦮꦺꦴꦁꦔꦺ​ꦔ꧀ꦒꦮꦺ​ꦭꦸꦮꦁꦔꦤ꧀ꦏꦁꦒꦺꦴ​ꦩꦼꦉꦱ꧀ꦢꦽꦲꦶꦥ꦳꧀ꦥ꦳ꦺ꧉​ꦲꦸꦒ​ꦢꦶꦒꦮꦺꦏ꧀ꦏꦏꦺꦲꦺꦴꦩꦃꦲꦺꦴꦩꦃꦲꦤ꧀ꦱꦶꦁ​ꦫꦢ​ꦢꦸꦮꦸꦂꦏꦁꦒꦺꦴ​ꦚ꧀ꦗꦒ​ꦏꦼꦧꦺꦴꦤꦺ​꧉​ꦏꦼꦧꦺꦴꦤꦺ​ꦠꦼꦫꦸꦱ꧀ꦢꦶꦱꦺꦮꦏ꧀ꦏꦏꦺꦩꦫꦁ​ꦮꦺꦴꦁꦮꦺꦴꦁ​ꦭꦶꦪꦤꦺ​꧉​ꦮꦺꦴꦁꦔꦺ​ꦢꦺꦮꦺꦭꦸꦔ​ꦤꦁꦤꦼꦒꦫ​ꦭꦶꦪ​꧉​ ²ꦏꦢꦸꦁ​ꦮꦶꦱ꧀ꦮꦪꦃ​ꦥꦤꦺꦤ꧀ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦔꦺꦴꦁꦏꦺꦴꦤ꧀ꦱ꧀ꦭꦥ꦳꧀ꦥ꦳ꦺꦤꦁꦔ꧀ꦒꦺꦴꦤ꧀ꦤꦺꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤꦺ​꧈​ꦚ꧀ꦗꦭꦸꦏ꧀ꦧꦒꦺꦪꦤ꧀ꦤꦺ꧉​ ³ꦤꦁꦔꦶꦁ​ꦱ꧀ꦭꦥ꦳꧀ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦲꦸ​ꦩꦭꦃ​ꦢꦶꦕꦼꦏꦼꦭ꧀ꦏꦫꦺꦴ​ꦱꦶꦁ​ꦚꦺꦮ​ꦏꦼꦧꦺꦴꦤ꧀ꦠꦼꦫꦸꦱ꧀ꦢꦶꦒꦼꦧꦸꦏ꧀ꦏꦶ꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱ꧀ꦭꦥ꦳꧀ꦥ꦳ꦺꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦭꦸꦔ​ꦔꦁꦒꦸꦂ​꧈​ꦲꦺꦴꦫ​ꦔ꧀ꦒꦮ​ꦲꦥꦲꦥ​꧉​ ⁴꧋“ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦱ꧀ꦭꦥ꦳꧀ꦭꦶꦪꦤꦺ​꧈​ꦤꦁꦔꦶꦁ​ꦱꦶꦁ​ꦲꦶꦏꦶ​ꦲꦸꦒ​ꦢꦶꦥꦼꦤ꧀ꦠꦸꦁꦔꦶꦱꦶꦫꦃꦲꦺ​ꦭꦤ꧀ꦢꦶꦲꦼꦭꦺꦴꦏ꧀ꦲꦼꦭꦺꦴꦏ꧀ꦏꦏꦺꦱꦏ꧀ꦒꦼꦊꦩ꧀ꦩꦺ꧉​ ⁵ꦭꦶꦪꦤꦺ​ꦩꦼꦤꦺꦃ​ꦢꦶꦏꦺꦴꦁꦏꦺꦴꦤ꧀ ꦲꦶꦏꦶ​ꦩꦭꦃ​ꦢꦶꦥꦠꦺꦤ꧀ꦤꦶ​꧉​ꦏꦧꦺꦃ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦤꦶꦩꦼꦤꦺꦃ​ꦤꦺꦏ꧀ꦲꦺꦴꦫ​ꦢꦶꦥꦠꦺꦤ꧀ꦤꦶ​ꦪ​ꦢꦶꦥꦼꦤ꧀ꦠꦸꦁꦔꦶ꧉​ ⁶ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦱꦲꦶꦏꦶ​ꦤꦩꦸꦁ​ꦤ꧀ꦢꦸꦮꦺꦮꦺꦴꦁ​ꦱꦶꦗꦶ​ꦱꦶꦁ​ꦏꦼꦤꦺꦁꦢꦶꦏꦺꦴꦁꦏꦺꦴꦤ꧀ ꦪꦏꦸꦮꦶ​ꦲꦤꦏ꧀ꦏꦺ​ꦢꦺꦮꦺ꧈​ꦱꦶꦁ​ꦢꦶꦠꦿꦺꦱ꧀ꦤꦤ꧀ꦤꦶ꧉​ꦮꦺꦴꦁꦔꦺ​ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦲꦤꦏ꧀ꦏꦺ​ꦔꦺꦴꦩꦺꦴꦁꦔꦺꦤꦺ​:'ꦩꦼꦤꦮ​ꦮꦲꦺ​ꦮꦺꦴꦁꦮꦺꦴꦁ​ꦮꦼꦢꦶ​ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦲꦤꦏ꧀ꦏꦸ​ꦢꦺꦮꦺ!’ ⁷ꦤꦁꦔꦶꦁ​ꦮꦺꦴꦁꦮꦺꦴꦁ​ꦱꦶꦁ​ꦚꦺꦮ​ꦏꦼꦧꦺꦴꦤꦺ​ꦩꦭꦃ​ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:'ꦲꦶꦏꦶ​ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀꧈​ꦲ꦳ꦪꦸꦏ꧀ꦢꦶꦥꦠꦺꦤ꧀ꦤꦶ​ꦮꦲꦺ​꧈​ꦢꦢꦶꦤꦺ​ꦏꦼꦧꦺꦴꦤꦺ​ꦮꦺꦏ꧀ꦏꦺꦲꦮꦏ꧀ꦏꦺ​ꦢꦺꦮꦺ꧉'​ ⁸ꦲꦤꦏ꧀ꦏꦺꦩꦲꦸꦠꦼꦫꦸꦱ꧀ꦢꦶꦕꦼꦏꦼꦭ꧀;ꦏꦢꦸꦁꦮꦶꦱ꧀ꦢꦶꦥꦠꦺꦤ꧀ꦤꦶꦠꦼꦫꦸꦱ꧀ꦢꦶ​ꦲꦸꦚ꧀ꦕꦭ꧀ꦭꦏꦺꦤꦁꦚ꧀ꦗꦧꦤꦺꦏꦼꦧꦺꦴꦤ꧀꧈​ ⁹꧋“ꦢꦶꦥꦶꦏꦶꦂ​ꦢꦺꦮꦺꦗꦗꦭ꧀꧈​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦏꦸꦢꦸ​ꦔꦥ​ꦱꦲꦶꦏꦶ​?ꦢꦺꦏ꧀ꦤꦺꦩꦼꦱ꧀ꦠꦶꦧꦏꦭ꧀ꦧꦸꦢꦭ꧀ꦢꦺꦮꦺ꧉​ꦱꦶꦁ​ꦚꦺꦮ​ꦏꦼꦧꦺꦴꦤꦺ​ꦩꦼꦱ꧀ꦠꦶꦧꦏꦭ꧀ꦢꦶꦥꦠꦺꦤ꧀ꦤꦶ​ꦏꦧꦺꦃ​ꦭꦤ꧀ꦏꦼꦧꦺꦴꦤꦺ​ꦩꦼꦱ꧀ꦠꦶꦧꦏꦭ꧀ꦢꦶꦱꦺꦮꦏ꧀ꦏꦏꦺꦮꦺꦴꦁ​ꦭꦶꦪꦭꦶꦪꦤꦺ​? ¹⁰ꦲꦥ​ꦏꦺꦴꦮꦺ​ꦲꦺꦴꦫ​ꦠꦲꦸ​ꦩꦕ​ꦤꦁꦏꦶꦠꦧ꧀ ꦲꦪꦠ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

‘ꦮꦠꦸ​ꦱꦶꦁ​ꦢꦶꦧꦸꦮꦁ​
ꦏꦫꦺꦴ​ꦱꦶꦁ​ꦠꦸꦏꦁ​ꦔ꧀ꦒꦮꦺ​ꦲꦺꦴꦩꦃ​꧈​
ꦩꦭꦃ​ꦮꦠꦸ​ꦏꦸꦮꦶ​
ꦱꦶꦁ​ꦢꦢꦶ​ꦮꦠꦸ​ꦮꦶꦮꦶꦠ꧀ꦠꦤ꧀꧈​
¹¹ꦲꦶꦏꦶ​ꦥꦼꦁꦒꦮꦺꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​
ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺꦧꦔꦼꦠ꧀꧈​’”

¹²꧋ꦥꦫ​ꦥꦼꦤꦸꦤ꧀ꦠꦸꦤꦺ​ꦮꦺꦴꦁ​ꦙꦸꦥꦢ​ꦫꦸꦩꦁꦱ​ꦢꦶꦱꦼꦩꦺꦴꦤ꧀ꦤꦶ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦮꦶꦱ꧀ꦏꦸꦢꦸ​ꦚꦼꦏꦼꦭ꧀ꦢꦺꦏ꧀ꦤꦺ꧈​ꦤꦁꦔꦶꦁ​ꦥꦢ​ꦮꦼꦢꦶ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃꦭꦶꦪꦤꦺ​꧉​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦲꦼꦗꦂꦫꦏꦺꦮꦲꦺ​꧈​ꦠꦼꦫꦸꦱ꧀ꦥꦢ​ꦭꦸꦔ​꧉​

꧋ꦧꦧ꧀ꦱꦶꦁ​ꦮꦺꦏ꧀ꦏꦺꦫꦠꦸꦤꦺ​ꦭꦤ꧀ꦱꦶꦁ​ꦮꦺꦏ꧀ꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​

¹³꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦔꦺꦴꦁꦏꦺꦴꦤ꧀ꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦭꦤ꧀ꦮꦺꦴꦁ​ ꦱꦁꦏꦒꦺꦴꦭꦺꦴꦁꦔꦤ꧀ꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦔꦼꦤꦺꦁꦢꦺꦏ꧀ꦤꦺꦔꦁꦒꦺꦴ​ꦥꦶꦠꦏꦺꦴꦤꦤ꧀ꦥꦶꦠꦏꦺꦴꦤꦤ꧀꧈​ ¹⁴ꦏꦢꦸꦁ​ꦮꦶꦱ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦮꦺꦴꦁꦮꦺꦴꦁ​ꦩꦲꦸ​ꦔꦺꦴꦩꦺꦴꦁ:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦔꦼꦂꦠꦶ​ꦤꦺꦏ꧀ꦥꦶꦮꦸꦭꦁꦩꦸ​ꦏꦸꦮꦶ​ꦧꦼꦤꦼꦂ​ꦠꦼꦤꦤ꧀꧈​ꦏꦫꦺꦴꦩꦼꦤꦺꦃ​ꦏꦺꦴꦮꦺ​ꦲꦺꦴꦫ​ꦮꦼꦢꦶ​ꦱꦥꦱꦥ​꧉​ꦏꦺꦴꦮꦺ​ꦤꦺꦏ꧀ꦩꦸꦭꦁꦔꦶꦧꦧ꧀ꦢꦭꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦼꦤꦼꦂ​ꦭꦤ꧀ꦲꦺꦤꦺꦁꦮꦸꦗꦸꦠ꧀ꦠꦺ꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦥꦼꦂꦢꦸꦭꦶꦏꦫꦺꦴ​ꦱꦥꦱꦥ​꧉​ꦩꦸꦭꦤꦺ​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​꧉​ꦤꦺꦏ꧀ꦩꦶꦠꦸꦫꦸꦠ꧀ꦲꦒꦩꦤꦺ​ꦲꦮꦏ꧀ꦏꦺ​ꦢꦺꦮꦺꦏꦼꦥꦿꦶꦪꦺ​?ꦏꦸꦢꦸ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦩꦫꦁ​ꦫꦠꦸꦤꦺ​ꦲꦥ​ꦲꦺꦴꦫ​?” ¹⁵꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦔꦼꦂꦠꦶ​ꦤꦺꦏ꧀ꦮꦺꦴꦁꦮꦺꦴꦁ​ꦱꦶꦁ​ꦠꦏꦺꦴꦤ꧀ꦏꦸꦮꦶ​ꦤꦩꦸꦁ​ꦲꦺꦠꦺꦴꦏ꧀ꦲꦺꦠꦺꦴꦏ꧀꧈​ꦩꦸꦭꦤꦺ​ꦢꦺꦏ꧀ꦤꦺ​ꦔꦺꦴꦩꦺꦴꦁ:“ꦏꦼꦤꦺꦁ​​ꦲꦥ​ꦏꦺꦴꦮꦺ​ꦏꦺꦴꦏ꧀ꦏꦼꦥꦺꦔꦶꦤ꧀ꦔꦼꦤꦺꦁꦲꦏꦸ​?ꦗꦗꦭ꧀​ꦔ꧀ꦒꦮ​ꦢꦸꦮꦶꦠ꧀ꦫꦺꦕꦺꦃ​ꦱꦶꦗꦶ​ꦩ꧀ꦧꦿꦺꦤꦺꦠꦏ꧀ꦢꦼꦭꦺꦴꦏ꧀ꦏꦺ꧉​” ¹⁶꧋ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦔ꧀ꦒꦮ​ꦢꦸꦮꦶꦠ꧀ꦫꦺꦕꦺꦃ​ꦱꦶꦗꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​:“ꦢꦶꦢꦼꦭꦺꦴꦏ꧀ꦠ​!ꦤꦁ​ꦢꦸꦮꦶꦠ꧀ꦲꦶꦏꦶ​ꦲꦺꦤꦺꦁꦒꦩ꧀ꦧꦂꦫꦺ​ꦱꦥ​ꦭꦤ꧀ꦗꦼꦤꦼꦁꦔꦺ​ꦱꦥ​?” ꧋ꦮꦺꦴꦁꦮꦺꦴꦁ​ꦱꦼꦩꦲꦸꦂ​:“ꦒꦩ꧀ꦧꦂꦫꦺ​ꦭꦤ꧀ꦗꦼꦤꦼꦁꦔꦺ​ꦫꦠꦸꦤꦺ​ꦬꦸꦩ꧀!” ¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦪ​ꦮꦶꦱ꧀ꦠ​!ꦲꦥ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦏꦺꦩꦫꦁ​ꦫꦠꦸꦤꦺ​ꦪ​ꦏꦺꦏ꧀ꦏꦏꦺꦩꦫꦁ​ꦫꦠꦸꦤꦺ​ꦭꦤ꧀ꦲꦥ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦏꦺꦏ꧀ꦏꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ꧋ꦮꦺꦴꦁꦮꦺꦴꦁ​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦧꦧ꧀ꦠꦔꦶ​ꦱꦁꦏꦥꦠꦶ​꧉​

¹⁸꧋ꦲꦺꦤꦺꦁꦮꦺꦴꦁ​ꦱꦢꦸꦏꦶ​ꦱꦶꦗꦶꦭꦺꦴꦫꦺꦴꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦱꦢꦸꦏꦶ​ꦏꦸꦮꦶ​ꦲꦺꦴꦫ​ꦔꦤ꧀ꦢꦼꦭ꧀ꦤꦺꦏ꧀ꦮꦺꦴꦁ​ꦩꦠꦶ​ꦧꦏꦭ꧀ꦠꦔꦶ​ꦩꦼꦤꦺꦃ​꧉​ꦮꦺꦴꦁꦮꦺꦴꦁ​ꦲꦶꦏꦶ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀: ¹⁹“ꦒꦸꦫꦸ​꧈​ꦤꦧꦶ​ꦩꦺꦴꦱꦼꦱ꧀ꦮꦶꦱ꧀​ꦔ꧀ꦒꦮꦺꦏ꧀ꦏꦏꦺꦥꦼꦂꦤꦠ꧀ꦠꦤ꧀ꦏꦁꦒꦺꦴ​ꦲꦮꦏ꧀ꦏꦺ​ꦢꦺꦮꦺꦔꦺꦤꦺ​:'ꦤꦺꦏ꧀ꦲꦺꦤꦺꦁꦮꦺꦴꦁ​ꦭꦤꦁ​ꦩꦠꦶ​ꦤꦶꦁꦒꦭ꧀ꦫꦤ꧀ꦢꦠꦤ꧀ꦥ​ꦲꦤꦏ꧀ ꦱꦼꦢꦸꦭꦸꦂꦫꦺ​ꦮꦺꦴꦁ​ꦭꦤꦁ​ꦱꦶꦁ​ꦩꦠꦶ​ꦏꦸꦮꦶ​ꦏꦸꦢꦸ​ꦔꦼꦥꦺꦏ꧀ꦫꦤ꧀ꦢꦩꦲꦸ​ꦢꦢꦶ​ꦧꦺꦴꦗꦺꦴꦤꦺ​ꦭꦤ꧀​ꦔ꧀ꦒꦮꦺꦏ꧀ꦏꦏꦺꦠꦸꦫꦸꦤ꧀ꦤꦤ꧀ꦏꦁꦒꦺꦴ​ꦱꦼꦢꦸꦭꦸꦂꦫꦺ​ꦱꦶꦁ​ꦩꦠꦶ​꧉​’ ²⁰꧋“ꦭꦃ​ꦱꦲꦶꦏꦶ​ꦲꦺꦤꦺꦁꦱꦼꦢꦸꦭꦸꦂ​ꦭꦤꦁꦭꦤꦁ​ꦥꦶꦠꦸ​꧉​ꦱꦶꦁ​ꦲꦩ꧀ꦧꦉꦥ꧀ꦔꦼꦥꦺꦏ꧀ꦧꦺꦴꦗꦺꦴ​꧈​ꦤꦁꦔꦶꦁ​ꦏꦢꦸꦁ​ꦩꦠꦶ​ꦲꦺꦴꦫ​ꦤꦶꦁꦒꦭ꧀ꦲꦤꦏ꧀꧈​ ²¹ꦱꦶꦁ​ꦤꦺꦴꦩꦼꦂ​ꦭꦺꦴꦫꦺꦴ​ꦠꦼꦫꦸꦱ꧀ꦔꦼꦥꦺꦏ꧀ꦫꦤ꧀ꦢꦤꦺꦢꦢꦶ​ꦧꦺꦴꦗꦺꦴꦤꦺ​꧈​ꦤꦁꦔꦶꦁ​ꦱꦶꦁ​ꦲꦶꦏꦶ​ꦲꦸꦒ​ꦩꦠꦶ​ꦠꦤ꧀ꦥ​ꦤ꧀ꦢꦸꦮꦺꦲꦤꦏ꧀꧈​ꦏꦫꦺꦴ​ꦱꦶꦁ​ꦤꦺꦴꦩꦼꦂ​ꦠꦼꦭꦸ​ꦪ​ꦥꦢ​ꦮꦲꦺ​ꦔꦺꦴꦤꦺꦴ​꧉​ ²²ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦱꦼꦢꦸꦭꦸꦂ​ꦥꦶꦠꦸ​ꦩꦲꦸ​ꦏꦧꦺꦃ​ꦩꦠꦶ​꧈​ꦠꦤ꧀ꦥ​ꦤꦶꦁꦒꦭ꧀ꦠꦸꦫꦸꦤ꧀ꦤꦤ꧀ꦱꦶꦗꦶꦱꦶꦗꦶꦪ​꧉​ꦲꦩ꧀ꦧꦺꦴꦏ꧀ꦫꦤ꧀ꦢꦤꦺꦪ​ꦠꦼꦫꦸꦱ꧀ꦩꦠꦶ​ꦥꦶꦱꦤ꧀꧈​ ²³ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦠꦏꦺꦴꦤ꧀:ꦭꦃ​ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦚ꧀ꦕꦶꦤꦺ​ꦮꦺꦴꦁ​ꦩꦠꦶ​ꦥꦢ​ꦠꦔꦶ​ꦩꦼꦤꦺꦃ​꧈​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦧꦏꦭ꧀ꦢꦢꦶ​ꦧꦺꦴꦗꦺꦴꦤꦺ​ꦱꦶꦁ​ꦲꦼꦤ꧀ꦢꦶ​?ꦲꦮꦏ꧀ꦏꦺ​ꦢꦺꦮꦺꦠꦏꦺꦴꦤ꧀ ꦲꦮꦶꦠ꧀ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦮꦶꦱ꧀ꦢꦢꦶ​ꦧꦺꦴꦗꦺꦴꦤꦺ​ꦱꦼꦢꦸꦭꦸꦂ​ꦏꦧꦺꦃ​ꦥꦶꦠꦸ​ꦩꦲꦸ​?” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦸꦮꦶ​ꦗꦤ꧀​ꦏ꧀ꦭꦺꦫꦸ​ꦧꦔꦼꦠ꧀꧈​ꦏꦺꦴꦮꦺ​ꦲꦺꦴꦫ​ꦢꦸꦤꦸꦁꦲꦶꦱꦶꦤꦺ​ꦏꦶꦠꦧ꧀ꦭꦤ꧀ꦏꦺꦴꦮꦺ​ꦧ꧀ꦭꦱ꧀ꦲꦺꦴꦫ​ꦔꦼꦂꦠꦶ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁵ꦲꦮꦶꦠ꧀ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦺꦴꦁꦮꦺꦴꦁ​ꦠꦔꦶ​ꦱꦁꦏꦥꦠꦶ​ꦲꦸꦫꦶꦥ꧀ꦥꦺꦧꦏꦭ꧀ꦭꦺ​ꦏꦪ​ꦩꦸꦭꦺꦏꦠ꧀ꦱ꧀ꦮꦂꦒ​꧈​ꦲꦺꦴꦫ​ꦲꦺꦤꦺꦁꦕꦫꦤꦺ​ꦧꦼꦧꦺꦴꦗꦺꦴꦮꦤ꧀꧈​ ²⁶ꦭꦤ꧀ꦧꦧ꧀ꦠꦔꦶ​ꦩꦼꦤꦺꦃ​ꦱꦁꦏꦥꦠꦶ​꧈​ꦲꦥ​ꦏꦺꦴꦮꦺ​ꦲꦺꦴꦫ​ꦩꦕ​ꦤꦁꦏꦶꦠꦧ꧀ꦧꦺ​ꦤꦧꦶ​ꦩꦺꦴꦱꦼꦱ꧀ꦧꦧ꧀ꦒꦿꦸꦩ꧀ꦧꦸꦭ꧀ꦭꦤ꧀ꦲꦼꦫꦶ​ꦱꦶꦁ​ꦩꦸꦫꦸꦥ꧀?ꦤꦁ​ꦏꦺꦴꦤꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦲꦸꦠ꧀ꦔꦺꦴꦩꦺꦴꦁꦠ​ꦩꦫꦁ​ꦤꦧꦶ​ꦩꦺꦴꦱꦼꦱ꧀:'ꦲꦏꦸ​ꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦄꦨꦿꦲꦩ꧀ ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦆꦱꦏ꧀ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦪꦏꦸꦧ꧀꧉'​ ²⁷ꦠꦼꦒꦼꦱ꧀ꦱꦺ​ꦧꦥ​ꦄꦨꦿꦲꦩ꧀ ꦆꦱꦏ꧀ꦭꦤ꧀ꦪꦏꦸꦧ꧀ꦏꦸꦮꦶ​ꦱꦲꦶꦏꦶ​ꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦃ​ꦮꦺꦴꦁ​ꦱꦶꦁ​ꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦭꦲꦸꦠ꧀ꦮꦺꦴꦁ​ꦲꦸꦫꦶꦥ꧀ꦠ​꧈​ꦩꦺꦴꦱꦺꦴꦏ꧀ꦮꦺꦴꦁ​ꦩꦠꦶ​?ꦢꦢꦶꦤꦺ​ꦧꦥ​ꦄꦨꦿꦲꦩ꧀ ꦆꦱꦏ꧀ꦭꦤ꧀ꦪꦏꦸꦧ꧀ꦏꦸꦮꦶ​ꦱꦲꦶꦏꦶ​ꦲꦸꦫꦶꦥ꧀ꦩꦼꦤꦺꦃ​꧉​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦥꦽꦕꦪ​ꦏꦸꦮꦶ​꧈​ꦏꦺꦴꦮꦺ​ꦗꦤ꧀​ꦏ꧀ꦭꦺꦫꦸ​ꦠꦼꦤꦤ꧀!”

꧋ꦮꦺꦠ꧀ꦱꦶꦁ​ꦒꦼꦢꦺꦢꦺꦮꦺ꧉​

²⁸꧋ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦏꦿꦸꦔꦸ​ꦲꦼꦁꦒꦺꦴꦤꦺ​ꦮꦺꦴꦁꦮꦺꦴꦁ​ꦥꦢ​ꦧꦤ꧀ꦠꦃꦧꦤ꧀ꦠꦃꦲꦤ꧀ꦭꦤ꧀ꦮꦺꦴꦁ​ꦲꦶꦏꦶ​ꦤꦶꦠꦺꦤ꧀ꦤꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦚꦲꦸꦂꦫꦶ​ꦮꦺꦴꦁꦮꦺꦴꦁ​ꦪ​ꦧꦼꦤꦼꦂ​ꦠꦼꦤꦤ꧀꧈​ꦒꦸꦫꦸ​ꦏꦶꦠꦧ꧀ꦲꦶꦏꦶ​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦏꦺꦴꦤ꧀ꦔꦺꦤꦺ​:“ꦮꦺꦠ꧀ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺ?” ²⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦠ꧀​ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺꦪ​ꦲꦶꦏꦶ​:'ꦫꦸꦔꦺꦴꦏ꧀ꦏꦏꦺ​ꦧꦁꦱ​ꦆꦱꦿꦌꦭ꧀ ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦲꦮꦏ꧀ꦏꦺ​ꦢꦺꦮꦺꦏꦸꦮꦶ​ꦱꦶꦗꦶ​꧉​ ³⁰ꦠꦿꦺꦱ꧀ꦤꦲꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦏ꧀ꦲꦠꦶꦩꦸ​ꦭꦤ꧀ꦚꦮꦫꦒꦩꦸ꧈​ꦏꦥꦶꦤ꧀ꦠꦼꦂꦫꦤ꧀ꦩꦸ​ ꦭꦤ꧀ꦏꦼꦏꦸꦮꦠ꧀ꦠꦤ꧀ꦩꦸ​ꦢꦶꦏꦁꦒꦺꦴꦏ꧀ꦤꦏꦁꦒꦺꦴ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉'​ ³¹ꦮꦺꦠ꧀ꦭꦶꦪꦤꦺ​ꦱꦶꦁ​ꦥꦼꦤ꧀ꦠꦶꦁ​ꦪ​ꦲꦶꦏꦶ​:'ꦠꦿꦺꦱ꧀ꦤꦲꦩꦫꦁ​ꦠꦸꦁꦒꦭ꧀ꦩꦤꦸꦁꦱ​ꦏꦪ​ꦲꦼꦁꦒꦺꦴꦤ꧀ꦩꦸ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦩꦸ​ꦢꦺꦮꦺ꧉'​ꦲꦺꦴꦫ​ꦲꦺꦤꦺꦁꦮꦺꦠ꧀ꦭꦶꦪꦤꦺ​ꦱꦶꦁ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦮꦺꦠ꧀ꦭꦺꦴꦫꦺꦴ​ꦲꦶꦏꦶ​꧉​” ³²꧋ꦒꦸꦫꦸ​ꦏꦶꦠꦧ꧀ꦩꦲꦸ​ꦱꦼꦩꦲꦸꦂ​:“ꦏꦺꦴꦮꦺ​ꦧꦼꦤꦼꦂ​꧈​ꦒꦸꦫꦸ​꧉​ꦥꦚ꧀ꦕꦺꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦩꦸꦁ​ꦱꦶꦗꦶ​꧈​ꦲꦺꦴꦫ​ꦲꦺꦤꦺꦁꦭꦶꦪꦤꦺ​꧉​ ³³ꦥꦚ꧀ꦕꦺꦤ꧀ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦤꦿꦺꦱ꧀ꦤꦤ꧀ꦤꦶꦒꦸꦱ꧀ꦠꦶ​ꦄꦭ꧀ꦭꦃ​ꦱꦏ꧀ꦲꦠꦶꦤꦺ​꧈​ꦲꦶꦁ​ꦭꦲꦶꦂ​ꦭꦤ꧀ꦧꦠꦶꦤ꧀ꦭꦤ꧀ꦏꦫꦺꦴ​ꦱꦏ꧀ꦏꦺꦃꦲꦺꦏꦼꦏꦸꦮꦠ꧀ꦠꦤ꧀ꦤꦺ​꧉​ꦲꦸꦒ​ꦏꦸꦢꦸ​ꦠꦿꦺꦱ꧀ꦤꦩꦫꦁ​ꦭꦶꦪꦤꦺ​ꦏꦪ​ꦲꦼꦁꦒꦺꦴꦤꦺ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦏꦺ​ꦢꦺꦮꦺ꧉​ꦲꦶꦏꦸ​ꦥꦚ꧀ꦕꦺꦤ꧀ꦭꦸꦮꦶꦃ​ꦲꦥꦶꦏ꧀ꦠꦼꦤꦶꦩ꧀ꦧꦁꦲꦩ꧀ꦧꦼꦭꦺꦃ​ꦏꦺꦮꦤ꧀ꦭꦤ꧀ꦥꦮꦺꦃꦭꦶꦪꦭꦶꦪꦤꦺ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ³⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦤꦺꦏ꧀ꦒꦸꦫꦸ​ꦏꦶꦠꦧ꧀​ꦲꦶꦏꦶ​ꦱꦶꦁ​ꦱꦼꦩꦲꦸꦂ​ꦔ꧀ꦒꦼꦤꦃ​ꦭꦤ꧀ꦧꦼꦤꦼꦂ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​:“ꦏꦺꦴꦮꦺ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦲꦺꦴꦫ​ꦲꦺꦤꦺꦁꦱꦶꦁ​ꦮꦤꦶ​ꦠꦏꦺꦴꦤ꧀ꦲꦥꦲꦥ​ꦩꦼꦤꦺꦃ​꧉​

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦏꦿꦶꦱ꧀ꦡꦸꦱ꧀꧈​

³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦴꦁꦔꦺꦩꦸꦭꦁꦔꦶꦤꦁꦒꦿꦺꦗ​ꦒꦼꦢꦺꦒꦼꦤ꧀ꦠꦺꦤ꧀ꦤꦤ꧀ꦠꦏꦺꦴꦤ꧀:“ꦭꦃ​ꦒꦸꦫꦸꦒꦸꦫꦸ​ꦏꦶꦠꦧ꧀ꦏꦺꦴꦏ꧀ꦔꦺꦴꦩꦺꦴꦁꦤꦺꦏ꧀ꦏꦿꦶꦱ꧀ꦡꦸꦱ꧀ꦤꦩꦸꦁ​ꦩꦤꦸꦁꦱ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦢꦸꦢꦸ​ꦒꦸꦱ꧀ꦠꦶ​ꦄꦭ꧀ꦭꦃ​? ³⁶ꦫꦠꦸ​ꦣꦮ꦳ꦼꦢ꧀ꦢꦺꦮꦺꦭꦲꦸꦠ꧀ꦮꦶꦱ꧀ꦔꦺꦴꦩꦺꦴꦁꦔꦺꦤꦺ​ꦠ​꧈​ꦢꦺꦴꦁꦔꦺꦢꦺꦏ꧀ꦤꦺꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃꦲꦺ​ꦄꦭ꧀ꦭꦃ​:

‘ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶꦏꦸ​:
ꦩ꧀ꦧꦿꦺꦤꦺꦪꦚ꧀ꦗꦒꦺꦴꦁꦤꦁꦠꦼꦔꦼꦤ꧀ꦏꦸ​꧈​
ꦔꦤ꧀ꦠꦶ​ꦩꦸꦁꦱꦸꦃꦩꦸ​ꦮꦶꦱ꧀ꦠꦏ꧀ꦠꦼꦭꦸꦏ꧀ꦏꦏꦺꦏꦧꦺꦃ​꧉​’

³⁷ꦭꦃ​ꦫꦠꦸ​ꦣꦮ꦳ꦼꦢ꧀ꦢꦺꦮꦺꦔꦫꦤ꧀ꦤꦶ​ꦏꦿꦶꦱ꧀ꦡꦸꦱ꧀ꦏꦸꦮꦶ​ꦒꦸꦱ꧀ꦠꦶ​꧉​ꦩꦺꦴꦱꦺꦴꦏ꧀ꦏꦿꦶꦱ꧀ꦡꦸꦱ꧀ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀?” ꧋ꦮꦺꦴꦁ​ꦲꦺꦴꦏꦺꦃꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ³⁸ꦢꦺꦏ꧀ꦤꦺꦲꦸꦒ​ꦩꦸꦭꦁꦔꦶꦮꦺꦴꦁꦮꦺꦴꦁ​ꦔꦺꦤꦺ​:“ꦥꦢ​ꦱꦶꦁ​ꦲꦠꦶꦲꦠꦶꦏꦫꦺꦴ​ꦥꦫ​ꦒꦸꦫꦸ​ꦏꦶꦠꦧ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦤꦩꦸꦁ​ꦱꦼꦤꦼꦁ​ꦩ꧀ꦭꦏꦸꦩ꧀ꦭꦏꦸ​ꦔꦁꦒꦺꦴ​ꦱꦭꦶꦤ꧀ꦏꦪ​ꦮꦺꦴꦁ​ꦱꦶꦁ​ꦒꦼꦢꦺꦥꦁꦏꦠ꧀ꦠꦺ​꧉​ꦤꦺꦏ꧀ꦤꦁꦥꦱꦂ​ꦚ꧀ꦗꦭꦸꦏ꧀ꦢꦶꦒꦠꦺꦏ꧀ꦏꦏꦺꦭꦤ꧀ꦢꦶꦲꦗꦺꦤ꧀ꦤꦶ​ꦏꦫꦺꦴ​ꦮꦺꦴꦁ​ꦭꦶꦪꦤꦺ​꧉​ ³⁹ꦤꦺꦏ꧀ꦤꦁꦱꦶꦤꦒꦸꦏ꧀ꦲꦥ​ꦤꦁꦏꦸꦩ꧀ꦥꦸꦭ꧀ꦭꦤ꧀ꦥꦺꦱ꧀ꦠ​ꦚ꧀ꦗꦒꦺꦴꦁꦔꦺꦤꦁꦔꦉꦥ꧀ꦢꦺꦮꦺ꧉​ ⁴⁰ꦥꦢ​ꦱꦼꦤꦼꦁ​ꦭꦤ꧀ꦥꦶꦤ꧀ꦠꦼꦂ​ꦔꦿꦩ꧀ꦥꦱ꧀ꦱꦶ​ꦲꦺꦴꦩꦃꦲꦺ​ꦫꦤ꧀ꦢꦫꦤ꧀ꦢꦠꦼꦫꦸꦱ꧀ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦤ꧀ꦢꦺꦴꦁꦔꦱꦸꦮꦶꦏꦁꦒꦺꦴ​ꦤꦸꦠꦸꦥ꧀ꦥꦶ​ꦏ꧀ꦭꦏꦸꦮꦤ꧀ꦤꦺ​꧉​ꦮꦺꦴꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦧꦏꦭ꧀ꦲꦺꦤ꧀ꦠꦸꦏ꧀ꦱꦼꦠꦿꦥꦤ꧀ꦱꦶꦁ​ꦭꦸꦮꦶꦃ​ꦲꦧꦺꦴꦠ꧀꧈​”

꧋ꦥꦮꦺꦃꦲꦺ​ꦲꦩ꧀ꦧꦺꦴꦏ꧀ꦫꦤ꧀ꦢ꧉​

⁴¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦤꦁꦔꦉꦥ꧀ꦥꦺ​ꦮꦢꦃꦢꦸꦮꦶꦠ꧀ꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​꧉​ꦢꦺꦏ꧀ꦤꦺꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔ꧀ꦊꦧꦺꦴꦏ꧀ꦏꦏꦺꦥꦮꦺꦃꦲꦺ​꧉​ꦲꦺꦴꦏꦺꦃꦮꦺꦴꦁ​ꦱꦸꦒꦶꦃ​ꦥꦢ​ꦔ꧀ꦊꦧꦺꦴꦏ꧀ꦏꦏꦺꦢꦸꦮꦶꦠ꧀ꦠꦺ꧉​ꦮꦺꦴꦁꦮꦺꦴꦁ​ꦲꦶꦏꦶ​ꦥꦮꦺꦃꦲꦺ​ꦪ​ꦲꦺꦴꦫ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​ ⁴²ꦠꦼꦫꦸꦱ꧀ꦲꦺꦤꦺꦁꦫꦤ꧀ꦢꦩ꧀ꦭꦫꦠ꧀​ꦔ꧀ꦊꦧꦺꦴꦏ꧀ꦏꦏꦺꦫꦺꦕꦺꦃ​ꦭꦺꦴꦫꦺꦴ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀ꦲꦗꦶꦤꦺ​꧉​ ⁴³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:“ꦥꦢ​ꦔꦼꦂꦠꦶꦪ​꧈​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦫꦤ꧀ꦢꦩ꧀ꦭꦫꦠ꧀ꦲꦶꦏꦸ​ꦥꦮꦺꦃꦱꦶꦁ​ꦲꦺꦴꦏꦺꦃꦢꦺꦮꦺꦠꦼꦤꦶꦩ꧀ꦧꦁꦭꦶꦪꦭꦶꦪꦤꦺ​꧉​ ⁴⁴ꦲꦮꦶꦠ꧀ꦮꦺꦴꦁ​ꦱꦶꦁ​ꦱꦸꦒꦶꦃ​ꦔꦼꦏꦺꦏ꧀ꦏꦶꦱꦁꦏꦏꦱꦸꦒꦶꦃꦲꦤ꧀ꦤꦺ​꧈​ꦤꦁꦔꦶꦁ​ꦫꦤ꧀ꦢꦲꦶꦏꦸ​ꦔꦼꦏꦺꦏ꧀ꦏꦶꦱꦁꦏꦏꦼꦩ꧀ꦭꦫꦠ꧀ꦠꦤ꧀ꦤꦺ​꧉​”

꧋ꦒꦿꦺꦗ​ꦒꦼꦢꦺ​ꦧꦏꦭ꧀ꦢꦶꦫꦸꦱꦏ꧀꧈​

꧇​꧑꧓꧇​ ¹꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦠꦸ​ꦱꦁꦏꦒꦿꦺꦗ​ꦒꦼꦢꦺ​ꦠꦼꦫꦸꦱ꧀ꦲꦺꦤꦺꦁꦩꦸꦫꦶꦢ꧀ꦱꦶꦁ​ꦔꦺꦴꦩꦺꦴꦁꦩꦫꦁ​ꦢꦺꦏ꧀ꦤꦺ:“ꦒꦸꦫꦸ​꧈​ꦢꦼꦭꦺꦴꦏ꧀ꦏꦼꦤ꧀ꦠ​꧈​ꦒꦿꦺꦗꦤꦺꦏꦸꦮꦶ​ꦗꦤ꧀​ꦔ꧀ꦒꦸꦩꦸꦤ꧀ꦤꦏꦺꦠꦼꦤꦤ꧀ꦲꦥꦶꦏ꧀ꦏꦺ​꧉​ꦢꦼꦭꦺꦴꦏ꧀ꦏꦼꦤ꧀ꦮꦠꦸꦮꦠꦸꦤꦺ​ꦒꦼꦢꦺꦤꦺ!” ²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦮꦼꦫꦸꦃ​ꦒꦿꦺꦗ​ꦒꦼꦢꦺꦲꦶꦏꦶ​ꦠ​?ꦧꦏꦭ꧀ꦭꦺ​ꦲꦺꦴꦫ​ꦲꦺꦤꦺꦁꦮꦠꦸ​ꦱꦶꦗꦶ​ꦮꦲꦺ​ꦠꦼꦩꦸꦩ꧀ꦥꦁ​ꦭꦶꦪꦤꦺ​꧉​ꦏꦧꦺꦃ​ꦧꦏꦭ꧀ꦲꦩ꧀ꦧꦿꦸꦏ꧀ꦫꦠ​ꦊꦩꦃ​꧉​”

꧋ꦧꦧ꧀ꦱꦏ꧀ꦮꦼꦂꦤꦤꦺ​ꦏꦫꦸꦱꦏ꧀ꦏꦤ꧀ꦭꦤ꧀ꦏꦱꦁꦱꦫꦤ꧀ꦤꦁꦗꦒꦠ꧀꧈​

³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦤꦁꦒꦸꦤꦸꦁ​ꦎꦭꦺꦥ꦳꧀ ꦲꦢꦼꦥ꧀ꦥꦢꦼꦥ꧀ꦥꦤ꧀ꦏꦫꦺꦴ​ꦒꦿꦺꦗ​ꦒꦼꦢꦺ꧉​ꦤꦁꦏꦺꦴꦤꦺꦴ​ꦫꦱꦸꦭ꧀ꦦꦺꦠꦿꦸꦱ꧀ ꦪꦏꦺꦴꦧꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦄꦤ꧀ꦢꦿꦺꦪꦱ꧀ꦠꦼꦫꦸꦱ꧀ꦩꦫ​ꦭꦤ꧀ꦠꦏꦺꦴꦤ꧀: ⁴“ꦒꦸꦱ꧀ꦠꦶ​꧈​ꦏꦥꦤ꧀ꦱꦼꦩ꧀ꦧꦫꦁꦩ꧀ꦧꦫꦁꦏꦸꦮꦶ​ꦧꦏꦭ꧀​ꦏ꧀ꦭꦏꦺꦴꦤ꧀ꦭꦤ꧀ꦏꦼꦥꦿꦶꦪꦺ​ꦲꦮꦏ꧀ꦏꦺ​ꦢꦺꦮꦺꦧꦶꦱꦤꦺ​ꦔꦼꦂꦠꦶ​ꦤꦺꦏ꧀ꦮꦶꦱ꧀ꦠꦼꦏꦤ꧀ꦮꦚ꧀ꦕꦶꦤꦺ​?ꦲꦥ​ꦠꦤ꧀ꦢꦤꦺ?” ⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦥꦢ​ꦱꦶꦁ​ꦲꦠꦶꦲꦠꦶ꧉​ꦲꦗ​ꦱꦩ꧀ꦥꦺꦏ꧀ꦏꦺꦴꦮꦺ​ꦢꦶꦲꦥꦸꦱ꧀ꦱꦶ​ꦭꦤ꧀ꦢꦶꦱꦱꦂꦫꦏꦺꦮꦺꦴꦁ​꧉​ ⁶ꦲꦺꦴꦏꦺꦃꦮꦺꦴꦁ​ꦧꦏꦭ꧀ꦠꦼꦏ​ꦔꦁꦒꦺꦴ​ꦗꦼꦤꦼꦁꦏꦸ​ꦔꦺꦴꦩꦺꦴꦁ:'ꦪ​ꦲꦏꦸ​ꦲꦶꦏꦶ​ꦏꦿꦶꦱ꧀ꦡꦸꦱ꧀!’ꦲꦺꦴꦏꦺꦃꦮꦺꦴꦁ​ꦱꦶꦁ​ ꦧꦏꦭ꧀ꦢꦶꦲꦥꦸꦱ꧀ꦱꦶ​꧉​ ⁷ꦤꦺꦏ꧀ꦏꦺꦴꦮꦺ​ꦏꦿꦸꦔꦸ​ꦲꦺꦤꦺꦁꦥꦺꦫꦁꦔꦤ꧀ꦭꦤ꧀ꦏꦧꦂꦏꦧꦂꦤꦺꦏ꧀ꦧꦏꦭ꧀ꦲꦺꦤꦺꦁꦥꦺꦫꦁꦔꦤ꧀ ꦲꦗ​ꦥꦢ​ꦏꦒꦺꦠ꧀꧈​ꦏꦸꦮꦶ​ꦏꦧꦺꦃ​ꦏꦸꦢꦸ​ꦏ꧀ꦭꦏꦺꦴꦤ꧀ ꦤꦁꦔꦶꦁ​ꦲꦶꦏꦸ​ꦢꦸꦫꦸꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧉​ ⁸ꦲꦮꦶꦠ꧀ꦧꦁꦱ​ꦱꦶꦁ​ꦱꦶꦗꦶ​ꦧꦏꦭ꧀​ꦔ꧀ꦭꦮꦤ꧀ꦧꦁꦱ​ꦭꦶꦪꦤꦺ​ꦭꦤ꧀ꦤꦼꦒꦫ​ꦱꦶꦁ​ꦱꦶꦗꦶ​ꦧꦏꦭ꧀ꦥꦼꦫꦁ​ꦔ꧀ꦭꦮꦤ꧀ꦤꦼꦒꦫ​ꦭꦶꦪꦤꦺ​꧉​ꦲꦸꦒ​ꦧꦏꦭ꧀ꦲꦺꦤꦺꦁꦭꦶꦤ꧀ꦢꦸꦭꦤ꧀ꦏꦼꦏꦸꦫꦁꦔꦤ꧀ꦥꦔꦤ꧀ꦤꦁꦥꦶꦫꦁꦥꦶꦫꦁ​ꦥꦁꦒꦺꦴꦤ꧀ꦤꦤ꧀꧈​ꦤꦁꦔꦶꦁ​ꦏꦸꦮꦶ​ꦲꦶꦗꦶꦏ꧀ꦮꦶꦮꦶꦠ꧀ꦠꦤ꧀ꦤꦺ​ꦮꦲꦺ​꧈​ꦏꦪ​ꦮꦺꦴꦁ​ꦮꦺꦢꦺꦴꦏ꧀ꦤꦺꦏ꧀​ꦔ꧀ꦭꦫꦤꦶ​ꦏꦲꦺ​ꦤꦺꦏ꧀ꦲꦉꦥ꧀​ꦩ꧀ꦧꦪꦶ꧉​ ⁹꧋“ꦥꦢ​ꦱꦶꦁ​ꦲꦠꦶꦲꦠꦶ꧉​ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦢꦶꦱꦺꦫꦺꦠ꧀ꦤꦁꦔꦉꦥ꧀ꦏꦿꦸꦠꦺꦴꦤ꧀ꦭꦤ꧀ꦧꦏꦭ꧀ꦢꦶꦥꦼꦤ꧀ꦠꦸꦁꦔꦶꦤꦁꦱꦶꦤꦒꦸꦏ꧀꧈​ꦏꦺꦴꦮꦺ​ꦧꦏꦭ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦒꦿꦩꦁꦭꦤ꧀ꦫꦠꦸ​ꦏꦺꦴꦁꦏꦺꦴꦤ꧀ꦔꦼꦏꦺꦏ꧀ꦏꦶꦥꦱꦼꦏ꧀ꦱꦶ​ꦏꦁꦒꦺꦴ​ꦲꦏꦸ​꧉​ ¹⁰ꦥꦚ꧀ꦕꦺꦤ꧀ ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦢꦸ​ꦢꦶꦒꦼꦭꦂꦫꦏꦺꦤ꧀ꦢꦶꦱꦶꦏ꧀ꦩꦫꦁ​ꦱꦧꦼꦤ꧀ꦧꦁꦱ​꧉​ ¹¹ꦤꦺꦏ꧀ꦏꦺꦴꦮꦺ​ꦢꦶꦕꦼꦏꦼꦭ꧀ꦭꦤ꧀ꦢꦶꦒꦮ​ꦤꦁꦔꦉꦥ꧀ꦏꦿꦸꦠꦺꦴꦤ꧀ ꦲꦗ​ꦥꦢ​ꦧꦶꦔꦸꦁ​ꦧꦧ꧀ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​;ꦫꦺꦴꦃ​ꦱꦸꦕꦶ​ꦢꦺꦮꦺꦱꦶꦁ​ꦧꦏꦭ꧀ꦔꦼꦏꦺꦏ꧀ꦏꦶꦠꦼꦩ꧀ꦧꦸꦁ​ꦲꦶꦁ​ꦲꦠꦶꦩꦸ​ꦲꦶꦁ​ꦮꦚ꧀ꦕꦶ​ꦏꦸꦮꦶ​꧉​ꦏꦸꦮꦶ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁꦔꦏꦺ꧉​ ¹²ꦱꦼꦢꦸꦭꦸꦂ​ꦧꦏꦭ꧀ꦔꦤ꧀ꦢꦏ꧀ꦏꦏꦺꦱꦼꦢꦸꦭꦸꦂꦫꦺ​ꦢꦺꦮꦺꦭꦤ꧀ꦧꦥꦏ꧀ꦧꦏꦭ꧀ꦔꦤ꧀ꦢꦏ꧀ꦏꦏꦺꦲꦤꦏ꧀ꦏꦺ​ꦢꦺꦮꦺꦱꦸꦥꦪ​ꦢꦶꦥꦠꦺꦤ꧀ꦤꦶ​꧉​ꦲꦤꦏ꧀ꦲꦤꦏ꧀ꦧꦏꦭ꧀​ꦔ꧀ꦭꦮꦤ꧀ꦭꦤ꧀ꦔꦤ꧀ꦢꦏ꧀ꦏꦏꦺꦮꦺꦴꦁ​ꦠꦸꦮꦤꦺ​ꦱꦸꦥꦪ​ꦢꦶꦥꦠꦺꦤ꧀ꦤꦶ​꧉​ ¹³ꦮꦺꦴꦁ​ꦏꦧꦺꦃ​ꦧꦏꦭ꧀ꦚꦼꦔꦶꦠ꧀ꦠꦶ​ꦏꦺꦴꦮꦺ​ꦗꦭꦂꦫꦤ꧀ꦏꦺꦴꦮꦺ​ꦤꦸꦫꦸꦠ꧀ꦲꦏꦸ​꧉​ꦤꦁꦔꦶꦁ​ꦱꦥ​ꦱꦶꦁ​ꦩꦤ꧀ꦠꦼꦥ꧀ꦠꦼꦫꦸꦱ꧀ꦠꦼꦏꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺ꧈​ꦏꦸꦮꦶ​ꦱꦶꦁ​ꦧꦏꦭ꧀ꦱ꧀ꦭꦩꦼꦠ꧀꧈​”

꧋ꦧꦧ꧀ꦏꦱꦸꦱꦃꦲꦤ꧀ꦱꦶꦁ​ꦒꦼꦢꦺꦭꦤ꧀ꦏꦿꦶꦱ꧀ꦡꦸꦱ꧀ꦏꦿꦶꦱ꧀ꦡꦸꦱ꧀ꦱꦶꦁ​ꦥꦭ꧀ꦱꦸ​꧉​

¹⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦔ꧀ꦒꦼꦒꦶꦭꦤ꧀ꦤꦺꦏꦫꦸꦱꦏ꧀ꦏꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦢꦸꦢꦸ​ꦥꦁꦒꦺꦴꦤ꧀ꦤꦤ꧀ꦤꦺ​꧉​꧌ꦱꦶꦁ​ꦥꦢ​ꦩꦕ​ꦲꦶꦏꦶ​ꦩꦶꦏꦶꦂꦫ​ꦱꦶꦁ​ꦲꦥꦶꦏ꧀ꦱꦸꦥꦪ​ꦧꦶꦱ​ꦢꦸꦤꦸꦁ꧉​)ꦮꦺꦴꦁꦮꦺꦴꦁ​ꦱꦶꦁ​ꦤꦁꦪꦸꦢꦺꦪ​ꦩ꧀​ꦧ꧀ꦭꦪꦸꦤꦺꦤꦁꦒꦸꦤꦸꦁꦒꦸꦤꦸꦁ​꧈​ꦱꦸꦥꦪ​ꦏꦺꦴꦮꦺ​ꦲꦗ​ꦱꦩ꧀ꦥꦺꦏ꧀ꦢꦶꦥꦠꦺꦤ꧀ꦤꦶ​꧉​ ¹⁵ꦮꦺꦴꦁꦮꦺꦴꦁ​ꦱꦶꦁ​ꦤꦁꦤ꧀ꦢꦸꦮꦸꦂꦲꦺꦴꦩꦃ​ꦲꦗ​ꦥꦢ​ꦩꦼꦢꦸꦤ꧀꧈​ꦲꦗ​ꦥꦢ​ꦩ꧀ꦊꦧꦸ​ꦚ꧀ꦗꦶꦏꦸꦏ꧀ꦲꦥꦲꦥ​꧉​ ¹⁶ꦱꦶꦁ​ꦲꦶꦗꦶꦏ꧀ꦤꦁꦏꦼꦧꦺꦴꦤ꧀ ꦲꦗ​ꦩꦸꦭꦶꦃ​ꦚ꧀ꦗꦶꦏꦸꦏ꧀ꦱꦭꦶꦤ꧀꧈​ ¹⁷ꦩꦼꦭꦱ꧀ꦱꦏꦺꦧꦔꦼꦠ꧀ꦧꦏꦭ꧀ꦭꦺ​ꦮꦪꦃ​ꦏꦸꦮꦶ​ꦏꦁꦒꦺꦴ​ꦮꦺꦴꦁ​ꦱꦶꦁ​ꦩꦼꦠꦼꦁ​ꦭꦤ꧀ꦱꦶꦁ​ꦤ꧀ꦢꦸꦮꦺꦧꦪꦶ​꧉​ ¹⁸ꦤ꧀ꦢꦺꦴꦔꦲ​ꦱꦸꦥꦪ​ꦱꦼꦩ꧀ꦧꦫꦁ​ꦲꦶꦏꦶ​ꦲꦗ​ꦱꦩ꧀ꦥꦺꦏ꧀ꦠꦶꦧ​ꦮꦪꦃꦲꦺ​ꦲꦢꦼꦩ꧀ꦒꦼꦢꦺ꧉​ ¹⁹ꦲꦮꦶꦠ꧀ꦧꦏꦭ꧀ꦲꦺꦤꦺꦁꦏꦱꦸꦱꦃꦲꦤ꧀ꦒꦼꦢꦺꦧꦔꦼꦠ꧀꧈​ꦏꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦒꦮꦺ​ꦗꦒꦠ꧀ꦲꦶꦏꦶ​ꦠꦼꦏꦤꦺ​ꦱꦲꦶꦏꦶ​ꦢꦸꦫꦸꦁ​ꦠꦲꦸ​ꦲꦺꦤꦺꦁꦏꦱꦁꦱꦫꦤ꧀ꦏꦪ​ꦔꦺꦴꦤꦺꦴ​ꦒꦼꦢꦺꦤꦺꦭꦤ꧀ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦪ​ꦲꦺꦴꦫ​ꦧꦏꦭ꧀ꦲꦺꦤꦺꦁꦭꦶꦪꦤꦺ​ꦱꦶꦁ​ꦔꦸꦁꦏꦸꦭ꧀ꦭꦶ​ꦏꦸꦮꦶ​ꦒꦼꦢꦺꦤꦺ꧉​ ²⁰ꦱꦼꦩꦸꦁꦒꦺꦴꦤ꧀ꦤꦺꦏꦱꦸꦱꦃꦲꦤ꧀ꦏꦸꦮꦶ​ꦲꦺꦴꦫ​ꦢꦶꦕꦼꦏꦏ꧀ꦏꦏꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦼꦱ꧀ꦠꦶꦪ​ꦲꦺꦴꦫ​ꦧꦏꦭ꧀ꦲꦺꦤꦺꦁꦮꦺꦴꦁ​ꦱꦶꦗꦶ​ꦮꦲꦺ​ꦱꦶꦁ​ꦱ꧀ꦭꦩꦼꦠ꧀꧈​ꦤꦁꦔꦶꦁ​ꦗꦭꦂꦫꦤ꧀ꦩꦼꦭꦱ꧀ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦚꦼꦏꦏ꧀ꦏꦏꦺꦮꦪꦃ​ꦏꦱꦁꦱꦫꦤ꧀ꦏꦸꦮꦶ​꧉​ ²¹꧋“ꦭꦤ꧀ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁ:'ꦪ​ꦲꦶꦏꦶ​ꦏꦿꦶꦱ꧀ꦡꦸꦱ꧀꧈'​ꦲꦥ​'ꦪ​ꦏꦲꦺ​ꦏꦿꦶꦱ꧀ꦡꦸꦱ꧀꧈'​ꦲꦗ​ꦥꦢ​ꦔꦤ꧀ꦢꦼꦭ꧀꧈​ ²²ꦲꦮꦶꦠ꧀ꦲꦺꦴꦏꦺꦃꦮꦺꦴꦁ​ꦧꦏꦭ꧀ꦠꦼꦏ​ꦔꦺꦴꦩꦺꦴꦁ:'ꦲꦏꦸ​ꦲꦶꦏꦶ​ꦏꦿꦶꦱ꧀ꦡꦸꦱ꧀꧈'​ꦲꦥ​'ꦲꦏꦸ​ꦲꦶꦏꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈'​ꦤꦁꦔꦶꦁ​ꦮꦸꦗꦸꦠ꧀ꦠꦺꦢꦸꦢꦸ​ꦭꦤ꧀ꦤꦩꦸꦁ​ꦔꦥꦸꦱ꧀ꦱꦶ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀​ꦔ꧀ꦒꦮꦺ​ꦠꦤ꧀ꦢꦠꦤ꧀ꦢꦭꦤ꧀ꦩꦸꦗꦶꦗꦠ꧀ꦩꦸꦗꦶꦗꦠ꧀꧈​ꦠꦸꦗꦸꦮꦤ꧀ꦤꦺꦤꦩꦸꦁ​ꦏꦁꦒꦺꦴ​ꦚꦤ꧀ꦢꦶꦁꦏꦺꦴꦮꦺ​꧉​ꦱꦼꦩꦸꦁꦒꦺꦴꦤ꧀ꦤꦺꦧꦶꦱ​ꦔꦺꦴꦤꦺꦴ​ꦪ​ꦲꦉꦥ꧀ꦚꦤ꧀ꦢꦶꦁꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦩ꧀ꦧꦫꦁ​꧉​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​ ²³ꦩꦸꦭꦤꦺ​ꦥꦢ​ꦱꦶꦁ​ꦲꦮꦱ꧀ꦭꦤ꧀ꦲꦠꦶꦲꦠꦶ꧈​ꦲꦮꦶꦠ꧀ꦏꦺꦴꦮꦺ​ꦮꦶꦱ꧀ꦠꦏ꧀ꦲꦺꦴꦩꦺꦴꦁꦔꦶꦱꦏ꧀ꦢꦸꦫꦸꦁꦔꦺꦧꦧ꧀ꦱꦼꦩ꧀ꦧꦫꦁꦩ꧀ꦧꦫꦁꦏꦸꦮꦶ​꧉​”

꧋ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​

²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦏ꧀ꦮꦶꦱ꧀ꦱꦺ​ꦮꦏ꧀ꦠꦸ​ꦏꦱꦸꦱꦃꦲꦤ꧀ꦒꦼꦢꦺꦏꦸꦮꦶ​꧈​ꦱꦽꦔꦺꦔꦺ​ꦧꦏꦭ꧀ꦩꦭꦶꦃ​ꦥꦼꦠꦼꦁ​ꦭꦤ꧀​ꦩ꧀ꦧꦸꦭꦤ꧀ꦤꦺꦲꦺꦴꦫ​ꦧꦏꦭ꧀ꦱꦼꦩ꧀ꦭꦺꦴꦫꦺꦴꦠ꧀ꦩꦼꦤꦺꦃ​꧉​ ²⁵ꦭꦶꦤ꧀ꦠꦁꦭꦶꦤ꧀ꦠꦁ​ꦧꦏꦭ꧀ꦠꦶꦧ​ꦱꦁꦏꦭꦔꦶꦠ꧀ꦭꦤ꧀ꦥꦔ꧀ꦮꦱꦥꦔ꧀ꦮꦱ​ꦤꦁꦭꦔꦶꦠ꧀ꦧꦏꦭ꧀ꦲ꦳ꦺꦴꦪꦏ꧀ꦏꦧꦺꦃ​꧉​ ²⁶ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦏꦧꦺꦃ​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦔꦺꦠꦺꦴꦏ꧀ꦤꦁꦩꦺꦒ​꧉​ꦏꦧꦺꦃ​ꦧꦏꦭ꧀ꦮꦼꦫꦸꦃ​ꦒꦼꦢꦺꦤꦺꦏ꧀ꦮꦱꦤꦺ​ꦱꦶꦁ​ꦱꦼꦩ꧀ꦭꦺꦴꦫꦺꦴꦠ꧀ꦔꦁꦒꦺꦴ​ꦥꦼꦥꦢꦁꦔꦺꦱ꧀ꦮꦂꦒ​꧉​ ²⁷ꦢꦺꦏ꧀ꦤꦺꦧꦏꦭ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦩꦸꦭꦺꦏꦠ꧀ꦠꦺꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​꧈​ꦱꦁꦏꦮꦺꦠꦤ꧀ ꦏꦸꦭꦺꦴꦤ꧀ ꦭꦺꦴꦂꦭꦤ꧀ꦏꦶꦢꦸꦭ꧀ ꦱꦁꦏꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦧꦸꦩꦶ​ꦭꦤ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦭꦔꦶꦠ꧀꧈​”

꧋ꦥꦶꦮꦸꦭꦁ​ꦱꦁꦏꦮꦶꦠ꧀ꦲꦚ꧀ꦗꦶꦂ​꧉​

²⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦲꦩ꧀ꦧꦺꦴꦏ꧀ꦢꦶꦠꦶꦠꦺꦤ꧀ꦤꦶ​ꦮꦶꦠ꧀ꦲꦚ꧀ꦗꦶꦂ​ꦏꦲꦺ​꧉​ꦤꦺꦏ꧀ꦥꦁꦔꦺ​ ꦩꦺꦴꦭꦃꦲꦶꦲꦶꦗꦺꦴ​ꦭꦤ꧀ꦩꦼꦩꦼꦱ꧀ꦭꦤ꧀ꦩꦼꦠꦸ​ꦒꦺꦴꦢꦺꦴꦁꦔꦺ​꧈​ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦮꦪꦃ​ꦥꦤꦱ꧀ꦮꦶꦱ꧀ꦕꦼꦢꦼꦏ꧀​꧉​ ²⁹ꦏꦪ​ꦔꦺꦴꦤꦺꦴ​ꦲꦸꦒ​꧈​ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦏꦧꦺꦃ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦩꦲꦸ​ꦩꦺꦴꦭꦃꦲꦶꦏ꧀ꦭꦏꦺꦴꦤ꧀ ꦔꦼꦂꦠꦶꦪ​ꦤꦺꦏ꧀ꦮꦶꦱ꧀ꦕꦼꦢꦼꦏ꧀​ꦧꦔꦼꦠ꧀ꦮꦚ꧀ꦕꦶꦤꦺ​ꦲꦼꦁꦒꦺꦴꦤ꧀ꦏꦸ​ꦧꦏꦭ꧀ꦠꦼꦏ​꧉​ ³⁰ꦥꦢ​ꦢꦶꦠꦶꦠꦺꦤ꧀ꦤꦶ​!ꦏꦺꦴꦮꦺ​ꦧꦏꦭ꧀ꦩꦼꦤꦁꦔꦶ​ꦏꦧꦺꦃ​ꦲꦶꦏꦶ​ꦏ꧀ꦭꦏꦺꦴꦤ꧀꧈​ ³¹ꦭꦔꦶꦠ꧀ꦭꦤ꧀ꦧꦸꦩꦶ​ꦲꦶꦏꦶ​ꦧꦏꦭ꧀ꦲꦶꦭꦁ​꧈​ꦤꦁꦔꦶꦁ​ꦠꦼꦩ꧀ꦧꦸꦁꦏꦸ​ꦧꦏꦭ꧀ꦲꦺꦤꦺꦁꦠꦼꦫꦸꦱ꧀ ꦱ꧀ꦭꦮꦱ꧀ꦭꦮꦱ꧀ꦱꦺ꧉​ ³²꧋“ꦤꦁꦔꦶꦁ​ꦪꦏꦸꦮꦶ​꧈​ꦧꦧ꧀ꦏꦥꦤ꧀ꦧꦏꦭ꧀ꦭꦺ​ꦏ꧀ꦭꦏꦺꦴꦤ꧀ ꦲꦺꦴꦫ​ꦲꦺꦤꦺꦁꦮꦺꦴꦁ​ꦔꦼꦂꦠꦶ​꧉​ꦩꦸꦭꦺꦏꦠ꧀ꦩꦸꦭꦺꦏꦠ꧀ꦤꦁꦱ꧀ꦮꦂꦒ​ꦪ​ꦲꦺꦴꦫ​ꦔꦼꦂꦠꦶ​ꦭꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦲꦺꦴꦫ​ꦔꦼꦂꦠꦶ​꧉​ꦱꦶꦁ​ꦔꦼꦂꦠꦶ​ꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧉​ ³³ꦩꦸꦭꦤꦺ​꧈​ꦥꦢ​ꦱꦶꦁ​ꦲꦮꦱ꧀ꦭꦤ꧀ꦱꦶꦁ​ꦲꦠꦶꦲꦠꦶ꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦏꦥꦤ꧀ꦧꦏꦭ꧀ꦭꦺ​ꦏ꧀ꦭꦏꦺꦴꦤ꧀꧈​ ³⁴ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦤꦺꦏ꧀ꦲꦉꦥ꧀ꦭꦸꦔ​ꦲꦢꦺꦴꦃ​ꦏꦲꦺ​꧉​ꦢꦺꦏ꧀ꦤꦺꦭꦸꦔ​ꦭꦤ꧀ꦱꦼꦩ꧀ꦧꦫꦁꦔꦺꦢꦶꦥꦱꦿꦃꦲꦏꦺꦩꦫꦁ​ꦥꦫ​ꦥꦼꦭꦢꦺꦤ꧀ꦤꦺ​꧉​ꦏꦧꦺꦃ​ꦢꦶꦥꦿꦺꦤ꧀ꦠꦃ​ꦭꦤ꧀ꦢꦶꦏꦺꦏ꧀ꦏꦶꦧꦒꦺꦪꦤ꧀ꦢꦺꦮꦺꦢꦺꦮꦺ꧉​ꦲꦸꦒ​ꦱꦶꦁ​ꦗꦒ​ꦭꦮꦁ​ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦩꦼꦭꦺꦏ꧀ꦲꦗ​ꦱꦩ꧀ꦥꦺꦏ꧀ꦔꦤ꧀ꦠꦸꦏ꧀꧈​ ³⁵ꦩꦸꦭꦤꦺ​꧈​ꦥꦢ​ꦩꦼꦭꦺꦏ꧀ꦏ​ꦭꦤ꧀ꦱꦶꦁ​ꦲꦮꦱ꧀ ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦏꦥꦤ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦩꦲꦸ​ꦧꦏꦭ꧀ꦭꦺ​ꦠꦼꦏ​꧈​ꦮꦪꦃ​ꦱꦺꦴꦫꦺ​꧈​ꦠꦼꦔꦃ​ꦮꦼꦔꦶ​꧈​ꦮꦪꦃ​ꦗꦒꦺꦴ​ꦏ꧀ꦭꦸꦫꦸꦏ꧀ ꦲꦥ​ꦮꦪꦃ​ꦲꦺꦱꦸꦏ꧀꧈​ ³⁶ꦲꦗ​ꦱꦩ꧀ꦥꦺꦏ꧀ ꦤꦺꦏ꧀ꦢꦺꦏ꧀ꦤꦺꦠꦼꦏ​ꦢꦢꦏ꧀ꦏꦤ꧀ ꦠꦼꦫꦸꦱ꧀ꦤꦼꦩꦸ​ꦏꦺꦴꦮꦺ​ꦲꦶꦗꦶꦏ꧀ꦠꦸꦫꦸ​꧉​ ³⁷ꦩꦸꦭꦤꦺ​ꦱꦲꦶꦏꦶ​ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​ꦏꦧꦺꦃ​:'ꦥꦢ​ꦩꦼꦭꦺꦏ꧀ꦏ​ꦭꦤ꧀ꦱꦶꦁ​ꦗꦒꦗꦒ​꧉​’”

꧋ꦥꦸꦠꦸꦱ꧀ꦱꦤ꧀ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧑꧔꧇​ ¹꧋ꦫꦺꦴꦁ​ꦢꦶꦤ​ꦩꦼꦤꦺꦃ​ꦮꦶꦱ꧀ꦮꦪꦃꦲꦺ​ꦥꦱ꧀ꦏꦃ​꧉​ꦲꦶꦁ​ꦢꦶꦤ​ꦥꦱ꧀ꦏꦃ​ꦏꦸꦮꦶ​ꦮꦺꦴꦁ​ꦙꦸꦥꦢ​ꦩꦁꦔꦤ꧀ꦫꦺꦴꦠꦶ​ꦱꦶꦁ​ꦲꦺꦴꦫ​ꦲꦺꦤꦺꦁꦫꦒꦶꦤꦺ​꧉​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦼꦁꦒꦺꦴꦤꦺ​ꦲꦉꦥ꧀ꦚꦼꦏꦼꦭ꧀ꦭꦤ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦤ꧀ꦥ​ꦮꦺꦴꦁꦮꦺꦴꦁ​ꦔꦼꦂꦠꦶ​꧉​ ²ꦩꦸꦭꦤꦺ​ꦥꦢ​ꦔꦺꦴꦩꦺꦴꦁ:“ꦲꦗ​ꦮꦪꦃꦲꦺ​ꦥꦱ꧀ꦏꦃ​꧈​ꦩꦼꦁꦏꦺꦴ​ꦤ꧀ꦢꦏ꧀ꦩꦫꦏ꧀ꦏꦏꦺꦫꦩꦺ​ꦭꦤ꧀ꦒꦺꦒꦺꦂꦫꦤ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦲꦸꦱꦥ꧀ꦥꦶ​ꦊꦔ​ꦮꦔꦶ​ꦱꦶꦁ​ꦭꦫꦁ​꧉​

³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦤꦁꦢꦺꦱ​ꦨꦺꦠꦤꦶ꧈​ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ꦱꦶꦁ​ꦩꦲꦸꦤꦺ​ꦭꦫ​ꦭꦺꦥꦿ​꧉​ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦗꦒꦺꦴꦁꦔꦤ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦠꦼꦏ​ꦔ꧀ꦒꦮ​ꦧꦺꦴꦠꦺꦴꦭ꧀ꦲꦶꦱꦶꦤꦺ​ꦊꦔ​ꦮꦔꦶ​ꦠꦸꦱ꧀ꦱꦶꦁ​ꦭꦫꦁ​ꦧꦔꦼꦠ꧀ꦉꦒꦤꦺ​꧉​ꦊꦔ​ꦮꦔꦶ​ꦲꦶꦏꦶ​ꦱꦶꦁ​ꦢꦶꦒꦮꦺ​ꦲꦺꦴꦪꦺꦴꦠ꧀ꦠꦺꦴꦪꦺꦴꦠ꧀ꦠꦺꦠꦤ꧀ꦢꦸꦂꦫꦤ꧀ꦤꦂꦢꦸꦱ꧀꧈​ꦧꦺꦴꦠꦺꦴꦭꦺ​ꦠꦼꦫꦸꦱ꧀ꦢꦶꦥꦼꦕꦃ​ꦒꦸꦭꦸꦤꦺ​ꦭꦤ꧀ꦲꦶꦱꦶꦤꦺ​ꦢꦶꦲꦼꦱꦺꦴꦏ꧀ꦏꦏꦺꦤꦁꦱꦶꦫꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦫꦱꦤ꧀ꦫꦱꦤ꧀:“ꦭꦃ​ꦲꦥ​ꦗꦮꦤꦺꦊꦔ​ꦮꦔꦶ​ꦭꦫꦁꦭꦫꦁ​ꦏꦺꦴꦏ꧀ꦢꦶꦲꦼꦧꦿꦺꦃꦲꦼꦧꦿꦺꦃ​ꦔꦺꦴꦤꦺꦴ​? ⁵ꦱꦼꦩꦸꦁꦒꦺꦴꦤ꧀ꦤꦺꦢꦶꦲꦼꦢꦺꦴꦭ꧀ꦭꦲꦸꦠ꧀ꦥꦪꦸ​ꦲꦺꦴꦏꦺꦃꦠ​?ꦢꦸꦮꦶꦠ꧀ꦠꦺꦭꦲꦸꦠ꧀ꦪ​ꦏꦼꦤꦺꦁꦢꦶꦏꦺꦏ꧀ꦏꦏꦺꦮꦺꦴꦁ​ꦲꦺꦴꦫ​ꦤ꧀ꦢꦸꦮꦺꦠ​?”ꦮꦺꦴꦁꦮꦺꦴꦁ​ꦲꦶꦏꦶ​ꦠꦼꦫꦸꦱ꧀ꦚꦼꦤꦺꦤ꧀ꦤꦶꦮꦺꦴꦁ​ꦮꦺꦢꦺꦴꦏ꧀ꦏꦺ꧉​ ⁶꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦧꦺꦤ꧀ ꦲꦩ꧀ꦧꦺꦴꦏ꧀ꦢꦶꦲꦼꦗꦂꦫꦏꦺ!ꦏꦼꦤꦺꦁꦲꦥ​ꦏꦺꦴꦏ꧀ꦲꦩ꧀ꦧꦺꦴꦏ꧀ꦥꦼꦔꦶꦁ​?ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦤꦶꦤ꧀ꦢꦏ꧀ꦏꦏꦺꦧꦫꦁ​ꦱꦶꦁ​ꦲꦥꦶꦏ꧀ꦧꦔꦼꦠ꧀ꦩꦫꦁ​ꦲꦏꦸ​꧉​ ⁷ꦮꦺꦴꦁ​ꦩ꧀ꦭꦫꦠ꧀ꦱ꧀ꦭꦮꦱ꧀ꦱꦺꦲꦺꦤꦺꦁꦮꦲꦺ​ꦭꦤ꧀ꦱꦏ꧀ꦮꦚ꧀ꦕꦶ​ꦮꦚ꧀ꦕꦶ​ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀ꦤꦸꦭꦸꦁꦔꦶ​ꦏꦺꦴꦮꦺ​ꦧꦶꦱ​꧉​ꦤꦁꦔꦶꦁ​ꦲꦏꦸ​ꦲꦶꦏꦶ​ꦲꦺꦴꦫ​ꦱ꧀ꦭꦮꦱ꧀ꦱꦺꦕꦩ꧀ꦥꦸꦂ​ꦏꦺꦴꦮꦺ​꧉​ ⁸ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦤꦶꦤ꧀ꦢꦏ꧀ꦏꦏꦺꦱꦏ꧀ꦧꦶꦱꦤꦺ​ꦏꦁꦒꦺꦴ​ꦤ꧀ꦢꦸꦢꦸꦃꦲꦏꦺꦏꦠꦿꦺꦱ꧀ꦤꦤꦺꦩꦫꦁ​ꦲꦏꦸ​꧉​ꦢꦺꦏ꧀ꦤꦺꦲꦶꦤ꧀ꦠꦼꦫꦺꦤꦩꦸꦁ​ꦔ꧀ꦊꦔꦤꦶꦲꦮꦏ꧀ꦏꦸ​ꦏꦫꦺꦴ​ꦊꦔ​ꦮꦔꦶ​꧈​ꦱꦏ꧀ꦢꦸꦫꦸꦁꦔꦺꦲꦏꦸ​ꦢꦶꦏꦸꦧꦸꦂ​꧉​ ⁹ꦢꦶꦠꦶꦠꦺꦤ꧀ꦤꦶ​ꦠ​꧈​ꦤꦁꦲꦼꦤ꧀ꦢꦶ​ꦮꦲꦺ​ꦲꦶꦁ​ꦢꦺꦴꦚ​ꦏꦺꦤꦺ​ꦱꦶꦁ​ꦧꦏꦭ꧀ꦢꦶꦒꦼꦭꦂꦫꦶꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦏꦿꦸꦔꦸ​ꦲꦸꦒ​ꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​꧈​ꦏꦁꦒꦺꦴ​ꦥꦼꦁꦔꦺꦭꦶꦁꦔꦺꦭꦶꦁ​ꦩꦫꦁ​ꦢꦺꦏ꧀ꦤꦺ꧉​”

꧋ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​

¹⁰꧋ꦱꦁꦏꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦫꦺꦴꦭꦱ꧀ꦠꦼꦫꦸꦱ꧀ꦲꦺꦤꦺꦁꦱꦶꦗꦶ​ꦱꦶꦁ​ꦧꦸꦢꦭ꧀ꦤꦁꦔ꧀ꦒꦺꦴꦤ꧀ꦤꦺꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦲꦉꦥ꧀ꦔꦼꦭꦸꦁꦔꦏꦺꦢꦺꦏ꧀ꦤꦺꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦪꦏꦸꦮꦶ​ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀꧈​ ¹¹ꦮꦺꦴꦁꦮꦺꦴꦁ​ꦏꦢꦸꦁ​ꦏꦿꦸꦔꦸ​ꦏꦸꦮꦶ​ꦠꦼꦫꦸꦱ꧀ꦥꦢ​ꦧꦸꦔꦃ​ꦧꦔꦼꦠ꧀ꦭꦤ꧀ꦱꦒꦸꦃ​ꦔꦼꦏꦺꦏ꧀ꦏꦶꦢꦸꦮꦶꦠ꧀꧈​ꦱꦲꦶꦏꦶ​ꦪꦸꦢꦱ꧀ꦩꦺꦴꦭꦃꦲꦶꦔ꧀ꦒꦺꦴꦭꦺꦏ꧀ꦏꦼꦭꦸꦁꦒꦂꦫꦤ꧀ꦲꦼꦁꦒꦺꦴꦤꦺ​ꦲꦉꦥ꧀ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦩꦲꦸ​꧉​

꧋ꦕꦼꦕꦮꦶꦱ꧀ꦏꦁꦒꦺꦴ​ꦩꦁꦔꦤ꧀ꦥꦱ꧀ꦏꦃ​꧉​

¹²꧋ꦱꦲꦶꦏꦶ​ꦮꦶꦱ꧀ꦮꦪꦃꦲꦺ​ꦫꦶꦪꦪꦫꦺꦴꦠꦶ​ꦠꦤ꧀ꦥ​ꦫꦒꦶ​꧉​ꦲꦶꦁ​ꦢꦶꦤ​ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺꦮꦺꦴꦁꦮꦺꦴꦁ​ꦭꦸꦩꦿꦃꦲꦺ​ꦲꦩ꧀ꦧꦼꦭꦺꦃ​ꦕꦼꦩ꧀ꦥꦺ​꧉​ꦲꦶꦁ​ꦢꦶꦤ​ꦲꦶꦏꦸ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦏꦺꦴꦤ꧀ꦩꦫꦁ​ ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦏꦺꦴꦮꦺ​ꦲꦉꦥ꧀ꦩꦁꦔꦤ꧀ꦥꦱ꧀ꦏꦃ​ꦤꦁꦲꦼꦤ꧀ꦢꦶ​?ꦢꦢꦶꦤꦺ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦠꦠꦠꦠ​!” ¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦭꦺꦴꦫꦺꦴ​꧉​ꦢꦺꦏ꧀ꦤꦺꦔꦺꦴꦩꦺꦴꦁ:“ꦏꦤ​ꦩ꧀ꦊꦧꦸ​ꦤꦁꦪꦺꦫꦸꦱꦭꦺꦩ꧀꧈​ꦤꦁꦢꦭꦤ꧀ꦏꦺꦴꦮꦺ​ꦧꦏꦭ꧀ꦏꦼꦥꦼꦠꦸꦏ꧀ꦮꦺꦴꦁ​ꦭꦤꦁ​ꦔ꧀ꦒꦮ​ꦏꦼꦤ꧀ꦢꦶꦲꦶꦱꦶꦤꦺ​ꦧꦚꦸ​꧉​ꦏꦺꦴꦮꦺ​ꦥꦢ​ꦩꦺꦭꦸꦮ​ꦮꦺꦴꦁ​ꦏꦸꦮꦶ​꧉​ ¹⁴ꦤꦺꦏ꧀ꦏꦺꦴꦮꦺ​ꦮꦶꦱ꧀ꦠꦼꦏꦤ꧀ꦲꦺꦴꦩꦃꦲꦺ​꧈​ꦔꦺꦴꦩꦺꦴꦁꦏꦫꦺꦴ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦔꦺꦤꦺ​:'ꦒꦸꦫꦸꦤꦺ​ꦤꦏꦺꦴꦏ꧀ꦏꦏꦺꦏꦩꦂ​ꦱꦶꦁ​ꦲꦉꦥ꧀ꦢꦶꦲꦼꦁꦒꦺꦴ​ꦩꦁꦔꦤ꧀ꦥꦱ꧀ꦏꦃ​ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉'​ ¹⁵ꦮꦺꦴꦁꦔꦺ​ꦩꦼꦁꦏꦺꦴ​ꦠꦼꦫꦸꦱ꧀​ꦔ꧀ꦒꦮ​ꦏꦺꦴꦮꦺ​ꦤꦁꦏꦩꦂ​ꦒꦼꦢꦺ​ꦤꦁꦤ꧀ꦢꦸꦮꦸꦂꦱꦶꦁ​ꦮꦶꦱ꧀ꦢꦶꦠꦠ​꧉​ꦏꦤ​ꦱꦶꦁ​ꦲꦉꦥ꧀ꦢꦶꦥꦔꦤ꧀ꦢꦶꦕꦮꦶꦱ꧀​ꦕꦮꦶꦱ꧀ꦏꦺ​ꦤꦁꦏꦺꦴꦤꦺꦴ​꧉​” ¹⁶꧋ꦩꦸꦫꦶꦢ꧀ꦢꦺ​ꦩꦲꦸ​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦤꦁꦪꦺꦫꦸꦱꦭꦺꦩ꧀ ꦠꦼꦫꦸꦱ꧀ꦏꦼꦥꦼꦠꦸꦏ꧀ꦮꦺꦴꦁꦔꦺ​꧈​ꦏꦪ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​꧉​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦚꦮꦶꦱ꧀ꦱꦏꦺꦥꦔꦤ꧀ꦤꦤ꧀ꦥꦱ꧀ꦏꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦱꦥ​ꦱꦶꦁ​ꦲꦉꦥ꧀ꦔꦼꦭꦸꦁꦔꦏꦺꦢꦺꦏ꧀ꦤꦺꦩꦫꦁ​ꦩꦸꦁꦱꦸꦃꦲꦺ​꧉​

¹⁷꧋ꦩ꧀ꦧꦼꦔꦶꦤꦺꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏ​ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ¹⁸ꦢꦺꦴꦁꦔꦺꦥꦢ​ꦗꦼꦗꦒꦺꦴꦁꦔꦤ꧀ꦩꦁꦔꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦔꦺꦴꦩꦺꦴꦁ꧈​ꦲꦺꦤꦺꦁꦱꦶꦗꦶ​ꦧꦏꦭ꧀ꦔꦼꦭꦸꦁꦔꦏꦺꦲꦏꦸ​ꦩꦫꦁ​ꦩꦸꦁꦱꦸꦃꦲꦺ​꧉​ꦱꦶꦗꦶ​ꦱꦶꦁ​ꦩꦁꦔꦤ꧀ꦕꦩ꧀ꦥꦸꦂ​ꦏꦫꦺꦴ​ꦲꦏꦸ​ꦲꦶꦏꦶ​꧉​” ¹⁹꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦏꦒꦺꦠ꧀ꦭꦤ꧀ꦱꦼꦢꦶ꧉​ꦠꦼꦫꦸꦱ꧀ꦥꦢ​ꦒꦼꦤ꧀ꦠꦺꦤ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦺꦴꦱꦺꦴꦏ꧀ꦲꦏꦸ​ꦠ​꧈​ꦒꦸꦱ꧀ꦠꦶ​?” ²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦪ​ꦱꦶꦗꦶ​ꦠꦸꦁꦒꦭ꧀ꦭꦺ​ꦏꦺꦴꦮꦺ​ꦮꦺꦴꦁ​ꦫꦺꦴꦭꦱ꧀ꦏꦸꦮꦶ​ꦮꦲꦺ​꧈​ꦱꦶꦁ​ꦩꦺꦭꦸ​ꦚꦼꦭꦸꦥ꧀ꦥꦏꦺꦫꦺꦴꦠꦶꦤꦺ​ꦤꦁꦩꦁꦏꦺꦴꦏ꧀꧈​ ²¹ꦥꦚ꧀ꦕꦺꦤ꧀ ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦢꦸ​ꦩꦠꦶ​꧉​ꦏꦸꦮꦶ​ꦮꦶꦱ꧀ꦏꦼꦠꦸꦭꦶꦱ꧀ꦏꦮꦶꦠ꧀ꦗꦩꦤ꧀​ꦩ꧀ꦧꦶꦪꦺꦤ꧀꧈​ꦤꦁꦔꦶꦁ​ꦕꦶꦭꦏ​ꦠꦼꦤꦤ꧀ꦮꦺꦴꦁ​ꦱꦶꦁ​ꦔꦼꦭꦸꦁꦔꦏꦺꦲꦤꦏ꧀ꦏꦺ​ꦩꦤꦸꦁꦱ​ꦩꦫꦁ​ꦩꦸꦁꦱꦸꦃꦲꦺ​꧉​ꦮꦺꦴꦁ​ꦏꦸꦮꦶ​ꦭꦸꦮꦸꦁꦲꦺꦴꦫ​ꦭꦲꦶꦂ​ꦮꦲꦺ​ꦩꦲꦸꦤꦺ​꧉​”

꧋ꦥꦺꦱ꧀ꦠ​ꦱꦸꦕꦶ​꧉​

²²꧋ꦢꦺꦴꦁꦔꦺꦥꦢ​ꦗꦼꦗꦒꦺꦴꦁꦔꦤ꧀ꦩꦁꦔꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦤ꧀ꦱꦏ꧀ꦮꦶꦱ꧀ꦱꦺ​ꦢꦶꦢꦺꦴꦔꦏ꧀ꦏꦏꦺꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦢꦶꦏꦺꦏ꧀ꦏꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦢꦺꦏ꧀ꦤꦺꦔꦺꦴꦩꦺꦴꦁ:“ꦥꦢ​ꦢꦶꦥꦔꦤ꧀꧈​ꦫꦺꦴꦠꦶ​ꦲꦶꦏꦶ​ꦧꦢꦤ꧀ꦏꦸ​꧉​” ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦲꦺꦴꦩ꧀ꦧꦺꦤ꧀ꦤꦺ꧉​ꦱꦏ꧀ꦮꦶꦱ꧀ꦱꦺ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦩ꧀ꦧꦺꦤ꧀ꦤꦺꦠꦼꦫꦸꦱ꧀ꦢꦶꦲꦼꦭꦸꦁꦔꦏꦺꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦏꦧꦺꦃ​ꦩꦺꦭꦸ​ꦔꦺꦴꦩ꧀ꦧꦺ​꧉​ ²⁴ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦶꦏꦶ​ꦒꦼꦠꦶꦃꦏꦸ​ꦱꦶꦁ​ꦩꦶꦭꦶ​ꦏꦁꦒꦺꦴ​ꦮꦺꦴꦁ​ꦲꦺꦴꦏꦺꦃ꧉​ꦒꦼꦠꦶꦃ​ꦲꦶꦏꦶ​ꦠꦤ꧀ꦢꦤꦺꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦒꦮꦺ​ꦥꦽꦗꦚ꧀ꦗꦶꦪꦤ꧀ꦲꦚꦂ​ꦏꦫꦺꦴ​ꦏꦺꦴꦮꦺ​꧉​ ²⁵ꦠꦼꦤꦤ꧀ ꦲꦏꦸ​ꦔꦺꦴꦩꦺꦴꦁ꧈​ꦲꦏꦸ​ꦲꦺꦴꦫ​ꦧꦏꦭ꧀ꦔꦺꦴꦩ꧀ꦧꦺ​ꦲꦁꦒꦸꦂ​ꦲꦶꦏꦶ​ꦩꦼꦤꦺꦃ​ꦠꦼꦏꦤꦺ​ꦲꦏꦸ​ꦔꦺꦴꦩ꧀ꦧꦺ​ꦲꦁꦒꦸꦂ​ꦱꦶꦁ​ꦲꦚꦂ​ꦲꦩ꧀ꦧꦺꦱꦸꦏ꧀ꦤꦁꦱ꧀ꦮꦂꦒ​꧉​” ²⁶꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦥꦢ​ꦱꦶꦔꦶꦱꦶꦔꦶꦩꦠꦸꦂꦏꦼꦱꦸꦮꦸꦤ꧀ꦭꦤ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦤꦁꦒꦸꦤꦸꦁ​ꦎꦭꦺꦥ꦳꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦤꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ꦧꦏꦭ꧀ꦚꦺꦭꦏ꧀ꦏꦶ​ꦢꦺꦏ꧀ꦤꦺ꧉​

²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦏꦺꦴꦮꦺ​ꦧꦏꦭ꧀ꦥꦢ​ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦩꦸ​ꦭꦤ꧀ꦧꦏꦭ꧀ꦤꦶꦁꦒꦭ꧀ꦲꦏꦸ​꧈​ꦏꦪ​ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦧꦺ​ꦤꦧꦶ​ꦯꦏꦫꦶꦪꦱ꧀ ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦩꦠꦺꦤ꧀ꦤꦶ​ꦱꦶꦁ​ꦠꦸꦏꦁ​ꦲꦔꦺꦴꦤ꧀ꦭꦤ꧀ꦮꦼꦢꦸꦱ꧀ꦱꦺꦧꦏꦭ꧀ꦥꦢ​ꦧꦸꦪꦂ​ꦏꦧꦺꦃ​꧉​ ²⁸ꦤꦁꦔꦶꦁ​ꦤꦺꦏ꧀ꦲꦏꦸ​ꦮꦶꦱ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧈​ꦲꦏꦸ​ꦧꦏꦭ꧀ꦧꦸꦢꦭ꧀ꦤꦁꦓꦭꦶꦭꦺꦪ​꧈​ꦤ꧀ꦢꦶꦱꦶꦏ꧀ꦏꦶ​ꦏꦺꦴꦮꦺ​꧉​” ²⁹꧋ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦲꦺꦴꦫ​ꦒꦸꦱ꧀ꦠꦶ​꧈​ꦱꦼꦤꦗꦤ꧀ꦭꦶꦪꦤꦺ​ꦤꦶꦁꦒꦭ꧀ꦏꦺꦴꦮꦺ​꧈​ꦲꦏꦸ​ꦲꦺꦴꦫ​ꦧꦏꦭ꧀ꦤꦶꦁꦒꦭ꧀ꦏꦺꦴꦮꦺ​꧉​” ³⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀:“ꦠꦶꦠꦺꦤ꧀ꦤꦤ​ꦢꦺꦮꦺ꧈​ꦮꦼꦔꦶ​ꦲꦶꦏꦶ​ꦮꦲꦺ​꧈​ꦱꦏ꧀ꦢꦸꦫꦸꦁꦔꦺꦗꦒꦺꦴ​ꦏ꧀ꦭꦸꦫꦸꦏ꧀ꦥꦶꦁ​ꦥꦶꦤ꧀ꦢꦺꦴ꧈​ꦏꦺꦴꦮꦺ​ꦧꦏꦭ꧀ꦔꦼꦁꦏꦼꦁꦱꦩ꧀ꦥꦺꦏ꧀ꦥꦶꦁ​ꦠꦼꦭꦸ​ꦤꦺꦏ꧀ꦲꦺꦴꦫ​ꦏꦼꦤꦭ꧀ꦲꦏꦸ​꧉​” ³¹꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​ꦩꦼꦤꦺꦃ​:“ꦲꦺꦴꦫ​ꦒꦸꦱ꧀ꦠꦶ​꧈​ꦠꦼꦤꦤ꧀ ꦲꦺꦴꦫ​ꦥꦶꦱꦤ꧀ꦥꦶꦱꦤ꧀ꦲꦏꦸ​ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦪ​ꦔꦺꦴꦤꦺꦴ​꧉​ꦱꦼꦤꦗꦤ꧀ꦲꦏꦸ​ꦏꦸꦢꦸ​ꦩꦠꦶ​ꦧꦉꦁ​ꦏꦫꦺꦴ​ꦏꦺꦴꦮꦺ​꧈​ꦠꦏ꧀ꦭꦏꦺꦴꦤ꧀ꦤꦶ​꧈​ꦤꦁꦔꦶꦁ​ꦲꦏꦸ​ꦲꦺꦴꦫ​ꦧꦏꦭ꧀ꦚꦺꦭꦏ꧀ꦏꦶ​ꦏꦺꦴꦮꦺ​꧉”ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​ꦲꦸꦒ​ꦔꦺꦴꦩꦺꦴꦁꦔꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦺꦴꦁꦔꦤꦁꦒꦺꦠ꧀ꦱꦺꦩꦤꦺ​꧉​

³²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦧꦸꦢꦭ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦺꦠ꧀ꦱꦺꦩꦤꦺ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦏꦺꦴꦮꦺ​ꦔꦼꦤ꧀ꦠꦺꦤ꧀ꦤꦶ​ꦤꦁꦏꦺꦤꦺ​ꦮꦲꦺ​꧉​ꦲꦏꦸ​ꦲꦉꦥ꧀​ꦤ꧀ꦢꦺꦴꦁꦔ꧉​” ³³ꦫꦱꦸꦭ꧀ꦦꦺꦠꦿꦸꦱ꧀ ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ꦢꦶꦲꦼꦗꦺꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦏꦿꦱ​ꦮꦼꦢꦶ​ꦭꦤ꧀ꦱꦸꦱꦃ​ꦧꦔꦼꦠ꧀꧈​ ³⁴ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦠꦶꦏꦸ​ꦗꦤ꧀ꦱꦼꦢꦶꦧꦔꦼꦠ꧀꧈​ꦫꦱꦤꦺ​ꦏꦪ​ꦲꦉꦥ꧀ꦩꦠꦶ​꧉​ꦏꦺꦴꦮꦺ​ꦤꦁꦏꦺꦤꦺ​ꦮꦲꦺ​ꦭꦤ꧀ꦲꦗ​ꦠꦸꦫꦸ​꧉​” ³⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦫꦢ​ꦔꦼꦢꦺꦴꦃꦲꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦸꦮꦶ​꧈​ꦠꦼꦫꦸꦱ꧀ꦤꦶꦧ​ꦤꦁꦊꦩꦃ​ꦭꦤ꧀​ꦤ꧀ꦢꦺꦴꦁꦔꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦺꦏ꧀ꦤꦺꦚꦸꦮꦸꦤ꧀ ꦤꦺꦏ꧀ꦧꦶꦱ​꧈​ꦢꦺꦏ꧀ꦤꦺꦲꦺꦴꦫ​ꦲꦸꦱꦃꦔꦭꦩ꧀ꦩꦶ​ꦮꦚ꧀ꦕꦶ​ꦏꦱꦁꦱꦫꦤ꧀ꦏꦸꦮꦶ​꧉​ ³⁶ꦠꦼꦩ꧀ꦧꦸꦁꦔꦺ​:“ꦢꦸꦃꦧꦥꦏ꧀ꦏꦸ​꧈​ꦏꦺꦴꦮꦺ​ꦧꦶꦱ​ꦱꦼꦩ꧀ꦧꦫꦁ​꧉​ꦲꦩ꧀ꦧꦺꦴꦏ꧀ꦏꦱꦁꦱꦫꦤ꧀ꦲꦶꦏꦶ​ꦢꦶꦱꦶꦁꦏꦶꦂꦫꦏꦺꦱꦁꦏꦲꦏꦸ​!ꦤꦁꦔꦶꦁ​ꦱꦼꦤꦗꦤ꧀ꦲꦧꦺꦴꦠ꧀ ꦲꦏꦸ​ꦏꦼꦥꦺꦔꦶꦤ꧀​ꦔ꧀ꦭꦏꦺꦴꦤ꧀ꦤꦶ​ꦏꦉꦥ꧀ꦩꦸ​꧈​ꦲꦺꦴꦫ​ꦏꦉꦥ꧀ꦏꦸ​ꦢꦺꦮꦺ꧉​” ³⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦭꦤ꧀ꦤꦼꦩꦸ​ꦩꦸꦫꦶꦢ꧀ꦢꦺ​ꦱꦶꦁ​ꦠꦼꦭꦸ​ꦩꦲꦸ​ꦲꦶꦗꦶꦏ꧀ꦠꦸꦫꦸ​꧉​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀:“ꦱꦶꦩꦺꦴꦤ꧀ ꦭꦃ​ꦏꦺꦴꦮꦺ​ꦏꦺꦴꦏ꧀ꦠꦸꦫꦸ​꧉​ꦩꦺꦴꦱꦺꦴꦏ꧀ꦲꦺꦴꦫ​ꦧꦶꦱ​ꦩꦼꦭꦺꦏ꧀ꦱꦏ꧀ꦗꦩ꧀? ³⁸ꦥꦢ​ꦩꦼꦭꦺꦏ꧀ꦏ​ꦭꦤ꧀ꦥꦢ​ꦤ꧀ꦢꦼꦢꦺꦴꦔꦲ​ꦱꦸꦥꦪ​ꦲꦺꦴꦫ​ꦥꦢ​ꦏꦭꦃ​ꦤꦺꦏ꧀ꦱꦺꦠꦤ꧀ꦚꦺꦴꦧ​꧉​ꦥꦚ꧀ꦕꦺꦤ꧀ ꦲꦠꦶꦤꦺ​ꦏꦉꦥ꧀ ꦤꦁꦔꦶꦁ​ꦲꦮꦏ꧀ꦏꦺ​ꦲꦺꦴꦫ​ꦏꦸꦮꦠ꧀꧈​” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦶꦁꦒꦭ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦧꦸꦢꦭ꧀​ꦤ꧀ꦢꦺꦴꦁꦔꦩꦼꦤꦺꦃ​꧉​ꦱꦶꦁ​ꦢꦶꦱꦸꦮꦸꦤ꧀ꦪ​ꦠꦸꦁꦒꦭ꧀ꦭꦺ​꧈​ꦏꦪ​ꦱꦶꦁ​ꦤ꧀ꦢꦶꦱꦶꦏ꧀꧈​ ⁴⁰ꦏꦢꦸꦁ​ꦧꦭꦶꦏ꧀ꦩꦼꦤꦺꦃ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦲꦶꦗꦶꦏ꧀ꦠꦸꦫꦸ​꧈​ꦲꦮꦶꦠ꧀ꦥꦢ​ꦔꦤ꧀ꦠꦸꦏ꧀ꦠꦼꦤꦤ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦢꦸꦁ​ꦠꦔꦶ​ꦲꦺꦴꦫ​ꦮꦤꦶ​ꦔꦺꦴꦩꦺꦴꦁꦲꦥꦲꦥ​꧉​ ⁴¹꧋ꦥꦶꦁ​ꦠꦼꦭꦸꦤꦺ​꧈​ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦧꦭꦶꦏ꧀ꦩꦼꦤꦺꦃ​ꦱꦁꦏꦤ꧀ꦢꦼꦢꦺꦴꦔ​꧈​ꦢꦺꦏ꧀ꦤꦺ​ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦶꦗꦶꦏ꧀ꦥꦢ​ꦲꦺꦤꦏ꧀ꦲꦺꦤꦏ꧀ꦠꦸꦫꦸ​ꦮꦲꦺ​?ꦮꦶꦱ꧀ ꦱꦲꦶꦏꦶ​ꦮꦶꦱ꧀ꦠꦼꦏꦤ꧀ꦮꦚ꧀ꦕꦶꦤꦺ​ꦲꦼꦁꦒꦺꦴꦤꦺ​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ꦮꦺꦴꦁ​ꦲꦭ​꧉​ ⁴²ꦥꦢ​ꦠꦔꦶ​꧈​ꦲ꦳ꦪꦸꦏ꧀ꦧꦸꦢꦭ꧀꧈​ꦢꦼꦭꦺꦴꦏ꧀ꦏꦼꦤ꧀ ꦱꦶꦁ​ꦲꦉꦥ꧀ꦔꦼꦭꦸꦁꦔꦏꦺꦲꦏꦸ​ꦩꦫꦁ​ꦩꦸꦁꦱꦸꦃꦲꦺ​ꦮꦶꦱ꧀ꦠꦼꦏ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦕꦼꦏꦼꦭ꧀꧈​

⁴³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦸꦫꦸꦁ​ꦱꦩ꧀ꦥꦺꦏ꧀ꦫꦩ꧀ꦥꦸꦁ​ꦱꦶꦁ​ꦔꦺꦴꦩꦺꦴꦁꦏꦸꦮꦶ​ꦠꦼꦫꦸꦱ꧀ꦪꦸꦢꦱ꧀ꦠꦼꦏ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃ꧈​ꦥꦢ​ꦔ꧀ꦒꦮ​ꦥꦼꦢꦁꦭꦤ꧀ꦥꦼꦤ꧀ꦠꦸꦁ꧉​ꦪꦸꦢꦱ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺ꧈​ꦠꦸꦁꦒꦭ꧀ꦭꦺ​ꦩꦸꦫꦶꦢ꧀ꦱꦶꦁ​ꦫꦺꦴꦭꦱ꧀꧈​ꦪꦸꦢꦱ꧀ꦭꦤ꧀ꦮꦺꦴꦁꦮꦺꦴꦁ​ꦩꦲꦸ​ꦢꦶꦏꦺꦴꦁꦏꦺꦴꦤ꧀ꦏꦫꦺꦴ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦒꦸꦫꦸ​ꦏꦶꦠꦧ꧀ꦭꦤ꧀ꦥꦼꦔꦉꦥ꧀ꦥꦺ​ꦮꦺꦴꦁ​ꦙꦸ꧉​ ⁴⁴ꦪꦸꦢꦱ꧀ꦮꦶꦱ꧀​ꦔ꧀ꦒꦮꦺ​ꦠꦤ꧀ꦢꦏꦫꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦔꦺꦴꦩꦺꦴꦁ:“ꦮꦺꦴꦁ​ꦱꦶꦁ​ꦠꦏ꧀ꦲꦩ꧀ꦧꦸꦁ꧈​ꦪꦏꦸꦮꦶ​ꦮꦺꦴꦁꦔꦺ​꧉​ꦢꦶꦕꦼꦏꦼꦭ꧀ꦠꦼꦫꦸꦱ꧀ꦢꦶꦒꦮ​ꦭꦸꦔ​ꦭꦤ꧀ꦢꦶꦗꦒ​ꦱꦶꦁ​ꦲꦥꦶꦏ꧀!” ⁴⁵꧋ꦏꦢꦸꦁ​ꦮꦶꦱ꧀ꦠꦼꦏꦤ꧀ꦏꦺꦴꦤꦺꦴ​ꦪꦸꦢꦱ꧀ꦠꦼꦫꦸꦱ꧀ꦱꦤ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦫꦸ​!”ꦱꦏ꧀ꦮꦶꦱ꧀ꦱꦺ​ꦔꦺꦴꦩꦺꦴꦁꦔꦺꦴꦤꦺꦴ​ꦢꦺꦏ꧀ꦤꦺꦠꦼꦫꦸꦱ꧀ꦔꦩ꧀ꦧꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦕꦼꦏꦼꦭ꧀ꦏꦫꦺꦴ​ꦮꦺꦴꦁꦮꦺꦴꦁ​꧉​ ⁴⁷ꦤꦁꦔꦶꦁ​ꦲꦺꦤꦺꦁꦩꦸꦫꦶꦢ꧀ꦱꦶꦗꦶ​ꦤꦫꦶꦏ꧀ꦥꦼꦢꦁꦔꦺꦭꦤ꧀ꦔꦤ꧀ꦠꦼꦩ꧀ꦏꦸꦥꦶꦁꦔꦺ​ꦱ꧀ꦭꦥ꦳꧀ꦥ꦳ꦺꦲꦶꦩꦩ꧀ꦒꦼꦢꦺ​ꦱꦩ꧀ꦥꦺꦏ꧀ꦕꦼꦥꦺꦴꦭ꧀​꧉​ ⁴⁸ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​:“ꦲꦥ​ꦲꦏꦸ​ꦲꦶꦏꦶ​ꦮꦺꦴꦁ​ꦤꦏꦭ꧀ꦏꦺꦴꦏ꧀ꦏꦺꦴꦮꦺ​ꦩꦫꦤꦶ​ꦲꦏꦸ​ꦔ꧀ꦒꦮ​ꦥꦼꦢꦁꦭꦤ꧀ꦥꦼꦤ꧀ꦠꦸꦁ꧉​ ⁴⁹ꦱꦧꦼꦤ꧀ꦢꦶꦤ​ꦲꦏꦸ​ꦕꦩ꧀ꦥꦸꦂ​ꦏꦫꦺꦴ​ꦏꦺꦴꦮꦺ​ꦤꦁꦒꦿꦺꦗ​ꦒꦼꦢꦺꦤꦺꦏ꧀ꦲꦏꦸ​ꦩꦸꦭꦁꦔꦶ꧉​ꦭꦃ​ꦏꦺꦴꦏ꧀ꦲꦺꦴꦫ​ꦥꦢ​ꦚꦼꦏꦼꦭ꧀ꦲꦏꦸ​?ꦤꦁꦔꦶꦁ​ꦥꦚ꧀ꦕꦺꦤ꧀ꦪ​ꦮꦶꦱ꧀ꦏꦸꦢꦸ​ꦏ꧀ꦭꦏꦺꦴꦤ꧀ꦔꦺꦤꦺ​꧈​ꦏꦪ​ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀꧈​” ⁵⁰꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦭꦸꦔ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦠꦶꦁꦒꦭ꧀ꦢꦺꦮꦺ꧉​ ^51-52꧋ꦲꦺꦤꦺꦁꦧꦺꦴꦕꦃ​ꦲꦼꦤꦺꦴꦩ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦧꦺꦴꦕꦃ​ꦲꦼꦤꦺꦴꦩ꧀ꦲꦶꦏꦶ​ꦤꦩꦸꦁ​ꦔꦁꦒꦺꦴ​ꦱꦭꦶꦤ꧀ꦩꦺꦴꦫꦶ​꧉​ꦧꦺꦴꦕꦃ​ꦲꦶꦏꦶ​ꦢꦶꦕꦼꦏꦼꦭ꧀ꦏꦫꦺꦴ​ꦮꦺꦴꦁꦮꦺꦴꦁ​꧈​ꦤꦁꦔꦶꦁ​ꦤꦩꦸꦁ​ꦏꦼꦤꦺꦁꦱꦭꦶꦤ꧀ꦤꦺ꧈​ꦧꦺꦴꦕꦃꦲꦺ​ꦩ꧀​ꦧ꧀ꦭꦪꦸꦲꦺꦴꦫ​ꦔꦁꦒꦺꦴ​ꦲꦥꦲꦥ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮ​ꦤꦁꦏꦿꦸꦠꦺꦴꦤ꧀ꦲꦒꦩ​꧉​

⁵³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦲꦶꦩꦩ꧀ꦒꦼꦢꦺ꧉​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥꦼꦔꦉꦥ꧀ꦥꦺ​ꦧꦁꦱ​ꦙꦸꦠꦼꦫꦸꦱ꧀ꦔꦸꦩ꧀ꦥꦸꦭ꧀ꦏꦧꦺꦃ​꧉​ ⁵⁴ꦫꦱꦸꦭ꧀ꦦꦺꦠꦿꦸꦱ꧀ꦔꦼꦠꦸꦠ꧀ꦠꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦢꦺꦴꦃꦲꦤ꧀ꦱꦩ꧀ꦥꦺꦏ꧀​ꦩ꧀ꦊꦧꦸ​ꦠꦼꦏꦤ꧀ꦭꦠꦂꦫꦺ​ꦲꦺꦴꦩꦃꦲꦺ​ꦲꦶꦩꦩ꧀ꦒꦼꦢꦺ​꧉​ꦤꦁꦏꦺꦴꦤꦺꦴ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦤꦁꦧꦼꦢꦶꦪꦁꦔꦤ꧀​ꦔ꧀ꦒꦺꦴꦭꦺꦏ꧀ꦲꦔꦼꦠ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦚ꧀ꦗꦒ​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ ⁵⁵ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦠꦸꦏꦁ​ꦔꦿꦸꦠꦸꦥꦢ​ꦔ꧀ꦒꦺꦴꦭꦺꦏ꧀ꦱꦼꦏ꧀ꦱꦶ​꧈​ꦱꦸꦥꦪ​ꦧꦶꦱ​ꦤꦼꦩꦸ​ꦗꦭꦂꦫꦤ꧀ꦏꦁꦒꦺꦴ​ꦚꦭꦃꦚꦭꦃꦲꦏꦺꦭꦤ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦲꦺꦴꦫ​ꦤꦼꦩꦸ​ꦱꦶꦗꦶꦱꦶꦗꦶꦪ​꧉​ ⁵⁶ꦥꦚ꧀ꦕꦺꦤ꧀ꦲꦺꦴꦏꦺꦃꦱꦶꦁ​ꦢꦢꦶ​ꦱꦼꦏ꧀ꦱꦶ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦠꦼꦩ꧀ꦧꦸꦁꦔꦺ​ꦲꦺꦴꦫ​ꦕꦺꦴꦕꦺꦴꦏ꧀​꧉​ ⁵⁷ꦲꦺꦤꦺꦁꦱꦶꦁ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​: ⁵⁸꧋“ꦲꦮꦏ꧀ꦏꦺ​ꦢꦺꦮꦺꦏꦿꦸꦔꦸ​ꦢꦺꦏ꧀ꦤꦺ ꦔꦺꦴꦩꦺꦴꦁꦤꦺꦏ꧀ꦧꦏꦭ꧀ꦲꦩ꧀ꦧꦸꦧꦿꦃ​ꦒꦿꦺꦗ​ꦒꦼꦢꦺꦒꦮꦺꦪꦤ꧀ꦤꦺ​ꦩꦤꦸꦁꦱ​ꦲꦶꦏꦶ​ꦭꦤ꧀ꦲꦺꦴꦩꦺꦴꦁꦔꦺ​ꦢꦺꦏ꧀ꦤꦺꦧꦶꦱ​ꦔꦼꦢꦼꦏ꧀ꦏꦏꦺꦭꦶꦪꦤꦺ​ꦱꦏ꧀ꦗꦼꦫꦺꦴꦤꦺꦠꦼꦭꦸꦁ​ꦢꦶꦤ​꧈​ꦱꦶꦁ​ꦢꦸꦢꦸ​ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​ ⁵⁹ꦤꦁꦔꦶꦁ​ꦱꦼꦏ꧀ꦱꦶ​ꦲꦶꦏꦶ​ꦪ​ꦥꦢ​ꦮꦲꦺ​ꦲꦺꦴꦫ​ꦕꦺꦴꦕꦺꦴꦏ꧀​ꦏꦫꦺꦴ​ꦭꦶꦪꦭꦶꦪꦤꦺ​꧉​” ⁶⁰꧋ꦲꦶꦩꦩ꧀ꦒꦼꦢꦺꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦩꦗꦸ​ꦤꦁꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦤꦏꦺꦴꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦏꦺꦴꦮꦺ​ꦱꦲꦶꦏꦶ​ꦲꦉꦥ꧀ꦔꦺꦴꦩꦺꦴꦁꦲꦥ​?ꦠꦼꦩ꧀ꦧꦸꦁꦔꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦧꦼꦤꦼꦂ​ꦲꦥ​ꦲꦺꦴꦫ​?” ⁶¹꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦼꦁ​ꦮꦲꦺ​꧈​ꦲꦺꦴꦫ​ꦱꦼꦩꦲꦸꦂ​ꦲꦥꦲꦥ​꧉​ꦲꦶꦩꦩ꧀ꦩꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦼꦤꦺꦃ​:“ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀?ꦲꦥ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦱꦸꦕꦶ​ꦢꦺꦮꦺ?” ⁶²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ ꦪ​ꦲꦏꦸ​ꦲꦶꦏꦶ​꧉​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦲꦤꦏ꧀ꦏꦺ​ꦩꦤꦸꦁꦱ​ꦚ꧀ꦗꦒꦺꦴꦁꦤꦁꦠꦼꦔꦼꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧉​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦢꦺꦏ꧀ꦤꦺꦠꦼꦏ​ꦤꦁꦩꦺꦒꦤꦺ​ꦭꦔꦶꦠ꧀꧈​” ⁶³꧋ꦲꦶꦩꦩ꧀ꦒꦼꦢꦺꦏꦿꦸꦔꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦠꦼꦫꦸꦱ꧀ꦤꦼꦱꦸ​ꦭꦤ꧀ꦚꦸꦮꦺꦏ꧀ꦱꦭꦶꦤ꧀ꦤꦺꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦱꦼꦏ꧀ꦱꦶ​ꦩꦼꦤꦺꦃ​꧉​ ⁶⁴ꦏꦺꦴꦮꦺ​ꦏꦧꦺꦃ​ꦮꦶꦱ꧀ꦏꦿꦸꦔꦸ​ꦢꦺꦮꦺꦢꦺꦏ꧀ꦤꦺꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦏꦼꦥꦿꦶꦪꦺ​ꦥꦶꦤꦼꦩꦸꦩꦸꦏꦧꦺꦃ​?” ꧋ꦏꦧꦺꦃ​ꦥꦢ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦢ​ꦱꦼꦠꦸꦗꦸ​ꦤꦺꦏ꧀ꦢꦺꦏ꧀ꦤꦺꦏꦸꦢꦸ​ꦢꦶꦥꦠꦺꦤ꧀ꦤꦶ​꧉​ ⁶⁵꧋ꦲꦺꦤꦺꦁꦱꦶꦁ​ꦥꦢ​ꦔꦶꦢꦺꦴꦤ꧀ꦤꦶ​ꦭꦤ꧀ꦤꦸꦠꦸꦥ꧀ꦥꦶ​ꦫꦲꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦲꦤ꧀ꦠꦼꦩ꧀ꦩꦶ​ꦏꦫꦺꦴ​ꦔꦺꦴꦩꦺꦴꦁ:“ꦩ꧀ꦧꦼꦢꦺꦏ꧀​ꦗꦗꦭ꧀ ꦱꦥ​ꦱꦶꦁ​ꦔꦤ꧀ꦠꦼꦩ꧀ꦩꦶ​ꦏꦺꦴꦮꦺ​!”ꦱꦶꦁ​ꦗꦒ​ꦲꦩ꧀ꦧꦫꦁ​ꦩꦺꦭꦸ​ꦔꦤ꧀ꦠꦼꦩ꧀ꦩꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦫꦱꦸꦭ꧀ꦦꦺꦠꦿꦸꦱ꧀ꦚꦺꦭꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁶⁶꧋ꦢꦺꦴꦁꦔꦺꦫꦱꦸꦭ꧀ꦦꦺꦠꦿꦸꦱ꧀ꦲꦶꦗꦶꦏ꧀ꦤꦁꦭꦠꦂꦫꦺ​ꦏꦺꦴꦤꦺꦴ​꧈​ꦤꦁꦔꦶꦱꦺꦴꦂ​꧈​ꦠꦼꦫꦸꦱ꧀ꦲꦺꦤꦺꦁꦱ꧀ꦭꦥ꦳꧀ꦮꦺꦢꦺꦴꦏ꧀ꦠꦼꦏ​꧈​ꦱ꧀ꦭꦥ꦳꧀ꦥ꦳ꦺꦲꦶꦩꦩ꧀ꦒꦼꦢꦺ꧉​ ⁶⁷ꦢꦺꦏ꧀ꦤꦺꦮꦼꦫꦸꦃ​ꦫꦱꦸꦭ꧀ꦦꦺꦠꦿꦸꦱ꧀​ꦚ꧀ꦗꦒꦺꦴꦁꦤꦁꦧꦼꦢꦶꦪꦁꦔꦤ꧀ꦠꦼꦫꦸꦱ꧀ꦔꦼꦩꦠ꧀ꦠꦏꦺꦭꦤ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦩ꧀ꦧꦫꦁ​ꦠꦲꦸ​ꦩꦺꦭꦸ​ꦪꦺꦯꦸꦱ꧀ ꦮꦺꦴꦁ​ꦟꦱꦫꦺꦠ꧀ꦏꦲꦺ​꧉​” ⁶⁸꧋ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦲꦺꦴꦫ​ꦔꦏꦸ​꧈​ꦩꦭꦃ​ꦔꦺꦁꦏꦺꦭ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦏꦸꦮꦶ​ꦔꦺꦴꦩꦺꦴꦁꦔꦏꦺꦲꦥ​ꦠ​?ꦲꦏꦸ​ꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​꧉”ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀​ꦩ꧀ꦭꦏꦸ​ꦩꦼꦠꦸ​ꦠꦼꦏꦤ꧀ꦭꦮꦁ​ꦚ꧀ꦗꦧ​꧉​꧌ꦠꦼꦫꦸꦱ꧀ꦲꦺꦤꦺꦁꦗꦒꦺꦴ​ꦏ꧀ꦭꦸꦫꦸꦏ꧀꧈​) ⁶⁹꧋ꦤꦁꦏꦺꦴꦤꦺꦴ​ꦱ꧀ꦭꦥ꦳꧀ꦮꦺꦢꦺꦴꦏ꧀ꦩꦲꦸ​ꦮꦼꦫꦸꦃ​ꦢꦺꦏ꧀ꦤꦺꦩꦼꦤꦺꦃ​ꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦮꦺꦴꦁ​ꦭꦶꦪꦭꦶꦪꦤꦺ​:“ꦮꦺꦴꦁ​ꦲꦶꦏꦶ​ꦠꦸꦁꦒꦭ꧀ꦭꦺ​ꦱꦶꦁ​ꦩꦺꦭꦸ​ꦪꦺꦯꦸꦱ꧀꧈​” ⁷⁰ꦤꦁꦔꦶꦁ​ꦱꦼꦥꦶꦱ꧀ꦱꦤ꧀ꦩꦼꦤꦺꦃ​ꦫꦱꦸꦭ꧀ꦦꦺꦠꦿꦸꦱ꧀ꦲꦺꦴꦫ​ꦔꦏꦸ​꧉​ ꧋ꦲꦺꦴꦫ​ꦊꦠ꧀ꦱꦸꦮꦶꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦔꦺꦴꦩꦺꦴꦁꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀:“ꦥꦚ꧀ꦕꦺꦤ꧀ꦠꦼꦤꦤ꧀ ꦏꦺꦴꦮꦺ​ꦠꦸꦁꦒꦭ꧀ꦭꦺ​ꦩꦸꦫꦶꦢ꧀ꦢꦺ​ꦪꦺꦯꦸꦱ꧀ ꦲꦮꦶꦠ꧀ꦏꦼꦠꦫ​ꦤꦺꦏ꧀ꦏꦺꦴꦮꦺ​ꦮꦺꦴꦁ​ꦱꦁꦏꦓꦭꦶꦭꦺꦪ​꧉​” ⁷¹꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦸꦩ꧀ꦥꦃ​:“ꦲꦏꦸ​ꦗꦤ꧀ꦲꦺꦴꦫ​ꦏꦼꦤꦭ꧀​ꦧ꧀ꦭꦱ꧀ꦏꦫꦺꦴ​ꦮꦺꦴꦁ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁꦔꦏꦺꦏꦸꦮꦶ​꧉​ꦤꦺꦏ꧀ꦲꦏꦸ​ꦒꦺꦴꦫꦺꦴꦃ​ꦲꦏꦸ​ꦒꦼꦊꦩ꧀ꦩꦠꦶ​꧉​” ⁷²꧋ꦱꦏ꧀ꦮꦶꦱ꧀ꦱꦺ​ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦠꦼꦫꦸꦱ꧀ꦲꦺꦤꦺꦁꦗꦒꦺꦴ​ꦏ꧀ꦭꦸꦫꦸꦏ꧀ꦥꦶꦁ​ꦥꦶꦤ꧀ꦢꦺꦴꦤꦺ꧉​ꦫꦱꦸꦭ꧀ꦦꦺꦠꦿꦸꦱ꧀ꦱꦏ꧀ꦮꦠ꧀ꦏꦺꦭꦶꦁꦔꦤ꧀ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦏ꧀ꦢꦸꦫꦸꦁꦔꦺꦗꦒꦺꦴꦤꦺꦏ꧀ꦭꦸꦫꦸꦏ꧀ꦥꦶꦁ​ꦥꦶꦤ꧀ꦢꦺꦴꦏꦺꦴꦮꦺ​ꦧꦏꦭ꧀ꦔꦺꦴꦩꦺꦴꦁꦥꦶꦁ​ꦠꦼꦭꦸ​ꦤꦺꦏ꧀ꦲꦺꦴꦫ​ꦏꦼꦤꦭ꧀ꦲꦏꦸ​꧉”ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦤꦔꦶꦱ꧀ꦏꦼꦭꦫꦭꦫ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦒꦿꦩꦁꦥꦶꦭꦠꦸꦱ꧀꧈​

꧇​꧑꧕꧇​ ¹꧋ꦲꦺꦱꦸꦏ꧀ꦏꦺ​ꦩꦿꦸꦥꦸꦠ꧀ꦥꦫ​ꦮꦂꦒ​ꦏꦿꦸꦠꦺꦴꦤ꧀ꦲꦒꦩ​ꦥꦢ​ꦔꦸꦩ꧀ꦥꦸꦭ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀;ꦏꦸꦮꦶ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦥꦼꦔꦉꦥ꧀ꦥꦺ​ꦧꦁꦱ​ꦙꦸꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦧꦤ꧀ꦢ​ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦿꦩꦁꦥꦶꦭꦠꦸꦱ꧀꧈​ ²ꦥꦶꦭꦠꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦏꦺꦴꦮꦺ​ꦫꦠꦸꦤꦺ​ꦧꦁꦱ​ꦙꦸ?” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦚ꧀ꦕꦺꦤ꧀ꦧꦼꦤꦼꦂ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​꧉​” ³꧋ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦠꦼꦫꦸꦱ꧀ꦥꦢ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦥꦶꦫꦁꦥꦶꦫꦁ​ꦥꦽꦏꦫ​꧉​ ⁴ꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦼꦤꦺꦃ​:“ꦩꦺꦴꦱꦺꦴꦏ꧀ꦏꦺꦴꦮꦺ​ꦲꦺꦴꦫ​ꦱꦼꦩꦲꦸꦂ​ꦲꦥꦲꦥ​?ꦢꦼꦭꦺꦴꦏ꧀ꦏꦼꦤ꧀ ꦮꦺꦴꦁꦮꦺꦴꦁ​ꦥꦢ​ꦚꦭꦃꦚꦭꦃꦲꦏꦺꦏꦺꦴꦮꦺ​꧉​ꦭꦃ​ꦏꦺꦴꦮꦺ​ꦔꦏꦸ​ꦲꦥ​ꦲꦺꦴꦫ​?” ⁵꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀​ꦧ꧀ꦭꦱ꧀ꦲꦺꦴꦫ​ꦱꦼꦩꦲꦸꦂ​ꦲꦥꦲꦥ​꧈​ꦩꦫꦏ꧀ꦏꦏꦺꦥꦶꦭꦠꦸꦱ꧀​ꦔ꧀ꦒꦸꦩꦸꦤ꧀ꦠꦼꦤꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦥ​ꦨꦫꦧꦱ꧀꧈​

⁶꧋ꦭꦸꦩꦿꦃꦲꦺ​ꦱꦧꦼꦤ꧀ꦠꦲꦸꦤ꧀ ꦤꦺꦏ꧀ꦮꦪꦃꦲꦺ​ꦫꦶꦪꦪꦥꦱ꧀ꦏꦃ​꧈​ꦒꦿꦩꦁꦥꦶꦭꦠꦸꦱ꧀ꦔꦼꦠꦺꦴꦏ꧀ꦏꦏꦺꦮꦺꦴꦁ​ꦱꦼꦠꦿꦥꦤ꧀ꦱꦶꦗꦶ​꧉​ꦮꦺꦴꦁꦮꦺꦴꦁ​ꦢꦶꦭꦶꦭꦤꦶ​ꦩꦶꦭꦶꦃ​ꦢꦺꦮꦺꦱꦥ​꧉​ ⁷ꦱꦲꦶꦏꦶ​ꦤꦁꦱꦼꦠꦿꦥꦤ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦥꦼꦩ꧀ꦧꦿꦸꦤ꧀ꦠꦏ꧀ꦏꦤ꧀ꦱꦶꦁ​ꦥꦢ​ꦢꦶꦱꦼꦠꦿꦥ꧀꧈​ ꦲꦺꦤꦺꦁꦱꦶꦗꦶ​ꦱꦶꦁ​ꦗꦼꦤꦼꦁꦔꦺ​ꦨꦫꦧꦱ꧀ ꦱꦶꦁ​ꦩꦠꦺꦤ꧀ꦤꦶ​ꦮꦺꦴꦁ​ꦢꦺꦴꦁꦔꦺꦲꦺꦤꦺꦁꦉꦫꦸꦱꦸꦃ​꧉​ ⁸ꦮꦺꦴꦁ​ꦲꦺꦴꦏꦺꦃꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦒꦿꦩꦁꦥꦶꦭꦠꦸꦱ꧀​ꦚ꧀ꦗꦭꦸꦏ꧀ꦱꦼꦠꦿꦥꦤ꧀ꦱꦶꦗꦶ​ꦢꦶꦲꦼꦠꦺꦴꦏ꧀ꦏꦏꦺ꧉​ ⁹ꦥꦶꦭꦠꦸꦱ꧀ꦱꦼꦩꦲꦸꦂ​ꦩꦫꦁ​ꦮꦺꦴꦁꦮꦺꦴꦁ​:“ꦱꦼꦩꦸꦁꦒꦺꦴꦤ꧀ꦤꦺꦪꦺꦯꦸꦱ꧀ ꦫꦠꦸꦤꦺ​ꦧꦁꦱ​ꦙꦸ꧈​ꦠꦏ꧀ꦲꦼꦠꦺꦴꦏ꧀ꦏꦏꦺ꧈​ꦏꦺꦴꦮꦺ​ꦒꦼꦊꦩ꧀ꦲꦥ​ꦲꦺꦴꦫ​?” ¹⁰ꦥꦶꦭꦠꦸꦱ꧀ꦠꦏꦺꦴꦤ꧀ꦲꦶꦏꦶ​꧈​ꦲꦮꦶꦠ꧀ꦢꦺꦏ꧀ꦤꦺꦮꦶꦱ꧀ꦤꦶꦠꦺꦤ꧀ꦤꦶ​ꦤꦺꦏ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦏꦸꦮꦶ​ꦲꦺꦴꦫ​ꦱꦼꦤꦼꦁ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹¹꧋ꦤꦁꦔꦶꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦥꦢ​ꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦮꦺꦴꦁꦮꦺꦴꦁ​ꦱꦸꦥꦪ​ꦥꦢ​ꦚ꧀ꦗꦭꦸꦏ꧀ꦨꦫꦧꦱ꧀ꦱꦶꦁ​ꦢꦶꦲꦼꦠꦺꦴꦏ꧀ꦏꦏꦺ꧉​ ¹²ꦥꦶꦭꦠꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​ꦩꦼꦤꦺꦃ​:“ꦭꦃ​ꦲꦏꦸ​ꦏꦺꦴꦁꦏꦺꦴꦤ꧀ꦔꦥꦏ꧀ꦏꦏꦺꦏꦫꦺꦴ​ꦪꦺꦯꦸꦱ꧀ ꦱꦶꦁ​ꦲꦩ꧀ꦧꦺꦴꦏ꧀ꦲꦫꦤ꧀ꦤꦶꦫꦠꦸꦤꦺ​ꦧꦁꦱ​ꦙꦸ!” ¹³꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦲꦩ꧀ꦧꦼꦔꦺꦴꦏ꧀:“ꦢꦶꦥꦼꦤ꧀ꦠꦺꦁ꧈​ꦪꦺꦯꦸꦱ꧀ꦏꦸꦢꦸ​ꦢꦶꦥꦼꦤ꧀ꦠꦺꦁ!” ¹⁴꧋ꦥꦶꦭꦠꦸꦱ꧀ꦠꦏꦺꦴꦤ꧀:“ꦭꦃ​ꦲꦥ​ꦱꦭꦃꦲꦺ​ꦢꦺꦏ꧀ꦤꦺ?” ꧋ꦤꦁꦔꦶꦁ​ꦮꦺꦴꦁꦮꦺꦴꦁ​ꦩꦭꦃ​ꦥꦢ​ꦲꦩ꧀ꦧꦼꦔꦺꦴꦏ꧀ꦭꦸꦮꦶꦃ​ꦧꦤ꧀ꦠꦼꦂ​:“ꦢꦶꦥꦼꦤ꧀ꦠꦺꦁ!” ¹⁵꧋ꦱꦸꦥꦪ​ꦮꦺꦴꦁꦮꦺꦴꦁ​ꦥꦢ​ꦊꦒ​꧈​ꦨꦫꦧꦱ꧀ꦠꦼꦫꦸꦱ꧀ꦢꦶꦲꦼꦠꦺꦴꦏ꧀ꦏꦏꦺ꧉​ꦥꦶꦭꦠꦸꦱ꧀ꦠꦼꦫꦸꦱ꧀ꦩꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦩꦼꦕꦸꦠ꧀ꦠꦶ​ꦭꦤ꧀ꦩꦼꦤ꧀ꦠꦺꦁꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮꦺ​ꦱꦼꦩ꧀ꦧꦿꦤ​꧉​

¹⁶꧋ꦥꦫ​ꦱꦺꦴꦭ꧀ꦢꦠ꧀ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦭꦠꦂꦫꦺ​ꦏꦿꦸꦠꦺꦴꦤ꧀ꦠꦼꦫꦸꦱ꧀ꦚꦼꦭꦸꦏ꧀ꦭꦶꦪꦭꦶꦪꦤꦺ​ꦏꦺꦴꦁꦏꦺꦴꦤ꧀ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ ¹⁷ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦲꦼꦁꦒꦺꦴꦤ꧀ꦤꦶ​ꦱꦭꦶꦤ꧀ꦲꦧꦁ​ꦭꦤ꧀ꦱꦶꦫꦃꦲꦺ​ꦢꦶꦥꦱꦁ​ꦩꦏꦸꦠꦒꦮꦺꦪꦤ꧀ꦲꦼꦫꦶ​꧉​ ¹⁸ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦥꦢ​ꦩ꧀ꦧꦒꦺꦏ꧀ꦏꦏꦺꦢꦺꦏ꧀ꦤꦺꦔꦺꦴꦩꦺꦴꦁ:“ꦱ꧀ꦭꦩꦼꦠ꧀ꦫꦠꦸꦤꦺ​ꦧꦁꦱ​ꦙꦸ!” ¹⁹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦼꦤ꧀ꦠꦸꦁꦔꦶꦱꦶꦫꦃꦲꦺ​ꦭꦤ꧀ꦢꦶꦲꦶꦢꦺꦴꦤ꧀ꦤꦶ​꧉​ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦩꦲꦸ​ꦠꦼꦫꦸꦱ꧀ꦱꦼꦢꦼꦏꦸ꧈​ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦚꦼꦩ꧀ꦧꦃ​ꦢꦺꦏ꧀ꦤꦺ꧉​ ²⁰ꦏꦢꦸꦁ​ꦮꦶꦱ꧀ꦩꦉꦩ꧀ꦲꦼꦁꦒꦺꦴꦤꦺ​ꦔ꧀ꦒꦮꦺ​ꦱꦼꦩ꧀ꦧꦿꦤ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦭꦶꦤ꧀ꦤꦺꦲꦧꦁ​ꦩꦲꦸ​ꦠꦼꦫꦸꦱ꧀ꦢꦶꦕꦼꦥꦺꦴꦠ꧀​ꦩꦼꦤꦺꦃ​ꦭꦤ꧀ꦱꦭꦶꦤ꧀ꦤꦺꦢꦺꦮꦺꦢꦶꦲꦼꦁꦒꦺꦴꦏ꧀ꦏꦏꦺ꧈​ꦠꦼꦫꦸꦱ꧀ꦢꦶꦒꦮ​ꦭꦸꦔ​ꦲꦉꦥ꧀ꦢꦶꦥꦼꦤ꧀ꦠꦺꦁ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦼꦤ꧀ꦠꦺꦁ꧉​

²¹꧋ꦲꦶꦁ​ꦮꦚ꧀ꦕꦶ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦩꦸꦭꦶꦃ​ꦱꦁꦏꦏꦼꦧꦺꦴꦤ꧀ꦭꦶꦮꦠ꧀ꦏꦺꦴꦤꦺꦴ​꧉​ꦮꦺꦴꦁ​ꦲꦶꦏꦶ​ꦗꦼꦤꦼꦁꦔꦺ​ꦱꦶꦩꦺꦴꦤ꧀ ꦧꦥꦏ꧀ꦏꦺꦄꦭꦺꦏ꧀ꦱꦤ꧀ꦢꦺꦂ​ꦭꦤ꧀ꦫꦸꦥ꦳ꦸꦱ꧀ ꦩ꧀ꦧꦶꦪꦺꦤ꧀ꦩꦁꦒꦺꦴꦤꦺ​ꦤꦁꦏꦸꦠꦯꦶꦫꦺꦤꦺ꧉​ꦱꦶꦩꦺꦴꦤ꧀ꦢꦶꦥꦼꦏ꧀ꦱ​ꦏꦺꦴꦁꦏꦺꦴꦤ꧀ꦩꦁꦒꦸꦭ꧀ꦏꦪꦸ​ꦱꦶꦁ​ꦲꦉꦥ꧀ꦢꦶꦲꦼꦁꦒꦺꦴ​ꦩꦼꦤ꧀ꦠꦺꦁꦒꦸꦱ꧀ꦠꦶ​ꦪꦺꦯꦸꦱ꧀꧈​ ²²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦺꦴꦭ꧀ꦒꦺꦴꦠ​꧉​ꦒꦺꦴꦭ꧀ꦒꦺꦴꦠ​ꦏꦸꦮꦶ​ꦠꦼꦒꦼꦱ꧀ꦱꦺ​:ꦲꦼꦤ꧀ꦢꦱ꧀ꦱꦺꦮꦺꦴꦁ​ꦩꦠꦶ​꧉​ ²³ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦺꦏ꧀ꦏꦶꦲꦁꦒꦸꦂ​ꦢꦶꦕꦩ꧀ꦥꦸꦂ​ꦩꦸꦂ​ꦏꦺꦴꦁꦏꦺꦴꦤ꧀ꦔꦺꦴꦩ꧀ꦧꦺ​꧈​ꦤꦁꦔꦶꦁ​ꦢꦺꦏ꧀ꦤꦺꦲꦺꦴꦫ​ꦒꦼꦊꦩ꧀꧈​ ²⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁꦭꦤ꧀ꦱꦭꦶꦤ꧀ꦤꦺꦢꦶꦲꦼꦢꦸꦩ꧀ꦔꦁꦒꦺꦴ​ꦭꦺꦴꦠꦿꦺ​꧈​ꦢꦢꦶꦤꦺ​ꦔꦼꦂꦠꦶ​ꦧꦒꦺꦪꦤ꧀ꦤꦺꦢꦺꦮꦺꦢꦺꦮꦺ꧉​ ²⁵ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦼꦤ꧀ꦠꦺꦁꦗꦩ꧀ꦱꦔ​ꦲꦺꦱꦸꦏ꧀꧈​ ²⁶ꦏꦪꦸ​ꦱꦶꦁ​ꦢꦶꦲꦼꦁꦒꦺꦴ​ꦩꦼꦤ꧀ꦠꦺꦁꦢꦶꦏꦺꦏ꧀ꦏꦶꦠꦸꦭꦶꦱ꧀ꦱꦤ꧀ꦔꦺꦤꦺ​:“ꦫꦠꦸꦤꦺ​ꦧꦁꦱ​ꦙꦸ꧉”ꦪ​ꦠꦼꦩ꧀ꦧꦸꦁ​ꦲꦶꦏꦶ​ꦱꦶꦁ​ꦢꦶꦲꦼꦁꦒꦺꦴ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁷ꦧꦉꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦲꦺꦤꦺꦁꦮꦺꦴꦁ​ꦲꦭ​ꦭꦺꦴꦫꦺꦴ​ꦢꦶꦥꦼꦤ꧀ꦠꦺꦁ꧉​ꦱꦶꦗꦶ​ꦤꦁꦱꦼꦧꦼꦭꦃꦠꦼꦔꦼꦤ꧀ꦭꦤ꧀ꦭꦶꦪꦤꦺ​ꦤꦁꦱꦼꦧꦼꦭꦃꦏꦶꦮ​꧉​ ²⁸(ꦢꦢꦶꦤꦺ​ꦏꦼꦠꦸꦫꦸꦠ꧀ꦠꦤ꧀ꦠꦼꦤꦤ꧀ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀:“ꦢꦺꦏ꧀ꦤꦺꦢꦶꦢꦢꦺꦏ꧀ꦏꦏꦺꦱꦶꦗꦶ​ꦏꦫꦺꦴ​ꦮꦺꦴꦁ​ꦲꦭ​!”) ²⁹꧋ꦮꦺꦴꦁꦮꦺꦴꦁ​ꦱꦶꦁ​ꦭꦶꦮꦠ꧀ꦏꦺꦴꦤꦺꦴ​ꦥꦢ​ꦩꦺꦴꦪꦺꦴꦏ꧀ꦏꦶ​ꦢꦺꦏ꧀ꦤꦺ​꧉​ꦥꦢ​ꦒꦺꦢꦺꦏ꧀ꦒꦺꦢꦺꦏ꧀ꦭꦤ꧀ꦩꦸꦤꦶ​:“ꦫꦱꦏ꧀ꦤ​ꦱꦲꦶꦏꦶ​!ꦗꦫꦺꦤꦺ​ꦏꦺꦴꦮꦺ​ꦲꦉꦥ꧀ꦲꦩ꧀ꦧꦸꦧꦿꦃ​ꦒꦿꦺꦗ​ꦒꦼꦢꦺ​ꦭꦤ꧀ꦲꦉꦥ꧀ꦲꦩ꧀ꦧꦺꦴꦏ꧀ꦢꦼꦏ꧀ꦤꦺꦩꦼꦤꦺꦃ​ꦱꦏ꧀ꦗꦼꦫꦺꦴꦤꦺꦠꦼꦭꦸꦁ​ꦢꦶꦤ​꧉​ ³⁰ꦗꦗꦭ꧀ꦠꦸꦭꦸꦁꦔꦤ​ꦲꦮꦏ꧀ꦩꦸ​ꦢꦺꦮꦺ?ꦩꦼꦢꦸꦤ꧀ꦤꦱꦁꦏꦥꦼꦤ꧀ꦠꦺꦁꦔꦤ꧀ꦏꦸꦮꦶ​꧉​” ³¹꧋ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦲꦸꦒ​ꦥꦢ​ꦩꦺꦴꦪꦺꦴꦏ꧀ꦏꦶ​ꦭꦤ꧀ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦗꦫꦺꦤꦺ​ꦧꦶꦱ​ꦤꦸꦭꦸꦁꦔꦶ​ꦮꦺꦴꦁ​ꦭꦶꦪꦤꦺ​꧈​ꦭꦃ​ꦲꦮꦏ꧀ꦏꦺ​ꦢꦺꦏ꧀ꦤꦺꦢꦺꦮꦺꦏꦺꦴꦏ꧀ꦲꦺꦴꦫ​ꦧꦶꦱ​ꦤꦸꦭꦸꦁꦔꦶ​? ³²ꦗꦫꦺꦤꦺ​ꦢꦺꦏ꧀ꦤꦺꦏꦿꦶꦱ꧀ꦡꦸꦱ꧀ ꦫꦠꦸꦤꦺ​ꦆꦱꦿꦌꦭ꧀꧈​ꦗꦗꦭ꧀ꦩꦼꦢꦸꦤ꧀ꦱꦁꦏꦥꦼꦤ꧀ꦠꦺꦁꦔꦤ꧀ꦏꦺꦴꦤꦺꦴ​꧈​ꦢꦢꦶꦤꦺ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦮꦼꦫꦸꦃ​ꦭꦤ꧀ꦥꦽꦕꦪ​꧉​” ꧋ꦮꦺꦴꦁꦮꦺꦴꦁ​ꦱꦶꦁ​ꦢꦶꦱꦭꦶꦧ꧀ꦧꦉꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦩꦺꦭꦸ​ꦩꦺꦴꦪꦺꦴꦏ꧀ꦏꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦶꦁꦒꦭ꧀꧈​

³³꧋ꦮꦶꦮꦶꦠ꧀ꦗꦩ꧀ꦫꦺꦴꦭꦱ꧀ꦲꦮꦤ꧀ꦱꦏ꧀ꦤꦼꦒꦫ​ꦩꦭꦶꦃ​ꦥꦼꦠꦼꦁ​꧈​ꦠꦼꦭꦸꦁ​ꦗꦩ꧀ꦱꦸꦮꦺꦤꦺ​꧉​ ³⁴ꦲꦶꦁ​ꦮꦪꦃ​ꦗꦩ꧀ꦠꦼꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​:“ꦌꦭꦺꦴꦆ​꧈​ꦌꦭꦺꦴꦆ​꧈​ꦭꦩꦃꦱꦧꦏ꧀ꦠꦤꦶ?”ꦤꦺꦏ꧀ꦕꦫ​ꦗꦮ​:“ꦢꦸꦃ​ꦄꦭ꧀ꦭꦃꦏꦸ​꧈​ꦏꦼꦤꦺꦁꦲꦥ​ꦲꦏꦸ​ꦏꦺꦴꦏ꧀​ꦩ꧀ꦧꦺꦴꦏ꧀ꦠꦶꦁꦒꦭ꧀?” ³⁵꧋ꦮꦺꦴꦁ​ꦭꦶꦮꦠ꧀ꦱꦶꦁ​ꦏꦿꦸꦔꦸ​ꦏꦸꦮꦶ​ꦔꦺꦴꦩꦺꦴꦁ:“ꦫꦸꦔꦺꦴꦏ꧀ꦏꦏꦺꦠ​꧈​ꦢꦺꦏ꧀ꦤꦺꦚꦼꦭꦸꦏ꧀ꦤꦧꦶ​ꦌꦭꦶꦪ​꧉​” ³⁶ꦲꦺꦤꦺꦁꦱꦶꦗꦶ​ꦚ꧀ꦗꦶꦏꦸꦏ꧀ꦱ꧀ꦥꦺꦴꦤ꧀ꦢꦶꦲꦼꦕ꧀ꦭꦸꦥ꧀ꦏꦺꦤꦁꦲꦁꦒꦸꦂ​ꦠꦼꦫꦸꦱ꧀ꦢꦶꦱꦸꦤ꧀ꦢꦸꦏ꧀ꦏꦏꦺꦥꦸꦕꦸꦏ꧀ꦏꦺ​ꦏꦪꦸ​ꦢꦮ​ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦚꦸꦕꦸꦥ꧀​꧉​ ꦮꦺꦴꦁꦔꦺ​ꦔꦺꦴꦩꦺꦴꦁ:“ꦲ꦳ꦪꦸꦏ꧀ꦢꦶꦲꦼꦤ꧀ꦠꦺꦤ꧀ꦤꦶ​꧉​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​ꦤꦧꦶ​ꦌꦭꦶꦪ​ꦤꦸꦭꦸꦁꦔꦶ​ꦢꦺꦏ꧀ꦤꦺꦲꦥ​ꦲꦺꦴꦫ​꧉​” ³⁷꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦃ​ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​ꦠꦼꦫꦸꦱ꧀ꦤꦶꦁꦒꦭ꧀꧈​ ³⁸꧋ꦏꦺꦴꦂꦢꦺꦤ꧀ꦠꦸꦠꦸꦥ꧀ꦥꦺ​ꦏꦩꦂ​ꦱꦶꦁ​ꦱꦸꦕꦶ​ꦢꦺꦮꦺꦤꦁꦒꦿꦺꦗ​ꦒꦼꦢꦺꦠꦼꦫꦸꦱ꧀ꦱꦸꦮꦺꦏ꧀ꦢꦢꦶ​ꦭꦺꦴꦫꦺꦴ​꧈​ꦱꦁꦏꦤ꧀ꦢꦸꦮꦸꦂꦩꦼꦔꦶꦱꦺꦴꦂ​꧉​ ³⁹ꦥꦼꦁꦒꦼꦢꦺꦤꦺꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦤꦁꦔꦉꦥ꧀ꦥꦺ​ꦏꦪꦸ​ꦥꦼꦤ꧀ꦠꦺꦁꦔꦤ꧀ꦏꦺꦴꦤꦺꦴ​ꦮꦼꦫꦸꦃ​ꦤꦶꦁꦒꦭ꧀ꦭꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦢꦺꦏ꧀ꦤꦺꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦥꦚ꧀ꦕꦺꦤ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦤ꧀꧈​” ⁴⁰꧋ꦤꦁꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦚꦮꦁ​ꦊꦭꦏꦺꦴꦤ꧀ꦩꦲꦸ​ꦱꦁꦏꦏꦢꦺꦴꦃꦲꦤ꧀꧈​ꦏꦪꦢꦺꦤꦺꦩꦫꦶꦪꦩꦏ꧀ꦢꦭꦺꦤ꧈​ꦱꦭꦸꦩ꧀ꦭꦤ꧀ꦩꦫꦶꦪ꧈​ꦲꦶꦧꦸꦤꦺ​ꦪꦏꦺꦴꦧꦸꦱ꧀ꦕꦶꦭꦶꦏ꧀ꦭꦤ꧀ꦪꦺꦴꦱꦼꦱ꧀꧈​ ⁴¹ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦏꦶ​ꦥꦢ​ꦩꦺꦭꦸ​ꦭꦤ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀ꦤꦁꦓꦭꦶꦭꦺꦪ​꧉​ꦤꦁꦔꦶꦁ​ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦭꦶꦪꦤꦺ​ꦱꦶꦁ​ꦠꦼꦏ​ꦤꦁꦪꦺꦫꦸꦱꦭꦺꦩ꧀ꦧꦉꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦸꦧꦸꦂ​꧉​

^42-43꧋ꦲꦶꦁ​ꦢꦶꦤ​ꦏꦸꦮꦶ​꧈​ꦢꦶꦤ​ꦗꦼꦩꦸꦮꦃ꧈​ꦮꦺꦴꦁ​ꦙꦸꦥꦢ​ꦠꦠꦠꦠ​ꦏꦁꦒꦺꦴ​ꦢꦶꦤ​ꦱꦧꦠ꧀꧈​ꦱꦺꦴꦫꦺꦤꦺ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦤꦁꦔ꧀ꦒꦺꦴꦤ꧀ꦤꦺꦒꦿꦩꦁꦥꦶꦭꦠꦸꦱ꧀ꦤꦼꦩ꧀ꦧꦸꦁ​ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦲꦶꦏꦶ​ꦗꦼꦤꦼꦁꦔꦺ​ꦪꦺꦴꦱꦺꦥ꦳꧀ ꦩ꧀ꦧꦶꦪꦺꦤ꧀ꦤꦺꦱꦁꦏꦏꦸꦠꦄꦫꦶꦩꦠꦺꦪ​꧉​ꦢꦺꦏ꧀ꦤꦺ​ꦮꦂꦒꦤꦺ​ꦏꦿꦸꦠꦺꦴꦤ꧀ꦲꦒꦩ​꧈​ꦩꦸꦭꦤꦺ​ꦪ​ꦢꦶꦲꦗꦺꦤ꧀ꦤꦶ​ꦧꦔꦼꦠ꧀ꦏꦫꦺꦴ​ꦮꦺꦴꦁ​ꦭꦶꦪꦤꦺ​꧉​ꦪꦺꦴꦱꦺꦥ꦳꧀ꦲꦸꦒ​ꦔꦉꦥ꧀ꦲꦉꦥ꧀ꦠꦼꦏꦤꦺ​ꦏꦿꦠꦺꦴꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁴⁴ꦥꦶꦭꦠꦸꦱ꧀ꦢꦺꦮꦺꦔ꧀ꦒꦸꦩꦸꦤ꧀ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦤꦶꦁꦒꦭ꧀ ꦩꦸꦭꦤꦺ​ꦢꦺꦏ꧀ꦤꦺꦚꦼꦭꦸꦏ꧀ꦥꦼꦁꦒꦼꦢꦺꦤꦺꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦢꦶꦠꦏꦺꦴꦤ꧀ꦤꦶ​ꦲꦥ​ꦤꦶꦁꦒꦭ꧀ꦭꦺꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦱꦸꦮꦶ꧉​ ⁴⁵ꦱꦏ꧀ꦮꦶꦱ꧀ꦱꦺ​ꦥꦶꦭꦠꦸꦱ꧀ꦏꦿꦸꦔꦸ​ꦢꦺꦮꦺꦱꦁꦏꦱꦺꦴꦭ꧀ꦢꦠ꧀ꦩꦲꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦤꦶꦁꦒꦭ꧀ꦠꦼꦤꦤ꧀ ꦭꦪꦺꦴꦤꦺ​ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦪꦺꦴꦱꦺꦥ꦳꧀꧈​ ⁴⁶ꦪꦺꦴꦱꦺꦥ꦳꧀ꦠꦼꦫꦸꦱ꧀ꦠꦸꦏꦸ​ꦩꦺꦴꦫꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦲꦼꦢꦸꦤ꧀ꦤꦏꦺꦱꦁꦏꦏꦪꦸꦤꦺ​꧈​ꦠꦼꦫꦸꦱ꧀ꦢꦶꦧꦸꦤ꧀ꦠꦼꦭ꧀ꦩꦺꦴꦫꦶ​ꦢꦶꦢꦺꦏꦺꦏ꧀ꦤꦁꦏꦸꦧꦸꦂꦫꦤ꧀ꦤꦺ​꧉​ꦏꦸꦧꦸꦂꦫꦤ꧀ꦤꦺ​ꦏꦸꦮꦶ​ꦒꦸꦮ​ꦒꦮꦺꦪꦤ꧀ꦤꦁꦒꦸꦤꦸꦁꦔꦤ꧀ꦮꦠꦸ​꧉​ꦪꦺꦴꦱꦺꦥ꦳꧀ꦠꦼꦫꦸꦱ꧀​ꦔ꧀ꦒꦸꦤ꧀ꦢꦸꦁꦔꦏꦺꦮꦠꦸ​ꦏꦁꦒꦺꦴ​ꦤꦸꦠꦸꦥ꧀ꦭꦮꦁꦔꦺ​ꦒꦸꦮ​ꦏꦸꦮꦶ​꧉​ ⁴⁷ꦩꦫꦶꦪꦩꦏ꧀ꦢꦭꦺꦤꦭꦤ꧀ꦩꦫꦶꦪꦲꦶꦧꦸꦤꦺ​ꦪꦺꦴꦱꦼꦱ꧀ꦲꦸꦒ​ꦮꦼꦫꦸꦃ​ꦥꦁꦒꦺꦴꦤ꧀ꦤꦤ꧀ꦤꦺ​ꦱꦶꦁ​ꦢꦶꦲꦼꦁꦒꦺꦴ​ꦔ꧀ꦒꦺꦠꦏ꧀ꦏꦏꦺꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦔꦶ​ꦩꦼꦤꦺꦃ​꧉​

꧇​꧑꧖꧇​ ¹꧋ꦏꦢꦸꦁ​ꦢꦶꦤ​ꦱꦧꦠ꧀ꦮꦶꦱ꧀​ꦏ꧀ꦭꦶꦮꦠ꧀ ꦩꦫꦶꦪꦩꦏ꧀ꦢꦭꦺꦤ꧈​ꦩꦫꦶꦪꦲꦶꦧꦸꦤꦺ​ꦪꦏꦺꦴꦧꦸꦱ꧀ꦭꦤ꧀ꦱꦭꦸꦩ꧀ꦥꦢ​ꦠꦸꦏꦸ​ꦊꦔ​ꦮꦔꦶ​ꦏꦁꦒꦺꦴ​ꦔ꧀ꦊꦔꦤꦶꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²ꦢꦶꦤ​ꦩꦶꦁꦒꦸꦤꦺ꧈​ꦲꦺꦱꦸꦏ꧀ꦩꦿꦸꦥꦸꦠ꧀ ꦮꦪꦃꦲꦺ​ꦱꦽꦔꦺꦔꦺ​ꦚ꧀ꦗꦼꦢꦸꦭ꧀ ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦏꦶ​ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦧꦸꦂꦫꦤ꧀꧈​ ³ꦤꦁꦢꦭꦤ꧀ꦥꦢ​ꦫꦱꦤ꧀ꦫꦱꦤ꧀:“ꦩꦼꦁꦏꦺꦴ​ꦱꦥ​ꦪ​ꦱꦶꦁ​ꦔꦿꦺꦮꦁꦔꦶ​ꦔ꧀ꦒꦸꦤ꧀ꦢꦸꦁꦔꦏꦺꦮꦠꦸ​ꦠꦸꦠꦸꦥ꧀ꦏꦸꦧꦸꦂꦫꦤ꧀ꦤꦺ​?”ꦲꦮꦶꦠ꧀ꦮꦠꦸꦤꦺ​ꦒꦼꦢꦺꦧꦔꦼꦠ꧀꧈​ ⁴ꦤꦁꦔꦶꦁ​ꦏꦢꦸꦁ​ꦮꦶꦱ꧀ꦠꦼꦏꦤ꧀ꦏꦸꦧꦸꦂꦫꦤ꧀ꦤꦺ​꧈​ꦮꦺꦴꦁꦮꦺꦴꦁ​ꦮꦼꦫꦸꦃ​ꦤꦺꦏ꧀ꦮꦠꦸꦤꦺ​ꦮꦶꦱ꧀ꦢꦶꦒ꧀ꦭꦸꦤ꧀ꦢꦸꦁꦔꦏꦺ꧉​ ⁵ꦮꦺꦴꦁꦮꦺꦴꦁ​ꦠꦼꦫꦸꦱ꧀​ꦩ꧀ꦊꦧꦸ​꧈​ꦤꦁꦔꦶꦁ​ꦥꦢ​ꦏꦒꦺꦠ꧀ ꦲꦮꦶꦠ꧀ꦮꦼꦫꦸꦃ​ꦮꦺꦴꦁ​ꦲꦼꦤꦺꦴꦩ꧀​ꦚ꧀ꦗꦒꦺꦴꦁꦤꦁꦱꦼꦧꦼꦭꦃꦠꦼꦔꦼꦤꦺ​꧉​ꦱꦭꦶꦤ꧀ꦤꦺꦮꦺꦴꦁꦔꦺ​ꦥꦸꦠꦶꦃ​꧉​ ⁶꧋ꦮꦺꦴꦁꦔꦺ​ꦔꦺꦴꦩꦺꦴꦁ:“ꦲꦗ​ꦥꦢ​ꦏꦒꦺꦠ꧀꧈​ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦔ꧀ꦒꦺꦴꦭꦺꦏ꧀ꦏꦶ​ꦪꦺꦯꦸꦱ꧀ ꦮꦺꦴꦁ​ꦟꦱꦫꦺꦠ꧀ꦱꦶꦁ​ꦢꦶꦥꦼꦤ꧀ꦠꦺꦁ꧉​ꦢꦺꦏ꧀ꦤꦺꦮꦶꦱ꧀ꦲꦺꦴꦫ​ꦤꦁꦏꦺꦤꦺ​꧈​ꦲꦮꦶꦠ꧀ꦮꦶꦱ꧀ꦠꦔꦶ​꧉​ꦢꦼꦭꦺꦴꦏ꧀ꦏꦼꦤ꧀ꦢꦺꦮꦺ꧈​ꦩꦲꦸꦤꦺ​ꦮꦺꦴꦁꦔꦺ​ꦢꦶꦢꦺꦭꦺꦃꦤꦁꦏꦺꦤꦺ​ꦠ​? ⁷ꦏꦤ​ꦱꦲꦶꦏꦶ​ꦥꦢ​ꦧꦭꦶꦏ꧀ꦮꦲꦺ​꧉​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦶꦲꦺꦴꦩꦺꦴꦁꦔꦶꦭꦤ꧀ꦲꦗ​ꦭꦭꦶ​ꦔꦺꦴꦩꦺꦴꦁꦔꦶꦫꦱꦸꦭ꧀ꦦꦺꦠꦿꦸꦱ꧀꧈​ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀ꦤꦁꦓꦭꦶꦭꦺꦪ​꧉​ꦤꦁꦏꦤ​ꦧꦏꦭ꧀ꦥꦢ​ꦏꦼꦥꦼꦠꦸꦏ꧀ꦢꦺꦏ꧀ꦤꦺ꧈​ꦏꦪ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦱꦏ꧀ꦢꦸꦫꦸꦁꦔꦺꦢꦺꦏ꧀ꦤꦺꦤꦶꦁꦒꦭ꧀꧈​” ⁸꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦲꦩ꧀​ꦧ꧀ꦭꦪꦸꦩꦼꦠꦸ​ꦏꦫꦺꦴ​ꦤ꧀ꦢꦽꦢꦼꦏ꧀ꦭꦤ꧀ꦧꦶꦔꦸꦁ​꧉​ꦱꦁꦏꦶꦁꦮꦼꦢꦶꦤꦺ​ꦠꦼꦫꦸꦱ꧀ꦲꦺꦴꦫ​ꦔꦺꦴꦩꦺꦴꦁꦔꦶꦭꦶꦪꦭꦶꦪꦤꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦠꦺꦴꦏ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​

⁹꧋(ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦔꦶ​ꦱꦁꦏꦥꦠꦶ​ꦲꦶꦁ​ꦢꦶꦤ​ꦩꦶꦁꦒꦸ​ꦲꦺꦱꦸꦏ꧀ ꦢꦺꦏ꧀ꦤꦺꦤ꧀ꦢꦶꦱꦶꦏ꧀ꦢꦺꦮꦺꦔꦺꦠꦺꦴꦏ꧀ꦩꦫꦁ​ꦩꦫꦶꦪꦩꦏ꧀ꦢꦭꦺꦤ꧈​ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦩꦲꦸꦤꦺ​ꦢꦶꦭꦸꦮꦂꦫꦶ​ꦱꦁꦏꦢꦼꦩꦶꦠ꧀ꦥꦶꦠꦸ​꧉​ ¹⁰ꦩꦫꦶꦪꦩꦏ꧀ꦢꦭꦺꦤꦠꦼꦫꦸꦱ꧀ꦔꦧꦂꦫꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦱꦶꦁ​ꦲꦶꦗꦶꦏ꧀ꦥꦢ​ꦱꦼꦢꦶꦭꦤ꧀ꦥꦢ​ꦤꦔꦶꦱ꧀꧈​ ¹¹ꦤꦁꦔꦶꦁ​ꦏꦢꦸꦁ​ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦫꦶꦥ꧀ꦩꦼꦤꦺꦃ​ꦭꦤ꧀ꦔꦺꦠꦺꦴꦏ꧀ꦩꦫꦁ​ꦢꦺꦏ꧀ꦤꦺ꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦩꦭꦃ​ꦲꦺꦴꦫ​ꦥꦢ​ꦔꦤ꧀ꦢꦼꦭ꧀꧈​ ¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦠꦺꦴꦏ꧀ꦩꦫꦁ​ꦩꦸꦫꦶꦢ꧀ꦭꦺꦴꦫꦺꦴ​꧈​ꦢꦺꦴꦁꦔꦺꦲꦶꦗꦶꦏ꧀ꦥꦢ​ꦩ꧀ꦭꦏꦸ​ꦲꦉꦥ꧀ꦤꦁꦱꦏ꧀ꦮꦶꦗꦶꦤꦺꦢꦺꦱ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ ꦔꦺꦠꦺꦴꦏ꧀ꦔꦁꦒꦺꦴ​ꦫꦸꦥ​ꦭꦶꦪ​꧉​ ¹³ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦧꦭꦶꦏ꧀ꦔꦺꦴꦩꦺꦴꦁꦔꦶꦭꦶꦪꦭꦶꦪꦤꦺ​꧈​ꦤꦁꦔꦶꦁ​ꦲꦺꦴꦫ​ꦥꦢ​ꦔꦤ꧀ꦢꦼꦭ꧀꧈​ ¹⁴꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦠꦺꦴꦏ꧀ꦩꦫꦁ​ꦩꦸꦫꦶꦢ꧀ꦱꦶꦁ​ꦱꦼꦮꦼꦭꦱ꧀ ꦢꦺꦴꦁꦔꦺꦲꦶꦗꦶꦏ꧀ꦥꦢ​ꦩꦁꦔꦤ꧀꧈​ꦢꦺꦏ꧀ꦤꦺꦚꦼꦤꦺꦤ꧀ꦤꦶꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​꧈​ꦲꦮꦶꦠ꧀ꦲꦺꦴꦫ​ꦥꦢ​ꦒꦼꦊꦩ꧀ꦔꦤ꧀ꦢꦼꦭ꧀ꦩꦫꦁ​ꦲꦺꦴꦩꦺꦴꦁꦔꦤ꧀ꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦥꦢ​ꦮꦼꦫꦸꦃ​ꦢꦺꦏ꧀ꦤꦺ꧈​ꦱꦏ꧀ꦮꦶꦱ꧀ꦱꦺ​ꦠꦔꦶ​ꦩꦼꦤꦺꦃ​ꦱꦁꦏꦥꦠꦶ​꧉​ ¹⁵ꦒꦸꦱ꧀ꦠꦶ​ꦪꦺꦯꦸꦱ꧀ꦩꦿꦺꦤ꧀ꦠꦃ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦔꦺꦤꦺ​:“ꦏꦤ​ꦥꦢ​ꦭꦸꦔ​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦱꦧꦼꦤ꧀ꦮꦺꦴꦁ​ꦤꦁꦱꦏ꧀ꦭꦸꦩꦃꦲꦺꦗꦒꦠ꧀꧈​ ¹⁶ꦱꦥ​ꦱꦶꦁ​ꦥꦽꦕꦪ​ꦭꦤ꧀ꦢꦶꦧꦥ꧀ꦠꦶꦱ꧀ꦧꦏꦭ꧀ꦱ꧀ꦭꦩꦼꦠ꧀ ꦤꦁꦔꦶꦁ​ꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​ꦧꦏꦭ꧀ꦢꦶꦱꦼꦠꦿꦥ꧀꧈​ ¹⁷ꦱꦶꦁ​ꦥꦢ​ꦥꦽꦕꦪ​ꦧꦏꦭ꧀ꦠꦏ꧀ꦏꦺꦏ꧀ꦏꦶꦠꦤ꧀ꦢ꧈​ꦪꦏꦸꦮꦶ​꧈​ꦧꦏꦭ꧀ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦔꦁꦒꦺꦴ​ꦗꦼꦤꦼꦁꦏꦸ​ꦭꦤ꧀ꦧꦏꦭ꧀ꦔꦼꦠꦺꦴꦏ꧀ꦏꦏꦺꦧꦱ​ꦲꦚꦂ​꧉​ ¹⁸ꦱꦼꦤꦗꦤ꧀ꦚꦼꦏꦼꦭ꧀ꦲꦸꦭ​ꦭꦤ꧀ꦱꦼꦤꦗꦤ꧀ꦔꦺꦴꦩ꧀ꦧꦺ​ꦫꦕꦸꦤ꧀ꦲꦺꦴꦫ​ꦧꦏꦭ꧀ꦩꦱꦃ꧉​ꦧꦏꦭ꧀ꦤꦸꦩ꧀ꦥꦁꦔꦶ​ꦠꦔꦤ꧀ꦩꦫꦁ​ꦮꦺꦴꦁ​ꦭꦫ​ꦭꦤ꧀ꦱꦶꦁ​ꦭꦫ​ꦧꦏꦭ꧀ꦩꦫꦶ​꧉​” ¹⁹꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦏꦸꦮꦶ​ꦏꦧꦺꦃ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦩ꧀ꦧꦸꦭ꧀ꦩꦸꦁꦒꦃ​ꦤꦁꦱ꧀ꦮꦂꦒ​꧉​ꦤꦁꦏꦤ​ꦢꦺꦏ꧀ꦤꦺꦚ꧀ꦗꦒꦺꦴꦁꦤꦁꦠꦼꦔꦼꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁰ꦩꦸꦫꦶꦢ꧀ꦩꦸꦫꦶꦢ꧀ꦠꦺꦠꦼꦫꦸꦱ꧀ꦧꦸꦢꦭ꧀​ꦔ꧀ꦒꦼꦭꦂꦏꦧꦂꦏꦧꦸꦔꦃꦲꦤ꧀ꦤꦺꦒꦸꦱ꧀ꦠꦶꦄꦭ꧀ꦭꦃꦤꦁꦲꦼꦤ꧀ꦢꦶꦲꦼꦤ꧀ꦢꦶ꧉​ꦒꦸꦱ꧀ꦠꦶꦢꦺꦮꦺꦪꦔꦿꦺꦮꦁꦔꦶꦭꦤ꧀ꦔꦺꦠꦺꦴꦏ꧀ꦏꦏꦺꦏ꧀ꦮꦱꦤꦺꦔꦁꦒꦺꦴꦩꦸꦗꦶꦗꦠ꧀ꦩꦸꦗꦶꦗꦠ꧀꧈​ꦢꦢꦶꦤꦺꦮꦺꦴꦁꦮꦺꦴꦁꦤꦶꦠꦺꦤ꧀ꦤꦶꦢꦺꦮꦺꦤꦺꦏ꧀ꦠꦼꦩ꧀ꦧꦸꦁꦔꦺꦩꦸꦫꦶꦢ꧀ꦩꦸꦫꦶꦢ꧀ꦢꦺꦥꦚ꧀ꦕꦺꦤ꧀ꦥꦶꦠꦸꦠꦸꦂꦫꦺꦒꦸꦱ꧀ꦠꦶꦄꦭ꧀ꦭꦃꦠꦼꦤꦤ꧀꧈​)

꧋ꦥꦼꦩ꧀ꦧꦸꦏꦏ꧀ꦏꦤ꧀꧈​

꧇​꧑꧇​ ¹꧋ꦱꦼꦢꦸꦭꦸꦂꦏꦸ​ꦠꦺꦪꦺꦴꦥ꦳ꦶꦭꦸꦱ꧀ꦱꦶꦁ​ꦠꦏ꧀ꦲꦗꦺꦤ꧀ꦤꦶ​꧈​ꦲꦶꦏꦶ​ꦭꦪꦁ​ꦱꦁꦏꦔ꧀ꦒꦺꦴꦤ꧀ꦏꦸ​꧈​ꦭꦸꦏꦱ꧀꧈​ꦥꦚ꧀ꦕꦺꦤ꧀ꦪ​ꦮꦶꦱ꧀ꦲꦺꦤꦺꦁꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦤꦸꦭꦶꦱ꧀ꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦱꦶꦁ​ꦏꦼꦢꦢꦺꦪꦤ꧀ꦤꦁꦠꦼꦔꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​ ²ꦏꦸꦮꦶ​ꦩꦲꦸ​ꦏꦧꦺꦃ​ꦩꦶꦠꦸꦫꦸꦠ꧀ꦲꦺꦴꦩꦺꦴꦁꦔꦤ꧀ꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦮꦼꦫꦸꦃ​ꦢꦺꦮꦺꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​꧈​ꦠꦼꦫꦸꦱ꧀ꦥꦢ​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦏꦸꦮꦶ​꧉​ ³ꦩꦸꦭꦤꦺ​ꦲꦏꦸ​ꦢꦺꦮꦺꦪ​ꦠꦼꦫꦸꦱ꧀ꦩꦶꦏꦶꦂ​ꦤꦸꦭꦶꦱ꧀ꦧꦧ꧀ꦥꦽꦏꦫ​ꦲꦶꦏꦶ​ꦏꦁꦒꦺꦴ​ꦏꦺꦴꦮꦺ​꧉​ꦱꦏ꧀ꦢꦸꦫꦸꦁꦔꦺꦠꦏ꧀ꦠꦸꦭꦶꦱ꧀ ꦊꦭꦏꦺꦴꦤ꧀ꦊꦭꦏꦺꦴꦤ꧀ꦩꦲꦸ​ꦏꦧꦺꦃ​ꦠꦏ꧀ꦠꦶꦠꦶꦥꦿꦶꦏ꧀ꦱꦤ꧀ꦢꦶꦱꦶꦏ꧀ ꦠꦼꦫꦸꦱ꧀ꦠꦏ꧀ꦠꦠ​꧉​ ⁴ꦢꦢꦶꦤꦺ​ꦏꦼꦤꦺꦁꦢꦶꦠꦶꦠꦺꦤ꧀ꦤꦶ​ꦢꦺꦮꦺꦤꦺꦏ꧀ꦥꦶꦠꦸꦠꦸꦂ​ꦱꦶꦁ​ꦢꦶꦮꦸꦭꦁꦔꦏꦺꦩꦫꦁ​ꦱꦼꦢꦸꦭꦸꦂ​ꦠꦺꦪꦺꦴꦥ꦳ꦶꦭꦸꦱ꧀ꦏꦸꦮꦶ​ꦏꦼꦤꦺꦁꦢꦶꦥꦽꦕꦪ​ꦏꦧꦺꦃ​꧉​

꧋ꦏꦧꦂ​ꦤꦺꦏ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦲꦉꦥ꧀ꦭꦲꦶꦂ​꧉​

⁵꧋ꦢꦺꦴꦁꦔꦺꦲ꦳ꦺꦫꦺꦴꦢꦺꦱ꧀ꦲꦶꦗꦶꦏ꧀ꦢꦢꦶ​ꦫꦠꦸ​ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧈​ꦲꦺꦤꦺꦁꦱꦏ꧀ꦮꦶꦗꦶꦤꦺꦲꦶꦩꦩ꧀ꦱꦶꦁ​ꦗꦼꦤꦼꦁꦔꦺ​ꦯꦏꦫꦶꦪꦱ꧀ ꦱꦁꦏꦒꦺꦴꦭꦺꦴꦁꦔꦤ꧀ꦤꦺ​ꦲꦶꦩꦩ꧀ꦄꦧꦶꦪ​꧉​ꦧꦺꦴꦗꦺꦴꦤꦺ​ꦲꦶꦩꦩ꧀ꦯꦏꦫꦶꦪꦱ꧀ꦗꦼꦤꦼꦁꦔꦺ​ꦌꦭꦶꦱꦧꦺꦠ꧀꧈​ꦲꦶꦧꦸ​ꦌꦭꦶꦱꦧꦺꦠ꧀ꦲꦶꦏꦶ​ꦠꦸꦫꦸꦤ꧀ꦤꦤ꧀ꦤꦺ​ꦲꦶꦩꦩ꧀ꦄꦫꦺꦴꦤ꧀꧈​ ⁶ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦠꦼꦩꦼꦤ꧀ꦲꦼꦁꦒꦺꦴꦤꦺ​ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦥꦢ​ꦠꦼꦩꦼꦤ꧀​ꦔ꧀ꦭꦏꦺꦴꦤ꧀ꦤꦶ​ꦲꦁꦒꦼꦂꦫꦁꦒꦼꦂ​ꦭꦤ꧀ꦥꦼꦂꦤꦠꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦏ꧀ꦏꦧꦺꦃꦲꦺ꧉​ ⁷ꦲꦶꦩꦩ꧀ꦯꦏꦫꦶꦪꦱ꧀ꦭꦤ꧀ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦤ꧀ꦢꦸꦮꦺꦲꦤꦏ꧀ ꦲꦮꦶꦠ꧀ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦧꦶꦱ​ꦤ꧀ꦢꦸꦮꦺꦲꦤꦏ꧀꧈​ꦏꦫꦺꦴꦩꦼꦤꦺꦃ​ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦪ​ꦮꦶꦱ꧀ꦠꦸꦮ​ꦧꦔꦼꦠ꧀꧈​ ⁸ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦶꦩꦩ꧀ꦯꦏꦫꦶꦪꦱ꧀​ꦔ꧀ꦭꦏꦺꦴꦤ꧀ꦤꦶ​ꦏꦼꦂꦗꦤꦤ꧀ꦤꦺꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​꧈​ꦲꦮꦶꦠ꧀ꦮꦶꦱ꧀ꦠꦶꦧ​ꦮꦚ꧀ꦕꦶꦤꦺ​ꦒꦺꦴꦭꦺꦴꦁꦔꦤ꧀ꦤꦺ​ꦢꦺꦏ꧀ꦤꦺ꧉​ ⁹꧋ꦭꦃ​ꦱꦲꦶꦏꦶ​ꦲꦶꦩꦩ꧀ꦯꦏꦫꦶꦪꦱ꧀ꦱꦶꦁ​ꦏꦸꦢꦸ​ꦩ꧀ꦊꦧꦸ​ꦤꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ​꧈​ꦏꦸꦢꦸ​ꦔꦺꦴꦧꦺꦴꦁ​ꦩꦼꦚꦤ꧀꧈​ꦏꦸꦮꦶ​ꦱꦶꦁ​ꦔꦫꦤ꧀ꦤꦶ​ꦔꦁꦒꦺꦴ​ꦭꦺꦴꦠꦿꦺ​꧉​ ¹⁰ꦲꦶꦁ​ꦮꦚ꧀ꦕꦶ​ꦏꦸꦮꦶ​꧈​ꦢꦺꦴꦁꦔꦺꦩꦼꦚꦤ꧀ꦤꦺ​ꦢꦶꦲꦺꦴꦧꦺꦴꦁ​꧈​ꦤꦁꦚ꧀ꦗꦧ​ꦲꦺꦤꦺꦁꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦤ꧀ꦢꦼꦢꦺꦴꦔ​꧉​ ¹¹꧋ꦭꦃ​ꦢꦢꦏ꧀ꦏꦤ꧀ꦮꦲꦺ​ꦏꦺꦴꦏ꧀ꦠꦼꦫꦸꦱ꧀ꦲꦺꦤꦺꦁꦩꦸꦭꦺꦏꦠ꧀ꦔꦺꦠꦺꦴꦏ꧀ꦩꦫꦁ​ꦲꦶꦩꦩ꧀ꦯꦏꦫꦶꦪꦱ꧀꧈​ꦩꦸꦭꦺꦏꦠ꧀ꦠꦺꦔꦢꦼꦏ꧀ꦤꦁꦱꦼꦧꦼꦭꦃꦠꦼꦔꦼꦤꦺ​ꦲꦭ꧀ꦠꦂꦱꦶꦁ​ꦢꦶꦲꦼꦁꦒꦺꦴ​ꦔꦺꦴꦧꦺꦴꦁ​ꦩꦼꦚꦤ꧀꧈​ ¹²ꦲꦶꦩꦩ꧀ꦯꦏꦫꦶꦪꦱ꧀ꦮꦼꦫꦸꦃ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦏꦒꦺꦠ꧀ꦭꦤ꧀ꦮꦼꦢꦶ​ꦧꦔꦼꦠ꧀꧈​ ¹³ꦤꦁꦔꦶꦁ​ꦩꦸꦭꦺꦏꦠ꧀ꦠꦺꦔꦺꦴꦩꦺꦴꦁ:“ꦲꦗ​ꦮꦼꦢꦶ​꧈​ꦯꦏꦫꦶꦪꦱ꧀!ꦥꦤ꧀ꦢꦺꦴꦔꦩꦸ​ꦮꦶꦱ꧀ꦏꦼꦠꦩ꧀ꦥꦭꦤ꧀ꦌꦭꦶꦱꦧꦺꦠ꧀ ꦧꦺꦴꦗꦺꦴꦩꦸ​꧈​ꦧꦏꦭ꧀​ꦩ꧀ꦧꦪꦶꦲꦤꦏ꧀ꦭꦤꦁ​꧉​ꦧꦺꦴꦕꦃꦲꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦗꦼꦤꦼꦁꦔꦏꦺꦪꦺꦴꦲꦤꦼꦱ꧀꧈​ ¹⁴ꦏꦺꦴꦮꦺ​ꦧꦏꦭ꧀ꦧꦸꦔꦃ​ꦧꦔꦼꦠ꧀ꦭꦤ꧀ꦮꦺꦴꦁ​ꦲꦺꦴꦏꦺꦃꦧꦏꦭ꧀ꦧꦸꦔꦃ​ꦤꦺꦏ꧀ꦧꦺꦴꦕꦃ​ꦲꦶꦏꦶ​ꦭꦲꦶꦂ​꧉​ ¹⁵ꦧꦺꦴꦕꦃ​ꦲꦶꦏꦶ​ꦧꦏꦭ꧀ꦢꦢꦶ​ꦮꦺꦴꦁ​ꦱꦶꦁ​ꦒꦼꦢꦺꦲꦗꦶꦤꦺ​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦸꦭꦤꦺ​ꦢꦺꦏ꧀ꦤꦺꦲꦺꦴꦫ​ꦏꦼꦤꦺꦁꦔꦺꦴꦩ꧀ꦧꦺ​ꦲꦁꦒꦸꦂ​ꦲꦥ​ꦲꦺꦴꦩ꧀ꦧꦺꦤ꧀ꦭꦶꦪꦤꦺ​ꦱꦶꦁ​ꦩꦫꦏ꧀ꦏꦏꦺꦩꦼꦤ꧀ꦢꦼꦩ꧀꧈​ꦮꦶꦮꦶꦠ꧀ꦱꦁꦏꦮꦼꦠꦼꦁꦔꦺ​ꦲꦶꦧꦸꦤꦺ​ꦧꦺꦴꦕꦃ​ꦲꦶꦏꦶ​ꦧꦏꦭ꧀ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ ¹⁶ꦲꦩ꧀ꦧꦺꦱꦸꦏ꧀ꦢꦺꦏ꧀ꦤꦺꦧꦏꦭ꧀ꦤꦸꦤ꧀ꦠꦸꦤ꧀ꦮꦺꦴꦁ​ꦆꦱꦿꦌꦭ꧀ ꦱꦸꦥꦪ​ꦥꦢ​ꦩꦤꦸꦠ꧀ꦩꦼꦤꦺꦃ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​꧉​ ¹⁷ꦲꦤꦏ꧀ꦩꦸ​ꦲꦶꦏꦸ​ꦧꦏꦭ꧀ꦢꦢꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦶꦁ​ꦫꦺꦴꦃ​ꦭꦤ꧀ꦥꦔ꧀ꦮꦱ​ꦢꦺꦏ꧀ꦤꦺꦠꦸꦁꦒꦭ꧀ꦭꦺ​ꦮꦲꦺ​ꦏꦫꦺꦴ​ꦤꦧꦶ​ꦌꦭꦶꦪ​꧉​ꦢꦺꦏ꧀ꦤꦺꦧꦏꦭ꧀ꦔꦿꦸꦏꦸꦤ꧀ꦤꦏꦺꦧꦥꦏ꧀ꦏꦫꦺꦴ​ꦲꦤꦏ꧀ꦏꦺ​ꦭꦤ꧀ꦮꦺꦴꦁ​ꦱꦶꦁ​ꦲꦺꦴꦫ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦏꦠꦸꦤ꧀ꦠꦸꦤ꧀ꦩꦭꦶꦃ​ꦩꦤꦸꦠ꧀꧈​ꦢꦢꦶꦤꦺ​ꦢꦺꦏ꧀ꦤꦺꦧꦶꦱ​ꦚꦮꦶꦱ꧀ꦱꦏꦺꦲꦸꦩꦠ꧀ꦱꦶꦁ​ꦥꦤ꧀ꦠꦼꦱ꧀ꦏꦁꦒꦺꦴ​ꦒꦸꦱ꧀ꦠꦶ​꧉​” ¹⁸꧋ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦏꦼꦥꦿꦶꦪꦺ​ꦲꦏꦸ​ꦧꦶꦱꦤꦺ​ꦔꦼꦂꦠꦶ​ꦤꦺꦏ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦏꦸꦮꦶ​ꦧꦏꦭ꧀​ꦏ꧀ꦭꦏꦺꦴꦤ꧀ꦠꦼꦤꦤ꧀ ꦲꦮꦶꦠ꧀ꦲꦏꦸ​ꦢꦺꦮꦺꦮꦶꦱ꧀ꦠꦸꦮ​꧈​ꦱꦼꦩꦺꦴꦤꦺꦴ​ꦲꦸꦒ​ꦧꦺꦴꦗꦺꦴꦏꦸ​?” ¹⁹꧋ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦶꦏꦶ​ꦒꦧꦿꦶꦪꦺꦭ꧀ꦱꦶꦁ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁ ꦔꦉꦥ꧀ꦥꦺ​꧉​ꦲꦏꦸ​ꦢꦶꦏꦺꦴꦁꦏꦺꦴꦤ꧀​ꦔ꧀ꦒꦮ​ꦏꦧꦂ​ꦏꦧꦸꦔꦃꦲꦤ꧀ꦲꦶꦏꦶ​ꦩꦫꦁ​ꦏꦺꦴꦮꦺ​꧉​ ²⁰ꦲꦥ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦲꦶꦏꦶ​ꦩꦼꦱ꧀ꦠꦶꦧꦏꦭ꧀​ꦏ꧀ꦭꦏꦺꦴꦤ꧀ꦲꦶꦁ​ꦮꦏ꧀ꦠꦸ​ꦱꦶꦁ​ꦮꦶꦱ꧀ꦢꦶꦠꦼꦔꦼꦂꦫꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦏꦺꦴꦮꦺ​ꦧꦏꦭ꧀ꦢꦢꦶ​ꦧꦶꦱꦸ​ꦠꦼꦏꦤ꧀ꦮꦏ꧀ꦠꦸ​ꦏꦸꦮꦶ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦤ꧀ꦢꦼꦭ꧀ꦩꦫꦁ​ꦠꦼꦩ꧀ꦧꦸꦁꦏꦸ​꧉​” ²¹꧋ꦮꦺꦴꦁꦮꦺꦴꦁ​ꦱꦶꦁ​ꦔꦼꦤ꧀ꦠꦺꦤ꧀ꦤꦶ​ꦤꦁꦚ꧀ꦗꦧ​ꦥꦢ​ꦔ꧀ꦒꦸꦩꦸꦤ꧀ꦲꦶꦩꦩ꧀ꦯꦏꦫꦶꦪꦱ꧀ꦏꦺꦴꦏ꧀ꦱꦸꦮꦶꦠꦼꦩꦼꦤ꧀ꦤꦁꦚ꧀ꦗꦼꦫꦺꦴ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦏꦺꦴꦤꦺꦴ​꧉​ ²²ꦏꦢꦸꦁ​ꦩꦼꦠꦸ​꧈​ꦲꦶꦩꦩ꧀ꦯꦏꦫꦶꦪꦱ꧀ꦲꦺꦴꦫ​ꦧꦶꦱ​ꦔꦺꦴꦩꦺꦴꦁꦲꦥꦲꦥ​꧈​ꦤꦩꦸꦁ​ꦚ꧀ꦗꦗꦭ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦔꦁꦒꦺꦴ​ꦠꦔꦤ꧀ꦤꦺ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦔꦼꦂꦠꦶ​ꦤꦺꦏ꧀ꦲꦶꦩꦩ꧀ꦯꦏꦫꦶꦪꦱ꧀ꦲꦼꦤ꧀ꦠꦱ꧀ꦢꦶꦏꦺꦠꦺꦴꦏ꧀ꦏꦶꦲꦶꦁ​ꦚ꧀ꦗꦼꦫꦺꦴ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦏꦺꦴꦤꦺꦴ​꧉​ꦢꦺꦏ꧀ꦤꦺꦪ​ꦧꦶꦱꦸ​ꦠꦼꦫꦸꦱ꧀꧈​ ²³꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦔ꧀ꦭꦏꦺꦴꦤ꧀ꦤꦶ​ꦏꦼꦂꦗꦤꦤ꧀ꦤꦺꦤꦁꦒꦿꦺꦗ​ꦒꦼꦢꦺꦲꦶꦁ​ꦩꦶꦁꦒꦸ​ꦏꦸꦮꦶ​꧈​ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦩꦸꦭꦶꦃ​꧉​ ²⁴ꦲꦺꦴꦫ​ꦊꦠ꧀ꦱꦸꦮꦶꦲꦶꦧꦸ​ꦌꦭꦶꦱꦧꦺꦠ꧀ ꦧꦺꦴꦗꦺꦴꦤꦺ​꧈​ꦠꦼꦫꦸꦱ꧀ꦩꦼꦠꦼꦁ​꧉​ꦭꦶꦩꦁ​ꦱꦱꦶ​ꦱꦸꦮꦺꦤꦺ​ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦩꦼꦠꦸ​ꦱꦁꦏꦲꦺꦴꦩꦃꦲꦺ​꧉​ ²⁵ꦢꦺꦏ꧀ꦤꦺꦔꦺꦴꦩꦺꦴꦁ:“ꦱꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦭꦸꦁ​ꦲꦏꦸ​ꦠꦼꦤꦤ꧀꧈​ꦱꦲꦶꦏꦶ​ꦢꦺꦏ꧀ꦤꦺꦮꦶꦱ꧀ꦔꦶꦭꦁꦔꦏꦺꦲꦶꦱꦶꦤ꧀ꦏꦸ​꧈​ꦲꦏꦸ​ꦮꦶꦱ꧀ꦲꦺꦴꦫ​ꦲꦸꦱꦃꦲꦶꦱꦶꦤ꧀ꦩꦼꦤꦺꦃ​ꦩꦫꦁ​ꦮꦺꦴꦁꦮꦺꦴꦁ​꧉​”

꧋ꦏꦧꦂ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦭꦲꦶꦂ​꧉​

²⁶꧋ꦏꦢꦸꦁ​ꦲꦶꦧꦸ​ꦌꦭꦶꦱꦧꦺꦠ꧀ꦮꦶꦱ꧀ꦩꦼꦠꦼꦁ​ꦤꦼꦩ꧀ꦱꦱꦶ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦒꦧꦿꦶꦪꦺꦭ꧀ꦠꦼꦏ​ꦤꦁꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ ²⁷ꦩꦸꦭꦺꦏꦠ꧀ꦒꦧꦿꦶꦪꦺꦭ꧀ꦢꦶꦏꦺꦴꦁꦏꦺꦴꦤ꧀ꦩꦼꦠꦸꦮꦱꦏ꧀ꦮꦶꦗꦶꦤꦺꦥꦿꦮꦤ꧀ꦱꦶꦁ​ꦗꦼꦤꦼꦁꦔꦺ​ꦩꦫꦶꦪ꧉​ꦩꦫꦶꦪꦲꦶꦏꦶ​ꦥꦕꦁꦔꦤ꧀ꦤꦺ​ꦪꦺꦴꦱꦺꦥ꦳꧀ ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀꧈​ ²⁸ꦏꦢꦸꦁ​ꦒꦧꦿꦶꦪꦺꦭ꧀ꦮꦶꦱ꧀ꦤꦼꦩꦸ​ꦩꦫꦶꦪ꧈​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦩꦫꦶꦪ꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦢꦶꦧꦼꦂꦏꦃꦲꦶ​ꦠꦼꦤꦤ꧀ꦏꦫꦺꦴ​ꦒꦸꦱ꧀ꦠꦶ​꧈​ꦲꦮꦶꦠ꧀ꦢꦺꦏ꧀ꦤꦺꦩꦶꦗꦶ​ꦏꦺꦴꦮꦺ​꧉​” ²⁹꧋ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦩꦸꦭꦺꦏꦠ꧀ꦏꦸꦮꦶ​ꦩꦲꦸ​ꦩꦫꦶꦪꦏꦒꦺꦠ꧀ꦧꦔꦼꦠ꧀ ꦠꦼꦫꦸꦱ꧀ꦩꦶꦏꦶꦂ​ꦲꦶꦁ​ꦲꦠꦶ​:“ꦲꦥ​ꦠ​ꦠꦼꦒꦼꦱ꧀ꦱꦺ​ꦠꦼꦩ꧀ꦧꦸꦁ​ꦏꦸꦮꦶ​?” ³⁰ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦩꦫꦶꦪ꧈​ꦲꦗ​ꦮꦼꦢꦶ​!ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦏꦺꦴꦮꦺ​꧉​ ³¹ꦏꦺꦴꦮꦺ​ꦧꦏꦭ꧀ꦩꦼꦠꦼꦁ​ꦭꦤ꧀​ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ​꧉​ꦧꦺꦴꦕꦃꦲꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦗꦼꦤꦼꦁꦔꦏꦺꦪꦺꦯꦸꦱ꧀꧈​ ³²ꦢꦺꦏ꧀ꦤꦺꦧꦏꦭ꧀ꦢꦢꦶ​ꦮꦺꦴꦁ​ꦱꦶꦁ​ꦥꦶꦤꦸꦚ꧀ꦗꦸꦭ꧀ꦭꦤ꧀ꦧꦏꦭ꧀ꦢꦶꦕꦼꦭꦸꦏ꧀​ꦲꦤꦏ꧀ꦏꦺ​ꦱꦶꦁ​ꦭꦸꦲꦸꦂ​ꦢꦺꦮꦺ꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦤ꧀ꦢꦢꦺꦏ꧀ꦏꦏꦺꦢꦺꦏ꧀ꦤꦺꦢꦢꦶ​ꦫꦠꦸ​꧈​ꦤꦸꦫꦸꦠ꧀ꦧꦥꦏ꧀ꦧꦥꦏꦤ꧀ꦤꦺꦩ꧀ꦧꦶꦪꦺꦤ꧀ ꦪꦏꦸꦮꦶ​ꦫꦠꦸ​ꦣꦮ꦳ꦼꦢ꧀꧈​ ³³ꦢꦺꦏ꧀ꦤꦺꦧꦏꦭ꧀ꦢꦢꦶ​ꦫꦠꦸꦤꦺ​ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺꦧꦥ​ꦪꦏꦸꦧ꧀ꦱ꧀ꦭꦮꦱ꧀ꦭꦮꦱ꧀ꦱꦺꦭꦤ꧀ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦧꦏꦭ꧀ꦢꦢꦶ​ꦫꦠꦸ​ꦲꦺꦴꦫ​ꦧꦏꦭ꧀ꦲꦺꦤꦺꦁꦭꦺꦫꦺꦤ꧀ꦤꦺ꧉​” ³⁴꧋ꦩꦫꦶꦪꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦭꦺꦏꦠ꧀ꦠꦺ:“ꦏꦼꦥꦿꦶꦪꦺ​ꦏꦸꦮꦶ​ꦩꦲꦸ​ꦏꦧꦺꦃ​ꦧꦏꦭ꧀ꦭꦺ​ꦏ꧀ꦭꦏꦺꦴꦤ꧀ ꦲꦮꦶꦠ꧀ꦲꦏꦸ​ꦢꦸꦫꦸꦁ​ꦤ꧀ꦢꦸꦮꦺꦧꦺꦴꦗꦺꦴ​?” ³⁵ꦩꦸꦭꦺꦏꦠ꧀ꦠꦺꦱꦼꦩꦲꦸꦂ​:“ꦫꦺꦴꦃ​ꦱꦸꦕꦶ​ꦧꦏꦭ꧀ꦚꦼꦢꦼꦏ꧀ꦏꦶꦏꦺꦴꦮꦺ​ꦭꦤ꧀ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦤꦸꦠꦸꦥ꧀ꦥꦶ​ꦏꦺꦴꦮꦺ​꧉​ꦩꦸꦭꦤꦺ​ꦲꦤꦏ꧀ꦱꦶꦁ​ꦭꦲꦶꦂ​ꦏꦸꦮꦶ​ꦱꦸꦕꦶ​ꦭꦤ꧀ꦧꦏꦭ꧀ꦢꦶꦕꦼꦭꦸꦏ꧀​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ³⁶ꦭꦤ꧀ꦔꦼꦂꦠꦶꦪ​ꦤꦺꦏ꧀ꦲꦸꦒ​ꦲꦶꦧꦸ​ꦌꦭꦶꦱꦧꦺꦠ꧀ ꦱꦼꦢꦸꦭꦸꦂꦩꦸꦱꦶꦁ​ꦮꦶꦱ꧀ꦠꦸꦮ​ꦭꦤ꧀ꦱꦶꦁ​ꦗꦫꦺꦤꦺ​ꦲꦺꦴꦫ​ꦧꦶꦱ​ꦤ꧀ꦢꦸꦮꦺꦲꦤꦏ꧀ ꦱꦲꦶꦏꦶ​ꦮꦶꦱ꧀ꦩꦼꦠꦼꦁ​ꦤꦼꦩ꧀ꦱꦱꦶ​꧉​ ³⁷ꦲꦮꦶꦠ꧀ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦲꦺꦤꦺꦁꦥꦽꦏꦫ​ꦱꦶꦁ​ꦩꦺꦴꦏꦭ꧀꧈​” ³⁸꧋ꦩꦫꦶꦪꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦶꦏꦶ​ꦥꦼꦭꦢꦺꦤ꧀ꦤꦺ​ꦒꦸꦱ꧀ꦠꦶ​꧉​ꦱꦼꦩ꧀ꦧꦫꦁ​ꦏꦸꦮꦶ​ꦩꦲꦸ​ꦏꦧꦺꦃ​ꦧꦏꦭ꧀​ꦏ꧀ꦭꦏꦺꦴꦤ꧀ꦏꦫꦺꦴ​ꦲꦏꦸ​ꦏꦪ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​꧉”ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦭꦸꦔ​꧉​

꧋ꦩꦫꦶꦪꦤꦶꦭꦶꦏ꧀ꦏꦶ​ꦲꦶꦧꦸ​ꦌꦭꦶꦱꦧꦺꦠ꧀꧈​

³⁹꧋ꦲꦺꦴꦫ​ꦊꦠ꧀ꦱꦸꦮꦶꦩꦫꦶꦪꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦤꦁꦒꦸꦤꦸꦔꦤ꧀ꦤꦺꦧꦮꦃꦪꦸꦢꦺꦪ​꧉​ ⁴⁰ꦩꦫꦶꦪꦚ꧀ꦗꦸꦗꦸꦏ꧀ꦤꦁꦲꦺꦴꦩꦃꦲꦺ​ꦲꦶꦩꦩ꧀ꦯꦏꦫꦶꦪꦱ꧀ ꦠꦼꦫꦸꦱ꧀​ꦩ꧀ꦊꦧꦸ​ꦩ꧀ꦧꦒꦺꦏ꧀ꦏꦏꦺꦲꦶꦧꦸ​ꦌꦭꦶꦱꦧꦺꦠ꧀꧈​ ⁴¹ꦢꦺꦴꦁꦔꦺꦲꦶꦧꦸ​ꦌꦭꦶꦱꦧꦺꦠ꧀ꦏꦿꦸꦔꦸ​ꦱ꧀ꦮꦫꦤꦺ​ꦩꦫꦶꦪ꧈​ꦧꦪꦶ​ꦱꦶꦁ​ꦤꦁꦮꦼꦠꦼꦁꦔꦺ​ꦠꦼꦫꦸꦱ꧀​ꦔ꧀ꦒꦺꦴꦚ꧀ꦗꦭ꧀꧈​ꦲꦶꦧꦸ​ꦌꦭꦶꦱꦧꦺꦠ꧀ꦠꦼꦫꦸꦱ꧀ꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ ⁴²ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦩꦫꦶꦪ꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦤꦩ꧀ꦥ​ꦧꦼꦂꦏꦃ​ꦱꦶꦁ​ꦒꦼꦢꦺꦢꦺꦮꦺꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦮꦺꦢꦺꦴꦏ꧀ꦏꦧꦺꦃ​꧉​ꦱꦼꦩꦺꦴꦤꦺꦴ​ꦲꦸꦒ​ꦧꦪꦶ​ꦱꦶꦁ​ꦤꦁꦮꦼꦠꦼꦁꦩꦸ​꧈​ꦏꦸꦮꦶ​ꦧꦪꦶ​ꦱꦶꦁ​ꦒꦼꦢꦺꦢꦺꦮꦺꦧꦼꦂꦏꦃꦲꦺ​꧉​ ⁴³ꦱꦥ​ꦠ​ꦲꦏꦸ​ꦲꦶꦏꦶ​꧈​ꦏꦺꦴꦏ꧀ꦱꦩ꧀ꦥꦺꦏ꧀ꦢꦶꦠꦼꦏꦤꦶ​ꦏꦫꦺꦴ​ꦲꦶꦧꦸꦤꦺ​ꦒꦸꦱ꧀ꦠꦶꦏꦸ​? ⁴⁴ꦲꦮꦶꦠ꧀ꦢꦺꦴꦁꦔꦺꦏꦺꦴꦮꦺ​ꦩ꧀ꦧꦒꦺꦏ꧀ꦏꦏꦺꦲꦏꦸ​꧈​ꦧꦪꦶ​ꦱꦶꦁ​ꦤꦁꦮꦼꦠꦼꦁꦏꦸ​ꦔ꧀ꦒꦺꦴꦚ꧀ꦗꦭ꧀ꦱꦁꦏꦶꦁꦧꦸꦔꦃꦲꦺ​꧉​ ⁴⁵ꦒꦼꦢꦺꦠꦼꦤꦤ꧀ꦧꦼꦂꦏꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦥꦽꦕꦪ​ꦤꦺꦏ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​ꦧꦏꦭ꧀​ꦏ꧀ꦭꦏꦺꦴꦤ꧀꧈​” ⁴⁶ꦩꦫꦶꦪꦠꦼꦫꦸꦱ꧀ꦔꦺꦴꦩꦺꦴꦁ:

“ꦚꦮꦏꦸ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​!
⁴⁷ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦗꦸꦫꦸ​ꦱ꧀ꦭꦩꦼꦠ꧀ꦏꦸ​꧈​
ꦩꦫꦏ꧀ꦏꦏꦺꦲꦠꦶꦏꦸ​ꦧꦸꦔꦃ​꧉​
⁴⁸ꦢꦺꦏ꧀ꦤꦺꦔ꧀ꦒꦠꦺꦏ꧀ꦏꦏꦺꦩꦫꦁ​ꦲꦏꦸ​ꦲꦶꦏꦶ​꧈​
ꦥꦼꦭꦢꦺꦤ꧀ꦱꦶꦁ​ꦕꦶꦭꦶꦏ꧀ꦢꦺꦮꦺ꧉​
ꦮꦶꦮꦶꦠ꧀ꦱꦲꦶꦏꦶ​ꦏꦧꦺꦃ​ꦮꦺꦴꦁ​ꦧꦏꦭ꧀ꦔꦺꦴꦩꦺꦴꦁ
ꦤꦺꦏ꧀ꦲꦏꦸ​ꦲꦶꦏꦶ​ꦮꦺꦴꦁ​ꦱꦶꦁ​ꦒꦼꦢꦺꦧꦼꦂꦏꦃꦲꦺ​꧉​
⁴⁹ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦒꦼꦢꦺꦢꦺꦮꦺꦏ꧀ꦮꦱꦤꦺ​꧈​
ꦮꦶꦱ꧀ꦤꦶꦤ꧀ꦢꦏ꧀ꦏꦏꦺꦧꦫꦁ​ꦱꦶꦁ​ꦒꦼꦢꦺꦧꦔꦼꦠ꧀ꦲꦶꦁ​ꦲꦸꦫꦶꦥ꧀ꦏꦸ​꧉​
ꦥꦚ꧀ꦕꦺꦤ꧀ꦱꦸꦕꦶ​ꦠꦼꦤꦤ꧀ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
⁵⁰ꦒꦸꦱ꧀ꦠꦶ​ꦔꦼꦠꦺꦴꦏ꧀ꦏꦏꦺꦏꦮꦼꦭꦱ꧀ꦱꦤ꧀ꦤꦺ​
ꦩꦫꦁ​ꦮꦺꦴꦁ​ꦱꦶꦁ​ꦔꦗꦺꦤ꧀ꦤꦶ​ꦩꦫꦁ​ꦢꦺꦏ꧀ꦤꦺ꧈​
ꦒꦸꦱ꧀ꦠꦶ​ꦩꦼꦭꦱ꧀ꦱꦶ​ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺ꧉​
⁵¹ꦒꦸꦱ꧀ꦠꦶꦄꦭ꧀ꦭꦃꦔꦺꦠꦺꦴꦏ꧀ꦏꦏꦺꦥꦔ꧀ꦮꦱꦤꦺ:ꦭꦤ꧀ꦮꦺꦴꦁꦮꦺꦴꦁꦱꦶꦁꦒꦼꦩꦸꦁꦒꦸꦁꦲꦶꦁꦲꦠꦶꦤꦺꦢꦶꦧꦸꦪꦂꦫꦏꦺꦏꦧꦺꦃ꧉​
ꦫꦚ꧀ꦕꦩ꧀ꦩꦤ꧀ꦤꦺꦢꦶꦲꦺꦴꦫꦠ꧀ꦠꦫꦶꦠ꧀꧈​
⁵²ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦭꦺꦴꦫꦺꦴꦠ꧀ꦠꦏꦺꦥꦫ​
ꦥꦔ꧀ꦮꦱ​ꦱꦁꦏꦗꦒꦺꦴꦔꦤ꧀ꦤꦺ꧈​
ꦩꦭꦃ​ꦱꦶꦁ​ꦕꦶꦭꦶꦏ꧀ꦢꦶꦲꦸꦁꦒꦃꦲꦏꦺ꧉​
⁵³ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦩꦁꦔꦤ꧀
ꦩꦫꦁ​ꦮꦺꦴꦁ​ꦱꦶꦁ​ꦔꦼꦭꦶꦃ​꧈​
ꦩꦭꦃ​ꦢꦶꦲꦸꦢꦤ꧀ꦤꦶ​ꦏꦫꦺꦴ​ꦱꦼꦩ꧀ꦧꦫꦁ​ꦱꦶꦁ​ꦧꦼꦕꦶꦏ꧀
ꦤꦁꦔꦶꦁ​ꦮꦺꦴꦁ​ꦱꦶꦁ​ꦱꦸꦒꦶꦃ​ꦢꦶꦏꦺꦴꦁꦏꦺꦴꦤ꧀ꦭꦸꦔ​꧈​
ꦲꦺꦴꦫ​ꦢꦶꦏꦺꦏ꧀ꦏꦶꦲꦥꦲꦥ​꧉​
⁵⁴ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦭꦸꦁꦔꦶ​ꦆꦱꦿꦌꦭ꧀ ꦥꦼꦭꦢꦺꦤ꧀ꦤꦺ​꧈​
ꦲꦮꦶꦠ꧀ꦢꦺꦏ꧀ꦤꦺꦲꦉꦥ꧀ꦤꦼꦠꦼꦥ꧀ꦥꦶ​ꦥꦽꦗꦚ꧀ꦗꦶꦪꦤ꧀ꦤꦺ​
ꦩꦫꦁ​ꦥꦫ​ꦩ꧀ꦧꦃꦩ꧀ꦧꦲꦤ꧀ꦤꦺ꧉​
⁵⁵ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦗꦚ꧀ꦗꦶ​
ꦤꦺꦏ꧀ꦧꦏꦭ꧀ꦲꦩ꧀ꦧꦼꦂꦏꦃꦲꦶ​ꦧꦥ​ꦄꦨꦿꦲꦩ꧀
ꦭꦤ꧀ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺꦏꦧꦺꦃ​꧈​ꦱ꧀ꦭꦮꦱ꧀ꦭꦮꦱ꧀ꦱꦺ꧉​”

⁵⁶꧋ꦩꦫꦶꦪꦠꦼꦫꦸꦱ꧀ꦠꦼꦭꦸꦁ​ꦱꦱꦶ​ꦱꦸꦮꦺꦤꦺ​ꦤꦁꦔ꧀ꦒꦺꦴꦤ꧀ꦤꦺꦲꦶꦧꦸ​ꦌꦭꦶꦱꦧꦺꦠ꧀꧈​ꦱꦏ꧀ꦮꦶꦱ꧀ꦱꦺ​ꦠꦼꦭꦸꦁ​ꦱꦱꦶ​ꦏꦸꦮꦶ​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦭꦶꦃ​꧉​

꧋ꦭꦲꦶꦂꦫꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

⁵⁷꧋ꦏꦢꦸꦁ​ꦮꦶꦱ꧀ꦠꦼꦏꦤ꧀ꦮꦪꦃꦲꦺ​꧈​ꦲꦶꦧꦸ​ꦌꦭꦶꦱꦧꦺꦠ꧀​ꦩ꧀ꦧꦪꦶꦲꦤꦏ꧀ꦭꦤꦁ​꧉​ ⁵⁸ꦠꦁꦒꦠꦼꦥꦫꦺꦴꦭꦤ꧀ꦱꦤꦏ꧀ꦱꦼꦢꦸꦭꦸꦂꦫꦺ​ꦥꦢ​ꦏꦿꦸꦔꦸ​ꦧꦧ꧀ꦒꦼꦢꦺꦤꦺꦏꦧꦼꦕꦶꦏ꧀ꦏꦤ꧀ꦤꦺ​ꦒꦸꦱ꧀ꦠꦶ​ꦩꦫꦁ​ꦲꦶꦧꦸ​ꦌꦭꦶꦱꦧꦺꦠ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦏꦧꦺꦃ​ꦥꦢ​ꦩꦺꦭꦸ​ꦧꦸꦔꦃ​ꦧꦔꦼꦠ꧀꧈​ ⁵⁹꧋ꦏꦢꦸꦁ​ꦧꦪꦶꦤꦺ​ꦮꦶꦱ꧀​ꦤ꧀ꦢꦸꦮꦺꦲꦸꦩꦸꦂ​ꦮꦺꦴꦭꦸꦁ​ꦢꦶꦤ​꧈​ꦠꦁꦒꦠꦼꦥꦫꦺꦴꦭꦤ꧀ꦱꦤꦏ꧀ꦱꦼꦢꦸꦭꦸꦂꦫꦺ​ꦩꦲꦸ​ꦏꦧꦺꦃ​ꦥꦢ​ꦠꦼꦏ​꧈​ꦲꦮꦶꦠ꧀ꦧꦪꦶꦤꦺ​ꦲꦉꦥ꧀ꦢꦶꦱꦸꦤꦠ꧀ꦠꦶ꧉​ꦏꦉꦥ꧀ꦥꦺ​ꦮꦺꦴꦁꦮꦺꦴꦁ​ꦧꦺꦴꦕꦃꦲꦺ​ꦲꦉꦥ꧀ꦢꦶꦗꦼꦤꦼꦁꦔꦏꦺꦯꦏꦫꦶꦪꦱ꧀ ꦏꦪ​ꦧꦥꦏ꧀ꦏꦺ꧉​ ⁶⁰ꦤꦁꦔꦶꦁ​ꦲꦶꦧꦸꦤꦺ​ꦔꦺꦴꦩꦺꦴꦁ:“ꦲꦺꦴꦫ​꧈​ꦧꦺꦴꦕꦃ​ꦲꦶꦏꦶ​ꦏꦸꦢꦸ​ꦢꦶꦗꦼꦤꦼꦁꦔꦏꦺꦪꦺꦴꦲꦤꦼꦱ꧀!” ⁶¹꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀:“ꦭꦺꦴ​꧈​ꦤꦁꦠꦼꦔꦃꦲꦺ​ꦱꦤꦏ꧀ꦱꦼꦢꦸꦭꦸꦂꦩꦸ​ꦲꦥ​ꦲꦺꦤꦺꦁꦱꦶꦁ​ꦗꦼꦤꦼꦁꦔꦺ​ꦪꦺꦴꦲꦤꦼꦱ꧀?” ⁶²ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦲꦶꦩꦩ꧀ꦯꦏꦫꦶꦪꦱ꧀ꦔꦁꦒꦺꦴ​ꦠꦔꦤ꧀ꦤꦺ​꧈​ꦧꦺꦴꦕꦃꦲꦺ​ꦏꦸꦢꦸ​ꦢꦶꦗꦼꦤꦼꦁꦔꦏꦺꦱꦥ​꧉​ ⁶³꧋ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀​ꦚ꧀ꦗꦭꦸꦏ꧀ꦭꦺꦲꦶꦢꦶꦲꦼꦁꦒꦺꦴ​ꦤꦸꦭꦶꦱ꧀꧈​ꦏꦢꦸꦁ​ꦮꦶꦱ꧀ꦲꦺꦤ꧀ꦠꦸꦏ꧀ꦢꦺꦏ꧀ꦤꦺꦠꦼꦫꦸꦱ꧀ꦤꦸꦭꦶꦱ꧀:“ꦗꦼꦤꦼꦁꦔꦺ​ꦪꦺꦴꦲꦤꦼꦱ꧀!”ꦮꦺꦴꦁꦮꦺꦴꦁ​ꦔ꧀ꦒꦸꦩꦸꦤ꧀ꦏꦧꦺꦃ​꧉​ ⁶⁴ꦱꦏ꧀ꦮꦠ꧀ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁꦩꦼꦤꦺꦃ​ꦭꦤ꧀ꦢꦺꦏ꧀ꦤꦺꦠꦼꦫꦸꦱ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁶⁵ꦠꦁ​ꦒ​ꦠꦼꦥꦫꦺꦴꦤꦺ​ꦏꦧꦺꦃ​ꦥꦢ​ꦮꦼꦢꦶ​ꦭꦤ꧀ꦏꦧꦂ​ꦩꦲꦸ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦤꦁꦧꦮꦃꦥꦼꦒꦸꦤꦸꦁꦔꦤ꧀ꦤꦁꦪꦸꦢꦺꦪ​ꦏꦧꦺꦃ​꧉​ ⁶⁶ꦮꦺꦴꦁ​ꦏꦧꦺꦃ​ꦱꦶꦁ​ꦏꦿꦸꦔꦸ​ꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦠꦼꦫꦸꦱ꧀ꦥꦢ​ꦔ꧀ꦒꦠꦺꦏ꧀ꦏꦏꦺꦠꦼꦤꦤ꧀ꦲꦶꦁ​ꦲꦠꦶꦤꦺ​ꦭꦤ꧀ꦥꦢ​ꦩꦶꦏꦶꦂ​:“ꦧꦺꦴꦕꦃ​ꦲꦶꦏꦶ​ꦲꦩ꧀ꦧꦺꦱꦸꦏ꧀ꦧꦏꦭ꧀ꦢꦢꦶ​ꦲꦥ​ꦪ​?”ꦲꦮꦶꦠ꧀ꦏꦼꦠꦫ​ꦠꦼꦤꦤ꧀ꦤꦺꦏ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦤ​ꦲꦶꦁ​ꦧꦺꦴꦕꦃ​ꦲꦶꦏꦶ​꧉​

꧋ꦲꦶꦩꦩ꧀ꦯꦏꦫꦶꦪꦱ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

⁶⁷꧋ꦲꦶꦩꦩ꧀ꦯꦏꦫꦶꦪꦱ꧀ ꦧꦥꦏ꧀ꦏꦺꦧꦪꦶ​ꦩꦲꦸ​꧈​ꦠꦼꦫꦸꦱ꧀ꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃ​ꦱꦸꦕꦶ​ꦭꦤ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦔꦺꦤꦺ​:

⁶⁸“ꦲ꦳ꦪꦸꦏ꧀ꦥꦢ​ꦩꦼꦩꦸꦗꦶ​ꦩꦫꦁ​ꦒꦸꦱ꧀ꦠꦶ​꧈​
ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦧꦁꦱ​ꦆꦱꦿꦌꦭ꧀!
ꦲꦮꦶꦠ꧀ꦢꦺꦏ꧀ꦤꦺ​ꦮꦶꦱ꧀​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦲꦸꦩꦠ꧀ꦠꦺ​
ꦭꦤ꧀ꦥꦢ​ꦢꦶꦭꦸꦮꦂꦫꦶ​꧉​
⁶⁹ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦗꦸꦫꦸ​ꦱ꧀ꦭꦩꦼꦠ꧀
ꦱꦶꦁ​ꦏ꧀ꦮꦱ​ꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧈​
ꦪꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦥꦼꦭꦢꦺꦤ꧀ꦤꦺ​꧉​
⁷⁰ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦏ꧀​ꦩ꧀ꦧꦶꦪꦺꦤ꧀ꦮꦶꦱ꧀ꦗꦚ꧀ꦗꦶ​
ꦭꦶꦮꦠ꧀ꦥꦫ​ꦤꦧꦶꦤꦺ​ꦱꦶꦁ​ꦱꦸꦕꦶ​꧉​
⁷¹ꦢꦺꦏ꧀ꦤꦺꦧꦏꦭ꧀​ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺ
ꦱꦁꦏꦥꦔ꧀ꦮꦱꦤꦺ​ꦩꦸꦁꦱꦸꦃꦩꦸꦁꦱꦸꦃ​
ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦱꦼꦔꦶꦠ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧉​
⁷²ꦩꦼꦁꦏꦺꦴꦤꦺꦴ​ꦏꦸꦮꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺ
ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ
ꦭꦤ꧀ꦤꦼꦠꦼꦥ꧀ꦥꦶ​ꦥꦽꦗꦚ꧀ꦗꦶꦪꦤ꧀ꦤꦺ​ꦱꦶꦁ​ꦱꦸꦕꦶ​꧉​
⁷³ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦱꦸꦩ꧀ꦥꦃ​ꦩꦫꦁ​
ꦧꦥ​ꦄꦨꦿꦲꦩ꧀ ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ
⁷⁴ꦭꦤ꧀ꦢꦺꦏ꧀ꦤꦺꦮꦶꦱ꧀ꦗꦚ꧀ꦗꦶ​ꦤꦺꦏ꧀ꦧꦏꦭ꧀
ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺꦱꦁꦏꦩꦸꦁꦱꦸꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​
⁷⁵ꦱꦸꦥꦪ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦔꦧꦼꦏ꧀ꦠꦶ​
ꦩꦫꦁ​ꦢꦺꦏ꧀ꦤꦺꦠꦤ꧀ꦥ​ꦫꦱ​ꦮꦼꦢꦶ​꧈​
ꦔꦁꦒꦺꦴ​ꦲꦠꦶ​ꦱꦶꦁ​ꦱꦸꦕꦶ​
ꦭꦤ꧀ꦗꦸꦗꦸꦂ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​꧈​
ꦱ꧀ꦭꦮꦱ꧀ꦱꦺꦲꦸꦫꦶꦥ꧀꧈​
⁷⁶꧋ꦭꦃ​ꦏꦺꦴꦮꦺ​ꦲꦤꦏ꧀ꦏꦸ​꧈​
ꦏꦺꦴꦮꦺ​ꦧꦏꦭ꧀ꦢꦶꦲꦫꦤ꧀ꦤꦶ​ꦤꦧꦶꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​
ꦱꦶꦁ​ꦒꦼꦢꦺꦢꦺꦮꦺꦏ꧀ꦮꦱꦤꦺ​꧉​
ꦏꦺꦴꦮꦺ​ꦢꦶꦏꦺꦴꦁꦏꦺꦴꦤ꧀ꦠꦼꦏ​ꦤ꧀ꦢꦶꦱꦶꦏ꧀
ꦱꦸꦥꦪ​ꦔ꧀ꦒꦮꦺꦏ꧀ꦏꦏꦺꦢꦭꦤ꧀ꦏꦁꦒꦺꦴ​ꦒꦸꦱ꧀ꦠꦶ​꧉​
⁷⁷ꦏꦺꦴꦮꦺ​ꦏꦸꦢꦸ​ꦤ꧀ꦢꦸꦤꦸꦁꦔꦏꦺꦩꦫꦁ​ꦲꦸꦩꦠ꧀ꦠꦺ​꧈​
ꦤꦺꦏ꧀ꦧꦏꦭ꧀ꦢꦶꦱ꧀ꦭꦩꦼꦠ꧀ꦠꦏꦺ꧈​
ꦲꦮꦶꦠ꧀ꦧꦏꦭ꧀ꦢꦶꦔꦥꦸꦫꦢꦺꦴꦱꦢꦺꦴꦱꦤꦺ​꧉​
⁷⁸ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦸ​ꦒꦼꦢꦺꦏꦮꦼꦭꦱ꧀ꦱꦤ꧀ꦤꦺ​꧉​
ꦢꦺꦏ꧀ꦤꦺꦧꦏꦭ꧀ꦠꦼꦏ​ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺ꧉​
⁷⁹ꦏꦪ​ꦱꦽꦔꦺꦔꦺ​ꦩ꧀ꦊꦠꦺꦏ꧀ꦲꦶꦁ​ꦮꦪꦃ​ꦲꦺꦱꦸꦏ꧀
ꦩꦼꦁꦏꦺꦴꦤꦺꦴ​ꦒꦸꦱ꧀ꦠꦶ​ꦧꦏꦭ꧀ꦩꦢꦁꦔꦶꦏꦧꦺꦃ​
ꦮꦺꦴꦁ​ꦱꦶꦁ​ꦲꦤ​ꦲꦶꦁ​ꦥꦼꦥꦼꦠꦼꦁ​
ꦭꦤ꧀ꦱꦶꦁ​ꦠꦤ꧀ꦱꦃ​ꦏꦿꦱ​ꦮꦼꦢꦶ​꧉​
ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦤ꧀ꦠꦸꦤ꧀ꦲꦮꦏ꧀ꦏꦺ​ꦢꦺꦮꦺ
ꦩꦫꦁ​ꦢꦭꦤ꧀ꦏꦠꦼꦤ꧀ꦠꦽꦩ꧀ꦩꦤ꧀꧈​”

⁸⁰꧋ꦧꦺꦴꦕꦃ​ꦩꦲꦸ​ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦠꦩ꧀ꦧꦃ​ꦲꦶꦁ​ꦏꦼꦏꦸꦮꦠ꧀ꦠꦤ꧀ꦤꦺ​ꦫꦺꦴꦃ​ꦱꦸꦕꦶ​꧉​ꦢꦺꦏ꧀ꦤꦺꦩꦁꦒꦺꦴꦤꦺ​ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦶꦁ​ꦲꦺꦴꦫ​ꦏꦁꦒꦺꦴꦤ꧀ꦤꦤ꧀ꦮꦺꦴꦁ​꧈​ꦔꦤ꧀ꦠꦶ​ꦠꦼꦏꦤ꧀ꦮꦪꦃꦲꦺ​ꦢꦺꦏ꧀ꦤꦺꦔꦺꦠꦺꦴꦏ꧀ꦩꦫꦁ​ꦧꦁꦱ​ꦆꦱꦿꦌꦭ꧀꧈​

꧋ꦭꦲꦶꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧒꧇​ ¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦫꦠꦸ​ꦄꦒꦸꦱ꧀ꦠꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦤꦺꦏ꧀ꦏꦧꦺꦃ​ꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦤꦼꦒꦫꦤꦼꦒꦫ​ꦱꦶꦁ​ꦲꦤ​ꦲꦶꦁ​ꦥꦔ꧀ꦮꦱꦤꦺ​ꦏꦿꦠꦺꦴꦤ꧀ꦬꦸꦩ꧀ꦏꦸꦢꦸ​ꦚꦠꦏ꧀ꦏꦏꦺꦗꦼꦤꦼꦁꦔꦺ​ꦭꦤ꧀ꦏꦲꦶꦠꦸꦁꦏꦧꦺꦃ​꧉​ ²ꦲꦶꦠꦸꦁꦔꦶꦠꦸꦁꦔꦤ꧀ꦮꦺꦴꦁ​ꦱꦶꦁ​ꦱꦼꦥꦶꦱꦤ꧀ꦤꦤ꧀ꦏꦸꦮꦶ​ꦢꦶꦲꦤꦏ꧀ꦏꦏꦺꦢꦺꦴꦁꦔꦺꦏꦶꦫꦺꦤꦶꦪꦸꦱ꧀ꦢꦢꦶ​ꦒꦿꦩꦁꦤꦁꦧꦮꦃꦯꦶꦫꦶꦪ​꧉​ ³ꦮꦺꦴꦁ​ꦏꦧꦺꦃ​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦚꦠꦏ꧀ꦏꦏꦺꦗꦼꦤꦼꦁꦔꦺ​ꦤꦁꦏꦸꦠꦤꦺꦩ꧀ꦧꦃꦩ꧀ꦧꦲꦤ꧀ꦤꦺꦩ꧀ꦧꦶꦪꦺꦤ꧀꧈​ ⁴꧋ꦭꦤ꧀ꦗꦭꦂꦫꦤ꧀ꦪꦺꦴꦱꦺꦥ꦳꧀ꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦩꦸꦭꦤꦺ​ꦢꦺꦏ꧀ꦤꦺꦪ​ꦠꦼꦫꦸꦱ꧀ꦧꦸꦢꦭ꧀ꦱꦁꦏꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧈​ꦭꦸꦔ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧉​ꦧꦺꦠ꧀ꦭꦺꦲꦺꦩ꧀ꦏꦸꦮꦶ​ꦏꦸꦠꦭꦲꦶꦫꦤ꧀ꦤꦺꦫꦠꦸ​ꦣꦮ꦳ꦼꦢ꧀꧈​ ⁵ꦪꦺꦴꦱꦺꦥ꦳꧀ꦭꦸꦔ​ꦔ꧀ꦒꦮ​ꦩꦫꦶꦪ꧈​ꦥꦕꦁꦔꦤ꧀ꦤꦺ​ꦱꦶꦁ​ꦩꦼꦠꦼꦁ​꧉​ ⁶ꦢꦺꦴꦁꦔꦺꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦠꦼꦏ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦮꦶꦱ꧀ꦮꦪꦃꦲꦺ​ꦩꦫꦶꦪꦏꦸꦢꦸ​ꦩ꧀ꦧꦪꦶ꧉​ ⁷ꦩꦫꦶꦪꦪ​ꦠꦼꦫꦸꦱ꧀​ꦩ꧀ꦧꦪꦶꦲꦤꦏ꧀ꦭꦤꦁ​ꦱꦶꦁ​ꦲꦩ꧀ꦧꦉꦥ꧀꧈​ꦧꦪꦶꦤꦺ​ꦠꦼꦫꦸꦱ꧀ꦢꦶꦒꦼꦢꦺꦴꦁꦭꦤ꧀ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀ ꦲꦮꦶꦠ꧀ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦮꦶꦱ꧀ꦲꦺꦴꦫ​ꦧꦶꦱ​ꦤꦼꦩꦸ​ꦥꦁꦒꦺꦴꦤ꧀ꦤꦤ꧀ꦩꦼꦤꦺꦃ​ꦤꦁꦲꦺꦴꦩꦃ​ꦲꦶꦤꦼꦥ꧀ꦥꦤ꧀꧈​

꧋ꦥꦫ​ꦥꦔꦺꦴꦤ꧀ꦭꦤ꧀ꦥꦫ​ꦩꦸꦭꦺꦏꦠ꧀꧈​

⁸꧋ꦤꦁꦧꦮꦃꦏꦺꦴꦤꦺꦴ​ꦲꦶꦁ​ꦮꦼꦔꦶ​ꦏꦸꦮꦶ​ꦲꦺꦤꦺꦁꦥꦔꦺꦴꦤ꧀ꦥꦔꦺꦴꦤ꧀ꦱꦶꦁ​ꦲꦶꦗꦶꦏ꧀​ꦚ꧀ꦗꦒ​ꦮꦼꦢꦸꦱ꧀ꦱꦺꦤꦁꦏꦼꦧꦺꦴꦤ꧀꧈​ ⁹ꦢꦢꦏ꧀ꦏꦤ꧀ꦮꦲꦺ​ꦠꦼꦫꦸꦱ꧀ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦔꦢꦼꦏ꧀ꦤꦁꦔꦉꦥ꧀ꦥꦺ​ꦭꦤ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦢꦁꦔꦶꦥꦫ​ꦥꦔꦺꦴꦤ꧀ꦩꦲꦸ​꧉​ꦮꦺꦴꦁꦮꦺꦴꦁ​ꦥꦢ​ꦮꦼꦢꦶ​ꦧꦔꦼꦠ꧀꧈​ ¹⁰ꦤꦁꦔꦶꦁ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦥꦢ​ꦮꦼꦢꦶ​꧈​ꦲꦮꦶꦠ꧀ꦲꦏꦸ​ꦠꦼꦏ​ꦔ꧀ꦒꦮ​ꦏꦧꦂ​ꦧꦼꦕꦶꦏ꧀ꦏꦁꦒꦺꦴ​ꦏꦺꦴꦮꦺ​꧈​ꦏꦧꦂ​ꦱꦶꦁ​ꦩ꧀ꦧꦸꦔꦃꦲꦏꦺꦲꦠꦶꦤꦺ​ꦮꦺꦴꦁ​ꦏꦧꦺꦃ​꧉​ ¹¹ꦲꦶꦁ​ꦢꦶꦤ​ꦲꦶꦏꦶ​ꦗꦸꦫꦸ​ꦱ꧀ꦭꦩꦼꦠ꧀ꦩꦸ​ꦮꦶꦱ꧀ꦭꦲꦶꦂ​ꦤꦁꦏꦸꦠꦤꦺꦫꦠꦸ​ꦣꦮ꦳ꦼꦢ꧀꧈​ꦢꦺꦏ꧀ꦤꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ ꦒꦸꦱ꧀ꦠꦶ​꧉​ ¹²ꦲꦶꦏꦶ​ꦠꦼꦔꦼꦂꦫꦺ:ꦏꦺꦴꦮꦺ​ꦧꦏꦭ꧀ꦤꦼꦩꦸ​ꦧꦪꦶ​ꦢꦶꦒꦼꦢꦺꦴꦁꦭꦤ꧀ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀!” ¹³꧋ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦲꦺꦤꦺꦁꦩꦸꦭꦺꦏꦠ꧀ꦥꦶꦫꦁꦥꦶꦫꦁ​ꦥꦢ​ꦔꦚ꧀ꦕꦤꦶ​ꦩꦸꦭꦺꦏꦠ꧀ꦩꦲꦸ​ꦭꦤ꧀ꦧꦼꦧꦉꦁꦔꦤ꧀ꦠꦼꦫꦸꦱ꧀ꦥꦢ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁴ꦠꦼꦩ꧀ꦧꦸꦁꦔꦺ​ꦔꦺꦤꦺ​:

“ꦥꦸꦗꦶꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦤꦁꦤ꧀ꦢꦸꦮꦸꦂ
ꦭꦤ꧀ꦠꦼꦤ꧀ꦠꦽꦩ꧀ꦲꦪꦼꦩ꧀ꦤꦁꦧꦸꦩꦶ​꧈​
ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺ
ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩꦤꦸꦁꦱ​꧉​”

¹⁵꧋ꦏꦢꦸꦁ​ꦥꦫ​ꦩꦸꦭꦺꦏꦠ꧀ꦩꦲꦸ​ꦮꦶꦱ꧀ꦭꦸꦔ​ꦤꦁꦱ꧀ꦮꦂꦒ​꧈​ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦲ꦳ꦪꦸꦏ꧀ꦥꦢ​ꦧꦸꦢꦭ꧀ꦤꦁꦏꦸꦠꦧꦺꦠ꧀ꦭꦺꦲꦺꦩ꧀꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦺꦴꦩꦺꦴꦁꦔꦶꦲꦮꦏ꧀ꦏꦺ​ꦢꦺꦮꦺꦧꦧ꧀ꦱꦶꦁ​ꦏ꧀ꦭꦏꦺꦴꦤ꧀ꦤꦁꦏꦤ​꧉​ꦲ꦳ꦪꦸꦏ꧀ꦥꦢ​ꦤ꧀ꦢꦼꦭꦺꦴꦏ꧀!” ¹⁶꧋ꦥꦫ​ꦥꦔꦺꦴꦤ꧀ꦩꦲꦸ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦧꦸꦢꦭ꧀ ꦠꦼꦫꦸꦱ꧀ꦤꦼꦩꦸ​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦭꦤ꧀ꦧꦪꦶꦤꦺ​ꦱꦶꦁ​ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀꧈​ ¹⁷ꦏꦢꦸꦁ​ꦮꦶꦱ꧀ꦮꦼꦫꦸꦃ​ꦧꦪꦶꦤꦺ​꧈​ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦔꦧꦂꦔꦧꦂꦫꦏꦺꦧꦧ꧀ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦩꦸꦭꦺꦏꦠ꧀ꦠꦺꦧꦧ꧀ꦧꦪꦶꦤꦺ​꧉​ ¹⁸ꦏꦧꦺꦃ​ꦮꦺꦴꦁ​ꦱꦶꦁ​ꦏꦿꦸꦔꦸ​ꦏꦧꦂꦫꦺ​ꦥꦫ​ꦥꦔꦺꦴꦤ꧀ꦩꦲꦸ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ ¹⁹ꦤꦁꦔꦶꦁ​ꦩꦫꦶꦪꦚꦶꦩ꧀ꦥꦼꦤ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦏꦧꦺꦃ​ꦲꦶꦁ​ꦲꦠꦶꦤꦺ​ꦭꦤ꧀ꦢꦶꦒꦒꦱ꧀ꦲꦥ​ꦠꦼꦒꦼꦱ꧀ꦱꦺ​꧉​ ²⁰ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦏꦼꦧꦺꦴꦤ꧀ꦏꦫꦺꦴ​ꦩꦼꦩꦸꦗꦶ​ꦭꦤ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦏꦧꦺꦃ​ꦱꦶꦁ​ꦢꦶꦫꦸꦔꦸ​ꦭꦤ꧀ꦱꦶꦁ​ ꦢꦶꦱꦼꦏ꧀ꦱꦺꦤ꧀ꦤꦶ​ꦥꦚ꧀ꦕꦺꦤ꧀ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦩꦸꦭꦺꦏꦠ꧀ꦠꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦱꦸꦤꦠ꧀ꦠꦶꦭꦤ꧀ꦢꦶꦏꦺꦏ꧀ꦏꦶꦗꦼꦤꦼꦁ​꧉​

²¹꧋ꦏꦢꦸꦁ​ꦲꦸꦩꦸꦂꦫꦺ​ꦮꦶꦱ꧀ꦮꦺꦴꦭꦸꦁ​ꦢꦶꦤ​꧈​ꦧꦪꦶꦤꦺ​ꦠꦼꦫꦸꦱ꧀ꦢꦶꦱꦸꦤꦠ꧀ꦠꦶꦭꦤ꧀ꦢꦶꦏꦺꦏ꧀ꦏꦶꦗꦼꦤꦼꦁ​꧉​ꦗꦼꦤꦼꦁꦔꦺ​ꦪꦺꦯꦸꦱ꧀ ꦲꦮꦶꦠ꧀ꦩꦸꦭꦺꦏꦠ꧀ꦠꦺꦔꦼꦏꦺꦏ꧀ꦏꦶꦗꦼꦤꦼꦁ​ꦏꦸꦮꦶ​ꦩꦫꦁ​ꦩꦫꦶꦪ꧈​ꦱꦏ꧀ꦢꦸꦫꦸꦁꦔꦺꦢꦺꦏ꧀ꦤꦺꦩꦼꦠꦼꦁ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮ​ꦤꦁꦒꦿꦺꦗ​ꦒꦼꦢꦺ꧉​

²²꧋ꦩꦶꦠꦸꦫꦸꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦩꦫꦶꦪꦢꦶꦲꦁꦒꦼꦥ꧀ꦉꦱꦶꦏ꧀ꦩꦼꦤꦺꦃ​ꦤꦺꦏ꧀ꦮꦶꦱ꧀​ꦏ꧀ꦭꦶꦮꦠ꧀ꦥꦠꦁ​ꦥꦸꦭꦸꦃ​ꦢꦶꦤ​ꦱꦏ꧀ꦮꦶꦱ꧀ꦱꦺ​ꦩ꧀ꦧꦪꦶ꧉​ꦏꦢꦸꦁ​ꦮꦶꦱ꧀ꦠꦼꦏꦤ꧀ꦮꦪꦃꦲꦺ​꧈​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦲꦉꦥ꧀ꦩꦱꦿꦃꦲꦏꦺꦧꦪꦶꦤꦺ​ꦩꦫꦁ​ꦒꦸꦱ꧀ꦠꦶ​꧉​ ²³ꦲꦮꦶꦠ꧀ꦤꦁꦏꦶꦠꦧ꧀ꦏꦼꦠꦸꦭꦶꦱ꧀ꦔꦺꦤꦺ​:“ꦱꦧꦼꦤ꧀ꦲꦤꦏ꧀ꦲꦩ꧀ꦧꦉꦥ꧀ꦱꦶꦁ​ꦭꦤꦁ​ꦏꦸꦢꦸ​ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​꧉​” ²⁴ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦸꦮꦶ​ꦲꦸꦒ​ꦲꦉꦥ꧀​ꦔ꧀ꦒꦮ​ꦏꦸꦂꦧꦤ꧀ꦩꦶꦠꦸꦫꦸꦠ꧀ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀꧈​ꦏꦸꦂꦧꦤ꧀ꦤꦺ​ꦪꦏꦸꦮꦶ​:ꦩꦤꦸꦏ꧀ꦢꦫ​ꦱꦏ꧀ꦗꦺꦴꦢꦺꦴꦲꦥ​ꦩꦤꦸꦏ꧀ꦢꦫ​ꦕꦶꦭꦶꦏ꧀ꦭꦺꦴꦫꦺꦴ​꧉​ ²⁵꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦱꦶꦩꦺꦪꦺꦴꦤ꧀꧈​ꦱꦶꦩꦺꦪꦺꦴꦤ꧀ꦲꦶꦏꦶ​ꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦺꦏ꧀ꦤꦺꦔꦉꦥ꧀ꦲꦉꦥ꧀ꦏꦥꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦤꦼꦏꦏ꧀ꦏꦏꦺꦏꦼꦱ꧀ꦭꦩꦼꦠ꧀ꦠꦤ꧀ꦩꦫꦁ​ꦧꦁꦱ​ꦆꦱꦿꦌꦭ꧀꧈​ꦱꦶꦩꦺꦪꦺꦴꦤ꧀ꦲꦶꦏꦶ​ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ ²⁶ꦫꦺꦴꦃ​ꦱꦸꦕꦶ​ꦢꦺꦮꦺꦱꦶꦁ​ꦔꦺꦴꦩꦺꦴꦁꦩꦫꦁ​ꦢꦺꦏ꧀ꦤꦺꦤꦺꦏ꧀ꦢꦺꦏ꧀ꦤꦺꦲꦺꦴꦫ​ꦧꦏꦭ꧀ꦩꦠꦶ​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦗꦸꦫꦸ​ꦱ꧀ꦭꦩꦼꦠ꧀ꦠꦺ​ꦩꦤꦸꦁꦱ​꧈​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁷ꦏꦠꦸꦤ꧀ꦠꦸꦤ꧀ꦫꦺꦴꦃ​ꦱꦸꦕꦶ​ꦱꦶꦩꦺꦪꦺꦴꦤ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧉​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦲꦸꦒ​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦔ꧀ꦒꦮ​ꦧꦪꦶꦤꦺ​ꦲꦉꦥ꧀ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦲꦒꦩ​꧉​ ²⁸ꦱꦶꦩꦺꦪꦺꦴꦤ꧀ꦠꦼꦫꦸꦱ꧀ꦚꦼꦏꦼꦭ꧀ꦧꦪꦶꦤꦺ​꧈​ꦠꦼꦫꦸꦱ꧀ꦢꦶꦧꦺꦴꦥꦺꦴꦁ​ꦏꦫꦺꦴ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:

²⁹“ꦢꦸꦃꦒꦸꦱ꧀ꦠꦶ​꧈​
ꦏꦺꦴꦮꦺ​ꦤꦼꦠꦼꦥ꧀ꦥꦶ​ꦗꦚ꧀ꦗꦶꦩꦸ​ꦩꦫꦁ​ꦥꦼꦭꦢꦺꦤ꧀ꦩꦸ​꧉​
ꦱꦲꦶꦏꦶ​ꦲꦏꦸ​ꦮꦶꦱ꧀ꦧꦶꦱ​ꦤꦶꦁꦒꦭ꧀ꦏꦫꦺꦴ​ꦲꦪꦼꦩ꧀꧈​
³⁰ꦲꦮꦶꦠ꧀ꦩꦿꦶꦥꦠ꧀ꦏꦸ​ꦮꦶꦱ꧀ꦮꦼꦫꦸꦃ​
ꦗꦸꦫꦸ​ꦱ꧀ꦭꦩꦼꦠ꧀ꦏꦺꦴꦁꦏꦺꦴꦤ꧀ꦤꦤ꧀ꦩꦸ​꧉​
³¹ꦢꦺꦏ꧀ꦤꦺꦱꦶꦁ​ꦲꦩ꧀ꦧꦺꦴꦏ꧀ꦕꦮꦶꦱ꧀ꦏꦺ​
ꦏꦁꦒꦺꦴ​ꦚ꧀ꦭꦩꦼꦠ꧀ꦠꦏꦺꦏꦧꦺꦃ​ꦧꦁꦱ​꧈​
³²ꦏꦪ​ꦥꦼꦥꦢꦁꦱꦶꦁ​ꦩꦢꦁꦔꦶ
ꦢꦭꦤ꧀ꦤꦺ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​꧈​
ꦱꦸꦥꦪ​ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦩꦸ​꧉​
ꦢꦢꦶꦤꦺ​ꦲꦸꦩꦠ꧀ꦩꦸ​꧈​ꦧꦁꦱ​ꦆꦱꦿꦌꦭ꧀
ꦤꦩ꧀ꦥ​ꦥꦼꦔꦊꦩ꧀ꦩꦤ꧀ꦱꦁꦏꦭꦶꦪꦭꦶꦪ​ꦧꦁꦱ​꧉​”

³³꧋ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦥꦢ​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦱꦶꦩꦺꦪꦺꦴꦤ꧀ꦱꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦲꦤꦏ꧀ꦏꦺ​ꦩꦲꦸ​꧉​ ³⁴ꦱꦶꦩꦺꦪꦺꦴꦤ꧀ꦠꦼꦫꦸꦱ꧀ꦲꦩ꧀ꦧꦼꦂꦏꦃꦲꦶ​ꦪꦺꦴꦱꦺꦥ꦳꧀ ꦩꦫꦶꦪꦭꦤ꧀ꦧꦪꦶꦤꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦫꦶꦪ:“ꦧꦺꦴꦕꦃ​ꦲꦶꦏꦶ​ꦮꦶꦱ꧀ꦢꦶꦏꦉꦥ꧀ꦥꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦢꦶ​ꦗꦭꦂꦫꦤ꧀ꦤꦺ​ꦠꦶꦧ​ꦭꦤ꧀ꦠꦔꦶꦤꦺ​ꦮꦺꦴꦁ​ꦲꦺꦴꦏꦺꦃꦤꦁꦆꦱꦿꦌꦭ꧀꧈​ꦢꦺꦏ꧀ꦤꦺꦧꦏꦭ꧀ꦢꦢꦶ​ꦠꦤ꧀ꦢꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦧꦏꦭ꧀ꦢꦶꦧꦤ꧀ꦠꦃ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃ꧉​ ³⁵ꦩꦼꦁꦏꦺꦴꦤꦺꦴ​ꦏꦸꦮꦶ​ꦲꦔꦼꦤ꧀ꦲꦔꦼꦤ꧀ꦱꦶꦁ​ꦏꦱꦶꦩ꧀ꦥꦼꦤ꧀ꦲꦶꦁ​ꦲꦠꦶꦤꦺ​ꦮꦺꦴꦁ​ꦲꦺꦴꦏꦺꦃꦧꦏꦭ꧀ꦏꦼꦧꦸꦏꦏ꧀꧈​ꦏꦺꦴꦮꦺ​ꦢꦺꦮꦺꦩꦫꦶꦪ꧈​ꦧꦏꦭ꧀ꦔꦿꦱꦏ꧀ꦏꦏꦺꦱꦼꦢꦶ꧈​ꦲꦠꦶꦩꦸ​ꦫꦱꦤꦺ​ꦏꦪ​ꦢꦶꦱꦸꦮꦺꦏ꧀ꦏꦫꦺꦴ​ꦥꦼꦢꦁꦱꦶꦁ​ꦭꦤꦁꦏꦲꦺ​꧉​” ³⁶꧋ꦤꦁꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦤꦧꦶ​ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦠꦸꦮ​ꦧꦔꦼꦠ꧀ ꦗꦼꦤꦼꦁꦔꦺ​ꦲ꦳ꦤꦃ꧈​ꦲꦤꦏ꧀ꦏꦺ​ꦥ꦳ꦤꦸꦮꦺꦭ꧀ꦱꦁꦏꦠꦸꦫꦸꦤ꧀ꦤꦤ꧀ꦤꦺ​ꦄꦱꦼꦂ꧉​ꦤꦧꦶ​ꦲ꦳ꦤꦃꦱꦏ꧀ꦮꦶꦱ꧀ꦱꦺ​ꦏꦮꦶꦤ꧀ꦥꦶꦠꦸꦁ​ꦠꦲꦸꦤ꧀ꦱꦸꦮꦺꦤꦺ​ꦠꦼꦫꦸꦱ꧀ꦢꦶꦠꦶꦁꦒꦭ꧀ꦩꦠꦶ​ꦧꦺꦴꦗꦺꦴꦤꦺ​꧉​ ³⁷ꦢꦢꦶꦤꦺ​ꦢꦺꦏ꧀ꦤꦺꦱꦲꦶꦏꦶ​ꦫꦤ꧀ꦢ꧈​ꦲꦸꦩꦸꦂꦫꦺ​ꦮꦶꦱ꧀ꦮꦺꦴꦭꦸꦁ​ꦥꦸꦭꦸꦃ​ꦥꦥꦠ꧀ꦠꦲꦸꦤ꧀꧈​ꦤꦧꦶ​ꦲ꦳ꦤꦃꦏꦸꦮꦶ​ꦱꦱꦠ꧀ꦠꦺꦄꦮꦤ꧀ꦮꦼꦔꦶꦤꦁꦒꦿꦺꦗ​ꦒꦼꦢꦺꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦁꦒꦺꦴ​ꦥꦤ꧀ꦢꦺꦴꦔ​ꦭꦤ꧀ꦥꦱ​꧉​ ³⁸ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦪ​ꦢꦺꦴꦁꦔꦺꦤꦧꦶ​ꦲ꦳ꦤꦃꦲꦸꦒ​ꦠꦼꦏ​ꦤꦁꦒꦿꦺꦗ​ꦒꦼꦢꦺ꧉​ꦢꦺꦏ꧀ꦤꦺꦠꦼꦫꦸꦱ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦔꦺꦴꦩꦺꦴꦁꦔꦏꦺꦧꦧ꧀ꦧꦺꦴꦕꦃ​ꦧꦪꦶ​ꦩꦲꦸ​ꦩꦫꦁ​ꦮꦺꦴꦁ​ꦏꦧꦺꦃ​ꦱꦶꦁ​ꦥꦢ​ꦔꦉꦥ꧀ꦲꦉꦥ꧀ꦏꦥꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦼꦁꦒꦺꦴꦤꦺ​ꦔ꧀ꦭꦸꦮꦂꦫꦶ​ꦏꦸꦠꦪꦺꦫꦸꦱꦭꦺꦩ꧀꧈​

꧋ꦧꦭꦶꦏ꧀ꦤꦁꦏꦸꦠꦟꦱꦫꦺꦠ꧀꧈​

³⁹꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦥꦢ​ꦤꦼꦠꦼꦥ꧀ꦥꦶ​ꦥꦼꦂꦤꦠꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦧꦺꦃ​꧈​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀ꦥꦢ​ꦩꦸꦭꦶꦃ​ꦤꦁꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ ⁴⁰ꦧꦺꦴꦕꦃ​ꦧꦪꦶ​ꦩꦲꦸ​ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦫꦺꦴꦱ​꧈​ꦢꦢꦶ​ꦧꦺꦴꦕꦃ​ꦱꦶꦁ​ꦗꦼꦩ꧀ꦧꦂ​ꦏꦮꦼꦫꦸꦃꦲꦺꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦲꦩ꧀ꦧꦼꦂꦏꦃꦲꦶ​ꦢꦺꦏ꧀ꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦿꦺꦗ​ꦒꦼꦢꦺ꧉​

⁴¹꧋ꦱꦧꦼꦤ꧀ꦠꦲꦸꦤ꧀ꦮꦺꦴꦁ​ꦠꦸꦮꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦩꦺꦭꦸ​ ꦔꦸꦂꦩꦠ꧀ꦫꦶꦪꦪꦥꦱ꧀ꦏꦃ​꧉​ ⁴²ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦤ꧀ꦢꦸꦮꦺꦲꦸꦩꦸꦂ​ꦫꦺꦴꦭꦱ꧀ꦠꦲꦸꦤ꧀ ꦢꦺꦏ꧀ꦤꦺꦲꦸꦒ​ꦢꦶꦲꦼꦗꦺꦏ꧀ꦤꦁꦪꦺꦫꦸꦱꦭꦺꦩ꧀꧈​ ⁴³ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦏꦫꦺꦴ​ꦫꦶꦪꦪꦥꦱ꧀ꦏꦃ​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀ꦥꦢ​ꦩꦸꦭꦶꦃ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦏꦺꦫꦶ​ꦤꦁꦪꦺꦫꦸꦱꦭꦺꦩ꧀꧈​ꦮꦺꦴꦁ​ꦠꦸꦮꦤꦺ​ꦩꦭꦃ​ꦲꦺꦴꦫ​ꦔꦼꦂꦠꦶ​ ⁴⁴ꦤ꧀ꦢꦫꦤ꧀ꦤꦶꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦤ꧀ꦢꦶꦱꦶꦏ꧀ꦏꦶ​ꦩꦸꦭꦶꦃ​꧈​ꦧꦉꦁ​ꦏꦫꦺꦴ​ꦮꦺꦴꦁꦮꦺꦴꦁ​꧉​ꦏꦢꦸꦁ​ꦮꦶꦱ꧀​ꦩ꧀ꦭꦏꦸ​ꦱꦼꦢꦶꦤ​ꦩꦸꦥꦸꦠ꧀ ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀​ꦔ꧀ꦒꦺꦴꦭꦺꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔ꧀ꦒꦺꦴꦤ꧀ꦤꦺꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦭꦤ꧀ꦏꦼꦤꦭ꧀ꦏꦼꦤꦭꦤ꧀ꦤꦺ꧉​ ⁴⁵ꦤꦁꦔꦶꦁ​ꦲꦺꦴꦫ​ꦧꦶꦱ​ꦏꦼꦠꦼꦩꦸ​꧈​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦧꦭꦶꦏ꧀ꦩꦼꦤꦺꦃ​ꦤꦁꦏꦸꦠꦪꦺꦫꦸꦱꦭꦺꦩ꧀꧈​ ⁴⁶ꦱꦏ꧀ꦮꦶꦱ꧀ꦱꦺ​ꦔ꧀ꦒꦺꦴꦭꦺꦏ꧀ꦏꦶ​ꦠꦼꦭꦸꦁ​ꦢꦶꦤ​ꦱꦸꦮꦺꦤꦺ​꧈​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦧꦶꦱ​ꦤꦼꦩꦸ​ꦲꦤꦏ꧀ꦏꦺ​ꦤꦁꦒꦿꦺꦗ​ꦒꦼꦢꦺ꧉​ꦢꦺꦏ꧀ꦤꦺꦲꦶꦗꦶꦏ꧀​ꦚ꧀ꦗꦒꦺꦴꦁꦲꦶꦁ​ꦱꦏ꧀ꦠꦼꦔꦃꦲꦺ​ꦥꦫ​ꦒꦸꦫꦸ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦥꦫ​ꦒꦸꦫꦸ​ꦩꦲꦸ​ꦭꦤ꧀ꦢꦺꦏ꧀ꦤꦺꦲꦸꦒ​ꦔꦼꦠꦺꦴꦏ꧀ꦏꦏꦺꦮꦼꦂꦤꦮꦼꦂꦤ​ꦥꦶꦠꦏꦺꦴꦤ꧀ꦤꦤ꧀꧈​ ⁴⁷ꦏꦧꦺꦃ​ꦮꦺꦴꦁ​ꦱꦶꦁ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦔ꧀ꦒꦸꦩꦸꦤ꧀ꦧꦧ꧀ꦏꦥꦶꦤ꧀ꦠꦼꦂꦫꦤ꧀ꦤꦺ​ꦲꦼꦁꦒꦺꦴꦤꦺ​ꦩꦁꦱꦸꦭ꧀ꦭꦶ​ꦥꦫ​ꦒꦸꦫꦸ​ꦩꦲꦸ​꧉​ ⁴⁸ꦧꦥꦏ꧀ꦏꦺ​ꦭꦤ꧀ꦲꦶꦧꦸꦤꦺ​ꦲꦸꦒ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ꦩꦫꦶꦪꦔꦺꦴꦩꦺꦴꦁ:“ꦭꦶꦏ꧀​꧈​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀​ꦔ꧀ꦒꦮꦺ​ꦧꦶꦔꦸꦁꦔꦺ​ꦧꦥꦏ꧀ꦭꦤ꧀ꦲꦶꦧꦸꦩꦸ​?ꦲꦮꦏ꧀ꦏꦺ​ꦢꦺꦮꦺꦔ꧀ꦒꦺꦴꦭꦺꦏ꧀ꦏꦶ​ꦏꦺꦴꦮꦺ​ꦱꦩ꧀ꦥꦺꦏ꧀ꦱꦸꦱꦃ​꧉​” ⁴⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦲꦏꦸ​?ꦲꦥ​ꦏꦺꦴꦮꦺ​ꦲꦺꦴꦫ​ꦥꦢ​ꦔꦼꦂꦠꦶ​ꦤꦺꦏ꧀ꦲꦏꦸ​ꦏꦸꦢꦸ​ꦤꦁꦲꦺꦴꦩꦃꦲꦺ​ꦧꦥꦏ꧀ꦏꦸ​?” ⁵⁰ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦲꦺꦴꦫ​ꦢꦸꦤꦸꦁꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​꧉​ ⁵¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦩꦸꦭꦶꦃ​ꦏꦫꦺꦴ​ꦮꦺꦴꦁ​ꦠꦸꦮꦤꦺ​ꦤꦁꦏꦸꦠꦟꦱꦫꦺꦠ꧀꧈​ꦢꦺꦏ꧀ꦤꦺꦠꦤ꧀ꦱꦃ​ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦮꦺꦴꦁ​ꦠꦸꦮꦤꦺ​꧉​ꦩꦫꦶꦪꦩꦶꦏꦶꦂꦫꦏꦺꦥꦽꦏꦫꦥꦽꦏꦫ​ꦲꦶꦏꦶ​ꦏꦧꦺꦃ​ꦲꦶꦁ​ꦲꦠꦶꦤꦺ​꧉​ ⁵²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦩꦸꦤ꧀ꦢꦏ꧀ꦏꦮꦼꦫꦸꦃꦲꦺ꧉​ꦢꦺꦏ꧀ꦤꦺꦲꦸꦒ​ꦩꦸꦤ꧀ꦢꦏ꧀ꦢꦶꦠꦿꦺꦱ꧀ꦤꦤ꧀ꦤꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦤꦸꦁꦱ​꧉​

꧋ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠ꧉​

꧇​꧓꧇​ ¹꧋ꦲꦶꦁ​ꦮꦚ꧀ꦕꦶ​ꦏꦸꦮꦶ​ꦫꦠꦸ​ꦠꦶꦧꦺꦫꦶꦪꦸꦱ꧀ꦮꦶꦱ꧀ꦚꦼꦏꦼꦭ꧀ꦥꦔ꧀ꦮꦱ​ꦭꦶꦩꦭꦱ꧀ꦠꦲꦸꦤ꧀ꦱꦸꦮꦺꦤꦺ​꧉​ꦱꦶꦁ​ꦢꦢꦶ​ꦒꦿꦩꦁꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦺꦴꦤ꧀ꦠꦶꦪꦸꦱ꧀ꦥꦶꦭꦠꦸꦱ꧀꧈​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦔ꧀ꦮꦱꦤꦶ​ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​ꦭꦤ꧀ꦱꦼꦢꦸꦭꦸꦂꦫꦺ​꧈​ꦱꦶꦁ​ꦗꦼꦤꦼꦁꦔꦺ​ꦥ꦳ꦶꦭꦶꦥꦸꦱ꧀ ꦢꦢꦶ​ꦫꦠꦸ​ꦤꦁꦢꦶꦱ꧀ꦠꦿꦶꦏ꧀ꦆꦠꦸꦫꦺꦪ​ꦭꦤ꧀ꦠꦿꦤ꧀ꦏꦺꦴꦤꦶꦠꦶꦱ꧀꧈​ꦭꦶꦱꦤꦶꦪꦱ꧀ꦢꦢꦶ​ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦄꦧꦶꦭꦺꦤꦼ꧉​ ²ꦱꦶꦁ​ꦢꦢꦶ​ꦲꦶꦩꦩ꧀ꦒꦼꦢꦺꦲꦶꦁ​ꦮꦏ꧀ꦠꦸ​ꦏꦸꦮꦶ​ꦄꦤꦱ꧀ꦭꦤ꧀ꦏꦪꦥ꦳ꦱ꧀꧈​ꦪꦺꦴꦲꦤꦼꦱ꧀ꦏꦸꦮꦶ​ꦲꦤꦏ꧀ꦏꦺ​ꦲꦶꦩꦩ꧀ꦯꦏꦫꦶꦪꦱ꧀ꦭꦤ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​꧈​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀ꦩꦁꦒꦺꦴꦤ꧀ꦤꦁꦮꦸꦱ꧀ꦠꦺꦤ꧀ ꦪꦺꦴꦲꦤꦼꦱ꧀ꦤꦩ꧀ꦥ​ꦠꦼꦩ꧀ꦧꦸꦁ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​ ³ꦪꦺꦴꦲꦤꦼꦱ꧀ꦠꦼꦫꦸꦱ꧀​ꦤ꧀​ꦢ꧀ꦭꦗꦃꦲꦶ​ꦏꦶꦮꦠꦼꦔꦼꦤ꧀ꦤꦺ​ꦭꦫꦪꦺꦴꦂꦢꦤ꧀ꦏꦧꦺꦃ​꧉​ꦢꦺꦏ꧀ꦤꦺꦩꦸꦭꦁꦔꦶꦮꦺꦴꦁꦮꦺꦴꦁ​ꦔꦺꦴꦩꦺꦴꦁꦔꦺꦤꦺ​:“ꦥꦢ​ꦤꦶꦁꦒꦭ꧀ꦭ​ꦲꦸꦫꦶꦥ꧀ꦱꦶꦁ​ꦢꦺꦴꦱ​ꦭꦤ꧀ꦥꦢ​ꦚ꧀ꦗꦭꦸꦏ꧀ꦏ​ꦢꦶꦧꦥ꧀ꦠꦶꦱ꧀ ꦱꦸꦥꦪ​ꦏꦺꦴꦮꦺ​ꦧꦶꦱ​ꦤꦩ꧀ꦥ​ꦥꦔꦥꦸꦫ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​!” ⁴ꦊꦭꦏꦺꦴꦤ꧀ꦲꦶꦏꦶ​ꦥꦚ꧀ꦕꦺꦤ꧀ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦧꦺ​ꦤꦧꦶ​ꦪꦺꦱꦪ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

“ꦫꦸꦔꦺꦴꦏ꧀ꦏꦏꦺ!
ꦲꦺꦤꦺꦁꦮꦺꦴꦁ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦤꦁꦮꦸꦱ꧀ꦠꦺꦤ꧀ꦔꦺꦴꦩꦺꦴꦁꦔꦺꦤꦺ​:
'ꦒꦸꦱ꧀ꦠꦶ​ꦥꦢ​ꦢꦶꦒꦮꦺꦏ꧀ꦏꦏꦺꦢꦭꦤ꧀꧈​
ꦥꦢ​ꦢꦶꦊꦩ꧀ꦥꦼꦁꦔꦏꦺꦢꦭꦤ꧀ꦱꦶꦁ​ꦲꦉꦥ꧀ꦢꦶꦲꦩ꧀ꦧꦃꦲꦶ꧉​
⁵ꦗꦼꦒ꧀ꦭꦺꦴꦁ​ꦔꦤ꧀ꦗꦼꦒ꧀ꦭꦺꦴꦁ​ꦔꦤ꧀​ꦏꦸꦢꦸ​ꦢꦶꦲꦸꦫꦸꦏ꧀ꦏꦶ꧈​
ꦒꦸꦤꦸꦁꦒꦸꦤꦸꦁ​ꦭꦤ꧀ꦥꦸꦤ꧀ꦠꦸꦏ꧀ꦥꦸꦤ꧀ꦠꦸꦏ꧀ꦏꦸꦢꦸ​ꦢꦶꦫꦠ​꧉​
ꦢꦭꦤ꧀ꦱꦶꦁ​ꦩꦺꦁꦒꦏ꧀ꦩꦺꦁꦒꦺꦴꦏ꧀ꦏꦸꦢꦸ​ꦢꦶꦊꦩ꧀ꦥꦼꦁꦔꦏꦺ
ꦭꦤ꧀ꦱꦶꦁ​ꦲꦼꦤ꧀ꦢꦺꦏ꧀ꦢꦸꦮꦸꦂꦏꦸꦢꦸ​ꦢꦶꦫꦠ​꧉​
⁶ꦏꦧꦺꦃ​ꦧꦁꦱ​ꦧꦏꦭ꧀ꦥꦢ​ꦮꦼꦫꦸꦃ​
ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦚ꧀ꦭꦩꦼꦠ꧀ꦠꦏꦺꦩꦤꦸꦁꦱ​꧉​’”

⁷꧋ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀꧈​ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦤ꧀ꦲꦸꦭ​꧉​ꦱꦥ​ꦠ​ꦱꦶꦁ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦤꦺꦏ꧀ꦧꦶꦱ​ꦚꦶꦩ꧀ꦥꦁꦔꦶꦱꦼꦠꦿꦥꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦧꦏꦭ꧀ꦠꦼꦏ​? ⁸ꦏꦺꦠꦺꦴꦏ꧀ꦤ​ꦔꦁꦒꦺꦴ​ꦏ꧀ꦭꦏꦸꦮꦤ꧀ꦩꦸꦤꦺꦏ꧀ꦏꦺꦴꦮꦺ​ꦮꦶꦱ꧀ꦤꦶꦁꦒꦭ꧀ꦠꦼꦤꦤ꧀ꦲꦸꦫꦶꦥ꧀ꦩꦸ​ꦱꦶꦁ​ꦢꦺꦴꦱ​ꦏꦸꦮꦶ​꧉​ꦲꦗ​ꦩꦶꦏꦶꦂ​ꦢꦸꦩꦺꦃꦏꦺꦴꦮꦺ​ꦲꦤꦏ꧀ꦠꦸꦫꦸꦤ꧀ꦤꦤ꧀ꦤꦺ​ꦧꦥ​ꦄꦨꦿꦲꦩ꧀ꦮꦲꦺ​ꦏꦸꦮꦶ​ꦮꦶꦱ꧀ꦕꦸꦏꦸꦥ꧀꧈​ꦔꦤ꧀ꦢꦼꦭ꧀ꦭ​ꦲꦺꦴꦩꦺꦴꦁꦏꦸꦲꦶꦏꦶ​:ꦒꦸꦱ꧀ꦠꦶ​ꦄꦭ꧀ꦭꦃ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦼꦏꦺꦏ꧀ꦏꦶꦲꦤꦏ꧀ꦠꦸꦫꦸꦤ꧀ꦤꦤ꧀ꦩꦫꦁ​ꦧꦥ​ꦄꦨꦿꦲꦩ꧀ꦱꦁꦏꦮꦠꦸꦮꦠꦸ​ꦲꦶꦏꦶ​꧉​ ⁹ꦢꦼꦭꦺꦴꦏ꧀ꦏꦼꦤ꧀ ꦏꦩ꧀ꦥꦏ꧀ꦏꦺꦮꦶꦱ꧀ꦢꦶꦕꦼꦥꦏ꧀ꦏꦏꦺ​ꦏꦁꦒꦺꦴ​ꦤꦼꦒꦺꦴꦂ​ꦮꦶꦠ꧀ꦠꦺ​ꦤꦁꦥꦺꦴꦏ꧀ꦏꦺꦲꦺꦴꦪꦺꦴꦠ꧀ꦠꦺ꧉​ꦱꦧꦼꦤ꧀ꦮꦶꦠ꧀ꦱꦶꦁ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀ꦧꦏꦭ꧀ꦢꦶꦠꦼꦒꦺꦴꦂ​ꦭꦤ꧀ꦢꦶꦧꦸꦮꦁ​ꦤꦁꦒꦼꦤꦶ​꧉​” ¹⁰꧋ꦮꦺꦴꦁ​ꦲꦺꦴꦏꦺꦃꦩꦲꦸ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦩꦫꦁ​ꦪꦺꦴꦲꦤꦼꦱ꧀:“ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦥ​?” ¹¹꧋ꦪꦺꦴꦲꦤꦼꦱ꧀ꦱꦼꦩꦲꦸꦂ​:“ꦱꦥ​ꦱꦶꦁ​ꦤ꧀ꦢꦸꦮꦺꦏ꧀ꦭꦩ꧀ꦧꦶ​ꦭꦺꦴꦫꦺꦴ​꧈​ꦱꦶꦁ​ꦱꦶꦗꦶ​ꦏꦸꦢꦸ​ꦢꦶꦏꦺꦏ꧀ꦏꦏꦺꦩꦫꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦧ꧀ꦭꦱ꧀꧈​ꦱꦥ​ꦱꦶꦁ​ꦤ꧀ꦢꦸꦮꦺꦥꦔꦤ꧀ꦏꦸꦢꦸ​ꦔꦼꦏꦺꦏ꧀ꦏꦶꦩꦫꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​” ¹²꧋ꦮꦺꦴꦁꦮꦺꦴꦁ​ꦱꦶꦁ​ꦠꦸꦏꦁ​ꦚ꧀ꦗꦭꦸꦏ꧀ꦏꦶꦧꦼꦭꦱ꧀ꦠꦶꦁꦲꦸꦒ​ꦥꦢ​ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦠꦏꦺꦴꦤ꧀ꦩꦫꦁ​ꦪꦺꦴꦲꦤꦼꦱ꧀ꦔꦺꦤꦺ​:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦥ​?” ¹³꧋ꦪꦺꦴꦲꦤꦼꦱ꧀ꦱꦼꦩꦲꦸꦂ​:“ꦲꦗ​ꦥꦢ​ꦚ꧀ꦗꦭꦸꦏ꧀ꦧꦼꦭꦱ꧀ꦠꦶꦁꦔ꧀ꦭꦶꦮꦠ꧀ꦠꦶ​ꦱꦏ꧀ꦥꦼꦂꦭꦸꦤꦺ꧉​” ¹⁴꧋ꦲꦸꦒ​ꦥꦫ​ꦱꦺꦴꦭ꧀ꦢꦠ꧀ꦥꦢ​ꦠꦏꦺꦴꦤ꧀:“ꦭꦃ​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦏꦼꦥꦿꦶꦪꦺ​?ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​?”ꦪꦺꦴꦲꦤꦼꦱ꧀ꦱꦶꦁ​ꦱꦼꦩꦲꦸꦂ​:“ꦲꦗ​ꦥꦢ​ꦩꦼꦉꦱ꧀ꦲꦥ​ꦔꦿꦩ꧀ꦥꦱ꧀ꦭꦤ꧀ꦔꦫꦤ꧀ꦤꦶ​ꦮꦺꦴꦁ​ꦱꦶꦁ​ꦲꦺꦴꦫ​ꦱꦭꦃ​꧉​ꦤꦁꦔꦶꦁ​ꦱꦩ꧀ꦥꦺꦲꦺꦴꦫ​ꦱꦩ꧀ꦥꦺꦥꦢ​ꦩꦁꦔꦤ​ꦒꦗꦶꦲꦤ꧀ꦩꦸꦢꦺꦮꦺ꧉​” ¹⁵꧋ꦲꦶꦁ​ꦗꦩꦤ꧀ꦏꦸꦮꦶ​ꦮꦺꦴꦁ​ꦲꦺꦴꦏꦺꦃꦥꦢ​ꦔꦉꦥ꧀ꦲꦉꦥ꧀ꦠꦼꦏꦤꦺ​ꦏꦿꦶꦱ꧀ꦠꦸꦱ꧀ꦱꦺ꧉​ꦩꦸꦭꦤꦺ​ꦪ​ꦲꦺꦴꦏꦺꦃꦮꦺꦴꦁ​ꦱꦶꦁ​ꦥꦢ​ꦩꦶꦏꦶꦂ​ꦤꦺꦏ꧀ꦪꦺꦴꦲꦤꦼꦱ꧀ꦏꦸꦮꦶ​ꦏꦿꦶꦱ꧀ꦠꦸꦱ꧀ꦱꦺ꧉​ ¹⁶ꦩꦸꦭꦤꦺ​ꦪꦺꦴꦲꦤꦼꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦲꦏꦸ​ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦔꦁꦒꦺꦴ​ꦧꦚꦸ​꧈​ꦤꦁꦔꦶꦁ​ꦧꦏꦭ꧀ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦠꦼꦏ​;ꦢꦺꦏ꧀ꦤꦺꦧꦏꦭ꧀ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦔꦁꦒꦺꦴ​ꦫꦺꦴꦃ​ꦱꦸꦕꦶ​ꦭꦤ꧀ꦒꦼꦤꦶ​꧉​ꦮꦺꦴꦁ​ꦏꦸꦮꦶ​ꦏ꧀ꦮꦱꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦲꦏꦸ​꧉​ꦏꦁꦒꦺꦴ​ꦔꦸꦕꦸꦭ꧀ꦭꦶ​ꦱꦼꦥꦠꦸꦤꦺꦮꦺꦴꦁꦔꦺ​ꦮꦲꦺ​ꦢꦸꦫꦸꦁ​ꦥꦤ꧀ꦠꦼꦱ꧀ꦲꦏꦸ​꧉​ ¹⁷ꦢꦺꦏ꧀ꦤꦺ​ꦧꦏꦭ꧀ꦤꦥꦺꦤ꧀ꦤꦶ​ꦥꦫꦶꦤꦺ​ꦱꦶꦁ​ꦮꦶꦱ꧀ꦢꦶꦲꦶꦊꦱ꧀꧈​ꦒꦧꦃꦲꦺ​ꦧꦏꦭ꧀ꦢꦶꦊꦧꦺꦴꦏ꧀ꦏꦏꦺꦤꦁꦭꦸꦩ꧀ꦧꦸꦁ​꧈​ꦤꦁꦔꦶꦁ​ꦏꦥꦃꦲꦺꦧꦏꦭ꧀ꦢꦶꦲꦺꦴꦧꦺꦴꦁ​ꦤꦁꦒꦼꦤꦶ​ꦱꦶꦁ​ꦲꦺꦴꦫ​ꦧꦶꦱ​ꦩꦠꦶ​꧉​” ¹⁸꧋ꦪ​ꦔꦺꦴꦤꦺꦴ​ꦏꦸꦮꦶ​ꦭꦤ꧀ꦲꦸꦒ​ꦔꦁꦒꦺꦴ​ꦠꦼꦩ꧀ꦧꦸꦁ​ꦭꦶꦪꦭꦶꦪꦤꦺ​ꦩꦼꦤꦺꦃ​ꦪꦺꦴꦲꦤꦼꦱ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦮꦺꦴꦁꦮꦺꦴꦁ​꧉​ ¹⁹ꦪꦺꦴꦲꦤꦼꦱ꧀ꦲꦸꦒ​ꦧ꧀ꦭꦏ​ꦲꦼꦁꦒꦺꦴꦤꦺ​ꦩꦼꦭꦺꦏ꧀ꦏꦏꦺꦩꦫꦁ​ꦲ꦳ꦺꦫꦺꦴꦢꦺꦱ꧀ ꦫꦠꦸꦤꦺ​ꦓꦭꦶꦭꦺꦪ​꧉​ꦲꦮꦶꦠ꧀ꦲ꦳ꦺꦫꦺꦴꦢꦺꦱ꧀​ꦩ꧀ꦭꦏꦸ​ꦏꦫꦺꦴ​ꦲ꦳ꦺꦫꦺꦴꦢꦶꦪꦱ꧀ ꦧꦺꦴꦗꦺꦴꦤꦺ​ꦱꦼꦢꦸꦭꦸꦂꦫꦺ​ꦲ꦳ꦺꦫꦺꦴꦢꦺꦱ꧀ꦢꦺꦮꦺ꧉​ꦪꦺꦴꦲꦤꦼꦱ꧀ꦲꦸꦒ​ꦔꦺꦴꦩꦺꦴꦁꦔꦏꦺꦧꦧ꧀ꦢꦺꦴꦱꦢꦺꦴꦱ​ꦭꦶꦪꦤꦺ​ꦱꦶꦁ​ꦢꦶꦭꦏꦺꦴꦤ꧀ꦤꦶ​ꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ ²⁰ꦤꦁꦔꦶꦁ​ꦲ꦳ꦺꦫꦺꦴꦢꦺꦱ꧀ꦩꦭꦃ​ꦤ꧀ꦢꦢꦿ​ꦲꦼꦁꦒꦺꦴꦤꦺ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧈​ꦩꦭꦃ​ꦔ꧀ꦊꦧꦺꦴꦏ꧀ꦏꦏꦺꦪꦺꦴꦲꦤꦼꦱ꧀ꦤꦁꦱꦼꦠꦿꦥꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦧꦥ꧀ꦠꦶꦱ꧀꧈​

²¹꧋ꦧꦉꦁ​ꦏꦫꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦫꦁ​ꦢꦶꦧꦥ꧀ꦠꦶꦱ꧀꧈​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀​ꦤ꧀ꦢꦺꦴꦁꦔ꧈​ꦭꦔꦶꦠ꧀ꦠꦺ​ꦩꦼꦔ​꧉​ ²²ꦫꦺꦴꦃ​ꦱꦸꦕꦶ​ꦠꦼꦫꦸꦱ꧀ꦩꦼꦢꦸꦤ꧀ꦤꦼꦏꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦏꦺꦠꦺꦴꦏ꧀ꦏꦺ​ꦏꦪ​ꦩꦤꦸꦏ꧀ꦢꦫ​꧉​ꦠꦼꦫꦸꦱ꧀ꦱꦁꦏꦱ꧀ꦮꦂꦒ​ꦱ꧀ꦮꦫꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶꦭꦤ꧀ꦱꦶꦁ​ꦤ꧀ꦢꦢꦺꦏ꧀ꦏꦏꦺꦊꦒꦤꦺꦲꦠꦶꦏꦸ​!”

꧋ꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

^23-24꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠꦲꦸꦩꦸꦂꦫꦺ​ꦏꦶꦫꦏꦶꦫ​ꦠꦼꦭꦸꦁ​ꦥꦸꦭꦸꦃ​ꦠꦲꦸꦤ꧀꧈​ꦩꦶꦠꦸꦫꦸꦠ꧀ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀꧈​ꦭꦃ​ꦪꦺꦴꦱꦺꦥ꦳꧀ꦏꦸꦮꦶ​ꦲꦤꦏ꧀ꦏꦺ​ꦌꦭꦶ​ꦭꦤ꧀ꦌꦭꦶ​ꦲꦤꦏ꧀ꦏꦺ​ꦩꦠꦠ꧀꧈​ꦩꦠꦠ꧀ꦲꦤꦏ꧀ꦏꦺ​ꦭꦺꦮ꦳ꦶꦭꦤ꧀ꦭꦺꦮ꦳ꦶꦲꦤꦏ꧀ꦏꦺ​ꦩꦺꦭ꧀ꦏꦶ꧉​ꦩꦺꦭ꧀ꦏꦶꦲꦤꦏ꧀ꦏꦺ​ꦪꦤꦲꦶ​ꦭꦤ꧀ꦪꦤꦲꦶ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀꧈​ ²⁵ꦪꦺꦴꦱꦺꦥ꦳꧀ꦲꦤꦏ꧀ꦏꦺ​ꦩꦠꦠꦶꦪꦱ꧀ꦭꦤ꧀ꦩꦠꦠꦶꦪꦱ꧀ꦲꦤꦏ꧀ꦏꦺ​ꦄꦩꦺꦴꦱ꧀꧈​ꦄꦩꦺꦴꦱ꧀ꦲꦤꦏ꧀ꦏꦺ​ꦤꦲꦸꦩ꧀ꦭꦤ꧀ꦤꦲꦸꦩ꧀ꦲꦤꦏ꧀ꦏꦺ​ꦲ꦳ꦺꦱ꧀ꦭꦶ​꧉​ꦲ꦳ꦺꦱ꧀ꦭꦶ​ꦲꦤꦏ꧀ꦏꦺ​ꦤꦒꦲꦶ​꧉​ ²⁶ꦤꦒꦲꦶ​ꦲꦤꦏ꧀ꦏꦺ​ꦩꦲꦠ꧀ꦭꦤ꧀ꦩꦲꦠ꧀ꦲꦤꦏ꧀ꦏꦺ​ꦩꦠꦠꦶꦪꦱ꧀꧈​ꦩꦠꦠꦶꦪꦱ꧀ꦲꦤꦏ꧀ꦏꦺ​ꦯꦶꦩꦺꦆꦤ꧀ꦭꦤ꧀ꦯꦶꦩꦺꦆꦤ꧀ꦲꦤꦏ꧀ꦏꦺ​ꦪꦺꦴꦱꦺꦏ꧀꧈​ꦪꦺꦴꦱꦺꦏ꧀ꦲꦤꦏ꧀ꦏꦺ​ꦪꦺꦴꦢ​꧉​ ²⁷ꦪꦺꦴꦢ​ꦲꦤꦏ꧀ꦏꦺ​ꦪꦺꦴꦲꦤꦤ꧀ꦭꦤ꧀ꦪꦺꦴꦲꦤꦤ꧀ꦲꦤꦏ꧀ꦏꦺ​ꦫꦺꦱ​꧉​ꦫꦺꦱ​ꦲꦤꦏ꧀ꦏꦺ​ꦯꦺꦫꦸꦧꦧꦶꦭ꧀ꦭꦤ꧀ꦯꦺꦫꦸꦧꦧꦶꦭ꧀ꦲꦤꦏ꧀ꦏꦺ​ꦱꦺꦪꦭ꧀ꦠꦶꦪꦺꦭ꧀꧈​ꦱꦺꦪꦭ꧀ꦠꦶꦪꦺꦭ꧀ꦲꦤꦏ꧀ꦏꦺ​ꦤꦺꦫꦶ​꧉​ ²⁸ꦤꦺꦫꦶ​ꦲꦤꦏ꧀ꦏꦺ​ꦩꦺꦭ꧀ꦏꦶꦭꦤ꧀ꦩꦺꦭ꧀ꦏꦶꦲꦤꦏ꧀ꦏꦺ​ꦄꦢꦶ꧉​ꦄꦢꦶꦲꦤꦏ꧀ꦏꦺ​ꦏꦺꦴꦱꦩ꧀ꦭꦤ꧀ꦏꦺꦴꦱꦩ꧀ꦲꦤꦏ꧀ꦏꦺ​ꦌꦭ꧀ꦩꦢꦩ꧀꧈​ꦌꦭ꧀ꦩꦢꦩ꧀ꦲꦤꦏ꧀ꦏꦺ​ꦌꦂ​꧉​ ²⁹꧋ꦌꦂ​ꦲꦤꦏ꧀ꦏꦺ​ꦪꦺꦴꦱꦸꦮ​ꦭꦤ꧀ꦪꦺꦴꦱꦸꦮ​ꦲꦤꦏ꧀ꦏꦺ​ꦌꦭꦶꦌꦱꦼꦂ꧉​ꦌꦭꦶꦌꦱꦼꦂꦲꦤꦏ꧀ꦏꦺ​ꦪꦺꦴꦫꦶꦩ꧀ꦭꦤ꧀ꦪꦺꦴꦫꦶꦩ꧀ꦲꦤꦏ꧀ꦏꦺ​ꦩꦠꦠ꧀꧈​ꦩꦠꦠ꧀ꦲꦤꦏ꧀ꦏꦺ​ꦭꦺꦮ꦳ꦶ꧉​ ³⁰ꦭꦺꦮ꦳ꦶꦲꦤꦏ꧀ꦏꦺ​ꦱꦶꦩꦺꦪꦺꦴꦤ꧀ꦭꦤ꧀ꦱꦶꦩꦺꦪꦺꦴꦤ꧀ꦲꦤꦏ꧀ꦏꦺ​ꦪꦸꦢꦃ꧉​ꦪꦸꦢꦃꦲꦤꦏ꧀ꦏꦺ​ꦪꦺꦴꦱꦺꦥ꦳꧀ꦭꦤ꧀ꦪꦺꦴꦱꦺꦥ꦳꧀ꦲꦤꦏ꧀ꦏꦺ​ꦪꦺꦴꦤꦩ꧀꧈​ꦪꦺꦴꦤꦩ꧀ꦲꦤꦏ꧀ꦏꦺ​ꦌꦭꦶꦄꦏꦶꦩ꧀꧈​ ³¹ꦌꦭꦶꦄꦏꦶꦩ꧀ꦲꦤꦏ꧀ꦏꦺ​ꦩꦼꦭꦺꦪꦭꦤ꧀ꦩꦼꦭꦺꦪꦲꦤꦏ꧀ꦏꦺ​ꦩꦶꦤꦃ꧉​ꦩꦶꦤꦃꦲꦤꦏ꧀ꦏꦺ​ꦩꦠꦠ​ꦭꦤ꧀ꦩꦠꦠ​ꦲꦤꦏ꧀ꦏꦺ​ꦤꦠꦤ꧀꧈​ꦤꦠꦤ꧀ꦲꦤꦏ꧀ꦏꦺ​ꦣꦮ꦳ꦼꦢ꧀꧈​ ³²ꦣꦮ꦳ꦼꦢ꧀ꦲꦤꦏ꧀ꦏꦺ​ꦆꦱꦲꦶ​ꦭꦤ꧀ꦆꦱꦲꦶ​ꦲꦤꦏ꧀ꦏꦺ​ꦎꦧꦺꦢ꧀꧈​ꦎꦧꦺꦢ꧀ꦲꦤꦏ꧀ꦏꦺ​ꦧꦺꦴꦮꦱ꧀ꦭꦤ꧀ꦧꦺꦴꦮꦱ꧀ꦲꦤꦏ꧀ꦏꦺ​ꦱꦭ꧀ꦩꦺꦴꦤ꧀꧈​ꦱꦭ꧀ꦩꦺꦴꦤ꧀ꦲꦤꦏ꧀ꦏꦺ​ꦟꦏ꧀ꦱꦺꦴꦤ꧀꧈​ ³³ꦟꦏ꧀ꦱꦺꦴꦤ꧀ꦲꦤꦏ꧀ꦏꦺ​ꦄꦩꦶꦤꦢꦧ꧀ꦭꦤ꧀ꦄꦩꦶꦤꦢꦧ꧀ꦲꦤꦏ꧀ꦏꦺ​ꦄꦢ꧀ꦩꦶꦤ꧀꧈​ꦄꦢ꧀ꦩꦶꦤ꧀ꦲꦤꦏ꧀ꦏꦺ​ꦄꦂꦤꦶ​ꦭꦤ꧀ꦄꦂꦤꦶ​ꦲꦤꦏ꧀ꦏꦺ​ꦲ꦳ꦺꦱꦿꦺꦴꦤ꧀꧈​ꦲ꦳ꦺꦱꦿꦺꦴꦤ꧀ꦲꦤꦏ꧀ꦏꦺ​ꦥꦺꦫꦺꦱ꧀ꦭꦤ꧀ꦥꦺꦫꦺꦱ꧀ꦲꦤꦏ꧀ꦏꦺ​ꦪꦸꦢꦃ꧉​ ³⁴ꦪꦸꦢꦃꦲꦤꦏ꧀ꦏꦺ​ꦪꦏꦸꦧ꧀ꦭꦤ꧀ ꦪꦏꦸꦧ꧀ꦲꦤꦏ꧀ꦏꦺ​ꦆꦱꦏ꧀꧈​ꦆꦱꦏ꧀ꦲꦤꦏ꧀ꦏꦺ​ꦄꦨꦿꦲꦩ꧀ꦭꦤ꧀ꦄꦨꦿꦲꦩ꧀ꦲꦤꦏ꧀ꦏꦺ​ꦠꦺꦫꦃ​꧉​ꦠꦺꦫꦃ​ꦲꦤꦏ꧀ꦏꦺ​ꦟꦏꦺꦴꦂ꧉​ ³⁵ꦟꦏꦺꦴꦂꦲꦤꦏ꧀ꦏꦺ​ꦯꦼꦫꦸꦏ꧀ꦭꦤ꧀ꦯꦼꦫꦸꦏ꧀ꦲꦤꦏ꧀ꦏꦺ​ꦫꦺꦲꦸ​꧉​ꦫꦺꦲꦸ​ꦲꦤꦏ꧀ꦏꦺ​ꦦꦺꦭꦺꦏ꧀ꦭꦤ꧀ꦦꦺꦭꦺꦏ꧀ꦲꦤꦏ꧀ꦏꦺ​ꦌꦧꦺꦂ​꧉​ꦌꦧꦺꦂ​ꦲꦤꦏ꧀ꦏꦺ​ꦱꦺꦭꦏ꧀꧈​ ³⁶ꦱꦺꦭꦏ꧀ꦲꦤꦏ꧀ꦏꦺ​ꦏꦺꦤꦤ꧀ꦭꦤ꧀ꦏꦺꦤꦤ꧀ꦲꦤꦏ꧀ꦏꦺ​ꦄꦂꦥꦏ꧀ꦱꦢ꧀꧈​ꦄꦂꦥꦏ꧀ꦱꦢ꧀ꦲꦤꦏ꧀ꦏꦺ​ꦱꦺꦩ꧀ꦭꦤ꧀ꦱꦺꦩ꧀ꦲꦤꦏ꧀ꦏꦺ​ꦟꦺꦴꦮꦃ꧉​ꦟꦺꦴꦮꦃꦲꦤꦏ꧀ꦏꦺ​ꦭꦩꦺꦃ꧉​ ³⁷ꦭꦩꦺꦃꦲꦤꦏ꧀ꦏꦺ​ꦩꦺꦠꦸꦱꦭꦃ​ꦭꦤ꧀ꦩꦺꦠꦸꦱꦭꦃ​ꦲꦤꦏ꧀ꦏꦺ​ꦲ꦳ꦺꦤꦺꦴꦏ꧀꧈​ꦲ꦳ꦺꦤꦺꦴꦏ꧀ꦲꦤꦏ꧀ꦏꦺ​ꦪꦫꦺꦢ꧀ꦭꦤ꧀ꦪꦫꦺꦢ꧀ꦲꦤꦏ꧀ꦏꦺ​ꦩꦲꦭꦭꦺꦭ꧀꧈​ꦩꦲꦭꦭꦺꦭ꧀ꦲꦤꦏ꧀ꦏꦺ​ꦏꦺꦤꦤ꧀꧈​ ³⁸ꦏꦺꦤꦤ꧀ꦲꦤꦏ꧀ꦏꦺ​ꦌꦤꦺꦴꦱ꧀ꦭꦤ꧀ꦌꦤꦺꦴꦱ꧀ꦲꦤꦏ꧀ꦏꦺ​ꦱꦺꦠ꧀​꧉​ꦱꦺꦠ꧀​ꦲꦤꦏ꧀ꦏꦺ​ꦄꦢꦩ꧀ꦭꦤ꧀ꦄꦢꦩ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀​꧉​

꧇​꧔꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​ꦠꦼꦫꦸꦱ꧀ꦭꦸꦔ​ꦱꦁꦏꦭꦫꦪꦺꦴꦂꦢꦤ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦒꦮ​ꦤꦁꦮꦸꦱ꧀ꦠꦺꦤ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧈​ꦥꦠꦁ​ꦥꦸꦭꦸꦃ​ꦢꦶꦤ​ꦱꦸꦮꦺꦤꦺ​꧉​ ²ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀꧈​ꦱꦸꦮꦺꦤꦺ​ꦤꦁꦮꦸꦱ꧀ꦠꦺꦤ꧀ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦩꦁꦔꦤ꧀ꦲꦥꦲꦥ​꧉​ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦮꦏ꧀ꦠꦸꦩꦸꦢꦺꦏ꧀ꦤꦺꦏꦿꦱ​ꦔꦼꦭꦶꦃ​꧉​ ³꧋ꦱꦺꦠꦤ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦗꦫꦺꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦪ​ꦮꦠꦸ​ꦲꦶꦏꦶ​ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦢꦢꦶ​ꦫꦺꦴꦠꦶ​!” ⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀ꦏꦼꦠꦸꦭꦶꦱ꧀ꦔꦺꦤꦺ​:'ꦩꦤꦸꦁꦱ​ꦲꦸꦫꦶꦥ꧀ꦥꦺꦲꦺꦴꦫ​ꦤꦩꦸꦁ​ꦱꦁꦏꦫꦺꦴꦠꦶ​ꦮꦲꦺ​꧉​’” ⁵꧋ꦱꦺꦠꦤ꧀ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦢꦸꦮꦸꦂꦧꦔꦼꦠ꧀꧈​ꦲꦶꦁ​ꦱꦏ꧀ꦏꦼꦢꦺꦥ꧀ꦥꦤ꧀ꦱꦺꦠꦤ꧀ꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦏꦿꦠꦺꦴꦤ꧀ꦏꦿꦠꦺꦴꦤ꧀ꦏꦧꦺꦃ​ꦱꦏ꧀ꦗꦒꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁶ꦱꦺꦠꦤ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱꦏ꧀ꦲꦺꦤꦺꦁꦔꦺꦥꦔ꧀ꦮꦱ​ꦭꦤ꧀ꦏꦩꦸꦭꦾꦤ꧀ꦧꦏꦭ꧀ꦠꦏ꧀ꦏꦺꦏ꧀ꦏꦏꦺꦩꦫꦁ​ꦏꦺꦴꦮꦺ​꧉​ꦏꦧꦺꦃ​ꦏꦸꦮꦶ​ꦮꦺꦏ꧀ꦏꦸꦭꦤ꧀ꦲꦏꦸ​ꦧꦶꦱ​ꦔꦼꦏꦺꦏ꧀ꦏꦏꦺꦩꦫꦁ​ꦱꦥ​ꦮꦲꦺ​ꦱꦏ꧀ꦏꦉꦥ꧀ꦏꦸ​꧉​ ⁷ꦩꦸꦭꦤꦺ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦚꦼꦩ꧀ꦧꦃ​ꦩꦫꦁ​ꦲꦏꦸ​꧈​ꦏꦧꦺꦃ​ꦏꦸꦮꦶ​ꦧꦏꦭ꧀ꦠꦏ꧀ꦏꦺꦏ꧀ꦏꦏꦺꦩꦫꦁ​ꦏꦺꦴꦮꦺ​꧉​” ⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁ​ꦏꦶꦠꦧ꧀​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦔꦺꦤꦺ​:'ꦚꦼꦩ꧀ꦧꦃꦲ​ꦩꦫꦁ​ꦒꦸꦱ꧀ꦠꦶ​꧈​ꦢꦺꦏ꧀ꦤꦺ​ꦄꦭ꧀ꦭꦃꦩꦸ꧉​ꦤꦩꦸꦁ​ꦢꦺꦏ꧀ꦤꦺ​ꦱꦶꦁ​ꦏꦸꦢꦸ​ꦩ꧀ꦧꦺꦴꦏ꧀ꦭꦢꦺꦤ꧀ꦤꦶ꧉​’” ⁹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦺꦠꦤ꧀​ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦢꦶꦢꦼꦏ꧀ꦤꦺꦤꦁꦥꦸꦕꦸꦏ꧀ꦏꦺ​ꦥꦪꦺꦴꦤ꧀ꦤꦺ​ꦒꦿꦺꦗ​ꦒꦼꦢꦺ​꧉​ꦱꦺꦠꦤ꧀​ꦠꦼꦫꦸꦱ꧀ꦔꦺꦴꦩꦺꦴꦁ:“ꦗꦫꦺꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦤ​ꦲꦚ꧀​ꦗ꧀ꦭꦺꦴꦏ꧀ꦩꦼꦢꦸꦤ꧀꧈​ ¹⁰ꦤꦁꦏꦶꦠꦧ꧀ꦭꦲꦸꦠ꧀ꦏꦼꦠꦸꦭꦶꦱ꧀ꦠ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦠꦺꦩꦒꦼꦂꦫꦶ​ꦏꦺꦴꦮꦺ​꧉'​ ¹¹ꦲꦸꦒ​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦭꦶꦪꦤꦺ​ꦲꦸꦤꦶꦤꦺ​ꦔꦺꦤꦺ​:'ꦏꦺꦴꦮꦺ​ꦧꦏꦭ꧀ꦢꦶꦠꦩ꧀ꦥꦤꦶ​ꦔꦁꦒꦺꦴ​ꦠꦔꦤ꧀ꦤꦺ​꧈​ꦱꦸꦥꦪ​ꦱꦶꦏꦶꦭ꧀ꦩꦸ​ꦲꦺꦴꦫ​ꦏꦼꦤꦺꦁꦮꦠꦸ​꧉​’” ¹²꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀ꦲꦸꦒ​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦏꦺꦴꦮꦺ​ꦲꦗ​ꦚꦺꦴꦧ​ꦒꦸꦱ꧀ꦠꦶ​ꦄꦭ꧀ꦭꦃꦩꦸ!’” ¹³꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦱꦶꦁ​ꦔ꧀ꦒꦺꦴꦢꦔꦁꦒꦺꦴ​ꦱꦏ꧀ꦲꦺꦤꦺꦁꦔꦺꦲꦏꦭ꧀ ꦱꦺꦠꦤ꧀ꦠꦼꦫꦸꦱ꧀ꦤꦶꦁꦒꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦏ꧀ꦲꦸꦤ꧀ꦠꦂꦫ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠꦤꦁꦧꦮꦃꦓꦭꦶꦭꦺꦪ​꧉​

¹⁴꧋ꦲꦶꦁ​ꦏꦼꦏꦸꦮꦠ꧀ꦠꦤ꧀ꦤꦺ​ꦫꦺꦴꦃ​ꦱꦸꦕꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦧꦮꦃꦓꦭꦶꦭꦺꦪ​꧉​ꦤꦁꦏꦺꦴꦤꦺꦴ​ꦭꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦮꦺꦴꦁ​ꦏꦧꦺꦃ​ꦥꦢ​ꦏꦿꦸꦔꦸ​ꦧꦧ꧀ꦢꦺꦏ꧀ꦤꦺ꧉​ ¹⁵ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁ​ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦭꦤ꧀ꦮꦺꦴꦁꦮꦺꦴꦁ​ꦥꦢ​ꦔꦼꦊꦩ꧀ꦢꦺꦏ꧀ꦤꦺ꧉​

꧋ꦏꦸꦠꦟꦱꦫꦺꦠ꧀ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

^16-17꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦼꦏ​ꦤꦁꦏꦸꦠꦟꦱꦫꦺꦠ꧀ ꦏꦸꦠꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦏ꧀ꦤꦺ꧉​ꦏꦪ​ꦱꦏ꧀ꦭꦸꦩꦿꦃꦲꦺ​꧈​ꦲꦶꦁ​ꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦢꦭ꧀ꦤꦁꦱꦶꦤꦒꦸꦏ꧀꧈​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦠꦼꦫꦸꦱ꧀ꦩꦗꦸ​ꦲꦉꦥ꧀ꦩꦕ​꧉​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦲꦼꦭꦸꦁꦔꦶꦏꦶꦠꦧ꧀ꦧꦺ​ꦤꦧꦶ​ꦪꦺꦱꦪ​꧉​ꦏꦢꦸꦁ​ꦢꦶꦧꦸꦏꦏ꧀ꦠꦼꦫꦸꦱ꧀ꦤꦼꦩꦸ​ꦲꦪꦠ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

¹⁸“ꦫꦺꦴꦃꦲꦺ​ꦒꦸꦱ꧀ꦠꦶ​ꦲꦤ​ꦲꦶꦁ​ꦲꦏꦸ​꧈​ꦲꦮꦶꦠ꧀ꦒꦸꦱ꧀ꦠꦶ​ꦮꦶꦱ꧀ꦩꦶꦭꦶꦃ​ꦲꦏꦸ​꧉​
ꦲꦏꦸ​ꦢꦶꦏꦺꦴꦁꦏꦺꦴꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦩꦫꦁ​ꦮꦺꦴꦁ​ꦩ꧀ꦭꦫꦠ꧀꧈​
ꦮꦺꦴꦁ​ꦱꦼꦠꦿꦥꦤ꧀ꦏꦸꦢꦸ​ꦠꦏ꧀ꦏꦧꦂꦫꦶ​ꦤꦺꦏ꧀ꦧꦏꦭ꧀ꦢꦶꦲꦼꦠꦺꦴꦏ꧀ꦏꦏꦺ
ꦭꦤ꧀ꦮꦺꦴꦁ​ꦭꦩꦸꦂ​ꦧꦏꦭ꧀ꦮꦼꦫꦸꦃ​꧉​
ꦲꦏꦸ​ꦏꦸꦢꦸ​ꦔ꧀ꦭꦸꦮꦂꦫꦶ​ꦱꦶꦁ​ꦔꦭꦩ꧀ꦩꦶ​ꦏꦱꦁꦱꦫꦤ꧀꧈​
¹⁹ꦭꦤ꧀ꦩꦼꦤꦺꦃ​꧈​ꦲꦏꦸ​ꦏꦸꦢꦸ​ꦔꦧꦂꦫꦏꦺ
ꦤꦺꦏ꧀ꦱꦲꦶꦏꦶ​ꦮꦶꦱ꧀ꦮꦚ꧀ꦕꦶꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​
ꦔꦺꦠꦺꦴꦏ꧀ꦏꦏꦺ​ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩꦤꦸꦁꦱ​꧉​”

²⁰꧋ꦱꦏ꧀ꦮꦶꦱ꧀ꦱꦺ​ꦩꦕ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦏꦶꦠꦧ꧀ꦧꦺ​ꦠꦼꦫꦸꦱ꧀ꦢꦶꦧꦭꦺꦏ꧀ꦏꦏꦺꦩꦫꦁ​ꦥꦼꦭꦢꦺꦤ꧀ꦤꦺ​ꦏꦶꦠꦧ꧀꧈​ꦢꦺꦏ꧀ꦤꦺꦠꦼꦫꦸꦱ꧀​ꦚ꧀ꦗꦒꦺꦴꦁ꧉​ꦮꦺꦴꦁ​ꦏꦧꦺꦃ​ꦱꦶꦁ​ꦤꦁꦱꦶꦤꦒꦸꦏ꧀ꦏꦺꦴꦤꦺꦴ​ ꦥꦢ​ꦚꦮꦁ​ꦢꦺꦏ꧀ꦤꦺ꧉​ ²¹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦶꦁ​ꦢꦶꦤ​ꦲꦶꦏꦶ​꧈​ꦱꦏ꧀ꦧꦉꦁꦔꦺꦏꦺꦴꦮꦺ​ꦔꦿꦸꦔꦺꦴꦏ꧀ꦏꦏꦺꦱꦶꦁ​ꦠꦏ꧀ꦮꦕ​ꦩꦲꦸ​꧈​ꦲꦶꦱꦶꦤꦺ​ꦲꦪꦠ꧀ꦲꦪꦠ꧀ꦩꦲꦸ​ꦮꦶꦱ꧀ꦏꦼꦠꦸꦫꦸꦠ꧀ꦠꦤ꧀꧈​” ²²꧋ꦮꦺꦴꦁꦮꦺꦴꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺꦠꦼꦤꦤ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦢ​ꦔ꧀ꦒꦸꦩꦸꦤ꧀ꦲꦥꦶꦏ꧀ꦏꦺ​ꦥꦶꦮꦸꦭꦁꦔꦺ​꧉​ꦩꦸꦭꦤꦺ​ꦥꦢ​ꦫꦱꦤ꧀ꦫꦱꦤ꧀:“ꦲꦥ​ꦏꦸꦮꦶ​ꦢꦸꦢꦸ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀ꦏꦲꦺ​?” ²³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​:“ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦚꦺꦴꦕꦺꦴꦏ꧀ꦏꦏꦺ​ꦥꦫꦶꦧꦱꦤ꧀ꦲꦶꦏꦶ​ꦩꦫꦁ​ꦲꦏꦸ​:'ꦢꦺꦴꦏ꧀ꦠꦼꦂ​꧈​ꦠꦩ꧀ꦧꦤꦤꦲꦮꦏ꧀ꦩꦸ​ꦢꦺꦮꦺ!ꦲꦮꦏ꧀ꦏꦺ​ꦢꦺꦮꦺꦏꦿꦸꦔꦸ​ꦧꦧ꧀ꦥꦽꦏꦫꦥꦽꦏꦫ​ꦱꦶꦁ​ꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦤꦁꦏꦸꦠꦑꦥꦺꦂꦤꦏꦸꦩ꧀ ꦏꦸꦮꦶ​ꦠꦶꦤ꧀ꦢꦏ꧀ꦤ​ꦤꦁꦏꦺꦤꦺ​꧈​ꦤꦁꦏꦸꦠꦥꦁꦒꦺꦴꦤ꧀ꦤꦤ꧀ꦩꦸ​ꦢꦺꦮꦺ꧉​’” ²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦔꦤ꧀ꦢꦼꦭ꧀ꦭ​ꦠ​꧈​ꦲꦺꦴꦫ​ꦲꦺꦤꦺꦁꦤꦧꦶ​ꦱꦶꦁ​ꦏꦗꦺꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦮꦺ꧉​ ²⁵ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀ꦲꦶꦁ​ꦗꦩꦤ꧀ꦤꦺ​ꦤꦧꦶ​ꦌꦭꦶꦪ​ꦤꦁꦤꦼꦒꦫ​ꦆꦱꦿꦌꦭ꧀ꦲꦺꦤꦺꦁꦮꦺꦴꦁ​ꦫꦤ꧀ꦢꦥꦶꦫꦁꦥꦶꦫꦁ​꧉​ꦠꦼꦭꦸꦁ​ꦠꦲꦸꦤ꧀ꦱꦼꦠꦼꦔꦃ​ꦱꦸꦮꦺꦤꦺ​ꦲꦺꦴꦫ​ꦲꦺꦤꦺꦁꦲꦸꦢꦤ꧀ ꦱꦩ꧀ꦥꦺꦏ꧀ꦤꦁꦱꦏ꧀ꦤꦼꦒꦫ​ꦲꦺꦤꦺꦁꦏꦸꦫꦁ​ꦥꦔꦤ꧀ꦒꦼꦢꦺ꧉​ ²⁶ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦔꦺꦴꦁꦏꦺꦴꦤ꧀ꦤꦧꦶ​ꦌꦭꦶꦪ​ꦤꦸꦭꦸꦁꦔꦶ​ꦫꦤ꧀ꦢꦤꦁꦆꦱꦿꦌꦭ꧀ ꦲꦺꦴꦫ​꧉​ꦤꦁꦔꦶꦁ​ꦤꦧꦶ​ꦌꦭꦶꦪ​ꦩꦭꦃ​ꦢꦶꦏꦺꦴꦁꦏꦺꦴꦤ꧀ꦩꦫꦤꦶ​ꦫꦤ꧀ꦢꦤꦁꦏꦸꦠꦯꦫꦺꦥ꦳ꦠ꧀ꦤꦁꦧꦮꦃꦱꦶꦢꦺꦴꦤ꧀꧈​ ²⁷ꦲꦸꦒ​ꦲꦶꦁ​ꦗꦩꦤ꧀ꦤꦺ​ꦤꦧꦶ​ꦌꦭꦶꦱ​꧈​ꦤꦁꦆꦱꦿꦌꦭ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦭꦫ​ꦭꦺꦥꦿ​꧉​ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦱꦶꦗꦶ​ꦮꦲꦺ​ꦱꦶꦁ​ꦢꦶꦠꦩ꧀ꦧꦤꦶ​꧈​ꦏꦼꦗꦧ​ꦤꦩꦸꦁ​ꦤꦲꦩꦤ꧀ ꦮꦺꦴꦁ​ꦱꦁꦏꦤꦼꦒꦫ​ꦯꦶꦫꦶꦪ​꧉​” ²⁸꧋ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦲꦸ​ꦮꦺꦴꦁ​ꦱꦏ꧀ꦱꦶꦤꦒꦸꦏ꧀ꦥꦢ​ꦤꦼꦱꦸ​ꦏꦧꦺꦃ​꧉​ ²⁹ꦮꦺꦴꦁꦮꦺꦴꦁ​ꦥꦢ​ꦔꦢꦼꦏ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦱꦺꦫꦺꦠ꧀ꦤꦁꦚ꧀ꦗꦧꦤꦺ​ꦏꦸꦠ꧈​ꦠꦼꦫꦸꦱ꧀ꦢꦶꦒꦮ​ꦤꦁꦥꦶꦁꦒꦶꦂꦫꦺ​ꦒꦸꦤꦸꦁ​ꦱꦶꦁ​ꦚꦁꦒ​ꦏꦸꦠꦤꦺꦏꦺꦴꦤꦺꦴ​꧉​ꦗꦮꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦢꦶꦗꦺꦴꦁꦏꦿꦺꦴꦏ꧀ꦏꦏꦺꦩꦼꦢꦸꦤ꧀꧈​ ³⁰ꦤꦁꦔꦶꦁ​ꦢꦺꦏ꧀ꦤꦺꦤꦿꦺꦴꦧꦺꦴꦱ꧀ꦤꦁꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧉​

꧋ꦮꦺꦴꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦢꦸꦤ꧀ꦤꦁꦏꦸꦠꦑꦥꦺꦂꦤꦏꦸꦩ꧀ꦤꦁꦧꦮꦃꦓꦭꦶꦭꦺꦪ​꧉​ꦲꦶꦁ​ꦢꦶꦤ​ꦱꦧꦠ꧀ꦢꦺꦏ꧀ꦤꦺꦩꦸꦭꦁ​ꦤꦁꦱꦶꦤꦒꦸꦏ꧀꧈​ ³²ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦧꦧ꧀ꦕꦫꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦩꦸꦭꦁ​꧈​ꦲꦮꦶꦠ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦔꦺ​ꦲꦺꦤꦺꦁꦏ꧀ꦮꦱꦤꦺ​꧉​ ³³ꦤꦁꦱꦶꦤꦒꦸꦏ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ ³⁴ꦮꦺꦴꦁꦔꦺ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:“ꦪꦺꦯꦸꦱ꧀ꦱꦁꦏꦟꦱꦫꦺꦠ꧀ ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦥ​ꦏꦺꦴꦮꦺ​ꦲꦉꦥ꧀ꦔꦿꦸꦱꦏ꧀ꦲꦮꦏ꧀ꦏꦺ​ꦢꦺꦮꦺ?ꦲꦮꦏ꧀ꦏꦺ​ꦢꦺꦮꦺꦔꦼꦂꦠꦶ​ꦏꦺꦴꦮꦺ​ꦏꦸꦮꦶ​ꦱꦥ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦱꦸꦕꦶ​꧈​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​!” ³⁵꧋ꦢꦼꦩꦶꦠ꧀ꦠꦺꦠꦼꦫꦸꦱ꧀ꦢꦶꦒꦼꦤ꧀ꦠꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦼꦤꦼꦁ​!ꦩꦼꦠꦸꦮ​ꦱꦁꦏꦮꦺꦴꦁ​ꦏꦸꦮꦶ​!”ꦢꦼꦩꦶꦠ꧀ꦠꦺꦠꦼꦫꦸꦱ꧀ꦲꦩ꧀ꦧꦤ꧀ꦠꦶꦁ​ꦮꦺꦴꦁꦔꦺ​꧈​ꦠꦼꦫꦸꦱ꧀ꦮꦺꦴꦁꦔꦺ​ꦠꦶꦧ​ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​꧉​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦩꦼꦠꦸ​ꦠꦤ꧀ꦥ​ꦔ꧀ꦒꦮꦺ​ꦭꦫꦤꦺ​ꦮꦺꦴꦁꦔꦺ​꧉​ ³⁶꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​ꦭꦤ꧀ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦮꦃ​꧈​ꦗꦤ꧀ꦲꦤ꧀ꦠꦼꦥ꧀ꦧꦔꦼꦠ꧀ꦠꦼꦩ꧀ꦧꦸꦁꦔꦺ​꧉​ꦢꦺꦏ꧀ꦤꦺ​ꦤꦸꦤ꧀ꦢꦸꦁꦢꦼꦩꦶꦠ꧀ꦢꦼꦩꦶꦠ꧀ꦠꦺꦔꦁꦒꦺꦴ​ꦥꦔ꧀ꦮꦱ​ꦭꦤ꧀ꦮꦸꦗꦸꦠ꧀ꦠꦺꦪ​ꦥꦢ​ꦩꦼꦠꦸ​ꦠꦼꦤꦤ꧀꧈​” ³⁷ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦠꦼꦫꦸꦱ꧀ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦲꦶꦧꦸꦩꦫꦠꦸꦮꦤꦺꦱꦶꦩꦺꦴꦤ꧀꧈​

³⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦱꦶꦤꦒꦸꦏ꧀ꦏꦺꦴꦤꦺꦴ​꧈​ꦠꦼꦫꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀꧈​ꦲꦶꦧꦸꦩꦫꦠꦸꦮꦤꦺꦱꦶꦩꦺꦴꦤ꧀ꦲꦶꦁ​ꦮꦏ꧀ꦠꦸ​ꦲꦶꦏꦸ​ꦢꦺꦴꦁꦔꦺꦭꦫ​ꦥꦤꦱ꧀ꦭꦤ꧀ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦔꦶꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦏꦸꦮꦶ​꧉​ ³⁹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦢꦼꦏ꧀ꦏꦶꦱꦶꦁ​ꦭꦫ​ꦤꦁꦱꦼꦧꦼꦭꦃꦱꦶꦫꦃꦲꦺ​꧈​ꦠꦼꦫꦸꦱ꧀ꦤꦸꦤ꧀ꦢꦸꦁꦭꦫꦤꦺ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦮꦫꦱ꧀ꦩꦼꦤꦺꦃ​ꦭꦤ꧀ꦠꦼꦫꦸꦱ꧀ꦱꦤ꧀ꦮꦲꦺ​ꦔ꧀ꦭꦢꦺꦤ꧀ꦤꦶ​ꦢꦪꦺꦴꦃꦢꦪꦺꦴꦃꦲꦺ꧉​ ⁴⁰꧋ꦏꦢꦸꦁ​ꦮꦶꦱ꧀ꦱꦸꦫꦸꦥ꧀ ꦮꦺꦴꦁ​ꦏꦧꦺꦃ​ꦱꦶꦁ​ꦤ꧀ꦢꦸꦮꦺꦱꦼꦢꦸꦭꦸꦂ​ꦱꦶꦁ​ꦭꦫ​ꦥꦢ​ꦢꦶꦒꦮꦤꦶ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦭꦫꦤꦺ​ꦮꦼꦂꦤꦮꦼꦂꦤ​꧉​ꦮꦺꦴꦁꦮꦺꦴꦁ​ꦱꦶꦁ​ꦭꦫ​ꦠꦼꦫꦸꦱ꧀ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦱꦶꦗꦶꦱꦶꦗꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦩꦫꦶ​ꦏꦧꦺꦃ​꧉​ ⁴¹ꦢꦼꦩꦶꦠ꧀ꦥꦶꦫꦁꦥꦶꦫꦁ​ꦥꦢ​ꦩꦼꦠꦸ​ꦥꦠꦶꦁ​ꦗ꧀ꦊꦫꦶꦠ꧀ ꦔꦺꦴꦩꦺꦴꦁ:“ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ꧋ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦢꦶꦒꦼꦤ꧀ꦠꦏ꧀ꦏꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦶꦥꦼꦔꦶꦁ​ꦔꦺꦴꦩꦺꦴꦁꦲꦥꦲꦥ​꧈​ꦲꦮꦶꦠ꧀ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦥꦢ​ꦔꦼꦂꦠꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦏꦿꦶꦱ꧀ꦡꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀꧈​

⁴²꧋ꦲꦶꦁ​ꦲꦺꦱꦸꦏ꧀ꦏꦺ​ꦩꦿꦸꦥꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦲꦺꦴꦩꦃ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ ꦱꦼꦥꦶ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦢꦺꦏ꧀ꦤꦺ꧉​ꦏꦢꦸꦁ​ꦮꦶꦱ꧀ꦏꦼꦠꦼꦩꦸ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦢꦺꦏ꧀ꦤꦺꦱꦸꦥꦪ​ꦲꦺꦴꦫ​ꦭꦸꦔ​꧉​ ⁴³ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​:“ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦲꦸꦒ​ꦏꦸꦢꦸ​ꦠꦏ꧀ꦒꦼꦭꦂꦫꦏꦺꦤꦁꦭꦶꦪꦭꦶꦪ​ꦥꦁꦒꦺꦴꦤ꧀ꦤꦤ꧀ ꦲꦮꦶꦠ꧀ꦲꦶꦏꦸ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦲꦏꦸ​꧉​” ⁴⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦤꦁꦧꦮꦃꦪꦸꦢꦺꦪ​꧉​

꧋ꦩꦸꦫꦶꦢ꧀ꦩꦸꦫꦶꦢ꧀ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺ꧉​

꧇​꧕꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦢꦼꦏ꧀ꦤꦁꦥꦶꦁꦒꦶꦂꦫꦺ​ꦩꦺꦂꦓꦼꦤꦺꦱꦫꦺꦠ꧀꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦲꦼꦱꦸꦏ꧀ꦲꦼꦱꦸꦏ꧀ꦏꦤ꧀ ꦲꦮꦶꦠ꧀ꦥꦢ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦲꦺꦤꦺꦁꦥꦿꦲꦸ​ꦭꦺꦴꦫꦺꦴ​ꦤꦁꦥꦶꦁꦒꦶꦂ​ꦏꦺꦴꦤꦺꦴ​꧉​ꦱꦶꦁ​ꦤ꧀ꦢꦸꦮꦺꦥꦿꦲꦸꦤꦺ​ꦮꦶꦱ꧀ꦥꦢ​ꦩꦼꦢꦸꦤ꧀ ꦲꦶꦗꦶꦏ꧀ꦔꦽꦱꦶꦏ꧀ꦏꦶ​ꦗꦭꦤꦺ​꧉​ ³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦤꦁꦥꦿꦲꦸꦤꦺ​ꦱꦶꦩꦺꦴꦤ꧀꧈​ꦱꦶꦩꦺꦴꦤ꧀ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦺꦴꦁꦏꦺꦴꦤ꧀ꦚꦸꦫꦸꦁ​ꦥꦿꦲꦸꦤꦺ​ꦱꦁꦏꦢꦫꦠ꧀ꦠꦤ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦭꦤ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦱꦁꦏꦥꦿꦲꦸꦤꦺ​ꦏꦺꦴꦤꦺꦴ​꧉​ ⁴꧋ꦏꦢꦸꦁꦮꦶꦱ꧀ꦫꦩ꧀ꦥꦸꦁꦱꦶꦁꦩꦸꦭꦁꦔꦶ꧈​ꦒꦸꦱ꧀ꦠꦶꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁꦱꦶꦩꦺꦴꦤ꧀:“ꦱꦶꦩꦺꦴꦤ꧀ ꦥꦿꦲꦸꦩꦸꦏꦤꦢꦶꦒꦮꦤꦁꦠꦼꦔꦃꦭꦤ꧀ꦗꦭꦩꦸꦢꦶ​ꦲꦸꦚ꧀ꦕꦭ꧀ꦭꦏꦺꦏꦺꦴꦤꦺꦴꦱꦸꦥꦪꦲꦺꦤ꧀ꦠꦸꦏ꧀ꦲꦶꦮꦏ꧀ꦲꦺꦴꦏꦺꦃ꧉​” ⁵꧋ꦱꦼꦩꦲꦸꦂꦫꦺ​ꦱꦶꦩꦺꦴꦤ꧀:“ꦒꦸꦫꦸ​꧈​ꦮꦶꦱ꧀ꦱꦼꦮꦼꦔꦶ​ꦩꦸꦥꦸꦠ꧀ꦲꦮꦏ꧀ꦏꦺ​ꦢꦺꦮꦺꦔ꧀ꦒꦺꦴꦭꦺꦏ꧀ꦲꦶꦮꦏ꧀ꦱꦏ꧀ꦏꦸꦮꦠ꧀ꦠꦺ꧈​ꦤꦁꦔꦶꦁ​ꦲꦺꦴꦫ​ꦲꦺꦤ꧀ꦠꦸꦏ꧀ꦲꦥꦲꦥ​꧉​ꦤꦁꦔꦶꦁ​ꦗꦭꦂꦫꦤ꧀ꦏꦺꦴꦮꦺ​ꦱꦶꦁ​ꦔꦺꦴꦁꦏꦺꦴꦤ꧀ ꦗꦭꦤꦺ​ꦠꦏ꧀ꦲꦸꦚ꧀ꦕꦭ꧀ꦏꦺ​ꦩꦼꦤꦺꦃ​꧉​” ⁶ꦏꦢꦸꦁꦗꦭꦤꦺꦮꦶꦱ꧀ꦢꦶ​ꦲꦸꦚ꧀ꦕꦭ꧀ꦭꦏꦺꦠꦼꦫꦸꦱ꧀ꦲꦺꦤ꧀ꦠꦸꦏ꧀ꦲꦶꦮꦏ꧀ꦲꦺꦴꦏꦺꦃꦧꦔꦼꦠ꧀ ꦱꦩ꧀ꦥꦺꦏ꧀ꦗꦭꦤꦺꦲꦉꦥ꧀ꦧꦼꦢꦃ꧉​ ⁷ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦕꦼꦭꦸꦏ꧀ꦕꦼꦭꦸꦏ꧀​ꦚ꧀ꦗꦭꦸꦏ꧀ꦠꦸꦭꦸꦁ​ꦏꦚ꧀ꦕꦏꦚ꧀ꦕꦤꦺ​ꦱꦶꦁ​ꦤꦁꦥꦿꦲꦸ​ꦭꦶꦪꦤꦺ​꧉​ꦏꦚ꧀ꦕꦏꦚ꧀ꦕꦤꦺ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦠꦼꦏ​꧉​ꦥꦿꦲꦸꦤꦺ​ꦏꦧꦺꦃ​ꦭꦺꦴꦫꦺꦴ​ꦠꦼꦫꦸꦱ꧀ꦢꦶꦲꦶꦱꦺꦤ꧀ꦤꦶ​ꦲꦶꦮꦏ꧀ꦱꦩ꧀ꦥꦺꦏ꧀ꦏꦼꦧꦼꦏ꧀ ꦱꦩ꧀ꦥꦺꦏ꧀ꦥꦿꦲꦸꦤꦺ​ꦩꦺꦃ​ꦏꦼꦊꦥ꧀꧈​ ⁸ꦏꦢꦸꦁ​ꦮꦼꦫꦸꦃ​ꦏꦸꦮꦶ​ꦩꦲꦸ​ꦏꦧꦺꦃ​꧈​ꦱꦶꦩꦺꦴꦤ꧀ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦔꦺꦴꦩꦺꦴꦁ:“ꦲꦗ​ꦚꦼꦢꦼꦏ꧀ꦏꦶꦲꦏꦸ​ꦒꦸꦱ꧀ꦠꦶ​꧈​ꦲꦮꦶꦠ꧀ꦲꦏꦸ​ꦮꦺꦴꦁ​ꦢꦺꦴꦱ​꧉​” ⁹꧋ꦱꦶꦩꦺꦴꦤ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦢꦺꦏ꧀ꦤꦺꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦔ꧀ꦒꦸꦩꦸꦤ꧀ꦠꦼꦤꦤ꧀ꦮꦼꦫꦸꦃ​ꦲꦶꦮꦏ꧀ꦱꦼꦩꦺꦴꦤꦺꦴ​ꦲꦺꦴꦏꦺꦃꦲꦺ꧉​ ¹⁰ꦲꦸꦒ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦚ꧀ꦕꦏꦚ꧀ꦕꦤꦺ​ꦱꦶꦩꦺꦴꦤ꧀ ꦩꦺꦭꦸ​ꦔ꧀ꦒꦸꦩꦸꦤ꧀ꦠꦼꦤꦤ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦱꦶꦩꦺꦴꦤ꧀:“ꦲꦗ​ꦮꦼꦢꦶ​ꦱꦶꦩꦺꦴꦤ꧀ ꦮꦶꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦧꦏꦭ꧀ꦠꦏ꧀ꦢꦢꦺꦏ꧀ꦏꦏꦺꦮꦺꦴꦁ​ꦱꦶꦁ​ꦠꦸꦏꦁ​ꦔ꧀ꦒꦺꦴꦭꦺꦏ꧀ꦮꦺꦴꦁ​꧉​” ¹¹꧋ꦱꦶꦩꦺꦴꦤ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦠꦼꦫꦸꦱ꧀ꦩꦶꦁꦒꦶꦂꦫꦏꦺꦥꦿꦲꦸꦤꦺ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦶꦁꦒꦭ꧀ꦱꦼꦩ꧀ꦧꦫꦁꦩ꧀ꦧꦫꦁꦔꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦭꦺꦥꦿ​꧉​

¹²꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦱꦏ꧀ꦮꦶꦗꦶꦤꦺꦏꦸꦠ꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦭꦫ​ꦭꦺꦥꦿ​ꦱꦏ꧀ꦲꦮꦏ꧀ꦏꦺ​꧉​ꦏꦢꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ ꦮꦺꦴꦁꦔꦺ​ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦠꦼꦫꦸꦱ꧀ꦚꦸꦮꦸꦤ꧀:“ꦢꦸꦃꦒꦸꦱ꧀ꦠꦶ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦏꦺꦴꦮꦺ​ꦧꦶꦱ​ꦤꦩ꧀ꦧꦤꦶ​ꦲꦏꦸ​!” ¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦭꦸꦁꦔꦏꦺꦠꦔꦤ꧀ꦤꦺ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦮꦺꦴꦁꦔꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦏꦸ​ꦒꦼꦊꦩ꧀ ꦢꦢꦶꦪ​ꦮꦫꦱ꧀!”ꦱꦏ꧀ꦮꦠ꧀ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​ꦠꦼꦤꦤ꧀꧈​ ¹⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦁꦔꦶꦁ​ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​ꦮꦺꦴꦁꦔꦺ​ꦢꦶꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​꧈​ꦏꦺꦴꦁꦏꦺꦴꦤ꧀​ꦤ꧀ꦢꦸꦢꦸꦃꦲꦏꦺꦲꦮꦏ꧀ꦏꦺ​ꦱꦶꦁ​ꦮꦶꦱ꧀ꦮꦫꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦤ​ꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​ꦤ꧀ꦢꦸꦢꦸꦃꦲꦏꦺꦲꦮꦏ꧀ꦩꦸ​꧉​ꦏꦤ​ꦔꦼꦏꦺꦏ꧀ꦏꦶꦏꦸꦂꦧꦤ꧀ꦤꦺ​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦤꦧꦶ​ꦩꦺꦴꦱꦼꦱ꧀꧈​ꦢꦢꦶꦤꦺ​ꦮꦺꦴꦁ​ꦏꦧꦺꦃ​ꦧꦶꦱ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦩꦫꦶ​ꦠꦼꦤꦤ꧀꧈​” ¹⁵꧋ꦤꦁꦔꦶꦁ​ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦭꦃ​ꦩꦿꦺꦩꦺꦤ꧀ꦩꦿꦺꦩꦺꦤ꧀ꦠꦼꦫꦸꦱ꧀ꦠꦼꦏꦤ꧀ꦲꦼꦤ꧀ꦢꦶꦲꦼꦤ꧀ꦢꦶ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦠꦼꦏ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦭꦤ꧀ꦲꦸꦒ​ꦱꦸꦥꦪ​ꦢꦶꦠꦩ꧀ꦧꦤꦶ​ꦭꦫꦤꦺ​꧉​ ¹⁶ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦤ꧀ꦢꦸꦂ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​꧈​ꦲꦉꦥ꧀​ꦤ꧀ꦢꦺꦴꦁꦔ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦸꦩ꧀ꦥꦸꦃ​꧉​

¹⁷꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​꧈​ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦩꦼꦩꦸꦭꦁ​꧈​ꦲꦸꦒ​ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸꦒꦸꦫꦸ​ꦏꦶꦠꦧ꧀ꦩꦺꦭꦸ​ꦚ꧀ꦗꦒꦺꦴꦁꦔꦿꦸꦔꦺꦴꦏ꧀ꦏꦏꦺ꧉​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦏꦤꦺ​ꦱꦁꦏꦏꦸꦠꦏꦸꦠꦤꦁꦧꦮꦃꦓꦭꦶꦭꦺꦪ​꧈​ꦪꦸꦢꦺꦪ​ꦭꦤ꧀ꦪꦺꦫꦸꦱꦭꦺꦩ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦤꦩ꧀ꦧꦤꦶ​ꦱꦶꦁ​ꦥꦢ​ꦭꦫ​꧉​ ¹⁸ꦠꦼꦫꦸꦱ꧀ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦥꦢ​ ꦠꦼꦏ​ꦔ꧀ꦒꦺꦴꦠꦺꦴꦁ​ꦮꦺꦴꦁ​ꦭꦸꦩ꧀ꦥꦸꦃ​ꦔꦁꦒꦺꦴ​ꦥꦼꦠꦸꦫꦺꦴꦤꦺ​꧉​ꦗꦮꦤꦺꦲꦉꦥ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦏꦼꦥꦿꦶꦪꦺ​ꦧꦶꦱꦤꦺ​ꦔ꧀ꦊꦧꦺꦴꦏ꧀ꦏꦏꦺꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​ꦤꦁꦚ꧀ꦗꦼꦫꦺꦴ​ꦲꦺꦴꦩꦃ​ꦱꦶꦁ​ꦢꦶꦲꦼꦁꦒꦺꦴ​ꦩꦸꦭꦁꦔꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ¹⁹ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁ​꧈​ꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​ꦲꦺꦴꦫ​ꦧꦶꦱ​ꦩ꧀ꦊꦧꦸ​꧉​ꦩꦸꦭꦤꦺ​ꦠꦼꦫꦸꦱ꧀ꦢꦶꦒꦮ​ꦩꦸꦁꦒꦃ​꧈​ꦢꦶꦗꦼꦧꦺꦴꦭ꧀ꦭꦏꦺꦥꦪꦺꦴꦤ꧀ꦤꦺ​꧈​ꦠꦼꦫꦸꦱ꧀ꦱꦶꦁ​ꦭꦸꦩ꧀ꦥꦸꦃ​ꦢꦶꦲꦼꦢꦸꦤ꧀ꦤꦏꦺꦱꦏ꧀ꦥꦼꦠꦸꦫꦺꦴꦤꦺ​ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦤꦁꦏꦺꦴꦤꦺꦴ​꧈​ꦥꦼꦤꦼꦂꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁰ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦒꦼꦢꦺꦤꦺꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁ​ꦭꦸꦩ꧀ꦥꦸꦃ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦔ꧀ꦒꦺꦴꦠꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦢꦺꦏ꧀ꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​:“ꦏꦁ​​꧈​ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ!” ²¹꧋ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦠꦼꦫꦸꦱ꧀ꦥꦢ​ꦉꦫꦱꦤ꧀:“ꦱꦥ​ꦠ​ꦮꦺꦴꦁ​ꦲꦶꦏꦶ​ꦏꦺꦴꦏ꧀ꦮꦤꦶ​ꦚꦼꦥꦺꦭꦺꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​?ꦮꦺꦴꦁ​ꦲꦸꦫꦶꦥ꧀ꦲꦺꦴꦫ​ꦧꦶꦱ​ꦔꦥꦸꦫ​ꦢꦺꦴꦱ​꧈​ꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺ?” ²²꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦩꦶꦏꦶꦂ​ꦔꦺꦴꦤꦺꦴ​? ²³ꦥꦶꦏꦶꦂꦉꦤ꧀​ꦢꦺꦮꦺ꧈​ꦒꦩ꧀ꦥꦁ​ꦱꦶꦁ​ꦲꦼꦤ꧀ꦢꦶ​:ꦔꦺꦴꦩꦺꦴꦁ'ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ'​ꦲꦥ​ꦔꦺꦴꦩꦺꦴꦁ'ꦔꦢꦼꦏ꧀ꦭꦤ꧀​ꦩ꧀ꦭꦏꦸꦮ​?’ ²⁴ꦲꦏꦸ​ꦤꦩꦸꦁ​ꦲꦉꦥ꧀​ꦤ꧀ꦢꦸꦢꦸꦃꦲꦏꦺꦩꦫꦁ​ꦏꦺꦴꦮꦺ​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦮꦶ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦥꦸꦫ​ꦢꦺꦴꦱ​ꦤꦁꦧꦸꦩꦶ​꧉”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦩꦲꦸ​:“ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:'ꦔꦢꦼꦏ꧀ ꦥꦼꦠꦸꦫꦺꦴꦤ꧀ꦩꦸ​ꦢꦶꦥꦁꦒꦸꦭ꧀ꦭꦤ꧀ꦏꦤ​ꦩꦸꦭꦶꦃ​!’” ²⁵꧋ꦮꦺꦴꦁꦔꦺ​ꦪ​ꦠꦼꦫꦸꦱ꧀ꦱꦏ꧀ꦮꦠ꧀ꦔꦢꦼꦏ꧀ꦤꦁꦔꦉꦥ꧀ꦥꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​꧈​ꦠꦼꦫꦸꦱ꧀ꦩꦁꦒꦸꦭ꧀ꦥꦼꦠꦸꦫꦺꦴꦤꦺ​꧈​ꦠꦼꦫꦸꦱ꧀ꦩꦸꦭꦶꦃ​ꦏꦫꦺꦴ​ꦩꦼꦩꦸꦗꦶ​ꦭꦤ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ ²⁶ꦮꦺꦴꦁꦮꦺꦴꦁ​ꦏꦧꦺꦃ​ꦩꦲꦸ​ꦔ꧀ꦒꦸꦩꦸꦤ꧀ꦤꦺꦲꦺꦫꦩ꧀ꦩꦺꦫꦩ꧀ꦭꦤ꧀ꦥꦢ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦠꦶꦤꦺ​ꦥꦢ​ꦏꦿꦱ​ꦮꦼꦢꦶ​꧈​ꦩꦸꦭꦤꦺ​ꦉꦫꦱꦤ꧀:“ꦊꦭꦏꦺꦴꦤ꧀ꦲꦶꦏꦶ​ꦗꦤ꧀ꦔꦶꦢꦥ꧀ꦥꦶꦢꦥ꧀ꦥꦶꦠꦼꦤꦤ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦒꦶꦭ꧀ꦭꦺꦮ꦳ꦶ꧉​

²⁷꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧉​ꦢꦺꦏ꧀ꦤꦺꦠꦼꦫꦸꦱ꧀ꦮꦼꦫꦸꦃ​ꦱꦏ꧀ꦮꦶꦗꦶꦤꦺꦮꦺꦴꦁ​ꦧꦼꦭꦱ꧀ꦠꦶꦁꦱꦶꦁ​ꦗꦼꦤꦼꦁꦔꦺ​ꦭꦺꦮ꦳ꦶ꧉​ꦭꦺꦮ꦳ꦶꦲꦶꦗꦶꦏ꧀​ꦚ꧀ꦗꦒꦺꦴꦁꦤꦁꦏꦤ꧀ꦠꦺꦴꦂꦫꦺ​꧉​ ²⁸ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦢꦺꦏ꧀ꦤꦺ:“ꦲ꦳ꦪꦸꦏ꧀ꦩꦺꦭꦸꦮ​ꦲꦏꦸ​꧉”ꦭꦺꦮ꦳ꦶꦠꦼꦫꦸꦱ꧀ꦩꦼꦚꦠ꧀ ꦱꦼꦩ꧀ꦧꦫꦁꦔꦺꦢꦶꦠꦶꦁꦒꦭ꧀ꦏꦧꦺꦃ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ²⁹꧋ꦭꦺꦮ꦳ꦶꦠꦼꦫꦸꦱ꧀ꦔꦤꦏ꧀ꦏꦏꦺꦥꦺꦱ꧀ꦠ​ꦤꦁꦲꦺꦴꦩꦃꦲꦺ​ꦏꦁꦒꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦧꦼꦭꦱ꧀ꦠꦶꦁꦥꦶꦫꦁꦥꦶꦫꦁ​ꦭꦤ꧀ꦲꦸꦒ​ꦮꦺꦴꦁ​ꦭꦶꦪꦭꦶꦪꦤꦺ​ꦥꦢ​ꦧꦼꦧꦉꦁꦔꦤ꧀ꦩꦁꦔꦤ꧀ꦤꦁꦥꦺꦱ꧀ꦠ​ꦏꦺꦴꦤꦺꦴ​꧉​ ³⁰ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦱꦶꦁ​ꦩꦺꦭꦸ​ꦒꦺꦴꦭꦺꦴꦁꦔꦤ꧀ꦤꦺ​ꦥꦫ​ꦥ꦳ꦫꦶꦱꦶ​ꦱꦶꦁ​ꦥꦢ​ꦮꦼꦫꦸꦃ​ꦏꦸꦮꦶ​ꦩꦲꦸ​ꦲꦺꦴꦫ​ꦱꦼꦠꦸꦗꦸ​ꦏꦫꦺꦴ​ꦊꦭꦏꦺꦴꦤ꧀ꦏꦸꦮꦶ​꧉​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦩꦁꦔꦤ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦢꦺꦴꦱ​?” ³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​:“ꦮꦺꦴꦁ​ꦱꦶꦁ​ꦮꦫꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​꧉​ꦱꦶꦁ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​ꦏꦸꦮꦶ​ꦱꦶꦁ​ꦭꦫ​꧉​ ³²ꦲꦏꦸ​ꦲꦶꦏꦶ​ꦲꦺꦴꦫ​ꦠꦼꦏ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦔꦏꦸꦤꦺ​ꦮꦶꦱ꧀ꦲꦥꦶꦏ꧀ꦲꦸꦫꦶꦥ꧀ꦥꦺ꧈​ꦲꦺꦴꦫ​꧉​ꦤꦁꦔꦶꦁ​ꦲꦏꦸ​ꦠꦼꦏ​ꦲꦶꦏꦶ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦢꦺꦴꦱ​꧈​ꦱꦸꦥꦪ​ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦭꦤ꧀ꦥꦢ​ꦤꦸꦫꦸꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦱ​꧉​

³³꧋ꦲꦺꦤꦺꦁꦮꦺꦴꦁ​ꦱꦶꦁ​ꦥꦢ​ꦠꦏꦺꦴꦤ꧀ꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦧꦶ​ꦪꦺꦴꦲꦤꦼꦱ꧀ꦲꦗꦼꦏ꧀ꦥꦱ​ꦭꦤ꧀​ꦤ꧀ꦢꦼꦢꦺꦴꦔ​꧈​ꦱꦼꦩꦺꦴꦤꦺꦴ​ꦲꦸꦒ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦫ​ꦥ꦳ꦫꦶꦱꦶ​꧉​ꦏꦼꦤꦺꦁꦲꦥ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦶ​?” ³⁴ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦠꦲꦸ​ꦲꦺꦤꦺꦁꦢꦪꦺꦴꦃꦤꦁꦏꦮꦶꦤ꧀ꦤꦤ꧀ꦢꦶꦏꦺꦴꦁꦏꦺꦴꦤ꧀ꦥꦱ​꧈​ꦤꦺꦏ꧀ꦩꦤ꧀ꦠꦺꦤ꧀ꦤꦺ​ꦭꦤꦁ​ꦲꦶꦗꦶꦏ꧀ꦕꦩ꧀ꦥꦸꦂ​ꦏꦫꦺꦴ​ꦢꦪꦺꦴꦃꦲꦺꦩꦲꦸ​?ꦩꦼꦱ꧀ꦠꦶꦲꦺꦴꦫ​ꦠ​! ³⁵ꦤꦁꦔꦶꦁ​ꦲꦺꦤꦺꦁꦮꦚ꧀ꦕꦶꦤꦺ​ꦤꦺꦏ꧀ꦩꦤ꧀ꦠꦺꦤ꧀ꦤꦺ​ꦭꦤꦁ​ꦧꦏꦭ꧀ꦢꦶꦒꦮ​ꦭꦸꦔ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦮꦺꦴꦁꦮꦺꦴꦁ​ꦧꦏꦭ꧀ꦥꦢ​ꦥꦱ​꧉​” ³⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦲꦥ​ꦠꦲꦸ​ꦲꦺꦤꦺꦁꦮꦺꦴꦁ​ꦔ꧀ꦒꦸꦤ꧀ꦠꦶꦁ​ꦏ꧀ꦭꦩ꧀ꦧꦶ​ꦲꦚꦂ​ꦏꦁꦒꦺꦴ​ꦤꦩ꧀ꦧꦭ꧀​ꦏ꧀ꦭꦩ꧀ꦧꦶ​ꦱꦶꦁ​ꦭꦮꦱ꧀?ꦩꦼꦱ꧀ꦠꦶꦲꦺꦴꦫ​!ꦲꦮꦶꦠ꧀​ꦏ꧀ꦭꦩ꧀ꦧꦶꦤꦺ​ꦲꦚꦂ​ꦩꦼꦁꦏꦺꦴ​ꦩꦼꦱ꧀ꦠꦶꦫꦸꦱꦏ꧀꧈​ꦏꦫꦺꦴꦩꦼꦤꦺꦃ​ꦒꦺꦴꦩ꧀ꦧꦭ꧀ꦭꦺꦲꦚꦂ​ꦪ​ꦲꦺꦴꦫ​ꦥꦤ꧀ꦠꦼꦱ꧀ꦏꦫꦺꦴ​ꦏ꧀ꦭꦩ꧀ꦧꦶꦤꦺ​ꦭꦮꦱ꧀꧈​ ³⁷ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦩꦢꦃꦲꦶꦲꦁꦒꦸꦂ​ꦲꦚꦂ​ꦤꦁꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦱꦶꦁ​ꦭꦮꦱ꧀꧈​ꦲꦮꦶꦠ꧀ꦤꦺꦏ꧀ꦔꦺꦴꦤꦺꦴ​ꦩꦼꦁꦏꦺꦴ​ꦲꦁꦒꦸꦂ​ꦱꦶꦁ​ꦲꦚꦂ​ꦧꦏꦭ꧀​ꦩ꧀ꦧꦼꦢꦃꦲꦏꦺꦏꦤ꧀ꦠꦺꦴꦔꦤ꧀ꦤꦺꦱꦶꦁ​ ꦭꦮꦱ꧀꧈​ꦲꦁꦒꦸꦂꦫꦺ​ꦩꦼꦱ꧀ꦠꦶꦧꦏꦭ꧀ꦮꦸꦠꦃ​ꦭꦤ꧀ꦏꦤ꧀ꦠꦺꦴꦔꦤ꧀ꦤꦺꦧꦏꦭ꧀ꦲꦺꦴꦫ​ꦏꦁꦒꦺꦴ​ꦒꦮꦺ​꧉​ ³⁸ꦲꦁꦒꦸꦂ​ꦲꦚꦂ​ꦏꦸꦮꦶ​ꦏꦸꦢꦸ​ꦢꦶꦱꦶꦩ꧀ꦥꦼꦤ꧀ꦤꦁꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦱꦶꦁ​ꦲꦚꦂ​ꦲꦸꦒ​꧉​ ³⁹ꦱꦼꦩꦺꦴꦤꦺꦴ​ꦲꦸꦒ​꧈​ꦮꦺꦴꦁ​ꦱꦶꦁ​ꦔꦺꦴꦩ꧀ꦧꦺꦤꦺꦲꦁꦒꦸꦂ​ꦭꦮꦱ꧀ꦲꦺꦴꦫ​ꦧꦏꦭ꧀ꦒꦼꦊꦩ꧀ꦔꦺꦴꦩ꧀ꦧꦺ​ꦲꦁꦒꦸꦂ​ꦲꦚꦂ​꧉​ꦢꦺꦏ꧀ꦤꦺ​ꦧꦏꦭ꧀ꦔꦺꦴꦩꦺꦴꦁ:'ꦲꦁꦒꦸꦂ​ꦱꦶꦁ​ꦭꦮꦱ꧀ꦲꦺꦤꦏ꧀ꦠꦼꦤꦤ꧀꧈​’”

꧋ꦧꦧ꧀ꦢꦶꦤ​ꦱꦧꦠ꧀꧈​

꧇​꧖꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦸꦫꦸꦠ꧀ꦏꦼꦧꦺꦴꦤ꧀ꦥꦫꦶ​ꦒꦤ꧀ꦢꦸꦩ꧀꧈​ꦥꦫ​ꦩꦸꦫꦶꦢ꧀ꦥꦢ​ꦔꦼꦥꦺꦏ꧀ꦥꦫꦶꦤꦺ​꧉​ꦥꦫꦶꦤꦺ​ꦩꦲꦸ​ꦠꦼꦫꦸꦱ꧀ꦢꦶꦉꦩꦼꦠ꧀ꦠꦶ꧈​ꦠꦼꦫꦸꦱ꧀ꦒꦤ꧀ꦢꦸꦩ꧀ꦩꦺ​ꦢꦶꦥꦔꦤ꧀꧈​ ²ꦩꦸꦭꦤꦺ​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦥꦢ​ꦔ꧀ꦭꦸꦫꦸꦃꦲꦶꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦥꦢ​ꦔꦥ​ꦲꦶꦏꦸ​꧉​ꦏꦺꦴꦮꦺ​ꦔꦼꦂꦠꦶ​ꦠ​ꦤꦺꦏ꧀ꦲꦺꦴꦫ​ꦏꦼꦤꦺꦁꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦲꦶꦁ​ꦢꦶꦤ​ꦱꦧꦠ꧀!” ³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦥ​ꦏꦺꦴꦮꦺ​ꦲꦺꦴꦫ​ꦠꦲꦸ​ꦩꦕ​ꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦣꦮ꦳ꦼꦢ꧀ ꦢꦺꦴꦁꦔꦺꦢꦺꦏ꧀ꦤꦺꦱꦏ꧀ꦧꦭꦤꦺ​ꦥꦢ​ꦔꦼꦭꦶꦃ​꧉​ ⁴ꦣꦮ꦳ꦼꦢ꧀​ꦔ꧀ꦊꦧꦺꦴꦤ꧀ꦤꦶꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦱꦸꦕꦶ​ꦠꦼꦫꦸꦱ꧀ꦢꦶꦥꦔꦤ꧀ꦭꦤ꧀ꦭꦶꦪꦭꦶꦪꦤꦺ​ꦱꦶꦁ​ꦩꦺꦭꦸ​ꦢꦶꦏꦺꦏ꧀ꦏꦶꦲꦩ꧀ꦧꦫꦁ​꧉​ꦭꦃ​ꦱꦏ꧀ꦗꦤꦺꦭꦲꦸꦠ꧀ꦤꦩꦸꦁ​ꦥꦫ​ꦲꦶꦩꦩ꧀ꦠ​ꦱꦶꦁ​ꦲꦺꦤ꧀ꦠꦸꦏ꧀ꦩꦁꦔꦤ꧀ꦫꦺꦴꦠꦶ​ꦱꦸꦕꦶ​ꦏꦸꦮꦶ​?ꦮꦺꦴꦁ​ꦭꦶꦪ​ꦲꦺꦴꦫ​ꦲꦺꦤ꧀ꦠꦸꦏ꧀!” ⁵꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦤꦏ꧀ꦏꦺ​ꦩꦤꦸꦁꦱ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦫꦤ꧀ꦤꦶ​ꦲꦥ​ꦱꦶꦁ​ꦏꦼꦤꦺꦁꦭꦤ꧀ꦲꦥ​ꦱꦶꦁ​ꦲꦺꦴꦫ​ꦏꦼꦤꦺꦁꦢꦶꦠꦶꦤ꧀ꦢꦏ꧀ꦏꦏꦺꦲꦶꦁ​ꦢꦶꦤ​ꦱꦧꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀꧈​

⁶꧋ꦲꦶꦁ​ꦢꦶꦤ​ꦱꦧꦠ꧀ꦭꦶꦪꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀꧈​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦠꦔꦤ꧀ꦤꦺ​ꦠꦼꦔꦼꦤ꧀꧈​ ⁷ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦏꦼꦥꦺꦔꦶꦤ꧀ꦔꦼꦂꦠꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁꦔꦺ​ꦲꦥ​ꦲꦺꦴꦫ​ꦲꦶꦁ​ꦢꦶꦤ​ꦱꦧꦠ꧀ꦏꦸꦮꦶ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦔ꧀ꦒꦺꦴꦭꦺꦏ꧀ꦗꦭꦂꦫꦤ꧀ꦏꦁꦒꦺꦴ​ꦔꦼꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁸ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦢꦺꦏ꧀ꦤꦺꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦩꦲꦸ​:“ꦫꦺꦤꦺꦔꦢꦼꦏ꧀ꦤꦁꦠꦼꦔꦃ​ꦏꦺꦤꦺ​꧉”ꦮꦺꦴꦁꦔꦺ​ꦪ​ꦩꦤꦸꦠ꧀꧈​ ⁹ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦩꦲꦸ​:“ꦲꦏꦸ​ꦲꦉꦥ꧀ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​ꦱꦲꦶꦏꦶ​:ꦲꦶꦁ​ꦢꦶꦤ​ꦱꦧꦠ꧀ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦒꦮꦺ​ꦧꦼꦕꦶꦏ꧀ꦲꦥ​ꦔ꧀ꦒꦮꦺ​ꦲꦭ​꧉​ꦏꦸꦢꦸ​ꦤꦸꦭꦸꦁꦔꦶ​ꦲꦸꦫꦶꦥ꧀ꦥꦺꦮꦺꦴꦁ​ꦲꦥ​ꦏꦸꦢꦸ​ꦔꦼꦗꦂꦫꦏꦺꦧꦺꦤ꧀ꦩꦠꦶ​?” ¹⁰ꦱꦏ꧀ꦮꦶꦱ꧀ꦱꦺ​ꦚꦮꦁ​ꦮꦺꦴꦁꦮꦺꦴꦁ​ꦩꦲꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​:“ꦠꦔꦤ꧀ꦩꦸ​ꦢꦶꦲꦼꦠꦸꦁꦔꦏꦺ!”ꦮꦺꦴꦁꦔꦺ​ꦪ​ꦩꦤꦸꦠ꧀ꦲꦥ​ꦲꦺꦴꦩꦺꦴꦁꦔꦺ​꧈​ꦠꦔꦤ꧀ꦤꦺ​ꦠꦼꦫꦸꦱ꧀ꦩꦫꦶ​ꦏꦪ​ꦩꦲꦸꦤꦺ​ꦩꦼꦤꦺꦃ​꧉​ ¹¹꧋ꦤꦁꦔꦶꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦩꦭꦃ​ꦥꦢ​ꦤꦼꦱꦸ​꧈​ꦠꦼꦫꦸꦱ꧀ꦥꦢ​ꦔꦽꦩ꧀ꦧꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦢꦶꦏꦥꦏ꧀ꦏꦏꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦭꦶꦃ​ꦫꦱꦸꦭ꧀ꦫꦺꦴꦭꦱ꧀꧈​

¹²꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦒꦸꦤꦸꦁ​ꦲꦉꦥ꧀​ꦤ꧀ꦢꦺꦴꦁꦔ꧉​ꦱꦼꦮꦼꦔꦶ​ꦩꦸꦥꦸꦠ꧀ꦢꦺꦏ꧀ꦤꦺꦤ꧀ꦢꦺꦴꦁꦔꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹³ꦲꦺꦱꦸꦏ꧀ꦏꦺ​ꦢꦺꦏ꧀ꦤꦺꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦁꦏꦺꦴꦤ꧀ꦥꦢ​ꦩꦫ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦭꦶꦃ​ꦩꦸꦫꦶꦢ꧀ꦫꦺꦴꦭꦱ꧀ꦱꦶꦁ​ꦢꦶꦲꦫꦤ꧀ꦤꦶ​ꦫꦱꦸꦭ꧀꧈​ ^14-16ꦫꦱꦸꦭ꧀ꦫꦺꦴꦭꦱ꧀ꦲꦶꦏꦶ​ꦪꦏꦸꦮꦶ​:ꦱꦶꦩꦺꦴꦤ꧀ ꦱꦶꦁ​ꦲꦸꦒ​ꦢꦶꦕꦼꦭꦸꦏ꧀​ꦦꦺꦠꦿꦸꦱ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦭꦶꦪꦤꦺ​ꦄꦤ꧀ꦢꦿꦺꦪꦱ꧀ ꦱꦼꦢꦸꦭꦸꦂꦫꦺ​ꦦꦺꦠꦿꦸꦱ꧀꧈​ꦲꦸꦒ​ꦪꦏꦺꦴꦧꦸꦱ꧀ ꦪꦺꦴꦲꦤꦼꦱ꧀ ꦥ꦳ꦶꦭꦶꦥꦸꦱ꧀ ꦧꦂꦠꦺꦴꦭꦺꦴꦩꦺꦪꦸꦱ꧀ ꦩꦠꦺꦪꦸꦱ꧀ ꦠꦺꦴꦩꦱ꧀ ꦪꦏꦺꦴꦧꦸꦱ꧀ꦲꦤꦏ꧀ꦏꦺ​ꦄꦭ꧀ꦥ꦳ꦺꦪꦸꦱ꧀ ꦱꦶꦩꦺꦴꦤ꧀ꦮꦺꦴꦁ​ꦥꦠꦿꦶꦪꦺꦴꦠ꧀ ꦪꦸꦢꦱ꧀ꦲꦤꦏ꧀ꦏꦺ​ꦪꦏꦺꦴꦧꦸꦱ꧀ꦭꦤ꧀ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀꧈​ꦪꦸꦢꦱ꧀ꦲꦶꦏꦶ​ꦱꦶꦁ​ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦭꦤ꧀ꦤꦩ꧀ꦧꦤꦶ​ꦮꦺꦴꦁ​꧉​

¹⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦢꦸꦤ꧀ꦱꦁꦏꦒꦸꦤꦸꦁ​꧉​ꦫꦱꦸꦭ꧀ꦫꦺꦴꦭꦱ꧀ꦩꦲꦸ​ꦩꦺꦭꦸ​꧉​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦫꦠ​ꦢꦺꦏ꧀ꦤꦺꦠꦼꦫꦸꦱ꧀ꦩꦤ꧀ꦢꦼꦏ꧀꧈​ꦤꦁꦏꦺꦴꦤꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ꦏꦼꦗꦧ​ꦥꦫ​ꦩꦸꦫꦶꦢ꧀ꦲꦸꦒ​ꦮꦺꦴꦁ​ꦭꦶꦪꦭꦶꦪꦤꦺ​ꦥꦢ​ꦠꦼꦏ​ꦱꦁꦏꦧꦮꦃꦪꦸꦢꦺꦪ​꧈​ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦭꦤ꧀ꦲꦸꦒ​ꦱꦁꦏꦏꦸꦠꦏꦸꦠꦲꦸꦫꦸꦠ꧀ꦠꦺꦥꦶꦁꦒꦶꦂ​ꦭꦫ꧈​ꦏꦪꦢꦺꦤꦺꦏꦸꦠꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀꧈​ ¹⁸ꦮꦺꦴꦁꦮꦺꦴꦁ​ꦥꦢ​ꦠꦼꦏ​꧈​ꦗꦭꦂꦫꦤ꧀ꦥꦢ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦲꦸꦒ​ꦱꦸꦥꦪ​ꦢꦶꦠꦩ꧀ꦧꦤꦶ​ꦊꦭꦫꦤꦺ​꧉​ꦲꦸꦒ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦥꦢ​ꦤꦩ꧀ꦥ​ꦮꦫꦱ꧀꧈​ ¹⁹ꦮꦺꦴꦁ​ꦏꦧꦺꦃ​ꦩꦲꦸ​ꦥꦢ​ꦏꦼꦥꦺꦔꦶꦤ꧀​ꦤ꧀ꦢꦼꦩꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦲꦺꦤꦺꦁꦏꦼꦏꦸꦮꦠ꧀ꦠꦤ꧀ꦩꦼꦠꦸ​ꦱꦁꦏꦲꦮꦏ꧀ꦏꦺ​ꦭꦤ꧀ꦏꦼꦏꦸꦮꦠ꧀ꦠꦤ꧀ꦏꦸꦮꦶ​ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦭꦫ​꧉​

꧋ꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦔꦺꦴꦩꦺꦴꦁ:

“ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦩ꧀ꦭꦫꦠ꧀
ꦲꦮꦶꦠ꧀ꦏꦺꦴꦮꦺ​ꦏꦸꦮꦶ​ꦤ꧀ꦢꦸꦮꦺꦤ꧀ꦤꦶ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
²¹ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦔꦼꦭꦶꦃ​꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦮꦫꦱ꧀ꦩꦸ꧉​
ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦱꦲꦶꦏꦶ​ꦠꦔꦶꦱ꧀ꦱꦤ꧀
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀​ꦔ꧀ꦒꦸꦪꦸ​꧉​

²²꧋“ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦢꦶꦱꦼꦔꦶꦠ꧀ꦠꦶ​ꦮꦺꦴꦁ​꧈​ꦱꦶꦁ​ꦲꦺꦴꦫ​ꦢꦶꦲꦶꦠꦸꦁ꧈​ꦱꦶꦁ​ꦢꦶꦕꦠꦸꦂ​ꦲꦭ​ꦭꦤ꧀ꦢꦶꦲꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦗꦭꦂꦫꦤ꧀ꦤꦸꦫꦸꦠ꧀ꦲꦤꦏ꧀ꦏꦺ​ꦩꦤꦸꦁꦱ​꧉​ ²³ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦏꦺꦴꦮꦺ​ꦩꦭꦃ​ꦏꦸꦢꦸ​ꦧꦸꦔꦃ​ꦭꦤ꧀ꦗꦶꦁꦏ꧀ꦭꦏ꧀ꦗꦶꦁꦏ꧀ꦭꦏ꧀ ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦱꦶꦁ​ꦒꦼꦢꦺꦤꦁꦱ꧀ꦮꦂꦒ​꧉​ꦩ꧀ꦧꦃꦩ꧀ꦧꦲꦤ꧀ꦤꦺꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦏ꧀​ꦩ꧀ꦧꦶꦪꦺꦤ꧀ꦮꦸꦗꦸꦠ꧀ꦠꦺꦪ​ꦮꦶꦱ꧀ꦤꦶꦤ꧀ꦢꦏ꧀ꦏꦏꦺꦱꦶꦁ​ꦲꦭ​ꦏꦸꦮꦶ​ꦩꦫꦁ​ꦥꦫ​ꦤꦧꦶ​꧉​

²⁴ꦤꦁꦔꦶꦁ​ꦲꦮꦱ꧀ ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦱꦸꦒꦶꦃ​꧈​
ꦲꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦮꦶꦱ꧀ꦔꦿꦱꦏ꧀ꦏꦏꦺꦏꦼꦥꦺꦤꦏ꧀ꦏꦺ​ꦢꦺꦴꦚ​꧉​
²⁵ꦲꦮꦱ꧀ ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦮꦫꦱ꧀ꦩꦸ꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦏꦼꦏꦸꦫꦁꦔꦤ꧀ꦥꦔꦤ꧀꧈​
ꦲꦮꦱ꧀ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦔ꧀ꦒꦸꦪꦸ​꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦱꦼꦢꦶꦭꦤ꧀ꦤꦔꦶꦱ꧀꧈​

²⁶꧋“ꦲꦮꦱ꧀ ꦏꦺꦴꦮꦺ​ꦱꦶꦁ​ꦢꦶꦲꦼꦊꦩ꧀ꦏꦫꦺꦴ​ꦏꦧꦺꦃ​ꦮꦺꦴꦁ​꧈​ꦲꦮꦶꦠ꧀ꦪ​ꦔꦺꦴꦤꦺꦴ​ꦏꦸꦮꦶ​ꦲꦼꦁꦒꦺꦴꦤꦺ​ꦩ꧀ꦧꦃꦩ꧀ꦧꦲꦤ꧀ꦤꦺꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦔꦼꦊꦩ꧀ꦤꦧꦶꦤꦧꦶ​ꦱꦶꦁ​ꦥꦭ꧀ꦱꦸ​꧉​”

꧋ꦧꦧ꧀ꦤꦿꦺꦱ꧀ꦤꦤ꧀ꦤꦶꦩꦸꦁꦱꦸꦃꦲꦺ​꧉​

²⁷꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦏꦺꦴꦮꦺ​ꦱꦶꦁ​ꦤꦩ꧀ꦥ​ꦠꦼꦩ꧀ꦧꦸꦁꦏꦸ​꧈​ꦫꦸꦔꦺꦴꦏ꧀ꦏꦏꦺꦲꦶꦏꦶ​:ꦥꦢ​ꦠꦿꦺꦱ꧀ꦤꦲꦩꦫꦁ​ꦩꦸꦁꦱꦸꦃꦩꦸ​꧈​ꦔ꧀ꦒꦮꦺꦪꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦱꦼꦔꦶꦠ꧀ꦩꦫꦁ​ꦏꦺꦴꦮꦺ​꧉​ ²⁸ꦮꦺꦴꦁ​ꦱꦶꦁ​ꦩꦸꦗꦺꦏ꧀ꦏꦏꦺꦲꦭ​ꦩꦫꦁ​ꦏꦺꦴꦮꦺ​ꦩꦭꦃ​ꦏꦸꦢꦸ​ꦲꦩ꧀ꦧꦺꦴꦏ꧀ꦱꦸꦮꦸꦤ꧀ꦤꦏꦺꦧꦼꦂꦏꦃ​ꦭꦤ꧀ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦲꦭ​ꦩꦫꦁ​ꦏꦺꦴꦮꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦢꦺꦴꦔꦏ꧀ꦏꦺꦱ꧀ꦭꦩꦼꦠ꧀꧈​ ²⁹ꦮꦺꦴꦁ​ꦱꦶꦁ​ꦔꦼꦥ꧀ꦭꦏ꧀ꦥꦶꦥꦶꦩꦸ​ꦱꦶꦁ​ꦱꦶꦗꦶ​꧈​ꦏꦺꦏ꧀ꦤꦥꦶꦱꦤ꧀ꦥꦶꦥꦶꦩꦸ​ꦱꦶꦁ​ꦭꦶꦪꦤꦺ​꧉​ꦮꦺꦴꦁ​ꦱꦶꦁ​ꦔꦽꦧꦸꦠ꧀ꦗꦱ꧀ꦩꦸ​꧈​ꦏꦺꦏ꧀ꦤꦥꦶꦱꦤ꧀​ꦏ꧀ꦭꦩ꧀ꦧꦶꦩꦸ​꧉​ ³⁰ꦤꦺꦏ꧀ꦲꦺꦤꦺꦁꦮꦺꦴꦁ​ꦚ꧀ꦗꦭꦸꦏ꧀ꦲꦥꦲꦥ​ꦩꦫꦁ​ꦏꦺꦴꦮꦺ​꧈​ꦏꦺꦏ꧀ꦤ꧉​ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦽꦧꦸꦠ꧀ꦧꦫꦁꦩꦸ​꧈​ꦲꦗ​ꦢꦶꦗꦭꦸꦏ꧀ꦩꦼꦤꦺꦃ​꧉​ ³¹ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀ꦮꦺꦴꦁ​ꦭꦶꦪ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦏꦺꦴꦮꦺ​꧈​ꦏꦺꦴꦮꦺ​ꦏꦸꦢꦸ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦭꦶꦪꦤꦺ​꧉​ ³²꧋“ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦤꦿꦺꦱ꧀ꦤꦤ꧀ꦤꦶꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦏꦺꦴꦮꦺ​꧈​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦲꦺꦤꦺꦁꦧꦺꦢꦤꦺ​ꦏꦫꦺꦴ​ꦮꦺꦴꦁ​ꦢꦺꦴꦱ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦤꦩꦸꦁ​ꦤꦿꦺꦱ꧀ꦤꦤ꧀ꦤꦶꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​꧉​ ³³ꦲꦸꦒ​ꦤꦺꦏ꧀ꦏꦺꦴꦮꦺ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦏꦺꦴꦮꦺ​꧈​ꦏꦺꦴꦮꦺ​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦮꦺꦴꦁ​ꦢꦺꦴꦱ​ꦪ​ꦤꦶꦤ꧀ꦢꦏ꧀ꦏꦏꦺꦔꦺꦴꦤꦺꦴ​꧉​ ³⁴ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦔꦸꦠꦁꦔꦶ​ꦮꦺꦴꦁ​ꦱꦶꦁ​ꦧꦶꦱ​ꦚꦲꦸꦂ​꧈​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦮꦶꦠ꧀ꦮꦺꦴꦁ​ꦢꦺꦴꦱ​ꦪ​ꦔꦸꦠꦁꦔꦶ​ꦮꦺꦴꦁ​ꦢꦺꦴꦱ​꧈​ꦔꦼꦂꦠꦶ​ꦤꦺꦏ꧀ꦧꦏꦭ꧀ꦤꦩ꧀ꦥ​ꦩꦼꦤꦺꦃ​ꦲꦥ​ꦱꦶꦁ​ꦢꦶꦲꦸꦠꦁꦔꦏꦺ꧉​ ³⁵ꦤꦁꦔꦶꦁ​ꦏꦺꦴꦮꦺ​ꦲꦗ​ꦏꦪ​ꦔꦺꦴꦤꦺꦴ​!ꦥꦢ​ꦠꦿꦺꦱ꧀ꦤꦲꦩꦫꦁ​ꦩꦸꦁꦱꦸꦃꦩꦸ​ꦭꦤ꧀​ꦔ꧀ꦒꦮꦺꦪꦧꦼꦕꦶꦏ꧀ꦩꦫꦁ​ꦢꦺꦏ꧀ꦤꦺ꧉​ꦤꦺꦏ꧀ꦔꦸꦠꦁꦔꦶ​ꦮꦺꦴꦁ​꧈​ꦲꦗ​ꦩꦶꦏꦶꦂ​ꦧꦏꦭ꧀ꦢꦶꦱꦮꦸꦂ​ꦲꦥ​ꦲꦺꦴꦫ​꧉​ꦤꦺꦏ꧀ꦏꦺꦴꦮꦺ​ꦤꦶꦤ꧀ꦢꦏ꧀ꦏꦏꦺꦔꦺꦴꦤꦺꦴ​꧈​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦱꦶꦁ​ꦒꦼꦢꦺꦭꦤ꧀ꦏꦺꦴꦮꦺ​ꦧꦏꦭ꧀ꦢꦢꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦭꦸꦲꦸꦂ​ꦢꦺꦮꦺ꧉​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦔꦼꦂꦠꦶ​ꦢꦶꦧꦼꦕꦶꦏ꧀ꦏꦶ​ꦭꦤ꧀ꦩꦫꦁ​ꦮꦺꦴꦁ​ꦱꦶꦁ​ꦲꦭ​꧉​ ³⁶ꦩꦸꦭꦤꦺ​ꦏꦺꦴꦮꦺ​ꦏꦸꦢꦸ​ꦤ꧀ꦢꦸꦮꦺꦲꦠꦶ​ꦮꦼꦭꦱ꧀ꦏꦪ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦤ꧀ꦢꦸꦮꦺꦮꦼꦭꦱ꧀꧈​ ³⁷꧋“ꦲꦗ​ꦩꦲꦶꦢꦺꦴ​ꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦩꦲꦶꦢꦺꦴ​ꦏꦺꦴꦮꦺ​꧉​ꦲꦗ​ꦚꦭꦃꦚꦭꦃꦲꦏꦺꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦚꦭꦃꦚꦭꦃꦲꦏꦺꦏꦺꦴꦮꦺ​꧉​ꦔꦥꦸꦫꦲ​ꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦥꦸꦫ​ꦏꦺꦴꦮꦺ​꧉​ ³⁸ꦥꦢ​ꦥꦮꦺꦃꦲꦩꦫꦁ​ꦭꦶꦪꦤꦺ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦧꦏꦭ꧀ꦥꦮꦺꦃꦩꦫꦁ​ꦏꦺꦴꦮꦺ​꧉​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦥꦮꦺꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦤ꧀ꦠꦶꦭꦸꦧꦺꦂ​꧈​ꦏꦤ꧀ꦠꦶꦠꦼꦠꦼꦭ꧀ꦠꦼꦠꦼꦭ꧀꧈​ꦲꦮꦶꦠ꧀ꦠꦏꦼꦂꦫꦤ꧀ꦱꦶꦁ​ꦲꦩ꧀ꦧꦺꦴꦏ꧀ꦏꦁꦒꦺꦴꦏ꧀ꦏꦏꦺꦏꦁꦒꦺꦴ​ꦭꦶꦪꦤꦺ​꧈​ꦪ​ꦠꦏꦼꦂꦫꦤ꧀ꦏꦸꦮꦶ​ꦱꦶꦁ​ꦢꦶꦏꦁꦒꦺꦴꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦏꦺꦴꦮꦺ​꧉​” ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:“ꦮꦺꦴꦁ​ꦭꦩꦸꦂ​ꦲꦥ​ꦧꦶꦱ​ꦤꦸꦤ꧀ꦠꦸꦤ꧀ꦮꦺꦴꦁ​ꦭꦩꦸꦂ​ꦭꦶꦪꦤꦺ​?ꦩꦼꦱ꧀ꦠꦶꦲꦺꦴꦫ​!ꦩꦼꦁꦏꦺꦴ​ꦏꦧꦺꦃ​ꦭꦺꦴꦫꦺꦴ​ꦏꦼꦕꦼꦩ꧀ꦥ꧀ꦭꦸꦁ​ꦭꦸꦮꦁꦔꦤ꧀꧈​ ⁴⁰ꦲꦺꦴꦫ​ꦲꦺꦤꦺꦁꦩꦸꦫꦶꦢ꧀ꦱꦶꦁ​ꦔꦸꦁꦏꦸꦭ꧀ꦭꦶ​ꦒꦸꦫꦸꦤꦺ​꧉​ꦤꦺꦏ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦠꦸꦠꦸꦏ꧀ꦱꦶꦁ​ꦱꦶꦤꦲꦸ​꧈​ꦢꦺꦏ꧀ꦤꦺꦧꦶꦱ​ꦥꦢ​ꦏꦫꦺꦴ​ꦒꦸꦫꦸꦤꦺ​꧉​ ⁴¹꧋“ꦏꦼꦤꦺꦁꦲꦥ​ꦏꦺꦴꦮꦺ​ꦮꦼꦫꦸꦃ​ꦏ꧀ꦭꦶꦭꦶꦥ꧀ꦤꦁꦩꦿꦶꦥꦠ꧀ꦠꦺ​ꦱꦼꦢꦸꦭꦸꦂꦩꦸ꧈​ꦤꦁꦔꦶꦁ​ꦧꦭꦺꦴꦏ꧀ꦲꦶꦁ​ꦩꦿꦶꦥꦠ꧀ꦩꦸ​ꦢꦺꦮꦺꦏꦺꦴꦮꦺ​ꦲꦺꦴꦫ​ꦮꦼꦫꦸꦃ​꧉​ ⁴²ꦭꦃ​ꦏꦺꦴꦮꦺ​ꦧꦶꦱ​ꦔꦺꦴꦩꦺꦴꦁꦏꦫꦺꦴ​ꦏꦚ꧀ꦕꦤꦺ​:'ꦏꦺꦤꦺ​ꦏ꧀ꦭꦶꦭꦶꦥ꧀ꦤꦁꦩꦿꦶꦥꦠ꧀ꦩꦸ​ꦠꦏ꧀ꦧꦸꦮꦁꦔꦺ꧈'​ꦤꦁꦔꦶꦁ​ꦧꦭꦺꦴꦏ꧀ꦤꦁꦩꦿꦶꦥꦠ꧀ꦩꦸ​ꦢꦺꦮꦺꦏꦺꦴꦮꦺ​ꦲꦺꦴꦫ​ꦮꦼꦫꦸꦃ​꧉​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦧꦭꦺꦴꦏ꧀ꦱꦶꦁ​ꦤꦁꦩꦿꦶꦥꦠ꧀ꦩꦸ​ꦏꦸꦮꦶ​ꦧꦸꦮꦁꦔꦼꦤ꧀​ꦤ꧀ꦢꦶꦱꦶꦏ꧀ ꦱꦸꦥꦪ​ꦏꦺꦴꦮꦺ​ꦧꦶꦱ​ꦮꦼꦫꦸꦃ​ꦩꦠ꧀ꦭꦤ꧀ꦧꦶꦱ​ꦲꦩ꧀ꦧꦸꦮꦁ​ꦏ꧀ꦭꦶꦭꦶꦥ꧀ꦱꦁꦏꦩꦿꦶꦥꦠ꧀ꦠꦺ​ꦮꦺꦴꦁ​ꦭꦶꦪ​꧉​”

꧋ꦧꦧ꧀ꦱꦶꦁ​ꦲꦥꦶꦏ꧀ꦭꦤ꧀ꦱꦶꦁ​ꦲꦭ​꧉​

⁴³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦲꦺꦴꦫ​ꦲꦺꦤꦺꦁꦮꦶꦠ꧀ꦲꦥꦶꦏ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦭ​꧉​ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦫ​ꦲꦺꦤꦺꦁꦮꦶꦠ꧀ꦲꦭ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀꧈​ ⁴⁴ꦱꦧꦼꦤ꧀ꦮꦶꦠ꧀ꦏꦸꦮꦶ​ꦏꦼꦠꦫꦤꦺꦱꦁꦏꦮꦺꦴꦃꦲꦺ​꧉​ꦏꦺꦴꦮꦺ​ꦲꦺꦴꦫ​ꦧꦶꦱ​ꦔꦼꦥꦺꦏ꧀ꦗꦩ꧀ꦧꦸ​ꦱꦁꦏꦉꦫꦸꦁꦏꦸꦠ꧀ꦠꦤ꧀ꦭꦤ꧀ꦠꦸꦏꦸꦭ꧀ꦭꦤ꧀ꦲꦼꦫꦶ​ꦲꦺꦴꦫ​ꦧꦏꦭ꧀ꦔꦼꦠꦺꦴꦏ꧀ꦏꦏꦺꦢꦽꦲꦶꦥ꦳꧀꧈​ ⁴⁵ꦮꦺꦴꦁ​ꦧꦼꦕꦶꦏ꧀ꦏꦸꦮꦶ​ꦲꦠꦶꦤꦺ​ꦪ​ꦩꦼꦱ꧀ꦠꦶꦧꦼꦕꦶꦏ꧀ꦭꦤ꧀ꦧꦏꦭ꧀ꦧꦶꦱ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦧꦼꦕꦶꦏ꧀ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ꦤꦁꦔꦶꦁ​ꦮꦺꦴꦁ​ꦲꦭ​ꦏꦸꦮꦶ​ꦲꦠꦶꦤꦺ​ꦪ​ꦲꦭ​ꦭꦤ꧀ꦪ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦲꦭ​ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ꦲꦮꦶꦠ꧀ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦸꦮꦶ​ꦩꦼꦠꦸꦤꦺ​ꦱꦁꦏꦩ꧀​ꦧ꧀ꦭꦸꦢꦏ꧀ꦏꦏꦺꦲꦠꦶꦤꦺ​꧉​”

꧋ꦧꦧ꧀ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​꧉​

⁴⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦚꦼꦭꦸꦏ꧀ꦲꦏꦸ​:'ꦒꦸꦱ꧀ꦠꦶ​꧈​ꦒꦸꦱ꧀ꦠꦶ​꧈'​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦲꦺꦴꦩꦺꦴꦁꦏꦸ? ⁴⁷ꦱꦥ​ꦮꦲꦺ​ꦱꦶꦁ​ꦠꦼꦏ​ꦤꦁꦔ꧀ꦒꦺꦴꦤ꧀ꦏꦸ​꧈​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦏꦸ​ꦭꦤ꧀ꦤꦶꦤ꧀ꦢꦏ꧀ꦏꦏꦺꦥꦶꦮꦸꦭꦁꦏꦸ​꧈​ꦮꦺꦴꦁ​ꦲꦶꦏꦸ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​?ꦱꦲꦶꦏꦶ​ꦲꦉꦥ꧀ꦠꦏ꧀ꦲꦺꦴꦩꦺꦴꦁꦔꦶ꧉​ ⁴⁸ꦮꦺꦴꦁ​ꦏꦸꦮꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦔ꧀ꦒꦮꦺ​ꦲꦺꦴꦩꦃ​꧉​ꦮꦺꦴꦁꦔꦺ​ꦔꦼꦢꦸꦏ꧀ꦭꦸꦮꦁꦔꦤ꧀ꦗꦼꦫꦸꦠꦼꦫꦸꦱ꧀ꦩꦱꦁ​ꦥꦺꦴꦤ꧀ꦢꦱꦶꦤꦺꦤꦁꦮꦠꦸ​꧉​ꦤꦺꦏ꧀ꦲꦸꦢꦤ꧀ꦤꦺ​ꦒꦼꦢꦺꦭꦤ꧀ꦧꦚꦸꦤꦺ​ꦭꦫꦔꦤ꧀ꦠꦼꦩ꧀ꦩꦶ​ꦲꦺꦴꦩꦃꦲꦺ​꧈​ꦲꦺꦴꦩꦃ​ꦏꦸꦮꦶ​ꦲꦺꦴꦫ​ꦧꦶꦱ​ꦫꦸꦧꦸꦃ​꧈​ꦲꦮꦶꦠ꧀ꦔꦢꦼꦏ꧀ꦏꦼꦚ꧀ꦕꦼꦁ​ꦤꦁꦮꦠꦸ​꧉​ ⁴⁹ꦤꦁꦔꦶꦁ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦏꦸ​꧈​ꦩꦸꦁ​ꦲꦺꦴꦫ​ꦢꦶꦭꦏꦺꦴꦤ꧀ꦤꦶ​꧈​ꦏꦸꦮꦶ​ꦏꦪ​ꦮꦺꦴꦁ​ꦱꦶꦁ​ꦔꦼꦢꦼꦏ꧀ꦏꦏꦺꦲꦺꦴꦩꦃ​ꦠꦤ꧀ꦥ​ꦥꦺꦴꦤ꧀ꦢꦱꦶ꧉​ꦏꦢꦸꦁ​ꦧꦚꦸꦤꦺ​ꦭꦫꦔꦤ꧀ꦠꦼꦩ꧀ꦲꦺꦴꦩꦃꦲꦺ​꧈​ꦲꦺꦴꦩꦃꦲꦺ​ꦫꦸꦧꦸꦃ​꧈​ꦲꦩ꧀ꦧꦿꦸꦏ꧀ꦱꦏ꧀ꦏꦧꦺꦃꦲꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦱ꧀ꦭꦥ꦳꧀ꦥ꦳ꦺꦲꦺꦴꦥ꦳ꦶꦱꦶꦂ꧉​

꧇​꧗꧇​ ¹꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦩꦼꦩꦸꦭꦁ​ꦩꦫꦁ​ꦮꦺꦴꦁꦮꦺꦴꦁ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦏꦸꦠꦑꦥꦺꦂꦤꦏꦸꦩ꧀꧈​ ²ꦤꦁꦏꦺꦴꦤꦺꦴ​ꦲꦺꦤꦺꦁꦱꦏ꧀ꦮꦶꦗꦶꦤꦺꦲꦺꦴꦥ꦳ꦶꦱꦶꦂꦬꦸꦩ꧀ꦱꦶꦁ​ꦤ꧀ꦢꦸꦮꦺꦱ꧀ꦭꦥ꦳꧀ꦱꦶꦁ​ꦢꦶꦠꦿꦺꦱ꧀ꦤꦤ꧀ꦤꦶꦠꦼꦤꦤ꧀꧈​ꦱ꧀ꦭꦥ꦳꧀ꦲꦶꦏꦶ​ꦭꦫ​ꦤꦼꦩꦼꦤ꧀ ꦮꦶꦱ꧀ꦲꦉꦥ꧀ꦩꦠꦶ​꧉​ ³ꦏꦢꦸꦁ​ꦲꦺꦴꦥ꦳ꦶꦱꦶꦂꦩꦲꦸ​ꦏꦿꦸꦔꦸ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦏ꧀ꦤꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦥꦼꦔꦉꦥ꧀ꦥꦺ​ꦮꦺꦴꦁ​ꦙꦸꦱꦶꦗꦶꦭꦺꦴꦫꦺꦴꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦸꦥꦪ​ꦠꦼꦏ​ꦤꦁꦲꦺꦴꦩꦃꦲꦺ​ꦭꦤ꧀ꦤꦩ꧀ꦧꦤꦶ​ꦱ꧀ꦭꦥ꦳꧀ꦥ꦳ꦺ꧉​ ⁴ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦢꦸꦁ​ꦮꦶꦱ꧀ꦠꦼꦏꦤ꧀ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦩ꧀ꦧꦺꦴꦏ꧀ꦲꦺꦴꦥ꦳ꦶꦱꦶꦂꦲꦶꦏꦶ​ꦢꦶꦠꦸꦭꦸꦁꦔꦶ​ꦠ​꧈​ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦲꦶꦭꦁꦔꦺ​꧉​ ⁵ꦮꦺꦴꦁꦔꦺ​ꦠꦿꦺꦱ꧀ꦤꦩꦫꦁ​ꦧꦁꦱꦤꦺ​ꦲꦮꦏ꧀ꦏꦺ​ꦢꦺꦮꦺ꧈​ꦮꦸꦗꦸꦠ꧀ꦠꦺꦢꦺꦏ꧀ꦤꦺꦔ꧀ꦒꦮꦺꦏ꧀ꦏꦏꦺꦱꦶꦤꦒꦸꦏ꧀ꦲꦮꦏ꧀ꦏꦺ​ꦢꦺꦮꦺ꧉​” ⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦮꦺꦴꦁꦮꦺꦴꦁ​ꦩꦲꦸ​꧉​ꦏꦢꦸꦁ​ꦮꦶꦱ꧀ꦕꦼꦢꦼꦏ꧀​ꦲꦺꦴꦩꦃꦲꦺ​꧈​ꦲꦺꦴꦥ꦳ꦶꦱꦶꦫꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦏꦚ꧀ꦕꦏꦚ꧀ꦕꦤꦺ​ꦩꦼꦠꦸꦮꦒꦸꦱ꧀ꦠꦶ​ꦪꦺꦯꦸꦱ꧀ ꦏꦺꦴꦁꦏꦺꦴꦤ꧀ꦔꦺꦴꦩꦺꦴꦁ:“ꦒꦸꦫꦸ​꧈​ꦲꦺꦴꦫ​ꦲꦸꦱꦃꦔ꧀ꦭꦸꦩꦸꦃꦲꦶꦠꦼꦏ​ꦤꦁꦲꦺꦴꦩꦃꦏꦸ​꧉​ꦲꦏꦸ​ꦲꦺꦴꦫ​ꦥꦤ꧀ꦠꦼꦱ꧀ꦲꦩ꧀ꦧꦺꦴꦏ꧀ꦢꦪꦺꦴꦃꦲꦶ꧉​ ⁷ꦲꦏꦸ​ꦢꦺꦮꦺꦪ​ꦫꦸꦩꦁꦱ​ꦲꦺꦴꦫ​ꦥꦤ꧀ꦠꦼꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦩꦸ​꧉​ꦩ꧀ꦧꦺꦴꦏ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦏ꧀ꦏꦼꦕꦥ꧀​ꦮꦲꦺ​꧈​ꦩꦼꦱ꧀ꦠꦶꦱ꧀ꦭꦥ꦳꧀ꦥ꦳ꦺꦧꦶꦱ​ꦩꦫꦶ​꧉​ ⁸ꦲꦮꦶꦠ꧀ꦲꦏꦸ​ꦢꦺꦮꦺꦪ​ꦲꦶꦁ​ꦱꦏ꧀ꦔꦶꦱꦺꦴꦂꦫꦺ​ꦥꦼꦁꦒꦼꦢꦺꦏꦸꦭꦤ꧀ꦲꦏꦸ​ꦢꦺꦮꦺꦲꦸꦒ​ꦤ꧀ꦢꦸꦮꦺꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦲꦶꦁ​ꦱꦏ꧀ꦔꦶꦱꦺꦴꦂꦏꦸ​ꦱꦶꦁ​ꦏꦸꦢꦸ​ꦩꦤꦸꦠ꧀ꦩꦫꦁ​ꦲꦏꦸ​꧉​ꦤꦺꦏ꧀ꦲꦏꦸ​ꦩꦿꦺꦤ꧀ꦠꦃ​ꦱꦶꦁ​ꦱꦶꦗꦶ​ꦔꦺꦴꦩꦺꦴꦁ:ꦏꦤ​ꦭꦸꦔ​꧈​ꦮꦺꦴꦁꦔꦺ​ꦪ​ꦭꦸꦔ​ꦭꦤ꧀ꦭꦶꦪꦤꦺ​ꦠꦏ꧀ꦕꦼꦭꦸꦏ꧀​:ꦫꦺꦤꦺ​꧈​ꦮꦺꦴꦁꦔꦺ​ꦩꦼꦱ꧀ꦠꦶꦠꦼꦏ​꧉​ꦤꦺꦏ꧀ꦲꦏꦸ​ꦔꦺꦴꦩꦺꦴꦁꦏꦫꦺꦴ​ꦱ꧀ꦭꦥ꦳꧀ꦏꦸ:ꦲꦶꦏꦶ​ꦢꦶꦠꦤ꧀ꦢꦁꦔꦶ​꧈​ꦩꦼꦱ꧀ꦠꦶꦪ​ꦢꦶꦠꦤ꧀ꦢꦁꦔꦶ​꧉​” ⁹꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦲꦺꦴꦥ꦳ꦶꦱꦶꦂꦩꦲꦸ​꧉​ꦢꦺꦏ꧀ꦤꦺꦠꦼꦫꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦩꦺꦭꦸ​꧈​ꦠꦼꦫꦸꦱ꧀ꦔꦺꦴꦩꦺꦴꦁ:“ꦠꦼꦤꦤ꧀ ꦲꦏꦸ​ꦢꦸꦫꦸꦁ​ꦠꦲꦸ​ꦠꦸꦩꦺꦴꦤ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀ꦱꦼꦩꦺꦴꦤꦺꦴ​ꦒꦼꦢꦺꦤꦺ꧉​ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦆꦱꦿꦌꦭ꧀ꦮꦲꦺ​ꦲꦺꦴꦫ​ꦲꦺꦤꦺꦁ!” ¹⁰꧋ꦏꦢꦸꦁ​ꦮꦶꦱ꧀ꦧꦭꦶꦏ꧀ꦩꦼꦤꦺꦃ​꧈​ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦼꦠꦸꦮꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦤꦺꦏ꧀ꦱ꧀ꦭꦥ꦳꧀ꦱꦶꦁ​ꦭꦫ​ꦮꦶꦱ꧀ꦩꦫꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦔꦺꦏ꧀ꦏꦺꦮꦺꦴꦁ​ꦩꦠꦶ​꧉​

¹¹꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦤꦲꦶꦤ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪ​ꦩꦺꦭꦸ​ ꦭꦤ꧀ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦼꦠꦸꦠ꧀ꦠꦏꦺ꧉​ ¹²ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦺꦃ​ꦠꦼꦏꦤ꧀ꦭꦮꦁꦔꦺ​ꦏꦸꦠꦏꦺꦴꦤꦺꦴ​꧈​ꦏꦺꦴꦏ꧀ꦲꦺꦤꦺꦁꦮꦺꦴꦁ​ꦩꦠꦶ​ꦢꦶꦥꦁꦒꦸꦭ꧀ꦩꦼꦠꦸ​꧉​ꦱꦶꦁ​ꦩꦠꦶ​ꦏꦸꦮꦶ​ꦧꦺꦴꦕꦃ​ꦲꦼꦤꦺꦴꦩ꧀ ꦲꦤꦏ꧀ꦱꦶꦁ​ꦲꦺꦴꦫ​ꦲꦺꦤꦺꦁꦠꦸꦁꦒꦭ꧀ꦭꦺ​꧉​ꦲꦶꦧꦸꦤꦺ​ꦮꦶꦱ꧀ꦫꦤ꧀ꦢ꧉​ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦏꦺꦴꦤꦺꦴ​ꦥꦢ​ꦩꦺꦭꦸ​ꦭꦪꦠ꧀꧈​ ¹³ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦭꦱ꧀ꦩꦫꦁ​ꦲꦩ꧀ꦧꦺꦴꦏ꧀ꦫꦤ꧀ꦢꦩꦲꦸ​꧈​ꦢꦺꦏ꧀ꦤꦺꦏꦿꦱ​ꦱꦼꦢꦶꦲꦸꦒ​꧉​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦤꦔꦶꦱ꧀ꦧꦸ​!” ¹⁴ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦢꦼꦏ꧀ꦏꦶꦧꦤ꧀ꦢꦺꦴꦱꦤꦺꦠꦼꦫꦸꦱ꧀ꦢꦶꦢꦼꦩꦺꦏ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦩꦁꦒꦸꦭ꧀ꦧꦤ꧀ꦢꦺꦴꦱꦤꦺꦥꦢ​ꦩꦤ꧀ꦢꦼꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦶꦏ꧀​꧈​ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​꧈​ꦠꦔꦶ​!” ¹⁵ꦧꦺꦴꦕꦃ​ꦱꦶꦁ​ꦩꦠꦶ​ꦩꦲꦸ​ꦠꦼꦫꦸꦱ꧀ꦗꦼꦁꦒꦺꦭꦺꦏ꧀​ꦚ꧀ꦗꦒꦺꦴꦁ꧈​ꦠꦼꦫꦸꦱ꧀ꦩꦺꦴꦭꦃꦲꦶꦔꦺꦴꦩꦺꦴꦁ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦱꦿꦃꦲꦏꦺꦧꦺꦴꦕꦃꦲꦺ​ꦩꦫꦁ​ꦲꦶꦧꦸꦤꦺ​꧉​ ¹⁶꧋ꦮꦺꦴꦁ​ꦏꦧꦺꦃ​ꦥꦢ​ꦮꦼꦢꦶ​ꦠꦼꦫꦸꦱ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:“ꦲꦺꦤꦺꦁꦤꦧꦶ​ꦒꦼꦢꦺꦠꦔꦶ​ꦤꦁꦠꦼꦔꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦠꦼꦏ​ꦲꦉꦥ꧀​ꦚ꧀ꦭꦩꦼꦠ꧀ꦠꦏꦺꦲꦸꦩꦠ꧀ꦠꦺ​!” ¹⁷ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦤꦁꦧꦮꦃꦪꦸꦢꦺꦪ​ꦱꦏ꧀ꦏꦧꦺꦃꦲꦺꦭꦤ꧀ꦲꦸꦒ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

¹⁸꧋ꦪꦺꦴꦲꦤꦼꦱ꧀ꦏꦿꦸꦔꦸ​ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ ¹⁹ꦢꦺꦏ꧀ꦤꦺꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦭꦺꦴꦫꦺꦴ​ꦢꦶꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦠꦏꦺꦴꦤ꧀ꦔꦺꦤꦺ​:“ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦺꦏ꧀ꦧꦏꦭ꧀ꦠꦼꦏ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦼꦤ꧀ꦠꦺꦤ꧀ꦤꦶ​ꦮꦺꦴꦁ​ꦭꦶꦪꦤꦺ​?” ²⁰꧋ꦏꦢꦸꦁ​ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦮꦶꦱ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁ:“ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦱꦶꦁ​ꦔꦺꦴꦁꦏꦺꦴꦤ꧀ꦲꦮꦏ꧀ꦏꦺ​ꦢꦺꦮꦺꦠꦼꦏ​ꦤꦁꦔ꧀ꦒꦺꦴꦤ꧀ꦩꦸ​ꦏꦺꦴꦁꦏꦺꦴꦤ꧀ꦠꦏꦺꦴꦤ꧀ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦱꦶꦁ​ꦏꦸꦢꦸ​ꦠꦼꦏ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦼꦤ꧀ꦠꦺꦤ꧀ꦤꦶ​ꦮꦺꦴꦁ​ꦭꦶꦪꦤꦺ​?” ²¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦼꦤꦼꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦤꦩ꧀ꦧꦤꦶ​ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦭꦫ​;ꦢꦼꦩꦶꦠ꧀ꦢꦼꦩꦶꦠ꧀ꦢꦶꦠꦸꦤ꧀ꦢꦸꦁꦔꦶꦭꦤ꧀ꦮꦺꦴꦁ​ꦱꦶꦁ​ꦭꦩꦸꦂ​ꦢꦶꦠꦩ꧀ꦧꦤꦶ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​ ²²ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​ꦔꦺꦤꦺ​ꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​:“ꦏꦤ​ꦧꦭꦶꦏ꧀ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀꧈​ꦏꦤ​ꦢꦶꦲꦺꦴꦩꦺꦴꦁꦔꦶꦧꦧ꧀ꦲꦥ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​ꦭꦤ꧀ꦏꦿꦸꦔꦸ​꧉​ꦏꦤ​ꦪꦺꦴꦲꦤꦼꦱ꧀ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦮꦺꦴꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧈​ꦮꦺꦴꦁ​ꦭꦸꦩ꧀ꦥꦸꦃ​ꦧꦶꦱ​ꦩ꧀ꦭꦏꦸ​ꦩꦼꦤꦺꦃ​꧈​ꦮꦺꦴꦁ​ꦭꦫ​ꦭꦺꦥꦿ​ꦧꦶꦱ​ꦉꦱꦶꦏ꧀ꦩꦼꦤꦺꦃ​ꦲꦮꦏ꧀ꦏꦺ​꧈​ꦮꦺꦴꦁ​ꦧꦸꦢꦼꦏ꧀ꦧꦶꦱ​ꦏꦿꦸꦔꦸ​ꦩꦼꦤꦺꦃ​꧈​ꦮꦺꦴꦁ​ꦩꦠꦶ​ꦲꦸꦫꦶꦥ꧀ꦩꦼꦤꦺꦃ​ꦭꦤ꧀ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦶꦒꦼꦭꦂꦫꦏꦺꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​ ²³ꦧꦼꦗꦮꦺꦴꦁ​ꦱꦶꦁ​ꦲꦺꦴꦫ​ꦩꦔꦸꦩꦔꦸ​ꦧꦧ꧀ꦲꦏꦸ​꧉​” ²⁴꧋ꦱꦏ꧀ꦮꦶꦱ꧀ꦱꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦭꦸꦔ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦧꦧ꧀ꦪꦺꦴꦲꦤꦼꦱ꧀ꦩꦫꦁ​ꦮꦺꦴꦁꦮꦺꦴꦁ​:“ꦢꦺꦴꦁꦔꦺꦏꦺꦴꦮꦺ​ꦩꦫꦤꦶ​ꦪꦺꦴꦲꦤꦼꦱ꧀ꦤꦁꦮꦸꦱ꧀ꦠꦺꦤ꧀ꦏꦲꦺ​꧈​ꦱꦏ꧀ꦗꦤꦺꦏꦺꦴꦮꦺ​ꦥꦢ​ꦩꦶꦏꦶꦂ​ꦧꦏꦭ꧀ꦮꦼꦫꦸꦃ​ꦲꦥ​?ꦲꦥ​ꦤ꧀ꦢꦫꦤ꧀ꦤꦶꦧꦏꦭ꧀ꦮꦼꦫꦸꦃ​ꦢꦩꦺꦤ꧀ꦱꦶꦁ​ꦏꦼꦠꦼꦫꦏ꧀ꦲꦔꦶꦤ꧀ꦫꦤꦫꦺꦤꦺ​?ꦭꦲꦸꦠ꧀ꦪ​ꦲꦺꦴꦫ​ꦠ​? ²⁵ꦭꦃ​ꦤ꧀ꦢꦫꦤ꧀ꦤꦶꦲꦉꦥ꧀ꦮꦼꦫꦸꦃ​ꦲꦥ​?ꦲꦥ​ꦮꦺꦴꦁ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦱꦶꦁ​ꦭꦫꦁ​꧉​ꦮꦺꦴꦁꦮꦺꦴꦁ​ꦱꦶꦁ​ꦱꦭꦶꦤ꧀ꦤꦺꦲꦥꦶꦏ꧀ꦲꦥꦶꦏ꧀ꦭꦤ꧀ꦲꦸꦫꦶꦥ꧀ꦥꦺꦲꦢꦸꦱ꧀ꦧꦤ꧀ꦢꦏꦸꦮꦶ​ꦩꦁꦒꦺꦴꦤꦺ​ꦤꦁꦥꦭꦺꦱ꧀꧈​ ²⁶ꦭꦃ​ꦏꦺꦴꦮꦺ​ꦤꦁꦮꦸꦱ꧀ꦠꦺꦤ꧀​ꦔ꧀ꦒꦺꦴꦭꦺꦏ꧀ꦏꦶ​ꦲꦥ​?ꦲꦥ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦤꦧꦶ​?ꦪ​ꦧꦼꦤꦼꦂ​!ꦏꦺꦴꦮꦺ​ꦩꦭꦃ​ꦮꦼꦫꦸꦃ​ꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦤꦧꦶ​꧉​ ²⁷ꦲꦮꦶꦠ꧀ꦪꦺꦴꦲꦤꦼꦱ꧀ꦏꦸꦮꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦠꦼꦏꦤꦺ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦔꦺꦤꦺ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:ꦲꦶꦏꦶ​ꦏꦺꦴꦁꦏꦺꦴꦤꦤ꧀ꦏꦸ꧈​ꦱꦶꦁ​ꦠꦏ꧀ꦏꦺꦴꦁꦏꦺꦴꦤ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀​ꦔ꧀ꦒꦮꦺꦏ꧀ꦏꦏꦺꦢꦭꦤ꧀ꦏꦺꦴꦮꦺ​!’” ²⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦠꦼꦩ꧀ꦧꦸꦁꦏꦸ​ꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺ:ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦏꦧꦺꦃ​ꦲꦶꦁ​ꦢꦺꦴꦚ​ꦏꦺꦤꦺ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​ꦤꦁꦔꦶꦁ​ꦱꦼꦤꦗꦤ꧀ꦔꦺꦴꦤꦺꦴ​꧈​ꦮꦺꦴꦁ​ꦱꦶꦁ​ꦕꦶꦭꦶꦏ꧀ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦢꦺꦤꦺꦲꦶꦗꦶꦏ꧀ꦔꦸꦁꦏꦸꦭ꧀ꦭꦶ​ꦪꦺꦴꦲꦤꦼꦱ꧀꧈​” ²⁹꧋ꦮꦺꦴꦁ​ꦏꦧꦺꦃ​ꦱꦶꦁ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​꧈​ꦲꦸꦒ​ꦮꦺꦴꦁꦮꦺꦴꦁ​ꦧꦼꦭꦱ꧀ꦠꦶꦁ꧈​ꦥꦢ​ꦔꦏꦺꦴꦤ꧀ꦤꦶ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦼꦤꦼꦂ​ꦭꦤ꧀ꦥꦢ​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​ ³⁰ꦤꦁꦔꦶꦁ​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦤꦩ꧀ꦥꦶꦏ꧀ꦲꦥ​ꦱꦶꦁ​ꦢꦶꦏꦉꦥ꧀ꦥꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦲꦸꦫꦶꦥ꧀ꦥꦺ꧉​ꦩꦸꦭꦤꦺ​ꦲꦺꦴꦫ​ꦥꦢ​ꦩꦺꦭꦸ​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​ ³¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦮꦺꦴꦁꦮꦺꦴꦁ​ꦗꦩꦤ꧀ꦱꦲꦶꦏꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​ꦪ​? ³²ꦲꦺꦭꦶꦁ​​ꦲꦺꦭꦶꦁ​​ꦏꦪ​ꦧꦺꦴꦕꦃꦧꦺꦴꦕꦃ​ꦱꦶꦁ​ꦢꦺꦴꦭꦤ꧀ꦤꦤ꧀ꦤꦁꦭꦠꦂꦫꦺ​ꦥꦱꦂ​;ꦱꦶꦁ​ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦔꦺꦴꦩꦺꦴꦁꦏꦫꦺꦴ​ꦭꦶꦪꦤꦺ​:'ꦏꦺꦴꦮꦺ​ꦠꦏ꧀ꦩꦲꦶꦤ꧀ꦤꦏꦺꦭꦒꦸ​ꦏꦧꦸꦔꦃꦲꦤ꧀ ꦤꦁꦔꦶꦁ​ꦲꦺꦴꦫ​ꦒꦼꦊꦩ꧀​ꦚ꧀ꦗꦺꦴꦒꦺꦠ꧀;ꦮꦶꦱ꧀ꦠꦏ꧀ꦏꦶꦢꦸꦁꦔꦏꦺꦭꦒꦸ​ꦏꦱꦸꦱꦃꦲꦤ꧀ ꦏꦺꦴꦮꦺ​ꦲꦺꦴꦫ​ꦤꦔꦶꦱ꧀!’ ³³ꦢꦺꦴꦁꦔꦺꦪꦺꦴꦲꦤꦼꦱ꧀ꦠꦼꦏ​꧈​ꦢꦺꦏ꧀ꦤꦺꦥꦱ​ꦭꦤ꧀ꦲꦺꦴꦫ​ꦔꦺꦴꦩ꧀ꦧꦺ​ꦲꦁꦒꦸꦂ​꧈​ꦭꦃ​ꦏꦺꦴꦮꦺ​ꦔꦺꦴꦩꦺꦴꦁꦗꦫꦺꦤꦺ​ꦪꦺꦴꦲꦤꦼꦱ꧀ꦏꦼꦊꦧꦺꦴꦤ꧀ꦢꦼꦩꦶꦠ꧀꧈​ ³⁴ꦭꦃ​ꦤꦁꦔꦶꦁ​ꦢꦺꦴꦁꦔꦺꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​꧈​ꦢꦺꦏ꧀ꦤꦺꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​꧈​ꦏꦺꦴꦮꦺ​ꦔꦺꦴꦩꦺꦴꦁ:'ꦢꦼꦭꦺꦴꦏ꧀ꦏꦼꦤ꧀ꦏꦲꦺ​꧈​ꦮꦺꦴꦁ​ꦩꦸꦂꦏꦭꦤ꧀ꦠꦸꦏꦁ​ꦔꦺꦴꦩ꧀ꦧꦺ​꧈​ꦏꦚ꧀ꦕꦤꦺ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦲꦭ​!’ ³⁵ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦢꦺꦏꦮꦼꦫꦸꦃꦲꦺꦭꦤ꧀ꦏꦸꦮꦶ​ꦢꦶꦮꦸꦗꦸꦠ꧀ꦠꦏꦺꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦤꦩ꧀ꦥ​ꦏꦮꦼꦫꦸꦃꦲꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ ꦮꦺꦴꦁ​ꦥ꦳ꦫꦶꦱꦶ​꧉​

³⁶꧋ꦱꦏ꧀ꦮꦶꦗꦶꦤꦺꦮꦺꦴꦁ​ꦥ꦳ꦫꦶꦱꦶ​꧈​ꦗꦼꦤꦼꦁꦔꦺ​ꦱꦶꦩꦺꦴꦤ꧀ ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏ​ꦭꦤ꧀ꦩꦁꦔꦤ꧀ꦤꦁꦲꦺꦴꦩꦃꦲꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦠꦼꦏ​ꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ꦠꦼꦫꦸꦱ꧀​ꦚ꧀ꦗꦒꦺꦴꦁ꧉​ ³⁷ꦤꦁꦏꦸꦠꦏꦺꦴꦤꦺꦴ​ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦲꦸꦫꦶꦥ꧀ꦢꦺꦴꦱ​꧉​ꦏꦢꦸꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ ꦮꦺꦴꦁ​ꦥ꦳ꦫꦶꦱꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦠꦼꦏ​ꦔ꧀ꦒꦮ​ꦧꦺꦴꦠꦺꦴꦭ꧀ꦲꦶꦱꦶꦤꦺ​ꦊꦔ​ꦮꦔꦶ​꧉​ ³⁸ꦮꦺꦴꦁ​ꦮꦺꦢꦺꦴꦏ꧀ꦏꦺꦠꦼꦫꦸꦱ꧀ꦔꦢꦼꦏ꧀ꦤꦁꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦱꦼꦧꦼꦭꦃꦱꦶꦏꦶꦭ꧀ꦭꦺ​꧈​ꦠꦼꦫꦸꦱ꧀ꦤꦔꦶꦱ꧀꧈​ꦌꦭꦸꦃꦲꦺꦠꦸꦩꦺꦠꦺꦱ꧀ꦤꦼꦊꦱ꧀ꦱꦶ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦢꦶꦭꦥ꧀ꦥꦶ​ꦏꦫꦺꦴ​ꦫꦩ꧀ꦧꦸꦠ꧀ꦠꦺ​꧉​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦔꦩ꧀ꦧꦸꦁꦔꦶ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦏꦫꦺꦴ​ꦊꦔ​ꦮꦔꦶ​꧉​ ³⁹ꦱꦶꦩꦺꦴꦤ꧀ ꦱꦶꦁ​ꦔꦩ꧀ꦥꦶꦂꦫꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦮꦼꦫꦸꦃ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦠꦼꦫꦸꦱ꧀​ꦔ꧀ꦒꦒꦱ꧀:“ꦤꦺꦏ꧀ꦪꦺꦯꦸꦱ꧀ꦏꦸꦮꦶ​ꦤꦧꦶ​ꦠꦼꦤꦤ꧀ ꦩꦼꦱ꧀ꦠꦶꦢꦺꦏ꧀ꦤꦺꦪ​ꦔꦼꦂꦠꦶ​ꦤꦺꦏ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦤ꧀ꦢꦼꦩꦺꦏ꧀ꦱꦶꦏꦶꦭ꧀ꦭꦺ​ꦏꦸꦮꦶ​ꦮꦺꦴꦁ​ꦢꦺꦴꦱ​?” ⁴⁰꧋ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦶꦩꦺꦴꦤ꧀:“ꦱꦶꦩꦺꦴꦤ꧀ ꦲꦏꦸ​ꦲꦉꦥ꧀​ꦤ꧀ꦢꦸꦮꦺꦲꦺꦴꦩꦺꦴꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦩꦫꦁ​ꦏꦺꦴꦮꦺ​!”ꦱꦶꦩꦺꦴꦤ꧀ꦱꦼꦩꦲꦸꦂ​:“ꦩꦁꦒ​ꦒꦸꦫꦸ​꧈​ꦩꦁꦒ​!” ⁴¹ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦱꦶꦩꦺꦴꦤ꧀ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦤ꧀ꦢꦸꦮꦺꦲꦸꦠꦁ​ꦏꦫꦺꦴ​ꦮꦺꦴꦁ​ꦱꦶꦁ​ꦠꦸꦏꦁ​ꦔꦸꦠꦁꦔꦶ​ꦢꦸꦮꦶꦠ꧀꧈​ꦱꦶꦁ​ꦱꦶꦗꦶ​ꦲꦸꦠꦁꦔꦺ​500.000ꦥꦺꦫꦏ꧀ ꦱꦶꦁ​ꦭꦶꦪꦤꦺ​50.000ꦥꦺꦫꦏ꧀꧈​ ⁴²ꦏꦧꦺꦃ​ꦭꦺꦴꦫꦺꦴ​ꦲꦺꦴꦫ​ꦧꦶꦱ​ꦲꦩ꧀ꦧꦪꦂ​ꦲꦸꦠꦁꦔꦺ​꧈​ꦩꦸꦭꦤꦺ​ꦮꦺꦴꦁ​ꦱꦶꦁ​ꦔꦸꦠꦁꦔꦶ​ꦢꦸꦮꦶꦠ꧀ꦠꦺꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦤꦺꦏ꧀ꦮꦶꦱ꧀ꦲꦺꦴꦫ​ꦲꦸꦱꦃꦲꦩ꧀ꦧꦪꦂ​ꦲꦸꦠꦁꦔꦺ​꧉​ꦱꦲꦶꦏꦶ​ꦲꦏꦸ​ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​ꦱꦶꦩꦺꦴꦤ꧀:ꦮꦺꦴꦁ​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦭꦸꦮꦶꦃ​ꦒꦼꦢꦺꦏꦠꦿꦺꦱ꧀ꦤꦤꦺꦩꦫꦁ​ꦮꦺꦴꦁ​ꦱꦶꦁ​ꦔꦸꦠꦁꦔꦶ​ꦢꦸꦮꦶꦠ꧀ꦠꦺ?” ⁴³꧋ꦱꦶꦩꦺꦴꦤ꧀ꦱꦼꦩꦲꦸꦂ​:“ꦠꦏ꧀ꦏꦶꦫꦪ​ꦮꦺꦴꦁ​ꦱꦶꦁ​ꦭꦸꦮꦶꦃ​ꦲꦺꦴꦏꦺꦃꦲꦸꦠꦁꦔꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦧꦼꦤꦼꦂ​꧉​” ⁴⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁ​ꦮꦺꦢꦺꦴꦏ꧀ꦏꦺꦏꦫꦺꦴ​ꦔꦺꦴꦩꦺꦴꦁꦩꦫꦁ​ꦱꦶꦩꦺꦴꦤ꧀:“ꦏꦺꦴꦮꦺ​ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​!ꦢꦺꦴꦁꦔꦺꦲꦏꦸ​ꦩ꧀ꦊꦧꦸ​ꦤꦁꦲꦺꦴꦩꦃꦩꦸ​꧈​ꦏꦺꦴꦮꦺ​ꦲꦺꦴꦫ​ꦚꦮꦶꦱ꧀ꦱꦶ​ꦧꦚꦸ​ꦏꦁꦒꦺꦴ​ꦮꦶꦱꦸꦃ​ꦱꦶꦏꦶꦭ꧀ ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦤꦼꦊꦱ꧀ꦱꦶ​ꦱꦶꦏꦶꦭ꧀ꦏꦸ​ꦔꦁꦒꦺꦴ​ꦌꦭꦸꦃꦲꦺꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦏꦫꦺꦴ​ꦫꦩ꧀ꦧꦸꦠ꧀ꦠꦺ​꧉​ ⁴⁵ꦢꦺꦴꦁꦔꦺꦲꦏꦸ​ꦩ꧀ꦊꦧꦸ​ꦲꦺꦴꦩꦃꦩꦸ​ꦲꦏꦸ​ꦲꦺꦴꦫ​ꦲꦩ꧀ꦧꦺꦴꦏ꧀ꦲꦩ꧀ꦧꦸꦁ꧈​ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦲꦺꦴꦫ​ꦭꦺꦫꦺꦤ꧀ꦲꦼꦁꦒꦺꦴꦤꦺ​ꦔꦩ꧀ꦧꦸꦁꦔꦶ​ꦱꦶꦏꦶꦭ꧀ꦏꦸ​꧈​ꦮꦶꦮꦶꦠ꧀ꦲꦏꦸ​ꦠꦼꦏ​ꦤꦁꦲꦺꦴꦩꦃꦩꦸ​꧉​ ⁴⁶ꦏꦺꦴꦮꦺ​ꦲꦺꦴꦫ​ꦔ꧀ꦊꦔꦤꦶꦱꦶꦫꦃꦏꦸ​꧈​ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦔ꧀ꦊꦔꦤꦶꦱꦶꦏꦶꦭ꧀ꦏꦸ​ꦏꦫꦺꦴ​ꦊꦔ​ꦮꦔꦶ​꧉​ ⁴⁷ꦔꦼꦂꦠꦶꦪ​꧈​ꦏꦠꦿꦺꦱ꧀ꦤꦤꦺꦮꦺꦴꦁ​ꦲꦶꦏꦶ​ꦱꦶꦁ​ꦱꦼꦩꦺꦴꦤꦺꦴ​ꦒꦼꦢꦺꦤꦺ꧈​ꦔꦼꦠꦺꦴꦏ꧀ꦏꦏꦺꦱꦼꦥꦶꦫ​ꦒꦼꦢꦺꦤꦺꦢꦺꦴꦱꦤꦺ​ꦮꦺꦴꦁꦔꦺ​ꦱꦶꦁ​ꦮꦶꦱ꧀ꦢꦶꦔꦥꦸꦫꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦺꦴꦁ​ꦱꦶꦁ​ꦤꦩ꧀ꦥ​ꦥꦔꦥꦸꦫ​ꦩꦸꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧈​ꦏꦠꦿꦺꦱ꧀ꦤꦤꦺꦪ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​” ⁴⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦏꦺ:“ꦢꦺꦴꦱꦩꦸ​ꦏꦧꦺꦃ​ꦮꦶꦱ꧀ꦢꦶꦔꦥꦸꦫ꧉​” ⁴⁹꧋ꦮꦺꦴꦁꦮꦺꦴꦁ​ꦱꦶꦁ​ꦧꦼꦧꦉꦁꦔꦤ꧀ꦩꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦫꦱꦤ꧀ꦫꦱꦤ꧀:“ꦮꦺꦴꦁ​ꦏꦸꦮꦶ​ꦱꦥ​ꦠ​ꦏꦺꦴꦏ꧀ꦮꦤꦶ​ꦔꦥꦸꦫ​ꦢꦺꦴꦱꦤꦺ​ꦩꦤꦸꦁꦱ​?” ⁵⁰꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​:“ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ​꧉​ꦮꦶꦱ꧀ ꦏꦤ​ꦩ꧀ꦭꦏꦸ​ꦱꦶꦁ​ꦲꦥꦶꦏ꧀ꦲꦥꦶꦏ꧀꧈​”

꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧘꧇​ ¹꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦸꦫꦸꦠ꧀ꦏꦸꦠꦏꦸꦠꦭꦤ꧀ꦢꦺꦱꦢꦺꦱ​꧈​ꦠꦸꦗꦸꦮꦤ꧀ꦤꦺꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦱꦸꦭ꧀ꦫꦺꦴꦭꦱ꧀ꦲꦸꦒ​ꦩꦺꦭꦸ​꧉​ ²ꦏꦼꦗꦧ​ꦥꦫ​ꦫꦱꦸꦭ꧀ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦗꦶꦭꦺꦴꦫꦺꦴꦱꦶꦁ​ꦩꦺꦭꦸ​꧈​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦢꦶꦠꦩ꧀ꦧꦤꦶ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦊꦭꦫ​ꦭꦤ꧀ꦥꦔ꧀ꦮꦱꦤꦺ​ꦢꦼꦩꦶꦠ꧀ꦏꦪꦢꦺꦤꦺ:ꦩꦫꦶꦪ꧈​ꦱꦶꦁ​ꦕꦼꦭꦸꦏ꧀ꦏꦤ꧀ꦤꦺ​ꦩꦏ꧀ꦢꦭꦺꦤ꧈​ꦱꦶꦁ​ꦢꦼꦩꦶꦠ꧀ꦠꦺꦥꦶꦠꦸ​ꦮꦶꦱ꧀ꦢꦶꦲꦼꦠꦺꦴꦏ꧀ꦏꦏꦺ꧉​ ³ꦲꦸꦒ​ꦪꦺꦴꦲꦤꦃ꧈​ꦧꦺꦴꦗꦺꦴꦤꦺ​ ꦑꦸꦱꦃ꧉​ꦑꦸꦱꦃꦏꦸꦮꦶ​ꦩꦶꦤꦶꦱ꧀ꦠꦼꦫꦺꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ꦱꦼꦩꦺꦴꦤꦺꦴ​ꦲꦸꦒ​ꦯꦸꦱꦤꦃꦭꦤ꧀ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦭꦶꦪꦤꦺ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦏꦶ​ꦲꦼꦁꦒꦺꦴꦤꦺ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦫ​ꦫꦱꦸꦭ꧀ꦢꦶꦱꦁꦒ​ꦱꦁꦏꦱꦏ꧀​ꦤ꧀ꦢꦸꦮꦺꦪꦢꦺꦮꦺ꧉​

꧋ꦒꦩ꧀ꦧꦂ​ꦧꦧ꧀ꦮꦺꦴꦁ​ꦚꦼꦧꦂ​꧉​

⁴꧋ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦏꦸꦠꦏꦧꦺꦃ​ꦥꦢ​ꦠꦼꦏ​ꦠꦼꦫꦸꦱ꧀꧈​ꦏꦢꦸꦁ​ꦏꦧꦺꦃ​ꦮꦶꦱ꧀ꦔꦸꦩ꧀ꦥꦸꦭ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂ​ꦔꦺꦤꦺ​: ⁵꧋“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦧꦸꦢꦭ꧀ꦚꦼꦧꦂ​꧉​ꦱꦏ꧀ꦧꦉꦁꦔꦺꦚꦼꦧꦂ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦢꦭꦤ꧀ ꦠꦼꦫꦸꦱ꧀ꦏꦼꦥꦶꦢꦼꦏ꧀ꦥꦶꦢꦼꦏ꧀ꦮꦺꦴꦁ​ꦭꦶꦮꦠ꧀ꦭꦤ꧀ꦲꦸꦒ​ꦲꦺꦤꦺꦁꦱꦶꦁ​ꦢꦶꦥꦔꦤ꧀ꦩꦤꦸꦏ꧀꧈​ ⁶ꦲꦺꦤꦺꦁꦮꦶꦗꦶ​ꦲꦸꦒ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦠꦺꦴꦱ꧀꧈​ꦏꦢꦸꦁ​ꦩꦺꦴꦭꦃꦲꦶꦠꦸꦏꦸꦭ꧀ꦠꦼꦫꦸꦱ꧀ꦒꦫꦶꦁ​꧈​ꦲꦮꦶꦠ꧀ꦊꦩꦃꦲꦺ​ꦒꦫꦶꦁ​꧉​ ⁷ꦲꦺꦤꦺꦁꦮꦶꦗꦶ​ꦭꦶꦪꦤꦺ​ꦩꦼꦤꦺꦃ​ꦠꦶꦧ​ꦤꦁꦠꦼꦔꦃꦲꦺ​ꦲꦼꦫꦶꦲꦼꦫꦶ꧉​ꦏꦢꦸꦁ​ꦠꦸꦏꦸꦭ꧀ꦠꦼꦫꦸꦱ꧀ꦏꦼꦕꦼꦥꦶꦠ꧀​ꦏꦫꦺꦴ​ꦲꦼꦫꦶꦲꦼꦫꦶꦩꦲꦸ​꧈​ꦠꦼꦫꦸꦱ꧀ꦩꦠꦶ​꧉​ ⁸ꦤꦁꦔꦶꦁ​ꦲꦸꦒ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦥꦶꦏ꧀꧈​ꦮꦶꦗꦶ​ꦲꦶꦏꦶ​ꦠꦼꦫꦸꦱ꧀ꦠꦸꦏꦸꦭ꧀ꦭꦤ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦲꦺꦴꦏꦺꦃ꧈​ꦲꦠꦸꦱ꧀ꦱꦤ꧀꧈​” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​ꦏꦸꦮꦶ​ꦔꦺꦴꦩꦺꦴꦁꦔꦺꦤꦺ​:“ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦠꦼꦩ꧀ꦧꦸꦁꦏꦸ​ꦩꦲꦸ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦠꦼꦩ꧀ꦧꦸꦁꦔꦺ​꧉​

⁹꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦥ​ꦠꦼꦒꦼꦱ꧀ꦱꦺ​ꦒꦩ꧀ꦧꦂ​ꦮꦺꦴꦁ​ꦚꦼꦧꦂ​ꦏꦸꦮꦶ​ꦩꦲꦸ​꧉​ ¹⁰ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦥꦶꦠꦸꦠꦸꦂꦫꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦱꦶꦩ꧀ꦥꦼꦤ꧀ꦮꦶꦱ꧀ꦢꦶꦲꦸꦢꦂꦫꦏꦺꦩꦫꦁ​ꦏꦺꦴꦮꦺ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦭꦶꦪ​ꦩꦸꦁ​ꦢꦶꦮꦸꦭꦁꦔꦶꦔꦁꦒꦺꦴ​ꦠꦼꦩ꧀ꦧꦸꦁ​ꦒꦩ꧀ꦧꦂ​꧈​ꦱꦸꦥꦪ​꧈​ꦱꦼꦤꦗꦤ꧀ꦤ​ꦚꦮꦁ​꧈​ꦤꦁꦔꦶꦁ​ꦲꦺꦴꦫ​ꦮꦼꦫꦸꦃ​ꦭꦤ꧀ꦱꦼꦤꦗꦤ꧀ꦤ​ꦏꦿꦸꦔꦸ​꧈​ꦤꦁꦔꦶꦁ​ꦲꦺꦴꦫ​ꦢꦸꦤꦸꦁ꧉​” ¹¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦸꦤꦸꦁꦔꦏꦺꦒꦩ꧀ꦧꦂ​ꦮꦺꦴꦁ​ꦚꦼꦧꦂ​ꦩꦲꦸ​ꦔꦺꦤꦺ​:“ꦮꦶꦗꦶ​ꦏꦸꦮꦶ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹²ꦮꦶꦗꦶ​ꦱꦶꦁ​ꦠꦶꦧ​ꦤꦁꦢꦭꦤ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦱꦺꦠꦤ꧀ꦠꦼꦫꦸꦱ꧀ꦠꦼꦏ​ꦚꦠꦺꦏ꧀ꦥꦶꦠꦸꦠꦸꦂ​ꦩꦲꦸ​ꦱꦁꦏꦲꦠꦶꦤꦺ​ꦮꦺꦴꦁꦔꦺ​꧉​ꦢꦢꦶꦤꦺ​ꦮꦺꦴꦁꦔꦺ​ꦠꦼꦫꦸꦱ꧀ꦲꦺꦴꦫ​ꦧꦶꦱ​ꦥꦽꦕꦪ​ꦭꦤ꧀ꦲꦺꦴꦫ​ꦧꦶꦱ​ꦤꦼꦩꦸ​ꦏꦼꦱ꧀ꦭꦩꦼꦠ꧀ꦠꦤ꧀꧈​ ¹³ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦠꦺꦴꦱ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦥ​ꦏꦫꦺꦴ​ꦧꦸꦔꦃ​꧉​ꦤꦁꦔꦶꦁ​ꦥꦶꦠꦸꦠꦸꦂꦫꦺ​ꦲꦺꦴꦫ​ꦔꦺꦴꦪꦺꦴꦠ꧀ꦠꦼꦤꦤ꧀ ꦮꦺꦴꦁꦔꦺ​ꦱꦶꦁ​ꦥꦽꦕꦪ​ꦤꦩꦸꦁ​ꦱꦼꦢꦶꦭꦸꦠ꧀꧈​ꦤꦺꦏ꧀ꦏꦔꦺꦭ꧀ꦭꦤ꧀ꦠꦼꦏ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ ¹⁴ꦮꦶꦗꦶ​ꦱꦶꦁ​ꦠꦶꦧ​ꦤꦁꦠꦼꦔꦃꦲꦺ​ꦠꦸꦏꦸꦭ꧀ꦭꦤ꧀ꦲꦼꦫꦶ​ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦥꦶꦠꦸꦠꦸꦂ​ꦩꦲꦸ​ꦏꦭꦃ​ꦏꦫꦺꦴ​ꦫꦱ​ꦱꦸꦩꦼꦭꦁ​꧈​ꦏꦱꦸꦒꦶꦃꦲꦤ꧀ꦭꦤ꧀ꦏꦼꦱꦼꦤꦼꦔꦤ꧀ꦤꦺꦢꦺꦴꦚ​꧉​ꦢꦢꦶꦤꦺ​ꦥꦶꦠꦸꦠꦸꦂ​ꦩꦲꦸ​ꦲꦺꦴꦫ​ꦧꦶꦱ​ꦩꦿꦱꦸꦏ꧀ꦲꦶꦁ​ꦲꦠꦶ​ꦭꦤ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦥꦽꦕꦪ​ꦱꦶꦁ​ꦩꦤ꧀ꦠꦼꦥ꧀꧈​ ¹⁵ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦥꦶꦏ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦫꦸꦱ꧀ꦩꦶꦏꦶꦂ​ꦥꦶꦠꦸꦠꦸꦂ​ꦏꦸꦮꦶ​ꦔꦁꦒꦺꦴ​ꦲꦠꦶ​ꦱꦶꦁ​ꦉꦱꦶꦏ꧀ ꦠꦼꦫꦸꦱ꧀ꦢꦶꦭꦏꦺꦴꦤ꧀ꦤꦶ​꧉​ꦢꦢꦶꦤꦺ​ꦥꦶꦠꦸꦠꦸꦂ​ꦏꦸꦮꦶ​ꦤꦸꦏꦸꦭ꧀ꦭꦏꦺꦥꦽꦕꦪ​ꦱꦶꦁ​ꦩꦤ꧀ꦠꦼꦥ꧀ꦲꦶꦁ​ꦲꦠꦶꦤꦺ​ꦮꦺꦴꦁ​ꦏꦸꦮꦶ​꧉​”

꧋ꦒꦩ꧀ꦧꦂ​ꦧꦧ꧀ꦢꦶꦪꦤ꧀꧈​

¹⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦩꦺꦴꦱꦺꦴꦏ꧀ꦲꦺꦤꦺꦁꦮꦺꦴꦁ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦏꦿꦸꦏꦸꦥ꧀ꦥꦶꦠꦺꦁꦒꦺꦴꦏ꧀ꦲꦥ​ꦢꦶꦢꦺꦏꦺꦏ꧀ꦤꦁꦔꦶꦱꦺꦴꦂ​ꦲꦩ꧀ꦧꦺꦤ꧀?ꦩꦼꦱ꧀ꦠꦶꦲꦺꦴꦫ​꧉​ꦢꦶꦪꦤ꧀ꦤꦺꦩꦼꦱ꧀ꦠꦶꦢꦶꦢꦺꦏꦺꦏ꧀ꦤꦁꦩꦺꦗ​꧈​ꦱꦸꦥꦪ​ꦱꦥ​ꦮꦲꦺ​ꦱꦶꦁ​ꦩ꧀ꦊꦧꦸ​ꦧꦶꦱ​ꦮꦼꦫꦸꦃ​ꦥꦢꦁꦔꦺ꧉​ ¹⁷꧋“ꦲꦮꦶꦠ꧀ꦧꦫꦁ​ꦱꦶꦁ​ꦏꦱꦶꦩ꧀ꦥꦼꦤ꧀ꦩꦼꦱ꧀ꦠꦶꦧꦏꦭ꧀ꦩꦼꦠꦸ​ꦭꦤ꧀ꦥꦽꦏꦫ​ꦱꦶꦁ​ꦢꦶꦢꦼꦭꦶꦏ꧀ꦏꦏꦺꦩꦼꦱ꧀ꦠꦶꦧꦏꦭ꧀ꦏꦺꦠꦺꦴꦏ꧀ꦭꦤ꧀ꦢꦶꦏꦧꦂꦏꦧꦂꦫꦏꦺ꧉​ ¹⁸꧋“ꦩꦸꦭꦤꦺ​꧈​ꦢꦶꦥꦶꦏꦶꦂ​ꦱꦶꦁ​ꦲꦥꦶꦏ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦩꦸ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂ​ꦲꦶꦏꦶ​꧉​ꦲꦮꦶꦠ꧀ꦱꦥ​ꦱꦶꦁ​ꦮꦶꦱ꧀​ꦤ꧀ꦢꦸꦮꦺꦧꦏꦭ꧀ꦢꦶꦠꦩ꧀ꦧꦃꦲꦶ​꧈​ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦲꦥꦲꦥ​ꦩꦭꦃ​ꦧꦏꦭ꧀ꦏꦉꦧꦸꦠ꧀ꦲꦥ​ꦱꦶꦁ​ꦢꦶꦏꦶꦫ​ꦢꦶꦢꦸꦮꦺꦤ꧀ꦤꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧉​

¹⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦫꦤ꧀ꦤꦶ​ꦏꦫꦺꦴ​ꦲꦶꦧꦸꦤꦺ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧈​ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁ​꧈​ꦮꦺꦴꦁꦮꦺꦴꦁ​ꦏꦸꦮꦶ​ꦲꦺꦴꦫ​ꦧꦶꦱ​ꦚꦼꦢꦼꦏ꧀ꦏꦶꦢꦺꦏ꧀ꦤꦺ꧉​ ²⁰ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦔꦶꦢꦺꦏ꧀ꦤꦺꦔꦺꦤꦺ​:“ꦒꦸꦫꦸ​꧈​ꦲꦶꦧꦸꦩꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦤꦁꦚ꧀ꦗꦧ​꧈​ꦏꦼꦥꦺꦔꦶꦤ꧀ꦩꦼꦠꦸꦮꦏꦺꦴꦮꦺ​꧉​” ²¹꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦶꦧꦸꦏꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​ꦏꦸꦮꦶ​ꦏꦧꦺꦃ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀ꦤꦶꦤ꧀ꦢꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦤ꧀ꦢꦼꦏ꧀ꦲꦺꦴꦩ꧀ꦧꦏ꧀ꦒꦼꦢꦺ꧉​

²²꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦤꦸꦩ꧀ꦥꦏ꧀ꦥꦿꦲꦸ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​:“ꦲ꦳ꦪꦸꦏ꧀ꦥꦢ​ꦔꦧꦿꦃ꧉”ꦠꦼꦫꦸꦱ꧀ꦧꦸꦢꦭ꧀꧈​ ²³ꦤꦁꦔꦶꦁ​ꦱꦏ꧀ꦧꦉꦁꦔꦺꦔꦧꦿꦃꦒꦸꦱ꧀ꦠꦶ​ꦪꦺꦯꦸꦱ꧀ꦏꦼꦠꦸꦫꦺꦴꦤ꧀꧈​ꦭꦃ​ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦤꦁꦩꦺꦂꦏꦺꦴꦤꦺꦴ​ꦲꦺꦤꦺꦁꦲꦺꦴꦩ꧀ꦧꦏ꧀ꦒꦼꦢꦺꦠꦼꦏ​꧉​ꦥꦿꦲꦸꦤꦺ​ꦏꦼꦊꦧꦺꦴꦤ꧀ꦧꦚꦸ​ꦱꦩ꧀ꦥꦺꦏ꧀ꦩꦼꦢꦺꦤ꧀ꦤꦶ​꧉​ ²⁴ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀​ꦔ꧀ꦒꦸꦒꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦫꦸ​꧈​ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦼꦊꦥ꧀!” ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦔꦶ​ꦭꦤ꧀ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦠꦼꦫꦸꦱ꧀ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦩꦤ꧀ꦢꦼꦏ꧀꧈​ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦪ​ꦠꦼꦫꦸꦱ꧀ꦲꦤ꧀ꦠꦼꦁ​꧉​ ²⁵ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦭꦃ​ꦲꦼꦤ꧀ꦢꦶ​ꦥꦼꦔꦤ꧀ꦢꦼꦭ꧀ꦩꦸ​?” ꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦥꦢ​ꦮꦼꦢꦶ​ꦭꦤ꧀​ꦔ꧀ꦒꦸꦩꦸꦤ꧀ꦧꦔꦼꦠ꧀ ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦮꦺꦴꦁ​ꦲꦶꦏꦶ​ꦱꦥ​ꦠ​꧈​ꦏꦺꦴꦏ꧀ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦤꦸꦩ꧀ꦥꦏ꧀ꦥꦿꦲꦸ​ꦠꦼꦫꦸꦱ꧀ꦠꦼꦏꦤ꧀ꦧꦮꦃꦓꦺꦫꦱ꧈​ꦤꦁꦮꦺꦠꦤꦺ​ꦧꦮꦃꦓꦭꦶꦭꦺꦪ​꧉​ ²⁷ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦼꦢꦸꦤ꧀ꦤꦁꦢꦫꦠ꧀ꦠꦤ꧀ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦩꦫꦤꦶ​ꦢꦺꦏ꧀ꦤꦺ꧉​ꦮꦺꦴꦁ​ꦩꦲꦸ​ꦠꦼꦏꦤꦺ​ꦱꦁꦏꦏꦸꦠꦭꦤ꧀ꦪ​ꦮꦶꦱ꧀ꦱꦸꦮꦶꦮꦺꦴꦁꦔꦺ​ꦲꦺꦴꦫ​ꦔꦁꦒꦺꦴ​ꦱꦭꦶꦤ꧀ꦭꦤ꧀ꦲꦺꦴꦫ​ꦩꦁꦒꦺꦴꦤ꧀ꦤꦁꦲꦺꦴꦩꦃ​꧉​ꦩꦁꦒꦺꦴꦤꦺ​ꦤꦁꦒꦸꦮꦒꦸꦮ​ꦱꦶꦁ​ꦢꦶꦲꦼꦁꦒꦺꦴ​ꦔꦸꦧꦸꦂ​ꦮꦺꦴꦁ​ꦩꦠꦶ​꧉​ ²⁸ꦏꦢꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦺꦴꦁꦔꦺ​ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦭꦤ꧀ꦤꦶꦧ​ꦤꦁꦔꦉꦥ꧀ꦥꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦪꦺꦯꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧈​ꦲꦏꦸ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦏꦸ​ꦚꦸꦮꦸꦤ꧀ꦠꦼꦤꦤ꧀ ꦲꦏꦸ​ꦲꦗ​ꦢꦶꦥꦶꦭꦂꦫ​꧉​” ²⁹ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦢꦼꦩꦶꦠ꧀ꦠꦺꦮꦶꦱ꧀ꦢꦶꦥꦿꦺꦤ꧀ꦠꦃ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦩꦼꦠꦸ​꧉​ꦲꦮꦶꦠ꧀ꦢꦼꦩꦶꦠ꧀ꦠꦺꦲꦗꦼꦏ꧀ꦔꦺꦫꦺꦠ꧀ꦠꦺꦫꦺꦠ꧀ꦮꦺꦴꦁꦔꦺ​꧉​ꦮꦺꦴꦁꦔꦺ​ꦮꦶꦱ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦭꦤ꧀ꦢꦶꦫꦤ꧀ꦠꦺ​ꦠꦔꦤ꧀ꦭꦤ꧀ꦱꦶꦏꦶꦭ꧀ꦭꦺ​ꦏꦫꦺꦴ​ꦮꦺꦴꦁꦮꦺꦴꦁ​꧈​ꦤꦁꦔꦶꦁ​ꦩꦼꦏ꧀ꦱ​ꦧꦶꦱ​ꦩꦼꦢꦺꦴꦠ꧀ꦠꦼꦫꦸꦱ꧀ꦢꦶꦒꦮ​ꦏꦫꦺꦴ​ꦢꦼꦩꦶꦠ꧀ꦠꦺꦤꦁꦮꦸꦱ꧀ꦠꦺꦤ꧀꧈​ ³⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦏꦺꦴꦤ꧀ꦤꦶ​ꦮꦺꦴꦁꦔꦺ​:“ꦱꦥ​ꦗꦼꦤꦼꦁꦩꦸ​?” ꧋ꦱꦼꦩꦲꦸꦂꦫꦺ​:“ꦗꦼꦤꦼꦁꦏꦸ​ꦭꦺꦒꦶꦪꦸꦤ꧀​꧈​”ꦲꦮꦶꦠ꧀ꦢꦼꦩꦶꦠ꧀ꦥꦶꦫꦁꦥꦶꦫꦁ​ꦩꦁꦒꦺꦴꦤ꧀ꦤꦁꦲꦮꦏ꧀ꦏꦺ​ꦮꦺꦴꦁꦔꦺ​꧉​ ³¹ꦢꦼꦩꦶꦠ꧀ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦲꦺꦴꦫ​ꦢꦶꦠꦸꦤ꧀ꦢꦸꦁꦩ꧀ꦊꦧꦸ​ꦤꦁꦗꦸꦫꦁꦔꦺꦮꦺꦴꦁ​ꦩꦠꦶ​꧉​ ³²꧋ꦕꦼꦢꦼꦏ꧀​ꦏꦫꦺꦴ​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦲꦺꦤꦺꦁꦧꦧꦶ​ꦥꦶꦫꦁꦥꦶꦫꦁ​ꦥꦢ​ꦔ꧀ꦒꦺꦴꦭꦺꦏ꧀ꦥꦔꦤ꧀ꦤꦁꦒꦸꦤꦸꦁꦔꦤ꧀꧈​ꦢꦼꦩꦶꦠ꧀ꦢꦼꦩꦶꦠ꧀ꦠꦺ​ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦏꦼꦭꦶꦭ꧀ꦭꦤ꧀​ꦩ꧀ꦊꦧꦸ​ꦤꦁꦧꦧꦶꦧꦧꦶ​ꦏꦸꦮꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦭꦶꦭꦤꦶ​꧉​ ³³ꦢꦼꦩꦶꦠ꧀ꦢꦼꦩꦶꦠ꧀ꦠꦺ​ꦠꦼꦫꦸꦱ꧀ꦥꦢ​ꦩꦼꦠꦸ​ꦱꦁꦏꦮꦺꦴꦁꦔꦺ​꧈​ꦠꦼꦫꦸꦱ꧀ꦥꦢ​ꦩ꧀ꦊꦧꦸ​ꦤꦁꦧꦧꦶꦧꦧꦶꦤꦺ꧉​ꦧꦧꦶꦧꦧꦶ​ꦩꦲꦸ​ꦠꦼꦫꦸꦱ꧀ꦥꦢ​ꦚ꧀ꦗꦼꦒꦸꦂ​ꦤꦁꦩꦺꦂꦱꦁꦏꦒꦸꦤꦸꦁꦔꦤ꧀ꦏꦺꦴꦤꦺꦴ​꧈​ꦠꦼꦫꦸꦱ꧀ꦥꦢ​ꦩꦠꦶ​꧉​ ³⁴꧋ꦮꦺꦴꦁꦮꦺꦴꦁ​ꦱꦶꦁ​ꦲꦔꦺꦴꦤ꧀ꦧꦧꦶꦧꦧꦶ​ꦩꦲꦸ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦤꦁꦏꦸꦠꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦩꦲꦸ​ꦤꦁꦏꦸꦠꦏꦺꦴꦤꦺꦴ​ꦭꦤ꧀ꦢꦺꦱꦢꦺꦱ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​꧉​ ³⁵ꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦠꦼꦫꦸꦱ꧀ꦥꦢ​ꦧꦸꦢꦭ꧀​ꦤ꧀ꦢꦼꦭꦺꦴꦏ꧀ꦊꦭꦏꦺꦴꦤ꧀ꦩꦲꦸ​꧉​ꦏꦢꦸꦁ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦮꦺꦴꦁꦔꦺ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ꦮꦺꦴꦁꦔꦺ​ꦚ꧀ꦗꦒꦺꦴꦁꦤꦁꦱꦤ꧀ꦢꦶꦁꦔꦺꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦲꦶꦏꦶ​ꦮꦶꦱ꧀ꦔꦁꦒꦺꦴ​ꦱꦭꦶꦤ꧀ꦭꦤ꧀ꦱꦶꦫꦃꦲꦺ​ꦮꦶꦱ꧀ꦮꦫꦱ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦱꦁꦏꦏꦸꦠꦩꦲꦸ​ꦩꦭꦃ​ꦠꦼꦫꦸꦱ꧀ꦥꦢ​ꦮꦼꦢꦶ​꧉​ ³⁶ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦥꦢ​ꦮꦼꦫꦸꦃ​ꦢꦺꦮꦺꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦢꦼꦩꦶꦠ꧀ꦱꦶꦁ​ꦔ꧀ꦮꦱꦤꦶ​ꦮꦺꦴꦁ​ꦩꦲꦸ​꧉​ ³⁷ꦮꦺꦴꦁ​ꦏꦧꦺꦃ​ꦤꦁꦧꦮꦃꦓꦺꦫꦱꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦥꦢ​ꦮꦼꦢꦶ​ꦧꦔꦼꦠ꧀꧈​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦤꦸꦩ꧀ꦥꦏ꧀ꦥꦿꦲꦸ​ꦭꦸꦔ​ꦱꦁꦏꦏꦺꦴꦤꦺꦴ​꧈​ꦲꦉꦥ꧀ꦧꦭꦶꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦤ꧀ꦢꦶꦱꦶꦏ꧀꧈​ ³⁸ꦮꦺꦴꦁ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦠꦼꦫꦸꦱ꧀ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦩꦺꦭꦸ​ꦢꦺꦏ꧀ꦤꦺ꧉​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦔ꧀ꦭꦶꦭꦤꦶ​꧉​ ³⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦤ​ꦏꦺꦴꦮꦺ​ꦧꦭꦶꦏ꧀ꦤꦁꦢꦺꦱꦩꦸ​ꦮꦲꦺ​ꦭꦤ꧀ꦮꦺꦴꦁꦮꦺꦴꦁ​ꦢꦶꦲꦺꦴꦩꦺꦴꦁꦔꦶꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦲꦸꦫꦶꦥ꧀ꦩꦸ​꧉”ꦮꦺꦴꦁꦔꦺ​ꦪ​ꦠꦼꦫꦸꦱ꧀ꦧꦭꦶꦏ꧀ꦭꦤ꧀ꦮꦺꦴꦁ​ꦱꦏ꧀ꦏꦸꦠꦏꦧꦺꦃ​ꦢꦶꦲꦺꦴꦩꦺꦴꦁꦔꦶꦲꦥ​ ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦁ​ꦲꦸꦫꦶꦥ꧀ꦥꦺꦢꦺꦏ꧀ꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦁꦔꦏꦺꦭꦫ​ꦭꦤ꧀ꦥꦠꦶ​꧉​

⁴⁰꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦭꦶꦏ꧀ꦭꦤ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺ꧈​ꦢꦺꦏ꧀ꦤꦺꦢꦶꦥꦼꦠꦸꦏ꧀ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦥꦢ​ꦧꦸꦔꦃ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦥꦚ꧀ꦕꦺꦤ꧀ꦮꦶꦱ꧀ꦔꦉꦥ꧀ꦲꦉꦥ꧀ꦢꦺꦏ꧀ꦤꦺ꧉​ ⁴¹ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦔꦺ​ꦗꦼꦤꦼꦁꦔꦺ​ꦙꦆꦫꦸꦱ꧀ ꦥꦼꦔꦉꦥ꧀ꦥꦺ​ꦱꦶꦤꦒꦸꦏ꧀ꦏꦺꦴꦤꦺꦴ​꧉​ꦙꦆꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺꦏꦺꦴꦁꦏꦺꦴꦤ꧀ꦠꦼꦏ​ꦤꦁꦲꦺꦴꦩꦃꦲꦺ​꧉​ ⁴²ꦙꦆꦫꦸꦱ꧀​ꦤ꧀ꦢꦸꦮꦺꦲꦤꦏ꧀ꦤꦩꦸꦁ​ꦱꦶꦗꦶ​꧈​ꦲꦤꦏ꧀ꦮꦺꦢꦺꦴꦏ꧀ꦱꦶꦁ​ꦲꦸꦩꦸꦂꦫꦺ​ꦫꦺꦴꦭꦱ꧀ꦠꦲꦸꦤ꧀꧈​ꦧꦺꦴꦕꦃꦲꦺ​ꦭꦫ​ꦤꦼꦩꦼꦤ꧀ ꦮꦶꦱ꧀ꦲꦉꦥ꧀ꦩꦠꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦲꦺꦴꦩꦃꦲꦺ​ꦙꦆꦫꦸꦱ꧀꧈​ꦤꦁꦢꦭꦤ꧀ꦮꦺꦴꦁꦮꦺꦴꦁ​ꦥꦢ​ꦢꦼꦱꦼꦏ꧀ꦢꦼꦱꦼꦏ꧀ꦏꦤ꧀ꦲꦉꦥ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁴³ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦫꦺꦴꦭꦱ꧀ꦠꦲꦸꦤ꧀ꦱꦸꦮꦺꦤꦺ​ꦭꦫ​ꦔꦼꦠꦺꦴꦏ꧀ꦏꦏꦺꦒꦼꦠꦶꦃ​꧉​ꦧꦤ꧀ꦢꦤꦺ​ꦮꦶꦱ꧀ꦲꦼꦤ꧀ꦠꦺꦏ꧀ꦏꦁꦒꦺꦴ​ꦲꦩ꧀ꦧꦪꦂ​ꦢꦺꦴꦏ꧀ꦠꦼꦂ​꧈​ꦤꦁꦔꦶꦁ​ꦢꦸꦫꦸꦁ​ꦧꦶꦱ​ꦩꦫꦶ​꧉​ ⁴⁴ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦧꦶꦱ​ꦚꦼꦢꦼꦏ꧀ꦏꦶꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦲꦩ꧀ꦧꦸꦫꦶ​꧈​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦒꦺꦴꦩ꧀ꦧꦾꦺꦴꦏ꧀ꦏꦺꦱꦭꦶꦤ꧀ꦤꦺ꧉​ꦱꦏ꧀ꦮꦠ꧀ꦒꦼꦠꦶꦃꦲꦺ​ꦩꦩ꧀ꦥꦼꦠ꧀꧈​ ⁴⁵ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦲꦏꦸ​?” ꧋ꦗꦭꦂꦫꦤ꧀ꦲꦺꦴꦫ​ꦲꦺꦤꦺꦁꦱꦶꦁ​ꦔꦏꦸ​꧈​ꦩꦸꦭꦤꦺ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦮꦺꦴꦁ​ꦱꦶꦁ​ꦔꦼꦱꦸꦏ꧀ꦲꦼꦱꦸꦏ꧀ꦏꦺꦴꦮꦺ​ꦲꦺꦴꦏꦺꦃꦲꦺꦏꦪ​ꦔꦺꦤꦺ​ꦲꦶꦏꦶ​꧈​ꦭꦃ​ꦏꦺꦴꦏ꧀ꦏꦺꦴꦮꦺ​ꦠꦏꦺꦴꦤ꧀ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦏꦺꦴꦮꦺ​?” ⁴⁶꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦼꦩꦺꦏ꧀ꦲꦏꦸ​꧉​ꦲꦏꦸ​ꦏꦿꦱ​꧈​ꦲꦮꦶꦠ꧀ꦲꦺꦤꦺꦁꦏꦼꦏꦸꦮꦠ꧀ꦠꦤ꧀ꦩꦼꦠꦸ​ꦱꦁꦏꦲꦮꦏ꧀ꦏꦸ​꧉​” ⁴⁷ꦏꦢꦸꦁ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦔꦼꦂꦠꦶ​ꦤꦺꦏ꧀ꦏꦺꦴꦤꦁꦔꦤ꧀ ꦮꦺꦴꦁꦔꦺ​ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦏꦼꦤꦺꦁꦲꦥ​ꦢꦺꦏ꧀ꦤꦺꦏꦺꦴꦏ꧀​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦧꦶꦱ​ꦩꦫꦶ​ꦱꦏ꧀ꦮꦠ꧀꧈​ ⁴⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦏꦺꦴꦮꦺ​ꦮꦸꦏ꧀ ꦥꦚ꧀ꦕꦺꦤ꧀ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦩꦫꦏ꧀ꦏꦏꦺꦏꦺꦴꦮꦺ​ꦩꦫꦶ​꧉​ꦏꦤ​ꦩ꧀ꦭꦏꦸ​ꦱꦶꦁ​ꦲꦥꦶꦏ꧀ꦲꦥꦶꦏ꧀꧈​” ⁴⁹꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦲꦶꦏꦸ​꧈​ꦏꦺꦴꦏ꧀ꦲꦺꦤꦺꦁꦮꦺꦴꦁ​ꦠꦼꦏ​ꦱꦁꦏꦲꦺꦴꦩꦃꦲꦺ​ꦙꦆꦫꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦥꦏ꧀ꦙꦆꦫꦸꦱ꧀ꦲꦺꦴꦫ​ꦲꦸꦱꦃꦔꦿꦸꦱꦸꦃꦲꦶꦒꦸꦫꦸꦤꦺ​ꦩꦼꦤꦺꦃ​꧈​ꦲꦮꦶꦠ꧀ꦲꦤꦏ꧀ꦏꦺ​ꦮꦶꦱ꧀ꦤꦶꦁꦒꦭ꧀!” ⁵⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦏꦧꦂꦫꦺ​ꦮꦺꦴꦁ​ꦩꦲꦸ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦙꦆꦫꦸꦱ꧀:“ꦙꦆꦫꦸꦱ꧀ ꦲꦗ​ꦧꦶꦔꦸꦁ​꧈​ꦔꦤ꧀ꦢꦼꦭ꧀ꦭ​ꦮꦲꦺ​꧈​ꦲꦤꦏ꧀ꦩꦸ​ꦧꦏꦭ꧀ꦩꦫꦶ​꧉​” ⁵¹꧋ꦠꦼꦏꦤ꧀ꦲꦺꦴꦩꦃꦲꦺ​ꦙꦆꦫꦸꦱ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦔ꧀ꦭꦶꦭꦤꦶ​ꦮꦺꦴꦁ​ꦭꦶꦪꦤꦺ​ꦩꦺꦭꦸ​ꦢꦺꦏ꧀ꦤꦺ꧉​ꦤꦩꦸꦁ​ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦭꦤ꧀ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦲꦺꦤ꧀ꦠꦸꦏ꧀ꦩꦺꦭꦸ​ꦩ꧀ꦊꦧꦸ​꧉​ ⁵²ꦮꦺꦴꦁꦮꦺꦴꦁ​ꦥꦢ​ꦱꦼꦢꦶꦭꦤ꧀ꦥꦢ​ꦤꦔꦶꦱ꧀ꦱꦶ​ꦧꦺꦴꦕꦃꦲꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦲꦗ​ꦥꦢ​ꦤꦔꦶꦱ꧀꧈​ꦧꦺꦴꦕꦃꦲꦺ​ꦲꦺꦴꦫ​ꦩꦠꦶ​꧈​ꦤꦩꦸꦁ​ꦠꦸꦫꦸ​!” ⁵³꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦪꦸ​꧈​ꦲꦮꦶꦠ꧀ꦔꦼꦂꦠꦶ​ꦤꦺꦏ꧀ꦧꦺꦴꦕꦃꦲꦺ​ꦮꦶꦱ꧀ꦩꦠꦶ​ꦠꦼꦤꦤ꧀꧈​ ⁵⁴ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦧꦺꦴꦕꦃꦲꦺ​꧈​ꦠꦼꦫꦸꦱ꧀ꦢꦶꦕꦼꦭꦸꦏ꧀​:“ꦮꦸꦏ꧀ ꦠꦔꦶꦪ​!” ⁵⁵ꦧꦺꦴꦕꦃꦲꦺ​ꦠꦼꦫꦸꦱ꧀ꦲꦸꦫꦶꦥ꧀ꦩꦼꦤꦺꦃ​꧈​ꦠꦼꦫꦸꦱ꧀ꦱꦏ꧀ꦮꦠ꧀ꦔꦢꦼꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦧꦺꦴꦕꦃꦲꦺ​꧉​ ⁵⁶ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦁꦔꦶꦁ​ꦔꦧꦂꦔꦧꦂꦫꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​

꧋ꦫꦱꦸꦭ꧀ꦫꦺꦴꦭꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀꧈​

꧇​꧙꧇​ ¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦸꦩ꧀ꦥꦸꦭ꧀ꦭꦏꦺꦫꦱꦸꦭ꧀ꦫꦺꦴꦭꦱ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦶꦏꦼꦏꦸꦮꦠ꧀ꦠꦤ꧀ꦭꦤ꧀ꦥꦔ꧀ꦮꦱ​꧈​ꦱꦸꦥꦪ​ꦧꦶꦱ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧉​ ²ꦥꦫ​ꦫꦱꦸꦭ꧀ꦩꦲꦸ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦔꦧꦂꦫꦏꦺꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦭꦫ​꧉​ ³ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦗ​ꦥꦢ​ꦱꦔꦸꦲꦥꦲꦥ​꧉​ꦲꦗ​ꦔ꧀ꦒꦮ​ꦠꦼꦏꦼꦤ꧀ꦲꦥ​ꦏꦤ꧀ꦠꦺꦴꦁꦔꦤ꧀ ꦥꦔꦤ꧀ꦲꦥ​ꦢꦸꦮꦶꦠ꧀ꦲꦥ​ꦱꦭꦶꦤ꧀ꦱꦺꦉꦥ꧀꧈​ ⁴ꦤꦺꦏ꧀ꦲꦺꦤꦺꦁꦮꦺꦴꦁ​ꦤꦩ꧀ꦥ​ꦏꦺꦴꦮꦺ​ꦤꦁꦲꦺꦴꦩꦃꦲꦺ​꧈​ꦩꦁꦒꦺꦴꦤ​ꦤꦁꦲꦺꦴꦩꦃ​ꦏꦸꦮꦶ​ꦠꦼꦏꦤꦺ​ꦏꦺꦴꦮꦺ​ꦭꦸꦔ​ꦱꦁꦏꦏꦸꦠꦏꦺꦴꦤꦺꦴ​꧉​ ⁵ꦤꦺꦏ꧀ꦏꦺꦴꦮꦺ​ꦠꦼꦏ​ꦤꦁꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦏꦺꦴꦮꦺ​꧈​ꦭꦸꦔꦲ​ꦮꦲꦺ​ꦱꦁꦏꦏꦸꦠꦏꦸꦮꦶ​꧉​ꦊꦩꦃꦲꦺ​ꦢꦶꦏꦼꦠꦺꦴꦏ꧀ꦏꦼꦠꦺꦴꦏ꧀ꦏꦏꦺꦱꦁꦏꦱꦶꦏꦶꦭ꧀ꦩꦸ​꧈​ꦱꦸꦥꦪ​ꦮꦺꦴꦁꦮꦺꦴꦁ​ꦤꦁꦏꦸꦠꦏꦺꦴꦤꦺꦴ​ꦔꦼꦂꦠꦶ​ꦢꦺꦮꦺ꧉​” ⁶꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦥꦢ​ꦧꦸꦢꦭ꧀ꦠꦸꦫꦸꦠ꧀ꦢꦺꦱꦢꦺꦱ​꧈​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧉​

꧋ꦫꦠꦸ​ꦲ꦳ꦺꦫꦺꦴꦢꦺꦱ꧀ꦧꦶꦔꦸꦁ​꧉​

⁷꧋ꦲ꦳ꦺꦫꦺꦴꦢꦺꦱ꧀ ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧈​ꦏꦿꦸꦔꦸ​ꦱꦏ꧀ꦏꦺꦃꦲꦺꦊꦭꦏꦺꦴꦤ꧀ꦏꦸꦮꦶ​꧈​ꦠꦼꦫꦸꦱ꧀ ꦧꦶꦔꦸꦁ​꧉​ꦲꦮꦶꦠ꧀ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦲꦸꦫꦶꦥ꧀ꦩꦼꦤꦺꦃ​꧉​ ⁸ꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦗꦫꦺꦤꦺ​ꦤꦧꦶ​ꦌꦭꦶꦪ​ꦠꦼꦏ​ꦩꦼꦤꦺꦃ​꧉​ꦲꦸꦒ​ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦤꦺꦏ꧀ꦱꦏ꧀ꦮꦶꦗꦶꦤꦺꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦲꦸꦫꦶꦥ꧀ꦩꦼꦤꦺꦃ​꧉​ ⁹ꦲ꦳ꦺꦫꦺꦴꦢꦺꦱ꧀ꦔꦺꦴꦩꦺꦴꦁ:“ꦭꦃ​ꦪꦺꦴꦲꦤꦼꦱ꧀ꦮꦶꦱ꧀ꦠꦏ꧀ꦏꦺꦠꦺꦴꦏ꧀ꦒꦸꦭꦸꦤꦺ​꧉​ꦭꦃ​ꦮꦺꦴꦁ​ꦲꦶꦏꦶ​ꦱꦥ​꧈​ꦏꦺꦴꦏ꧀ꦲꦏꦸ​ꦏꦿꦸꦔꦸ​ꦗꦫꦺꦤꦺ​ꦤꦶꦤ꧀ꦢꦏ꧀ꦏꦏꦺꦥꦽꦏꦫꦥꦽꦏꦫ​ꦏꦧꦺꦃ​ꦏꦸꦮꦶ​꧉”ꦩꦸꦭꦤꦺ​ꦲ꦳ꦺꦫꦺꦴꦢꦺꦱ꧀ꦪ​ꦏꦼꦥꦺꦔꦶꦤ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦭꦶꦩꦁ​ꦲꦺꦮꦸ​꧉​

¹⁰꧋ꦥꦫ​ꦫꦱꦸꦭ꧀ꦱꦲꦶꦏꦶ​ꦮꦶꦱ꧀ꦧꦭꦶꦏ꧀ꦩꦼꦤꦺꦃ​ꦭꦤ꧀ꦥꦢ​ꦔꦧꦂꦫꦏꦺꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦭꦏꦺꦴꦤ꧀ꦤꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦗꦺꦏ꧀ꦥꦫ​ꦫꦱꦸꦭ꧀ꦭꦺꦫꦺꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​ꦤꦁꦏꦸꦠꦧꦺꦠ꧀ꦱꦲꦶꦢ​꧈​ꦱꦸꦥꦪ​ꦧꦶꦱ​ꦏꦫꦺꦴ​ꦥꦫ​ꦫꦱꦸꦭ꧀ꦢꦺꦮꦺ꧉​ ¹¹ꦤꦁꦔꦶꦁ​ꦏꦢꦸꦁ​ꦮꦺꦴꦁꦮꦺꦴꦁ​ꦏꦿꦸꦔꦸ​꧈​ꦏꦧꦺꦃ​ꦠꦼꦫꦸꦱ꧀ꦥꦢ​ꦤꦸꦠꦸꦠ꧀ꦠꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦮꦺꦴꦁꦮꦺꦴꦁ​ꦩꦲꦸ​ꦭꦤ꧀ꦥꦢ​ꦢꦶꦥꦶꦠꦸꦠꦸꦂꦫꦶ​ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦶꦁ​ꦭꦫ​ꦥꦢ​ꦢꦶꦮꦫꦱ꧀ꦱꦏꦺ ¹²꧋ꦏꦢꦸꦁ​ꦮꦶꦱ꧀ꦱꦺꦴꦫꦺ​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦥ​ꦲꦺꦴꦫ​ꦲꦥꦶꦏ꧀ꦤꦺꦏ꧀ꦮꦺꦴꦁꦮꦺꦴꦁ​ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦭꦸꦔ​ꦮꦲꦺ​꧈​ꦱꦸꦥꦪ​ꦧꦶꦱ​ꦔ꧀ꦒꦺꦴꦭꦺꦏ꧀ꦥꦔꦤ꧀ꦭꦤ꧀ꦲꦶꦤꦼꦥ꧀ꦥꦤ꧀ꦢꦺꦮꦺꦢꦺꦮꦺꦤꦁꦢꦺꦱꦢꦺꦱ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦤꦺ​꧈​ꦲꦮꦶꦠ꧀ꦤꦁꦥꦁꦒꦺꦴꦤ꧀ꦤꦤ꧀ꦏꦺꦤꦺ​ꦲꦺꦴꦫ​ꦲꦺꦤꦺꦁꦲꦥꦲꦥ​꧉​” ¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦺꦴꦫ​꧈​ꦏꦺꦴꦮꦺ​ꦱꦶꦁ​ꦏꦸꦢꦸ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁꦮꦺꦴꦁ​!”ꦥꦫ​ꦫꦱꦸꦭ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦏꦼꦥꦿꦶꦪꦺ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦤꦩꦸꦁ​ꦤ꧀ꦢꦸꦮꦺꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​꧉​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦤꦸꦏꦺꦴꦏ꧀ꦏꦏꦺꦥꦔꦤ꧀ꦏꦁꦒꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​?” ¹⁴ꦤꦁꦏꦺꦴꦤꦺꦴ​ꦮꦺꦴꦁ​ꦭꦩꦸꦂꦮꦲꦺ​ꦏꦶꦫꦏꦶꦫ​ꦲꦺꦤꦺꦁꦭꦶꦩꦁ​ꦲꦺꦮꦸ​ꦲꦺꦴꦏꦺꦃꦲꦺ꧉​ ꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦫꦱꦸꦭ꧀:“ꦏꦤ​ꦮꦺꦴꦁꦮꦺꦴꦁ​ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁ꧈​ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦮꦺꦴꦁ​ꦱꦺꦏꦼꦠ꧀!” ¹⁵꧋ꦥꦫ​ꦫꦱꦸꦭ꧀ꦤꦸꦫꦸꦠ꧀ꦠꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦮꦺꦴꦁ​ꦏꦧꦺꦃ​ꦥꦢ​ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁ꧉​ ¹⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​ꦩꦲꦸ​꧉​ꦱꦏ꧀ꦮꦶꦱ꧀ꦱꦺ​ꦚꦮꦁ​ꦤ꧀ꦢꦸꦮꦸꦂ꧈​ꦫꦺꦴꦠꦶ​ꦭꦤ꧀ꦲꦶꦮꦏ꧀ꦏꦺ​ꦠꦼꦫꦸꦱ꧀ꦢꦶꦧꦼꦂꦏꦃꦲꦶ​꧈​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦢꦶꦏꦺꦏ꧀ꦏꦏꦺꦩꦫꦁ​ꦥꦫ​ꦫꦱꦸꦭ꧀ ꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦩꦫꦁ​ꦮꦺꦴꦁ​ꦏꦧꦺꦃ​꧉​ ¹⁷ꦏꦧꦺꦃ​ꦠꦼꦫꦸꦱ꧀ꦥꦢ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ꦠꦸꦫꦃꦲꦤꦺ​ꦠꦼꦫꦸꦱ꧀ꦢꦶꦭꦸꦩ꧀ꦥꦸꦏ꧀ꦏꦏꦺꦏꦫꦺꦴ​ꦥꦫ​ꦫꦱꦸꦭ꧀ ꦲꦺꦤꦺꦁꦫꦺꦴꦭꦱ꧀ꦠꦺꦁꦒꦺꦴꦏ꧀ꦏꦼꦧꦼꦏ꧀꧈​

꧋ꦥꦼꦔꦏꦺꦴꦤ꧀ꦤꦺ​ꦫꦱꦸꦭ꧀ꦦꦺꦠꦿꦸꦱ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

¹⁸꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀​ꦤ꧀ꦢꦼꦢꦺꦴꦔ​ꦢꦺꦮꦺ꧉​ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦔꦺꦤꦺ​:“ꦮꦺꦴꦁꦮꦺꦴꦁ​ꦔꦫꦤ꧀ꦤꦶ​ꦲꦏꦸ​ꦲꦶꦏꦶ​ꦱꦥ​?” ¹⁹꧋ꦥꦫ​ꦩꦸꦫꦶꦢ꧀ꦠꦼꦫꦸꦱ꧀ꦥꦢ​ꦱꦼꦩꦲꦸꦂ​:“ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦏꦸꦮꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦭꦶꦪꦤꦺ​ꦔꦺꦴꦩꦺꦴꦁꦗꦫꦺꦤꦺ​ꦒꦸꦱ꧀ꦠꦶ​ꦏꦸꦮꦶ​ꦤꦧꦶ​ꦌꦭꦶꦪ​꧉​ꦭꦃ​ꦭꦶꦪꦤꦺ​ꦩꦼꦤꦺꦃ​ꦔꦫꦤ꧀ꦤꦶ​ꦒꦸꦱ꧀ꦠꦶ​ꦏꦸꦮꦶ​ꦱꦏ꧀ꦮꦶꦗꦶꦤꦺꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦱꦶꦁ​ꦱꦲꦶꦏꦶ​ꦲꦸꦫꦶꦥ꧀ꦩꦼꦤꦺꦃ​꧉​” ²⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦼꦤꦺꦃ​:“ꦭꦃ​ꦩꦶꦠꦸꦫꦸꦠ꧀ꦥꦶꦤꦼꦩꦸꦩꦸꦢꦺꦮꦺ꧈​ꦲꦏꦸ​ꦲꦶꦏꦶ​ꦱꦥ​?” ꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦏꦺꦴꦮꦺ​ꦏꦿꦶꦱ꧀ꦡꦸꦱ꧀ ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦠꦼꦏ​ꦤꦁꦗꦒꦠ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦱꦼꦥꦶꦱꦤ꧀ꦤꦤ꧀ꦧꦧ꧀ꦏꦱꦁꦱꦫꦤꦺ​ꦭꦤ꧀ꦥꦠꦶꦤꦺ​꧉​

²¹꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦢꦶꦮꦤ꧀ꦠꦶꦮꦤ꧀ꦠꦶ​꧈​ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦏꦸꦮꦶ​ꦩꦲꦸ​ꦩꦫꦁ​ꦮꦺꦴꦁ​ꦭꦶꦪ​꧉​ ²²ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦭꦤ꧀ꦧꦏꦭ꧀ꦢꦶꦠꦩ꧀ꦥꦶꦏ꧀ꦏꦫꦺꦴ​ꦥꦫ​ꦥꦶꦤꦶꦠꦸꦮ​꧈​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀꧈​ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧉​”

꧋ꦲꦥ​ꦠꦼꦒꦼꦱ꧀ꦱꦺ​ꦤꦸꦫꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

²³꧋ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦏꦧꦺꦃ​:“ꦱꦧꦼꦤ꧀ꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦩꦸꦫꦶꦢ꧀ꦏꦸ​ꦏꦸꦢꦸ​ꦚꦶꦁꦏꦶꦂꦫꦏꦺꦲꦮꦏ꧀ꦏꦺ​ꦢꦺꦮꦺ꧈​ꦱꦧꦼꦤ꧀ꦢꦶꦤ​ꦏꦸꦢꦸ​ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦭꦤ꧀ꦔꦼꦠꦸꦠ꧀ꦠꦏꦺꦲꦏꦸ​꧉​ ²⁴ꦲꦮꦶꦠ꧀ꦱꦥ​ꦱꦶꦁ​ꦤꦩꦸꦁ​ꦔꦸꦢꦶ​ꦔ꧀ꦒꦺꦴꦭꦺꦏ꧀ꦏꦼꦥꦺꦤꦏ꧀ꦏꦺ​ꦲꦸꦫꦶꦥ꧀ꦥꦺ꧈​ꦏꦸꦮꦶ​ꦧꦏꦭ꧀ꦏꦺꦭꦁꦔꦤ꧀ꦲꦸꦫꦶꦥ꧀ꦱꦶꦁ​ꦱꦼꦗꦠꦶ​꧉​ꦤꦁꦔꦶꦁ​ꦱꦥ​ꦱꦶꦁ​ꦔꦸꦂꦧꦤ꧀ꦤꦏꦺꦲꦸꦫꦶꦥ꧀ꦥꦺꦏꦁꦒꦺꦴ​ ꦲꦏꦸ​꧈​ꦏꦸꦮꦶ​ꦱꦶꦁ​ꦤꦼꦩꦸ​ꦲꦸꦫꦶꦥ꧀ꦱꦶꦁ​ꦱꦼꦗꦠꦶ​꧉​ ²⁵ꦲꦮꦶꦠ꧀ꦲꦥ​ꦒꦸꦤꦤꦺ​ꦮꦺꦴꦁ​ꦧꦶꦱ​ꦤ꧀ꦢꦸꦮꦺꦤ꧀ꦤꦶ​ꦢꦺꦴꦚ​ꦲꦶꦏꦶ​ꦏꦧꦺꦃ​꧈​ꦤꦁꦔꦶꦁ​ꦫꦸꦱꦏ꧀ꦲꦸꦫꦶꦥ꧀ꦥꦺꦭꦤ꧀ꦏꦺꦭꦁꦔꦤ꧀ꦚꦮꦤꦺ​? ²⁶ꦱꦥ​ꦱꦶꦁ​ꦲꦶꦱꦶꦤ꧀ꦔꦏꦸ​ꦤꦺꦏ꧀ꦢꦢꦶ​ꦩꦸꦫꦶꦢ꧀ꦏꦸ​ꦭꦤ꧀ꦲꦶꦱꦶꦤ꧀ꦔꦏꦺꦴꦤ꧀ꦤꦶ​ꦤꦺꦏ꧀ꦤꦸꦫꦸꦠ꧀ꦥꦶꦮꦸꦭꦁꦏꦸ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦲꦸꦒ​ꦧꦏꦭ꧀ꦲꦶꦱꦶꦤ꧀ꦔꦏꦺꦴꦤ꧀ꦤꦶ​ꦮꦺꦴꦁ​ꦏꦸꦮꦶ​꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦢꦺꦏ꧀ꦤꦺꦠꦼꦏ​ꦲꦶꦁ​ꦱ꧀ꦭꦺꦴꦫꦺꦴꦠ꧀ꦠꦺꦏ꧀ꦮꦱꦤꦺ​꧈​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦭꦤ꧀ꦥꦫ​ꦩꦸꦭꦺꦏꦠ꧀ꦱꦸꦕꦶ​꧉​ ²⁷ꦥꦢ​ꦫꦸꦔꦺꦴꦏ꧀ꦤ​ꦠꦼꦩ꧀ꦧꦸꦁꦏꦸ​ꦲꦶꦏꦶ​:ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦧꦏꦭ꧀ꦲꦺꦤꦺꦁꦱꦶꦁ​ꦲꦺꦴꦫ​ꦩꦠꦶ​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦸꦤꦸꦁ​ꦏꦫꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​

²⁸꧋ꦏꦶꦫꦏꦶꦫ​ꦱꦼꦩꦶꦁꦒꦸ​ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦥꦽꦏꦫꦥꦽꦏꦫ​ꦏꦸꦮꦶ​ꦩꦲꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦼꦗꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦢꦶꦒꦮ​ꦩꦸꦁꦒꦃ​ꦤꦁꦒꦸꦤꦸꦁ​ꦲꦉꦥ꧀​ꦤ꧀ꦢꦼꦢꦺꦴꦔ​꧉​ ²⁹ꦢꦺꦴꦁꦔꦺꦲꦶꦗꦶꦏ꧀​ꦤ꧀ꦢꦼꦢꦺꦴꦔ​꧈​ꦫꦸꦥꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦶꦃ​ꦭꦤ꧀ꦱꦭꦶꦤ꧀ꦤꦺꦩꦭꦶꦃ​ꦥꦸꦠꦶꦃ​ꦱꦸꦩꦼꦧ꧀ꦭꦏ꧀꧈​ ³⁰ꦲꦸꦗꦸꦏ꧀ꦲꦸꦗꦸꦏ꧀ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦢꦺꦏ꧀ꦤꦺ꧈​ꦪꦏꦸꦮꦶ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​ꦏꦧꦺꦃ​ꦭꦺꦴꦫꦺꦴꦤꦺ​ꦠꦼꦏ​ꦔꦁꦒꦺꦴ​ꦱ꧀ꦭꦺꦴꦫꦺꦴꦠ꧀ꦠꦺꦱ꧀ꦮꦂꦒ​꧉​ ³¹ꦱꦶꦁ​ꦢꦶꦉꦩ꧀ꦧꦸꦏ꧀ꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦭꦤ꧀ꦥꦠꦶ​ꦤꦁꦏꦸꦠꦪꦺꦫꦸꦱꦭꦺꦩ꧀ ꦲꦺꦴꦫ​ꦱꦸꦮꦶꦩꦼꦤꦺꦃ​꧈​ꦱꦸꦥꦪ​ꦲꦥ​ꦱꦶꦁ​ꦮꦶꦱ꧀ꦢꦶꦫꦚ꧀ꦕꦩ꧀​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦶꦱ​ꦏ꧀ꦭꦏꦺꦴꦤ꧀ꦏꦧꦺꦃ​꧉​ ³²ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦏꦼꦠꦸꦫꦺꦴꦤ꧀꧈​ꦏꦢꦸꦁ​ꦠꦔꦶ​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦁ​ꦱ꧀ꦭꦺꦴꦫꦺꦴꦠ꧀ꦠꦺꦏ꧀ꦮꦱꦤꦺ​ꦭꦤ꧀ꦲꦸꦒ​ꦮꦼꦫꦸꦃ​ꦮꦺꦴꦁ​ꦭꦺꦴꦫꦺꦴ​ꦭꦶꦪꦤꦺ​ꦔꦢꦼꦏ꧀ꦏꦫꦺꦴ​ꦢꦺꦏ꧀ꦤꦺ꧉​ ³³ꦫꦱꦸꦭ꧀ꦦꦺꦠꦿꦸꦱ꧀ꦮꦼꦫꦸꦃ​ꦤꦺꦏ꧀ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦲꦉꦥ꧀ꦭꦸꦔ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦏꦺꦴꦏ꧀​ꦤ꧀ꦢꦶꦭꦭꦃꦠꦼꦩꦼꦤ꧀ꦲꦮꦏ꧀ꦏꦺ​ꦢꦺꦮꦺꦤꦁꦏꦺꦤꦺ​꧉​ꦲꦥꦶꦏ꧀ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦼꦢꦼꦏ꧀ꦏꦏꦺꦒꦸꦧꦸꦏ꧀ꦠꦼꦭꦸ​:ꦱꦶꦗꦶ​ꦏꦁꦒꦺꦴ​ꦒꦸꦱ꧀ꦠꦶ​꧈​ꦱꦶꦗꦶ​ꦏꦁꦒꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦱꦶꦗꦶ​ꦏꦁꦒꦺꦴ​ꦤꦧꦶ​ꦌꦭꦶꦪ​꧉”ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦗꦭꦂꦫꦤ꧀ꦢꦺꦏ꧀ꦤꦺꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦢꦶꦲꦺꦴꦩꦺꦴꦁ꧉​ ³⁴꧋ꦢꦺꦴꦁꦔꦺꦫꦱꦸꦭ꧀ꦦꦺꦠꦿꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦏꦸꦮꦶ​꧈​ꦠꦼꦫꦸꦱ꧀ꦲꦺꦤꦺꦁꦩꦺꦒ​ꦠꦼꦏ​ꦤꦸꦠꦸꦥ꧀ꦥꦶ​ꦮꦺꦴꦁꦮꦺꦴꦁ​ꦏꦸꦮꦶ​꧉​ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦥꦢ​ꦮꦼꦢꦶ​ꦧꦔꦼꦠ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦲꦶꦭꦁ​ꦤꦁꦩꦺꦒꦤꦺ​꧉​ ³⁵ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦱꦁꦏꦩꦺꦒ​ꦩꦲꦸ​ꦔꦺꦴꦩꦺꦴꦁꦔꦺꦤꦺ​:“ꦲꦶꦏꦶ​ꦲꦤꦏ꧀ꦏꦸ​ꦱꦶꦁ​ꦮꦶꦱ꧀ꦠꦏ꧀ꦥꦶꦭꦶꦃ​꧉​ꦥꦢ​ꦢꦶꦒꦸꦒꦸ​ꦠꦼꦩ꧀ꦧꦸꦁꦔꦺ​꧉​” ³⁶꧋ꦏꦢꦸꦁ​ꦱ꧀ꦮꦫ​ꦩꦲꦸ​ꦮꦶꦱ꧀ꦩꦼꦤꦼꦁ​꧈​ꦱꦶꦁ​ꦏꦺꦠꦺꦴꦏ꧀ꦤꦁꦏꦺꦴꦤꦺꦴ​ꦤꦩꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺ꧈​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦮꦶꦱ꧀ꦲꦺꦴꦫ​ꦲꦺꦤꦺꦁ꧉​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦲꦺꦴꦫ​ꦠꦲꦸ​ꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦲꦶꦏꦶ​ꦩꦫꦁ​ꦱꦥ​ꦮꦲꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦠꦺꦧꦺꦴꦕꦃ​ꦭꦫ​ꦲꦪꦤ꧀꧈​

³⁷꧋ꦲꦶꦁ​ꦲꦺꦱꦸꦏ꧀ꦏꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦫ​ꦩꦸꦫꦶꦢ꧀ꦢꦺ​ꦩꦼꦢꦸꦤ꧀ꦱꦁꦏꦒꦸꦤꦸꦁ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩꦫꦤꦶ​ꦢꦺꦏ꧀ꦤꦺ꧉​ ³⁸ꦤꦁꦱꦏ꧀ꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦲꦩ꧀ꦧꦼꦔꦺꦴꦏ꧀:“ꦒꦸꦫꦸ​꧈​ꦲꦏꦸ​ꦲꦩ꧀ꦧꦺꦴꦏ꧀ꦢꦶꦠꦸꦭꦸꦁꦔꦶ​!ꦲꦩ꧀ꦧꦺꦴꦏ꧀ꦲꦤꦏ꧀ꦏꦸ​ꦢꦶꦢꦼꦭꦺꦴꦏ꧀ꦲꦶꦏꦶ​꧈​ꦲꦏꦸ​ꦤꦩꦸꦁ​ꦤ꧀ꦢꦸꦮꦺꦲꦤꦏ꧀ꦱꦶꦗꦶ​ꦲꦶꦏꦶ​꧉​ ³⁹ꦧꦺꦴꦕꦃꦲꦺ​ꦤꦺꦏ꧀ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦠꦼꦫꦸꦱ꧀ꦲꦸꦗꦸꦏ꧀ꦲꦸꦗꦸꦏ꧀​ꦚ꧀ꦗꦼꦫꦶꦠ꧀​ꦚ꧀ꦗꦼꦫꦶꦠ꧀ ꦲꦮꦏ꧀ꦏꦺ​ꦠꦼꦫꦸꦱ꧀ꦏꦏꦸ​ꦭꦤ꧀ꦔꦼꦕꦼꦕꦼꦁꦔꦼꦕꦼꦕꦼꦁ​ꦭꦤ꧀ꦕꦁꦏꦼꦩ꧀ꦩꦺ​ꦩꦼꦠꦸ​ꦲꦸꦩ꧀ꦥ꧀ꦭꦸꦏ꧀ꦏꦺ꧉​ꦢꦼꦩꦶꦠ꧀ꦠꦺ​ꦗꦤ꧀ꦩꦶꦭꦫ​ꦧꦺꦴꦕꦃꦲꦺ​ꦠꦼꦤꦤ꧀ ꦠꦤ꧀ꦥ​ꦭꦺꦫꦺꦤ꧀ꦭꦤ꧀ꦲꦺꦴꦫ​ꦒꦼꦊꦩ꧀ꦔꦼꦕꦸꦭ꧀ꦭꦏꦺ​꧉​ ⁴⁰ꦲꦏꦸ​ꦮꦶꦱ꧀​ꦚ꧀ꦗꦭꦸꦏ꧀ꦠꦸꦭꦸꦁ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦸ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦠꦺ꧉​” ⁴¹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦏ꧀ꦏꦼꦧꦕꦸꦠ꧀ꦠꦼꦤꦤ꧀ꦲꦼꦁꦒꦺꦴꦤ꧀ꦩꦸ​ꦲꦺꦴꦫ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦼꦥꦶꦫ​ꦩꦼꦤꦺꦃ​ꦱꦸꦮꦺꦤꦺ​ꦲꦼꦁꦒꦺꦴꦤ꧀ꦏꦸ​ꦏꦸꦢꦸ​ꦕꦩ꧀ꦥꦸꦂ​ꦭꦤ꧀ꦚꦧꦂꦫꦶ​ꦏꦺꦴꦮꦺ​?ꦧꦺꦴꦕꦃꦲꦺ​ꦒꦮꦤꦼꦤ꧀​ꦩ꧀ꦧꦿꦺꦤꦺ!” ⁴²꧋ꦢꦺꦴꦁꦔꦺꦲꦶꦗꦶꦏ꧀​ꦩ꧀ꦭꦏꦸ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦧꦤ꧀ꦠꦶꦁ​ꦏꦫꦺꦴ​ꦢꦼꦩꦶꦠ꧀ꦠꦺꦭꦤ꧀ꦲꦮꦏ꧀ꦏꦺ​ꦠꦼꦫꦸꦱ꧀ꦔꦼꦕꦼꦕꦼꦁꦔꦼꦕꦼꦕꦼꦁ​꧉​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦤ꧀ꦠꦏ꧀ꦢꦼꦩꦶꦠ꧀ꦠꦺ꧉​ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦮꦫꦱ꧀ꦱꦏꦺ꧈​ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦧꦥꦏ꧀ꦏꦺ꧉​ ⁴³ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦮꦼꦫꦸꦃ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦱꦼꦩꦺꦴꦤꦺꦴ​ꦒꦼꦢꦺꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦱꦼꦥꦶꦱ꧀ꦱꦤ꧀ꦩꦼꦤꦺꦃ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀꧈​

ꦮꦺꦴꦁꦮꦺꦴꦁ​ꦢꦸꦫꦸꦁ​ꦩꦫꦶ​ꦔ꧀ꦒꦸꦩꦸꦤ꧀ꦤꦺꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦩꦲꦸ​꧉​ ⁴⁴ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦢꦺ​:“ꦥꦢ​ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦠꦼꦩ꧀ꦧꦸꦁꦏꦸ​ꦲꦶꦏꦶ​꧉​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ꦥꦔ꧀ꦮꦱꦤꦺ​ꦩꦤꦸꦁꦱ​꧉​” ⁴⁵ꦤꦁꦔꦶꦁ​ꦥꦫ​ꦩꦸꦫꦶꦢ꧀ꦲꦺꦴꦫ​ꦥꦢ​ꦢꦸꦤꦸꦁꦲꦥ​ꦠꦼꦒꦼꦱ꧀ꦱꦺ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​꧉​ꦥꦽꦏꦫ​ꦏꦸꦮꦶ​ꦥꦚ꧀ꦕꦺꦤ꧀ꦥꦼꦠꦼꦁ​ꦏꦁꦒꦺꦴ​ꦥꦫ​ꦩꦸꦫꦶꦢ꧀ ꦢꦢꦶꦤꦺ​ꦲꦺꦴꦫ​ꦔꦼꦂꦠꦶ​ꦲꦥ​ꦠꦼꦒꦼꦱ꧀ꦱꦺ​꧉​ꦤꦁꦔꦶꦁ​ꦲꦺꦴꦫ​ꦥꦢ​ꦮꦤꦶ​ꦠꦏꦺꦴꦤ꧀ꦲꦥꦲꦥ​꧉​

꧋ꦱꦥ​ꦠ​ꦱꦶꦁ​ꦒꦼꦢꦺꦢꦺꦮꦺ?꧉​

⁴⁶꧋ꦲꦶꦁ​ꦱꦏ꧀ꦠꦼꦔꦃꦲꦺ​ꦥꦫ​ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦤꦺꦁꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦧꦧ꧀ꦱꦥ​ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺ꧉​ ⁴⁷ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦩꦸꦭꦤꦺ​ꦠꦼꦫꦸꦱ꧀ꦚꦼꦭꦸꦏ꧀ꦧꦺꦴꦕꦃ​ꦕꦶꦭꦶꦏ꧀ꦱꦶꦗꦶ​꧈​ꦢꦶꦏꦺꦴꦁꦏꦺꦴꦤ꧀ꦔꦢꦼꦏ꧀ꦤꦁꦗꦺꦗꦺꦂꦫꦺ​꧉​ ⁴⁸ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦔꦺꦤꦺ​:“ꦱꦥ​ꦱꦶꦁ​ꦤꦩ꧀ꦥ​ꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​ꦲꦶꦁ​ꦗꦼꦤꦼꦁꦏꦸ​꧈​ꦮꦺꦴꦁ​ꦏꦸꦮꦶ​ꦤꦩ꧀ꦥ​ꦲꦏꦸ​꧉​ꦭꦃ​ꦮꦺꦴꦁ​ꦱꦶꦁ​ꦤꦩ꧀ꦥ​ꦲꦏꦸ​ꦏꦸꦮꦶ​ꦲꦸꦒ​ꦤꦩ꧀ꦥ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔꦺꦴꦁꦏꦺꦴꦤ꧀ꦲꦏꦸ​꧉​ꦲꦮꦶꦠ꧀ꦱꦶꦁ​ꦕꦶꦭꦶꦏ꧀ꦢꦺꦮꦺꦤꦁꦠꦼꦔꦃꦩꦸ​ꦏꦧꦺꦃ​꧈​ꦪꦏꦸꦮꦶ​ꦱꦶꦁ​ꦒꦼꦢꦺꦢꦺꦮꦺ꧉​”

꧋ꦱꦥ​ꦱꦶꦁ​ꦲꦺꦴꦫ​ꦔ꧀ꦭꦮꦤ꧀ ꦪꦏꦸꦮꦶ​ꦱꦶꦁ​ꦔꦿꦸꦗꦸꦏ꧀ꦏꦶ​꧉​

⁴⁹꧋ꦫꦱꦸꦭ꧀ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦲꦺꦤꦺꦁꦮꦺꦴꦁ​ꦤꦸꦤ꧀ꦢꦸꦁꦢꦼꦩꦶꦠ꧀ꦔꦁꦒꦺꦴ​ꦗꦼꦤꦼꦁꦩꦸ​꧉​ꦲꦮꦏ꧀ꦏꦺ​ꦢꦺꦮꦺꦩꦼꦁꦔꦶꦁ​ꦮꦺꦴꦁꦔꦺ​꧈​ꦲꦮꦶꦠ꧀ꦮꦺꦴꦁꦔꦺ​ꦲꦺꦴꦫ​ꦩꦺꦭꦸ​ꦲꦮꦏ꧀ꦏꦺ​ꦢꦺꦮꦺ꧉​” ⁵⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁꦔꦺ​ꦲꦗ​ꦢꦶꦲꦭꦁꦔꦭꦁꦔꦶ꧉​ꦲꦮꦶꦠ꧀ꦮꦺꦴꦁ​ꦱꦶꦁ​ꦲꦺꦴꦫ​ꦔ꧀ꦭꦮꦤ꧀ꦏꦺꦴꦮꦺ​꧈​ꦏꦸꦮꦶ​ꦔꦿꦸꦗꦸꦏ꧀ꦏꦶ​ꦏꦺꦴꦮꦺ​!”

꧋ꦱꦏ꧀ꦮꦶꦗꦶꦤꦺꦢꦺꦱ​ꦤꦁꦧꦮꦃꦱꦩꦫꦶꦪ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁵¹꧋ꦢꦶꦤꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦚ꧀ꦗꦶꦏꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦱ꧀ꦮꦂꦒ​ꦮꦶꦱ꧀ꦕꦼꦢꦼꦏ꧀​꧉​ ⁵²ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦚ꧀ꦕꦺꦤ꧀ꦮꦶꦱ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦲꦉꦥ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦩꦸꦭꦤꦺ​ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦮꦺꦴꦁ​ꦧꦸꦢꦭ꧀​ꦤ꧀ꦢꦶꦱꦶꦏ꧀꧈​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦢꦺꦱ​ꦤꦁꦧꦮꦃꦱꦩꦫꦶꦪ​꧈​ꦲꦉꦥ꧀​ꦔ꧀ꦒꦺꦴꦭꦺꦏ꧀ꦲꦶꦤꦼꦥ꧀ꦥꦤ꧀꧈​ ⁵³ꦤꦁꦔꦶꦁ​ꦮꦺꦴꦁꦮꦺꦴꦁ​ꦤꦁꦢꦺꦱ​ꦏꦺꦴꦤꦺꦴ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦔꦼꦂꦠꦶ​ꦤꦺꦏ꧀ꦱꦶꦁ​ꦢꦶꦠꦸꦗꦸ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦠꦪꦺꦫꦸꦱꦭꦺꦩ꧀꧈​ ⁵⁴ꦏꦢꦸꦁ​ꦩꦸꦫꦶꦢ꧀ꦭꦺꦴꦫꦺꦴ​꧈​ꦪꦏꦸꦮꦶ​ꦫꦱꦸꦭ꧀ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦮꦼꦫꦸꦃ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦼꦭꦶꦭ꧀ꦭꦤ꧀ꦩꦸꦗꦺꦏ꧀ꦏꦏꦺꦮꦺꦴꦁꦮꦺꦴꦁ​ꦢꦶꦱꦩ꧀ꦧꦼꦂ​ꦧ꧀ꦊꦢꦺꦏ꧀ꦮꦲꦺ​꧈​ꦱꦸꦥꦪ​ꦩꦠꦶ​ꦏꦧꦺꦃ​!” ⁵⁵ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦔꦼꦂ​ꦩꦤ꧀ꦢꦼꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦢꦶꦱꦼꦤꦺꦤ꧀ꦤꦶ꧉​ ⁵⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦧꦸꦢꦭ꧀ꦤꦁꦢꦺꦱ​ꦭꦶꦪꦤꦺ​꧉​

꧋ꦲꦥ​ꦠꦼꦒꦼꦱ꧀ꦱꦺ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

⁵⁷꧋ꦱꦏ꧀ꦧꦉꦁꦔꦺꦩ꧀ꦭꦏꦸ​ꦲꦉꦥ꧀ꦤꦁꦢꦺꦱ​ꦭꦶꦪꦤꦺ​ꦩꦲꦸ​꧈​ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦏꦸ​ꦲꦉꦥ꧀ꦩꦺꦭꦸ​ꦏꦺꦴꦮꦺ​ꦤꦁꦲꦼꦤ꧀ꦢꦶ​ꦮꦲꦺ​!” ⁵⁸꧋ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦱꦸ​ꦲꦭꦱ꧀ꦱꦤ꧀​ꦤ꧀ꦢꦸꦮꦺꦫꦺꦴꦁ​ꦭꦤ꧀ꦩꦤꦸꦏ꧀​ꦤ꧀ꦢꦸꦮꦺꦱꦸꦱꦸꦏ꧀ ꦤꦁꦔꦶꦁ​ꦲꦤꦏ꧀ꦏꦺ​ꦩꦤꦸꦁꦱ​ꦲꦺꦴꦫ​ꦤ꧀ꦢꦸꦮꦺꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦚꦺꦭꦺꦃꦲꦏꦺꦱꦶꦫꦃꦲꦺ​꧉​” ⁵⁹꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦶꦪꦤꦺ​:“ꦲ꦳ꦪꦸꦏ꧀ꦩꦺꦭꦸꦮ​ꦲꦏꦸ​!”ꦤꦁꦔꦶꦁ​ꦮꦺꦴꦁꦔꦺ​ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦲꦏꦸ​ꦢꦶꦭꦶꦭꦤꦶ​ꦔꦸꦧꦸꦂ​ꦧꦥꦏ꧀ꦏꦸ​ꦤ꧀ꦢꦶꦱꦶꦏ꧀!” ⁶⁰꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦧꦺꦤ꧀ꦮꦺꦴꦁ​ꦩꦠꦶ​ꦔꦸꦧꦸꦂ​ꦱꦶꦁ​ꦩꦠꦶ​꧈​ꦤꦁꦔꦶꦁ​ꦏꦺꦴꦮꦺ​ꦏꦤ​ꦧꦸꦢꦭ꧀ꦔꦧꦂꦫꦏꦺꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ⁶¹꧋ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦏꦸ​ꦒꦼꦊꦩ꧀ꦩꦺꦭꦸ​ꦏꦺꦴꦮꦺ​꧈​ꦤꦁꦔꦶꦁ​ꦲꦏꦸ​ꦠꦏ꧀ꦥꦩꦶꦠ꧀ꦠꦤ꧀ꦩꦫꦁ​ꦧꦿꦪꦠ꧀ꦏꦸ​ꦤ꧀ꦢꦶꦱꦶꦏ꧀!” ⁶²꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁ​ꦱꦶꦁ​ꦔꦼꦥ꧀ꦭꦸꦏ꧀ꦱꦮꦃꦲꦺ​꧈​ꦤꦁꦔꦶꦁ​ꦤꦺꦴꦭꦺꦃ​ꦲꦩ꧀ꦧꦸꦫꦶ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦥꦤ꧀ꦠꦼꦱ꧀ꦚꦩ꧀ꦧꦸꦠ꧀ꦠꦲꦶꦁ​ꦏꦿꦠꦺꦴꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦗꦶ​ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​꧉​

꧇​꧑꧐꧇​ ¹꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦗꦶ​ꦩꦸꦫꦶꦢ꧀ꦩꦼꦤꦺꦃ​꧈​ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦲꦺꦴꦏꦺꦃꦲꦺ꧉​ꦩꦸꦫꦶꦢ꧀ꦩꦸꦫꦶꦢ꧀ꦲꦶꦏꦶ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦧꦉꦁ​ꦭꦺꦴꦫꦺꦴꦭꦺꦴꦫꦺꦴ​꧈​ꦤ꧀ꦢꦶꦱꦶꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦔ꧀ꦊꦧꦺꦴꦤ꧀ꦤꦶꦱꦧꦼꦤ꧀ꦏꦸꦠꦭꦤ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦉꦥ꧀ꦢꦶꦠꦼꦏꦤꦶ​꧉​ ²ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦲꦶꦏꦶ​:“ꦱꦶꦁ​ꦏꦸꦢꦸ​ꦢꦶꦲꦼꦤꦺꦤ꧀ꦤꦶ​ꦥꦚ꧀ꦕꦺꦤ꧀ꦲꦺꦴꦏꦺꦃ꧈​ꦤꦁꦔꦶꦁ​ꦧꦲꦸꦤꦺ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​ꦩꦸꦭꦤꦺ​꧈​ꦥꦢ​ꦚꦸꦮꦸꦤ​ꦩꦫꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ ꦱꦸꦥꦪ​ꦔꦺꦴꦁꦏꦺꦴꦤ꧀ꦮꦺꦴꦁ​ꦲꦺꦴꦏꦺꦃ ꦏꦁꦒꦺꦴ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦥꦤꦺꦤ꧀ꦤꦤ꧀ꦤꦺ​꧉​ ³ꦏꦤ​ꦥꦢ​ꦧꦸꦢꦭ꧀ꦭꦭꦤ꧀ꦥꦢ​ꦔꦼꦂꦠꦶꦪ​:ꦲꦏꦸ​ꦔꦺꦴꦁꦏꦺꦴꦤ꧀ꦏꦺꦴꦮꦺ​ꦧꦸꦢꦭ꧀ꦏꦪ​ꦕꦼꦩ꧀ꦥꦺ​ꦤꦁꦠꦼꦔꦃꦲꦺ​ꦩꦕꦤ꧀ꦩꦕꦤ꧀​꧉​ ⁴ꦲꦗ​ꦥꦢ​ꦱꦔꦸꦢꦸꦮꦶꦠ꧀ꦲꦥ​ꦔ꧀ꦒꦮ​ꦏꦤ꧀ꦠꦺꦴꦁꦔꦤ꧀ꦲꦥ​ꦱꦼꦥꦠꦸ​꧉​ꦤꦺꦏ꧀ꦤꦁꦢꦭꦤ꧀ꦲꦗ​ꦩꦤ꧀ꦢꦼꦏ꧀​ꦩ꧀ꦧꦒꦺꦏ꧀ꦏꦏꦺꦮꦺꦴꦁ​꧉​ ⁵ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦲꦺꦴꦩꦃ​꧈​ꦩ꧀ꦧꦒꦺꦏ꧀ꦏꦏꦺꦔꦺꦤꦺ​:'ꦠꦼꦤ꧀ꦠꦽꦩ꧀​ꦱ꧀ꦭꦩꦼꦠ꧀​ꦩꦫꦁ​ꦲꦺꦴꦩꦃ​ꦲꦶꦏꦶ​꧉'​ ⁶ꦤꦺꦏ꧀ꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦲꦺꦴꦩꦃ​ꦏꦺꦴꦤꦺꦴ​ꦱꦼꦤꦼꦁ​ꦩꦫꦁ​ꦏꦠꦼꦤ꧀ꦠꦽꦩ꧀ꦩꦤ꧀ ꦥꦩꦸꦗꦶꦩꦸꦩꦫꦏ꧀ꦏꦏꦺꦮꦺꦴꦁꦮꦺꦴꦁ​ꦩꦲꦸ​ꦤꦩ꧀ꦥ​ꦏꦠꦼꦤ꧀ꦠꦽꦩ꧀ꦩꦤ꧀꧈​ꦤꦁꦔꦶꦁ​ꦤꦺꦏ꧀ꦮꦺꦴꦁꦮꦺꦴꦁ​ꦲꦺꦴꦫ​ꦱꦼꦤꦼꦁ​ꦩꦫꦁ​ꦏꦠꦼꦤ꧀ꦠꦽꦩ꧀ꦩꦤ꧀ ꦥꦩꦸꦗꦶꦩꦸꦧꦏꦭ꧀ꦧꦭꦶꦏ꧀ꦩꦼꦤꦺꦃ​ꦩꦫꦁ​ꦏꦺꦴꦮꦺ​꧉​ ⁷ꦤꦺꦏ꧀ꦏꦺꦴꦮꦺ​ꦢꦶꦠꦩ꧀ꦥ​ꦤꦁꦱꦏ꧀ꦮꦶꦗꦶꦤꦺꦲꦺꦴꦩꦃ​꧈​ꦩꦁꦒꦺꦴꦤ​ꦠꦼꦫꦸꦱ꧀ꦤꦁꦲꦺꦴꦩꦃ​ꦏꦺꦴꦤꦺꦴ​꧉​ꦥꦢ​ꦩꦁꦔꦤ​ꦭꦤ꧀ꦔꦺꦴꦩ꧀ꦧꦺꦪ​ꦲꦥ​ꦱꦶꦁ​ꦢꦶꦱꦸꦒꦸꦃꦲꦏꦺꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦮꦺꦴꦁ​ꦱꦶꦁ​ꦚꦩ꧀ꦧꦸꦠ꧀ꦠꦮꦶꦱ꧀ꦱꦏ꧀ꦩꦼꦱ꧀ꦠꦶꦤꦺꦤꦺꦏ꧀ꦤꦩ꧀ꦥ​ꦲꦸꦥꦃꦲꦺ꧉​ꦤꦁꦔꦶꦁ​ꦲꦗ​ꦔꦺꦴꦭꦃꦔꦭꦶꦃ​ꦲꦼꦁꦒꦺꦴꦤ꧀ꦩꦸ​ꦔꦶꦤꦼꦥ꧀꧈​ ⁸ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦏꦸꦠꦭꦤ꧀ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦤꦩ꧀ꦥ​ꦏꦺꦴꦮꦺ​ꦲꦥꦶꦏ꧀ ꦩꦁꦔꦤ​ꦲꦥ​ꦱꦶꦁ​ꦢꦶꦱꦸꦒꦸꦃꦲꦏꦺꦩꦫꦁ​ꦏꦺꦴꦮꦺ​꧉​ ⁹ꦮꦺꦴꦁ​ꦭꦫ​ꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦢꦶꦮꦫꦱ꧀ꦤꦭꦤ꧀ꦮꦺꦴꦁꦮꦺꦴꦁ​ꦥꦢ​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:'ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦁꦠꦼꦔꦃꦩꦸ​꧉'​ ^10-11ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦏꦸꦠ꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦤꦁꦏꦸꦠꦏꦺꦴꦤꦺꦴ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦏꦺꦴꦮꦺ​꧈​ꦩ꧀ꦭꦏꦸꦮ​ꦤꦁꦢꦭꦤ꧀ꦢꦭꦤ꧀ꦭꦤ꧀ꦔꦺꦴꦩꦺꦴꦁ:'ꦊꦩꦃꦲꦺ​ꦏꦸꦠꦲꦶꦏꦶ​꧈​ꦱꦶꦁ​ꦤꦺꦩ꧀ꦥꦺꦭ꧀ꦤꦁꦱꦶꦏꦶꦭ꧀ꦏꦸ​꧈​ꦠꦏ꧀ꦏꦼꦠꦺꦴꦏ꧀ꦏꦼꦠꦺꦴꦏ꧀ꦏꦏꦺꦤꦁꦔꦉꦥ꧀ꦩꦸ​꧈​ꦱꦸꦥꦪ​ꦏꦺꦴꦮꦺ​ꦥꦢ​ꦔꦼꦂꦠꦶ​ꦢꦺꦮꦺ꧉​ꦲꦗ​ꦭꦭꦶ​ꦤꦺꦏ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦏꦺꦴꦮꦺ​꧉'​ ¹²ꦥꦢ​ꦔꦼꦂꦠꦶꦪ​꧈​ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦱꦼꦠꦿꦥꦤ꧀ꦤꦺꦏꦸꦠꦱꦺꦴꦢꦺꦴꦩ꧀ꦲꦶꦗꦶꦏ꧀ꦲꦺꦤ꧀ꦠꦺꦁꦤꦺꦏ꧀ꦢꦶꦥꦢꦏ꧀ꦏꦏꦺꦏꦫꦺꦴ​ꦱꦼꦠꦿꦥꦤ꧀ꦤꦺꦏꦸꦠꦱꦶꦁ​ꦤꦩ꧀ꦥꦶꦏ꧀ꦏꦺꦴꦮꦺ​ꦏꦸꦮꦶ​꧉​”

꧋ꦏꦸꦠꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​꧉​

¹³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦕꦶꦭꦏ​ꦏꦺꦴꦮꦺ​꧈​ꦏꦸꦠꦑꦺꦴꦫꦱꦶꦩ꧀!ꦕꦶꦭꦏ​ꦲꦸꦒ​ꦏꦺꦴꦮꦺ​꧈​ꦏꦸꦠꦧꦺꦠ꧀ꦱꦲꦶꦢ​!ꦲꦮꦶꦠ꧀ꦱꦼꦩꦸꦁꦒꦺꦴꦤ꧀ꦤꦺꦤꦁꦏꦸꦠꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀ꦲꦺꦤꦺꦁꦩꦸꦗꦶꦗꦠ꧀ꦩꦸꦗꦶꦗꦠ꧀ꦏꦪ​ꦱꦶꦁ​ꦤꦁꦠꦼꦔꦃꦩꦸ​꧈​ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦩꦼꦱ꧀ꦠꦶꦮꦶꦱ꧀​ꦩ꧀ꦧꦶꦪꦺꦤ꧀​ꦩ꧀ꦧꦶꦪꦺꦤ꧀ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦭꦤ꧀ꦥꦢ​ꦔꦁꦒꦺꦴ​ꦱꦭꦶꦤ꧀ꦱꦏꦃꦭꦤ꧀ꦲꦸꦱꦥ꧀ꦥꦤ꧀ꦲꦮꦸ​ꦱꦶꦫꦃꦲꦺ​ꦏꦁꦒꦺꦴ​ꦠꦤ꧀ꦢꦏꦱꦸꦱꦃꦲꦤ꧀ꦤꦺ​꧉​ ¹⁴ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦏꦸꦠꦠꦶꦫꦸꦱ꧀ꦭꦤ꧀ꦱꦶꦢꦺꦴꦤ꧀ꦱꦼꦠꦿꦥꦤ꧀ꦤꦺꦭꦸꦮꦶꦃ​ꦲꦺꦤ꧀ꦠꦺꦁꦤꦺꦏ꧀ꦢꦶꦥꦢꦏ꧀ꦏꦏꦺꦏꦫꦺꦴ​ꦱꦼꦠꦿꦥꦤ꧀ꦩꦸ꧉​ ¹⁵ꦲꦸꦒ​ꦏꦺꦴꦮꦺ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦑꦥꦺꦂꦤꦏꦸꦩ꧀!ꦲꦥ​ꦏꦺꦴꦮꦺ​ꦧꦏꦭ꧀ꦢꦶꦗꦸꦚ꧀ꦗꦸꦁ​ꦩꦸꦁꦒꦃ​ꦱ꧀ꦮꦂꦒ​?ꦲꦺꦴꦫ​ꦧꦏꦭ꧀!ꦏꦺꦴꦮꦺ​ꦩꦭꦃ​ꦧꦏꦭ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦮꦺꦴꦁ​ꦩꦠꦶ​꧉​” ¹⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦥ​ꦱꦶꦁ​ꦩꦤꦸꦠ꧀ꦩꦫꦁ​ꦥꦶꦮꦸꦭꦁꦩꦸ​꧈​ꦏꦸꦮꦶ​ꦲꦸꦒ​ꦩꦤꦸꦠ꧀ꦩꦫꦁ​ꦲꦏꦸ​꧉​ꦱꦥ​ꦱꦶꦁ​ꦤꦩ꧀ꦥꦶꦏ꧀ꦏꦺꦴꦮꦺ​꧈​ꦏꦸꦮꦶ​ꦪ​ꦤꦩ꧀ꦥꦶꦏ꧀ꦲꦏꦸ​꧉​ꦭꦤ꧀ꦱꦥ​ꦱꦶꦁ​ꦤꦩ꧀ꦥꦶꦏ꧀ꦲꦏꦸ​꧈​ꦏꦸꦮꦶ​ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔꦺꦴꦁꦏꦺꦴꦤ꧀ꦲꦏꦸ​!”

꧋ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦮꦶꦱ꧀ꦧꦭꦶꦏ꧀꧈​

¹⁷꧋ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦩꦲꦸ​ꦥꦢ​ꦧꦭꦶꦏ꧀ꦏꦫꦺꦴ​ꦧꦸꦔꦃ​꧉​ꦥꦢ​ꦔꦺꦴꦩꦺꦴꦁꦔꦺꦤꦺ​:“ꦒꦸꦱ꧀ꦠꦶ​꧈​ꦒꦺꦏ꧀ꦢꦼꦩꦶꦠ꧀ꦢꦼꦩꦶꦠ꧀ꦮꦲꦺ​ꦥꦢ​ꦩꦤꦸꦠ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦚꦼꦭꦸꦏ꧀ꦗꦼꦤꦼꦁꦩꦸ​꧉​” ¹⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦏꦸ​ꦮꦼꦫꦸꦃ​ꦱꦺꦠꦤ꧀​ꦠꦶꦧ​ꦱꦁꦏꦭꦔꦶꦠ꧀ꦏꦪ​ꦏ꧀ꦭꦺꦭꦥ꧀ꦥꦺꦧ꧀ꦊꦢꦺꦏ꧀꧈​ ¹⁹ꦥꦢ​ꦢꦶꦲꦺꦭꦶꦁ​!ꦏꦺꦴꦮꦺ​ꦮꦶꦱ꧀ꦠꦏ꧀ꦏꦺꦏ꧀ꦏꦶꦥꦔ꧀ꦮꦱ​ꦔꦶꦢꦼꦏ꧀ꦲꦶꦢꦼꦏ꧀ꦲꦸꦭ​ꦭꦤ꧀ꦏꦭꦗꦼꦁꦏꦶꦁ​ꦭꦤ꧀ꦲꦸꦒ​ꦔꦭꦃꦲꦏꦺꦏꦼꦏꦸꦮꦠ꧀ꦠꦤ꧀ꦤꦺ​ꦩꦸꦁꦱꦸꦃ​꧉​ꦲꦺꦴꦫ​ꦲꦺꦤꦺꦁꦲꦥ​ꦮꦲꦺ​ꦱꦶꦁ​ꦧꦏꦭ꧀​ꦔ꧀ꦒꦮꦺ​ꦕꦶꦭꦏꦩꦸ​꧉​ ²⁰ꦤꦁꦔꦶꦁ​꧈​ꦏꦺꦴꦮꦺ​ꦲꦗ​ꦥꦢ​ꦧꦸꦔꦃ​ꦗꦭꦂꦫꦤ꧀ꦢꦼꦩꦶꦠ꧀ꦢꦼꦩꦶꦠ꧀ꦩꦤꦸꦠ꧀ꦩꦫꦁ​ꦏꦺꦴꦮꦺ​꧈​ꦭꦸꦮꦸꦁꦥꦢ​ꦧꦸꦔꦃꦲ​ꦤꦺꦏ꧀ꦗꦼꦤꦼꦁꦩꦸ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦱ꧀ꦮꦂꦒ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦔꦃ​ꦲꦠꦶꦤꦺ​꧉​

²¹꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦔꦃ​ꦠꦼꦤꦤ꧀ꦲꦶꦁ​ꦲꦠꦶꦤꦺ​꧈​ꦗꦭꦂꦫꦤ꧀ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ꦢꦺꦏ꧀ꦤꦺ​ꦠꦼꦫꦸꦱ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:“ꦧꦥꦏ꧀ꦏꦸ​꧈​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦭꦔꦶꦠ꧀ꦭꦤ꧀ꦧꦸꦩꦶ​꧈​ꦲꦏꦸ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦚꦶꦩ꧀ꦥꦼꦤ꧀ꦥꦽꦏꦫꦥꦽꦏꦫ​ꦲꦶꦏꦶ​ꦏꦁꦒꦺꦴ​ꦮꦺꦴꦁ​ꦥꦶꦤ꧀ꦠꦼꦂ​ꦭꦤ꧀ꦱꦶꦁ​ꦤ꧀ꦢꦸꦮꦺꦏꦮꦼꦫꦸꦃ꧈​ꦤꦁꦔꦶꦁ​ꦩ꧀ꦧꦺꦴꦏ꧀ꦈꦢꦂꦫꦏꦺꦏꦁꦒꦺꦴ​ꦮꦺꦴꦁ​ꦱꦶꦁ​ꦕꦶꦭꦶꦏ꧀꧈​ꦥꦚ꧀ꦕꦺꦤ꧀​꧈​ꦏꦧꦺꦃ​ꦲꦶꦏꦶ​ꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦤꦸꦠ꧀ꦏꦼꦏꦉꦥ꧀ꦥꦤ꧀ꦩꦸ​ꦭꦤ꧀ꦱꦼꦤꦼꦁꦩꦸ​ꦢꦺꦮꦺ꧉​ ²²꧋“ꦱꦼꦩ꧀ꦧꦫꦁ​ꦏꦧꦺꦃ​ꦮꦶꦱ꧀ꦢꦶꦥꦱꦿꦃꦲꦏꦺꦩꦫꦁ​ꦲꦏꦸ​ꦏꦫꦺꦴ​ꦧꦥꦏ꧀ꦏꦸ​꧉​ꦲꦺꦴꦫ​ꦲꦺꦤꦺꦁ ꦮꦺꦴꦁ​ꦱꦶꦁ​ꦔꦼꦂꦠꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦱꦥ​꧈​ꦤꦩꦸꦁ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦱꦶꦁ​ꦔꦼꦂꦠꦶ​ꦭꦤ꧀ꦲꦺꦴꦫ​ꦲꦺꦤꦺꦁꦮꦺꦴꦁ​ꦔꦼꦂꦠꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧈​ꦏꦼꦗꦧ​ꦲꦤꦏ꧀ꦏꦺ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦲꦤꦏ꧀ꦏꦺ​ꦱꦸꦥꦪ​ꦏꦼꦤꦭ꧀ꦩꦫꦁ​ꦧꦥꦏ꧀ꦏꦺ꧉​” ²³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ꧈​ꦤꦁꦔꦶꦁ​ꦤꦩꦸꦁ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀:“ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦱꦶꦁ​ꦧꦼꦗꦧꦔꦼꦠ꧀ ꦲꦮꦶꦠ꧀ꦏꦺꦴꦮꦺ​ꦮꦼꦫꦸꦃ​ꦥꦽꦏꦫꦥꦽꦏꦫ​ꦏꦸꦮꦶ​ꦏꦫꦺꦴ​ꦩꦿꦶꦥꦠ꧀ꦩꦸ​ꦢꦺꦮꦺ꧉​ ²⁴ꦲꦮꦶꦠ꧀ꦥꦢ​ꦔꦼꦂꦠꦶꦪ​:ꦲꦺꦴꦏꦺꦃꦤꦧꦶ​ꦭꦤ꧀ꦫꦠꦸ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦥꦽꦏꦫꦥꦽꦏꦫ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​ꦲꦸꦒ​ꦥꦢ​ꦏꦼꦥꦺꦔꦶꦤ꧀ꦏꦿꦸꦔꦸ​ꦱꦶꦁ​ꦲꦩ꧀ꦧꦺꦴꦏ꧀ꦫꦸꦔꦺꦴꦏ꧀ꦏꦏꦺ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​”

꧋ꦮꦺꦴꦁ​ꦱꦩꦫꦶꦪ​ꦱꦶꦁ​ꦤ꧀ꦢꦸꦮꦺꦩꦼꦭꦱ꧀꧈​

²⁵꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦔꦼꦤꦺꦁꦢꦺꦏ꧀ꦤꦺ꧉​ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦤꦺ​:“ꦒꦸꦫꦸ​꧈​ꦲꦏꦸ​ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​ꦧꦶꦱꦤꦺ​ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​?” ²⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦭꦃ​ꦤꦁꦮꦺꦠ꧀ꦠꦺꦏꦶꦠꦧ꧀​ꦏꦼꦠꦸꦭꦶꦱ꧀ꦏꦼꦥꦿꦶꦪꦺ​?ꦲꦥ​ꦱꦶꦁ​ꦩ꧀ꦧꦺꦴꦏ꧀ꦮꦕ​ꦤꦁꦏꦺꦴꦤꦺꦴ​?” ²⁷꧋ꦒꦸꦫꦸ​ꦏꦶꦠꦧ꧀ꦩꦲꦸ​ꦠꦼꦫꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦥꦢ​ꦠꦿꦺꦱ꧀ꦤꦲꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃꦩꦸꦱꦏ꧀ꦲꦠꦶꦩꦸ​꧈​ꦱꦏ꧀ꦚꦮꦩꦸ​꧈​ꦔꦁꦒꦺꦴ​ꦱꦏ꧀ꦲꦺꦤꦺꦁꦔꦺꦏꦼꦏꦸꦮꦠ꧀ꦠꦤ꧀ꦩꦸ​ꦭꦤ꧀ꦱꦏ꧀ꦲꦺꦤꦺꦁꦔꦺꦥꦶꦏꦶꦂꦫꦤ꧀ꦩꦸ​꧉​ꦲꦸꦒ​꧈​ꦠꦿꦺꦱ꧀ꦤꦲꦩꦫꦁ​ꦥꦼꦥꦢꦩꦸꦏꦪ​ꦲꦼꦁꦒꦺꦴꦤ꧀ꦩꦸ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦩꦸ​ꦢꦺꦮꦺ꧉​” ²⁸꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦲꦸꦂꦫꦤ꧀ꦤꦺ​ꦏꦸꦮꦶ​ꦥꦚ꧀ꦕꦺꦤ꧀ꦧꦼꦤꦼꦂ​꧉​ꦏꦸꦮꦶ​ꦏꦸꦢꦸ​ꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​ꦭꦤ꧀ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧉​” ²⁹꧋ꦤꦁꦔꦶꦁ​ꦒꦸꦫꦸ​ꦏꦶꦠꦧ꧀ꦩꦲꦸ​ꦲꦉꦥ꧀​ꦩ꧀ꦧꦼꦤꦼꦂꦫꦏꦺꦢꦺꦏ꧀ꦤꦺꦢꦺꦮꦺ꧈​ꦩꦸꦭꦤꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦱꦶꦁ​ꦢꦶꦲꦫꦤ꧀ꦤꦶ​ꦥꦼꦥꦢꦩꦸꦏꦸꦮꦶ​ꦱꦏ꧀ꦗꦤꦺꦱꦥ​ꦠ​?” ³⁰꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​ꦥꦶꦠꦏꦺꦴꦤ꧀ꦤꦤ꧀ꦏꦸꦮꦶ​ꦔꦺꦤꦺ​:“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦩꦼꦢꦸꦤ꧀ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦲꦉꦥ꧀ꦤꦁꦏꦸꦠꦪꦺꦫꦶꦏꦺꦴ꧉​ꦤꦁꦢꦭꦤ꧀ꦮꦺꦴꦁꦔꦺ​ꦢꦶꦫꦩ꧀ꦥꦺꦴꦏ꧀ꦩꦭꦶꦁ​ꦠꦼꦫꦸꦱ꧀ꦢꦶꦒꦼꦧꦸꦏ꧀ꦏꦶꦥꦶꦱꦤ꧀ꦱꦩ꧀ꦥꦺꦏ꧀ꦱꦼꦠꦼꦔꦃ​ꦩꦠꦶ​ꦠꦼꦫꦸꦱ꧀ꦢꦶꦠꦶꦁꦒꦭ꧀ꦤꦁꦢꦭꦤ꧀꧈​ ³¹ꦤ꧀ꦢꦶꦭꦭꦃꦲꦺꦲꦺꦤꦺꦁꦲꦶꦩꦩ꧀ꦭꦶꦮꦠ꧀ꦢꦭꦤ꧀ꦏꦺꦴꦤꦺꦴ​꧉​ꦤꦁꦔꦶꦁ​ꦏꦢꦸꦁ​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​꧈​ꦩꦭꦃ​ꦠꦼꦫꦸꦱ꧀​ꦩ꧀ꦭꦶꦥꦶꦂ​ꦚꦶꦩ꧀ꦥꦁꦔꦶꦮꦺꦴꦁꦔꦺ​꧉​ ³²ꦲꦸꦒ​ꦲꦺꦤꦺꦁꦮꦺꦴꦁ​ꦭꦺꦮ꦳ꦶꦭꦶꦮꦠ꧀ꦏꦺꦴꦤꦺꦴ​꧈​ꦤꦁꦔꦶꦁ​ꦲꦸꦒ​ꦢꦺꦏ꧀ꦤꦺꦚꦶꦩ꧀ꦥꦁꦔꦺꦮꦺꦴꦁꦔꦺ​꧉​ ³³ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦯꦩꦫꦶꦠꦤ꧀ꦱꦶꦁ​ꦊꦭꦸꦁꦔꦤ꧀ ꦭꦶꦮꦠ꧀ꦢꦭꦤ꧀ꦏꦺꦴꦤꦺꦴ​꧉​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​ꦠꦼꦫꦸꦱ꧀ꦩꦼꦭꦱ꧀ꦧꦔꦼꦠ꧀꧈​ ³⁴ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦥꦫꦤ꧀ꦤꦶ​꧈​ꦠꦠꦸꦤꦺ​ꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦲꦁꦒꦸꦂ​ꦭꦤ꧀ꦢꦶꦊꦔꦤ꧀ꦤꦶ​꧈​ꦠꦼꦫꦸꦱ꧀ꦢꦶꦥꦼꦂꦧꦤ꧀꧈​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦠꦸꦩ꧀ꦥꦏ꧀ꦏꦏꦺꦏꦶꦩꦂꦫꦺꦢꦺꦏ꧀ꦤꦺ꧈​ꦠꦼꦫꦸꦱ꧀ꦢꦶꦒꦮ​ꦤꦁꦲꦺꦴꦩꦃ​ꦥꦼꦔꦶꦤꦼꦥ꧀ꦥꦤ꧀ꦭꦤ꧀ꦢꦶꦫꦸꦩꦠ꧀ꦠꦶ​ꦤꦁꦏꦺꦴꦤꦺꦴ​꧉​ ³⁵ꦲꦶꦁ​ꦲꦺꦱꦸꦏ꧀ꦏꦺ​ꦮꦺꦴꦁ​ꦯꦩꦫꦶꦠꦤ꧀ꦩꦲꦸ​ꦔꦼꦏꦺꦏ꧀ꦏꦶꦢꦸꦮꦶꦠ꧀ꦩꦫꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​꧈​ꦕꦸꦏꦸꦥ꧀ꦏꦁꦒꦺꦴ​ꦔꦿꦸꦩꦠ꧀ꦠꦶ​ꦮꦺꦴꦁꦔꦺ​ꦱꦼꦢꦶꦤꦫꦺꦴꦁꦢꦶꦤ꧈​ꦏꦫꦺꦴ​ꦔꦺꦴꦩꦺꦴꦁ:'ꦮꦺꦴꦁ​ꦲꦶꦏꦶ​ꦢꦶꦫꦸꦩꦠ꧀ꦠꦏꦺꦱꦶꦁ​ꦲꦥꦶꦏ꧀꧈​ꦤꦺꦏ꧀ꦲꦏꦸ​ꦧꦭꦶꦏ꧀ꦲꦺꦴꦁꦏꦺꦴꦱ꧀ꦱꦺꦴꦁꦏꦺꦴꦱ꧀ꦭꦶꦪꦤꦺ​ꦧꦏꦭ꧀ꦠꦏ꧀ꦧꦪꦂ​ꦏꦧꦺꦃ​꧉​’” ³⁶꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​ꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀ꦔꦺꦤꦺ​ꦩꦫꦁ​ꦒꦸꦫꦸ​ꦏꦶꦠꦧ꧀ꦩꦲꦸ​:“ꦩꦶꦠꦸꦫꦸꦠ꧀ꦥꦶꦤꦼꦩꦸꦩꦸ꧈​ꦮꦺꦴꦁ​ꦠꦼꦭꦸ​ꦩꦲꦸ​꧈​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦢꦢꦶ​ꦥꦼꦥꦢꦤꦺꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​?” ³⁷꧋ꦒꦸꦫꦸ​ꦏꦶꦠꦧ꧀​ꦩꦲꦸ​ꦱꦼꦩꦲꦸꦂꦫꦺ​:“ꦪ​ꦮꦺꦴꦁ​ꦱꦶꦁ​ꦩꦼꦭꦱ꧀ꦩꦫꦁ​ꦮꦺꦴꦁꦔꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦏꦺꦴꦮꦺ​꧈​ꦏꦤ​ꦢꦶꦭꦏꦺꦴꦤ꧀ꦤꦶ​ꦔꦺꦴꦤꦺꦴ​ꦲꦸꦒ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦲꦺꦴꦩꦃꦲꦺ​ꦩꦂꦠ​ꦭꦤ꧀ꦩꦫꦶꦪ꧉​

³⁸꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​ꦤꦁꦱꦏ꧀ꦮꦶꦗꦶꦤꦺꦢꦺꦱ​꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦗꦼꦤꦼꦁꦔꦺ​ꦩꦂꦠ​꧉​ꦩꦂꦠ​ꦔꦩ꧀ꦥꦶꦂꦫꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦲꦺꦴꦩꦃꦲꦺ​꧉​ ³⁹ꦩꦂꦠ​ꦤ꧀ꦢꦸꦮꦺꦲꦢꦶꦏ꧀ꦱꦶꦁ​ꦗꦼꦤꦼꦁꦔꦺ​ꦩꦫꦶꦪ꧉​ꦩꦫꦶꦪꦚ꧀ꦗꦒꦺꦴꦁꦚꦼꦢꦼꦏ꧀ꦏꦶꦒꦸꦱ꧀ꦠꦶ​ꦪꦺꦯꦸꦱ꧀ ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​꧉​ ⁴⁰ꦤꦁꦔꦶꦁ​ꦩꦂꦠ​ꦫꦶꦧꦸꦠ꧀ꦧꦔꦼꦠ꧀​ꦔ꧀ꦭꦢꦺꦤ꧀ꦤꦶ​ꦢꦪꦺꦴꦃꦢꦪꦺꦴꦃꦲꦺ꧉​ꦩꦂꦠ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦢꦶꦱꦮꦁ​ꦠ​!ꦲꦢꦶꦏ꧀ꦏꦸꦲꦺꦴꦫ​ꦮꦼꦫꦸꦃ​ꦤꦺꦏ꧀ꦲꦏꦸ​ꦚꦩ꧀ꦧꦸꦠ꧀ꦠꦲꦶꦗꦺꦤ꧀꧈​ꦲꦩ꧀ꦧꦺꦴꦏ꧀ꦢꦶꦲꦺꦴꦩꦺꦴꦁꦔꦶꦏꦺꦴꦁꦏꦺꦴꦤ꧀ꦔꦿꦺꦮꦁꦔꦶ​ꦲꦏꦸ​!” ⁴¹ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦩꦂꦠ​꧈​ꦩꦂꦠ​!ꦏꦺꦴꦮꦺ​ꦏꦸꦮꦶ​ꦫꦺꦥꦺꦴꦠ꧀ꦩꦶꦏꦶꦂꦫꦏꦺꦧꦫꦁ​ꦥꦶꦫꦁꦥꦶꦫꦁ​꧉​ ⁴²ꦤꦁꦔꦶꦁꦱꦶꦁꦥꦼꦂꦭꦸꦏꦸꦮꦶꦤꦩꦸꦁꦱꦶꦗꦶ꧉​ꦩꦭꦃꦩꦫꦶꦪꦮꦶꦱ꧀ꦩꦶꦭꦶꦃꦥꦽꦏꦫꦱꦶꦁꦲꦥꦶꦏ꧀ꦢꦺꦮꦺ꧈​ꦱꦶꦁꦲꦺꦴꦫꦧꦏꦭ꧀ꦏꦉꦧꦸꦠ꧀ꦱꦁꦏꦢꦺꦏ꧀ꦤꦺ!”

꧋ꦒꦸꦱ꧀ꦠꦶꦪꦺꦯꦸꦱ꧀ꦲꦩ꧀​ꦧ꧀ꦭꦗꦂꦫꦶꦩꦸꦫꦶꦢ꧀ꦩꦸꦫꦶꦢ꧀ꦢꦺꦤ꧀ꦢꦺꦴꦁꦔ꧉​

꧇​꧑꧑꧇​ ¹꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦼꦢꦺꦴꦔ​ꦤꦁꦱꦏ꧀ꦮꦶꦗꦶꦤꦺꦥꦁꦒꦺꦴꦤ꧀ꦤꦤ꧀꧈​ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦠꦼꦫꦸꦱ꧀ꦲꦺꦤꦺꦁꦩꦸꦫꦶꦢ꧀ꦠꦏꦺꦴꦤ꧀ꦩꦫꦁ​ꦢꦺꦏ꧀ꦤꦺ:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦧ꧀ꦭꦗꦂꦫꦶꦤ꧀ꦢꦺꦴꦁꦔꦠ​꧈​ꦏꦪ​ꦲꦼꦁꦒꦺꦴꦤꦺ​ꦪꦺꦴꦲꦤꦼꦱ꧀ꦩꦸꦭꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​?” ^2-4ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦤꦺꦏ꧀ꦏꦺꦴꦮꦺ​ꦤ꧀ꦢꦼꦢꦺꦴꦔ​꧈​ꦔꦺꦴꦩꦺꦴꦁꦔꦺꦤꦺ​:

‘ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺꦤꦁꦱ꧀ꦮꦂꦒ​
ꦩꦸꦒ​ꦗꦼꦤꦼꦁꦩꦸ​ꦏꦱꦸꦕꦺꦏ꧀ꦤ​꧉​
ꦩꦸꦒ​ꦏꦿꦠꦺꦴꦤ꧀ꦩꦸ​ꦠꦸꦩꦼꦏꦲ​
ꦭꦤ꧀ꦏꦼꦏꦉꦥ꧀ꦥꦤ꧀ꦩꦸ​ꦏ꧀ꦭꦏꦺꦴꦤꦤ
ꦲꦶꦁ​ꦢꦺꦴꦚ​ꦏꦪꦢꦺꦤꦺꦤꦁꦱ꧀ꦮꦂꦒ​꧉​
ꦚꦸꦮꦸꦤ꧀ꦉꦗꦼꦏꦶ​ꦱꦲꦶꦏꦶ​ꦭꦤ꧀ꦱꦧꦼꦤ꧀ꦢꦶꦤ​
ꦭꦤ꧀ꦥꦔꦥꦸꦫ​ꦱꦁꦏꦲꦶꦁ​ꦢꦺꦴꦱ​
ꦲꦮꦶꦠ꧀ꦲꦮꦏ꧀ꦏꦺ​ꦢꦺꦮꦺꦪ​ꦔꦥꦸꦫ​ꦢꦺꦴꦱꦤꦺ​ꦮꦺꦴꦁ​ꦭꦶꦪ​꧉​
ꦚꦸꦮꦸꦤ꧀ꦲꦗ​ꦕꦼꦢꦼꦏ꧀ꦤ​ꦥꦁꦒꦺꦴꦢ
ꦤꦁꦔꦶꦁ​ꦭꦸꦮꦂꦫꦤ​ꦱꦁꦏꦲꦭ​꧉​’”

^5-6꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦼꦩꦸꦁꦒꦺꦴꦤ꧀ꦤꦺꦤꦁꦠꦼꦔꦃꦩꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦩ꧀ꦧꦼꦔꦶꦩ꧀ꦧꦼꦔꦶꦤꦁꦔ꧀ꦒꦺꦴꦤ꧀ꦤꦺꦏꦚ꧀ꦕꦤꦺ​ꦤꦼꦩ꧀ꦧꦸꦁ​:'ꦲꦩ꧀ꦧꦺꦴꦏ꧀ꦲꦏꦸ​ꦢꦶꦱꦼꦭꦁꦔꦶꦫꦺꦴꦠꦶꦤꦺ​ꦠꦼꦭꦸ​꧈​ꦲꦮꦶꦠ꧀ꦲꦺꦤꦺꦁꦏꦚ꧀ꦕ​ꦢꦺꦴꦭꦤ꧀ꦠꦼꦫꦸꦱ꧀ꦩꦩ꧀ꦥꦶꦂ​ꦤꦁꦔ꧀ꦒꦺꦴꦤ꧀ꦏꦸ​꧈​ꦤꦁꦔꦶꦁ​ꦲꦏꦸ​ꦲꦺꦴꦫ​ꦤ꧀ꦢꦸꦮꦺꦱꦸꦒꦸꦃꦲꦤ꧀ꦲꦥꦲꦥ​꧉​ ⁷ꦱꦼꦩꦸꦁ​ꦒꦺꦴꦤ꧀ꦤꦺ​ꦏꦚ꧀ꦕ​ꦱꦶꦁ​ꦢꦶꦗꦭꦸꦏ꧀ꦏꦶ​ꦠꦸꦭꦸꦁ​ꦩꦲꦸ​ꦱꦼꦩꦲꦸꦂ​:'ꦲꦗ​ꦔꦿꦸꦱꦸꦃꦲꦶꦲꦏꦸ​꧈​ꦭꦮꦁꦔꦺ​ꦮꦶꦱ꧀ꦠꦏ꧀ꦏꦚ꧀ꦕꦶꦁ​​ꦭꦤ꧀ꦲꦏꦸ​ꦭꦤ꧀ꦲꦤꦏ꧀ꦲꦤꦏ꧀ꦏꦸ​ꦮꦶꦱ꧀ꦠꦸꦫꦸ​꧉​ꦲꦏꦸ​ꦲꦺꦴꦫ​ꦲꦉꦥ꧀ꦠꦔꦶ​ꦭꦤ꧀ꦔꦼꦏꦺꦏ꧀ꦏꦶꦲꦥꦲꦥ​ꦩꦫꦁ​ꦏꦺꦴꦮꦺ​꧉'​ ⁸ꦭꦃ​ꦏꦸꦮꦶ​ꦠꦼꦫꦸꦱ꧀ꦏꦼꦥꦿꦶꦪꦺ​?ꦔꦤ꧀ꦢꦼꦭ꧀ꦭ​꧈​ꦲꦺꦴꦫ​ꦗꦭꦂꦫꦤ꧀ꦮꦺꦴꦁꦔꦺ​ꦏꦸꦮꦶ​ꦏꦚ꧀ꦕꦤꦺ​ꦠꦼꦫꦸꦱ꧀ꦱꦶꦁ​ꦢꦶꦗꦭꦸꦏ꧀ꦏꦶ​ꦠꦸꦭꦸꦁ​ꦩꦲꦸ​ꦧꦏꦭ꧀ꦠꦔꦶ​ꦭꦤ꧀ꦔꦼꦏꦺꦏ꧀ꦏꦶꦫꦺꦴꦠꦶ​꧈​ꦲꦺꦴꦫ​꧉​ꦤꦁꦔꦶꦁ​ꦮꦺꦴꦁꦔꦺ​ꦧꦏꦭ꧀ꦠꦔꦶ​꧈​ꦗꦭꦂꦫꦤ꧀ꦏꦚ꧀ꦕꦤꦺ​ꦲꦺꦴꦫ​ꦤ꧀ꦢꦸꦮꦺꦲꦶꦱꦶꦤ꧀ꦭꦤ꧀ꦔꦼꦕꦼꦏ꧀​ꦱꦶꦁ​ꦚ꧀ꦗꦭꦸꦏ꧀ꦠꦸꦭꦸꦁ​꧈​ꦩꦸꦭꦤꦺ​ꦧꦏꦭ꧀ꦢꦶꦏꦺꦏ꧀ꦏꦶꦥꦼꦚ꧀ꦗꦭꦸꦏ꧀ꦏꦺ​꧉​ ⁹꧋“ꦩꦸꦭꦤꦺ​ꦏꦺꦴꦮꦺ​ꦥꦢ​ꦲꦺꦭꦶꦁꦔ​ꦲꦶꦏꦶ​:ꦤꦺꦏ꧀ꦏꦺꦴꦮꦺ​ꦚ꧀ꦗꦭꦸꦏ꧀ ꦏꦺꦴꦮꦺ​ꦧꦏꦭ꧀ꦢꦶꦏꦺꦏ꧀ꦏꦶ;ꦤꦺꦏ꧀ꦏꦺꦴꦮꦺ​ꦔ꧀ꦒꦺꦴꦭꦺꦏ꧀ ꦏꦺꦴꦮꦺ​ꦧꦏꦭ꧀ꦤꦼꦩꦸ​;ꦤꦺꦏ꧀ꦏꦺꦴꦮꦺ​ꦠꦺꦴꦠꦺꦴꦏ꧀ꦠꦺꦴꦠꦺꦴꦏ꧀ꦭꦮꦁ​꧈​ꦏꦺꦴꦮꦺ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ ¹⁰ꦲꦮꦶꦠ꧀ꦱꦥ​ꦮꦲꦺ​ꦱꦶꦁ​ꦚ꧀ꦗꦭꦸꦏ꧀ꦧꦏꦭ꧀ꦢꦶꦏꦺꦏ꧀ꦏꦶ;ꦮꦺꦴꦁ​ꦱꦶꦁ​ꦔ꧀ꦒꦺꦴꦭꦺꦏ꧀ꦧꦏꦭ꧀ꦤꦼꦩꦸ​ꦭꦤ꧀ꦮꦺꦴꦁ​ꦱꦶꦁ​ꦠꦺꦴꦠꦺꦴꦏ꧀ꦭꦮꦁ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ ¹¹ꦥꦫ​ꦧꦥꦏ꧀ꦱꦶꦁ​ꦤꦁꦏꦺꦤꦺ​꧈​ꦩꦺꦴꦱꦺꦴꦏ꧀ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦲꦶꦮꦏ꧀ꦲꦉꦥ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦸꦭ​?ꦩꦼꦱ꧀ꦠꦶꦲꦺꦴꦫ​! ¹²ꦩꦺꦴꦱꦺꦴꦏ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦏꦭꦗꦼꦁꦏꦶꦁ​ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦲꦼꦤ꧀ꦢꦺꦴꦏ꧀꧈​ ¹³ꦭꦃ​ꦤꦺꦏ꧀ꦏꦺꦴꦮꦺ​ꦮꦲꦺ​꧈​ꦮꦺꦴꦁ​ꦱꦶꦁ​ꦲꦭ​꧈​ꦧꦶꦱ​ꦔꦼꦏꦺꦏ꧀ꦏꦶꦧꦫꦁ​ꦱꦶꦁ​ꦲꦥꦶꦏ꧀ꦩꦫꦁ​ꦲꦤꦏ꧀ꦲꦤꦏ꧀ꦩꦸ​꧈​ꦭꦃ​ꦧꦥꦏ꧀ꦩꦸ​ꦱꦶꦁ​ꦤꦁꦱ꧀ꦮꦂꦒ​ꦩꦼꦤꦺꦃ​꧉​ꦢꦺꦏ꧀ꦤꦺꦩꦼꦱ꧀ꦠꦶꦧꦏꦭ꧀ꦔꦼꦏꦺꦏ꧀ꦏꦶꦫꦺꦴꦃ​ꦱꦸꦕꦶ​ꦩꦫꦁ​ꦱꦥ​ꦮꦲꦺ​ꦱꦶꦁ​ꦤꦼꦩ꧀ꦧꦸꦁ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦨꦺꦭ꧀ꦱꦼꦧꦸꦭ꧀꧈​

¹⁴꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦧꦶꦱꦸ​꧉​ꦏꦢꦸꦁ​ꦢꦼꦩꦶꦠ꧀ꦠꦺꦮꦶꦱ꧀ꦩꦼꦠꦸ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁ꧉​ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀꧈​ ¹⁵ꦤꦁꦔꦶꦁ​ꦲꦺꦤꦺꦁꦱꦶꦗꦶꦭꦺꦴꦫꦺꦴꦱꦶꦁ​ꦔꦺꦴꦩꦺꦴꦁꦔꦺꦤꦺ​:“ꦪꦺꦯꦸꦱ꧀ꦏꦸꦮꦶ​ꦲꦼꦁꦒꦺꦴꦤꦺ​ꦧꦶꦱ​ꦤꦸꦤ꧀ꦢꦸꦁꦢꦼꦩꦶꦠ꧀ꦗꦭꦂꦫꦤ꧀ꦢꦶꦏꦺꦏ꧀ꦏꦶꦥꦔ꧀ꦮꦱ​ꦏꦫꦺꦴ​ꦨꦺꦭ꧀ꦱꦼꦧꦸꦭ꧀ ꦫꦠꦸꦤꦺ​ꦢꦼꦩꦶꦠ꧀꧈​” ¹⁶꧋ꦲꦸꦒ​ꦲꦺꦤꦺꦁꦭꦶꦪꦭꦶꦪꦤꦺ​ꦱꦶꦁ​ꦲꦉꦥ꧀​ꦚ꧀ꦗꦗꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦚꦸꦮꦸꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦮꦺ​ꦠꦤ꧀ꦢꦥꦔ꧀ꦮꦱ​ꦱꦁꦏꦱ꧀ꦮꦂꦒ​꧉​ ¹⁷ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦔꦺꦴꦩꦺꦴꦁꦔꦺꦤꦺ​:“ꦤꦺꦏ꧀ꦤꦁꦱꦏ꧀ꦗꦼꦫꦺꦴꦤꦺꦤꦼꦒꦫ​ꦮꦺꦴꦁꦔꦺ​ꦥꦢ​ꦠꦸꦏꦂꦫꦤ꧀ ꦤꦼꦒꦫ​ꦏꦸꦮꦶ​ꦧꦏꦭ꧀ꦧꦸꦧꦿꦃ​꧉​ꦱꦼꦩꦺꦴꦤꦺꦴ​ꦲꦸꦒ​ꦧꦿꦪꦠ꧀ ꦤꦺꦏ꧀ꦮꦺꦴꦁꦔꦺ​ꦠꦸꦏꦂꦫꦤ꧀ꦏꦫꦺꦴ​ꦱꦏ꧀ꦥꦢꦥꦢ꧈​ꦧꦿꦪꦠ꧀ꦏꦸꦮꦶ​ꦧꦏꦭ꧀ꦧꦸꦧꦿꦃ​꧉​ ¹⁸ꦤꦺꦏ꧀ꦲꦶꦁ​ꦏꦿꦠꦺꦴꦤꦺ​ꦱꦺꦠꦤ꧀ꦢꦼꦩꦶꦠ꧀ꦠꦺꦥꦢ​ꦔ꧀ꦭꦮꦤ꧀ꦱꦏ꧀ꦥꦢꦥꦢ꧈​ꦲꦥ​ꦏꦿꦠꦺꦴꦤ꧀ꦏꦸꦮꦶ​ꦧꦶꦱ​ꦔꦢꦼꦏ꧀ꦠꦼꦫꦸꦱ꧀?ꦩꦼꦱ꧀ꦠꦶꦲꦺꦴꦫ​꧉​ꦲꦏꦸ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦗꦭꦂꦫꦤ꧀ꦏꦺꦴꦮꦺ​ꦔꦫꦤ꧀ꦤꦶ​ꦲꦏꦸ​ꦗꦫꦺꦤꦺ​ꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦨꦺꦭ꧀ꦱꦼꦧꦸꦭ꧀꧈​ ¹⁹ꦱꦼꦩꦸꦁꦒꦺꦴꦤ꧀ꦤꦺꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦨꦺꦭ꧀ꦱꦼꦧꦸꦭ꧀ ꦭꦃ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦸꦮꦶ​ꦲꦼꦁꦒꦺꦴꦤꦺ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦱꦥ​?ꦢꦢꦶꦤꦺ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦢꦺꦮꦺꦤ꧀ꦢꦸꦢꦸꦃꦲꦏꦺꦤꦺꦏ꧀ꦥꦶꦏꦶꦂꦫꦤ꧀ꦩꦸ​ꦏꦸꦮꦶ​ꦏ꧀ꦭꦺꦫꦸ​꧉​ ²⁰ꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦏꦸꦮꦶ​ꦱꦁꦏꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦏꦸꦮꦶ​ꦠꦤ꧀ꦢꦤꦺꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦩꦺꦴꦭꦃꦲꦶꦔꦼꦠꦺꦴꦏ꧀ꦏꦏꦺꦥꦔ꧀ꦮꦱꦤꦺ​ꦤꦁꦠꦼꦔꦃꦩꦸ​꧉​ ²¹꧋“ꦤꦺꦏ꧀ꦲꦺꦤꦺꦁꦮꦺꦴꦁ​ꦫꦺꦴꦱ​ꦚ꧀ꦗꦒ​ꦲꦺꦴꦩꦃꦲꦺ​ꦔꦁꦒꦺꦴ​ꦒꦩꦤ꧀ꦱꦶꦁ​ꦥꦼꦥꦏ꧀ ꦧꦫꦁꦧꦫꦁꦔꦺ​ꦮꦺꦴꦁꦔꦺ​ꦩꦼꦱ꧀ꦠꦶꦲꦺꦴꦫ​ꦧꦏꦭ꧀ꦲꦶꦭꦁ​꧉​ ²²ꦤꦁꦔꦶꦁ​ꦤꦺꦏ꧀ꦮꦺꦴꦁꦔꦺ​ꦢꦶꦠꦼꦏꦤꦶ​ ꦮꦺꦴꦁ​ꦭꦶꦪꦤꦺ​ꦱꦶꦁ​ꦭꦸꦮꦶꦃ​ꦫꦺꦴꦱ​꧈​ꦢꦺꦏ꧀ꦤꦺꦧꦏꦭ꧀ꦢꦶꦏꦭꦃꦲꦏꦺꦭꦤ꧀ꦒꦩꦤ꧀ꦒꦩꦤ꧀ꦤꦺꦱꦶꦁ​ꦢꦶꦗꦒꦏ꧀ꦏꦏꦺꦩꦲꦸ​ꦧꦏꦭ꧀ꦢꦶꦫꦩ꧀ꦥꦱ꧀ꦭꦤ꧀ꦧꦫꦁ​ꦤ꧀ꦢꦸꦮꦺꦪꦮꦺꦴꦁꦔꦺ​ꦧꦏꦭ꧀ꦢꦶꦲꦼꦢꦸꦩ꧀ꦲꦼꦢꦸꦩ꧀꧈​ ²³꧋“ꦱꦥ​ꦱꦶꦁ​ꦲꦺꦴꦫ​ꦔꦿꦸꦗꦸꦏ꧀ꦏꦶ​ꦲꦏꦸ​꧈​ꦏꦸꦮꦶ​ꦠꦼꦒꦼꦱ꧀ꦱꦺ​ꦔ꧀ꦭꦮꦤ꧀ꦲꦏꦸ​ꦭꦤ꧀ꦱꦥ​ꦱꦶꦁ​ꦲꦺꦴꦫ​ꦩꦺꦭꦸ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦼꦢꦸꦱ꧀ꦱꦺꦏꦫꦺꦴ​ꦲꦏꦸ​꧈​ꦏꦸꦮꦶ​ꦱꦶꦁ​ꦩ꧀ꦧꦸꦪꦂꦫꦏꦺ꧉​”

꧋ꦢꦼꦩꦶꦠ꧀ꦱꦶꦁ​ꦮꦶꦱ꧀ꦩꦼꦠꦸ​ꦧꦶꦱ​ꦧꦭꦶꦏ꧀ꦩꦼꦤꦺꦃ​꧉​

²⁴꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦤꦺꦏ꧀ꦲꦺꦤꦺꦁꦢꦼꦩꦶꦠ꧀ꦩꦼꦠꦸ​ꦱꦁꦏꦱꦏ꧀ꦮꦶꦗꦶꦤꦺꦮꦺꦴꦁ​꧈​ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀​ꦩ꧀ꦭꦏꦸꦩ꧀ꦭꦏꦸ​ꦠꦸꦫꦸꦠ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦫ​ꦏꦁꦒꦺꦴꦤ꧀ꦤꦤ꧀ꦮꦺꦴꦁ​꧈​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦭꦺꦫꦺꦤ꧀꧈​ꦤꦺꦏ꧀ꦢꦼꦩꦶꦠ꧀ꦩꦲꦸ​ꦲꦺꦴꦫ​ꦤꦼꦩꦸ​ꦥꦁꦒꦺꦴꦤ꧀ꦤꦤ꧀ꦏꦸꦮꦶ​꧈​ꦠꦼꦫꦸꦱ꧀ꦩꦶꦏꦶꦂ​:'ꦌꦤꦏ꧀ꦏꦺꦠꦏ꧀ꦧꦭꦶꦏ꧀ꦤꦁꦲꦺꦴꦩꦃ​ꦱꦶꦁ​ꦮꦶꦱ꧀ꦠꦏ꧀ꦠꦶꦁꦒꦭ꧀ꦏꦲꦺ​꧉'​ ²⁵ꦢꦼꦩꦶꦠ꧀ꦠꦺꦠꦼꦫꦸꦱ꧀ꦧꦭꦶꦏ꧀ꦤꦁꦲꦺꦴꦩꦃꦲꦺ​ꦭꦤ꧀ꦮꦼꦫꦸꦃ​ꦤꦺꦏ꧀ꦱꦲꦶꦏꦶ​ꦮꦶꦱ꧀ꦉꦱꦶꦏ꧀ꦭꦤ꧀ꦢꦶꦠꦠ​ꦲꦥꦶꦏ꧀꧈​ ²⁶ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦭꦸꦔ​ꦔ꧀ꦒꦺꦴꦭꦺꦏ꧀ꦏꦶ​ꦏꦚ꧀ꦕꦤꦺ​꧈​ꦠꦼꦫꦸꦱ꧀ꦧꦭꦶꦏ꧀​ꦔ꧀ꦒꦮ​ꦢꦼꦩꦶꦠ꧀ꦥꦶꦠꦸ​ꦱꦶꦁ​ꦲꦭꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦢꦺꦏ꧀ꦤꦺꦢꦺꦮꦺ꧉​ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦠꦼꦫꦸꦱ꧀ꦩꦁꦒꦺꦴꦤ꧀ꦲꦶꦁ​ꦮꦺꦴꦁ​ꦩꦲꦸ​꧉​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦮꦺꦴꦁ​ꦏꦸꦮꦶ​ꦏꦱꦸꦱꦃꦲꦤ꧀ꦤꦺ​ꦩꦭꦃ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦲꦸꦤꦺ​꧈​ꦢꦺꦴꦁꦔꦺꦤꦩꦸꦁ​ꦏꦁꦒꦺꦴꦤ꧀ꦤꦤ꧀ꦢꦼꦩꦶꦠ꧀ꦱꦶꦗꦶ​꧉​” ²⁷꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​ꦔꦺꦴꦩꦺꦴꦁꦧꦤ꧀ꦠꦼꦂ​:“ꦧꦼꦗꦠꦼꦤꦤ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦔ꧀ꦭꦲꦶꦂꦫꦏꦺꦭꦤ꧀ꦚꦸꦱꦺꦴꦤ꧀ꦤꦶ​ꦏꦺꦴꦮꦺ​!” ²⁸꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦧꦼꦤꦼꦂ​꧈​ꦤꦁꦔꦶꦁ​ꦱꦶꦁ​ꦭꦸꦮꦶꦃ​ꦧꦼꦗꦏꦸꦮꦶ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦮꦺꦴꦁ​ꦱꦶꦁ​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢ꧉​

²⁹꧋ꦢꦺꦴꦁꦔꦺꦲꦶꦗꦶꦏ꧀ꦢꦶꦫꦸꦧꦸꦁ​ꦮꦺꦴꦁ​ꦥꦶꦫꦁꦥꦶꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦥꦚ꧀ꦕꦺꦤ꧀ꦲꦭ​ꦠꦼꦤꦤ꧀ꦮꦺꦴꦁ​ꦗꦩꦤ꧀ꦲꦶꦏꦶ​꧉​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢꦥꦔ꧀ꦮꦱ​ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧈​ꦤꦁꦔꦶꦁ​ꦲꦺꦴꦫ​ꦧꦏꦭ꧀ꦲꦺꦤ꧀ꦠꦸꦏ꧀꧈​ꦤꦩꦸꦁ​ꦧꦏꦭ꧀ꦲꦺꦤ꧀ꦠꦸꦏ꧀ꦠꦤ꧀ꦢꦤꦺꦤꦧꦶ​ꦪꦺꦴꦤꦃ꧉​ ³⁰ꦏꦪ​ꦲꦼꦁꦒꦺꦴꦤꦺ​ꦤꦧꦶ​ꦪꦺꦴꦤꦃꦢꦢꦶ​ꦠꦤ꧀ꦢꦏꦁꦒꦺꦴ​ꦮꦺꦴꦁꦮꦺꦴꦁ​ꦤꦁꦏꦸꦠꦤꦶꦤꦺꦮꦺ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦲꦤꦏ꧀ꦏꦺ​ꦩꦤꦸꦁꦱ​ꦪ​ꦧꦏꦭ꧀ꦢꦢꦶ​ꦠꦤ꧀ꦢꦏꦁꦒꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​꧉​ ³¹ꦲꦩ꧀ꦧꦺꦱꦸꦏ꧀ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦿꦸꦠꦸꦩꦤꦸꦁꦱ​꧈​ꦫꦠꦸ​ꦮꦺꦢꦺꦴꦏ꧀ꦱꦁꦏꦧꦮꦃꦏꦶꦢꦸꦭ꧀ꦧꦏꦭ꧀ꦩꦗꦸ​ꦭꦤ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦫꦠꦸ​ꦏꦸꦮꦶ​ꦮꦶꦱ꧀ꦠꦼꦏ​ꦱꦁꦏꦥꦺꦴꦗꦺꦴꦏ꧀ꦏꦺ​ꦧꦸꦩꦶ​꧈​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦏꦮꦼꦫꦸꦃꦲꦺꦫꦠꦸ​ꦯꦺꦴꦭꦺꦩꦤ꧀꧈​ꦤꦁꦔꦶꦁ​ꦔꦼꦂꦠꦶꦪ​꧈​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦫꦠꦸ​ꦯꦺꦴꦭꦺꦩꦤ꧀꧈​ ³²ꦲꦩ꧀ꦧꦺꦱꦸꦏ꧀ ꦲꦶꦁ​ꦢꦶꦤꦤꦺ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦿꦸꦠꦸꦩꦤꦸꦁꦱ​꧈​ꦮꦺꦴꦁ​ꦏꦸꦠꦤꦶꦤꦺꦮꦺ​ꦧꦏꦭ꧀ꦥꦢ​ꦩꦗꦸ​ꦲꦩ꧀ꦧꦫꦁ​ꦏꦫꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​ꦭꦤ꧀ꦧꦏꦭ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦢꦺꦴꦁꦔꦺꦮꦺꦴꦁ​ꦤꦶꦤꦺꦮꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦢꦶꦒꦼꦭꦂꦫꦏꦺꦏꦫꦺꦴ​ꦤꦧꦶ​ꦪꦺꦴꦤꦃ꧈​ꦠꦼꦫꦸꦱ꧀ꦥꦢ​ꦚ꧀ꦗꦭꦸꦏ꧀ꦔꦥꦸꦫ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦥꦢ​ꦤꦶꦁꦒꦭ꧀ꦭꦏꦸ​ꦲꦭ​꧉​ꦥꦢ​ꦔꦼꦂꦠꦶꦪ​꧈​ꦱꦶꦁ​ꦔꦢꦼꦏ꧀ꦤꦁꦏꦺꦤꦺ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦤꦧꦶ​ꦪꦺꦴꦤꦃ꧉​” ³³꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦩꦺꦴꦱꦺꦴꦏ꧀ꦪ​ꦲꦺꦤꦺꦁꦮꦺꦴꦁ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦢꦼꦭꦶꦏ꧀ꦏꦏꦺꦤꦁꦔꦶꦱꦺꦴꦂ​ꦲꦩ꧀ꦧꦺꦤ꧀ ꦲꦥ​ꦢꦶꦠꦸꦠꦸꦥ꧀ꦥꦶ​ꦠꦺꦁꦒꦺꦴꦏ꧀?ꦩꦼꦱ꧀ꦠꦶꦲꦺꦴꦫ​ꦠ​!ꦢꦶꦪꦤ꧀ꦤꦺꦩꦼꦱ꧀ꦠꦶꦢꦶꦥꦱꦁ​ꦱꦶꦁ​ꦢꦸꦮꦸꦂ꧈​ꦱꦸꦥꦪ​ꦏꦧꦺꦃ​ꦮꦺꦴꦁ​ꦱꦶꦁ​ꦩ꧀ꦊꦧꦸ​ꦧꦶꦱ​ꦮꦼꦫꦸꦃ​ꦥꦢꦁꦔꦺ꧉​ ³⁴ꦩꦿꦶꦥꦠ꧀ꦏꦸꦮꦶ​ꦢꦶꦪꦤ꧀ꦤꦺꦲꦮꦏ꧀꧈​ꦤꦺꦏ꧀ꦩꦿꦶꦥꦠ꧀ꦠꦺ​ꦮꦫꦱ꧀ ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦪ​ꦥꦢꦁꦚ꧀ꦗꦶꦁꦒꦁ​꧉​ꦤꦁꦔꦶꦁ​ꦤꦺꦏ꧀ꦩꦿꦶꦥꦠ꧀ꦠꦺ​ꦧꦸꦉꦠ꧀ ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦪ​ꦥꦼꦠꦼꦁ​ꦤ꧀ꦢꦼꦢꦼꦠ꧀꧈​ ³⁵ꦩꦸꦭꦤꦺ​ꦥꦢ​ꦱꦶꦁ​ꦲꦠꦶꦲꦠꦶ꧈​ꦱꦸꦥꦪ​ꦥꦼꦥꦢꦁꦱꦶꦁ​ꦲꦤ​ꦲꦶꦁ​ꦏꦺꦴꦮꦺ​ꦲꦺꦴꦫ​ꦢꦢꦶ​ꦥꦼꦠꦼꦁ​꧉​ ³⁶ꦤꦺꦏ꧀ꦲꦮꦏ꧀ꦩꦸ​ꦥꦢꦁꦱꦏ꧀ꦏꦧꦺꦃꦲꦺꦭꦤ꧀ꦲꦺꦴꦫ​ꦲꦺꦤꦺꦁꦥꦼꦠꦼꦁꦔꦺ​ꦧ꧀ꦭꦱ꧀ ꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦪ​ꦧꦏꦭ꧀ꦥꦢꦁꦚ꧀ꦗꦶꦁꦒꦁ​꧈​ꦥꦢ​ꦮꦲꦺ​ꦏꦪ​ꦤꦺꦏ꧀ꦏꦺꦴꦮꦺ​ꦏꦼꦱ꧀ꦭꦺꦴꦫꦺꦴꦠ꧀ꦠꦤ꧀ꦥꦢꦁꦔꦺꦢꦶꦪꦤ꧀ꦏꦲꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦤꦺꦤ꧀ꦤꦶꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸ​ꦏꦶꦠꦧ꧀꧈​

³⁷꧋ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦱꦶꦁ​ꦩꦼꦩꦸꦭꦁ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦱꦸꦮꦸꦤ꧀ꦩꦁꦔꦤ꧀ꦤꦁꦲꦺꦴꦩꦃꦲꦺ​ꦮꦺꦴꦁ​ꦥ꦳ꦫꦶꦱꦶ​꧉​ꦩꦸꦭꦤꦺ​ꦢꦺꦏ꧀ꦤꦺꦪ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦩꦁꦔꦤ꧀ꦤꦁꦏꦺꦴꦤꦺꦴ​꧉​ ³⁸ꦤꦁꦔꦶꦁ​ꦮꦺꦴꦁ​ꦥ꦳ꦫꦶꦱꦶ​ꦩꦲꦸ​ꦔ꧀ꦒꦸꦩꦸꦤ꧀ꦧꦔꦼꦠ꧀ ꦲꦮꦶꦠ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦔꦤ꧀ ꦠꦤ꧀ꦥ​ꦮꦶꦱꦸꦃ​ꦠꦔꦤ꧀ꦤꦺ​ꦤ꧀ꦢꦶꦱꦶꦏ꧀꧈​ ³⁹ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦮꦺꦴꦁ​ꦥ꦳ꦫꦶꦱꦶ​꧈​ꦏꦺꦴꦮꦺ​ꦥꦢ​ꦩꦶꦱꦸꦃꦲꦶ​ꦚ꧀ꦗꦧꦤꦺ​ꦲꦮꦏ꧀ꦩꦸ​ꦏꦪ​ꦤꦺꦏ꧀ꦔꦶꦱꦃꦲꦶꦚ꧀ꦗꦧꦤꦺ​ꦩꦁꦏꦺꦴꦏ꧀ꦭꦤ꧀ꦥꦶꦫꦶꦁ​꧈​ ꦤꦁꦔꦶꦁ​ꦚ꧀ꦗꦼꦫꦺꦴꦤꦺ​ꦲꦠꦶꦩꦸ​ꦏꦼꦧꦼꦏ꧀ꦒꦒꦱ꧀ꦱꦤ꧀ꦩꦸꦂꦏꦭꦤ꧀ꦲꦭ​꧉​ ⁴⁰ꦏꦺꦴꦮꦺ​ꦮꦺꦴꦁ​ꦧꦺꦴꦢꦺꦴ꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔ꧀ꦒꦮꦺ​ꦚ꧀ꦗꦧ​꧈​ꦲꦥ​ꦪ​ꦲꦺꦴꦫ​ꦔ꧀ꦒꦮꦺ​ꦱꦶꦁ​ꦚ꧀ꦗꦼꦫꦺꦴ​ꦲꦸꦒ​? ⁴¹ꦲꦶꦱꦶꦤꦺ​ꦩꦁꦏꦺꦴꦏ꧀ꦭꦤ꧀ꦥꦶꦫꦶꦁꦩꦸ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦤꦺꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦱꦸꦥꦪ​ꦏꦺꦴꦮꦺ​ꦧꦶꦱ​ꦉꦱꦶꦏ꧀ꦱꦏ꧀ꦏꦧꦺꦃꦲꦺ꧉​ ⁴²꧋“ꦕꦶꦭꦏ​ꦏꦺꦴꦮꦺ​ꦮꦺꦴꦁ​ꦥ꦳ꦫꦶꦱꦶ​!ꦲꦮꦶꦠ꧀ꦱꦁꦏꦠꦤ꧀ꦢꦸꦂꦫꦤ꧀ꦩꦸ​ꦧꦸꦩ꧀ꦧꦸꦧꦸꦩ꧀ꦧꦸ​ꦭꦤ꧀ꦗꦔꦤꦤ꧀ꦗꦔꦤ꧀ꦤꦤ꧀ꦮꦲꦺ​ꦏꦺꦴꦮꦺ​ꦔꦼꦏꦺꦏ꧀ꦏꦶꦥꦿꦱꦼꦥꦸꦭꦸꦃꦲꦤ꧀ꦤꦺ​꧈​ꦤꦁꦔꦶꦁ​ꦱꦶꦁ​ꦧꦼꦤꦼꦂ​ꦏꦁꦒꦺꦴ​ꦮꦺꦴꦁ​ꦭꦶꦪ​ꦭꦤ꧀ꦏꦠꦿꦺꦱ꧀ꦤꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦲꦩ꧀ꦧꦺꦴꦏ꧀ꦥꦼꦂꦭꦺꦴꦏ꧀ꦏꦏꦺ꧉​ꦱꦏ꧀ꦗꦤꦺꦏꦸꦮꦶ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦥꦼꦂꦭꦺꦴꦏ꧀ꦏꦏꦺꦤ꧀ꦢꦶꦱꦶꦏ꧀ꦭꦤ꧀ꦭꦶꦪꦤꦺ​ꦲꦸꦒ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺ꧉​ ⁴³꧋“ꦕꦶꦭꦏ​ꦏꦺꦴꦮꦺ​ꦮꦺꦴꦁ​ꦥ꦳ꦫꦶꦱꦶ​!ꦲꦮꦶꦠ꧀ꦤꦺꦏ꧀ꦤꦁꦱꦶꦤꦒꦸꦏ꧀ꦏꦺꦴꦮꦺ​ꦚ꧀ꦗꦭꦸꦏ꧀ꦏꦏꦺꦚ꧀ꦗꦒꦺꦴꦁꦤꦁꦔꦉꦥ꧀ꦢꦺꦮꦺ꧈​ꦤꦁꦗꦒꦺꦴꦔꦤ꧀ꦤꦺꦮꦺꦴꦁ​ꦒꦼꦢꦺ꧈​ꦲꦸꦒ​ꦤꦺꦏ꧀ꦤꦁꦥꦱꦂꦥꦱꦂ​ꦏꦺꦴꦮꦺ​ꦚ꧀ꦗꦭꦸꦏ꧀ꦢꦶꦲꦗꦺꦤ꧀ꦤꦶ​꧉​ ⁴⁴ꦕꦶꦭꦏ​ꦏꦺꦴꦮꦺ​!ꦲꦮꦶꦠ꧀ꦏꦺꦴꦮꦺ​ꦏꦸꦮꦶ​ꦏꦪ​ꦏꦸꦧꦸꦂꦫꦤ꧀ꦱꦶꦁ​ꦲꦺꦴꦫ​ꦲꦺꦤꦺꦁꦠꦼꦔꦼꦂꦫꦤ꧀ꦤꦺ​꧈​ꦏꦸꦧꦸꦂꦫꦤ꧀ꦱꦶꦁ​ꦢꦶꦲꦶꦢꦼꦏ꧀ꦲꦶꦢꦼꦏ꧀ꦮꦺꦴꦁ​꧈​ꦲꦮꦶꦠ꧀ꦲꦺꦴꦫ​ꦔꦼꦂꦠꦶ​ꦤꦺꦏ꧀ꦏꦸꦮꦶ​ꦏꦸꦧꦸꦂꦫꦤ꧀꧈​” ⁴⁵꧋ꦠꦼꦫꦸꦱ꧀ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦱꦼꦩꦲꦸꦂ​:“ꦒꦸꦫꦸ​꧈​ꦔꦺꦴꦤꦺꦴ​ꦏꦸꦮꦶ​ꦏꦺꦴꦮꦺ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦲꦮꦏ꧀ꦏꦺ​ꦢꦺꦮꦺꦲꦩ꧀ꦧꦫꦁ​!” ⁴⁶ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦒꦸꦫꦸꦒꦸꦫꦸ​ꦏꦶꦠꦧ꧀ ꦏꦺꦴꦮꦺ​ꦲꦸꦒ​ꦮꦺꦴꦁ​ꦕꦶꦭꦏ​!ꦏꦺꦴꦮꦺ​ꦤꦸꦩ꧀ꦥꦁꦔꦏꦺꦩꦺꦴꦩꦺꦴꦠ꧀ꦠꦤ꧀ꦱꦶꦁ​ꦲꦧꦺꦴꦠ꧀ꦤꦁꦥꦸꦤ꧀ꦢꦏ꧀ꦏꦺꦮꦺꦴꦁ​꧈​ꦭꦃ​ꦤꦁꦔꦶꦁ​ꦏꦺꦴꦮꦺ​ꦢꦺꦮꦺꦲꦼꦩꦺꦴꦃ​ꦤ꧀ꦢꦼꦩꦺꦏ꧀ꦩꦺꦴꦩꦺꦴꦠ꧀ꦠꦤ꧀ꦏꦸꦮꦶ​ꦏꦫꦺꦴ​ꦢꦿꦶꦗꦶꦩꦸ​꧉​ ⁴⁷ꦕꦶꦭꦏ​ꦏꦺꦴꦮꦺ​!ꦲꦮꦶꦠ꧀ꦏꦺꦴꦮꦺ​ꦥꦢ​ꦔ꧀ꦒꦮꦺꦏ꧀ꦏꦏꦺꦏꦸꦧꦸꦂꦫꦤ꧀ꦥꦼꦁꦔꦺꦭꦶꦁꦔꦺꦭꦶꦁ​ꦏꦁꦒꦺꦴ​ꦥꦫ​ꦤꦧꦶ​꧈​ꦭꦃ​ꦤꦁꦔꦶꦁ​ꦩ꧀ꦧꦃꦩ꧀ꦧꦲꦤ꧀ꦩꦸꦢꦺꦮꦺꦱꦶꦁ​ꦩꦠꦺꦤ꧀ꦤꦶ​ꦥꦫ​ꦤꦧꦶ​ꦏꦸꦮꦶ​ꦢꦺꦏ꧀​ꦩ꧀ꦧꦶꦪꦺꦤ꧀꧈​ ⁴⁸ꦢꦢꦶꦤꦺ​ꦔꦺꦴꦤꦺꦴ​ꦏꦸꦮꦶ​ꦏꦺꦴꦮꦺ​ꦔꦼꦠꦺꦴꦏ꧀ꦏꦏꦺꦤꦺꦏ꧀ꦏꦺꦴꦮꦺ​ꦱꦼꦠꦸꦗꦸ​ꦏꦫꦺꦴ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦩ꧀ꦧꦃꦩ꧀ꦧꦲꦤ꧀ꦩꦸꦢꦺꦏ꧀​ꦩ꧀ꦧꦶꦪꦺꦤ꧀꧈​ꦮꦸꦗꦸꦠ꧀ꦠꦺ꧈​ꦮꦺꦴꦁꦮꦺꦴꦁ​ꦏꦸꦮꦶ​ꦱꦶꦁ​ꦩꦠꦺꦤ꧀ꦤꦶ​ꦥꦫ​ꦤꦧꦶ​ꦭꦤ꧀ꦏꦺꦴꦮꦺ​ꦱꦶꦁ​ꦔ꧀ꦒꦮꦺꦏ꧀ꦏꦏꦺꦏꦸꦧꦸꦂꦫꦤ꧀ꦏꦁꦒꦺꦴ​ꦥꦫ​ꦤꦧꦶ​꧉​ ⁴⁹ꦗꦭꦂꦫꦤ꧀ꦱꦁꦏꦏꦸꦮꦶ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦏꦮꦼꦫꦸꦃꦲꦺꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦔꦺꦤꦺ​:'ꦲꦏꦸ​ꦧꦏꦭ꧀ꦔꦺꦴꦁꦏꦺꦴꦤ꧀ꦤꦧꦶꦤꦧꦶ​ꦭꦤ꧀ꦫꦱꦸꦭ꧀ꦫꦱꦸꦭ꧀ꦠꦼꦏ​;ꦲꦺꦤꦺꦁꦱꦶꦁ​ꦧꦏꦭ꧀ꦢꦶꦥꦠꦺꦤ꧀ꦤꦶ​ꦭꦤ꧀ꦲꦺꦤꦺꦁꦱꦶꦁ​ꦧꦏꦭ꧀ꦢꦶꦱꦶꦪꦱꦶꦪ​꧉'​ ^50-51ꦔꦤ꧀ꦢꦼꦭ꧀ꦭ​ꦠ​!ꦒꦼꦠꦶꦃꦲꦺ​ꦥꦫ​ꦤꦧꦶ​ꦱꦶꦁ​ꦩꦶꦭꦶ​ꦮꦶꦮꦶꦠ꧀ꦗꦩꦤ꧀ꦤꦺ​ꦧꦸꦩꦶ​ꦢꦶꦒꦮꦺ​꧈​ꦠꦼꦒꦼꦱ꧀ꦱꦺ​ꦮꦶꦮꦶꦠ꧀ꦒꦼꦠꦶꦃꦲꦺ​ꦄꦧꦺꦭ꧀ ꦔꦤ꧀ꦠꦶ​ꦠꦼꦏꦤ꧀ꦒꦼꦠꦶꦃꦲꦺ​ꦤꦧꦶ​ꦯꦏꦫꦶꦪꦱ꧀ ꦱꦶꦁ​ꦢꦶꦥꦠꦺꦤ꧀ꦤꦶ​ꦤꦁꦱꦏ꧀ꦠꦼꦔꦃꦲꦺ​ꦲꦭ꧀ꦠꦂꦭꦤ꧀ꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦸꦮꦶ​ꦏꦧꦺꦃ​ꦧꦏꦭ꧀ꦢꦶꦠꦶꦧꦏ꧀ꦏꦏꦺꦩꦫꦁ​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦲꦶꦏꦶ​꧉​ ⁵²꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​!ꦲꦮꦶꦠ꧀ꦏꦺꦴꦮꦺ​ꦚꦼꦏꦼꦭ꧀ꦏꦸꦚ꧀ꦕꦶꦤꦺ​ꦏꦮꦼꦫꦸꦃꦧꦧ꧀ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ ꦤꦁꦔꦶꦁ​ꦏꦺꦴꦮꦺ​ꦢꦺꦮꦺꦲꦺꦴꦫ​ꦔ꧀ꦊꦧꦺꦴꦤ꧀ꦤꦶ꧈​ꦩꦭꦃ​ꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦔꦼꦂꦠꦶ​ꦲꦶꦱꦶꦤꦺ​ꦮꦺꦠ꧀ꦮꦺꦠ꧀ꦏꦸꦮꦶ​ꦲꦩ꧀ꦧꦺꦴꦏ꧀ꦲꦭꦁꦔꦭꦁꦔꦶ!” ⁵³꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧈​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦠꦼꦫꦸꦱ꧀ꦥꦢ​ꦤꦼꦱꦸ​ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦩꦲꦸ​ꦥꦢ​ꦔꦼꦠꦺꦴꦏ꧀ꦏꦏꦺꦥꦶꦠꦏꦺꦴꦤ꧀ꦤꦤ꧀ꦥꦶꦫꦁꦥꦶꦫꦁ​ꦭꦤ꧀ꦧꦧ꧀ꦮꦼꦂꦤꦮꦼꦂꦤ​ꦥꦽꦏꦫ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ⁵⁴ꦤꦁꦔꦶꦁ​ꦱꦶꦁ​ꦢꦶꦠꦸꦗꦸ​ꦱꦸꦥꦪ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦶꦁ​ꦏ꧀ꦭꦺꦫꦸ​꧈​ꦱꦶꦁ​ꦏꦼꦤꦺꦁꦢꦶꦲꦼꦁꦒꦺꦴ​ꦗꦭꦂꦫꦤ꧀ꦏꦁꦒꦺꦴ​ꦚꦼꦏꦼꦭ꧀ꦢꦺꦏ꧀ꦤꦺ꧉​ #if: Cithakan:Jawa #if: #if: #if: #if: #if: #if: Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa

Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa

Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa Cithakan:Jawa