ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦩꦼꦢꦂꦫꦤ꧀/17

ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​ ꧇​꧔꧇​ ꧇​꧕꧇​ ꧇​꧖꧇​꧇​꧗꧇​ ꧇​꧘꧇​ ꧇​꧙꧇​ ꧇​꧑꧐꧇​ ꧇​꧑꧑꧇​ ꧇​꧑꧒꧇​ ꧇​꧑꧓꧇​꧇​꧑꧔꧇​ ꧇​꧑꧕꧇​ ꧇​꧑꧖꧇​꧇​꧑꧗꧇​ ꧇​꧑꧘꧇​ ꧇​꧑꧙꧇​ ꧇​꧒꧐꧇​ ꧇​꧒꧑꧇​꧇​꧒꧒꧇​

꧋ꦥꦸꦠꦸꦱ꧀ꦱꦤ꧀ꦧꦧ꧀ꦏꦸꦠꦨꦧꦶꦭꦺꦴꦤ꧀꧈​

꧇​꧑꧗꧇​ 1꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦭꦃꦱꦏ꧀ꦮꦶꦗꦶꦤꦺꦩꦸꦭꦺꦏꦠ꧀ꦥꦶꦠꦸ​ꦱꦶꦁ​ꦔ꧀ꦒꦮ​ꦩꦁꦏꦺꦴꦏ꧀ꦥꦶꦠꦸ​ꦩꦲꦸ​ꦩꦫꦤꦶ​ꦲꦏꦸ​ꦭꦤ꧀ꦔꦺꦴꦩꦺꦴꦁꦔꦶ:“ꦩ꧀ꦧꦿꦺꦤꦺꦪ꧈​ꦠꦏ꧀ꦢꦸꦢꦸꦃꦲꦶꦱꦼꦠꦿꦥꦤ꧀ꦤꦺꦭꦺꦴꦤ꧀ꦠꦺꦒꦼꦢꦺ꧈​ꦪꦏꦸꦮꦶ​ꦏꦸꦠꦒꦼꦢꦺꦱꦶꦁ​ꦢꦶꦢꦼꦏ꧀ꦤꦺꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦏꦺꦃꦧꦚꦸꦤꦺ​꧉​ 2ꦥꦫ​ꦫꦠꦸ​ꦥꦢ​ꦭꦏꦸ​ꦧꦺꦢꦁꦏꦫꦺꦴ​ꦭꦺꦴꦤ꧀ꦠꦺꦒꦼꦢꦺꦩꦲꦸ​꧈​ꦲꦸꦒ​ꦮꦺꦴꦁꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦧꦸꦩꦶ​ꦮꦶꦱ꧀ꦥꦢ​ꦩꦼꦤ꧀ꦢꦼꦩ꧀ꦏꦫꦺꦴ​ꦲꦁꦒꦸꦂꦫꦺ​ꦧꦺꦢꦁꦔꦺ꧉​”

3꧋ꦲꦶꦁ​ꦥꦔ꧀ꦮꦱꦤꦺ​ꦫꦺꦴꦃ​ꦱꦸꦕꦶ​ꦲꦏꦸ​ꦢꦶꦒꦮ​ꦤꦁꦮꦸꦱ꧀ꦠꦺꦤ꧀ꦏꦫꦺꦴ​ꦩꦸꦭꦺꦏꦠ꧀ꦩꦲꦸ​꧉​ꦤꦁꦏꦺꦴꦤꦺꦴ​ꦲꦏꦸ​ꦮꦼꦫꦸꦃ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦤꦸꦩ꧀ꦥꦏ꧀ꦏꦺꦮꦤ꧀ꦱꦶꦁ​ꦫꦸꦥꦤꦺ​ꦲꦧꦁ​ꦲꦩ꧀ꦧꦿꦤꦁ​꧉​ꦏꦺꦮꦤ꧀ꦩꦲꦸ​ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦏꦼꦧꦼꦏ꧀ꦏꦫꦺꦴ​ꦠꦸꦭꦶꦱ꧀ꦱꦤ꧀ꦱꦶꦁ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦏꦺꦮꦤ꧀ꦏꦸꦮꦶ​ꦲꦼꦤ꧀ꦢꦱ꧀ꦱꦺꦥꦶꦠꦸ​ꦭꦤ꧀ꦱꦸꦔꦸꦤꦺ​ꦱꦼꦥꦸꦭꦸꦃ​꧉​ 4ꦮꦺꦴꦁ​ꦮꦺꦢꦺꦴꦏ꧀ꦏꦺꦔꦁꦒꦺꦴ​ꦏ꧀ꦭꦩ꧀ꦧꦶ​ꦥꦸꦂꦥꦼꦂꦭꦤ꧀ꦲꦧꦁ​ꦩꦠꦼꦁ​ꦱꦶꦁ​ꦲꦺꦤꦺꦁꦲꦼꦩꦱ꧀ ꦲꦶꦤ꧀ꦠꦼꦤ꧀ꦭꦤ꧀ꦩꦸꦠꦶꦪꦫꦤꦺ꧉​ꦠꦔꦤ꧀ꦤꦺ​ꦚꦼꦏꦼꦭ꧀ꦕꦁꦏꦶꦂ​ꦲꦼꦩꦱ꧀ꦱꦶꦁ​ꦏꦼꦧꦼꦏ꧀ꦏꦫꦺꦴ​ꦧꦫꦁꦧꦫꦁ​ꦉꦒꦼꦠ꧀ꦭꦤ꧀ꦗꦶꦗꦶꦏ꧀ ꦲꦺꦤ꧀ꦠꦸꦏ꧀ꦲꦺꦤ꧀ꦠꦸꦏ꧀ꦏꦺꦲꦼꦁꦒꦺꦴꦤꦺ​ꦭꦏꦸ​ꦧꦺꦢꦁ꧉​ 5ꦤꦁꦧꦠꦸꦏ꧀ꦏꦺꦮꦺꦴꦁ​ꦮꦺꦢꦺꦴꦏ꧀ꦏꦺꦲꦺꦤꦺꦁꦠꦸꦭꦶꦱ꧀ꦱꦤ꧀ꦤꦺ​ꦗꦼꦤꦼꦁ​ꦱꦶꦩ꧀ꦥꦼꦤ꧀ꦤꦤ꧀ ꦪꦏꦸꦮꦶ​:“ꦨꦧꦶꦭꦺꦴꦤ꧀ꦒꦼꦢꦺ꧈​ꦧꦧꦺꦴꦤ꧀ꦤꦺꦱꦏ꧀ꦏꦺꦃꦲꦺꦭꦺꦴꦤ꧀ꦠꦺꦭꦤ꧀ꦱꦏ꧀ꦏꦺꦃꦲꦺꦥꦼꦁꦒꦮꦺ​ꦲꦭ​ꦤꦁꦧꦸꦩꦶ​꧉​” 6ꦲꦏꦸ​ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦲꦶꦗꦶꦏ꧀ꦩꦼꦤ꧀ꦢꦼꦩ꧀ꦱꦁꦏꦒꦼꦠꦶꦃꦲꦺ​ꦥꦫ​ꦮꦺꦴꦁ​ꦥꦽꦕꦪ​ꦭꦤ꧀ꦒꦼꦠꦶꦃꦲꦺ​ꦮꦺꦴꦁ​ꦱꦶꦁ​ꦮꦶꦱ꧀ꦥꦢ​ꦗꦚ꧀ꦗꦶ​ꦤꦸꦫꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏꦤ꧀ꦥꦠꦶ​꧉​

꧋ꦮꦼꦫꦸꦃ​ꦏꦸꦮꦶ​ꦩꦲꦸ​ꦏꦧꦺꦃ​ꦲꦏꦸ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ 7ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦲꦏꦸ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀​ꦔ꧀ꦒꦸꦩꦸꦤ꧀?ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶꦧꦧ꧀ ꦮꦼꦮꦢꦶꦤꦺ​ꦮꦺꦴꦁ​ꦮꦺꦢꦺꦴꦏ꧀ꦭꦤ꧀ꦮꦼꦮꦢꦶꦤꦺ​ꦏꦺꦮꦤ꧀ꦱꦶꦁ​ꦢꦶꦠꦸꦩ꧀ꦥꦏ꧀ꦏꦶ​꧈​ꦱꦶꦁ​ꦲꦼꦤ꧀ꦢꦱ꧀ꦱꦺꦥꦶꦠꦸ​ꦭꦤ꧀ꦱꦸꦔꦸꦤꦺ​ꦱꦼꦥꦸꦭꦸꦃ​ꦏꦸꦮꦶ​꧉​ 8ꦏꦺꦮꦤ꧀ꦱꦶꦁ​ꦲꦩ꧀ꦧꦺꦴꦏ꧀ꦱꦮꦁꦏꦸꦮꦶ​ꦩꦲꦸꦤꦺ​ꦲꦺꦤꦺꦁ꧈​ꦤꦁꦔꦶꦁ​ꦱꦲꦶꦏꦶ​ꦲꦺꦴꦫ​ꦲꦺꦤꦺꦁ꧉​ꦏꦺꦮꦤ꧀ꦏꦸꦮꦶ​ꦧꦏꦭ꧀​ꦚ꧀ꦗꦼꦢꦸꦭ꧀ꦱꦁꦏꦗꦸꦫꦁ​ꦥꦼꦠꦼꦁ​ꦭꦤ꧀ꦧꦏꦭ꧀ꦢꦶꦫꦩ꧀ꦥꦸꦁꦔꦏꦺ꧉​ꦭꦃ​ꦥꦫ​ꦩꦤꦸꦁꦱ​ꦱꦶꦁ​ꦩꦁꦒꦺꦴꦤ꧀ꦤꦁꦧꦸꦩꦶ​꧈​ꦱꦶꦁ​ꦗꦼꦤꦼꦁꦔꦺ​ꦲꦺꦴꦫ​ꦏꦼꦠꦸꦭꦶꦱ꧀ꦤꦁꦧꦸꦏꦸ​ꦥꦔꦸꦫꦶꦥ꧀ꦥꦤ꧀ꦱꦏ꧀ꦢꦸꦫꦸꦁꦔꦺꦗꦒꦠ꧀ꦢꦶꦒꦮꦺ​꧈​ꦤꦺꦏ꧀ꦥꦢ​ꦮꦼꦫꦸꦃ​ꦏꦺꦮꦤ꧀ꦩꦲꦸ​ꦧꦏꦭ꧀ꦥꦢ​ꦔ꧀ꦒꦸꦩꦸꦤ꧀꧈​ꦲꦮꦶꦠ꧀ꦏꦺꦮꦤ꧀ꦏꦸꦮꦶ​ꦩ꧀ꦧꦶꦪꦺꦤ꧀ꦲꦺꦤꦺꦁ꧈​ꦱꦲꦶꦏꦶ​ꦲꦺꦴꦫ​ꦲꦺꦤꦺꦁ꧈​ꦤꦁꦔꦶꦁ​ꦧꦏꦭ꧀​ꦚ꧀ꦗꦼꦢꦸꦭ꧀ꦩꦼꦤꦺꦃ​꧉​

9꧋“ꦥꦽꦏꦫ​ꦲꦶꦏꦶ​ꦥꦚ꧀ꦕꦺꦤ꧀​ꦩ꧀ꦧꦸꦠꦸꦃꦲꦏꦺꦏꦮꦼꦫꦸꦃꦭꦤ꧀ꦥꦔꦼꦂꦠꦶ​꧉​ꦌꦤ꧀ꦢꦱ꧀ꦥꦶꦠꦸ​ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦒꦸꦤꦸꦁ​ꦥꦶꦠꦸ​ꦱꦶꦁ​ꦢꦶꦗꦒꦺꦴꦁꦔꦶꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​꧉​ 10ꦏꦸꦮꦶ​ꦲꦸꦒ​ꦔ꧀ꦒꦩ꧀ꦧꦂꦫꦏꦺꦫꦠꦸ​ꦥꦶꦠꦸ​:ꦱꦶꦁ​ꦭꦶꦩ​ꦮꦶꦱ꧀ꦲꦩ꧀ꦧꦿꦸꦏ꧀ ꦱꦶꦁ​ꦱꦶꦗꦶ​ꦲꦶꦗꦶꦏ꧀ꦔꦢꦼꦏ꧀ꦭꦤ꧀ꦱꦶꦁ​ꦱꦶꦗꦶꦤꦺ​ꦩꦼꦤꦺꦃ​ꦢꦸꦫꦸꦁ​ꦠꦼꦏ​꧉​ꦤꦺꦏ꧀ꦏꦸꦮꦶ​ꦠꦼꦏ​꧈​ꦱꦶꦁ​ꦔꦢꦼꦏ꧀ꦲꦺꦴꦫ​ꦱꦸꦮꦶ꧉​ 11ꦭꦃ​ꦏꦺꦮꦤꦺ​꧈​ꦱꦶꦁ​ꦩꦲꦸꦤꦺ​ꦲꦺꦤꦺꦁ꧈​ꦱꦲꦶꦏꦶ​ꦲꦺꦴꦫ​ꦲꦺꦤꦺꦁ꧈​ꦏꦸꦮꦶ​ꦫꦠꦸ​ꦱꦶꦁ​ꦤꦺꦴꦩꦼꦂ​ꦮꦺꦴꦭꦸ​꧉​ꦫꦠꦸ​ꦏꦸꦮꦶ​ꦠꦸꦁꦒꦭ꧀ꦭꦺ​ꦏꦫꦺꦴ​ꦫꦠꦸ​ꦥꦶꦠꦸ​ꦱꦶꦁ​ꦧꦏꦭ꧀ꦢꦶꦲꦩ꧀ꦧꦿꦸꦏ꧀ꦏꦏꦺꦩꦲꦸ​꧉​

12꧋“ꦭꦃ​ꦱꦸꦔꦸ​ꦱꦼꦥꦸꦭꦸꦃ​ꦱꦶꦁ​ꦲꦩ꧀ꦧꦺꦴꦏ꧀ꦱꦮꦁꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦫꦠꦸ​ꦱꦼꦥꦸꦭꦸꦃ​ꦱꦶꦁ​ꦢꦸꦫꦸꦁ​ꦩꦺꦴꦭꦃꦲꦶꦔ꧀ꦭꦏꦺꦴꦏ꧀ꦏꦏꦺꦥꦔ꧀ꦮꦱ​꧉​ꦫꦠꦸꦫꦠꦸ​ꦏꦸꦮꦶ​ꦧꦏꦭ꧀ꦥꦢ​ꦤꦩ꧀ꦥꦤꦶ​ꦥꦔ꧀ꦮꦱꦤꦺ​ꦧꦼꦧꦉꦁꦔꦤ꧀ꦏꦫꦺꦴ​ꦏꦺꦮꦤꦺ​꧈​ꦱꦏ꧀ꦗꦩ꧀ꦱꦸꦮꦺꦤꦺ​꧉​ 13ꦫꦠꦸ​ꦱꦼꦥꦸꦭꦸꦃ​ꦏꦸꦮꦶ​ꦠꦸꦗꦸꦮꦤ꧀ꦤꦺꦠꦸꦁꦒꦭ꧀ꦭꦺ​꧈​ꦪꦏꦸꦮꦶ​꧈​ꦲꦉꦥ꧀ꦩꦱꦿꦃꦲꦏꦺꦥꦔ꧀ꦮꦱꦤꦺ​ꦭꦤ꧀ꦏꦼꦏꦸꦮꦠ꧀ꦠꦤ꧀ꦤꦺ​ꦩꦫꦁ​ꦏꦺꦮꦤ꧀꧈​ 14ꦫꦠꦸꦫꦠꦸ​ꦭꦤ꧀ꦏꦺꦮꦤꦺ​ꦧꦏꦭ꧀ꦢꦢꦶ​ꦱꦶꦗꦶ​ꦥꦼꦫꦁ​ꦏꦫꦺꦴ​ꦕꦼꦩ꧀ꦥꦺꦤꦺ​꧉​ꦤꦁꦔꦶꦁ​ꦧꦏꦭ꧀ꦢꦶꦏꦭꦃꦲꦏꦺꦏꦫꦺꦴ​ꦕꦼꦩ꧀ꦥꦺꦤꦺ​ꦭꦤ꧀ꦥꦫ​ꦱꦼꦢꦸꦭꦸꦂꦫꦺ​ꦱꦶꦁ​ꦮꦶꦱ꧀ꦢꦶꦥꦁꦒꦶꦭ꧀ꦭꦤ꧀ꦢꦶꦥꦶꦭꦶꦃ​ꦭꦤ꧀ꦱꦶꦁ​ꦥꦢ​ꦠꦼꦩꦼꦤ꧀ꦤꦸꦫꦸꦠ꧀ꦩꦫꦁ​ꦢꦺꦏ꧀ꦤꦺ꧉​ꦲꦮꦶꦠ꧀ꦢꦺꦏ꧀ꦤꦺꦏꦸꦮꦶ​ꦒꦸꦱ꧀ꦠꦶꦤꦺ​ꦥꦫ​ꦒꦸꦱ꧀ꦠꦶ​ꦭꦤ꧀ꦫꦠꦸꦤꦺ​ꦥꦫ​ꦫꦠꦸ​꧉​

15꧋“ꦩꦸꦭꦺꦏꦠ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦔꦶꦲꦏꦸ​ꦔꦺꦤꦺ​:ꦧꦚꦸ​ꦱꦶꦁ​ꦲꦩ꧀ꦧꦺꦴꦏ꧀ꦱꦮꦁ꧈​ꦱꦶꦁ​ꦢꦶꦗꦒꦺꦴꦁꦔꦶꦭꦺꦴꦤ꧀ꦠꦺꦏꦸꦮꦶ​꧈​ꦔ꧀ꦒꦩ꧀ꦧꦂꦫꦏꦺꦤꦼꦒꦫꦤꦼꦒꦫ​ꦭꦤ꧀ꦒꦺꦴꦭꦺꦴꦔꦤ꧀ꦒꦺꦴꦭꦺꦴꦔꦤ꧀ꦤꦺ​ꦮꦺꦴꦁ​꧈​ꦥꦫ​ꦧꦁꦱ​ꦭꦤ꧀ꦧꦱ​꧉​ 16ꦱꦸꦔꦸ​ꦱꦼꦥꦸꦭꦸꦃ​ꦭꦤ꧀ꦏꦺꦮꦤꦺ​ꦏꦸꦮꦶ​ꦧꦏꦭ꧀ꦥꦢ​ꦱꦼꦔꦶꦠ꧀ꦩꦫꦁ​ꦭꦺꦴꦤ꧀ꦠꦺꦤꦺ꧉​ꦱꦼꦩ꧀ꦧꦫꦁ​ꦤ꧀ꦢꦸꦮꦺꦪꦭꦺꦴꦤ꧀ꦠꦺꦤꦺꦧꦏꦭ꧀ꦢꦶꦉꦧꦸꦠ꧀ꦭꦤ꧀ꦮꦺꦴꦁꦔꦺ​ꦧꦏꦭ꧀ꦢꦶꦲꦸꦢꦤ꧀ꦤꦶ​꧉​ꦢꦒꦶꦁꦔꦺ​ꦧꦏꦭ꧀ꦢꦶꦥꦔꦤ꧀ꦠꦼꦫꦸꦱ꧀ꦮꦺꦴꦁꦔꦺ​ꦢꦶꦲꦺꦴꦧꦺꦴꦁ​ꦤꦁꦒꦼꦤꦶ​꧉​ 17ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀​ꦤ꧀ꦢꦺꦏꦺꦏ꧀ꦲꦶꦁ​ꦲꦠꦶꦤꦺ​ꦮꦺꦴꦁꦮꦺꦴꦁ​꧈​ꦱꦸꦥꦪ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦥ​ꦱꦶꦁ​ꦮꦶꦱ꧀ꦢꦶꦠꦼꦠꦼꦥ꧀ꦥꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦩꦱꦿꦃꦲꦏꦺꦥꦔ꧀ꦮꦱꦤꦺ​ꦩꦫꦁ​ꦏꦺꦮꦤꦺ​꧉​ꦏꦺꦮꦤ꧀ꦧꦏꦭ꧀​ꦔ꧀ꦭꦏꦺꦴꦏ꧀ꦏꦏꦺꦥꦔ꧀ꦮꦱꦤꦺ​ꦔꦤ꧀ꦠꦶ​ꦏꦧꦺꦃ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦼꦠꦸꦫꦸꦠ꧀ꦠꦤ꧀꧈​

18꧋“ꦮꦺꦴꦁꦮꦺꦢꦺꦴꦏ꧀ꦱꦶꦁꦩ꧀ꦧꦺꦴꦏ꧀ꦱꦮꦁꦏꦸꦮꦶꦔ꧀ꦒꦩ꧀ꦧꦂꦫꦏꦺꦏꦸꦠꦒꦼꦢꦺ꧈​ꦱꦶꦁꦔ꧀ꦮꦱꦤꦶꦥꦫꦫꦠꦸꦤꦁꦧꦸꦩꦶ꧉​”

↑ ↑ ↑

← ꧇​꧑꧖꧇​   ꧇​꧑꧘꧇​ →