Alkitab/Kaimaman/14

14:1 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁ​꧊ꦩꦸꦱ꧈​
14:2 ꦧꦧ꧀ꦲꦸꦥꦕꦫꦩ꧀ꦧꦶꦫꦠ꧀ꦤꦗꦶꦱ꧀ꦱꦺꦮꦺꦴꦁꦱꦶꦁꦮꦶꦱ꧀ꦩꦫꦶꦲꦼꦁꦒꦺꦴꦤꦺꦤꦤ꧀ꦝꦁꦭꦫꦏꦸꦱ꧀ꦠ꧉​ꦮꦺꦴꦁꦔꦺꦏꦸꦢꦸꦔꦝꦼꦥ꧀ꦩꦫꦁꦲꦶꦩꦩ꧀꧈​ꦱꦸꦥꦪꦲꦶꦩꦩ꧀ꦤꦼꦠꦼꦥ꧀ꦥꦏꦺꦪꦺꦤ꧀ꦮꦺꦴꦁꦩꦲꦸꦲꦶꦁꦢꦶꦤꦏꦸꦮꦶꦮꦶꦱ꧀ꦉꦱꦶꦏ꧀꧉​
14:3 ꦲꦶꦩꦩ꧀ꦏꦸꦢꦸꦔꦗꦏ꧀ꦮꦺꦴꦁꦩꦲꦸꦩꦼꦠꦸꦱꦏꦢꦺꦱ꧈​ꦧꦚ꧀ꦗꦸꦂꦢꦶꦥꦿꦶꦏ꧀ꦱ꧉​ꦪꦺꦤ꧀ꦭꦫꦤꦺꦮꦶꦱ꧀ꦩꦫꦶꦠꦼꦩꦼꦤ꧀ꦤꦤ꧀꧈​
14:4 ꦲꦶꦩꦩ꧀ꦏꦸꦢꦸꦔꦤ꧀ꦝꦤ꧀ꦤꦶꦮꦺꦴꦁꦔꦺ꧈​ꦱꦸꦥꦪꦔ꧀ꦒꦮꦩꦤꦸꦏ꧀ꦱꦶꦁꦲꦺꦴꦫꦏꦫꦩ꧀ꦫꦺꦴꦁꦲꦶꦗꦶ꧈​ꦏꦫꦺꦴꦏꦪꦸꦕꦼꦩꦫ​꧊ꦭꦶꦧꦤꦺꦴꦤ꧀ꦱꦠꦼꦁꦏꦼꦭ꧀꧈​ꦠꦭꦶꦲꦧꦁꦭꦤ꧀ꦒꦒꦁꦔꦺꦱꦸꦏꦼꦠ꧀ꦲꦶꦱꦺꦴꦥ꧀ꦱꦶꦗꦶ꧉​
14:5 ꦩꦤꦸꦏ꧀ꦏꦺꦱꦶꦁꦱꦶꦗꦶꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦤꦲꦶꦁꦏꦸꦮꦭꦶꦱꦏꦊꦩꦃ꧈​ꦱꦶꦁꦲꦶꦱꦶꦧꦚꦸꦉꦱꦶꦏ꧀ꦱꦏꦱꦸꦩꦸꦂ꧉​
14:6 ꦩꦤꦸꦏ꧀ꦭꦶꦪꦤꦺꦏꦸꦢꦸꦢꦶꦕꦼꦭꦸꦥ꧀ꦥꦏꦺꦲꦶꦁꦒꦼꦠꦶꦃꦲꦺꦩꦤꦸꦏ꧀ꦱꦶꦁꦮꦶꦱ꧀ꦢꦶꦱꦼꦩ꧀ꦧꦼꦭꦺꦃꦩꦲꦸ꧈​ꦧꦉꦁꦏꦫꦺꦴꦏꦪꦸꦤꦺꦕꦼꦩꦫ꧈​ꦠꦭꦶꦲꦧꦁꦭꦤ꧀ꦒꦒꦁꦔꦺꦲꦶꦱꦺꦴꦥ꧀꧉​
14:7 ꦒꦼꦠꦶꦃꦲꦺꦩꦤꦸꦏ꧀ꦱꦶꦁꦲꦤꦲꦶꦁꦏꦸꦮꦭꦶꦩꦲꦸꦏꦸꦢꦸꦢꦶꦏꦼꦥꦾꦸꦂꦏꦼꦥꦾꦸꦂꦫꦏꦺꦢꦺꦤꦶꦁꦲꦶꦩꦩ꧀ꦩꦼꦚꦁꦮꦺꦴꦁꦱꦶꦁꦮꦶꦱ꧀ꦮꦫꦱ꧀ꦩꦲꦸꦫꦩ꧀ꦧꦃꦥꦶꦁꦥꦶꦠꦸ꧉​ꦲꦶꦩꦩ꧀ꦧꦚ꧀ꦗꦸꦂꦤꦼꦠꦼꦥ꧀ꦥꦏꦺꦪꦺꦤ꧀ꦮꦺꦴꦁꦩꦲꦸꦮꦶꦱ꧀ꦉꦱꦶꦏ꧀꧉​ꦱꦮꦶꦱ꧀ꦱꦺꦏꦸꦮꦶꦩꦤꦸꦏ꧀ꦱꦶꦁꦲꦶꦱꦶꦃꦲꦸꦫꦶꦥ꧀ꦩꦲꦸꦢꦶꦕꦸꦭ꧀ꦭꦏꦺꦲꦤꦲꦶꦁꦲꦫꦲꦫ꧉​
14:8 ꦮꦺꦴꦁꦔꦺꦧꦚ꧀ꦗꦸꦂꦢꦶꦏꦺꦴꦤ꧀ꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ꧈​ꦚꦸꦏꦸꦂꦱꦶꦫꦃꦲꦺꦭꦤ꧀ꦲꦢꦸꦱ꧀꧉​ꦮꦺꦴꦁꦏꦸꦮꦶꦱꦲꦶꦏꦶꦉꦱꦶꦏ꧀ꦭꦤ꧀ꦏꦼꦤꦩ꧀ꦭꦼꦧꦸꦲꦶꦁꦢꦺꦱ꧈​ꦲꦺꦮꦱꦼꦩꦺꦴꦤꦺꦴꦢꦸꦫꦸꦁꦏꦼꦤꦩꦸꦭꦶꦃꦩꦁꦒꦺꦴꦤ꧀ꦲꦶꦁꦲꦺꦴꦩꦃꦲꦺꦝꦺꦮꦺꦔꦤ꧀ꦠꦶꦥꦶꦠꦸꦁꦢꦶꦤꦭꦮꦱ꧀ꦱꦺ꧉​
14:9 ꦱꦮꦶꦱ꧀ꦱꦺꦥꦶꦠꦸꦁꦢꦶꦤꦮꦺꦴꦁꦩꦲꦸꦏꦸꦢꦸꦚꦸꦏꦸꦂꦱꦶꦫꦃꦲꦺꦩꦼꦤꦺꦃ꧈​ꦱꦼꦩꦺꦴꦤꦺꦴꦲꦸꦒꦗꦺꦁꦒꦺꦴꦠ꧀ꦠꦺ꧈​ꦲꦭꦶꦱ꧀ꦱꦺꦭꦤ꧀ꦏꦧꦺꦃꦮꦸꦭꦸꦲꦶꦁꦧꦢꦤ꧀ꦤꦺꦱꦼꦏꦺꦴꦗꦸꦂ꧉​ꦱꦮꦶꦱ꧀ꦱꦺꦏꦸꦮꦶꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ꧈​ꦧꦚ꧀ꦗꦸꦂꦲꦢꦸꦱ꧀꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦮꦺꦴꦁꦩꦲꦸꦢꦢꦶꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​
14:10 ꦲꦶꦁꦢꦶꦤꦏꦥꦶꦁꦮꦺꦴꦭꦸꦤꦺꦮꦺꦴꦁꦩꦲꦸꦏꦸꦢꦸꦔ꧀ꦒꦮꦕꦼꦩ꧀ꦥꦺꦭꦤꦁꦭꦺꦴꦫꦺꦴ꧈​ꦕꦼꦩ꧀ꦥꦺꦮꦢꦺꦴꦤ꧀ꦱꦶꦗꦶ꧈​ꦲꦸꦩꦸꦂꦱꦼꦠꦲꦸꦤ꧀꧈​ꦱꦶꦁꦠꦤ꧀ꦥꦕꦕꦢ꧀꧈​ꦏꦫꦺꦴꦒ꧀ꦭꦼꦥꦸꦁꦠꦼꦭꦸꦁꦏꦶꦭꦺꦴꦒꦿꦩ꧀꧈​ꦱꦶꦁꦮꦶꦱ꧀ꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀꧈​ꦱꦂꦠꦊꦔꦗ꦳ꦲꦶꦠꦸꦤ꧀ꦱꦥꦿꦠꦼꦭꦺꦴꦤ꧀ꦭꦶꦠꦼꦂ꧉​
14:11 ꦲꦶꦩꦩ꧀ꦏꦸꦢꦸꦔ꧀ꦒꦮꦮꦺꦴꦁꦔꦺꦭꦤ꧀ꦥꦶꦱꦸꦁꦱꦸꦁꦔꦺꦩꦼꦚꦁꦭꦮꦁꦔꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​
14:12 ꦕꦼꦩ꧀ꦥꦺꦤꦺꦭꦤꦁꦱꦶꦗꦶꦭꦤ꧀ꦊꦔꦤꦺꦗ꦳ꦲꦶꦠꦸꦤ꧀ꦱꦥꦿꦠꦼꦭꦺꦴꦤ꧀ꦭꦶꦠꦼꦂꦩꦲꦸꦏꦸꦢꦸꦢꦶꦱꦲꦺꦴꦱ꧀ꦱꦏꦺꦢꦺꦤꦶꦁꦲꦶꦩꦩ꧀ꦢꦢꦶꦏꦸꦂꦧꦤ꧀ꦝꦼꦤ꧀ꦝ꧉​ꦏꦸꦂꦧꦤ꧀ꦏꦸꦮꦶꦥꦶꦱꦸꦁꦱꦸꦁꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦭꦤ꧀ꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​
14:13 ꦲꦶꦩꦩ꧀ꦏꦸꦢꦸꦚꦼꦩ꧀ꦧꦼꦭꦺꦃꦕꦼꦩ꧀ꦥꦺꦤꦺꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧈​ꦱꦶꦁꦲꦢꦠ꧀ꦠꦺꦏꦁꦒꦺꦴꦚꦼꦩ꧀ꦧꦼꦭꦺꦃꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦕꦼꦩ꧀ꦥꦺꦩꦲꦸꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦶꦁꦏꦺꦴꦤꦺꦴ꧈​ꦩꦼꦂꦒꦏꦸꦂꦧꦤ꧀ꦝꦼꦤ꧀ꦝꦭꦤ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦸꦮꦶꦱꦸꦕꦶꦧꦔꦼꦠ꧀꧈​ꦭꦤ꧀ꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​
14:14 ꦲꦶꦩꦩ꧀ꦏꦸꦢꦸꦤ꧀ꦢꦸꦭꦶꦠ꧀ꦒꦼꦠꦶꦃꦲꦺꦕꦼꦩ꧀ꦥꦺꦩꦲꦸꦭꦤ꧀ꦔ꧀ꦭꦺꦭꦺꦠ꧀ꦠꦏꦺꦲꦶꦁꦏꦸꦥꦶꦁꦔꦺꦠꦼꦔꦼꦤ꧀ꦮꦺꦴꦁꦱꦶꦁꦲꦉꦥ꧀ꦢꦶꦠꦼꦠꦼꦥ꧀ꦥꦏꦺꦉꦱꦶꦏ꧀ꦩꦲꦸ꧈​ꦱꦼꦩꦺꦴꦤꦺꦴꦲꦸꦒꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀꧈​ꦭꦤ꧀ꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​
14:15 ꦲꦶꦩꦩ꧀ꦧꦚ꧀ꦗꦸꦂꦔꦼꦱꦺꦴꦏ꧀ꦊꦔꦤꦺꦗ꦳ꦲꦶꦠꦸꦤ꧀ꦱꦼꦛꦶꦛꦶꦏ꧀ꦲꦶꦁꦲꦺꦥꦺꦏ꧀ꦲꦺꦥꦺꦏ꧀ꦏꦺꦏꦶꦮ꧉​
14:16 ꦱꦂꦠꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦠꦼꦔꦼꦤ꧀ꦱꦶꦗꦶꦲꦶꦁꦊꦔꦱꦶꦁꦲꦤꦲꦶꦁꦲꦺꦥꦺꦏ꧀ꦲꦺꦥꦺꦏ꧀ꦏꦺꦏꦶꦮ꧈​ꦧꦚ꧀ꦗꦸꦂꦔꦼꦥꦾꦸꦂꦔꦼꦥꦾꦸꦂꦫꦏꦺꦊꦔꦩꦲꦸꦫꦩ꧀ꦧꦃꦥꦶꦁꦥꦶꦠꦸꦲꦶꦁꦚ꧀ꦗꦼꦫꦺꦴꦤ꧀ꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​
14:17 ꦲꦶꦩꦩ꧀ꦧꦚ꧀ꦗꦸꦂꦤ꧀ꦢꦸꦭꦶꦠ꧀ꦊꦔꦱꦶꦁꦲꦤꦲꦶꦁꦲꦺꦥꦺꦏ꧀ꦲꦺꦥꦺꦏ꧀ꦏꦺꦏꦫꦺꦴꦒꦼꦠꦶꦃꦲꦺꦕꦼꦩ꧀ꦥꦺꦩꦲꦸ꧈​ꦢꦶꦭꦺꦭꦺꦠ꧀ꦠꦏꦺꦲꦶꦁꦏꦸꦥꦶꦁꦔꦺꦠꦼꦔꦼꦤ꧀ꦮꦺꦴꦁꦩꦲꦸ꧈​ꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀ꦭꦤ꧀ꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​
14:18 ꦠꦸꦫꦃꦲꦤ꧀ꦤꦺꦊꦔꦱꦶꦁꦲꦤꦲꦶꦁꦠꦔꦤ꧀ꦤꦺꦲꦶꦩꦩ꧀ꦧꦚ꧀ꦗꦸꦂꦢꦶꦲꦸꦱꦥ꧀ꦥꦏꦺꦲꦶꦁꦱꦶꦫꦃꦲꦺꦮꦺꦴꦁꦩꦲꦸ꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​
14:19 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦲꦶꦩꦩ꧀ꦧꦚ꧀ꦗꦸꦂꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦭꦤ꧀ꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦚꦼꦩ꧀ꦧꦼꦭꦺꦃꦏꦺꦮꦤ꧀ꦱꦶꦁꦲꦉꦥ꧀ꦢꦶꦲꦼꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​
14:20 ꦭꦤ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦲꦸꦧꦼꦧꦉꦁꦔꦤ꧀ꦏꦫꦺꦴꦏꦸꦂꦧꦤ꧀ꦒꦤ꧀ꦢꦸꦩ꧀ꦲꦶꦁꦩꦼꦱ꧀ꦧꦺꦃ꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧈​ꦱꦸꦥꦪꦮꦺꦴꦁꦔꦺꦢꦢꦶꦉꦱꦶꦏ꧀꧉​
14:21 ꦪꦺꦤ꧀ꦮꦺꦴꦁꦔꦺꦩꦲꦸꦲꦺꦴꦫꦢꦸꦮꦺ꧈​ꦭꦤ꧀ꦲꦺꦴꦫꦏꦸꦮꦠ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦫꦸꦥꦏꦺꦮꦤ꧀ꦠꦼꦭꦸꦁꦲꦶꦗꦶ꧈​ꦏꦪꦱꦶꦁꦢꦶꦠꦼꦠꦼꦥ꧀ꦥꦏꦺ꧈​ꦕꦸꦏꦸꦥ꧀ꦚꦲꦺꦴꦱ꧀ꦱꦏꦺꦕꦼꦩ꧀ꦥꦺꦭꦤꦁꦱꦶꦗꦶꦮꦲꦺ꧉​ꦏꦁꦒꦺꦴꦏꦸꦂꦧꦤ꧀ꦒꦤ꧀ꦢꦸꦩ꧀ꦕꦸꦏꦸꦥ꧀ꦚꦲꦺꦴꦱ꧀ꦱꦏꦺꦒ꧀ꦭꦼꦥꦸꦁꦱꦏꦶꦭꦺꦴꦒꦿꦩ꧀꧈​ꦱꦶꦁꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀;ꦭꦤ꧀ꦊꦔꦗ꦳ꦲꦶꦠꦸꦤ꧀ꦱꦥꦿꦠꦼꦭꦺꦴꦤ꧀ꦭꦶꦠꦼꦂ꧉​
14:22 ꦏꦼꦗꦧꦏꦸꦮꦶꦲꦶꦪꦏꦸꦢꦸꦚꦲꦺꦴꦱ꧀ꦱꦏꦺꦩꦤꦸꦏ꧀ꦢꦫꦲꦸꦠꦮꦩꦤꦸꦏ꧀ꦢꦽꦏꦸꦏꦸꦭꦺꦴꦫꦺꦴ;ꦱꦶꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​
14:23 ꦱꦲꦺꦴꦱ꧀ꦱꦤ꧀ꦩꦲꦸꦏꦧꦺꦃꦏꦸꦢꦸꦢꦶꦥꦱꦿꦃꦲꦏꦺꦩꦫꦁꦲꦶꦩꦩ꧀ꦲꦶꦁꦭꦮꦁꦔꦺꦏꦺꦩꦃꦱꦸꦕꦶ꧈​ꦤꦸꦁꦒꦭ꧀ꦢꦶꦤꦏꦫꦺꦴꦲꦸꦥꦕꦫꦥꦱꦸꦕꦺꦤ꧀ꦤꦺ꧉​
14:24 ꦕꦼꦩ꧀ꦥꦺꦭꦤ꧀ꦊꦔꦤꦺꦗ꦳ꦲꦶꦠꦸꦤ꧀ꦏꦸꦢꦸꦢꦶꦱꦲꦺꦴꦱ꧀ꦱꦏꦺꦢꦺꦤꦶꦁꦲꦶꦩꦩ꧀ꦢꦢꦶꦱꦲꦺꦴꦱ꧀ꦱꦤ꧀ꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ;ꦧꦫꦁꦩꦲꦸꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​
14:25 ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦚꦼꦩ꧀ꦧꦼꦭꦺꦃꦕꦼꦩ꧀ꦥꦺꦩꦲꦸ꧈​ꦭꦤ꧀ꦔ꧀ꦭꦺꦭꦺꦠ꧀ꦠꦏꦺꦒꦼꦠꦶꦃꦲꦺꦱꦼꦛꦶꦛꦶꦏ꧀ꦲꦤꦲꦶꦁꦏꦸꦥꦶꦁꦔꦺꦠꦼꦔꦼꦤ꧀ꦮꦺꦴꦁꦱꦶꦁꦭꦒꦶꦲꦉꦥ꧀ꦢꦶꦱꦸꦕꦺꦏ꧀ꦏꦏꦺ꧈​ꦱꦼꦩꦺꦴꦤꦺꦴꦲꦸꦒꦲꦶꦁꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀꧈​ꦭꦤ꧀ꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​
14:26 ꦲꦶꦩꦩ꧀ꦏꦸꦢꦸꦔꦼꦱꦺꦴꦏ꧀ꦏꦏꦺꦊꦔꦤꦺꦗ꦳ꦲꦶꦠꦸꦤ꧀ꦲꦶꦁꦲꦺꦥꦺꦏ꧀ꦲꦺꦥꦺꦏ꧀ꦏꦺꦝꦺꦮꦺꦱꦶꦁꦏꦶꦮ꧈​
14:27 ꦧꦚ꧀ꦗꦸꦂꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦠꦼꦔꦼꦤ꧀ꦱꦶꦗꦶꦲꦶꦁꦊꦔꦩꦲꦸ꧈​ꦢꦶꦏꦼꦥꦾꦸꦂꦏꦼꦥꦾꦸꦂꦫꦏꦺꦫꦩ꧀ꦧꦃꦥꦶꦁꦥꦶꦠꦸꦲꦶꦁꦚ꧀ꦗꦼꦫꦺꦴꦤ꧀ꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​
14:28 ꦊꦔꦩꦲꦸꦱꦭꦺꦴꦁꦲꦤꦱꦶꦁꦢꦶꦲꦸꦱꦥ꧀ꦥꦏꦺꦮꦺꦴꦁꦔꦺ꧈​ꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦩꦲꦸꦤꦺꦢꦶꦲꦸꦱꦥ꧀ꦥꦶꦔꦁꦒꦺꦴꦒꦼꦠꦶꦃ꧈​ꦪꦏꦸꦮꦶ:ꦏꦸꦥꦶꦁꦠꦼꦔꦼꦤ꧀꧈​ꦗꦼꦩ꧀ꦥꦺꦴꦭ꧀ꦠꦔꦤ꧀ꦠꦼꦔꦼꦤ꧀꧈​ꦭꦤ꧀ꦗꦼꦩ꧀ꦥꦺꦴꦭ꧀ꦱꦶꦏꦶꦭ꧀ꦠꦼꦔꦼꦤ꧀ꦮꦺꦴꦁꦱꦶꦁꦭꦒꦶꦲꦉꦥ꧀ꦢꦶꦱꦸꦕꦺꦏ꧀ꦏꦏꦺ꧉​
14:29 ꦠꦸꦫꦃꦲꦤ꧀ꦤꦺꦊꦔꦱꦶꦁꦲꦤꦲꦶꦁꦠꦔꦤ꧀ꦤꦺꦲꦶꦩꦩ꧀ꦏꦸꦢꦸꦢꦶꦲꦸꦱꦥ꧀ꦥꦏꦺꦲꦶꦁꦱꦶꦫꦃꦲꦺꦮꦺꦴꦁꦔꦺ꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​
14:30 ꦱꦮꦶꦱ꧀ꦱꦺꦏꦸꦮꦶꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦱꦭꦃꦱꦶꦗꦶꦢꦫꦲꦸꦠꦮꦢꦽꦏꦸꦏꦸꦩꦲꦸ꧈​
14:31 ꦢꦶꦲꦼꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ;ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦼꦁꦒꦺꦴꦤꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​
14:32 ꦩꦼꦁꦏꦺꦴꦤꦺꦴꦥꦽꦤꦠꦤꦺꦔꦽꦱꦶꦏ꧀ꦏꦶꦮꦺꦴꦁꦱꦶꦁꦩꦲꦸꦤꦺꦭꦫꦏꦸꦱ꧀ꦠ꧈​ꦩꦁꦏꦲꦺꦴꦫꦏꦸꦮꦠ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦸꦂꦧꦤ꧀ꦱꦶꦁꦢꦶꦠꦼꦠꦼꦥ꧀ꦥꦏꦺꦏꦁꦒꦺꦴꦲꦸꦥꦕꦫꦱꦼꦱꦸꦕꦶ꧉​
14:33 ꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦏꦺꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀ꦥꦽꦤꦠꦤ꧀ꦧꦧ꧀ꦲꦺꦴꦩꦃꦱꦶꦁꦏꦼꦤꦲꦶꦁꦊꦭꦫꦧꦸꦝꦸꦒ꧀꧉​
14:34 "ꦱꦩꦱꦧꦁꦱ​꧊ꦆꦱꦿꦲꦺꦭ꧀ꦮꦶꦱ꧀ꦩꦁꦒꦺꦴꦤ꧀ꦲꦶꦁ​꧊ꦏꦺꦤꦲꦤ꧀꧈​ꦠꦤꦃꦱꦶꦁꦢꦶꦗꦚ꧀ꦗꦺꦏ꧀ꦏꦏꦺꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃ꧉​
14:35 ꦱꦶꦁꦱꦥꦔꦺꦴꦤꦁꦔꦶꦠꦤ꧀ꦝꦠꦤ꧀ꦝꦤꦺꦊꦭꦫꦧꦸꦝꦸꦒ꧀ꦲꦶꦁꦲꦺꦴꦩꦃꦲꦺ꧈​ꦏꦸꦢꦸꦭꦥꦸꦂꦏꦫꦺꦴꦲꦶꦩꦩ꧀꧉​
14:36 ꦱꦢꦸꦫꦸꦁꦔꦺꦠꦼꦏꦝꦺꦮꦺꦩꦿꦶꦏ꧀ꦱ꧈​ꦲꦶꦩꦩ꧀ꦏꦸꦢꦸꦲꦏꦺꦴꦤ꧀ꦔꦼꦠꦺꦴꦏ꧀ꦲꦼꦠꦺꦴꦏ꧀ꦏꦏꦺꦲꦶꦱꦶꦤꦶꦁꦲꦺꦴꦩꦃꦏꦧꦺꦃ꧉​ꦪꦺꦤ꧀ꦲꦺꦴꦫꦢꦶꦠꦺꦴꦏ꧀ꦏꦏꦺ꧈​ꦧꦫꦁꦧꦫꦁꦩꦲꦸꦧꦏꦭ꧀ꦢꦶꦠꦼꦠꦼꦥ꧀ꦥꦏꦺꦤꦗꦶꦱ꧀꧉​ꦲꦶꦩꦩ꧀ꦏꦸꦢꦸꦠꦼꦏꦩꦿꦶꦏ꧀ꦱꦲꦺꦴꦩꦃꦩꦲꦸ꧈​
14:37 ꦲꦼꦤ꧀ꦢꦶꦱꦶꦁꦏꦼꦤꦲꦶꦁꦊꦭꦫꦧꦸꦝꦸꦒ꧀꧉​ꦪꦺꦤ꧀ꦲꦤꦧ꧀ꦭꦼꦤ꧀ꦠꦺꦴꦁꦔꦺ꧈​ꦫꦸꦥꦤꦺꦱꦼꦩꦸꦲꦶꦗꦺꦴꦲꦸꦠꦮꦱꦼꦩꦸꦲꦧꦁ꧈​
14:38 ꦲꦶꦩꦩ꧀ꦏꦸꦢꦸꦤꦸꦠꦸꦥ꧀ꦲꦺꦴꦩꦃꦩꦲꦸꦭꦮꦱ꧀ꦱꦺꦥꦶꦠꦸꦁꦢꦶꦤ꧉​
14:39 ꦊꦠ꧀ꦥꦶꦠꦸꦁꦢꦶꦤꦲꦶꦩꦩ꧀ꦏꦸꦢꦸꦠꦼꦏꦩꦿꦶꦏ꧀ꦱꦩꦼꦤꦺꦃ꧉​ꦪꦺꦤ꧀ꦧ꧀ꦭꦼꦤ꧀ꦠꦺꦴꦁꦔꦺꦩꦿꦺꦩꦺꦤ꧀꧈​
14:40 (14:40-41)ꦲꦶꦩꦩ꧀ꦏꦸꦢꦸꦩꦿꦺꦤ꧀ꦠꦃꦲꦏꦺꦤ꧀ꦝꦺꦴꦝꦺꦴꦭ꧀ꦭꦶꦧꦠꦭꦤ꧀ꦭꦺꦥꦤꦺꦠꦺꦩ꧀ꦧꦺꦴꦏ꧀ꦱꦶꦁꦧ꧀ꦭꦼꦤ꧀ꦠꦺꦴꦁꦩꦲꦸꦭꦤ꧀ꦢꦶꦧꦸꦮꦁꦲꦶꦁꦱꦚ꧀ꦗꦧꦤꦺꦏꦸꦛꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦤꦗꦶꦱ꧀꧉​
14:41 (14:40)
14:42 ꦧꦠꦱꦶꦁꦢꦶꦧꦸꦮꦁꦩꦲꦸꦢꦶꦒꦤ꧀ꦠꦶꦧꦠꦲꦚꦂꦭꦤ꧀ꦢꦶꦭꦺꦥꦔꦁꦒꦺꦴꦭꦺꦥꦲꦚꦂ꧉​
14:43 ꦪꦺꦤ꧀ꦠꦺꦩ꧀ꦧꦺꦴꦏ꧀ꦩꦲꦸꦲꦤꦧ꧀ꦭꦼꦤ꧀ꦠꦺꦴꦁꦔꦺꦩꦼꦤꦺꦃ꧈​ꦩꦁꦏꦧꦠꦭꦤ꧀ꦭꦺꦥꦤꦺꦱꦶꦁꦭꦮꦱ꧀ꦮꦶꦱ꧀ꦢꦶꦧꦸꦮꦁ꧈​
14:44 ꦲꦶꦩꦩ꧀ꦏꦸꦢꦸꦠꦼꦏꦩꦿꦶꦏ꧀ꦱꦩꦼꦤꦺꦃ꧉​ꦪꦺꦤ꧀ꦧ꧀ꦭꦼꦤ꧀ꦠꦺꦴꦁꦔꦺꦮꦶꦱ꧀ꦩꦿꦺꦩꦺꦤ꧀ꦠꦼꦏꦤ꧀ꦔꦼꦤ꧀ꦢꦶꦲꦼꦤ꧀ꦢꦶ꧈​ꦲꦺꦴꦩꦃꦩꦲꦸꦢꦶꦠꦼꦠꦼꦥ꧀ꦥꦏꦺꦤꦗꦶꦱ꧀
14:45 ꦭꦤ꧀ꦏꦸꦢꦸꦢꦶꦧꦿꦸꦏ꧀ꦏꦏꦺ꧉​ꦏꦪꦸ꧈​ꦧꦠꦭꦤ꧀ꦭꦺꦥꦤꦺꦏꦧꦺꦃꦏꦸꦢꦸꦢꦶꦧꦸꦮꦁꦲꦶꦁꦚ꧀ꦗꦧꦤ꧀ꦏꦸꦛ꧈​ꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦤꦗꦶꦱ꧀꧉​
14:46 ꦱꦢꦸꦫꦸꦁꦔꦺꦢꦶꦧꦿꦸꦏ꧀ꦏꦏꦺ꧈​ꦱꦥꦮꦲꦺꦱꦶꦁꦩ꧀ꦭꦼꦧꦸꦲꦶꦁꦲꦺꦴꦩꦃꦠꦸꦠꦸꦥ꧀ꦥꦤ꧀ꦩꦲꦸꦢꦢꦶꦤꦗꦶꦱ꧀ꦔꦤ꧀ꦠꦶꦮꦪꦃꦱꦸꦫꦸꦥ꧀꧉​
14:47 ꦱꦶꦁꦱꦥꦠꦸꦫꦺꦴꦤ꧀ꦲꦸꦠꦮꦩꦁꦔꦤ꧀ꦲꦶꦁꦲꦺꦴꦩꦃꦩꦲꦸꦱꦤ꧀ꦝꦁꦔꦤ꧀ꦤꦺꦏꦸꦢꦸꦢꦶꦏꦸꦩ꧀ꦧꦃ꧉​
14:48 ꦪꦺꦤ꧀ꦱꦮꦶꦱ꧀ꦱꦺꦢꦶꦭꦺꦥꦠꦺꦩ꧀ꦧꦺꦴꦏ꧀ꦏꦺꦩꦫꦶꦧ꧀ꦭꦼꦤ꧀ꦠꦺꦴꦁꦔꦺ꧈​ꦲꦶꦩꦩ꧀ꦏꦸꦢꦸꦠꦼꦏꦩꦿꦶꦏ꧀ꦱꦭꦤ꧀ꦤꦼꦠꦼꦥ꧀ꦥꦏꦺꦲꦺꦴꦩꦃꦩꦲꦸꦉꦱꦶꦏ꧀꧈​ꦩꦼꦂꦒꦧ꧀ꦭꦼꦤ꧀ꦠꦺꦴꦁꦔꦺꦮꦶꦱ꧀ꦲꦶꦭꦁꦧꦧꦂꦥꦶꦱꦤ꧀꧉​
14:49 ꦱꦫꦠ꧀ꦠꦺꦤꦼꦠꦼꦥ꧀ꦥꦏꦺꦲꦺꦴꦩꦃꦩꦲꦸꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩꦏꦸꦮꦶꦩꦼꦁꦏꦺꦤꦺ:ꦲꦶꦩꦩ꧀ꦏꦸꦢꦸꦚ꧀ꦗꦸꦥꦸꦏ꧀ꦩꦤꦸꦏ꧀ꦭꦺꦴꦫꦺꦴ꧈​ꦏꦪꦸꦕꦼꦩꦫ​꧊ꦭꦶꦧꦤꦺꦴꦤ꧀꧈​ꦠꦭꦶꦲꦧꦁꦭꦤ꧀ꦒꦒꦁꦲꦶꦱꦺꦴꦥ꧀꧉​
14:50 ꦩꦤꦸꦏ꧀ꦱꦶꦁꦱꦶꦗꦶꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦶꦁꦏꦸꦮꦭꦶꦱꦶꦁꦲꦶꦱꦶꦧꦚꦸꦉꦱꦶꦏ꧀ꦱꦏꦱꦸꦩꦸꦂ꧉​
14:51 ꦏꦪꦸꦤꦺꦕꦼꦩꦫ꧈​ꦠꦭꦶꦲꦧꦁ꧈​ꦒꦒꦁꦔꦺꦲꦶꦱꦺꦴꦥ꧀ꦭꦤ꧀ꦩꦤꦸꦏ꧀ꦱꦶꦁꦲꦶꦱꦶꦃꦲꦸꦫꦶꦥ꧀ꦏꦸꦢꦸꦢꦶꦕꦼꦩ꧀ꦥ꧀ꦭꦸꦁꦔꦏꦺꦲꦶꦁꦒꦼꦠꦶꦃꦲꦺꦩꦤꦸꦏ꧀ꦱꦶꦁꦢꦶꦱꦼꦩ꧀ꦧꦼꦭꦺꦃꦭꦤ꧀ꦲꦶꦁꦧꦚꦸꦉꦱꦶꦏ꧀ꦩꦲꦸ꧉​ꦧꦚꦸꦤꦺꦧꦚ꧀ꦗꦸꦂꦢꦶꦕꦶꦥꦿꦠ꧀ꦕꦶꦥꦿꦠ꧀ꦠꦏꦺꦲꦶꦁꦲꦺꦴꦩꦃꦲꦺꦔꦤ꧀ꦠꦶꦫꦩ꧀ꦧꦃꦥꦶꦁꦥꦶꦠꦸ꧉​
14:52 (14:52-53)ꦩꦤꦸꦏ꧀ꦏꦺꦱꦶꦁꦲꦶꦱꦶꦃꦲꦸꦫꦶꦥ꧀ꦧꦚ꧀ꦗꦸꦂꦢꦶꦕꦸꦭ꧀ꦭꦏꦺꦢꦺꦤꦶꦁꦲꦶꦩꦩ꧀ꦲꦶꦁꦲꦫꦲꦫꦱꦚ꧀ꦗꦧꦤꦺꦏꦸꦛ꧉​ꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦼꦁꦒꦺꦴꦤꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦤꦸꦕꦺꦏ꧀ꦏꦏꦺꦲꦺꦴꦩꦃꦱꦸꦥꦪꦲꦺꦴꦩꦃꦩꦲꦸꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​
14:53 (14:52)
14:54 ꦩꦼꦁꦏꦺꦴꦤꦺꦴꦥꦽꦤꦠꦤ꧀ꦧꦧ꧀ꦭꦫꦏꦸꦱ꧀ꦠ꧈​
14:55 (14:55-56)ꦥ꧀ꦭꦼꦤ꧀ꦛꦶꦁ꧈​ꦒꦸꦝꦶꦒ꧀꧈​ꦏꦺꦴꦫꦺꦁ꧈​ꦥꦤꦸꦲꦸꦠꦮꦲꦧꦸꦃ꧈​ꦧꦧ꧀ꦱꦤ꧀ꦝꦁꦔꦤ꧀ꦭꦤ꧀ꦲꦺꦴꦩꦃꦱꦶꦁꦏꦼꦤꦊꦭꦫꦧꦸꦝꦸꦒ꧀꧉​
14:56 (14:55)
14:57 ꦥꦽꦤꦠꦤ꧀ꦥꦽꦤꦠꦤ꧀ꦏꦸꦮꦶꦏꦁꦒꦺꦴꦝꦱꦂꦤꦼꦠꦼꦥ꧀ꦥꦏꦺꦤꦗꦶꦱ꧀ꦭꦤ꧀ꦲꦺꦴꦫꦤꦺꦱꦮꦶꦗꦶꦤꦶꦁꦧꦫꦁ꧈​ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉"​