Alkitab/Kaimaman/20

^20:1 ꦒꦸꦱ꧀ꦠꦶꦄꦭ꧀ꦭꦃꦔꦸꦠꦸꦱ꧀​꧊ꦩꦸꦱ꧈​

^20:2 ꦤ꧀ꦝꦮꦸꦃꦲꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​"ꦱꦥꦲꦶꦁꦲꦤ꧀ꦠꦫꦩꦸꦲꦸꦠꦮꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦩꦸ꧈​ꦱꦶꦁꦔꦸꦭꦸꦁꦔꦏꦺꦲꦤꦏ꧀ꦏꦺꦢꦶꦲꦼꦁꦒꦺꦴꦱꦗꦺꦤ꧀ꦩꦫꦁ​꧊ꦩꦺꦴꦭꦺꦴꦏ꧀꧈​ꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶꦢꦺꦤꦶꦁꦮꦺꦴꦁꦏꦧꦺꦃꦱꦶꦁꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ꧉​

^20:3 ꦮꦺꦴꦁꦱꦶꦁꦔꦸꦭꦸꦁꦔꦏꦺꦲꦤꦏ꧀ꦏꦺꦏꦁꦒꦺꦴꦱꦗꦺꦤ꧀ꦩꦫꦁ​꧊ꦩꦺꦴꦭꦺꦴꦏ꧀ꦏꦸꦮꦶꦤꦗꦶꦱ꧀ꦱꦏꦺꦏꦺꦩꦃꦱꦸꦕꦶꦭꦤ꧀ꦚꦼꦮꦶꦪꦃꦩꦫꦁꦲꦱ꧀ꦩꦏꦸ ꦏꦁꦱꦸꦕꦶ꧈​ꦠꦼꦩꦃꦲꦏꦸꦧꦏꦭ꧀ꦔꦸꦏꦸꦩ꧀ꦮꦺꦴꦁꦩꦲꦸ꧈​ꦭꦤ꧀ꦲꦺꦴꦫꦢꦏ꧀ꦲꦁꦒꦼꦥ꧀ꦲꦸꦩꦠ꧀ꦏꦸ꧉​

^20:4 ꦪꦺꦤ꧀ꦩꦱꦫꦏꦠ꧀ꦲꦶꦁꦏꦺꦴꦤꦺꦴꦲꦺꦛꦺꦴꦏ꧀ꦲꦺꦛꦺꦴꦏ꧀ꦲꦺꦴꦫꦮꦼꦫꦸꦃꦥꦼꦁꦒꦮꦺꦤꦺꦮꦺꦴꦁꦩꦲꦸꦭꦤ꧀ꦲꦺꦴꦫꦤꦶꦤ꧀ꦢꦏ꧀ꦏꦏꦺꦥꦲꦸꦏꦸꦩ꧀ꦩꦤ꧀ꦥꦠꦶꦩꦫꦁꦮꦺꦴꦁꦩꦲꦸ꧈​

^20:5 ꦲꦏꦸꦝꦺꦮꦺꦱꦶꦁꦧꦏꦭ꧀ꦔꦸꦏꦸꦩ꧀ꦮꦺꦴꦁꦩꦲꦸꦱꦧꦿꦪꦠ꧀ꦠꦺꦏꦧꦺꦃ꧈​ꦲꦸꦒꦏꦧꦺꦃꦮꦺꦴꦁꦱꦶꦁꦏꦠꦸꦠ꧀ꦮꦺꦴꦁꦩꦲꦸꦚꦶꦁꦏꦸꦂꦩꦫꦁꦲꦏꦸꦭꦤ꧀ꦚꦼꦩ꧀ꦧꦃꦩꦫꦁ​꧊ꦩꦺꦴꦭꦺꦴꦏ꧀꧉​

^20:6 ꦪꦺꦤ꧀ꦲꦤꦮꦺꦴꦁꦩꦼꦂꦝꦸꦏꦸꦤ꧀ꦩꦫꦁꦮꦺꦴꦁꦱꦶꦁꦊꦭꦪꦤ꧀ꦤꦤ꧀ꦏꦫꦺꦴꦫꦺꦴꦃꦲꦺꦮꦺꦴꦁꦩꦠꦶ꧈​ꦮꦺꦴꦁꦩꦲꦸꦧꦏꦭ꧀ꦢꦏ꧀ꦲꦸꦏꦸꦩ꧀꧈​ꦭꦤ꧀ꦢꦏ꧀ꦱꦺꦧꦿꦠꦏ꧀ꦏꦺꦱꦏꦲꦸꦩꦠ꧀ꦏꦸ꧉​

^20:7 ꦥꦝꦢꦶꦱꦸꦕꦶ꧈​ꦩꦼꦂꦒꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​

^20:8 ꦤꦼꦠꦼꦥ꧀ꦥꦤꦲꦁꦒꦼꦂꦲꦁꦒꦼꦂꦏꦸ꧈​ꦩꦼꦂꦒꦲꦏꦸꦲꦶꦏꦶꦄꦭ꧀ꦭꦃ꧈​ꦭꦤ꧀ꦏꦺꦴꦮꦺꦏꦧꦺꦃꦢꦏ꧀ꦱꦼꦁꦏꦼꦂꦢꦢꦶꦢꦸꦮꦺꦏ꧀ꦏꦸ꧉"​

^20:9 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦼꦁꦏꦺꦤꦺ:"ꦱꦥꦱꦶꦁꦚꦸꦥꦠꦤ꧀ꦤꦶꦧꦥꦏ꧀ꦲꦸꦠꦮꦧꦶꦪꦸꦁꦔꦺꦢꦶꦲꦸꦏꦸꦩ꧀ꦥꦠꦶ꧉​ꦮꦺꦴꦁꦩꦲꦸꦩꦠꦶꦩꦼꦂꦒꦱꦭꦃꦲꦺꦝꦺꦮꦺ꧉​ꦲꦤꦮꦺꦴꦁ​꧊ꦆꦱꦿꦲꦺꦭ꧀ꦭꦏꦸꦗꦶꦤꦏꦫꦺꦴꦧꦺꦴꦗꦺꦴꦤꦺꦥꦼꦥꦝꦤꦺꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦶꦁꦭꦏꦸꦗꦶꦤꦩꦲꦸꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^20:10 ꦪꦺꦤ꧀ꦲꦤꦮꦺꦴꦁ​꧊ꦆꦱꦿꦲꦺꦭ꧀ꦭꦏꦸꦗꦶꦤꦏꦫꦺꦴꦧꦺꦴꦗꦺꦴꦤꦺꦥꦼꦥꦝꦤꦺꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦶꦁꦭꦏꦸꦗꦶꦤꦩꦲꦸꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^20:11 ꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦱꦼꦭꦶꦂꦫꦺꦧꦥꦏ꧀ꦤꦺꦏꦸꦮꦶꦒꦮꦺꦮꦶꦫꦁꦔꦺꦧꦥꦏ꧀ꦤꦺ꧉​ꦱꦶꦁꦭꦏꦸꦗꦶꦤꦩꦲꦸꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​ꦩꦠꦶꦤꦺꦩꦲꦸꦩꦼꦂꦒꦱꦏꦱꦭꦃꦲꦺꦝꦺꦮꦺ꧉​

^20:12 ꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦩꦤ꧀ꦠꦸꦤꦺ꧈​ꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧈​ꦩꦼꦂꦒꦥꦝꦩꦸꦫꦁꦱꦫꦏ꧀꧈​ꦩꦸꦭꦤꦺꦥꦠꦶꦤꦺꦩꦲꦸꦩꦼꦂꦒꦱꦏꦱꦭꦃꦲꦺꦝꦺꦮꦺ꧉​

^20:13 ꦪꦺꦤ꧀ꦲꦤꦮꦺꦴꦁꦭꦤꦁꦤꦸꦫꦺꦴꦤ꧀ꦤꦶꦥꦝꦮꦺꦴꦁꦭꦤꦁ꧈​ꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧈​ꦩꦼꦂꦒꦔ꧀ꦭꦏꦺꦴꦤ꧀ꦤꦶꦥꦼꦁꦒꦮꦺꦱꦶꦁꦗꦼꦩ꧀ꦧꦼꦂ꧈​ꦥꦠꦶꦤꦺꦩꦲꦸꦩꦼꦂꦒꦱꦏꦱꦭꦃꦲꦺꦝꦺꦮꦺ꧉​

^20:14 ꦪꦺꦤ꧀ꦲꦤꦮꦺꦴꦁꦭꦤꦁꦔꦼꦥꦺꦏ꧀ꦮꦺꦴꦁꦮꦢꦺꦴꦤ꧀ꦏꦫꦺꦴꦲꦶꦧꦸꦤꦺꦮꦺꦴꦁꦮꦢꦺꦴꦤ꧀ꦩꦲꦸꦥꦶꦱꦤ꧀꧈​ꦠꦼꦭꦸꦠꦼꦭꦸꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶꦲꦺꦴꦧꦺꦴꦁ꧈​ꦩꦼꦂꦒꦮꦶꦱ꧀ꦥꦝꦠꦸꦩꦶꦤ꧀ꦢꦏ꧀ꦱꦶꦁꦲꦺꦴꦫꦥꦠꦸꦠ꧀꧉​ꦊꦭꦏꦺꦴꦤ꧀ꦱꦶꦁꦩꦼꦁꦏꦺꦴꦤꦺꦴꦲꦗꦔꦤ꧀ꦠꦶꦏꦼꦢꦢꦺꦪꦤ꧀ꦲꦶꦁꦲꦤ꧀ꦠꦫꦩꦸ꧉​

^20:15 ꦪꦺꦤ꧀ꦲꦤꦮꦺꦴꦁꦭꦤꦁꦤꦸꦫꦺꦴꦤ꧀ꦤꦶꦏꦺꦮꦤ꧀꧈​ꦮꦺꦴꦁꦱꦏꦺꦮꦤ꧀ꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^20:16 ꦪꦺꦤ꧀ꦲꦤꦮꦺꦴꦁꦮꦢꦺꦴꦤ꧀ꦤꦸꦫꦺꦴꦤ꧀ꦤꦶꦏꦺꦮꦤ꧀꧈​ꦮꦺꦴꦁꦱꦏꦺꦮꦤ꧀ꦤꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​ꦥꦠꦶꦤꦺꦩꦲꦸꦩꦼꦂꦒꦱꦏꦱꦭꦃꦲꦺꦝꦺꦮꦺ꧉​

^20:17 ꦪꦺꦤ꧀ꦲꦤꦮꦺꦴꦁꦭꦤꦁꦤꦸꦫꦺꦴꦤ꧀ꦤꦶꦱꦼꦢꦸꦭꦸꦂꦫꦺꦝꦺꦮꦺꦠꦸꦁꦒꦭ꧀ꦧꦥꦏ꧀ꦲꦸꦠꦮꦠꦸꦁꦒꦭ꧀ꦧꦶꦪꦸꦁ꧈​ꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦲꦁꦒꦼꦥ꧀ꦔ꧀ꦭꦏꦺꦴꦤ꧀ꦤꦶꦥꦼꦁꦒꦮꦺꦤꦶꦱ꧀ꦛ꧈​ꦩꦸꦭꦏꦸꦢꦸꦢꦶꦱꦶꦁꦏꦶꦂꦫꦏꦺꦱꦏꦩꦱꦫꦏꦠ꧀ꦏꦺꦴꦤꦺꦴ꧉​ꦮꦺꦴꦁꦩꦲꦸꦮꦶꦱ꧀ꦤꦸꦫꦺꦴꦤ꧀ꦤꦶꦱꦼꦢꦸꦭꦸꦂꦫꦺꦠꦸꦁꦒꦭ꧀ꦧꦥꦧꦶꦪꦸꦁ꧈​ꦢꦢꦶꦏꦸꦢꦸꦢꦶꦲꦸꦏꦸꦩ꧀꧉​

^20:18 ꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦮꦺꦴꦁꦮꦢꦺꦴꦤ꧀ꦱꦶꦁꦭꦒꦶꦔ꧀ꦒꦫꦥ꧀ꦱꦫꦶ꧈​ꦏꦫꦺꦴꦏꦫꦺꦴꦤꦺꦏꦸꦢꦸꦢꦶꦠꦸꦤ꧀ꦝꦸꦁꦱꦏꦩꦱꦫꦏꦠ꧀ꦏꦺꦴꦤꦺꦴ꧈​ꦩꦼꦂꦒꦮꦶꦱ꧀ꦥꦝꦤꦼꦫꦏ꧀ꦥꦽꦤꦠꦤ꧀ꦧꦧ꧀ꦏꦱꦸꦕꦺꦤ꧀ꦱꦶꦁꦢꦶꦠꦼꦠꦼꦥ꧀ꦥꦏꦺꦢꦺꦤꦶꦁꦲꦒꦩ꧉​

^20:19 ꦪꦺꦤ꧀ꦲꦤꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦩ꧀ꦧꦺꦴꦏ꧀ꦕꦶꦭꦶꦏ꧀ꦏꦺ꧈​ꦭꦺꦴꦫꦺꦴꦭꦺꦴꦫꦺꦴꦤꦺꦏꦸꦢꦸꦢꦶꦲꦸꦏꦸꦩ꧀꧈​ꦩꦼꦂꦒꦮꦶꦱ꧀ꦤꦼꦫꦏ꧀ꦥꦽꦤꦠꦤꦶꦁꦲꦢꦠ꧀꧉​

^20:20 ꦪꦺꦤ꧀ꦲꦤꦮꦺꦴꦁꦭꦤꦁꦤꦸꦫꦺꦴꦤ꧀ꦤꦶꦧꦺꦴꦗꦺꦴꦤꦺꦥꦩꦤ꧀ꦤꦺ꧈​ꦏꦸꦮꦶꦒꦮꦺꦮꦶꦫꦁꦔꦺꦥꦩꦤ꧀ꦤꦺ꧉​ꦏꦫꦺꦴꦏꦫꦺꦴꦤꦺꦢꦏ꧀ꦲꦸꦏꦸꦩ꧀꧈​ꦲꦺꦴꦫꦢꦸꦮꦺꦲꦤꦏ꧀꧉​

^20:21 ꦪꦺꦤ꧀ꦲꦤꦮꦺꦴꦁꦭꦤꦁꦔꦼꦥꦺꦏ꧀ꦧꦺꦴꦗꦺꦴꦤꦺꦏꦏꦁꦤꦺ꧈​ꦧꦏꦭ꧀ꦲꦺꦴꦫꦢꦸꦮꦺꦲꦤꦏ꧀ꦔꦤ꧀ꦠꦶꦱꦥꦠꦶꦤꦺ꧉​ꦥꦼꦁꦒꦮꦺꦤꦺꦮꦺꦴꦁꦩꦲꦸꦗꦼꦩ꧀ꦧꦼꦂꦭꦤ꧀ꦒꦮꦺꦮꦶꦫꦁꦔꦺꦏꦏꦁꦤꦺ꧉"​

^20:22 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦏꦺꦴꦮꦺꦥꦝꦤꦼꦠꦼꦥ꧀ꦥꦤꦲꦁꦒꦼꦂꦲꦁꦒꦼꦂꦭꦤ꧀ꦥꦼꦥꦏꦺꦴꦤ꧀ꦏꦸ꧈​ꦱꦸꦥꦪꦲꦗꦏꦠꦸꦤ꧀ꦝꦸꦁꦱꦏꦠꦤꦃ​꧊ꦏꦺꦤꦲꦤ꧀꧈​ꦠꦤꦃꦲꦚ꧀ꦗꦺꦴꦒꦁꦭꦏꦸꦩꦸ꧉​

^20:23 ꦏꦺꦴꦮꦺꦲꦺꦴꦫꦏꦼꦤꦩꦺꦭꦸꦩꦺꦭꦸꦲꦢꦠ꧀ꦠꦠꦕꦫꦤꦺꦮꦺꦴꦁꦲꦶꦁꦏꦺꦴꦤꦺꦴ꧉​ꦮꦺꦴꦁꦮꦺꦴꦁꦏꦥꦶꦂꦏꦸꦮꦶꦢꦸꦫꦏꦤꦺꦒꦮꦺꦥꦼꦒꦼꦭ꧀ꦭꦶꦁꦲꦠꦶꦏꦸ꧉​ꦩꦸꦭꦤꦺꦢꦏ꧀ꦠꦸꦤ꧀ꦝꦸꦁ꧈​ꦱꦸꦥꦪꦏꦺꦴꦮꦺꦧꦶꦱꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ꧉​

^20:24 ꦲꦏꦸꦮꦶꦱ꧀ꦗꦚ꧀ꦗꦶꦩꦫꦶꦁꦔꦏꦺꦠꦤꦃꦱꦶꦁꦭꦺꦴꦃ꧀ꦗꦶꦤꦮꦶꦏꦸꦮꦶꦩꦫꦁꦏꦺꦴꦮꦺꦢꦢꦶꦢꦸꦮꦺꦏ꧀ꦩꦸ꧈​ꦩꦸꦭꦤꦺꦲꦶꦪꦧꦏꦭ꧀ꦢꦏ꧀ꦭꦼꦏ꧀ꦱꦤꦤꦶ꧉​ꦲꦏꦸꦲꦶꦏꦶꦲꦭ꧀ꦭꦃꦩꦸ꧈​ꦱꦶꦁꦩꦶꦭꦶꦃꦏꦺꦴꦮꦺꦱꦏꦲꦤ꧀ꦠꦫꦤꦺꦧꦁꦱꦧꦁꦱ꧉​

^20:25 ꦩꦸꦭꦤꦺꦏꦺꦴꦮꦺꦏꦸꦢꦸꦥꦝꦧꦶꦱꦩ꧀ꦧꦺꦢꦏ꧀ꦏꦏꦺꦏ꧀ꦭꦮꦤ꧀ꦠꦶꦠꦶꦲꦼꦤ꧀ꦢꦶꦏꦺꦮꦤ꧀ꦲꦸꦠꦮꦩꦤꦸꦏ꧀ꦱꦶꦁꦏꦫꦩ꧀ꦭꦤ꧀ꦲꦼꦤ꧀ꦢꦶꦱꦶꦁꦲꦺꦴꦫ꧉​ꦲꦗꦥꦝꦩꦁꦔꦤ꧀ꦏꦺꦮꦤ꧀ꦲꦸꦠꦮꦩꦤꦸꦏ꧀ꦱꦶꦁꦏꦫꦩ꧀꧉​ꦏꦺꦮꦤ꧀ꦱꦶꦁꦮꦶꦱ꧀ꦢꦏ꧀ꦠꦼꦠꦼꦥ꧀ꦥꦏꦺꦏꦫꦩ꧀ꦲꦶꦏꦶꦲꦗꦏꦺꦴꦏ꧀ꦥꦔꦤ꧀꧈​ꦱꦸꦥꦪꦏꦺꦴꦮꦺꦲꦺꦴꦫꦢꦢꦶꦤꦗꦶꦱ꧀꧉​

^20:26 ꦏꦺꦴꦮꦺꦮꦶꦱ꧀ꦢꦏ꧀ꦥꦶꦭꦶꦃꦱꦏꦲꦤ꧀ꦠꦫꦤꦺꦧꦁꦱꦧꦁꦱ꧈​ꦱꦸꦥꦪꦢꦢꦶꦢꦸꦮꦺꦏ꧀ꦏꦸꦝꦺꦮꦺ꧉​ꦏꦺꦴꦮꦺꦏꦸꦢꦸꦥꦝꦱꦸꦕꦶ꧈​ꦩꦼꦂꦒꦲꦏꦸꦲꦶꦏꦶꦄꦭ꧀ꦭꦃꦏꦁꦱꦸꦕꦶ꧉​

^20:27 ꦱꦧꦼꦤ꧀ꦮꦺꦴꦁꦢꦢꦶꦪꦭꦤꦁꦲꦸꦠꦮꦮꦢꦺꦴꦤ꧀ꦱꦶꦁꦊꦭꦪꦤ꧀ꦤꦤ꧀ꦏꦫꦺꦴꦫꦺꦴꦃꦫꦺꦴꦃꦲꦺꦮꦺꦴꦁꦩꦠꦶ꧈​ꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ꧉​ꦥꦠꦶꦤꦺꦩꦲꦸꦩꦼꦂꦒꦱꦏꦱꦭꦃꦲꦺꦝꦺꦮꦺ꧉"​