Alkitab/Kaimaman/22

^22:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^22:2 ꦱꦸꦥꦪꦔ꧀ꦭꦤ꧀ꦠꦂꦫꦏꦺꦝꦮꦸꦃꦲꦺꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦩꦼꦁꦏꦺꦤꦺ꧈​"ꦏꦺꦴꦮꦺꦲꦗꦒꦮꦺꦏꦸꦕꦼꦩ꧀ꦩꦺꦲꦱ꧀ꦩꦏꦸꦏꦁꦱꦸꦕꦶ꧉​ꦩꦸꦭꦤꦺꦱꦼꦱꦲꦺꦴꦱꦤ꧀ꦱꦼꦱꦲꦺꦴꦱꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦱꦶꦁꦏꦺꦴꦚ꧀ꦗꦸꦏ꧀ꦩꦫꦁꦲꦏꦸꦏꦸꦢꦸꦏꦺꦴꦏ꧀ꦱꦲꦺꦴꦱ꧀ꦱꦏꦺꦏ꧀ꦭꦮꦤ꧀ꦲꦸꦂꦩꦠ꧀꧉​ꦲꦏꦸꦲꦶꦏꦶꦄꦭ꧀ꦭꦃ꧉​

^22:3 ꦪꦺꦤ꧀ꦲꦤꦱꦭꦃꦱꦶꦗꦶꦤꦺꦲꦤꦏ꧀ꦠꦸꦫꦸꦤ꧀ꦩꦸꦱꦶꦁꦏꦲꦤꦤꦺꦤꦗꦶꦱ꧀꧈​ꦩꦁꦏꦚꦼꦝꦏ꧀ꦏꦶꦱꦼꦱꦲꦺꦴꦱ꧀ꦱꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦱꦶꦁꦏꦺꦴꦚ꧀ꦗꦸꦏ꧀ꦩꦫꦁꦲꦏꦸ꧉​ꦮꦺꦴꦁꦩꦲꦸꦲꦺꦴꦫꦏꦼꦤꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦼꦤꦺꦃꦲꦤꦲꦶꦁꦩꦼꦱ꧀ꦧꦺꦃ꧉​ꦲꦏꦸꦲꦶꦏꦶꦄꦭ꧀ꦭꦃ꧉​

^22:4 ꦪꦺꦤ꧀ꦲꦤꦲꦤꦏ꧀ꦠꦸꦫꦸꦤꦺꦲꦫꦸꦤ꧀ꦱꦶꦁꦭꦫꦏꦸꦱ꧀ꦠ꧈​ꦲꦸꦠꦮꦤꦤ꧀ꦝꦁꦩꦼꦩꦭꦔꦼꦠꦺꦴꦏ꧀ꦏꦏꦺꦩꦤꦶ꧈​ꦮꦺꦴꦁꦩꦲꦸꦲꦺꦴꦫꦏꦼꦤꦩꦁꦔꦤ꧀ꦱꦼꦱꦲꦺꦴꦱ꧀ꦱꦤ꧀ꦱꦸꦕꦶ꧈​ꦪꦺꦤ꧀ꦢꦸꦫꦸꦁꦢꦶꦠꦼꦠꦼꦥ꧀ꦥꦏꦺꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦺꦲꦒꦩ꧉​ꦲꦶꦩꦩ꧀ꦢꦢꦶꦤꦗꦶꦱ꧀ꦩꦼꦤꦮꦔ꧀ꦒꦼꦥꦺꦴꦏ꧀ꦧꦫꦁꦱꦶꦁꦤꦗꦶꦱ꧀ꦩꦼꦂꦒꦱꦏꦭꦪꦺꦴꦤ꧀꧉​ꦲꦶꦩꦩ꧀ꦲꦸꦒꦤꦗꦶꦱ꧀ꦪꦺꦤ꧀ꦤꦤ꧀ꦝꦁꦩꦼꦩꦭꦔꦼꦠꦺꦴꦏ꧀ꦏꦏꦺꦩꦤꦶ꧈​

^22:5 ꦲꦸꦠꦮꦪꦺꦤ꧀ꦔ꧀ꦒꦼꦥꦺꦴꦏ꧀ꦏꦺꦮꦤ꧀ꦲꦸꦠꦮꦮꦺꦴꦁꦱꦶꦁꦤꦗꦶꦱ꧀꧉​

^22:6 ꦲꦶꦩꦩ꧀ꦱꦶꦁꦤꦗꦶꦱ꧀꧈​ꦏꦸꦮꦶꦤꦗꦶꦱ꧀ꦱꦺꦠꦼꦏꦤ꧀ꦱꦸꦫꦸꦥ꧀꧉​ꦱꦮꦶꦱ꧀ꦱꦺꦱꦸꦫꦸꦥ꧀ꦮꦺꦴꦁꦩꦲꦸꦢꦸꦫꦸꦁꦏꦼꦤꦩꦁꦔꦤ꧀ꦧꦫꦁꦱꦼꦱꦲꦺꦴꦱ꧀ꦱꦤ꧀꧈​ꦩꦼꦤꦮꦢꦸꦫꦸꦁꦲꦢꦸꦱ꧀꧉​

^22:7 ꦱꦮꦶꦱ꧀ꦱꦺꦲꦢꦸꦱ꧀ꦭꦒꦶꦏꦼꦤꦩꦁꦔꦤ꧀ꦱꦏꦱꦼꦱꦲꦺꦴꦱ꧀ꦱꦤ꧀ꦱꦸꦕꦶꦩꦲꦸ꧈​ꦩꦼꦂꦒꦏꦸꦮꦶꦥꦚ꧀ꦕꦺꦤ꧀ꦥꦔꦤ꧀ꦤꦺ꧉​

^22:8 ꦲꦶꦩꦩ꧀ꦲꦺꦴꦫꦏꦼꦤꦩꦁꦔꦤ꧀ꦢꦒꦶꦁꦔꦺꦏꦺꦮꦤ꧀ꦱꦶꦁꦩꦠꦶꦔꦸꦫꦒ꧀ꦲꦸꦠꦮꦱꦶꦁꦩꦠꦶꦤꦺꦩꦼꦂꦒꦢꦶꦩꦁꦱꦏꦺꦮꦤ꧀ꦒꦭꦏ꧀꧉​ꦪꦺꦤ꧀ꦩꦁꦔꦤ꧀꧈​ꦲꦶꦩꦩ꧀ꦩꦲꦸꦢꦢꦶꦤꦗꦶꦱ꧀꧉​ꦲꦏꦸꦲꦶꦏꦶꦄꦭ꧀ꦭꦃ꧉​

^22:9 ꦏꦧꦺꦃꦲꦶꦩꦩ꧀ꦏꦸꦢꦸꦤꦼꦠꦼꦥ꧀ꦥꦶꦥꦽꦤꦠꦤ꧀ꦥꦽꦤꦠꦤ꧀ꦱꦶꦁꦮꦶꦱ꧀ꦢꦏ꧀ꦠꦼꦠꦼꦥ꧀ꦥꦏꦺ꧉​ꦪꦺꦤ꧀ꦲꦺꦴꦫ꧈​ꦧꦏꦭ꧀ꦏꦼꦭꦸꦥꦸꦠ꧀ꦠꦤ꧀ꦭꦤ꧀ꦤꦼꦩꦃꦲꦶꦩꦠꦶ꧈​ꦩꦼꦂꦒꦤꦼꦫꦏ꧀ꦥꦽꦤꦠꦤ꧀ꦥꦽꦤꦠꦤ꧀ꦱꦶꦁꦱꦸꦕꦶꦩꦲꦸ꧉​ꦲꦏꦸꦲꦶꦏꦶꦄꦭ꧀ꦭꦃ꧈​ꦭꦤ꧀ꦲꦏꦸꦱꦶꦁꦚꦼꦁꦏꦼꦂꦥꦫꦲꦶꦩꦩ꧀ꦢꦢꦶꦏꦒꦸꦁꦔꦤ꧀ꦏꦸ꧉​

^22:10 ꦱꦼꦱꦲꦺꦴꦱ꧀ꦱꦤ꧀ꦱꦶꦁꦢꦶꦱꦼꦁꦏꦼꦂꦏꦺꦴꦚ꧀ꦗꦸꦏ꧀ꦩꦫꦁꦲꦏꦸꦩꦸꦁꦲꦺꦴꦭꦺꦃꦢꦶꦥꦔꦤ꧀ꦢꦺꦤꦶꦁꦧꦿꦪꦠ꧀ꦠꦺꦲꦶꦩꦩ꧀ꦝꦺꦮꦺ꧉​ꦮꦺꦴꦁꦭꦶꦪꦲꦺꦴꦫꦏꦼꦤ꧈​ꦱꦼꦤꦗꦤ꧀ꦢꦢꦶꦱꦲꦺꦴꦩꦃꦲꦸꦠꦮꦚꦩ꧀ꦧꦸꦠ꧀ꦒꦮꦺꦏꦁꦒꦺꦴꦲꦶꦩꦩ꧀꧉​

^22:11 ꦤꦁꦔꦶꦁꦧꦠꦸꦂꦠꦸꦏꦺꦴꦤ꧀ꦤꦺꦲꦶꦩꦩ꧀꧈​ꦱꦶꦁꦢꦶꦠꦸꦏꦸꦭꦤ꧀ꦢꦶꦧꦪꦂꦔꦁꦒꦺꦴꦝꦸꦮꦶꦠ꧀ꦠꦺꦲꦶꦩꦩ꧀ꦝꦺꦮꦺ꧈​ꦲꦸꦠꦮꦭꦲꦶꦂꦲꦶꦁꦲꦺꦴꦩꦃꦲꦺꦲꦶꦩꦩ꧀ꦩꦲꦸ꧈​ꦲꦺꦴꦭꦺꦃꦩꦁꦔꦤ꧀ꦥꦔꦤ꧀ꦱꦶꦁꦏꦁꦒꦺꦴꦲꦶꦩꦩ꧀ꦩꦲꦸ꧉​

^22:12 ꦲꦤꦏ꧀ꦏꦺꦮꦢꦺꦴꦤ꧀ꦲꦶꦩꦩ꧀꧈​ꦱꦶꦁꦏꦮꦶꦤ꧀ꦏꦫꦺꦴꦮꦺꦴꦁꦢꦸꦢꦸꦲꦶꦩꦩ꧀ꦲꦺꦴꦫꦏꦼꦤꦩꦁꦔꦤ꧀ꦱꦏꦱꦼꦱꦲꦺꦴꦱ꧀ꦱꦤ꧀ꦱꦶꦁꦢꦶꦱꦼꦁꦏꦼꦂꦏꦺꦴꦚ꧀ꦗꦸꦏ꧀ꦩꦫꦁꦲꦏꦸ꧉​

^22:13 ꦤꦁꦔꦶꦁꦪꦺꦤ꧀ꦮꦶꦱ꧀ꦫꦤ꧀ꦝꦲꦸꦠꦮꦥꦼꦒꦠ꧀ꦠꦤ꧀ꦭꦤ꧀ꦲꦺꦴꦫꦢꦸꦮꦺꦲꦤꦏ꧀꧈​ꦭꦤ꧀ꦮꦶꦱ꧀ꦩꦸꦭꦶꦃꦲꦶꦁꦲꦺꦴꦩꦃꦲꦺꦮꦺꦴꦁꦠꦸꦮꦤꦺ꧈​ꦱꦂꦠꦲꦸꦫꦶꦥ꧀ꦥꦺꦒꦸꦩꦤ꧀ꦠꦸꦁꦮꦺꦴꦁꦠꦸꦮꦤꦺ꧈​ꦲꦺꦴꦭꦺꦃꦩꦁꦔꦤ꧀ꦥꦔꦤ꧀ꦱꦶꦁꦏꦁꦒꦺꦴꦲꦶꦩꦩ꧀꧉​ꦩꦸꦁꦧꦿꦪꦠ꧀ꦠꦺꦲꦶꦩꦩ꧀ꦝꦺꦮꦺꦏꦼꦤꦩꦁꦔꦤ꧀ꦱꦏꦱꦼꦱꦲꦺꦴꦱ꧀ꦱꦤ꧀ꦱꦶꦁꦢꦶꦒꦮꦺꦏꦸꦂꦧꦤ꧀꧉​

^22:14 ꦩꦼꦤꦮꦲꦤꦮꦺꦴꦁꦱꦶꦁꦢꦸꦢꦸꦧꦿꦪꦠ꧀ꦠꦺꦲꦶꦩꦩ꧀꧈​ꦲꦺꦴꦫꦏꦼꦗꦫꦒ꧀ꦩꦁꦔꦤ꧀ꦱꦏꦥꦔꦤ꧀ꦱꦼꦱꦲꦺꦴꦱ꧀ꦱꦤ꧀ꦱꦸꦕꦶꦩꦲꦸ꧈​ꦮꦺꦴꦁꦔꦺꦏꦸꦢꦸꦔꦶꦗꦺꦴꦭ꧀ꦭꦶꦉꦒꦤꦺꦥꦔꦤ꧀ꦩꦲꦸꦏꦧꦺꦃ꧈​ꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​

^22:15 ꦥꦫꦲꦶꦩꦩ꧀ꦲꦺꦴꦫꦏꦼꦤꦲꦮꦺꦃꦝꦝꦏ꧀ꦏꦤ꧀ꦔꦤ꧀ꦠꦶꦱꦼꦱꦲꦺꦴꦱ꧀ꦱꦤ꧀ꦱꦶꦁꦏꦺꦴꦚ꧀ꦗꦸꦏ꧀ꦩꦫꦁꦲꦏꦸ꧈​ꦢꦶꦕꦼꦕꦩꦃ꧈​

^22:16 ꦩꦼꦂꦒꦔ꧀ꦭꦶꦭꦏ꧀ꦏꦏꦺꦱꦼꦱꦲꦺꦴꦱ꧀ꦱꦤ꧀ꦱꦸꦕꦶꦩꦲꦸꦢꦶꦥꦔꦤ꧀ꦢꦺꦤꦶꦁꦮꦺꦴꦁꦱꦶꦁꦲꦺꦴꦫꦮꦼꦤꦁꦩꦁꦔꦤ꧀꧉​ꦏꦸꦮꦶꦧꦏꦭ꧀ꦚ꧀ꦗꦭꦂꦫꦶꦮꦺꦴꦁꦩꦲꦸꦏꦼꦭꦸꦥꦸꦠ꧀ꦠꦤ꧀ꦭꦤ꧀ꦏꦼꦤꦥꦲꦸꦏꦸꦩ꧀ꦩꦤ꧀꧉​ꦲꦏꦸꦲꦶꦏꦶꦄꦭ꧀ꦭꦃ꧈​ꦭꦤ꧀ꦲꦏꦸꦱꦶꦁꦚꦼꦁꦏꦼꦂꦱꦼꦱꦲꦺꦴꦱ꧀ꦱꦤ꧀ꦩꦲꦸ꧉"​

^22:17 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​ꦱꦸꦥꦪ

^22:18 (22:18-19)ꦔ꧀ꦭꦤ꧀ꦠꦂꦫꦏꦺꦝꦮꦸꦃꦩꦫꦁꦲꦫꦸꦤ꧀꧈​ꦲꦤꦏ꧀ꦲꦤꦏ꧀ꦏꦺꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦥꦽꦤꦠꦤ꧀ꦥꦽꦤꦠꦤ꧀ꦩꦼꦁꦏꦺꦤꦺ:"ꦩꦼꦤꦮꦲꦤꦮꦺꦴꦁ​꧊ꦆꦱꦿꦲꦺꦭ꧀ꦲꦸꦠꦮꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦏꦁꦒꦺꦴꦔ꧀ꦭꦸꦮꦂꦫꦶꦏꦲꦸꦭ꧀ꦭꦺ꧈​ꦲꦸꦠꦮꦏꦁꦒꦺꦴꦱꦲꦺꦴꦱ꧀ꦱꦸꦏꦸꦂꦩꦼꦠꦸꦱꦏꦫꦶꦭꦤꦶꦁꦲꦠꦶꦤꦺꦝꦺꦮꦺ:ꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦏꦸꦢꦸꦭꦤꦁꦭꦤ꧀ꦠꦤ꧀ꦥꦕꦕꦢ꧀꧈​ꦱꦸꦥꦪꦢꦶꦠꦩ꧀ꦥꦶꦢꦺꦤꦶꦁꦄꦭ꧀ꦭꦃ꧉​

^22:19 (22:18)

^22:20 ꦩꦼꦤꦮꦏꦺꦮꦤꦺꦲꦤꦕꦕꦢ꧀ꦢꦺ꧈​ꦄꦭ꧀ꦭꦃꦲꦺꦴꦫꦧꦏꦭ꧀ꦏꦼꦂꦱꦤꦩ꧀ꦥꦶ꧉​

^22:21 ꦩꦼꦤꦮꦲꦤꦮꦺꦴꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦏꦁꦒꦺꦴꦔ꧀ꦭꦸꦮꦂꦫꦶꦏꦲꦸꦭ꧀ꦭꦺ꧈​ꦲꦸꦠꦮꦏꦁꦒꦺꦴꦱꦲꦺꦴꦱ꧀ꦱꦸꦏꦸꦂꦩꦼꦠꦸꦱꦏꦫꦶꦭꦤꦶꦁꦲꦠꦶꦤꦺꦝꦺꦮꦺ꧈​ꦏꦺꦮꦤꦺꦏꦸꦢꦸꦠꦤ꧀ꦥꦕꦕꦢ꧀ꦱꦸꦥꦪꦢꦶꦠꦩ꧀ꦥꦶꦢꦺꦤꦶꦁꦄꦭ꧀ꦭꦃ꧉​

^22:22 ꦲꦗꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦫꦁꦄꦭ꧀ꦭꦃꦏꦺꦮꦤ꧀ꦱꦶꦁꦥꦶꦕꦏ꧀꧈​ꦱꦶꦁꦧꦭꦸꦁꦔꦺꦠꦸꦒꦼꦭ꧀꧈​ꦱꦶꦁꦧꦸꦤ꧀ꦠꦸꦁ꧈​ꦱꦶꦁꦮꦸꦢꦸꦤꦼꦤ꧀ꦱꦶꦁꦲꦤꦤꦤꦃꦲꦺ꧈​ꦱꦶꦁꦏꦼꦤꦭꦫꦏꦸꦭꦶꦠ꧀ꦲꦸꦠꦮꦒꦸꦝꦶꦒꦤ꧀꧉​ꦏꦺꦮꦤ꧀ꦏꦺꦮꦤ꧀ꦱꦶꦁꦩꦼꦁꦏꦺꦴꦤꦺꦴꦩꦲꦸꦲꦗꦏꦺꦴꦏ꧀ꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦝꦲꦂꦫꦤ꧀ꦲꦤꦲꦶꦁꦩꦼꦱ꧀ꦧꦺꦃ꧉​

^22:23 ꦏꦸꦂꦧꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦼꦠꦸꦱꦏꦫꦶꦭꦤꦶꦁꦲꦠꦶꦤꦺꦝꦺꦮꦺꦩꦲꦸꦏꦼꦤꦫꦸꦥꦏꦺꦮꦤ꧀ꦱꦶꦁꦕꦕꦢ꧀ꦲꦮꦏ꧀ꦏꦺ꧈​ꦤꦁꦔꦶꦁꦏꦺꦮꦤ꧀ꦱꦶꦁꦩꦼꦁꦏꦺꦴꦤꦺꦴꦩꦲꦸꦲꦺꦴꦫꦏꦼꦤꦏꦁꦒꦺꦴꦏꦸꦂꦧꦤ꧀ꦔ꧀ꦭꦸꦮꦂꦫꦶꦏꦲꦸꦭ꧀꧉​

^22:24 ꦲꦺꦴꦫꦏꦼꦤꦱꦲꦺꦴꦱ꧀ꦏꦸꦂꦧꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦫꦸꦥꦏꦺꦮꦤ꧀ꦱꦶꦁꦢꦶꦏꦼꦧꦶꦂꦫꦶꦱꦿꦤꦢꦶꦗꦼꦥꦶꦠ꧀꧈​ꦢꦶꦲꦶꦫꦶꦱ꧀꧈​ꦢꦶꦒꦼꦕꦏ꧀ꦲꦸꦠꦮꦢꦶꦏꦼꦛꦺꦴꦏ꧀꧉​ꦲꦗꦲꦤꦱꦶꦁꦔ꧀ꦭꦏꦺꦴꦤ꧀ꦤꦶꦥꦼꦁꦒꦮꦺꦩꦼꦁꦏꦺꦴꦤꦺꦴꦩꦲꦸꦲꦶꦁꦠꦤꦃꦩꦸ꧉​

^22:25 ꦏꦺꦮꦤ꧀ꦥꦮꦺꦃꦲꦺꦮꦺꦴꦁꦩꦚ꧀ꦕꦲꦺꦴꦫꦏꦼꦤꦢꦶꦒꦮꦺꦏꦸꦂꦧꦤ꧀ꦝꦲꦂꦫꦤ꧀꧉​ꦏꦺꦮꦤ꧀ꦱꦶꦁꦩꦼꦁꦏꦺꦴꦤꦺꦴꦩꦲꦸꦢꦶꦲꦁꦒꦼꦥ꧀ꦕꦕꦢ꧀꧈​ꦢꦢꦶꦲꦺꦴꦫꦧꦏꦭ꧀ꦢꦶꦠꦩ꧀ꦥꦶꦢꦺꦤꦶꦁꦄꦭ꧀ꦭꦃ꧉​

^22:26 (22:26-27)ꦥꦼꦝꦺꦠ꧀꧈​ꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦲꦸꦠꦮꦮꦼꦝꦸꦱ꧀ꦗꦮꦱꦶꦁꦩꦼꦤ꧀ꦠꦱ꧀ꦭꦲꦶꦂ꧈​ꦏꦸꦢꦸꦢꦶꦮꦺꦴꦂꦫꦏꦺꦏꦫꦺꦴꦲꦼꦩ꧀ꦧꦺꦴꦏ꧀ꦏꦺꦔꦤ꧀ꦠꦶꦥꦶꦠꦸꦁꦢꦶꦤꦭꦮꦱ꧀ꦱꦺ꧉​ꦱꦮꦶꦱ꧀ꦱꦺꦏꦸꦮꦶꦭꦒꦶꦏꦼꦤꦏꦁꦒꦺꦴꦱꦲꦺꦴꦱ꧀ꦏꦸꦂꦧꦤ꧀ꦝꦲꦂꦫꦤ꧀꧉​

^22:27 (22:26)

^22:28 ꦱꦥꦶꦭꦤ꧀ꦥꦼꦝꦺꦠ꧀ꦠꦺ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤ꧀ꦕꦼꦩ꧀ꦥꦺꦤꦺ꧈​ꦮꦼꦝꦸꦱ꧀ꦗꦮꦭꦤ꧀ꦕꦼꦩ꧀ꦥꦺꦤꦺꦲꦗꦢꦶꦒꦮꦺꦏꦸꦂꦧꦤ꧀ꦤꦸꦁꦒꦭ꧀ꦱꦼꦢꦶꦤ꧉​

^22:29 ꦩꦼꦤꦮꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦩꦸꦗꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦏꦸꦢꦸꦩꦤꦸꦠ꧀ꦥꦽꦤꦠꦤ꧀꧈​ꦱꦸꦥꦪꦏꦸꦂꦧꦤ꧀ꦩꦲꦸꦢꦶꦠꦩ꧀ꦥꦶꦢꦺꦤꦶꦁꦄꦭ꧀ꦭꦃ꧉​

^22:30 ꦏꦸꦂꦧꦤ꧀ꦏꦸꦢꦸꦢꦶꦥꦔꦤ꧀ꦲꦶꦁꦢꦶꦤꦲꦶꦏꦸꦲꦸꦒ꧈​ꦭꦤ꧀ꦲꦺꦴꦫꦏꦼꦤꦢꦶꦔꦺꦔꦺꦃꦠꦼꦏꦤ꧀ꦲꦺꦱꦸꦏ꧀ꦏꦺ꧉"​

^22:31 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦝꦮꦸꦃꦝꦮꦸꦃꦏꦸ ꦠꦼꦠꦼꦥ꧀ꦥꦤ꧉​ꦲꦏꦸꦲꦶꦏꦶꦄꦭ꧀ꦭꦃ꧉​

^22:32 ꦲꦗꦒꦮꦺꦏꦸꦕꦼꦩ꧀ꦩꦺꦲꦱ꧀ꦩꦏꦸ꧉​ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃꦏꦸꦢꦸꦔꦏꦺꦴꦤ꧀ꦤꦶꦪꦺꦤ꧀ꦲꦏꦸꦲꦶꦏꦶꦱꦸꦕꦶ꧉​ꦲꦏꦸꦲꦶꦏꦶꦄꦭ꧀ꦭꦃ꧈​ꦏꦁꦤꦸꦕꦺꦏ꧀ꦏꦏꦺꦏꦺꦴꦮꦺꦏꦧꦺꦃ꧉​

^22:33 ꦲꦏꦸꦏꦁꦔꦶꦫꦶꦢ꧀ꦏꦺꦴꦮꦺꦩꦼꦠꦸꦱꦏꦲꦶꦁꦠꦤꦃ​꧊ꦩꦺꦱꦶꦂ꧈​ꦱꦸꦥꦪꦲꦏꦸꦢꦢꦶꦲꦭ꧀ꦭꦃꦩꦸ꧈​ꦲꦏꦸꦲꦶꦏꦶꦄꦭ꧀ꦭꦃ꧉"​