Alkitab/Kaimaman/4

^4:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦼꦤꦺꦃꦩꦫꦁ​꧊ꦩꦸꦱ꧈​

^4:2 "ꦝꦮꦸꦃꦤꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀:ꦩꦼꦤꦮꦲꦤꦮꦺꦴꦁꦱꦶꦁꦲꦺꦴꦫꦏꦼꦗꦫꦒ꧀ꦤꦼꦫꦏ꧀ꦮꦼꦮꦊꦂꦫꦺꦄꦭ꧀ꦭꦃ꧈​ꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦁꦢꦶꦥꦽꦤꦠꦩꦼꦁꦏꦺꦤꦺ:

^4:3 ꦪꦺꦤ꧀ꦱꦶꦁꦒꦮꦺꦢꦺꦴꦱꦏꦸꦮꦶꦲꦶꦩꦩ꧀ꦲꦒꦸꦁ꧈​ꦔꦤ꧀ꦠꦶꦚ꧀ꦗꦭꦂꦫꦶꦏꦭꦸꦥꦸꦠ꧀ꦠꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦮꦺꦴꦁꦩꦲꦸꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦫꦸꦥꦱꦥꦶꦭꦤꦁꦤꦺꦴꦩ꧀ꦱꦶꦗꦶ꧈​ꦱꦶꦁꦩꦸꦭꦸꦱ꧀ꦠꦤ꧀ꦥꦕꦕꦢ꧀꧈​ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦱꦸꦥꦪꦢꦺꦴꦱꦤꦺꦢꦶꦲꦥꦸꦫ꧉​

^4:4 ꦱꦥꦶꦩꦲꦸꦏꦸꦢꦸꦢꦶꦒꦮꦩꦼꦚꦁꦭꦮꦁꦔꦶꦁꦏꦺꦩꦃꦱꦸꦕꦶ꧉​ꦲꦶꦩꦩ꧀ꦲꦒꦸꦁꦩꦲꦸꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦤꦲꦶꦁꦲꦼꦤ꧀ꦝꦱ꧀ꦱꦺꦱꦥꦶꦩꦲꦸ꧈​ꦱꦥꦶꦤꦺꦧꦚ꧀ꦗꦸꦂꦢꦶꦱꦼꦩ꧀ꦧꦼꦭꦺꦃꦲꦤꦲꦶꦁꦏꦺꦴꦤꦺꦴ꧉​

^4:5 ꦒꦼꦠꦶꦃꦲꦺꦱꦭꦺꦴꦁꦢꦶꦒꦮꦩ꧀ꦭꦼꦧꦸꦲꦶꦁꦏꦺꦩꦃ꧉​

^4:6 ꦲꦶꦩꦩ꧀ꦲꦒꦸꦁꦤꦸꦭꦶꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦲꦶꦁꦒꦼꦠꦶꦃꦩꦲꦸꦭꦤ꧀ꦢꦶꦏꦼꦥꦾꦸꦂꦏꦼꦥꦾꦸꦂꦫꦏꦺꦫꦩ꧀ꦧꦃꦥꦶꦁꦥꦶꦠꦸꦲꦶꦁꦒꦼꦧꦼꦂ꧈​ꦱꦶꦁꦔꦝꦼꦥ꧀ꦥꦏꦺꦥꦼꦛꦶꦤꦶꦁꦥꦽꦗꦚ꧀ꦗꦶꦪꦤ꧀꧉​

^4:7 ꦒꦼꦠꦶꦃꦩꦲꦸꦱꦭꦺꦴꦁꦢꦶꦭꦺꦭꦺꦠ꧀ꦠꦏꦺꦲꦶꦁꦱꦸꦔꦸꦱꦸꦔꦸꦤꦶꦁꦩꦼꦱ꧀ꦧꦺꦃꦥꦼꦢꦸꦥ꧀ꦥꦤ꧀꧈​ꦲꦶꦁꦚ꧀ꦗꦼꦫꦺꦴꦤ꧀ꦏꦺꦩꦃꦱꦸꦕꦶ꧉​ꦠꦸꦫꦃꦲꦤ꧀ꦤꦺꦏꦸꦢꦸꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃꦱꦶꦁꦏꦁꦒꦺꦴꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦲꦶꦁꦚ꧀ꦗꦧꦤ꧀ꦏꦺꦩꦃ꧈​ꦲꦶꦁꦔꦉꦥ꧀ꦥꦺꦭꦮꦁ꧉​

^4:8 ꦲꦶꦩꦩ꧀ꦏꦸꦢꦸꦔꦼꦠꦺꦴꦏ꧀ꦏꦏꦺꦒꦗꦶꦃꦱꦶꦁꦤꦺꦩ꧀ꦥ꧀ꦭꦺꦏ꧀ꦲꦶꦁꦗꦼꦫꦺꦴꦮꦤ꧀ꦤꦺꦱꦥꦶꦩꦲꦸ꧈​

^4:9 ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦱꦂꦠꦥꦺꦫꦁꦔꦤ꧀ꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧉​

^4:10 ꦏꦧꦺꦃꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦢꦺꦤꦶꦁꦲꦶꦩꦩ꧀ꦲꦶꦁꦩꦼꦱ꧀ꦧꦺꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦲꦺꦴꦫꦧꦺꦢꦏꦫꦺꦴꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​

^4:11 ꦭꦸꦭꦁꦔꦺꦏꦺꦮꦤ꧀ꦩꦲꦸꦏꦸꦢꦸꦢꦶꦏꦼꦭꦺꦠ꧀ꦠꦶ꧈​ꦧꦚ꧀ꦗꦸꦂꦢꦒꦶꦁ꧈​ꦲꦼꦤ꧀ꦝꦱ꧀꧈​ꦱꦩ꧀ꦥꦶꦭ꧀꧈​ꦗꦼꦫꦺꦴꦮꦤ꧀꧈​ꦲꦸꦱꦸꦱ꧀ꦲꦸꦱꦸꦱ꧀ꦱꦺ꧈​

^4:12 ꦏꦧꦺꦃꦏꦸꦢꦸꦢꦶꦒꦮꦩꦼꦠꦸꦩꦼꦚꦁꦚ꧀ꦗꦧꦤ꧀ꦏꦺꦩꦃ꧈​ꦭꦤ꧀ꦢꦶꦲꦺꦴꦧꦺꦴꦁꦔꦁꦒꦺꦴꦏꦪꦸꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶꦱꦶꦁꦢꦶꦲꦼꦁꦒꦺꦴꦩ꧀ꦧꦸꦮꦁꦲꦮꦸ꧉​

^4:13 ꦪꦺꦤ꧀ꦱꦶꦁꦒꦮꦺꦢꦺꦴꦱꦩꦲꦸꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦩꦼꦂꦒꦲꦺꦴꦫꦚ꧀ꦗꦫꦒ꧀ꦤꦼꦫꦏ꧀ꦱꦶꦁꦢꦶꦮꦊꦂꦫꦶꦢꦺꦤꦶꦁꦄꦭ꧀ꦭꦃ꧈​

^4:14 ꦪꦺꦤ꧀ꦥꦤꦼꦫꦏ꧀ꦏꦺꦩꦲꦸꦏꦺꦴꦤꦁꦔꦤ꧀꧈​ꦲꦸꦩꦠ꧀ꦩꦲꦸꦏꦸꦢꦸꦲꦺꦁꦒꦭ꧀ꦲꦺꦁꦒꦭ꧀ꦔ꧀ꦒꦮꦱꦥꦶꦭꦤꦁꦤꦺꦴꦩ꧀ꦩꦼꦚꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧈​ꦢꦶꦒꦮꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​

^4:15 ꦥꦫꦥꦶꦤꦶꦠꦸꦮꦤꦺꦲꦸꦩꦠ꧀ꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦱꦥꦶꦩꦲꦸ꧈​ꦱꦥꦶꦤꦺꦧꦚ꧀ꦗꦸꦂꦢꦶꦱꦼꦩ꧀ꦧꦼꦭꦺꦃꦲꦤꦲꦶꦁꦏꦺꦴꦤꦺꦴ꧉​

^4:16 ꦒꦼꦠꦶꦃꦲꦺꦱꦭꦺꦴꦁꦢꦶꦗꦸꦥꦸꦏ꧀ꦢꦺꦤꦶꦁꦲꦶꦩꦩ꧀ꦲꦒꦸꦁ꧈​ꦢꦶꦒꦮꦩ꧀ꦭꦼꦧꦸꦲꦶꦁꦏꦺꦩꦃꦱꦸꦕꦶ꧉​

^4:17 ꦢꦿꦶꦗꦶꦤꦺꦤꦸꦭꦶꦢꦶꦕꦼꦭꦸꦥ꧀ꦥꦏꦺꦲꦶꦁꦒꦼꦠꦶꦃꦩꦲꦸꦭꦤ꧀ꦢꦶꦏꦼꦥꦾꦸꦂꦏꦼꦥꦾꦸꦂꦫꦏꦺꦲꦶꦁꦒꦼꦧꦼꦂꦲꦶꦁꦔꦉꦥ꧀ꦥꦺꦥꦼꦛꦶꦤꦶꦁꦥꦽꦗꦚ꧀ꦗꦶꦪꦤ꧀꧉​

^4:18 ꦒꦼꦠꦶꦃꦲꦺꦱꦭꦺꦴꦁꦢꦶꦭꦺꦭꦺꦠ꧀ꦠꦏꦺꦲꦶꦁꦱꦸꦔꦸꦱꦸꦔꦸꦲꦶꦁꦥꦺꦴꦗꦺꦴꦏ꧀ꦏꦺꦩꦼꦱ꧀ꦧꦺꦃꦥꦢꦸꦥꦤ꧀ꦱꦶꦁꦲꦤꦲꦶꦁꦚ꧀ꦗꦼꦫꦺꦴꦤ꧀ꦏꦺꦩꦃꦏꦺꦴꦤꦺꦴ꧉​ꦠꦸꦫꦃꦲꦤ꧀ꦤꦺꦏꦸꦢꦸꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦶꦁꦩꦼꦱ꧀ꦧꦺꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦱꦶꦁꦲꦤꦲꦶꦁꦱꦚ꧀ꦗꦧꦤꦺꦏꦺꦩꦃ꧈​ꦲꦶꦁꦔꦉꦥ꧀ꦭꦮꦁ꧉​

^4:19 ꦒꦗꦶꦃꦲꦺꦏꦺꦮꦤ꧀ꦩꦲꦸꦏꦸꦢꦸꦢꦶꦠꦺꦴꦏ꧀ꦏꦏꦺꦏꦧꦺꦃ꧈​ꦧꦚ꧀ꦗꦸꦂꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃ꧉​

^4:20 ꦥꦠꦿꦥ꧀ꦥꦺꦥꦝꦏꦪꦪꦺꦤ꧀ꦚꦲꦺꦴꦱ꧀ꦱꦏꦺꦱꦥꦶꦭꦤꦁꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦒꦸꦁꦲꦼꦁꦒꦺꦴꦤꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀꧈​ꦠꦸꦩꦿꦥ꧀ꦢꦺꦴꦱꦤꦺꦲꦸꦩꦠ꧀꧈​ꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦲꦶꦪꦧꦏꦭ꧀ꦔꦥꦸꦫꦢꦺꦴꦱꦢꦺꦴꦱꦩꦲꦸ꧉​

^4:21 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦱꦥꦶꦭꦤꦁꦱꦶꦁꦮꦶꦱ꧀ꦢꦶꦱꦼꦩ꧀ꦧꦼꦭꦺꦃꦩꦲꦸꦏꦸꦢꦸꦢꦶꦒꦮꦩꦼꦠꦸꦱꦏꦏꦺꦩꦃꦏꦺꦴꦤꦺꦴꦭꦤ꧀ꦢꦶꦲꦺꦴꦧꦺꦴꦁ꧈​ꦥꦠꦿꦥ꧀ꦥꦺꦏꦪꦲꦼꦁꦒꦺꦴꦤꦺꦔꦺꦴꦧꦺꦴꦁꦱꦥꦶꦭꦤꦁꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦔꦿꦸꦮꦠ꧀ꦢꦺꦴꦱꦤꦺꦲꦶꦩꦩ꧀ꦲꦒꦸꦁ꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦱꦶꦁꦲꦺꦴꦫꦢꦶꦗꦫꦒ꧀ꦏꦁꦒꦺꦴꦲꦸꦩꦠ꧀꧉​

^4:22 ꦪꦺꦤ꧀ꦱꦶꦁꦔ꧀ꦭꦏꦺꦴꦤ꧀ꦤꦶꦢꦺꦴꦱꦩꦲꦸꦏꦒꦺꦴꦭꦺꦴꦁꦥꦼꦁꦒꦼꦝꦺ꧈​ꦩꦼꦂꦒꦤꦼꦫꦏ꧀ꦮꦼꦮꦊꦂꦫꦺꦒꦸꦱ꧀ꦠꦶꦄꦭ꧀ꦭꦃ꧈​ꦠꦤ꧀ꦥꦢꦶꦗꦫꦒ꧀꧈​

^4:23 (4:23-24)ꦮꦺꦴꦁꦔꦺꦏꦸꦢꦸꦲꦺꦁꦒꦭ꧀ꦢꦶꦏꦤ꧀ꦝꦤꦶ꧉​ꦮꦺꦴꦁꦩꦲꦸꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦫꦸꦥꦮꦼꦝꦸꦱ꧀ꦭꦤꦁꦱꦶꦁꦩꦸꦭꦸꦱ꧀ꦠꦤ꧀ꦥꦕꦕꦢ꧀꧉​ꦠꦔꦤ꧀ꦤꦺꦏꦸꦢꦸꦢꦶꦠꦸꦩ꧀ꦥꦁꦔꦏꦺꦲꦶꦁꦲꦼꦤ꧀ꦝꦱ꧀ꦱꦺꦮꦼꦝꦸꦱ꧀ꦩꦲꦸ꧈​ꦭꦤ꧀ꦮꦼꦝꦸꦱ꧀ꦱꦺꦧꦚ꧀ꦗꦸꦂꦢꦶꦱꦼꦩ꧀ꦧꦼꦭꦺꦃꦲꦶꦁꦱꦕꦼꦝꦏ꧀ꦏꦺꦩꦼꦱ꧀ꦧꦺꦃ꧈​ꦱꦶꦱꦶꦃꦮꦺꦠꦤ꧀꧈​ꦪꦏꦸꦮꦶꦥꦁꦒꦺꦴꦤ꧀ꦤꦤ꧀ꦤꦺꦚꦼꦩ꧀ꦧꦼꦭꦺꦃꦏꦺꦮꦤ꧀ꦱꦶꦁꦲꦉꦥ꧀ꦢꦶꦒꦮꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​

^4:24 (4:23)

^4:25 ꦲꦶꦩꦩ꧀ꦏꦸꦢꦸꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦲꦶꦁꦒꦼꦠꦶꦃꦲꦶꦁꦮꦼꦝꦸꦱ꧀ꦩꦲꦸꦭꦤ꧀ꦔ꧀ꦭꦺꦭꦺꦠ꧀ꦠꦏꦺꦒꦼꦠꦶꦃꦩꦲꦸꦲꦶꦁꦱꦸꦔꦸꦱꦸꦔꦸꦲꦶꦁꦥꦺꦴꦗꦺꦴꦏ꧀ꦏꦺꦩꦼꦱ꧀ꦧꦺꦃ꧉​ꦠꦸꦫꦃꦲꦤ꧀ꦤꦺꦏꦸꦢꦸꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃ꧉​

^4:26 ꦥꦠꦿꦥ꧀ꦥꦺꦥꦝꦏꦫꦺꦴꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦱꦶꦁꦲꦺꦴꦫꦏꦼꦗꦫꦒ꧀ꦠꦸꦩꦿꦥ꧀ꦥꦼꦁꦒꦼꦝꦺ꧈​ꦭꦤ꧀ꦄꦭ꧀ꦭꦃꦧꦏꦭ꧀ꦔꦥꦸꦫꦢꦺꦴꦱꦤꦺꦮꦺꦴꦁꦩꦲꦸ꧉​ꦲꦤꦮꦺꦴꦁꦭꦸꦩꦿꦃꦱꦶꦁꦒꦮꦺꦢꦺꦴꦱ꧈​ꦤꦼꦫꦏ꧀ꦮꦼꦮꦊꦂꦫꦺꦒꦸꦱ꧀ꦠꦶꦄꦭ꧀ꦭꦃ꧈​ꦲꦺꦴꦫꦏꦼꦗꦫꦒ꧀꧈​

^4:27 ꦪꦺꦤ꧀ꦲꦤꦮꦺꦴꦁꦭꦸꦩꦿꦃꦱꦶꦁꦒꦮꦺꦢꦺꦴꦱ꧈​ꦤꦼꦫꦏ꧀ꦮꦼꦮꦊꦂꦫꦺꦒꦸꦱ꧀ꦠꦶꦄꦭ꧀ꦭꦃ꧈​ꦲꦺꦴꦫꦏꦼꦗꦫꦒ꧀꧈​

^4:28 ꦮꦺꦴꦁꦩꦲꦸꦏꦸꦢꦸꦲꦺꦁꦒꦭ꧀ꦢꦶꦏꦤ꧀ꦝꦤꦶꦱꦸꦥꦪꦱꦲꦺꦴꦱ꧀ꦏꦸꦂꦧꦤ꧀ꦫꦸꦥꦮꦼꦝꦸꦱ꧀ꦮꦢꦺꦴꦤ꧀ꦱꦶꦁꦩꦸꦭꦸꦱ꧀꧈​ꦠꦤ꧀ꦥꦕꦕꦢ꧀꧉​

^4:29 ꦮꦺꦴꦁꦩꦲꦸꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦏꦺꦮꦤ꧀ꦩꦲꦸ꧈​ꦏꦺꦮꦤꦺꦧꦚ꧀ꦗꦸꦂꦢꦶꦱꦼꦩ꧀ꦧꦼꦭꦺꦃꦲꦶꦁꦱꦕꦼꦝꦏ꧀ꦏꦺꦩꦼꦱ꧀ꦧꦺꦃꦱꦶꦁꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦪꦏꦸꦮꦶꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁꦚꦼꦩ꧀ꦧꦼꦭꦺꦃꦏꦺꦮꦤ꧀ꦏꦺꦮꦤ꧀ꦱꦶꦁꦲꦉꦥ꧀ꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​

^4:30 ꦲꦶꦩꦩ꧀ꦏꦸꦢꦸꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦲꦶꦁꦒꦼꦠꦶꦃꦲꦺꦏꦺꦮꦤ꧀ꦩꦲꦸ꧈​ꦭꦤ꧀ꦔ꧀ꦭꦺꦭꦺꦠ꧀ꦠꦏꦺꦒꦼꦠꦶꦃꦩꦲꦸꦲꦶꦁꦱꦸꦔꦸꦱꦸꦔꦸꦲꦶꦁꦥꦺꦴꦗꦺꦴꦏ꧀ꦏꦺꦩꦼꦱ꧀ꦧꦺꦃ꧈​ꦭꦤ꧀ꦠꦸꦫꦃꦲꦤ꧀ꦤꦺꦏꦸꦢꦸꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦶꦁꦩꦼꦱ꧀ꦧꦺꦃ꧉​

^4:31 ꦒꦗꦶꦃꦲꦺꦏꦺꦮꦤ꧀ꦩꦲꦸꦏꦸꦢꦸꦢꦶꦠꦺꦴꦏ꧀ꦏꦏꦺꦏꦧꦺꦃ꧈​ꦏꦪꦥꦠꦿꦥ꧀ꦥꦺꦱꦲꦺꦴꦱ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​ꦒꦗꦶꦃꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦢꦺꦤꦶꦁꦲꦶꦩꦩ꧀꧈​ꦱꦸꦥꦪꦒꦤ꧀ꦢꦤꦺꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦒꦸꦱ꧀ꦠꦶꦄꦭ꧀ꦭꦃ꧉​ꦏꦸꦢꦸꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦺꦴꦭꦺꦃꦲꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦠꦸꦩꦿꦥ꧀ꦮꦺꦴꦁꦭꦸꦩꦿꦃ꧈​ꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦢꦺꦴꦱꦤꦺꦮꦺꦴꦁꦩꦲꦸ꧉​

^4:32 ꦤꦁꦔꦶꦁꦪꦺꦤ꧀ꦏꦺꦮꦤ꧀ꦱꦶꦁꦢꦶꦒꦮꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦸꦮꦶꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦮꦼꦝꦸꦱ꧀ꦱꦺꦏꦸꦢꦸꦮꦢꦺꦴꦤ꧀ꦭꦤ꧀ꦩꦸꦭꦸꦱ꧀꧈​ꦠꦤ꧀ꦥꦕꦕꦢ꧀꧉​

^4:33 ꦮꦺꦴꦁꦔꦺꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦮꦼꦝꦸꦱ꧀ꦩꦲꦸ꧈​ꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦮꦼꦝꦸꦱ꧀ꦱꦺꦲꦶꦁꦱꦶꦱꦶꦃꦭꦺꦴꦂꦫꦺꦩꦼꦱ꧀ꦧꦺꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦪꦏꦸꦮꦶꦥꦁꦒꦺꦴꦤ꧀ꦤꦤ꧀ꦤꦺꦚꦼꦩ꧀ꦧꦼꦭꦺꦃꦏꦺꦮꦤ꧀ꦏꦺꦮꦤ꧀ꦱꦶꦁꦲꦉꦥ꧀ꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​

^4:34 ꦲꦶꦩꦩ꧀ꦏꦸꦢꦸꦚꦼꦭꦸꦥ꧀ꦥꦏꦺꦢꦿꦶꦗꦶꦤꦺꦲꦶꦁꦒꦼꦠꦶꦃꦲꦺꦏꦺꦮꦤ꧀ꦩꦲꦸ꧈​ꦭꦤ꧀ꦔ꧀ꦭꦺꦭꦺꦠ꧀ꦠꦏꦺꦲꦶꦁꦱꦸꦔꦸꦱꦸꦔꦸꦲꦶꦁꦥꦺꦴꦗꦺꦴꦏ꧀ꦏꦺꦩꦼꦱ꧀ꦧꦺꦃ꧈​ꦭꦤ꧀ꦚꦶꦫꦩ꧀ꦩꦏꦺꦠꦸꦫꦃꦲꦤ꧀ꦤꦺꦲꦤꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃ꧉​

^4:35 ꦒꦗꦶꦃꦲꦺꦏꦺꦮꦤ꧀ꦩꦲꦸꦏꦧꦺꦃꦏꦸꦢꦸꦢꦶꦠꦺꦴꦏ꧀ꦏꦏꦺ꧈​ꦏꦪꦥꦠꦿꦥ꧀ꦥꦺꦱꦲꦺꦴꦱ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​ꦒꦗꦶꦃꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃ꧈​ꦧꦼꦧꦉꦁꦔꦤ꧀ꦏꦫꦺꦴꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​ꦏꦸꦢꦸꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦺꦴꦭꦺꦃꦲꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦏꦁꦒꦺꦴꦮꦺꦴꦁꦱꦶꦁꦲꦺꦴꦫꦚ꧀ꦗꦫꦒ꧀ꦤꦼꦫꦏ꧀ꦮꦼꦮꦊꦂꦫꦺꦄꦭ꧀ꦭꦃ꧉​ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦮꦺꦴꦁꦩꦲꦸ꧉"​