Alkitab/Kaimaman/6

6:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦼꦤꦺꦃꦩꦫꦁ​꧊ꦩꦸꦱꦩꦼꦁꦏꦺꦤꦺ꧈​
6:2 (6:2-3)"ꦮꦺꦴꦁꦢꦢꦶꦔ꧀ꦭꦏꦺꦴꦤ꧀ꦤꦶꦢꦺꦴꦱꦲꦶꦁꦔꦂꦱꦤꦺꦄꦭ꧀ꦭꦃ꧈​ꦪꦺꦤ꧀ꦲꦺꦴꦫꦒꦼꦊꦩ꧀ꦩ꧀ꦧꦭꦺꦏ꧀ꦏꦏꦺꦧꦫꦁꦠꦶꦠꦶꦥ꧀ꦥꦤ꧀ꦢꦸꦮꦺꦏ꧀ꦏꦺꦥꦼꦥꦝꦤꦺꦮꦺꦴꦁ​꧊ꦆꦱꦿꦲꦺꦭ꧀꧈​ꦲꦸꦠꦮꦩꦼꦤꦮꦮꦺꦴꦁꦩꦲꦸꦚꦺꦴꦭꦺꦴꦁꦧꦫꦁꦢꦸꦮꦺꦏ꧀ꦏꦺꦥꦼꦥꦝꦤꦺꦲꦸꦠꦮꦔꦥꦸꦱ꧀ꦱꦶꦥꦼꦥꦝꦤꦺ꧈​ꦲꦸꦠꦮꦏ꧀ꦭꦮꦤ꧀ꦱꦸꦩ꧀ꦥꦃꦲꦺꦴꦫꦔꦏꦸꦪꦺꦤ꧀ꦤꦼꦩꦸꦧꦫꦁꦢꦸꦮꦺꦏ꧀ꦏꦺꦥꦼꦥꦝꦤꦺꦱꦶꦁꦲꦶꦭꦁ꧉​ꦮꦺꦴꦁꦩꦲꦸꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦼꦤ꧀ꦝ꧉​
6:3 (6:2)
6:4 (6:4-5)ꦭꦤ꧀ꦏꦸꦢꦸꦩ꧀ꦧꦭꦺꦏ꧀ꦏꦏꦺꦧꦫꦁꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺꦭꦏꦸꦱꦶꦁꦲꦺꦴꦫꦗꦸꦗꦸꦂꦩꦲꦸ꧉​ꦮꦺꦴꦁꦩꦲꦸꦱꦤꦭꦶꦏꦏꦸꦢꦸꦩ꧀ꦧꦪꦂꦱꦼꦥꦶꦫꦉꦒꦤꦺꦧꦫꦁꦔꦺꦩꦫꦁꦱꦶꦁꦢꦸꦮꦺ꧈​ꦔꦁꦒꦺꦴꦢꦶꦥꦸꦚ꧀ꦗꦸꦭ꧀ꦭꦶꦫꦺꦴꦁꦥꦸꦭꦸꦃꦥꦼꦂꦱꦺꦤ꧀꧉​
6:5 (6:4)
6:6 ꦏꦼꦗꦧꦏꦸꦮꦶꦮꦺꦴꦁꦩꦲꦸꦏꦸꦢꦸꦩꦱꦿꦃꦲꦏꦺꦩꦫꦁꦲꦶꦩꦩ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮꦭꦤꦁꦱꦶꦗꦶ꧈​ꦱꦶꦁꦩꦸꦭꦸꦱ꧀ꦠꦤ꧀ꦥꦕꦕꦢ꧀꧈​ꦏꦁꦒꦺꦴꦱꦲꦺꦴꦱ꧀ꦏꦸꦂꦧꦤ꧀ꦝꦼꦤ꧀ꦝꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦉꦒꦤꦺꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦶꦠꦸꦫꦸꦠ꧀ꦉꦒꦱꦶꦁꦏꦁꦒꦺꦴꦲꦶꦁꦏꦺꦩꦃꦱꦸꦕꦶ꧉​
6:7 ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦼꦤ꧀ꦝ꧈​ꦭꦤ꧀ꦄꦭ꧀ꦭꦃꦧꦏꦭ꧀ꦔꦥꦸꦫꦢꦺꦴꦱꦤꦺꦮꦺꦴꦁꦩꦲꦸ꧉"​
6:8 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦼꦤꦺꦃꦩꦫꦁ​꧊ꦩꦸꦱ꧈​
6:9 "ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦮꦺꦤꦺꦃꦲꦤꦥꦽꦤꦠꦤ꧀ꦧꦧ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦩꦼꦁꦏꦺꦤꦺ:ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦏꦸꦮꦶꦏꦸꦢꦸꦠꦼꦫꦸꦱ꧀ꦢꦶꦲꦺꦴꦧꦺꦴꦁꦲꦶꦁꦒꦼꦤꦶꦱꦶꦁꦲꦤꦲꦶꦁꦩꦼꦱ꧀ꦧꦺꦃ꧈​ꦱꦼꦮꦼꦔꦶꦩꦸꦥꦸꦠ꧀꧉​ꦒꦼꦤꦶꦤꦶꦁꦩꦼꦱ꧀ꦧꦺꦃꦲꦺꦴꦫꦏꦼꦤꦩꦠꦶ꧉​
6:10 ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦔꦁꦒꦺꦴꦕ꧀ꦭꦤꦕꦼꦤ꧀ꦝꦏ꧀ꦭꦤ꧀ꦗꦸꦧꦃꦭꦺꦤ꧈​ꦔꦸꦏꦸꦥ꧀ꦥꦲꦮꦸꦤꦶꦁꦒꦗꦶꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦱꦏꦩꦼꦱ꧀ꦧꦺꦃ꧈​ꦏꦢꦺꦴꦏꦺꦴꦏ꧀ꦤꦲꦶꦁꦱꦤ꧀ꦝꦶꦁꦔꦺꦩꦼꦱ꧀ꦧꦺꦃ꧉​
6:11 ꦱꦮꦶꦱ꧀ꦱꦺꦏꦸꦮꦶꦲꦶꦩꦩ꧀ꦏꦸꦢꦸꦱꦭꦶꦤ꧀ꦥꦼꦔꦁꦒꦺꦴ꧈​ꦭꦤ꧀ꦔ꧀ꦒꦮꦲꦮꦸꦩꦲꦸꦩꦼꦚꦁꦱꦚ꧀ꦗꦧꦤꦺꦏꦺꦩꦃ꧈​ꦲꦶꦁꦥꦥꦤ꧀ꦱꦶꦁꦱꦸꦕꦶ꧉​
6:12 ꦒꦼꦤꦶꦲꦶꦁꦩꦼꦱ꧀ꦧꦺꦃꦏꦸꦢꦸꦢꦶꦗꦒꦱꦸꦥꦪꦠꦼꦫꦸꦱ꧀ꦩꦸꦫꦸꦧ꧀꧈​ꦲꦺꦴꦫꦏꦼꦤꦩꦠꦶ꧉​ꦱꦧꦼꦤ꧀ꦲꦺꦱꦸꦏ꧀ꦲꦶꦩꦩ꧀ꦏꦸꦢꦸꦤꦸꦩ꧀ꦥꦁꦔꦏꦺꦏꦪꦸꦲꦤꦲꦶꦁꦩꦼꦱ꧀ꦧꦺꦃ꧈​ꦭꦤ꧀ꦤꦠꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦢꦶꦠꦸꦩ꧀ꦥꦁꦔꦏꦺꦲꦶꦁꦒꦼꦤꦶꦩꦲꦸ꧈​ꦭꦤ꧀ꦔꦺꦴꦧꦺꦴꦁꦒꦗꦶꦃꦲꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​
6:13 ꦒꦼꦤꦶꦤꦺꦏꦸꦢꦸꦢꦶꦗꦒꦱꦸꦥꦪꦠꦼꦠꦼꦥ꧀ꦩꦸꦫꦸꦧ꧀꧈​ꦲꦗꦔꦤ꧀ꦠꦶꦩꦠꦶ꧉"​
6:14 ꦥꦽꦤꦠꦤ꧀ꦧꦧ꧀ꦏꦸꦂꦧꦤ꧀ꦝꦲꦂꦫꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦏꦸꦮꦶꦩꦼꦁꦏꦺꦤꦺ:ꦲꦶꦩꦩ꧀ꦲꦤꦏ꧀ꦠꦸꦫꦸꦤꦺꦲꦫꦸꦤ꧀ꦏꦸꦢꦸꦔ꧀ꦒꦮꦏꦸꦂꦧꦤ꧀ꦩꦲꦸꦩꦼꦚꦁꦩꦼꦱ꧀ꦧꦺꦃ꧉​
6:15 ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦒꦤ꧀ꦢꦸꦩ꧀ꦱꦒꦼꦒꦼꦩ꧀ꦏꦫꦺꦴꦊꦔꦤꦺꦗ꦳ꦲꦶꦠꦸꦤ꧀ꦭꦤ꧀ꦩꦼꦚꦤ꧀ꦤꦺꦱꦶꦁꦠꦼꦩꦸꦩ꧀ꦥꦁꦲꦶꦁꦒꦤ꧀ꦢꦸꦩ꧀ꦩꦲꦸ꧉​ꦧꦫꦁꦧꦫꦁꦩꦲꦸꦧꦚ꧀ꦗꦸꦂꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃ;ꦩꦽꦭꦩ꧀ꦧꦁꦔꦶꦪꦺꦤ꧀ꦱꦲꦺꦴꦱ꧀ꦱꦤ꧀ꦏꦧꦺꦃꦮꦶꦱ꧀ꦏꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​
6:16 (6:16-17)ꦒ꧀ꦭꦼꦥꦸꦁꦠꦸꦫꦃꦲꦤ꧀ꦤꦺꦏꦸꦢꦸꦢꦶꦒꦮꦺꦫꦺꦴꦠꦶꦠꦤ꧀ꦥꦫꦒꦶ꧈​ꦭꦤ꧀ꦏꦸꦢꦸꦢꦶꦥꦔꦤ꧀ꦢꦺꦤꦶꦁꦥꦫꦲꦶꦩꦩ꧀꧈​ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧈​ꦲꦶꦁꦥ꧀ꦭꦠꦂꦫꦤ꧀ꦤꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦏꦸꦮꦶꦧꦒꦺꦪꦤ꧀ꦤꦺꦥꦫꦲꦶꦩꦩ꧀꧈​ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦱꦏꦏꦸꦂꦧꦤ꧀ꦝꦲꦂꦫꦤ꧀꧉​ꦥꦔꦤ꧀ꦩꦲꦸꦱꦸꦕꦶꦧꦔꦼꦠ꧀꧈​ꦥꦝꦏꦪꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦭꦤ꧀ꦏꦸꦂꦧꦤ꧀ꦝꦼꦤ꧀ꦝ꧉​
6:17 (6:16)
6:18 ꦱꦧꦼꦤ꧀ꦮꦺꦴꦁꦭꦤꦁꦲꦤꦏ꧀ꦠꦸꦫꦸꦤꦺꦲꦫꦸꦤ꧀ꦏꦼꦤꦩꦁꦔꦤ꧀ꦫꦺꦴꦠꦶꦩꦲꦸ꧉​ꦱꦼꦧꦚ꧀ꦗꦸꦂꦫꦺꦢꦢꦶꦪꦥꦽꦤꦠꦤ꧀ꦭꦁꦒꦼꦁ꧉​ꦮꦺꦴꦁꦭꦶꦪꦱꦶꦁꦔ꧀ꦒꦼꦥꦺꦴꦏ꧀ꦝꦲꦂꦫꦤ꧀ꦱꦶꦁꦮꦶꦱ꧀ꦢꦶꦲꦼꦁꦒꦺꦴꦏꦸꦂꦧꦤ꧀꧈​ꦧꦏꦭ꧀ꦏꦼꦠꦩꦤ꧀ꦧꦶꦭꦲꦶꦩꦼꦂꦒꦱꦏꦢꦪꦏꦱꦸꦕꦺꦤ꧀ꦤꦺꦏꦸꦂꦧꦤ꧀ꦩꦲꦸ꧉​
6:19 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦧꦧ꧀ꦤꦼꦠꦼꦥ꧀ꦥꦏꦺꦲꦶꦩꦩ꧀꧈​ꦲꦤꦏ꧀ꦠꦸꦫꦸꦤꦺꦲꦫꦸꦤ꧀꧈​ꦩꦼꦁꦏꦺꦤꦺ:
6:20 ꦲꦶꦁꦢꦶꦤꦠꦼꦠꦼꦥ꧀ꦥꦤ꧀ꦩꦲꦸꦲꦶꦩꦩ꧀ꦱꦶꦁꦲꦉꦥ꧀ꦢꦶꦠꦼꦠꦼꦥ꧀ꦥꦏꦺꦏꦸꦢꦸꦚꦲꦺꦴꦱ꧀ꦱꦏꦺꦒ꧀ꦭꦼꦥꦸꦁꦒꦤ꧀ꦢꦸꦩ꧀ꦱꦏꦶꦭꦺꦴꦒꦿꦩ꧀ꦩꦫꦁꦄꦭ꧀ꦭꦃ꧉​꧌ꦥꦝꦲꦏꦺꦃꦲꦺꦏꦫꦺꦴꦏꦸꦂꦧꦤ꧀ꦝꦲꦂꦫꦤ꧀ꦥꦼꦢꦶꦤ꧀ꦤꦤ꧀꧉꧍​ꦱꦶꦁꦱꦼꦥꦫꦺꦴꦏꦸꦢꦸꦢꦶꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦲꦶꦁꦮꦪꦃꦲꦺꦱꦸꦏ꧀꧈​ꦠꦸꦫꦃꦲꦤ꧀ꦤꦺꦏꦁꦒꦺꦴꦱꦺꦴꦫꦺꦤꦺ꧉​
6:21 ꦒ꧀ꦭꦼꦥꦸꦁꦩꦲꦸꦏꦸꦢꦸꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀꧈​ꦧꦚ꧀ꦗꦸꦂꦢꦶꦥꦁꦒꦁ꧈​ꦤꦸꦭꦶꦢꦶꦲꦼꦗꦸꦂꦭꦤ꧀ꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦝꦲꦂꦫꦤ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​
6:22 ꦩꦼꦁꦏꦺꦴꦤꦺꦴꦢꦢꦶꦪꦥꦽꦤꦠꦤ꧀ꦭꦁꦒꦼꦁ;ꦱꦧꦼꦤ꧀ꦠꦸꦫꦸꦤ꧀ꦤꦺꦲꦫꦸꦤ꧀ꦱꦶꦁꦢꦢꦶꦲꦶꦩꦩ꧀ꦲꦒꦸꦁꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦪꦩꦼꦁꦏꦺꦴꦤꦺꦴ꧉​ꦏꦧꦺꦃꦏꦸꦢꦸꦢꦶꦲꦺꦴꦧꦺꦴꦁꦏꦠꦸꦂꦩꦫꦁꦄꦭ꧀ꦭꦃ꧉​
6:23 ꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦢꦺꦤꦶꦁꦲꦶꦩꦩ꧀꧈​ꦏꦧꦺꦃꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧈​ꦲꦺꦴꦫꦲꦤꦱꦼꦛꦶꦛꦶꦏ꧀ꦛꦶꦛꦶꦏ꧀ꦏꦱꦶꦁꦲꦺꦴꦭꦺꦃꦢꦶꦥꦔꦤ꧀꧉​
6:24 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ꧈​
6:25 ꦱꦸꦥꦪꦩꦺꦤꦺꦃꦲꦏꦺꦥꦽꦤꦠꦤ꧀ꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦧꦧ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦱꦲꦺꦴꦱ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦶꦁꦱꦶꦱꦶꦃꦭꦺꦴꦂꦫꦺꦩꦼꦱ꧀ꦧꦺꦃꦱꦶꦁꦏꦁꦒꦺꦴꦔꦺꦴꦧꦺꦴꦁꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦏꦸꦂꦧꦤ꧀ꦩꦲꦸꦱꦸꦕꦶꦧꦔꦼꦠ꧀꧉​
6:26 ꦲꦶꦩꦩ꧀ꦱꦶꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦸꦢꦸꦩꦁꦔꦤ꧀ꦧꦒꦺꦪꦤ꧀ꦤꦺꦲꦤꦲꦶꦁꦥꦥꦤ꧀ꦱꦸꦕꦶ꧈​ꦪꦏꦸꦮꦶꦲꦶꦁꦥ꧀ꦭꦠꦂꦫꦤ꧀ꦤꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​
6:27 ꦱꦥꦮꦲꦺꦭꦤ꧀ꦲꦥꦮꦲꦺꦱꦶꦁꦔ꧀ꦒꦼꦥꦺꦴꦏ꧀ꦢꦒꦶꦁꦔꦺꦏꦺꦮꦤ꧀ꦩꦲꦸ꧈​ꦧꦏꦭ꧀ꦏꦼꦠꦩꦤ꧀ꦧꦶꦭꦲꦶ꧈​ꦩꦼꦂꦒꦱꦏꦢꦪꦏꦱꦸꦕꦺꦤ꧀ꦤꦺꦏꦸꦂꦧꦤ꧀ꦩꦲꦸ꧉​ꦩꦼꦤꦮꦲꦤꦏ꧀ꦭꦩ꧀ꦧꦶꦱꦶꦁꦏꦼꦕꦶꦥꦿꦠ꧀ꦠꦤ꧀ꦒꦼꦠꦶꦃꦲꦺꦏꦺꦮꦤ꧀ꦩꦲꦸ꧈​ꦏꦸꦢꦸꦢꦶꦏꦸꦩ꧀ꦧꦃꦲꦶꦁꦥꦥꦤ꧀ꦱꦶꦁꦱꦸꦕꦶ꧉​
6:28 ꦏꦸꦮꦭꦶꦱꦶꦁꦢꦶꦲꦼꦁꦒꦺꦴꦔ꧀ꦒꦺꦴꦝꦺꦴꦒ꧀ꦢꦒꦶꦁꦔꦺꦏꦸꦂꦧꦤ꧀ꦩꦲꦸꦏꦸꦢꦸꦢꦶꦉꦩꦸꦏ꧀꧉​ꦪꦺꦤ꧀ꦏꦸꦮꦭꦶꦱꦶꦁꦢꦶꦲꦼꦁꦒꦺꦴꦮꦝꦃꦩꦲꦸꦱꦏꦠꦼꦩ꧀ꦧꦒ꧈​ꦏꦸꦢꦸꦢꦶꦒꦺꦴꦱꦺꦴꦏ꧀꧈​ꦧꦚ꧀ꦗꦸꦂꦢꦶꦉꦱꦶꦏ꧀ꦏꦶꦔꦁꦒꦺꦴꦧꦚꦸ꧉​
6:29 ꦱꦧꦼꦤ꧀ꦮꦺꦴꦁꦭꦤꦁꦲꦤꦏ꧀ꦠꦸꦫꦸꦤꦺꦲꦶꦩꦩ꧀ꦏꦼꦤꦩꦁꦔꦤ꧀ꦏꦸꦂꦧꦤ꧀ꦱꦶꦁꦱꦸꦕꦶꦧꦔꦼꦠ꧀ꦏꦸꦮꦶ꧉​
6:30 ꦏꦺꦮꦤ꧀ꦱꦶꦁꦒꦼꦠꦶꦃꦲꦺꦢꦶꦒꦮꦩ꧀ꦭꦼꦧꦸꦲꦶꦁꦏꦺꦩꦃꦱꦸꦕꦶꦭꦤ꧀ꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧈​ꦲꦺꦴꦫꦏꦼꦤꦢꦶꦥꦔꦤ꧀꧉​