Alkitab/Pangentasan/2

^2:1 ꦤꦭꦶꦏꦱꦼꦩꦤꦲꦤꦮꦺꦴꦁꦭꦤꦁꦠꦸꦫꦸꦤ꧀ꦭꦺꦮꦶꦤꦶꦁꦏꦃꦏꦫꦺꦴꦮꦺꦴꦁꦮꦢꦺꦴꦤ꧀ꦲꦸꦒꦠꦸꦫꦸꦤ꧀ꦭꦺꦮꦶ;

^2:2 ꦮꦺꦴꦁꦮꦢꦺꦴꦤ꧀ꦩꦲꦸꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ꧉​ꦧꦉꦁꦮꦼꦫꦸꦃꦪꦺꦤ꧀ꦧꦪꦶꦤꦺꦩꦲꦸꦧꦒꦸꦱ꧀ꦧꦔꦼꦠ꧀꧈​ꦧꦚ꧀ꦗꦸꦂꦢꦶꦝꦼꦭꦶꦏ꧀ꦏꦏꦺꦔꦤ꧀ꦠꦶꦠꦼꦭꦸꦁꦱꦱꦶꦭꦮꦱ꧀ꦱꦺ꧉​

^2:3 ꦤꦁꦔꦶꦁꦱꦫꦺꦃꦤꦺꦧꦿꦪꦠ꧀ꦩꦲꦸꦲꦺꦴꦫꦧꦶꦱꦔꦸꦩ꧀ꦥꦼꦠ꧀ꦠꦏꦺꦩꦼꦤꦺꦃ꧈​ꦤꦸꦭꦶꦒꦮꦺꦮꦝꦃꦱꦏꦒ꧀ꦭꦒꦃꦔꦁꦒꦺꦴꦢꦶꦥꦺꦴꦥꦺꦴꦏ꧀ꦠꦶꦂꦱꦸꦥꦪꦲꦺꦴꦫꦏ꧀ꦭꦼꦧꦺꦴꦤ꧀ꦧꦚꦸ꧉​ꦧꦪꦶꦤꦺꦤꦸꦭꦶꦢꦶꦱꦺꦭꦺꦃꦲꦏꦺꦲꦶꦁꦮꦝꦃꦩꦲꦸ꧈​ꦧꦚ꧀ꦗꦸꦂꦢꦶꦒꦮꦩꦼꦚꦁꦏꦭꦶ꧉​ꦮꦝꦃꦩꦲꦸꦤꦸꦭꦶꦢꦶꦢꦺꦴꦏꦺꦴꦏ꧀ꦲꦤꦲꦶꦁꦱꦠꦼꦔꦃꦲꦶꦁꦒ꧀ꦭꦒꦃꦒ꧀ꦭꦒꦃꦲꦶꦁꦥꦶꦁꦒꦶꦂꦧꦼꦔꦮꦤ꧀꧊ꦤꦶꦭ꧀꧉​

^2:4 ꦢꦺꦤꦺꦩ꧀ꦧꦏꦾꦸꦤꦺꦧꦪꦶꦩꦲꦸꦔꦢꦼꦒ꧀ꦏꦼꦥꦫꦲꦢꦺꦴꦃꦏꦫꦺꦴꦔꦮꦠ꧀ꦲꦮꦠ꧀ꦠꦶ꧈​ꦩꦼꦂꦒꦲꦉꦥ꧀ꦮꦼꦫꦸꦃꦏꦼꦥꦿꦶꦪꦺꦧꦏꦭ꧀ꦏꦼꦢꦢꦺꦪꦤ꧀ꦤꦺ꧉​

^2:5 ꦲꦶꦁꦏꦺꦴꦤꦺꦴꦥꦸꦠꦿꦤꦺꦥꦸꦠꦿꦶꦱꦁꦥꦿꦶꦔꦺꦴꦤ꧀ꦠꦶꦤ꧀ꦢꦏ꧀ꦩꦼꦚꦁꦏꦭꦶꦲꦉꦥ꧀ꦱꦶꦫꦩ꧀;ꦢꦺꦤꦺꦥꦫꦲꦼꦩ꧀ꦧꦤꦺꦥꦝꦩ꧀ꦭꦏꦸꦩ꧀ꦭꦏꦸꦲꦶꦁꦥꦶꦁꦒꦶꦂꦏꦭꦶꦏꦺꦴꦤꦺꦴ꧉​ꦢꦸꦩꦢꦏ꧀ꦏꦤ꧀ꦥꦸꦠꦿꦶꦩꦲꦸꦥꦶꦂꦱꦮꦝꦃꦱꦶꦁꦲꦤꦲꦶꦁꦱꦠꦼꦔꦃꦲꦺꦒ꧀ꦭꦒꦃꦲꦤ꧀꧈​ꦧꦚ꧀ꦗꦸꦂꦲꦸꦠꦸꦱ꧀ꦱꦤ꧀ꦲꦼꦩ꧀ꦧꦤꦺꦚ꧀ꦗꦸꦥꦸꦏ꧀꧉​

^2:6 ꦧꦉꦁꦥꦶꦂꦱꦪꦺꦤ꧀ꦲꦶꦁꦚ꧀ꦗꦼꦫꦺꦴꦮꦝꦃꦲꦤꦧꦪꦶꦤꦺ꧈​ꦭꦤ꧀ꦧꦪꦶꦩꦲꦸꦤꦔꦶꦱ꧀꧈​ꦥꦸꦠꦿꦶꦩꦲꦸꦫꦸꦤ꧀ꦠꦸꦃꦮꦼꦭꦱ꧀ꦱꦺ꧈​ꦱꦂꦠꦔꦤ꧀ꦢꦶꦏ꧈​"ꦲꦶꦏꦶꦒꦼꦤꦃꦲꦤꦏ꧀ꦏꦺꦮꦺꦴꦁ꧊ꦆꦧꦿꦤꦶ꧉"​

^2:7 ꦩ꧀ꦧꦏꦾꦸꦤꦺꦧꦪꦶꦩꦲꦸꦧꦚ꧀ꦗꦸꦂꦩꦠꦸꦂ꧈​"ꦩꦼꦤꦥꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦏꦸꦭꦥꦢꦺꦴꦱ꧀ꦱꦏꦼꦤ꧀ꦠꦶꦪꦁꦲꦺꦱ꧀ꦠꦿꦶ꧊ꦆꦧꦿꦤꦶꦲꦶꦁꦏꦁꦱꦒꦼꦢ꧀ꦤꦼꦱꦼꦥ꧀ꦥꦶꦧꦪꦶꦩꦼꦤꦶꦏ?"

^2:8 "ꦲꦶꦪꦧꦼꦕꦶꦏ꧀꧈"​ꦩꦼꦁꦏꦺꦴꦤꦺꦴꦮꦁꦱꦸꦭ꧀ꦭꦤ꧀ꦤꦺꦥꦸꦠꦿꦤꦺꦥꦸꦠꦿꦶꦱꦁꦥꦿꦶꦔꦺꦴꦤ꧀ꦩꦲꦸ;ꦧꦺꦴꦕꦃꦮꦢꦺꦴꦤ꧀ꦩꦲꦸꦧꦚ꧀ꦗꦸꦂꦔꦸꦤ꧀ꦢꦁꦲꦼꦩ꧀ꦧꦺꦴꦏ꧀ꦤꦺ꧉​

^2:9 ꦱꦁꦥꦸꦠꦿꦶꦝꦮꦸꦃꦩꦫꦁꦲꦼꦩ꧀ꦧꦺꦴꦏ꧀ꦤꦺꦧꦪꦶ꧈​"ꦧꦪꦶꦲꦶꦏꦶꦒꦮꦤꦼꦤ꧀꧈​ꦏꦺꦴꦮꦺꦧꦏꦭ꧀ꦢꦏ꧀ꦲꦺꦴꦥꦃꦲꦶ꧉"​ꦧꦪꦶꦤꦺꦧꦚ꧀ꦗꦸꦂꦢꦶꦒꦮꦱꦂꦠꦢꦶꦱꦸꦱꦺꦴꦤ꧀ꦤꦶꦢꦺꦤꦶꦁꦲꦼꦩ꧀ꦧꦺꦴꦏ꧀ꦤꦺ꧉​

^2:10 ꦧꦉꦁꦧꦺꦴꦕꦃꦲꦺꦮꦶꦱ꧀ꦒꦼꦝꦺ꧈​ꦤꦸꦭꦶꦢꦶꦲꦠꦸꦂꦫꦏꦺꦩꦫꦁꦱꦁꦥꦸꦠꦿꦶ;ꦧꦺꦴꦕꦃꦩꦲꦸꦏꦥꦸꦤ꧀ꦝꦸꦠ꧀ꦢꦢꦶꦥꦸꦠꦿꦲꦁꦏꦠ꧀ꦭꦤ꧀ꦢꦶꦥꦫꦶꦁꦔꦶꦗꦼꦤꦼꦁ꧊ꦩꦸꦱ꧉​ꦥꦔꦤ꧀ꦢꦶꦏꦤꦺ꧈​"ꦩꦼꦂꦒꦧꦺꦴꦕꦃꦲꦶꦏꦶꦢꦏ꧀ꦲꦼꦤ꧀ꦠꦱ꧀ꦱꦏꦲꦶꦁꦧꦚꦸ꧉"​

^2:11 ꦧꦉꦁꦮꦶꦱ꧀ꦢꦶꦮꦱ꧊ꦩꦸꦱꦤꦸꦭꦶꦭꦸꦔꦤꦶꦭꦶꦏ꧀ꦏꦶꦥꦫꦱꦼꦢꦸꦭꦸꦂꦫꦺ꧈​ꦪꦲꦶꦏꦸꦧꦁꦱ꧊ꦆꦧꦿꦤꦶ꧉​ꦲꦶꦁꦏꦺꦴꦤꦺꦴ꧊ꦩꦸꦱꦮꦼꦫꦸꦃꦲꦼꦁꦒꦺꦴꦤꦺꦮꦺꦴꦁꦮꦺꦴꦁꦩꦲꦸꦢꦶꦥꦼꦏ꧀ꦱꦚꦩ꧀ꦧꦸꦠ꧀ꦒꦮꦺꦲꦧꦺꦴꦠ꧀꧉​ꦩꦭꦃꦲꦶꦪꦮꦼꦫꦸꦃꦲꦤꦮꦺꦴꦁ꧊ꦩꦺꦱꦶꦂꦩꦠꦺꦤ꧀ꦤꦶꦮꦺꦴꦁ꧊ꦆꦧꦿꦤꦶ꧉​

^2:12 ꧊ꦩꦸꦱꦤꦺꦴꦭꦺꦃꦔꦶꦮꦤꦼꦔꦼꦤ꧀꧉​ꦧꦉꦁꦢꦶꦏꦶꦫꦲꦺꦴꦫꦲꦤꦮꦺꦴꦁꦱꦶꦁꦮꦼꦫꦸꦃ꧈​ꦮꦺꦴꦁ꧊ꦩꦺꦱꦶꦂꦩꦲꦸꦧꦚ꧀ꦗꦸꦂꦢꦶꦥꦠꦺꦤ꧀ꦤꦶꦱꦂꦠꦢꦶꦥꦼꦤ꧀ꦝꦼꦩ꧀ꦲꦶꦁꦮꦼꦝꦶ꧉​

^2:13 ꦲꦺꦱꦸꦏ꧀ꦏꦺ꧊ꦩꦸꦱꦧꦭꦶꦭꦤ꧀ꦮꦼꦫꦸꦃꦲꦤꦮꦺꦴꦁ꧊ꦆꦧꦿꦤꦶꦭꦺꦴꦫꦺꦴꦭꦒꦶꦥꦝꦏꦼꦉꦁꦔꦤ꧀꧉​꧊ꦩꦸꦱꦠꦏꦺꦴꦤ꧀ꦩꦫꦁꦮꦺꦴꦁꦱꦶꦁꦭꦸꦥꦸꦠ꧀꧈​"ꦪꦒꦺꦤꦺꦏꦺꦴꦮꦺꦔ꧀ꦒꦼꦧꦸꦒꦮꦺꦴꦁ꧊ꦆꦧꦿꦤꦶ꧈​ꦧꦁꦱꦩꦸꦝꦺꦮꦺ?"

^2:14 ꦮꦁꦱꦸꦭ꧀ꦭꦤ꧀ꦤꦺꦮꦺꦴꦁꦩꦲꦸ꧈​"ꦱꦥꦱꦶꦁꦔꦁꦏꦠ꧀ꦏꦺꦴꦮꦺꦢꦢꦶꦥꦼꦁꦒꦼꦝꦺꦭꦤ꧀ꦲꦏꦶꦩ꧀?ꦲꦥꦏꦺꦴꦮꦺꦲꦶꦪꦲꦉꦥ꧀ꦩꦠꦺꦤ꧀ꦤꦶꦲꦏꦸꦏꦪꦲꦼꦁꦒꦺꦴꦤ꧀ꦩꦸꦩꦠꦺꦤ꧀ꦤꦶꦮꦺꦴꦁ꧊ꦩꦺꦱꦶꦂꦮꦶꦔꦶꦏꦲꦺ?"꧊ꦩꦸꦱꦏꦸꦮꦠꦶꦂ꧈​ꦧꦠꦶꦤꦺ꧈​"ꦪꦺꦤ꧀ꦔꦺꦴꦤꦺꦴ꧈​ꦥꦽꦏꦫꦲꦶꦏꦶꦮꦶꦱ꧀ꦏꦺꦴꦤꦁꦔꦤ꧀꧉"​

^2:15 (2:15-16)ꦧꦉꦁꦱꦁꦥꦿꦶꦔꦺꦴꦤ꧀ꦩꦶꦉꦁꦊꦭꦏꦺꦴꦤ꧀ꦩꦲꦸ꧈​ꦧꦚ꧀ꦗꦸꦂꦒꦺꦴꦭꦺꦏ꧀ꦲꦏꦭ꧀ꦱꦸꦥꦪꦧꦶꦱꦩꦠꦺꦤ꧀ꦤꦶ꧊ꦩꦸꦱ꧉​ꦤꦁꦔꦶꦁ꧊ꦩꦸꦱꦭꦺꦴꦭꦺꦴꦱ꧀ꦱꦏꦲꦶꦁꦏꦼꦝꦠꦺꦴꦤ꧀꧈​ꦤꦸꦭꦶꦩꦁꦒꦺꦴꦤ꧀ꦲꦶꦁꦠꦤꦃ꧊ꦩꦶꦢꦶꦪꦤ꧀꧉​꧊ꦪꦶꦠꦿꦺꦴ꧈​ꦲꦶꦩꦩ꧀ꦲꦶꦁꦠꦤꦃ꧊ꦩꦶꦢꦶꦪꦤ꧀ꦏꦺꦴꦤꦺꦴꦢꦸꦮꦺꦲꦤꦏ꧀ꦮꦢꦺꦴꦤ꧀ꦥꦶꦠꦸ꧉​ꦲꦶꦁꦱꦮꦶꦗꦶꦤꦶꦁꦢꦶꦤ꧈​ꦤꦭꦶꦏ꧊ꦩꦸꦱꦭꦒꦶꦭꦸꦁꦒꦸꦃꦲꦶꦁꦱꦕꦼꦝꦏ꧀ꦏꦺꦱꦸꦩꦸꦂ꧈​ꦧꦺꦴꦕꦃꦮꦢꦺꦴꦤ꧀ꦥꦶꦠꦸꦩꦲꦸꦥꦝꦠꦼꦏꦲꦉꦥ꧀ꦤꦶꦩ꧀ꦧꦏꦁꦒꦺꦴꦔꦺꦴꦩ꧀ꦧꦺꦤ꧀ꦤꦶꦮꦼꦝꦸꦱ꧀ꦱꦺꦧꦥꦏ꧀ꦤꦺ꧉​

^2:16 (2:15)

^2:17 ꦤꦁꦔꦶꦁꦲꦤꦥꦔꦺꦴꦤ꧀ꦭꦤꦁꦱꦮꦼꦠꦫꦠꦼꦏ꧉​ꦧꦺꦴꦕꦃꦧꦺꦴꦕꦃꦮꦢꦺꦴꦤ꧀ꦩꦲꦸꦤꦸꦭꦶꦥꦝꦢꦶꦠꦸꦤ꧀ꦝꦸꦁ꧉​꧊ꦩꦸꦱꦧꦚ꧀ꦗꦸꦂꦔꦢꦼꦒ꧀ꦤꦸꦭꦸꦁꦔꦶꦧꦺꦴꦕꦃꦧꦺꦴꦕꦃꦮꦢꦺꦴꦤ꧀ꦩꦲꦸꦱꦂꦠꦔꦺꦴꦩ꧀ꦧꦺꦤ꧀ꦤꦶꦮꦼꦝꦸꦱ꧀ꦮꦼꦝꦸꦱ꧀ꦱꦺ꧉​

^2:18 ꦤꦭꦶꦏꦧꦺꦴꦕꦃꦧꦺꦴꦕꦃꦮꦢꦺꦴꦤ꧀ꦩꦲꦸꦠꦼꦏꦤ꧀ꦲꦶꦁꦔꦺꦴꦩꦃ꧈​ꦢꦶꦠꦏꦺꦴꦤ꧀ꦤꦶꦧꦥꦏ꧀ꦤꦺ꧈​"ꦪꦒꦺꦤꦺꦢꦶꦤꦲꦶꦏꦶꦩꦸꦭꦶꦃꦩꦸꦒꦱꦶꦏ꧀?"

^2:19 ꦮꦁꦱꦸꦭ꧀ꦭꦤ꧀ꦤꦺ꧈​"ꦮꦺꦴꦤ꧀ꦠꦼꦤ꧀ꦠꦶꦪꦁ꧊ꦩꦺꦱꦶꦂꦲꦶꦁꦏꦁꦱꦩ꧀ꦥꦸꦤ꧀ꦤꦸꦭꦸꦁꦔꦶꦏꦸꦭꦱꦏꦶꦁꦥꦽꦠꦶꦁꦏꦃꦲꦶꦥꦸꦤ꧀ꦥꦫꦥꦔꦺꦤ꧀꧉​ꦠꦶꦪꦁꦩꦼꦤꦶꦏꦩꦭꦃꦤꦶꦩ꧀ꦧꦏ꧀ꦏꦏꦼꦤ꧀ꦱꦂꦠꦔꦺꦴꦩ꧀ꦧꦺꦤ꧀ꦤꦶꦩꦺꦤ꧀ꦢꦩꦺꦤ꧀ꦢ꧉"​

^2:20 "ꦱꦲꦶꦏꦶꦮꦺꦴꦁꦔꦺꦲꦤꦔꦼꦤ꧀ꦢꦶ?"ꦥꦶꦠꦏꦺꦴꦤ꧀ꦤꦺ꧊ꦪꦶꦠꦿꦺꦴꦩꦫꦁꦲꦤꦏ꧀ꦲꦤꦏ꧀ꦏꦺ꧉​"ꦪꦒꦺꦤꦺꦮꦺꦴꦁꦩꦲꦸꦏꦺꦴꦏ꧀ꦠꦶꦁꦒꦭ꧀ꦭꦸꦔ?ꦕꦺꦴꦧꦲꦸꦤ꧀ꦢꦁꦔꦼꦤ꧀ꦩꦿꦺꦤꦺ꧈​ꦏꦶꦠꦲꦗꦏ꧀ꦩꦁꦔꦤ꧀ꦧꦼꦧꦉꦁꦔꦤ꧀꧉"​

^2:21 ꧊ꦩꦸꦱꦱꦧꦚ꧀ꦗꦸꦂꦫꦺꦩꦺꦴꦤ꧀ꦝꦺꦴꦏ꧀ꦲꦤꦲꦶꦁꦲꦺꦴꦩꦃꦲꦺꦲꦶꦩꦩ꧀꧊ꦪꦶꦠꦿꦺꦴꦏꦺꦴꦤꦺꦴ꧈​ꦩꦭꦃꦧꦚ꧀ꦗꦸꦂꦢꦶꦥꦺꦏ꧀ꦩꦤ꧀ꦠꦸ꧈​ꦢꦶꦲꦺꦴꦭꦺꦃꦲꦏꦺꦲꦤꦏ꧀ꦏꦺꦱꦶꦁꦗꦼꦤꦼꦁ꧊ꦗ꦳ꦶꦥꦺꦴꦫ꧉​

^2:22 ꧊ꦗ꦳ꦶꦥꦺꦴꦫꦩꦲꦸꦩ꧀ꦧꦧꦂꦲꦤꦏ꧀ꦭꦤꦁ꧈​ꦢꦶꦗꦼꦤꦼꦁꦔꦏꦺ꧊ꦒꦺꦂꦱꦺꦴꦩ꧀꧈​ꦩꦼꦂꦒ꧊ꦩꦸꦱꦢꦸꦮꦺꦒꦒꦱ꧀ꦱꦤ꧀ꦩꦼꦁꦏꦺꦤꦺ꧈​"ꦲꦏꦸꦲꦤꦲꦶꦁꦏꦺꦤꦺꦲꦶꦏꦶꦮꦺꦴꦁꦩꦚ꧀ꦕ꧉"​

^2:23 ꦱꦮꦶꦱ꧀ꦱꦺꦊꦠ꧀ꦥꦶꦫꦁꦥꦶꦫꦁꦠꦲꦸꦤ꧀ꦱꦁꦥꦿꦶꦔꦺꦴꦤ꧀ꦱꦺꦢ꧈​ꦤꦁꦔꦶꦁꦧꦁꦱ꧊ꦆꦱꦿꦲꦺꦭ꧀ꦲꦸꦫꦶꦥ꧀ꦥꦺꦠꦼꦠꦼꦥ꧀ꦱꦁꦱꦫ꧈​ꦱꦼꦧꦧ꧀ꦢꦶꦥꦼꦏ꧀ꦱꦚꦩ꧀ꦧꦸꦠ꧀ꦒꦮꦺꦲꦧꦺꦴꦠ꧀꧈​ꦠꦼꦩꦃꦱꦩ꧀ꦧꦠ꧀ꦔꦫꦸꦲꦫꦚꦸꦮꦸꦤ꧀ꦠꦸꦭꦸꦁꦩꦫꦁꦄꦭ꧀ꦭꦃ꧉​

^2:24 ꦒꦸꦱ꧀ꦠꦶꦄꦭ꧀ꦭꦃꦩꦶꦝꦔꦼꦠ꧀ꦠꦏꦺꦥꦼꦱꦩ꧀ꦧꦠ꧀ꦠꦺꦧꦁꦱ꧊ꦆꦱꦿꦲꦺꦭ꧀ꦩꦲꦸꦭꦤ꧀ꦲꦺꦔꦼꦠ꧀ꦩꦫꦁꦗꦚ꧀ꦗꦶꦤꦺꦏꦫꦺꦴ꧊ꦄꦧꦿꦲꦩ꧀꧈​꧊ꦆꦱ꧀ꦏꦏ꧀ꦭꦤ꧀꧊ꦪꦏꦸꦧ꧀꧉​

^2:25 ꦒꦸꦱ꧀ꦠꦶꦄꦭ꧀ꦭꦃꦩꦶꦂꦱꦏꦱꦁꦱꦫꦤꦺꦧꦁꦱ꧊ꦆꦱꦿꦲꦺꦭ꧀ꦲꦼꦁꦒꦺꦴꦤꦺꦢꦢꦶꦧꦠꦸꦂ꧈​ꦩꦸꦭꦤꦺꦧꦚ꧀ꦗꦸꦂꦔ꧀ꦒꦠꦺꦴꦱ꧀ꦱꦏꦺꦩꦫꦁꦥꦼꦱꦩ꧀ꦧꦠ꧀ꦠꦺ꧉​