Alkitab/Pangentasan/22

^22:1 "ꦱꦶꦁꦱꦥꦚꦺꦴꦭꦺꦴꦁꦱꦥꦶꦲꦸꦠꦮꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦩꦁꦏꦧꦚ꧀ꦗꦸꦂꦢꦶꦢꦺꦴꦭ꧀ꦲꦸꦠꦮꦢꦶꦱꦼꦩ꧀ꦧꦼꦭꦺꦃ꧈​ꦏꦸꦢꦸꦔꦶꦗꦺꦴꦭ꧀ꦭꦶ꧉​ꦱꦥꦶꦱꦶꦗꦶꦲꦶꦗꦺꦴꦭ꧀ꦭꦺꦱꦥꦶꦭꦶꦩ꧈​ꦢꦺꦤꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦱꦶꦗꦶꦲꦶꦗꦺꦴꦭ꧀ꦭꦺꦥꦥꦠ꧀꧉​

^22:2 (22:2-4)ꦮꦺꦴꦁꦩꦲꦸꦏꦸꦢꦸꦔꦶꦗꦺꦴꦭ꧀ꦭꦶꦱꦶꦁꦮꦶꦱ꧀ꦢꦶꦕꦺꦴꦭꦺꦴꦁ꧉​ꦪꦺꦤ꧀ꦲꦺꦴꦫꦢꦸꦮꦺꦲꦥꦲꦥ꧈​ꦮꦺꦴꦁꦏꦸꦮꦶꦏꦸꦢꦸꦢꦶꦢꦺꦴꦭ꧀ꦢꦢꦶꦧꦠꦸꦂꦠꦸꦏꦺꦴꦤ꧀ꦏꦁꦒꦺꦴꦲꦶꦗꦺꦴꦭ꧀ꦭꦺꦧꦫꦁꦱꦶꦁꦮꦶꦱ꧀ꦢꦶꦕꦺꦴꦭꦺꦴꦁ꧉​ꦪꦺꦤ꧀ꦏꦺꦮꦤ꧀ꦕꦺꦴꦭꦺꦴꦁꦔꦤ꧀ꦩꦲꦸꦱꦥꦶ꧈​ꦏꦸꦭ꧀ꦢꦶꦲꦸꦠꦮꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦏꦼꦕꦼꦏꦼꦭ꧀ꦲꦶꦱꦶꦃꦲꦸꦫꦶꦥ꧀꧈​ꦱꦶꦁꦚꦺꦴꦭꦺꦴꦁꦏꦸꦢꦸꦔꦶꦗꦺꦴꦭ꧀ꦭꦶꦱꦧꦼꦤ꧀ꦏꦺꦮꦤ꧀ꦱꦶꦗꦶꦲꦶꦗꦺꦴꦭ꧀ꦭꦺꦭꦺꦴꦫꦺꦴ꧉​ꦪꦺꦤ꧀ꦲꦤꦩꦭꦶꦁꦲꦶꦁꦮꦪꦃꦧꦼꦔꦶꦏꦼꦕꦼꦏꦼꦭ꧀ꦲꦶꦁꦱꦗꦿꦺꦴꦤꦶꦁꦲꦺꦴꦩꦃ꧈​ꦧꦚ꧀ꦗꦸꦂꦢꦶꦥꦠꦺꦤ꧀ꦤꦶ꧈​ꦱꦶꦁꦩꦠꦺꦤ꧀ꦤꦶꦲꦺꦴꦫꦢꦶꦲꦸꦏꦸꦩ꧀꧉​ꦤꦁꦔꦶꦁꦪꦺꦤ꧀ꦏꦼꦢꦢꦺꦪꦤ꧀ꦩꦲꦸꦲꦶꦁꦮꦪꦃꦲꦮꦤ꧀꧈​ꦱꦶꦁꦩꦠꦺꦤ꧀ꦤꦶꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^22:3 (22:2)

^22:4 (22:2)

^22:5 ꦱꦶꦁꦱꦥꦔꦸꦩ꧀ꦧꦂꦏꦺꦮꦤꦺꦲꦶꦁꦥꦠꦼꦒꦭ꧀ꦭꦤ꧀ꦲꦸꦠꦮꦏꦼꦧꦺꦴꦤ꧀ꦲꦁꦒꦸꦂ꧈​ꦩꦁꦏꦏꦺꦮꦤ꧀ꦩꦲꦸꦧꦚ꧀ꦗꦸꦂꦱꦧꦱꦂꦠꦩꦁꦔꦤ꧀ꦠꦤ꧀ꦢꦸꦂꦫꦤ꧀ꦠꦼꦒꦭ꧀ꦭꦺꦮꦺꦴꦁꦭꦶꦪ꧈​ꦱꦶꦁꦢꦸꦮꦺꦏꦺꦮꦤ꧀ꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶꦔꦁꦒꦺꦴꦥꦩꦼꦠꦸꦤꦺꦥꦠꦼꦒꦭ꧀ꦭꦤ꧀ꦲꦸꦠꦮꦏꦼꦧꦺꦴꦤ꧀ꦲꦁꦒꦸꦂꦫꦺꦝꦺꦮꦺ꧉​

^22:6 ꦱꦶꦁꦱꦥꦔꦺꦴꦧꦺꦴꦁꦲꦺꦴꦧꦺꦴꦁꦥꦠꦼꦒꦭ꧀ꦭꦤ꧀ꦤꦺ꧈​ꦩꦁꦏꦒꦼꦤꦶꦩꦲꦸꦚꦭꦢ꧀ꦒꦿꦸꦩ꧀ꦧꦸꦭ꧀ꦫꦶ꧈​ꦧꦚ꧀ꦗꦸꦂꦩꦿꦺꦩꦺꦤ꧀ꦔꦺꦴꦧꦺꦴꦁꦥꦠꦼꦒꦭ꧀ꦭꦤ꧀ꦤꦺꦮꦺꦴꦁꦭꦶꦪ꧈​ꦱꦂꦠꦔꦺꦴꦧꦺꦴꦁꦒꦤ꧀ꦢꦸꦩ꧀ꦱꦶꦁꦭꦒꦶꦛꦸꦏꦸꦭ꧀ꦲꦸꦠꦮꦭꦒꦶꦢꦶꦲꦼꦤꦺꦤ꧀ꦤꦶ꧈​ꦮꦺꦴꦁꦱꦶꦁꦔꦺꦴꦧꦺꦴꦁꦲꦺꦴꦧꦺꦴꦁꦩꦲꦸꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶ꧉​

^22:7 ꦱꦶꦁꦱꦥꦒꦼꦊꦩ꧀ꦚꦶꦩ꧀ꦥꦼꦤ꧀ꦠꦶꦠꦶꦥ꧀ꦥꦤ꧀ꦝꦸꦮꦶꦠ꧀ꦲꦸꦠꦮꦧꦫꦁꦱꦶꦁꦥꦼꦔꦗꦶꦢꦸꦮꦺꦏ꧀ꦏꦺꦮꦺꦴꦁꦭꦶꦪ꧈​ꦤꦁꦔꦶꦁꦧꦫꦁꦩꦲꦸꦧꦚ꧀ꦗꦸꦂꦢꦶꦕꦺꦴꦭꦺꦴꦁꦩꦭꦶꦁꦲꦶꦁꦲꦺꦴꦩꦃꦲꦺ꧈​ꦪꦺꦤ꧀ꦩꦭꦶꦁꦔꦺꦏꦼꦕꦼꦏꦼꦭ꧀꧈​ꦏꦸꦢꦸꦩ꧀ꦧꦪꦂꦠꦶꦏꦼꦭ꧀ꦭꦺꦴꦫꦺꦴ꧉​

^22:8 ꦤꦁꦔꦶꦁꦪꦺꦤ꧀ꦩꦭꦶꦁꦔꦺꦲꦺꦴꦫꦏꦼꦕꦼꦏꦼꦭ꧀꧈​ꦮꦺꦴꦁꦱꦶꦁꦚꦶꦩ꧀ꦥꦼꦤ꧀ꦧꦫꦁꦥꦼꦔꦗꦶꦩꦲꦸꦏꦸꦢꦸꦢꦶꦒꦮꦩꦼꦚꦁꦥꦁꦒꦺꦴꦤ꧀ꦤꦤ꧀ꦔꦶꦧꦢꦃꦭꦤ꧀ꦲꦤꦲꦶꦁꦏꦺꦴꦤꦺꦴꦏꦸꦢꦸꦱꦸꦩ꧀ꦥꦃꦪꦺꦤ꧀ꦲꦺꦴꦫꦚꦺꦴꦭꦺꦴꦁꦧꦫꦁꦠꦶꦠꦶꦥ꧀ꦥꦤ꧀ꦩꦲꦸ꧉​

^22:9 ꦪꦺꦤ꧀ꦲꦤꦕꦼꦕꦺꦴꦁꦏꦿꦃꦲꦤ꧀ꦧꦧ꧀ꦧꦫꦁꦱꦶꦁꦲꦶꦭꦁ꧈​ꦲꦸꦥꦩꦤꦺꦱꦥꦶ꧈​ꦏꦸꦭ꧀ꦢꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦱꦤ꧀ꦝꦁꦔꦤ꧀ꦲꦸꦠꦮꦲꦥꦮꦲꦺ꧈​ꦩꦁꦏꦧꦚ꧀ꦗꦸꦂꦏꦼꦠꦼꦩꦸ꧈​ꦩꦁꦏꦏꦫꦺꦴꦤꦺꦥꦝꦔꦏꦸꦪꦺꦤ꧀ꦤ꧀ꦢꦸꦮꦺꦤ꧀ꦤꦶꦧꦫꦁꦩꦲꦸ꧈​ꦮꦺꦴꦁꦮꦺꦴꦁꦩꦲꦸꦏꦸꦢꦸꦥꦝꦢꦶꦒꦮꦩꦼꦚꦁꦥꦁꦒꦺꦴꦤ꧀ꦤꦤ꧀ꦔꦶꦧꦢꦃ꧉​ꦮꦺꦴꦁꦱꦶꦁꦢꦶꦠꦼꦠꦼꦥ꧀ꦥꦏꦺꦱꦭꦃꦏꦸꦢꦸꦩ꧀ꦧꦪꦂꦠꦶꦏꦼꦭ꧀ꦭꦺꦴꦫꦺꦴꦩꦫꦁꦭꦪꦤ꧀ꦤꦤ꧀ꦤꦺꦕꦺꦴꦁꦏꦿꦃ꧉​

^22:10 ꦩꦼꦤꦮꦲꦤꦮꦺꦴꦁꦔꦺꦴꦥꦺꦤ꧀ꦤꦶꦠꦶꦠꦶꦥ꧀ꦥꦤ꧀ꦏꦸꦭ꧀ꦢꦶ꧈​ꦱꦥꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦲꦸꦠꦮꦏꦺꦮꦤꦺꦮꦺꦴꦁꦭꦶꦪꦩꦁꦏꦏꦺꦮꦤ꧀ꦩꦲꦸꦧꦚ꧀ꦗꦸꦂꦩꦠꦶ꧈​ꦠꦠꦸꦲꦸꦠꦮꦢꦶꦕꦺꦴꦭꦺꦴꦁꦲꦶꦁꦮꦺꦴꦁ꧈​ꦤꦁꦔꦶꦁꦲꦺꦴꦫꦲꦤꦱꦼꦏ꧀ꦱꦶꦤꦺ꧈​

^22:11 ꦮꦺꦴꦁꦏꦸꦮꦶꦏꦸꦢꦸꦭꦸꦔꦩꦼꦚꦁꦥꦁꦒꦺꦴꦤ꧀ꦤꦤ꧀ꦔꦶꦧꦢꦃꦭꦤ꧀ꦱꦸꦩ꧀ꦥꦃꦪꦺꦤ꧀ꦲꦺꦴꦫꦚꦺꦴꦭꦺꦴꦁꦏꦺꦮꦤ꧀ꦱꦶꦁꦢꦶꦠꦶꦠꦶꦥ꧀ꦥꦏꦺꦩꦲꦸ꧉​ꦩꦼꦤꦮꦏꦺꦮꦤ꧀ꦩꦲꦸꦲꦺꦴꦫꦢꦶꦕꦺꦴꦭꦺꦴꦁ꧈​ꦱꦶꦁꦢꦸꦮꦺꦏꦸꦢꦸꦤꦿꦶꦩ꧈​ꦢꦺꦤꦺꦱꦶꦁꦔꦺꦴꦥꦺꦤ꧀ꦤꦶꦲꦺꦴꦫꦥꦽꦭꦸꦩ꧀ꦧꦪꦂꦒꦤ꧀ꦠꦶꦫꦸꦒꦶ꧉​

^22:12 ꦤꦁꦔꦶꦁꦪꦺꦤ꧀ꦏꦺꦮꦤ꧀ꦩꦲꦸꦢꦶꦕꦺꦴꦭꦺꦴꦁꦝꦺꦮꦺ꧈​ꦱꦶꦁꦔꦺꦴꦥꦺꦤ꧀ꦤꦶꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶꦩꦫꦁꦱꦶꦁꦢꦸꦮꦺ꧉​

^22:13 ꦪꦺꦤ꧀ꦏꦺꦮꦤ꧀ꦩꦲꦸꦢꦶꦩꦁꦱꦏꦺꦮꦤ꧀ꦒꦭꦏ꧀꧈​ꦮꦺꦴꦁꦱꦶꦁꦔꦺꦴꦥꦺꦤ꧀ꦤꦶꦏꦸꦢꦸꦤꦸꦢꦸꦃꦲꦏꦺꦧꦸꦏ꧀ꦠꦶꦩꦫꦁꦱꦶꦁꦢꦸꦮꦺ꧈​ꦱꦸꦥꦪꦲꦺꦴꦫꦥꦽꦭꦸꦩ꧀ꦧꦪꦂꦒꦤ꧀ꦠꦶꦫꦸꦒꦶ꧉​

^22:14 ꦪꦺꦤ꧀ꦲꦤꦮꦺꦴꦁꦚꦶꦭꦶꦃꦏꦺꦮꦤ꧀꧈​ꦩꦁꦏꦧꦚ꧀ꦗꦸꦂꦠꦠꦸꦲꦸꦠꦮꦩꦠꦶ꧈​ꦭꦤ꧀ꦱꦶꦁꦢꦸꦮꦺꦲꦺꦴꦫꦲꦤꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ꧈​ꦱꦶꦁꦚꦶꦭꦶꦃꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶ꧉​

^22:15 ꦤꦁꦔꦶꦁꦪꦺꦤ꧀ꦲꦶꦁꦮꦼꦏ꧀ꦠꦸꦩꦲꦸꦱꦶꦁꦢꦸꦮꦺꦲꦤꦲꦶꦁꦏꦺꦴꦤꦺꦴ꧈​ꦱꦶꦁꦚꦶꦭꦶꦃꦲꦺꦴꦫꦥꦽꦭꦸꦩ꧀ꦧꦪꦂꦒꦤ꧀ꦠꦶꦫꦸꦒꦶ꧉​ꦢꦺꦤꦺꦪꦺꦤ꧀ꦏꦺꦮꦤ꧀ꦩꦲꦸꦱꦺꦮꦤ꧀꧈​ꦏꦧꦪꦂꦫꦔꦁꦒꦺꦴꦲꦺꦴꦁꦏꦺꦴꦱ꧀ꦱꦺꦮꦤ꧀꧉"​

^22:16 "ꦱꦶꦁꦱꦥꦤꦸꦫꦺꦴꦤ꧀ꦤꦶꦥꦿꦮꦤ꧀ꦱꦶꦁꦢꦸꦫꦸꦁꦥꦕꦁꦔꦤ꧀꧈​ꦏꦸꦢꦸꦩ꧀ꦧꦪꦂꦩꦱ꧀ꦏꦮꦶꦤ꧀ꦭꦤ꧀ꦥꦿꦮꦤ꧀ꦩꦲꦸꦢꦢꦶꦪꦧꦺꦴꦗꦺꦴꦤꦺ꧉​

^22:17 ꦤꦁꦔꦶꦁꦪꦺꦤ꧀ꦧꦥꦏ꧀ꦤꦺꦥꦿꦮꦤ꧀ꦩꦲꦸꦲꦺꦴꦫꦔꦺꦴꦭꦺꦃꦲꦏꦺꦲꦤꦏ꧀ꦏꦺꦢꦶꦥꦺꦏ꧀ꦧꦺꦴꦗꦺꦴ꧈​ꦮꦺꦴꦁꦭꦤꦁꦩꦲꦸꦏꦸꦢꦸꦩ꧀ꦧꦪꦂꦩꦫꦁꦧꦥꦏ꧀ꦤꦺꦧꦺꦴꦕꦃꦮꦢꦺꦴꦤ꧀ꦩꦱ꧀ꦏꦮꦶꦤ꧀ꦱꦥꦤ꧀ꦠꦼꦱ꧀ꦱꦺ꧉​

^22:18 ꦮꦺꦴꦁꦮꦢꦺꦴꦤ꧀ꦱꦶꦁꦤꦶꦤ꧀ꦢꦏ꧀ꦏꦏꦺꦔꦺꦭ꧀ꦩꦸꦱꦶꦲꦶꦂ꧈​ꦏꦸꦢꦸꦢꦶꦥꦠꦺꦤ꧀ꦤꦶ꧉​

^22:19 ꦱꦶꦁꦱꦥꦭꦏꦸꦗꦶꦤꦏꦫꦺꦴꦏꦺꦮꦤ꧀ꦏꦸꦢꦸꦢꦶꦥꦠꦺꦤ꧀ꦤꦶ꧉​

^22:20 ꦱꦶꦁꦱꦥꦱꦼꦱꦗꦶꦩꦫꦁꦲꦭ꧀ꦭꦃꦭꦶꦪꦤꦺꦲꦏꦸ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^22:21 ꦏꦺꦴꦮꦺꦲꦗꦚꦶꦪꦚꦶꦪꦲꦸꦠꦮꦤꦶꦤ꧀ꦝꦼꦱ꧀ꦩꦫꦁꦮꦺꦴꦁꦩꦚ꧀ꦕ;ꦲꦺꦭꦶꦁꦔꦪꦺꦤ꧀ꦏꦺꦴꦮꦺꦧꦶꦪꦺꦤ꧀ꦲꦶꦪꦥꦝꦢꦢꦶꦮꦺꦴꦁꦩꦚ꧀ꦕꦲꦤꦲꦶꦁꦠꦤꦃ꧊ꦩꦺꦱꦶꦂ꧉​

^22:22 ꦲꦗꦠꦸꦩꦶꦤ꧀ꦢꦏ꧀ꦱꦼꦮꦼꦤꦁꦮꦼꦤꦁꦩꦫꦁꦫꦤ꧀ꦝꦲꦸꦠꦮꦧꦺꦴꦕꦃꦭꦺꦴꦭ꧉​

^22:23 ꦪꦺꦤ꧀ꦏꦺꦴꦮꦺꦥꦝꦠꦸꦩꦶꦤ꧀ꦢꦏ꧀ꦩꦼꦁꦏꦺꦴꦤꦺꦴ꧈​ꦲꦏꦸꦄꦭ꧀ꦭꦃꦱꦶꦁꦧꦏꦭ꧀ꦤꦸꦭꦸꦁꦔꦶ꧈​ꦩꦼꦤꦮꦮꦺꦴꦁꦩꦲꦸꦥꦝꦱꦼꦱꦩ꧀ꦧꦠ꧀ꦚꦸꦮꦸꦤ꧀ꦠꦸꦭꦸꦁꦩꦫꦁꦲꦏꦸ꧉​

^22:24 ꦲꦏꦸꦧꦏꦭ꧀ꦢꦸꦏꦱꦂꦠꦩꦠꦺꦤ꧀ꦤꦶꦏꦺꦴꦮꦺꦏ꧀ꦭꦮꦤ꧀ꦥꦼꦝꦁ꧈​ꦠꦼꦩꦃꦧꦺꦴꦗꦺꦴꦩꦸꦢꦢꦶꦫꦤ꧀ꦝ꧈​ꦭꦤ꧀ꦲꦤꦏ꧀ꦲꦤꦏ꧀ꦩꦸꦥꦝꦭꦺꦴꦭ꧉​

^22:25 ꦪꦺꦤ꧀ꦏꦺꦴꦮꦺꦥꦝꦔꦸꦠꦁꦔꦶꦝꦸꦮꦶꦠ꧀ꦩꦫꦁꦮꦺꦴꦁꦩꦶꦱ꧀ꦏꦶꦤ꧀ꦲꦸꦩꦠ꧀ꦏꦸ꧈​ꦲꦗꦏꦪꦠꦸꦏꦁꦥꦺꦴꦠꦁꦱꦶꦁꦚ꧀ꦗꦭꦸꦏ꧀ꦲꦤꦏ꧀ꦏꦤ꧀꧉​

^22:26 ꦪꦺꦤ꧀ꦏꦺꦴꦮꦺꦔꦤ꧀ꦠꦶꦚ꧀ꦗꦸꦥꦸꦏ꧀ꦗꦸꦧꦃꦲꦺꦮꦺꦴꦁꦥꦼꦥꦝꦩꦸꦢꦢꦶꦧꦫꦁꦒꦝꦺꦤ꧀꧈​ꦏꦸꦢꦸꦏꦺꦴꦏ꧀ꦧꦭꦺꦏ꧀ꦏꦏꦺꦱꦢꦸꦫꦸꦁꦔꦺꦱꦸꦫꦸꦥ꧀ꦥꦶꦁꦱꦽꦔꦺꦔꦺ꧈​

^22:27 ꦲꦮꦶꦠ꧀ꦲꦶꦪꦩꦸꦁꦏꦸꦮꦶꦏꦼꦩꦸꦭ꧀ꦭꦺ꧈​ꦲꦶꦪꦩꦸꦁꦏꦸꦮꦶꦱꦤ꧀ꦝꦁꦔꦤ꧀ꦤꦺ꧉​ꦲꦥꦱꦶꦁꦲꦉꦥ꧀ꦢꦶꦲꦼꦁꦒꦺꦴꦏꦼꦩꦸꦭ꧀ꦱꦩꦱꦠꦸꦫꦸ?ꦱꦩꦱꦮꦺꦴꦁꦩꦲꦸꦱꦼꦱꦩ꧀ꦧꦠ꧀ꦩꦫꦁꦲꦏꦸꦚꦸꦮꦸꦤ꧀ꦠꦸꦭꦸꦁ꧈​ꦲꦏꦸꦧꦏꦭ꧀ꦤꦸꦭꦸꦁꦔꦶꦩꦼꦂꦒꦲꦏꦸꦲꦶꦏꦶꦱꦶꦥꦠ꧀ꦲꦱꦶꦃꦩꦶꦂꦩ꧉​

^22:28 ꦲꦗꦔꦭꦲꦭꦩꦫꦁꦄꦭ꧀ꦭꦃ꧈​ꦭꦤ꧀ꦲꦗꦔꦶꦥꦠ꧀ꦲꦶꦥꦠꦶꦥꦼꦁꦒꦼꦝꦺꦤꦺꦧꦁꦱꦩꦸ꧉​

^22:29 ꦲꦗꦭꦭꦶꦱꦲꦺꦴꦱ꧀ꦥꦶꦱꦸꦁꦱꦸꦁꦱꦏꦥꦩꦼꦠꦸꦤꦺꦒꦤ꧀ꦢꦸꦩ꧀ꦩꦸ꧈​ꦥꦼꦉꦱ꧀ꦱꦤ꧀ꦤꦺꦲꦁꦒꦸꦂꦩꦸ꧈​ꦭꦤ꧀ꦊꦔꦗ꦳ꦲꦶꦠꦸꦤ꧀ꦩꦸꦩꦫꦁꦲꦏꦸ꧈​ꦲꦶꦁꦮꦼꦏ꧀ꦠꦸꦱꦶꦁꦮꦶꦱ꧀ꦢꦶꦠꦼꦩ꧀ꦠꦺꦴꦏ꧀ꦏꦏꦺ꧉​ꦱꦼꦩꦺꦴꦤꦺꦴꦲꦸꦒꦲꦤꦏ꧀ꦩꦸꦭꦤꦁꦏꦁꦥꦼꦩ꧀ꦧꦉꦥ꧀ꦲꦶꦏꦸꦱꦲꦺꦴꦱ꧀ꦤꦩꦫꦁꦲꦏꦸ꧈​

^22:30 ꦱꦼꦩꦺꦴꦤꦺꦴꦲꦸꦒꦥꦼꦝꦺꦠ꧀ꦭꦤ꧀ꦕꦼꦩ꧀ꦥꦺꦱꦶꦁꦭꦲꦶꦂꦏꦮꦶꦠ꧀ꦠꦤ꧀꧉​ꦏꦺꦮꦤ꧀ꦭꦤꦁꦱꦶꦁꦭꦲꦶꦂꦏꦮꦶꦠ꧀ꦠꦤ꧀ꦩꦲꦸꦏꦉꦧꦺꦤ꧀ꦏꦸꦩ꧀ꦥꦸꦭ꧀ꦏꦫꦺꦴꦧꦶꦪꦸꦁꦔꦺꦱꦗꦿꦺꦴꦤꦺꦥꦶꦠꦸꦁꦢꦶꦤ꧈​ꦢꦺꦤꦺꦲꦶꦁꦢꦶꦤꦏꦁꦏꦥꦶꦁꦮꦺꦴꦭꦸꦤꦺꦲꦤꦏ꧀ꦏꦶꦁꦏꦺꦮꦤ꧀ꦩꦲꦸꦱꦲꦺꦴꦱ꧀ꦤꦩꦫꦁꦲꦏꦸ꧉​

^22:31 ꦲꦸꦩꦠ꧀ꦏꦸ ꦏꦧꦺꦃ꧈​ꦢꦢꦶꦪꦮꦺꦴꦁꦱꦸꦕꦶ꧈​ꦲꦗꦥꦝꦩꦁꦔꦤ꧀ꦢꦒꦶꦁꦔꦶꦁꦏꦺꦮꦤ꧀ꦲꦥꦮꦲꦺ꧈​ꦱꦶꦁꦩꦠꦶꦤꦺꦩꦼꦂꦒꦢꦶꦠꦸꦧꦿꦸꦏ꧀ꦏꦺꦮꦤ꧀ꦒꦭꦏ꧀;ꦢꦒꦶꦁꦔꦺꦏꦺꦮꦤ꧀ꦩꦲꦸꦥꦏꦏ꧀ꦤꦲꦱꦸ꧉"​