Alkitab/Pangentasan/33

^33:1 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦏꦺꦴꦮꦺꦭꦤ꧀ꦧꦁꦱꦩꦸꦱꦶꦁꦏꦺꦴꦏ꧀ꦲꦶꦫꦶꦢ꧀ꦱꦏꦲꦶꦁꦠꦤꦃ꧊ꦩꦺꦱꦶꦂ꧈​ꦏꦸꦢꦸꦭꦸꦔꦱꦏꦥꦁꦒꦺꦴꦤ꧀ꦤꦤ꧀ꦲꦶꦏꦶꦩꦼꦚꦁꦤꦼꦒꦫꦱꦶꦁꦮꦶꦱ꧀ꦢꦏ꧀ꦗꦚ꧀ꦗꦺꦏ꧀ꦏꦏꦺꦩꦫꦁ꧊ꦄꦧꦿꦲꦩ꧀꧈​꧊ꦆꦱ꧀ꦏꦏ꧀ꦭꦤ꧀꧊ꦪꦏꦸꦧ꧀ꦱꦂꦠꦠꦸꦫꦸꦤ꧀ꦤꦺ꧉​

^33:2 ꦲꦏꦸꦧꦏꦭ꧀ꦔꦸꦠꦸꦱ꧀ꦩꦭꦲꦺꦏꦠ꧀ꦱꦶꦗꦶꦔꦶꦫꦶꦢ꧀ꦏꦺꦴꦮꦺꦏꦧꦺꦃ꧈​ꦱꦂꦠꦲꦏꦸꦧꦏꦭ꧀ꦤꦸꦤ꧀ꦝꦸꦁꦮꦺꦴꦁ꧊ꦏꦺꦤꦲꦤ꧀꧈​꧊ꦄꦩꦺꦴꦫꦶ꧈​꧊ꦲꦺꦠ꧀꧈​꧊ꦥ꦳ꦺꦫꦶꦱ꧀꧈​꧊ꦲꦺꦮꦶꦭꦤ꧀꧊ꦪꦺꦧꦸꦱ꧀꧉​

^33:3 ꦏꦺꦴꦮꦺꦧꦏꦭ꧀ꦭꦸꦔꦩꦼꦚꦁꦤꦼꦒꦫꦱꦸꦒꦶꦃꦭꦤ꧀ꦱꦸꦧꦸꦂ꧉​ꦤꦁꦔꦶꦁꦲꦏꦸꦝꦺꦮꦺꦧꦏꦭ꧀ꦲꦺꦴꦫꦩ꧀ꦧꦉꦁꦔꦶꦭꦏꦸꦩꦸ꧈​ꦱꦸꦥꦪꦏꦺꦴꦮꦺꦲꦺꦴꦫꦢꦏ꧀ꦠꦸꦩ꧀ꦥꦼꦱ꧀ꦲꦤꦲꦶꦁꦢꦭꦤ꧀꧈​ꦲꦮꦶꦠ꧀ꦏꦺꦴꦮꦺꦏꦸꦮꦶꦧꦁꦱꦱꦶꦁꦮꦁꦏꦺꦴꦠ꧀ꦲꦠꦶꦤꦺ꧉"​

^33:4 (33:4-6)ꦱꦮꦶꦱ꧀ꦱꦺꦧꦁꦱꦩꦲꦸꦏꦿꦸꦔꦸꦥꦔꦤ꧀ꦢꦶꦏꦤꦺꦄꦭ꧀ꦭꦃ꧈​ꦧꦚ꧀ꦗꦸꦂꦥꦝꦱꦸꦱꦃꦲꦠꦶꦤꦺ꧉​ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ꧊ꦩꦸꦱꦱꦸꦥꦪꦔꦤ꧀ꦝꦏ꧀ꦏꦏꦺꦩꦫꦁꦮꦺꦴꦁꦮꦺꦴꦁꦩꦲꦸ꧈​ꦝꦮꦸꦃꦲꦺ꧈​"ꦏꦺꦴꦮꦺꦏꦸꦮꦶꦧꦁꦱꦱꦶꦁꦮꦁꦏꦺꦴꦠ꧀ꦲꦠꦶꦤꦺ꧉​ꦱꦲꦸꦥꦩꦲꦏꦸꦩ꧀ꦧꦉꦁꦔꦶꦏꦺꦴꦮꦺ꧈​ꦱꦼꦤꦗꦤ꧀ꦩꦸꦁꦱꦼꦝꦺꦭꦮꦲꦺ꧈​ꦧꦶꦱꦲꦸꦒꦲꦏꦸꦧꦏꦭ꧀ꦤꦸꦩ꧀ꦥꦼꦱ꧀ꦏꦺꦴꦮꦺꦏꦧꦺꦃ꧉​ꦲꦁꦒꦺꦴꦤ꧀ꦲꦁꦒꦺꦴꦤ꧀ꦩꦸꦩꦱ꧀ꦕꦺꦴꦥꦺꦴꦠ꧀ꦠꦼꦤ꧀ꦭꦤ꧀ꦲꦏꦸꦧꦏꦭ꧀ꦩꦼꦁꦒꦭꦶꦃꦲꦥꦏꦁꦧꦏꦭ꧀ꦢꦏ꧀ꦠꦶꦤ꧀ꦢꦏ꧀ꦏꦏꦺꦩꦫꦁꦏꦺꦴꦮꦺ꧉"​ꦢꦢꦶ꧈​ꦮꦶꦮꦶꦠ꧀ꦱꦏꦲꦶꦁꦒꦸꦤꦸꦁ꧊ꦱꦶꦤꦲꦶ꧈​ꦧꦁꦱ꧊ꦆꦱꦿꦲꦺꦭ꧀ꦲꦺꦴꦫꦔꦁꦒꦺꦴꦉꦉꦁꦒꦤ꧀ꦩꦱ꧀ꦩꦼꦤꦺꦃ꧉​

^33:5 (33:4)

^33:6 (33:4)

^33:7 ꧊ꦩꦸꦱꦩꦼꦤ꧀ꦝꦼꦠ꧀ꦏꦺꦩꦃꦱꦸꦕꦶꦱꦂꦠꦢꦶꦲꦼꦢꦼꦒꦏꦺꦫꦢꦲꦢꦺꦴꦃꦱꦏꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦩꦃꦏꦺꦩꦃꦭꦶꦪꦤꦺ꧉​ꦏꦺꦩꦃꦩꦲꦸꦢꦶꦲꦫꦤ꧀ꦤꦶꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧈​ꦱꦂꦠꦱꦥꦮꦲꦺꦱꦶꦁꦏꦼꦥꦺꦔꦶꦤ꧀ꦚꦸꦮꦸꦤ꧀ꦥꦶꦠꦼꦢꦃꦲꦺꦄꦭ꧀ꦭꦃ꧈​ꦥꦝꦩꦿꦺꦴꦤꦺꦴ꧉​

^33:8 ꦪꦺꦤ꧀꧊ꦩꦸꦱꦭꦸꦔꦩꦼꦚꦁꦏꦺꦩꦃꦩꦲꦸ꧈​ꦮꦺꦴꦁꦮꦺꦴꦁꦥꦝꦔꦢꦼꦒ꧀ꦲꦤꦲꦶꦁꦱꦔꦉꦥ꧀ꦥꦶꦁꦭꦮꦁꦔꦺꦏꦺꦩꦃꦲꦺꦝꦺꦮꦺꦝꦺꦮꦺꦱꦂꦠꦤ꧀ꦢꦼꦊꦁꦔꦏꦺ꧊ꦩꦸꦱꦔꦤ꧀ꦠꦶꦩ꧀ꦭꦼꦧꦼꦠ꧀꧉​

^33:9 ꦱꦮꦶꦱ꧀ꦱꦺ꧊ꦩꦸꦱꦩ꧀ꦭꦼꦧꦼꦠ꧀꧈​ꦠꦸꦒꦸꦩꦺꦒꦧꦚ꧀ꦗꦸꦂꦩꦸꦝꦸꦤ꧀ꦩꦁꦒꦺꦴꦤ꧀ꦲꦶꦁꦭꦮꦁꦔꦶꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦱꦏꦩꦺꦒꦩꦲꦸꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦤ꧀ꦏꦫꦺꦴ꧊ꦩꦸꦱ꧉​

^33:10 ꦤꦭꦶꦏꦮꦺꦴꦁꦮꦺꦴꦁꦥꦝꦮꦼꦫꦸꦃꦠꦸꦒꦸꦩꦺꦒꦲꦶꦁꦭꦮꦁꦔꦶꦁꦏꦺꦩꦃ꧈​ꦧꦚ꧀ꦗꦸꦂꦥꦝꦱꦸꦗꦸꦢ꧀꧉​

^33:11 ꦒꦸꦱ꧀ꦠꦶꦄꦭ꧀ꦭꦃꦲꦼꦁꦒꦺꦴꦤꦺꦔꦤ꧀ꦢꦶꦏꦤ꧀ꦏꦫꦺꦴ꧊ꦩꦸꦱꦲꦝꦼꦥ꧀ꦲꦝꦼꦥ꧀ꦥꦤ꧀꧈​ꦏꦪꦮꦺꦴꦁꦲꦺꦴꦩꦺꦴꦁꦲꦺꦴꦩꦺꦴꦁꦏꦫꦺꦴꦏꦚ꧀ꦕꦤꦺ꧉​꧊ꦩꦸꦱꦧꦚ꧀ꦗꦸꦂꦧꦭꦶꦩꦼꦚꦁꦏꦺꦩꦃꦲꦺ꧉​ꦤꦁꦔꦶꦁ꧊ꦪꦺꦴꦱꦸꦮꦲꦤꦏ꧀ꦏꦺ꧊ꦤꦸꦤ꧀꧈​ꦥꦼꦩ꧀ꦧꦤ꧀ꦠꦸꦤꦺ꧊ꦩꦸꦱꦱꦶꦁꦲꦶꦱꦶꦃꦲꦼꦤꦺꦴꦩ꧀꧈​ꦠꦼꦠꦼꦥ꧀ꦲꦤꦲꦶꦁꦱꦗꦿꦺꦴꦤꦶꦁꦏꦺꦩꦃꦩꦲꦸ꧉​

^33:12 ꦲꦶꦁꦱꦮꦶꦗꦶꦤꦶꦁꦢꦶꦤ꧊ꦩꦸꦱꦩꦠꦸꦂꦩꦫꦁꦄꦭ꧀ꦭꦃ꧈​"ꦒꦸꦱ꧀ꦠꦶ꧈​ꦥꦢꦸꦏꦱꦩ꧀ꦥꦸꦤ꧀ꦤ꧀ꦝꦮꦸꦃꦲꦶꦏꦮꦸꦭꦔꦶꦫꦶꦢ꧀ꦧꦁꦱꦩꦼꦤꦶꦏꦝꦠꦼꦁꦤꦼꦒꦫꦶꦲꦶꦁꦏꦁꦱꦩ꧀ꦥꦸꦤ꧀ꦥꦢꦸꦏꦗꦚ꧀ꦗꦺꦏ꧀ꦏꦏꦼꦤ꧀ꦩꦼꦤꦶꦏ꧈​ꦤꦁꦔꦶꦁꦥꦢꦸꦏꦩ꧀ꦧꦺꦴꦠꦼꦤ꧀ꦔꦤ꧀ꦢꦶꦏꦏ꧀ꦏꦏꦼꦤ꧀ꦱꦶꦤ꧀ꦠꦼꦤ꧀ꦲꦶꦁꦏꦁꦧꦝꦺꦥꦢꦸꦏꦲꦸꦠꦸꦱ꧀ꦚꦉꦁꦔꦶꦭꦩ꧀ꦥꦃꦏꦮꦸꦭ꧉​ꦥꦢꦸꦏꦱꦩ꧀ꦥꦸꦤ꧀ꦔꦤ꧀ꦢꦶꦏ꧈​ꦧꦶꦭꦶꦃꦥꦢꦸꦏꦱꦩ꧀ꦥꦸꦤ꧀ꦥꦶꦂꦱꦝꦠꦼꦁꦏꦮꦸꦭꦱꦲꦏꦮꦸꦭꦥꦶꦏꦤ꧀ꦠꦸꦏ꧀ꦱꦶꦃꦩꦶꦂꦩꦲꦶꦁꦔꦂꦱꦥꦢꦸꦏ꧉​

^33:13 ꦩꦼꦤꦮꦶꦩꦼꦏꦠ꧀ꦠꦼꦤ꧀꧈​ꦩꦸꦒꦶꦥꦢꦸꦏꦏꦼꦂꦱꦔꦤ꧀ꦢꦶꦏꦏ꧀ꦏꦏꦼꦤ꧀ꦥꦔꦿꦺꦃꦥꦢꦸꦏ꧈​ꦱꦸꦥꦢꦺꦴꦱ꧀ꦏꦮꦸꦭꦱꦒꦼꦢ꧀ꦔ꧀ꦭꦢꦺꦴꦱ꧀ꦱꦶꦏꦂꦱꦥꦢꦸꦏꦱꦲꦢꦩꦼꦭ꧀ꦉꦤꦤꦶꦁꦥꦼꦁꦒꦭꦶꦃꦥꦢꦸꦏ꧉​ꦩꦸꦒꦶꦥꦢꦸꦏꦲꦺꦔꦼꦠ꧀ꦧꦶꦭꦶꦃꦥꦢꦸꦏꦱꦩ꧀ꦥꦸꦤ꧀ꦩꦶꦭꦶꦃꦧꦁꦱꦩꦼꦤꦶꦏꦢꦢꦺꦴꦱ꧀ꦲꦸꦩꦠ꧀ꦏꦒꦸꦁꦔꦤ꧀ꦥꦢꦸꦏꦥꦶꦪꦩ꧀ꦧꦏ꧀꧉"​

^33:14 ꦥꦔꦤ꧀ꦢꦶꦏꦤꦺꦄꦭ꧀ꦭꦃ꧈​"ꦲꦏꦸꦝꦺꦮꦺꦱꦶꦁꦧꦏꦭ꧀ꦔꦶꦫꦶꦢ꧀ꦭꦏꦸꦩꦸꦱꦂꦠꦩꦫꦶꦁꦔꦶꦏꦼꦩꦼꦤꦁꦔꦤ꧀ꦩꦫꦁꦏꦺꦴꦮꦺ꧉"​

^33:15 ꦲꦠꦸꦂꦫꦺ꧊ꦩꦸꦱ꧈​"ꦩꦼꦤꦮꦶꦥꦢꦸꦏꦥꦶꦪꦩ꧀ꦧꦏ꧀ꦩ꧀ꦧꦺꦴꦠꦼꦤ꧀ꦚꦉꦁꦔꦶꦭꦩ꧀ꦥꦃꦏꦮꦸꦭ꧈​ꦏꦮꦸꦭꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦥꦢꦸꦏꦝꦮꦸꦃꦲꦶꦏꦺꦱꦃꦧꦶꦝꦭ꧀ꦱꦏꦶꦁꦥꦁꦒꦺꦤ꧀ꦤꦤ꧀ꦩꦼꦤꦶꦏ꧉​

^33:16 ꦏꦢꦺꦴꦱ꧀ꦥꦸꦤ꧀ꦢꦶꦲꦼꦁꦒꦺꦤ꧀ꦏꦮꦸꦭꦱꦸꦩꦼꦉꦥ꧀꧈​ꦧꦶꦭꦶꦃꦏꦮꦸꦭꦱꦩ꧀ꦥꦸꦤ꧀ꦠꦩ꧀ꦥꦶꦱꦶꦃꦩꦶꦂꦩꦮꦺꦴꦤ꧀ꦠꦼꦤ꧀ꦲꦶꦁꦔꦂꦱꦥꦢꦸꦏ꧈​ꦩꦼꦤꦮꦶꦥꦢꦸꦏꦩ꧀ꦧꦺꦴꦠꦼꦤ꧀ꦔꦶꦫꦶꦢ꧀ꦏꦮꦸꦭ?ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦢꦸꦏꦲꦶꦁꦠꦼꦔꦃꦠꦼꦔꦃꦏꦮꦸꦭꦱꦼꦢꦪꦧꦝꦺꦩ꧀ꦧꦺꦢꦏ꧀ꦏꦏꦼꦤ꧀ꦏꦮꦸꦭꦏꦭꦶꦪꦤ꧀ꦧꦁꦱꦧꦁꦱꦱꦤꦺꦱ꧀ꦱꦶꦥꦸꦤ꧀ꦲꦶꦁꦧꦸꦩꦶꦩꦼꦤꦶꦏ꧉"​

^33:17 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦥꦚꦸꦮꦸꦤ꧀ꦩꦸꦧꦏꦭ꧀ꦢꦏ꧀ꦱꦼꦩ꧀ꦧꦢꦤꦶ꧈​ꦲꦮꦶꦠ꧀ꦲꦏꦸꦮꦶꦱ꧀ꦮꦤꦸꦃꦏꦫꦺꦴꦏꦺꦴꦮꦺꦱꦂꦠꦉꦤꦩꦫꦁꦏꦺꦴꦮꦺ꧉"​

^33:18 ꧊ꦩꦸꦱꦧꦚ꧀ꦗꦸꦂꦚꦸꦮꦸꦤ꧀꧈​"ꦥꦢꦸꦏꦩꦸꦒꦶꦏꦼꦂꦱꦔꦼꦠꦶꦔꦭ꧀ꦭꦏꦼꦤ꧀ꦏꦩꦸꦭꦾꦤ꧀ꦥꦢꦸꦏꦝꦠꦼꦁꦏꦮꦸꦭ꧉"​

^33:19 ꦥꦔꦤ꧀ꦢꦶꦏꦤꦺꦒꦸꦱ꧀ꦠꦶꦄꦭ꧀ꦭꦃ꧈​"ꦱꦗꦿꦺꦴꦤꦺꦲꦏꦸꦔꦸꦕꦥ꧀ꦥꦏꦺꦲꦱ꧀ꦩꦏꦸꦏꦁꦱꦸꦕꦶ꧈​ꦲꦏꦸꦧꦏꦭ꧀ꦠꦶꦤ꧀ꦢꦏ꧀ꦲꦶꦁꦔꦉꦥ꧀ꦩꦸꦏꦤ꧀ꦛꦶꦏꦭꦸꦲꦸꦂꦫꦤ꧀ꦏꦸ꧉​ꦲꦏꦸꦲꦶꦏꦶꦄꦭ꧀ꦭꦃ꧈​ꦭꦤ꧀ꦲꦏꦸꦧꦏꦭ꧀ꦤꦼꦢꦃꦲꦏꦺꦏꦩꦶꦫꦃꦲꦤ꧀ꦭꦤ꧀ꦏꦮꦼꦭꦱ꧀ꦱꦤ꧀ꦏꦸꦩꦫꦁꦮꦺꦴꦁꦮꦺꦴꦁꦱꦶꦁꦢꦏ꧀ꦥꦶꦭꦶꦃ꧉​

^33:20 ꦮꦼꦢꦤꦏꦸꦲꦺꦴꦫꦧꦏꦭ꧀ꦢꦏ꧀ꦠꦼꦢꦃꦲꦏꦺꦩꦫꦁꦏꦺꦴꦮꦺ꧈​ꦱꦼꦧꦧ꧀ꦲꦺꦴꦫꦲꦤꦮꦺꦴꦁꦱꦶꦗꦶꦮꦲꦺꦱꦶꦁꦮꦼꦫꦸꦃꦄꦭ꧀ꦭꦃꦭꦤ꧀ꦊꦱ꧀ꦠꦫꦶꦲꦸꦫꦶꦥ꧀꧉​

^33:21 ꦲꦶꦁꦱꦶꦱꦶꦃꦏꦸꦲꦶꦏꦶꦲꦤꦮꦠꦸꦏꦫꦁ꧈​ꦭꦤ꧀ꦲꦶꦁꦏꦺꦴꦤꦺꦴꦏꦺꦴꦮꦺꦧꦶꦱꦔꦢꦼꦒ꧀꧉​

^33:22 ꦪꦺꦤ꧀ꦲꦤꦕꦲꦾꦱꦸꦩꦺꦴꦫꦺꦴꦠ꧀ꦏꦸꦮꦶꦠꦤ꧀ꦝꦪꦺꦤ꧀ꦲꦏꦸꦭꦁꦏꦸꦁ;ꦏꦺꦴꦮꦺꦧꦏꦭ꧀ꦢꦏ꧀ꦭꦼꦧꦺꦴꦏ꧀ꦏꦏꦺꦲꦶꦁꦱꦼꦭꦱꦼꦭꦤꦶꦁꦮꦠꦸꦏꦫꦁꦱꦂꦠꦢꦏ꧀ꦠꦸꦠꦸꦥ꧀ꦥꦶꦔꦒꦼꦩ꧀ꦲꦱ꧀ꦠꦏꦸꦔꦤ꧀ꦠꦶꦲꦏꦸꦮꦶꦱ꧀ꦭꦁꦏꦸꦁ꧉​

^33:23 ꦤꦸꦭꦶꦲꦏꦸꦧꦏꦭ꧀ꦚꦶꦁꦏꦶꦂꦫꦏꦺꦲꦱ꧀ꦠꦏꦸꦠꦼꦩꦃꦏꦺꦴꦮꦺꦧꦏꦭ꧀ꦧꦶꦱꦤ꧀ꦢꦼꦊꦁꦲꦏꦸꦱꦏꦩ꧀ꦧꦸꦫꦶ꧈​ꦤꦁꦔꦶꦁꦥꦱꦸꦂꦪꦤ꧀ꦏꦸꦲꦺꦴꦫꦧꦏꦭ꧀ꦏꦺꦴꦏ꧀ꦢꦼꦊꦁ꧉"​