Alkitab/Pangentasan/35

^35:1 ꧊ꦩꦸꦱꦔ꧀ꦭꦼꦩ꧀ꦥꦏ꧀ꦏꦏꦺꦧꦁꦱ꧊ꦆꦱꦿꦲꦺꦭ꧀꧈​ꦧꦚ꧀ꦗꦸꦂꦔꦤ꧀ꦢꦶꦏꦩꦫꦁꦮꦺꦴꦁꦮꦺꦴꦁꦩꦲꦸ꧈​"ꦲꦶꦏꦶꦝꦮꦸꦃꦲꦺꦄꦭ꧀ꦭꦃꦩꦫꦁꦏꦺꦴꦮꦺꦏꦧꦺꦃ꧈​ꦱꦶꦁꦏꦸꦢꦸꦏꦺꦴꦏ꧀ꦭꦏꦺꦴꦤ꧀ꦤꦶ:

^35:2 ꦱꦗꦿꦺꦴꦤꦺꦤꦼꦩ꧀ꦢꦶꦤꦥꦝꦚꦩ꧀ꦧꦸꦠꦒꦮꦺ꧈​ꦤꦁꦔꦶꦁꦢꦶꦤꦏꦥꦶꦠꦸꦏꦸꦮꦶꦢꦶꦤꦱꦶꦁꦱꦸꦕꦶ꧈​ꦢꦶꦤꦏꦁꦒꦺꦴꦔꦱꦺꦴ꧈​ꦢꦶꦤꦒꦼꦝꦺꦱꦶꦁꦢꦶꦥꦶꦗꦶꦏꦒꦼꦩ꧀ꦄꦭ꧀ꦭꦃ꧉​ꦱꦥꦮꦲꦺꦱꦶꦁꦚꦩ꧀ꦧꦸꦠ꧀ꦒꦮꦺꦲꦶꦁꦢꦶꦤꦩꦲꦸꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^35:3 ꦢꦢꦺꦤ꧀ꦒꦼꦤꦶꦲꦶꦁꦲꦺꦴꦩꦃꦲꦶꦁꦢꦶꦤ꧊ꦱꦧ꧀ꦧꦠ꧀ꦲꦶꦪꦲꦺꦴꦫꦏꦼꦤ꧉"​

^35:4 ꧊ꦩꦸꦱꦔꦤ꧀ꦢꦶꦏꦩꦫꦁꦧꦁꦱ꧊ꦆꦱꦿꦲꦺꦭ꧀ꦏꦧꦺꦃ꧈​"ꦩꦼꦁꦏꦺꦤꦺꦝꦮꦸꦃꦲꦺꦄꦭ꧀ꦭꦃ:ꦔ꧀ꦒꦮꦲꦥꦶꦱꦸꦁꦱꦸꦁꦏꦒꦼꦩ꧀ꦒꦸꦱ꧀ꦠꦶꦄꦭ꧀ꦭꦃꦱꦏꦏꦁꦏꦺꦴꦏ꧀ꦢꦸꦮꦺꦤ꧀ꦤꦶ꧉​

^35:5 ꦱꦥꦱꦶꦁꦫꦶꦭꦲꦠꦶꦤꦺꦩꦶꦱꦸꦁꦱꦸꦁꦤꦩꦱ꧀꧈​ꦱ꧀ꦭꦏ꧈​ꦲꦸꦠꦮꦥꦿꦸꦁꦒꦸ;

^35:6 ꦏꦲꦶꦤ꧀ꦭꦺꦤꦲꦭꦸꦱ꧀꧈​ꦮꦸꦭꦸꦤꦶꦁꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦏꦲꦶꦤ꧀ꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ;ꦏꦲꦶꦤ꧀ꦱꦏꦮꦸꦭꦸꦮꦼꦝꦸꦱ꧀ꦧꦺꦫꦺꦴꦏ꧀;

^35:7 ꦭꦸꦭꦁꦔꦶꦁꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦁꦢꦶꦥꦸꦭꦱ꧀ꦲꦧꦁ;ꦭꦸꦭꦁꦲꦭꦸꦱ꧀꧈​ꦏꦪꦸꦲꦏꦱꦶꦪ꧈​

^35:8 ꦊꦔꦏꦁꦒꦺꦴꦭꦩ꧀ꦥꦸ;ꦧꦸꦩ꧀ꦧꦸꦏꦁꦒꦺꦴꦊꦔꦗꦼꦧꦢ꧀ꦱꦂꦠꦢꦸꦥꦱꦶꦁꦲꦫꦸꦩ꧀;

^35:9 ꦲꦏꦶꦏ꧀ꦢ꧀ꦭꦶꦩꦭꦤ꧀ꦲꦏꦶꦏ꧀ꦭꦶꦪꦤꦺꦱꦶꦁꦢꦶꦲꦼꦩ꧀ꦧꦤ꧀ꦤꦶꦏꦁꦒꦺꦴꦏꦺꦴꦠꦁꦲꦺꦥ꦳ꦺꦴꦢ꧀ꦭꦤ꧀ꦠꦸꦠꦸꦥ꧀ꦝꦝꦤꦺꦲꦶꦩꦩ꧀ꦲꦒꦸꦁ꧉"​

^35:10 "ꦱꦏꦺꦃꦲꦶꦁꦠꦸꦏꦁꦱꦶꦁꦲꦃꦲ꧀ꦭꦶꦥꦝꦠꦼꦏꦲꦥꦽꦭꦸꦒꦮꦺꦧꦫꦁꦧꦫꦁꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧈​ꦪꦏꦸꦮꦶ:

^35:11 (35:11-12)ꦏꦺꦩꦃ꧈​ꦥꦪꦺꦴꦤ꧀ꦭꦤ꧀ꦠꦸꦠꦸꦥ꧀ꦥꦺ꧈​ꦕꦤ꧀ꦛꦺꦭ꧀ꦭꦤ꧀ꦭꦤ꧀ꦫꦒꦁꦔꦤ꧀ꦤꦺ꧈​ꦏꦼꦤ꧀ꦝꦶꦠ꧀ꦠꦺ꧈​ꦕꦒꦏ꧀ꦏꦺꦭꦮꦁꦭꦤ꧀ꦒꦺꦴꦂꦝꦺꦤ꧀ꦱꦶꦁꦏꦁꦒꦺꦴꦤꦸꦠꦸꦥ꧀ꦥꦶ;

^35:12 (35:11)

^35:13 ꦩꦺꦗꦭꦤ꧀ꦥꦶꦏꦸꦭ꧀ꦭꦤ꧀ꦤꦺ꧈​ꦱꦂꦠꦥꦶꦫꦤ꧀ꦠꦶꦤꦺꦏꦧꦺꦃ;ꦫꦺꦴꦠꦶꦱꦶꦁꦢꦶꦱꦲꦺꦴꦱ꧀ꦱꦏꦺꦏꦒꦼꦩ꧀ꦄꦭ꧀ꦭꦃ;

^35:14 ꦥꦼꦢꦩꦂꦫꦤ꧀ꦱꦥꦶꦫꦤ꧀ꦠꦶꦤꦺ꧈​ꦢꦩꦂꦏꦫꦺꦴꦊꦔꦤꦺ;

^35:15 ꦩꦼꦱ꧀ꦧꦺꦃꦏꦁꦒꦺꦴꦔꦺꦴꦧꦺꦴꦁꦢꦸꦥꦱꦂꦠꦥꦶꦏꦸꦭ꧀ꦭꦤ꧀ꦤꦺ꧈​ꦊꦔꦗꦼꦧꦢ꧀꧈​ꦢꦸꦥꦮꦔꦶ;ꦒꦺꦴꦂꦝꦺꦤ꧀ꦲꦶꦁꦭꦮꦁꦔꦶꦁꦏꦺꦩꦃ꧈​

^35:16 ꦩꦼꦱ꧀ꦧꦺꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦏꦫꦺꦴꦮꦚ꧀ꦕꦏ꧀ꦱꦸꦗꦶꦱꦏꦥꦿꦸꦁꦒꦸ꧈​ꦥꦶꦏꦸꦭ꧀ꦭꦤ꧀ꦏꦫꦺꦴꦥꦶꦫꦤ꧀ꦠꦶꦤꦺꦏꦧꦺꦃ;ꦥꦢꦱ꧀ꦱꦤ꧀ꦏꦁꦒꦺꦴꦮꦶꦱꦸꦃꦏꦫꦺꦴꦲꦸꦩ꧀ꦥꦏ꧀ꦏꦺ꧈​

^35:17 ꦒꦺꦴꦂꦝꦺꦤ꧀ꦏꦁꦒꦺꦴꦭꦮꦁꦔꦶꦁꦥ꧀ꦭꦠꦂꦫꦤ꧀꧈​

^35:18 ꦥꦛꦺꦴꦏ꧀ꦱꦂꦠꦠꦭꦶꦠꦼꦩꦭꦶꦤꦺꦏꦁꦒꦺꦴꦏꦺꦩꦃꦭꦤ꧀ꦥ꧀ꦭꦠꦂꦫꦤ꧀ꦤꦺ;

^35:19 ꦱꦤ꧀ꦝꦁꦔꦤ꧀ꦝꦶꦤꦼꦱ꧀ꦱꦶꦁꦢꦶꦲꦼꦁꦒꦺꦴꦥꦫꦲꦶꦩꦩ꧀ꦱꦩꦱꦔ꧀ꦭꦢꦺꦤ꧀ꦤꦶꦲꦶꦁꦏꦺꦩꦃꦱꦸꦕꦶꦱꦂꦠꦱꦤ꧀ꦝꦁꦔꦤ꧀ꦝꦶꦤꦼꦱ꧀ꦏꦁꦒꦺꦴꦲꦶꦩꦩ꧀ꦲꦫꦸꦤ꧀꧈​ꦱꦂꦠꦥꦸꦠꦿꦥꦸꦠꦿꦤꦺ꧉"​

^35:20 ꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦧꦸꦧꦂꦫꦤ꧀꧉​

^35:21 ꦱꦥꦮꦲꦺꦱꦶꦁꦲꦠꦶꦤꦺꦏꦧꦼꦉꦒ꧀ꦤꦸꦭꦶꦏꦤ꧀ꦛꦶꦭꦶꦭꦥꦝꦔ꧀ꦒꦮꦥꦶꦱꦸꦁꦱꦸꦁꦏꦠꦸꦂꦲꦶꦁꦄꦭ꧀ꦭꦃꦏꦁꦒꦺꦴꦒꦮꦺꦏꦺꦩꦃꦥꦊꦁꦒꦃꦲꦤ꧀ꦤꦶꦁꦄꦭ꧀ꦭꦃ꧉​ꦮꦺꦴꦁꦮꦺꦴꦁꦩꦲꦸꦥꦝꦔ꧀ꦒꦮꦲꦥꦮꦲꦺꦱꦶꦁꦢꦶꦧꦸꦠꦸꦃꦲꦏꦺꦏꦁꦒꦺꦴꦔꦶꦧꦢꦃꦱꦂꦠꦱꦩꦸꦧꦫꦁꦱꦶꦁꦏꦁꦒꦺꦴꦒꦮꦺꦱꦤ꧀ꦝꦁꦔꦤ꧀ꦤꦺꦲꦶꦩꦩ꧀꧉​

^35:22 ꦱꦥꦮꦲꦺꦱꦶꦁꦲꦠꦶꦤꦺꦭꦶꦭꦊꦒꦮ꧈​ꦮꦺꦴꦁꦭꦤꦁꦲꦸꦠꦮꦮꦺꦴꦁꦮꦢꦺꦴꦤ꧀ꦥꦝꦠꦼꦏꦔ꧀ꦒꦮꦥꦼꦤꦶꦠꦶ꧈​ꦲꦤ꧀ꦠꦶꦁꦲꦤ꧀ꦠꦶꦁ꧈​ꦲꦭꦶꦲꦭꦶ꧈​ꦏꦭꦸꦁ꧈​ꦭꦤ꧀ꦱꦮꦼꦂꦤꦤꦶꦁꦲꦁꦒꦺꦴꦤ꧀ꦲꦁꦒꦺꦴꦤ꧀ꦩꦱ꧀꧈​ꦧꦚ꧀ꦗꦸꦂꦢꦶꦥꦶꦱꦸꦁꦱꦸꦁꦔꦏꦺꦩꦫꦁꦄꦭ꧀ꦭꦃ꧉​

^35:23 ꦱꦶꦁꦥꦝꦢꦸꦮꦺꦏꦲꦶꦤ꧀ꦭꦺꦤꦲꦭꦸꦱ꧀꧈​ꦏꦲꦶꦤ꧀ꦧꦼꦤꦁꦧꦶꦫꦸ꧈​ꦮꦸꦔꦸꦲꦸꦠꦮꦲꦧꦁ꧈​ꦏꦲꦶꦤ꧀ꦱꦏꦮꦸꦭꦸꦮꦼꦝꦸꦱ꧀꧈​ꦭꦸꦭꦁꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦁꦢꦶꦥꦸꦭꦱ꧀ꦲꦧꦁ꧈​ꦲꦸꦠꦮꦭꦸꦭꦁꦲꦭꦸꦱ꧀꧈​ꦥꦝꦩꦶꦱꦸꦁꦱꦸꦁꦔꦏꦺꦧꦫꦁꦧꦫꦁꦩꦲꦸ꧉​

^35:24 ꦏꦧꦺꦃꦮꦺꦴꦁꦱꦶꦁꦧꦶꦱꦚꦸꦩ꧀ꦧꦁꦱ꧀ꦭꦏꦭꦤ꧀ꦥꦿꦸꦁꦒꦸ꧈​ꦥꦝꦩꦶꦱꦸꦁꦱꦸꦁꦔꦏꦺꦩꦫꦁꦄꦭ꧀ꦭꦃ꧉​ꦩꦼꦁꦏꦺꦴꦤꦺꦴꦲꦸꦒꦠꦸꦩꦿꦥ꧀ꦮꦺꦴꦁꦮꦺꦴꦁꦱꦶꦁꦥꦝꦢꦸꦮꦺꦏꦪꦸꦲꦏꦱꦶꦪꦱꦶꦁꦏꦼꦤꦢꦶꦲꦼꦁꦒꦺꦴꦢꦤ꧀ꦢꦤ꧀ꦤꦤ꧀ꦩꦲꦸ꧉​

^35:25 ꦱꦏꦺꦃꦲꦶꦁꦮꦺꦴꦁꦮꦢꦺꦴꦤ꧀ꦱꦶꦁꦥꦶꦤ꧀ꦠꦼꦂꦤꦼꦤꦸꦤ꧀ꦥꦝꦔ꧀ꦒꦮꦧꦼꦤꦁꦭꦺꦤꦲꦭꦸꦱ꧀ꦱꦂꦠꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧉​

^35:26 ꦮꦺꦴꦁꦮꦺꦴꦁꦩꦲꦸꦲꦸꦒꦔꦤ꧀ꦠꦶꦃꦧꦼꦤꦁꦱꦏꦮꦸꦭꦸꦤꦶꦁꦮꦼꦝꦸꦱ꧀꧉​

^35:27 ꦥꦫꦥꦼꦩꦶꦩ꧀ꦥꦶꦤ꧀ꦥꦝꦔ꧀ꦒꦮꦲꦏꦶꦏ꧀ꦢ꧀ꦭꦶꦩꦭꦤ꧀ꦲꦏꦶꦏ꧀ꦭꦶꦪꦤꦺꦱꦶꦁꦧꦏꦭ꧀ꦢꦶꦗꦲꦶꦠ꧀ꦲꦶꦁꦏꦺꦴꦠꦁꦏꦁꦒꦺꦴꦲꦺꦥ꦳ꦺꦴꦢ꧀꧈​ꦱꦂꦠꦠꦸꦠꦸꦥ꧀ꦝꦝ꧉​

^35:28 ꦮꦺꦴꦁꦮꦺꦴꦁꦩꦲꦸꦲꦶꦪꦥꦝꦔ꧀ꦒꦮꦧꦸꦩ꧀ꦧꦸꦭꦤ꧀ꦊꦔꦏꦁꦒꦺꦴꦢꦩꦂ꧈​ꦊꦔꦗꦼꦧꦢ꧀ꦱꦂꦠꦢꦸꦥꦱꦶꦁꦒꦤ꧀ꦢꦤꦺꦮꦔꦶ꧉​

^35:29 ꦏꦤ꧀ꦛꦶꦫꦶꦭꦤꦶꦁꦲꦠꦶꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀ꦏꦧꦺꦃꦥꦝꦔ꧀ꦒꦮꦥꦶꦱꦸꦁꦱꦸꦁꦏꦠꦸꦂꦲꦶꦁꦄꦭ꧀ꦭꦃ꧈​ꦏꦁꦒꦺꦴꦒꦼꦒꦮꦺꦪꦤ꧀ꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦭꦤ꧀ꦠꦂꦫꦤ꧀꧊ꦩꦸꦱ꧉​

^35:30 ꧊ꦩꦸꦱꦧꦚ꧀ꦗꦸꦂꦔꦤ꧀ꦢꦶꦏꦩꦫꦁꦧꦁꦱ꧊ꦆꦱꦿꦲꦺꦭ꧀꧈​"ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦩꦶꦗꦶ꧊ꦧꦺꦗ꦳ꦭꦺꦲꦺꦭ꧀꧈​ꦲꦤꦏ꧀ꦏꦺ꧊ꦈꦫꦶ꧈​ꦥꦸꦠꦸꦤꦺ꧊ꦲꦸꦂ꧈​ꦱꦏꦏ꧀ꦭꦺꦴꦩ꧀ꦥꦺꦴꦏ꧀꧊ꦪꦺꦲꦸꦢ꧉​

^35:31 ꦮꦺꦴꦁꦩꦲꦸꦏꦠꦼꦝꦏ꧀ꦏꦤ꧀ꦲꦶꦁꦫꦺꦴꦃꦲꦺꦄꦭ꧀ꦭꦃ꧈​ꦏꦥꦫꦶꦁꦔꦤ꧀ꦏꦼꦲꦃꦲ꧀ꦭꦶꦪꦤ꧀꧈​ꦏꦥꦿꦶꦒꦼꦭ꧀ꦭꦤ꧀ꦭꦤ꧀ꦥꦔꦼꦂꦠꦺꦤ꧀ꦲꦶꦁꦱꦮꦼꦂꦤꦤꦶꦁꦥꦼꦒꦮꦺꦪꦤ꧀ꦏꦸ꧈​

^35:32 ꦏꦁꦒꦺꦴꦔꦿꦚ꧀ꦕꦁꦲꦥꦮꦲꦺ꧈​ꦏꦪꦠꦔ꧀ꦒꦫꦥ꧀ꦩꦱ꧀꧈​ꦱ꧀ꦭꦏꦭꦤ꧀ꦥꦿꦸꦁꦒꦸ;

^35:33 ꦔꦱꦃꦲꦏꦶꦏ꧀ꦱꦶꦁꦧꦏꦭ꧀ꦢꦶꦲꦼꦩ꧀ꦧꦤ꧀ꦤꦶ;ꦔꦸꦏꦶꦂꦏꦪꦸꦱꦂꦠꦥꦼꦒꦮꦺꦪꦤ꧀ꦏꦸꦭꦶꦪꦤꦺ꧉​

^35:34 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦶꦏꦧꦶꦱꦤ꧀ꦩꦫꦁ꧊ꦧꦺꦗ꦳ꦭꦺꦲꦺꦭ꧀ꦩꦲꦸꦭꦤ꧀ꦲꦶꦪꦩꦫꦁ꧊ꦄꦲꦺꦴꦭꦶꦪꦧ꧀꧈​ꦲꦤꦏ꧀ꦏꦺ꧊ꦄꦲꦶꦱꦩꦏ꧀ꦱꦏꦏ꧀ꦭꦺꦴꦩ꧀ꦥꦺꦴꦏ꧀꧊ꦝꦤ꧀꧈​ꦩꦸꦭꦁꦔꦏꦺꦏꦥꦶꦤ꧀ꦠꦼꦂꦫꦤ꧀ꦤꦺꦩꦫꦁꦮꦺꦴꦁꦮꦺꦴꦁ꧉​

^35:35 ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦩꦫꦶꦁꦔꦶꦏꦥꦿꦶꦒꦼꦭ꧀ꦭꦤ꧀ꦩꦫꦁꦮꦺꦴꦁꦮꦺꦴꦁꦩꦲꦸꦲꦶꦁꦱꦫꦸꦥꦤꦶꦁꦥꦼꦒꦮꦺꦪꦤ꧀ꦏꦸꦠꦸꦏꦁ꧈​ꦪꦲꦶꦏꦸꦒꦮꦺꦪꦤ꧀ꦤꦺꦲꦃꦲ꧀ꦭꦶꦲꦸꦏꦶꦂ꧈​ꦲꦃꦲ꧀ꦭꦶꦔꦿꦚ꧀ꦕꦁꦭꦤ꧀ꦲꦃꦲ꧀ꦭꦶꦤꦼꦤꦸꦤ꧀ꦭꦺꦤꦲꦭꦸꦱ꧀꧈​ꦮꦺꦴꦭ꧀ꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦱꦂꦠꦤꦼꦤꦸꦤ꧀ꦭꦶꦪꦤꦺ꧉​ꦫꦶꦁꦏꦼꦱ꧀ꦮꦺꦴꦁꦮꦺꦴꦁꦩꦲꦸꦥꦝꦧꦶꦱꦤꦶꦤ꧀ꦢꦏ꧀ꦏꦏꦺꦱꦏꦺꦃꦲꦶꦁꦥꦼꦒꦮꦺꦪꦤ꧀ꦏꦸꦱꦂꦠꦧꦶꦱꦔꦿꦚ꧀ꦕꦁꦩꦺꦴꦝꦺꦭ꧀ꦱꦶꦁꦧꦼꦕꦶꦏ꧀꧉​