Alkitab/Purwaning Dumadi/35

35:1 ꦲꦶꦁꦱꦮꦶꦗꦶꦤꦶꦁꦢꦶꦤꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦤꦶ​꧊ꦪꦏꦸꦧ꧀꧈​"ꦲꦏꦸꦄꦭ꧀ꦭꦃꦱꦶꦁꦮꦶꦱ꧀ꦔꦼꦠꦶꦔꦭ꧀ꦩꦫꦁꦏꦺꦴꦮꦺ꧈​ꦤꦭꦶꦏꦏꦺꦴꦮꦺꦔꦸꦁꦱꦶꦚꦶꦁꦏꦶꦂꦫꦶꦏꦏꦁꦩꦸ​꧊ꦌꦱꦲꦸ꧉​ꦭꦸꦔꦲꦩꦼꦚꦁ​꧊ꦧꦺꦠꦺꦭ꧀꧉​ꦩꦁꦒꦺꦴꦤꦲꦤꦲꦶꦁꦏꦺꦴꦤꦺꦴꦭꦤ꧀ꦒꦮꦺꦪꦩꦼꦱ꧀ꦧꦺꦃꦏꦁꦒꦺꦴꦲꦏꦸ꧉"​
35:2 (35:2-3)​꧊ꦪꦏꦸꦧ꧀ꦧꦚ꧀ꦗꦸꦂꦔꦤ꧀ꦝꦤ꧀ꦤꦶꦧꦿꦪꦠ꧀ꦠꦺꦭꦤ꧀ꦮꦺꦴꦁꦮꦺꦴꦁꦭꦶꦪꦤꦺꦱꦶꦁꦥꦝꦩꦺꦭꦸꦝꦺꦮꦺꦏ꧀ꦏꦺ꧈​"ꦲꦪꦺꦴꦥꦝꦧꦸꦝꦭ꧀ꦩꦼꦚꦁ​꧊ꦧꦺꦠꦺꦭ꧀꧉​ꦲꦤꦲꦶꦁꦏꦤꦲꦏꦸꦲꦉꦥ꧀ꦒꦮꦺꦩꦼꦱ꧀ꦧꦺꦃꦏꦒꦼꦩ꧀ꦒꦸꦱ꧀ꦠꦶꦄꦭ꧀ꦭꦃ꧈​ꦱꦶꦁꦮꦶꦱ꧀ꦤꦸꦭꦸꦁꦔꦶꦲꦏꦸꦤꦭꦶꦏꦲꦸꦫꦶꦥ꧀ꦏꦸꦔꦽꦏꦱ꧈​ꦭꦤ꧀ꦮꦶꦱ꧀ꦔꦤ꧀ꦛꦶꦲꦏꦸꦲꦶꦁꦱꦭꦏꦸꦏꦸ꧉​ꦩꦸꦭꦤꦺꦱꦏꦺꦃꦲꦺꦧꦿꦲꦭꦱꦶꦁꦏꦺꦴꦏ꧀ꦒꦮꦧꦸꦮꦁꦔꦼꦤ꧀꧈​ꦥꦝꦱꦼꦱꦸꦕꦶꦪꦭꦤ꧀ꦱꦭꦶꦤꦱꦤ꧀ꦝꦁꦔꦤ꧀ꦱꦶꦁꦉꦱꦶꦏ꧀꧉"​
35:3 (35:2)
35:4 ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦩꦱꦿꦃꦲꦏꦺꦱꦫꦸꦥꦤꦺꦧꦿꦲꦭꦱꦶꦁꦥꦝꦢꦶꦱꦶꦩ꧀ꦥꦼꦤ꧀ꦩꦫꦁ​꧊ꦪꦏꦸꦧ꧀꧈​ꦱꦼꦩꦺꦴꦤꦺꦴꦲꦸꦒꦲꦤ꧀ꦠꦶꦁꦲꦤ꧀ꦠꦶꦁꦱꦶꦁꦥꦝꦢꦶꦲꦼꦁꦒꦺꦴ꧉​​꧊ꦪꦏꦸꦧ꧀ꦩꦼꦤ꧀ꦝꦼꦩ꧀ꦧꦫꦁꦧꦫꦁꦩꦲꦸꦲꦶꦁꦔꦶꦱꦺꦴꦂꦮꦶꦠ꧀ꦒꦼꦝꦺꦱꦕꦼꦝꦏ꧀ꦏꦺꦏꦸꦛ​꧊ꦱꦶꦏꦺꦩ꧀꧉​
35:5 ꦤꦭꦶꦏ​꧊ꦪꦏꦸꦧ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦧꦸꦝꦭ꧀꧈​ꦲꦠꦶꦤꦺꦮꦺꦴꦁꦮꦺꦴꦁꦲꦶꦁꦏꦸꦛꦏꦸꦛꦱꦲꦸꦧꦼꦁꦔꦺꦏꦺꦴꦤꦺꦴꦢꦶꦢꦢꦺꦏ꧀ꦏꦏꦺꦮꦼꦢꦶꦢꦺꦤꦶꦁꦄꦭ꧀ꦭꦃ꧈​ꦔꦤ꧀ꦠꦶꦥꦝꦲꦺꦴꦫꦮꦤꦶꦔꦺꦴꦪꦏ꧀​꧊ꦪꦏꦸꦧ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧉​
35:6 ꦩꦼꦁꦏꦺꦴꦤꦺꦴ​꧊ꦪꦏꦸꦧ꧀ꦭꦤ꧀ꦧꦿꦪꦠ꧀ꦠꦺꦮꦶꦱ꧀ꦏꦼꦭꦏꦺꦴꦤ꧀ꦠꦼꦏꦤ꧀ꦠꦤꦃ​꧊ꦏꦺꦤꦲꦤ꧀꧈​ꦲꦶꦁꦏꦸꦛ​꧊ꦧꦺꦠꦺꦭ꧀꧈​ꦱꦶꦁꦧꦶꦪꦺꦤ꧀ꦗꦼꦤꦼꦁꦔꦺ​꧊ꦭꦸꦱ꧀꧉​
35:7 ꦲꦶꦁꦏꦺꦴꦤꦺꦴ​꧊ꦪꦏꦸꦧ꧀ꦧꦚ꧀ꦗꦸꦂꦒꦮꦺꦩꦼꦱ꧀ꦧꦺꦃ꧉​ꦥꦁꦒꦺꦴꦤ꧀ꦤꦤ꧀ꦩꦲꦸꦢꦶꦗꦼꦤꦼꦁꦔꦏꦺ"​꧊ꦧꦺꦠꦺꦭ꧀꧈"​ꦩꦼꦂꦒꦲꦶꦁꦥꦥꦤ꧀ꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦔꦼꦠꦶꦔꦭ꧀ꦩꦫꦁ​꧊ꦪꦏꦸꦧ꧀꧈​ꦤꦭꦶꦏꦔꦸꦁꦱꦶꦚꦶꦁꦏꦶꦂꦫꦶꦏꦏꦁꦤꦺ꧉​
35:8 ꦲꦶꦪꦲꦶꦁꦏꦺꦴꦤꦺꦴꦲꦸꦒ​꧊ꦢꦺꦧꦺꦴꦫꦃ꧈​ꦲꦼꦩ꧀ꦧꦤꦺ​꧊ꦫꦶꦧ꧀ꦏꦃꦠꦶꦭꦂꦢꦺꦴꦚ꧈​ꦧꦚ꧀ꦗꦸꦂꦢꦶꦏꦸꦧꦸꦂꦲꦤꦲꦶꦁꦔꦶꦱꦺꦴꦂꦮꦶꦠ꧀ꦒꦼꦝꦺꦲꦶꦁꦱꦏꦶꦢꦸꦭ꧀ꦭꦺ​꧊ꦧꦺꦠꦺꦭ꧀꧉​ꦩꦸꦭꦤꦺꦮꦶꦠ꧀ꦩꦲꦸꦢꦶꦗꦼꦤꦼꦁꦔꦶ:"ꦮꦶꦠ꧀ꦥꦼꦠꦔꦶꦱ꧀ꦱꦤ꧀꧉"​
35:9 ꦱꦲꦸꦭꦶꦃꦲꦺꦱꦏꦠꦤꦃ​꧊ꦩꦺꦱꦺꦴꦥꦺꦴꦠꦩꦶꦪ​꧊ꦪꦏꦸꦧ꧀ꦢꦶꦏꦼꦠꦶꦔꦭ꧀ꦭꦶꦩꦼꦤꦺꦃꦢꦺꦤꦶꦁꦄꦭ꧀ꦭꦃꦱꦂꦠꦢꦶꦧꦼꦂꦏꦃꦲꦶ꧉​
35:10 ꦥꦔꦤ꧀ꦢꦶꦏꦤꦺꦩꦫꦁ​꧊ꦪꦏꦸꦧ꧀꧈​"ꦗꦼꦤꦼꦁꦩꦸꦲꦗ​꧊ꦪꦏꦸꦧ꧀ꦩꦼꦤꦺꦃ꧈​ꦤꦁꦔꦶꦁ​꧊ꦆꦱꦿꦲꦺꦭ꧀꧉"​ꦩꦼꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦲꦼꦁꦒꦺꦴꦤꦺꦔꦼꦭꦶꦃꦗꦼꦤꦼꦁ​꧊ꦪꦏꦸꦧ꧀ꦢꦢꦶ:​꧊ꦆꦱꦿꦲꦺꦭ꧀꧉​
35:11 ꦥꦔꦤ꧀ꦢꦶꦏꦤꦺꦄꦭ꧀ꦭꦃ꧈​"ꦲꦏꦸꦄꦭ꧀ꦭꦃꦏꦁꦩꦲꦏ꧀ꦮꦱ꧉​ꦥꦝꦧꦼꦧꦿꦤꦃꦲꦤ!ꦏꦺꦴꦮꦺꦧꦏꦭ꧀ꦢꦢꦶꦊꦭꦸꦲꦸꦂꦫꦺꦧꦁꦱꦧꦁꦱꦭꦤ꧀ꦤꦸꦫꦸꦤ꧀ꦤꦏꦺꦫꦗꦫꦗ꧉​
35:12 ꦠꦤꦃꦱꦶꦁꦢꦏ꧀ꦥꦫꦶꦁꦔꦏꦺꦩꦫꦁ​꧊ꦄꦧꦿꦲꦩ꧀ꦭꦤ꧀​꧊ꦆꦱ꧀ꦏꦏ꧀ꦧꦏꦭ꧀ꦢꦏ꧀ꦥꦫꦶꦁꦔꦏꦺꦩꦫꦁꦏꦺꦴꦮꦺꦭꦤ꧀ꦲꦤꦏ꧀ꦠꦸꦫꦸꦤ꧀ꦩꦸ꧉"​
35:13 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦱꦸꦩꦼꦁꦏꦤꦶꦭꦂ​꧊ꦪꦏꦸꦧ꧀꧉​
35:14 ​꧊ꦪꦏꦸꦧ꧀ꦧꦚ꧀ꦗꦸꦂꦔꦼꦢꦼꦒꦏꦺꦮꦠꦸꦥꦼꦔꦺꦭꦶꦁꦲꦺꦭꦶꦁꦲꦶꦁꦥꦥꦤ꧀ꦏꦺꦴꦤꦺꦴ꧉​ꦮꦠꦸꦩꦲꦸꦢꦶꦲꦼꦱꦺꦴꦏ꧀ꦏꦶꦲꦁꦒꦸꦂꦭꦤ꧀ꦊꦔꦗ꦳ꦲꦶꦠꦸꦤ꧀ꦏꦁꦒꦺꦴꦱꦲꦺꦴꦱ꧀ꦱꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​
35:15 ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦢꦶꦗꦼꦤꦼꦁꦔꦶ:"​꧊ꦧꦺꦠꦺꦭ꧀"꧉​
35:16 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦪꦏꦸꦧ꧀ꦭꦤ꧀ꦧꦿꦪꦠ꧀ꦠꦺꦧꦸꦝꦭ꧀ꦭꦤ꧀ꦱꦏ​꧊ꦧꦺꦠꦺꦭ꧀꧉​ꦤꦭꦶꦏꦭꦏꦸꦤꦺꦲꦶꦱꦶꦃꦫꦢꦲꦢꦺꦴꦃꦏꦫꦺꦴꦏꦸꦛ​꧊ꦌꦥ꦳ꦿꦠ꧈​​꧊ꦫꦲꦺꦭ꧀ꦔ꧀ꦭꦫꦤꦶꦲꦉꦥ꧀ꦔ꧀ꦭꦲꦶꦂꦫꦏꦺ꧈​ꦩꦁꦏꦲꦼꦁꦒꦺꦴꦤꦺꦔ꧀ꦭꦲꦶꦂꦫꦏꦺꦩꦲꦸꦔꦽꦏꦱ꧉​
35:17 ꦤꦭꦶꦏꦭꦒꦶꦠꦼꦔꦃꦠꦼꦔꦃꦲꦺꦔ꧀ꦭꦫꦤꦶꦩꦲꦸꦝꦸꦏꦸꦤ꧀ꦧꦪꦶꦤꦺꦏꦤ꧀ꦝ꧈​"ꦲꦗꦏꦸꦮꦠꦶꦂ​꧊ꦫꦲꦺꦭ꧀꧈​ꦲꦤꦏ꧀ꦩꦸꦭꦤꦁꦩꦼꦤꦺꦃ꧉"​
35:18 ꦤꦁꦔꦶꦁ​꧊ꦫꦲꦺꦭ꧀ꦮꦶꦱ꧀ꦲꦺꦴꦫꦏꦸꦮꦠ꧀꧉​ꦱꦢꦸꦫꦸꦁꦔꦺꦠꦶꦭꦂꦢꦺꦴꦚ​꧊ꦫꦲꦺꦭ꧀ꦚ꧀ꦗꦼꦤꦼꦁꦔꦶꦲꦤꦏ꧀ꦏꦺ​꧊ꦧꦺꦤꦺꦴꦤꦶ꧈​ꦤꦁꦔꦶꦁꦧꦥꦏ꧀ꦤꦺꦚ꧀ꦗꦼꦤꦼꦁꦔꦏꦺꦧꦪꦶꦩꦲꦸ​꧊ꦧꦺꦚꦩꦶꦤ꧀꧉​
35:19 ​꧊ꦫꦲꦺꦭ꧀ꦧꦚ꧀ꦗꦸꦂꦢꦶꦏꦸꦧꦸꦂꦲꦶꦁꦥꦶꦁꦒꦶꦂꦢꦭꦤ꧀ꦩꦼꦚꦁꦏꦸꦛ​꧊ꦌꦥ꦳ꦿꦠ꧈​ꦱꦶꦁꦱꦲꦶꦏꦶꦏꦫꦤ꧀​꧊ꦧꦺꦠ꧀ꦭꦺꦲꦺꦩ꧀꧉​
35:20 ꦲꦶꦁꦥꦥꦤ꧀ꦏꦺꦴꦤꦺꦴ​꧊ꦪꦏꦸꦧ꧀ꦔꦼꦢꦼꦒꦏꦺꦮꦠꦸꦥꦼꦔꦺꦭꦶꦁꦲꦺꦭꦶꦁ꧉​ꦮꦠꦸꦠꦼꦔꦼꦂꦫꦤ꧀ꦤꦺꦏꦸꦧꦸꦂꦫꦺ​꧊ꦫꦲꦺꦭ꧀ꦩꦲꦸꦲꦶꦱꦶꦃꦠꦼꦏꦤ꧀ꦱꦼꦥꦿꦺꦤꦺ꧉​
35:21 ​꧊ꦪꦏꦸꦧ꧀ꦧꦚ꧀ꦗꦸꦂꦤꦼꦫꦸꦱ꧀ꦱꦏꦺꦭꦏꦸꦤꦺ꧉​ꦱꦮꦶꦱ꧀ꦱꦺꦔ꧀ꦭꦶꦮꦠ꧀ꦠꦶꦩꦼꦤꦫ​꧊ꦌꦢꦺꦂꦧꦚ꧀ꦗꦸꦂꦥꦱꦁꦏꦺꦩꦃ꧉​
35:22 ꦤꦭꦶꦏꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ​꧊ꦫꦸꦧꦺꦤ꧀ꦔꦸꦩ꧀ꦥꦸꦭ꧀ꦭꦶꦧꦶꦭ꧀ꦲ꧈​ꦱꦼꦭꦶꦂꦫꦺꦧꦥꦏ꧀ꦤꦺ꧉​ꦏꦿꦸꦔꦸꦏꦼꦢꦢꦺꦪꦤ꧀ꦩꦲꦸ​꧊ꦪꦏꦸꦧ꧀ꦤꦼꦥ꧀ꦱꦸꦧꦔꦼꦠ꧀꧉​​꧊ꦪꦏꦸꦧ꧀ꦢꦸꦮꦺꦲꦤꦏ꧀ꦭꦤꦁꦫꦺꦴꦭꦱ꧀꧉​
35:23 ꦲꦤꦏ꧀ꦏꦺ​꧊ꦭꦺꦪꦪꦏꦸꦮꦶ:​꧊ꦫꦸꦧꦺꦤ꧀꧌ꦥꦼꦩ꧀ꦧꦉꦥ꧀꧍꧈​​꧊ꦱꦶꦩꦺꦪꦺꦴꦤ꧀꧈​​꧊ꦭꦺꦮꦶ꧈​​꧊ꦪꦺꦲꦸꦢ꧈​​꧊ꦆꦱꦏꦂ꧈​ꦭꦤ꧀​꧊ꦗ꦳ꦺꦧꦸꦭꦺꦴꦤ꧀꧉​
35:24 ꦲꦤꦏ꧀ꦏꦺ​꧊ꦫꦲꦺꦭ꧀:​꧊ꦪꦸꦱꦸꦥ꦳꧀ꦭꦤ꧀​꧊ꦧꦺꦚꦩꦶꦤ꧀꧉​ꦧꦶꦭ꧀ꦲ꧈​ꦧꦠꦸꦂꦫꦺ​꧊ꦫꦲꦺꦭ꧀:​꧊ꦝꦤ꧀ꦭꦤ꧀​꧊ꦤꦥ꦳꧀ꦠꦭꦶ꧉​
35:25 ꦲꦤꦏ꧀ꦏꦺꦧꦶꦭ꧀ꦲ꧈​ꦧꦠꦸꦂꦫꦺ​꧊ꦫꦲꦺꦭ꧀:​꧊ꦝꦤ꧀ꦭꦤ꧀​꧊ꦤꦥ꦳꧀ꦠꦭꦶ꧉​
35:26 ꦲꦤꦏ꧀ꦏꦺ​꧊ꦗ꦳ꦶꦭ꧀ꦥ꧈​ꦧꦠꦸꦂꦫꦺ​꧊ꦭꦺꦪ:​꧊ꦒꦢ꧀ꦭꦤ꧀​꧊ꦄꦱꦾꦺꦂ꧉​ꦏꦸꦮꦶꦩꦲꦸꦏꦧꦺꦃꦭꦲꦶꦂꦫꦺꦲꦤꦲꦶꦁ​꧊ꦩꦺꦱꦺꦴꦥꦺꦴꦠꦩꦶꦪ꧉​
35:27 ​꧊ꦪꦏꦸꦧ꧀ꦠꦶꦭꦶꦏ꧀​꧊ꦆꦱ꧀ꦏꦏ꧀꧈​ꦧꦥꦏ꧀ꦤꦺꦱꦶꦁꦩꦁꦒꦺꦴꦤ꧀ꦲꦶꦁ​꧊ꦩꦩꦿꦺꦕꦼꦝꦏ꧀​꧊ꦲꦺꦧꦿꦺꦴꦤ꧀꧉​​꧊ꦄꦧꦿꦲꦩ꧀꧈​ꦲꦼꦩ꧀ꦧꦃꦤꦺꦱ꧀ꦮꦂꦒꦶ꧈​ꦧꦶꦪꦺꦤ꧀ꦲꦶꦪꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ꧉​
35:28 (35:28-29)​꧊ꦆꦱ꧀ꦏꦏ꧀ꦮꦶꦱ꧀ꦠꦸꦮꦧꦔꦼꦠ꧀꧈​ꦲꦸꦩꦸꦂꦫꦺꦚꦤ꧀ꦝꦏ꧀ꦱꦠꦸꦱ꧀ꦮꦺꦴꦭꦸꦁꦥꦸꦭꦸꦃꦠꦲꦸꦤ꧀꧉​​꧊ꦆꦱ꧀ꦏꦏ꧀ꦠꦶꦭꦂꦢꦺꦴꦚ꧈​ꦢꦺꦤꦶꦁꦲꦤꦏ꧀ꦲꦤꦏ꧀ꦏꦺ꧈​​꧊ꦌꦱꦲꦸꦭꦤ꧀​꧊ꦪꦏꦸꦧ꧀ꦢꦶꦏꦸꦧꦸꦂꦲꦶꦁꦒꦸꦮ​꧊ꦩꦃꦥꦺꦭ꧉​
35:29 (35:28)