Alkitab/Purwaning Dumadi/42

42:1 ꦧꦉꦁ​꧊ꦪꦏꦸꦧ꧀ꦏꦿꦸꦔꦸꦪꦺꦤ꧀ꦲꦶꦁ​꧊ꦩꦺꦱꦶꦂꦲꦤꦒꦤ꧀ꦢꦸꦩ꧀꧈​ꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦤꦏ꧀ꦲꦤꦏ꧀ꦏꦺ꧈​"ꦪꦒꦺꦤꦺꦏꦺꦴꦮꦺꦏꦺꦴꦏ꧀ꦲꦺꦴꦫꦕꦺꦏꦠ꧀ꦕꦺꦏꦼꦠ꧀?
42:2 ꦲꦏꦸꦏꦿꦸꦔꦸꦪꦺꦤ꧀ꦲꦶꦁꦠꦤꦃ​꧊ꦩꦺꦱꦶꦂꦲꦤꦒꦤ꧀ꦢꦸꦩ꧀꧉​ꦩ꧀ꦧꦺꦴꦏ꧀ꦥꦝꦩꦿꦤꦲ꧈​ꦠꦸꦏꦸꦒꦤ꧀ꦢꦸꦩ꧀꧈​ꦱꦸꦥꦪꦏꦶꦠꦥꦝꦲꦺꦴꦫꦩꦠꦶꦏꦭꦶꦂꦫꦼꦤ꧀꧉"​
42:3 ꦏꦏꦁꦏꦏꦁꦤꦺ​꧊ꦪꦸꦱꦸꦥ꦳꧀ꦮꦺꦴꦁꦱꦼꦥꦸꦭꦸꦃꦧꦚ꧀ꦗꦸꦂꦥꦝꦩꦁꦏꦠ꧀ꦠꦸꦏꦸꦒꦤ꧀ꦢꦸꦩ꧀꧉​
42:4 ꦩꦸꦁ​꧊ꦧꦺꦚꦩꦶꦤ꧀꧈​ꦲꦝꦶꦤꦺ​꧊ꦪꦸꦱꦸꦥ꦳꧀꧈​ꦲꦺꦴꦫꦢꦶꦭꦶꦭꦤꦶꦩꦺꦭꦸ꧈​ꦩꦼꦂꦒ​꧊ꦪꦏꦸꦧ꧀ꦏꦸꦮꦠꦶꦂꦪꦺꦤ꧀ꦲꦤꦏ꧀ꦏꦺꦫꦒꦶꦭ꧀ꦩꦲꦸꦏꦼꦤꦲꦭꦁꦔꦤ꧀꧉​
42:5 ꦩꦼꦂꦒꦲꦤꦤꦺꦥꦲꦶꦭꦤ꧀ꦲꦶꦁꦠꦤꦃ​꧊ꦏꦺꦤꦲꦤ꧀꧈​ꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦧꦼꦧꦉꦁꦔꦤ꧀ꦏꦫꦺꦴꦮꦺꦴꦁꦭꦶꦪꦭꦶꦪꦤꦺꦥꦝꦠꦸꦏꦸꦒꦤ꧀ꦢꦸꦩ꧀ꦩꦼꦚꦁꦠꦤꦃ​꧊ꦩꦺꦱꦶꦂ꧉​
42:6 ​꧊ꦪꦸꦱꦸꦥ꦳꧀꧈​ꦱꦶꦁꦢꦢꦶꦒꦸꦧꦼꦂꦤꦸꦂꦲꦶꦁꦠꦤꦃ​꧊ꦩꦺꦱꦶꦂ꧈​ꦤꦼꦝꦼꦁꦔꦺꦔꦼꦢꦺꦴꦭ꧀ꦭꦶꦒꦤ꧀ꦢꦸꦩ꧀ꦩꦫꦁꦮꦺꦴꦁꦱꦏꦔꦼꦤ꧀ꦢꦶꦲꦼꦤ꧀ꦢꦶ꧉​ꦩꦸꦭꦤꦺꦏꦏꦁꦏꦏꦁꦤꦺ​꧊ꦪꦸꦱꦸꦥ꦳꧀ꦲꦶꦪꦥꦝꦠꦼꦏꦭꦤ꧀ꦱꦸꦁꦏꦼꦩ꧀ꦲꦶꦁꦔꦉꦥ꧀ꦥꦺ꧉​
42:7 ​꧊ꦪꦸꦱꦸꦥ꦳꧀ꦲꦺꦴꦫꦥꦔ꧀ꦭꦶꦁꦏꦫꦺꦴꦏꦏꦁꦏꦏꦁꦤꦺ꧈​ꦤꦁꦔꦶꦁꦲꦺꦛꦺꦴꦏ꧀ꦲꦺꦛꦺꦴꦏ꧀ꦲꦺꦴꦫꦏꦼꦤꦭ꧀꧈​ꦩꦭꦃꦠꦏꦺꦴꦤ꧀ꦏꦫꦺꦴꦱꦼꦉꦁ꧈​"ꦏꦺꦴꦮꦺꦮꦺꦴꦁꦔꦼꦤ꧀ꦢꦶ?"ꦮꦁꦱꦸꦭ꧀ꦭꦤ꧀ꦤꦺꦏꦏꦁꦏꦏꦁꦤꦺ꧈​"ꦏꦸꦭꦱꦩꦶꦱꦏꦶꦁꦤꦼꦒꦫꦶ​꧊ꦏꦺꦤꦲꦤ꧀꧈​ꦱꦺꦴꦮꦤ꧀ꦏꦸꦭꦧꦝꦺꦠꦸꦩꦸꦠ꧀ꦠꦸꦩ꧀ꦧꦱ꧀ꦠꦼꦝ꧉"​
42:8 ꦱꦼꦤꦗꦤ꧀​꧊ꦪꦸꦱꦸꦥ꦳꧀ꦝꦺꦮꦺꦲꦺꦴꦫꦥꦔ꧀ꦭꦶꦁ꧈​ꦤꦁꦔꦶꦁꦏꦏꦁꦏꦏꦁꦤꦺꦥꦝꦥꦔ꧀ꦭꦶꦁꦏꦫꦺꦴ​꧊ꦪꦸꦱꦸꦥ꦳꧀꧉​
42:9 ​꧊ꦪꦸꦱꦸꦥ꦳꧀ꦏꦺꦭꦶꦁꦔꦤ꧀ꦩꦫꦁꦲꦶꦩ꧀ꦥꦺꦤ꧀ꦤꦺꦝꦺꦏ꧀ꦧꦶꦪꦺꦤ꧀ꦧꦧ꧀ꦏꦏꦁꦏꦏꦁꦤꦺ꧉​ꦧꦚ꧀ꦗꦸꦂꦕ꧀ꦭꦛꦸ꧈​"ꦏꦺꦴꦮꦺꦏꦸꦮꦶꦠꦼꦭꦶꦏ꧀;ꦠꦼꦏꦩꦸꦲꦉꦥ꧀ꦤꦶꦠꦶꦏ꧀ꦠꦤꦃꦏꦺꦤꦺꦲꦼꦤ꧀ꦢꦶꦱꦶꦁꦲꦺꦴꦫꦢꦶꦗꦒꦏꦸꦮꦠ꧀꧉"​
42:10 ꦮꦁꦱꦸꦭ꧀ꦭꦤ꧀ꦤꦺꦏꦏꦁꦏꦏꦁꦤꦺ꧈​"ꦲꦺꦱ꧀ꦠꦸꦱꦤꦺꦱ꧀꧈​ꦒꦸꦱ꧀ꦠꦶ!ꦲꦼꦁꦒꦺꦤ꧀ꦏꦸꦭꦱꦩꦶꦩꦿꦶꦏꦶꦩꦼꦤꦶꦏꦱꦥꦽꦭꦸꦠꦸꦩ꧀ꦧꦱ꧀ꦠꦼꦝ꧉​
42:11 ꦏꦸꦭꦱꦩꦶꦱꦱꦼꦝꦺꦫꦺꦏ꧀꧈​ꦠꦸꦁꦒꦶꦭ꧀ꦧꦥꦏ꧀꧉​ꦏꦸꦭꦱꦩꦶꦠꦶꦪꦁꦱꦲꦺꦱꦲꦺ꧈​ꦱꦤꦺꦱ꧀ꦠꦼꦭꦶꦏ꧀꧉"​
42:12 ꦮꦁꦱꦸꦭ꧀ꦭꦤ꧀ꦤꦺ​꧊ꦪꦸꦱꦸꦥ꦳꧀꧈​"ꦲꦺꦴꦫ!ꦏꦺꦴꦮꦺꦏꦧꦺꦃꦏꦸꦮꦶꦠꦼꦭꦶꦏ꧀꧉​ꦠꦼꦏꦩꦸꦲꦉꦥ꧀ꦤꦶꦠꦶꦏ꧀ꦠꦤꦃꦏꦺꦤꦺꦲꦼꦤ꧀ꦢꦶꦱꦶꦁꦲꦺꦴꦫꦏꦸꦮꦠ꧀ꦥꦼꦚ꧀ꦗꦒꦤꦺ꧉"​
42:13 ꦒꦼꦤ꧀ꦠꦺꦤ꧀ꦢꦶꦮꦁꦱꦸꦭ꧀ꦭꦶꦏꦫꦺꦴꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧈​"ꦏꦸꦭꦩꦼꦤꦶꦏꦲꦱꦭ꧀​꧊ꦏꦺꦤꦲꦤ꧀꧈​ꦱꦩꦶꦱꦱꦼꦝꦺꦫꦺꦏ꧀꧈​ꦮꦲꦸꦤꦶꦥꦸꦤ꧀ꦏꦭꦶꦃꦲ꧀ꦮꦼꦭꦱ꧀꧈​ꦠꦸꦁꦒꦶꦭ꧀ꦧꦥꦏ꧀꧉​ꦱꦼꦠꦸꦁꦒꦭ꧀ꦱꦩ꧀ꦥꦸꦤ꧀ꦥꦼꦗꦃꦭꦤ꧀ꦲꦶꦁꦏꦁꦫꦒꦶꦭ꧀ꦮꦺꦴꦤ꧀ꦠꦼꦤ꧀ꦒꦿꦶꦪꦏꦭꦶꦪꦤ꧀ꦧꦥꦏ꧀꧉"​
42:14 ꦕ꧀ꦭꦛꦸꦤꦺ​꧊ꦪꦸꦱꦸꦥ꦳꧀꧈​"ꦫꦏ꧀ꦧꦼꦤꦼꦂꦠꦏꦤ꧀ꦝꦏꦸ꧈​ꦪꦺꦤ꧀ꦏꦺꦴꦮꦺꦏꦸꦮꦶꦠꦼꦭꦶꦏ꧀ꦏꦧꦺꦃ꧉​
42:15 ꦱꦲꦶꦏꦶꦲꦏꦸꦲꦉꦥ꧀ꦮꦼꦫꦸꦃꦱꦼꦥꦶꦫꦏꦠꦼꦩꦼꦤ꧀ꦤꦤ꧀ꦩꦸ꧉​ꦲꦏꦸꦱꦸꦩ꧀ꦥꦃꦢꦼꦩꦶꦲꦱ꧀ꦩꦤꦺꦱꦁꦥꦿꦶꦔꦺꦴꦤ꧀꧉​ꦏꦺꦴꦮꦺꦲꦺꦴꦫꦧꦏꦭ꧀ꦭꦸꦔꦱꦏꦏꦺꦤꦺ꧈​ꦪꦺꦤ꧀ꦲꦝꦶꦩꦸꦱꦶꦁꦫꦒꦶꦭ꧀ꦲꦺꦴꦫꦏꦺꦴꦏ꧀ꦱꦸꦱꦸꦭ꧀ꦭꦏꦺꦩꦿꦺꦤꦺ꧉​
42:16 ꦏꦺꦴꦮꦺꦱꦭꦃꦱꦶꦗꦶꦏꦸꦢꦸꦧꦭꦶꦚ꧀ꦗꦸꦥꦸꦏ꧀ꦲꦝꦶꦩꦸꦫꦒꦶꦭ꧀꧉​ꦭꦶꦪꦤꦺꦢꦏ꧀ꦠꦃꦲꦤ꧀ꦲꦤꦲꦶꦁꦏꦺꦤꦺ꧈​ꦔꦤ꧀ꦠꦶꦏꦼꦠꦶꦠꦶꦏ꧀ꦪꦺꦤ꧀ꦏꦺꦴꦮꦺꦥꦝꦲꦺꦴꦫꦒꦺꦴꦫꦺꦴꦃ꧉​ꦢꦼꦩꦶꦲꦱ꧀ꦩꦤꦺꦱꦁꦥꦿꦶꦔꦺꦴꦤ꧀꧈​ꦪꦺꦤ꧀ꦲꦝꦶꦩꦸꦔꦤ꧀ꦠꦶꦲꦺꦴꦫꦠꦼꦏ꧈​ꦠꦤ꧀ꦝꦪꦺꦤ꧀ꦏꦺꦴꦮꦺꦏꦧꦺꦃꦏꦸꦮꦶꦠꦼꦭꦶꦏ꧀!"
42:17 ꦮꦺꦴꦁꦱꦼꦥꦸꦭꦸꦃꦩꦲꦸꦧꦚ꧀ꦗꦸꦂꦢꦶꦊꦧꦺꦴꦏ꧀ꦏꦏꦺꦲꦶꦁꦥꦏꦸꦚ꧀ꦗꦂꦫꦤ꧀ꦔꦤ꧀ꦠꦶꦠꦼꦭꦸꦁꦢꦶꦤ꧉​
42:18 ꦊꦠ꧀ꦠꦼꦭꦸꦁꦢꦶꦤ​꧊ꦪꦸꦱꦸꦥ꦳꧀ꦏꦤ꧀ꦝꦏꦫꦺꦴꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦩꦲꦸ꧈​"ꦲꦏꦸꦲꦶꦏꦶꦮꦺꦴꦁꦱꦶꦁꦔꦧꦼꦏ꧀ꦠꦶꦏꦫꦺꦴꦒꦸꦱ꧀ꦠꦶꦄꦭ꧀ꦭꦃ꧉​ꦪꦺꦤ꧀ꦏꦼꦤ꧈​ꦏꦺꦴꦮꦺꦢꦏꦺꦩ꧀ꦩꦤ꧀ꦲꦸꦫꦶꦥ꧀ꦩꦸ꧉​
42:19 ꦪꦺꦤ꧀ꦏꦺꦴꦮꦺꦥꦚ꧀ꦕꦺꦤ꧀ꦥꦝꦮꦺꦴꦁꦠꦼꦩꦼꦤ꧀꧈​ꦱꦭꦃꦱꦶꦗꦶꦏꦺꦫꦶꦏꦺꦤꦺ꧈​ꦭꦶꦪꦤꦺꦏꦼꦤꦩꦸꦭꦶꦃꦔ꧀ꦒꦮꦒꦤ꧀ꦢꦸꦩ꧀ꦱꦶꦁꦮꦶꦱ꧀ꦏꦺꦴꦏ꧀ꦠꦸꦏꦸꦏꦁꦒꦺꦴꦧꦿꦪꦠ꧀ꦧꦿꦪꦠ꧀ꦩꦸꦱꦶꦁꦥꦝꦏꦼꦏꦸꦫꦁꦔꦤ꧀ꦥꦔꦤ꧀꧉​
42:20 ꦤꦸꦭꦶꦥꦝꦧꦭꦶꦪꦩꦿꦺꦤꦺꦔꦗꦏ꧀ꦲꦝꦶꦩꦸꦱꦶꦁꦕꦶꦭꦶꦏ꧀ꦝꦺꦮꦺ꧈​ꦩꦶꦤꦁꦏꦧꦸꦏ꧀ꦠꦶꦪꦺꦤ꧀ꦏꦤ꧀ꦝꦩꦸꦩꦲꦸꦚꦠ꧈​ꦭꦤ꧀ꦏꦺꦴꦮꦺꦲꦺꦴꦫꦢꦏ꧀ꦲꦸꦏꦸꦩ꧀ꦥꦠꦶ꧉"​ꦏꦏꦁꦏꦏꦁꦤꦺꦩꦲꦸꦥꦝꦔꦿꦸꦗꦸꦏ꧀ꦏꦶꦲꦸꦱꦸꦭ꧀ꦩꦲꦸ꧈​
42:21 ꦧꦚ꧀ꦗꦸꦂꦥꦝꦫꦱꦤ꧀ꦤꦤ꧀꧈​"ꦱꦲꦶꦏꦶꦏꦶꦠꦥꦝꦔꦿꦱꦏ꧀ꦏꦏꦺꦥꦶꦮꦊꦱ꧀ꦱꦺꦥꦼꦁꦒꦮꦺꦏꦶꦠꦩꦫꦁ​꧊ꦪꦸꦱꦸꦥ꦳꧀ꦝꦺꦏ꧀ꦧꦶꦪꦺꦤ꧀꧉​ꦏꦪꦲꦥꦧꦶꦪꦺꦤ꧀ꦲꦼꦁꦒꦺꦴꦤꦺꦔꦽꦉꦥ꧀ꦥꦚ꧀ꦗꦭꦸꦏ꧀ꦢꦶꦮꦼꦭꦱ꧀ꦱꦶ꧈​ꦤꦁꦔꦶꦁꦏꦶꦠꦲꦺꦴꦫꦥꦝꦔꦿꦺꦮꦺꦱ꧀ꦏꦫꦺꦴꦥꦼꦱꦩ꧀ꦧꦠ꧀ꦠꦺ꧉​ꦩꦸꦭꦤꦺꦱꦲꦶꦏꦶꦏꦶꦠꦥꦝꦤꦤ꧀ꦝꦁꦱꦼꦁꦱꦫ꧉"​
42:22 ​꧊ꦫꦸꦧꦺꦤ꧀ꦕ꧀ꦭꦛꦸ꧈​"ꦲꦏꦸꦧꦶꦪꦺꦤ꧀ꦫꦏ꧀ꦮꦶꦱ꧀ꦏꦤ꧀ꦝ꧉​ꦧꦺꦴꦕꦃꦲꦺꦲꦗꦏꦺꦴꦏ꧀ꦏꦥꦏ꧀ꦏꦥꦏ꧀ꦏꦏꦺ!ꦤꦁꦔꦶꦁꦏꦺꦴꦮꦺꦥꦝꦲꦺꦴꦫꦔ꧀ꦒꦸꦒꦸ꧉​ꦱꦲꦶꦏꦶꦏꦶꦠꦢꦶꦮꦊꦱ꧀꧉"​
42:23 ꦫꦺꦃꦤꦺꦲꦼꦁꦒꦺꦴꦤꦺꦥꦝꦒꦸꦤꦼꦩ꧀ꦩꦤ꧀ꦏꦫꦺꦴ​꧊ꦪꦸꦱꦸꦥ꦳꧀ꦩꦲꦸꦔꦁꦒꦺꦴꦗꦸꦫꦸꦧꦱ꧈​ꦩꦸꦭꦤꦺꦥꦫꦱꦼꦢꦸꦭꦸꦂꦫꦺꦲꦺꦴꦫꦔꦶꦫꦪꦺꦤ꧀​꧊ꦪꦸꦱꦸꦥ꦳꧀ꦔꦼꦂꦠꦶꦏꦧꦺꦃꦲꦥꦱꦶꦁꦥꦝꦢꦶꦉꦩ꧀ꦧꦸꦒ꧀꧉​
42:24 ​꧊ꦪꦸꦱꦸꦥ꦳꧀ꦩꦼꦠꦸꦱꦏꦏꦺꦴꦤꦺꦴ꧈​ꦤꦔꦶꦱ꧀꧉​ꦧꦉꦁꦮꦶꦱ꧀ꦭꦶꦭꦶꦃꦧꦚ꧀ꦗꦸꦂꦧꦭꦶꦩꦿꦺꦴꦤꦺꦴꦩꦼꦤꦺꦃꦭꦤ꧀ꦲꦏꦺꦴꦤ꧀ꦩ꧀ꦧꦤ꧀ꦢ​꧊ꦱꦶꦩꦺꦪꦺꦴꦤ꧀ꦲꦶꦁꦔꦉꦥ꧀ꦥꦺꦥꦫꦱꦼꦢꦸꦭꦸꦂꦫꦺ꧉​
42:25 ​꧊ꦪꦸꦱꦸꦥ꦳꧀ꦲꦏꦺꦴꦤ꧀ꦱꦸꦥꦪꦏꦫꦸꦁꦏꦫꦸꦁꦔꦺꦏꦏꦁꦏꦏꦁꦤꦺꦥꦝꦢꦶꦲꦶꦱꦺꦤ꧀ꦤꦶꦒꦤ꧀ꦢꦸꦩ꧀ꦔꦤ꧀ꦠꦶꦏꦼꦧꦏ꧀꧈​ꦭꦤ꧀ꦝꦸꦮꦶꦠ꧀ꦠꦺꦢꦶꦧꦭꦺꦏ꧀ꦏꦏꦺꦲꦶꦁꦏꦫꦸꦁꦔꦺꦝꦺꦮꦺꦝꦺꦮꦺ꧉​ꦲꦸꦒꦲꦏꦺꦴꦤ꧀ꦱꦸꦥꦪꦮꦺꦴꦁꦮꦺꦴꦁꦩꦲꦸꦥꦝꦢꦶꦒꦮꦤꦶꦥꦔꦤ꧀ꦤꦤ꧀ꦏꦁꦒꦺꦴꦱꦔꦸꦲꦤꦲꦶꦁꦢꦭꦤ꧀꧉​ꦝꦮꦸꦃꦩꦲꦸꦲꦶꦪꦧꦚ꧀ꦗꦸꦂꦢꦶꦠꦶꦤ꧀ꦢꦏ꧀ꦏꦏꦺ꧉​
42:26 ꦱꦮꦶꦱ꧀ꦱꦺꦏꦫꦸꦁꦏꦫꦸꦁꦔꦺꦢꦶꦩꦺꦴꦩꦺꦴꦠ꧀ꦠꦏꦺꦲꦶꦁꦏꦸꦭ꧀ꦢꦶ꧈​ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦥꦝꦩꦁꦏꦠ꧀꧉​
42:27 ꦧꦉꦁꦠꦼꦏꦤ꧀ꦥꦥꦤ꧀ꦥꦔꦶꦤꦼꦥ꧀ꦥꦤ꧀ꦲꦤꦱꦶꦁꦩ꧀ꦧꦸꦏꦏ꧀ꦏꦫꦸꦁꦔꦺꦲꦉꦥ꧀ꦚ꧀ꦗꦸꦥꦸꦏ꧀ꦒꦤ꧀ꦢꦸꦩ꧀ꦏꦁꦒꦺꦴꦩꦏꦤ꧀ꦤꦶꦏꦸꦭ꧀ꦢꦶꦤꦺ꧈​ꦮꦼꦫꦸꦃꦝꦸꦮꦶꦠ꧀ꦠꦺꦠꦼꦩꦸꦩ꧀ꦥꦁꦲꦶꦁꦱꦤ꧀ꦝꦸꦮꦸꦂꦫꦺꦒꦤ꧀ꦢꦸꦩ꧀꧉​
42:28 ꦧꦚ꧀ꦗꦸꦂꦥꦝꦲꦭꦺꦴꦏ꧀꧈​"ꦭ꧀ꦲꦺꦴ꧈​ꦝꦸꦮꦶꦠ꧀ꦠꦺꦏꦺꦴꦏ꧀ꦢꦶꦧꦭꦺꦏ꧀ꦏꦏꦺ꧈​ꦢꦶꦱꦺꦭꦺꦃꦲꦏꦺꦲꦤꦲꦶꦁꦤ꧀ꦝꦸꦮꦸꦂꦒꦤ꧀ꦢꦸꦩ꧀꧉"​ꦏꦧꦺꦃꦥꦝꦲꦼꦤ꧀ꦠꦺꦏ꧀ꦲꦠꦶꦤꦺ꧈​ꦭꦤ꧀ꦱꦏꦮꦼꦢꦶꦤꦺꦱꦶꦗꦶꦱꦶꦗꦶꦤꦺꦥꦝꦕ꧀ꦭꦛꦸ꧈​"ꦲꦥꦏꦼꦂꦱꦤꦺꦄꦭ꧀ꦭꦃꦏꦫꦺꦴꦏꦶꦠꦲꦶꦏꦶ?"
42:29 ꦱꦠꦼꦏꦤꦺꦲꦶꦁꦠꦤꦃ​꧊ꦏꦺꦤꦲꦤ꧀꧈​ꦧꦚ꧀ꦗꦸꦂꦥꦝꦕꦿꦶꦠꦏꦫꦺꦴ​꧊ꦪꦏꦸꦧ꧀ꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦱꦶꦁꦥꦝꦢꦶꦲꦭꦩ꧀ꦩꦶ꧉​ꦠꦼꦩ꧀ꦧꦸꦁꦔꦺ꧈​
42:30 "ꦒꦸꦧꦼꦂꦤꦸꦂ​꧊ꦩꦺꦱꦶꦂꦩꦼꦤꦶꦏꦥꦿꦶꦪꦤ꧀ꦠꦸꦤ꧀ꦤꦶꦥꦸꦤ꧀ꦏꦱꦂ꧉​ꦏꦸꦭꦱꦩꦶꦢꦶꦥꦸꦤ꧀ꦮꦼꦱ꧀ꦠꦤꦶꦠꦼꦭꦶꦏ꧀꧈​ꦲꦶꦁꦏꦁꦏꦢꦏ꧀ꦮꦤꦶꦠꦶꦏ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦩ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦗꦒꦏꦶꦪꦠ꧀꧉​
42:31 ꦏꦸꦭꦲꦸꦒꦶꦩꦠꦸꦂ꧈​ꦧꦶꦭꦶꦃꦏꦸꦭꦩꦼꦤꦶꦏꦠꦶꦪꦁꦱꦲꦺꦱꦲꦺ꧈​
42:32 ꦱꦱꦼꦝꦺꦫꦺꦏ꧀꧈​ꦠꦶꦪꦁꦏꦭꦶꦃꦲ꧀ꦮꦼꦭꦱ꧀꧈​ꦠꦸꦁꦒꦶꦭ꧀ꦧꦥꦏ꧀꧉​ꦱꦼꦠꦸꦁꦒꦭ꧀ꦱꦩ꧀ꦥꦸꦤ꧀ꦥꦼꦗꦃ꧈​ꦭꦤ꧀ꦲꦶꦁꦏꦁꦫꦒꦶꦭ꧀ꦏꦤ꧀ꦠꦸꦤ꧀ꦮꦺꦴꦤ꧀ꦠꦼꦤ꧀​꧊ꦏꦺꦤꦲꦤ꧀ꦏꦭꦶꦪꦤ꧀ꦧꦥꦏ꧀꧉"​
42:33 ꦤꦁꦔꦶꦁꦒꦸꦧꦼꦂꦤꦸꦂꦮꦲꦸꦔꦤ꧀ꦢꦶꦏ꧈​"ꦲꦏꦸꦏꦼꦥꦺꦔꦶꦤ꧀ꦮꦼꦫꦸꦃꦲꦥꦏꦤ꧀ꦝꦩꦸꦏꦸꦮꦶꦚꦠ꧉​ꦏꦺꦴꦮꦺꦱꦭꦃꦱꦶꦗꦶꦏꦸꦢꦸꦏꦺꦫꦶꦲꦤꦲꦶꦁꦏꦺꦤꦺ꧉​ꦭꦶꦪꦤꦺꦏꦼꦤꦩꦸꦭꦶꦃꦔꦼꦠꦼꦂꦫꦏꦺꦒꦤ꧀ꦢꦸꦩ꧀ꦩꦺꦏꦁꦒꦺꦴꦧꦿꦪꦠ꧀ꦩꦸꦱꦶꦁꦥꦝꦏꦸꦫꦁꦥꦔꦤ꧀꧉​
42:34 ꦲꦝꦶꦩꦸꦱꦶꦁꦫꦒꦶꦭ꧀ꦗꦏꦼꦤ꧀ꦩꦿꦺꦤꦺ꧉​ꦪꦺꦤ꧀ꦔꦺꦴꦤꦺꦴꦲꦏꦸꦥꦽꦕꦪꦏꦺꦴꦮꦺꦢꦸꦢꦸꦠꦼꦭꦶꦏ꧀꧈​ꦤꦁꦔꦶꦁꦮꦺꦴꦁꦱꦶꦁꦠꦼꦩꦼꦤ꧀꧉​ꦲꦝꦶꦩꦸꦧꦏꦭ꧀ꦢꦏ꧀ꦧꦭꦺꦏ꧀ꦏꦏꦺ꧈​ꦭꦤ꧀ꦏꦺꦴꦮꦺꦏꦧꦺꦃꦏꦼꦤꦢꦼꦢꦒꦁꦔꦤ꧀ꦲꦤꦲꦶꦁꦠꦤꦃꦏꦺꦤꦺ꧉"​
42:35 ꦤꦭꦶꦏꦥꦝꦚꦸꦤ꧀ꦠꦏ꧀ꦏꦶꦏꦫꦸꦁꦔꦺꦗꦼꦧꦸꦭ꧀ꦤꦼꦩꦸꦏꦤ꧀ꦛꦺꦴꦁꦔꦺꦝꦸꦮꦶꦠ꧀ꦝꦺꦮꦺꦝꦺꦮꦺ꧉​ꦧꦉꦁꦮꦼꦫꦸꦃꦝꦸꦮꦶꦠ꧀ꦠꦺꦲꦶꦱꦶꦃꦲꦤꦲꦶꦁꦏꦺꦴꦤꦺꦴꦥꦝꦮꦼꦢꦶꦧꦔꦼꦠ꧀꧈​ꦱꦼꦩꦺꦴꦤꦺꦴꦲꦸꦒ​꧊ꦪꦏꦸꦧ꧀꧉​
42:36 ​꧊ꦪꦏꦸꦧ꧀ꦏꦤ꧀ꦝ꧈​"ꦲꦥꦲꦏꦸꦏꦺꦴꦤ꧀ꦏꦺꦭꦁꦔꦤ꧀ꦲꦤꦏ꧀ꦏꦸꦏꦧꦺꦃ?​꧊ꦪꦸꦱꦸꦥ꦳꧀ꦮꦶꦱ꧀ꦲꦺꦴꦫꦲꦤ꧉​​꧊ꦱꦶꦩꦺꦪꦺꦴꦤ꧀ꦪꦮꦶꦱ꧀ꦲꦺꦴꦫꦲꦤ꧉​ꦱꦲꦶꦏꦶꦏꦺꦴꦮꦺꦲꦉꦥ꧀ꦔꦗꦏ꧀​꧊ꦧꦺꦚꦩꦶꦤ꧀ꦩꦺꦭꦸꦩꦿꦤ꧉​ꦲꦥꦲꦏꦸꦏꦺꦴꦤ꧀ꦲꦺꦴꦫꦔꦼꦤꦼꦱ꧀!"
42:37 ​꧊ꦫꦸꦧꦺꦤ꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴꦧꦥꦏ꧀ꦤꦺ꧈​"ꦩꦼꦤꦮꦶ​꧊ꦧꦺꦚꦩꦶꦤ꧀ꦩ꧀ꦧꦺꦴꦠꦼꦤ꧀ꦮꦁꦱꦸꦭ꧀꧈​ꦲꦤꦏ꧀ꦏꦸꦭꦗꦊꦂꦏꦼꦏꦭꦶꦃꦩꦼꦤꦶꦏꦥꦚ꧀ꦗꦼꦤꦼꦁꦔꦤ꧀ꦥꦼꦗꦃꦲꦶꦏꦺꦩꦮꦺꦴꦤ꧀꧉​​꧊ꦧꦺꦚꦩꦶꦤ꧀ꦏꦸꦭꦲꦠꦸꦂꦫꦶꦩꦱꦿꦃꦲꦏꦼꦤ꧀ꦝꦠꦼꦁꦏꦸꦭ꧈​ꦩ꧀ꦧꦺꦴꦠꦼꦤ꧀ꦩ꧀ꦧꦺꦴꦠꦼꦤ꧀ꦤꦶꦥꦸꦤ꧀ꦩꦼꦤꦮꦶꦲꦶꦕꦭ꧀꧉"​
42:38 ꦤꦁꦔꦶꦁ​꧊ꦪꦏꦸꦧ꧀ꦏꦤ꧀ꦝ꧈​"ꦲꦺꦴꦫ!​꧊ꦧꦺꦚꦩꦶꦤ꧀ꦲꦺꦴꦫꦏꦼꦤꦩꦺꦭꦸ꧉​ꦏꦏꦁꦤꦺꦮꦶꦱ꧀ꦩꦠꦶ꧉​ꦱꦲꦶꦏꦶꦩꦸꦁꦏꦫꦶꦲꦶꦗꦺꦤ꧀꧉​ꦪꦺꦤ꧀ꦩꦼꦁꦏꦺꦴꦲꦤꦲꦶꦁꦢꦭꦤ꧀ꦲꦤꦲꦥꦲꦥ꧈​ꦲꦥꦲꦺꦴꦫꦩꦫꦏ꧀ꦏꦏꦺꦲꦏꦸ꧈​ꦱꦶꦁꦮꦶꦱ꧀ꦠꦸꦮꦲꦶꦏꦶ꧈​ꦩꦠꦶꦔꦼꦤꦼꦱ꧀?"