Alkitab/Purwaning Dumadi/43

^43:1 ꦥꦲꦶꦭꦤ꧀ꦱꦶꦁꦤꦽꦗꦁꦠꦤꦃ​꧊ꦏꦺꦤꦲꦤ꧀ꦱꦪꦧꦔꦼꦠ꧀꧈​

^43:2 ꦩꦸꦭꦤꦺꦧꦉꦁꦠꦤ꧀ꦝꦺꦴꦤꦺꦒꦤ꧀ꦢꦸꦩ꧀ꦲꦺꦴꦭꦺꦃꦲꦺꦠꦸꦏꦸꦱꦏ​꧊ꦩꦺꦱꦶꦂꦮꦶꦱ꧀ꦲꦼꦤ꧀ꦠꦺꦏ꧀꧈​​꧊ꦪꦏꦸꦧ꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦤꦏ꧀ꦲꦤꦏ꧀ꦏꦺ꧈​"ꦥꦝꦭꦸꦔꦲꦩꦼꦤꦺꦃꦩꦼꦚꦁ​꧊ꦩꦺꦱꦶꦂꦠꦸꦏꦸꦒꦤ꧀ꦢꦸꦩ꧀꧉"​

^43:3 ​꧊ꦪꦺꦲꦸꦢꦩꦁꦱꦸꦭ꧀ꦭꦶ꧈​"ꦒꦸꦧꦼꦂꦤꦸꦂꦲꦶꦁꦔꦿꦶꦏꦱꦩ꧀ꦥꦸꦤ꧀ꦩꦤ꧀ꦠꦺꦴꦱ꧀ꦩꦤ꧀ꦠꦺꦴꦱ꧀꧈​ꦧꦶꦭꦶꦃꦏꦸꦭꦩ꧀ꦧꦺꦴꦠꦼꦤ꧀ꦧꦝꦺꦢꦶꦥꦸꦤ꧀ꦭꦶꦭꦤꦶꦱꦺꦴꦮꦤ꧀ꦩꦭꦶꦃ꧈​ꦩꦼꦤꦮꦶꦩ꧀ꦧꦺꦴꦠꦼꦤ꧀ꦔꦗꦏ꧀ꦲꦝꦶꦏꦸꦭꦲꦶꦁꦏꦁꦲꦭꦶꦠ꧀ꦥꦶꦪꦩ꧀ꦧꦏ꧀꧉​

^43:4 ꦩꦼꦤꦮꦶꦧꦥꦏ꧀ꦩꦉꦁꦔꦏꦼꦤ꧀​꧊ꦧꦺꦚꦩꦶꦤ꧀ꦠꦸꦩꦸꦠ꧀꧈​ꦏꦸꦭꦱꦩꦶꦧꦝꦺꦧꦶꦝꦭ꧀꧉​

^43:5 ꦩꦼꦤꦮꦶꦩ꧀ꦧꦺꦴꦠꦼꦤ꧀꧈​ꦏꦸꦭꦲꦶꦁꦒꦶꦃꦩ꧀ꦧꦺꦴꦠꦼꦤ꧀ꦧꦝꦺꦧꦶꦝꦭ꧀꧈​ꦩꦼꦂꦒꦶꦒꦸꦧꦼꦂꦤꦸꦂꦫꦶꦥꦸꦤ꧀ꦱꦩ꧀ꦥꦸꦤ꧀ꦩꦤ꧀ꦠꦺꦴꦱ꧀ꦩꦤ꧀ꦠꦺꦴꦱ꧀ꦏꦢꦺꦴꦱ꧀ꦩꦼꦏꦠ꧀ꦠꦼꦤ꧀꧉"​

^43:6 ꦕ꧀ꦭꦛꦸꦤꦺ​꧊ꦪꦏꦸꦧ꧀꧈​"ꦏꦺꦴꦮꦺꦱꦧꦼꦤ꧀ꦱꦧꦼꦤ꧀ꦩꦸꦁꦒꦮꦺꦱꦸꦱꦃꦏꦸꦮꦲꦺ꧉​ꦪꦒꦺꦤꦺꦏꦺꦴꦮꦺꦏꦺꦴꦏ꧀ꦏꦤ꧀ꦝꦪꦺꦤ꧀ꦢꦸꦮꦺꦲꦝꦶꦧꦫꦁ?"

^43:7 ꦮꦁꦱꦸꦭ꧀ꦭꦤ꧀ꦤꦺꦲꦤꦏ꧀ꦲꦤꦏ꧀ꦏꦺ꧈​"ꦥꦿꦶꦪꦤ꧀ꦠꦸꦤ꧀ꦤꦶꦥꦸꦤ꧀ꦠ꧀ꦭꦼꦱꦶꦃꦱꦔꦼꦠ꧀ꦲꦼꦁꦒꦺꦤ꧀ꦤꦶꦥꦸꦤ꧀ꦠꦏꦺꦤ꧀ꦧꦧ꧀ꦧꦿꦪꦠ꧀꧉​ꦤꦏꦺꦏ꧀ꦏꦏꦼꦤ꧀꧈​‘ꦲꦥꦧꦥꦏ꧀ꦩꦸꦲꦶꦱꦶꦃꦲꦸꦫꦶꦥ꧀?ꦲꦥꦏꦺꦴꦮꦺꦲꦶꦱꦶꦃꦢꦸꦮꦺꦲꦝꦶꦭꦤꦁꦭꦶꦪꦤꦺ?’ꦏꦸꦭꦱꦩꦶꦏꦼꦥꦼꦏ꧀ꦱꦩꦁꦱꦸꦭ꧀ꦭꦶꦱꦼꦢꦪꦲꦶꦁꦏꦁꦢꦶꦥꦸꦤ꧀ꦠꦏꦺꦏ꧀ꦏꦏꦼꦤ꧀꧉​ꦏꦸꦭꦫꦏ꧀ꦩ꧀ꦧꦺꦴꦠꦼꦤ꧀ꦱꦩꦶꦔꦶꦤ꧀ꦠꦼꦤ꧀꧈​ꦧꦶꦭꦶꦃꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦧꦝꦺꦲꦏꦺꦤ꧀ꦏꦶꦠꦔꦼꦗꦏ꧀ꦲꦝꦶꦏꦸꦭꦱꦺꦴꦮꦤ꧀ꦩꦿꦶꦏ?"

^43:8 ​꧊ꦪꦺꦲꦸꦢꦧꦚ꧀ꦗꦸꦂꦩꦠꦸꦂ꧈​"ꦭꦫꦺꦤꦶꦥꦸꦤ꧀ꦏꦗꦼꦁꦔꦶꦥꦸꦤ꧀ꦠꦸꦩꦸꦠ꧀꧈​ꦱꦸꦥꦢꦺꦴꦱ꧀ꦏꦸꦭꦱꦩꦶꦱꦒꦼꦢ꧀ꦧꦶꦝꦭ꧀ꦠꦸꦩꦸꦤ꧀ꦠꦼꦤ꧀꧈​ꦭꦤ꧀ꦧꦿꦪꦠ꧀ꦏꦶꦠꦩ꧀ꦧꦺꦴꦠꦼꦤ꧀ꦥꦼꦗꦃꦏꦭꦶꦂꦫꦼꦤ꧀꧉​

^43:9 ꦠꦁꦒꦼꦭꦤ꧀ꦤꦶꦥꦸꦤ꧀ꦒꦼꦱꦁꦏꦸꦭꦥꦶꦪꦩ꧀ꦧꦏ꧀꧉​ꦩꦼꦤꦮꦶꦮꦺꦴꦤ꧀ꦠꦼꦤ꧀ꦩꦼꦤꦥꦩꦼꦤꦥ꧈​ꦏꦸꦭꦲꦶꦁꦏꦁꦠꦁꦒꦼꦭ꧀ꦗꦮꦧ꧀ꦝꦠꦼꦁꦧꦥꦏ꧀ꦱꦼꦭꦩꦶꦏꦸꦭꦒꦼꦱꦁ꧉​

^43:10 ꦩꦼꦤꦮꦶꦩ꧀ꦧꦺꦴꦠꦼꦤ꧀ꦤ꧀ꦢꦢꦏ꧀ꦔꦼꦤ꧀ꦠꦺꦴꦱ꧀ꦲꦼꦤ꧀ꦠꦺꦴꦱ꧀ꦱꦶꦩꦼꦏꦠ꧀ꦠꦼꦤ꧀꧈​ꦠꦼꦩ꧀ꦠꦸꦏꦸꦭꦱꦩꦶꦱꦩ꧀ꦥꦸꦤ꧀ꦏꦥꦶꦁꦏꦭꦶꦃꦏꦺꦱꦃꦮꦁꦱꦸꦭ꧀ꦝꦠꦼꦁ​꧊ꦩꦺꦱꦶꦂ꧉"​

^43:11 ​꧊ꦪꦏꦸꦧ꧀ꦧꦚ꧀ꦗꦸꦂꦏꦤ꧀ꦝ꧈​"ꦪꦺꦤ꧀ꦥꦚ꧀ꦕꦺꦤ꧀ꦏꦸꦢꦸꦩꦼꦁꦏꦺꦴꦤꦺꦴ꧈​ꦔ꧀ꦒꦮꦲꦥꦶꦱꦸꦁꦱꦸꦁꦏꦠꦸꦂꦩꦫꦁꦒꦸꦧꦼꦂꦤꦸꦂꦏꦤ꧈​ꦫꦸꦥꦮꦸꦭꦸꦮꦼꦠꦸꦤꦺꦧꦸꦩꦶꦲꦶꦁꦏꦺꦤꦺꦱꦶꦁꦧꦼꦕꦶꦏ꧀ꦝꦺꦮꦺ:ꦏꦶꦱ꧀ꦩꦶꦱ꧀꧈​ꦩꦢꦸ꧈​ꦧꦸꦩ꧀ꦧꦸ꧈​ꦏꦼꦩꦶꦫꦶ꧈​ꦧꦢꦩ꧀꧉​

^43:12 ꦔ꧀ꦒꦮꦲꦝꦸꦮꦶꦠ꧀ꦠꦶꦏꦼꦭ꧀ꦭꦺꦴꦫꦺꦴ꧈​ꦩꦼꦂꦒꦝꦸꦮꦶꦠ꧀ꦱꦶꦁꦢꦶꦧꦭꦺꦏ꧀ꦏꦏꦺꦭꦤ꧀ꦢꦶꦊꦧꦺꦴꦏ꧀ꦏꦏꦺꦲꦶꦁꦏꦫꦸꦁꦩꦸꦏꦲꦺ꧈​ꦏꦸꦢꦸꦢꦶꦲꦠꦸꦂꦫꦏꦺꦩꦼꦤꦺꦃ꧉​ꦩ꧀ꦧꦺꦴꦏ꧀ꦩꦼꦤꦮꦧꦶꦪꦺꦤ꧀ꦏꦲꦺꦏ꧀ꦭꦶꦫꦸ꧉​

^43:13 ꦲꦝꦶꦩꦸ​꧊ꦧꦺꦚꦩꦶꦤ꧀ꦗꦏꦼꦤ꧀꧈​ꦭꦤ꧀ꦲꦺꦁꦒꦭ꧀ꦧꦭꦶꦪ꧉​

^43:14 ꦩꦸꦒꦩꦸꦒꦒꦸꦱ꧀ꦠꦶꦄꦭ꧀ꦭꦃꦏꦁꦩꦲꦏ꧀ꦮꦱꦉꦤ꧀ꦠꦃꦮꦼꦭꦱ꧀ꦱꦺꦩꦫꦁꦏꦺꦴꦮꦺ꧈​ꦠꦼꦩꦃꦲꦤ꧀ꦒꦸꦧꦼꦂꦤꦸꦂꦫꦺꦩꦉꦁꦔꦏꦺ​꧊ꦱꦶꦩꦺꦪꦺꦴꦤ꧀ꦭꦤ꧀​꧊ꦧꦺꦚꦩꦶꦤ꧀ꦧꦭꦶꦧꦉꦁꦏꦺꦴꦮꦺ꧉​ꦢꦺꦤꦺꦪꦺꦤ꧀ꦥꦚ꧀ꦕꦺꦤ꧀ꦮꦶꦱ꧀ꦏꦸꦢꦸꦤꦺꦲꦏꦸꦏꦺꦭꦁꦔꦤ꧀ꦲꦤꦏ꧀ꦲꦤꦏ꧀ꦏꦸ꧈​ꦪꦮꦶꦱ꧀ꦏꦼꦥꦿꦶꦪꦺꦩꦼꦤꦺꦃ꧉"​

^43:15 ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧊ꦪꦸꦱꦸꦥ꦳꧀ꦔ꧀ꦒꦮꦥꦶꦱꦸꦁꦱꦸꦁꦏꦁꦒꦺꦴꦒꦸꦧꦼꦂꦤꦸꦂ꧈​ꦭꦤ꧀ꦝꦸꦮꦶꦠ꧀ꦠꦶꦏꦼꦭ꧀ꦭꦺꦴꦫꦺꦴ꧈​ꦧꦚ꧀ꦗꦸꦂꦧꦸꦝꦭ꧀ꦩꦼꦚꦁ​꧊ꦩꦺꦱꦶꦂ꧈​ꦏꦫꦺꦴꦔꦗꦏ꧀​꧊ꦧꦺꦚꦩꦶꦤ꧀꧉​ꦱꦠꦼꦏꦤꦺꦲꦶꦁꦏꦤꦤꦸꦭꦶꦔꦝꦼꦥ꧀ꦒꦸꦧꦼꦂꦤꦸꦂ​꧊ꦪꦸꦱꦸꦥ꦳꧀꧉​

^43:16 ꦤꦭꦶꦏ​꧊ꦪꦸꦱꦸꦥ꦳꧀ꦮꦼꦫꦸꦃ​꧊ꦧꦺꦚꦩꦶꦤ꧀ꦠꦼꦏꦧꦼꦧꦉꦁꦔꦤ꧀ꦏꦫꦺꦴꦏꦏꦁꦏꦏꦁꦤꦺ꧈​ꦧꦚ꧀ꦗꦸꦂꦝꦮꦸꦃꦩꦫꦁꦏꦼꦥꦭꦤꦺꦫꦸꦩꦃꦠꦁꦒꦒꦸꦧꦼꦂꦤꦸꦂꦫꦤ꧀꧈​"ꦮꦺꦴꦁꦮꦺꦴꦁꦏꦲꦺꦗꦏꦼꦤ꧀ꦩꦼꦚꦁꦲꦺꦴꦩꦃꦏꦸ꧉​ꦧꦼꦭꦺꦃꦤꦲꦥꦲꦥꦭꦤ꧀ꦩꦱ꧀ꦱꦏꦼꦤ꧀꧈​ꦩꦼꦂꦒꦲꦮꦤ꧀ꦲꦶꦏꦶꦲꦉꦥ꧀ꦢꦏ꧀ꦗꦏ꧀ꦩꦁꦔꦤ꧀ꦧꦼꦧꦉꦁꦔꦤ꧀꧉"​

^43:17 ꦲꦧ꧀ꦢꦶꦩꦲꦸꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺ꧈​ꦤꦸꦭꦶꦔꦗꦏ꧀ꦮꦺꦴꦁꦮꦺꦴꦁꦩꦲꦸꦩꦼꦚꦁꦲꦺꦴꦩꦃꦲꦺ​꧊ꦪꦸꦱꦸꦥ꦳꧀꧉​

^43:18 ꦤꦭꦶꦏꦲꦉꦥ꧀ꦢꦶꦲꦗꦏ꧀ꦩꦿꦤ꧈​ꦮꦺꦴꦁꦮꦺꦴꦁꦩꦲꦸꦥꦝꦮꦼꦢꦶꦧꦔꦼꦠ꧀꧈​ꦫꦱꦤ꧀ꦤꦤ꧀ꦤꦺ꧈​"ꦲꦮꦏ꧀ꦏꦺꦝꦺꦮꦺꦥꦝꦢꦶꦒꦮꦩꦿꦺꦤꦺꦲꦶꦏꦶꦫꦏ꧀ꦩꦼꦂꦒꦝꦸꦮꦶꦠ꧀ꦱꦶꦁꦢꦶꦧꦭꦺꦏ꧀ꦏꦏꦺꦭꦤ꧀ꦢꦶꦊꦧꦺꦴꦏ꧀ꦏꦏꦺꦲꦤꦲꦶꦁꦏꦫꦸꦁꦏꦫꦸꦁꦔꦺꦝꦺꦮꦺꦏꦲꦺ꧉​ꦲꦶꦏꦶꦩꦼꦱ꧀ꦛꦶꦲꦉꦥ꧀ꦢꦶꦒꦿꦺꦴꦥꦾꦺꦴꦏ꧀꧈​ꦏꦸꦭ꧀ꦢꦶꦏꦸꦭ꧀ꦢꦶꦢꦶꦗꦸꦥꦸꦏ꧀꧈​ꦲꦮꦏ꧀ꦏꦺꦝꦺꦮꦺꦲꦉꦥ꧀ꦢꦶꦢꦢꦺꦏ꧀ꦏꦏꦺꦧꦠꦸꦂꦠꦸꦏꦺꦴꦤ꧀꧉"​

^43:19 ꦩꦸꦭꦤꦺꦧꦉꦁꦮꦶꦱ꧀ꦕꦼꦝꦏ꧀ꦏꦫꦺꦴꦲꦺꦴꦩꦃꦲꦺꦧꦚ꧀ꦗꦸꦂꦥꦝꦏꦤ꧀ꦝꦏꦫꦺꦴꦲꦧ꧀ꦢꦶꦱꦶꦁꦔꦼꦠꦼꦂꦫꦏꦺꦩꦲꦸ꧈​

^43:20 "ꦚꦸꦮꦸꦤ꧀ꦔꦥꦸꦤ꧀ꦠꦼꦤ꧀꧈​ꦥꦏ꧀꧉​ꦏꦸꦭꦩꦼꦤꦶꦏꦱꦩ꧀ꦥꦸꦤ꧀ꦤꦠꦺꦱꦩꦶꦩꦿꦶꦏꦶꦠꦸꦩ꧀ꦧꦱ꧀ꦒꦤ꧀ꦢꦸꦩ꧀꧉​

^43:21 (43:21-22)ꦤꦭꦶꦏꦮꦁꦱꦸꦭ꧀ꦱꦏꦶꦁꦔꦿꦶꦏꦶ꧈​ꦮꦺꦴꦤ꧀ꦠꦼꦤ꧀ꦲꦶꦁꦥꦼꦱꦶꦥꦼꦁꦔꦤ꧀ꦏꦸꦭꦱꦩꦶꦩ꧀ꦧꦶꦏꦏ꧀ꦏꦫꦸꦁꦏꦫꦸꦁ꧈​ꦭꦤ꧀ꦩꦁꦒꦶꦃꦲꦂꦠꦏꦸꦭꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦠꦏ꧀ꦱꦶꦃꦮꦼꦠꦃ꧈​ꦠꦼꦩꦸꦩ꧀ꦥꦁꦲꦶꦁꦔꦶꦁꦒꦶꦭ꧀ꦒꦤ꧀ꦢꦸꦩ꧀꧉​ꦏꦸꦭꦱꦩꦶꦩ꧀ꦧꦺꦴꦠꦼꦤ꧀ꦔꦼꦂꦠꦺꦴꦱ꧀ꦱꦶꦤ꧀ꦠꦼꦤ꧀ꦲꦶꦁꦏꦁꦔ꧀ꦭꦼꦧꦼꦠ꧀ꦠꦏꦼꦤ꧀ꦲꦂꦠꦮꦲꦸꦲꦶꦁꦏꦫꦸꦁꦏꦫꦸꦁꦩꦼꦤꦶꦏ꧉​ꦱꦩꦼꦤꦶꦏꦲꦂꦠꦩꦼꦤꦶꦏꦧꦝꦺꦏꦸꦭꦲꦠꦸꦂꦫꦏꦼꦤ꧀ꦮꦁꦱꦸꦭ꧀꧉​ꦏꦼꦗꦮꦶꦩꦼꦤꦶꦏꦏꦸꦭꦲꦶꦁꦒꦶꦃꦩ꧀ꦧꦼꦏ꧀ꦠꦲꦂꦠꦏꦁꦒꦺꦠꦸꦩ꧀ꦧꦱ꧀ꦒꦤ꧀ꦢꦸꦩ꧀ꦩꦭꦶꦃ꧉"​

^43:22 (43:21)

^43:23 ꦮꦁꦱꦸꦭ꧀ꦭꦤ꧀ꦤꦺꦲꦧ꧀ꦢꦶꦩꦲꦸ꧈​"ꦲꦗꦏꦸꦮꦠꦶꦂ꧉​ꦩꦼꦱ꧀ꦛꦶꦤꦺꦄꦭ꧀ꦭꦃꦱꦶꦁꦢꦶꦧꦼꦏ꧀ꦠꦺꦤ꧀ꦤꦶꦧꦥꦏ꧀ꦩꦸꦏꦸꦮꦶꦱꦶꦁꦔ꧀ꦭꦼꦧꦺꦴꦏ꧀ꦏꦏꦺꦝꦸꦮꦶꦠ꧀ꦩꦲꦸꦲꦤꦲꦶꦁꦏꦫꦸꦁꦏꦫꦸꦁꦩꦸ꧉​ꦩꦼꦂꦒꦝꦸꦮꦶꦠ꧀ꦩꦸꦠꦸꦏꦺꦴꦤ꧀ꦒꦤ꧀ꦢꦸꦩ꧀ꦧꦶꦪꦺꦤ꧀ꦮꦶꦱ꧀ꦢꦏ꧀ꦠꦩ꧀ꦥ꧉"​

^43:24 ​꧊ꦱꦶꦩꦺꦪꦺꦴꦤ꧀ꦮꦶꦱ꧀ꦢꦶꦠꦼꦂꦫꦏꦺꦲꦮꦺꦴꦂꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧈​ꦧꦚ꧀ꦗꦸꦂꦥꦝꦧꦼꦧꦉꦁꦔꦤ꧀ꦩ꧀ꦭꦼꦧꦸꦲꦶꦁꦲꦺꦴꦩꦃꦲꦺ​꧊ꦪꦸꦱꦸꦥ꦳꧀꧉​ꦲꦤꦲꦶꦁꦏꦺꦴꦤꦺꦴꦢꦶꦕꦼꦥꦏ꧀ꦏꦶꦧꦚꦸꦏꦁꦒꦺꦴꦮꦶꦱꦸꦃꦱꦶꦏꦶꦭ꧀꧈​ꦭꦤ꧀ꦥꦔꦤ꧀ꦏꦁꦒꦺꦴꦏꦸꦭ꧀ꦢꦶꦏꦸꦭ꧀ꦢꦶꦤꦺ꧉​

^43:25 ꦱꦮꦶꦱ꧀ꦱꦺꦏꦸꦮꦶꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦚꦮꦶꦱ꧀ꦱꦏꦺꦧꦫꦁꦧꦫꦁꦱꦶꦁꦲꦉꦥ꧀ꦢꦶꦱꦲꦺꦴꦱ꧀ꦱꦏꦺꦩꦫꦁꦒꦸꦧꦼꦂꦤꦸꦂ꧈​ꦱꦶꦁꦲꦉꦥ꧀ꦫꦮꦸꦃꦮꦼꦏ꧀ꦠꦸꦏꦸꦮꦶ꧉​ꦱꦢꦸꦫꦸꦁꦔꦺꦮꦶꦱ꧀ꦥꦝꦢꦶꦮꦺꦤꦺꦃꦲꦶꦮꦼꦫꦸꦃ꧈​ꦪꦺꦤ꧀ꦲꦉꦥ꧀ꦢꦶꦲꦗꦏ꧀ꦩꦁꦔꦤ꧀ꦧꦼꦧꦉꦁꦔꦤ꧀ꦏꦫꦺꦴꦒꦸꦧꦼꦂꦤꦸꦂ꧉​

^43:26 ꦧꦉꦁ​꧊ꦪꦸꦱꦸꦥ꦳꧀ꦠꦼꦏ꧈​ꦥꦶꦱꦸꦁꦱꦸꦁꦩꦲꦸꦥꦝꦢꦶꦒꦮꦩ꧀ꦭꦼꦧꦸꦭꦤ꧀ꦢꦶꦱꦲꦺꦴꦱ꧀ꦱꦏꦺ​꧊ꦪꦸꦱꦸꦥ꦳꧀ꦏꦫꦺꦴꦱꦸꦗꦸꦢ꧀ꦭꦤ꧀ꦚꦼꦩ꧀ꦧꦃ꧉​

^43:27 ​꧊ꦪꦸꦱꦸꦥ꦳꧀ꦥꦶꦠꦏꦺꦴꦤ꧀ꦧꦧ꧀ꦏꦼꦱ꧀ꦭꦩꦼꦠ꧀ꦠꦤ꧀ꦤꦺꦮꦺꦴꦁꦮꦺꦴꦁꦩꦲꦸ꧈​ꦧꦚ꧀ꦗꦸꦂꦏꦤ꧀ꦝ꧈​"ꦏꦺꦴꦮꦺꦠꦲꦸꦥꦝꦕꦿꦶꦠꦧꦧ꧀ꦧꦥꦏ꧀ꦩꦸꦱꦶꦁꦮꦶꦱ꧀ꦠꦸꦮꦏꦲꦺ꧉​ꦥꦿꦶꦪꦺꦏꦧꦂꦫꦺ?ꦲꦥꦲꦶꦱꦶꦃꦱꦸꦒꦼꦁ?"

^43:28 ꦮꦁꦱꦸꦭ꧀ꦭꦤ꧀ꦤꦺ꧈​"ꦲꦶꦁꦒꦶꦃ꧈​ꦏꦁꦲꦧ꧀ꦢꦶꦧꦥꦏ꧀ꦏꦸꦭꦠꦏ꧀ꦱꦶꦃꦒꦼꦱꦁ꧈​ꦲꦶꦁꦒꦶꦃꦧꦒꦱ꧀ꦏꦼꦱꦫꦱ꧀ꦱꦤ꧀꧈​ꦩ꧀ꦧꦺꦴꦠꦼꦤ꧀ꦏꦼꦏꦶꦫꦁꦔꦤ꧀ꦱꦼꦠꦸꦁꦒꦭ꧀ꦩꦼꦤꦥ꧉"​ꦧꦚ꧀ꦗꦸꦂꦥꦝꦚꦼꦩ꧀ꦧꦃ꧉​

^43:29 ꦏꦫꦺꦴꦚꦮꦁ​꧊ꦧꦺꦚꦩꦶꦤ꧀꧈​​꧊ꦪꦸꦱꦸꦥ꦳꧀ꦠꦏꦺꦴꦤ꧀꧈​"ꦲꦥꦲꦶꦏꦶꦲꦝꦶꦩꦸꦫꦒꦶꦭ꧀꧈​ꦱꦶꦁꦧꦶꦪꦺꦤ꧀ꦏꦺꦴꦏ꧀ꦏꦤ꧀ꦝꦏ꧀ꦏꦏꦺꦏꦲꦺ?ꦩꦸꦒꦩꦸꦒꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦼꦂꦏꦃꦲꦶꦏꦺꦴꦮꦺ꧈​ꦲꦼꦁꦒꦺꦂ!"

^43:30 ꦏꦫꦺꦴꦤ꧀ꦢꦼꦊꦁꦔꦏꦺꦲꦝꦶꦤꦺ꧈​ꦲꦠꦶꦤꦺ​꧊ꦪꦸꦱꦸꦥ꦳꧀ꦠꦽꦚꦸꦃꦧꦔꦼꦠ꧀꧉​ꦩꦺꦃꦲꦺꦴꦫꦏꦸꦮꦠ꧀ꦔꦩ꧀ꦥꦼꦠ꧀꧈​ꦩꦸꦭꦤꦺꦧꦚ꧀ꦗꦸꦂꦲꦺꦁꦒꦭ꧀ꦩꦼꦠꦸꦱꦏꦏꦺꦴꦤꦺꦴ꧈​ꦩ꧀ꦭꦼꦧꦸꦲꦶꦁꦏꦩꦂꦫꦺꦝꦺꦮꦺ꧈​ꦤꦔꦶꦱ꧀꧉​

^43:31 ꦧꦉꦁꦮꦶꦱ꧀ꦫꦲꦸꦥ꧀ꦧꦚ꧀ꦗꦸꦂꦩꦼꦠꦸꦩꦼꦤꦺꦃꦱꦏꦏꦩꦂꦫꦺ꧈​ꦲꦠꦶꦤꦺꦢꦶꦏꦸꦮꦠ꧀ꦏꦸꦮꦠ꧀ꦠꦏꦺ꧉​ꦧꦚ꧀ꦗꦸꦂꦝꦮꦸꦃꦠꦠꦝꦲꦂ꧉​

^43:32 ​꧊ꦪꦸꦱꦸꦥ꦳꧀ꦩꦺꦗꦤꦺꦝꦺꦮꦺ꧈​ꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦲꦶꦪꦲꦤꦲꦶꦁꦩꦺꦗꦝꦺꦮꦺ꧈​ꦭꦤ꧀ꦮꦺꦴꦁꦮꦺꦴꦁ​꧊ꦩꦺꦱꦶꦂꦱꦶꦁꦥꦝꦩꦺꦭꦸꦩꦁꦔꦤ꧀ꦲꦶꦪꦭꦸꦁꦒꦸꦃꦲꦶꦁꦩꦺꦗꦝꦺꦮꦺ;ꦏꦸꦮꦶꦩꦼꦂꦒꦮꦺꦴꦁ​꧊ꦩꦺꦱꦶꦂꦔꦁꦒꦼꦥ꧀ꦪꦺꦤ꧀ꦮꦺꦴꦁ​꧊ꦆꦧꦿꦤꦶꦩꦺꦴꦤꦺꦴꦭꦸꦮꦶꦃꦲꦱꦺꦴꦂꦏꦼꦠꦶꦩ꧀ꦧꦁꦏꦫꦺꦴꦮꦺꦴꦁ​꧊ꦩꦺꦱꦶꦂ꧉​

^43:33 ꦩꦺꦗꦤꦺꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦲꦝꦼꦥ꧀ꦲꦝꦼꦥ꧀ꦥꦤ꧀ꦏꦫꦺꦴꦩꦺꦗꦤꦺ​꧊ꦪꦸꦱꦸꦥ꦳꧀꧉​ꦭꦸꦁꦒꦸꦃꦲꦺꦮꦺꦴꦁꦮꦺꦴꦁꦩꦲꦸꦢꦶꦠꦠꦲꦸꦫꦸꦠ꧀ꦮꦶꦮꦶꦠ꧀ꦱꦏꦱꦶꦁꦩ꧀ꦧꦉꦥ꧀ꦠꦼꦏꦤ꧀ꦱꦶꦁꦫꦒꦶꦭ꧀꧉​ꦤꦭꦶꦏꦮꦼꦫꦸꦃꦥꦽꦤꦃꦲꦺꦲꦼꦁꦒꦺꦴꦤꦺꦢꦶꦭꦸꦁꦒꦸꦃꦲꦏꦺ꧈​ꦮꦺꦴꦁꦮꦺꦴꦁꦩꦲꦸꦥꦝꦒꦸꦩꦸꦤ꧀꧉​

^43:34 ꦏꦧꦺꦃꦥꦝꦢꦶꦭꦢꦺꦤ꧀ꦤꦶꦲꦺꦴꦭꦃꦲꦺꦴꦭꦃꦲꦤ꧀ꦱꦏꦩꦺꦗꦤꦺ​꧊ꦪꦸꦱꦸꦥ꦳꧀꧈​ꦭꦤ꧀ꦧꦒꦺꦪꦤ꧀ꦤꦺ​꧊ꦧꦺꦚꦩꦶꦤ꧀ꦠꦶꦏꦼꦭ꧀ꦭꦶꦩꦤꦺꦭꦶꦪꦭꦶꦪꦤꦺ꧉​ꦏꦧꦺꦃꦥꦝꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺꦧꦼꦧꦉꦁꦔꦤ꧀ꦏꦫꦺꦴ​꧊ꦪꦸꦱꦸꦥ꦳꧀ꦔꦤ꧀ꦠꦶꦱꦮꦉꦒ꧉​