Alkitab/Wilangan/15

^15:1 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦩꦫꦁ​꧊ꦩꦸꦱ

^15:2 ꦥꦽꦤꦠꦤ꧀ꦥꦽꦤꦠꦤ꧀ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀ꦱꦶꦁꦏꦸꦢꦸꦢꦶꦭꦏꦺꦴꦤ꧀ꦤꦶꦱꦩꦱꦩꦁꦒꦺꦴꦤ꧀ꦲꦤꦲꦶꦁꦠꦤꦃ​꧊ꦏꦺꦤꦲꦤ꧀꧈​ꦩꦼꦁꦏꦺꦤꦺ:

^15:3 ꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦲꦸꦠꦮꦏꦸꦂꦧꦤ꧀ꦤꦼꦠꦼꦥ꧀ꦥꦶꦗꦚ꧀ꦗꦶꦲꦸꦠꦮꦏꦸꦂꦧꦤ꧀ꦱꦸꦏꦸꦂꦫꦤ꧀꧈​ꦲꦸꦠꦮꦏꦸꦂꦧꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦲꦶꦁꦢꦶꦤꦢꦶꦤꦫꦶꦪꦪ꧈​ꦏꦼꦥꦉꦁꦚꦲꦺꦴꦱ꧀ꦱꦏꦺ:ꦱꦥꦶꦭꦤꦁꦱꦶꦗꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦗꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦮꦢꦺꦴꦤ꧀ꦱꦶꦗꦶꦲꦸꦠꦮꦮꦼꦝꦸꦱ꧀ꦗꦮꦱꦶꦗꦶ꧉​ꦒꦤ꧀ꦢꦤꦺꦏꦸꦂꦧꦤ꧀ꦝꦲꦂꦫꦤ꧀ꦏꦸꦮꦶꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​

^15:4 (15:4-5)ꦱꦥꦱꦶꦁꦱꦲꦺꦴꦱ꧀ꦏꦸꦂꦧꦤ꧀ꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮ꧈​ꦏꦸꦢꦸꦲꦶꦪꦚꦲꦺꦴꦱ꧀ꦱꦏꦺꦧꦉꦁꦏꦫꦺꦴꦮꦼꦝꦸꦱ꧀ꦮꦼꦝꦸꦱ꧀ꦩꦲꦸꦒ꧀ꦭꦼꦥꦸꦁꦱꦏꦶꦭꦺꦴꦒꦿꦩ꧀꧈​ꦱꦶꦁꦢꦶꦱꦺꦴꦏ꧀ꦏꦶꦊꦔꦗ꦳ꦲꦶꦠꦸꦤ꧀ꦱꦭꦶꦠꦼꦂꦭꦤ꧀ꦲꦁꦒꦸꦂꦱꦭꦶꦠꦼꦂꦏꦁꦒꦺꦴꦏꦸꦂꦧꦤ꧀ꦝꦲꦂꦫꦤ꧀꧉​

^15:5 (15:4)

^15:6 ꦪꦺꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦩꦲꦸꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁ꧈​ꦏꦸꦢꦸꦲꦶꦪꦚꦲꦺꦴꦱ꧀ꦱꦏꦺꦒ꧀ꦭꦼꦥꦸꦁꦫꦺꦴꦁꦏꦶꦭꦺꦴꦒꦿꦩ꧀꧈​ꦢꦶꦲꦼꦱꦺꦴꦏ꧀ꦏꦶꦊꦔꦗ꦳ꦲꦶꦠꦸꦤ꧀ꦏꦫꦺꦴꦠꦼꦔꦃꦭꦶꦠꦼꦂ꧈​

^15:7 ꦏꦫꦺꦴꦲꦁꦒꦸꦂꦏꦫꦺꦴꦠꦼꦔꦃꦭꦶꦠꦼꦂ꧈​ꦏꦁꦒꦺꦴꦏꦸꦂꦧꦤ꧀ꦝꦲꦂꦫꦤ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​

^15:8 ꦪꦺꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦩꦲꦸꦱꦥꦶꦭꦤꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦲꦸꦠꦮꦏꦸꦂꦧꦤ꧀ꦤꦼꦠꦼꦥ꧀ꦥꦶꦗꦚ꧀ꦗꦶ꧈​ꦲꦸꦠꦮꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧈​

^15:9 ꦏꦸꦢꦸꦢꦶꦧꦉꦁꦔꦶꦠꦼꦭꦸꦁꦏꦶꦭꦺꦴꦒꦿꦩ꧀ꦒ꧀ꦭꦼꦥꦸꦁꦱꦶꦁꦢꦶꦱꦺꦴꦏ꧀ꦏꦶꦊꦔꦗ꦳ꦲꦶꦠꦸꦤ꧀ꦫꦺꦴꦁꦭꦶꦠꦼꦂ꧈​

^15:10 ꦏꦫꦺꦴꦲꦁꦒꦸꦂꦫꦺꦴꦁꦭꦶꦠꦼꦂꦏꦁꦒꦺꦴꦏꦸꦂꦧꦤ꧀ꦝꦲꦂꦫꦤ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​

^15:11 ꦲꦶꦏꦶꦏꦧꦺꦃꦱꦶꦁꦏꦸꦢꦸꦢꦶꦱꦲꦺꦴꦱ꧀ꦱꦏꦺꦧꦼꦧꦉꦁꦔꦤ꧀ꦏꦫꦺꦴꦱꦧꦼꦤ꧀ꦏꦺꦮꦤ꧀꧈​ꦪꦺꦤ꧀ꦱꦶꦁꦢꦶꦒꦮꦺꦏꦸꦂꦧꦤ꧀ꦫꦸꦥꦱꦥꦶꦭꦤꦁꦱꦶꦗꦶ꧈​ꦲꦸꦠꦮꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦮꦢꦺꦴꦤ꧀꧈​ꦲꦸꦠꦮꦮꦼꦝꦸꦱ꧀ꦗꦮ꧉​

^15:12 ꦪꦺꦤ꧀ꦱꦶꦁꦢꦶꦒꦮꦺꦏꦸꦂꦧꦤ꧀ꦩꦲꦸꦏꦺꦮꦤ꧀ꦭꦸꦮꦶꦃꦱꦏꦱꦶꦗꦶ꧈​ꦱꦼꦱꦲꦺꦴꦱ꧀ꦱꦤ꧀ꦱꦶꦁꦫꦸꦥꦒ꧀ꦭꦼꦥꦸꦁ꧈​ꦊꦔꦗ꦳ꦲꦶꦠꦸꦤ꧀ꦭꦤ꧀ꦲꦁꦒꦸꦂꦲꦶꦪꦏꦸꦢꦸꦢꦶꦭꦸꦮꦶꦃꦲꦶꦩꦶꦠꦸꦫꦸꦠ꧀ꦕꦕꦃꦲꦺꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀꧉​

^15:13 ꦲꦶꦏꦶꦥꦽꦤꦠꦤ꧀ꦱꦶꦁꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦱꦧꦼꦤ꧀ꦮꦺꦴꦁ​꧊ꦆꦱꦿꦲꦺꦭ꧀ꦱꦩꦱꦱꦲꦺꦴꦱ꧀ꦏꦸꦂꦧꦤ꧀ꦝꦲꦂꦫꦤ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​

^15:14 ꦱꦧꦼꦤ꧀ꦮꦺꦴꦁꦩꦚ꧀ꦕꦱꦶꦁꦲꦤꦲꦶꦁꦠꦼꦔꦃꦩꦸ꧈​ꦲꦶꦪꦱꦶꦁꦩꦁꦒꦺꦴꦤꦺꦩꦸꦁꦱꦮꦼꦠꦫꦩꦁꦱ꧈​ꦲꦸꦠꦮꦱꦶꦁꦱꦼꦭꦮꦱ꧀ꦱꦺ;ꦱꦩꦱꦱꦲꦺꦴꦱ꧀ꦏꦸꦂꦧꦤ꧀ꦝꦲꦂꦫꦤ꧀ꦏꦸꦢꦸꦤꦼꦠꦼꦥ꧀ꦥꦶꦥꦽꦤꦠꦤ꧀ꦩꦲꦸꦏꦧꦺꦃꦱꦸꦥꦪꦒꦤ꧀ꦢꦤꦺꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​

^15:15 (15:15-16)ꦲꦸꦏꦸꦩ꧀ꦭꦤ꧀ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦏꦺꦴꦮꦺꦭꦤ꧀ꦏꦁꦒꦺꦴꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦩꦸ꧈​ꦏꦧꦺꦃꦥꦝ꧈​ꦩꦼꦂꦒꦏꦺꦴꦮꦺꦭꦤ꧀ꦮꦺꦴꦁꦩꦚ꧀ꦕꦏꦸꦮꦶꦏꦁꦒꦺꦴꦤꦺꦄꦭ꧀ꦭꦃꦥꦝꦮꦲꦺ꧉​ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​

^15:16 (15:15)

^15:17 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦩꦫꦁ​꧊ꦩꦸꦱ

^15:18 ꦥꦽꦤꦠꦤ꧀ꦥꦽꦤꦠꦤ꧀ꦏꦁꦒꦺꦴꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦶꦁꦏꦸꦢꦸꦢꦶꦠꦼꦠꦼꦥ꧀ꦥꦶꦪꦺꦤ꧀ꦮꦶꦱ꧀ꦥꦝꦩꦁꦒꦺꦴꦤ꧀ꦲꦶꦁꦠꦤꦃꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦥꦔꦺꦫꦤ꧀꧉​

^15:19 ꦮꦸꦭꦸꦮꦼꦠꦸꦤꦶꦁꦧꦸꦩꦶꦱꦶꦁꦏꦺꦴꦏ꧀ꦲꦼꦁꦒꦺꦴꦤ꧀ꦤꦶꦏꦸꦮꦶꦱꦥꦺꦫꦁꦔꦤ꧀ꦏꦸꦢꦸꦏꦺꦴꦏ꧀ꦥꦼꦛꦶꦁꦏꦱꦲꦺꦴꦱ꧀ꦱꦏꦺꦩꦫꦁꦥꦔꦺꦫꦤ꧀꧉​

^15:20 ꦫꦺꦴꦠꦶꦏꦮꦶꦠ꧀ꦠꦤ꧀ꦱꦶꦁꦏꦺꦴꦏ꧀ꦥꦔꦤ꧀ꦱꦏꦒꦤ꧀ꦢꦸꦩ꧀ꦱꦶꦁꦏꦺꦴꦏ꧀ꦲꦼꦤꦺꦤ꧀ꦤꦶꦝꦶꦱꦶꦏ꧀ꦝꦺꦮꦺ꧈​ꦏꦸꦢꦸꦏꦺꦴꦏ꧀ꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦩꦫꦁꦥꦔꦺꦫꦤ꧀꧉​ꦕꦫꦤꦺꦏꦪꦪꦺꦤ꧀ꦏꦺꦴꦮꦺꦚꦲꦺꦴꦱ꧀ꦱꦏꦺꦒꦤ꧀ꦢꦸꦩ꧀ꦏꦮꦶꦠ꧀ꦠꦤ꧀ꦱꦶꦁꦏꦺꦴꦏ꧀ꦢꦼꦥ꧀ꦭꦺꦴꦏ꧀꧉​

^15:21 ꦫꦺꦴꦠꦶꦏꦮꦶꦠ꧀ꦠꦤ꧀ꦱꦶꦁꦏꦸꦢꦸꦏꦺꦴꦏ꧀ꦱꦲꦺꦴꦱ꧀ꦱꦏꦺꦩꦲꦸꦩ꧀ꦭꦶꦒꦶꦏꦒꦼꦩ꧀ꦥꦔꦺꦫꦤ꧀;ꦲꦶꦏꦶꦥꦽꦤꦠꦤ꧀ꦏꦁꦒꦺꦴꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​

^15:22 ꦧꦶꦱꦲꦸꦒꦩ꧀ꦧꦺꦱꦸꦏ꧀ꦲꦤꦮꦺꦴꦁꦱꦶꦁꦭꦭꦶꦤꦼꦠꦼꦥ꧀ꦥꦶꦥꦽꦤꦠꦤ꧀ꦱꦶꦁꦮꦶꦱ꧀ꦢꦶꦥꦫꦶꦁꦔꦏꦺꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦩꦸꦱ꧉​

^15:23 ꦭꦤ꧀ꦧꦶꦱꦲꦸꦒꦩ꧀ꦧꦺꦱꦸꦏ꧀ꦧꦁꦱ​꧊ꦆꦱꦿꦲꦺꦭ꧀ꦭꦭꦶꦤꦼꦠꦼꦥ꧀ꦥꦶꦱꦏꦺꦃꦲꦺꦥꦽꦤꦠꦤ꧀ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦩꦫꦁ​꧊ꦩꦸꦱꦩꦲꦸ꧉​

^15:24 ꦪꦺꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦔ꧀ꦭꦏꦺꦴꦤ꧀ꦤꦶꦏꦭꦸꦥꦸꦠ꧀ꦠꦤ꧀ꦩꦼꦂꦒꦱꦏꦲꦺꦴꦫꦔꦼꦂꦠꦶꦤꦺ꧈​ꦏꦸꦮꦶꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦫꦸꦥꦱꦥꦶꦭꦤꦁꦱꦶꦗꦶꦢꦶꦏꦤ꧀ꦛꦺꦤ꧀ꦤꦶꦏꦸꦂꦧꦤ꧀ꦝꦲꦂꦫꦤ꧀ꦭꦤ꧀ꦲꦁꦒꦸꦂꦏꦪꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧉​ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦥꦔꦺꦫꦤ꧀꧉​ꦏꦼꦗꦧꦱꦏꦏꦸꦮꦶꦲꦸꦒꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦤꦼꦧꦸꦱ꧀ꦱꦶꦁꦢꦺꦴꦱꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦗꦶ꧉​

^15:25 ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦥꦔꦿꦸꦮꦠ꧀ꦠꦶꦁꦢꦺꦴꦱꦏꦁꦒꦺꦴꦲꦸꦩꦠ꧀꧉​ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦲꦸꦩꦠ꧀ꦩꦲꦸ꧈​ꦩꦼꦂꦒꦏꦭꦸꦥꦸꦠ꧀ꦠꦤ꧀ꦤꦺꦩꦲꦸꦲꦺꦴꦫꦢꦶꦗꦫꦒ꧀꧈​ꦭꦤ꧀ꦲꦶꦪꦮꦶꦱ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦫꦸꦥꦏꦸꦂꦧꦤ꧀ꦝꦲꦂꦫꦤ꧀꧉​

^15:26 ꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃꦭꦤ꧀ꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦲꦺꦧꦏꦭ꧀ꦢꦶꦲꦥꦸꦫ꧈​ꦩꦼꦂꦒꦏꦧꦺꦃꦥꦝꦏꦠꦸꦠ꧀ꦒꦮꦺꦏꦭꦸꦥꦸꦠ꧀ꦠꦤ꧀ꦩꦲꦸ꧉​

^15:27 ꦪꦺꦤ꧀ꦮꦺꦴꦁꦔ꧀ꦭꦁꦒꦂꦥꦽꦤꦠꦤ꧀ꦠꦤ꧀ꦥꦢꦶꦗꦫꦒ꧀꧈​ꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦮꦼꦝꦸꦱ꧀ꦗꦮꦮꦢꦺꦴꦤ꧀ꦱꦶꦗꦶꦱꦶꦁꦲꦸꦩꦸꦂꦱꦼꦠꦲꦸꦤ꧀ꦏꦁꦒꦺꦴꦥꦔꦿꦸꦮꦠ꧀ꦠꦶꦁꦢꦺꦴꦱꦤꦺ꧉​

^15:28 ꦲꦶꦩꦩ꧀ꦏꦸꦢꦸꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦥꦔꦿꦸꦮꦠ꧀ꦠꦶꦁꦢꦺꦴꦱꦲꦤꦲꦶꦁꦩꦼꦱ꧀ꦧꦺꦃ꧈​ꦏꦁꦒꦺꦴꦠꦤ꧀ꦝꦪꦺꦤ꧀ꦮꦺꦴꦁꦩꦲꦸꦮꦶꦱ꧀ꦭꦸꦮꦂꦱꦏꦢꦺꦴꦱꦤꦺ;ꦒꦸꦱ꧀ꦠꦶꦄꦭ꧀ꦭꦃꦲꦶꦪꦧꦚ꧀ꦗꦸꦂꦔꦥꦸꦫ꧉​

^15:29 ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦱꦥꦮꦲꦺꦱꦶꦁꦔ꧀ꦭꦏꦺꦴꦤ꧀ꦤꦶꦢꦺꦴꦱꦠꦤ꧀ꦥꦢꦶꦗꦫꦒ꧀꧈​ꦲꦶꦪꦮꦺꦴꦁ​꧊ꦆꦱꦿꦲꦺꦭ꧀꧈​ꦲꦸꦠꦮꦮꦺꦴꦁꦩꦚ꧀ꦕꦱꦶꦁꦠꦼꦠꦼꦥ꧀ꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ꧉​

^15:30 ꦤꦁꦔꦶꦁꦪꦺꦤ꧀ꦮꦺꦴꦁ​꧊ꦆꦱꦿꦲꦺꦭ꧀ꦲꦸꦠꦮꦮꦺꦴꦁꦩꦚ꧀ꦕꦔ꧀ꦭꦏꦺꦴꦤ꧀ꦤꦶꦏꦭꦸꦥꦸꦠ꧀ꦠꦤ꧀ꦱꦿꦤꦢꦶꦗꦫꦒ꧀꧈​ꦮꦺꦴꦁꦏꦸꦮꦶꦔꦿꦺꦩꦺꦃꦲꦏꦺꦩꦫꦁꦄꦭ꧀ꦭꦃ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧈​

^15:31 ꦩꦼꦂꦒꦔ꧀ꦭꦮꦤ꧀ꦩꦫꦁꦄꦭ꧀ꦭꦃꦭꦤ꧀ꦔ꧀ꦭꦁꦒꦂꦥꦽꦤꦠꦤꦺꦄꦭ꧀ꦭꦃ꧉​ꦮꦺꦴꦁꦩꦲꦸꦩꦠꦶꦩꦼꦂꦒꦱꦭꦃꦲꦺꦝꦺꦮꦺ꧉​

^15:32 ꦤꦭꦶꦏꦮꦺꦴꦁ​꧊ꦆꦱꦿꦲꦺꦭ꧀ꦥꦝꦲꦤꦲꦶꦁꦲꦫꦲꦫꦱꦩꦸꦤ꧀꧈​ꦲꦤꦮꦺꦴꦁꦭꦤꦁꦒꦺꦴꦭꦺꦏ꧀ꦏꦪꦸꦲꦶꦁꦢꦶꦤ​꧊ꦱꦧ꧀ꦧꦠ꧀꧉​

^15:33 ꦮꦺꦴꦁꦩꦲꦸꦢꦶꦒꦮꦔꦝꦼꦥ꧀ꦩꦫꦁ​꧊ꦩꦸꦱ꧈​ꦲꦫꦸꦤ꧀ꦭꦤ꧀ꦲꦸꦩꦠ꧀ꦏꦧꦺꦃ꧈​

^15:34 ꦭꦤ꧀ꦢꦶꦠꦲꦤ꧀ꦩꦼꦂꦒꦢꦸꦫꦸꦁꦕꦼꦛꦏꦸꦢꦸꦢꦶꦏꦥꦏ꧀ꦏꦏꦺ꧉​

^15:35 ꦥꦔꦤ꧀ꦢꦶꦏꦤꦺꦥꦔꦺꦫꦤ꧀ꦩꦫꦁ​꧊ꦩꦸꦱ꧈​"ꦮꦺꦴꦁꦏꦸꦮꦶꦏꦸꦢꦸꦢꦶꦲꦸꦏꦸꦩ꧀ꦥꦠꦶꦲꦶꦁꦱꦚ꧀ꦗꦧꦤꦺꦥꦼꦢꦺꦱꦤ꧀꧉​ꦮꦺꦴꦁꦏꦧꦺꦃꦏꦸꦢꦸꦩ꧀ꦧꦼꦤ꧀ꦠꦸꦂꦫꦶꦮꦺꦴꦁꦩꦲꦸꦔꦁꦒꦺꦴꦮꦠꦸꦔꦤ꧀ꦠꦶꦩꦠꦶ꧉"​

^15:36 ꦮꦺꦴꦁꦔꦺꦤꦸꦭꦶꦢꦶꦲꦶꦫꦶꦢ꧀ꦩꦼꦠꦸꦱꦏꦥꦼꦢꦺꦱꦤ꧀ꦭꦤ꧀ꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ꧈​ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​

^15:37 ꦒꦸꦱ꧀ꦠꦶꦄꦭ꧀ꦭꦃꦥꦫꦶꦁꦝꦮꦸꦃꦩꦫꦁ​꧊ꦩꦸꦱ

^15:38 ꦱꦸꦥꦪꦩꦫꦶꦁꦔꦏꦺꦥꦽꦤꦠꦤ꧀ꦩꦫꦁꦮꦺꦴꦁ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​"ꦒꦮꦺꦪꦒꦺꦴꦩ꧀ꦧꦾꦺꦴꦏ꧀ꦲꦶꦁꦥ꧀ꦭꦶꦱꦶꦂꦫꦶꦁꦗꦸꦧꦃꦩꦸ꧈​ꦭꦤ꧀ꦱꦧꦼꦤ꧀ꦒꦺꦴꦩ꧀ꦧꦾꦺꦴꦏ꧀ꦠꦭꦺꦤ꧀ꦤꦤꦔꦁꦒꦺꦴꦠꦭꦶꦧꦶꦫꦸ꧉​ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​

^15:39 ꦒꦺꦴꦩ꧀ꦧꦾꦺꦴꦏ꧀ꦒꦺꦴꦩ꧀ꦧꦾꦺꦴꦏ꧀ꦏꦸꦮꦶꦒꦸꦤꦤꦺꦏꦁꦒꦺꦴꦔꦺꦭꦶꦁꦔꦏꦺꦏꦺꦴꦮꦺ꧉​ꦱꦧꦼꦤ꧀ꦱꦧꦼꦤ꧀ꦏꦺꦴꦮꦺꦮꦼꦫꦸꦃꦒꦺꦴꦩ꧀ꦧꦾꦺꦴꦏ꧀ꦩꦲꦸ꧈​ꦏꦺꦴꦮꦺꦧꦏꦭ꧀ꦏꦺꦭꦶꦁꦔꦤ꧀ꦩꦫꦁꦱꦏꦺꦃꦲꦺꦥꦽꦤꦠꦤ꧀ꦥꦽꦤꦠꦤ꧀ꦏꦸ꧈​ꦤꦸꦭꦶꦧꦏꦭ꧀ꦏꦺꦴꦏ꧀ꦭꦏꦺꦴꦤ꧀ꦤꦶ꧉​ꦭꦤ꧀ꦱꦿꦤꦩꦼꦁꦏꦺꦴꦤꦺꦴꦏꦺꦴꦮꦺꦧꦏꦭ꧀ꦲꦺꦴꦫꦚꦶꦁꦏꦸꦂꦩꦫꦁꦲꦏꦸꦱꦂꦠꦲꦺꦴꦫꦤꦸꦫꦸꦠ꧀ꦠꦶꦏꦉꦥ꧀ꦩꦸꦝꦺꦮꦺ꧉​

^15:40 ꦒꦺꦴꦩ꧀ꦧꦾꦺꦴꦏ꧀ꦒꦺꦴꦩ꧀ꦧꦾꦺꦴꦏ꧀ꦩꦲꦸꦧꦏꦭ꧀ꦔꦺꦭꦶꦁꦔꦏꦺꦏꦺꦴꦮꦺꦔ꧀ꦭꦏꦺꦴꦤ꧀ꦤꦶꦥꦽꦤꦠꦤ꧀ꦥꦽꦤꦠꦤ꧀ꦏꦧꦺꦃ;ꦪꦺꦤ꧀ꦔꦺꦴꦤꦺꦴꦏꦺꦴꦮꦺꦠꦼꦩꦼꦤ꧀ꦠꦼꦩꦼꦤ꧀ꦢꦢꦶꦲꦸꦩꦠ꧀ꦏꦒꦸꦁꦔꦤ꧀ꦏꦸ꧉​

^15:41 ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​ꦲꦏꦸꦱꦶꦁꦔꦶꦫꦶꦢ꧀ꦏꦺꦴꦮꦺꦩꦼꦠꦸꦱꦏꦠꦤꦃ​꧊ꦩꦺꦱꦶꦂ꧈​ꦱꦸꦥꦪꦲꦏꦸꦢꦢꦶꦲꦭ꧀ꦭꦃꦩꦸ꧉​ꦲꦏꦸꦲꦶꦏꦶꦄꦭ꧀ꦭꦃ꧉"​