Alkitab/Wilangan/6

^6:1 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦲꦶ​꧊ꦩꦸꦱ꧈​

^6:2 ꦱꦸꦥꦪꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦼꦤꦺ:ꦮꦺꦴꦁꦭꦤꦁꦲꦸꦠꦮꦮꦢꦺꦴꦤ꧀ꦱꦶꦁꦔ꧀ꦭꦲꦶꦂꦫꦏꦺꦗꦚ꧀ꦗꦶꦩꦱꦿꦃꦲꦏꦺꦲꦮꦏ꧀ꦏꦺꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃꦢꦢꦶꦤꦱꦶꦂ꧈​

^6:3 ꦲꦺꦴꦫꦏꦼꦤꦔꦺꦴꦩ꧀ꦧꦺꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦱꦶꦁꦢꦶꦒꦮꦺꦱꦏꦮꦺꦴꦃꦲꦺꦲꦁꦒꦸꦂꦭꦤ꧀ꦲꦺꦴꦫꦏꦼꦤꦩꦁꦔꦤ꧀ꦮꦺꦴꦃꦲꦁꦒꦸꦂꦲꦶꦪꦱꦶꦁꦲꦶꦱꦶꦃꦱꦼꦒꦼꦂ꧈​ꦲꦶꦪꦱꦶꦁꦢꦶꦒꦫꦶꦁꦔꦏꦺ꧉​

^6:4 ꦱꦼꦭꦮꦱ꧀ꦱꦺꦢꦢꦶꦤꦱꦶꦂꦲꦺꦴꦫꦏꦼꦤꦩꦁꦔꦤ꧀ꦱꦫꦸꦥꦤꦶꦁꦥꦔꦤ꧀ꦤꦤ꧀ꦱꦶꦁꦢꦶꦒꦮꦺꦱꦏꦲꦁꦒꦸꦂ꧈​ꦢꦢꦶꦪꦮꦶꦗꦶꦤꦺꦲꦸꦠꦮꦏꦸꦭꦶꦠ꧀ꦠꦺ꧉​

^6:5 ꦱꦼꦭꦮꦱ꧀ꦱꦺꦢꦢꦶꦤꦱꦶꦂꦮꦺꦴꦁꦩꦲꦸꦲꦺꦴꦫꦏꦼꦤꦔꦼꦛꦺꦴꦏ꧀ꦲꦸꦠꦮꦚꦸꦏꦸꦂꦫꦩ꧀ꦧꦸꦠ꧀ꦠꦺ꧈​ꦔꦤ꧀ꦠꦶꦱꦲꦼꦤ꧀ꦠꦺꦏ꧀ꦏꦺꦮꦼꦏ꧀ꦠꦸꦤꦺꦲꦼꦁꦒꦺꦴꦤꦺꦩꦱꦿꦃꦲꦏꦺꦲꦮꦏ꧀ꦏꦺꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃ꧉​ꦱꦗꦿꦺꦴꦤꦺꦮꦼꦏ꧀ꦠꦸꦩꦲꦸꦫꦩ꧀ꦧꦸꦠ꧀ꦠꦺꦭꦤ꧀ꦗꦺꦁꦒꦺꦴꦠ꧀ꦠꦺꦏꦸꦢꦸꦢꦶꦲꦶꦔꦸꦱꦼꦛꦸꦏꦸꦭ꧀ꦭꦺ꧉​

^6:6 (6:6-7)ꦫꦩ꧀ꦧꦸꦠ꧀ꦠꦺꦏꦸꦮꦶꦏꦁꦒꦺꦴꦠꦤ꧀ꦝꦪꦺꦤ꧀ꦝꦺꦮꦺꦏ꧀ꦏꦺꦩꦱꦿꦃꦲꦏꦺꦲꦮꦏ꧀ꦏꦺꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃ꧉​ꦮꦺꦴꦁꦩꦲꦸꦲꦺꦴꦫꦏꦼꦤꦤꦗꦶꦱ꧀ꦱꦏꦺꦲꦮꦏ꧀ꦏꦺ:ꦲꦺꦴꦫꦏꦼꦤꦚꦼꦝꦏ꧀ꦏꦶꦮꦺꦴꦁꦩꦠꦶ꧈​ꦱꦼꦤꦗꦤ꧀ꦭꦪꦺꦴꦤꦺꦧꦥꦏ꧀ꦤꦺ꧈​ꦲꦶꦧꦸꦤꦺꦲꦸꦠꦮꦱꦼꦢꦸꦭꦸꦂꦫꦺꦥꦶꦱꦤ꧀꧉​

^6:7 (6:6)

^6:8 ꦱꦼꦭꦮꦱ꧀ꦱꦺꦢꦢꦶꦤꦱꦶꦂꦮꦺꦴꦁꦩꦲꦸꦩꦱꦿꦃꦲꦏꦺꦲꦮꦏ꧀ꦏꦺꦩꦫꦁꦄꦭ꧀ꦭꦃ꧉​

^6:9 ꦪꦺꦤ꧀ꦫꦩ꧀ꦧꦸꦠ꧀ꦠꦺꦤꦱꦶꦂꦩꦲꦸꦢꦢꦶꦤꦗꦶꦱ꧀ꦩꦼꦂꦒꦔ꧀ꦒꦼꦥꦺꦴꦏ꧀ꦮꦺꦴꦁꦱꦶꦁꦩꦠꦶꦢꦢꦏ꧀ꦏꦤ꧀ꦲꦶꦁꦱꦤ꧀ꦝꦶꦁꦔꦺ꧈​ꦏꦸꦢꦸꦔꦼꦤ꧀ꦠꦺꦤ꧀ꦤꦶꦥꦶꦠꦸꦁꦢꦶꦤ꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦏꦸꦢꦸꦚꦸꦏꦸꦂꦫꦩ꧀ꦧꦸꦠ꧀ꦠꦺꦭꦤ꧀ꦗꦺꦁꦒꦺꦴꦠ꧀ꦠꦺ꧈​ꦱꦸꦥꦪꦢꦢꦶꦉꦱꦶꦏ꧀ꦩꦼꦤꦺꦃ꧉​

^6:10 ꦲꦶꦁꦢꦶꦤꦥꦶꦁꦮꦺꦴꦭꦸꦤꦺꦮꦺꦴꦁꦩꦲꦸꦏꦸꦢꦸꦔ꧀ꦒꦮꦥꦶꦪꦶꦏ꧀ꦢꦫꦲꦸꦠꦮꦩꦤꦸꦏ꧀ꦢꦽꦏꦸꦏꦸꦭꦺꦴꦫꦺꦴꦩꦫꦁꦲꦶꦩꦩ꧀ꦲꦶꦁꦔꦉꦥ꧀ꦥꦺꦭꦮꦁꦔꦺꦏꦺꦩꦃꦱꦸꦕꦶ꧉​

^6:11 ꦩꦤꦸꦏ꧀ꦱꦶꦁꦱꦶꦏꦶꦏꦸꦢꦸꦢꦶꦱꦲꦺꦴꦱ꧀ꦱꦏꦺꦲꦶꦩꦩ꧀ꦢꦶꦲꦼꦁꦒꦺꦴꦏꦸꦂꦧꦤ꧀ꦥꦔꦿꦶꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦢꦶꦲꦼꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦏꦁꦒꦺꦴꦔꦶꦭꦁꦔꦶꦤꦗꦶꦱ꧀ꦱꦺꦩꦼꦂꦒꦔ꧀ꦒꦼꦥꦺꦴꦏ꧀ꦭꦪꦺꦴꦤ꧀ꦩꦲꦸ꧉​ꦲꦶꦁꦢꦶꦤꦲꦶꦏꦸꦲꦸꦒꦮꦺꦴꦁꦩꦲꦸꦏꦸꦢꦸꦤꦸꦕꦺꦏ꧀ꦏꦏꦺꦫꦩ꧀ꦧꦸꦠ꧀ꦠꦺ꧈​

^6:12 ꦭꦤ꧀ꦩꦱꦿꦃꦲꦏꦺꦲꦮꦏ꧀ꦏꦺꦩꦼꦤꦺꦃꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃꦠꦼꦏꦤ꧀ꦱꦒꦤꦼꦥ꧀ꦥꦺꦢꦶꦤꦤꦺꦲꦼꦁꦒꦺꦴꦤꦺꦗꦚ꧀ꦗꦶꦢꦢꦶꦤꦱꦶꦂꦩꦲꦸ꧉​ꦮꦼꦏ꧀ꦠꦸꦱꦶꦁꦮꦶꦱ꧀ꦢꦶꦭꦏꦺꦴꦤ꧀ꦤꦶꦲꦺꦴꦫꦏꦼꦥꦺꦠꦸꦁꦩꦼꦤꦺꦃ꧈​ꦩꦼꦂꦒꦫꦩ꧀ꦧꦸꦠ꧀ꦠꦺꦮꦶꦱ꧀ꦏꦼꦤꦲꦶꦁꦤꦗꦶꦱ꧀꧉​ꦮꦺꦴꦁꦩꦲꦸꦏꦸꦢꦸꦔ꧀ꦒꦮꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦩꦸꦂꦱꦼꦠꦲꦸꦤ꧀ꦢꦶꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦝꦼꦤ꧀ꦝ꧉​

^6:13 ꦪꦺꦤ꧀ꦗꦚ꧀ꦗꦶꦤꦺꦮꦶꦱ꧀ꦫꦩ꧀ꦥꦸꦁ꧈​ꦮꦺꦴꦁꦩꦲꦸꦏꦸꦢꦸꦤꦶꦤ꧀ꦢꦏ꧀ꦏꦏꦺꦲꦸꦥꦕꦫ꧈​ꦪꦏꦸꦮꦶꦔꦝꦼꦥ꧀ꦲꦶꦁꦭꦮꦁꦔꦺꦏꦺꦩꦃꦱꦸꦕꦶ꧈​

^6:14 ꦭꦤ꧀ꦚꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦏꦺꦮꦤ꧀ꦠꦼꦭꦸꦱꦶꦁꦲꦺꦴꦫꦕꦕꦠ꧀꧈​ꦪꦏꦸꦮꦶꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦲꦸꦩꦸꦂꦱꦼꦠꦲꦸꦤ꧀ꦱꦶꦗꦶꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦮꦢꦺꦴꦤ꧀ꦲꦸꦩꦸꦂꦱꦼꦠꦲꦸꦤ꧀ꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦭꦤ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​

^6:15 ꦏꦼꦗꦧꦏꦸꦮꦶꦏꦸꦢꦸꦚꦲꦺꦴꦱ꧀ꦱꦏꦺꦫꦺꦴꦠꦶꦠꦤ꧀ꦥꦫꦒꦶꦱꦼꦮꦏꦸꦭ꧀꧈​ꦪꦏꦸꦮꦶꦫꦺꦴꦠꦶꦧꦸꦤ꧀ꦢꦼꦂꦱꦶꦁꦢꦶꦒꦮꦺꦱꦏꦒ꧀ꦭꦼꦥꦸꦁꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀꧈​ꦭꦤ꧀ꦫꦺꦴꦠꦶꦠꦶꦥꦶꦱ꧀ꦱꦶꦁꦢꦶꦭꦺꦭꦺꦠ꧀ꦠꦶꦊꦔꦗ꦳ꦲꦶꦠꦸꦤ꧀꧉​ꦏꦫꦺꦴꦩꦼꦤꦺꦃꦏꦸꦢꦸꦚꦲꦺꦴꦱ꧀ꦱꦏꦺꦒꦤ꧀ꦢꦸꦩ꧀ꦭꦤ꧀ꦲꦁꦒꦸꦂ꧉​

^6:16 ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦏꦸꦮꦶꦩꦲꦸꦏꦧꦺꦃꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦱꦂꦠꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦭꦤ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​

^6:17 ꦧꦼꦧꦉꦁꦔꦤ꧀ꦏꦫꦺꦴꦚꦲꦺꦴꦱ꧀ꦱꦏꦺꦫꦺꦴꦠꦶꦱꦼꦮꦏꦸꦭ꧀ꦩꦲꦸ꧈​ꦲꦶꦩꦩ꧀ꦲꦶꦪꦏꦸꦢꦸꦚꦲꦺꦴꦱ꧀ꦱꦏꦺꦮꦼꦝꦸꦱ꧀ꦱꦺꦒꦺꦩ꧀ꦧꦺꦭ꧀ꦭꦤꦁꦏꦁꦒꦺꦴꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​ꦲꦸꦒꦒꦤ꧀ꦢꦸꦩ꧀ꦭꦤ꧀ꦲꦁꦒꦸꦂꦩꦲꦸꦏꦸꦢꦸꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​

^6:18 ꦮꦺꦴꦁꦔꦺꦱꦶꦁꦢꦢꦶꦤꦱꦶꦂꦩꦲꦸꦏꦸꦢꦸꦚꦸꦏꦸꦂꦫꦩ꧀ꦧꦸꦠ꧀ꦠꦺꦲꦤꦲꦶꦁꦭꦮꦁꦔꦺꦏꦺꦩꦃꦱꦸꦕꦶꦭꦤ꧀ꦚꦼꦩ꧀ꦥ꧀ꦭꦸꦁꦔꦏꦺꦫꦩ꧀ꦧꦸꦠ꧀ꦠꦺꦲꦶꦁꦒꦼꦤꦶꦥꦁꦒꦺꦴꦤ꧀ꦤꦤ꧀ꦤꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦩꦲꦸ꧉​

^6:19 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ꧈​ꦱꦩꦱꦱꦩ꧀ꦥꦶꦭ꧀ꦭꦺꦮꦼꦝꦸꦱ꧀ꦭꦤꦁꦱꦶꦁꦔꦉꦥ꧀ꦮꦶꦱ꧀ꦢꦶꦲꦺꦴꦭꦃ꧈​ꦧꦚ꧀ꦗꦸꦂꦢꦶꦗꦸꦥꦸꦏ꧀ꦢꦺꦤꦶꦁꦲꦶꦩꦩ꧀꧈​ꦢꦶꦱꦺꦭꦺꦃꦲꦏꦺꦲꦶꦁꦠꦁꦒꦤꦺꦤꦱꦶꦂꦩꦲꦸ꧈​ꦏꦫꦺꦴꦫꦺꦴꦠꦶꦧꦸꦤ꧀ꦢꦼꦂꦱꦶꦗꦶꦭꦤ꧀ꦫꦺꦴꦠꦶꦠꦶꦥꦶꦱ꧀ꦱꦶꦗꦶꦱꦏꦮꦏꦸꦭ꧀ꦩꦲꦸ꧉​

^6:20 ꦲꦶꦩꦩ꧀ꦧꦚ꧀ꦗꦸꦂꦚꦲꦺꦴꦱ꧀ꦱꦏꦺꦏꦸꦮꦶꦩꦲꦸꦏꦧꦺꦃꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦏꦸꦮꦶꦏꦸꦂꦧꦤ꧀ꦱꦸꦕꦶꦱꦶꦁꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧈​ꦢꦶꦠꦩ꧀ꦧꦃꦲꦶꦝꦝꦭꦤ꧀ꦱꦩ꧀ꦥꦶꦭ꧀ꦭꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁ꧈​ꦱꦶꦁꦩꦶꦠꦸꦫꦸꦠ꧀ꦥꦽꦤꦠꦤ꧀ꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​ꦱꦮꦶꦱ꧀ꦱꦺꦫꦩ꧀ꦥꦸꦁꦏꦧꦺꦃ꧈​ꦮꦺꦴꦁꦱꦶꦁꦢꦢꦶꦤꦱꦶꦂꦩꦲꦸꦭꦒꦶꦏꦼꦤꦔꦺꦴꦩ꧀ꦧꦺꦲꦁꦒꦸꦂ꧉​

^6:21 ꦩꦼꦁꦏꦺꦴꦤꦺꦴꦩꦲꦸꦥꦽꦤꦠꦤ꧀ꦏꦁꦒꦺꦴꦮꦺꦴꦁꦱꦶꦁꦩꦱꦿꦃꦲꦏꦺꦲꦮꦏ꧀ꦏꦺꦢꦢꦶꦤꦱꦶꦂ꧉​ꦤꦁꦔꦶꦁꦪꦺꦤ꧀ꦮꦺꦴꦁꦩꦲꦸꦮꦶꦱ꧀ꦔ꧀ꦭꦲꦶꦂꦫꦏꦺꦗꦚ꧀ꦗꦶꦲꦉꦥ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦔ꧀ꦭꦸꦮꦶꦃꦲꦶꦲꦥꦩꦼꦱ꧀ꦛꦶꦤꦺ꧈​ꦗꦚ꧀ꦗꦶꦤꦺꦩꦲꦸꦏꦸꦢꦸꦢꦶꦠꦼꦠꦼꦥ꧀ꦥꦶ꧉​

^6:22 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ

^6:23 ꦱꦸꦥꦪꦏꦤ꧀ꦝꦏꦫꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦪꦺꦤ꧀ꦩ꧀ꦧꦼꦂꦏꦠ꧀ꦠꦶꦲꦸꦩꦠ꧀​꧊ꦆꦱꦿꦲꦺꦭ꧀ꦏꦸꦢꦸꦔꦁꦒꦺꦴꦠꦼꦩ꧀ꦧꦸꦁꦩꦼꦁꦏꦺꦤꦺ:

^6:24 ꦄꦭ꧀ꦭꦃꦩꦸꦒꦩꦫꦶꦁꦔꦤꦧꦼꦂꦏꦃ꧈​ꦭꦤ꧀ꦏꦺꦴꦮꦺꦥꦝꦢꦶꦉꦏ꧀ꦱꦲ꧉​

^6:25 ꦄꦭ꧀ꦭꦃꦩꦸꦒꦩꦫꦶꦁꦔꦤꦱꦫꦸꦥꦤꦶꦁꦥꦽꦏꦫꦱꦶꦁꦧꦼꦕꦶꦏ꧀꧈​ꦭꦤ꧀ꦏꦺꦴꦮꦺꦥꦝꦏꦥꦫꦶꦁꦔꦤꦱꦶꦃꦫꦃꦩꦠ꧀꧉​

^6:26 ꦄꦭ꧀ꦭꦃꦩꦸꦒꦩꦶꦂꦱꦤꦶꦏꦤ꧀ꦛꦶꦏꦮꦼꦭꦱ꧀ꦱꦤ꧀꧈​ꦭꦤ꧀ꦏꦺꦴꦮꦺꦥꦝꦏꦥꦫꦶꦁꦔꦤꦠꦼꦤ꧀ꦠꦽꦩ꧀ꦫꦲꦪꦸ꧉​

^6:27 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦪꦺꦤ꧀ꦱꦗꦿꦺꦴꦤꦺꦲꦤ꧀ꦢꦸꦩ꧀ꦧꦼꦂꦏꦃꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀ꦔꦁꦒꦺꦴꦚꦼꦧꦸꦠ꧀ꦲꦱ꧀ꦩꦏꦸ ꧈​ꦲꦏꦸꦲꦶꦪꦧꦏꦭ꧀ꦩ꧀ꦧꦼꦂꦏꦃꦲꦶꦲꦸꦩꦠ꧀ꦩꦲꦸ꧉"​