Coba

Mayangsumirat

[ 31 ]

coba

ora susah nyoba nélad wasésaning déwa

wenang milang dolanan donya

ora kudu niru wateking rata

asthabrata garan mirunggan sedya rahayu

lan ora prelu mèlu krenahing pangarsa

ngrumpaka weca theg kliwering praja

hambok nyoba nggajuli ayahaning kuli

karebèn ndhadha kareping gusti

jejering urip lan donyaning panguripan

ora rampung sawang sinawangan

aku kowé tinitah dadi pawadan

dadi pancalan

lan pangéwan-éwan

ora susah melu ngrampaka kaya krénahing wisésa

aku kowé jatahé winisésa

coba

-0-

karanggeneng, 20 agustus 1984

Djaka Lodang, No. 635 Th.XIV

Sabtu Pon, 17 Nopember 1984, kaca 35