Deskripsi Gamelan Jawa dalam Puisi
IN POÊZIE
door KO -་ MO - AN.
꧇꧃꧇ꦱꦼꦏꦂꦏꦶꦤ꧀ꦤꦟ꧀ꦛꦶ꧇꧃꧇
| ꧇꧃꧇ | ꦏꦁꦠꦶꦠꦶꦱ꧀ꦥꦤ꧀ꦤꦔꦸꦃꦲꦶꦥꦸꦤ꧀꧉ ꦫꦶꦫꦶꦃꦲꦉꦩ꧀ꦥꦼꦏ꧀ꦩꦫꦢꦶꦤ꧀꧉ (ꦉꦧꦧ꧀꧉) ꦲꦧꦼꦤ꧀ꦢꦫꦶꦔꦏꦁ꧉ ꦥꦩꦛꦼꦠ꧀ꦠꦺꦝꦺꦩ꧀ꦩꦼꦱ꧀ꦩꦛꦶꦱ꧀꧉ ꦔꦊꦊꦂꦔꦼꦱ꧀ꦮꦶꦊꦠ꧀ꦠꦶꦫ꧉ ꦭꦏꦸꦤ꧀ꦤꦺꦏꦱꦺꦴꦏ꧀ꦊꦱ꧀ꦠꦫꦶ꧉ |
| ꧇꧃꧇ | (ꦏꦼꦟ꧀ꦝꦁ)ꦠꦺꦠꦺꦃꦲꦤꦫꦸꦟ꧀ꦝꦸꦁ꧉ ꦱ꧀ꦮꦫꦤ꧀ꦤꦺꦱꦭꦶꦤ꧀ꦱꦸꦩꦭꦶꦤ꧀꧉ ꦗꦼꦗꦼꦏ꧀ꦲꦗꦼꦏ꧀ꦲꦶꦫꦩꦤ꧀ꦚ꧉ (ꦒꦼꦤ꧀ꦢꦺꦂ)ꦒꦸꦩ꧀ꦊꦟ꧀ꦝꦁꦒꦸꦩꦿꦶꦤ꧀ꦤꦶꦁ꧉ ꦚꦸꦥꦏ꧀ꦱꦸꦩꦿꦸꦮꦸꦁꦧꦸꦩ꧀ꦧꦸꦁꦚ꧉ (ꦒꦩ꧀ꦧꦁ)ꦒ꧀ꦊꦧꦼꦏ꧀ꦒꦸꦩꦭꦶꦟ꧀ꦝꦶꦁ꧉ |
| ꧇꧃꧇ | (ꦏꦼꦩ꧀ꦥꦸꦭ꧀꧉) ꦥꦶꦟ꧀ꦛꦒꦼꦩ꧀ꦩꦏ꧀ꦩꦼꦭꦸꦁ꧉ ꦢꦸꦩꦼꦭꦶꦁꦥꦁꦔꦼꦭꦶꦏ꧀꧉ (ꦱꦸꦭꦶꦁ꧉) ꦥꦼꦥꦼꦠ꧀ꦠꦸꦠꦸꦥ꧀ꦥꦤ꧀ꦤꦶꦁꦔꦿꦫꦱ꧀꧉ ꦭꦶꦂꦏꦝꦱꦶꦃꦔꦱꦶꦃꦲꦱꦶꦃ꧉ (ꦒꦼꦤ꧀ꦢꦺꦂꦥꦤ꧀ꦤꦼꦫꦸꦱ꧀)ꦥꦶꦚ꧀ꦗꦭ꧀ꦭꦤ꧀꧉ (ꦧꦺꦴꦤ꧀ꦤꦁꦒꦼꦁ)ꦥꦠꦶꦁꦠꦊꦤ꧀ꦤꦶꦁ꧉ |
| ꧇꧃꧇ | ꦲꦶꦧꦭ꧀ꦭꦤ꧀(ꦧꦺꦴꦤ꧀ꦤꦁꦥꦤ꧀ꦤꦼꦫꦸꦱ꧀)꧉ ꦫꦶꦤ꧀ꦤꦫꦱ꧀ꦫꦶꦤ꧀ꦤꦕꦶꦏ꧀ꦫꦕꦶꦏ꧀꧉ (ꦏꦼꦩ꧀ꦩꦺꦴꦁ)ꦠꦤ꧀ꦩꦁꦒꦺꦴꦤ꧀ꦲꦶꦁꦱꦼꦭ꧀ꦭ꧉ (ꦱꦊꦟ꧀ꦛꦼꦩ꧀)ꦈꦊꦩ꧀ꦔꦭꦺꦧ꧀ꦧꦶ꧉ (ꦢꦼꦩ꧀ꦩꦸꦁ)ꦢꦸꦩꦸꦤꦸꦁꦲꦶꦫꦩ꧉ ꦩꦁꦔꦸꦁꦏꦸꦁꦕꦶꦁꦏꦺꦴꦏ꧀ꦭꦸꦤꦶꦂꦫꦶ꧉ [ 2 ] |
| ꧇꧃꧇ | (ꦱꦫꦺꦴꦤ꧀ꦧꦂꦫꦁ)ꦩꦚ꧀ꦕꦼꦂ(ꦧꦂꦫꦸꦁ)꧉ (ꦱꦫꦺꦴꦤ꧀ꦥꦤ꧀ꦤꦼꦫꦸꦱ꧀)ꦏꦸꦩꦿꦶꦕꦶꦏ꧀꧉ ꦕꦶꦤ꧀ꦤꦕꦃꦕꦺꦴꦕꦺꦴꦏ꧀ꦲꦶꦫꦩ꧉ (ꦒꦩ꧀ꦧꦁꦒꦺꦴꦁꦱ)ꦕꦸꦩꦊꦁꦏ꧀ꦭꦶꦁ꧉ (ꦏꦠꦶꦥꦸꦁ)ꦤꦼꦥꦸꦁꦔꦶꦥꦺꦠꦁ꧉ (ꦏꦼꦕꦺꦂ)ꦔꦺꦕꦺꦂꦩꦮꦺꦴꦂꦒꦼꦤ꧀ꦝꦶꦁ꧉ |
| ꧇꧃꧇ | (ꦱꦸꦮꦸꦏ꧀ꦏꦤ꧀)ꦒꦼꦂꦫꦸꦱ꧀ꦲꦧꦲꦸꦁ꧉ (ꦕꦊꦩ꧀ꦥꦸꦁ)ꦲꦸꦩꦾꦸꦁꦔꦼꦩ꧀ꦥꦾꦸꦁꦔꦶ꧉ ꦱꦼꦛꦤ꧀ꦤꦺꦭꦩꦸꦤ꧀ꦥꦿꦶꦪꦺꦴꦁꦒ꧉ ꦕꦶꦤ꧀ꦤꦺꦴꦫꦏ꧀ꦕꦫꦸꦏ꧀ꦏꦸꦩꦼꦚ꧀ꦕꦿꦶꦁ꧉ (ꦏꦼꦩ꧀ꦩꦤ꧀ꦤꦏ꧀)ꦔꦺꦤ꧀ꦤꦏ꧀ꦏꦶꦤꦭ꧉ ꦭꦶꦂꦮꦭꦁꦲꦁꦏꦸꦥ꧀ꦩꦼꦂꦥꦼꦏ꧀ꦏꦶ꧉ |
| ꧇꧃꧇ | (ꦒꦺꦴꦁ)ꦗꦸꦩꦼꦒ꧀ꦭꦸꦒ꧀ꦩꦤ꧀ꦢꦸꦭ꧀ꦩꦤ꧀ꦢꦸꦭ꧀꧉ ꦒꦸꦩꦸꦭꦸꦔꦺꦴꦧꦏ꧀ꦏꦶꦁꦮꦫꦶꦃ꧉ (ꦏꦼꦤ꧀ꦤꦺꦴꦁ)ꦒꦭꦺꦴꦁꦒꦼꦒꦺꦴꦭꦺꦴꦁꦔꦤ꧀꧉ ꦱꦼꦂꦉꦁꦔꦺꦔꦭꦁꦔꦸꦠ꧀ꦠꦼꦧꦶꦃ꧉ (ꦏꦼꦛꦸꦏ꧀)ꦩꦟ꧀ꦛꦸꦏ꧀ꦲꦶꦁꦛꦸꦛꦸꦏ꧀ꦏꦤ꧀꧉ (ꦏꦼꦩ꧀ꦥꦾꦁ)ꦩꦼꦚ꧀ꦕꦶꦭ꧀ꦒꦭꦶꦏ꧀ꦒꦭꦶꦏ꧀꧉ |
Djokja, 15 Maart 1897.
kang titis pananguhipun. ririh arêmpêk maradin. (rêbab.) abênda ringakang. pamathête dhemês mathis. ngalêlêr ngêswilêtira. lakune kasok lêstari.
(kêṇdhang) teteh ana ruṇdhung. swarane salin-sumalin. jêjêk-ajêk iramannya. (gênder) gumlêṇdhang gumrining. nyupak sumruwung bumbungnya. (gambang) glêbêk gumaliṇdhing.
(kêmpul.) piṇthagêm makmêlung. dumêling pangêlik. (suling.) pêpêt tutupaning ngraras. lir kadhasih ngasih-asih. (gênder panêrus) pinjalan. (bonang gêng) pating talêning.
ibalan (bonang panêrus). rinaras rina cik-racik. (kêmong) tan manggon ing sêla. (salêṇthêm) ulêm ngalebi. (dêmung) dumunung irama. mangungkung cingkok ngugêri.
(saron barang) mancêr (barung). (saron panêrus) kumricik. cinacah cocok irama. (gambang gangsa) cumalêngkling. (katipung) nêpungi petang. (kêcer) ngecer mawor gêndhing.
(suwukan) gêrus abaung. (calêmpung) umyung-ngêmpyungi. sêthane lamun priyangga. cinorak-caruk kumêncring. (kêmanak) ngenak kinala. lirwalang angkup mêrpêki.
(gong) jumêglug mandul-mandul. gumulung gobaking warih. (kênong) galong-gêgolongan. sêrênge ngalangu têbih. (kêthuk) maṇthuk ing thuthukan. (kêmpyang) mêncil galik-galik.
Djokja, 15 Maart 1897.