ꦮꦸꦃꦲꦤ꧀ꦲꦤ꧀ꦢꦺꦏꦺꦏ꧀ꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦱꦔꦶꦁꦒꦶꦭ꧀ꦭꦶꦁꦩꦺꦗ꧈ꦱꦂꦠꦭ
ꦗꦼꦁꦝꦮꦸꦃꦣꦸꦩꦠꦼꦁꦲꦶꦁꦏꦁꦒꦂꦮ꧈ꦏꦣꦮꦸꦃꦲꦤ꧀ꦲꦚꦼꦥꦏ꧀ꦲꦏꦼꦤ꧀ꦒꦼꦭ
ꦱ꧀ꦲꦭꦶꦠ꧀ꦠꦶꦒ꧈ꦠꦸꦥꦶꦤ꧀ꦏꦣꦮꦸꦃꦲꦤ꧀ꦲꦔꦿꦸꦏ꧀ꦠꦶꦥꦶꦱꦼꦒꦃꦏꦢꦺꦴꦱ꧀ꦲ
ꦢꦠ꧀ ꦱꦫꦺꦃꦤꦶꦁꦥꦸꦤꦶꦏꦩꦁꦏꦺꦲꦁꦒꦺꦤ꧀ꦤꦶꦥꦸꦤ꧀ꦱꦩꦶꦊꦊꦒꦃꦲꦤ꧀ꦧ
ꦣꦺꦢꦔꦸ꧈ ꦲꦩꦶꦭꦏꦣꦮꦸꦃꦲꦤ꧀ꦲꦚꦼꦒꦃꦣꦲꦂ꧈ ꦤꦔꦶꦁꦕꦼꦏꦥ꧀ꦏ
ꦱꦼꦏꦸꦭ꧀ꦭꦏꦼꦤ꧀ꦭꦶꦮꦼꦠ꧀ꦏꦺꦩꦮꦺꦴꦤ꧀ꦲꦸꦭꦩ꧀ꦩꦶꦥꦸꦤ꧀ꦱꦮꦸꦁꦏꦧꦶꦫꦶ꧈ ꦲꦩꦶ
ꦭꦶꦃꦲꦲꦶꦁꦏꦁꦱꦩ꧀ꦥꦸꦤ꧀ꦫꦒꦶꦲꦁꦒꦗꦶꦃ꧉ ꦢꦺꦫꦺꦁꦔꦤꦺꦴꦱ꧀ꦢꦸꦩꦸꦒꦶꦲꦁ
ꦒꦺꦤ꧀ꦤꦶꦥꦸꦤ꧀ꦲꦣꦮꦸꦃꦣꦮꦸꦃꦣꦸꦩꦠꦼꦁꦲꦶꦁꦏꦁꦫꦪꦶ꧈ ꦗꦼꦮꦸꦭ꧀ꦗꦼꦣꦸꦭ꧀
ꦏꦠꦸꦁꦏꦫꦮꦸꦃꦲꦶꦥꦸꦤ꧀ꦠꦸꦮꦤ꧀ꦥꦺꦢꦿꦶꦏ꧀ꦮꦶꦤ꧀ꦠꦼꦂ꧈ ꦏꦭꦶꦪꦤ꧀ꦫꦢꦺꦤ꧀ꦩꦱ꧀ꦲꦂ
ꦪꦒꦺꦴꦤ꧀ꦢꦏꦸꦯꦸꦩ꧈ ꦫꦢꦺꦤ꧀ꦔꦧꦺꦲꦶꦫꦺꦴꦁꦒꦮꦂꦰꦶꦠꦲꦩꦶꦥꦒ꧀ꦒ
ꦏꦼꦤ꧀ꦏꦭꦪꦤ꧀ꦥꦣꦁꦔꦶꦁꦥꦱꦸꦂꦪꦤ꧀ꦠꦸꦮꦶꦤ꧀ꦱꦏꦭꦁꦏꦸꦁꦲꦤꦫꦒ꧈ ꦭꦗꦼꦁ
ꦱꦩꦶꦢꦶꦥꦸꦤ꧀ꦲꦚ꧀ꦕꦫꦤ꧀ꦤꦶꦊꦁꦒꦃꦲꦶꦁꦏꦸꦂꦰꦶ꧈ꦠꦸꦮꦤ꧀ꦥꦺꦢꦿꦶꦏ꧀ꦮꦶꦤ꧀ꦠꦼꦂꦱꦢꦺ
ꦫꦺꦁꦔꦶꦥꦸꦤ꧀ꦭꦼꦁꦒꦃ꧈ ꦩꦮꦶꦲꦔꦶꦭꦶꦁꦲꦶꦭꦶꦁꦔꦶꦏꦸꦂꦱꦶꦲꦶꦁꦏꦁꦧꦣꦺꦢꦶꦥꦸꦤ꧀ꦊꦁ
ꦒꦃꦲꦶꦮꦲꦸ꧈ ꦏꦭꦶꦪꦤ꧀ꦩꦠꦸꦂ꧈ ꦏꦸꦂꦱꦶꦥꦸꦤꦶꦏꦥꦸꦤ꧀ꦝꦸꦠ꧀ꦠꦤ꧀ꦱꦏꦶꦁꦥꦸꦤ꧀ꦢꦶ꧈
ꦢꦺꦤꦺꦱꦲꦺꦠꦼꦩꦼꦤ꧀ ꦒꦒꦿꦒ꧀ꦒꦶꦥꦸꦤ꧀ꦲꦚꦂ꧈ ꦮꦼꦂꦤꦶꦤꦶꦥꦸꦤ꧀ꦧꦒꦸꦱ꧀
ꦲꦺꦩ꧀ꦥꦼꦂꦫꦶꦥꦸꦤ꧀ꦏꦢꦺꦴꦱ꧀ꦢꦥꦼꦭ꧀ꦭꦤ꧀ꦠꦸꦏꦁꦮꦭꦤ꧀ꦢꦶ꧈ ꦩꦶꦫꦶꦠ꧀ꦱꦲꦺꦤꦶꦁꦒ
ꦫꦥ꧀ꦥꦤ꧀ꦤꦶꦥꦸꦤ꧀ ꦏꦢꦺꦴꦱ꧀ꦮꦼꦢꦭ꧀ꦭꦤ꧀ꦱꦏꦶꦁꦱꦩꦫꦁ꧈ ꦫꦢꦺꦤ꧀ꦔꦧꦺꦲꦶ
ꦫꦺꦴꦁꦒꦮꦂꦰꦶꦠꦩꦠꦸꦂꦏꦭꦶꦪꦤ꧀ꦱꦼꦩꦸꦒꦸꦩꦸꦗꦼꦁ꧈ꦲꦁꦒꦺꦤ꧀ꦤꦶꦥꦸꦤ꧀ꦩꦁꦫꦶꦁꦔꦶ
ꦏꦁꦗꦼꦁꦠꦸꦮꦤ꧀ꦫꦺꦯꦶꦝꦺ ꦤ꧀ꦲꦺꦤ꧀ꦢꦿꦶꦏ꧀ꦩꦁꦒꦶꦭꦥꦿꦶ꧈ ꦱꦮꦼꦒ꧀ꦏꦭꦮꦲꦸꦱꦶ
ꦪꦁ꧈ ꦱꦶꦭꦏꦸꦂꦱꦶꦥꦸꦤꦶꦏꦏꦭꦶꦪꦤ꧀ꦱꦫꦶꦫꦤꦶꦥꦸꦤ꧀ ꦱꦲꦸꦥꦩꦶꦥꦔ
ꦤ꧀ꦠꦺꦤ꧀ꦩꦁꦏꦠꦼꦤ꧀ꦱꦮꦼꦒ꧀ꦥꦺꦴꦱꦃꦥꦱꦶꦃꦲꦤ꧀ ꦫꦢꦺꦤ꧀ꦩꦁꦱ꧀ꦲꦂꦪꦒꦺꦴ
ꦤ꧀ꦢꦏꦸꦯꦸꦩꦲꦚꦱ꧀ꦧꦼꦲ꧀ꦠꦶ꧈ ꦱꦺꦴꦏ꧀ꦩꦁꦏꦠꦼꦤ꧀ꦤꦤꦩꦱꦩꦶꦏꦊꦉꦱ꧀ꦱꦤ꧀ꦤꦶ ꧉
