Kaca:Bantul Sangsaya Pinunjul.pdf/251

Kaca iki wis divalidasi

076. PAIJO : Nggih sampun.., kula manut kalian Bapak kalih Ibu sakmenika. (pasrah)

ADEGAN VIII
BU KULI, BANJUR LUNGA MLEBU KAMAR, DENE PAK KULI LAN PAIJO PADHA METU TUMUJU ING KUBURAN ANAKE PAK KULI. NENG KUBURAN ANAKE PAK KULI, PAIJO MBALEKAKE KAHANANE KUBURAN KUWI SING OBRAK-ABRIKAN KUWI MAU, ING TENGAH WENGI.
077. PAIJO : Walah.. Gusti, paringana sabar.
078. PAK KULI : Cepet., kono gek diresiki. Pokoke aku ora arep ngerti kudu kaya mau kuburane anakku!! '(karo nduding kuburane anake).
079. PAIJO : Nggih, Pak. (karo ngresiki kuburane anake Pak Kuli).
080. PAK KULI : Sesuk meneh nek mlebu pekaranganne wong liya ora sak penakmu dewe ndelok sikek!!
081. PAIJO : Nggih, Pak. Kula nyuwun pangapunten.
082. PAK KULI : Ya!! (karo isih durung ikhlas). Wis rampung durung anggonmu ngresiki?
083. PAIJO : Sampun menika, Pak. Pak, kula saged nyuwun pitulungan malih?
084. PAK KULI : Pitulungan apa?
085. PAIJO : Menika sampun ndalu sanget, Pak. Menapa kula saged nderek tilem wonten ing dalemipun, Bapak?
086. PAK KULI : Ya..!! nanging sedina wae, le.
087. PAIJO : Nggih, Pak. Matur numun sanget.
088. PAK KULI : Ya. Kowe mengko turu neng kursi ruang tamu ya.
089. PAIJO : Nggih. Kalian kula ngancani kanca kula.

BENGI IKU KAHANAN WIS SEPI PADHA MAU NE MANEH AMARGA KELUARGA PAK KULI WIS RUJUK MANEH KARO PAIJO LAN PINDUL. UGA WIS ISA NGAPURAKAKE KESALAHANE PAIJO LAN PINDUL.

230

~ Bantul Sangsaya Pinunjul ~