Kaca:Kajawen 37 1927-09-15.pdf/17

ꦏ꧀ꦏꦼꦥꦺꦤꦏ꧀ꦠꦼꦩꦼꦤ꧀꧈​ꦲꦁ​ꦒꦺꦴꦤ꧀ꦤꦺ​ꦭꦱ꧀ꦭꦱ꧀ꦱꦤ꧀ꦔꦤ꧀ꦠꦶ​ꦏꦪ​ꦢꦺꦮꦶ​ꦮꦫ​ꦯꦼꦩ꧀ꦧꦢꦿ꧉​ꦧꦚ꧀ꦗꦸꦂ꧈​ꦏꦥꦿꦶꦪꦺ[6]ꦮꦁ​ꦱꦸꦭ꧀ꦭꦤ꧀ꦤꦺ​ꦠꦸꦮꦤ꧀ꦄꦫꦧ꧀꧉​

꧋ꦦꦺꦠꦿꦸꦏ꧀꧇​ꦭꦺꦴ꧈​ꦏꦸꦮꦶ​ꦩꦁ​ꦏꦺꦤꦺ꧇​ꦥꦼꦠꦸꦭ꧀꧈​ꦥꦼꦠꦸꦭ꧀꧈​ꦱꦪ​ꦩꦺꦩꦁ​ꦲꦺꦴꦫꦁ​ꦥ꦳ꦲꦶꦏ꧀꧈​ꦱꦸꦏ​ꦠꦸꦭꦸꦁ​꧈​ꦩꦲꦺꦴ​ꦥ꦳ꦶꦚ꧀ꦗꦼꦩ꧀ꦲꦥ꦳꧈​ꦥ꦳ꦫꦁ​꧈​ꦥ꦳ꦸꦭꦸꦱ꧀꧈​ꦱꦼꦩꦸꦮ​ꦄꦝ꧉​ꦏꦿꦸꦔꦸ​ꦮꦁ​ꦱꦸꦭ꧀ꦭꦤ꧀ꦩꦁ​ꦏꦺꦴꦤꦺꦴ​ꦩꦲꦸ꧈​ꦲꦠꦶꦏꦸ​ꦫꦱꦤꦺ​ꦩꦏ꧀ꦚꦼꦱ꧀꧈​ꦲꦏꦸ​ꦧꦚ꧀ꦗꦸꦂ​ꦥꦶꦠꦏꦺꦴꦤ꧀꧇​ꦎꦥꦩꦚ​ꦥꦶꦚ꧀ꦗꦼꦩ꧀ 100 ꦫꦸꦥꦶꦪꦃ꧈​ꦲꦥ​ꦧꦺꦴꦭꦶꦃ꧈​ꦝꦤ꧀ꦧꦒꦶꦩꦤꦃ​ꦥꦩ꧀ꦧꦪꦂꦫꦤꦺ꧉​ꦮꦁ​ꦱꦸꦭ꧀ꦭꦤ꧀ꦤꦺ​ꦠꦸꦮꦤ꧀ꦄꦫꦧ꧀꧇​ꦥ꦳ꦺꦴꦭꦶꦃ꧈​ꦥ꦳ꦺꦴꦭꦶꦃ꧈​ꦥ꦳ꦼꦩ꧀ꦧꦪꦂꦫꦤ꧀ꦓꦥ꦳ꦁ​꧈​ꦥ꦳ꦺꦴꦭꦶꦃ​ꦥ꦳ꦪꦂ​ 10 ꦏꦭꦶ꧈​ꦱꦼꦥ꦳ꦸꦭꦤ꧀ꦤ f 12.50.

꧋ꦓꦫꦺꦁ​꧇​ꦢꦢꦶ​ꦕꦼꦛꦤꦺ​ꦏꦸꦮꦶ꧈​ꦏꦺꦴꦮꦺ​ꦲꦸꦠꦁ​ f 100 ꦲꦁ​ꦒꦺꦴꦤ꧀ꦤꦺ​ꦲꦩ꧀ꦧꦭꦺꦏ꧀ꦲꦏꦺ f 125 ꦏ꧀ꦭꦼꦧꦸꦤꦺ​ꦲꦶꦪ​ꦲꦺꦴꦫ​ꦥꦠꦶ​ꦲꦧꦺꦴꦠ꧀꧉​

꧋ꦦꦺꦠꦿꦸꦏ꧀꧇​ꦩꦼꦁ​ꦏꦺꦴꦱꦶꦏ꧀ꦫꦸꦔꦺꦴꦏ꧀ꦤ​ꦲꦗ​ꦏꦼꦱꦸꦱꦸ꧈​ꦲꦺꦴꦩꦺꦴꦁ​ꦔꦺ​ꦠꦸꦮꦤ꧀ꦄꦫꦧ꧀ꦩꦲꦸ​ꦲꦶꦱꦶꦃ​ꦲꦤ​ꦧꦸꦤ꧀ꦠꦸꦠ꧀ꦠꦺ​ꦩꦁ​ꦏꦺꦤꦺ꧇​ꦎꦫꦁ​ꦠꦶꦁ​ꦒꦭ꧀ꦫꦺꦴꦩꦃ​ꦎꦫꦁ​꧈​ꦩꦸꦱ꧀ꦠꦶ​ꦥ꦳ꦪꦂ​ꦱꦺꦮ꧈​ꦎꦫꦁ​ꦥ꦳ꦏꦺ​ꦎꦮꦁ​ꦎꦫꦁ​꧈​ꦗꦸꦒ​ꦩꦸꦱ꧀ꦠꦶ​ꦥ꦳ꦪꦂ​ꦱꦺꦮ꧈​ꦱꦥ꦳ꦼꦤ꧀ꦥ꦳ꦸꦭꦤ꧀ꦩꦸꦱ꧀ꦠꦶ​ꦥ꦳ꦪꦂ​ꦱꦺꦮ​ꦎꦮꦁ​ꦱꦪ f 12.50.

꧋ꦓꦫꦺꦁ​꧇​ꦲꦺꦩ꧀ꦧꦺꦴꦏ꧀꧈​ꦲꦼꦩ꧀ꦧꦺꦴꦏ꧀ꦏꦸꦮꦶ​ꦲꦫꦤ꧀ꦤꦺ​ꦫꦏ꧀ꦤꦼꦏꦼꦏ꧀ꦒꦸꦭꦸ​ꦠꦼꦩꦼꦤ꧀ꦤꦤ꧀꧈​ꦥꦩ꧀ꦧꦪꦂꦫꦤ꧀ꦤꦺ​ꦥꦺꦴꦏꦺꦴꦏ꧀ f 125​​꧈​ꦱꦧꦼꦤ꧀ꦱꦱꦶꦤꦺ​ꦲꦩ꧀ꦧꦪꦂ​ꦱꦺꦮꦤ꧀ f 12.50 ꦢꦢꦶ​ꦩꦤꦮ​ꦥꦚꦶꦕꦶꦭ꧀ꦩꦸ​ꦲꦗꦼꦒ꧀ꦱꦧꦼꦤ꧀ꦱꦱꦶ꧈​ꦲꦸꦠꦁ​ꦩꦸ f 100 ꦩꦲꦸ꧈​ꦏꦺꦴꦮꦺ​ꦏꦸꦢꦸ​ꦲꦩ꧀ꦧꦭꦺꦏ꧀ꦲꦏꦺ​ f 250꧉​​ꦭꦤꦺꦏ꧀ꦲꦤ​ꦱꦱꦶ​ꦱꦶꦁ​ꦭꦺꦴꦮꦺꦴꦁ​꧈​ꦲꦩꦂꦒ​ꦲꦤ​ꦲꦭꦁ​ꦔꦤ꧀ꦏꦺꦴꦮꦺ​ꦧꦚ꧀ꦗꦸꦂ​ꦲꦺꦴꦫ​ꦧꦶꦱ​ꦚꦶꦕꦶꦭ꧀꧈​ꦩꦼꦱ꧀ꦛꦶꦤꦺ​ꦱꦺꦮꦤꦺ​ꦪ​ꦠꦼꦫꦸꦱ꧀ꦧꦲꦺ꧈​ꦢꦢꦶ​ꦪꦺꦤ꧀ꦲꦺꦴꦫ​ꦏꦧꦼꦤꦼꦂꦫꦤ꧀꧈​ꦲꦸꦠꦁ f 100꧉​​ꦩꦲꦸ​ꦧꦶꦱ​ꦢꦢꦶ​ f 400꧉​​ꦲꦸꦠꦮ​ꦭꦸꦮꦶꦃ꧈​ꦏꦸꦮꦶ​ꦲꦫꦤ꧀ꦤꦺ꧇​ꦏꦺꦴꦮꦺ​ꦫꦏ꧀ꦲꦉꦥ꧀ꦢꦶꦏꦼꦭꦺꦠ꧀ꦠꦶ​ꦢꦺꦤꦶꦁ​ꦄꦫꦧ꧀ꦩꦲꦸ꧈​ꦤꦺꦏ꧀ꦲꦉꦥ꧀ꦒꦺꦴꦭꦺꦏ꧀ꦲꦸꦠꦁ​ꦔꦤ꧀ꦫꦏ꧀ꦭꦸꦮꦶꦃ​ꦧꦼꦕꦶꦏ꧀ꦚꦁ​ꦔꦼꦧꦁ​ꦔꦤ꧀ꦧꦲꦺ꧈​ꦥꦩ꧀ꦧꦪꦂꦫꦤ꧀ꦤꦺ​ꦲꦺꦤ꧀ꦛꦺꦁ​꧈​ꦲꦤꦏ꧀ꦏꦤꦺ​ꦩꦸꦁ​ꦱꦛꦶꦛꦶꦏ꧀꧉​

꧋ꦦꦺꦠꦿꦸꦏ꧀꧇​ꦩꦺꦁ​ꦏ꧀ꦭꦺꦏ꧀ꦩꦸ꧈​ꦧꦶꦱꦲ​ꦩꦱ​ꦧꦏꦭ​ꦲꦏꦸ​ꦲꦉꦥ꧀ꦱꦺꦴꦗꦃ​ꦏꦸꦮꦶ​ꦏꦫꦺꦴ​ꦠꦁ​ꦒꦏꦸ​ꦱꦶ​ꦄꦫꦧ꧀ꦏꦲꦺ꧉​ꦏꦥꦿꦶꦪꦺ​ꦲꦁ​ꦒꦺꦴꦤ꧀ꦏꦸ​ꦧꦶꦱ​ꦲꦸꦠꦁ​ꦚꦁ​ꦔꦼꦧꦁ​ꦔꦤ꧀꧈​ꦱꦶꦁ​ꦏꦁ​ꦒꦺꦴ​ꦠꦁ​ꦒꦸꦁ​ꦔꦤ꧀ꦤꦺ​ꦧꦲꦺ​ꦲꦥ꧈​ꦲꦺꦴꦩꦃ​ꦲꦺꦴꦫ​ꦢꦸꦮꦺ꧈​ꦩꦱ꧀ꦲꦶꦤ꧀ꦠꦼꦤ꧀ꦲꦺꦴꦫ​ꦏꦺꦕꦿꦺꦠ꧀꧈​ꦢꦸꦮꦺ​ꦗꦫꦶꦠ꧀ꦱꦶꦗꦶ꧈​ꦕꦺꦴꦧ​ꦠꦏ꧀ꦒꦝꦺꦏ꧀ꦲꦏꦺ​ꦩꦸꦁ​ꦢꦶꦲꦼꦚꦁ​ꦠꦼꦭꦸ​ꦠꦺꦁ​꧉​ꦢꦺꦤꦺ​ꦪꦺꦤ꧀ꦢꦸꦮꦺ​ꦧꦫꦁ​ꦱꦶꦁ​ꦏꦼꦤ​ꦏꦁ​ꦒꦺꦴ​ꦠꦁ​ꦒꦸꦁ​ꦔꦤ꧀ꦤꦺ꧈​ꦲꦺꦴꦭꦺꦃꦲꦺ​ꦝꦸꦮꦶꦠ꧀ꦲꦸꦠꦁ​ꦔꦤ꧀ꦪ​ꦱꦺꦴꦏ꧀ꦲꦺꦴꦫ​ꦗꦁ​ꦏꦼꦥ꧀꧈​ꦲꦩꦂꦒ​ꦏꦥꦼꦏ꧀ꦱ​ꦏꦸꦢꦸ​ꦔꦸꦗꦸꦂꦫꦶ​ꦩꦱ꧀ꦭꦸ....​

꧋ꦓꦫꦺꦁ​꧇​ꦮꦶꦱ꧀꧈​ꦮꦶꦱ꧀꧈​ꦏꦺꦴꦏ꧀ꦧꦚ꧀ꦗꦸꦂ​ꦏꦼꦢꦮ​ꦢꦮ꧉​ꦲꦩ꧀ꦧꦭꦺꦤ꧀ꦤꦶ​ꦮꦺꦴꦁ​ꦠꦸꦏꦁ​ꦩꦺꦴꦠꦁ​ꦔꦏꦺ​ꦝꦸꦮꦶꦠ꧀ꦠꦺ​ꦏꦁ​ꦏꦤ꧀ꦛꦶ​ꦲꦤꦏ꧀ꦏꦤ꧀ꦱꦶꦁ​ꦱꦏ꧀ꦲꦺꦴꦲꦃꦲꦺꦴꦲꦃ꧈​ꦲꦥ​ꦏꦶꦫ​ꦏꦶꦫꦤꦺ​ꦤꦒꦫ​ꦲꦺꦴꦫ​ꦧꦶꦱ​ꦔꦭꦁ​ꦲꦭꦁ​ꦔꦶ​ꦊꦭꦏꦺꦴꦤ꧀ꦏꦁ​ꦩꦁ​ꦏꦺꦴꦤꦺꦴ​ꦏꦸꦮꦶ꧉​

꧋ꦦꦺꦠꦿꦸꦏ꧀꧇​ꦭꦺꦴ​ꦫꦺꦁ​꧈​ꦲꦥ​ꦏꦺꦴꦮꦺ​ꦲꦺꦴꦫ​ꦮꦼꦫꦸꦃ꧈​ꦪꦺꦤ꧀ꦗꦩꦤ꧀ꦱꦲꦶꦏꦶ​ꦏꦶꦪꦶ​ꦢꦶꦪꦫꦤ꧀ꦤꦶ​ꦗꦩꦤ꧀ꦏꦼꦂꦠꦱ꧀꧈​ꦩꦸꦁ​ꦒꦸꦃ​ꦏꦉꦥ꧀ꦥꦺ​ꦩꦁ​ꦏꦺꦤꦺ꧇​ꦲꦥ​ꦧꦲꦺ​ꦱꦶꦁ​ꦮꦶꦱ꧀ꦏꦕꦼꦛ​ꦲꦶꦁ​ꦏꦼꦂꦠꦱ꧀ꦏꦸꦮꦶ​ꦪ​ꦮꦗꦶꦧ꧀ꦢꦶꦒꦸꦒꦸ꧈​ꦲꦸꦥꦩꦤꦺ​ꦧꦲꦺ​ꦲꦤ​ꦮꦺꦴꦁ​ꦧꦺꦴꦝꦺꦴ꧈​ꦏꦼꦱꦺꦢ꧀꧈​ꦭꦤ꧀ꦱꦥꦝꦤ꧀ꦤꦺ꧈​ꦲꦤꦔꦶꦁ​ꦢꦸꦮꦺ​ꦏꦼꦂꦠꦱ꧀ꦱꦶꦁ​ꦚꦼꦧꦸꦠ꧀ꦠꦏꦺ​ꦮꦼꦠꦺꦴꦤ꧀ꦥꦩꦸꦭꦁ​ꦔꦤ꧀꧈​ꦲ꧈​ꦧ꧈​ꦱ꧈​ꦤꦺꦏ꧀ꦒꦺꦴꦭꦺꦏ꧀ꦥꦒꦮꦺꦪꦤ꧀꧈​ꦪ​ꦧꦚ꧀ꦗꦸꦂ​ꦧꦲꦺ​ꦲꦺꦴꦭꦺꦃ​ꦧ꧀ꦭꦚ꧀ꦗ​ꦱꦛꦺꦏꦿꦸꦏ꧀꧈​ꦲꦤꦔꦶꦁ​ꦥꦶꦤ꧀ꦠꦼꦂꦫ​ꦏꦪ​ꦔꦥ꧈​ꦲꦤꦔꦶꦁ​ꦲꦺꦴꦫ​ꦢꦸꦮꦺ​ꦏꦼꦂꦠꦱ꧀ꦲꦥ​ꦲꦥ꧈​ꦪ​ꦏꦸꦢꦸ​ꦤꦿꦶꦩ​ꦢꦶꦧ꧀ꦭꦚ꧀ꦗ​ꦱꦕꦼꦥꦺꦁ​꧉​ꦏꦁ​ꦩꦁ​ꦏꦺꦴꦤꦺꦴ​ꦩꦲꦸ​ꦩꦼꦱ꧀ꦛꦶ​ꦪ​ꦢꦶꦱꦸꦩꦸꦫꦸꦥ꧀ꦥꦶ​ꦲꦶꦁ​ꦮꦺꦴꦁ​ꦠꦸꦏꦁ​ꦔꦸꦠꦁ​ꦔꦶ​ꦝꦸꦮꦶꦠ꧀꧈​ꦱꦶꦁ​ꦧꦔꦼꦠ꧀ꦏꦼꦗꦼꦩ꧀ꦩꦺ​ꦩꦲꦸ꧈​ꦲꦤ​ꦲꦶꦁ​ꦏꦼꦂꦠꦱ꧀ꦱꦺ​​ꦗꦫꦺꦤꦺ​ꦏꦸꦮꦶ​ꦢꦶꦪꦫꦤ꧀ꦤꦶ​ꦄꦱꦺꦥ꧀ꦠꦱꦶ​​ꦢꦶꦱꦼꦧꦸꦠ꧀ꦠꦏꦺ​ꦲꦸꦠꦁ​ꦔꦺ​ꦲꦤ f 250 ​ꦲꦤꦔꦶꦁ​ꦱꦶꦁ​ꦲꦸꦠꦁ​ꦠꦩ꧀ꦥꦤꦺ​ꦩꦸꦁ​