Kaca iki wis divalidasi
LAYANG KETIGA
dak kirim layang ketiga werna jingga
marang wangine kuthamu
muga bisa kok mangerteni sambate ati nela
sing ora bakal teles siniram
udan kiriman
pancen seprana-seprene pijer dadi lakon
tutwuri gremete karep sing kala-kala kudu mlaku
lumawan iline banyu
iki sambat-sebut suluk pathet sanga
sing kebacut ajur katindhes wengise crita
senajan ora duwe karep njaluk kawelasan
nanging cukup dadi tengara
yen dalan sidhatan iki
dudu pungkasan kanggo sawijining pangumbaran
Jakarta, Maret 2006
LAYANG PANANTANG
97
