Kaca iki wis divalidasi
NINTINGI TEMBUNG MANIS
wis makaping-kaping kuping iki
kok bisiki
nganggo janji manis
rinengga endahing ukara lungit
sundhul langit
nanging saben-saben rampung gawene
mung padha mbisu
kaya wong tangi turu
sing lali impene
saiki padha polaha sak karepmu
mbengoka sak rosamu
sinambi ngerek angen-angen
ing sangisore gendera lurik
pilihanmu
aku trima nyawang saka kadohan
dadi wayang simpingan
ngenteni tangane Dhalang njebol gunungan
Ponorogo, 31 Januari 2004
LAYANG PANANTANG
9
