Kaca iki wis divalidasi
- ELEGI BENGAWAN SORE
nalika ana banyak nglangi
meh kentekan ambegan
nglawan banjir ing bengawan sore
sing dikirim dening udan ketiga salah mangsa
ana tukang njala numpak gethek
nguncalake jaring
tembunge kepengin nylametake
kang nandhang kasangsayan
ah, nanging wekasane nasibe banyak
ora luwih apik tinimbang pitik potong
urip sepisan rinancang dening liyan kanggo pangewan-ewan
awit tukang njala mau butuh kurban
kanggo bancakan
Ponorogo, 6 September 2003
LAYANG PANANTANG
21
