Kaca iki wis divalidasi
PELANG
ketiga rendheng tanpa leren
ombak gumulung mecah kasepen
ngidungake langgam panguripan
sandhuwuring wedhi-wedhi pesisir
sing setya nyimpen cangkriman
jaman
pesisir pelang
papan jujugan tumrap kuntul-kuntul maneba
sing padha kulak pawarta
saka telenging samudra
senajan bumi gonjing
udan salah mangsa
kedhep srengenge ndedawa lara
nanging pelang tetep nyimpen crita
tumrap anak putu sing butuh ngreti
bedane donga lan mantra
Pangumbaran, Mei 2007
30
LAYANG PANANTANG
