Kaca iki wis divalidasi
KAYA KAPUK KUMLEYANG
kepengin rasane bisa mumbul kaya kapuk
sinentor angin
bisa kekitrang ing awang-awang
kumleyang tanpa sanggan
bisa nyalami godhong-godhong sing nate ngayomi
bisa nggrayang pang-pang sing nate dianggo
gandhulan
bisa nyimpen impen lungit sundhul langit
emane seprana seprene durung ana angin sumilir
sing kuwat njebol sikil kang kebacut mancep
ing ara-ara
bola-bali sing mampir mung wirama banjir
gawe ati kentir
campur larahan sapirang-pirang
nyesegake ambegan
Ponorogo, Maret 2005
LAYANG PANANTANG
49
