Kaca iki wis divalidasi
ING KENE AKU SUMENDHE
wekasane aku bali ngadhep
nothok kori-Mu
masrahake sawemaning sesanggan
sing wis ora kuwat pinikul pundhak
jinunjung tangan
wekasane aku bali ngadhep
ndhedher sewu pangarep-arep
ing kene
ing sangisore payung agung-Mu
aku sumendhe
merit gurit werit
nyuwun lumunturing kawelasan
muga sesuk esuk
jumedhule srengenge ing bang wetan
rinengga kidung pangruwatan
Ponorogo, Agustus 2007
LAYANG PANANTANG
51
