Kaca iki wis divalidasi
CRITA KETIGA
jroning mripatmu crita ketiga
terus ngrembaka
mulas beninge banyu bengawan
ing kono dak temokake dalan lurus
kaya rambutmu sing ireng njanges
liwat dalan lurus iku dak endhangi
thukulan geguritan sing nate dak tandur
ing impenmu
nalika udan salah mangsa
nggogrogake kembang kenanga
saiki atiku segara
ora bakal swala nampa
saben tetes luh sing ngemu crita
saka mripatmu
Ponorogo, 21 Nopember 2004
LAYANG PANANTANG
61
