Kaca iki wis divalidasi
TEMBANG PANGRUWATAN
dak oyak saben obahing kayon
mburu susuhing angin
parandene durung ana tresna kang katon
ing antarane pang-pang garing
ana ngendi disingitake ocehing jalak
sing biyen nate crita perkara janji ketiga
rikala ngumandhanging pupuh tembang pangruwatan
disenggaki bocah dolanan
sinambi adus sunar rembulan
dak oyak saben obahing kayon
mburu susuhing angin
mbokmenawa mbarengi tetesing bun-bun ketiga
ana pupus sing isih gelem trubus
gawe segere pangrasa mekare panggantha
sing sasuwene iki garing
tan sinempyok sumilire angin
Jakarta, gagat rahina 2006
72
LAYANG PANANTANG
