Kaca iki wis divalidasi
- SWARA JAGO KLURUK
swara jago kluruk miyak watese wengi lan esuk
ing sisih wetan ngegla cahya mbranang padhang
peparing-E
sanalika gawe gumregahe ati rengka
tetaunan ngliwati dina sepa kebak panggodha
swara jago kluruk mungkasi kamurkane
uler-uler serit ngrangsang tjone gegodhongan
jroning alas jati kebak wewadi
mungkasi panalangsane enthung-enthung
gumantung kelangan petung
swara jago kluruk mbabar
lumakune crita-crita anyar
jroning panggung sandhiwara tanpa layar
Ponorogo, Nopember 2008
LAYANG PANANTANG
85
