II. Maca titi
A. Wacanen kang titi!
1. Yen rinasa enake wong urip,
ora kaya aneng Balearja,
desa kang jembar tlatahe.
Wong-wonge guyup rukun,
ora ana kang watak jail.
Padha paseduluran,
lan tulung-tinulung.
Padha pethel nyambut karya,
warna-warna pandom panduming dumadi,
tan ana cecengilan.
2. Ana ingkang dadi juru tani,
ana uga ingkang nara praja,
wiraswasta lan liyane.
Kabeh sami tumungkul,
mring karyanta sawiji-wiji.
Samana ana lurah,
ngajak mbangun dhusun.
Ada-ada wiraswasta,
ingkang mungguh menggahing laladan ngriki.
Ing dhusun Balearja.
3. Kathah tiyang dereng nambut kardi,
mangka sabin sinebut tadhahan,
setaun sepisan panen.
Pak Lurah paring dhawuh,
murih rakyat anambut kardi,
nindakken wiraswasta,
kang cundhuk ing ngriku,
damel bata cara anyar,
boten mawi bahan mrambut tuwin siti,
cekap padhas lan gragal.
52
