Kaca:Mayangsumirat.pdf/34

Kaca iki wis divalidasi

katresnan


tumungkulé samangsa nampa nugrahaning suksma

awit ujubé mung sadrema nggadhuh

lan unjukna panarima samangsa nandhang duraka

awit pratandha cinaket sing masésa

nugraha lan duraka ora siwah mungguhing titah

winongwong ing jawata kinawula ing nata

mung ungalna jaja satriya jroning nantang bebener

lan tintingana ati brahmana jroning nimbang luguning adil

bebener lan adiling pangéran dudu pasulayan


-000-

karanggeneng, 15 juli 1985

Djaka Lodang, No. 711 Th. XV

Sabtu Kliwon 3 Mei 1986, kaca 35

Muryalelana ~

17