Kaca:Murkane Ibu.pdf/31

Kaca iki durung katitiwaca

“Lho ana apa Mask ok mandheg?” pitakone Diyah.

“Mengko dhisik Dhik, kok bane gliyat-gliyut ya? Wah aja-aja bane ki!” Duta medhun saka montore terus niliki ban montore.

“Wah ya aja dadi atimu Dhik, ban gembos je.” kandhane Duta.

“Haaaa? Gembos?” Diyah rada kaget.

“Iya Dhik, jan apes kok ora entek-entek ya Dhik. Piye ki Dhik?” pitakone Duta.

“Wis ngene wae Mas, mumpung isih ana wektu. Montore di- tipake wae anaing omahku, wong ya durung adoh banget, kepriye Mas?” ajake Diyah.

“Ya wis yen mangkono idemu. Aku mung manut wae.”

Dutalan Diyah banjurmlaku. Duta nuntun montore sajak sayah banget. kringete gumrobyos. Sragam sekolahe dadi teles kabeh kebak kringet Tekan omahe Diyah, montore banjur ditipake marang mbakyune Diyah. Sakwise iku, Diyah lan Duta banjurmlaku menyang sekolahan.

“Ayo rada cepet sithik mlakune Mas, selak telat ki awake dhewe. Lakune bocah sakloron dicepetake ben ora telat mlebu seko- lah.

Duta lan Diyah wis tekan ana ing sekolahane. nanging sakloron rada bingung amarga sekolahane kok wis sepi, sajake murid-murid liyane wis padha mlebu ana ing kelase dhewe-dhewe.

“Wah telat ki Mas, lha wis sepi ngene je Mas.”

“Iya Dhik, paling wis dha mlebu ana kelas ki.”

“Wah nek ngono aku dak cepet-cepetmlebu kelas Mas, mengko mundhak didukani karo Bu Guru.”

“Iya Dhik, wis gek ndang mlebu kelas kana.”

Diyah lan Duta banjur padha mlebu kelase dhewe-dhewe. Tujune ora didukani karo gurune wong ya ora suwe le telat.

Bel anaing sekolahan wis muni pratandha sekolahan wis entek jam pelajaran. Diyah nngenteni Duta. sakwise Duta teka, sakloron banjur mlaku bareng tumuju ana ngomahe Diyah. Karo mlaku Diyah kandha marang Duta.

“Mas, sampeyan ki aneh, mosok duwe montor kok ora bisa ngrumat sih? Mbuh rusak mesine, mati lampune, nggembos bane, piye to Mas?” kandhane Diyah.

“Ya jenenge wae lagi sial Dhik. Ya ana-ana wae.” semaure Duta.


22, = Antologi Crita Cekak ee