Kaca iki wis divalidasi
104
- 2. Tjetik geni arerateng tata-tata, sumbulé.Samantara kirimané wus samakta, kabehé. Ngambil sléndang Kèn Rara nuli pamitan, rénané.
- 3. Nggéndong tjeting manggul sumbul sarwi ngemban, kendiné. Gja umangkat semparèt agegantjangan, lampahé. Prapténg teba winulat kawurjan sonja, gubugé.
VI. Putjung.
- Nguwuh-uwuh: ,,Kakang nèng ngendi sirèku, djare nggaru kakang, sawahé si Randakuning, kari-kari dakgolèki nora nana"
- Nengna wau mené gantya kang winuwus, nenggih Radén Putra, ing Djenggala Sang Apandji, nudju arsa bedag-pikat amisaja.
- Mjang nenumpu mring alas gung liwang-liwung, namur brangtanira, manganti pandjanmaning Sri, nitih kuda ingiring Ki Djodèh Santa.
VII. Midjil
- Sru kapjarsa tradjanging taranggi, andegé pinargok, kumritjiking kendali linepèh, mjang plesating seséla lit-alit :,,Tik-kaletik krintjing, bug-gedebug barus”.
- Prapténg teba Dyan Pandji uméksi, ana raré wadon, kawistara éndah suwarnané, tinakonan wus sadjarwa djati, Radyan duk mijarsi, ing drija kumenjut.
- Gja tumurun mara miraketi, pagut ing patemon, Nikén Rara karenan ing tyasé, asrah djiwa mring Sang Radja-siwi, tan pantara prapti, Djaka Lodang nguwuh.
VIII. Durma.
- ,,Eh ni Rara endi pepundjunganira, suwé sun anti-anti, katuwoné sira, patemon lan wong prija, lah apa njata sirèki, wus gatuk ing tyas, tan kogel mulat téngi”.
- Katgadèng tyas Radén Putra duk mijarsa, arsa ngajat djemparing, réwanda sru modjar: ,,Babo jwa salah tjipta, ingsun dutaning Hjang Widi, dadi patjalang, memulang tuduh margi.
- Kèn Limaran pasti djatu-kramanira, trah-tumerah midjeni, djroning pitung djaman, béndjang sapungkurira dihin djaman Anderpati, Kalawisésa, nèng Padjadjaran nagri.
