Kaca iki wis divalidasi
110
alingi (nutupi) laku kang tumudju marang kasampurnaning pati.
Ajwa sira pikir = maksudé pada karo ajwa sira raos.
Terusa lumaris = terusa tumindak ngener kasampuraning pati.
Njenjadang pitulung = nenuwun marang Pangéran bisaa tinarbuka atiné bandjur gumrégah nggilut ngélmu kasampuraning pati.
Nadyan katon solan-salin warni = sandajan kadonjan iku éndah lan ora mboseni.
Jwa nganti kelimput = adja nganti peteng djiwamu kang marga ketutupan ing kadonjan iku.
III. Midjil. Pituturé Rama marang Wibisana).
Damar kraton ajwa mati-mati
sadegé kaprabon
ajwa kandeg madangi djagadé
mangka panariking réh sajekti.
ing pati-pinanggih
kautaméng Prabu.
Damar kraton (damaring pradja), maksudé : kang minangka pepadanging awak, jaiku ati lan pikiran. (Pikir itu pelita hati).
Sadegé kaprabon = salawasé madeg ratu, maksudé: salawasé urip.
Ajwa Kandeg madangi djagadé = kudu tansah ulah kabetjikan.
Mangka panariking réh sajekti = minangka pambudidaja, minangka laku.
Ing pati pinanggih kautaméng Prabu = manawa mati, njawané antuk kamuljan.
Buku-buku Suluk, sing akéh-akéh djumedulé ing djaman Islam, tuladané: I Suluk Sukarsa, Karangane Sunan Bonang. II Suluk Wudjil, karangané, Sunan Bonang. III Suluk Malang-Sumirang, karangané Sunan Panggung.
Ing ngisor iki petikané:
I. Suluk Sukarsa: Girisa
1. Sastra gumelar ing djagas, kang atuduh pangawikan, kang wruh ing tuduh sampurna, tan ana ireng lan petak. Jén sira sampun waspada, lumampaha alon-alonan, kibirira lan sumungah, udjub-loba singgahana.