5. Guru-karja. Barang karo pakartiné (afngalé) kaanggep pada watak-wilangané, kajata : mripat karo mandeng, kaanggep pada déné awatak-wilangan loro.
6. Guru-sarana. Sarana utawa piranti kaanggep pada watak wilangané, kajata : ilat karo rasa, kaanggep pada déné awatak-wilangan nenem. (Ilat iku piranti, wlawa srana kanggo ngrasakakeé)
7. Guru-darwa. Barang karo sesipatané kaanggep pada watak-wilangané, kajata : geni karo panas kaanggep pada déné awatak telu, sabab ,panas” iku darwané ,,geni”. Utawa : sing asipat panas iku geni.
8. Guru-djarwa. Tembung karo djarwane (maksude ,,djarwa rasa”) kaanggep pada watak-wilangane, kajata: retu karo gègèr, pada déné awatak-wilangan nenem.
Nagara retu = nagara ora tentrem, rusuh. Manawa nagara nganti retu, rakjaté mesti oreg, kerep obah pating bilulung kang
tembungé lija diarani ,gégér”.
Ing ngisor iki tembung-tembung kang pada dianggep nduweni watak-wilangan, kagawé tjakepan (unèn-unèn awudjud tembang). Tjakepan iku kudu kawatja urut mangisor. Saben tekan ,,padaa titik”,iku ateges tekan ing ,,wekasané gatra”.
| Tjakepan. | Tegesé tembung. | Sababé awatak samono *) |
| Djanma. | Wong. | Guru-warga karo nabi kang ateges panuntun agama. |
| nabi | Wudel, panuntun agama | Wong mung duwé wudel sidji. |
| tunggal | Sidji. | Wong mung duwé wudel sidji. |
| gusti | Gusti Allah. | Satunggal ngokoné : sidji, sawidji, éka, djuga. |
| Badan | Awak, angga | Wong mung abadan sidji. |
| rupa | Warni | Guru-dasanama karo tjandra kang ateges rupa |
| maha | Linuwih | Kang linuwih ora ana sing madani iku Gusti Allah (tjatjahé Gusti Allah mung sidji). |
*) Tjandra sangkala Ki Bratakésawa.
