III. Ḍong-ḍinging swara ing kabèh wekasané gatra kudu
runtut, jaiku nganggo purwakanṭi guru-swara.
IV. Sangarepé reritan kang diarani guritan, lumrahé nganggo bebuka "Sun nggegurit". Nanging tembungé "Sun
nggegurit" mung sidji, sanḍjan olèhé ngarang bisa uga
ngaṭi pirang-pirang guritan.
Tulaḍa :
Sun nggegurit :
- I. "Kaanan djaman saiki
- sipat pemuḍa-pemuḍi
- srawungané saja ndadi
- raket wewékané sepi
- tan kadi duk djaman nguni
- srawung sarwa ngati-ati"
- II. "Jèn manut wasitèng kuna
- prija srawung lan wanita
- gampang ketaman panggoḍa
- nerak ing laku susila
- temah darbé djeneng ala
- wasanané tibèng papa". (Pm).
3. Saguritan, tumrap tembang Matjapat diarani sapada tumrap tembang Geḍé diarani sapadéswara. (1 couplet, 1 bait).
4. Tembang kang ḍapukaning gatra-gatrané mirib dapukaning guritan, jaiku tembang Girisa (kalebu golongané tembang Geḍé). Guru-wilangané Girisa, gatra sidji karo sidjiné paḍa baé, ḍong-ḍinging swarané kabèh tiba lagnjana (legena).
5. Sawenèh guritan ana sing mung mburu purwakanṭi guru-swara baé; surasané gatra sidji karo sidjiné ora runtut, ora ana gegajutané.
Tulaḍa:
- Orak-arèk orak-arèk
tjetak geḍé djaré tekèk
paku kaju aran pantèk
gimbal katjang aran péjék
koḍok muni djaré ngorék. (Pm).
- Orak-arèk orak-arèk
6. Kabèh lelagon dolanan, sanadjan tjatjahing wandané ing gatra sidji karo sidjiné ora paḍa kèhé, lan ora kabèh ḍong-ḍinging swara ing wekasaning gatra-gatrané runtut (nganggo purwakanṭi guru-swara), lumrahé kagolongaké bangsané guritan.