nasa mak gregelatine bandjur malih dadi sedih semplah, trenjuh. Ora rinasa mripate bandjur mak brebel ngetokake luh, wusana nganti kelahir metu grenenge atine.
-- Aku mudji sukur banget ing ngarsane kang Maha Kuwasa, apa maneh jen kabar sing dak rungu mau njaya bener tenan, kowe saiki wis mukti lan kepenak uripmu, dadi sisihane wong kang mulja uripe. Idep2 aku titip anak turunku, bisa melu ngepek kamukten. Katimbang saupama dak larah bali ana tanganku. O .... Lastri Lastri kaja ngapa kagol lan nalang saning atimu, saupama,.... kowe meruhi kahananku sing wis kaja ngene iki. Saiki aku wis ora kaja sing uwis: Kiraku kowe mesti bakal pangling karo aku., senadjana adu arep pisan, aku wis tjatjad kaja... ngene iki, wis pakra tanpa rupa, --kaja ngono sambate Pak Amat.
Sapa ta sanjatane Pak Amat Djenggot mau ? Kabeh ora ana sing pada ngerti, sing ngerti Mung Pak Amat dewe. Bijen nalika isih enom ja bagus kaja pemuda sing ngganteng kae, sikile uga ora tjatjad, mangkono uga raine uga resik tanpo tjatjad. Dene saiki wis dadi wong tjatjad, ora getun, ora keduwung. Atine tansah lega lila lahir batin, ngilangake apa bae sing wis nate dialami kanti lega-lila. Malah uripe sateruse nedya leladi kanggo kaperluane masjarakat, nedya darmakake donja branane lan djiwa ragane.
Kuta Ngajodja kang wis sue dadi kuta Universitas, ra nggumunake jen bandjur dadi pundjere para mahasiswa saka ngendi-ngendi, mula Kuta Ngadjodja bandjur katelah dadi Kuta peladjar, Kuta Mahasiswa.
10
