-- Ah wong niki wau katimbang ngalamun kok nak, udane tansah tiba mawon, adjeng kesahan aras-arasen, ladjeng dolanan pijul.
Tjobi saniki dipun wiwiti Pak, kula kepengin mirengake malih, kados kala wau niku angsale mijul.
Kanggo nglegani tamune Pak Amat bandjur mijul maneh kaja dek mau, swarane nglangut nganjut-anjut, gawe ngenesing atine sing krungu. Barman karo Kirdjo nganti ndomblong njawang. Ing batin gumun banget weruh keprigelane Pak Amat anggone mijul mau, nganti deweke rumangsa kalah sakabehane.
Bareng Pak Amat wis rampung anggone mijul, botjah loro katon bungah atine.
--Boten pak, niki namung gujon lho, nanging senadjan guyon, nanging kula njuwun kanthi saestu, napa Pak Amat kersa jen kula djaluki tulung?
--Bab napa nak. Jen saged kula inggih putun jen boten saged kula inggih boten. Dos pundi ta nak?
-- Ngaten pak. Sasi ngadjeng niki, kula angsal undangan kantja kula, supados ngiringi biduanita Itjih teng Tasik. Saumpami kula njuwun bantuanipun Pak Amat tumut teng Tasik napa kersa pak?
-- Kersane adjeng mbekta kula niku dos pundi, wong kula empun tuwek kados ngaten, napa sing adjeng dipamerake?
-- Ah sampun ngaten ta pak. Senadjan bapak sampun sepuh boten dadi sebab, awit sing kula betahake
