Kaca iki wis divalidasi
49
| (20a) Denipun lagi magkya pratijña tan pangambah pawestri manawa ka ton tan rwing kalingan kajrihipun pañji | |
| (20b) Tĕmbe rakwa yen wus alabahan depun kawah pawestri gumuyu sira sang prabhū mwang sira çri prameçwari. | |
| (21a) Lah saņdikanira kaki hingsun hanurut hanging | |
| 68b/ | tan urung / ingsun darma putra hamit ṣira hěmpu marĕk mangke sira pañji sampun katur saṇdika nrĕpati suka sira Wangbhang Wideya tumuli hararaşan ta sira rehira hakenkenana mangke pangilyan. |
| (21b) Mareng Lasĕm kaka Banākşuddira kaka Jaranwirapaksa maring Mataram şira Gagakpraharan maring Pajang prasama hamit hanĕmbah mangkat mangko kang ingutus datan kawarņa heng marga kunĕng sira pañji ndatan āna hanangkil _agi hangrasa sungkawa. | |
| (22a) Lagi hangukir gĕglang kanā tiningkah lubeng lĕwih habra tinut ing nawaratna pelag-pelag āngrawit. | |
| (22b) Sore sumurup şang yang rawi haguling sira muwah wing eñjang tumuli pajĕng karyyanira çri narapati. | |
| 69a/ | (23a) /wyakti tan polahira ddinarmā putrā heriki rinaja manggala wus kinulawisuda sampun angaddĕg Inweng Kaddiri hantyanta sih marmā çri bhupati muwah sira prameçwari karyyanak-ānak olih ing ayuga hidĕp nrĕpati tinurut sakarşanira. |
| (23b) Sira nanakakĕn şire lan twan Warastraçari mangkin şayan wor polahira tan warnanĕn ingsun hucapĕn wong sangkadiri brayan ryangko hanahur sasangi marĕk mara ring Gopranawa hatur tadah tigaşan muwah wong dalĕm puri prasamā nahur pratijña. | |
| (24a) Hana hangaturi tadah lyan atur tigasān hana malih atur rawitan kusumā lyan tang burat mrik minging. | |
| 69b/ | (24b) Kang kataman şmara hakingking langsaran wastra sinung gaņda kang mrik minging hana sung kalpika rawit ning tulis. |
| (25a) Tan kawarņnaha kweh ing asasangi kunĕng teki hawyatara rong daşa dina heñjing samma rawuh kang kinonkon angruruha jarahan marĕk ing sira pañji tan pahingan kweh ing tawan jarahan putring Lasĕm lawan ing Mataram şamāpapangkas hayu rupanira. |
