— 93 —
„Ikang tan santoșa panganugraha nĩng hyang ring çarĩarnya, atilobha dahat, ambalnya mamanggih pãpa magĕng.”
Nahan tangguh i rãbinya, nda tan pamituhu manahnya, tumama ta ya ring kaḍatwan ikang mapaṇḍe mas mangaran Suwarṇãngkara. Umwwatakĕn sabhũşaṇa sang rãjaputra pĕjah ring sang Prabhu; wyakti maweh suka magöng ring hidĕpnya, jãti paramãrtha, lingnikang mũḍha. Kunang atur nikang Suwarṇãngkara ring sang Nãtha: „Patikaji umaturakĕn bhũṣaṇa kaputran çrĩ mahãrãja sang pĕjah magunungan manulup-nulup pakşĩ. Ya teki kepanggih ring sang brãhmaṇa. Tuhu kapwa sira yan abhãwa sang kriya, mĕnggĕp çãnta-buddhi makarya hala.” Mangkanãtur ikang mapaṇḍe mas.
Waya mangke mpu dang hyang madyus, ya ta kinenira sikĕpĕn sang brãhmana. Tumuluya sinikĕp de ning wadwa haji sang brãhmana. „E apeki dosa mami? Apan nghulun iki tan dosa?” Sumahur ikang manikĕp: „Nghulun tan wihikan dosa sang dwija, sinanggah makalib”. Mangkana n ling nikang wadwa haji, winawa ta sira mareng pasangkalan. Mangkana ta sirãngiḍĕp paɳca-gati-sangsãra.
Kalinganya:
Ika lĕhĕng masiha ring satwa, syapadi masiha ring nĩca, muwah hana hala ning tan mangidĕpa warah ning mitranya, bwat manĕmu duhkha.
Mangkana ta sang brãhmana, kasangkala sira dening gawening mitranira.
Mangrĕngö ikang wyãghra, yan sang brãhmana sinangkala de nikang mapaṇḍe mas; nistanya n teki satwa, pakşanya tumuta sapĕjah sang dwija, amuka paten-paten.
Mangrengö tikang wre sãhasã pakşa umareng sanghulun. Mangkin atimbun sumarasah amĕwĕh kasangsãran ni sang brãhmaṇa, paḍa mapet upãya, ikang sapakşa ......: „Yan kadi mangkana sãdhyanta, si Widyunta ngaranta”. „Mĕne yan ngulun tan polih upãya, yãwat mangkana puharanya”.
Mangkin krodha ikang sarpa, mwang wyãghara, mangrengö wuwus nikang wre. Moga pinḍĕmit ikãwak ning sarpa
