NADRA YUNIA AYUNINGTYAS
SMP Negeri 1 Moyudan
Tangis bisa dumadi saka rong prekara,
bisa marga nemu sangsara,
uga bisa marga rasa mulya,
nanging bisa saka sangsara lan mulya,
supaya ana wong peputra kang manjila,
sekolah bisa kajuwara nanging arep
nerusake ora ana srana,
kadadeane ana tangis marga mulya lan sangsara,
mulya marga anak manjila,
sangsara jalaran anak arep nerusake sekolah
ora duwe srana.
Bandha iku bisa marakake begja,
nanging uga bisa njalari cilaka,
wong madad, madon iku racake wong
duwe bandha,
nanging bandha kang njurung cilaka,
bandha ya marakake minulya, disubya-subya,
dening sedulur lan kanca,
dene wong tanpa bandha, mrana-mrene
tansah disiya-siya.
Moyudan,16 Juni 2005
Antologi Geguritan Bengkel Sastra Jawa 2005____Sekar Melathi
31
