Kaca iki wis divalidasi
GEGURITAN*)
Dening: Drs. Dhanu Priyo Prabowo, M. Hum.
Balai Bahasa Yogyakarta
*) Makalah kanggo Bengkel Sastra Jawa murid-murid SMP sa-Kabupaten Sleman, 27-30 Juni 2005.
l.Purwaka
Sastra Jawa umure wus atusan. Lan, wus atusan buku sastra Jawa sing ditulis dening para pujangga. Sastra Jawa kaperang dadi 4 babagan, yaiku (1) Sastra Jawa Kuno,(2) Sastra Jawa Tengahan, (3) Sastra Jawa Baru, lan (4) Sastra Jawa Gagrak Anyar (modern). Kejaba iku, sastra Jawa kaperang dadi 2 jinis, yaiku jinis gancaran (prosa) lan tembang/geguritan (puisi).
Miturut sejarah kasusastran Jawa, guritan iku ana loro, yaiku geguritan tradhisional lan geguritan gagrak anyar (modhern).
geguritan tradhisional, yaiku puisi sing kaiket dening paugeran-paugeran tartamtu. Paugeran-paugeran kasebut, yaiku:
- cacahing gatra era katemtokake, nanging biyasane sathithike 4 gatra;
- cacahing wanda siji lan sijine ajeg padha wilangane;
- dhong-dhinge swara ing wekasane gatra kabeh kudu runtut, kudu nganggo purwakanthi guru swara;
- ing wiwitane geguritan, biyasane dibukani nganggo tembung sun nggegurit (tegese: aku ngarang/maca geguritan); geguritan ditulis utawa dilesanake minangka pasemon (sindhiran) tumrap kaananing masarakat wektu iku. Kejaba iku, geguritan uga ngemu surasa pendhidhikan.
- Tuladha geguritan tradhisional:
- Sun nggegurit:
- I. Kaanan jaman saiki
- Sipat pemudha-pemudhi
- Srawunge saya ndadi
