Kaca:Serat Asmaralaya.pdf/13

Kaca iki durung katitiwaca


ꦏꦩꦺꦴꦠ꧀​ꦏꦁ​ꦱ꧀ꦮꦱꦤ​ꦏꦠꦸꦠ꧀꧈​​ꦏꦴꦤꦤꦺ​ꦏꦁ​ꦱꦗꦠꦶ꧈​​ꦤꦺꦁ​ꦩꦤꦶ​ꦮꦺꦴꦫꦶꦁ​ꦱꦮꦶꦪꦺꦴꦱ꧀꧉​​
ꦲꦶꦪ​ꦲꦶꦏꦸ​ꦥꦸꦂꦮꦤꦶꦁ​ꦲꦾꦁ​ꦩꦲ​ꦄꦒꦸꦁ꧈​​ꦲꦩꦂꦤꦺꦁ​ꦠꦶꦠꦃ​ꦱꦏꦭꦶꦂ꧈​​ꦱꦏꦶꦁ​ꦏꦭꦫꦠꦺ​ꦏꦺꦴꦫꦸꦠ꧀꧈​​ꦏꦼꦏꦼꦠ꧀​ꦤꦺꦁ​ꦩꦤꦶꦁꦏꦼꦩ꧀​ꦤꦸꦭꦶ꧈​​ꦏꦸꦩꦸꦭꦶꦠ꧀​ꦔꦼꦩꦸꦭꦶ​ꦏꦺꦴꦛꦺꦴꦁ꧉​​
ꦠꦤ꧀​ꦲꦤ꧀ꦠꦫ​ꦏꦁ​ꦱꦸꦮꦸꦁ​ꦤꦸꦭꦾ​ꦏꦸꦩꦼꦢꦸꦢ꧀꧈​​ꦏꦠꦸꦠ꧀​ꦏꦁ​ꦱ꧀ꦮꦱꦤ​ꦏꦺꦴꦱꦶꦏ꧀꧈​​ꦏꦱꦽꦒ꧀​ꦥꦤꦱ꧀​ꦭꦤ꧀​ꦱꦽꦥꦶꦥꦸꦤ꧀꧈​​ꦏꦸꦩꦫꦶꦔꦼꦠ꧀​ꦠꦿꦶ​ꦱꦸꦠꦺꦁꦱꦶ꧈​​ꦮꦸꦱ꧀​ꦏꦱꦠ꧀​ꦩꦠ​ꦱꦪꦼꦏ꧀ꦠꦺꦴꦱ꧀꧉​​
ꦏꦂꦱꦤꦶꦁ​ꦲꦾꦁ​ꦏꦚꦠꦴꦤ꧀​ꦢꦢꦶ​ꦮꦸꦗꦸꦢ꧀꧈​​ꦮꦸꦗꦸꦢꦶꦁ​ꦏꦁ​ꦗꦧꦁ​ꦧꦪꦶ꧈​​ꦮꦤꦺꦴꦢꦾ​ꦠꦤꦥꦶ​ꦗꦭꦸ꧈​​ꦭꦮꦤ꧀​ꦏꦁ​ꦱ꧀ꦮꦱꦤ​ꦩꦏ꧀ꦱꦶꦃ꧈​​ꦲꦤꦺꦁ​ꦗꦿꦺꦴ​ꦢꦢꦶ​ꦥꦶꦫꦤ꧀ꦠꦺꦴꦱ꧀꧉​​
ꦥꦶꦫꦤ꧀ꦠꦶꦤꦶꦁ​ꦩꦤꦸꦁꦱ​ꦏꦁ​ꦲꦭꦸꦱ꧀​ꦲꦭꦸꦱ꧀꧈​​ꦊꦱ꧀ꦠꦫꦶ​ꦩꦤꦸꦏ꧀ꦱ꧀ꦩꦺꦁ​ꦝꦶꦫꦶ꧈​​ꦲꦤꦔꦶꦁ​ꦥꦏꦂꦠꦶꦤꦶꦥꦸꦤ꧀꧈​​ꦱ꧀ꦮꦱꦤ​ꦩꦤꦸꦠ꧀​ꦥꦶꦫꦤ꧀ꦠꦶ꧈​​ꦏꦁ​ꦲꦮꦝꦒ꧀​ꦲꦸꦫꦠꦶꦁ​ꦮꦺꦴꦁ꧉​​
ꦏꦂꦱꦤꦶꦁ​ꦲꦾꦁ​ꦥꦶꦤꦺꦫꦁ​ꦢꦢꦶ​ꦠꦿꦶ​ꦗꦸꦫꦸ꧈​​ꦏꦺꦴꦕꦥ꧀​ꦲꦶꦁ​ꦲꦶꦢꦪꦠ꧀​ꦗꦠꦶ꧈​​ꦏꦥꦭ​ꦫꦤ꧀​ꦧꦺꦠꦭ꧀​ꦩꦏ꧀ꦩꦸꦂ꧈​​ꦱ꧀ꦮꦱꦤ​ꦏꦸꦩꦿꦶꦔꦼꦠ꧀​ꦢꦢꦶ꧈​​ꦠꦶꦂꦠ​ꦩꦪ​ꦤꦺꦁ​ꦗꦿꦺꦴ​ꦥꦤꦺꦴꦤ꧀꧉​​
​ꦲꦶꦪ​ꦲꦫꦤ꧀​ꦠꦶꦂꦠꦩꦂꦠ​ꦏꦩꦤ꧀ꦝꦤꦸ꧈​​ꦥꦂꦢꦶꦏꦤꦺ​ꦧꦚꦸ​ꦲꦸꦫꦶꦥ꧀꧈​​ꦭꦺꦴꦫꦺꦴ​