Kaca:Serat Asmaralaya.pdf/20

​ꦢꦭꦸ꧈​​ꦔꦸꦁꦱ​ꦒꦺꦴꦤ꧀​ꦏꦁ​ꦥꦿꦪꦺꦴꦒ꧈​​ꦥꦥꦤ꧀​ꦏꦁ​ꦥꦏꦤ꧀ꦠꦸꦏ꧀​ꦱꦼꦥꦶ꧉​​
​ꦤꦸꦭꦾ​ꦔꦿꦕꦸꦠ꧀​ꦥꦚ꧀ꦕꦢꦿꦶꦪ꧈​​ꦏ꧀ꦮꦱꦤꦶꦫ​ꦱꦶꦂꦤꦏ꧀ꦤ​ꦪ꧀ꦮ​ꦭꦸꦩꦫꦶꦱ꧀꧈​​ꦤꦺꦠꦿ​ꦭꦶꦪꦼꦥꦼꦤ꧀​ꦲꦤꦸꦗꦸ꧈​​ꦒꦿꦤꦶꦁ​ꦲꦂꦒ​ꦠꦸꦂ​ꦱꦺꦤ꧈​​ꦥꦿꦩꦤꦤ꧀ꦠ​ꦮꦺꦴꦂꦤ​ꦭꦶꦪꦼꦥꦶꦁ​ꦥꦤ꧀ꦢꦸꦭꦸ꧈​​ꦩꦸꦭꦠ꧀​ꦭꦸꦩꦏ꧀ꦱ​ꦤꦺꦁ​ꦲꦺꦴꦱ꧀ꦮ꧈​​ꦢꦺꦤ꧀​ꦱꦤ꧀ꦠꦺꦴꦱ​ꦪ꧀ꦮ​ꦒꦸꦩꦶꦁꦱꦶꦂ꧉​​
​ꦢꦾꦤ꧀​ꦤꦠ​ꦭꦏ꧀ꦱꦶꦠꦺꦁ​ꦲꦺꦴꦱ꧀ꦮ꧈​​ꦩꦃꦪ​ꦩꦚ꧀ꦗꦶꦔꦶꦫ​ꦢꦺꦤ꧀​ꦱꦫꦺꦃ​ꦫꦶꦫꦶꦃ꧈​​ꦮꦶꦤꦮꦱ꧀​ꦪ꧀ꦮ​ꦏꦺꦴꦁꦱꦶ​ꦮꦺꦴꦂ​ꦱꦸꦃ꧈​​ꦮꦺꦴꦂ​ꦭꦶꦪꦼꦥꦶꦁ​ꦥꦤꦶꦔꦭ꧀꧈​​ꦢꦺꦤ꧀​ꦒꦸꦩꦺꦴꦭꦺꦴꦁ​ꦊꦔꦶꦁ​ꦠꦾꦱ꧀​ꦠꦤ꧀ꦠꦫ​ꦠꦩ꧀ꦠꦸ꧈​​ꦫꦱꦤꦶꦁ​ꦲꦁꦒ​ꦏꦫꦱ꧈​​ꦗꦿꦺꦴ​ꦫꦺꦴꦱ꧀​ꦫꦺꦴꦱꦤ꧀​ꦏꦺꦁꦱꦼꦂ​ꦏꦺꦴꦱꦶꦏ꧀꧉​​
​ꦏꦠꦫꦶꦏ꧀​ꦤꦼꦔꦶꦁ​ꦥꦶꦫꦤ꧀ꦠꦾ꧈​​ꦠꦤ꧀​ꦲꦤ꧀ꦠꦫ​ꦒꦸꦩꦽꦩꦼꦠ꧀​ꦩꦫ​ꦩꦫꦶꦁ꧈​​ꦩꦫꦏ꧀​ꦮꦺꦴꦂ​ꦲꦺꦴꦱ꧀ꦮ​ꦫꦸꦩꦱꦸꦏ꧀꧈​​ꦪ꧀ꦮ​ꦮꦱ꧀​ꦢꦺꦤ꧀​ꦠꦼꦠꦼꦏ꧀​ꦱꦶꦫ꧈​​ꦱꦼꦫꦶꦁ​ꦫꦱ​ꦏꦫꦱ​ꦠꦿꦸꦱꦶꦁ​ꦱꦼꦱꦸꦁꦱꦸꦩ꧀꧈​​ꦱꦩꦤ꧀ꦠꦫ​ꦫꦱꦤꦶꦫ꧈​​ꦮꦺꦴꦫꦶꦁ​ꦥꦔꦿꦱ​ꦱꦶꦂꦤꦤꦶꦱ꧀꧉​​
​ꦏꦫꦶ​ꦏꦭꦫꦠꦶꦁ​ꦲꦠ꧀ꦩ꧈​​ꦮꦺꦴꦫꦶꦁ​ꦮꦂꦤ​ꦫꦸꦥ​ꦮꦸꦱ꧀​ꦩꦸꦭꦾ​ꦠꦸꦁꦒꦶꦭ꧀꧈​​ꦠꦸꦁꦒꦶꦭ꧀​ꦲꦶꦁ​ꦏꦴꦤꦤꦶꦥꦸꦤ꧀꧈​​ꦲꦤꦤꦶꦁ​ꦏꦤꦶꦔꦤ꧀꧈​​ꦏꦺꦴꦤꦁ​ꦲꦺꦴꦤꦁ​ꦩꦺꦤꦏ꧀​ꦲꦶꦁ​ꦏꦤꦶꦏ꧀ꦩꦠꦤ꧀​ꦤꦸꦁ꧈​​ꦲꦶꦁ​ꦏꦺꦴꦤꦺꦴ​ꦱꦏꦂꦱꦤꦶꦫ꧈​​ꦢꦺꦫ​ꦩꦿꦶꦃ​ꦏꦂꦏꦠꦶꦁ​ꦏꦥ꧀ꦠꦶ꧉​​
​ꦱꦪꦼꦏ꧀ꦠꦶ​ꦮꦸꦱ꧀​