ꦲꦭꦸꦤ꧀ꦤꦭꦸꦤ꧀ꦤꦒꦼꦭꦂ꧈ꦲꦮꦺꦴꦂꦱꦾꦫꦤ꧀ꦤꦶꦁꦠꦸꦫꦁꦒꦶꦧꦫꦶꦱ꧀ꦱꦼꦤ꧀ꦗꦠ꧈ꦭꦶꦂꦏꦶꦭꦠ꧀ꦭꦮꦤ꧀ꦛꦛꦶꦠ꧀ ꧃ꦗꦒꦧꦺꦭꦏꦭꦮꦤ꧀ꦮꦺꦴꦁꦏꦗꦶꦤꦼꦩꦤ꧀ꦩꦶꦮꦃꦮꦺꦴꦁꦢꦸꦫꦥꦠꦶꦔꦒꦼꦩ꧀ꦮꦲꦺꦴꦱ꧀ꦩꦩꦱ꧀ꦧꦸꦁꦔꦩ꧀ꦥꦺꦭ꧀ꦭꦮꦤ꧀ꦥꦺꦴꦤ꧀ꦛꦁ꧈ꦲꦕꦼꦭꦤꦏꦼꦫꦺꦮꦼꦱꦶꦭꦤ꧀ꦒꦼꦒꦼꦤ꧀ꦢꦺꦂꦫꦤ꧀ꦏꦸꦭꦩ꧀ꦧꦶꦱꦺꦴꦫꦱꦫꦶ ꧃ꦱꦏꦺꦃꦧꦭꦠꦤ꧀ꦏꦭꦶꦫꦸꦲꦶꦁꦕꦼꦥꦼꦁꦤ꧀ꦚ꧈ꦏꦮꦸꦭꦱꦫꦒꦼꦤ꧀ꦤꦶ꧈ꦚꦼꦥꦼꦁꦧꦼꦣꦶꦭ꧀ꦠꦶꦁꦒꦂ꧈ꦮꦠꦫꦏꦭꦶꦃꦤꦩ꧀ꦧꦁ꧈ꦱꦢꦪꦫꦱꦸꦏꦤ꧀ꦏꦸꦤꦶꦁ꧈ꦮꦸꦱ꧀ꦱꦩꦶꦲꦗꦂ꧈ꦲꦤꦺꦁꦭꦸꦲꦸꦂꦠꦸꦫꦁꦒꦶ ꧃ꦭꦶꦂꦫꦢꦶꦠꦾꦭꦭꦪꦸꦭꦮꦤ꧀ꦧꦤ꧀ꦢꦺꦫ꧈ꦢꦭꦸꦒ꧀ꦢꦒ꧀ꦠꦶꦤꦺꦴꦤ꧀ꦤꦱꦿꦶ꧈ꦭꦶꦂꦱꦼꦏꦂꦱꦠꦩꦤ꧀ꦒꦒꦩ꧀ꦩꦤ꧀ꦧꦼꦭꦁꦧꦁꦔꦤ꧀ꦧꦼꦣꦶꦭ꧀ꦒꦼꦣꦺꦩꦁꦏꦠ꧀ꦝꦶꦔꦶꦤ꧀ꦮꦼꦭꦸꦂꦲꦶꦁꦩꦂꦒ꧈ꦒꦒꦩꦤ꧀ꦤꦔꦶꦧꦼꦏ꧀ꦏꦶ ꧃ꦒꦸꦭꦁꦒꦸꦭꦁꦱꦩꦶꦏꦸꦭꦩ꧀ꦧꦶꦱꦁꦏꦼꦭꦠ꧀ꦫꦶꦤꦁꦏꦼꦥ꧀ꦏꦸꦠꦁꦥꦸꦠꦶꦃ꧈ꦔꦁꦒꦺꦴꦥꦼꦣꦁꦢꦮ꧈ꦕꦭꦤꦧꦺꦴꦭꦁꦧꦺꦴꦭꦁ꧈ꦏꦺꦴꦥꦾꦲꦺꦭꦭꦤ꧀ꦖꦸꦂꦏꦸꦤꦶ꧈ꦮꦺꦴꦁꦏꦮꦤ꧀ꦢꦱ꧈ꦧꦽꦁꦔꦺꦴꦱ꧀ꦱꦺꦢꦶꦧꦸꦤ꧀ꦝꦼꦭ꧀ꦭꦶ ꧃ꦱꦧꦿꦒꦣꦏꦮꦤ꧀ꦢꦱꦗꦒꦧꦺꦭ꧈ꦱꦩꦾꦫꦱꦸꦏꦤ꧀ꦥꦸꦠꦶꦃ꧈ꦱꦩꦶꦣꦼꦱ꧀ꦛꦂꦗꦶꦁꦒ꧈ꦕꦭꦤꦤꦶꦥꦸꦤ꧀ꦤꦧꦁ꧈ꦱꦩꦾꦱꦶꦏꦼꦥ꧀ꦏꦼꦥꦼꦁꦕꦸꦤ꧀ꦢꦿꦶꦏ꧀ꦮꦺꦴꦁꦒꦒꦁꦱꦶꦁꦔꦤ꧀ꦥꦣꦮꦤꦶꦔꦼꦩꦱ꧀ꦱꦶ ꧃ꦲꦂꦪꦲꦶꦉꦁꦏꦼꦭꦩ꧀ꦧꦶꦤꦺꦧꦉꦁꦠꦤ꧀ꦢꦁ꧈ꦕꦭꦤꦫꦤ꧀ꦠꦺꦮꦼꦱ꧀꧈ꦠꦶꦪꦁꦏꦮꦤ꧀ꦢꦱꦣꦱ꧀ꦛꦗꦶꦁꦒꦤꦺꦴꦤꦺꦴꦩꦤ꧀ꦤ꧀ꦚꦼꦏꦼꦭ꧀ꦠꦩꦺꦁꦭꦮꦤ꧀ꦭꦼꦩ꧀ꦧꦶꦁ꧈ꦮꦸꦱ꧀ꦱꦩꦶꦲꦗꦂꦲꦶꦔ
Kaca:Serat Damar Wulan.pdf/68
Kaca iki wis dikorèksi