Kaca iki wis dikorèksi
20
ꦏꦥꦕꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦢꦭꦚ꧀ꦕꦁꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦲꦝꦥꦸꦂꦥꦿꦠꦺꦭꦤ꧀ꦱꦼꦫꦠ꧀ꦠꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦮꦂꦟꦶ꧉ꦱꦧꦼꦤ꧀ꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦠꦤ꧀ꦏꦶꦤꦥꦶꦤꦁꦒꦶꦃ꧈ꦲꦶꦁꦏꦁꦫꦶꦤꦶꦥ꧀ꦠꦲꦶꦁꦱꦺꦭ꧈ꦲꦶꦁꦭꦺꦴꦒꦩ꧀ꦲꦸꦠꦮꦶꦲꦶꦁꦏꦿꦺꦴꦥꦏ꧀ꦭꦗꦼꦁꦏꦕꦸꦟ꧀ꦝꦸꦏ꧀ꦏꦏꦼꦤ꧀ꦏꦭꦶꦪꦤ꧀ꦥꦿꦠꦺꦭꦤ꧀ꦮꦲꦸ꧈ꦱꦂꦠꦭꦗꦼꦁꦏꦺꦩꦮꦺꦴꦤ꧀ꦱꦒꦼꦢ꧀ꦩꦁꦒꦶꦃꦱꦼꦫꦠ꧀ꦠꦤ꧀ꦲꦶꦁꦏꦁꦔꦺꦩ꧀ꦥꦼꦫꦶ꧈ꦱꦤꦢꦾꦤ꧀ꦧꦺꦴꦠꦼꦤ꧀ꦩꦼꦯ꧀ꦛꦶꦪꦺꦤ꧀ꦔꦥ꧀ꦭꦏ꧀ꦏꦶ꧈ꦲꦺꦮꦢꦺꦤꦺꦱꦏꦶꦁꦥꦩꦂꦱꦸꦢꦶꦱꦲꦥꦁꦒꦶꦭꦸꦠ꧀ꦠꦶꦥꦸꦤ꧀ꦱꦠꦼꦩꦃꦱꦒꦼꦢ꧀ꦤꦧꦸꦏꦤꦶꦲꦺꦮꦼꦢ꧀ꦥꦏꦺꦮꦼꦢ꧀ꦢꦶꦁꦱꦱ꧀ꦠꦿꦲꦶꦁꦏꦁꦚꦊꦤꦺꦃꦧꦺꦴꦠꦼꦤ꧀ꦱꦩꦶꦏꦭꦶꦪꦤ꧀ꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦢꦺꦤꦺꦲꦶꦁꦱꦥꦸꦤꦶꦏꦤꦶꦥꦸꦤ꧀ꦱꦩ꧀ꦥꦸꦤ꧀ꦠꦸꦩꦶꦤ꧀ꦢꦏ꧀ꦭꦩꦶꦔꦤ꧀ꦠꦺꦴꦱ꧀ꦱꦒꦼꦢ꧀ꦤꦼꦫꦁꦔꦏꦼꦤ꧀ꦱꦢꦪꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭ꧈ꦲꦶꦁꦭꦺꦴꦒꦩ꧀ꦱꦂꦠꦲꦶꦁꦏꦿꦺꦴꦥꦏ꧀ꦏꦟ꧀ꦛꦶꦱꦧꦂꦱꦮꦠꦮꦶꦱ꧀ꦥꦤꦟ꧀ꦝꦶꦁꦔꦶꦥꦸꦤ꧀ꦗꦚ꧀ꦗꦶꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦫꦶꦱꦏ꧀ꦏꦺꦩꦮꦺꦴꦤ꧀ꦱꦏꦶꦁꦏꦼꦭꦩꦺꦤ꧀꧈ꦱꦏꦶꦁꦫꦺꦏꦢꦪꦲꦶꦁꦏꦁꦩꦏꦠꦼꦤ꧀ꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦶꦫꦏꦶꦫ꧈ꦲꦶꦁꦏꦁꦏꦕꦫꦶꦪꦺꦴꦱ꧀ꦱꦏꦼꦤ꧀ꦢꦺꦤꦶꦁꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦠꦤ꧀ꦥꦩꦮꦶꦫꦔꦸꦫꦔꦸꦲꦶꦁꦩꦤꦃꦢꦺꦤꦶꦁꦱꦸꦩꦼꦭꦁꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦱꦭꦺꦴꦁꦱꦸꦢꦮꦼꦮꦃꦱꦏꦶꦁꦥꦏꦂꦠꦶꦤꦶꦁꦥꦔꦫꦁꦲꦶꦁꦏꦁꦏꦤ꧀ꦠꦸꦤ꧀ꦏꦤ꧀ꦠꦸꦤ꧀ꦲꦸꦠꦮꦶꦏꦱꦼꦱꦼꦭ꧀ꦭꦤ꧀ꦲꦶꦁꦲꦁꦒꦶꦠ꧀ꦠꦤ꧀ꦱꦏꦶꦁꦥꦩꦁꦒꦶꦃꦲꦶꦥꦸꦤ꧀ꦥꦶꦪꦩ꧀ꦧꦏ꧀ꦩꦶ