Kaca iki wis dikorèksi
26
ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦭꦗꦼꦁꦏꦉꦩ꧀ꦧꦒ꧀ꦲꦮꦶꦠ꧀ꦱꦏꦶꦁꦲꦁꦱꦭ꧀ꦥꦶꦠꦸꦭꦸꦁꦔꦶꦥꦸꦚ꧀ꦗꦶꦩ꧀ꦥꦼꦫꦶꦥꦿꦪꦁꦔꦤ꧀꧈
꧋ꦧꦸꦧꦸꦏꦥꦸꦤꦶꦏꦠꦼꦏ꧀ꦱꦶꦃꦏꦺꦔꦶꦁꦏꦲꦸꦭꦸꦂꦩꦭꦶꦃꦲꦶꦁꦏꦁꦭꦁꦏꦸꦁꦥꦚ꧀ꦗꦁ꧈ꦲꦤꦔꦶꦁꦥꦤ꧀ꦢꦸꦒꦶꦏꦸꦭꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦱꦩ꧀ꦥꦸꦤ꧀ꦕꦼꦏꦥ꧀ꦩꦶꦤꦺꦴꦁꦏꦥꦶꦠꦼꦢꦃꦏꦢꦺꦴꦱ꧀ꦥꦸꦤ꧀ꦢꦶꦩꦼꦁꦒꦃꦥꦩꦂꦱꦸꦢꦶꦤꦶꦥꦸꦤ꧀ꦥꦫꦱꦒꦼꦢ꧀ꦧꦺꦴꦁꦱꦌꦫꦺꦴꦦꦃꦝꦠꦼꦁꦱꦩꦸꦏꦮꦶꦱ꧀ꦭꦁꦏꦸꦁꦩꦭꦶꦃꦝꦠꦼꦁꦧꦧ꧀ꦏꦮꦿꦸꦃꦧꦧꦢ꧀꧈ ꧋ꦲꦶꦁꦮꦸꦱꦤꦩꦼꦁꦒꦃꦫꦶꦫꦶꦁꦏꦼꦱ꧀ꦱꦤ꧀ꦤꦶꦥꦸꦤ꧀꧇ 1.꧋ꦥꦫꦥꦔꦫꦁꦧꦧꦢ꧀ꦠꦸꦮꦶꦤ꧀ꦱꦤꦺꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦩꦼꦱ꧀ꦛꦶꦔꦁꦒꦶꦠ꧀ꦲꦁꦒꦶꦠ꧀ꦲꦶꦁꦱꦥꦶꦏꦗꦼꦁꦔꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦺꦩꦮꦺꦴꦤ꧀ꦲꦶꦁꦏꦁꦠꦤ꧀ꦥꦮꦮꦠꦺꦴꦤ꧀꧈ꦲꦸꦠꦮꦶꦧꦺꦴꦠꦼꦤ꧀ꦩꦼꦱ꧀ꦛꦶꦲꦚ꧀ꦗꦫꦒ꧀ꦒꦺꦴꦫꦺꦴꦃꦔꦫꦁꦧꦧꦢ꧀ꦲꦶꦁꦏꦁꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦚꦠꦤꦶꦥꦸꦤ꧀ ꦲꦤꦔꦶꦁꦤꦩꦸꦁꦏꦧꦼꦏ꧀ꦠꦱꦏꦶꦁꦠꦸꦠꦸꦤ꧀ꦤꦤ꧀ꦱꦏꦶꦁꦥꦔꦗꦂꦫꦤ꧀ꦱꦏꦶꦁꦮꦼꦮꦼꦁꦏꦺꦴꦤ꧀ꦱꦱꦿꦮꦸꦁꦔꦤ꧀ꦤꦶꦥꦸꦤ꧀ꦱꦂꦠꦱꦏꦶꦁꦏꦸꦏꦸꦧ꧀ꦧꦤ꧀ꦤꦶꦁꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦏꦛꦃꦱꦸꦁꦏꦤ꧀ꦤꦤ꧀ꦚꦠꦏ꧀ꦲꦏꦼꦤ꧀ꦲꦶꦁꦏꦁꦥꦼꦂꦭꦸꦏꦱꦸꦩꦼꦉꦥ꧀ꦥꦤ꧀ꦲꦶꦁꦏꦁꦥꦚ꧀ꦕꦺꦤ꧀ꦏꦺꦔꦶꦁꦏꦒꦼꦒ꧈ꦮꦼꦏꦱ꧀ꦱꦤ꧀ꦏ꧀ꦭꦶꦤ꧀ꦠꦸ꧈ꦲꦶꦁꦒꦶꦃꦭꦗꦼꦁꦢꦶꦥꦸꦤ꧀ꦱꦼꦫꦠ꧀ꦠꦶꦏꦺꦩꦮꦺꦴꦤ꧀ꦠꦸꦩꦿꦥ꧀ꦲꦶꦁꦏꦫꦁꦔꦤ꧀ꦤꦶꦥꦸꦤ꧀꧈
2.꧋ꦲꦠꦸꦂꦫꦤ꧀ꦤꦶꦁꦱꦏ꧀ꦱꦶ(ꦥꦔꦫꦁꦩꦼꦁꦒꦃꦲꦶꦁꦧꦧꦢ꧀)ꦠꦼꦢꦃꦏ