Kaca iki wis dikorèksi
33
ꦫꦡ꧈ꦩꦏꦠꦼꦤ꧀ꦩꦭꦶꦃꦭꦭꦩ꧀ꦥꦃꦲꦤ꧀ꦲꦶꦁꦫꦶꦁꦒꦶꦠ꧀ꦥꦸꦂꦮꦕꦕꦫꦁꦔꦤ꧀ꦲꦸꦒꦶꦱꦏꦶꦁꦱꦼꦫꦠ꧀ꦢꦺꦴꦔꦺꦁ꧇ꦩꦴꦭꦨꦴꦫꦡ꧈ꦲꦶꦁꦏꦁꦭꦁꦏꦸꦁꦱꦼꦥꦸꦃꦠꦶꦤꦶꦩ꧀ꦧꦁꦱꦼꦫꦠ꧀ꦨꦿꦡꦪꦸꦢ꧉
꧋ꦲꦶꦁꦤꦭꦶꦏꦤꦶꦥꦸꦤ꧀ꦠꦶꦪꦁꦲꦶꦟ꧀ꦝꦸꦲꦔꦗꦮꦶ꧈ꦧꦺꦴꦠꦼꦤ꧀ꦔꦩꦸꦁꦔꦏꦼꦤ꧀ꦤꦸꦭꦂꦫꦏꦼꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦤꦶꦥꦸꦤ꧀ꦏꦺꦩꦮꦺꦴꦤ꧀ꦝꦠꦼꦁꦠꦶꦠꦶꦪꦁꦗꦮꦶ꧈ꦢꦭꦃꦏꦉꦤꦤ꧀ꦤꦶꦥꦸꦤ꧀ꦠꦶꦠꦶꦪꦁꦗꦮꦶꦲꦶꦁꦒꦶꦃꦏꦧ꧀ꦭꦺꦧꦺꦂꦫꦤ꧀꧈ꦱꦼꦫꦠ꧀ꦱꦼꦫꦠ꧀ꦢꦺꦴꦔꦺꦁꦮꦲꦸꦏꦥꦼꦛꦶꦏ꧀ꦢꦺꦤꦶꦁꦠꦶꦠꦶꦪꦁꦗꦮꦶꦱꦂꦠꦏꦫꦶꦁꦏꦼꦱ꧀ꦥꦸꦤꦥꦩꦭꦶꦃꦏꦕꦫꦁꦲꦶꦁꦭꦭꦩ꧀ꦥꦃꦲꦤ꧀ꦮꦂꦟꦶꦮꦂꦟꦶ꧈ꦤꦩꦤꦩꦤꦶꦥꦸꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦮꦲꦸꦭꦗꦼꦁꦏꦁꦒꦺꦤꦩꦤꦶꦁꦥꦁꦒꦺꦤ꧀ꦤꦤ꧀ ꦉꦢꦶ꧈ꦭꦺꦥꦺꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦥꦸꦭꦺꦴꦗꦮꦶ꧈ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦏꦠꦮꦶꦱ꧀ꦏꦢꦺꦴꦱ꧀ꦏꦭꦩ꧀ꦥꦃꦲꦤ꧀ꦱꦪꦼꦏ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦚ꧀ꦗꦩꦤ꧀ꦲꦶꦁꦠꦤꦃꦗꦮꦶꦠꦸꦮꦶꦤ꧀ꦲꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦟꦺꦢꦼꦂꦭꦤ꧀ꦏꦺꦔꦶꦁꦏꦫꦶꦁꦏꦼꦱ꧀ꦱꦂꦠꦏꦥꦺꦫꦁꦱꦏꦮꦤ꧀꧇ꦲꦶꦁꦏꦁꦱꦥꦶꦱꦚ꧀ꦗꦩꦤ꧀ꦤꦶꦥꦸꦤ꧀ꦏꦭꦠꦶꦪꦁꦗꦮꦶꦠꦼꦏ꧀ꦱꦶꦃꦩꦗꦼꦁꦱꦏꦶꦁꦏꦗꦼꦁꦔꦶꦥꦸꦤ꧀ꦥꦶꦪꦩ꧀ꦧꦏ꧀ꦠꦼꦒꦼꦱ꧀ꦱꦶꦥꦸꦤ꧀ꦢꦺꦫꦺꦁꦱꦫꦮꦸꦁꦔꦤ꧀ꦏꦭꦶꦪꦤ꧀ꦱꦤꦺꦱ꧀ꦧꦺꦴꦁꦱ꧈ꦢꦺꦫꦺꦁꦏꦠꦸꦭꦂꦫꦤ꧀ꦏꦮꦿꦸꦃꦲꦶꦥꦸꦤ꧀ꦧꦺꦴꦁꦱꦱꦤꦺꦱ꧀ꦢꦶꦥꦸꦤ꧀ꦮꦱ꧀ꦠꦤꦶꦗꦩꦤ꧀ꦏꦭꦸꦛꦸꦏ꧀ꦲꦸꦠꦮꦶꦏ꧀ꦭꦸꦛꦸSerat Pararaton I.
