Kaca:Serat Pararaton.pdf/42

Kaca iki wis dikorèksi

42

ꦩꦭꦶꦃ​ꦠꦤ꧀ꦝ​ꦱꦏ꧀ꦱꦶꦤꦶꦥꦸꦤ꧀꧈​ꦭꦩꦥꦲꦶꦁ​ꦥꦭꦪꦫꦤ꧀​ꦲꦶꦁ​ꦏꦶꦢꦸꦭ꧀​ꦩꦼꦢꦭ꧀​ꦲꦶꦁ​ꦥꦿꦲꦶꦥꦶꦠꦤ꧀​ꦱꦒꦤ꧀ꦠꦼꦤ꧀​ꦱꦲꦤ꧀ꦠꦮꦶꦱꦶꦥꦸꦤ꧀​ꦥꦊꦩ꧀ꦧꦁ​ꦲꦏꦭꦶꦲꦤ꧀​ꦧꦁꦏꦏ꧀꧉​ꦥꦿꦩꦶꦭ​ꦥꦸꦭꦺꦴ​ꦧꦶꦭꦶꦠꦺꦴꦤ꧀​ꦲꦶꦁ​ꦱꦊꦧꦼꦠꦶꦁ​ꦠꦻꦴꦤ꧀​1292​ꦏꦱꦸꦩꦼꦂꦲꦼꦥꦤ꧀​ꦫꦸꦩꦶꦪꦶꦤ꧀​ꦥꦶꦪꦩ꧀ꦧꦏ꧀​ꦝꦠꦼꦁ​ꦧꦁꦱ​ꦕꦶꦤ꧈ꦤꦭꦶꦏ​ꦧꦁꦱ​ꦕꦶꦤ​ꦁꦭꦸꦫꦸꦒ꧀​ꦥꦼꦫꦁ​ꦝꦠꦼꦁ​ꦠꦤꦃ​ꦗꦮꦶ​ꦩꦮꦶ​ꦧꦿꦒꦢ​ꦧꦻꦠ​ꦥꦼꦫꦁ​ꦏꦛꦃ​ꦩꦿꦠꦤ꧀ꦝꦤꦶ​ꦪꦼꦤ꧀​​ꦭꦩ꧀ꦥꦲꦶꦥꦸꦤ꧀​ꦧꦿꦒꦢ​ꦧꦻꦠ​ꦏꦛꦃ​ꦮꦻꦴ​ꦩꦼꦢꦭ꧀​ꦲꦶꦁꦁꦫꦶꦏꦸ꧉​ꦥꦸꦤꦥ​ꦩꦭꦶꦃ​ꦢꦸꦩꦸꦒꦶꦤꦶꦥꦸꦤ꧀​ꦲꦶꦁ​ꦥꦸꦭꦺꦴ​ꦗꦮꦶ​ꦩꦼꦢꦭ꧀​ꦲꦶꦁ​ꦱꦒꦤ꧀ꦠꦼꦤ꧀​ꦱꦏꦶꦢꦸꦭꦶꦁ​ꦥꦸꦭꦺꦴ​ꦩꦢꦸꦫ꧈​ꦧꦺꦴꦠꦼꦤ꧀​ꦩꦼꦢꦭ꧀​ꦲꦶꦁ​ꦱꦊꦫꦶꦥꦸꦤ꧀꧈​ꦩꦶꦠꦸꦫꦸꦠ꧀​ꦕꦫꦶꦪꦺꦴꦱ꧀​ꦲꦶꦁꦏꦁ​ꦧꦝꦼ​ꦏꦱꦼꦧꦸꦠ꧀​ꦲꦶꦁ​ꦮꦶꦁꦏꦶꦁ꧉ ꧋ꦠꦶꦠꦶꦪꦁꦥꦭꦪꦂ​ꦤꦧꦁꦱ​ꦲꦶꦤ꧀ꦝꦻꦏꦭ​ꦲꦶꦁ​ꦗꦩꦤ꧀​ꦱꦩꦤ꧀ꦠꦶꦤ꧀꧈​ꦱꦂꦠ​ꦠꦸꦫꦸꦤꦶꦥꦸꦤ꧀​꧈​ꦥꦸꦤꦥ​ꦩꦭꦶꦃ​ꦭꦩꦶꦭꦩꦶ​ꦧꦁꦱ​ꦕꦶꦤ꧈​ꦩꦼꦤꦮꦶ​ꦧꦝꦼ​ꦝꦠꦼꦁ​ꦏꦥꦸꦭꦺꦴꦲꦤ꧀​ꦩꦺꦴꦭꦺꦴꦏꦸꦱ꧀꧈​ꦲꦶꦁꦏꦁ​ꦭꦩ꧀ꦥꦲꦶꦥꦸꦤ꧀​ꦱꦏꦶꦁ​ꦏꦭꦃ​ꦱꦏꦼꦭꦁꦏꦸꦁ​ꦠꦺꦧꦶꦃ꧈​ꦫꦸꦩꦲꦺꦴꦱ꧀​ꦥꦼꦂꦭꦸ​ꦱꦁꦲꦼꦠ꧀​ꦲꦁꦒꦝꦲꦶ​ꦥꦥꦤ꧀​ꦥꦏꦼꦤ꧀ꦢꦼꦭꦤ꧀꧈​ꦏꦁꦒꦼ​ꦲꦁꦲꦼꦤ꧀ꦠꦺꦴꦱꦶ​ꦩꦼꦤꦮꦶ​ꦢꦸꦩꦸꦒꦶꦤꦶꦥꦸꦤ꧀​ꦲꦶꦁ​ꦩꦂꦒꦶ​ꦤꦸꦁꦏꦏ꧀​ꦩꦁꦱ​ꦲꦔꦶꦤꦶꦥꦸꦤ꧀​ꦧꦺꦴꦠꦼꦤ꧀​ꦥꦿꦪꦺꦴꦒꦶ꧈​​ꦩꦁꦏ​ꦔꦗꦼꦔꦏꦼꦤ꧀​ꦧꦝꦼ​ꦊꦭꦪꦫꦤ꧀​ꦠꦸꦫꦸꦠ꧀​ꦥꦔꦸꦭ꧀​ꦲꦸꦠꦮꦶ​ꦉꦢꦶ​ꦲꦶꦁꦏꦁ​ꦩꦸꦠꦮꦠꦺꦴ